tvati

ევროკავშირი წუხს საქართველოსა და რუსეთს შორის პირდაპირი ფრენების განახლების გამო, აცხადებს ევროკავშირის უმაღლესი წარმომადგენლის/ ევროკომისიის ვიცე-პრეზიდენტის ჯოზეფ ბორელის პრესსპიკერი პიტერ სტანო.

მსოფლიო ახდენს რუსეთის იზოლაციას, რათა აიძულოს იგი დაასრულოს ომი, მაგრამ საქართველო მიესალმება რუსულ ავიახაზებს და საკუთარს მოსკოვში აგზავნის , - ამის შესახებ უკრაინის საგარეო საქმეთა სამინსიტროს პრესსპიკერი ლეგ ნიკოლენკო “ტვიტერზე“ წერს. ნიკოლენკის თქმით, კრემლი შედეგით კმაყოფილია. “მსოფლიო ახდენს რუსეთის იზოლაციას, რათა აიძულოს იგი დაასრულოს ომი, მაგრამ საქართველო მიესალმება რუსულ ავიახაზებს და საკუთარს მოსკოვში აგზავნის. მაშინ, როცა რუსეთის მიერ საქართველოს ტერიტორიის 20%-ის ოკუპაცია კვლავ დაუსჯელი რჩება. კრემლი კი ასეთი შედეგით აღფრთოვანებულია”, - წერს ნიკოლენკი „ტვიტერზე“ ქართულ ენაზე. იპნ

მმართველმა უმრავლესობამ ოპოზიციის მოთხოვნა გაიზიარა და “საარჩევნო კოდექსში“ დაგეგმილი ცვლილებების პროექტის “ჩაგდების“ გადაწყვეტილება მიიღო. საუბარია საარჩევნო კანონმდებლობაში დაგეგმელ იმ ცვლილებებზე, რომლის მიხედვით, პოლიტიკური პარტიების მიერ საუბნო საარჩევნო კომისიებში დანიშნული წევრებისთვის საარჩევნო კომისიის წევრის სერტიფიკატის ქონა სავალდებულო ხდება. საპარლამენტო ოპოზიციამ აღნიშნულ ინიციატივაში მმართველი პარტიის ხრიკი და ოპოზიციური პარტიების საუბნო საარჩევნო კომისიის წევრების გარეშე დარჩენის საფრთხე დაინახა. პარლამენტის პლენარულ სხდომაზე ოპოზიციის კრიტიკული განცხადებების შემდეგ, განცხადება ფრაქცია “ქართული ოცნების“ თავმჯდომარემ მამუკა მდინარაძემ გააკეთა. მდინარაძემ, მმართველი გუნდის სახელით, საუბრო საარჩევნო კომისიის წევრების სერტიფიცირების საკითხზე პოლიტიკური ოპონენტების პოზიციის გათვალისწინების მზაობა გამოხატა. “თუ ოპოზიციის მხრიდან კონსესუსი იქნება და ყველა პოლიტიკური სუბიექტი ამაზე თანახმაა, ჩვენ შეგვიძლია, რომ სერტიფიცირებასთან დაკავშირებით პრობლემა არ შევქმნათ, თქვენს მოთხოვნას დავეთანხმოთ და საკითხი დღის წესრიგიდან ჩავხსნათ“, - მიმართა ოპოზიციას მამუკა მდინარაძემ. კანონპროექტზე მომხსენებელმა გივი მიქანაძემ კი დააზუსტა, რომ პროექტი მეორე მოსმენით კენჭისყრის დროს “ჩავარდება“. იპნ

საქართველოში ზოგიერთს ჰგონია, რომ ტერორისტებთან და მკვლელებთან ურთიერთქმედება ნორმალურია, - ასე ეხმაურება უკრაინის პრეზიდენტის ადმინისტრაციის ხელმძღვანელი ანდრეი ერმაკი Georgian Airways-ისა და რუსული ავიაკომპანია „აზიმუტის“ მიერ რუსეთსა და საქართველოს შორის პირდაპირი ფრენების დაწყებას. „ისტორიას ყოველთვის ახსოვს ისინი, ვინც გენოციდს, ნაციზმსა და მის ავტორებს თითქოს ვერ ამჩნევენ და ეს ისტორიული მეხსიერება არა მგონია ვინმეს მოსწონდეს… ქართველი ხალხი ყოველთვის იჩენს სოლიდარობას უკრაინის მიმართ. ერთი მტერი გვყავს, რომელიც 90-იანი წლებიდან, შემდეგ კი 2008 წელს კლავდა ქართველებს, ხოლო 2014 წლიდან უკრაინელებს კლავს. ჩვენი ერებისთვის ეს ეგზისტენციალური მტერია. მაგრამ ზოგიერთები, როგორც ჩანს, ცდილობენ არ შეიმჩნიონ კიევის სარაკეტო დაბომბვები, განადგურებული მარიინკა, ბუჩაში, ირპინში, იზიუმში მოკლულები, გატაცებული ბავშვები… ზოგიერთს, როგორც ჩანს, გორის ტრაგედია დაავიწყდა. შესაძლოა ვიღაცას ჰგონია, რომ ეს მათ არ ეხება და ტერორისტებთან და მკვლელებთან ურთიერთქმედება ნორმალურია. ცრუ პოზიციაა, ისტორია ყველაფერს საკუთარ ადგილზე დააყენებს“, - წერს ერმაკი. იპნ

,,უნდა გვესმოდეს, რომ ჩვენ დღეს ორი მნიშვნელოვანი მიზანი გვაქვს, ერთი - ქვეყნის შიდა რეფორმები უკეთესი ქვეყნისთვის და მეორე - კანდიდატის სტატუსის წარმატებით მიღება ევროკავშირის წევრობისთვის. მიუხედავად იმისა, რომ ცენტრალური საარჩევნო კომისიის მიმართ ნდობა ძალიან დაბალი იყო და არის, „ოცნების ხელისუფლება“ კიდევ უფრო ურტყამს და ამცირებს ნდობას ამ ორგანოს მიმართ. ამას „ოცნება“ აკეთებს იმით, რომ როგორც ცესკოს თავმჯდომარის, ასევე წევრების არჩევის წესი იცვლება არსებითად და ამ კანდიდატურაზე პირების არჩევას ნაცვლად 100 პარლამენტის წევრის ხმისა დასჭირდება 76 ხმა. ცესკოს დამოუკიდებლობის და მიუკერძოებლობის გარანტიებს ამცირებს ძალაუფლების დანაწილების პრინციპის ფაქტობრივი გაუქმება. მოგეხსენებათ, რომ ამ ცვლილებამდე ცესკოს თავმჯდომარისა და წევრების კანდიდატურის პარლამენტში წარდგენის უფლება ეკუთვნოდა საქართველოს პრეზიდენტს, ამისი შინაარსი მდგომარეობდა იმაში, რომ ძალაუფლების დანაწილების პრინციპს სათანადოდ ემუშავა. ამის ნაცვლად, ჩვენ რამდენიმე დღეში, ან კვირაში მივიღებთ მოცემულობას, როდესაც ცესკოს თავმჯდომარისა და წევრების კანდიდატურებს შეარჩევს/წარადგენს არა საქართველოს პრეზიდენტი, არამედ - საქართველოს პარლამენტის თავმჯდომარე” - განაცხადა მიხეილ დაუშვილმა. მისი თქმით, საარჩევნო კოდექსში გათვალისწინებული ცვლილებები კიდევ მეტად ამცირებს სასამართლოს დამოუკიდებლობას და მიუკერძოებლობას და ქმნის რეალობას, როდესაც ხელისუფლება სრულად შეძლებს ცენტრალური საარჩევნო კომისიის გაკონტროლებას. “ამით ფაქტობრივად ხდება ის, რომ ცესკოს თავმჯდომარისა და წევრების დაკომპლექტება სრულად გადადის „ოცნების“ ხელში. აქამდე არსებული სისტემის ხიბლი იმაში მდგომარეობდა, რომ პოლიტიკური კონსესუსისა და მაღალი ლეგიტიმაციის გარეშე ვერ მოხდებოდა ზემოაღნიშნული თანამდებობის პირების არჩევ რაც, საბოლოო ჯამში, მიგვიყვანდა იქამდე, რომ მოგვიწევდა კონსესუსი და მოგვიწევდა მიუკერძოებელი, დამოუკიდებელი კანდიდატურების შერჩევა. ახლა კი ვიღებთ, ისეთ რეალობას, როდესაც „ოცნება“ სრულად გააკონტროლებს ცესკოს, რაც იმისთვის სჭირდება, რომ 2024-2025 წლების არჩევნები მიითვისოს. როდესაც თქვენ „ოცნებას“ ეს ცვლილებები შემოგაქვთ, პირდაპირ გვეუბნებით, რომ პატიოსნად ჩატარებულ არჩევნებში თქვენ არავითარი შანსი გაგაჩნიათ და აპირებთ არაპატიოსანი არჩევნების ჩატარებას. ამიტომ გჭირდებათ, რომ ცესკო სრულად მიითვისოთ. ამით თქვენ აზიანებთ სახელმწიფო ინტერესებს, ამით თქვენ ხელს უშლით და რისკს უქმნით ქვეყნის ევროინტეგრაციას, რადგან ზუსტად უნდა იცოდეთ, შეუძლებელია ამ პრინციპების და სტანდარტების შემოღებით თორმეტი პუნქტის შესრულება, კანდიდატის სტატუსის მიღება არ დადგეს დიდი კითხვის ნიშნის ქვეშ. ეს არის სამწუხარო რეალობა. თქვენ ზუსტად უნდა იცოდეთ, რომ არც ჩვენ და არც ჩვენი ქვეყნის მოქალაქეები უფლებას არ მოგცემთ, რომ არჩევნები მიითვისოთ” - ამის შესახებ პარტია „საქართველოსთვის“ წევრმა, მიხეილ დაუშვილმა პარლამენტის პლენარულ სხდომაზე განაცხადა.

