tvati

ვაკეში, შატბერაშვილის ქუჩაზე სროლა იყო. დაჭრილია ერთი ადამიანი. სროლა რამდენიმე საათის წინ შატბერაშვილის ქუჩაზე ისმოდა. შსს-ს ცნობით, გამოძიება ორი მუხლით დაიწყო – ჯანმრთელობის განზრახ მსუბუქი დაზიანებისა და ცეცხლსაროლი იარაღის უკანონოდ შეძენა/შენახვის. ნეტგაზეთის ინფორმაციით, დაჭრილი, სავარაუდოდ, დილარ ხაბულიანის ძმა, ბიზნესმენი დემურ ხაბულიანია. დილარ ხაბულიანი პარლამენტის მოქმედი წევრია „ერთიანი ნაციონალური მოძრაობის“ ირგვლივ შექმნილი “ძალა ერობაშიას” სიით. netgazeTi

თბილისის საქალაქო სასამართლოში ლაზარე გრიგორიადისის წინასასამართლო სხდომა გაიმართა. ის ბრალდებულია მარტის აქციების დროს ე.წ. მოლოტოვის კოქტეილის სროლასა და პოლიციის მანქანის დაწვის საქმეზე. დაცვის მხარემ დღეს გამართულ პროცესზე აღკვეთის ღონისძიების, პატიმრობის – 20 000-ლარიანი გირაოთი შეცვლის შუამდგომლობა დააყენა. ადვოკატების მსგავსად, გრიგორიადისმაც განაცხადა, რომ მისი მიმალვის საფრთხე არ არსებობს. „მიმალვასთან დაკავშირებით ანალოგიურს ვიტყვი, მიმალვა რომ მდომებოდა, ერთი თვის განმავლობაში მივიმალებოდი. ტანსაცმელიც კი, რაც დაკავებისას მეცვა, ის მეცვა აქციაზეც”, – განაცხადა გრიგორიდიაცმა. ბრალდების მხარე დაცვის მხარის შუამდგომლობას არ დაეთანხმა. მოსამართლემ არ დააკმაყოფილა დაცვის მხარის შუამდგლომლობა და გრიგორიადისი პატიმრობაში დატოვა. publika

„სამუშაო ჯგუფი ყველანაირი ზეწოლისგან უნდა იყოს თავისუფალი. ასეთი ფონი, სამწუხაროდ, ხელს უშლის ამ გადაწყვეტილების მიღებას და ასეთი ულტიმატუმის ენით საუბარი არანაირად არ დააჩქარებს პროცესს“, – ამის შესახებ ჯანდაცვის მინისტრმა, ზურაბ აზარაშვილმა აქონდროპლაზიის დიაგნოზის მქონე ბავშვების მშობლების პროტესტის შესახებ საუბრისას მთავრობის სხდომის დასრულების შემდგომ განაცხადა. მინისტრი ამბობს, რომ ჯანდაცვის სამინისტრო კიდევ ერთხელ ადასტურებს სრულ მხარდაჭერას, დააფინანსოს და დააორგანიზოს ამ დიაგნოზის ბავშვების სხვა თანმდევი დაავადებების დიაგნოსტიკა, მკურნალობა, რეაბილიტაცია და ყველა საჭირო პროცედურები როგორც საქართველოში, ისე საზღვარგარეთ. მინისტრი ამბობს, რომ მუშაობა კონსტრუქციულ რეჟიმში, სამუშაო მაგიდასთან“ უნდა გაგრძელდეს და ბავშვების საუკეთესო ინტერესიდან გამომდინარე საუკეთესო გადაწყვეტილება იქნება მიღებული. აქონდროპლაზიის მქონე ბავშვთა მშობლები 10 დღეზე მეტია, მთავრობის ადმინისტრაციასთან საპროტესტო აქციას მართავენ. მათი მოთხოვნაა, სახელმწიფომ საქართველოში შემოიტანოს და დააფინანსოს ბავშვებისთვის აუცილებელი პრეპარატი Voxzogo, რომელიც ავტორიზებულია აშშ-ის წამლისა და საკვების ადმინისტრაციის (FDA), ასევე ევროპის წამლის სააგენტოს (EMA) მიერ. publika

გიორგი ჩუბინიშვილის ცენტრი კულტურის სამინისტროს სასამართლოში უჩივის. ცენტრი სამინისტროს ცენტრის სამეცნიერო საბჭოს უფლებამოსილებაში ჩარევასა და თამარ ბელიაშვილის მიმართ დისკრიმინაციულ მოპყრობაში ადანაშაულებს. თამარ ბელაშვილისა და ცენტრის სამეცნიერო საბჭოს ინტერესებს სასამართლოში საია იცავს. საიას განცხადებით, 2022 წლის 15 თებერვლიდან, ცენტრის დირექტორს, თამარ ბელაშვილს უფლებამოსილების ვადა ამოეწურა. კანონმდებლობის შესაბამისად, სამეცნიერო საბჭომ, 2022 წლის 16 თებერვალს, ცენტრის დირექტორის პოზიციაზე ღია კონკურსის გამოცხადების გადაწყვეტილება მიიღო, რის შესახებაც ეცნობა სამინისტროს. კონკურსი ჩატარდა კანონის მოთხოვნათა სრული დაცვით და ცენტრის სამეცნიერო საბჭომ არჩევანი კვლავ თამარ ბელაშვილის კანდიდატურაზე შეაჩერა. კონკურსის დასრულების შედეგები შემდგომი ფორმალური პროცედურების გასავლელად სამეცნიერო საბჭომ სამინისტროს წარუდგინა. საიას შეფასებით, სამინისტროს მიერ კანონის შესაბამისად ცენტრის დირექტორად არჩეული თამარ ბელაშვილის დამტკიცებაზე უარი და ცენტრის სამეცნიერო საბჭოსთვის დირექტორის კანდიდატურის წინასწარ შეთანხმების მოთხოვნა სამეცნიერო საბჭოს უფლებამოსილებებში უხეშ ჩარევას წარმოადგენს. ასევე, სამინისტროს გადაწყვეტილება დისკრიმინაციულია თამარ ბელაშვილთან მიმართებით. თბილისის საქალაქო სასამართლოში ამ საქმის განხილვა დასკვნით ეტაპზეა. საიას განცხადებით, მთელი ამ დროის განმავლობაში, სამინისტრო ხელოვნურ დაბრკოლებებს უქმნის ცენტრს, რაც გამოიხატება დებულებაში ცვლილებების შეტანის, საშტატო ნუსხის დამტკიცების შეფერხებასა და ბიუჯეტის ფორმირების გაჭიანურებაში. publika

