tvati

პარიზის 2024 წლის ოლიმპიურ თამაშებზე ძიუდოისტი, ოლიმპიური ჩემპიონი ლაშა ბექაური (90კგ) ფინალშია. ნახევარფინალში ლაშა ბექაურმა ესპანეთის სახელით მოასპარეზე ტრისტან მოსახლიშვილი დაამარცხა. ფინალში ბექაური იაპონელ საშირო მურაოს დაუპირისპირდება. შეგახსენებთ, ამ დროისთვის, საქართველოს ერთი მედალი აქვს. მსოფლიოს სამგზის ჩემპიონმა, ტატო გრიგალაშვილმა საქართველოს ნაკრებს პარიზის ოლიმპიადაზე ვერცხლის მედალი მოუტანა. ცნობისთვის, ზაფხულის 33-ე ოლიმპიურ თამაშებში საქართველოდან სპორტის 10 სახეობაში (ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი ასპარეზობს. იპნ

პროკურატურამ „მაღაროების დაზიანებისკენ მიმართული ორგანიზებული მოქმედების“ ბრალდებით ჭიათურის სოფელ შუქრუთის პროტესტის მონაწილეებს ბრალი წაუყენა. როგორც პროკურატურის განცხადებაშია ნათქვამი, 2024 წლის მარტიდან ბრალდებულებმა, სხვა პირებთან ერთად, ორგანიზებულად მოახდინეს შპს „მაღაროელის“ კუთვნილი კუკოროხნალისა და შუქრუთის მიწისქვეშა მაღაროების პიკეტირება. „ისინი მაღაროების შესასვლელების წინ იმყოფებიან და მუშა-მოსამსახურეებს მაღაროებში შესვლის და მუშაობის საშუალებას არ აძლევენ. გამოძიებით ასევე დადგინდა, რომ ბრალდებულებმა 2024 წლის 21 ივლისს, 07:25 საათიდან 08:00 საათამდე პერიოდში, შპს „მაღაროელის“ კუთვნილი მაღაროების სავენტილაციო შენობის ეზოდან სავენტილაციო სისტემის მართვის მემანქანის გამოსვლის შემდეგ, ტერიტორიაზე შესასვლელი ლითონის კარი ჯაჭვით, მავთულებით და ბოქლომით ჩაკეტეს, რითაც ახალ ცვლაში მომუშავე მორიგე-მემანქანეს შენობაში შესვლის საშუალება არ მისცეს, რაც დღემდე გრძელდება. აღნიშნული ქმედებით ბრალდებულებმა განზრახ შეაფერხეს მიწისქვეშა მაღაროების ფუნქციონირებისთვის სასიცოცხლოდ მნიშვნელოვანი სავენტილაციო სისტემის მუშაობა, რამაც შედეგად შესაძლოა გამოიწვიოს მაღაროებში სამაგრი მასალის ლპობა, ელექტროდანადგარების დაზიანება, სამთო მასების ჩამოქცევა და მთლიანი მიწისქვეშა მაღაროების პარალიზება“, — ნათქვამია პროკურატურის განცხადებაში. გიორგი ნეფარიძეს, რომან მეგრელიშვილსა და მალხაზ ლაბაძეს ბრალდება საქართველოს სისხლის სამართლის კოდექსის 226-ე მუხლით (ჯგუფური მოქმედების ორგანიზება და მასში აქტიური მონაწილეობა, რამაც საწარმოს მუშაობის შეფერხება გამოიწვია) წარედგინა, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს. პროკურატურა სასამართლოს აღკვეთის ღონისძიების სახით გირაოს გამოყენების შუამდგომლობით მიმართავს. ჭიათურაში, სოფელ შუქრუთში მდებარე კოროხნალის მაღარო უკვე ოთხ თვეზე მეტია პარალიზებულია. პროტესტის მონაწილე მაღაროელები და ადგილობრივი მოსახლეობის ნაწილი კომპანია „ჯორჯიან მანგანეზისგან“ 2019-2021 წლის პროტესტის შედეგად მიღწეული შეთანხმების შესრულებას ითხოვენ. 2020 წელს, სოფელ შუქრუთის მოსახლეობასთან გაფორმებული მემორანდუმის მიხედვით, კომპანიას წელიწადში 700 000 ლარიდან 1 000 000 ლარამდე უნდა გადაეხადა. „ჯორჯიან მანგანეზი“ ირწმუნება, რომ უკვე სამჯერ მეტი კომპენსაცია აქვს გაცემული. აქციის მონაწილეების ინფორმაციით, 20 ივლისს „ჯორჯიან მანგანეზის“ ხელმძღვანელებმა მაღაროში სამუშაო პროცესის აღდგენა ძალის გამოყენებით სცადეს. შუქრუთი ჭიათურის მუნიციპალიტეტში მდებარეობს. შუქრუთელები წლებია ამბობენ, რომ კომპანია „ჯორჯიან მანგანეზი” მადანს სოფლის მიწის ქვეშ მოიპოვებს, რის გამოც დასახლებას მიწის მთავარი საყრდენი გამოეცალა, რაც ადგილობრივების სახლების ნგრევის, ნიადაგის ჩავარდნის, მცენარეების უნაყოფობისა და ჭების ამოშრობის მიზეზი გახდა. ნეტგაზეთი

პირველი სექტემბრიდან მოტოციკლებსა და მოპედებს საავტობუსო ზოლში მოძრაობა შეეძლებათ. ამის შესახებ თბილისის მერმა კახა კალაძემ განაცხადა. მისი თქმით, მერიამ შეიმუშავა და საკრებულოს დასამტკიცებლად წარუდგენს შესაბამის დადგენილებას, რომელიც საავტობუსო ზოლებში მოტოციკლის ანდა მოპედის მოძრაობის პირობებს განსაზღვრავს. „საქართველოს პარლამენტმა ცვლილებები შეიტანა შესაბამის კანონებში და საავტობუსო ზოლში დაუშვა მოტოციკლის ანდა მოპედის მოძრაობა. საკანონმდებლო ცვლილებების საფუძველზე, მუნიციპალიტეტის მთავრობამ უკვე შეიმუშავა და საკრებულოს დასამტკიცებლად წარუდგენს შესაბამის დადგენილებას, რომელიც საავტობუსო ზოლებში მოტოციკლის ანდა მოპედის მოძრაობას განსაზღვრავს. საკრებულოში აღნიშნულ ცვლილებაზე იმსჯელებენ. გვინდა, რომ აღნიშნული წესი მიმდინარე წლის პირველი სექტემბრიდან ამოქმედდეს, რათა მოპედებსა და მოტოციკლებს ჰქონდეთ საშუალება, საავტობუსო ზოლში გადაადგილდნენ“, – განაცხადა კახა კალაძემ. მუნიციპალიტეტის მიერ შემუშავებული დადგენილების თანახმად, საავტობუსო ზოლში, სადაც განთავსებულია შესაბამისი საგზაო ნიშანი ან/და დატანილია შესაბამისი ჰორიზონტალური მონიშვნა, დასაშვები იქნება მოტოციკლის ან/და მოპედის მოძრაობა დღე-ღამის ნებისმიერ მონაკვეთში, თუმცა, ამავდროულად, ავტობუსის ზოლში აკრძალული იქნება მგზავრის აყვანა/ჩამოსმა. ცვლილება იმოქმედებს იმ შემთხვევაში, თუ აღნიშნულ გამონაკლისს მუნიციპალიტეტის წარმომადგენლობითი ორგანო დაუშვებს. ნეტგაზეთი

ახალგაზრდა იურისტთა ასოციაციის ცნობით, „საქართველოს ეროვნული მუზეუმიდან“ უკანონოდ გათავისუფლებულმა კიდევ ერთმა პირმა სასამართლოში დავა მოიგო. თბილისის საქალაქო სასამართლომ სრულად გაიზიარა მოსარჩელის პოზიცია როგორც ფაქტობრივ გარემოებებთან, ისე – სამართლებრივ საფუძვლებთან დაკავშირებით. სასამართლომ „საქართველოს ეროვნული მუზეუმის“ მიერ გათავისუფლების ბრძანება ბათილად ცნო, ასევე, მოპასუხეს დაეკისრა მოსარჩელისთვის იძულებითი განაცდურისა და კომპენსაციის სახით 5 000 ლარის ანაზღაურება. გადაწყვეტილება ამ დროისთვის არაა შესული კანონიერ ძალაში. მოსარჩელის ინტერესებს სასამართლოში  საია იცავდა. 2022 წლის მაისში, თეა წულუკიანის მინისტრობისას, ეროვნული მუზეუმიდან 30-მდე ადამიანი გათავისუფლდა. ყოფილი თანამშრომლების ნაწილმა გათავისუფლების შესახებ ბრძანებები სასამართლოში გაასაჩივრეს. ოციდან ხუთ საქმეზე პირველმა ინსტანციამ გათავისუფლების ბრძანებები უკანონოდ ცნო. პუბლიკა

