tvati

ორგანიზაცია „სასამართლოს გუშაგი“ იუსტიციის უმაღლესი საბჭოს ახლადარჩეულ არამოსამართლე წევრებზე ინფორმაციას ავრცელებს. ზურაბ გურასპაშვილი კანდიდატი სამოქალაქო განვითარების საზოგადოებამ წარადგინა. დაბადების თარიღი: 1984 წლის 14 ივლისი. უმაღლესი განათლება: 1999-2004 წლები, თბილისის სახელმწიფო უნივერსიტეტის მესხიას ფილიალი, იურისტის კვალიფიკაცია. სამუშაო გამოცდილება: 2006 წელს გახდა სტაჟიორი საქართველოს გენერალურ პროკურატურაში, შემდგომ 2010 წლამდე იყო პროკურორი თბილისის ისანი-სამგორის რაიონულ პროკურატურაში. სამუშაო გამოცდილებასთან დაკავშირებით ანრი ოხანაშვილმა პარლამენტში განაცხადა, რომ „ზურაბ გურასპაშვილს აქვს მრავალმხრივი სამუშაო გამოცდილება, რომელიც დასტურდება შესაბამისი დოკუმენტებით.“ იუსტიციის უმაღლესი საბჭოს წევრად არჩევამდე ის იყო შინაგან საქმეთა სამინისტროს გენერალური ინსპექციის საგამოძიებო სამმართველოს უფროსი. პარლამენტში კანდიდატთან გასაუბრებისას ადამიანის უფლებათა ევროპული სასამართლოში გაგზავნილი განაცხადების კლების შესახებ ზურაბ გურასპაშვილმა უპასუხა: ტრისტან ბენაშვილი კანდიდატის საქართველოს საავტორო უფლებათა ასოციაციამ და შპს აღმოსავლეთ ევროპის უნივერსიტეტმა წარადგინეს. დაბადების თარიღი: 1977 წელი 3 მაისი. განათლება: 1994- 1998 წლები, თბილისის სახელმწიფო უნივერსიტეტი, ბიზნეს-სამართალმცოდნეობის ბაკალავრი. 2002-2005 წლები, საქართველოს ღია ჰუმანიტარული უნივერსიტეტი, იურიდიული ფაკულტეტი. სამუშაო გამოცდილება: როგორც ანრი ოხანაშვილმა აღნიშნა, ტრისტან ბენაშვილი „სხვადასხვა წლებში მუშაობდა თბილისის საოლქო სასამართლოში სისხლის სამართლის მიმართულებით“, ასევე, მას აქვს ჩაბარებული მოსამართლის თანაშემწის გამოცდა. პარლამენტში კანდიდატთან გასაუბრებისას გამოწვევებთან დაკავშირებით ტრისტან ბენაშვილმა გასაუბრებაზე აღნიშნა, რომ სასამართლო სისტემაში რა თქმა უნდა იყო გამოწვევები, არის და იქნება. მისი აზრით, ნელ-ნელა, მაგრამ სასამართლო მაინც ვითარდება. ამის რწმენის საფუძველს მას აძლევს საქართველოს კონსტიტუციაში და „საერთო სასამართლოების შესახებ“ ორგანულ კანონში ბოლო დროს შესული ცვლილებები. მან ასევე ისაუბრა სასამართლოს მიმართ ნდობის შესახებ და აღნიშნა: გიორგი გზობავა კანდიდატი აიპ „ახალგაზრდა ადვოკატებმა“ წარადგინა. ბიოგრაფია: განათლება: 1994 – 1999 წლები, თბილისის სახელმწიფო უნივერსიტეტი, სამართალმცოდნეობა (სრული კურსი), კვალიფიკაცია – იურისტი. სამუშაო გამოცდილება: 2015 წლიდან – დღემდე – აიპ “განათლება ყველა ბავშვს”; საქართველოს ადვოკატთა ასოციაციის წევრი; 1997 წელი – თბილისის სამხედრო პროკურატურა. მისი დეკლარაციიდან ირკვევა რომ მისი მეუღლე, თამარ ბლიაძე სააპელაციო სასამართლოში მუშაობს. საქმეთა გაჭიანურების შესახებ, საქართველოს პარლამენტში გასაუბრების დროს გიორგი გზობავამ აღნიშნა, რომ:

ის, რაც შეიძლება თურქეთისთვის, სომხეთისთვის, აზერბაიჯანისთვის, ისრაელისთვის და ასე შემდეგ, რატომ შეიძლება, დარტყმის საფუძველი გახდეს საქართველოს წინააღმდეგ და რატომ არ შეიძლება საქართველოსთვის? – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა. შალვა პაპუაშვილმა კომენტარი გააკეთა ამერიკის შეერთებული შტატების სახელმწიფო დეპარტამენტის პრესსპიკერის მოადგილის, ვედანტ პატელის განცხადებაზე, სადაც მან აღნიშნა: „ჩვენ მკაფიოდ გავაჟღერეთ შეშფოთება რუსეთთან პირდაპირი ფრენების საკითხზე, ყურადღებით გავაგრძელებთ მონიტორინგს და საჭიროების შემთხვევაში გადავდგამთ დამატებით ნაბიჯებს“. „წარმოიდგინეთ, ვიღაც, ვინც არ უნდა იყოს – მეგობარი თუ არამეგობარი, საქართველოს ეუბნება, რომ ამას რომ აკეთებ, მე დავფიქრდები, რა გავაკეთოთ, რა ღონისძიებები გავატარო ამის საპრევენციოდ და ამ დროს ყველა მეზობელი, ქვეყანა იმავეს აკეთებს რუსეთთან მიმართებით; ანუ, არ ასანქცირებს საკუთარ მოქალაქეებს. თურქეთისთვის, აზერბაიჯანისთვის, სომხეთისთვის, ისრაელისთვის შეიძლება თურმე, ჩვენთვის არ შეიძლება. ეს არის საქართველოში ძნელად, მაგრამ თავის მომხრეებში გაყიდვადი მესიჯი, რომელსაც სამწუხაროდ, რიგ შემთხვევაში გარედან ეხმარებიან ხოლმე“, – განაცხადა მდინარაძემ. ავტორი - ანი ქაჯაია