საქართველოს ჯანდაცვის მინისტრის ზურაბ აზარაშვილის განცხადებით, ონკოლოგიური დაავადებების მქონე ბავშვების საზღვარგარეთ მკურნალობასთან დაკავშირებით კლინიკებთან შეთანხმება, სავარაუდოდ, მაისის ბოლომდე დასრულდება და ივნისიდან ბავშვებს მკურნალობის დაწყების შესაძლებლობა მიეცემათ. როგორც აზარაშვილმა მთავრობის სხდომის დასრულების შემდეგ პრესკონფერენციაზე განაცხადა, მშობლებს საშუალება ექნებათ, კლინიკა თავად შეარჩიონ. „140-მდე ახალი შემთხვევაა, 160 არის გასული წლის შემთხვევები. პასუხისმგებლობა ავიღეთ, რომ სანამ ქვეყანაში სრულყოფილი, გამართული ბავშვთა ონკოლოგია, სპეციალიზებული ცენტრი გვექნება, სხვადასხვა ქვეყანაში, წამყვან კლინიკებში შევთავაზებთ მშობლებს ალტერნატივებს. მათი არჩევანიდან გამომდინარე ექნებათ შესაძლებლობა, რომ ბავშვი ერთ-ერთ ამ კლინიკაში წაიყვანონ და უმკურნალონ. ახლა იმ ეტაპზე ვართ, როდესაც კომპანიების საერთაშორისო გამოკითხვა მიდის შესაბამის პორტალზე. საკუთარ აზრს აფიქსირებენ. რამდენადაც მახსოვს, ხვალ თუ ზეგ სრულდება ეს პროცესი და გვეცოდინება კლინიკები, რომლებიც შეძლებენ კონკრეტული ონკოლოგიური დაავადებების მქონე პაციენტების მომსახურებას - როგორც დიაგნოსტიკას, ისე მკურნალობას. ყველაზე მნიშვნელოვანია ის, რომ ჩვენი აუცილებელი მოთხოვნა იყო, რომ სანამ საქართველოში პროტონოთერაპიის შესაძლებლობა გვექნება, ამასაც დავაფინანსებთ და უზრუნველვყოფთ სხვა ქვეყანაში. შეთანხმებები დაიწყება ამ კლინიკებთან. ვფიქრობ, მაისის ბოლომდე ეს საკითხი უკვე დასრულებული იქნება და ივნისიდან ბავშვების მკურნალობის დაწყებას შევძლებთ“, - განაცხადა ზურაბ აზარაშვილმა.

კანდიდატის სტატუსის არმინიჭება იყო პოლიტიკური გადაწყვეტილება, საქართველოს ხელისუფლება მათთვის წარმოადგენს პრობლემას, რადგან არ იწყებს ომს, არ ხსნის მეორე ფრონტს, ეს ყველაფერი ერთგვარ ბერკეტად გამოიყენეს, – ამის შესახებ თბილისის მერმა, კახა კალაძემ განაცხადა. „ბევრჯერ გავიმეორე და კიდევ ერთხელ ვიტყვი, რომ საქართველო ევროკავშირის კანდიდატის სტატუსს იმსახურებდა. მართალია, გადაწყვეტილება იყო მიღებული უკრაინასთან და მოლდოვასთან მიმართებაში, მაგრამ პირველი, ვინც ამას იმსახურებდა, ჩვენ ვიყავით. არ იფიქროთ, რომ ომში მყოფ ქვეყანას რამეს ვაყვედრით. ღმერთმა დამიფაროს. პირიქით – ყოველთვის გამიხარდება უკრაინელების წარმატება. თუმცა, რეალურად რომ შევხედოთ, პარამეტრებით და ციფრებით, საქართველო არის პირველი, ვისაც კონკრეტული ნაბიჯები აქვს გადადგმული – რეფორმების განხორციელება, კორუფციასთან ბრძოლა და ა.შ. კანდიდატის სტატუსის არმინიჭება იყო პოლიტიკური გადაწყვეტილება და ძალიან კარგად გაიგო საზოგადოებამ, თუ რატომ მოხდა ეს. საქართველოს ხელისუფლება მათთვის წარმოადგენს პრობლემას, რადგან სანქციებს არ უერთდება, არ იწყებს ომს და არ ხსნის მეორე ფრონტს ქვეყანაში. ეს ყველაფერი ერთგვარ ბერკეტად გამოიყენეს. ამის შემდეგ მოგვცეს 12-პუნქტიანი გეგმა“, – განაცხადა კახა კალაძემ. მისივე თქმით, საქართველოს ხელისუფლება მზადაა, ზედმიწევნით შეასრულოს და ყველაფერი გააკეთოს იმისათვის, რომ ქვეყანამ სტატუსი მიიღოს. „რა გადაწყვეტილებას მიიღებენ, ეს უკვე ჩვენზე დამოკიდებული არ არის. თუ მოგვცემენ, გაგვიხარდება. თუ არ მოგვცემენ – არც ეს არის პრობლემა“, – აღნიშნა თბილისის მერმა. 1ტვ

ბოროტებას ბევრი გამოვლინება და ყოველთვის ერთი სამიზნე აქვს - ადამიანის სიცოცხლე. არ აქვს მნიშვნელობა, რა კონტინენტი ან ქვეყანაა, - ასე გამოეხმაურა უკრაინის პრეზიდენტი, ვოლოდიმირ ზელენსკი რუსული ძალების მიერ დნეპროპეტროვსკის ოლქში განხორციელებულ სარაკეტო თავდასხმას. განცხადება გაავრცელა უკრაინაში აშშ-ის ელჩმა, ბრიჯეტ ბრინკმა. „რუსეთმა კვლავ გაუშვა რაკეტები უკრაინის ქალაქებში, სადაც მშვიდობიანი მოსახლეობას, მათ შორის ბავშვებს, უსაფრთხოდ და მშვიდად ძილის საშუალება უნდა ჰქონდეთ. მადლობელი ვარ მათი, ვინც იცავს უკრაინის ცას და აშშ გააგრძელებს მუშაობას, რათა მხარი დაუჭიროს მათ და მათ შესაძლებლობას დაამარცხონ რუსეთის ბარბაროსული თავდასხმები უკრაინელი ხალხის წინააღმდეგ“, - დაწერა ელჩმა „ტვიტერზე“. შეგახსენებთ, რუსულმა ძალებმა დნეპროპეტროვსკის ოლქის ქალაქ პავლოგრადში სარაკეტო თავდასხმა განახორციელეს, რის შედეგადაც 32 ადამიანი, მათ შორის 5 ბავშვი დაშავდა. თავდაპირველად გავრცელდა ინფორმაცია 25 დაშავებულის შესახებ.| იპნ

პარტია „საქართველოსთვის” წევრის, ბექა ლილუაშვილის განცხადებით, ვისაც უსაფრთხოების პოლიტიკაზე რაიმე წარმოდგენა აქვს, საქართველოში ნეიტრალიტეტზე არ ისაუბრებს. ამით ის გამოეხმაურა 30 აპრილს რესპუბლიკის მოედანზე გამართულ აქციას, სლოგანით “მოვდივარ”. როგორც ბექა ლილუაშვილმა აღნიშნა, ნეიტრალიტეტზე საუბარი, ცალსახად, ანტიდასავლური პროპაგანდის ნაწილია და თუ ხელისუფლება ამ ნარატივს გაიმეორებს, ეს პირდაპირ კონსტიტუციის უგულებელყოფა იქნება. „რა თქმა უნდა, წარმოუდგენელია, რომ რეგიონული კონტექსტი გესმოდეს და ამავდროულად, ნეიტრალიტეტზე საუბრობდე. ამ რეგიონში ნეიტრალიტეტმა არცერთ ქვეყანას არაფერი კარგი არ მოუტანა. პირიქით, ეს ყოველთვის რუსეთთან მიმართებით საგარეო პოლიტიკური მოწყვლადობის წყარო იყო. ვისაც უსაფრთხოების პოლიტიკაზე რაიმე წარმოდგენა აქვს, ნეიტრალიტეტზე არ ისაუბრებს. ეს, ცალსახად, ანტიდასავლური პროპაგანდის ნაწილია. თუ ხელისუფლება ამ ნარატივს გაიმეორებს, ეს პირდაპირ კონსტიტუციის უგულებელყოფა იქნება. კონსტიტუციურად ამ ქვეყნის საგარეო პოლიტიკური ვექტორი პირდაპირ განსაზღვრულია. ეს არის ერთადერთი სწორი გზა, რათა ქვეყანა ევროატლანტიკური სტრუქტურების წევრი გახდეს და რუსეთთან მარტო არ დარჩეს”, - განაცხადა ბექა ლილუაშვილმა. IPN

ქალაქ რუსთავში პარტია ,,საქართველოსთვის" ქვემო ქართლის რეგიონული შეხვედრა გაიმართა, - ამის შესახებ სოციალურ ქსელში პარტია "საქართველოსთვის" წევრი და დეპუტატი შალვა კერესელიძე წერს. მისი თქმით, შეხვედრის მიზანი გახლდათ რეგიონში პარტიის სამომავლო სამოქმედო გეგმით გათვალისწინებული მუშაობის განახლება. "შეხვედრას ესწრებოდნენ, პარტიის აღმასრულებელი მდივანი ბერდია სიჭინავა, პარტიის რეგიონული სამსახურის ხელმძღვანელი - ვახტანგ გენგიური, ქვემო ქართლის რეგიონის კოორდინატორი - თემურ ლაზარიაშვილი, რუსთავის საკრებულოს თავმჯდომარე ნოდარ შეროზია და ქვემო ქართლის საკრებულოს დეპუტატები.", - წერს შალვა კერესელიძე.

