tvati

ვიძლევით უპირობო გარანტიას, თუ სექტემბრის მონაცემებით, ევროკავშირის წევრი რამდენიმე ქვეყანა აიღებს პასუხისმგებლობას და სახელმწიფო ბიუჯეტიდან დააფინანსებს აქონდროპლაზიის ახლად შექმნილ სამკურნალო მედიკამენტს, საქართველო იქნება მსოფლიოში ერთ-ერთი მოწინავე ქვეყანა, რომელიც ამ პასუხისმგებლობას გაიზიარებს და წამლის შესყიდვისთვის საჭირო პროცედურებს განახორციელებს, – აღნიშნულის შესახებ საქართველოს ჯანდაცვის მინისტრმა, ზურაბ აზარაშვილმა აქონდროპლაზიის დიაგნოზის მქონე პაციენტების მშობლებთან შეხვედრაზე განაცხადა. ჯანდაცვის მინისტრმა შეხვედრაზე მშობლების საჭიროებები მოისმინა და მათ პრეპარატ „ვოსორიტიდთან“ დაკავშირებით საერთაშორისო ორგანიზაციებიდან მოპოვებული ინფორმაცია გააცნო. შეხვედრაზე აღინიშნა, რომ მედიკამენტთან დაკავშირებით მწირი მონაცემების არსებობის გამო მსოფლიოს განვითარებული ქვეყნები ფრთხილად ეკიდებიან აღნიშნულ საკითხს, რათა მაქსიმალურად გარანტირებული იყოს პაციენტის უსაფრთხოება. შესაბამისად, ამ ეტაპზე მსოფლიოს არცერთ ქვეყანაში სახელმწიფო ბიუჯეტიდან აღნიშნული წამლით მკურნალობა არ ფინანსდება. მედიკამენტის აშშ-ის სურსათისა და წამლის სააგენტოსა (FDA) და ევროპის წამლის სააგენტოს (EMA) მიერ ავტორიზაცია ეხება ქვეყნებში შეტანისა და გაყიდვის უფლებას და არ გულისხმობს ავტომატურად ბიუჯეტიდან მედიკამენტის დაფინანსებას. აღინიშნა, რომ მედიკამენტების სახელმწიფო ბიუჯეტიდან დაფინანსების გადაწყვეტილება ერთპიროვნულად არ ხდება და საკითხს დარგის სპეციალისტები, ექიმები და ექსპერტები ერთობლივი შეჯერების საფუძველზე განიხილავენ. ზურაბ აზარაშვილმა პაციენტების მშობლებთან შეხვედრაზე კიდევ ერთხელ დააფიქსირა უწყების მზადყოფნა, რომ ბავშვებს, რომლებსაც სხვა თანმდევი დაავადებები აქვთ, დიაგნოსტიკასა და მკურნალობას როგორც საქართველოში, ისე საზღვარგარეთ სახელმწიფო დაუფინანსებს. აქონდროპლაზია იშვიათი დაავადებაა, რომელიც ხასიათდება ადამიანის სიმაღლეში ზრდის შეფერხებით და ამ დაავადებით ადამიანებს აქვთ ჩვეულებრივი სიცოცხლის ხანგრძლივობა, ჩვეულებრივი ინტელექტი, მიუხედავად ზრდაში შეფერხებისა. ინფორმაციას საქართველოს ჯანდაცვის სამინისტრო ავრცელებს.

ქართველმა მოჭადრაკემ, ანასტასია კირთაძემ მსოფლიოს სასკოლო ჩემპიონატზე 15 წლამდე ასაკის გოგონათა შორის პირველი ადგილი დაიკავა და ჩემპიონობა იზეიმა. ანასტასიამ ცხრიდან 7,5 ქულა მოიპოვა და მსოფლიოს სასკოლო ჩემპიონატზე დამაჯერებლად გაიმარჯვა. აღსანიშნავია, 12-წლიანი პაუზის შემდეგ, ანასტასია კირთაძე პირველი ქართველი მოჭადრაკეა, რომელიც მსოფლიოს ახალგაზრდული ჩემპიონატის გამარჯვებული გახდა. ავტორი - ალექსანდრე ქურხული

ხვალაც რომ შემოიტანონ პრეპარატი „ვოსორიტიდი“, მის დანერგვას სჭირდება აუცილებლად მომზადება, – ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ განაცხადა. მისივე თქმით, ეს პრეპარატი ახალია და ამავდროულად ერთადერთი, რომელიც შექმნილია კონკრეტულად ამ დაავადების სამკურნალოდ. „ამერიკული კომპანიის მიერ შექმნილი მედიკამენტი გულისხმობს ყოველდღიურ ინექციებს. კვლევა, რომელიც საფუძვლად დაედო აშშ-ს საკვების და წამლის მარეგულირებელი სააგენტოსა (FDA) ავტორიზაციას, 121 ბავშვს მოიცავდა. 1 წლის განმავლობაში საშუალოდ ამ მედიკამენტით მიღებული შედეგი იყო 1,57 სანტიმეტრით მატება, პლაცებო ჯგუფთან შედარებით. ერთი, რაც ძალიან მნიშვნელოვანია, ჯერჯერობით ნაკლებია ინფორმაცია მოგვიანებით შედეგებზე. ასევე ნაკლებია ინფორმაცია, ნარჩუნდება თუ არა ეს ზრდის ტემპი მომდევნო წლების განმავლობაში. სხვანაირად ხანგრძლივ ეფექტზე საუბარი ჯერჯერობით ნაადრევია. ის, რაც ჩვენ ვიცით, ეს არის ერთი წლის განმავლობაში ჩატარებული კვლევის შედეგები. ხვალაც რომ იყოს გადაწყვეტილება მიღებული და პრეპარატი შემოიტანონ, მის დანერგვას სჭირდება აუცილებლად მომზადება. თუ ევროკავშირის რომელი ქვეყანა მაინც აიღებს პასუხისმგებლობას და სახელმწიფო ბიუჯეტიდან დააფინანსებს აქონდროპლაზიის სამკურნალო მედიკამენტს, საქართველოც აიღებს ამ პასუხისმგებლობას. ამ პრეპარატის მიღებას სჭირდება აუცილებლად მომზადება და ეს მომზადება ქვეყანას მიღებული აქვს. ამ ბავშვების მართვა მარტო პრეპარატის გამოყენებით არაა, ამ ბავშვების მართვა არის გართულებული შემთხვევების მკურნალობა. სახელმწიფოს მიერ მიღებული გადაწყვეტილება, რომ ის დააფინანსებს ყველა ჩარევას საქართველოში და საზღვარგარეთ არის ძალიან მნიშვნელოვანი. სამინისტროს მწარმოებელ კომპანიასთან მუდმივი კომუნიკაცია აქვს“, – განაცხადა ივანე ჩხაიძემ. ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

რუსეთის ფედერაცია სულ უფრო უახლოვდება ნიურნბერგს, - ამის შესახებ უკრაინის თავდაცვის მინისტრი ოლექსი რეზნიკოვი გერმანიაში „რამშტაინის“ ფორმატის შეხვედრის შემდეგ „ტვიტერის” პირად გვერდზე წერს. „რამშტან 11-ის შედეგები: რუსეთი სულ უფრო უახლოვდება ნიურნბერგ II-ს. ყოველი შეხვედრა ასეთ ფორმატში არა მხოლოდ მეტ სასარგებლო საჩუქარს იძლევა უკრაინული არმიისთვის, არამედ მიმართულია დამნაშავეების პასუხისმგებლობაში მიცემისკენ”,- წერს რეზნიკოვი. ინტერპრესნიუსი

