tvati

აქონდროპლაზიის მქონე ერთ-ერთი ბავშვის დედის, ეკა ჭონქაძის თქმით, პრეზიდენტმა სალომე ზურაბიშვილმა მშობლებს დახმარება აღუთქვა, თავისი შესაძლებლობისამებრ დააჩქარებინოს ჯანდაცვის სამინისტროს საჭირო მედიკამენტის შემოტანა, თუმცა ეკა ჭონქაძე დასძენს, რომ პრეზიდენტმა სკეპტიკურად შეაფასა, რამდენად გაითვალისწინებს მის პოზიციას პრემიერ-მინისტრი. აქონდროპლაზიის მქონე ბავშვთა მშობლები საპროტესტო აქციებს რამდენიმე თვეა, მართავენ. მათი მოთხოვნაა, სახელმწიფომ საქართველოში შემოიტანოს და დააფინანსოს ბავშვებისთვის აუცილებელი პრეპარატი Voxzogo, რომელიც ავტორიზებულია აშშ-ის წამლისა და საკვების ადმინისტრაციის (FDA), ასევე ევროპის წამლის სააგენტოს (EMA) მიერ. ჯანდაცვის სამინისტროს განმარტებით, მედიკამენტთან დაკავშირებით, მწირი მონაცემების არსებობის გამო, მსოფლიოს განვითარებული ქვეყნები ფრთხილად ეკიდებიან აღნიშნულ საკითხს, რათა მაქსიმალურად გარანტირებული იყოს პაციენტის უსაფრთხოება. publika

დიპლომატიურ სტატუსთან შეუთავსებელი საქმიანობის გამო, შვედეთი ხუთ რუს დიპლომატს ქვეყნიდან აძევებს, – ამის შესახებ შვედეთის საგარეო საქმეთა სამინისტროში აცხადებენ. „როიტერის“ ცნობით, შვედეთმა რუსეთის ელჩი გამოიძახა და აცნობა, რომ საელჩოში დასაქმებულმა ხუთმა ადამიანმა, დიპლომატიური ურთიერთობების შესახებ ვენის კონვენციასთან შეუთავსებელი ქმედებების გამო, ქვეყანა უნდა დატოვოს. მედიის ცნობით, რუსეთს ამ შემთხვევასთან დაკავშირებით კომენტარი არ გაუკეთებია. შეგახსენებთ, მანამდე ნორვეგიამ, გერმანიამ, საფრანგეთმა და ბელგიამ სავარაუდო ჯაშუშობის მიზეზით რუსი დიპლომატები ქვეყნიდან გააძევეს. ავტორი - სალომე თორაძე

არ ვიცით, როდის დასრულდება ომი, მაგრამ ვიცით, რომ რუსული აგრესია არის ტოქსიკური ხასიათის, რომელიც ერთხელ და სამუდამოდ უნდა დასრულდეს - ეს ძალიან კარგად ესმის საქართველოს და ქართველ ხალხს, - ამის შესახებ ნატოს გენერალურმა მდივანმა იენს სტოლტენბერგმა საქართველოს პრემიერ-მინისტრ ირაკლი ღარიბაშვილთან შეხვედრის შემდეგ გამართულ ერთობლივ ბრიფინგზე განაცხადა. სტოლტენბერგის თქმით, დღევანდელ შეხვედრაზე ისაუბრეს „რუსეთის აგრესიულ ომზე და უკრაინის გვერდით დგომის მნიშვნელობაზე“. „გასულ კვირას ვიყავი კიევში. ჩემი გზავნილი პრეზიდენტ ზელენსკის მიამრთ იყო ნათელი. ნატო უკრაინის გვერდით დგას დღეს და იდგება იმდენ ხანს, რამდენიც საჭიროა. ჩვენ არ ვიცით, როდის დასრულდება ომი, მაგრამ ჩვენ ვიცით, რომ რუსული აგრესია არის ტოქსიკური ხასიათის, რომელიც ერთხელ და სამუდამოდ უნდა დასრულდეს. ეს ძალიან კარგად ესმის საქართველოს და ქართველ ხალხს”, - განაცხადა სტოლტენბერგმა, რომლის განცხადების ტექსტიც ნატო-ს ვებ-გვერდზე გავრცელდა. ინტერპრესნიუსი

გარემოს დაცვისა და სოფლის მეურნეობის მინისტრის პირველი მოადგილე თანამდებობას ტოვებს. ინფორმაცია, გელა ხანიშვილის გადადგომის შესახებ თავდაპირველად BMG-მ გაავრცელა. სოფლის მეურნეობის სამინისტროში „ნეტგაზეთს“ განუცხადეს, რომ ხანიშვილი პოსტს პირადი განცხადების საფუძველზე ტოვებს, თუმცა განცხადება ჯერ არ დაუკმაყოფილებიათ. გელა ხანიშვილი 2016 წლიდან იკავებს სოფლის მეურნეობის მინისტრის მოადგილის პოსტს. ნეტგაზეთი ცდილობს ხანიშვილთან დაკავშირებას. ნეტგაზეთი