გასული წლის ნოემბერში, ხაშურის მუნიციპალიტეტის ერთ-ერთ სოფელში მოქმედ დედათა მონასტერში მომხდარ ყაჩაღობასა და მონაზვნის ჯგუფურად გაუპატიურებაში ბრალდებულ 2 პირს ხაშურის რაიონულმა სასამართლომ 20-20 წლის ვადით თავისუფლების აღკვეთა მიუსაჯა. გადაწყვეტილება მოსამართლე მევლუდ ხათაშვილმა გამოაცხადა. შეგახსენებთ, შემთხვევა 2022 წლის 25 ნოემბერს მოხდა, მონასტრის საცხოვრებელ კელიაში ორი პირი თავს დაესხა მონაზონს, რომლებმაც ძალადობის მუქარით მოსთხოვეს ფული და ძვირფასეულობა, უარის მიღების შემდეგ კი, აღნიშნულმა პირებმა მას ფიზიკური შეურაცხყოფა მიაყენეს და ძალადობით, ჯგუფურად გააუპატიურეს. ასევე, მონაზონს წაართვეს მობილური ტელეფონი, სცემეს და დატოვეს უგონო მდგომარეობაში. ბრალდებულებმა ეკლესიიდან წაიღეს შესაწირი ყუთები, მასში მოთავსებული ფულადი თანხით და შემთხვევის ადგილიდან მიიმალნენ. პოლიციამ ბრალდებულები 26 ნოემბერს დააკავა. ორივე დაკავებულს ბრალდება საქართველოს სისხლის სამართლის კოდექსის 137-ე მუხლის მე-3 ნაწილის „გ“ ქვეპუნქტით და მე-4 ნაწილის “ა” ქვეპუნქტით (გაუპატიურება, ჩადენილი ჯგუფურად, დაზარალებულის მიმართ განსაკუთრებული სისასტიკით) და 179-ე მუხლის მე-2 ნაწილის „ბ“ ქვეპუნქტით და მე-3 ნაწილის „ბ“ ქვეპუნქტით (ყაჩაღობა ჩადენილი ჯგუფურად, ბინაში (საცხოვრებელ კელიაში) უკანონო შეღწევით) წარედგინა (აღნიშნული მუხლებით გათვალისწინებული ბრალდება სასჯელის სახედ და ზომად თხუთმეტიდან ოც წლამდე ან უვადო თავისუფლების აღკვეთას ითვალისწინებს). პირველ ეტაპზე, ბრალდებულების ინტერესებს საზოგადოებრივი ადვოკატი იცავდა, შემდგომ კი - ოჯახების მიერ აყვანილი კერძო ადვოკატები. თავდაპირველად, დაკავებულები ბრალს არ აღიარებდნენ, მოგვიანებით კი, როგორც ,,ინტერპრესნიუსისთვის“ ცნობილი გახდა, სასამართლო პროცესზე ორივე ბრალდებულმა აღიარა ჩადენილი დანაშაული. შეგახსენებთ, სასამართლო პროცესი პირველივე სხდომიდან დახურულ ფორმატში მიმდინარეობდა. ჯერჯერობით უცნობია, გაასაჩივრებს თუ არა ბრალდების მხარე სასამართლოს აღნიშნულ განაჩენს. იპნ

კოალიცია „დამოუკიდებელი და გამჭვირვალე მართლმსაჯულებისთვის“ უარყოფითად აფასებს მმართველი პარტიისა და ოპოზიციის ზოგიერთი წევრის მიერ 17 მაისს იუსტიციის საბჭოს არამოსამართლე წევრებად ტრისტან ბენაშვილის, გიორგი გზობავას და ზურაბ გურასპაშვილის არჩევას. არასამთავრობო ორგანიზაციების წარმომადგენლებმა აღნიშნულ საკითხზე დღეს საგანგებო პრესკონფერენცია გამართეს. მათი შეფასებით, დღევანდელმა მოვლენებმა კიდევ ერთხელ, ნათლად წარმოაჩინა, რომ მმართველი პარტია კვლავ განაგრძობს “კლანის” მხარდაჭერას და ხელს უწყობს მათ ძალაუფლების შენარჩუნებაში. „კოალიცია უარყოფითად აფასებს მმართველი პარტიის და ოპოზიციის ზოგიერთი წევრის მიერ მიღებულ ამ გადაწყვეტილებას. ვფიქრობთ, დღევანდელმა მოვლენებმა კიდევ ერთხელ ნათლად წარმოაჩინა, რომ მმართველი პარტია კვლავ განაგრძობს სასამართლო სისტემაში „კლანის“ მხარდაჭერას და ხელს უწყობს მათ ძალაუფლების შენარჩუნებას. სამწუხაროა, რომ ამ პროცესში მათ ოპოზიციის ზოგიერთმა წარმომადგენელმაც მხარი აუბა და ერთობლივი გადაწყვეტილებით მოხდა. ვფიქრობთ, ეს გადაწყვეტილება განსაკუთრებით საგანგაშოა, მაშინ, როდესაც საქართველოს შესასრულებელი აქვს 12 - პუნქტიანი გეგმა, რომელთა შორის ერთ-ერთი მართლმსაჯულების გაჯანსაღებას ეხება. დღეს მიღებული ეს გადაწყვეტილება ვერ გააჯანსაღებს მართლმსაჯულების სისტემას და ეს არის ამ პროცესში უკან გადადგმული ნაბიჯი“,- განაცხადა „საქართველოს ახალგაზრდა იურისტთა ასოციაციის თავმჯდომარე, ნონა ქურდოვანიძემ. "სოციალური სამართლიანობის ცენტრის" მართლმსაჯულების და დემოკრატიის პროგრამის დირექტორი, გურამ იმნაძის შეფასებით, სამწუხაროა, რომ ამ პროცესში მათ ოპოზიციის დეპუტატების ნაწილის მხარდაჭერაც ჰქონდათ. როგორც მან აღნიშნა, ეს გადაწყვეტილება განსაკუთრებით საგანგაშოა, რადგან ქვეყნის ევროინტეგრაციის პროცესს დააზიანებს. „ის, რაც დღეს ჩვენ, პარლამენტში ვნახეთ, კიდევ ერთხელ აჩვენებს იმას, რომ „ქართული ოცნება“ არათუ მზად არის, რომ რეფორმები გაატაროს მართლმსაჯულების სისტემაში, არამედ პირიქით, ყველაფერს აკეთებს იმისთვის, რომ კიდევ უფრო მეტად გაამყაროს არსებული კლანური მმართველობა ამ სისტემაში. ძალიან სამწუხაროა, რომ ამ მართლმსაჯულების სისტემის საწინააღმდეგო გადაწყვეტილების მიღებაში „ქართულ ოცნებას“ გარკვეული ოპოზიციური პარტიები დაეხმარნენ. იმედია, გავიგებთ, თუ ვინ იყვნენ ოპოზიციური პარტიებიდან ის დეპუტატები, რომლებმაც ამ კანდიდატებს მხარი დაუჭირეს. ჩვენ ვაკვირდებოდით იუსტიციის უმაღლესი საბჭოს კონკურსის პროცესს და კანდიდატების ინდივიდუალურ გასაუბრებებს. ერთი რამ ნათელია, ეს კანდიდატები არ არიან შერჩეულები საბჭოში მათი კრიტიკული, პრინციპული პოზიციის გამო . პირიქით, ისინი შერჩეული არიან ლოიალურობის მიხედვით, ამიტომ, ჩვენ არავითარი მოლოდინი არ გვაქვს, რომ ამ გადაწყვეტილებას რაიმე არსებითი შედეგი ექნება იუსტიციის უმაღლესი საბჭოს საქმიანობაზე. პირიქით, კიდევ უფრო მეტად გამყარდება არსებული მანკიერი პრაქტიკები და პრობლემები, რომელიც ძალიან მწვავე კრიტიკას იმსახურებს, როგორც ქვეყნის შიგნით, ისე მის გარეთ“, - განაცხადა გურამ იმნაძემ.

გავრცელებული ინფორმაციით, იუსტიციის უმაღლესი საბჭოს არამოსამართლე წევრების არჩევის პროცესში სამ კანდიდატს მხარი დაუჭირეს ბლოკი „ენმ – ძალა ერთობაშიას“ ფრაქციის დეპუტატებმა, ბაჩუკი ქარდავამ, ნატო ჩხეიძემ, როსტომ ჩხეიძემ და ნიკა მაჭუტაძემ, ასევე დილარ ხაბულიანმა და „ევროპელი სოციალისტების“ ოთხმა წევრმა. ფრაქცია „ნაციონალური მოძრაობის“ წევრი თინა ბოკუჩავა მედიასთან ადასტურებს ინფორმაციას, რომ მათი ფრაქციის წევრებმა, ჩხეიძეებმა, ქარდავამ და მაჭუტაძემ მიიღეს კენჭისყრაში მონაწილეობა და აცხადებს, რომ თავად მათთან თანამშრომლობის რესურსს ვეღარ ხედავს. კენჭისყრა ანონიმური იყო და კანდიდატებს მხარდასაჭერად 90-ზე მეტი ხმა სჭირდებოდა. საპარლამენტო უმრავლესობა 84 დეპუტატიისგან შედეგბა. სამმა კანდიდატმა კი 93, 91 და 93 ხმის მიღება შეძლო. ამის შემდეგ სხდომა დროებით შეწყდა, რადგან ოპოზიციის ნაწილმა დარბაზი პროტესტის ნიშნად დატოვა. კენჭისყრის დაწყებამდე ცნობილი იყო, რომ საპარლამენტო უმრავლესობასა და ოპოზიციას შორის კანდიდატებზე კონსესუსი არ არსებობდა, რადგან პოზიციების შესაჯერებლად კონსულტაციები არ გამართულა. „ლელოს“, პარტია „ნაციონალური მოძრაობის“, „გირჩის“, „მოქალაქეების“, გახარიას პარტიის, „რეფორმების ჯგუფის“, წევრებმა და უფრაქციო დეპუტატების ნაწილმა მაშინვე განაცხადეს, რომ კენჭისყრაში მონაწილეობა არ მიუღიათ და გაარკვევდნენ, „ვინ გაიყიდა ოპოზიციიდან“. „ქართულმა ოცნებამ“ პროცესი 12 პუნქტის შესრულების საბოტაჟად შეაფასა. იუსტიციის უმაღლეს საბჭოში არამოსამართლე 2 წევრის ადგილი დარჩა ვაკანტური. ხელახალი კენჭისყრა მომავალ სხდომაზე გაიმართება. პუბლიკა