უკრაინამ რუსული პოლიტიკური პარტიებისა და ცენტრალური საარჩევნო კომისიის წინააღმდეგ სანქციები შემოიღო. უკრაინის პრეზიდენტის ოფიციალური ვებგვერდის ცნობით, შესაბამის განკარგულებას ხელი დღეს უკრაინის პრეზიდენტმა ვოლოდიმირ ზელენსკიმ მოაწერა. გავრცელებული ინფორმაციით, სანქციები ჯამურად 320-ზე მეტ რუსულ კომპანიასა და 40 ფიზიკურ პირს ეხება. ფიზიკური პირებიდან 25 რუსეთის მოქალაქეა, 4 შვეიცარიის მოქალაქე, 2 ირანის მოქალაქე, 8 მალის მოქალაქე და ერთი პირი დაუდგენელი მოქალაქეობით. სანქცირებული კომპანიების უმრავლესობა რადიოელექტრონიკისა და კავშირის სფეროს ეხება. 10-წლიანი სანქციები ასევე 60 იურიდიულ პირს ეხება, რომელთაგან 8 შვეიცარიული კომპანიაა, 5 - ფრანგული, 2 კვიპროსში არის დარეგისტრირებული, 1 - ბრიტანეთის ვირჯინიის კუნძულებზე, 1 - არაბთა გაერთიანებულ საემიროებში, 1 - მალტაზე, 1 - ლუქსემბურგში, 1 - სომხეთში, 1 - გერმანიაში, 1 - ესპანეთში, 1 - ტაივანში, 1 - სინგაპურში, დანარჩენი კი რუსეთი ფედერაციაში. იურიდიულ პირებს შორის არის რუსეთის ცენტრალური საარჩევნო კომისია და რუსული პოლიტიკური პარტიები - რუსეთის ფედერაციის კომუნისტური პარტია, რუსეთის ლიბერალურ-დემოკრატიული პარტია, „ერთიანი რუსეთი,” „ახალი ხალხი” და „სამართლიანი რუსეთი.” სანქციები 10 წლის ვადით არის მიღებული. იპნ

პოლიციაში გამოკითხვის შემდეგ ორგანიზაცია „საქართველოს სომეხთა სათვისტომოს“ ხელმძღვანელმა, არტურ მირზოიანმა ვიდეომიმართვა გაავრცელა და აღნიშნა, რომ ქუჩაში 3 ნიღბიანი პირი თავს დაესხა. მირზოიანი მომხდარს თავის საქმიანობას უკავშირებს. მისივე თქმით, 23 აპრილს „საქართველოს სომეხთა სათვისტომო“ სომეხთა გენოციდის 108-ე წლისთავთან დაკავშირებით მსვლელობას გეგმავს. ფაქტზე გამოძიება დაიწყო სისხლის სამართლის კოდექსის 126-ე მუხლის „ბ“ ქვეპუნქტით, რაც ჯგუფურად ჩადენილ ძალადობას გულისხმობს. პუბლიკა

მწერალ დათო ტურაშვილის ჯანმრთელობის მდგომარეობასთან დაკავშირებით მისი შვილი, ანაკო ტურაშვილი facebook-პოსტს აქვეყნებს და საზოგადოებას მადლობას უხდის გულშემატკივრობისთვის.

საქართველოში ევროკავშირის წარმომადგენლობა ავრცელებს ინფორმაციას იმასთან დაკავშირებით, თუ რა შეიცვლება მომავალი წლიდან ევროკავშირში მგზავრობის მსურველთათვის. განცხადებას უცვლელად გთავაზობთ: „ევროკავშირში მგზავრობის მსურველთა საყურადღებოდ: 2024 წლიდან, ევროპაში უვიზო მიმოსვლით მოსარგებლე 59 ქვეყნის, მათ შორის საქართველოს მოქალაქეებისთვის, სავალდებულო გახდება მგზავრობის წინასწარი დასტურის (ავტორიზაციის) მიღება ,,ინფორმაციისა და ავტორიზაციის სისტემიდან“ (ETIAS). მგზავრობის დასტური ევროკავშირის მიერ შემოღებული ახალი მოთხოვნაა შენგენის 27 ქვეყანაში, ბულგარეთში, რუმინეთსა და კვიპროსში შესასვლელად. გაითვალისწინეთ: ETIAS არ არის ვიზა. უვიზო მიმოსვლის რეჟიმი ძალაში რჩება საქართველოს მოქალაქეების მოკლევადიანი ვიზიტებისთვის ევროკავშირის/შენგენის ზონის ქვეყნებში. უფრთხილდით თაღლითებს. ETIAS-ის ერთადერთი ოფიციალური ვებგვერდი არის: http://www.europa.eu/etias. ETIAS-ის სისტემა ჯერ არ ფუნქციონირებს. მისი ამოქმედების შემდეგ, განაცხადის ფორმა ხელმისაწვდომი იქნება ოფიციალურ ვებგვერდზე. დეტალური ინფორმაციისთვის ეწვიეთ: https://europa.eu/!FnfNwM,“ - ნათქვამია განცხადებაში. ცნობისთვის, ETIAS განაცხადის შესავსებად საჭირო იქნება პასპორტი, რომლის მოქმედების ვადა 3 თვეს აღემატება, ონლაინ-ფორმის შევსება და შესაბამისი საფასურის გადახდა. ETIAS საფასური იქნება 7 ევრო და ის ძალაში იქნება 3 წლის განმავლობაში მრავალჯერადი სარგებლობისთვის. ავტორი: თაია არდოტელი

რუსეთმა უკრაინაში 185 730 ჯარისკაცი დაკარგა, მათგან 680 ბოლო ერთ დღეში, - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს. მათივე ცნობით, ასევე განადგურებულია 4 ტანკი, 5 საარტილერიო სისტემა და 4 დრონი. უკრაინის გენშტაბის მიერ გავრცელებული ინფორმაციის თანახმად, უკრაინელმა სამხედროებმა ასევე გაანადგურეს მტრის 4 საბრძოლო დაჯავშნილი მანქანა, 4 ანტისაჰაერო სისტემა, საავტომობილო ტექნიკის 5 და სპეციალური ტექნიკის 3 ერთეული. მათივე ცნობით, ჯამში, ომის დაწყებიდან დღემდე, განადგურებულია 289 ერთეული ჰაერსაწინააღმდეგო საბრძოლო სისტემა, 308 თვითმფრინავი, 293 ვერტმფრენი, 911 ფრთოსანი და საკრუიზო რაკეტა, 18 გემი და ნავი; 5718 სატრანსპორტო საშუალებების აღჭურვილობა და ავტოცისტერნა/მანქანები და საწვავის ავზი, ხოლო 337 სპეციალური აღჭურვილობა. ინტერპრესნიუსი