აქონდროპლაზიის სინდრომის მქონე ბავშვების მშობლები საქართველოს პრეზიდენტს სალომე ზურაბიშვილს შეხვდნენ. შეხვედრა ათონელის რეზიდენციაში გაიმართა. როგორც ერთ-ერთმა მშობელმა შეხვედრის დასრულების შემდეგ თქვა, პრეზიდენტმა გამოთქვა მზაობა, ჩაერთოს პროცესში, რათა "დაჩქარდეს მოვლენები, შეიქმნას დროულად ეროვნული პროტოკოლი და დროულად შემოვიდეს საქართველოში საჭირო მედიკამენტი - ვოზორიტიდი". "ამ წუთას დამთავრდა შეხვედრა პრეზიდენტთან, ქალბატონ სალომესთან. მშობლები შევხვდით. ჩვენ ქალბატონ სალომეს ვუთხარით ჩვენი მდგომარეობის შესახებ, მან იცოდა ეს ამბავი და გვითხრა, რომ ამ ხნის განმავლობაში თვალყურს გვადევნებდა და გამოთქვა მან მზადყოფნა, იმის გამო, რომ გუშინ პრემიერის მიერ იყო დასახელებული, რომ თანხა არ არის პრობლემა, ბიუჯეტში არის საჭირო თანხა, საჭიროა კიდევ მეტად დარწმუნება, რომ მედიკამენტი არის საკმაოდ ეფექტური, ის დაგვეხმარება, გაგვიზიაროს ევროპის ქვეყნების საუკეთესო გამოცდილება და ჩვენი ქართველი ექიმები გადაამზადოს ამ მიმართულებით და კიდევ მეტი აქტივობა გავაკეთოთ იმისთვის, რომ რაც შეიძლება სწრაფად დაიწეროს ეროვნული პროტოკოლი, რომელშიც ჩართული იქნებიან ევროპის მოწინავე ქვეყნები და გაზიარებული იქნება მათი გამოცდილება. ეს ჩვენთვის არის ძალიან დიდი მხარდაჭერა, იმისათვის, რომ დაჩქარდეს მოვლენები, შეიქმნას დროულად ეროვნული პროტოკოლი და როგორც დაპირება იყო მინისტრის, დროულად შემოვიდეს საქართველოში ეს მედიკამენტი ჩვენი შვილებისთვის", - თქვა ერთ-ერთმა მშობელმა. კითხვაზე, გამოთქვა თუ არა პრეზიდენტმა მზაობა, რომ საკითხთან დაკავშირებით შეხვდეს პრემიერმინისტრსა და მთავრობის წევრებს, მშობლების თქმით, "ამ თემაზე არ უსაუბრიათ". "ჩვენ ამ თემაზე საუბარი არ გვქონია, ვისაუბრეთ ჩვენს საჭიროებებზე, პრობლემებზე და ქალბატონმა სალომემ გამოთქვა სრული მზადყოფნა იმისთვის, რომ აღნიშნული მედიკამენტი, რაც შეიძლება მალე შემოვიდეს საქართველოში", - თქვა ერთ-ერთმა მშობელმა. *** აქონდროპლაზიის დიაგნოზის მქონე ბავშვების მშობლები მე-7 დღეა, მთავრობის კანცელარიასთან ღამეს ათევენ - ისინი მოითხოვენ, სახელმწიფომ ბიუჯეტიდან მედიკამენტისთვის საჭირო თანხები გამოყოს, რათა ბავშვებმა მკურნალობა შეძლონ. სახელმწიფოსგან მიტოვებული მშობლები შვილებისთვის 19 აპრილს აქონდროპლაზიის დიაგნოზის მქონე ბავშვების მშობლებს ჯანდაცვის მინისტრი ზურაბ აზარაშვილი შეხვდა, თუმცა შეხვედრა მშობლებისთვის უშედეგო აღმოჩნდა. ერთ-ერთმა მშობლემა შეხვედრის დასრულების შემდეგ თქვა, რომ მინისტრი მის მიერ გაკეთებულ განცხადებებში ცრუობს. მისივე თქმით, სხდომაზე არ მიეცათ კონკრეტული კითხვების დასმის შესახლებლობა და მინისტრმა მხოლოდ მისთვის საჭირო შეკითხვებს უპასუხა. შეხვედრის შემდეგ ზურაბ აზარაშვილმა ჟურნალისტებთან თქვა, რომ მშობლებს დეტალურად გააცნო საკოორდინაციო საბჭოს მიერ მიღებული გადაწყვეტილება. მინისტრი ირწმუნება, რომ არც ერთ ქვეყანაში მედიკამენტ ვოზორიტიდის სახელმწიფო ბიუჯეტიდან დაფინანსება არ ხდება. აქონდროპლაზია ყველაზე გავრცელებული ფორმაა სკელეტური დისპლაზიისა [ძვლოვანი სტრუქტურის ზრდის შეფერხება, ანომალიური განვითარება]. იგი 40000-ში ერთ ახალშობილს უდგინდება და ხასიათდება კიდურების ზრდის შეფერხებით და იწვევს ხერხემლისა და თავის ქალის ანომალიურ განვითარებას. მედიკამენტ ვოზორიტიდს შეუძლია დაეხმაროს აქონდროპლაზიის მქონე ადამიანებს. ამ მედიკამენტით ამერიკასა და ევროპაში უკვე სარგებლობენ. ის ბოჭავს სპეციფიკურ რეცეპტორს, რომელსაც ეწოდება ნატრიურეზული პეპტიდური რეცეპტორ-B, რომელიც ამცირებს ზრდის რეგულაციის გენის აქტივობას და ასტიმულირებს ძვლის ზრდას. კომპანია BioMarin, რომელმაც შექმნა წამალი ვოზორიტიდი და რომლის მედიკამენტიც VOXZOGO (vosoritide) დადასტურებულია, როგორც ამერიკის სურსათისა და წამლის სააგენტოს (FDA)-ის ასევე ევროკავშირში სამედიცინო პროდუქტების ზედემხედველის - ევროპის მედიცინის სააგენტოს (EMA) მიერ, წამლით 1-წლიანი მკურნალობის საშუალო ფასად 2021 წელს $300 000 დოლარს ასახელებდა. ფორმულა

"საერთაშორისო რესპუბლიკური ინსტიტუტის (IRI)" ახალი კვლევის თანახმად, გამოკითხულთა 39% აცხადებს, რომ არავითარ შემთხვევაში არ მისცემდა ხმას „ნაციონალურ მოძრაობას“, გამოკითხულთა 34% კი არავითარ გარემოებაში არ მისცემდა ხმას „ქართულ ოცნებას“. კითხვაზე, „რომელ პარტიებს არ დაუჭერდით ხმას არავითარ შემთხვევაში, ასეთის არსებობის შემთხვევაში?“, 39 %-მა „ნაციონალურ მოძრაობა“ დაასახელა, 34 % -მა - „ქართული ოცნება“, 16%-მა - „კონსერვატიული მოძრაობა – ალტ-ინფო“, 13-მა- „გირჩი მეტი თავისუფლება – ზურაბ გირჩი ჯაფარიძე“, 13%-მა- „ევროპული საქართველო, გიგა ბოკერია“, 13%-მა - „პატრიოტთა ალიანსი“, 13%-მა - „გირჩი“, 8% -მა- „ლეიბორისტული პარტია, შალვა ნათელაშვილი“, 7-7%-მა - „სტრატეგია აღმაშენებელი, გიორგი ვაშაძე“ და „დროა, ელენე ხოშტარია“, 6%-მა - „ლელო“, 5%-მა - „ხალხის ძალა“, 4%-მა - „გიორგი გახარია საქართველოსთვის“, 3%-მა - „მოქალაქეები – ალეკო ელისაშვილი“, 1%-მა - „ხალხისთვის – ანა დოლიძე“ – 1%, 1%-მა - სხვა. ცნობისთვის, IRI-ის კვლევა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. კვლევის საველე სამუშაოები IPM-ის მიერ შესრულდა. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 63%. "საერთაშორისო რესპუბლიკური ინსტიტუტის" ინფორმაციით, კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით. იპნ