საქართველოს მთავრობის ანტიდემოკრატიული ქმედებები და ტყუილის შემცველი განცხადებები არ შეესაბამება ევროკავშირსა და ნატოში წევრობის ნორმებს, აშშ საქართველოს მთავრობისთვის 95 მილიონ დოლარზე მეტ პირდაპირ დახმარებას აჩერებს. ამის შესახებ ამერიკის შეერთებული შტატების სახელმწიფო მდივნის ენტონი ბლინკენის განცხადებაშია ნათქვამი, რომელსაც სახელმწიფო დეპარტამენტი ავრცელებს. ამასთან, ბლინკენის განცხადებაში ნათქვამია, რომ შეერთებული შტატები გააგრძელებს პროგრამებისა და აქტივობების მხარდაჭერას, რომელსაც სარგებელი მოაქვს ქართველი ხალხისთვის დემოკრატიის, კანონის უზენაესობისა და ეკონომიკური განვითარების გაძლიერებით. “23 მაისს, საქართველოს მთავრობის მიერ ანტიდემოკრატიული ქმედებების შემდეგ, მე შეერთებულ შტატებსა და საქართველოს შორის ორმხრივი თანამშრომლობის ყოვლისმომცველი გადახედვა დავაანონსე. ამ გადახედვის შედეგად, შეერთებული შტატები 95 მილიონ დოლარზე მეტ დახმარებას აჩერებს, რომელიც პირდაპირ სარგებელს მოუტანდა საქართველოს მთავრობას. საქართველოს მთავრობის ანტიდემოკრატიული ქმედებები და ტყუილის შემცველი განცხადებები არ შეესაბამება ევროკავშირსა და ნატოში წევრობის ნორმებს. მაშინ, როდესაც ჩვენ ვაჩერებთ საქართველოს მთავრობისთვის დახმარებას ამ ქმედებების გამო, შეერთებული შტატები გააგრძელებს პროგრამებისა და აქტივობების მხარდაჭერას, რომლებსაც სარგებელი მოაქვთ ქართველი ხალხისთვის დემოკრატიის, კანონის უზენაესობისა და ეკონომიკური განვითარების გაძლიერებით. ჩვენს ქვეყნებსა და ხალხებს შორის მეგობრობისა და პარტნიორობის 32 წელზე მეტის განმავლობაში, შეერთებული შტატების ხალხმა დახმარების 6.2 მილიარდ დოლარზე მეტი გამოყო, რამაც წვლილი შეიტანა საქართველოს ეკონომიკისა და დემოკრატიული ინსტიტუტების განვითარებასა და გაძლიერებაში. ჩვენმა დახმარებამ წვლილი შეიტანა საქართველოს თავდაცვის ძალებისა და სანაპირო დაცვის აღჭურვასა და წვრთნაში, სკოლებისა და საავადმყოფოების აშენებაში, მასწავლებლების, საჯარო მოსამსახურეებისა და სამედიცინო პროფესიონალების წვრთნაში. ქართველი ხალხისა და მათი ევროატლანტიკური მისწრაფებების ერთგული დავრჩებით”, - ნათქვამია ბლინკენის განცხადებაში. იპნ

პარიზის 2024 წლის ოლიმპიურ თამაშებზე ძიუდოისტმა ლაშა ბექაურმა (90კგ) მეოთხედფინალში გაიმარჯვა და ნახევარფინალში გადავიდა. მეოთხედფინალში ბექაურმა სამხრეთ კორეელი ჯუიეოპ ჰანი იპონით დაამარცხა. შეგახსენებთ, ამ დროისთვის, საქართველოს ერთი მედალი აქვს. მსოფლიოს სამგზის ჩემპიონმა, ტატო გრიგალაშვილმა საქართველოს ნაკრებს პარიზის ოლიმპიადაზე ვერცხლის მედალი მოუტანა. ცნობისთვის, ზაფხულის 33-ე ოლიმპიურ თამაშებში საქართველოდან სპორტის 10 სახეობაში (ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი ასპარეზობს. იპნ