თბილისის საქალაქო სასამართლოში ტერორისტული ორგანიზაცია “ისლამური სახელმწიფოს“ ერთ-ერთი დაჯგუფების მეთაურის, საქართველოს მოქალაქე მალხაზ პაქსაშვილს საქმეზე პროცესი მიმდინარეობს. სხდომა დახურულ რეჟიმში ტარდება, ვინაიდან საქმეს გრიფი „საიდუმლო“ ადევს. როგორც პროკურორმა მაია სილაგაძემ სხდომის დაწყებამდე ჟურნალისტებს განუცხადა, ბრალდების მხარე მალხაზ პაქსაშვილის მიმართ აღკვეთის ღონისძიების სახით პატიმრობის შეფარდებას ითხოვს. „სუს-ის კონტრტერორისტული ცენტრის მიერ ბრალდებულის სახით დაკავებულია ერთი პირი, რომელიც გაერთიანდა ტერორისტულ ორგანიზაცია “ისლამურ სახელმწიფოში” და სირიის ტერიტორიაზე აქტიურად მონაწილეობდა აღნიშნული ტერორისტული ორგანიზაციის მიერ წარმოებულ სხვადასხვა საბრძოლო მოქმედებებში. ის სასამართლო განჩინების საფუძველზე დააკავეს და ბრალდების მხარემ სასამართლოს უკვე მიმართა შუამდგომლობით, რომ დაკავებულს აღკვეთის ღონისძიების სახით პატიმრობა შეეფარდოს. რაც შეეხება მტკიცებულებებს, ბრალდების მხარის მიერ მოპოვებულია არაერთი მტკიცებულება, რომლითაც დასტურდება, რომ ბრალდებული გაერთიანდა საერთაშორისო ტერორისტულ ორგანიზაციაში და მონაწილეობდა საბრძოლო მოქმედებებში, მათ შორის არსებობს ვიდეომასალაც”, - განაცხადა მაია სილაგაძემ. რაც შეეხება იმას, თუ როდის გადმოკვეთა მალხაზ პაქსაშვილმა საქართველოს საზღვარი, როგორც პროკურორი განმარტავს, რომ საქმეს გრიფი “საიდუმლო“ ადევს და ყველა დეტალზე საჯაროდ არ ისაუბრებენ. „თუმცა, რამდენიმე წლის წინ მან ნამდვილად გადმოკვეთა საქართველოს სახელმწიფო საზღვარი და მას შემდგომ, რაც მოპოვებულ იქნა მტკიცებულებები, რომ ის იმყოფებოდა სირიის ტერიტორიაზე და სირიაში მონაწილეობდა ტერორისტული ორგანიზაციის მიერ წარმოებულ მოქმედებებში ბრალდების მხარემ შუამდგომლობით მიმართა სასამართლოს, რომ გაცემულიყო განჩინება მისი დაკავების შესახებ, რაც მოხდა კიდეც. ამჟამად, შეტანილი გვაქვს შუამდგომლობა პატიმრობის შეფარდების შესახებ”, - განაცხადა მაია სილაგაძემ. შეგახსენებთ, რომ სახელმწიფო უსაფრთხოების სამსახურის კონტრტერორისტულმა ცენტრმა ჩატარებული სპეციალური ოპერაციის შედეგად, სასამართლო განჩინების საფუძველზე, ტერორისტული ორგანიზაცია „ისლამური სახელმწიფოს“ ერთ-ერთი დაჯგუფების მეთაური, საქართველოს მოქალაქე მალხაზ პაქსაშვილი დააკავა. სახელმწიფო უსაფრთხოების სამსახურის მიერ გავრცელებული ინფორმაციით, კონტრტერორისტული ცენტრის, საქართველოს გენერალური პროკურატურისა და შინაგან საქმეთა სამინისტროს ერთობლივი ღონისძიებების შედეგად გამოძიების ფარგლებში მოპოვებული მტკიცებულებებით დადგინდა, რომ აღნიშნულმა პირმა საქართველო 2013 წელს დატოვა, სირიაში გაემგზავრა და ტერორისტულ ორგანიზაცია „ისლამურ სახელმწიფოს“ შეუერთდა. „2013-2015 წლებში იგი ე.წ. „სამხედრო ემირების“, ძმებ ცეზარ და ცისკარა ტოხოსაშვილების დაჯგუფებაში ირიცხებოდა და აქტიურ მონაწილეობას იღებდა აღნიშნული ტერორისტული ორგანიზაციის მიერ განხორციელებულ თავდასხმებსა და სამხედრო ოპერაციებში. დაკავებულს მჭიდრო კავშირი ჰქონდა „ისლამური სახელმწიფოს“ მაღალი რანგის სამხედრო მეთაურებთან და აღნიშნული ტერორისტული ორგანიზაციის ერთ-ერთი დაჯგუფების ე.წ. „ნაიბის“ პოზიციას იკავებდა. საქმეზე გამოძიება საქართველოს სისხლის სამართლის კოდექსის 328-ე მუხლით მიმდინარეობს, რაც გულისხმობს უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას. დანაშაული სასჯელის სახით 10-დან 17-წლამდე თავისუფლების აღკვეთას ითვალისწინებს. საქართველოს სახელმწიფო უსაფრთხოების სამსახური აგრძელებს ბრძოლას საერთაშორისო ტერორიზმთან. საქართველო რჩება საერთაშორისო კონტრტერორისტული სისტემის ერთ-ერთ აქტიურ წევრად და საიმედო პარტნიორად“, - აღნიშნულია უწყების მიერ გავრცელებულ ინფორმაციაში.

უკრაინის პრეზიდენტმა ვოლოდიმირ ზელენსკიმ რუსული „იმპერიული პოლიტიკის პროპაგანდის აკრძალვის შესახებ“ კანონს მოაწერა ხელი. ინფორმაციას ამის შესახებ უკრაინის უმაღლესი რადას ოფიციალური ვებ-გვერდი ავრცელებს. მიღებული კანონის ნორმების თანახმად, უკრაინაში რუსული იმპერიული პოლიტიკის სიმბოლიკის დამზადება, გავრცელება და საჯაროდ გამოყენება იკრძალება. რუსული იმპერიული პოლიტიკის სიმბოლიკას მიეკუთვნებიან: იმ პირთა ძეგლები, რომლებიც ხელმძღვანელ თანამდებობებს იკავებდნენ რუსეთის ხელისუფლებისა და მმართველობის ორგანოებში, პოლიტიკურ ორგანიზაციებში, პარტიებში, შეიარაღებულ დაჯგუფებებში და მონაწილეობდნენ ან ხელს უწყობდნენ რუსული იმპერიული პოლიტიკის რეალიზებას; ასევე, ძეგლები, რომელიც ეძღვნება პირებს, ვინც საჯაროდ უჭერდა მხარს, ადიდებდა ან ამართლებდა რუსულ იმპერიულ პოლიტიკას, მოუწოდებდნენ რუსიფიკაციისკენ ან უკრაინოფობიისკენ; გეოგრაფიული ობიექტებისა და ადგილობრივი ტოპონომიის ობიექტების დასახელებები ზემოთ აღნიშნული პირების საპატიოდ, ან დასახელებები რუსული ქალაქებისა და რუსეთის სხვა გეოგრაფიული, ისტორიული და კულტურული ობიექტების საპატიოდ; რუსეთის სახელმწიფო ინსტიტუტების დროშები და ჰიმნები. კანონი მისი გამოქვეყნებიდან სამი თვის შემდეგ შედის ძალაში, მანამდე მინისტრთა კაბინეტმა მისი დებულებების რეალიზებისთვის ნორმატიული ბაზა უნდა მოამზადოს. იპნ