იმდენად მანკიერი განზრახვაა საპარლამენტო საგამოძიებო კომისიის შექმნა, რომელიც სასამართლოსთან დაკავშირებულ საკითხებს შეისწავლის, რომ ყველა კონსტიტუციური ხერხით უნდა დავუპირისპირდეთ,- ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა. როგორც მან აღნიშნა, არავის უნდა ჰქონდეს შესაძლებლობა მოსამართლე დაიბაროს და ანგარიში მოსთხოვოს. "კონსტიტუციის ფუნდამენტური პრინციპია, რომ სასამართლო ხელისუფლებაში ჩარევა არ ხორციელდებოდეს საკანონმდებლო ხელისუფლებიდან. საგანგებოდ მნიშვნელოვანია, არავის ჰქონდეს შესაძლებლობა მოსამართლე დაიბაროს და ანგარიში მოსთხოვოს, ეს პრინციპულად მიუღებელია, ეს უზენაესი ღირებულებაა, რომლის დაკნინების შესაძლებლობა არავის უნდა მიეცეს," - განაცხადა სარჯველაძემ. რაც შეეხება "ქოლ-ცენტრების" საქმეზე საგამოძიებო კომისიის შექმნას, სარჯველაძე აცხადებს, რომ ოპოზიციას სურს ამ კომისიას ე.წ. მეხამრიდის ფუნქცია შესძინონ. "ეს არგუმენტი ყველაზე დიდი აბსურდია, რომ ხელისუფლება კეზერაშვილს ეფარება, რომელიც ყველამ იცის, ვინ გახლავთ. ვინ უნდა დაარწმუნონ, რომ ხელისუფლება კეზერაშვილს გადაეფარება? ყველასთვის გასაგები უნდა იყოს, რომ საგამოძიებო კომისია არის ისეთი საკითხების შესასწავლად და რეაგირების მოსახდენად, სადაც სტანდარტული გამოძიება საკმარისი არაა. საგამოძიებო კომისია ვერ გახდება სტანდარტული გამოძიების ალტერნატივა. საქმეზე საჭიროა იმათთან თანამშრომლობა, ვინც გამოძიებას აწარმოებს, მაგალითად გერმანიის ან ბელგიის პროკურატურასთან და ვისთან უნდა ითანამშრომლოს კომისიამ? უნდათ კომისიის ინიციატივას მეხამრიდის როლი შესძინონ, რომ ვითომ ეს ხალხი ამასთან დაკავშირებული არ არის," - განაცხადა სარჯველაძემ. ინტერპრესნიუსი

დედაქალაქის მერის, კახა კალაძის განცხადებით, საქართველო ევროკავშირის კანდიდატის სტატუსს გასულ წელსაც იმსახურებდა, რადგან ამისთვის კონკრეტული ნაბიჯები ჰქონდა გადადგმული. მისივე თქმით, სტატუსის არმინიჭება საქართველოსთვის პოლიტიკური გადაწყვეტილება იყო. „ბევრჯერ გავიმეორე და კიდევ ერთხელ ვიტყვი, რომ საქართველო ევროკავშირის კანდიდატის სტატუსს იმსახურებდა. მართალია, გადაწყვეტილება იყო მიღებული უკრაინასთან და მოლდოვასთან მიმართებაში, მაგრამ პირველი, ვინც ამას იმსახურებდა, ჩვენ ვიყავით. არ იფიქროთ, რომ ომში მყოფ ქვეყანას რამეს ვაყვედრით. ღმერთმა დამიფაროს. პირიქით, ყოველთვის გამიხარდება უკრაინელების წარმატება, თუმცა, რეალურად რომ შევხედოთ, პარამეტრებით და ციფრებით, საქართველო არის პირველი, ვისაც კონკრეტული ნაბიჯები აქვს გადადგმული - რეფორმების განხორციელება, კორუფციასთან ბრძოლა და ა.შ. კანდიდატის სტატუსის არმინიჭება იყო პოლიტიკური გადაწყვეტილება და ძალიან კარგად გაიგო საზოგადოებამ, თუ რატომ მოხდა ეს. საქართველოს ხელისუფლება მათთვის წარმოადგენს პრობლემას, რადგან სანქციებს არ უერთდება, არ იწყებს ომს და არ ხსნის მეორე ფრონტს ქვეყანაში. ეს ყველაფერი ერთგვარ ბერკეტად გამოიყენეს. ამის შემდეგ მოგვცეს 12-პუნქტიანი გეგმა“, - განაცხადა კახა კალაძემ. ამასთან, ჟურნალისტის კითხვის საპასუხოდ, ასრულებს თუ არა ხელისუფლება მითითებას ნიკა გვარამიასა და მიხეილ სააკაშვილთან მიმართებაში, კახა კალაძემ განაცხადა, რომ 12-პუნქტიან გეგმაში მათზე საუბარი არ არის. „ჩვენი ხელისუფლება მზადაა, ზედმიწევნით შეასრულოს და ყველაფერი გააკეთოს იმისთვის, რომ ქვეყანამ სტატუსი მიიღოს. რა გადაწყვეტილებას მიიღებენ, ეს უკვე ჩვენზე დამოკიდებული არ არის. თუ მოგვცემენ, გაგვიხარდება. თუ არ მოგვცემენ, არც ეს არის პრობლემა. ამ 12-პუნქტიან გეგმაში არც გვარამია და არც კრიმინალი სააკაშვილი ნახსენები არ არიან“, - აღნიშნა თბილისის მერმა. იპნ