ახ­ლა­ხან სა­ქარ­თვე­ლოს ქალ­თა სა­ფეხ­ბურ­თო ნაკ­რებ­მა მნიშ­ვნე­ლო­ვან წარ­მა­ტე­ბას მი­აღ­წია - გო­გო­ნე­ბი სამ სა­უ­კე­თე­სო მე­ო­რე­ად­გი­ლო­სანს შო­რის მოხ­ვდნენ და ევ­რო­პის ჩემ­პი­ო­ნა­ტის საკ­ვა­ლი­ფი­კა­ციო ეტა­პის პლეი ოფში ირ­ლან­დი­ას­თან ითა­მა­შე­ბენ. პლეი ოფის მატ­ჩე­ბის პირ­ვე­ლი რა­უნ­დი შე­მოდ­გო­მა­ზე, 23 -29 ოქ­ტომ­ბერს გა­ი­მარ­თე­ბა. გა­მარ­ჯვე­ბის შემ­თხვე­ვა­ში, პირ­ვე­ლად სა­ქარ­თვე­ლოს ის­ტო­რი­ა­ში, სა­ქარ­თვე­ლოს ქალ­თა ნაკ­რე­ბი ევ­რო­პის ჩემ­პი­ო­ნატ­ში მი­ი­ღებს მო­ნა­წი­ლე­ო­ბას. ამ გა­მარ­ჯვე­ბის ერთ-ერთი მთა­ვა­რი შე­მოქ­მე­დი თა­თია გა­ბუ­ნი­აა, რო­მე­ლიც სა­ქარ­თვე­ლოს ქალ­თა ეროვ­ნუ­ლი ნაკ­რე­ბის კარს იცავს. მისი სა­ფეხ­ბურ­თო კა­რი­ე­რა ლან­ჩხუ­თის "ლან­ჩხუთ­ში“ იწყე­ბა და კლუბ "კვარ­ტალ­ში“ გრძელ­დე­ბა. ის ერთი მათ­გა­ნია, ვინც სტე­რე­ო­ტი­პებს ამ­სხვრევს და ამ­ტკი­ცებს, რომ ფეხ­ბურ­თი ქა­ლის საქ­მე­ცაა. თე­ატ­რა­ლუ­რი უნი­ვერ­სი­ტე­ტის სტუ­დენ­ტი სპორ­ტს მშვე­ნივ­რად უთავ­სებს სწავ­ლას და აქვს ოც­ნე­ბა - რო­მე­ლი­მე ევ­რო­პულ კლუბ­ში ითა­მა­შოს, ამის­თვის კი, რო­გორც მე­უბ­ნე­ბა, ბევ­რი უნდა იშ­რო­მოს და გან­ვი­თარ­დეს. მის­თვის დიდი პა­ტი­ვია, ბოლო დროს "ქალი მა­მარ­და“, და "დე­დარ­და“ რომ შე­არ­ქვეს. ცნო­ბი­სათ­ვის, თა­თი­ას მწვრთნე­ლი გი­ორ­გის მამა - და­ვით მა­მარ­დაშ­ვი­ლია. "ბავ­შვო­ბა­ში ძი­რი­თა­დად თავ­დას­ხმა­ში ვთა­მა­შობ­დი“ - ჩო­ხა­ტა­ურ­ში და­ვი­ბა­დე, ვსწავ­ლობ­დი პირ­ველ სა­ჯა­რო სკო­ლა­ში. ბავ­შვო­ბა­ში დავ­დი­ო­დი ცეკ­ვა­ზე, ხატ­ვა­ზე, მუ­სი­კა­ლურ სკო­ლა­ში... ფეხ­ბურ­თის თა­მა­ში ეზო­ში და­ვი­წყე, ძი­რი­თა­დად ბი­ჭებ­თან ერ­თად ვთა­მა­შობ­დი. მერე მივ­ხვდი, რომ მა­ინ­ტე­რე­სებ­და ფეხ­ბურ­თი, მინ­დო­და მე­თა­მა­შა და გავ­ყო­ლო­დი ამ სპორ­ტს, უბ­რა­ლოდ, არ ვი­ცო­დი, იყო თუ არა ქალ­თა გუნ­დი. ხში­რად არ ვამ­ბობ, მრცხვე­ნია იმის თქმა, რომ ფეხ­ბურ­თის ყუ­რე­ბით არას­დროს ვყო­ფილ­ვარ და­ინ­ტე­რე­სე­ბუ­ლი, ახ­ლაც იშ­ვი­ა­თად ვუ­ყუ­რებ... უბ­რა­ლოდ, მომ­წონ­და კარ­ში ბურ­თის დარ­ტყმა, ის ხა­ლი­სი, რაც თა­მაშს ახ­ლავს, მიყ­ვარ­და ბავ­შვებ­თან ერ­თად გარ­თო­ბა. ბავ­შვო­ბა­ში, ძი­რი­თა­დად, თავ­დას­ხმა­ში ვთა­მა­შობ­დი. ერთ დღეს, მა­მას მე­გო­ბა­რი იყო ჩვენ­თან მო­სუ­ლი და მი­თხრა, ლან­ჩხუთ­შია ქალ­თა გუნ­დი, რო­მე­ლიც სა­ქარ­თვე­ლო­ში პირ­ვე­ლი­აო და ამ დღი­დან მო­მი­ვი­და აზრი, რომ იქ წავ­სუ­ლი­ყა­ვი. სურ­ვი­ლი ოჯახ­ში გა­მოვ­თქვი, რა­საც მშობ­ლე­ბის მხრი­დან დიდი ნე­გა­ტი­ვი მოჰ­ყვა, მე­უბ­ნე­ბოდ­ნენ: შენ გოგო ხარ და არ შეგშვე­ნის ფეხ­ბურ­თის თა­მა­ში, სხვა საქ­მით უნდა და­კავ­დე, სწავ­ლას უნდა მი­ხე­დოო და ა.შ. მა­ინც არ და­ვი­შა­ლე... და­ვი­წყე ფეხ­ბურ­თის თა­მა­ში "ლან­ჩხუთ­ში“, სკო­ლი­დან მინი ტურ­ნი­რებ­ზე მო­მი­წია გას­ვლა. ტურ­ნი­რის დას­რუ­ლე­ბის შემ­დეგ ჩემ­თან მო­ვი­და ნაკ­რე­ბის მა­შინ­დე­ლი მწვრთნე­ლი თა­მაზ კოს­ტა­ვა და შე­მომ­თა­ვა­ზა, მას­თან მე­თა­მა­შა ეროვ­ნულ ნაკ­რებ­ში და გუნდს დავ­ხმა­რე­ბო­დი. მან ნაკ­რებ­ში მი­მიწ­ვია, რო­გორც თავ­დამ­სხმე­ლი. დრო­თა გან­მავ­ლო­ბა­ში და­მა­ინ­ტე­რე­სა, რო­გო­რი იქ­ნე­ბო­და მე­კა­რის პო­ზი­ცია, მე­კა­რის თვა­ლით და­ნა­ხუ­ლი ფეხ­ბურ­თის თა­მა­ში, თა­მაზ­მაც შე­მომ­თა­ვა­ზა, მე­კა­რე­ო­ბა სინ­ჯე, იქ­ნებ უკე­თე­სად გა­მო­გი­ვი­დე­სო და ასე აღ­მოვ­ჩნდი თავ­დას­ხმი­დან - კარ­ში. "მე­კა­რე­ო­ბა და კა­პიტ­ნო­ბა ერ­თდრო­უ­ლად დიდი პა­სუ­ხის­მგებ­ლო­ბაა“ - სი­მაღ­ლით 173სმ. ვარ, სურ­ვი­ლი მექ­ნე­ბო­და, მე­ტის ვყო­ფი­ლი­ყა­ვი... ზო­გა­დად, მე­კა­რეს სი­მაღ­ლე და ბევ­რი სხვა რამ სჭირ­დე­ბა. მი­უ­ხე­და­ვად იმი­სა, რომ მას არ უწევს ბევ­რი სირ­ბი­ლი, მა­ინც ისე­ვე იღ­ლე­ბა, რო­გორც ყვე­ლა ფეხ­ბურ­თე­ლი. ვარ­ჯიშ­ზე შე­იძ­ლე­ბა მე­კა­რე უფრო და­ი­ღა­ლოს, ვიდ­რე ფეხ­ბურ­თე­ლი, რად­გან ამ სფე­როს სხვა სპე­ცი­ფი­კა აქვს. მას სჭირ­დე­ბა გამ­ძლე­ო­ბა, სი­ზუს­ტე, ხტო­მა, სის­წრა­ფე, სის­ხარ­ტე, კონ­ცენ­ტრა­ცია და ყვე­ლა­ფე­რი. ნაკ­რებ­ში 17 წლამ­დე­ლებ­ში, შემ­დეგ 19 წლამ­დე­ლებ­შიც კა­პი­ტა­ნი ვი­ყა­ვი, რაც ძა­ლი­ან სა­სი­ა­მოვ­ნოა, მაგ­რამ ორ­მა­გი პა­სუ­ხის­მგებ­ლო­ბაა. მე­კა­რე გუნ­დის 50%-ს წარ­მო­ად­გენს, თუ სი­ტყვა­ზე, მთე­ლი გუნ­დი ცდი­ლობს გოლი გა­ი­ტა­ნოს, დაც­ვა ცდი­ლობს კარი და­იც­ვას, შენც მაქ­სი­მა­ლუ­რად უნდა ეცა­დო, რომ მო­გე­ბუ­ლი თა­მა­ში არ შეტ­რი­ალ­დეს და კარი შე­ი­ნარ­ჩუ­ნო. როცა მე­კა­რის პო­ზი­ცი­ა­ზე იწყებ თა­მაშს, ამას თა­ვი­დან მოს­დევს ტრავ­მე­ბი, პა­ტარ-პა­ტა­რა მო­ტე­ხი­ლო­ბა, სი­ლურ­ჯე­ე­ბი, ნაღ­რძო­ბი... ზო­გა­დად, სპორ­ტი ტრავ­მის გა­რე­შე არ არ­სე­ბობს. თა­ვი­დან ეს ყვე­ლა­ფე­რი მკვეთ­რად იჩენს თავს და ნელ-ნელა სწავ­ლობ სწო­რად გა­დახ­ტო­მას, სწო­რად და­წო­ლას, სი­მაღ­ლე­ში ახ­ტო­მას და მერე ყვე­ლა­ფე­რი გი­მარ­ტივ­დე­ბა, ეგუ­ე­ბი ამ ყვე­ლა­ფერს და ტკი­ვილ­საც იმ­დე­ნად ვე­ღარ გრძნობ. შე­იძ­ლე­ბა მო­გი­წი­ოს თა­მაშ­ში ტრავ­მის აკი­დე­ბა, მაგ­რამ იმ­დე­ნად აზარ­ტში ხარ და იმ­ხე­ლა ად­რე­ნა­ლი­ნი გაქვს, იმ მო­მენ­ტში ვე­რა­ფერს ამ­ჩნევ. ეს ცუდი მო­მენ­ტია იმი­ტომ, რომ შემ­დეგ­ში ამ ყვე­ლა­ფერ­მა შე­იძ­ლე­ბა რამ­დე­ნი­მე თვე და­გა­პა­უ­ზოს და იმ­დე­ნის გა­კე­თე­ბა ვე­ღარ შეძ­ლო, რა­საც იქამ­დე აკე­თებ­დი. "ლან­ჩხუთ­ში“ გა­ვი­ზარ­დე და ჩა­მოვ­ყა­ლიბ­დი ფეხ­ბურ­თე­ლად" - "ლან­ჩხუთ­ში“ 2014 წელს და­ვი­წყე თა­მა­ში, 14 წლის ასაკ­ში. რო­დე­საც მინი ტურ­ნი­რე­ბი ჩა­ტარ­და, მა­შინ იქ იყო ლან­ჩხუ­თის გუნ­დიც, ჩვე­ნი ნაკ­რე­ბის წარ­მო­მად­გენ­ლე­ბიც და ჩე­მით ორი­ვე მხა­რე და­ინ­ტე­რეს­და. ბა­ტო­ნი დურ­მიშ­ხან ჩხა­ი­ძე ("ლან­ჩხუ­თის“ დი­რექ­ტო­რი) იყო მო­სუ­ლი და მი­თხრა, ლან­ჩხუ­თის გუნდში მე­თა­მა­შა. ჩემ­ზე ბედ­ნი­ე­რი არა­ვინ იყო, რად­გან ვი­ცო­დი, რომ აქე­დან იწყე­ბო­და ყვე­ლა­ფე­რი. პა­რა­ლე­ლუ­რად, ნაკ­რებ­შიც გა­მო­მი­ძა­ხეს და იმ დღი­დან და­წყე­ბუ­ლი, 9 წელი "ლან­ჩხუთ­ში“ გა­ვა­ტა­რე. ეს იყო ყვე­ლა­ზე ლა­მა­ზი და ბედ­ნი­ე­რი წლე­ბი ჩემს ცხოვ­რე­ბა­ში, იქ გა­ვი­ზარ­დე და ჩა­მოვ­ყა­ლიბ­დი ფეხ­ბურ­თე­ლად. ასე­ვე, დიდი მად­ლო­ბა მინ­და გა­და­ვუ­ხა­დო თა­მაზ კოს­ტა­ვას იმის გამო, რომ მომ­ცა იმის სა­შუ­ა­ლე­ბა, უფრო სხვა კუ­თხით და­მე­ნა­ხა ჩემი თავი, ჩა­მოვ­ყა­ლი­ბე­ბუ­ლი­ყა­ვი რისი გა­კე­თე­ბა მინ­დო­და, მე­კა­რე­ო­ბა მან და­მა­წყე­ბი­ნა და ვფიქ­რობ, ჩემი ად­გი­ლიც მა­პოვ­ნი­ნა გუნდში. "როცა გა­და­წყდა თურ­ქეთ­ში მე­თა­მა­შა..." - ვიდ­რე ქალ­თა სა­ფეხ­ბურ­თო კლუბ "კვარ­ტალ­ში“ გა­და­ვი­დო­დი, მა­ნამ­დე თურ­ქეთ­ში წა­ვე­დი, და­ახ­ლო­ე­ბით 4-5 თვე მო­მი­წია იქ გა­ჩე­რე­ბამ და უკან დავ­ბრუნ­დი. მე და ჩემი მე­გო­ბა­რი თე­ო­ნა ბაქ­რა­ძე ერ­თად ვთა­მა­შობ­დით "ლან­ჩხუთ­ში“ და როცა სა­ქარ­თვე­ლო­ში სე­ზო­ნი დამ­თავ­რდა (თურ­ქეთ­ში მა­შინ იწყე­ბო­და ახა­ლი სე­ზო­ნი), ერ­თად წა­ვე­დით კლუბ Amedspor -ში. მო­თხოვ­ნა ძი­რი­თა­დად ბაქ­რა­ძე­ზე იყო და თან მე­კა­რეც უნ­დო­დათ. სამ­წუ­ხა­როდ, თა­მა­ში ვერ ვი­თა­მა­შე, ცოტა გა­ურ­კვე­ვე­ლი სი­ტუ­ა­ცია იყო. როცა მე­კა­რე ჩა­დის და სხვა მე­კა­რე ხვდე­ბა, ძა­ლი­ან რთუ­ლია, უხე­შად რომ ვთქვათ, ძი­რი­თა­დის მე­კა­რე ამო­აგ­დო. ამის გამო ლო­დი­ნი მო­მი­წია და როცა გა­და­წყდა, უნდა მე­თა­მა­შა, თურ­ქეთ­ში დიდი უბე­დუ­რე­ბა დატ­რი­ალ­და - მი­წისძვრა მოხ­და და უკან ჩა­მო­ვე­დით. კი­დევ 1 წელი ვი­თა­მა­შე "ლან­ჩხუთ­ში“ და შემ­დეგ გა­და­ვე­დი "კვარ­ტალ­ში“, სა­დაც სტა­ფიც და ბავ­შვე­ბიც ძა­ლი­ან და­მეხ­მარ­ნენ. "სტე­რე­ო­ტი­პე­ბი და­ვამ­სხვრი­ეთ..." - სტე­რე­ო­ტი­პე­ბი მარ­თლაც და­ვამ­სხვრი­ეთ... ადრე თუ ყვე­ლას ეჩ­ვე­ნე­ბო­და, ქა­ლის ფეხ­ბურ­თი სი­სუ­ლე­ლეა, ახი­რე­ბაა და მშობ­ლე­ბი გო­გო­ნებს ამ სპორტზე არ უშ­ვებ­დნენ, დღეს მა­თაც და­ი­ნა­ხეს, რომ ეს ადა­მი­ა­ნის თა­ვი­სუ­ფა­ლი, ჯან­სა­ღი მის­წრა­ფე­ბაა. ჩემს არ­ჩე­ვანს თავ­და­პირ­ვე­ლად თუ აპ­რო­ტეს­ტებ­დნენ, დღეს ჩემი დედ-მამა, ოჯა­ხი ჩემი პირ­ვე­ლი გულ­შე­მატ­კი­ვა­რია. ჩვენ­სა და ვაჟ­თა ნაკ­რებს შო­რის ის გან­სხვა­ვე­ბაა, რომ იქ სხვა­ნა­ი­რი სის­წრა­ფე, ფი­ზი­კუ­რი მო­ნა­ცე­მე­ბი და სხვა ხა­რის­ხია. ჩვენ უფრო ახალ­ბე­დე­ბი ვართ ამ სფე­რო­ში, მი­უ­ხე­და­ვად იმი­სა, რომ ქა­ლე­ბი ფეხ­ბურთს ჩვე­ნამ­დეც თა­მა­შობ­დნენ. ჩვენ­თან ეს სპორ­ტი იმ­დე­ნად აქ­ტუ­ა­ლუ­რი არ იყო, ბევ­რმა არ იცო­და მისი არ­სე­ბო­ბა, ქალ­თა ფეხ­ბურ­თმა ბოლო 2-3 წლის გან­მავ­ლო­ბა­ში უფრო წა­მო­ი­წია. ერ­თმა­ნეთ­თან სა­ერ­თო ის გვაქვს, რომ რო­გორც ვაჟ­თა ეროვ­ნულ ნაკ­რებ­ში არი­ან ერ­თი­ან­ნი და აქვთ შეკ­რუ­ლი გუნ­დი, ჩვენც ისე გავ­დი­ვართ მო­ე­დან­ზე, რო­გორც ერთი ოჯა­ხი. ვთვლით, რომ ჩვენც და ბი­ჭე­ბიც ერთ დიდ ოჯახს წარ­მო­ვად­გენთ. "გა­მი­ხარ­დე­ბო­და, სხვა ფორ­მით ეთ­ქვა სათ­ქმე­ლი“ - სამ­წუ­ხა­როდ, ამ­დე­ნი წვა­ლე­ბის და თა­ვის გა­მო­ჩე­ნის შემ­დეგ მა­ინც ხდე­ბა ისე, რომ ზო­გი­ერ­თე­ბი ჩვენს მი­მართ ნე­გა­ტი­ურ შე­ფა­სე­ბას გა­მოთ­ქვა­მენ. მეს­მის, ეს მათი შე­ხე­დუ­ლე­ბაა და გე­მოვ­ნე­ბა, ყვე­ლას აზრს დიდ პა­ტივს ვცემ, უბ­რა­ლოდ, თხოვ­ნა მექ­ნე­ბა, სა­ნამ რა­მეს იტყოდ­ნენ, გა­მო­ხატ­ვის ფორ­მას და­უკ­ვირ­დნენ, იცოდ­ნენ, სად, რა და რო­გორ თქვან. მით უმე­ტეს ახლა, როცა ქალ­თა ნაკ­რებს მნიშ­ვნე­ლო­ვა­ნი ეტა­პი გვაქვს - წინ ერთა ლი­გის პლე­ი­ო­ფია, ზუს­ტად ახლა გვჭირ­დე­ბა ელე­მენ­ტა­რუ­ლი გამ­ხნე­ვე­ბა - "აბა, თქვენ იცით, გო­გო­ნე­ბო, წარ­მა­ტე­ბას გი­სურ­ვებთ“ და არა ის, ქა­ლებს რა გა­წივ­ლებთ და გა­კივ­ლებ­თო. ამას­წი­ნათ, თა­მა­შის ბო­ლოს პე­ნალ­ტი რომ გა­ვი­ტა­ნეთ, ამის ვი­დეო შემ­ხვდა, რა­საც ბევ­რი უხე­ში კო­მენ­ტა­რი ახ­ლდა - რა გა­წივ­ლებთ, პე­ნალ­ტი იყო, რა გა­ა­კე­თეს და რა უხა­რი­ათ ამის­თა­ნა და მსგავ­სე­ბი. თუმ­ცა, სა­ბედ­ნი­ე­როდ, მარ­ტო ნე­გა­ტი­ვიც არ არის, ხალ­ხის და­მო­კი­დე­ბუ­ლე­ბა შე­იც­ვა­ლა... ადრე, 5-6 წლის წინ, თა­მა­შებს თუ ვა­გებ­დით, მარ­თლა გვა­პარ­ტა­ხებ­დნენ, მო­გე­ბულ თა­მაშ­ზეც კი სა­ზი­ზღრო­ბებს გვი­წერ­დნენ. ახლა, ბო­ლოს ბე­ლა­რუს­თან რომ დავ­მარ­ცხდით, პი­რი­ქით, ყვე­ლა პო­ზი­ტივს ას­ხი­ვებ­და, გულს გვი­კე­თებ­დნენ - არა უშავს, თქვენს გვერ­დით ვარ­თო, გვამ­ხნე­ვებ­დნენ, რაც მარ­თლა დიდ მუხტს გვძენს და "ჟილ­კას“ გვი­მა­ტებს, თა­მა­ში რომ მო­ვი­გოთ. გი­ორ­გი გვე­ლე­სი­ა­ნის გა­მო­ნათ­ქვა­მი ყვე­ლას გვე­წყი­ნა, თან იმ დროს, როცა გვერ­დში დგო­მა გვჭირ­დე­ბო­და. მეს­მის მისი და­მო­კი­დე­ბუ­ლე­ბა, არ მინ­და რამე უხე­შად გა­მო­მი­ვი­დეს, ყვე­ლას მო­სა­წო­ნად ყვე­ლა­ფერს ვერ იტყვი, მაგ­რამ ცოტა მე­რეც შე­იძ­ლე­ბო­და ამა­ზე ლა­პა­რა­კი. ეს ის პე­რი­ო­დია, ქა­ლებს სტი­ლით წამ­ყვან ვაჟ ფეხ­ბურ­თე­ლებს გვა­და­რე­ბენ, თან პლე­ი­ოფს ვთა­მა­შობთ. შე­იძ­ლე­ბო­და გი­ორ­გის ცოტა სხვა კო­მენ­ტა­რი გა­ე­კე­თე­ბი­ნა და რა­საც რე­ა­ლუ­რად ფიქ­რობ­და, მის­თვის და­ე­ტო­ვე­ბი­ნა. ეროვ­ნუ­ლი ნაკ­რე­ბის ფეხ­ბურ­თე­ლის­გან გვერ­დში დგო­მა გვინ­დო­და გვეგ­რძნო, ეს მო­მენ­ტი გვაქვს, თო­რემ, მეს­მის, რა­საც ფიქ­რობს და ყვე­ლა­ნა­ი­რად პა­ტივს ვცემ მის გა­და­წყვე­ტი­ლე­ბას. გა­მი­ხარ­დე­ბო­და, სხვა ფორ­მით ეთ­ქვა სათ­ქმე­ლი. "მინ­და, დიდი ფეხ­ბურ­თი ვი­თა­მა­შო სად­მე, ევ­რო­პულ კლუბ­ში“ - თაყ­ვა­ნის­მცემ­ლე­ბი მყავს, მაგ­რამ ვცდი­ლობ, ამ ყვე­ლა­ფერს თავი ავა­რი­დო. სი­მარ­თლე გი­თხრათ, ჯერ­ჯე­რო­ბით სიყ­ვა­რულ­ზე არ მი­ფიქ­რია, მინ­და უფრო განვვი­თარ­დე, გავ­ცდე თუნ­დაც სა­ქარ­თვე­ლოს ფარ­გლებს და უფრო დიდი ფეხ­ბურ­თი ვი­თა­მა­შო სად­მე, ევ­რო­პულ კლუბ­ში. ბოლო წლე­ბის გან­მავ­ლო­ბა­ში მქონ­და რამ­დე­ნი­მე შე­მო­თა­ვა­ზე­ბა, იყო ცრუ და­პი­რე­ბაც, ამი­ტომ გა­დავ­წყვი­ტე, სა­ნამ ნორ­მა­ლუ­რი და რე­ა­ლუ­რი რა­ღაც არ გა­მოჩ­ნდე­ბა, რა­საც ჩა­ვე­ჭი­დე­ბო­დი და რაც ჩემს მო­მა­ვალს გან­სა­ზღვრავ­და, ვი­მუ­შა­ვო სა­კუ­თარ თავ­ზე, უფრო გავძლი­ერ­დე. "დე­დარ­და“ შე­მარ­ქვეს (იცი­ნის), ისე გა­ბუს მი­ძა­ხი­ან. ძა­ლი­ან სა­სი­ა­მოვ­ნოა და სა­პა­სუ­ხის­მგებ­ლო, როცა ასე­თი დო­ნის მე­კა­რეს გა­და­რე­ბენ და გე­ტყვით, რომ გი­ორ­გის დიდი გულ­შე­მატ­კი­ვა­რი ვარ, მით უმე­ტეს, მა­მა­მი­სი მე­კა­რე­ე­ბის მწვრთნე­ლია ჩვენ­თან, ნაკ­რებ­ში (სამი მე­კა­რე ვართ ნაკ­რებ­ში) და თით­ქმის 24/7-ზე მისი სა­ხე­ლი გვეს­მის. "მაქ­სი­მუმს გა­ვა­კე­თებთ და შე­დეგს მა­ინც დავ­დებთ" - თა­ვი­დან­ვე, როცა ფეხ­ბურ­თის თა­მა­ში და­ვი­წყე, ვი­ცო­დი, რომ სწავ­ლის გა­რე­შე არა­ფე­რი გა­მო­ვი­დო­და. ყვე­ლას ოჯახ­შია სი­ტუ­ა­ცია, როცა ბავ­შვი სპორ­ტს ჰკი­დებს ხელს, უნ­დათ, რომ სწავ­ლას არ ჩა­მო­შორ­დეს, სწავ­ლა და სპორ­ტი ერ­თმა­ნეთს შე­უ­თავ­სოს. სკო­ლის დას­რუ­ლე­ბის შემ­დეგ ჩა­ვა­ბა­რე შოთა რუს­თა­ვე­ლის სა­ხე­ლო­ბის თბი­ლი­სის თე­ატ­რა­ლურ უნი­ვერ­სი­ტეტ­ში, კულ­ტუ­რუ­ლი ტუ­რიზ­მის ფა­კულ­ტეტ­ზე. პა­ტარ-პა­ტა­რა მი­ზე­ზე­ბის გამო მო­მი­წია აკა­დე­მი­უ­რის აღე­ბა და წელს სწავ­ლას და­ვას­რუ­ლებ. სხვა­თა შო­რის, დე­კა­ნი და ლექ­ტო­რე­ბიც ძა­ლი­ან მეხ­მა­რე­ბი­ან და ხელს მი­წყო­ბენ, ქულა რომ არ და­მაკ­ლდეს, ამის­თვის პე­რი­ო­დუ­ლად ნაშ­რო­მებს ვაგ­ზავ­ნი. თა­ვი­სუ­ფალ დროს ყვე­ლა­ფერს "ვე­დე­ბი“, ხან კა­ლათ­ბურთს ვთა­მა­შობ, მოყ­ვა­რუ­ლის დო­ნე­ზე ცოტ-ცოტა ყვე­ლა­ფე­რი შე­მიძ­ლია. ჩემი პირ­ვე­ლი დიდი ოც­ნე­ბა იყო, დიდი ფეხ­ბურ­თი მე­თა­მა­შა და ეს შევ­ძე­ლი, ახლა მინ­და, რო­მე­ლი­მე ევ­რო­პუ­ლი გუნ­დის წარ­მო­მად­გე­ნე­ლი ვიყო, გა­ვი­დე სა­ქარ­თვე­ლოს სა­ზღვრებს გა­რეთ და უკვე იქე­დან წარ­მო­ვა­ჩი­ნო ჩემი ქვე­ყა­ნა, ჩემი პა­ტა­რა რა­ი­ო­ნი და ოჯა­ხი. 3 წლით პა­ტა­რა ძმა მყავს, ის ადრე რაგბს თა­მა­შობ­და, ჯან­მრთე­ლო­ბის პრობ­ლე­მე­ბის გამო სპორ­ტს შე­ეშ­ვა და დღეს რად­გან თბი­ლის­ში ვარ (ჩე­მე­ბი კი გუ­რი­ა­ში), ჩემი ძმა იღებს თავ­ზე პა­სუ­ხის­მგებ­ლო­ბას, თა­მა­შებ­ზე მო­ვი­დეს და მი­გულ­შე­მატ­კივ­როს. წინ პლე­ი­ო­ფია, ოქ­ტომ­ბერ­ში ჩრდი­ლო­ეთ ირ­ლან­დი­ის ნაკ­რებს ვე­თა­მა­შე­ბით, რო­მელ­თა­ნაც აქამ­დეც გვქო­ნია შეხ­ვედ­რა. წინა შეხ­ვედ­რა­ში მათ­თან დიდი ან­გა­რი­შით დავ­მარ­ცხდით, თუმ­ცა იმედს ვი­ტო­ვებ, რომ მაქ­სი­მუმს გა­ვა­კე­თებთ და ამ­ჯე­რად სა­უ­კე­თე­სო შე­დეგს დავ­დებთ. ავტორი:ნანა ფიცხელაური