პრორუსული და ძალადობრივი პარტიის „ალტ-ინფოს“ ლიდერმა, კონსტანტინე მორგოშიამ „TV პირველთან“ თქვა, რომ რუსეთიდან პირდაპირი ფრენების აღდგენასა და სავიზო რეჟიმის გაუქმებაში მათი დიდ წვლილიცაა. პრორუსული და ძალადობრივი „ალტ-ინფოს“ ლიდერი დღეს საპატრიარქოს მიერ დანიშნული, ე.წ. ოჯახის სიწმინდის დღის მსვლელობაში იღებდა მონაწილეობას. გუშინ ცნობილი გახდა, რომ სამოქალაქო ავიაციის სააგენტომ რუსულ „აზიმუტსა“ და „ჯორჯია ეარლაინს“ ფრენების ნებართვა მისცა. ამ გადაწყვეტილებას და რუსეთიდან პირდაპირი ფრენების აღდგენას მოქალაქეების პროტესტი მოჰყვა, სამი დღეა მიმდინარეობს აქციები. დაგეგმილია აქცია 19 მაისს აეროპორტში, როდესაც „აზიმუტი“ პირველ ფრენას შეასრულებს საქართველოში. ამავე დღეს გამართება კიდევ ერთი აქცია საღამოს 8 საათზე. საქართველოს პარლამენტთან საპროტესტო აქცია გაიმართება. პუბლიკა

პარლამენტის პლენარულ სხდომაზე გამართული კენჭისყრის შედეგად, იუსტიციის უმაღლესი საბჭოში არსებული 5 არამოსამართლე წევრის ვაკანსიიდან მხოლოდ სამი ვაკანსია შეივსო. კენჭისყრაზე წარდგენილი დანარჩენი კანდიდატებიდან (კენჭი სულ 29 კანდიდატს ეყარა) ასარჩევად საჭირო 90 ხმა ვერც ერთმა კანდიდატმა ვერ მოაგროვა. ორი ვაკანტური ადგილის შესავსებად კი მეორე ტური გაიმართება, სადაც ოთხი - სხვებთან შედარებით მეტი მხარდაჭერის მქონე კანდიდატები გადავიდნენ. ეს კანდიდატები არიან რუსუდან კვინიკაძე (89 ხმა), გოგა კიკალაშვილი (89 ხმა), ლევან ნემსაძე (88 ხმა) და ნინო ნიშნიანიძე (87 ხმა). როგორც პარლამენტის თავმჯდომარემ შალვა პაპუაშვილმა განაცხადა, მეორე ტური დღეს ან მომდევნო სხდომაზე გაიმართება. „კოლეგებს ჯერ კიდევ აქვთ დრო იმისა, რომ მეორე ტურისთვის ჩამოყალიბდნენ“, - განაცხადა შალვა პაპუაშვილმა. აღსანიშნავია, რომ განახლებულ კენჭისყრაზე პლენარულ სხდომათა დარბაზში ოპოზიციის ძირითადი ნაწილი არ იმყოფებოდა. იუსტიციის უმაღლესი საბჭოში არჩეულია სამი არამოსამართლე წევრი. 90 ხმაზე მეტი ტრისტან ბენაშვილმა (93 ხმა), გიორგი გზობავამ (91 ხმა) და ზურაბ გურასპაშვილმა (93 ხმა) მიიღეს. თითქმის ორი წელია იუსტიციის უმაღლეს საბჭოში 5 არამოსამართლე წევრის თანამდებობა ვაკანტურია. პარლამენტის მიერ არჩეულ იუსტიციის უმაღლესი საბჭოს არამოსამართლე წევრებს უფლებამოსილების ვადა ჯერ კიდევ 2021 წლის ივნისში ამოეწურათ. საბჭოში 5 არამოსამართლე წევრის თანამდებობა ვაკანტურია მას შემდეგ, რაც საბჭოს არამოსამართლე წევრებს: - ნაზი ჯანეზაშვილს, ირმა გელაშვილს, ლევან გზირიშვილს, ზაზა ხარებავას და შოთა ქადაგიძეს უფლებამოსილების ვადა გაუვიდათ. შესაბამისად, 2021 წლის ივნისიდან იუსტიციის უმაღლეს საბჭოში 15 წევრის ნაცვლად, მხოლოდ 10 წევრია. „ქართული ოცნების“ უმრავლესობას პარლამენტში სულ 84 ხმა აქვს. ინტერპრესნიუსი

