tvati

პარლამენტი ე.წ. ქოლ-ცენტრების საქმეზე დროებითი საგამოძიებო კომისიის შექმნის ინიციატივაზე მსჯელობს. „ორგანიზებული დანაშაულებრივი ჯგუფების მიერ თაღლითური „ქოლ-ცენტრების“ მეშვეობით ჩადენილი ტრანსნაციონალური დანაშაულებისა და მათზე შესაძლო არასათანადო რეაგირების შემსწავლელი პარლამენტის დროებითი საგამოძიებო კომისიის შექმნის შესახებ“ - ასე ეწოდება პარლამენტის დადგენილების პროექტს, რომელიც პოლიტიკურმა ჯგუფმა “საქართველოსთვის“ მოამზადა. პროექტის თანახმად, პარლამენტის დროებითი საგამოძიებო კომისიის გამოსაკვლევ საკითხთა წრედ განისაზღვრება: - 2020 წლიდან დღემდე, ორგანიზებული დანაშაულებრივი ჯგუფების მიერ თაღლითური “ქოლ-ცენტრების“ შექმნითა და გამოყენებით ჩადენილი სავარაუდო ტრანსნაციონალური დანაშაულები, მათ განხორციელების სქემა, პასუხისმგებელი პირები; შესაბამისი სახელმწიფო დაწესებულებების შესაძლო არასათანადო რეაგირების ფაქტები, ამ სისტემური ჩავარდნის გამომწვევი მიზეზები და მასზე პასუხისმგებელი პირები; სავარაუდო დანაშაულთან დაკავშირებული პირდაპირი თუ არაპირდაპირი საერთაშორისო პოლიტიკური და ეკონომიკური რისკები და მათი შესაძლო შედეგები საქართველოს ეროვნული ინტერესებისთვის. „ფაქტია, რომ ზემოხსენებული ტრანსნაციონალური თაღლითური სქემა საქართველოში წლების განმავლობაში ხორციელდება. აღნიშნულზე წლებია მიმდინარეობს გამოძიება, რომელსაც ხელშესახები შედეგი არ მოჰყოლია და ჩვენი მოქალაქეებისთვის “ბიბისი“-ს ჟურნალისტური გამოძიების შედეგად გაცილებით მეტი ინფორმაცია გახდა ცნობილი, ვიდრე საგამოძიებო უწყებების მოქმედებების შედეგად. ასევე, მოცემულობაა, რომ საგამოძიებო უწყებებმა ვერ შეძლეს საერთაშორისო თაღლითური სქემის აღკვეთა, მეტიც, ზიანი მიადგა არამხოლოდ სხვა ქვეყნის, არამედ საქართველოს მოქალაქეებსაც, სავარაუდოდ დანაშაულის განხორციელება მიმდინარეობს დღესაც, რითაც უზარმაზარი პოლიტიკური, ეკონომიკური და რეპუტაციული ზიანი ადგება ქვეყანას. შესაბამისად, როდესაც პარლამენტარებს და საზოგადოებას აქვს საფუძვლიანი ეჭვი სახელმწიფო თანამდებობის პირების მხრიდან შესაძლო კანონსაწინააღმდეგო ქმედებების შესახებ, დროებითი საგამოძიებო კომისია წარმოადგენს დამატებით ბერკეტს გამოაშკარავებული და სათანადოდ რეაგირებული იყოს სახელმწიფოს წარმომადგენლების მნიშვნელოვანი ზიანის მომტანი, უკანონო ქმედებები“, - აცხადებენ ინიციატივის ავტორები. არსებული ინფორმაციით, დადგენილების პროექტის განხილვის შემდეგ, კენჭისყრა ჩატარდება. დროებითი საგამოძიებო კომისია 50 ხმიანი მხარდაჭერით იქმნება. იპნ

ავიაკომპანია Red Wings-ი სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას მიმდინარე წლის ივნისიდან იწყებს. სამოქალაქო ავიაციის სააგენტოს მიერ გავრცელებული ინფორმაციის მიხედვით, ავიაკომპანია ევროკავშირის „შავ სიაში“ არ არის. „Red Wings-ის მიერ, სამოქალაქო ავიაციის სააგენტოში წარმოდგენილი განაცხადების შესაბამისად, მრავალჯერადი ჩარტერული ფრენები სოჭი - თბილისი - სოჭის მიმართულებით მიმდინარე წლის 2 ივნისიდან, კვირაში 3 სიხშირით, ყოველ ორშაბათს, ოთხშაბათს და პარასკევს განხორციელდება. მოსკოვი - ქუთაისი - მოსკოვის საჰაერო ხაზზე ჩარტერული ავიარეისები ასევე შესრულდება მიმდინარე წლის 2 ივნისიდან, კვირაში 3 სიხშირით, ყოველ ორშაბათს, ოთხშაბათს და პარასკევს. საქართველოს სამოქალაქო ავიაციის სააგენტომ ფრენების განხორციელებისათვის აუცილებელი ნებართვა ავიაკომპანიას მიმდინარე წლის 18 მაისს მიანიჭა”, - ნათქვამია გავრცელებულ ინფორმაციაში. იპნ

პირდაპირი ავიამიმოსვლის აღდგენის შესახებ გადაწყვეტილება მეტწილად სარგებელს მოუტანს არა საქართველოს, არამედ რუსეთის მოქალაქეებს, შესაძლოა, მილიონ მოქალაქეს, რომლებსაც სურთ საქართველოში ჩამოსვლა, - ამის შესახებ საქართველოში აშშ-ის ელჩმა, კელი დეგნანმა განაცხადა. მისივე თქმით, გასაგებია, რატომ არის ქართველი ხალხი შეშფოთებული, რატომ სურთ, იცოდნენ, რა ფასის გადახდა მოუწევს საქართველოს იმ შემთხვევაში, თუ რუსეთი გადადგამს შემდგომ ნაბიჯებს საქართველოსთან ურთიერთობების ნორმალიზებისთვის. „მესმის, რატომ ღელავს ქართველი ხალხი ამასთან დაკავშირებით და რატომ არის შეშფოთებული. ბოლო მონაცემები აჩვენებს, რომ რუსეთში დაახლოებით 130 000 ქართველი ცხოვრობს და უმეტესობას ორმაგი მოქალაქეობა აქვს და მას, ვისაც რუსეთის დატოვება უნდოდა, გასულ წელს დატოვა. პირდაპირი ავიამიმოსვლის აღდგენის შესახებ გადაწყვეტილება მეტწილად სარგებელს მოუტანს არა საქართველოს, არამედ რუსეთის მოქალაქეებს, შესაძლოა მილიონ მოქალაქეს, რომლებსაც სურთ საქართველოში ჩამოსვლა. ამიტომ, გასაგებია, რატომ არის ხალხი შეშფოთებული, რატომ სურთ, იცოდნენ, რა ფასის გადახდა მოუწევს საქართველოს იმ შემთხვევაში, თუ რუსეთი გადადგამს შემდგომ ნაბიჯებს საქართველოსთან ურთიერთობების ნორმალიზებისთვის, მაშინ, როცა რუსეთი განაგრძობს საქართველოს ტერიტორიის 20 პროცენტის ოკუპირებას, განაგრძობს საქართველოს მოქალაქეების დაკავებას სამხრეთ ოსეთში, აგრძელებს ზეწოლას ამ ქვეყანაზე და განაგრძობს უკრაინაზე თავდასხმას და მის დაბომბვას. ასე რომ, ვფიქრობ, ქართველი ხალხის შეშფოთება სამართლიანია“, - აღნიშნა ელჩმა. იპნ

იან ბონდი, რომელიც ყოფილი ბრიტანელი დიპლომატი და ამჟამად მკვლევარია მიიჩნევს, რომ საქართველოს მთავრობა „ყველაფერს აკეთებს, რათა ქვეყანა [ევროკავშირის] საპირისპირო მიმართულებით შემოაბრუნოს“. „რონდელის ფონდის“ მიერ გამართულ უსაფრთხოების კონფერენციაზე „ევროპული რეფორმის ცენტრის“ საგარეო პოლიტიკის დირექტორმა იან ბონდმა აგრეთვე თქვა, რომ მოსკოვის მიერ პირდაპირ ფრენებზე შეზღუდვის მოხსნა არის „ქრთამი“ და რუსეთის მიერ საქართველოს წინააღმდეგ გახსნილი „მეორე ფრონტის“ ნაწილი. მისივე თქმით, ევროკავშირმა მეტი ზეწოლა უნდა მოახდინოს საქართველოს მთავრობაზე. ბონდი ამჟამად „ევროპული რეფორმის ცენტრის“ საგარეო პოლიტიკის პროგრამის დირექტორია. იქამდე 28 წელი იმუშავა ბრიტანეთის დიპლომატიურ სამსახურში, მათ შორის იყო ბრიტანეთის ელჩი ლატვიაში 2005-07 წლებში. ნეტგაზეთი

ჯანდაცვის მინისტრი ზურაბ აზარაშვილი განმარტავს, რატომ არ შემოაქვს მთავრობას ქვეყანაში ჩუტყვავილის ვაქცინა. მისი თქმით, იმისათვის, რომ ჩუტყვავილის ვაქცინის შემოტანას აზრი ჰქონდეს და ეფექტური იყოს, რისკჯგუფების 80% მაინც უნდა აიცრას. როგორც მინისტრი ამბობს, სხვა შემთხვევაში ვაქცინის შეძენას აზრი არ აქვს. ამის შესახებ მან პარლამენტში დღეს, 18 მაისს ისაუბრა. ჯანდაცვის მინისტრს პარტია „მოქალაქეების“ წევრმა ქეთევან თურაზაშვილმა ჰკითხა, რა პრობლემაა, რომ ჩუტყვავილის ვაქცინა არსებობდეს ქვეყანაში და ვისაც სურვილი აქვს, შეძლოს საკუთარი შვილის აცრა. „ჩუტყვავილის ვაქცინა ჩვენი აცრების კალენდარში ოფიციალურად არცერთ წელს არ ყოფილა, რადგან ჯანმრთელობის მსოფლიო ორგანიზაციის, არც ექსპერტთა ჯგუფის და საბჭოს რეკომენდაცია არ ყოფილა, რომ ეს შეგვეტანა კალენდარში. თუ რისკჯგუფების მინიმუმ 80% არ აიცრა, აზრი არ აქვს. ამიტომ იმდენად რთულია, რომ 80%-იანი მოცვა გქონდეს ქვეყნის მასშტაბით, არაეფექტურობამდე მივდივართ და აზრი ეკარგება ამ ვაქცინის შემოტანას. თუმცა ვაქცინის შემოტანა არანაირ პრობლემას არ წარმოადგენს, მაგრამ თუ ვიცით, რომ არაეფექტური იქნება და ის შედეგი არ ექნება, რაც გვინდა, აზრი არ აქვს“, — განაცხადა ზურაბ აზარაშვილმა. ნეტგაზეთი