ტერორისტული ორგანიზაცია ჰამასის პოლიტიკური ლიდერი ისმაილ ჰანია ავიაციის მიერ ნასროლი ჭურვით ააფეთქეს. ამის შესახებ ინფორმაციას ირანის სახელმწიფო სააგენტო IRNA ავრცელებს. ამავე წყაროს თანახმად, თავდასხმა ადგილობრივი დროით ღამის 2 საათზე განხორციელდა. ჰანია ირანში ახალი პრეზიდენტის ინაუგურაციას ესწრებოდა და ვეტერანებისთვის განკუთვნილ ერთ-ერთ რეზიდენციაში რჩებოდა, რომელიც თეირანის ჩრდილოეთში მდებარეობს. სწორედ იქ განხორციელდა აფეთქება. IRNA-ს თანახმად, მიმდინარეობს გამოძიება მომხდარის სხვა დეტალების დასადგენად. წუხელ ირანში ტერორისტული ორგანიზაცია ჰამასის პოლიტიკური ლიდერი ისმაილ ჰანია მოკლეს, რომელიც ირანის ახალი პრეზიდენტის ინაუგურაციას ესწრებოდა. როგორც Reuters წერს, ისმაილ ჰანია ირანის ახალი პრეზიდენტის, მასუდ ფეზეშქიანის ინაუგურაციიდან, რამდენიმე საათში მოკლეს. ირანის ახალი პრეზიდენტის მასუდ ფეზეშქიანის ინაუგურაცია 30 ივლისს გაიმართა. ინაუგურაციას, ჰამასის პოლიტიკურ ლიდერ ისმაილ ჰანიასთან ერთად, ესწრებოდა საქართველოს პრემიერ-მინისტრი ირაკლი კობახიძეც. ნეტგაზეთი