ჟურნალისტმა აკა ზარქუამ, რომელიც “ფორმულას” გადაცემის “მრგვალი მაგიდა” თანაწამყვანი იყო, ტელეკომპანია დატოვა. თავის გადაწყვეტილებას ის ხსნის ტელეარხის თანადამფუძნებლის, დავით კეზერაშვილი გარშემო განვითარებული პროცესებით. ბრიტანული BBC-ის ჟურნალისტური გამოძიების თანახმად, საქართველოს თავდაცვის ყოფილი მინისტრი და “ფორმულას” თანადამფუძნებელი დავით კეზერაშვილი დაკავშირებულია “ასობით სხვადასხვა საინვესტიციო ბრენდის გლობალურ თაღლითურ ქსელთან”, რომელმაც კლიენტთა მოტყუების გზით მილიარდ დოლარზე მეტი გამოიმუშავა. კეზერაშვილი უარყოფს ჟურნალისტურ გამოძიებაში გახმიანებულ ბრალდებებს. მისივე თქმით, ყველაფერს გააკეთებს, რათა “ფორმულას” თანამშრომლები დარწმუნებული იყვნენ, რომ მის მიმართ გამოთქმული ბრალდებები ცილისმწამებლურია, დაშვებები კი — უსაფუძვლო. ამავე დროს, კეზერაშვილმა გაახმიანა გადაწყვეტილება, რომლის თანახმადაც “ფორმულაში” თავისი წილის(51%) ნახევარს ტელეკომპანიის კოლექტივს გადასცემს. როგორც “ფორმულას” გენერალურმა დირექტორმა, ზუკა გუმბარიძემ, კეზერაშვილის ამ განცხადების შემდგომ თქვა, ამ ეტაპზე არ აქვთ გადაწყვეტილი, ვინ იქნებიან ტელეარხის ის თანამშრომლები, რომლებიც წილების გადაცემის შემდეგ “ფორმულას” თანამფლობელები გახდებიან. თუმცა, გუმბარიძის განმარტებით, მათ შორის იქნებიან როგორც ტელეკომპანიის ცნობილი სახეები, ასევე სხვა დასაქმებულებიც. ტელეკომპანიის დირექტორის განცხადებით, იქიდან გამომდინარე, რომ “ფორმულა”, როგორც ბიზნესი, თვითკმარი არ არის, მის დაფინანსებას დავით კეზერაშვილი კვლავ განაგრძობს. “ფორმულა” 2019 წელს, მას შემდეგ დაფუძნდა, რაც ევროპის ადამიანის უფლებათა სასამართლოს გადაწყვეტილებით “რუსთავი 2” ქიბარ ხალვაშს დაუბრუნდა. ტელეარხის თანამშრომელთა ნაწილმა მუშაობა სწორედ “ფორმულაში” გააგრძელა. ნეტგაზეთი

აქონდროპლაზიის მქონე ბავშვთა მშობლების განცხადებით, მთავრობის ადმინისტრაციასთან პროტესტს 24-საათიან რეჟიმში გააგრძელებენ მანამ, სანამ მათ მოთხოვნებს პრემიერ-მინისტრი არ უპასუხებს. მათ ინგოროყვას ქუჩის გადაკეტვაც სცადეს. მშობლების მთავარი მოთხოვნაა, სახელმწიფომ საქართველოში შემოიტანოს და დააფინანსოს ბავშვებისთვის აუცილებელი პრეპარატი. გასული ღამე რამდენიმე ადამიანმა მთავრობის ადმინისტრაციასთან გაათენა. მშობლები ამჟამადაც შენობასთან არიან შეკრებილნი, პლაკატებით “აქონდროპლაზია არ არის უბრალოდ ზრდის შეფერხება” და “წამალი ფუფუნება არ არის”. აქციის მონაწილეებმა ინგოროყვას ქუჩის გადაკეტვაც სცადეს, თუმცა ამის საშუალება მათ პოლიციამ არ მისცა. ტრანსპარანტები, რომლებზეც მათი მოთხოვნებია დატანილი, მშობლებმა ადმინისტრაციასთან აღმართულ ღობეზე მიამაგრეს. პროტესტის ნიშნად ისინი ღობეზე ხელებს აბრახუნებდნენ. აქციას რამდენიმე ოპოზიციური პარტიის წარმომადგენლებიც შეუერთდნენ. აღნიშნულს წინ უძღოდა მშობლებისა და ჯანდაცვის მინისტრის, ზურაბ აზარაშვილის შეხვედრა 20 აპრილის საღამოს. თუმცა, როგორც ერთ-ერთი მშობელი ქეთევან ბეგიაშვილი “ნეტგაზეთთან” ამბობს, უწყება კვლავ უარზეა, დააფინანსოს პრეპარატი. ბეგიაშვილის თქმით, სამინისტროში პირობა მისცეს, რომ სექტემბერში თუ ექნებათ ახალი ინფორმაცია და თუ ევროპის კიდევ რამდენიმე ქვეყანა დაემატება, რომელიც საკუთარი ბიუჯეტით აფინანსებს [წამალს], მომავალი წლის ბიუჯეტში აუცილებლად გაითვალისწინებენ ამ საკითხს. “2024 წლიდან ბავშვები მიიღებენ ამ წამალსო. ეს ჩემთვის დამღუპველია, ასაკობრივი ზღვრის გამო”, – გვეუბნება მშობელი. აქცია მთავრობის ადმინისტრაციასთან. ფოტო: ნეტგაზეთი/მარიამ ბოგვერაძე აქციის მონაწილეები მთავრობის ადმინისტრაციის ერთ-ერთი შესასვლელში დასხდნენ. ფოტო: ნეტგაზეთი/მარიამ ბოგვერაძე 2021 წელს პრეპარატ Voxzogo-ს (აქტიური ნივთიერება – ვიზოდორიტით) აშშ-ის წამლისა და საკვების ადმინისტრაციამ (FDA), ასევე ევროპის წამლის სააგენტომ (EMA) ავტორიზაცია მისცა. ეს პრეპარატი პირველია, რომელიც გამოიყენება სინდრომისა და მისგან გამოწვეული სიმპტომების სამკურნალოდ. მშობლები ამბობენ, რომ მისი მიღება ეფექტურია მხოლოდ გარკვეულ დრომდე, კერძოდ – 18 წლამდე. მშობლებთან შეხვედრის შემდეგ პრესრელიზი გაავრცელა ჯანდაცვის სამინისტრომაც. განცხადებაშიც წერია, რომ მინისტრი „უპირობო გარანტიას“ იძლევა, რომ თუ – „სექტემბრის მონაცემებით, რამდენიმე, ევროკავშირის წევრი ქვეყანა, აიღებს პასუხისმგებლობას და სახელმწიფო ბიუჯეტიდან დააფინანსებს აქონდროპლაზიის ახლად შექმნილ სამკურნალო მედიკამენტს, საქართველო იქნება მსოფლიოში ერთ-ერთი მოწინავე ქვეყანა, რომელიც ამ პასუხისმგებლობას გაიზიარებს და წამლის შესყიდვისთვის საჭირო პროცედურებს განახორციელებს“. მინისტრმა ასევე თქვა, რომ არცერთ ქვეყანაში ბიუჯეტიდან ამ პრეპარატით მკურნალობა არ ფინანსდება, ხოლო FDA-სა და EMA-ს ავტორიზაცია ეხება ქვეყნებში შეტანის და გაყიდვის უფლებას – „და არ გულისხმობს ავტომატურად ბიუჯეტიდან მედიკამენტის დაფინანსებას“. უკვე რამდენიმე თვეა, რაც აქონდროპლაზიის მქონე ბავშვთა მშობლები საქართველოში სპეციალური პრეპარატის შემოტანას ითხოვენ. ნეტგაზეთი