„საქართველოს ხელისუფლების მიერ თბილისსა და მოსკოვს შორის ფრენისთვის ნებართვის გაცემა ევროკავშირის წევრობის კანდიდატის სტატუსის მიღების პირდაპირი საბოტაჟია“ – ასე აფასებს 100-ზე მეტი ორგანიზაცია რუსეთის მიერ საქართველოსთან სავიზო რეჟიმის გაუქმებასა და ფრენის დაწყებაზე. როგორც ორგანიზაციებში ამბობენ, ევროკავშირმა მკაფიოდ დააფიქსირა, რომ ის და მისი პარტნიორები არ უშვებენ ფრენას რუსეთიდან, ან რუსეთში, ხოლო საქართველოს მთავრობის ეს გადაწყვეტილება შეშფოთებას იწვევს საქართველოს ვალდებულების კუთხით, რომ შეესაბამებოდეს საგარეო პოლიტიკაში ევროკავშირის დადგენილებებს, როგორც ეს ასოცირების შეთანხმებითაა გათვალისწინებული. „ქართველი ხალხის 89%-ის ნებისა და საქართველოს კონსტიტუციის 78-ე მუხლის საწინააღმდეგოდ, ხელისუფლება აგრძელებს საგარეო კურსის შეცვლას. ევროკავშირის წევრობის კანდიდატის სტატუსის შესახებ გადაწყვეტილების მიღების წინ ამგვარი დემარში უგულებელყოფს ქართველი ხალხის მიერ არჩეულ საგარეო კურსს, რამაც უკვე მოგვიტანა უვიზო მიმოსვლა და პირდაპირი ფრენები ევროკავშირში და არა რუსეთში. ჩვენი მოსახლეობა უკვე ზარალდება მთავრობის არსებული საგარეო პოლიტიკის გამო, რომლის ერთ-ერთი შედეგი რუსული იმიგრაციის ზრდაა საქართველოში. ფასების მკვეთრი მატება და ინფლაცია ამ პოლიტიკით გამოწვეული დამატებითი საფასურია, რომლის გადახდაც საქართველოს მოქალაქეებს გვიწევს“, – ნათქვამია განცხადებაში. ხელმომწერი ორგანიზაციები: ა(აიპ) ” ოზურგეთის დამოუკიდებელი ცხოვრების ცენტრი ა/ო “ვიმეგობროთ”; მოძრაობა “ინკლუზიური საზოგადოება – საქართველო” ააიპ “ურბანული განვითარების ინსტიტუტი” ააიპ „მთის თემი“ ააიპ ფეა თრიიზ ფაუნდეიშენი ადამიანის უფლებათა ცენტრი HRC ასოციაცია “სოციალური ქოლგა ასოციაცია “ქალები რეგიონების განვითარებისთვის” აღმოსავლეთ ევროპის ცენტრი მრავალპარტიული დემოკრატიისთვის ახალგაზრდები ზესტაფონისთვის ახალგაზრდები დემოკრატიული ცვლილებებისთვის ბავშვთა მენტალური ჯანმრთელობის საქართველოს ასოციაცია ბრეს საქართველო განათლების პოლიტიკის, დაგეგმვის და მართვის საერთაშორისო ინსტიტუტი განათლებისა და განვითარების სივრცე გარემოსდაცვითი სათემო ორგანიზაცია ეკო გორელ ფოტოგრაფთა კლუბი გურიის სამოქალაქო ცენტრი დევნილები დევნილებისათვის დემოკრატ მესხთა კავშირი დემოკრატიის ინდექსი – საქართველო დემოკრატიის კვლევის ინსტიტუტი (DRI) დემოკრატიის მცველები Რეგიონული ინიციატივების ცენტრი “ნათელი მომავალი” ევროპის დროით ეზოტოპია ეკო ცენტრი ეკონომიკური პოლიტიკის კვლევის ცენტრი (EPRC) ზუგდიდის დემოკრატიული ჩართულობის ცენტრი თავისუფალი მედია სივრცე თანასწორობის მოძრაობა თბილისი პრაიდი ინოვაციებისა და სამოქალაქო განვითარების ცენტრი – პროგრესის სახლი ინოვაციებისა და ცვლილებების ინსტიტუტი ინფორმაციის თავისუფლების განვითარების ინსტიტუტი (IDFI) კანონის უზენაესობის ცენტრი კაქტუს მედია კვლევითი ჟურნალისტიკის და ადვოკატირების ცენტრი კომლის თემი ლომეკი მაისის მოძრაობა მედია ცენტრი კახეთი მედიაომბუდსმენი მედიის და კომუნიკაციის საგანმანათლებლო და კვლევითი ცენტრი “მედიახმა” მედიის, ინფორმაციის და სოციალური კვლევების ცენტრი მსოფლიო გამოცდილება საქართველოსთვის მშვიდობისა და ინტეგრაციის საერთაშორისო ცენტრი მწვანე ალტერნატივა ოზურგეთი დემოკრატიული ჩართულობის ცენტრი ორგანიზაციული, სტრატეგიული და დემოკრატიული პრიორიტეტების ცენტრი ოჯახები დისკრიმინაციის წინააღმდეგ (FAD) პრევენცია პროგრესისთვის პროფესიო – პიროვნული და პროფესიული განვითარების ცენტრი ჟურნალისტიკის რესურსცენტრი JRC რეპროდუქციული განათლების ჰაბი საერთაშორისო გამჭვირვალობა-საქართველო საზოგადოება ბილიკი საზოგადოებრივი მოძრაობა “მომავლის ჭიათურა” საზოგადოებრივი მოძრაობა “სამოქალაქო თანხმობა” საზოგადოებრივი ხელოვნების პლატფორმა საინფორმაციო სამედიცინო-ფსიქოლოგიური ცენტრი თანადგომა სამართლიანი არჩევნებისა და დემოკრატიის საერთაშორისო საზოგადოება ISFED სამოქალაქო აქტივობის ცენტრი ლაკმუსი სამოქალაქო ინიციატივა სამოქალაქო მოძრაობა თავისუფლებისთვის სამოქალაქო საზოგადოების ინსტიტუტი სამოქალაქო ჩართულობისა და აქტივიზმის ცენტრი (CEAC) საორსა საუნჯე საფარი საქართველო -დემოკრატია და სამოქალაქო საზოგადოება საქართველოს ახალგაზრდა იურისტთა ასოციაცია საქართველოს დაუნის სინდრომის ასოციაცია საქართველოს დემოკრატიული ინიციატივა ( GDI) საქართველოს მომავლის აკადემია საქართველოს რეფორმების ასოციაცია (GRASS) საქართველოს სამოქალაქო საზოგადოების განვითარების ასოციაცია (ACSDG) საქართველოს სასამართლოს გუშაგი საქართველოს ფსიქო სოციალური დახმარების ასოციაცია ნდობა საქართველოს ფსიქოტრავმის საზოგადოება საქართველოს ღია საზოგადოების ფონდი სენტირე სოლიდარობის მუზეუმი სოციალურ მეცნიერებათა ცენტრი სოციალური კეთილდღეობის ლიგა სოციალური სამართლიანობის ცენტრი ტოლერანტობა და ადამიანის უფლებები უფლებები საქართველო ფორსეტი ფრანკლინის კლუბი ფსიქიატრიის სერვისის მომხმარებელთა და გადარჩენილთა საქართველოს ქსელი (GNUSP) ქალები საერთო მომავლისთვის (WECF) – საქართველო ქალთა ინიციატივების მხარდამჭერი ჯგუფი, WISG ქალთა სათემო რადიო WW ქალი და განვითარება ქართველ ექიმთა საერთაშორისო ასოციაცია ქვემო ქართლის მედია – QvemoQartli.ge ქვემო ქართლის ქალთა ასოციაცია “ქალი და სამყარო” ქვიარ ასოციაცია – თემიდა ქუთაისის საინფორმაციო ცენტრი ღია სივრცე კავკასია (COS) ყვარლის ევროკლუბი შავი ზღვის ეკო აკადემია შშ პირთა ინტეგრაციისა და განვითარების ასოციაცია “ჰანგი ჩემი ხარაგაული წამების მსხვერპლთა ფსიქოსოციალური და სამედიცინო რეაბილიტაციის ცენტრი GCRT წერტილი ProActive Group Georgia პუბლიკა

საქართველოში აკრედიტებული დიპლომატიური კორპუსის წარმომადგენლები იუსტიციის მინისტრს, რატი ბრეგაძეს ხვდებიან. როგორც „ინტერპრესნიუსს“ სამინისტროს პრესსამსახურში განუცხადეს, შეხვედრა სამინისტროს ინიციატივით დაიგეგმა და მთავარი თემა საქართველოს მესამე პრეზიდენტ, მიხეილ სააკაშვილთან დაკავშირებით სტრასბურგის სასამართლოს მიერ მიღებული გადაწყვეტილებაა. მათივე ინფორმაციით, შეხვედრას ევროკავშირის, მისი წევრი ქვეყნების, აშშ-ის, გაერთიანებული სამეფოსა და ნორვეგიის საელჩოების წარმომადგენლები ესწრებიან. ცნობისთვის, სტრასბურგის სასამართლოს 12 მაისის გადაწყვეტილებით, მიხეილ სააკაშვილს უარი ეთქვა ვარშავაში გადაყვანაზე და ასევე, სახელმწიფოს არ დაევალა სააკაშვილის ქვეყნის შიგნით სხვა სამკურნალო დაწესებულებაში გადაყვანა.