პარტია საქართველოსთვის ყველა ამ ქმედებას აფასებს, როგორც ანტიქართულს, ანტიეროვნულს და მკაფიოდ აფიქსირებს თავის პოზიციას, მოუწოდებს მმართველ გუნდს 12 პუნქტის შესრულებისკენ, სავიზო რეჟიმის შემოღებისკენ რუსეთის მოქალაქეებისადმი და რუსეთიდან შემოსული მოქალაქეების კონტროლს, ჩვენს სტრატეგიულ პარტნიორებთან შეთანხმებით რუსეთთან საგარეო პოლიტიკის გატარებას, რაც გულისხმობს საქართველოს ეროვნული ინტერესების მაქსიმალურ დაცულობას. - ალექსანდრე მოწერელია - პარტია „საქართველოსთვის" 346803840_935980307740177_2611390801031019475_n.mp4

სპეციალურმა საგამოძიებო სამსახურის ინფორმაციით, მიმდინარე წლის აპრილი-მაისის თვეში ჩატარებული საგამოძიებო და საპროცესო მოქმედებების შედეგად, საქართველოს შინაგან საქმეთა სამინისტროს 2 და თავდაცვის სამინისტროს 1 თანამშრომელი ძალადობრივ დანაშაულში ამხილეს. მათი ცნობით, დანაშაულში მხილებულია საქართველოს შინაგან საქმეთა სამინისტროს დაცვის პოლიციის დეპარტამენტის თანამშრომელი – ვ.გ., რომელმაც 2023 წლის 16 მარტს, ქალაქ თბილისში, ურთიერთშელაპარაკების ნიადაგზე წარმოშობილი კონფლიქტის დროს, მოქალაქეს სახის არეში ხელი რამდენჯერმე დაარტყა და წააქცია, რის შედეგადაც დაზარალებულმა ჯანმრთელობის ნაკლებად მძიმე ხარისხის დაზიანება მიიღო. საქართველოს პროკურატურამ, ბრალდებულს ჯანმრთელობის განზრახ ნაკლებად მძიმე დაზიანებისთვის ბრალდება წარუდგინა. დანაშაული 2-დან 4 წლამდე თავისუფლების აღკვეთას ითვალისწინებს. სპეციალურმა საგამოძიებო სამსახურის ცნობით, თითოეულ საქმეზე, გამოძიება დაზარალებული მოქალაქეების მომართვის შემდეგ მყისიერად დაიწყო. მათი ცნობით, გამოძიების მიერ მოპოვებულ იქნა ძალადობრივ დანაშაულებში მონაწილე სამართალდამცავების მამხილებელი მტკიცებულებები, რაც მათ მიმართ სისხლისსამართლებრივი დევნის დაწყებას დაედო საფუძვლად. სპეციალური საგამოძიებო სამსახურის მიერ გავრცელებული ინფორმაციის თანახმად, 1-წლიანი მუშაობის შედეგად, არასათანადო მოპყრობისა და ძალადობრივი დანაშაულისთვის სისხლისსამართლებრივი დევნა 36 სამართალდამცავის მიმართ არის დაწყებული. პუბლიკა

დღეს, 16 მაისს სამოქალაქო ავიაციის სააგენტომ Georgia Airways-ს მისცა ნებართვა, რომ რეისზე თბილისი – მოსკოვი – თბილისის მიმართულებით ფრენები განახორციელოს. სააგენტოს ცნობით, ქართული ავიაკომპანია ამ მიმართულებით რეგულარულად იფრენს. 15 მაისს, შესწავლის შემდეგ საქართველოს სამოქალაქო ავიაციის სააგენტომ რუსული ავიაკომპანია „აზიმუტს“ ქვეყანაში ფრენის ნებართვა მისცა. „აზიმუტს“, რომელიც 17 მაისიდან თბილისში იფრენს, საქართველოს ოკუპირებული რეგიონები დამოუკიდებელ სახელმწიფოებად ჰქონდა მითითებული. საიტზე booking.azimuth.aero მომხმარებელს შეეძლო ქვეყნის გრაფაში აფხაზეთი ან სამხრეთ ოსეთი მიეთითებინა – გუშინ, 15 მაისს, ამ ამბის გავრცელებიდან რამდენიმე საათში, საქართველოს ოკუპირებული ტერიტორიები აფხაზეთი და სამხრეთ ოსეთი, როგორც დამოუკიდებელი სახელმწიფოები კომპანიის საიტზე აღარ იძებნებოდა. რუსული ავიაკომპანია Azimuth Airlines 2022 წლის 19 ოქტომბრიდან უკრაინის მიერ სანქცირებული კომპანიების სიაშია. ავიაკომპანია 17 მაისიდან რეისს მოსკოვი – თბილისი – მოსკოვი კვირაში შვიდჯერ შეასრულებს. უკრაინის საგარეო უწყების მხარდაჭერის მქონე პორტალზე სანქცირების მიზეზი ასეა განმარტებული: თბილისში ფრენების ნებართვის გაცემას წინ უძღოდა რუსეთის პრეზიდენტის, ვლადიმერ პუტინის გადაწყვეტილება საქართველოს მოქალაქეებისთვის სავიზო რეჟიმის გაუქმებისა და პირდაპირი ფრენების აღდგენის შესახებ. პუტინის ეს გადაწყვეტილება მოიწონეს საქართველოს მთავრობაში, ხოლო პრეზიდენტმა სალომე ზურაბიშვილმა ხელისუფლებას მოუწოდა, განიხილოს რუსეთის მოქალაქეებისთვის სავიზო რეჟიმის დაწესების საკითხი. პუბლიკა