ჰელსინკის კომისია აშშ-ის სახელმწიფო მდივანს, ენტონი ბლინკენს „საქართველოში კორუფციისა და ბოროტი გავლენების მთავარი კვანძის” პრობლემის მოსაგვარებლად, ბიძინა ივანიშვილისა და მისი გარემოცვის ინდივიდუალური დასანქცირებისკენ მოუწოდებს. კომისია აღნიშნავს, რომ ეს ადამიანები არ უნდა ზღუდავდნენ ქართველი ხალხის ნებასა და თავისუფლებას. 26 ივლისით დათარიღებულ წერილს ხელს აწერენ ჰელსინკის კომისიის თავმჯდომარე რესპუბლიკელი ჯო უილსონი, დემოკრატი სტივ კოენი, რესპუბლიკელი რიჩარდ ჰადსონი და დემოკრატი მარკ ვისი. გარდა ამისა, წერილში საუბარია რამდენიმე ქვეყანაში, მათ შორის, საქართველოში არსებულ ე.წ. ქოლცენტრებზე, რომლებიც, კონგრესმენების თქმით, „არის შავი ფულის წყარო, რომელიც მხარს უჭერს „ქართული ოცნების“ გავრცელებად და მავნე მფარველობის სისტემას” და ქვეყანაში სამოქალაქო საზოგადოების წევრების, აქტივისტების, ოპოზიციისა და მათი ოჯახის წევრების შევიწროებასა და დაშინებას ემსახურება. როგორ წერილშია ნათქვამი, კონგრესმენებს მიაჩნიათ, რომ „უმოკლეს ვადაში, აუცილებელია სახელმწიფო დეპარტამენტმა, აშშ-სთან და მეგობარ უცხოურ სამართალდამცავ ორგანოებთან თანამშრომლობით, მიიღოს სწრაფი, დაუყოვნებელი და სისტემატური ზომები ამ სატელეფონო ცენტრის ქსელებისა და სხვა მსგავსი საშუალებების წინააღმდეგ საერთაშორისო დონეზე, რათა გაანადგუროს ან ჩაშალოს მათი ოპერაციები“.