საქართველოში შეზღუდული შესაძლებლობის მქონე პირებისა და მათ საკითხებზე მომუშავე ორგანიზაციები პრემიერ-მინისტრს ირაკლი ღარიბაშვილს აქონდოპლაზიის მქონე ბავშვებისა და მათი ოჯახების მხარდასაჭერად ღია წერილით მიმართავენ. განცხადებას გთავაზობთ უცლელად: ხელმომწერი ორგანიზაციები: საქართველოს დაუნის სინდრომის ასოციაცია ასოციაცია ანიკა ფონდი გლობალური ინიციატივა ფსიქიატრიაში-თბილისი ოზურგეთის დამოუკიდებელი ცხოვრების ცენტრი ა/ო “მზის შვილები” აჭარის შეზღუდული შესაძლებლობის მქონე ბავშვთა მშობლების კავშირი ახალგაზრდული ორგანიზაცია ცვლილებები თანაბარი უფლებებისათვის შშმ ქალთა ეროვნული ქსელი თელავის დამოუკიდებელი ცხოვრების ცენტრი ნათია გოგოლაშვილი-დამოუკიდებელი კანდიდატი შშმ ქალთა ეროვნული ქსელი სმენისა და მეტყველების დარღვევის მქონე ბავშვთა დახმარების ასოციაცია ბავშვთა მენტალური ჯანმრთელობის ასოციაცია სოციალური სამართლიანობის ცენტრი ა/ო “ვიმეგობროთ”; მოძრაობა “ინკლუზიური საზოგადოება – საქართველო” ზუგდიდის დამოუკიდებელი ცხოვრების ცენტრი შშმ ქალთა გაძლიერების ცენტრი შეზღუდული შესაძლებლობის მქონე ქალები თანასწორობისთვის საქართველოს ფსიქიკური ჯანმრთელობის ასოციაცია შშმ ბავშვთა მშობელთა კავშირი ,,ლამპარი’’ ააიპ მოვუსმინოთ სამყაროს” სრულიად საქართველოს ღვთისშვილთა კავშირი (შშმ პირთა ასოციაცია) ა(ა)იპ საქართველოს ყრუთა კავშირი ა(ა)იპ მშობელთა კავშირი “ჩვენი შვილები” გურჯაანის შშმ პირთა მშობელთა ასოციაცია ქუთაისის დამოუკიდებელი ცხოვრების ცენტრი ბათუმის დამოუკიდებელი ცხოვრების ცენტრი ფონდი აურეს ლაგოდეხის დამოუკიდებელი ცხოვრების ცენტრი პუბლიკა

ევროკომისია უკრაინას დღეს, მაკროფინანსური დახმარების პაკეტის ფარგლებში, 1.5 მილიარდი ევროს მიაწვდის, - ამის შესახებ ევროკომისიის პრეზიდენტმა, ურსულა ფონ დერ ლაიენმა „ტვიტერზე“ დაწერა. „დღეს ჩვენ უკრაინას, წლიური მაკროფინანსური დახმარების პაკეტის ფარგლებში, მორიგ 1.5 მილიარდ ევროს მივაწვდით“, - განაცხადა ევროკომისიის პრეზიდენტმა. მისი თქმით, ევროკავშირი უკრაინის დახმარებას გააგრძელებს, რათა მან რუსეთის აგრესიისთვის წინააღმდეგობის გაწევა შეძლოს. „გავაგრძელებთ უკრაინის დახმარებას რუსეთის აგრესიისთვის წინააღმდეგობის გაწევაში, მისი ინსტიტუტებისა და ინფრასტრუქტურის მუშაობის გაგრძელებაში და გადამწყვეტი რეფორმების გატარებაში“, - განაცხადა ურსულა ფონ დერ ლაიენმა.

საქართველოს მოქალაქეებმა ალმათიში ინტერნეტ-თაღლითების „ქოლ-ცენტრი" მოაწყვეს, დაკავებულია საქართველოს 24 მოქალაქე, - ინფორმაციას ადგილობრივი მედია ავრცელებს. მათივე ცნობით, ყაზახეთის ქალაქ ალმათიში კიბერდანაშაულთან ბრძოლის დეპარტამენტის თანამშრომლებმა, ოპერატიულ-სამძებრო სამუშაოების დროს, ინტერნეტ თაღლითების „ქოლ-ცენტრი" გამოავლინეს და ოპერაციის დროს საქართველოს მოქალაქეების 24 - კაციანი ჯგუფი დააკავეს. მათივე ინფორმაციით, გარდა ამისა, დედაქალაქ ასტანაში, კიბერდანაშაულის დეპარტამენტის თანამშრომლებმა რამდენიმე ინტერნეტ თაღლითობის ჩადენის ბრალდებით ქალაქ ეკიბასტუზის მკვიდრი დააკავეს. კრიმინალური გამოძიების დეპარტამენტის თანამშრომლებმა ინტერნეტ თაღლითობისთვის ასევე დააკავეს ქალაქ ტარაზის მცხოვრებლების ჯგუფი. ყაზახეთის შსს-ის კრიმინალური პოლიციის დეპარტამენტის კიბერდანაშაულთან ბრძოლის ცენტრის ხელმძღვანელის, ჟანდოს სუინბაის თქმით, ყველა აღნიშნულ ფაქტზე გამოძიება მიმდინარეობს.

ეტყობა „გირჩის“ დესტრუქციულ შეხვედრებს რომ აფინანსებდნენ სტუდენტებთან, მაშინ გამოჰკითხეს და დაწერეს ეს კვლევა, - ასე ეხმიანება საპარლამენტო უმრავლესობის წევრი რატი იონათამიშვილი ჟურნალისტებთან IRI- ის კვლევას. მისი შეფასებით, კვლევა ფაქტებს არ ეფუძნება. "არის უმეცარი მცდელობა, რომ იმ აღქმების დამკვიდრებას შეუწყონ ხელი, რომელიც გააცოცხლებს "ნაციონალურ მოძრაობას." თუმცა, როგორი დეზინფორმაციული ასპექტები და პარამეტრებიც არ უნდა იყოს ამ კვლევაში, ის ფაქტი მაინც ვერ დამალეს, რომ სახელმწიფო ინსტიტუტების მიმართ, კერძოდ ჯარისა და პოლიციის მიმართ ჩვენი მოსახლეობის ნდობა არის ძალიან მაღალი," - განაცხადა იონათამიშვილმა. მისივე თქმით, მილიონი მოქალაქე ყველა არჩევნებზე "ქართულ ოცნებას" სტაბილურად უჭერს მხარს და ეს განპირობებულია ხელისუფლების პოლიტიკით. იონათამიშვილი აღნიშნავს, რომ ქვეყანას "ქართული ოცნების" დამსახურებით აქვს ყველა მნიშვნელოვანი პროგრესი ევროინტეგრაციის გზაზე. "ევროატლანტიკურ სტრუქტურებში ინტეგრაცია არის უმთავრესი ამოცანა რაც გააჩნია ჩვენს გუნდს და ჩვენს მოსახლეობას. ეს გამყარებულია იმ გადაწყვეტილებებითაც, რაც "ქართულმა ოცნებამ" მიიღო და ყველა მნიშვნელოვანი პროგრესი სწორედაც რომ "ქართული ოცნების" დამსახურებაა ჩვენს გუნდთან ერთად,"- განაცხადა იონათამიშვილმა. რაც შეეხება მიხეილ სააკაშვილის საზღვარგარეთ გადაყვანასთან დაკავშირებით კვლევაში დასმულ კითხვას, იონათამიშვილი პასუხობს, რომ უმჯობესი იქნებოდა მოსახლეობისთვის ეკითხათ, არის თუ არა მიხეილ სააკაშვილი დამნაშავე. "უპრიანი იქნებოდა, დაესვათ კითხვა, მოსახლეობას მიაჩნია თუ არა, რომ მიხეილ სააკაშვილი არის დამნაშავე და ვფიქრობ, საინტერესო პასუხებს მიიღებდნენ,"- განაცხადა იონათამიშვილმა. საერთაშორისო რესპუბლიკური ინსტიტუტის (IRI) ახალი საზოგადოებრივი აზრის კვლევა (Center for Insights in Survey Research) აჩვენებს, რომ გამოკითხულთა 89% სრულად ან მეტ-ნაკლებად უჭერს მხარს საქართველოს ევროკავშირში გაწევრიანებას. მხარდაჭერა, ორგანიზაციის ცნობით, წინა კვლევასთან შედარებით, 4%-ით არის გაზრდილი და ისტორიულ მაქსიმუმს აღწევს. კვლევის მიხედვით, გამოკითხულთა 42% აცხადებს, რომ არცერთი პოლიტიკური პარტია არ გამოხატავს მათ ინტერესებს. ხოლო, საზოგადოების 78% -ს პოლიტიკაში მეტი ახალგაზრდის ხილვა სურს. კვლევის თანახმად, უახლოეს შაბათს რომ არჩევნები რომ იყოს, გამოკითხულთა 19% ხმას „ქართულ ოცნებას“ მისცემდა, 14% - „ნაციონალურ მოძრაობას“. "საერთაშორისო რესპუბლიკური ინსტიტუტის (IRI)" ახალი კვლევის თანახმად, კითხვაზე, „რომელ პარტიას მისცემდით ხმას უახლოეს შაბათს რომ არჩევნები იყოს", გამოკითხულთა 19% „ქართულ ოცნებას“ ასახელებს, 14% ხმას „ერთიან ნაციონალურ მოძრაობს“ მისცემდა, 3%-მა გიორგი გახარიას „საქართველოსთვის დაასახელა“, 3%-მა კი - ზურაბ ჯაფარიძის „გირჩი - მეტი თავისუფლება“. ამასთან, გამოკითხულთა 2%-2%-მა დაასახელა: „ლეიბორისტული პარტია“, „ლელო“, „გირჩი“, „სტრატეგია აღმაშენებელი“, ანა დოლიძის „ ხალხისთვის“, „მოქალაქეები - ალეკო ელისაშვილი“. გამოკითხულთა 1%-მა განაცხადა, რომ ხმას „კონსერვატიულ მოძრაობა - ალფ ინფოს“ მისცემდა, 1% - ელენე ხოშტარიას “დროას“, 1% - გიგა ბოკერიას „ევროპულ საქართველოს“, 1% - „პატრიოტთა ალიანსს“, 1%-„ხალხის ძალას“, 1%- სხვა პარტიას, გამოკითხულთა 5% განაცხადა, რომ ხმას არავის არ მისცემს, 20 %-მა განაცხადა, რომ არ იცის ვის მისცემდა ხმას. ცნობისთვის, IRI-ის კვლევა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. კვლევის საველე სამუშაოები IPM-ის მიერ შესრულდა. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 63%. იპნ