ზღაპრის ბოლო კეთილია კი არა, ზოგჯერ მაგაზე მაგარია. ნამდვილად არ ვიცი, როგორი დასასრული აქვს კ(ყ)ატარულ ზღაპრებს, მაგრამ ჩვენი წლევანდელი მსოფლიო დონის „ზღაპარი“ ასე ფანტასტიკურად რომ დასრულდა, ახლა ამაზე მხოლოდ ეროვნულ დონეზე კი არა, მთელ მსოფლიოში ლაპარაკობენ, წერენ და უჩვენებენ. დოჰა 2023 სამუდამოდ დარჩება ქართული და მსოფლიო ძიუდოს ისტორიაში. ქართველი ჯუდოკებისა და შერეული გუნდის არაჩვეულებრივ გამოსვლას რამდენიმე დღის განმავლობაში თვალს სუნთქვაშეკრულები ვადევნებდით. გუნდური ასპარეზობის დროს რასაც განვიცდიდი, ასეთი კარგა ხანია არაფერი დამმართია. პირველად ისტორიაში, ჩვენმა შერეულმა ნაკრებმა ბრინჯაოს მედალი მოიგო და ამით, პარიზის 2024 წლის ოლიმპიური თამაშების ლიცენზია გაინაღდა. ამ ამბავში, ყველაზე მეტად ის მახარებს, რომ ამასობაში, ქართველი გოგონები ტატამზე ანგარიშგასაწევ ძალად იქცნენ. ქართველი გულშემატკივრისთვის ნამდვილი აღმოჩენაა 19 წლის ეთერ ასკილაშვილი – თამამი, უშიშარი, თავდადებული, ძალიან ნიჭიერი და ჯერ ძალიან გამოუცდელი. სწორედ, მისმა მოგებულმა ორთაბრძოლამ მოუტანა ჩვენს გუნდს მერვედფინალის საგზური. გუნდზე და გუნდურობაზე ქვემოთ ცალკე ვისაუბრებთ. ახლა, მივყვეთ ფაქტებს, ისტორიულ ფაქტებს, რომლებიც დოჰას მსოფლიო ჩემპიონატზე დაფიქსირდა: დამოუკიდებელი საქართველოს ისტორიაში საქართველომ მსოფლიოს ჩემპიონატზე ორი ოქრო პირველად მოიპოვა – ტატო გრიგალაშვილი და ლუკა მაისურაძე; დამოუკიდებელი საქართველოს ისტორიაში ტატო გრიგალაშვილი გახდა პირველი ჯუდოკა, ვინც ორგზის მსოფლიოს ჩემპიონია; ისტორიაში პირველად – ქართული ფინალი მსოფლიოს ჩემპიონატზე – ლუკა მაისურაძე Vs ლაშა ბექაური (-90 კგ); ისტორიაში პირველად – პირველი ადგილი ვაჟთა საერთო ჩათვლაში (2 ოქრო, 1 ვერცხლი, 1 ბრინჯაო) ისტორიაში პირველად – ბრინჯაოს მედალი შერეულ გუნდურ ასპარეზობაში და 2024 წლის ოლიმპიური თამაშების ლიცენზია; 2020 წლის ოლიმპიური თამაშების შემდეგ, პირველივე ტურნირზე რადიკალურად შეცვლილი ტატო გრიგალაშვილი ვნახეთ. ტოკიოში განცდილი მარცხის შემდეგ, გრიგალაშვილმა საოცარი გარდატეხა მოახდინა საკუთარ თავში და მერე მსოფლიოს ყველა იმ ტატამზე, სადაც გავიდა. გავიდა და ბოლო წლებია, ქვას ქვაზე არ ტოვებს. სტაბილურობისა და თავდაჯერებულობის სიმბოლო, 23 წლის ორგზის მსოფლიოსა და ევროპის ჩემპიონი. დოჰაში ტატომ ტიტული ისე დაიცვა, ერთი კითხვის ნიშანიც არ გაჩენილა. ქართველი ჯუდოკა -81 კგ წონითი კატეგორიის ყველა სპორტსმენზე ერთი თავით მაღლა იდგა. ½ ფინალამდე ტატო მშვიდად მივიდა. თავის სტილში, დინჯად და დაკვირვებულად, ერთმანეთის მიყოლებით დაამარცხა აშრაფ მოუტი (მაროკო, იპონი), შოდმონ რიზოევი (ტაჯიკეთი, ვაზარი), ვაჰიდ ბორჩაშვილი (ავსტრია, ვაზარი). პირადად ჩემთვის, გამორჩეული იყო ნახევარფინალური ბრძოლა კორეელი ჯონჰვან ლის წინააღმდეგ, რომელიც ტატომ 35 წამში (!), ორი ვაზარით მოიგო. ფინალში კი, ბოლო წლების „ელ კლასიკო“ ვიხილეთ – გრიგალაშვილი მატეას კასეს (ბელგია) წინააღმდეგ. 2021 წლის მსოფლიოს ჩემპიონატის ფინალი კასემ მოიგო. ბოლო ორი წელია კი, ბელგიელი სახლში ვერცხლის მედლით ბრუნდება. დაღვინებულ ტატოს მშვიდი და დაკვირვებული ჭიდაობა ახასიათებს. არ ჩქარობს, ხელსაყრელ მომენტს მოთმინებით ელოდება. ერთი სიამოვნებაა მისი ულამაზესი, დომინანტური სტილით ტკბობა. იმდენად დაიხვეწა და იმდენად მრავალმხრივი გახდა, ვერც ივარაუდებ, რა ილეთს გააკეთებს, სიურპრიზს საიდან შემოგთავაზებს. ისეთი თავდაჯერებულია და ისეთ ნდობას გიჩენს, რომ შენც აღარ ნერვიულობ. ტატომ ტიტული ფინალური ორთაბრძოლის დამთავრებამდე 50 წამით ადრე, ეფექტური ვაზარით დაიცვა. აქ მეფე ერთია – ეს ტატოს ტიტულია! ამავე დღეს, -63 კგ წონითი კატეგორიის ფრანგი დედოფლის, კლარის აგბენენუს დიდი დაბრუნება ვნახეთ. კლარისი შარშან დედა გახდა და ლოგიკურად, ბევრი ტურნირი გამოტოვა. მათ შორის, შარშანდელი მსოფლიოს ჩემპიონატი, სადაც იაპონელებმა დრო იხელთეს და მის არყოფნაში „გაგულავდნენ“. დოჰაში აგბენენუ გამოჩნდა და ყველაფერი თავის ადგილზე დადგა – კლარისმა მსოფლიოს ჩემპიონობა მეექვსედ იზეიმა. დედოფალი დაბრუნდა, გაუმარჯოს დედოფალს! ტატო გრიგალაშვილის ტრიუმფიდან ერთი დღეც არ გასულიყო, რომ ლაშა ბექაურმა და ლუკა მაისურაძემ ახალ ემოციურ შოკში ჩაგვაგდეს. ვყურებდი ფინალს, სადაც ერთმანეთის პირისპირ ორი ქართველი ჯუდოკა იდგა და ყველა წამი ისტორიული იყო. რაზე უნდა გვენერვიულა? ოქროც ჩვენი იყო და ვერცხლიც. -90 კგ წონით კატეგორიაში მოქმედი ოლიმპიური ჩემპიონიც ჩვენია და მოქმედი მსოფლიოს ჩემპიონიც. მაისურაძემ და ბექაურმა წინასწარი შეხვედრები საოცრად ეფექტურად გაიარეს. ერთ რამედ ღირდა მათი ორთაბრძოლების ცქერა. ბექაური თავის სტილში – მოქნილი და დამაბნეველი მოძრაობებით, ელვისებური „გადავლებებით“, ყველა ორთაბრძოლის შემდეგ რომ ელოდები, შოუ როდის გაგრძელდება. აი, ისეთი შოუ, ნახევარფინალში იაპონელ სანშირო მურაოსთან რომ დადგა. მაისურაძე მკვლელი ინსტინქტებით, ერთმანეთზე უკეთესი გდებებით, დინჯად, ჭკვიანურად და დაკვირვებულად, თითქმის გაუვალი დაცვითი სტრატეგიებით; დაუნდობელი დომინაციით, აი, მიხაელ ზგანკს რაც დამართა 1/8 ფინალში. ფინალშიც მაგრად იმუშავა „ლუკას დაცვამ“, საოცრად იდგა და წამის იმ მეასედში ის საოცარი ილეთიც უმაღლეს დონეზე შეასრულა, რამაც მსოფლიოს ჩემპიონის ოქროს მედალი მოუტანა. კიდევ ერთი ახალი მსოფლიოს ჩემპიონი დამოუკიდებელი საქართველოს ისტორიაში. ფაქტი ერთია, 2024 წლის ოლიმპიადისთვის თამასა ძალიან ზემოთაა აწეული და ამ წონაში ქართველების დომინაციასაც წყალი არ გაუვა; ისევე, როგორც აწი „ნაპოლის“ ჩემპიონობას. ის, რაც გურამ თუშიშვილმა გუნდურ ასპარეზობაში „ჩაატარა“ (მაპატიეთ, სხვა სიტყვას ვერ გამოვიყენებ), გულს უფრო გვწყვეტს, რომ ასეთ ფორმაში მყოფი მძიმეწონოსანი ინდივიდუალურ ჩათვლაში უმედლოდ დარჩა. ინდივიდუალური ასპარეზობის ბოლო 2 დღე უმედლოდ დავასრულეთ. -100 კგ წონით კატეგორიაში ტურნირს 1/8 ფინალიდან დაემშვიდობა ვარლამ ლიპარტელიანი. ძალიან ნიჭიერი ილია სულამანიძე კი, ¼ ფინალში რუს არმან ადამიანთან დამარცხდა, რომელიც მოგვიანებით მსოფლიოს ჩემპიონი გახდა. თუმცა, ამ ფაქტზე ამ სასიამოვნო სტატიაში არ ვისაუბრებთ. ილიას ბრინჯაოს შანსიც ჰქონდა, მაგრამ იქ აზერბაიჯანელმა ზელიმ კოცოევმა აჯობა და მხოლოდ მე-5 ადგილს დასჯერდა. ინდივიდუალური შეჯიბრის დასკვნით დღეს, ერთი ორთაბრძოლა მოიგო სოფო სომხიშვილმა (+78 კგ) და შემდეგ, 1/8 ფინალში თურქ, გამოცდილ მოწინააღმდეგესთან გაფრთხილებებით დამარცხდა. როგორც ზემოთ ვთქვით, უმედლოდ დარჩა გურამ თუშიშვილი (+100 კგ), რომელიც აშკარად კარგ ფორმაში ჩანდა და იაპონელ ამომავალ ვარსკვლავთან, ტაცურო საიტოსთან დაშვებული ერთი საბედისწერო შეცდომის გამო, შეჯიბრებას გამოეთიშა. მძიმე წონის მეფის გვირგვინი კი, უკვე მეთერთმეტედ (!) ლეგენდარულმა ტედი რინერმა დაიდგა. თუმცა, გურამმა საოცრად იასპარეზა გუნდურ შეჯიბრში. თუშა ნაკრების შემადგენლობაში 1/8 ფინალიდან გამოჩნდა და მიყოლებით 4 შეხვედრა მოიგო. საყურადღებოა, რომ საიტოსთან რევანში მან ¼ ფინალში, საოცარი იპონით აიღო, მაგრამ „გოძილებმა“ გვაჯობეს და ფინალისკენ გზა მათ გააგრძელეს. ჩვენ კი, რეპეშაჟში ჯერ უზბეკეთის ნაკრებს ვძლიეთ; ბრინჯაოს ფინალში კი, გერმანიას 4:2 მოვუგეთ. გადამწყვეტი ბრძოლა ეთერ ლიპარტელიანს მოუწია და ეს ჩვენთვის ახალი სიხარული, სწორედ, მისი მოგების შემდეგ გამოვცადეთ. ლიპომ გუნდისთვის 2 ორთაბრძოლა მოიგო; ასევე 2 მოგებაა სოფო სომხიშვილის ანგარიშზე. ერთი გამარჯვებით კი, გუნდს მონღოლეთის ნაკრებთან ეთერ ასკილაშვილი შეეწია. ბრწყინვალე იყო -90 კგ წონის ქართული ვარსკვლავური დუეტი – ბექაური და მაისურაძე. ლაშამ ორი შეხვედრა მოიგო; ლუკამ კი, რომელსაც 1/8 ფინალში რთული მისია ხვდა წილად და ზედიზედ ორი დაპირისპირება მოუწია, ამოცანას თავი მშვენივრად გაართვა და საერთო ჯამში, გუნდს 3 მოგება მოუტანა. სულ სხვანაირად მოტივირებული ლაშა შავდათუაშვილი ვნახეთ გუნდურ შეჯიბრში და სწორედ ესაა ამ ფორმატის სპეციფიკა – ტატამზე თუ მის გარეთ, მუდმივ ბრძოლაში ხარ ჩაბმული, წამით ვერ დუნდები და სხვისი ბრძოლაც შენი ბრძოლაა. თქვენი არ ვიცი და მე უკვე მოუთმენლად ველოდები ამ გუნდს სხვა დიდ ტურნირებზე, უფრო შეკრულს, უფრო გამოცდილს და გაცილებით დიდი მიზნებისთვის მებრძოლს. მატტე! ეკა ელოშვილი პუბლიკა