მე მადლობას გადავუხდი, სახელების დასახელების გარეშე, იმ ოპოზიციონერ დეპუტატებს, რომლებმაც მხარი დაუჭირეს შესაბამის კანდიდატურებს - ეს დეპუტატები არიან გარიგებული არა ვინმესთან, არამედ კანდიდატის სტატუსთან, - ამის შესახებ „ქართული ოცნების“ თავმჯდომარემ ირაკლი კობახიძემ ჟურნალისტებს განუცხადა. მისივე თქმით, რადიკალური ოპოზიცია ყველაფერს აკეთებს იმისთვის, რომ ქვეყანამ კანდიდატის სტატუსი არ მიიღოს. „ჩვენ მოხარული ვართ, რომ იუსტიციის უმაღლეს საბჭოში უკვე აირჩა სამი წევრი და მათ დააგროვეს 90 - ზე მეტი ხმა. ჩვენ გვქონდა მსგავსი ტიპის მოცემულობა სახალხო დამცველის არჩევის დროს. მიუხედავად იმისა, რომ არავითარი კითხვის ნიშანი არ არსებობდა ლევან იოსელიანის კეთილსინდისიერებასთან, კომპეტენციასთან, მიუკერძოებლობასთან დაკავშირებით, არათუ არ დაუჭირა რადიკალურმა ოპოზიციამ მხარი იოსელიანის კანდიდატურას, პირიქით, წარმოებდა ბულინგი იმ ქალბატონი დეპუტატების წინააღმდეგ, რომლებმაც ოპოზიციიდან დაუჭირეს მხარი ლევან იოსელიანის კანდიდატურას. იქაც მიზეზი იგივე იყო, მიზეზი იყო ის, რომ რადიკალური ოპოზიცია ყველაფერს აკეთებს ჩვენი ქვეყნისთვის კანდიდატის სტატუსის არ მისაღებად. დღესაც ამის გამოვლინება იყო, ეს იყო მორიგი ტესტი. მე მადლობას გადავუხდი, სახელების დასახელების გარეშე იმ ოპოზიციონერ დეპუტატებს, რომლებმაც მხარი დაუჭირეს შესაბამის კანდიდატურებს და კანდიდატის სტატუსის მიღებას ჩვენი ქვეყნისთვის. გაგრძელდება პროცედურა და იმედი გვაქვს, რომ მოვახერხებთ ხუთივე წევრის არჩევას,“- განაცხადა კობახიძემ. მისივე თქმით, ოპოზიციონერმა კოლეგებმა კიდევ ერთხელ სცადეს "ლიბერალური ფაშიზმის მეთოდების" გამოყენება და მათ უხეშად ხელყვეს ის პრინციპი, რასაც ჰქვია თავისუფალი მანდატის პრინციპი. „ისინი უხეშად წავიდნენ კანდიდატის სტატუსის წინააღმდეგ. კონსტიტუციური პრინციპების წინააღმდეგ. ის დეპუტატები ოპოზიციიდან, რომლებმაც მხარი დაუჭირეს იუსტიციის საბჭოს წევრების არჩევას, არიან გარიგებული არა ვინმესთან, არამედ კანდიდატის სტატუსთან. ძალიან პრინციპული პოზიცია დააფიქსირეს მათ იმასთან დაკავშირებით, რომ სურთ კანდიდატის სტატუსის მიღება ჩვენი ქვეყნისთვის. ამ დეპუტატებს მადლობა არამხოლოდ ჩვენ, არამედ საზოგადოებამაც უნდა გადაუხადოს“, - განაცხადა კობახიძემ. ცნობისთვის, დეპუტატებმა პლენარულ სხდომაზე იუსტიციის უმაღლესი საბჭოს არამოსამართლე 5 წევრიდან მხოლოდ 3 წევრის ტრისტან ბენაშვილის, გიორგი გზობავასა და ზურაბ გურასპაშვილის არჩევა შეძლეს. კანდიდატების კენჭისყრის პროცესში პარლამენტის სხდომათა დარბაზი ოპოზიციამ მას შემდეგ დატოვა, რაც არამოსამართლე წევრების არჩევისთვის საჭირო 90 ხმის მოსაგროვებლად მმართველ გუნდთან ერთად, კანდიდატებს ხმა ფარული კენჭისყრისას ოპოზიციონერმა დეპუტატებმაც მისცეს. კენჭისყრაზე სულ 29 კანდიდატია წარდგენილი, კენჭისყრის პროცედურა მე-11 კანდიდატის კენჭისყრისას შეწყდა. იუსტიციის უმაღლეს საბჭოში კიდევ ორი არამოსამართლე წევრია ასარჩევი. იპნ

საპარლამენტო პოლიტიკური ჯგუფი „საქართველოსთვის“ ოფიციალურად მიმართავს საქართველოს პარლამენტის აპარატს, გასაჯაროვდეს ჩვენი დეპუტატების მიერ იუსტიციის უმაღლესი საბჭოს არამოსამართლე წევრების ფარული კენჭისყრისას დაფიქსირებული ხმები, - ამის შესახებ ნათქვამია პარტიის მიერ გავრცელებულ განცხადებაში. პარტია "საქართველოსთვის" მოუწოდებს სხვა ოპოზიციურ პარტიებსაც, მიმართონ საქართველოს პარლამენტის აპარატს და გაასაჯაროონ კენჭისყრისას მათი დაფიქსირებული პოზიცია. „საზოგადოება იმსახურებს, იცოდეს სიმართლე!“ - ნათქვამია განცხადებაში. ცნობისთვის, დეპუტატებმა პლენარულ სხდომაზე იუსტიციის უმაღლესი საბჭოს არამოსამართლე 5 წევრიდან მხოლოდ 3 წევრის ტრისტან ბენაშვილის, გიორგი გზობავასა და ზურაბ გურასპაშვილის არჩევა შეძლეს. კანდიდატების კენჭისყრის პროცესში პარლამენტის სხდომათა დარბაზი ოპოზიციამ მას შემდეგ დატოვა, რაც არამოსამართლე წევრების არჩევისთვის საჭირო 90 ხმის მოსაგროვებლად მმართველ გუნდთან ერთად, კანდიდატებს ხმა ფარული კენჭისყრისას ოპოზიციონერმა დეპუტატებმაც მისცეს. კენჭისყრაზე სულ 29 კანდიდატია წარდგენილი, კენჭისყრის პროცედურა მე-11 კანდიდატის კენჭისყრისას შეწყდა. იუსტიციის უმაღლეს საბჭოში კიდევ ორი არამოსამართლე წევრია ასარჩევი.

„ნაციონალური მოძრაობის“ დეპუტატის, ანა წითლიძის განცხადებით, იუსტიციის უმაღლესი საბჭოს 3 არამოსამართლე წევრის არჩევას ხმა ოპოზიციიდან „ნაციონალური მოძრაობის“ სიით გასულმა დეპუტატმა ნიკა მაჭუტაძემ მისცა, თუმცა დანარჩენი დეპუტატების შესახებ ინფორმაციას აზუსტებს. როგორც მან ჟურნალისტებს განუცხადა, ნიკა მაჭუტაძემ კენჭისყრაში მონაწილეობა თავადაც მასთან საუბრისას დაადასტურა და ეს 12-პუნქტიანი გეგმის შესრულების ხელშეწყობით ახსნა. რაც შეეხება ჟურნალისტების შეკითხვას, ბლოკიდან „ძალა ერთობაშია“ კიდევ ვინ ესწრებოდა კენჭისყრას და შესაძლოა თუ არა ყოფილიყვნენ ეს დეპუტატები ბაჩუკი ქარდავა და ნატო ჩხეიძე, ანა წითლიძის განცხადებით, ისინი სხდომას ესწრებოდნენ, მაგრამ, ჯერჯერობით, მათთან კომუნიკაცია არ ჰქონია. „ეს არის ძალიან სამარცხვინო. ყველაფერს უნდა დაერქვას თავისი სახელი და ამ ადამიანებმა უნდა ახსნან, რას დაუჭირეს მხარი. ვინც არ უნდა ყოფილიყო ამ ხუთ ადამიანში ოპოზიციის მხრიდან, მე მომხრე ვარ, რომ ამ ადამიანების სახელი და გვარი გასაჯაროვდეს. რატომ მიიღეს იმაში მონაწილეობა, რომ „კლანის“ წევრებს დაუჭირეს მხარი? ნიკა მაჭუტაძემ დაადასტურა ჩემთანაც. მისი არგუმენტი, რომ ეს ყოფილა 12- პუნქტიან გეგმაში შემავალი რეკომენდაცია, ჩემთვის მიუღებელია, ეს არის არასწორი. ჯერჯერობით, ვარკვევთ, ვინ არიან ეს ადამიანები. ინფორმაციის მოძიება არის რთული, მაგრამ არა შეუძლებელი. უნდა ვიცოდეთ, ვინ არიან ეს ადამიანები და რატომ მიიღეს ეს გადაწყვეტილება. ბაჩუკი ქარდავა, ნატო ჩხეიძე დღეს სხდომას ესწრებოდნენ, თუმცა არ იქნება სწორი დაუზუსტებლად ვთქვა მათზე რამე“, - განაცხადა წითლიძემ. ცნობისთვის, დეპუტატებმა პლენარულ სხდომაზე იუსტიციის უმაღლესი საბჭოს არამოსამართლე 5 წევრიდან მხოლოდ 3 წევრის ტრისტან ბენაშვილის, გიორგი გზობავასა და ზურაბ გურასპაშვილის არჩევა შეძლეს. კანდიდატების კენჭისყრის პროცესში პარლამენტის სხდომათა დარბაზი ოპოზიციამ მას შემდეგ დატოვა, რაც არამოსამართლე წევრების არჩევისთვის საჭირო 90 ხმის მოსაგროვებლად მმართველ გუნდთან ერთად, კანდიდატებს ხმა ფარული კენჭისყრისას ოპოზიციონერმა დეპუტატებმაც მისცეს. კენჭისყრაზე სულ 29 კანდიდატია წარდგენილი, კენჭისყრის პროცედურა მე-11 კანდიდატის კენჭისყრისას შეწყდა. იუსტიციის უმაღლეს საბჭოში კიდევ ორი არამოსამართლე წევრია ასარჩევი. ინტერპრესნიუსი