გვახსოვს, რომ ეს კვლევები 7-8-ჯერ გადამოწმდა დემოკრატიული არჩევნებით საქართველოში და გამოჩნდა, რომ აცდენილი იყო რეალობას. ახლაც ერთად გადავამოწმებთ 2024 წელს ვის რა მხარდაჭერა აქვს საქართველოში,- ამის შესახებ პარლამენტის ვიცე-სპიკერმა, არჩილ თალაკვაძემ ჟურნალისტებს "საერთაშორისო რესპუბლიკური ინსტიტუტის" (IRI) გამოქვეყნებულ კვლევებთან დაკავშირებით საუბრისას განუცხადა. თალაკვაძის შეფასებით, რაც შეეხება პოლიტიკურ რეიტინგებს, ნებისმიერ მათ მხარდამჭერს გაუჭირდება ამ შედეგების დაჯერება ისე, როგორც არის წარმოდგენილი. „პირველ რიგში გვსურს ჩვენი პატივისცემა დავუდასტუროთ ყველა საერთაშორისო ორგანიზაციას და ჩვენს პარტნიორებს. ჩვენ ყოველთვის ყურადღებით ვეკიდებით საერთაშორისო ორგანიზაციების კვლევებს საქართველოსთან დაკავშირებით. რაც შეეხება პოლიტიკურ რეიტინგებს, აქ ცხადია, არათუ ჩვენ, პოლიტიკური გუნდის წევრებს, არამედ ნებისმიერ ჩვენს მხარდამჭერს გაუჭირდება ამ შედეგების დაჯერება და მიღება ისე, როგორც არის წარმოდგენილი. „ნაციონალური მოძრაობა“ დღეს, როდესაც დაშლის პირას არის და შიგნით გაყოფა/გადანაწილებით არის დაკავებული, უბრალოდ წარმოუდგენელია ამ რეიტინგითაც კი რომ იყოს ასახული საზოგადოების განწყობაში. შესაბამისად, რთულია ამასთან დაკავშირებით სიღრმისეული კომენტარის გაკეთება. ერთად გადავამოწმებთ 2024 წელს თუ ვის რამდენი მხარდაჭერა აქვს“, - განაცხადა არჩილ თალაკვაძემ.

სასიამოვნო სიახლე საქართველოდან! „ქართული ოცნებისა“ და მისი სატელიტების ევროკავშირის საწინააღმდეგო კამპანია სრულიად ჩავარდა. ქართველების თითქმის 90% ახლა ევროკავშირში გაწევრიანებას უჭერს მხარს, - ასე ეხმაურება ევროპარლამენტარი ვიოლა ფონ კრამონი IRI-ს კვლევის შედეგებს, რომელიც აჩვენებს, რომ გამოკითხულთა 89% სრულად ან მეტ-ნაკლებად უჭერს მხარს საქართველოს ევროკავშირში გაწევრიანებას. „ისტორიული მაქსიმუმი. ხალხმა მშვენივრად იცის, ვინ არის ნამდვილი მეგობარი და ვინ არა!“ - წერს ევროპარლამენტარი. ცნობისთვის, საერთაშორისო რესპუბლიკური ინსტიტუტის კვლევის თანახმად, საქართველოს ევროკავშირში გაწევრიანებას მტკიცე მხარდაჭერა აქვს, ასევე გამოკითხულთა უმრავლესობა პოლიტიკური პარტიების მიმართ ნდობის ნაკლებობას გამოხატავს და უკმაყოფილოა ქვეყანაში რუსეთის მოქალაქეების ყოფნის გამო. უფრო კონკრეტულად, გამოკითხულთა 89% სრულად ან მეტ-ნაკლებად უჭერს მხარს საქართველოს ევროკავშირში გაწევრიანებას. ორგანიზაციის ცნობით, მხარდაჭერა წინა კვლევასთან შედარებით, 4%-ით არის გაზრდილი და ისტორიულ მაქსიმუმს აღწევს. იპნ

საერთაშორისო რესპუბლიკის ინსტიტუტი (IRI) საზოგადოების აზრის კვლევის შედეგებს აქვეყნებს. შეკითხვაზე, „თქვენი ხედვით, რა არის ხელისუფლების არსებული საგარეო კურსი“: 17% მიიჩნევს, რომ პროდასავლურია; 21% მიიჩნევს, რომ უფრო მეტად პროდასავლურია, ვიდრე პრორუსული; 20%-ს მიაჩნია, რომ უფრო მეტად პრორუსულია, ვიდრე პროდასავლური; 25% მიიჩნევს, რომ პრორუსულია; არ იცის/პასუხზე უარს ამბობს 17%. კვლევა ჩატარდა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა „IPM“-ისმიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი – 63%. პუბლიკა