სჯობს, ყველა დაელოდოს პროკურატურის დასკვნას ე.წ. ქოლცენტრების საქმეზე და შემდეგ იმსჯელონ სხვა ტიპის საგამოძიებო კომისიებთან დაკავშირებით, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა. მისივე თქმით, არსებობს საერთაშორისო სტანდარტი, რომლის მიხედვით, მიმდინარე გამოძიების პარალელურად პარლამენტში საგამოძიებო კომისიები არ იქმნება, რადგან გამოძიებას ახასიათებს კონფიდენციალურობის მნიშვნელობა და არის რისკი, ინფორმაცია გარეთ გავიდეს. „მე ვიცი, ვაშაძესთან დაკავშირებით რა ხდება. იყო დამთხვევა, რომ მაინცდამაინც მისი ძმის ფართი იქირავა მაინცდამაინც არახამიას ძმამ იმისთვის, რომ სავარაუდო ქოლცენტრი მოეწყო იმ კონკრეტულ შენობაში. ამაზე ვიმსჯელოთ პირველ რიგში. გვახსოვს ვაშაძის ე.წ. სკანდალური გაცხადებები. ის ცდილობს, უბრალოდ გადაფაროს თავისი სკანდალი და ეს იქნება მორიგი უსუსური მცდელობა, რომ გადაიფაროს მისი სკანდალი. მიზანი შეიძლება, იყოს სხვადასხვა, მათ შორის ის, რომ გამოძიების თაობაზე ის ინფორმაცია გახდეს მათვის ხელმისაწვდომი, რომელიც, წესით, არ უნდა გახდეს გამოძიების ინტერესებიდან გამომდინარე. ზოგადად, საერთაშორისო სტანდარტია, რომ პარლამენტში საგამოძიებო კომისიები არ იქმნება მიმდინარე გამოძიებასთან ერთად. რატომ? რადგან გამოძიებას ახასიათებს კონფიდენციალურობის მნიშვნელობა და ასეთ დროს, გამოძიების პარალელურად როცა იქმნება საპარლამენტო საგამოძიებო კომისია, არის იმის რისკი, რომ ეს კონფიდენციალური ინფორმაცია გავიდეს გარეთ, ასეთ დროს პრობლემა ექმნება გამოძიებას. რა თქმა უნდა, მათ ინტერესებშია, რომ პროკურატურაში მიმდინარე გამოძიებას შეექმნას პრობლემები. შეგახსენებთ, ეს გამოძიება წარმოებს როგორც ქართული პროკურორების, ასევე გერმანელი პროკურორების ერთობლივი ჩართულობით. პირველ რიგში, სჯობს, ყველა დაელოდოს პროკურატურის მიერ დადებულ დასკვნას და შემდეგ იმსჯელონ სხვა ტიპის საგამოძიებო კომისიებთან დაკავშირებით. ასევე, თქვენ მოისმინეთ გახარიას პარტიის წარმომადგენლებისგან სპეკულაციები, თითქოს ხელისუფლების ცოდნის გარეშე ასეთი დანაშაული ვერ იქნებოდა ჩადენილი. მინდა, შეგახსენოთ, როგორც გამოძიებიდან ირკვევა, როდესაც დაიწყო კეზერაშვილმა ეს საგმირო საქმე საქართველოში, მაშინ შსს მინისტრი იყო გახარია, შემდეგ – პრემიერ-მინისტრიც. გამოდის, რომ გახარიას სცოდნია ამ დანაშაულის თაობაზე და სწორედ მის თვალწინ ხდებოდა ამ დანაშაულის ჩადენა კეზერაშვილის მიერ. ასეთ აბსურდში არიან შესული და აქ როგორ შეიძლება, რამეში გაჰყვე რადიკალურ ოპოზიციას, ჩემთვის გაუგებარია“, – განაცხადა ირაკლი კობახიძემ. ავტორი - თეო ბარბაქაძე