ხმის მიმცემებმა აიღონ პასუხისმგებლობა ამომრჩევლის წინაშე და ან ახსნან რატომ მისცეს ხმა ხელისუფლებისადმი ლოიალურ კანდიდატებს ან თქვან რამდენად გაიყიდნენ, - ამის შესახებ სოციალურ ქსელში პარტია "საქართველოსთვის" თავმჯდომარის მოადგილე ნათი მეზვრიშვილი წერს. მისი თქმით, სამართლიანობა მოითხოვს ოპოზიციის იმ ნაწილს, რომელიც ამ და სხვა ფორმებით მუდმივად ოცნებას ეხმარება, დაერქვას „ოცნების ოპოზიცია“. "ჯერ კიდევ 2 წლის წინ ვთქვი, რომ არსებობდა 5 წევრზე გარიგების რისკები, რაც ჩვენთვის იყო მიუღებელი. აქამდეც ბევრი მიზეზი არსებობდა (ხან გენპროკურორზე ვაჭრობდნენ, ხან - სახალხოზე, ხან - ევროკავშირის რეკომენდაციებზე, ხან - ბარიერზე და ა.შ.), მაგრამ დღეის შემდეგ სამართლიანობა მოითხოვს ოპოზიციის იმ ნაწილს, რომელიც ამ და სხვა ფორმებით მუდმივად ოცნებას ეხმარება, დაერქვას „ოცნების ოპოზიცია“. ხალხმა უნდა იცოდეს ვინ ვინ არის, უნდა იცოდეს, რომ მათთვის ხმის მიცემა ანტი-დასავლური ხელისუფლების არსებობის გახანგრძლივებას ნიშნავს.", - წერს მეზვრიშვილი. ცნობისთვის, იუსტიციის უმაღლესი საბჭოს არამოსამართლე წევრობის კანდიდატთაგან ე.წ. კვალიფიციური უმრავლესობით არჩეულია 3 არამოსამართლე წევრი - ტრისტან ბენაშვილი, გიორგი გზობავა და ზურაბ გურასპაშვილი. კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93. მას შემდეგ, რაც ოპოზიციამ პლენარულ სხდომათა დარბაზი დატოვა, კენჭისყრა შეჩერდა.

წარმოუდგენელია, რაც ხდებოდა სხდომათა დარბაზში, ამას ჰქვია მანდატით ვაჭრობა ვიწრო ინტერესებისთვის - ფაქტია, ოპოზიციის ზოგიერთმა წარმომადგენელმა ივაჭრა ქვეყნის ევროპული მომავლით, - ამის შესახებ პარტია „საქართველოსთვის“ წევრმა ანა ბუჩუკურმა იუსტიციის უმაღლესი საბჭოს წევრობის კანდიდატების კენჭისყრასთან დაკავშირებით განაცხადა. როგორც მან აღნიშნა, მას შემდეგ, რაც ცხადი გახდა, რომ ოპოზიციის რამდენიმე წარმომადგენელმა ივაჭრა, მათ დარბაზი დატოვეს. „რაც ვნახეთ დარბაზში, ეს არის ვაჭრობა და ხალხის ხმების გაყიდვა. „ქართულ ოცნებას“ დღევანდელი მოცემულობით 84 მანდატი აქვს, არჩევას ჭირდება 90 ხმა და რამდენიმე კანდიდატზე 93-91 მხარდამჭერი ხმა დაფიქსირდა, კენჭისყრა ფარულია, რაც ნიშნავს იმას, რომ ოპოზიციის რამდენიმე დეპუტატმა და არა ერთმა და ორმა, ხელისუფლების სასარგებლო კანდიდატს ფარულად დაუჭირა მხარი. 93 ხმით არჩეულის შემთხვევაში, 9 ოპოზიციონერმა დაუჭირა მხარი „ქართული ოცნების“ სასარგებლო კანდიდატს. ჩვენ დავტოვეთ მალევე დარბაზი, ამ პროცესში მონაწილეობა არ მივიღეთ. ასე ხდება ევროპული გზით, ევროპული ინტეგრაციით ვაჭრობა ვიწრო პოლიტიკური თუ პირადი ინტერესების გამო, ეს არის კატასტროფა, წარმოუდგენელია, რაც ხდებოდა დარბაზში, ამას პირდაპირ ჰქვია მანდატით ვაჭრობა. ჩვენ გაცხადებული გვქონდა 2 კანდიდატის მიმართ მხარდაჭერა - ეს არის სულხან სალაძე და კახა წიქარიშვილი თუმცა, ამ კანდიდატებამდე არც მივიდა კენჭისყრები, ისე დავტოვეთ სხდომათა დარბაზი, როცა ცხადი გახდა, რომ ოპოზიციის ზოგიერთმა წარმომადგენელმა ივაჭრა, ფაქტია, ქვეყნის ევროპული მომავლით, ეს არის რეალობა, რაც ვიხილეთ რამდენიმე წუთის წინ", - განაცხადა ბუჩუკურმა. ცნობისთვის, იუსტიციის უმაღლესი საბჭოს არამოსამართლე წევრობის კანდიდატთაგან ე.წ. კვალიფიციური უმრავლესობით არჩეულია 3 არამოსამართლე წევრი - ტრისტან ბენაშვილი, გიორგი გზობავა და ზურაბ გურასპაშვილი. კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93. მას შემდეგ, რაც ოპოზიციამ პლენარულ სხდომათა დარბაზი დატოვა, კენჭისყრა შეჩერდა. იპნ

იუსტიციის უმაღლესი საბჭოს არამოსამართლე წევრობის კანდიდატების კენჭისყრის პროცესში პარლამენტის სხდომათა დარბაზი ოპოზიციამ დატოვა. კანდიდატების კენჭისყრა შეწყდა და პლენარულ სხდომაზე ტექნიკური შესვენება გამოცხადდა. საპარლამენტო ოპოზიციის პროტესტი იმ ფაქტს მოჰყვა, რომ კენჭისყრის დროს კვალიფიციური უმრავლესობით იუსტიციის უმაღლეს საბჭოში სამი არამოსამართლე წევრის არჩევა მოხდა. არამოსამართლე წევრების ასარჩევად 90-ხმიანი უმრავლესობა იყო საჭირო, რაც იმას ნიშნავს, რომ მმართველ გუნდსა და ოპოზიციას შორის კონსენსუსი უნდა შემდგარიყო და კანდიდატები საერთო მხარდაჭერით აერჩიათ. წინასწარი ინფორმაციით, პარლამენტში ასეთი პოლიტიკური შეთანხმება არ არსებობდა, თუმცა ფარული კენჭისყრის დროს 93, 91, 93 ხმის უმრავლესობით იუსტიციის უმაღლეს საბჭოში ტრისტან ბენაშვილი, გიორგი გზობავა და ზურაბ გურასპაშვილი აირჩიეს. „ქართულ ოცნებას“ პარლამენტში 84 ხმა აქვს, რაც იმას ნიშნავს, რომ აღნიშნულმა კანდიდატებმა ხმები ოპოზიციიდანაც მიიღეს. კენჭისყრაზე სულ 29 კანდიდატია წარდგენილი, კენჭისყრის პროცედურა მე-11 კანდიდატის კენჭისყრისას შეწყდა. იუსტიციის უმაღლეს საბჭოში სულ 5 არამოსამართლე წევრია ასარჩევი. იპნ