საერთაშორისო რესპუბლიკური ინსტიტუტის (IRI) დაკვეთით წარმოებული კვლევის თანახმად, საჯარო პირების რეიტინგი ამგვარად გამოიყურება – ყველაზე მეტ ადამიანს მოსწონს პატრიარქი (91%), შემდეგ მოდის თბილისი მერი, კახა კალაძე (52%), შემდეგ სალომე ზურაბიშვილი (48%), შემდეგ რეიტინგშია ყოფილი პრემიერი გიორგი გახარიაა (36%) და ასეთივე მოწონება აქვს რეიტინგში ყოფილ პრეზიდენტ მიხეილ სააკაშილს (36%). კვლევა ჩატარდა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა „IPM“-ისმიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი – 63%. პუბლიკა

საერთაშორისო რესპუბლიკური ინსტიტუტის [IRI-ს] ახალი კვლევის მიხედვით, საქართველოში ყველაზე რეიტინგული პოლიტიკოსი კახა კალაძეა, მეორე ადგილს კი პრეზიდენტი სალომე ზურაბიშვილი იკავებს. კვლევის ფარგლებში, რომელიც ორგანიზაციამ დღეს, 25 აპრილს გამოაქვეყნა, რესპონდენტებს ჰკითხეს ჩამოთვლილი პირებიდან რომლის მიმართ იყვნენ პოზიტიურად განწყობილები და ვის მიმართ ნეგატიურად. შედეგების მიხედვით კი ტრადიციულად პირველი ადგილი დაიკავა საქართველოს მართლმადიდებელი ეკლესიის პატრიარქმა ილია II-მ (გამოკითხულთა 91% პოზიტიურადაა განწყობილი), მეორე ადგილზე მოხვდა კახა კალაძე, 52%-ით, მესამე ადგილს კი პრეზიდენტი სალომე ზურაბიშვილი იკავებს 48%-ით. საქართველოს პრემიერ მინისტრი ირაკლი ღარიბაშვილის მიმართ პოზიტიური განწყობა გამოკითხულთა 43%-მა დააფიქსირა, მას მოსდევს გიორგი გახარია და მიხეილ სააკაშვილი 36-36%-ით. საგულისხმოა, რომ ორგანიზაციის მიერ გამოქვეყნებული წინა კვლევით, პოლიტიკოსებს შორის მეორე ადგილს ირაკლი ღარიბაშვილი იკავებდა, სალომე ზურაბიშვილი კი ანა დოლიძის შემდეგ, მეოთხე ადგილს იყო. წლევანდელი კვლევის ამ კომპონენტში ანა დოლიძის რეიტინგი საერთოდ არაა გაზომილი, ღარიბაშვილს კი პრეზიდენტმა გადაასწრო. IRI-ს წინა კვლევის შედეგები, რომელიც 2022 წლის ნოემბერში გამოქვეყნდა ასე გამოიყურებოდა: ილია II – 88% კახა კალაძე – 51% ირაკლი ღარიბაშვილი – 44% ანა დოლიძე – 40% სალომე ზურაბიშვილი – 38% დავით უსუფაშვილი – 38% ნინო ლომჯარია – 38% გიორგი გახარია – 37% გიორგი ვაშაძე – 37% ბიძინა ივანიშვილი – 36% წინა კვლევასთან შედარებით, გაზრდილია ილია II-ის რეიტინგი 3%-ით, 1%-იანი მატება აქვს დედაქალაქის მერს კახა კალაძეს, პრეზიდენტ ზურაბიშვილის რეიტინგი 10%-ითაა გაზრდილი. რაც შეეხება პრემიერ-მინისტრ ღარიბაშვილს, მისი რეიტინგი 1%-ით შემცირდა. რაც შეეხება ინსტიტუციების რეიტინგს, IRI-ს ბოლო კვლევაშიც ტრადიციულად პირველ ადგილს ქართული ჯარი იკავებს (77%), მეორე ადგილზე კი მართლმადიდებელი ეკლესიის საპატრიარქოა (72%), მესამე ადგილზეა პოლიცია 63%-ით, ქართული მედიის მიმართ კი დადებითად განწყობილი გამოკითხულთა 57%-ია. აღსანიშნავია, რომ IRI-ს მიერ ნოემბერში გამოქვეყნებული რეიტინგის მიხედვით, ქართული მედია ინსტიტუციების რეიტინგში მეხუთე ადგილს იკავებდა 55%-ით, შესაბამისად ქართული მედიის რეიტინგი 7%-ით გაიზარდა და წინა კვლევაში მეოთხე ადგილზე მყოფ ადგილობრივ ხელისუფლებას გადაუსწრო. კვლევის საველე სამუშაოები ჩაატარა „გამოკითხვისა და მარკეტინგის“ ინსტიტუტმა, დააფინანსა – USAID-მა. მონაცემები შეგროვდა 2023 წლის 4-23 მარტს, რესპონდენტთა სახლში პირისპირი ინტერვიუებით. გამოკითხვაში მონაწილეობა მიიღო საქართველოს სრულწლოვანმა, 1500-მა მუდმივმა მაცხოვრებელმა. გამოკითხულთა ასაკი, საცხოვრებელი ადგილი და დასახლების სიდიდე მთლიანი მოსახლეობის რეპრეზენტაციულია. კვლევაში მონაწილეობაზე თანხმობა განაცხადა 63-მა პროცენტმა. ცდომილების ზღვარი ±2.5 პროცენტს შეადგენს. ნეტგაზეთი