თბილისის მერის, კახა კალაძის თქმით, ნებისმიერ ადამიანს, მათ შორის სახელმწიფო დაწესებულებებში დასაქმებულებს, რასაკვირველია, შეუძლია დაესწროს პოლიტიკურ თუ სამოქალაქო აქციებს არასამუშაო დროს. როგორც მან მედიასთან საუბრისას აღნიშნა, 30 აპრილს „აი უცნობის“ ორგანიზებით გამართული აქციის მონაწილეები ითხოვდნენ მშვიდობას, რაც უალტერნატივოა. „ყველა ადამიანს შეუძლა მივიდეს ამა თუ იმ აქციაზე. თქვენ არ გინახავთ, სახელმწიფო დაწესებულებებში დასაქმებული ადამიანები სხვა აქციებზე? არ გინახავთ ისინი დროშით ხელში? გუშინდელ აქციაზე ადამიანები ითხოვდნენ მშვიდობას. ის, რომ ჩვენ დღეს სტაბილურად ვცხოვრობთ, ეს იმის დამსახურებაა, რომ ქვეყანაში სიმშვიდე და ეკონომიკური განვითარებაა. მშვიდობას არ აქვს ალტერნატივა. მინდა, მადლობა გადავუხადო ყველა იმ ადამიანს, ვისთვისაც სამშობლო და პატრიოტიზმი უმნიშვნელოვანესია“, - განაცხადა კახა კალაძემ. ამასთან, მისი თქმით, პირველი რესპუბლიკის მოედანზე მოძრაობა „აი უცნობის“ ორგანიზებით გამართულ აქციაზე მშვიდობისა და ქვეყნის წარმატების მოსურნე ბევრი ადამიანი იყო გამოსული. კახა კალაძის თქმით, საქართველოს ხელისუფლება, გარკვეული წინააღმდეგობების მიუხედავად, ქვეყნაში მშვიდობის შესანარჩუნებლად ყველაფერს გააკეთებს. „აქციას ჰყავდა თავისი ორგანიზატორები, ძალიან ბევრი ადამიანი იყო გამოსული. მე ერთ რამეს ვიტყვი - ყველა იმ ადამიანს მინდა მადლობა გადავუხადო, ვისთვისაც მშვიდობა მნიშვნელოვანია, ვისთვისაც სამშობლო არის უპირველეს ყოვლისა. მინდა, ყველა იმ ადამიანს გადავუხადო მადლობა, ვინც გამსჭვალულია პატრიოტიზმით, ვისაც უხარია ჩვენი ქვეყნის წარმატება, ეკონომიკური განვითარება. მშვიდობა დღეს ყველაზე მნიშვნელოვანია, თუ გადავხედავთ, რა ხდება მსოფლიოში, რა ხდება რეგიონში. მიუხედავად იმისა, რომ ბევრია შემოტევა, ყველაფერს გავაკეთებთ იმისთვის, რომ მშვიდობა შევინარჩუნოთ და ქვეყნის ეკონომიკური განვითარება მოხდეს“, - განაცხადა კახა კალაძემ. ინტერპრესნიუსი

მთავრობის ადმინისტრაციასთან პოლიციამ ჩამოხსნა ცელოფანი, რომელიც აქონდროპლაზიის მქონე ბავშვების მშობლებმა წვიმისგან თავის დასაცავად გააკრეს. უკვე 10 დღეზე მეტია, რაც მშობლები მთავრობის ადმინისტრაციასთან ათენებენ. მათი მთავარი მოთხოვნა ბავშვებისთვის აუცილებელი წამალია. ცელოფანი მშობლებმა წინა ღამით გააკვრეს. ის ასე გამოიყურებოდა. ნეტგაზეთთან საუბარში მშობლები ამბობენ, რომ თავდაპირველად პოლიციამ მათ ცელოფნის შეტანის ნება დართო. მთავარი ფოტო: მთავარი არხი აქონდროპლაზიის დიაგნოზის მქონე ბავშვების მშობლები უკვე რამდენიმე თვეა საპროტესტო აქციებს მართავენ და საქართველოში მათი შვილებისთვის საჭირო მედიკამენტის შემოტანასა და სახელმწიფოს დაფინანსებას ითხოვენ. ამ მოთხოვნით დედები უკვე ერთი კვირაზე მეტია მთავრობის ადმინისტრაციის შენობასთან 24- საათიან რეჟიმში იმყოფებიან და პრემიერ-მინისტრ ირაკლი ღარიბაშვილთან შეხვედრას ითხოვენ. მშობლების მოთხოვნის საპასუხოდ, ირაკლი ღარიბაშვილმა 24 აპრილის მთავრობის სხდომაზე განაცხადა, რომ წამლის დაფინანსების პრობლემა ქვეყანაში არ დგას, რადგან საუბარია დაახლოებით 10 მილიონზე. თუმცა მთავრობა ამ ნაბიჯს ჯერ არ გადადგამს, რადგან მას პრეპარატის შემოსატანად დამატებითი სამედიცინო მტკიცებულებები სჭირდება. საუბარია პრეპარატ Voxzogo-ს (აქტიური ნივთიერება – ვოსორიდიტი), რომელსაც 2021 წელს აშშ-ის წამლისა და საკვების ადმინისტრაციამ (FDA), ასევე ევროპის წამლის სააგენტომ (EMA) ავტორიზაცია მისცა. ეს პრეპარატი პირველია, რომელიც გამოიყენება სინდრომისა და მისგან გამოწვეული სიმპტომების სამკურნალოდ. მშობლები ამბობენ, რომ მისი მიღება ეფექტურია მხოლოდ გარკვეულ დრომდე, კერძოდ – 18 წლამდე. ჯანდაცვის მინისტრის მოადგილე თამარ გაბუნიამ 29 აპრილს განაცხადა, რომ სამინისტრო მზად არის ბავშვების საუკეთესო ინტერესებიდან გამომდინარე, დაჩქარებულ ვადებში, უზრუნველყოს აქონდროპლაზიის მართვისთვის აუცილებელი პროტოკოლისა და გაიდლაინების შექმნა. netgazeti

მიკროავტობუსები, რომლებმაც რეგიონებიდან უცნობის აქციაზე მოქალაქეები ჩამოიყვანეს, რამდენიმე საათის განმავლობაში „ბასლეინებზე“ დააპარკინგეს. „ბასლეინები“ ავტობუსებისთვის განკუთვნილი სპეციალური სავალი ზოლია, სადაც მოძრაობა მხოლოდ საზოგადოებრივ ტრანსპორტს შეუძლია. მასზე პარკინგი აკრძალულია. მიკროავტობუსები ბასლეინზე. ფოტო: ბუთა ორჯონიკიძე/ნეტგაზეთი დღეს 30 აპრილს თბილისში რესპუბლიკის მოედანზე მომღერლისა და პოლიტიკოსის – უცნობის აქცია გაიმართა. აქციას სახელად „მოვდივარ“ ერქვა. აქციისთვის მოქალაქეები რეგიონებიდან ჩამოიყვანეს, ქალაქში, განსაკუთრებით მოედნის ირგვლივ ათობით მიკროავტობუსი იდგა. ნეტგაზეთმა კითხვებით მიმართა თბილისის მერიას. უწყებისგან პასუხის მიღებისთანავე მასალა განახლდება. netgazeti

სახალხო დამცველი ლევან იოსელიანი აქონდროპლაზიის მქონე ბავშვების მშობლების აქციაზე მივიდა. ომბუდსმენის განცხადებით, ის აპროტესტებს პოლიციელების მიერ პოლიეთილენის ცელოფნის ჩამოხევას, რომლითაც აქციის მონაწილეები წვიმისგან იცავდნენ თავს. ამის უფლება აქვს ყველა ადამიანს, მით უმეტეს მათ, რომლებიც 2 კვირაა აქ ღამეს ათენებენ და რამდენიმე მათგანის ჯანმრთელობის მდგომარეობა გაუარესდა კიდეც“, – განაცხადა აქონდროპლაზიის დიაგნოზის მქონე ბავშვთა მშობლების აქციაზე მისულმა სახალხო დამცველმა. დღეს, 30 აპრილს პოლიციის თანამშრომლებმა მთავრობის ადმინისტრაციასთან დამონტაჟებული რკინის კედლიდან ჩამოხსნეს ტრანსპარანტები, რომლებსაც ეწერა – „წამალი ბავშვებს“, ამასთან, აქციის მონაწილეებს არ მისცეს კარვის გაშლის უფლება და ჩამოართვეს პოლიეთილენის ცელოფანიც, რომლითაც აქციის მონაწილეები წვიმისგან იცავდნენ თავს. აქონდროპლაზიის მქონე ბავშვთა მშობლები 10 დღეზე მეტია, საპროტესტო აქციას მართავენ მთავრობის ადმინისტრაციასთან. მათი მოთხოვნაა, სახელმწიფომ საქართველოში შემოიტანოს და დააფინანსოს ბავშვებისთვის აუცილებელი პრეპარატი Voxzogo, რომელიც ავტორიზებულია აშშ-ის წამლისა და საკვების ადმინისტრაციის (FDA), ასევე ევროპის წამლის სააგენტოს (EMA) მიერ. publika