უკრაინის პრეზიდენტის, ვოლოდიმირ ზელენსკის თქმით, ევროპული ქვეყნებიდან უკრაინისთვის სამხედრო დახმარების ახალი პაკეტებით და მშვიდობის ფორმულის გაზრდილი მხარდაჭერით ბრუნდება, – ამის შესახებ ვოლოდიმირ ზელენსკიმ თავის ყოველდღიურ ვიდეომიმართვაში განაცხადა. უკრაინის ლიდერი ბოლო დღეების განმავლობაში იტალიაში, საფრანგეთში, გერმანიასა და დიდ ბრიტანეთში იმყოფებოდა ვიზიტით. „სამი ხანგრძლივი დღე და ჩვენი მეომრები, ჩვენი სახელმწიფო უფრო ძლიერი ხდება. დარწმუნებული ვარ, მნიშვნელოვნად უფრო ძლიერი. ვბრუნდებით სახლში ახალი თავდაცვითი პაკეტებით: უფრო მეტად ახალი და უფრო ძლიერი იარაღი ფრონტისთვის, უფრო მეტი დაცვა ჩვენი ხალხისთვის. უფრო მეტი პოლიტიკური მხარდაჭერა“, – განაცხადა უკრაინის პრეზიდენტმა. ვოლოდიმირ ზელენსკის თქმით, შეხვედრებზე მოხდა პოზიციების კოორდინაცია „დიდი შვიდეულისა“ და ნატო-ს სამიტის წინ, ასევე განხილული იყო უკრაინის ევროპული და ევროატლანტიკური ინტეგრაცია. „ყველა შეხვედრაზე განიხილებოდა ჩვენი მშვიდობის ფორმულა და ახლა არის პარტნიორების უფრო მეტი მზადყოფნა, გაჰყვნენ უკრაინულ ფორმულას. არის უფრო მეტი მხარდაჭერა ევროკავშირში ჩვენი გაწევრიანების მიმართ, უფრო მეტი გაგება, რომ ნატო-ში უკრაინის გაწევრიანება მოხდება. ეს გარდაუვალია“, – განაცხადა ზელენსკიმ. უკრაინის პრეზიდენტმა მადლობა გადაუხადა იტალიის, გერმანიის, საფრანგეთისა და დიდი ბრიტანეთის ლიდერებს სამხედრო მხარდაჭერისთვის. ავტორი - ქეთი ჩოხელი

რვა არასამთავრობო ორგანიზაციამ 12 რეკომენდაციის შესრულებასთან დაკავშირებით შეფასების ერთობლივი დოკუმენტი, სტატუსმეტრი მოამზადა. დოკუმენტი საქართველოს ხელისუფლების მიერ 2023 წლის 15 იანვრიდან 30 აპრილამდე პერიოდში მიღწეულ პროგრესს, არსებულ მდგომარეობასა და სამომავლოდ განსაზღვრულ ნაბიჯებს ასახავს. პრეზენტაციას სამოქალაქო საზოგადოების ორგანიზაციების, პოლიტიკური ჯგუფების, დიპლომატიური კორპუსის წარმომადგენლები და სხვა დაინტერესებული მხარეები ესწრებოდნენ. არასამთავრობო ორგანიზაციების შეფასებით, მოცემულ ეტაპზე სრულად არის შესრულებული ერთი პირობა, დიდწილად შესრულებულია ორი პირობა, ნაწილობრივ შესრულებულია ოთხი პირობა და შესასრულებელია ევროკავშირის ხუთი პირობა. შეფასების დოკუმენტის თანახმად, შესრულებული რეკომენდაციებია: ორგანიზებული დანაშაულის წინააღმდეგ ბრძოლა, გენდერული თანასწორობა და ქალთა მიმართ ძალადობა; შეუსრულებელია ხუთი რეკომენდაცია: დეპოლარიზაცია, დამოუკიდებელი სასამართლო, დეოლიგარქიზაცია, მედია, სამოქალაქო საზოგადოების ჩართულობა. არასამთავრობო ორგანიზაციების წარმომადგენლების თქმით, პირობების შესრულების კუთხით, 2023 წლის 31 მარტიდან 30 აპრილამდე საგრძნობი პროგრესი არ შეიმჩნევა. დოკუმენტი მოიცავს შემდეგი ორგანიზაციების შეფასებებს: „ღია საზოგადოების ფონდი“, „დემოკრატიის კვლევის ინსტიტუტი“, „სასამართლოს გუშაგი“, „საქართველოს დემოკრატიული ინიციატივა“, „საქართველოს სტრატეგიისა და საერთაშორისო ურთიერთობების კვლევის ფონდი“, „მმართველობის მონიტორინგის ცენტრი“, „საქართველოს რეფორმების ასოციაცია“, „პარტნიორობა ადამიანის უფლებებისთვის“, „საფარი“. ავტორი - თეო ბარბაქაძე

პარტია „ქართული ოცნების“ თავმჯდომარეს, ირაკლი კობახიძეს დღეს ჟურნალისტებმა რუსული ავიაკომპანია „აზიმუტის“ შესახებ დაუსვეს შეკითხვები, მათ შორის, იმის შესახებაც, რომ კომპანიის ვებგვერდზე საქართველოს ოკუპირებული ტერიტორიები დამოუკიდებელ სახელმწიფოებად იყო მითითებული. რამდენიმე საათის წინ კი კომპანიამ ქვეყნების გრაფიდან აფხაზეთი და სამხრეთ ოსეთი წაშალა. ოცნების თავმჯდომარე მხოლოდ „რადიკალურ ოპოზიციას“ მიაწერს რუსეთთან პირდაპირი ფრენების კრიტიკას და კვლავ იხსენებს, რომ „ნაციონალურმა მოძრაობამ“ 2008 წლის ომის შემდეგ რუსეთის მოქალაქეებისთვის უვიზო რეჟიმი შემოიღეს. მისივე თქმით, „ეს პოლიტიკური ძალა, რომელიც ცდილობს, რომ ისპეკულიროს ფრენების აღდგენის თემით, ეს ნიშნავს, რომ ისინი არიან სპეკულიანტები და სახელმწიფოს მტრები“. რუსულ ავიაკომპანია „აზიმუტს“, რომელიც 17 მაისიდან თბილისში იფრენს, საქართველოს ოკუპირებული რეგიონები დამოუკიდებელ სახელმწიფოებად ჰქონდა მითითებული. საიტზე booking.azimuth.aero მომხმარებელს შეეძლო ქვეყნის გრაფაში აფხაზეთი ან სამხრეთ ოსეთი მიეთითებინა – გუშინ, 15 მაისს, ამ ამბის გავრცელებიდან რამდენიმე საათში, საქართველოს ოკუპირებული ტერიტორიები აფხაზეთი და სამხრეთ ოსეთი, როგორც დამოუკიდებელი სახელმწიფოები კომპანიის საიტზე აღარ იძებნებოდა. ცნობისთვის, 15 მაისს, შესწავლის შემდეგ საქართველოს სამოქალაქო ავიაციის სააგენტომ „აზიმუტს“ ქვეყანაში ფრენის ნებართვა მისცა. რუსული ავიაკომპანია Azimuth Airlines 2022 წლის 19 ოქტომბრიდან უკრაინის მიერ სანქცირებული კომპანიების სიაშია. ავიაკომპანია 17 მაისიდან რეისს მოსკოვი – თბილისი – მოსკოვი კვირაში შვიდჯერ შეასრულებს. უკრაინის საგარეო უწყების მხარდაჭერის მქონე პორტალზე სანქცირების მიზეზი ასეა განმარტებული: თბილისში ფრენების ნებართვის გაცემას წინ უძღოდა რუსეთის პრეზიდენტის, ვლადიმერ პუტინის გადაწყვეტილება საქართველოს მოქალაქეებისთვის სავიზო რეჟიმის გაუქმებისა და პირდაპირი ფრენების აღდგენის შესახებ. პუტინის ეს გადაწყვეტილება მოიწონეს საქართველოს მთავრობაში, ხოლო პრეზიდენტმა სალომე ზურაბიშვილმა ხელისუფლებას მოუწოდა, განიხილოს რუსეთის მოქალაქეებისთვის სავიზო რეჟიმის დაწესების საკითხი. პუბლიკა