შინაგან საქმეთა სამინისტრო ღრმა მწუხარებას გამოთქვამს შიდა ქართლში, ქარელის მუნიციპალიტეტში მომხდარი ავტოსაგზაო შემთხვევის გამო, რამაც საპატრულო პოლიციის დეპარტამენტის ორი თანამშრომელი იმსხვერპლა. 1993 წელს დაბადებული, წარსულში ნასამართლევი, არაფხიზელ მდგომარეობაში მყოფი გ. ლ. დიდი სიჩქარით მოძრაობდა ქარელის მუნიციპალიტეტში და საავტომობილო გზის გვერდულზე მდგომ საპატრულო პოლიციის ეკიპაჟს დაეჯახა, რის შედეგადაც შემთხვევის ადგილზე გარდაიცვალნენ ავტომანქანაში მსხდომი საპატრულო პოლიციის თანამშრომლები: 1972 წელს დაბადებული ომარ ქარელი და 1992 წელს დაბადებული ვანო ბასანიძე. სამართალდამცველებმა გ.ლ დააკავეს. გამოძიება საქართველოს სისხლის სამართლის კოდექსის 276-ე მუხლის მე-9 ნაწილით მიმდინარეობს, რაც ალკოჰოლის ზემოქმედების ქვეშ, ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ადამიანის სიცოცხლის მოსპობა გამოიწვია. ქართლი

გახარია: სანამ ქართველი პოლიტიკოსები არ ისწავლიან, რომ დემოკრატია, პირველ რიგში, კომპრომისია, არაფერი არ იქნება. სანამ ქართული პარტიები არ ისწავლიან, რომ შენი გამარჯვება სხვის განადგურებას არ ნიშნავს არაფერი არ იქნება. სანამ საქართველოს მოქალაქე არ მიხვდება, რომ ვიღაცას ხმას რომ აძლევს, ის ღმერთი არ უნდა გახადოს. ერთხელ გახადეს, მეორედ გახადეს, მესამედ გახადეს. და მერე ზემოდან რომ ჩამოვარდება, დაენარცხება, მერე ეზიზღებათ თავისივე შექმნილი კერპი. მერე ამ ზიზღით და თავგანწირვით ანადგურებენ და ანადგურებენ. ეგერ, ერთი საავადმყოფოშია, მეორე - დამალულია.

საქართველოს საკუთარი ინტერესები აქვს, რომელსაც რუსეთთან ზედმეტ კონფრონტაციაში შესვლა არ სურს - საქართველო დღეს, ყველაზე უფრო მძიმე მოწყვლად ვითარებაში მყოფი სახელმწიფოა, - ამის შესახებ ჟურნალისტებს „ქართული ოცნების“ დეპუტატმა ირაკლი ქადაგიშვილმა განუცხადა. როგორც ამ კონტექსტში ქადაგიშვილმა აღნიშნა, გასაგებია, რომ ფრენების აღდგენისა და ვიზების გაუქმების თაობაზე რუსეთის მიერ მიღებული გადაწყვეტილება პარტნიორებისთვის მისასალმებელი არ არის, მაგრამ საქართველოს რეალობასაც უნდა აფასებდნენ. „ფრენების აღდგენის და ვიზების გაუქმების გადაწყვეტილება მიღებულია რუსეთის ფედერაციის მხრიდან ანუ თავის დროზე საქართველოს რა სასჯელიც დაუწესეს, ახლა არის მოხსნილი. ამასთან, ჩვენ მკაფიოდ განვაცხადეთ, რომ სანქცირებული ავიაკომპანია და ავია ხომალდი არავითარ შემთხვევაში არ იქნება ფრენების განმახორციელებელი. ჩვენ, როგორც კი რუსეთთან ორმხრივი სანქცირების რეჟიმში გადავალთ, ყველამ კარგად იცის, რომ ორმხრივ სანქცირებას რუსეთის მხრიდან გრძელი სია მოჰყვება, რაც მას შეუძლია საქართველოს მიაყენოს, როგორც სავაჭრო ემბარგოს დაწესებით, ასევე სეპარატისტულ და ოკუპირებულ ტერიტორიებზე ახალი ანექსიისა და საერთოდ შეწოვის პოლიტიკა განახორციელოს. ამიტომ, საქართველო დღეს არის ყველაზე უფრო მძიმე მოწყვლად ვითარებაში მყოფი სახელმწიფო. ჩვენთვის სავაჭრო და ეკონომიკური ემბარგოს დაწესების შემთხვევაში არავისგან არც კომპენსაციის მოლოდინის გვაქვს და არც უსაფრთხოების დამატებითი გარანტიები გაგვაჩნია. ამიტომ საქართველო ცდილობს, იყოს ძალიან ზომიერი პოლიტიკის გამტარებელი, რათა ქვეყანა რუსეთთან ისეთ კონფრონტაციაში არ შევიდეს, რაც საქართველოსთვის უკიდურესად დამაზიანებელი იქნება. მათ შორის, ჩვენი მთავარი საგარეო პრიორიტეტი რაც არის – ევროპულ გზაზეც ხელისშემშლელი იქნება. ამას პარტნიორები ჩვენზე კარგად უნდა ათვიცნობიერებდნენ. გასაგებია, რომ მათთვის ეს მისასალმებელი არ არის, მაგრამ საქართველოს ვითარების რეალობასაც უნდა აფასებდნენ“, – განაცხადა ირაკლი ქადაგიშვილმა. იპნ

სახელმწიფო უსაფრთხოების სამსახურის კონტრტერორისტულმა ცენტრმა ჩატარებული მასშტაბური სპეციალური ოპერაციის შედეგად, სასამართლო განჩინების საფუძველზე, ტერორისტული ორგანიზაცია „ისლამური სახელმწიფოს“ მხარდამჭერები დააკავა. ამის შესახებ ინფორმაციას სახელმწიფო უსაფრთხოების სამსახური ავრცელებს. სუს-ის ცნობით, კონტრტერორისტული ოპერაცია ერთდროულად ოთხ ადგილზე ჩატარდა და დაკავებულია საქართველოს 6 მოქალაქე. „კონტრტერორისტული ცენტრის, საქართველოს გენერალური პროკურატურისა და შინაგან საქმეთა სამინისტროს ერთობლივი ღონისძიებების შედეგად მოპოვებული მტკიცებულებებით დადგინდა, რომ აღნიშნულ პიროვნებებს კავშირი ჰქონდათ ტერორისტული ორგანიზაცია „ისლამური სახელმწიფოს“ ერთ-ერთ გავლენიან ლიდერთან და მისი მეთაურობით გეგმავდნენ სხვადასხვა სახის ტერორისტულ აქტივობას რამდენიმე ქვეყანაში. საგამოძიებო მოქმედებების შედეგად ამოღებულიატერორისტული ორგანიზაციის სიმბოლიკა, ელექტრონული ინფორმაციის მატარებელი მოწყობილობები, საბრძოლო მასალა, ფეთქებადი ნივთიერებები და გამოძიებისათვის მნიშვნელოვანი სხვადასხვა მტკიცებულება. საქმეზე გამოძიება საქართველოს სისხლის სამართლის კოდექსის 328-ე და 236-ე მუხლებით მიმდინარეობს, რაც გულისხმობს უცხო ქვეყნის ტერორისტულ ორგანიზაციაში გაერთიანებას, ტერორისტულ საქმიანობაში დახმარებას, ცეცხლსასროლი იარაღის, საბრძოლო მასალის და ფეთქებადი ნივთიერების მართლსაწინააღმდეგო შეძენა-შენახვას. გამოძიებას აწარმოებს სახელმწიფო უსაფრთხოების სამსახურის კონტრტერორისტული ცენტრი. აღნიშნული გამოძიების ფარგლებში, კონტრტერორისტულმა ცენტრმა, მოპოვებული მტკიცებულებების საფუძველზე გამოავლინა გარკვეული ტერორისტული აქტივობები სხვადასხვა უცხო ქვეყნის ტერიტორიაზე და მომეტებული საფრთხის გათვალისწინებით ინფორმაცია ოპერატიულად იქნა გაზიარებული პარტნიორ ქვეყნებთან. აქვე აღვნიშნავთ, რომ ამავე საქმის ფარგლებში სისხლის სამართლებრივი დევნა დაიწყო უცხო ქვეყნის ერთი მოქალაქის მიმართ, რომელიც სასამართლოს ბრძანებით მოთავსებულია შინაგან საქმეთა სამინისტროს მიგრაციის დეპარტამენტის დროებითი განთავსების ცენტრში“, - აღნიშნულია სუს-ის მიერ გავრცელებულ ინფორმაციაში.