გარდაცვლილი პროგრამისტის, თამარ ბაჩალიაშვილის ადვოკატები პროკურატურას საქმის ხელახალი გამოძიების მოთხოვნით მიმართავენ. როგორც ოჯახის ადვოკატმა, მიხეილ რამიშვილმა „ინტერპრესნიუსთან“ საუბრისას განაცხადა, მედიაში გავრცელებული ბაჩალიაშვილის საქმის გამომძიებლის ინტერვიუ, რომ მას თვითმკვლელობის ვერსიის არ სჯერა, ხელახალი გამოძიების დაწყების საფუძველია. მისი თქმით, თამარ ბაჩალიაშვილის გარდაცვალების საქმესთან დაკავშირებით აპირებენ მიმართონ, ასევე, საერთაშორისო ორგანიზაციებს. „ველოდებით, თვითონ პროკურატურა რა გადაწყვეტილებას მიიღებს, იმიტომ, რომ ის განცხადება და ინფორმაცია, რაც გამომძიებლის მიერ გავრცელდა, ობიექტურის და სამართლიანი სისტემის შემთხვევაში დაუყოვნებლივ მოხდებოდა საქმის განახლება. დაველოდებით დღევანდელ დღეს. თუ პროკურატურის მხრიდან შესაბამისი რეაგირება არ იქნება, მერე უკვე ჩვენ თვითონ მივმართავთ. დღეს თუ არ იქნა, ხვალ ჩვენ უკვე მივმართავთ და არა მარტო პროკურატურას, არამედ მთელ საერთაშორისო ორგანიზაციებს და აბსოლუტურად ყველას. რასაც ჩვენ მთელი ამ წლების განმავლობაში თავიდანვე ვამბობდით, როგორ გაყალბებას ჰქონდა ადგილი და რას ჩადიოდნენ საგამოძიებო ორგანოები, სისტემის ერთ-ერთმა გამომძიებელმა დაადასტურა,“ - განაცხადა მიხეილ რამიშვილმა. ცნობისთვის, ტელეკომპანია "ფორმულასთან" ინტერვიუში გარდაცვლილი თამარ ბაჩალიაშვილის საქმის ყოფილმა გამომძიებელმა, სერგო შუბითიძემ განაცხადა, რომ ბაჩალიაშვილის თვითმკვლელობის ვერსიის არ სჯერა. შუბითიძის განმარტებით, ამ საქმესთან დაკავშირებით ბევრი საეჭვო გარემოებაა. 23 წლის თამარ ბაჩალიაშვილი 2020 წლის 18 ივლისს გაუჩინარდა. ის რამდენიმე დღის შემდეგ, თეთრიწყაროს ტყეში, საკუთარ მანქანაში გარდაცვლილი იპოვეს. გამოძიების ინფორმაციით, ბაჩალიაშვილმა სიცოცხლე თვითმკვლელობით დაასრულა და საქმე დაიხურა. IPN

უკრაინის თავდაცვის ძალებმა ბახმუტში კონტრშეტევებით მტერი აიძულეს, ზოგიერთი პოზიცია დაეტოვებინა, - ინფორმაციას უკრაინული მედია უკრაინის სახმელეთო ძალების მეთაურზე, გენერალ ალექსანდრე სირსკისზე დაყრდნობით ავრცელებს. „მტერი წინსვლისთვის მაქსიმალურ ძალისხმევას იყენებს და არაფერს ითვალისწინებს. მნიშვნელოვანი დანაკარგების მიუხედავად, მუდმივად ხდება „ვაგნერის“ ახალი თავდასხმის ჯგუფების, სხვა კერძო კომპანიების მებრძოლებისა და მედესანტეების ამ მიმართულებით გადასროლა, მაგრამ მტერი ვერ ახერხებს ქალაქის აღებას“, - აღნიშნა უკრაინელმა გენერალმა. მისი თქმით, ბახმუტის მიმართულებით ინტენსიური საომარი მოქმედებები გრძელდება, მაგრამ მტერმა ჯერ ვერ შეძლო უკრაინის პოზიციების თავდაცვის ხაზის გარღვევა. ამასთან, უკრაინის სახმელეთო ძალების მეთაურის ინფორმაციით, ლიმანის მიმართულებით უკრაინის დამცველებმა ბოლო რამდენიმე დღის განმავლობაში არაერთი თავდასხმა მოიგერიეს და რუსებმა მნიშვნელოვანი ზარალი განიცადეს. „უკრაინელებმა 10 ოკუპანტი ტყვედ აიყვანეს“, - აღნიშნა ალექსანდრე სირსკიმ. IPN

სახელმწიფო უსაფრთხოების სამსახურის კონტრდაზვერვის დეპარტამენტის თანამშრომლებმა, საქართველოს პროკურატურასთან ერთად, გატარებული ოპერატიულ-სამძებრო ღონისძიებების შედეგად, რადიაქტიური ნივთიერების უკანონო რეალიზაციის მცდელობის ფაქტზე ერთი პირი დააკავეს. სახელმწიფო უსაფრთხოების სამსახურის ინფორმაციით, დაკავებული პირი, ქალაქ ფოთში რადიაქტიური მასალის გასაღებას 2 000 000 აშშ დოლარის სანაცვლოდ გეგმავდა, რა დროსაც მოხდა მისი დაკავება. „რადიოლოგიური ექსპერტიზის დასკვნის თანახმად, ექსპერტიზაზე წარმოდგენილი მასა, რომელიც ჩხრეკის დროს იქნა ამოღებული, შეიცავს რადიაქტიურ ნივთიერება ურანს და მიეკუთვნება ბირთვულ მასალათა კატეგორიას. გამოძიება საქართველოს სისხლის სამართლის კოდექსის 230-ე მუხლის პირველი ნაწილით მიმდინარეობს, რაც რადიაქტიური ნივთიერების უკანონო მოპყრობას გულისხმობს და ითვალისწინებს თავისუფლების აღკვეთას ვადით 5-დან 10 წლამდე. გამოძიებას აწარმოებს სახელმწიფო უსაფრთხოების სამსახურის კონტრდაზვერვის დეპარტამენტი“,- აღნიშნულია ინფორმაციაში. ipn

საქართველოს ხელბურთელთა ნაკრებმა ევროპის ჩემპიონატის შესარჩევი ეტაპის ბოლო მატჩი უნგრეთთან სტუმრად გამართა და ერთი ბურთის სხვაობით გაიმარჯვა. შეხვედრის პირველ ტაიმში ქართველმა ხელბურთელებმა სამბურთიანი უპირატესობა მოიპოვეს – 17:14. მეორე ნახევარი ძალიან დაძაბული გამოვიდა, მატჩის დასრულებამდე სამი წუთით ადრე საქართველო 28:30 მარცხდებოდა, თუმცა არსენაშვილისა და ცხოვრებაძის გოლებით ნაკრებმა ჯერ ანგარიში გაათანაბრა, ხოლო უნგრეთის კარის მიმართულებით ბოლო წამზე დანიშნული შვიდმეტრიანის გამოყენება ისევ ცხოვრებაძემ მოახერხა და მატჩში საბოლოო შედეგი დააფიქსირა – 31:30. საქართველოს ნაკრები ევროპის ჩემპიონატის შესარჩევი ეტაპის საუკეთესო მესამეადგილოსნების ოთხეულში მოხვდა და კონტინენტის პირველობაზე ისტორიაში პირველად ითამაშებს. ევროპირველობა 2024 წლის 10-28 იანვარს, გერმანიაში ჩატარდება. ავტორი - დავით კუჭავა