რუსეთის ტუროპერატორების ასოციაციის ვიცე-პრეზიდენტი არ გამორიცხავს, რომ საქართველოში ავიამიმოსვლის პარალელურად, ავტობუსის ტურები განახლდება. ასოციაციის ვიცე-პრეზიდენტის, არტურ მურადიანის განცხადებით, წელიწადში 1 მილიონი ტურისტი რეალური ციფრი გახდება რუსეთსა და საქართველოს შორის საკმარისი ავიარეისებისა და ტურიზმის სატრანზიტო მიმართულებების განვითარების შემთხვევაში. “საპაკეტო წინადადებები, ქართულ კომპანიებთან საკონტრაქტო ურთიერთობების განახლება, -ეს ყოველივე უახლოეს დროში, რუსეთსა და საქართველოს შორის, ტურიზმის სფეროში თანამშრომლობის საფუძველი გახდება, რაც ფასების დასტაბილურებისა და ქვეყნებს შორის ტურისტული ნაკადების მოცულობების გაზრდის საშუალებას მოგვცემს”, – ამბობს ის. რუსეთის მიერ საქართველოს მოქალაქეებისთვის სავიზო რეჟიმის გაუქმების პარალელურად, მოსკოვში მიიღეს გადაწყვეტილება, აღდგეს პირდაპირი ფრენები რუსეთსა და საქართველოს შორის, რომელიც 2019 წელს გაუქმდა. „აზიმუტი“ გახდა პირველი რუსული კომპანია, რომელსაც საქართველოს სამოქალაქო ავიაციის სააგენტომ ფრენის ნებართვა მისცა. სამოქალაქო ავიაციის სააგენტო აცხადებს, რომ თითოეულ მომართვასთან დაკავშირებით გადაწყვეტილებას იღებს მას შემდეგ, რაც „დეტალურად იქნება შესწავლილი ავიაკომპანიების თუ მათი საჰაერო ხომალდების არსებული სტატუსი საერთაშორისო სანქციებთან თუ შეზღუდვებთან მიმართებაში და ფრენის ნებართვები ზემოთ აღნიშნული პრინციპით იქნება გაცემული“. კომპანია „აზიმუტი“ სანქცირებულია უკრაინის მიერ. ნეტგაზეთი

ადგილობრივების ცნობით, გუდამაყრის ხეობაში, მაშველებმა მდინარიდან ორი უცხოელი ტურისტის ცხედარი ამოასვენეს. პირველის ცხედარი გუშინ, მეორესი კი დღეს აღმოაჩინეს. ისინი მდინარემ გუშინ, ჯომარდობის დროს გაიტაცა. ნეტგაზეთი

რუსულმა ავიაკომპანია „აზიმუტმა“ რომელიც რუსეთსა და საქართველოს შორის პირდაპირი ფრენების დაწყებას გეგმავს, აფხაზეთი და სამხრეთ ოსეთი ვებ-გვერდზე გამოქვეყნებული ქვეყნების სიიდან ამოიღო, - ინფორმაციას „ეხოკავკაზა“ ავრცელებს. გამოცემის ცნობით, „აზიმუტის“ ვებ-გვერდზე აფხაზეთი და სამხრეთ ოსეთი ცალკეულ ქვეყნებად იყო ჩამოთვლილი. კერძოდ, მსურველებს ავიაკომპანიის ვებგვერდზე რეგისტრაციისას თვითგამოცხადებული რესპუბლიკების არჩევა შეეძლოთ. „ეხოკავკაზა“ წერს, რომ არასამთავრობო ორგანიზაცია „დემოკრატიის მცველების“ ხელმძღვანელმა, გიორგი მშვენიერაძემ საქართველოს მთავრობას მიმართა: „შემოწმებული და გაცემული გაქვთ ნებართვა კომპანიაზე, რომელიც თავის ვებგვერდზე აფხაზეთსა და სამხრეთ ოსეთს ცალკე სახელმწიფოებად ასახელებს?“ მიმართვიდან დაახლოებით, ორი საათის შემდეგ მშვენიერაძემ პოსტი გამოაქვეყნა, სადაც ნათქვამია, რომ „აზიმუტმა“ საიტზე მითითებული ქვეყნების სიიდან აფხაზეთი და სამხრეთ ოსეთი ამოიღო. გამოცემა წერს, რომ „აზიმუტმა“ მოსკოვიდან თბილისის მიმართულებით 17 მაისიდან ფრენების განხორციელების ნებართვა მიიღო. ავიაკომპანიამ უკვე დაიწყო ბილეთების გაყიდვა მოსკოვი-თბილისი-მოსკოვის რეისებზე. ბილეთის მინიმალური ფასი მოსკოვიდან 17 148 რუსული რუბლია (215 აშშ დოლარი), თბილისიდან - 20 675 რუბლი (260 აშშ დოლარი). ინტერპრესნიუსი

უკრაინის ანტიკორუფციულმა ორგანოებმა ქრთამის აღების ფაქტზე უკრაინის უზენაესი სასამართლოს თავმჯდომარე, ვსევოლოდ კნიაზევი დააკავეს,- ინფორმაციას უკრაინული მედია საკუთარ წყაროებზე დაყრდნობით ავრცელებს. მათივე ინფორმაციით, ეროვნულმა ანტიკორუფციულმა ბიურომ და სპეციალურმა ანტიკორუფციულმა პროკურატურამ უზენაესი სასამართლოს ხელმძღვანელის მიერ დაახლოებით, 2.7 მილიონი აშშ დოლარის ქრთამის აღების ფაქტი გამოავლინეს. უკრაინულ მედიასთან საუბარში წყაროები აცხადებენ, რომ ვსევოლოდ კნიაზევმა, ქრთამი აიღო პირებისგან, რომლებიც ოლიგარქ კონსტანტინ ჟევაგოს ინტერესების სასარგებლოდ მოქმედებდნენ. რაც შეეხება ოფიციალურად გავრცელებულ ინფორმაციას, უზენაეს სასამართლოში დაადასტურეს, რომ გამოაშკარავდა მასშტაბური კორუფცია, კერძოდ, უზენაესი სასამართლოს ხელმძღვანელობისა და მოსამართლეების მიერ არასათანადო სარგებლის მიღების სქემა. უწყებაში აცხადებენ, რომ დეტალებს მოგვიანებით გაავრცელებდნენ, მაგრამ მათ უკვე გაავრცელეს ფოტო, რომელზედაც დიდი რაოდენობით თანხა ჩანს. უზენაესი სასამართლოს ცნობით, კნიაზევის ირგვლივ განვითარებულ მოვლენებთან დაკავშირებით, 16 მაისს უზენაესი სასამართლოს პლენუმის რიგგარეშე სხდომა გაიმართება. ვსევოლოდ კნიაზევი, უკრაინის უზენაეს სასამართლოს 2021 წლის 1-ელი დეკემბრიდან ხელმძღვანელობს. palitranews