2023 წლის 21 აპრილს საქართველოს საგარეო საქმეთა მინისტრმა, ილია დარჩიაშვილმა და იტალიის რესპუბლიკის საგარეო საქმეთა და საერთაშორისო თანამშრომლობის მინისტრმა, ანტონიო ტაიანიმ ხელი მოაწერეს ერთობლივ დეკლარაციას საქართველოსა და იტალიის რესპუბლიკას შორის მაღალი დონის დიალოგის დაფუძნების შესახებ. საგარეო საქმეთა სამინისტროს ცნობით, დოკუმენტში მხარეები აღიარებენ საქართველო-იტალიის ორმხრივ ურთიერთობებში 1992 წლიდან მიღწეულ მნიშვნელოვან პროგრესს, რაც ქმნის არსებული თანამშრომლობის დღის წესრიგის გაძლიერებისა და გამრავალფეროვნების მყარ საფუძველს. „მაღალი დონის დიალოგი ასახავს ორ ქვეყანას შორის დინამიკურ თანამშრომლობას და გამოავლენს პარტნიორობის ახალ პერსპექტივებს. მხარეები კიდევ ერთხელ ადასტურებენ ერთგულებას საერთო ღირებულებებისა და ინტერესების მიმართ და სწრაფვას, დაიცვან წესებზე დაფუძნებული საერთაშორისო წესრიგი. დეკლარაციის ფარგლებში, მხარეები გამოხატავენ მტკიცე ნებას უფრო მაღალ დონეზე აიყვანონ ორ ქვეყანას შორის არსებული ორმხრივი ურთიერთობები და დასახონ ურთიერთსასარგებლო თანამშრომლობის სამომავლო პერსპექტივები. აღნიშნული ფორმატი შედგება ოთხი თემატური განზომილებისაგან, რომლებიც მოიცავს პოლიტიკურ, თავდაცვისა და უსაფრთხოების, სავაჭრო-ეკონომიკურ, ასევე კულტურულ, საგანმანათლებლო და სამეცნიერო სფეროებს. დიალოგის ფარგლებში შეხვედრებს, რომელიც გარკვეული პერიოდულობით გაიმართება, თანათავმჯდომარეობას გაუწევენ საგარეო საქმეთა მინისტრები. სესიებში მონაწილეობას მიიღებენ შესაბამისი დარგობრივი სამინისტროების/უწყებების მაღალი რანგის წარმომადგენლებით დაკომპლექტებული დელეგაციები. ყოველი შეხვედრის შედეგად გამოქვეყნდება ერთობლივი კომუნიკე. მაღალი დონის დიალოგის შესახებ დეკლარაციას ხელი მოეწერა საქართველოს საგარეო საქმეთა მინისტრის, ილია დარჩიაშვილის, რომში ვიზიტისას. ვიზიტის ფარგლებში, საქართველოს საგარეო უწყების ხელმძღვანელმა შეხვედრები გამართა იტალიის საკანონმდებლო და აღმასრულებელი ხელისუფლებების წარმომადგენლებთან“, – აღნიშნულია საგარეო უწყების ინფორმაციაში.

საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე სოციალურ ქსელში სტატუსს აქვეყნებს. როგორც დეკანოზი წერს, ინფორმაცია, თითქოს პატრიარქის ჯანმრთელობის მდგომარეობა გაუარესდა, არასწორია. „სრულიად საქართველოს კათოლიკოს-პატრიარქის ჯანმრთელობის გაუარესების შესახებ გავრცელებული ინფორმაცია არ შეესაბამება სინამდვილეს“, – წერს დეკანოზი ანდრია ჯაღმაიძე.

„ვუერთდები კამპანიას #აჩუქეწიგნი“ – ამ ჰეშთეგითა და „ბიბლუსის“ მიერ შექმნილი ფოტოს სოციალურ ქსელში დადებით თქვენ გახდებით იმ კამპანიის ერთ-ერთი მონაწილე, რომელიც უკვე წლებია, საქართველოში წიგნიერების ამაღლებასა და წიგნის ხელმისაწვდომობას უწყობს ხელს. ეროვნული ბიბლიოთეკის დირექტორი გიორგი კეკელიძე და წიგნის მაღაზიათა ქსელი „ბიბლუსი“ წლებია, აპრილში წიგნის ჩუქების თვეს აღნიშნავენ, რომლის ფარგლებშიც მთელი საქართველოს მასშტაბით სხვადსხვა ღონისძიება ტარდება. კამპანიის ფარგლებში წელს „ბიბლუსი“ უამრავ ადამიანს უმზადებს მოულოდნელ სიურპრიზს, რომელიც როგორც მაღაზიებში, ისე სხვადასხვა კულტურულ და საჯარო დაწესებულებებში დახვდებათ. წიგნის ჩუქების პოპულარიზაციისთვის „ბიბლუსმა“ სოციალურ მედიაში სპეციალური კამპანია დაიწყო, რომელშიც მონაწილეობის მიღება და კითხვის პოპულარიზაციაში საკუთარი წვლილის შეტანა ნებისმიერ მსურველს შეუძლია. დადეთ „ბიბლუსის“ მიერ შემოთავაზებული ტექსტი და ფოტო, შეუერთდით კამპანიას და შეუწყეთ ხელი წიგნიერების ამაღლებას. თქვენი საყვარელი წიგნის მაღაზიათა ქსელი კი აპრილის ბოლომდე სხვადასხვა საინტერესო სიუპრიზს შემოგთავაზებთ. აღსანიშნავია, რომ გასულ წლებში ეროვნულმა ბიბლიოთეკამ და „ბიბლუსმა“ ერთობლივად სხვადასხვა საზოგადოებისთვის მნიშვნელოვანი აქტივობა განახორციელეს. მათ შორის იყო საოკუპაციო ხაზთან მდებარე სოფლების სკოლებში ბიბლიოთეკების მოწყობა, რაც მოსწავლეებსა და მასწავლებლებს თანამედროვე ლიტერატურასა და სახელმძღვანელოებთან წვდომაში დაეხმარა. სოციალური პასუხისმგებლობის ფარგლებში ღონისძიებები წელსაც ჩატარდება. შეგახსენებთ, რომ 23 აპრილი, რომელიც მსოფლიოს მასშტაბით წიგნის ჩუქების დღედ აღინიშნება, ცნობილი მწერლების უილიამ შექსპირისა და მიგელ დე სერვანტესის გარდაცვალების თარიღებია. საქართველოში კი წიგნის ჩუქების ტრადიცია 2019 წლიდან დამკვიდრდა და მას შემდეგ სულ უფრო პოპულარული ხდება. (R)