შინაგან საქმეთა სამინისტროს ცენტრალური კრიმინალური პოლიციის, თბილისის, აჭარის, შიდა ქართლის, ქვემო ქართლის, გურიის, სამეგრელო-ზემო სვანეთის, იმერეთის, რაჭა-ლეჩხუმისა და ქვემო სვანეთის და კახეთის პოლიციის დეპარტამენტების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 55 პირი დააკავა, მათ შორის 37 ნარკორეალიზატორია. ინფორმაციას შინაგან საქმეთა სამინისტრო ავრცელებს. უწყების ცნობით, დანაშაულები 20 წლამდე ან უვადო თავისუფლების აღკვეთას ითვალისწინებს. მათივე ინფორმაციით, გამოძიებით დადგინდა, რომ ნარკოტიკული საშუალების გასაღებისა და გასაღების მცდელობისთვის დაკავებული პირები ნარკოტიკული საშუალებების გასაღების სქემებში იყვნენ ჩართული, კერძოდ სხვადასხვა ინტერნეტაპლიკაციისა და სოციალური ქსელების მეშვეობით, შემდგომში რეალიზაციის მიზნით, კონკრეტულ ლოკაციებზე ათავსებდნენ ნარკოტიკულ საშუალებას, რასაც შემდგომ შესაბამისი აღნიშვნებითა და კოორდინატებით უგზავნიდნენ ნარკოტიკული საშუალების შეძენით დაინტერესებულ პირებს. „ნარკოტიკების უკანონო გასაღებისა და გასაღების მცდელობის ბრალდებით დაკავებულები არიან: 1982 წელს დაბადებული გ.ლ., 1977 წელს დაბადებული ლ.ხ., 1989 წელს დაბადებული ვ.ბ., 1999 წელს დაბადებული რ.მ., 1974 წელს დაბადებული ვ.რ., 1975 წელს დაბადებული, წარსულში ნასამართლევი ჯ.ა., 1989 წელს დაბადებული, წარსულში ნასამართლევი თ.ა., 1967 წელს დაბადებული, წარსულში ნასამართლევი ნ.მ., 1985 წელს დაბადებული, წარსულში ნასამართლევი ი.ხ. 1978 წელს დაბადებული, წარსულში ნასამართლევი კ.ო. 1988 წელს დაბადებული ნ.ვ., 1996 წელს დაბადებული გ.ე., 1979 წელს დაბადებული გ.მ., 1997 წელს დაბადებული, წარსულში ნასამართლევი ფ.ფ., 1980 წელს დაბადებული, წარსულში ნასამართლევი მ.ვ., 1955 წელს დაბადებული ნ.ჯ., 1968 წელს დაბადებული, წარსულში ნასამართლევი ი.გ., 1976 წელს დაბადებული, პირობითი მსჯავრის ქვეშ მყოფი ქ.მ., 1989 წელს დაბადებული, წარსულში ნასამართლევი გ.ბ., 1994 წელს დაბადებული ლ. ჩ., 2000 წელს დაბადებული ვ.ლ. 1977 წელს დაბადებული ლ. შ. , 2002 წელს დაბადებული თ.მ. ,1988 წელს დაბადებული ი.ფ. , 2001 წელს დაბადებული ლ. ჯ., 1997 წელს დაბადებული დ.ჩ., 1997 წელს დაბადებული მ.ა., 1996 წელს დაბადებული გ.წ., 1991 წელს დაბადებული ს.ბ., 1972 წელს დაბადებული, წარსულში ნასამართლევი, ა.ფ., 1958 წელს დაბადებული, წარსულში ნასამართლევი გ.ჯ.,1995 წელს დაბადებული ა.ც., 1984 წელს დაბადებული გ.კ., 1990 წელს დაბადებული ე.პ., უცხო ქვეყნის მოქალაქე, 1993 წელს დაბადებული ე.ო. 2003 წელს დაბადებული, წარსულში ნასამართლევი ნ.ვ., 2000 წელს დაბადებული რ.ა. დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, მარიხუანის უკანონო შეძენა-შენახვის, ასევე, განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა-მოყვანა-კულტივირების ბრალდებით დაკავებული არიან: 1989 წელს დაბადებული მ.ნ., 2002 წელს დაბადებული ს.ტ., 2004 წელს დაბადებული ა.ა., 1985 წელს დაბადებული ბ.ს, 1980 წელს დაბადებული ზ.ს., 1970 წელს დაბადებული მ.წ., 1974 წელს დაბადებული ვ.მ., 2002 წელს დაბადებული ი.შ., ,1980 წელს დაბადებული მ.ა., 1980 წელს დაბადებული ო.ე., 1991 წელს დაბადებული მ.გ. , 1990 წელს დაბადებული ბ.დ.,2000 წელს დაბადებული თ.ყ. 1986 წელს დაბადებული ა. ა. ,1982 წელს დაბადებული რ.მ., 1974 წელს დაბადებული ლ.მ., 1983 წელს დაბადებული გ.ჩ., 1988 წელს დაბადებული, უ.ი. დანაშაულები 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ნარკოტიკული საშუალების გასაღებისა და გასაღების მცდელობისთვის დაკავებული პირები ნარკოტიკული საშუალებების გასაღების სქემებში იყვნენ ჩართული, კერძოდ სხვადასხვა ინტერნეტაპლიკაციისა და სოციალური ქსელების მეშვეობით, შემდგომში რეალიზაციის მიზნით, კონკრეტულ ლოკაციებზე ათავსებდნენ ნარკოტიკულ საშუალებას, რასაც შემდგომ შესაბამისი აღნიშვნებითა და კოორდინატებით უგზავნიდნენ ნარკოტიკული საშუალების შეძენით დაინტერესებულ პირებს. სამართალდამცველებმა ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელეს ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. პოლიციამ ნარკოდანაშაულის ბრალდებით დაკავებულების პირადი ჩხრეკისას, მათ მიერ მითითებული ადგილებიდან, ასევე, პირადი, ავტომანქანების და საცხოვრებელი ბინების ჩხრეკის შედეგად, ნივთმტკიცებად ამოიღო განსაკუთრებით დიდი ოდენობით სხვადასხვა სახის ნარკოტიკული საშუალებები: „კოკაინი“, „ჰეროინი“, „სუბუტექსი“, „ჰაშიში”, „მდმა“, „ალფა-პვპ“, „სუბოქსინი", ე.წ. სინთეტიკური ნარკოტიკი, „მეტამფეტამინი“, „მეტადონი“, „ტრამადოლი“, „მეფედრონი", "ამფეტამინი“, „მარიხუანა“ და ნარკოტიკული საშუალების შემცველი მცენარე - კანაფი. ასევე ამოღებულია მცირე ზომის ელექტრო სასწორები, მარიხუანას კულტივაციისთვის განკუთვნილი შესაბამისი მოწყობილობა, წებოვანი ლენტები და სავარაუდოდ,ნარკოტიკების რეალიზაციის შედეგად მიღებული ფული. ნარკოდანაშაულისთვის დაკავებული ერთ-ერთი პირისგან ასევე ამოღებულია ცეცხლსასროლი პისტოლეტი, 26 ვაზნა და 2 მჭიდი. გამოძიება საქართველოს სისხლის სამართლის კოდექსის 260-ე, 19-260-ე, 262-ე, 265-ე და 273 პრიმა, 19-273-ე პრიმა, 18-273-ე პრიმა და 236-ე მუხლებით მიმდინარეობს“, - აღნიშნულია გავრცელებულ ინფორმაციაში.

Natia Mezvrishvili • ნათია მეზვრიშვილი For English scroll down - გუშინ ხელისუფლებამ ზუსტად 3 წუთში განიხილა ცენტრალური საარჩევნო კომისიის პარტიისადმი დაქვემდებარების საკითხი - ანუ 3 წუთში კიდევ ერთი დიდი ნაბიჯი გადადგა 2024 წლის არჩევნებზე სასურველი შედეგის გასაფორმებლად. - პარალალურად, ამ მიმართულებით აქტიურად მუშაობს პარლამენტის თავმჯდომარე. როგორც ჩანს, არჩევნების გაყალბებისთვის მზადების ერთ-ერთი მნიშვნელოვანი კომპონენტი - საზოგადოების ნდობის დასუსტება სადამკვირვებლო ორგანიზაციებისადმი - უშუალოდ მას ჩაბარდა. კერძოდ, ბოლო რამდენიმე დღეა ბატონი პაპუაშვილი ადგილობრივი სადამკვირვებლო და მათი დამფინანსებელი საერთაშორისო ორგანიზაციების დისკრედიტაციას ეწევა, რითაც წარმატებით აგრძელებს ჯერ კიდევ თვეების წინ ერთადერთი მიზნით დაწყებულ კამპანიას - არჩევნები ჩატარდეს სანდოობის მაღალი ხარისხის მქონე ორგანიზაციების დაკვირვების გარეშე. ამ მოტივით ცდილობს ოცნება ეს ორგანიზაციები წარმოაჩინოს რევოლუციური სცენარების მხარდამჭერებად. - დიდ სურათში რომ შევხედოთ, ბოლო 2 წლის განმავლობაში ყველაფერი გადაიფორმეს, რასაც გადამწყვეტი მნიშვნელობა აქვს თავისუფალი და სამართლიანი არჩევნების ჩასატარებლად: ჯერ სახელმწიფო ინსპექტორის სამსახური, შემდეგ აუდიტის სამსახური და სახალხო დამცველი, ახლა - ცესკო. გუშინ საბოლოოდ გაიფორმეს სასამართლო. ამ ფონზე ესმით სადამკვირვებლო ორგანიზაციების გადამწყვეტი როლი და ცდილობენ მათ დისკრედიტაციას. - ამიტომ, ახლა მთელი ყურადღება ამ პროცესზე (და შემდეგ რაც შეიძლება მეტი ადამიანი არჩევნებზე)! საიდანაც ყურადღების გადატანას მაქსიმალურად ცდილობენ იციან რა, რომ ეს არის მათი ძალაუფლების შეზღუდვის და ქვეყნის დემოკრატიულ რელსებზე დაბრუნების ერთადერთი მშვიდობიანი და დემოკრატიული გზა. - Yesterday, the Ruling Party discussed the issue of subordination of the Central Election Commission to the Party in exactly 3 minutes - in 3 minutes another big step was taken to secure the desired result for the 2024 elections. - In parallel, the Chairman of the Parliament is actively working in this direction. It seems, that one of the important components of preparations for rigging elections - weakening public trust in election monitoring organizations - was handed over directly to him. In particular, for the last few days, Mr. Papuashvili has been discrediting local observers and their sponsoring international organizations, thereby successfully continuing the campaign started months ago with the sole purpose of holding elections without the observation of highly reliable organizations. This is why the Ruling Party tries to present these organizations as supporters of revolutionary scenarios. - In a broader picture, in the last 2 years the Ruling Party subordinated everything, which is of crucial for holding free and fair elections: first the State Inspector Service, then the State Audit Office and the Public Defender, now - CEC. They took final step towards subordination of court yesterday. Against this background, they understand the crucial role of monitoring organizations and try to discredit them. - Therefore, we need all attention to this process (and then as many people as possible to the election)! Ruling Party tries to divert attention as much as possible, as they know that this is the only peaceful and democratic way to limit their power and return the Country back to the democratic track.