საფრანგეთის პრეზიდენტმა ემანუელ მაკრონმა უკრაინისთვის შორ მანძილზე მოქმედი რაკეტების გადაცემის გეგმაზე მიანიშნა, - მედიის ინფორმაციით, ამის შესახებ მაკრონმა TF1-თან ინტერვიუში განაცხადა. საფრანგეთის პრეზიდენტმა უკრაინაში გასაგზავნი იარაღის შესახებ დეტალებზე არ ისაუბრა, მაგრამ აღნიშნა, რომ მათ შორის იქნება რაკეტები, რომელთა ფრენის დიაპაზონი უკრაინას წინააღმდეგობის გაწევის საშუალებას მისცემს. ემანუელ მაკრონმა ხაზი გაუსვა, Caesar-ის თვითმავალი ჰაუბიცების, AMX-10 RC ტიპის მსუბუქი ტანკებისა და სამხედრო პერსონალის მომზადების გარდა, საფრანგეთი კიევს მიაწვდის „სხვა აღჭურვილობას, სხვა საბრძოლო მასალას, სხვა რაკეტებს, რომელიც უკრაინას წინააღმდეგობის გაწევისა და კონტრშეტევის საშუალებას მისცემს“. ამასთან, კითხვაზე, დაგეგმილია თუ არა უკრაინისთვის საბრძოლო თვითმფრინავების მიწოდება, საფრანგეთის პრეზიდენტმა უპასუხა: „არა, მე არ მისაუბრია თვითმფრინავებზე, მე ვისაუბრე რაკეტებზე და ვისაუბრე წვრთნებზე“. მანამდე, ემანუელ მაკრონმა განაცხადა, რომ პრეზიდენტ ვოლოდიმირ ზელენსკისთან შეხვედრის შემდეგ მან „კარი გაუღო" უკრაინელი პილოტებისთვის წვრთნების ჩატარებას. IPN

დღევანდელი ოცნების ყველაზე ამორალური ნაძირლობა იმაში მდგომარეობს, რომ ნაძირლობას და სახელმწიფოს ღალატს ერთად სჩადიან და შემდეგ გეუბნებიან, რომ თურმე ეს ღალატი და ნაძირლობა შენს “საკეთილდღეოდ” კეთდება (სამარცხვინო დასაქცირებულ მოსამართლეებზე ბოლომდე გადაფარების არ იყოს)…, - ამის შესახებ სოციალურ ქსელში პარტია "საქართველოსთვის" პოლიტიკური მდივანი კახაბერ ქემოკლიძე წერს. მისი თქმით, "ქართულმა ოცნებამ" АЗИМУТ-ის სახით, იმ კომპანიას აუნთო მწვანე, ვინც საქართველოს ტერიტორიულ მთლიანობას არ აღიარებს. "ქვემოთ რუსული კომპანია АЗИМУТ-ის ვებ გვერდია. ზარზეიმით გვამცნობენ, რომ თურმე ამ კომპანიამ უნდა “შეუმსუბიქოს” ქართველებს (თითქოსდა მართლა ამ ქართველებზე შესტკიოდეთ გული) ცხოვრება… ამასობაში იმ კომპანიას აუნთეს მწვანე ვინც შენს ტერიტორიულ მთლიანობას არ აღიარებს, აფხაზეთი და “სამხრეთ ოსეთი” ცალკე სახელმწიფოებად მიაჩნია და უკვე რამდენიმე წელია (როგორც ბ-ნი ივანიშვილი იტყოდა) “ნებიერად” დაფრინავს ასევე ოკუპირებულ ყირიმში… “პოლიტიმური ნაძირლობის” დეფინიცია თუ ვინმეს აინტერესებს ალბათ იდეალურად შეესაბამება ამ ყველაფერს !, - წერს კახაბერ ქემოკლიძე.

რუსული ავიაკომპანია Azimuth Airlines უკრაინაში სანქცირებული კომპანიების სიაში 2022 წლის 19 ოქტომბრიდან არის. ავიაკომპანია 17 მაისიდან რეისს მოსკოვი – თბილისი – მოსკოვი კვირაში შვიდჯერ შეასრულებს. უკრაინის საგარეო უწყების მხარდაჭერილ პორტალზე სანქცირების მიზეზი ასეა განმარტებული: „აზიმუთის“ აპლიკაციაზე უკვე იძებნება თბილისის რეისი ბილეთები. 19 მაისის რეისზე ერთი გზის ბილეთის ფასი 487 ლარიდან იწყება და 1800 ლარამდე მერყეობს. ფასი ხელბარგის წონის მიხედვით იცვლება. დღეს, 15 მაისს საქართველოს სამოქალაქო ავიაციის სააგენტომ რუსულ ავიაკომპანიას ფრენებისთვის აუცილებელი ნებართვა მისცა. ნებართვას კი წინ უძღოდა რუსეთის პრეზიდენტის, ვლადიმერ პუტინის გადაწყვეტილება საქართველოს მოქალაქეებისთვის სავიზო რეჟიმის გაუქმებისა და პირდაპირი ფრენების აღდგენის შესახებ. პუტინის ეს გადაწყვეტილება მოიწონეს საქართველოს მთავრობაში, ხოლო პრეზიდენტმა სალომე ზურაბიშვილმა ხელისუფლებას მოუწოდა, განიხილოს რუსეთის მოქალაქეებისთვის სავიჟო რეჟიმის დაწესების საკითხი. პუბლიკა

პარტია “საქართველოსთვის” რეგიონულმა მდივანმა შალვა კერესელიძემ და პოლიტ. საბჭოს წევრმა გიორგი შარაშიძემ, რეგიონული მიმართულებით პარტიის საქმიანობის გაძლიერების მიზნით შეხვედრები გამართეს. როგორც სოციალურ ქსელში პარტია "საქართველოსთვის" წერს, რაჭის, გურიისა და აჭარის რეგიონებში შემავალი მუნიციპალიტეტების საკრებულოს დეპუტატებთან და პარტიის წევრებთან შეხვედრაზე მუნიციპალიტეტებში და მაღალმთიან დასახლებებში არსებულ პრობლემებზე, გეგმებსა და გამოწვევებზე ისაუბრეს. "ხაზი გაესვა მუნიციპალიტეტებში წარმომადგენლობის გაძლიერებას, ასევე შეხვედრაზე რეგიონებში პარტიის სამომავლო სამოქმედო გეგმა განიხილეს. #საქართველოსთვის", - აცხადებენ პარტიაში.