მასალა მომზადებულია „ამერიკის ხმის“ მიერ. ევროპისა და ევრაზიის საკითხებში აშშ-ის სახელმწიფო მდივნის მოადგილის, ჯეიმს ო’ბრაიენის განცხადებით, საქართველოში სანქციები შეიძლება დაუწესდეთ არა მხოლოდ მათ, ვინც კორუფციით სარგებელს იღებს, ასევე მათ, ვინც ადამიანის უფლებების დარღვევაშია მხილებული. ამის შესახებ ო’ბრაიენმა შეერთებული შტატების სენატში მიმდინარე მოსმენაზე განაცხადა. რას ამბობს ო’ბრაიენი? „როგორც ჩანს, საქართველოში არის ელიტები, რომლებიც თითქოს სხვა მოსახლეობას ხედავენ. ისინი ზურგს აქცევენ ევროკავშირისა და ნატოსკენ თავის გზას. სინამდვილეში, ამ პარტიამ [„ქართულმა ოცნებამ“] ნატოსა და ევროკავშირში გაწევრიანების სურვილი თავის კონსტიტუციაში შეიტანა. ახლა კი სხვა მიმართულებით მიდის. რატომ? ეს ცოტა ძნელი გასარკვევია. ჩვენ ვცდილობთ, ძალიან მკაფიონი ვიყოთ იმის თაობაზე, თუ რა უნდა გაკეთდეს და რამდენად მნიშვნელოვანია ეს. რადგან საქართველო ითხოვს შეუერთდეს იმ კლუბებს, რომელთაგან ერთის წევრი ვართ, მეორე კი – ჩვენი მთავარი პარტნიორია. და ისინი ვერ შეცვლიან, ვერ გადაწერენ იმ წესებს, რომლებიც ამ კლუბებში გაწევრიანებისთვისაა საჭიროა“, – თქვა ჯიმ ო’ბრაიენმა და განმარტა ის ნაბიჯები, რაც ამერიკის ხელისუფლებამ გადადგა. „საქართველოსთვის ჩვენი ყველანაირი დახმარება გადახედვის პროცესშია. ჩვენ ძალიან გვინდა მხარი დავუჭიროთ ყველაფერს, რაც ამ შემოდგომაზე თავისუფალ და გამჭვირვალე საპარლამენტო არჩევნებს შეუწყობს ხელს… მაგრამ, გვინდა მკაფიოდ ვუთხრათ მმართველ პარტიას, რომ იქნება რეალური შედეგები… პენტაგონმა განუსაზღვრელი ვადით გადადო სამხედრო წვრთნები“, – ამბობს ო’ბრაიენი. სახელმწიფო დეპარტამენტის მაღალჩინოსანმა ევროკავშირის მიერ გადადგმულ ნაბიჯებზეც ისაუბრა და თქვა, რომ ბლოკის განმარტებით, საქართველოს გზა გაწევრიანებისკენ, ფაქტობრივად, შეჩერებულია და ეს, შესაძლოა, ფორმალურად რამდენიმე თვეში გადაიხედოს. რაც შეეხება შემდგომ სანქციებს, ო’ბრაიენი ამბობს, რომ ამ მიმართულებით მსჯელობა და განხილვა გრძელდება და ამ ეტაპზე ამაზე ვერ ისაუბრებს. თუმცა, მისი თქმით, შემდგომი სანქციების ობიექტებად განიხილებიან არა მხოლოდ ისინი, ვინც კორუფციით სარგებელს იღებს, არამედ ასევე განიხილება სანქციები მათ წინააღმდეგაც, ვინც ადამიანის უფლებების დარღვევაშია მხილებული. ამასთან ო’ბრაიენი აღნიშნავს, რომ აუცილებლად ნათელი უნდა იყოს საქართველოს მმართველი გუნდისთვის ის, რომ არსებობს გზა უკან: „თავისუფალი და გამჭვირვალე არჩევნები, სამოქალაქო საზოგადოების წინააღმდეგ ძალადობის გარეშე. რაც შეეხება უცხოეთის აგენტების კანონს, რა გამჭვირვალობის რეგულაციებიც სურთ, გახადონ ის ევროკავშირის კანონმდებლობის შესაბამისი და არა – რუსეთის კანონმდებლობის. არ მისცენ ჩინეთს საშუალება, ააშენოს ანაკლიის ღრმაწყლოვანი პორტი. ესაა ის ნაბიჯები, რომელთა გადადგმაც საქართველოსგან მნიშვნელოვანია”, – აცხადებს ევროპისა და ევრაზიის საკითხებში ამერიკის სახელმწიფო მდივნის თანაშემწე, ჯეიმს ო’ბრაიენი. ო’ბრაიენმა კონგრესის ძალისხმევის მნიშვნელობასაც გაუსვა ხაზი, რათა ნათელი იყოს, რომ ამ საკითხზე ორპარტიული თანხმობა არსებობს და დიდი ხნის განმავლობაში საქართველოს ერთგულ მეგობრებს მიაჩნიათ, რომ ეს მცდარი გზაა. ჯიმ ო’ბრაიენმა დასძინა, რომ ამ პროცესებით კმაყოფილი მხოლოდ მოსკოვია: „ერთადერთი. ვინც ამ მიმართულებით ძალიან ბედნიერი ჩანს, რუსეთია. თუკი დააკვირდებით მათი წამყვანი პროპაგანდისტების განცხადებებს, ისინი მიესალმებიან ამ მიმართულებას“, – თქვა ევროპისა და ევრაზიის საკითხებში სახელმწიფო მდივნის თანაშემწემ. სენატში მიმდინარე მოსმენის სხვა დეტალები ამერიკის სენატის საგარეო ურთიერთობათა კომიტეტში, „ევროპის მომავალზე“ მსჯელობენ. ევროპისა და რეგიონული უსაფრთხოების თანამშრომლობის ქვეკომიტეტის წინაშე, ჯეიმს ო’ბრაიენი წარდგა. ამ წუთებში, ევროპისა და ევრაზიის საკითხებში სახელმწიფო მდივნის თანაშემწე, ქვეკომიტეტის წევრების კითხვებს პასუხობს. კანონმდებლებს აინტერესებთ, რას აკეთებს ამერიკა რუსეთის მეზობელი ქვეყნების დასახმარებლად. განიხილავენ უკრაინის მიმართ აშშ-ის დახმარებას, რათა ის რუსეთის სამხედრო აგრესიას გაუმკლავდეს, ისაუბრეს სომხეთის პრობლემებზე და საქართველოში დემოკრატიასთან დაკავშირებულ გამოწვევებზე. განხილვის მნიშვნელოვანი ნაწილი უკრაინას დაეთმო და იმას, თუ როგორ უნდა დაეხმაროს ამერიკა კიევს უკეთ და უფრო ეფექტურად. საუბარი იყო იმ შეზღუდვების მოხსნაზე, რაც ამერიკას მის მიერ მიწოდებული იარაღის გამოყენებაზე აქვს დაწესებული, ასევე, ჩინეთის მიერ რუსეთის დახმარების გზების შეზღუდვაზე. საქართველოს შესახებ, სენატორმა ჯინ შაჰინმა, რომელიც სხდომას უძღვება, ასევე ისაუბრა გამხსნელ სიტყვაშიც. სენატორმა შაჰინმა თქვა, რომ სურს, ამერიკელი დიპლომატისგან მოისმინოს ის, თუ როგორ უნდა დაეხმაროს ვაშინგტონი უკეთ ასპირანტ ქვეყნებს, მათ შორის „დემოკრატიის სულისკვეთებას“, საქართველოს მსგავს ქვეყანაში, სადაც მისი თქმით, მთავრობამ „ევროკავშირში გაწევრიანების ამბიციისთვის ძირგამომთხრელი ნაბიჯები გადადგა, მიუხედავად მისი ხალხის უდიდესი მისწრაფებებისა, გახდეს ევროკავშირის წევრი“. რუსეთის მიერ მეზობლების წინააღმდეგ გადადგმულ ნაბიჯებს შორის დემოკრატმა სენატორმა ბენ კარდინმა კი, რუსეთის მიერ საქართველოს ტერიტორიების ოკუპაციაზეც ისაუბრა და თქვა, რომ 2008 წელს ამას საკმარისი ყურადღება არ დაეთმო და სათანადო რეაგირება არ ყოფილა. ამერიკის საკანონმდებლო ორგანოს ორივე პალატაში წარდგენილია საკანონმდებლო ინიციატივები, რომლებიც საქართველოში მიმდინარე პროცესებს ეხება. 23 მაისს, სენატორმა ჯინ შაჰინმა საკანონმდებლო ინიციატივა წარადგინა. „ქართველი ხალხის“ აქტი ორ ძირითად ნაწილს მოიცავს. ერთი გულისხმობს სამოქალაქო საზოგადოების მხარდაჭერას, მეორე კი იმ პირების ანგარიშვალდებულების დაყენებას და მათ წინააღმდეგ სანქციების დაწესებას, ვინც საქართველოს სტაბილურობის, სუვერენიტეტისა და ტერიტორიული მთლიანობის „შელახვაზე არიან პასუხისმგებელნი“. ასევე იმ ფიზიკურ პირებს, საქართველოს მოქალაქეებს, რომლებიც ადამიანის უფლებების დარღვევასა და კორუფციაზე არიან პასუხისმგებელნი. მასალის სრული ვერსია იხილეთ ბმულზე. პუბლიკა