ძალაუფლების შესანარჩუნებლად „ქართული ოცნება“ უარს ამბობს სასამართლო სისტემაში სანქცირებული მოსამართლეების დანაშაულებრივი გავლენების აღმოფხვრაზე და საკანონმდებლო დონეზე იმორჩილებს ცესკო-ს, – ამის შესახებ პარტია „საქართველოსთვის“ წევრმა, მიხეილ დაუშვილმა ბრიფინგზე განაცხადა. მისი თქმით, ეს არის დამოუკიდებელი ინსტიტუტების გაუქმებისა და დაქვემდებარების იმ პროცესის გაგრძელება, რაც „ქართულმა ოცნებამ“ დიდი ხანია, დაიწყო. „იუსტიციის უმაღლესი საბჭოს ფუნდამენტური რეფორმა არის ვენეციის კომისიის მთავარი რეკომენდაცია და კანდიდატის სტატუსის მიღების წინაპირობა. საბჭოს გარდაქმნის გარეშე სასამართლოს რეალური დამოუკიდებლობა ვერ მიიღწევა. ამ ფონზე, ხელისუფლებამ უარი თქვა ყველა ცვლილებაზე, რაც საბჭოს უკავშირდება; მათ შორის, ჩვენს ინიციატივაზე შემოღებულ იქნეს უმაღლეს საბჭოში გადაწყვეტილების მიღების ეგრეთ წოდებული ორმაგი 2/3-ით მიღების, რაც პირდაპირ განაპირობებს უმაღლეს საბჭოში ძალაუფლების კონცენტრაციას“, – განაცხადა დაუშვილმა. როგორც პარტია „საქართველოსთვის“ წევრი ამბობს, აღნიშნულის პარალელურად, „ქართული ოცნება“ ახლა უკვე საკანონმდებლო დონეზე იმორჩილებს ცესკო-ს, რომელიც სასამართლოსთან ერთად, არჩევნების თავისუფალ და სამართლიან გარემოში ჩატარების გარანტი უნდა იყოს. დაუშვილის თქმითვე, მმართველი პარტია იცავს სანქცირებულ მოსამართლეებს და უარს ამბობს საპარლამენტო საგამოძიებო კომისიების შექმნაზე მათი კორუფციული ფაქტების გამოსავლენად. „აქედან გამომდინარე, მოვუწოდებთ ხელისუფლებას: უარი თქვას ძალაუფლების შენარჩუნების ინსტრუმენტად სასამართლოს და ცესკო-ს გამოყენებაზე, შეწყვიტოს კანდიდატის სტატუსისთვის საფრთხის შექმნა, შეასრულოს ვენეციის კომისიის რეკომენდაცია და ევროკავშირის 12 პუნქტი, განიხილოს ჩვენი ინიციატივა იუსტიციის უმაღლეს საბჭოში ორმაგი 2/3-ით წესის დანერგვაზე, შექმნას საპარლამენტო საგამოძიებო კომისია“, – განაცხადა დაუშვილმა. ავტორი - ანი ქაჯაია

„აიკრძალოს საქართველოში რუსეთიდან ფრენები”, – ამის შესახებ ოპოზიციონერმა ქალმა დეპუტატებმა პარლამენტში, სპეციალური ბრიფინგის დროს ისაუბრეს და კიდევ ერთხელ დაგმეს ხელისუფლების გადაწყვეტილება რუსეთთან პირდაპირი ფრენების აღდგენასთან დაკავშირებით. ხუთი ოპოზიციონერი ქალი დეპუტატი ხელისუფლებას მოუწოდებს, გააუქმოს თანხმობა რუსეთთან პირდაპირ ფრენებზე. თეონა აქუბარდია, ანა ნაცვლიშვილი, ხატია დეკანოიძე, ხათუნა სამნიძე და ანა ბუჩუკური აცხადებენ, რომ საქართველოსა და რუსეთს შორის პირდაპირი ფრენები საფრთხეს უქმნის ქვეყნის უსაფრთხოებას. მათი თქმით, „ქართული ოცნება“ ცდილობს, ქვეყანა დასავლეთისგან იზოლაციაში ამყოფოს და საქართველოში რუსულ გავლენებს აძლიერებს. 15 მაისს ძალაში შევიდა რუსეთის პრეზიდენტის, ვლადიმერ პუტინის განკარგულება, რომლის თანახმადაც, სავიზო რეჟიმი გაუქმდა, ასევე, რუსეთმა მოხსნა საქართველოსთან პირდაპირ ავიამიმოსვლაზე აკრძალვა. 15 მაისს საქართველოს ავიაციის სააგენტომ საქართველოს მიმართულებით ფრენების განხორციელების ნებართვა ავიაკომპანია Azimuth Airline-ს მისცა. სამოქალაქო ავიაციაში ამბობენ, რომ ავიაკომპანია Azimuth Airlines არ იმყოფება ევროკავშირის შავ სიაში, თუმცა ის სანქცირებულია უკრაინის მიერ. კომპანია კვირაში 7 რეისს შეასრულებს. პუბლიკა

შორს ბინძური ხელები ჯორჯიან ეარვეისისგან! – ამ სათაურით აქვეყნებს ავიაკომპანია განცხადებას. გთავაზობთ ამონარიდებს ვრცელი განცხადებიდან. – ვკითხულობთ განცხადებაში, რომელსაც ავიაკომპანია თანამშრომლების სახელით აქვეყნებს. რუსთაველზე მიმდინარეობს აქცია, სადაც რუსეთთან საჰაერო მიმოსვლის აღდგენას აპროტესტებენ. „რუსული ხომალდი ევროკავშირში ვერ შეგვიყვანს” – სკანდირებენ აქციის მოინაწილეები. მათ რამდენიმე წუთის წინ „Georgian airways”-ის ოფისთან გადაინაცვლეს. ვინაიდან კომპანია 20 მაისიდან გეგმავს დაიწყოს ფრენები ოკუპანტ ქვეყანასთან. ავიაკომპანიის ოფისთან პოლიციაა მობილიზებული. პუბლიკა