პროფესორ ლევან ბერძენიშვილის განცხადებით, მის საცხოვრებელ სახლთან „15-დან 20-მდე მკლავძლიერი და კუნთმაგარი ახალგაზრდა იყო მობილიზებული“. როგორც ბერძენიშვილმა „ინტერპრესნიუს“ განუცხადა, საქართველოს ხელისუფლებას უწიგნური ხალხი მის წინააღმდეგ ჰყავს მომართული. „მე სახლში არ ვიყავი. ჩემს სახლთან მობილიზებული იყო 15-დან 20-მდე ახალგაზრდა. კერძოდ, მკლავძლიერი, კუნთმაგარი, ნიღბით და ღიმილით. როცა ჰკითხეს, რა უნდოდათ - გაიღიმეს, არაფერი უთქვამთ, მე მელოდებოდნენ. სანამ მე მივედი, ოჯახმა პოლიცია გამოიძახა. ასევე, როგორც კი ტელევიზიის კამერა გამოჩნდა, იმ წუთას ეს ხალხი გაქრა, აორთქლდა. საქმე ჩემს 2014 წლის ჩანაწერს ეხება, რომელიც 2023 წელს ვიღაცას არ მოეწონა. ფილოლოგიური კამათი ახლა საქართველოში ასე ირკვევა - ვისაც უფრო მაგარი კუნთი აქვს, ის არის მაგარი, ის არის სწორი და მართალი. მბრალდება, თითქოს ხევსურებს შეურაცხყოფა მივაყენე. ბოდიში, მაგრამ ყველას ფეხებზე ჰკიდია ალუდა ქეთელაური, ამ ხალხს არაფერი წაკითხული არ აქვს. ამ ხალხს აღელვებს, რომ მე ისე, როგორც სხვები ვაკრიტიკებ ბიძინა ივანიშვილს, ვუძახით იმას, რაც მას ეკუთვნის. ბოლოს და ბოლოს, მკვლელობაზე არის ხანგრძლივობა და ჩემი 20 წლის წინანდელი ნათქვამი, როგორც შეიძლება დღეს აქტუალური იყოს?! მადლობელი ვარ, რომ ასე ყურადღებით უსმენენ და არკვევენ, მაგრამ ჩემთან უწიგნური ხალხი მოვიდა. ამ ხელისუფლებას უწიგნური ხალხი ჰყავს მომართული. წიგნიერმა ლევან ბერძენიშვილმა რატომ ილაპარაკა ვაჟა-ფშაველაზეო, კუნთებზე ამის გამო არ დაიხედავდა. ლევან ბერძენიშვილი ვაჟა-ფშაველას მთელ მსოფლიოში რეფორმას უკეთებს“, - განაცხადა ბერძენიშვილმა.

საქართველოსა და რუსეთის ფედერაციას შორის ფრენების განხორცილებას ავიაკომპანია Azimuth Airlines-ი იწყებს, – ინფორმაციას ამის შესახებ სამოქალაქო ავიაციის სააგენტო ავრცელებს. მათი თქმით, ფრენები მოსკოვი – თბილისი – მოსკოვის საჰაერო ხაზზე შესრულდება მიმდინარე წლის 17 მაისიდან, კვირაში შვიდი სიხშირით. „დღეის მდგომარეობით, ავიაკომპანია Azimuth Airlines-ი არ იმყოფება ევროკავშირის შავ სიაში. საქართველოს სამოქალაქო ავიაციის სააგენტოს მიერ ფრენების განხორციელებისათვის აუცილებელი ნებართვა ავიაკომპანიაზე დღეს, მიმდინარე წლის 15 მაისს გაიცა”, – აცხადებენ სააგენტოში. publika

კომაროვის სკოლის წარმომადგენელმა, დავით კლდიაშვილმა ბალკანეთის მათემატიკის ოლიმპიადაზე ოქროს მედალი მოიპოვა. ამის შესახებ ინფორმაციას კომაროვის სკოლის ადმინისტრაცია ავრცელებს. ამავე სკოლის ცნობით, დავით კლდიაშვილი რეიტინგული სიის სათავეში დაიკავა ადგილი (მეორე ადგილი). ბალკანეთის მათემატიკის ოლიმპიადა საერთაშორისო კონკურსია, რომელშიც ევროპის სახელმწიფოები მონაწილეობენ. წელს ოლიმპიადაში 22 ქვეყნის 23 გუნდი (128 მოსწავლე) მონაწილეობდა. რაც შეეხება სხვა მონაწილეებს, კომაროველებმა ბალკანეთის მათემატიკის ოლიმპიადაში (BMO 2023), რომელიც ანტალიაში გაიმართა, 4 მედალი და 1 საპატიო სიგელი მოიპოვეს. ალექსანდრე კორკოტაშვილი, თამარ ფეიქრიშვილი და მირზა შანიძე ბრინჯაოს მედალოსნები გახდნენ. გურამ მაჭარაშვილმა საპატიო სიგელი დაიმსახურა. საქართველომ გუნდურად ოლიმპიადაში მეოთხე ადგილი დაიკავა. გუნდის ლიდერი - ლუკა მაჭარაშვილი, თანალიდერი - ლაშა ფერაძე. ოლიმპიადაზე გამგზავრებისა და მონაწილეობის ხარჯების უდიდესი ნაწილი საქართველოს განათლებისა და მეცნიერების სამინისტრომ დააფინანსა. qartli.ge

ყველას კარგად უნდა გვესმოდეს, რომ მხოლოდ და მხოლოდ ევროპაში არის შესაძლებელ, რომ საქართველომ შეინარჩუნოს თავისი იდენტობა და ეს ტყუილები, რასაც ახლა გვიყვებიან, ნუ უბრალოდ ღიმილის მომგვრელია და ჩვენი ისტორია ყოველთვის გვაჩვენებდა იმას, სად, როდის და ვისთან ერთად იყო ყველაზე უფრო დაჩაგრული ქართული ენა, ქართული ეკლესია, ქართული კულტურა, ქართული იდენტობა და სად მუშაობს კულტურული მრავალფეროვნება., - ამის შესახებ სოციალურ ქსელში ყოფილი პრემიერი და პარტია "საქართველოსთვის" თავმჯდომარე გიორგი გახარია წერს. როგორც გახარია აღნიშნავს, ჩვენ თუ გვინდა გადავარჩინოთ ჩვენი იდენტობა, ჩვენი რელიგია, ჩვენი კულტურა, ჩვენი მომავალი, ჩვენი შვილები რომ იყვნენ კონკურენტულები თანამედროვე სამყაროში, ერთადერთი გამოსავალი არის ქვეყნის ევროპული მომავლის დაცვა. "ეს ჩვენ თუ არ დავინახეთ და არ გავითვალისწინეთ, მთელი ეს ეპოქა, საქართველოს დამოუკიდებლობის შემდგომ იქნება ფუჭად დახარჯული დრო და ეს იქნება ჩვენი პასუხისმგებლობა ჩვენი შვილების წინაშე, რომლებიც ამ კითხვებს დაგვისვამენ და ყველას უნდა ესმოდეს, რომ კორუფციულ ფულზე გაცვლილი ქვეყნის დამოუკიდებლობა და სუვერენიტეტი, ეს არის ყველაზე მძიმე დანაშაული, რომელსაც დარწმუნებული ვარ, თუ არ ვიმოქმედეთ, ყველას წარგვიდგენენ. ჩვენ თუ გვინდა გადავარჩინოთ ჩვენი იდენტობა, ჩვენი რელიგია, ჩვენი კულტურა, ჩვენი მომავალი, ჩვენი შვილები რომ იყვნენ კონკურენტულები თანამედროვე სამყაროში, ერთადერთი გამოსავალი არის ქვეყნის ევროპული მომავლის დაცვა. ჩვენ თუ გვინდა რომ ჩვენი ხანდაზმულები იყვნენ დაცულები, ჩვენი ბავშვები იყვნენ ჯანმრთელები, ნორმალური ხელფასები, ნორმალური პენსიები, ნორმალური გარემო, სამართლიანობა და არა ის ცირკი, რომელსაც დღევანდელი ხელისუფლება გვთავაზობს როგორც რაღაც მიღწევებს, რა თქმა უნდა, ევროპა არის ერთადერთი გამოსავალი. უნდა გვესმოდეს ერთი რამ, ჩვენ თუ გვინდა, რომ თითოეულ ქართველს, არჩევანის უფლება არ წაგვართვან, რასაც ახლა აპირებენ, სხვათაშორის, ესეც რა თქმა უნდა, ევროპულ სივრცეშია შესაძლებელი, აბა სადმე გაგიგიათ, სამართლიანი არჩევნები რუსეთში? დღეს რასაც აკეთებს საქართველოს მთავრობა, მათ უნდათ რომ 2024 წელს ჩაგვიტარონ რუსული არჩევნები. საკითხი ისე კი არ დგას, გვაქვს თუ არა კიდევ შანსი? შანსი, რა თქმა უნდა, გვაქვს და რა თქმა უნდა ამას მივაღწევთ, ჩვენ დავიცავთ ევროპულ მომავალს, არჩევანზეც აღარაა, ჩვენ უკვე სხვა გზა აღარ გვაქვს.", - აცხადებს გიორგი გახარია.