გვეშინია, რომ პრეზიდენტის ვიზიტი და მისი განცხადებები დააზიანებს ჩვენს სწრაფვას კანდიდატის სტატუსის მიღებისკენ - უმჯობესია, პრეზიდენტს არ ჰქონდეს ფართო ასპარეზი ასეთი დამაზიანებელი განცხადებების გაკეთების დროს, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს განუცხადა, რითაც გამოეხმაურა პრეზიდენტის ადმინისტრაციის განცხადებას, რომ „15 მაისს ძალში შევიდა პუტინის განკარგულება ფრენების აღდგენაზე და 15 მაისსვე საქართველოს მთავრობამ გასცა თანხმობა, პრეზიდენტის ბრიუსელში ვიზიტზე თანხმობა კი ამ დრომდე არ გაუცია“. კობახიძე აღნიშნულ განცხადებას სპეკულაციას უწოდებს და ამბობს, რომ თუ მთავრობას მიაჩნია, რომ პრეზიდენტის ვიზიტი არ წაადგება საქართველოს მიერ კანდიდატის სტატუსის მიღებას, კონსტიტუციით მინიჭებული სრული უფლება აქვს, ვიზიტზე თანხმობა არ გასცეს. „პრეზიდენტი არ უნდა სპეკულირებდეს. რა შუაშია რუსეთის მიერ ფრენების ცალმხრივად აღდგენა და რა შუაშია პრეზიდენტის ვიზიტი უცხო ქვეყანაში? ეს აბსოლუტურად გაუგებარი შედარებაა. ეს ჩვეულებრივი სპეკულაციაა. სამწუხაროა, რომ პრეზიდენტის თანამდებობაზე მყოფი პირი სპეკულირებს. ეს ყველაფერი დასანანია. რაც შეეხება ვიზიტზე თანხმობის გაცემას, ეს საქართველოს მთავრობის ექსკლუზიური უფლებაა. თუ მთავრობას მიაჩნია, რომ პრეზიდენტის ვიზიტი არ წაადგება საქართველოს მიერ კანდიდატის სტატუსის მიღებას, მთავრობას კონსტიტუციით მინიჭებული სრული უფლება აქვს, პრეზიდენტს არ მისცეს ვიზიტზე თანხმობა. ჩვენ გვეშინია, რომ პრეზიდენტის ვიზიტი და მისი განცხადებები დააზიანებს ჩვენს სწრაფვას კანდიდატის სტატუსის მიღებისკენ. მოისმინეთ პრეზიდენტის განცხადებები საქართველოს პარლამენტის შენობაში, როდესაც მოხსენება ჰქონდა და დამეთანხმებით, ეს განცხადებები პირდაპირ ეწინააღმდეგება საქართველოს სურვილს, მიიღოს კანდიდატის სტატუსი დეკემბერში. მთავრობას დღემდე შეიძლება არ გაუცია ნებართვა, შეიძლება მოგვიანებით გასცეს - ეს მთავრობის პრეროგატივაა, მაგრამ ჩემთვის ლოგიკური იქნება, თუ მთავრობას ეშინია (ეშინია პირობითი სიტყვაა) პრეზიდენტის არასწორი განცხადებების. ჩვენ მოვისმინეთ პრეზიდენტის განცხადებები, რომელიც დამაზიანებელია კანდიდატის სტატუსის მიღებისთვის. როდესაც პრეზიდენტი აცხადებს, რომ პარლამენტი მხოლოდ ფორმალურად ასრულებს რეკომენდაციებს და სინამდვილეში ნაბიჯები არ იდგმება, ეს დამაზიანებელია. უმჯობესია, პრეზიდენტს არ ჰქონდეს ფართო ასპარეზი ასეთი დამაზიანებელი განცხადებების გაკეთების დროს იმისთვის, რომ არ დაზიანდეს კანდიდატის მიღების პროცესი“, - განაცხადა ირაკლი კობახიძემ. ცნობისთვის, პრეზიდენტი ბრიუსელში ვიზიტს გეგმავს, რასთან დაკავშირებითაც საქართველოს მთავრობისგან თანხმობას ელოდება. „15 მაისს ძალში შევიდა პუტინის განკარგულება პირდაპირი ფრენების აღდგენის შესახებ. 15 მაისსვე საქართველოს მთავრობამ დაუყოვნებლივ გასცა თანხმობა. 27 აპრილს მთავრობამ მიიღო მიმართვა 31 მაისს პრეზიდენტის ბრიუსელში ვიზიტთან დაკავშირებით. საქართველოს მთავრობას ამ დრომდე თანხმობა არ გაუცია“, - აცხადებენ პრეზიდენტის ადმინისტრაციაში. ipn

საქართველოს ხელისუფლება არ უერთდება სანქციებს, აღნიშნულზე არაერთხელ გავაკეთეთ განცხადება. ჩვენ არ მივიღებთ ისეთ გადაწყვეტილებას, რომელიც ჩვენი ქვეყნისთვის დამაზიანებელი იქნება, - ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა. მან რუსეთის პრეზიდენტის განკარგულებაზე ისაუბრა ავიარეისების აღდგენისა და ვიზების გაუქმების შესახებ და აღნიშნა, რომ „ცუდი არაფერია“ უვიზოდ მიმოსვლასა და ფრენაში. „თქვენ იცით, რომ ეს შეზღუდვა ცალმხრივად იყო დაწესებული. მივესალმები აღნიშნულ გადაწყვეტილებას. ის, რომ უვიზოდ მიმოსვლა და ფრენებიც შესაძლებელია, ცუდი ამაში არაფერია. თქვენ იცით, რომ საქართველოს ხელისუფლება არ უერთდება სანქციებს, აღნიშნულზე არაერთხელ გავაკეთეთ განცხადება. ჩვენ არ გავაკეთებთ ისეთ გადაწყვეტილებას, რომელიც ჩვენი ქვეყნისთვის დამაზიანებელი იქნება. სანქციებს არ ვუერთდებით. პირდაპირი ფრენები მარტო საქართველოშია? არ გაქვთ ინფორმაცია, რომელ ქვეყნებში დაფრინავს რუსეთიდან თვითმფრინავები? მარტო საქართველოშია ანალოგიური ფრენები?!" - აღნიშნა კალაძემ. იპნ

კობახიძე და ოცნება მთელი ეს დღეები ცდილობენ მთავარი თემიდან აქცენტის გადატანას ბუღალტერიაზე. მთავარი თემაა - იუსტიციის უმაღლეს საბჭოში უკანონო გავლენების აღმოფხვრა, ბუღალტერიაა ნებისმიერი მოლაპარაკება 5 არამოსამართლე წევრზე, საბჭოში გადაწყვეტილების მიღების წესის ცვლილების გამორიცხვით (რაც ოცნებამ ორშაბათსვე ცხადად და ნათლად გამორიცხა), - ამის შესახებ სოციალურ ქსელში პარტია "საქართველოსთვის" თავმჯდომარის მოადგილე ნათია მეზვრიშვილი წერს. მისი თქმით, ახლა "ქართული ოცნება" რომც ეცადოს ორმაგი 2/3-ის წესის შემოღებას, ამაზე თანხმობა კატეგორიულად არ შეიძლება, იმიტომ, რომ საბჭოში უკვე აირჩიეს არა დამოუკიდებელი, არამედ ხელისუფლებისადმი ლოიალური წევრები. "5 არამოსამართლე წევრის არჩევას ფასი ჰქონდა თუ: ხუთივე იქნებოდა დამოუკიდებელი და (ვიმეორებ - „და“) შეიცვლებოდა საბჭოში გადაწყვეტილების მიღების წესი ორმაგი 2/3-ით. ამას ვითხოვთ 2 წელია. ცალკე აღებული 5 არამოსამართლე წევრის არჩევას, სულ რომ ზედამოუკიდებლები იყვნენ, ფასი არ აქვს, ვინაიდან ორმაგი 2/3-ის გარეშე, გადაწყვეტილების მიღების ქმედითი ბერკეტები არ აქვთ - ანუ საბჭოში ძალაუფლების დეკონცენტრაცია ვერ ხდება. ახლა ოცნება რომც ეცადოს ორმაგი 2/3-ის წესის შემოღებას, ამაზე თანხმობა კატეგორიულად არ შეიძლება იმიტომ, რომ საბჭოში უკვე აირჩიეს არა დამოუკიდებელი, არამედ ხელისუფლებისადმი ლოიალური წევრები. 2/3-ის წესის ახლა ამოქმედება ნიშნავს საბჭოში სანქცირებულების და შესაბამისად, ოცნების გავლენის უფრო მყარად დაბეტონებას, რაც მხოლოდ ხელისუფლების ინტერესშია. 5 არამოსამართლე დამოუკიდებელ წევრს + ორმაგი 2/3 იყო ამ ხელისუფლების პირობებში სასამართლოს მცირედი დამოუკიდებლობის უკანასკნელი იმედი, რაც მოსპო ოცნებამ ოპოზიციის ცალკეული წარმომადგენლების დახმარებით. მთავარი რა არის? მთავარია სანქცირებულების და შესაბამისად, ოცნების გავლენის აღმოფხვრა სასამართლო სისტემაში, რაც საბჭოს ფუნდამენტური რეფორმით უნდა მომხდარიყო, რაც ვენეციის კომისიის რეკომენდაცია და ევროკავშირის 12 პუნქტის მოთხოვნაა. ოცნებამ ამაზე უარი თქვა, გადაეფარა სანქცირებულებს, უარი თქვა საგამოძიებო კომისიის შექმნაზეც. End of story. გვყავს სასამართლო დანაშაულებრივი გავლენებით. ამ სასამართლოს პირობებში უნდა ჩატარდეს მომდევნო არჩევნები. ამაზე ყურადღების გადატანაა ახლა მთავარი და არა ბუღალტერიაში შეყოლა.", - წერს ნათია მეზვრიშვილი.

თავდაცვის ყოფილმა მინისტრმა, „ფორმულას“ დამფუძნებელმა დავით კეზერაშვილმა BBC-ის წინააღმდეგ სარჩელი შეიტანა. „ფორმულას“ ცნობით, კეზერაშვილი მიუთითებს, რომ ქოლცენტრებთან მისი კავშირის შესახებ სიუჟეტში გამოთქმული ბრალდებები მცდარია და აღნიშნავს, რომ ხელისუფლების მხრიდან ცილისმწამებლური კამპანია მას შემდეგ არ წყდება. „დღეს მე BBC-ის წინააღმდეგ ოფიციალური სარჩელი შევიტანე. BBC-ის სიუჟეტში გამოთქმული ბრალდებები უკიდურესად მცდარია. მე არაფერი მაქვს საერთო Milton Group-თან ან ქოლ-ცენტრებთან დაკავშირებულ რომელიმე თაღლითობასთან. ჩემს წინააღმდეგ იყო და დღემდე გრძელდება შევიწროების, მუქარის და დევნის კამპანია ამჟამინდელი ხელისუფლების მხრიდან. ძალიან უპასუხისმგებლო იყო BBC-ისგან ამ სიუჟეტის ეთერში გაშვება, რომელსაც არ გააჩნდა სათანადო საფუძველი, რომ ჩემთვის ასეთი სერიოზული ბრალდებები წაეყენებინა. მას შემდეგ, რაც BBC-მ ეს ტყუილები გამოაქვეყნა, ქართული რეჟიმი აგრძელებს ამის პროპაგანდის ინსტრუმენტად გამოყენებას, როგორც მისი ხანგრძლივი ცილისმწამებლური კამპანიის ნაწილს, რათა შელახოს ჩემი, როგორც კრიტიკული ტელეარხის, ფორმულას დამფუძნებლისა და საქართველოში ლიბერალური ღირებულებების დამცველის რეპუტაცია. ეს ყალბი პროგრამა პირდაპირ მოხვდა საქართველოს რეჟიმის ხელში, რომელიც იყენებს BBC-ის „სანდოობას”, რათა საფრთხე შეუქმნას ჩემი და ჩემი ოჯახის უსაფრთხოებას, ამავდროულად, ვერ შეუსწავლია თავისივე როლი თაღლითურ ქოლ-ცენტრებში, რომელიც საქართველოში არაერთმა დამოუკიდებელმა ჟურნალისტმა გამოააშკარავა. ჩემი რეპუტაციის დასაცავად, არ დავიხევ უკან, რომ BBC-ის წინააღმდეგ სამართლებრივ ზომებს მივმართო”, – ამბობს კეზერაშვილი. publika