უკრაინის პრეზიდენტმა ვოლოდიმირ ზელენსკიმ განაცხადა, რომ მნიშვნელოვანია, უკრაინის მოკავშირეები და მისი მოსახლეობა დარჩნენ „რაც შეიძლება ერთიანნი“ რუსეთის წინააღმდეგ ბრძოლაში. ვიდეო მიმართვაში მან აღნიშნა, რომ ბოლო დღეებში ესაუბრა ფრანგ კოლეგას, ემანუელ მაკრონს იარაღის მიწოდებისა და შემდგომი თანამშრომლობის შესახებ. მან ევროპის ქვეყნებსა და აშშ-ს იარაღის მიწოდებისა და ფინანსური დახმარებისთვის მადლობა გადაუხადა. „ძალიან მნიშვნელოვანია, რომ რუსეთმა მიიღოს უფრო ძლიერი სიგნალები, რომ მსოფლიო არ აპატიებს არცერთ ტერორისტულ აქტს“, - განაცხადა ზელენსკიმ და დასძინა: „და რომ რაც შეიძლება მეტი გლობალური მოთამაშე აბსოლუტურად პრინციპულია რუსეთის წინააღმდეგ სანქციების რეჟიმის დაცვაში მისი ტერორის გამო“. მისი თქმით, მესაზღვრეები, რომლებმაც პირველებმა დაიცვეს ქვეყანა რუსული ძალებისგან, კვლავ უკრაინის საზღვრების დაცვას დაუბრუნდებიან. „აუცილებლად დადგება დღე, როცა დონეცკისა და სიმფეროპოლის საერთაშორისო აეროპორტებში უკრაინის საზღვრის კონტროლი მგზავრებისთვის ისევ ჩვეულებრივი იქნება”, - განაცხადა უკრაინის პრეზიდენტმა. მისივე თქმით, ”მაქსიმალური ერთიანობით, უდიდესი პრინციპული პოზიციის შენარჩუნებით ჩვენი საერთო ღირებულებების დასაცავად და თავდაცვის შეთანხმებების რაც შეიძლება სწრაფი განხორციელებით, ყველა ერთად უკრაინაში, ევროპასა და მსოფლიოში, შევძლებთ თავიდან ავიცილოთ რუსეთის მიერ ომის გაჭიანურება და ნორმალური, სამართლიანი მშვიდობის აღდგენა“. იპნ

მუ­სი­კოს­მა და­ვით (დათო) ევ­გე­ნი­ძემ ღვიძ­ლის გა­და­ნერგვის ოპე­რა­ცია გა­ი­კე­თა, რო­მე­ლიც სტამ­ბოლ­ში, BAU Medical Park Goztepe-ში და­ი­გეგ­მა. დო­ნო­რი მისი მე­გო­ბა­რი, მომ­ღე­რა­ლი გი­ორ­გი მა­ხა­რაშ­ვი­ლი იყო. ოპე­რა­ცია 25 აპ­რილს ჩა­ტარ­და და 12-სა­ა­თი გაგ­რძელ­და. მუ­სი­კო­სე­ბის მდგო­მა­რე­ო­ბის შე­სა­ხებ ინ­ფორ­მა­ცი­ას პე­რი­ო­დუ­ლად ავ­რცე­ლე­ბენ გი­ორ­გი მა­ხა­რაშ­ვი­ლი­სა და დათო ევ­გე­ნი­ძის ოჯა­ხის წევ­რე­ბი. რო­გორც ირ­კვე­ვა, მა­ხა­რაშ­ვი­ლი და ევ­გე­ნი­ძე უკვე პა­ლა­ტა­ში არი­ან: 17:43 / 27-04-2023 მუ­სი­კოს­მა და­ვით (დათო) ევ­გე­ნი­ძემ ღვიძ­ლის გა­და­ნერგვის ოპე­რა­ცია გა­ი­კე­თა, რო­მე­ლიც სტამ­ბოლ­ში, BAU Medical Park Goztepe-ში და­ი­გეგ­მა. დო­ნო­რი მისი მე­გო­ბა­რი, მომ­ღე­რა­ლი გი­ორ­გი მა­ხა­რაშ­ვი­ლი იყო. ოპე­რა­ცია 25 აპ­რილს ჩა­ტარ­და და 12-სა­ა­თი გაგ­რძელ­და. მუ­სი­კო­სე­ბის მდგო­მა­რე­ო­ბის შე­სა­ხებ ინ­ფორ­მა­ცი­ას პე­რი­ო­დუ­ლად ავ­რცე­ლე­ბენ გი­ორ­გი მა­ხა­რაშ­ვი­ლი­სა და დათო ევ­გე­ნი­ძის ოჯა­ხის წევ­რე­ბი. რო­გორც ირ­კვე­ვა, მა­ხა­რაშ­ვი­ლი და ევ­გე­ნი­ძე უკვე პა­ლა­ტა­ში არიან: "დათო პა­ლა­ტა­შია, მა­ხა­რა გუ­შინ­დე­ლი დღი­დან პა­ლა­ტა­შია", - წერს სო­ცი­ა­ლურ ქსელ­ში დათო ევ­გე­ნი­ძის მე­უღ­ლე ნინო ევ­გე­ნი­ძე. "ორი­ვე კარ­გა­დაა, მაგ­რამ სა­ში­ნე­ლი ტკი­ვი­ლე­ბი აქვთ, რისი ბო­ლომ­დე გა­ყუ­ჩე­ბაც არ შე­იძ­ლე­ბა, რომ არ და­ზი­ან­დეს ღვიძ­ლი, ამი­ტომ ძი­რი­თა­დად აძი­ნე­ბენ. ქი­რურ­გმა თქვა, ასე­თი რთუ­ლი გა­და­ნერგვა არ მქო­ნი­აო. გი­ორ­გის ცოტა ლა­პა­რა­კი უჭირს, სძი­ნავს თით­ქმის მთე­ლი დღე, და­თოც პა­ლა­ტა­ში ამო­იყ­ვა­ნეს და არ შე­მიშ­ვა, ცუ­დად გა­მო­ვი­ყუ­რე­ბიო" - წერს გი­ორ­გი მა­ხა­რაშ­ვი­ლის მე­უღ­ლე ლეკა მი­ქა­ძე სო­ცი­ა­ლურ ქსელ­ში. ამბები