მსოფლიოში ყველაზე ავტორიტეტულმა სასამართლომ მამუკა ხაზარაძეს უთხრა, მტყუანი ხარო - ვინ იღებს პასუხისმგებლობას იმაზე, რომ საქართველომ ანაკლიის პორტთან დაკავშირებით რვა წელი დაკარგა? - ეს განცხადება მედიასთან პარტიას "საქართველოსთვის" დეპუტატმა მიხეილ დაუშვილმა გააკეთა. კითხვაზე, სახელმწიფომ მამუკა ხაზარაძისგან უნდა მოითხოვოს თუ არა 600 ათასი დოლარის გადახდა, დაუშვილმა განაცხადა, რომ თუ სახელმწიფომ ხარჯი გასწია, ლოგიკურია, რომ ხარჯი წაგებულმა მხარემ აანაზღაუროს. "ამაში გასაკვირი რა არის? ყველაზე სამწუხაროა, რომ ხაზარაძემ და მისმა პარტნიორებმა ქვეყანას მინიმუმ რვა წელი დააკარგვინეს. 2016 წელს ტენდერი დასრულდა და კონტრაქტი გაფორმდა - დღეს კი, 2024 წელია. საქართველომ რვა წელი დაკარგა, რომ ანაკლიის პორტი ჰქონოდა. დაკარგულ დროზე პასუხისმგებლობას ვინ იღებს? ოთხ წელზე მეტია, "ლელოს" მხრიდან ცრუ კამპანია მიდის და აქცენტს გიორგი გახარიაზე აკეთებდნენ. ჩვენ ზუსტად ვიცოდით, რომ ეს ყველაფერი ტყუილი იყო - ამაში დარწმუნებული ვიყავით. იმასაც ვეუბნებოდით, რომ დავას წააგებდნენ. მოქალაქეებს ოთხი წელი რომ ეუბნებოდნენ იმას, რაც მართალი არ ყოფილა, ამაზე პასუხისმგებლობას ვინ იღებს ან ბოდიშს ვინ იხდის, რომ თურმე, ამდენი ხანი ატყუებდნენ?! დავუშვათ, რომ ხაზარაძე მართალი იყო და დავა უნდა მოეგო, სამართლიანია, რომ თავად დახარჯული აქვს რამდენიმე მილიონი ამ პროექტში და ბიუჯეტიდან მილიარდ ნახევარს ითხოვს? გამოდის, რომ რამდენიმე მილიონი დახარჯა და მისსავე მოქალაქეებს მილიარდ ნახევარს სთხოვს. ამას იმ ხალხს ეუბნება, ვისაც სთხოვს, ხმა მომეციო, ეს სწორია?! - ეს ყველაფერი არასწორია! - განაცხადა მიხეილ დაუშვილმა. იპნ

ირანის ახალმა პრეზიდენტმა ფიცი შეძახილების, „სიკვდილი ამერიკასა და ისრაელს“, ფონზე დადო, - ამის შესახებ ინფორმაციას სააგენტო Reuters-ი ავრცელებს. „ჩვენ შევეცდებით მსოფლიოსთან ღირსების, სიბრძნისა და მიზანშეწონილობის საფუძველზე კონსტრუქციულად და ეფექტურად ვითანამშრომლოთ“, - განაცხადა ირანის პრეზიდენტმა, მასუდ ფეზეშქიანმა პარლამენტში სიტყვით გამოსვლისას. Reuters-ის ცნობით, ინაუგურაციის ცერემონიაზე შეძახილები „სიკვდილი ამერიკას“ და „სიკვდილი ისრაელს“ ისმოდა. „ისინი, ვინც იარაღს მათ აწვდიან, რომლებიც ბავშვებს კლავენ, მუსლიმებს კაცობრიობის შესახებ ვერ ასწავლიან“, - აღნიშნა მასუდ ფეზეშქიანმა. ირანის ახალი პრეზიდენტის ინაუგურაციას „ჰამასისა“ და „ისლამური ჯიჰადის“ ლიდერები ესწრებოდნენ. „ჰამასის“ პოლიტბიუროს ხელმძღვანელი, ისმაილ ჰანიე დღეს თეირანში, საჰაერო თავდასხმას ემსხვერპლა. იპნ

ის რაც ვიხილეთ, მძიმე სანახავი იყო, მაგრამ არ გამიკვირდა! - ეს ის ირაკლი კობახიძეა, რომელიც აშშ-ს მტრად მოიხსენიებს და ადანაშაულებს იმაში, რომ საქართველოში მეორე ფრონტის გახსნა უნდა, - ასე გამოეხმაურა პარტია "გახარია საქართველოსთვის" დეპუტატი მიხეილ დაუშვილი საქართველოს პრემიერ - მინისტრის ირანის პრეზიდენტის ინაუგურაციის ცერემონიაზე ყოფნას, სადაც შეძახილები "სიკვდილი ამერიკას", "სიკვდილი ისრაელს" ისმოდა. დაუშვილის შეფასებით, ტრაგედიაა არა ირანში ჩასვლა, არამედ ქვეყნის მეგობრების მტრებად გამოცხადება. "ირაკლი კობახიძემ ყველაზე ახლო მეგობრები, ვინც ჩვენი სუვერენიტეტის ერთ-ერთი მთავარი დამცველი არიან, მტრად გამოგვიცხადა. მტრებად ასეთ ქვეყნებს გვიცხადებენ! ის, რაც ვიხილეთ მძიმე სანახავი იყო, მაგრამ არ გამიკვირდა. ახლა რაც ყველაზე მეტად გვჭირდება ესაა ჩვენს დასავლელ მეგობრებთან ახლოს დგომა და მათთან მჭიდრო ურთიერთობა. ჩვენ გვჭირდება ინტერესთა დაბალანსება და არა ის, რასაც დღეს "ქართული ოცნება" აკეთებს, რომელიც ყველა ნამდვილ მეგობართან გვაშორებს. სტაბილურობას "ოცნება" ვერ უზრუნველყოფს - მას ქვეყანა მიჰყავს საერთაშორისო იზოლაციისკენ, რაც პირდაპირი საფრთხეა ჩვენი სუვერენიტეტისთვის", - განაცხადა მიხეილ დაუშვილმა. იპნ