სახელმწიფო უსაფრთხოების სამსახურის კონტრტერორისტულმა ცენტრმა ჩატარებული სპეციალური ოპერაციის შედეგად, სასამართლო განჩინების საფუძველზე, ტერორისტული ორგანიზაცია „ისლამური სახელმწიფოს“ ერთ-ერთი დაჯგუფების მეთაური, საქართველოს მოქალაქე მალხაზ პაქსაშვილი დააკავა. სახელმწიფო უსაფრთხოების სამსახურის მიერ გავრცელებული ინფორმაციით, კონტრტერორისტული ცენტრის, საქართველოს გენერალური პროკურატურისა და შინაგან საქმეთა სამინისტროს ერთობლივი ღონისძიებების შედეგად გამოძიების ფარგლებში მოპოვებული მტკიცებულებებით დადგინდა, რომ აღნიშნულმა პირმა საქართველო 2013 წელს დატოვა, სირიაში გაემგზავრა და ტერორისტულ ორგანიზაცია „ისლამურ სახელმწიფოს“ შეუერთდა. „2013-2015 წლებში იგი ე.წ. „სამხედრო ემირების“, ძმებ ცეზარ და ცისკარა ტოხოსაშვილების დაჯგუფებაში ირიცხებოდა და აქტიურ მონაწილეობას იღებდა აღნიშნული ტერორისტული ორგანიზაციის მიერ განხორციელებულ თავდასხმებსა და სამხედრო ოპერაციებში. დაკავებულს მჭიდრო კავშირი ჰქონდა „ისლამური სახელმწიფოს“ მაღალი რანგის სამხედრო მეთაურებთან და აღნიშნული ტერორისტული ორგანიზაციის ერთ-ერთი დაჯგუფების ე.წ. „ნაიბის“ პოზიციას იკავებდა. საქმეზე გამოძიება საქართველოს სისხლის სამართლის კოდექსის 328-ე მუხლით მიმდინარეობს, რაც გულისხმობს უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას. დანაშაული სასჯელის სახით 10-დან 17-ტ წლამდე თავისუფლების აღკვეთას ითვალისწინებს. საქართველოს სახელმწიფო უსაფრთხოების სამსახური აგრძელებს ბრძოლას საერთაშორისო ტერორიზმთან. საქართველო რჩება საერთაშორისო კონტრტერორისტული სისტემის ერთ-ერთ აქტიურ წევრად და საიმედო პარტნიორად“, - აღნიშნულია უწყების მიერ გავრცელებულ ინფორმაციაში. ipn

პარტია "საქართველოსთვის" აქონდროპლაზიის დიაგნოზის მქონე ბავშვების დაფინანსებაზე განცხადებას ავრცელებს, რომელსაც PLANETA.GE უცვლელად გთავაზობთ: "მოვუწოდებთ თბილისის მერიას, გადახედოს ნაგვის ურნების შესაძენად გამოცხადებულ 10 მილიონი ლარის ტენდერის პირობებს, გაანახევროს თანხა და 5 მილიონი ლარით დააფინანსოს იშვიათი დაავადების მქონე ბავშვების მკურნალობა - სამწუხაროდ, ჯანდაცვის მინისტრთან გამართულმა შეხვედრამ კიდევ ერთხელ დაადასტურა, რომ საქართველოს მთავრობისთვის ადამიანი და მისი გასაჭირი არ არის მთავარი საზრუნავი და დღეს, ისე როგორც არასდროს, მოქალაქეები მარტო არიან დარჩენილი საკუთარ პრობლემებთან, რადგან დღევანდელ ხელისუფლებას სრულიად დავიწყებული ჰყავს ისინი, არ სურს მათი მოსმენა, გაგება, თანაგრძნობა და რაც მთავარია, კონკრეტული, ქმედითი ნაბიჯების გადადგმა გასაჭირში დარჩენილი ადამიანების პრობლემების გადასაჭრელად. - ამის დასტურია, პრემიერ ღარიბაშვილის მიერ ამ დღეებში გამოჩენილი სრული ინდიფერენტულობა, იგნორირება, ნულოვანი ემპათია საკუთარი მოქალაქეების მიმართ, რომლებიც მიუხედავად იმისა, რომ სახლებში მძიმედ დაავადებული ბავშვები ელოდებიან, ქუჩაში, წვიმასა და სიცივეში პროტესტის მშვიდობიანი ფორმით ითხოვდნენ პრემიერთან შეხვედრას, მაგრამ უშედეგოდ! - პრემიერმა ვერ მოიცალა მათთან შესახვედრად, მაგრამ მოიცალა ამ უსახური შავი ღობის მოსაწყობად, რაც დარჩება ამ ხელისუფლების დეგრადაციისა და საკუთარ მოქალაქეებთან სრული გაუცხოებისა და კარჩაკეტილობის მავნე სიმბოლოდ! - ჯანდაცვის მინისტრთან შეხვედრის შემდეგ ბოლო იმედი, რომ ხელისუფლება კონკრეტულ გეგმას, კონკრეტულ გამოსავალს შესთავაზებდა მშობლებს, გაქრა! - მაგრამ არსად გამქრალა მშობლების, საკუთარი შვილებისთვის თავდადებული დედებისა და მამაცი ქალების შემართება, რომ ბოლომდე იბრძოლონ საკუთარი შვილების სიცოცხლისა და ჯანმრთელობის უფლებისთვის", - ნათქვამია განცხადებაში.

სახელმწიფო უსაფრთხოების სამსახურის ცნობით, დღეს, ქარელის მუნიციპალიტეტის სოფელ ჭვრინისის მიმდებარედ, რუსეთის საოკუპაციო ძალებმა საქართველოს ორი მოქალაქის უკანონოდ დაკავება სცადეს, რომლებმაც თავდამსხმელებს წინააღმდეგობა გაუწიეს. როგორც სუს-ის მიერ გავრცელებულ ინფორმაციაშია აღნიშნული, პოლიციის თანამშრომლების დაუყოვნებლივ გამოჩენისთანავე, რუსეთის საოკუპაციო ძალის წარმომადგენლებმა ტერიტორია სწრაფად დატოვეს. „ამჟამად მოქალაქეები ცენტრალური ხელისუფლების კონტროლირებად ტერიტორიაზე იმყოფებიან და მათ საფრთხე არ ემუქრება. მოქალაქეები გამოკითხვის მიზნით, შიდა ქართლის პოლიციის დეპარტამენტში იმყოფებიან. აღნიშნული მძიმე ინციდენტის შესახებ ინფორმაციის მიღებისთანავე, სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის მიერ ოპერირებული ცხელი ხაზი. ინციდენტის შესახებ დაუყოვნებლივ ეცნობა საერთაშორისო პარტნიორებსა და ჟენევის საერთაშორისო დისკუსიების თანათავმჯდომარეებს. ცენტრალური ხელისუფლება, მკაცრად დააყენებს აღნიშნულ საკითხს მიმდინარე წლის 27 აპრილს, ერგნეთში დაგეგმილ ინციდენტების პრევენციის და მათზე რეაგირების მექანიზმის (IPRM) მორიგ შეხვედრაზე. საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება საოკუპაციო ძალას. მსგავსი უკანონო ქმედებები უკიდურესად აზიანებს რეგიონში არსებულ უსაფრთხოების მყიფე გარემოს“,-აღნიშნულია სუს-ის მიერ გავრცელებულ ინფორმაციაში. იპნ