ახალციხის საკრებულოს თანამდებობის პირის შვილის კომპანიამ 9 მლნ ლარამდე სახელმწიფო შესყიდვები მიიღო, - ამის შესახებ „საერთაშორისო გამჭვირვალობა-საქართველოს“ მიერ გავრცელებულ ინფორმაციაშია ნათქვამი. როგორც „საერთაშორისო გამჭვირვალობა-საქართველოში“ განმარტავენ, ახალციხის საკრებულოში ინფრასტრუქტურის კომისიის თავმჯდომარისა და სატენდერო კომისიის წევრის, ნოდარ ტალახაძის შვილისა და რძლის „კომპანია ელ ეს ჯორჯიამ“, 2020-2022 წლებში სახელმწიფო შესყიდვებიდან 8,797,512 ლარი მიიღო. მათივე ცნობით, აქედან, 2,935,177 ლარი (33.3%) ახალციხის მერიიდან დაერიცხა, მათ შორის, 2,290,017 ლარზე (78%) ხელშეკრულებები ახალციხის მერიამ უკონკურენტოდ მოგებულ ტენდერებსა და პირდაპირ შესყიდვებზე გაუფორმა. ორგანიზაციის ინფორმაციით, ნოდარ ტალახაძეს ახალციხის ადგილობრივ თვითმმართველობაში, 2014 წლიდან დღემდე სხვადასხვა თანამდებობა უკავია. „2014-2017 წლებში იგი ახალციხის გამგეობაში ეკონომიკური განვითარებისა და ქონების მართვის სამსახურის უფროსი იყო, 2018-2021 წლებში ახალციხის საკრებულოში ფრაქცია „ქართული ოცნება დემოკრატიული საქართველო - ახალციხეს“ თავმჯდომარის მოადგილე, 2021 წლიდან კი ახალციხის საკრებულოში ინფრასტრუქტურის კომისიის თავმჯდომარე და ამასთან ერთად ახალციხის მერიის სატენდერო კომისიის წევრიცაა. ნოდარ ტალახაძე ბიძინა ივანიშვილთან დაახლოებული შპს „არალის“ 25% წილის მფლობელის, ეკა თათეშვილის მამამთილია. „საერთაშორისო გამჭვირვალობა - საქართველო“ შპს „არალის“ შესაძლო კორუფციულ სახელმწიფო შესყიდვებსა და სახელმწიფო ქონების პრივატიზებაზე, ასევე, სახელმწიფო პროგრამიდან სუბსიდირებაზე არაერთხელ წერდა. თათეშვილების ოჯახის კუთვნილი ათზე მეტი კომპანიიდან ერთ-ერთი, შპს „კომპანია ელ ეს ჯორჯია“ ეკა თათეშვილმა 2014 წელს დააფუძნა. თუმცა, ამ კომპანიამ სახელმწიფო შესყიდვების მიღება, 2020 წლის 4 თებერვლიდან, მას შემდეგ დაიწყო, რაც ეკა თათეშვილმა შპს-ს დირექტორობა და 50% წილი მეუღლეს, ტარიელ ტალახაძეს გაუფორმა. მის ხელმძღვანელად დანიშვნიდან ორ კვირაში, 19 თებერვალს, „კომპანია ელ ეს ჯორჯიამ“ პირველ მოგებულ ტენდერზე ახალციხის მუნიციპალიტეტის მერიასთან ხელშეკრულება დადო. მანამდე ამ შპს-ს არცერთი სახელმწიფო შესყიდვა არ მიუღია. 220,170 ლარის ღირებულების ტენდერი, ერთი შეხედვით გამოუცდელმა „კომპანია ელ ეს ჯორჯიამ“ კონკურენტის დისკვალიფიკაციით მოიგო. გამოცდილების ნაწილში მან შპს „არალთან“ ქვეკონტრაქტორად მუშაობის დამადასტურებელი ხელშეკრულებები მიუთითა, რომელთა მიხედვითაც ირკვევა, რომ შპს „არალის“ დირექტორი, დემეტრე თათეშვილი მოგებული სახელმწიფო შესყიდვების შესასრულებლად დის, ეკა თათეშვილის „კომპანია ელ ეს ჯორჯიას“ ქირაობდა. ნოდარ ტალახაძის შვილისა და რძლის კომპანიამ 2020 წლიდან დღემდე 20 სახელმწიფო შესყიდვით ჯამში 8,797,512 ლარი მიიღო. აქედან, 9 შესყიდვა ახალციხის მუნიციპალიტეტიდან მიიღო და ახალციხის მერიიდან დაერიცხა 2,935,177 ლარი (33.3%). აღსანიშნავია, რომ კომპანიამ ახალციხის მუნიციპალიტეტში ყველა ტენდერი, გარდა ერთისა, უკონკურენტოდ ან კონკურენტის დისკვალიფიკაციით მოიგო. იმ ერთ შემთხვევაშიც მისი კონკურენტი შპს „არალი“ იყო“,- აღნიშნულია ორგანიზაციის მიერ გავრცელებულ ინფორმაციაში.

IRI-ის კვლევის თანახმად, უახლოეს შაბათს რომ არჩევნები რომ იყოს, გამოკითხულთა 19% ხმას „ქართულ ოცნებას“ მისცემდა, 14% - „ნაციონალურ მოძრაობას“. "საერთაშორისო რესპუბლიკური ინსტიტუტის (IRI)" ახალი კვლევის თანახმად, კითხვაზე, „რომელ პარტიას მისცემდით ხმას უახლოეს შაბათს რომ არჩევნები იყოს", გამოკითხულთა 19% „ქართულ ოცნებას“ ასახელებს, 14% ხმას „ერთიან ნაციონალურ მოძრაობს“ მისცემდა, 3%-მა გიორგი გახარიას „საქართველოსთვის დაასახელა“, 3%-მა კი - ზურაბ ჯაფარიძის „გირჩი - მეტი თავისუფლება“. ამასთან, გამოკითხულთა 2%-2%-მა დაასახელა : „ლეიბორისტული პარტია“, „ლელო“, „გირჩი“, „სტრატეგია აღმაშენებელი“, ანა დოლიძის „ ხალხისთვის“, „მოქალაქეები - ალეკო ელისაშვილი“. გამოკითხულთა 1%-მა განაცხადა, რომ ხმას „კონსერვატიულ მოძრაობა - ალფ ინფოს“ მისცემდა, 1% - ელენე ხოშტარიას “დროას“, 1% - გიგა ბოკერიას „ევროპულ საქართველოს“, 1% - „პატრიოტთა ალიანსს“, 1%-„ხალხის ძალას“, 1%- სხვა პარტიას, გამოკითხულთა 5% განაცხადა, რომ ხმას არავის არ მისცემს, 20 %-მა განაცხადა, რომ არ იცის ვის მისცემდა ხმას. ცნობისთვის, IRI-ის კვლევა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. კვლევის საველე სამუშაოები IPM-ის მიერ შესრულდა. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 63%. "საერთაშორისო რესპუბლიკური ინსტიტუტის" ინფორმაციით, კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით. იპნ