ორგანიზაცია „პარტნიორობა ადამიანის უფლებებისთვის“ ცნობით, თბილისის საქალაქო სასამართლომ დამნაშავედ სცნო ფეხბურთის მწვრთნელი 12 წლის მოსწავლის მიმართ ჩადენილ გარყვნილი ქმედების ოთხივე ეპიზოდში. მას 8 წლითა და 6 თვით თავისუფლების აღკვეთა მიესაჯა. „გარყვნილი ქმედება გამოიხატებოდა სხეულის სხვადასხვა ნაწილზე ხელით შეხებასა და კოცნაში“,- ნათქვამი ორიგიზაციის მიერ გავრცელებულ ინფორმაციაში. საქმეზე ორგანიზაციის იურისტები თამარ გაბოძე და ანა თავხელიძე მუშაობენ. publika

სომხეთის პრემიერ-მინისტრის, ნიკოლ ფაშინიანის შვილის, 23 წლის აშოტ ფაშინიანის გატაცების საქმეზე სისხლის სამართლის გამოძიება დაიწყო. ამის შესახებ სომხეთის საგამოძიებო კომიტეტი იუწყება. გამოძიების მტკიცებით, გამტაცებელი 2020 წლის ყარაბაღის ომში დაღუპული სომეხი ჯარისკაცის დედაა, რომელიც სამართალდამცვებმა უკვე დააკავეს. საგამოძიებო კომიტეტი აქვეყნებს აშოტ ფაშინიანის მონაყოლის საფუძველზე განცხადებას. ოფიციალური ინფორმაციის შესაბამისად, 17 მაისს 12:47-საათზე აშოტ ფაშინიანმა ერევანში სააპელაციო სასამართლოსთან ჩაიარა, რომლის ეზოშიც 2020 წლის ომის დროს დაღუპული სამხედროების მშობლები იდგნენ. როგორც აშოტ ფაშინიანი აცხადებს, მის დანახვაზე მშობლები მას მიუახლოვდნენ და ყვირილი დაიწყეს. “მასთან მივიდა ქალი, რომელიც გაეცნო დაღუპული ჯარისკაცის დედად და შეთავაზა მანქანაში ჩაჯდომა და მშვიდად საუბარი. როდესაც ის მანქანაში დაჯდა, ქალმა მოულოდნელად მანქანა დაქოქა და წავიდა. მანქანაში ქალმა 2020 წლის ომზე დაიწყო საუბარი, ტერიტორიულ და ადამიანურ დანაკარგებზე. შეამჩნია მან რა, რომ ქალი არაადეკვატურად იქცეოდა, უმატებდა სიჩქარეს, არღვევდა საგზაო მოძრაობის წესებს, აშოტ ფაშინიანმა მანქანის გაჩერება და მანქანიდან გადასვლა მოითხოვა, რაზეც ქალმა უპასუხა, რომ მისი შვილი მოკლეს და დასაკარგი აღარაფერი აქვს, ამიტომაც მას [აშოტ ფაშინიანს] “ერაბლურში” წაიყვანს და იქ გადაწყვეტს, გაათავისუფლოს თუ არა”, – ნათქვამია საგამოძიებო კომიტეტის განცხადებაში. ოფიციალური ინფორმაციითვე, აშოტ ფაშინიანმა მხოლოდ მაშინ შეძლო ავტომობილიდან გადმოხტომა, როდესაც ქალმა გზაჯვარედინზე მანქანის მოძრაობის სიჩქარე შეანელა. წამოდგომის შემდეგ კი, როგორც თავად ჰყვება, “ტოიოტას” ფირმის თეთრმა ავტომობილმა დაარტყა, რომელშიც სააპელაციო სასამართლოს ეზოში მდგომი სხვა მშობლები ისხდნენ. ოფიციალური ცნობით, ინციდენტის შედეგად მას ფეხი აქვს დაზიანებული “საკუთარი უსაფრთხოებიდან გამომდინარე, ის სწრაფად შევარდა სუპერმარკეტის ტერიტორიაზე”, – აცხადებს უწყება. სისხლის სამართლის გამოძიება, ოფიციალური ცნობით, სახელმწიფო, პოლიტიკურ თუ საზოგადოებრივ პირთან დაკავშირებული ადამიანის ან მასთან დაახლოებული პირის გატაცების მუხლით დაიწყო. გამოძიების ცნობით, პრემიერ-მინისტრის შვილის გატაცების მცდელობისთვის გაიანე აკოფიანი ამჟამად დაკავებულია – გამოძიება გრძელდება. netgazeti

აფხაზეთის დე ფაქტო პარლამენტში განიხილეს კანონპროექტი ადმინისტრაციულ სამართალდარღვევათა კოდექსში შესატანი ცვლილებების შესახებ, რომელიც “სტუმრებისა და აფხაზეთის მცხოვრებლებისთვის საზოგადოებრივი თავშეყრის ადგილებში შეუსაბამოდ ჩაცმის აკრძალვას” ითვალისწინებს. კონკრეტულად, რა მიიჩნევა “შეუსაბამო” ჩაცმულობაში, კანონპროექტის განხილვის შესახებ გავრცელებულ ცნობაში მითითებული არ არის. “განხილვის შემდეგ კომიტეტის წევრებმა მიიღეს გადაწყვეტილება, რეკომენდაციით მიმართონ პარლამენტს, შემდეგ სესიაზე მეორე მოსმენით მიიღონ აღნიშნული კანონპროექტი”, – წერს აფხაზური მედია. netgazeti

იუსტიციის უმაღლეს საბჭოში პარლამენტის კვოტით ასარჩევ ორ კანდიდატთან დაკავშირებით გადაწყვეტილების მიღების პროცესი ორი კვირით გადაიდო. პარლამენტის პლენარულ სხდომაზე, მეორე ტურის კენჭისყრა ფორმალურად ჩატარდა და შედეგად, ოთხივე კანდიდატი ჩავარდა. როგორც უმრავლესობის ლიდერმა ირაკლი კობახიძემ კენჭისყრის პროცედურის წინ განმარტა, საკითხს ორ კვირაში დაუბრუნდებიან, მანამდე კი გაიმართება კონსულტაციები მეორე ტურში გადასული კანდიდატების არჩევასთან დაკავშირებით. იუსტიციის უმაღლეს საბჭოში ორი ვაკანტური ადგილის შესავსებად მეორე ტურში ოთხი - სხვებთან შედარებით მეტი მხარდაჭერის მქონე კანდიდატები გადავიდნენ. ეს კანდიდატები არიან რუსუდან კვინიკაძე (89 ხმა), გოგა კიკილაშვილი (89 ხმა), ლევან ნემსაძე (88 ხმა) და ნინო ნიშნიანიძე (87 ხმა). მესამე ტური 30 მაისს გაიმართება. ipn

მნიშვნელოვანი კითხვაა, რა საფასურის გადახდა მოუწევს საქართველოს პირდაპირი ფრენების აღდგენის, სავიზო რეჟიმის გაუქმებისა და რკინიგზის აღდგენის გამო, რომელიც საქართველოს რუსეთთან აფხაზეთის გავლით დააკავშირებს, - ამის შესახებ საქართველოში აშშ-ის ელჩმა, კელი დეგნანმა განაცხადა. „ქვეყანამ, რომლის ტერიტორიის 20 პროცენტი აქვს რუსეთს ოკუპირებული, როცა რუსეთს დაკავებული ჰყავს საქართველოს მოქალაქეები სამხრეთ ოსეთში, ქვეყანა, რომელიც რუსეთის წნეხის ქვეშ იმყოფება ძალიან დიდი სიფრთხილე უნდა გამოიჩინოს, როდესაც რუსეთის მხრიდან საქართველოსთან ურთიერთობების ნორმალიზების მცდელობას მიესალმება. ვფიქრობ, მნიშვნელოვანი კითხვაა, რატომ, რატომ აკეთებს პუტინი ამ დათმობებს თუ შეთავაზებას ახლა? რა საფასურის გადახდა მოუწევს საქართველოს პირდაპირი ფრენების აღდგენის, სავიზო რეჟიმის გაუქმებისა და რკინიგზის აღდგენის გამო, რომელიც საქართველოს რუსეთთან აფხაზეთის გავლით დააკავშირებს. ეს არის ძალიან მნიშვნელოვანი შეკითხვები, რადგან ჩვენ ყველამ ვიცით, რომ პუტინი არაფერს გასცემს საფასურის დაკისრების გარეშე“, - აღნიშნა ელჩმა. ინტერპრესნიუსი

1-ელი ივნისიდან დამსაქმებელი ვალდებული გახდება დასაქმებული მძიმე ტვირთის ხელით აწევისგან დაიცვას. კერძოდ, როგორც „ინტერპრესნიუსს“ შრომის ინსპექციის სამსახურის ხელმძღვანელმა, ბექა ფერაძემ განუცხადა, საქართველოს მთავრობამ „ტვირთის ხელით აწევისას უსაფრთხოებისა და ჯანმრთელობის დაცვის მინიმალური მოთხოვნების შესახებ“ ტექნიკური რეგლამენტი დაამტკიცა, რომლის თანახმადაც, დამსაქმებელი ვალდებული გახდება სათანადო ზომები მიიღოს, ან გამოიყენოს მექანიკური მოწყობილობები, რათა თავიდან აიცილოს დასაქმებულთა მიერ ტვირთის ხელით აწევის აუცილებლობა. მისივე თქმით, თუ დამსაქმებელი დადგენილ ნორმებს დაარღვევს, სანქცირების მექანიზმები იქნება გამოყენებული. „სტატისტიკური მონაცემების მიხედვით, მსოფლიოს მასშტაბით 2 მილიონამდე ინციდენტია აღრიცხული, საიდანაც ხელით შრომასთან დაკავშირებულია 18%. აქედან გამომდინარე, საქართველოში ტექნიკური რეგლამენტი დაეფუძნა შრომის უსაფრთხოების შესახებ საქართველოს ორგანულ კანონს, რომლის მიზანია დასაქმებული ადამიანებისთვის მაქსიმალურად უსაფრთხო სამუშაო გარემოს შექმნა. გარკვეული ვალდებულებები განისაზღვრა დამსაქმებლებისა და კომპანიების მიმართ. ტექნიკური რეგლამენტის ძირითადი მიზანია შემდეგი: თუ არსებობს სამუშაო, სადაც ადამიანებს ფიზიკურად, ხელით უწევს ტვირთის გადაადგილება და არსებობს მექანიკური მოწყობილობა, რომელიც ამას ჩაანაცვლებს, შრომის ინსპექციას ეძლევა უფლებამოსილება, მოსთხოვოს დამსაქმებელს, რომ მექანიკური მოწყობილობა გამოიყენოს, აირიდოს ადამიანის მიერ ხელით შესრულებული ის სამუშაო, რომელსაც მანქანა-დანადგარი შეასრულებდა. დამსაქმებელმა უპირატესობა უნდა მიანიჭოს ტექნოლოგიურ პროცესს, რათა ტვირთის ხელით გადაადგილება და აწევა აუცილებელი არ იყოს. ამას გააკონტროლებს შრომის ინსპექცია. იმ შემთხვევებში, თუ გამოჩნდება, რომ ფიზიკურად არსებობს ისეთი გადაჭრის გზები, რომელიც პირს ხელით ტვირთის გადაზიდვის საშუალებას აარიდებს და დამსაქმებელი არ ახორციელებს ამ ღონისძიებას, ამ შემთხვევაში შრომის უსაფრთხოების შესახებ საქართველოს ორგანული კანონიდან გამომდინარე შესაბამისი სანქცირების მექანიზმები განხორციელდება. შრომის ინსპექციის ცხელი ხაზია 15 75. არამხოლოდ ამ რეგლამენტით, ნებისმიერი უსაფრთხოების, თუ შრომის უფლებების დარღვევის შემთხვევაში ნებისმიერ დასაქმებულ ადამიანს შეუძლია მოგვმართოს, კონფიდენციალურობის დაცვის გარანტია არსებობს. თუ დაინტერესებულ პირს არ სურს, რომ გამჟღავნდეს მისი ვინაობა, ჩვენ ინსპექტირებას განვახორციელებთ, თუმცა საჩივრის ავტორის ვინაობა კონფიდენციალური იქნება. ასევე ნებისმიერ დაინტერესებულ პირს აქვს შესაძლებლობა მოგვმართოს ელექტრონული ფორმით. შრომის ინსპექცია გეგმურად ახორციელებს კომპანიების შემოწმებას მთელი ქვეყნის მასშტაბით. ჩვენ გეგმურ შემოწმებას ვახორციელებთ შრომის უსაფრთხოების, ასევე შრომის უფლებების მიმართულებით“,- აღნიშნა ფერაძემ „ინტერპრესნიუსთან“ საუბრისას.