პარლამენტი, 17 მაისის პლენარულ სხდომაზე, ცესკოს წევრობისა და ცესკოს თავმჯდომარეობის კანდიდატების შერჩევის, მათი პარლამენტისთვის წარდგენისა და არჩევის წესში დაგეგმილ ცვლილებებს განიხილავს. “საარჩევნო კოდექსსა“ და რეგლამენტში შესატანი ცვლილებების პროექტებზე პირველი მოსმენით იმსჯელებენ. კანონპროექტის თანახმად, ცესკოს თავმჯდომარისა და წევრების შესარჩევ კონკურსს გამოაცხადებს და საკონკურსო კომისიას შექმნის პარლამენტის თავმჯდომარე. კომისიის შემადგენლობაში ცხრა წევრი იქნება და ის პრეზიდენტის ერთი წარმომადგენელის, სამოქალაქო სექტორისა და აკადემიური წრეების რვა წარმომადგენლისგან დაკომპლექტდება. ცვლილებების მიხედვით, ცესკოს თავმჯდომარისა და ცესკოს წევრების კანდიდატურებს პარლამენტს, პარლამენტის თავმჯდომარე წარუდგენს. ამავდროულად, გათვალისწინებულია პრეზიდენტის მონაწილეობა ცესკოს თავმჯდომარეობისა და ცესკოს წევრობის კანდიდატურების წარდგენის პროცესში, თუკი პარლამენტი პირველივე ჯერზე ვაკანტურ თანამდებობებზე პირთა არჩევას ვერ შესძლებს. ცესკოს თავმჯდომარისა და ცესკოს წევრები პარლამენტის სრული შემადგენლობის უმრავლესობით, 5 წლის ვადით აირჩევიან. “რამდენიმე წელია იმ რეალობის წინაშე ვდგავართ, როცა ცენტრალური საარჩევნო კომისიის თავმჯდომარისა და წევრების არჩევის პროცესი ჩიხშია შესული. შესაბამისად, მოქმედი კანონმდებლობის ეფექტიანობის ამაღლებისა და ცენტრალური საარჩევნო კომისიის გამართული მუშაობის უზრუნველსაყოფად, რაც პირდაპირ კავშირშია ევროკავშირის 12-პუნქტიანი რეკომენდაციების მეორე პუნქტთან, სადაც საუბარია როგორც საარჩევნო სისტემის კიდევ უფრო დახვეწაზე, ისე სახელმწიფო ინსტიტუტების სრულფასოვანი ფუნქციონირების უზრუნველყოფაზე, ჩვენ წარმოვადგინეთ კანონის პროექტი, რომელიც საქართველოს კონსტიტუციასთან სრულად თავსებადია და რომლის მიზანია მოქნილი და ეფექტური, ამავდროულად, ღია და გამჭვირვალე პროცესიის საფუძველზე მოხდეს ცენტრალური საარჩევნო კომისიის თავმჯდომარისა და წევრების კანდიდატების შერჩევა“, - განაცხადა პროექტის ერთ-ერთმა ავტორმა, “ქართული ოცნების“ დეპუტატმა გივი მიქანაძემ. კანონპროექტის ინიციატორები არიან პარლამენტის წევრები: - მამუკა მდინარაძე, გივი მიქანაძე, დავით მათიკაშვილი, რატი იონათამიშვილი და ირაკლი შატაკიშვილი. იპნ

თბილისი-სენაკი-ლესელიძის საავტომობილო მაგისტრალის გორი-ქარელის მონაკვეთზე მომხდარ ავტოსაგზაო შემთხვევას ორი ადამიანის სიცოცხლე ემსხვერპლა, ორივე გარდაცვლილი შსს-ს თანამშრომელია. საჩხერიდან თბილისის მიმართულებით მოძრავი ავტომანქანა, რომელსაც, თვითმხილველთა თქმით, არაფხიზელ მდგომარეობაში მყოფი 30 წლამდე ასაკის მამაკაცი მართავდა, ავტომაგისტრალზე გაჩერებულ საპატრულო ეკიპაჟს შეეჯახა, შემთხვევის შედეგად, ეკიპაჟის წევრები - პოლიციის ორივე თანამშრომელი ადგილზე გარდაიცვალა. რაც შეეხება მეორე ავტომობილის მძღოლს, იგი „გორმედის“ ქსელის ქარელის ცენტრალურ საავადმყოფოში გადაიყვანეს. როგორც „ინტერპრესნიუსს“ კლინიკაში განუცხადეს, პაციენტის მდგომარეობა სტაბილურია, სტაციონარული მკურნალობა არ ესაჭიროება. მომხდარ ფაქტზე დაწყებულია გამოძიება. იპნ

შინაგან საქმეთა სამინისტრო ღრმა მწუხარებას გამოთქვამს შიდა ქართლში, ქარელის რაიონში მომხდარი ავტოსაგზაო შემთხვევის გამო, რამაც საპატრულო პოლიციის დეპარტამენტის ორი თანამშრომელი იმსხვერპლა. უწყების მიერ გავრცელებული ინფორმაციით, პირი, რომელიც პოლიციის ეკიპაჟს დაეჯახა, დაკავებულია. „1993 წელს დაბადებული, წარსულში ნასამართლევი, არაფხიზელ მდგომარეობაში მყოფი გ.ლ. დიდი სიჩქარით მოძრაობდა ქარელის რაიონში და საავტომობილო გზის გვერდულზე მდგომ საპატრულო პოლიციის ეკიპაჟს დაეჯახა, რის შედეგადაც შემთხვევის ადგილზე გარდაიცვალნენ ავტომანქანაში მსხდომი საპატრულო პოლიციის თანამშრომლები: 1972 წელს დაბადებული ომარ ქარელი და 1992 წელს დაბადებული ვანო ბასანიძე. სამართალდამცველებმა გ.ლ დააკავეს. გამოძიება საქართველოს სისხლის სამართლის კოდექსის 276-ე მუხლის მე-9 ნაწილით მიმდინარეობს, რაც ალკოჰოლის ზემოქმედების ქვეშ, ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ადამიანის სიცოცხლის მოსპობა გამოიწვია“, - ნათქვამია უწყების მიერ გავრცელებულ ინფორმაციაში.

„რუსეთის ფოსტა“ განიხილავს საქართველოში საფოსტო გზავნილების პირდაპირი საჰაერო გადაზიდვის შესაძლებლობას. ამის შესახებ „რია ნოვოსტის“ კომპანიის პრესსამსახურში განუცხადეს. „რამდენიმე ავიაკომპანიიდან, სტაბილური ფრენების გამოჩენის შემდეგ, ჩვენ ოპერატიულად განვიხილავთ ფოსტის (საქართველოში) პირდაპირი საჰაერო ტრანსპორტირების შესაძლებლობას“, - ნათქვამია განცხადებაში. როგორც კომპანიაში განმარტავენ, ახლა რუსეთიდან საქართველოში ავიაგზავნილები მესამე ქვეყნებით მიდის. იპნ

იტალიის პოლიციამ 800 მილიონი ევროს ღირებულების 2 700 კილოგრამი კოკაინი აღმოაჩინა, რომლის გადატანაც ბათუმის პორტის გავლით სომხეთში იგეგმებოდა. როგორც Reuters წერს, ნარკოტიკული ნივთიერება ორ სამაცივრე კონტეინერში ბანანებთან ერთად ინახებოდა და იტალიაში ეკვადორიდან ჩავიდა. გამოცემა ადგილობრივ სამართალდამცავ უწყებებზე დაყრდნობით წერს, რომ კონტეინერის საბოლოო დანიშნულება სომხეთი იყო, სადაც თითქმის 3 ტონა კოკაინის ჩატანა საქართველოს, კერძოდ კი ბათუმის პორტის გავლით იგეგმებოდა. იტალიის პოლიციის განცხადებით, ნარკოტიკები 12-მეტრიან კონტეინერში სპეციალური სკანერებისა და პოლიციის გაწვრთნილი ძაღლის დახმარებით აღმოაჩინეს. ეს პირველი შემთხვევა არ არის, როცა იტალიის პოლიციამ ეკვადორიდან მომავალ ტვირთში ნარკოტიკული საშუალებები აღმოაჩინა. Routers-ის ცნობით, რამდენიმე დღით ადრე პოლიციამ ასევე გამოავლინა, ჯამში, 600 კილოგრამამდე კოკაინის გადატანის მცდელობა. აღნიშნულ შემთხვევებშიც ტვირთის დანიშნულების ადგილი ხორვატია, საბერძნეთი და საქართველო იყო. ნეტგაზეთი