ლეგენდარული პიანისტი, ევგენი კისინი საუბრობს რუსეთის უკრაინაში შეჭრასა და გლობალურ პოლიტიკაზე. 52 წლის რუსი პიანისტი, მრავალი პრესტიჟული საერთაშორისო კონკურსისა და „გრემის“ პრემიის ორგზის ლაურეატი, ევგენი კისინი 90-იანი წლებიდან მოყოლებული, დასავლეთში ცხოვრობს. ის დიდი ბრიტანეთის მოქალაქეა და ყოველთვის აქტიური მოქალაქეობრივი პოზიციით გამოირჩეოდა. 2022 წლის თებერვალში, რუსეთის უკრაინაში შეჭრის შემდეგ, ის ღიად აკრიტიკებს პუტინის ხელისუფლებას, ომის აქტიური მოწინააღმდეგეა და საქველმოქმედო კონცერტებს მართავს უკრაინის მხარდასაჭერად. აპრილის დასაწყისში, კანადის ქალაქ ვანკუვერში სოლო კონცერტი გამართა,ხოლო კონცერტის წინ ცნობილ კანადურ ვებ-გამოცემა Stir-ს ინტერვიუ მისცა, სადაც საკუთარ პოლიტიკურ შეხედულებას უზიარებს ჟურნალისტს. მათ შორის, საქართველოსა და უკრაინის შესახებ. კისინი ექვსი წლის იყო, როდესაც მოსკოვის, გნესინების სახელობის მუსიკალურ სკოლაში ჩაირიცხა, ნიჭიერი ბავშვების სკოლაში. 10 წლისამ შეასრულა მოცარტის საფორტეპიანო კონცერტი N20, K. 466. ამის შემდეგ, გამოსვლა მსოფლიოს ყველაზე პრესტიჟულ საკონცერტო დარბაზებში განაგრძო და მრავალი საერთაშორისო კონკურსის გამარჯვებული გახდა. ევგენი კისინის კარიერაში ერთ-ერთი ყველაზე მნიშვნელოვანი მოვლენა იყო დებიუტი მოსკოვის კონსერვატორიის დიდ საკონცერტო დარბაზში, 1984 წლის 27 მარტს. შოპენის ორივე საფორტეპიანო კონცერტი ერთი საღამოს განმავლობაში დაუკრა, მოსკოვის ფილარმონიის ორკესტრთან ერთად, დიმიტრი კიტაენკოს დირიჟორობით. კონცერტი პირდაპირ ეთერში გადაიცა და ამ ჩანაწერის წყალობით მისი სახელი ცნობილი გახდა მუსიკის მოყვარულთათვის მრავალ ქვეყანაში. 1987 წელს შედგა მისი დებიუტი ევროპაში, ბერლინის სიმფონიურ ორკესტრთან ერთად, რომელსაც ჰერბერტ ფონ კარაიანი დირიჟორობდა. ამ კონცერტის შემდეგ მისი საკონცერტო ცხოვრება მჭიდროდ უკავშირდება სწორედ დასავლეთს, სადაც მან ელცინის პრეზიდენტობის დროს გერმანიის, ხოლო მოგვიანებით ბრიტანეთის მოქალაქეობა მიიღო. ფრაგმენტები ინტერვიუდან: ”მუსიკა ყველაზე უნივერსალური ენაა, ვიდრე მისთვის არ დააწესებენ ხელოვნური საზღვრებს (როგორც, მაგალითად, საბჭოთა კავშირში, ან სტალინის რეჟიმის ბოლო წლებში იმდროინდელი დასავლური მუსიკის მიმართ აღმართეს საზღვრები). თუმცა ის ადვილად სცდება ყველა საზღვრებს და გამაერთიანებელი ძალა აქვს. რაც შეეხება პოლიტიკას, ფაქტია, რომ განსხვავებული პოლიტიკური შეხედულებები ხელს არ უშლის ადამიანებს ერთი და იგივე მუსიკით ერთნაირად დატკბნენ. თუმცა კომუნისტური რეჟიმის დროს, საბჭოთა მუსიკოსთა გასტროლებს მკაცრად აკონტროლებდა „გოსკონცერტი“ და უშიშროების სამსახური. …მესმის, რომ ეს შეიძლება გასაკვირი და შოკისმომგვრელიც კი იყოს დასავლეთ ევროპელებისთვის, მაგრამ იმ დროს, როდესაც დასავლეთში მილიონობით „სასარგებლო იდიოტი“ საკუთარ ქვეყანას განიარაღებისკენ მოუწოდებდა კომუნისტური ურჩხულის წინაშე და სჯეროდათ, რომ ამერიკელები და ზოგადად, თავისუფალი სამყარო ისეთივე ცუდი იყო, როგორც საბჭოთა კავშირი, – სწორედ იმ დროს ჩვენ ბოროტების იმპერიაში, რკინის ფარდის მიღმა, ფარულად ვკითხულობდით აკრძალულ ლიტერატურას „სამიზდატში“, ჩვენ გვახსოვს იმ მწერალთა და ხელოვანთა სახელები, რომლებიც სისტემისადმი დაუმორჩილებლობის გამო დაისაჯნენ. მაგალითად, სოლჟენიცინი ან დავლატოვი. დასავლეთს რომ კეკლუცობა არ დაეწყო საბჭოთა კავშირისა და მოგვიანებით რუსეთის წინაშე, არ გაეტარებინა სამარცხვინო და სუიციდური „განმუხტვის“ პოლიტიკა, ბოროტება უკვე საბოლოოდ დაინგრეოდა და მთელ მსოფლიოში მილიონობით ადამიანის სიცოცხლე გადარჩებოდა. ამ ყველაფერს იმიტომ ვამბობ, რომ ჩემთვისაც და ბევრი ჩემი თანამოაზრისთვისაც სავსებით გასაგებია – დასავლეთს რომ იგივე სანქციები გამოეყენებინა პუტინის რეჟიმის წინააღმდეგ, რასაც ახლა იყენებს, ყირიმის ანექსია არ იქნებოდა. მეტსაც გეტყვით, 2008 წელს დასავლეთს რომ გამოეყენებინა ასეთივე სანქციები პუტინის საქართველოში შეჭრისა და სამხრეთ ოსეთის დე ფაქტო ანექსიის საპასუხოდ, პუტინი ყირიმის ანექსიას ხუთი წლის შემდეგ არ მოახდენდა – და შესაძლოა. იმ დროისთვის ის ხელისუფლებაშიც კი აღარ იქნებოდა… და კიდევ: დასავლეთს რომ მსგავსი სანქციები ჯერ კიდევ 1999-2000 წლებში გამოეყენებინა, ჩეჩნეთის გენოციდის საპასუხოდ, საქართველოსა და უკრაინაში შემოსევებიც ნამდვილად არ იქნებოდა. …უკრაინაში შეჭრის წინ, პუტინმა რუსეთის ტელევიზიით განაცხადა, რომ დასავლეთი ძალიან უსამართლო იყო რუსეთის მიმართ „თუნდაც 1990-იან წლებში რუსეთის უკიდურესი ღიაობის პირობებში“. ეს განცხადება არ გამიკვირდა, რადგან კარგად ვიცი, ვინ არის პუტინი და რას უნდა ელოდო მისგან. თუმცა, რაც ძალიან მიკვირს, დასავლეთში არიან ადამიანები, რომლებიც იზიარებენ ამ შეხედულებას: რომ დასავლეთი ძალიან ცუდად მოიქცა ცივი ომის შემდეგ. ჩემთვის და ჩემი მეგობრებისთვის კი სრულიად საპირისპიროა: დასავლეთი არ მოიქცა ცივი ომის გამარჯვებულივით – და ამიტომაც გვაქვს ახლა ყველა ეს პრობლემა და ტრაგედია. რაც საბჭოთა კავშირმა არსებობა შეწყვიტა, რუსეთმა გაეროს უშიშროების საბჭოში მისი ადგილი დაიკავა. მესმის, რომ მეორე მსოფლიო ომის შემდეგ, ალბათ, ძნელი იყო საბჭოთა კავშირისთვის ამ ადგილის მინიჭების თავიდან აცილება – მაგრამ რატომ გადაეცა ის რუსეთს ბოროტების იმპერიის დაშლის შემდეგ? ახლა ყველა ხედავს რა პრობლემები წარმოიშვა რუსეთისა და პუტინის რეჟიმისგან. კომუნიზმის დაცემის შემდეგ დასავლეთს ზუსტად ის უნდა გაეკეთებინა, რაც გერმანიას მოუწყვეს ნაციზმის შემდეგ: კომუნისტი ლიდერები უნდა გაესამართლებინა საერთაშორისო ტრიბუნალის წინაშე; დასავლეთს უნდა აეძულებინა რუსეთი აეკრძალა კომუნისტური იდეოლოგია, ლიტერატურა და სიმბოლოები; აეგო ათობით მემორიალი კომუნიზმის მსხვერპლთათვის, კომპენსაცია გადაეხადა კრემლის ბანდიტების მრავალრიცხოვანი მსხვერპლისათვის: ებრაელები, უკრაინელები, ესტონელები, ლატვიელები, ლიტველები, ქართველები, პოლონელები, ჩეხები და მრავალი სხვა… დასავლეთმა ეს არ გააკეთა და პოსტკომუნისტურმა რუსეთმა, ბორის ელცინის ხელმძღვანელობით, მაშინვე დაიწყო დასავლეთის საწინააღმდეგო საგარეო პოლიტიკის გატარება მილოშევიჩის მხარდაჭერით; საბჭოთა კავშირის დაშლიდან ერთ წელზე ნაკლები ხნის შემდეგ, როდესაც რუსეთი ნანგრევებში იყო, მისმა საგარეო საქმეთა მინისტრმა ანდრეი კოზირევმა (რომელიც დიდ ლიბერალად ითვლებოდა) გაზეთ „Frankfurter Rundschau“-სთვის მიცემულ ინტერვიუში თქვა – „მოსკოვთან საუბარსა და ურთიერთობაში დასავლეთის ენა შეუსაბამოა“, – და ეს ყველაფერი დასავლეთმა გადაყლაპა. შემდეგ „დემოკრატიულმა“ რუსეთმა მოახდინა ქართველების ეთნიკური წმენდა აფხაზეთში, წაართვა აფხაზეთი საქართველოს – და დასავლეთმა ამით საშუალება მისცა ელცინს განეგრძო ჩეჩნეთის სრული ოკუპაცია, ხოლო ჩეჩნეთის პირველი ომის შემდეგ ოთხმოცი ათასი ადამიანი დაიღუპა! დასავლეთი ამ დროს სიტყვიერი კრიტიკით შემოიფარგლა და არ დაუწესა რუსეთს რაიმე სანქციები. ეს არის ფაქტები – სამწუხარო და სამარცხვინო ფაქტები. …როგორ მოხდა, რომ ჰიტლერის გამოცდილებამ ჯერ კიდევ ვერ ასწავლა დასავლელ პოლიტიკოსებს, რომ დიქტატორები და მკვლელები არასოდეს უნდა დაივიწყონ, არ „დაამშვიდონ“. პირიქით, უნდა დაუპირისპირდნენ ყველაზე გადამწყვეტ მომენტში და ყველა შესაძლო საშუალებებით. დასავლეთს არა მხოლოდ უფლება, არამედ მორალური ვალდებულება აქვს ეს გააკეთოს, წინააღმდეგ შემთხვევაში უკრაინისა და საქართველოს წინააღმდეგ ჩადენილ ქმედებას წაახალისებს. ახლა მხოლოდ ეს შემიძლია მათ ვუთხრა: თუ თქვენ არა გააკეთებთ ყველაფერს, რათა დაეხმაროთ მამაც უკრაინელ ხალხს ამ ომში, აგრესორებისა და მკვლელების განდევნაში, ისტორია ამას არასოდეს გაპატიებთ“. პუბლიკა