19 მაისს პარლამენტი განათლებისა და მეცნიერების მინისტრს, გიორგი ამილახვარს და შინაგან საქმეთა მინისტრს, ვახტანგ გომელაურს ინტერპელაციის წესით მოუსმენს. ამის შესახებ პარლამენტის თავმჯდომარემ შალვა პაპუაშვილმა ბიუროს დღევანდელ სხდომაზე განაცხადა. რაც შეეხება ეკონომიკისა და მდგრადი განვითარების მინისტრს, ლევან დავითაშვილს, მას პარლამენტი ინტერპელაციის წესით, სექტემბრის ბოლოს მოუსმენს. „ეკონომიკისა და მდგრადი განვითარების მინისტრი ჯანმრთელობის მდგომარეობის გამო, ვერ შეძლებს ინტერპელაციაზე მოსვლას, გუშინ მივიღეთ მისი ინფორმაცია. შესაბამისად, დაგეგმილი 3 ინტერპელაციის ნაცვლად, გვექნება ორი - განათლებისა და მეცნიერების და შინაგან საქმეთა მინისტრების. ეკონომიკისა და მდგრადი განვითარების მინისტრის ინტერპელაციის წესით მოსმენა გადაიწევს სექტემბრის ბოლო სასესიო კვირის პარასკევს“, - განაცხადა შალვა პაპუაშვილმა. ინტერპრესნიუსი

" ოპოზიციონერი დეპუტატი რომ გქვია, ქვეყნის მომავალი რომ სასწორზე დევს, პარლამენტში ოლიგარქის ,,ოცნება" არაკონსტიტუციურად, ხელის გადაგრეხვის პრინციპით რომ საგამოძიებო კომისიებს არ გაქმნევინებს და ამ დროს, ფარულად ისევ ,,ოცნება"-ს ურიგდები დასანქცირებული ჩინჩალაძე-მურუსიძის კორუფციული სინდიკატისთვის დამატებით სამი არამოსამართლე წევრით გამდიდრებაზე, ნაცვლად შენსავე დასაცავად, გამზადებულ საკონსტიტუციო სარჩელზე ხელმოწერისა, რა უნდა გიწოდოს ამ შემთხვევაში ხალხმა?! P.S. არადა უკვირთ ხოლმე მერე, ხალხი რატომ ბრაზდება მათზე და ზოგადად ოპოზიციაზე. დასკვნა ერთია, ისენი ოპოზიციად აღარ უნდა აღიქმებოდეს, რადგან ფაქტია ყველა მათგანი გაიყიდა პირადი გამორჩენის მიზნით!" - ამის შესახებ სოციალურ ქსელში საკონსტიტუციო სასამართლოს ყოფილი თავმჯდომარე და პარტია "საქართველოსთვის" თბილისის საკრებულოს წევრი ზაზა თავაძე წერს.