პუტინის ომი ნატო-ს გაფართოების შედეგი არ არის, პუტინის ომი ნატო-ს გაფართოების მიზეზია, - ამის შესახებ აშშ-ის თავდაცვის მდივანმა ლოიდ ოსტინმა გერმანიაში „რამშტაინის” ფორმატში ჩატარებული სხდომის შემდეგ გამართულ პრესკონფერენციაზე განაცხადა. მან აღნიშნა, რომ პუტინმა უხეში შეცდომები დაუშვა გაანგარიშებაში, როდესაც ერთი წლის წინ უკრაინაში შეიჭრა. “მას ეგონა, რომ უკრაინა წინააღმდეგობას არ გაუწევდა, მაგრამ უკრაინა მისი პარტნიორების დახმარებით მყარად დგას. პუტინს ეგონა, რომ ჩვენი ერთობა გაიხლიჩებოდა, მაგრამ რუსეთის სასტიკმა ომმა მხოლოდ დაგვაახლოვა”, - განაცხადა ოსტინმა. მან ასევე აღნიშნა, რომ “რამშტაინის” შეხვედრებზე ფინეთი უკვე როგორც ნატო-ს წევრი სახელმწიფო იმყოფება და იმედი გამოთქვა, რომ “შვედეთი მალე გაჰყვება მის მაგალითს”. იპნ

კანონის ფარგლებში არსებული პროტესტის ყველა ფორმა დასაშვებია - აქციები და პროტესტის სხვა ფორმები არ უნდა გამოვრიცხოთ, - ამის შესახებ პარტია „საქართველოსთვის“ წევრმა მიხეილ დაუშვილმა განაცხადა, რითაც გამოეხმაურა „სტრატეგია აღმაშენებლის“ ერთ-ერთი ლიდერის, პაატა მანჯგალაძის განცხადებას, რომ საგამოძიებო კომისიის შექმნის საკითხის მხოლოდ პარლამენტში დაყენება საკმარისი არ არის. მისი თქმით, პირველ რიგში ოპოზიციამ 50 ხმის მობილიზება უნდა გააგრძელოს. „კანონის ფარგლებში არსებული პროტესტის ყველა ფორმა დასაშვებია. ვფიქრობ, პირველ რიგში, უნდა გავაგრძელოთ მცდელობა იმისა, რომ 50 ხმის მობილიზება მოხდეს კვლავ და ვცადოთ საგამოძიებო კომისიის შექმნა. რაც შეეხება აქციებს და პროტესტის სხვადასხვა ფორმას, რა თქმა უნდა, არაფერი არ უნდა გამოვრიცხოთ და რაც კანონით მისაღები და დასაშვებია ყველანაირი ფორმა შეგვიძლია გამოვიყენოთ“, - განაცხადა დაუშვილმა. მანვე აღნიშნა, რომ „ქართული ოცნების“ უმოქმედობა პირდაპირ დასტურია იმისა, რომ სასამართლო სისტემაში უამრავი პრობლემა არსებობს. „მთავარი მამოძრავებელი რის გამოც „ქართული ოცნება“ საბოტაჟს უცხადებს საპარლამენტო საქმიანობას არის შიში, რომ საგამოძიებო კომისიის შექმნის შემთხვევაში პრობლემა, რომელიც სასამართლო სისტემაში არსებობს სააშკარაოზე გამოვა. „ოცნებას“ ეშინია, რომ ის ადამიანები, რომლებსაც სასამართლო სისტემაზე გავლენა აქვთ და მართავენ, საუბარს დაიწყებენ იმ გარიგებების შესახებ, რომელიც სავარაუდოდ, სასამართლოსა და „ქართულ ოცნებას“ შორის შესაძლოა არსებობდეს“, - აღნიშნა დაუშვილმა. იპნ

მე არა­ვი­თა­რი კი­თხვა არ მაქვს მო­სა­მარ­თლე მა­ნუ­ჩარ კა­პა­ნა­ძეს­თან - პირ­და­პირ ვდებ ბრალს, რომ ჩემი შვი­ლი მან მოკ­ლა, - ამის შე­სა­ხებ კონ­ტრო­ლის პა­ლა­ტის ყო­ფი­ლი თავ­მჯდო­მა­რის, სულ­ხან მო­ლაშ­ვი­ლის მა­მამ, თა­მაზ მო­ლაშ­ვილ­მა "პა­ლიტ­რა­ნი­უ­სის" გა­და­ცე­მა­ში "360 გრა­დუ­სი" გა­ნა­ცხა­და. მან მო­ლაშ­ვი­ლის საქ­მის ერთ-ერთი მო­სა­მარ­თლის, მა­ნუ­ჩარ კა­პა­ნა­ძის უვა­დოდ და­ნიშ­ვნა­ზე ისა­უბ­რა და აღ­ნიშ­ნა, რომ მისი შვი­ლი მძი­მე მდგო­მა­რე­ო­ბა­ში არამ­ხო­ლოდ კა­პა­ნა­ძის, არა­მედ სხვა ადა­მი­ა­ნე­ბის გა­და­წყვე­ტი­ლე­ბე­ბის გამო ჩა­ვარ­და"მე პირ­და­პირ ბრალს ვდებ, რომ ჩემი შვი­ლი მა­გა­ნაც მოკ­ლა. სულ­ხან მო­ლაშ­ვილს შუბ­ლში ტყვია არა­ვინ ეს­რო­ლა, არც ხან­ჯა­ლი გა­უყ­რი­ათ, მაგ­რამ და­წყე­ბუ­ლი პირ­ვე­ლი დღი­დან, რა დღე­შიც ჩა­აგ­დეს, გვა­რებს ჩა­მოვ­თვლი: კა­პა­ნა­ძე, მე­იშ­ვი­ლი, მუ­რუ­სი­ძე, ვა­ლე­რი გრი­გა­ლაშ­ვი­ლი, ბო­კე­რია, ვინც გინ­დათ, იმ­დე­ნი ხალ­ხი იყო ჩემი შვი­ლის ნელ-ნელა მოკ­ვლა­ში ჩარ­თუ­ლი, რომ არ ვიცი. კი­თხვებს კი არ ვსვამ, პირ­და­პირ და­ნა­შა­ულ­ში ვამ­ხელ ამ ხალ­ხს. ჩემს შვილს არა­ფე­რი ეშ­ვე­ლე­ბა აწი, მაგ­რამ სხვის შვილს ამის­თა­ნა რა­მეს რომ გა­უ­კე­თე­ბენ, ეს ხომ სა­დღაც უნდა მორ­ჩეს. გა­მა­გე­ბი­ნოს იუს­ტი­ცი­ის საბ­ჭომ, მან ხომ ზე­პი­რად იცის კა­პა­ნა­ძის მიერ ჩა­დე­ნი­ლი და­ნა­შა­უ­ლი, ბო­დი­ში თუ მო­ახ­დე­ვი­ნეს ან მი­თი­თე­ბა თუ მის­ცეს?! სა­ზო­გა­დო­ე­ბას გა­ა­გე­ბი­ნონ... აქ მხო­ლოდ ორ მო­სა­მარ­თლე­ზე და სამ მო­სა­მარ­თლე­ზე არ არის სა­უ­ბა­რი. რამ­დე­ნი არი­ან ისე­თე­ბი, რომ­ლე­ბიც არა­კა­ცუ­რად, უკა­ნონდ იქ­ცე­ოდ­ნენ. ეს მარ­ტო ჩემი შვი­ლის­თვის არა. პრე­სას ხომ კი­თხუ­ლობთ? ხომ გვეს­მის გარ­შე­მო რაც ხდე­ბა. სა­ქარ­თვე­ლო პა­ტა­რა ქვე­ყა­ნაა. ვის რა სტკი­ვა, ყვე­ლა­ფე­რი ვი­ცით. სა­ზი­ღა­რიო პე­რი­ო­დი გა­მო­ვი­ა­რეთ. პი­რა­დად მე ცო­ცხა­ლი რო­გორ ვარ მიკ­ვირს, მთე­ლი ღამე ვბღა­ო­დი ხოლ­მე, ახ­ლაც მე­ტი­რე­ბა. და ამის­თა­ნა ხალ­ხს ნიშ­ნა­ვენ უვა­დო მი­სა­მარ­თლე­ე­ბად. ბო­ლოს­და­ბო­ლოს, ხელი ჩა­მიქ­ნე­ვია ყვე­ლა­ფერ­ზე, თუ არ მი­ხე­და­ვენ მაგ საქ­მეს" - გა­ნა­ცხა­და თა­მაზ მო­ლაშ­ვილ­მა. ნა­ხეთ ვი­დეო