ზუგდიდში, ახალშობილი იპოვეს. შინაგან საქმეთა სამინისტროს ცნობით, გამოძიება დაწყებულია სისხლის სამართლის კოდექსის 128-ე მუხლით, რაც განსაცდელში მიტოვებას გულისხმობს. სამართალდამცველები საგამოძიებო მოქმედებებს ატარებენ. იპნ

თუ ვინმემ თქვა, რომ თეორიულად ეს [სანქციების გვერდის ავლა] შეიძლება იყოს, ამას დასაბუთება სჭირდება - აქამდე რა ბრალდებაც ყოფილა, ყველა იყო აბსურდული და გაქარწ####ბული,- ამის შესახებ თავდაცვის მინისტრმა ჯუანშერ ბურჭულაძემ ჟურნალისტებს განუცხადა, რითაც გამოეხმაურა აშშ-ის სანქციების კოორდინატორის ჯიმ ობრაიენის განცხადებას, რომ „რუსეთში ზოგიერთი ელექტრონული საქონლის ტრანზიტი, მათ შორის საქართველოდანაც, მნიშვნელოვნად არის გაზრდილი“. მინისტრის განცხადებით, ხელისუფლება ყურადღებას იჩენს, რათა არ მოხდეს ისეთი ფაქტი, რაც საერთაშორისო ასპარეზზე ქვეყნის რეპუტაციას დააზიანებს. „ბევრი ბრალდება იყო, რომელსაც საფუძველი არ ჰქონია. დარწმუნებული ვარ, არც მომავალში ექნება არცერთ ბრალდებას საფუძველი. მაქსიმალურ ყურადღებას ვიჩენთ, რომ არ მოხდეს არცერთი ფაქტი, რომელიც ჩვენს წინააღმდეგ იქნება გამოყენებული და დააზიანებს ჩვენს დიპლომატიურ ურთიერთობებსა და რეპუტაციას საერთაშორისო ასპარეზზე. გასაგებია, რომ მეზობელი ქვეყანა ვართ და თუ ვინმემ თქვა, რომ თეორიულად ეს შეიძლება იყოს, ამას დასაბუთება სჭირდება. აქამდე რა ბრალდებაც ყოფილა, ყველა იყო აბსურდული და გაქარწ####ბული“,- განაცხადა ბურჭულაძემ. ცნობისთვის, „ამერიკის ხმასთან“ ინტერვიუში ამერიკის შეერთებული შტატების სანქციების კოორდინატორმა ჯიმ ობრაიენმა განაცხადა, რომ „რუსეთში ზოგიერთი ელექტრონული საქონლის ტრანზიტი, მათ შორის საქართველოდანაც, მნიშვნელოვნად არის გაზრდილი“. „კრიტიკული ელექტრონიკა რუსეთში მესამე ქვეყნების გავლით შედის. ეს შეიძლება ამ ქვეყნებში ვიღაცისთვის კარგ ბიზნეს შესაძლებლობად გამოიყურებოდეს, მაგრამ დღეისთვის მათ უკვე უნდა იცოდნენ, რომ ჩვენ ვამბობთ, რომ ამ ნივთების ნაწილი ბრძოლის ველამდე აღწევს. ასე რომ, იქნება ეს ბიზნესის მფლობელი რომელიმე ამ ქვეყანაში, თუ გამყიდველი სადმე სხვაგან, ისინი რულეტს თამაშობენ. მათ შეიძლება იციან, ან შეიძლება არ იციან, რომ სანქციებს არღვევენ“,- განაცხადა ობრაიანმა.

უკრაინისა და საფრანგეთის პრეზიდენტებს შორის სატელეფონო საუბარი შედგა. ვოლოდიმირ ზელენსკის განცხადებით, ემანუელ მაკრონთან საუბრისას მან მადლობა გადაუხადა საფრანგეთის ლიდერს უკრაინის მიმართ ყოვლისმომცველი და ეფექტური მხარდაჭერისთვის. ზელენსკის თქმით, მაკრონთან უკრაინის მშვიდობის ფორმულისადმი სხვა საერთაშორისო პარტნიორების მხარდაჭერის კონსოლიდაცია განიხილა. ამასთან, როგორც უკრაინის ლიდერმა აღნიშნა, მან და საფრანგეთის პირველმა პირმა მათი პოზიციების კოორდინაცია მოახსენეს და შემდგომ კონკრეტულ ნაბიჯებზე ორმხრივი დიალოგის ფარგლებში შეთანხმდნენ. იპნ