კიევის ოფიციალური მონაცემებით, 20 000-მდე უკრაინელი ბავშვი დაადეპორტეს რუსეთში, თუმცა რეალური რიცხვი, შესაძლოა, გაცილებით მეტი იყოს. საერთაშორისო სამართალი ერთი ჯგუფიდან მეორეში ბავშვების ძალადობით გადაცემას გენოციდად განიხილავს. სწორედ ბავშვების დეპორტაცია დაედო საფუძვლად ჰააგის სისხლის სამართლის საერთაშორისო სასამართლოს ისტორიულ გადაწყვეტილებას რუსეთის პრეზიდენტ ვლადიმერ პუტინის დაკავების ორდერის გამოცემის შესახებ. დაკავების ორდერი გამოიცა მარია ლვოვა-ბელოვას დაკავებაზეც. ამ უკანასკნელს რუსეთის პრეზიდენტის ადმინისტრაციაში ბავშვთა უფლებების კომისრის თანამდებობა უკავია. უკრაინის ხელისუფლებისთვის და მშობლებისთვის დეპორტირებული ბავშვების დაბრუნება მთელ რიგ სირთულეებთან არის დაკავშირებული — საჭიროებს ამომწურავი ჩანაწერების წარმოებას ამ ბავშვების შესახებ, მშობლებმა ზუსტად უნდა იცოდნენ, სად არიან ისინი, ჰქონდეთ შესაბამისი დოკუმენტაცია და ფინანსური რესურსები, რომ ჩააკითხონ რუსეთში და სხვა, რაც ხშირად შეუძლებელია. 2023 წლის 13 აპრილის მდგომარეობით, 19 384 დეპორტირებული ბავშვიდან დაბრუნებულია მხოლოდ 361. ხერსონის ოლქიდან — ჯერ ანექსირებულ ყირიმში, შემდეგ კი ოკუპირებულ ჰენიჩესკში წაყვანილი 17 წლის მაშას და 18 წლის ნასტიას გამოხსნა Slidstvo-ს ჟურნალისტებმა შეძლეს. მათ ასევე შეაგროვეს მნიშვნელოვანი მტკიცებულებები, რომლებიც შეიძლება სასამართლოში იქნას გამოყენებული და გადაიღეს ფილმი „გაქცევა რუსული ტყვეობიდან“. „ნეტგაზეთი“ Slidstvo-ს გამომძიებელი ჟურნალისტ იანინა კორნიენკოს ესაუბრა იმის შესახებ, თუ როგორ ხდება რუსეთის მიერ უკრაინელი ბავშვების გატაცება. — ტერიტორიის ოკუპაციის შემდეგ რუსეთი იწყებს ზონის „დასუფთავებას“, რათა შეაჩეროს უკრაინელების პროტესტი და იწყებენ უკრაინელების და განსაკუთრებით, რუსეთის ტერიტორიაზე გადაყვანას. ამას აკეთებენ არალეგალურად, უფროსების ან თავად ბავშვების ყველანაირი ნებართვის გარეშე. ბავშვების დეპორტაციის ერთი გზაა, მისი შენიღბვა „არდადეგებად“ — ერთი ოკუპირებული ტერიტორიებიდან ბავშვები გადაჰყავთ მეორეში — მაგალითად ყირიმში, რომელიც დიდი ხნის ოკუპირებულია და რუსებს იქ მეტი ძალაუფლება აქვთ, ვიდრე ახლახან ოკუპირებულ ტერიტორიებზე ან რუსეთში. თითქოს არდადეგებზე ბავშვები წაიყვანეს საზაფხულო ბანაკებში, სკოლებში, სადაც დღემდე ცხოვრობენ და არასდროს დააბრუნეს. მეორე გზა დეპორტაციის არის, თითქოს სამკურნალოდ გადაყვანა. მიჰყავთ სანატორიუმებში ვითომ სარეაბილიტაციოდ, სინამდვილეში, მშობლებისგან იპარავენ. ასე ხდება იმ ბავშვების შემთხვევაში, რომელთაც მშობლები ჰყავთ. ისინი ცდილობენ, მშობელთან შეთანხმებას მიაღწიონ ბავშვების გადაყვანაზე და ზოგიერთი მშობელი თანხმდება, რადგან ეს ტერიტორიები მუდმივად იბომბება და ზოგ მშობელს ურჩევნია, შვილი მისგან შორს, თუმცა უფრო უსაფრთხო ადგილას ეგულებოდეს. რა თქმა უნდა, ახლა გაცილებით ნაკლები შემთხვევაა, როდესაც მშობელი თანხმდება ასეთ შემოთავაზებას. ახლა უკვე მშობლებმა იციან, რა მოხდება შემდეგ, მაგრამ დასაწყისში ეს მათთვის შვილების უფრო უსაფრთხო ადგილას გარიდების შესაძლებლობა იყო. ისინი ენდნენ რუსებს, მაგრამ გააცნობიერეს, რომ ეს შეცდომა იყო და ახლა ცდილობენ, ბავშვები დაიბრუნონ. ცალკე უნდა განვიხილოთ ობოლთა თავშესაფარში მცხოვრები ბავშვების დეპორტაცია. ეს არის ყველაზე უარესი შემთხვევები. ამ ბავშვებს ჰყავდათ მზრუნველები, რომლებიც მათთან ერთად წაიყვანეს რუსეთში. ზოგიერთმა შეძლო უკრაინაში გამოქცევა და ახლა ცდილობენ, ბავშვების დაბრუნებას. მაგრამ რუსები ამბობენ, რომ ისინი ახლა მათი ბავშვებია. თავშესაფრის ბავშვების დაბრუნებისთვის ბრძოლა კიდევ უფრო რთულია ჩვენთვის იმიტომ, რომ არავის ეკონტაქტებიან. მათ არ ჰყავთ მშობლები, რომ დაეკონტაქტონ და უთხრან, რომ დახმარება სჭირდება. ახლა ისინი არიან რუსეთის სისტემაში, ჰყავთ ადგილობრივი ზედამხედველები რუსეთში. რუსები ცდილობენ, გააშვილონ ეს ბავშვები იმდენად სწრაფად, რამდენადაც შესაძლებელია. უკეთებენ მათ რუსულ პასპორტებს, რათა ბავშვების რუსულ ოჯახებში გაშვილების ლეგალური საფუძველი შექმნან. მათ უკვე ჩასვეს ეს ბავშვები შვილად აყვანის რუსულ მონაცემთა ბაზებში. ეს არის დახურული მონაცემთა ბაზა. მაქვს კონტაქტი ადამიანის უფლებათა სამოქალაქო აქტივისტებთან და მათ მითხრეს, რომ ეს არის დახურული მონაცემთა ბაზა, სადაც შენ შეგიძლია საგანგებოდ აირჩიო უკრაინელი ბავშვი შვილად ასაყვანად. ყველაზე ცუდი, რაც შეიძლება მოხდეს, ჩვენ ამიერიდან ვერასდროს ვიპოვით გაშვილებულ ბავშვებს და არ გვექნება მათი დაბრუნების შესაძლებლობა იმიტომ, რომ ეს ბავშვები იზრდებიან რუსულ იმპერიულ საზოგადოებაში, რომელშიც პროპაგანდით ტვინს ურეცხავს ბავშვებს. ჩვენ ვხედავთ, რომ ბავშვები, რომლებიც 2014-15 წლებში ოკუპირებულ ტერიტორიებზე ცხოვრობდნენ, და მაშინ დაახლოებით 6-7 წლის იყვნენ, ახლა რუსულ არმიაში მსახურობენ უკრაინის წინააღმდეგ. ესენი არიან უკრაინელი ბავშვები, რომლებსაც არც ახსოვთ, როგორც დაიწყო ეს ყველაფერი. ასე ხდება უკრაინული იდენტობის წაშლა. — ახლადოკუპირებული ტერიტორიებიდან ბავშვები გადაჰყავთ რუსეთის მიერ კონტროლირებად სხვა ტერიტორიებზე უკრაინის შიგნით ან რუსეთში? — ზოგჯერ უარესიც — ბელარუსში. ისინი ამას აკეთებენ ეშმაკურად და მშობლისთვის ამოცანაა, სად შეიძლება იყოს მისი შვილი იმიტომ, რომ ჯერ მიჰყავთ ყირიმში, შემდეგ ცდილობენ, რუსულ სისტემაში ჩასვან. მაგრამ ოფიციალურად აცხადებენ, რომ ეს ბავშვები არიან „რუხ ზონაში“ — ოკუპირებულ ტერიტორიაზე და პასუხისმგებლობას იცილებენ. ასე ცდილობენ საერთაშორისო სამართლისთვის თავის არიდებას. მაგრამ ჩვენ გვაქვს მტკიცებულებები, მათ შორის, რუსეთის მოქალაქეები თავად აქვეყნებენ ინფორმაციებს და ფოტოებს „გადარჩენილი [ნაშვილები] უკრაინელი ბავშვების“ შესახებ. — რუსები, რომლებმაც შვილად აიყვანეს უკრაინელი ბავშვები, ფიქრობენ, რომ გადაარჩინეს ისინი? — ჩემთვის ძნელი დასაჯერებელია, რომ მათ არ ესმით რას აკეთებენ. მაგრამ რუსული პროპაგანდა ისეთი ძლიერია, შემიძლია წარმოვიდგინო, რომ ზოგიერთი მათგანი შეიძლება ასეც ფიქრობდეს. ცხადია, რომ უნდა იკითხო — როგორ მოხვდნენ ეს ბავშვი რუსეთში? ზოგ ობოლს ჰყავდა ოფიციალური მეურვე უკრაინაში, დაუკავშირდნენ მათ და უთხრეს, რომ სახლში დაბრუნება უნდათ, მაგრამ უკვე გაშვილების აყვანის პროცესში ვართ. რუსულმა ოჯახებმა იცოდნენ, რომ ბავშვებს უკრაინაში დაბრუნება უნდოდათ, მაგრამ არ მისცეს ამის უფლება. ეს არის თანამონაწილეობა დანაშაულში. ყველა რუსული ოჯახი, რომელსაც უკრაინელი ბავშვი აჰყავს, არ ამოწმებს სათანადოდ, ჰყავს თუ არა ამ ბავშვს მშობლები, უნდათ თუ არა უკრაინაში დაბრუნება, თანამონაწილეობს ამ დანაშაულში. — გაშვილებამდე სად იმყოფებიან უკრაინიდან გაყვანილი ბავშვები? — ე.წ. ბანაკებში, სანატორიუმებში, სადაც ცხოვრობენ და სწავლობენ ზოგჯერ. უტარებენ რუსულ გაკვეთილებს, ამღერებენ რუსულ ჰიმნს, ასწავლიან სპეციალური სამხედრო ოპერაციის შესახებ და რუსების „გმირობების“ შესახებ“. მაგალითად, ასწავლიან, რომ რუსეთი იბრძვის ბოროტი ამერიკის წინააღმდეგ და ა. შ. ბავშვები დიდხანს რჩებიან ასეთ ადგილებში. ოფიციალურად 20 000-მდე ბავშვი არის არალეგალურად დეპორტირებული, მაგრამ რეალური რიცხვი გაცილებით მაღალია. მაგალითად, გასულ ზაფხულს ახსენეს, რომ 2 მილიონი უკრაინელი გაიქცა რუსეთში და წარმოგვიდგენია, რამდენი ბავშვია იქ. ძირითადად ქალების და ბავშვების დეპორტაცია მოხდა, რადგან კაცებს აპატიმრებენ. უკრაინელებისთვის ძნელია დათვლა… ჩვენ შეგვიძლია დავითვალოთ ბავშვები, როლებიც სისტემაში იყვნენ რეგისტრირებული — თავშესაფრებში ცხოვრობდნენ ან ბავშვები, ვისმა მშობლებმაც განაცხადეს რუსეთში მათი შვილების დაკარგვის შესახებ და მთავრობისგან დახმარება მოითხოვეს. ბევრი ბავშვია, ვისაც მშობლები დაუღუპა დაბომბვის დროს და რუსებმა, უბრალოდ, მოიპარეს ეს ბავშვები. — თქვენ როგორ მოახერხეთ ორი არასრულწლოვნის დაბრუნება? — როდესაც ვეძებდით ობოლთა თავშესაფრის ბავშვებს, ჩემმა კოლეგა იულიამ იპოვა. სოციალურ მედიაში მიაგნო პროუკრაინული პოსტებს და სთორებს, ყირიმის გეოლოკაციით. ჩვენ გაგვიკვირდა, თუ ვინ არის ასეთი მამაცი, რომ აქვეყნებს პროუკრაინულ ამბებს ყირიმში. დაუკავშირდა გოგოებს ინსტაგრამზე. მათ უთხრეს, რომ არ არიან უსაფრთხოდ, უკრაინაში დაბრუნება უნდათ და ამის საშუალებას არ აძლევენ მშობლების ხელმოწერის გარეშე. მაგრამ მშობლები არიან უკრაინის კონტროლირებად ან ოკუპირებულ ტერიტორიაზე და მათ არ აქვთ საშუალება, ფიზიკურად ჩასულიყვნენ ყირიმში და ხელი მოეწერათ დოკუმენტებისთვის. შეუძლებელ პირობებს ქმნიან მშობლებისთვის. მათ, ვინც უკრაინაში არიან, ასე ადვილად არ შეუძლიათ ყირიმში ან რუსეთში შესვლა. ჩვენ გადავწყვიტეთ, რომ გვეცადა მათი გამოხსნა და უზრუნველვყავით ისინი კორიდორით ევროპის გავლით. ჩვენ გამოვიხსენით ორი გოგო, მაგრამ ისინი იყვნენ ათეულობით ბავშვთან ერთად საზაფხულო ბანაკში. ზოგიერთმა შეძლო უკან დაბრუნება, მაგრამ ზოგმა ვერა. ჟურნალისტიკა არ არის აქტივიზმი. ჩვენ ამას არ უნდა ვაკეთებდეთ, მაგრამ ეს იყო გამონაკლისი, როდესაც ბავშვებმა გვთხოვეს და ჩვენ მოვძებნეთ ყველა შესაძლო გზა. დავუკავშირდით მთავრობას, მოხალისეებს და მათ გვითხრეს, რომ შეუძლებელია ბავშვების დაბრუნება მშობლების ნებართვის გარეშე. ამიტომ გადავწყვიტეთ, ჩვენ თვითონ გაგვეკეთებინა ეს. მაგრამ ეს იყო გამონაკლისი შემთხვევა. ძალიან რთული და სახიფათო მათთვისაც და ჩვენთვისაც, მაგრამ იულიას ჰქონდა ბევრი სათადარიგო გეგმა და დიდი მხარდაჭერით გააკეთა ეს. ჩვენ ვერ ვასაჯაროებთ დეტალებს, თუ როგორ მოვახერხეთ ამ გოგონების დაბრუნება, რადგან სხვებმაც შეიძლება გამოიყენოს ეს გზა და თუ ეცოდინებათ, რუსეთში დაუყოვნებელი რეაგირება ექნება. — მთავრობა როგორ უმკლავდება ამ გამოწვევას? რა ინსტრუმენტები აქვს და რამდენად ახერხებს ბავშვების დაბრუნებას? — ყველა გზა, რომელიც არსებობს ბავშვების დაბრუნების, სრულიად საიდუმლოა. მიზეზი ისაა, რომ როგორც კი რუსეთი გამოააშკარავებს ამ გზას, მაშინვე კეტავს მას. მთავრობის გარდა, ძირითადი ორგანიზაცია, რომელიც მუშაობს ბავშვების დაბრუნებაზე, არის ფონდი Save Ukraine, რომელიც შექმნილია ყოფილი ბავშვთა ომბუდსმენის (პრეზიდენტის ოფისთან არსებული) მიერ. — როგორ ფიქრობთ, რა არის რუსეთის მოტივი, როდესაც უკრაინელი ბავშვები დეპორტაციას ახორციელებს? — ოფიციალური ხედვაა, რომ მოტივი გენოციდია და მეც ამ მოსაზრებას ვეთანხმები. რუსეთი ცდილობს, სრულად წაშალოს უკრაინული იდენტობა. არ მინდა რადიკალური გამოჩნდე, მაგრამ უკრაინელების გენოციდი არის ამ ომის მიზეზი და ბავშვების გატაცება და „გარუსება“ ამის ერთ-ერთი მაგალითია. — ჰააგის სისხლის სამართლის საერთაშორისო სასამართლომ ვლადიმერ პუტინზე დაკავების ორდერი გასცა სწორედ ბავშვების დეპორტაციის საქმეზე და არა ომის სხვა დანაშაულებზე, რომლებიც ასევე იყო ჩადენილი. როგორ ფიქრობთ, რატომ გახდა ეს საკითხი უფრო მნიშვნელოვანი, ვგულისხმობ, საერთაშორისო სამართლის მიხედვით უკვე დამდგარი შედეგების თვალსაზრისით, ვიდრე დანარჩენი, მაგალითად ბუჩაში მომხდარი დანაშაულები… — ვფიქრობ, ყველა დანაშაულზე პასუხისგება მნიშვნელოვანია. მაგრამ ბავშვები არიან ყველაზე დაუცველი ჯგუფი. არის შემთხვევები, როდესაც რუსები ზრდიან უკრაინელ ბავშვებს უკრაინის მტრებად და ეს კარგი მაგალითია მათი პოლიტიკისა და ფილოსოფიისა უკრაინის წინააღმდეგ. რა თქმა უნდა ბუჩაში მომხდარი უდიდესი დანაშაულია და მჯერა, ჩვენ ვნახავთ ამის შედეგებს, მაგრამ შესაძლოა, ბავშვების დეპორტაციის დამტკიცება უფრო ადვილი იყო. რუსები ამაყობენ ამ შემთხვევებით და თავად აქვეყნებენ მტკიცებულებებს. სამთავრობო პოლიტიკა აქვთ — მიიღეს კანონი, რომელიც უკრაინელი ბავშვებისთვის რუსეთის მოქალაქეობის გამარტივებული პროცედურით მიღების (და შესაბამისად, შვილად აყვანის) საშუალებას იძლევა. ამას ვერ ვიტყვით ბუჩაზე, რომელსაც არ აღიარებენ. მაგრად დარწმუნებული ვარ, დროთა განმავლობაში სამართლებრივი შეფასება ყველა დანაშაულზე დადგება. netgazeti