საერთაშორისო რესპუბლიკური ინსტიტუტის (IRI) ინფორმაციით, ახალი საზოგადოებრივი აზრის კვლევა (Center for Insights in Survey Research) აჩვენებს, რომ საქართველოს ევროკავშირში გაწევრიანებას მტკიცე მხარდაჭერა აქვს, ასევე გამოკითხულთა უმრავლესობა პოლიტიკური პარტიების მიმართ ნდობის ნაკლებობას გამოხატავს და უკმაყოფილოა ქვეყანაში რუსეთის მოქალაქეების ყოფნის გამო. საერთაშორისო რესპუბლიკური ინსტიტუტის ცნობით, გამოკითხულთა 89% სრულად ან მეტ-ნაკლებად უჭერს მხარს საქართველოს ევროკავშირში გაწევრიანებას. მხარდაჭერა, წინა კვლევასთან შედარებით, 4%-ით არის გაზრდილი და ისტორიულ მაქსიმუმს აღწევს. „ცალსახა და ნათელია საქართველოს მოქალაქეების სურვილი, გახდნენ ევროკავშირის წევრები და განაგრძონ დასავლურ, დემოკრატიულ ინსტიტუციებში ინტეგრაცია. საქართველოს მოქალაქეების ნების აღსრულება მთავრობის და ქვეყნის ლიდერების პასუხისმგებლობაა“, – განაცხადა საერთაშორისო რესპუბლიკური ინსტიტუტის ევრაზიის წარმომადგენლობის დირექტორმა, სტივენ ნიქსმა. IRI-ის ინფორმაციით, საქართველოს მოქალაქეები არ უჭერენ მხარს ქვეყანაში რუსეთის მოქალაქეების ყოფნას. გამოკითხულთა 79% წინააღმდეგია რუსეთის მოქალაქეებს ბიზნესის რეგისტრაციის, ქონების შეძენის ან საქართველოში უვიზოდ შემოსვლის უფლება ჰქონდეთ. „ჩვენმა კვლევამ აჩვენა, რომ საქართველოს მოქალაქეები უკმაყოფილონი არიან ქვეყანაში რუსების მასიურად შემოდინებით, საჭიროა რომ საქართველოს მთავრობამ მოაგვაროს არსებული პრობლემა და დროულად აირიდოს თავიდან დაძაბულობის გამძაფრება“, – განაცხადა სტივენ ნიქსმა. კვლევის მიხედვით, პოლიტიკური პარტიების მიმართ ნდობის მაჩვენებელი დაბალია. გამოკითხულთა 42% აცხადებს, რომ არცერთი პოლიტიკური პარტია არ გამოხატავს მათ ინტერესებს. ხოლო, საზოგადოების 78%-ს პოლიტიკაში მეტი ახალგაზრდის ხილვა სურს. საზოგადოებაში არსებული განწყობების გათვალისწინებით, საერთაშორისო რესპუბლიკური ინსტიტუტი (IRI) აგრძელებს მრავალპარტიული დემოკრატიის მხარდაჭერას საქართველოში. როგორც საერთაშორისო რესპუბლიკურ ინსტიტუტში აცხადებენ, IRI მხედველობაში იღებს პოლიტიკური პარტიების მიმართ ნდობის შემცირებას, ასევე საქართველოს მოქალაქეების სურვილს, იხილოს მეტი ახალგაზრდა პოლიტიკაში და განაგრძობს მუშაობას როგორც მმართველ, ასევე ოპოზიციურ პოლიტიკურ პარტიებთან და დამწყებ პოლიტიკურ მოძრაობებთან იმის უზრუნველსაყოფად, რომ საქართველოს მოქალაქეებს ჰქონდეთ მრავალფეროვანი პოლიტიკური წარმომადგენლობა და არჩევანი, როგორც არჩევნების დღეს, ასევე მმართველობით დონეზე. მეთოდოლოგია კვლევა ჩატარდა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. IRI-ის ინფორმაციით, კვლევის საველე სამუშაოები ჩატარდა IPM-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი – 63%. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.

საქართველოს საგარეო საქმეთა სამინისტრო საფრანგეთის საგარეო საქმეთა მინისტრის საქართველოში დაგეგმილ ვიზიტთან დაკავშირებით ინფორმაციას ავრცელებს. საფრანგეთის რესპუბლიკის ევროპისა და საგარეო საქმეთა მინისტრი კატრინ კოლონა საქართველოს ვიზიტით, სამხრეთ კავკასიაში რეგიონული ტურნეს ფარგლებში, 28 აპრილს ეწვევა. ვიზიტის ფარგლებში, ფრანგი დიპლომატი შეხვედრას გამართავს საგარეო საქმეთა მინისტრ ილია დარჩიაშვილთან, როგორც პირისპირ, ასევე გაფართოებულ ფორმატში, რის შემდეგაც, ორი ქვეყნის საგარეო საქმეთა მინისტრები პრესისთვის ერთობლივ განცხადებებს გააკეთებენ. საქართველოში ვიზიტის ფარგლებში, კატრინ კოლონა ასევე შეხვდება საქართველოს მთავრობის მეთაურს, ირაკლი ღარიბაშვილს. საფრანგეთის საგარეო საქმეთა მინისტრს მიიღებს საქართველოს პრეზიდენტი სალომე ზურაბიშვილი. როგორც საქართველოს საგარეო უწყებაში აღნიშნავენ, 2018 წლის შემდეგ, ეს გახლავთ საფრანგეთის საგარეო საქმეთა მინისტრის პირველი ვიზიტი საქართველოში. 26-28 აპრილს, რეგიონული ტურნეს ფარგლებში, კატრინ კოლონა ასევე ეწვევა სომხეთსა და აზერბაიჯანს.

ის, რომ საქართველო ასოცირებული ტრიოს ფარგლებში ლიდერი იყო ბევრი წლის განმავლობაში, ფაქტია, ჩვენ კითხვარის შევსების შედეგად შეფასებები ვიხილეთ, სადაც ასევე დასტურდება, რომ ტექნიკური მზაობის თვალსაზრისით, საქართველოს მდგომარეობა ძალიან კარგია, ამას, რომ არ აღიარებდე და არ ამბობდე, მავნებელი უნდა იყო, – ამის შესახებ პარტია „მოქალაქეების“ წევრმა, ანა ბუჩუკურმა განაცხადა. ბუჩუკურის თქმით, ახლა ქვეყნის პრობლემაა პოლიტიკური ნაწილი. „იმედი მაქვს, რომ რუსული კანონების მსგავს საბოტაჟს ამ რამდენიმე თვეში რაც დარჩენილია კანდიდატის სტატუსის მონიჭების გადაწყვეტილებამდე, არ გააკეთებს. ჩვენ ასევე ვიხილეთ ევროპარლამენტში განწყობები, რომ დიახ, ჩვენი პარტნიორები თვლიან, რომ ქართველი ხალხი და საქართველო, როგორც სახელმწიფო იმსახურებს, გახდეს ევროპული ოჯახის სრულფასოვანი წევრი. ხელისუფლება პერიოდულად მიზანმიმართულ საბოტაჟს ახორციელებს, მაგრამ ბოლო შემთხვევა რუსული კანონები, რომ ავიღოთ, ქართველმა ხალხმა აიძულა, რომ უარი ეთქვა ამ რუსული საქმის გაკეთებაზე. ჩვენი გუნდი პირველივე დღიდან ჩართულია სამუშაო ჯგუფებში და დღემდე ჩვენი არც ერთი რეკომენდაცია ხელისუფლების მხრიდან გათვალისწინებული არ იყო. თუმცა, მიუხედავად ყველაფრისა, ჩვენს პარტნიორებს კარგად ესმით, რომ ქართველი ხალხის 85% საკუთარი შვილების და ქვეყნის მომავალს ევროკავშირს და ნატო-ს უკავშირებს. ამ ეტაპზე ჩვენი გუნდის მთავარი ამოცანაა, მიუხედავად ყველაფრისა, საქართველომ კანდიდატის სტატუსი მიიღოს. კანდიდატის სტატუსის დაკარგვა აისახება ჩვენი ქვეყნის 15-20-30-წლიან პერსპექტივაზე. თუ კანდიდატის სტატუსს მივიღებთ, ეს იქნება მნიშვნელოვანი გამარჯვება, მაგრამ მთელი სამუშაოა შემდგომ გასაწევი. ყველამ ყველაფერი უნდა გავაკეთოთ, რომ კანდიდატის სტატუსი მივიღოთ და პერსპექტივა გადარჩეს“, – განაცხადა ბუჩუკურმა. ლუქსემბურგში გამართული ევროკავშირის საგარეო საქმეთა მინისტერიალის შედეგების შესახებ ევროკავშირის საბჭოს მიერ გავრცელებულ ინფორმაციაში ნათქვამია, რომ „დისკუსიამ დაადასტურა, რომ საქართველომ მნიშვნელოვან პროგრესს მიაღწია ბევრ საკვანძო რეფორმაში“. ავტორი - მანანა დევაძე