საქართველოში მცხოვრებ თითოეულ მუსლიმს გილოცავთ რამადან ბაირამის დღესასწაულს!, - ამის შესახებ პარტია "საქართველოსთვის" თავმჯდომარე და ყოფილი პრემიერ-მინისტრი გიორგი გახარია სოციალურ ქსელში წერს. მისი თქმით, განსაკუთრებული და გამორჩეულია მათი წვლილი ჩვენი ქვეყნის განვითარებაში, რაც საბოლოოდ მუსლიმებს და მართლმადიდებელ ქართველებს ერთად მოგვაპოვებინებს დიდ წარმატებას, თავისუფლებას, ეკონომიკურ სიძლიერეს და ევროპული ოჯახის სრულფასოვან წევრობას, რისთვისაც იბრძოდნენ ჩვენი წინაპრები და რაც მთავარია, რაზეც ოცნებობენ ჩვენი შვილები. "საამაყოა თქვენი ტრადიციები და ის ღირსება, რა ღირსებითაც ამ ტრადიციებს იცავთ და ინარჩუნებთ. თქვენ ხართ საიმედო დასაყრდენი, ჩვენი სამშობლოს უკეთესი მომავლისთვის ბრძოლაში. ჯანმრთელობას, სიკეთეს და ბედნიერებას გისურვებთ თქვენს ოჯახებთან ერთად! გილოცავთ რამადან ბაირამის დღესასწაულს!", - წერს სოციალურ ქსელში გიორგი გახარია.

ნუ დაგენანებათ მთაში ფულის დახარჯვა, თორემ, ასეთი მიდგომით, მალე მთაში ახალგაზრდები აღარ ეყოლება ქვეყანას, - ამის შესახებ, პარლამენტში სიტყვით გამოსვლისას, პარტია "საქართველოსთვის" წევრმა და დეპუტატმა შალვა კერესელიძემ განაცხადა. მისი თქმით, მთას ნამდვილად აქვს იმის რესურსი და ბუნებრივი პოტენციალი, რომ მაღალმთიან დასახლებებში ადამიანებმა ნორმალურად იცხოვრონ. "მთას ნამდვილად აქვს იმის რესურსი და ბუნებრივი პოტენციალი, რომ თავიდან ბოლომდე ჩამოკიდებული კი არ იყოს, მხოლოდ სუბსიდიებსა და დახმარებებზე, არამედ სწორი და გონივრული პოლიტიკის გატარებით და კომპლექსური მიდგომით, მაღალმთიან დასახლებებში ადამიანებმა იცხოვრონ ნორმალურად და მნიშვნელოვანი წვლილი შეიტანონ საკუთარი ქვეყნის აღმშენებლობაში.", - განაცხადა შალვა კერესელიძემ. 342198625_133694972932031_4288851617982757855_n.mp4

ოპოზიციას ურჩევნია, რეგლამენტი წაიკითხოს. დღეს რასაც ლაპარაკობდნენ, იმის იქითაც უამრავი ბერკეტია, რომ მავნებლობა არ გაატანინო ოპოზიციას. რეგლამენტის ერთი ჩანაწერი მავნებლობას როცა ემსახურება, მეორე ჩანაწერი უნდა გამოიყენო ამ მავნებლობის აღსაკვეთად, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ საგამოძიებო კომისიის შექმნის საკითხზე ჟურნალისტებს განუცხადა. მისივე თქმით, საპარლამენტო უმრავლესობის მიერ კენჭისყრის გასამართად რეგისტრაციის გავლაზე უარის გადაწყვეტილება მოსამართლეების მიმართ სოლიდარობის გამოხატულებაა. „ოპოზიციას წარმოდგენა არ აქვს, რა ხდება და როგორ ხდება თვითონ კომისიაში თანაბარ შემადგენლობასთან დაკავშირებით. რასაც ჩვენ ვაკეთებთ, არის სოლიდარობა ქართული სასამართლოს მიმართ. ვინც არ უნდა იყოს შენი სტრატეგიული პარტნიორი, მეგობარი, პირველ რიგში, მას უნდა უთხრა, რომ არ შეიძლება დასანქცირდეს ან მესიჯის დარბილების თანახმადაც რომ ვთქვათ, არ შეიძლება, მტკიცებულებების გარეშე სავიზო შეზღუდვა დაუწესდეს ქვეყნის რომელიმე მოსამართლეს. რომელი სახელი და გვარიც არ უნდა იყოს, როგორც არ უნდა მოსწონდეს ან არ მოსწონდეს ვიღაცას, შენი ქვეყნის სასამართლოს მოსამართლეს მტკიცებულებების გარეშე დაუწესებენ თუ არა შეზღუდვას თუ სანქციას, უნდა გეყოს გამბედაობა, თქვა, რომ ეს არის უსაფუძვლო, უსამართლო და ასეთი რამ არ შეიძლება. ესენი ამას კი არ აკეთებენ, ეროვნული თავმოყვარეობის საწინააღმდეგო მოქმედებებს სჩადიან. ისინი ამის საფუძველზე შტურმს ახორციელებენ სასამართლო სისტემაზე. შტურმი სცადეს ბევრი მიმართულებით და ახლა ამ მიმართულებით გააძლიერეს შემოტევა. ჩვენ ამ შემოტევას აღვიქვამთ, როგორც სახელმწიფოზე, მის სუვერენიტეტზე, სასამართლოს ერთ-ერთი მნიშვნელოვანი შტოს დამოუკიდებლობაზე შტურმად, ზეწოლად. ბუნებრივია, მათ ამას არ გავატანინებთ“, – განაცხადა მამუკა მდინარაძემ.