სამედიცინო და ფარმაცევტული საქმიანობის რეგულირების სააგენტომ გორში, სავარაუდოდ, ჩუტყვავილას გართულების შედეგად გარდაცვლილი 4 წლის ბავშვის საქმის შესწავლა დაიწყო. ამის შესახებ „ინტერპრესნიუსს“ სსიპ სამედიცინო და ფარმაცევტული საქმიანობის რეგულირების სააგენტოში განუცხადეს. ცნობისთვის, გუშინ, გორში, 4 წლის ბავშვი, სავარაუდოდ, ჩუტყვავილას გართულების შედეგად გარდაიცვალა. გარდაცვლილი ბავშვის ახლობლების თქმით, 4 წლის თომა წიქარიძეს ექიმის მიერ ინფექციის არასწორი მართვის გამო, სეფსისი განუვითარდა, რაც გარდაცვალების მიზეზი გახდა. რაც შეეხება კლინიკას, "გორმედის" პრესსამსახურის ინფორმაციით, ბავშვი მშობლებმა ამბულატორიულად მიიყვანეს კონსულტაციაზე, თუმცა, შემდგომ სტაციონარულ მკურნალობაზე უარი განაცხადეს და თვითნებურად წაიყვანეს სამედიცინო დაწესებულებიდან. ipn

ანსამბლი „მართვე“ აცხადებს, რომ აშშ-ში ივლისში დაგეგმილი გასტროლზე ვერ მიდის. ანსამბლის ხელმძღვანელების თქმით მიზეზი აშშ-ის საელჩოს მიერ ვიზების დროულად არგაცემაა. „მართვეს“ წევრებისთვის აშშ-ის ვიზების დროულად არგაცემაზე ინფორმაცია თავდაპირველად „ქართული ოცნების“ თავმჯდომარე ირაკლი კობახიძემ გაავრცელა. ამის შესახებ კობახიძემ 16 მაისს საზოგადოებრივ მაუწყებელთან აშშ-ის საელჩოს სავიზო პოლიტიკის კრიტიკისას ისაუბრა. კობახიძის თქმით, საქართველოში აშშ-ის მიერ სავიზო განაცხადების დაკმაყოფილების მაჩვენებელი დაბალია – 37%. ამაზე საუბრისას კი კობახიძემ ანსამბლ „მართვეს“ შემთხვევაც გაიხსენა. „არის ცალკეული შემთხვევები, როცა იყო სტუდენტი, მიიღო დაფინანსება, ჩაირიცხა კონკრეტულ ამერიკულ უნივერსიტეტში და არ ჩაურტყეს ვიზა. გუშინ ასევე გავიხსენე „მართვეს“ შემთხვევა, როცა 50 ბავშვი დატოვეს საქართველოში, არ ჩაურტყეს ვიზები, რაც წარმოუდგენელია. რატომ უნდა დასაჯო 50 ბავშვი ამერიკაში არ გაგზავნით, როცა არანაირი არც რისკი არსებობს, არაფერი და გასტროლები არის შეთანხმებული? ეს არის აბსოლუტურად აუხსნელი და გაუგებარი. მგონი, უნდა დაინტერესდეს საელჩო, რატომ ხდება ეს ყველაფერი, რატომ ისჯებიან ჩვენი მოქალაქეები, რატომ არის დისკრიმინაციული მიდგომა?! ერთ-ერთი ჩვენი კოლეგის, პარლამენტარის შვილია, ერთ-ერთი კი იყო მოქალაქის შვილი, რომელსაც არ მისცეს ვიზა. გასული წლის ზაფხულის ამბავია. არ ჩაურტყეს ამ მოქალაქის შვილს ვიზა, ცნობილი ადამიანის შვილია, მიუხედავად იმისა, რომ ჩარიცხული იყო ამერიკის უნივერსიტეტში. მისგან ვიცი პირადად“, – განაცხადა ირაკლი კობახიძემ. თუმცა კობახიძემ არ დაასახელა რომელი დეპუტატის შვილზე საუბრობდა. ნეტგაზეთის კითხვას, იყო თუ არა ანსამბლ „მართვეს“ წევრებს შორის მისი შვილი, კობახიძემ პირდაპირ არ უპასუხა და „სამარცხვინო“ უწოდა. ასევე, განაცხადა, რომ „ეს პატარა ლიბერალური ფაშიზმის ელემენტია“. „მართვესთვის“ აშშ-ის ვიზების არგაცემასთან დაკავშირებით 17 მაისს სიუჟეტი მოამზადა ტელეკომპანია „იმედმაც“. როგორც „იმედთან“ ანსამბლის ხელმძღვანელები ამბობენ, საელჩოში მათ სავიზო განაცხადები ინდივიდუალურად შეტანა შესთავაზეს [და არა ჯგუფურად]. „მართვეს“ ხელმძღვანელების თქმით გაუგებარია, რატომ შეექმნა წელს ანსამბლს ვიზებზე პრობლემა, მაშინ, როცა წინა წლებში „მართვე“ აშშ-ში გასტროლზე არაერთხელ იყო. „ივლისში გასტროლი უნდა იყოს და როცა გეუბნებიან, რომ ამ წლის ბოლოს, დეკემბერში უნდა შემოხვიდე, ეს უბრალოდ არარეალურია. რა თქმა უნდა, ყველა ინფორმაცია, რომელიც საჭირო იყო სავიზო მომსახურების მისაღებად[შევაგროვეთ]. ასევე ყველა ბავშვის ინფორმაცია შევაგროვეთ – ვინმეს ხომ არ ჰქონდა რაიმე პრობლემა, რადგან ეს მიღებული ფორმაა. „მართვეს“ არანარი პრობლემა არ ჰქონია არც ვადებში. „მართვე„ მიდიოდა საქართველოს სახელის გასატანად ძალიან საინტერესო ფესტივალზე და ზუსტი მიზეზი დღემდე ჩვენთვის არ არის ცნობილი“, – განაცხადა „იმედთან“ ანსამბლ „მართვეს“ სამხატვრო ხელმძღვანელმა მიშო ჯავახიშვილმა. აშშ-ის ელჩის კელი დეგნანის თქმით, ზოგჯერ ხალხი ფიქრობს, რომ მათ მიმართ განსაკუთრებული მოპყრობა უნდა იყოს და არ გაიარონ ყველა პროცედურა, რაც ვიზის მიღებას სჭირდება. „სამწუხაროა, რომ „იმედმა“ მორიგ ჯერზე აირჩია, გადაეცა არასწორი ინფორმაცია. რეალურად, ყოველწლიურად ათასობით ქართველს ვიღებთ აშშ-ში, მათ შორის კულტურული გაცვლის პროგრამის ფარგლებში. წინა თვეს ვიზა გავეცით 13 მოცეკვავეზე, აშშ-ში ტურისთვის. წინა კვირას ვიზა მივეცით მოცეკვავეებისა და მომღერლების ჯგუფს, რომელიც აშშ-ის კონგრესში, საქართველოს დამოუკიდებლობის დღის აღსანიშნავად გამოვა. ზოგჯერ ხალხი ფიქრობს, რომ განსაკუთრებული მოპყრობა უნდა იყოს მათ მიმართ და არ გაიარონ ყველა გათვალისწინებული ნაბიჯი. ინფორმაცია ხელმისაწვდომია ონლაინ. ჩვენ რეკომენდაციას ვაძლევთ მსურველებს, რათა რაც შეიძლება სწრაფად მიიღონ ვიზა. თუ ისინი ითვალისწინებენ ჩვენს რჩევებს, როგორც წესი, იღებენ ვიზას“, – განაცხადა კელი დეგნანმა. netgazeti

დეპუტატები, როსტომ ჩხეიძე, ნატო ჩხეიძე და ნიკა მაჭუტაძე ფრაქცია „ერთიან ნაციონალურ მოძრაობას“ ტოვებენ. როგორც დეპუტატმა, ნიკა მაჭუტაძემ პარლამენტში გამართულ ბრიფინგზე განაცხადა, გავრცელებული ინფორმაცია, „ქართულ ოცნებასთან“ გარიგების შესახებ, არის ტყუილი. „დეპუტატები: როსტომ ჩხეიძე, ნატო ჩხეიძე და მე, ნიკა მაჭუტაძე, რომლებიც საქართველოს პარლამენტში არჩეული ვართ მოძრაობა სახელმწიფო ხალხისთვის პარტიული სიით, ვაცხადებთ, რომ ვტოვებთ ფრაქციას სახელწოდებით, ფრაქცია „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშია“. აქვე ვადასტურებთ, რომ ჩვენ დღევანდელ გადაწყვეტილებას სრულად ვიზიარებთ და მიუხედავად იმისა, რომ ადამიანები დამალვაზე საუბრობდნენ, რასაკვირველია უარვყოფთ და ვაცხადებთ, რომ ჩვენ არსად ვიმალებით. ზოგიერთი ტელევიზიის მხრიდან საუბარი იყო გარიგებაზე. ეს არის უსინდისო ტყუილი. როსტომ ჩხეიძე, ნატო ჩხეიძე და ნიკა მაჭუტაძე არავის გარიგებია. „ქართულ ოცნებასთან“ კომუნიკაცია არ გვქონია. „ქართულ ოცნებასთან“ არ გვქონია შეხვედრა. „ქართულ ოცნებასთან“ არ გვქონია სატელეფონო ზარი. ჩვენ არაფერი გვაკავშირებს „კლანთან“. იმ „კლანთან“, რომელიც იუსტიციის საბჭოში ძალიან მტკიცედ არის ჩამჯდარი. ჩვენ კატეგორიულად ვემიჯნებით იმ სასამართლო „კლანს“, რომელიც ქვეყნის სასამართლო სისტემაში არსებობს“,- განაცხადა ნიკა მაჭუტაძემ. იუსტიციის უმაღლესი საბჭოს არამოსამართლე წევრობის კანდიდატთაგან ე.წ. კვალიფიციური უმრავლესობით არჩეულია 3 არამოსამართლე წევრი - ტრისტან ბენაშვილი, გიორგი გზობავა და ზურაბ გურასპაშვილი. კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93. მას შემდეგ, რაც ოპოზიციამ პლენარულ სხდომათა დარბაზი დატოვა, კენჭისყრა შეჩერდა. იპნ