პარლამენტის ყოფილი დეპუტატი დავით ზურაბიშვილი გეგმავს, რომ „ქართული ოცნების“ თავმჯდომარეს, ირაკლი კობახიძეს სასამართლოში ცილისწამების გამო უჩივლოს. ირაკლი კობახიძემ მას „უცხოელი აგენტი უწოდა“ და აღნიშნა, რომ კარგად იცის, რას უნდა „მივაწეროთ მისი ასეთი განცხადება, როცა ბიძინა ივანიშვილისთვის დაპატიმრების ორდენის გამოწერაზე საუბრობს“.

საქართველოს მოქალაქეების სუდანიდან ევაკუაციის პირველი ეტაპი დასრულდა. საგარეო საქმეთა მინისტრის მოადგილის, ალექსნდრე ხვთისიაშვილის ცნობით, ახლა საქართველოს მოქალაქეები იმყოფებიან სუდანისა და ეგვიპტის საზღვარზე, ნეიტრალურ ზონაში.

აქონდროპლაზიის მქონე ბავშვების მშობლებმა მთავრობის კანცელარიასთან მეექვსე ღამე გაათენეს. ისინი კანცელარიასთან დარჩენას გეგმავენ მანამ, სანამ ხელისუფლება მათი შვილებისთვის აუცილებელ პრეპარატს არ დააფინანსებს. “მშობლები არ დავიღლებით ამ პროტესტით. ერთმანეთს ვეცვლებით ყოველ საღამოს. 12 მშობელი ვართ. სანამ წამალს სახლში არ მივიტანთ მანამდე აქ ვიქნებით”, – უთხრა “ფორმულას” ერთ-ერთმა მშობელმა დღეს, 25 აპრილს. უკვე რამდენიმე თვეა, რაც მშობლები აქტიური საპროტესტო აქციებით ითხოვენ აქონდროპლაზიის მქონე ბავშვებისთვის აუცილებელ პრეპარატს. სახელმწიფო ამ მოთხოვნას ჯერჯერობით არ აკმაყოფილებს. გუშინ, 24 აპრილს პრემიერ-მინისტრმა ირაკლი ღარიბაშვილმა განაცხადა, რომ აქონდროპლაზიის წამალს ჯერ არ დააფინანსებენ. წამლის დაფინანსების პრობლემა ქვეყანაში არ დგას, რადგან საუბარია დაახლოებით 10 მილიონზე. თუმცა მთავრობა ამ ნაბიჯს ჯერ არ გადადგამს, რადგან მას დამატებითი სამედიცინო მტკიცებულებები სჭირდება. ნეტგაზეთი

20 აპრილს ევროპარლამენტმა მხარი დაუჭირა ინსტიტუციური მოლაპარაკებების დაწყებას ევროკავშირის (EU) ქვეყნებში ბინადრობისა და მუშაობის ერთჯერადი და გრძელვადიანი ნებართვების შესახებ დირექტივებზე, რომლის მიზანიც მესამე ქვეყნის მოქალაქეებისთვის განაცხადის პროცედურების დაჩქარებაა. სტრასბურგში კენჭისყრისას ევროპარლამენტარებმა დაამტკიცეს გეგმები ბლოკის მასშტაბით ლტოლვილებისა და მიგრანტების განაწილების შესახებ, რაც გზას უხსნის ევროპარლამენტარებს ევროკავშირის მინისტრებთან საბოლოო კანონების შესახებ მოლაპარაკებისთვის. ყველა მხარემ პირობა დადო, რომ შეთანხმებას 2024 წლის აპრილამდე მიაღწევენ - იმავე წლის ევროპარლამენტის არჩევნებამდე. დირექტივა EU-ს ლეგალურად ან საერთაშორისო დაცვის ქვეშ მყოფ ადამიანებს სთავაზობს ერთჯერად ნებართვას ცხოვრებისა და მუშაობისთვის ევროკავშირის ქვეყანაში. განაცხადის დამუშავების დრო 90 დღემდე შემცირდება, ხოლო ერთჯერადი ნებართვის ვადა კონტრაქტზე იქნება დამოკიდებული. შემდეგი დირექტივა ეხება გრძელვადიან ნებართვას, რომელიც საშუალებას მისცემს მესამე ქვეყნის მოქალაქეებს მიმართონ ეროვნულ ორგანოს, რათა იცხოვრონ და იმუშაონ გრძელვადიანი პერიოდის განმავლობაში ქვეყანაში ცხოვრების სამი წლის შემდეგ. ამჟამად, გაერთიანების უმეტეს წევრ სახელმწიფოებში მესამე ქვეყნის მოქალაქეებს მუდმივი ბინადრობის ნებართვა 5-წლიანი ვადის გასვლის შემდეგ შეუძლიათ მიიღონ. გრძელვადიანი ნებართვისთვის დამტკიცების ვადა განისაზღვრება 60 დღით. კანონპროექტის დამტკიცების შემთხვევაში, მესამე ქვეყნის მოქალაქეებს ასევე შეეძლებათ სამუშაო ან სასწავლო მიზნებისთვის სხვა წევრ ქვეყანაში გადასვლა დამატებითი მოთხოვნების გარეშე. ამ სქემის შესაბამისად, ბენეფიციარებს შეეძლებათ დატოვონ ევროკავშირის ტერიტორია 24 თვის განმავლობაში სტატუსის დაკარგვის გარეშე. ავტორი: კახი ჩაკვეტაძე

აკაკი წერეთლის გამზირის ერთ მონაკვეთზე საზოგადოებრივი ტრანსპორტისთვის ზოლი გზის შუაში განთავსდება, მეორე მონაკვეთზე კი ე.წ. ბასლაინი გამზირის კიდეებში მოეწყობა. როგორც „ინტერპრესნიუსს“ თბილისის მერიაში განუმარტეს, საზოგადოებრივი ტრანსპორტისთვის განკუთვნილი ზოლი მთლიანად წერეთლის გამზირს მოიცავს. კერძოდ, მერიის ინფორმაციით, ავტობუსის ზოლი შუაში განთავსდება შალიკაშვილის ხიდიდან ევდოშვილის ქუჩის კვეთამდე, ხოლო ევდოშვილის ქუჩის კვეთიდან ცაბაძის ქუჩის კვეთამდე საზოგადოებრივი ტრანსპორტი გამზირის კიდეებში იმოძრავებს.