დანიამ საქართველოსთან 4-წლიანი სამხედრო თანამშრომლობა შეაჩერა, რომლის ბიუჯეტიც დაახლოებით 71.5 მილიონი დანიური კრონა (28 მლნ ლარზე მეტი) იყო. ამის შესახებ დანიის საგარეო საქმეთა სამინისტროს წერილიდან ხდება ცნობილი, რომელიც პარლამენტის ოპოზიციონერ დეპუტატ თეონა აქუბარდიას მისი კითხვის პასუხად გამოუგზავნეს. ინფორმაცია ნეტგაზეთს დაუდასტურეს დანიის საელჩოშიც. როგორც თეონა აქუბარდიასთვის გამოგზავნილ წერილშია აღნიშნული, 2024 წლის ივნისში ევროკავშირის საბჭოს გადაწყვეტილების შესაბამისად, ასევე, ევროკავშირის სამშვიდობო ფონდიდან საქართველოსთვის დახმარების შეჩერების შემდეგ, დანიამ გადაწყვიტა განიხილოს საქართველოს მთავრობისადმი ორმხრივი დახმარების სრულად გადახედვა. როგორც წერილშია აღნიშნული, სანამ განხილვა გრძელდება, დანია შეაჩერებს დაგეგმილ აქტივობებს და ახალ პროგრამულ მხარდაჭერას საქართველოს ხელისუფლებისთვის. „დანია მოუწოდებს საქართველოს მთავრობას, დაუბრუნდეს ევროატლანტიკურ გზას და დაიცვას ევროკავშირის რეფორმების დღის წესრიგი, რაც დანიასა და საქართველოს შორის ძლიერი ორმხრივი კავშირების საფუძველია“, – აღნიშნულია დანიის საგარეო საქმეთა სამინისტროს წერილში. დანიის საგარეო საქმეთა სამინისტროს წერილი, რომელიც თეონა აქუბარდიას გამოუგზავნეს აღნიშნულთან დაკავშირებით ნეტგაზეთი დაუკავშირდა საქართველოს მთავრობის ადმინისტრაციასა და თავდაცვის სამინისტროსაც, თუმცა მათგან ჯერჯერობით არ მიგვიღია პასუხი. როგორც თეონა აქუბარდია აცხადებს, მაშინ, როცა ხელისუფლება „გამჭვირვალობას“ ითხოვს, თავდაცვის სამინისტრო საკუთარ ხალხს უმალავს იმ მძიმე შედეგს, რომელიც თავდაცვისუნარიანობას მიაყენა მმართველმა პოლიტიკურმა გუნდმა. აქუბარდიას თქმით, ის აპირებს, რომ სხვა დასავლელ პარტნიორებსაც მიმართოს წერილობით და მიიღოს ინფორმაცია, რომელსაც მთავრობა მალავს. „ჩვენ ვხედავთ, რომ არა მხოლოდ კონსტიტუციის 78-ე მუხლი და 22-ე მუხლები, რომელიც დემოკრატიას ეხებოდა, დაზიანდა, არამედ უკვე კონსტიტუციის 70-ე მუხლი, რაც სახელმწიფო თავდაცვას გულისხმობს და ეს უმძიმესი ვითარება, რითაც ასეულობით მილიონი ლარი დაკარგა ჩვენმა თავდაცვამ, ისევე როგორც რეპუტაციული ზიანი მიადგა მას, არის მნიშვნელოვანი გამოწვევა ამ ქვეყნის სუვერენიტეტისთვის და ტერიტორიული მთლიანობისთვის, ისევე როგორც თავდაცვისუნარიანობისთვის. მე მივმართავ თავდაცვის მინისტრს, როდემდე აპირებს ის, რომ დაუმალოს ინფორმაცია საკუთარ ხალხს იმ შეჩერებულ ინფორმაციასთან დაკავშირებით, რომელიც არის თავდაცვის ძალებთან დაკავშირებით და მაინტერესებს, რას აპირებენ, როგორ მოახერხებენ, აი, ამ თანხების გაყინვის, ისევე როგორც ამხელა რეპუტაციული ზიანის შემდგომ, რაიმე ტიპის ღირსებით სადმე ევროკავშირში წასვლისთვის. როდესაც მათ კარგად იციან, რომ ეს ყველაფერი არა გაუგებრობა არის, არამდე დაგეგმილი პროვოკაციაა ქვეყნის სუვერენიტეტისა და ტერიტორიულ მთლიანობის წინააღმდეგ“, – განაცხადა თეონა აქუბარდიამ. რუსული კანონის მიღების შემდეგ, ევროკავშირმა საქართველოსთვის 30 მილიონი ევროს დახმარება გაყინა, რომლის გადმორიცხვა ევროპული სამშვიდობო ფონდიდან (EPF) იგეგმებოდა. საქართველოში ევროკავშირის ელჩის, პაველ ჰერჩინსკის განცხადებით, სიტუაციის შემდგომი გაუარესების შემთხვევაში განიხილება სხვა ზომების მიღებაც. გარდა ამისა, ამერიკის შეერთებულმა შტატებმა გაურკვეველი ვადით გადადო საქართველოში 25 ივლისი — 6 აგვისტოს შუალედში დაგეგმილი ერთობლივი სამხედრო წვრთნა „ღირსეული პარტნიორი“. როგორც აშშ-ის თავდაცვის დეპარტამენტი აცხადებს, აღნიშნული გადაწყვეტილება მიიღეს ორმხრივი ურთიერთობების გადახედვასთან დაკავშირებით მიღებული გადაწყვეტილების ფარგლებში. აშშ გაურკვეველი ვადით აჩერებს სამხედრო წვრთნებს „ღირსეული პარტნიორი“ ევროკავშირმა შეაჩერა საქართველოს თავდაცვის ძალების დახმარება EPF-დან ნეტგაზეთი

ქართველმა ძიუდოისტმა, მსოფლიოს სამგზის ჩემპიონმა ტატო გრიგალაშვილმა პარიზის ოლიმპიადაზე ვერცხლის მედალი მოიპოვა. ოლიმპიადის ფინალში ქართველი სპორტსმენი ოლიმპიურ ჩემპიონთან, იაპონელ ტაკანორი ნაგასესთან დამარცხდა. გრიგალაშვილის ვერცხლი საქართველოს ნაკრებისთვის პირველი მედალია პარიზის ოლიმპურ თამაშებზე. ინფორმაციისთვის, პირველ წრეში გრიგალაშვილი მოლდოველ მიხაელ ლატიშევს დაუპირისპირდა. მოლდოველმა აკრძალული ილეთი დამატებით დროში შეასრულა, რის გამოც მსაჯებმა ვიდეოგამეორების შემდეგ ტურნირიდან მოხსნეს. მერვედფინალში ქართველმა ძიუდოისტმა ავსტრიის სახელით მოასპარეზე ვახიდ ბორჩაშვილი ვაზარით დაამარცხა. მეოთხედფინალში გრიგალაშვილი 28 წლის ტაჯიკ სომონ მახმადბეკოვს შეხვდა და დამატებით დროში ვაზარით სძლია. ნახევარფინალში ტატომ, რომელსაც ორი გაფრთხილება ჰქონდა, სამხრეთკორეელი ჯიონვან ლი დამატებით დროში, შეხვედრის მეცხრე წუთზე ვაზარით დაამარცხა. ცნობისთვის, ზაფხულის 33-ე ოლიმპიურ თამაშებში საქართველოდან სპორტის 10 სახეობაში (ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი ასპარეზობს. იპნ

"ჩვენი სტრატეგიული ამოცანაა ამ ქვეყანაში დამარცხდეს “ოცნება” და “ნაციონალური მოძრაობა” ერთად, როგორც ერთმანეთის გამაძლიერებელი და სულის ჩამდგმელი ორი პოლიტიკური ძალა." ბექა ლილუაშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/997742485384257/

"ხაზარაძემ ანაკლიის პორტი შიდა პოლიტიკური ვაჭრობისთვის გამოიყენა, ახლა კი ივანიშვილი იყენებს გარე პოლიტიკური ვაჭრობისთვის. ერთადერთი, ვინც არ ვაჭრობდა ამ თემით, იყო გიორგი გახარია და მისი გუნდი. სწორედ ჩვენ ვიყავით ის ადამიანები, რომლებმაც ინვესტორები მოიძია, კონსტიტუციაში ცვლილება შეიტანა და ცდილობდა საქმე წინ წაეყვანა." ბექა ლილუაშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/1036949931155180/

დეზერტირების ბაზრის ტერიტორიაზე დილიდან ხმაური და დაპირისპირებაა. მოვაჭრეებსა და ბაზრის ადმინისტრაციის თანამშრომლებს შორის სიტყვიერი დაპირისპირება მას შემდეგ დაიწყო, რაც მოვაჭრეების განცხადებით, შეიტყვეს, რომ სავაჭრო ობიექტი 6 თვით სარემონტო სამუშაოების გამო იხურება. მოვაჭრეების განცხადებით, ისინი მძიმე სოციალურ-ეკონომიკურ მდგომარეობაში არიან და მერიამ ალტერნატიული ტერიტორიაც არ შესთავაზა, სადაც მუშაობას გააგრძელებენ. აქციის მონაწილეებმა დეზერტირების ბაზრის ტერიტორიაზე გზაც გადაკეტეს, რომელიც მოგვიანებით სამართალდამცველებმა აღადგინეს. „ეს არის ბოლო წვეთი, ყველა ემიგრანტი ვერ გავხდებით. ყველა სამშობლოს ვერ მივატოვებთ. აქ მოვიდეს კახა კალაძე, ხვიჩა მაქაცარია. სახელმწიფომ გააკეთოს ამ ბაზრის დეცენტრალიზაცია“,-განაცხადა აქციის ერთ-ერთმა მონაწილემ. მოვაჭრეები თბილისის მერთან შეხვედრას მოითხოვენ და აღნიშნავენ, რომ თუ მათ ვაჭრობის საშუალება არ მიეცემათ, პროტესტის სხვა ფორმას მიმართავენ და უკვე ცენტრალურ მაგისტრალს გადაკეტავენ. იპნ

პარტია „გახარია - საქართველოსთვის“ პარლამენტის თავმჯდომარის, შალვა პაპუაშვილის მიერ წინასაარჩევნო კამპანიისას სავარაუდო დანაშაულზე გამოძიების დაწყების მოთხოვნით პროკურატურას მიმართავს. ამის შესახებ პარტია „გახარია საქართველოსთვის“ თავმჯდომარის მოადგილემ ნათია მეზვრიშვილმა ბრიფინგზე ისაუბრა. მისი თქმით, „ოცნება“ წინასწარ გაურიგდა ზონდერებს, რომ მათ ამნისტიას შეახებდა იმ გათვლით, რომ შემდეგ ისინი წინასაარჩევნოდაც გამოეყენებინა. მეზვრიშვილის განცხადებით, „მალევე, საზოგადოებამ იხილა პაპუაშვილის მოწოდება ძალადობისკენ“. „მივმართავთ პროკურატურას დაიწყოს გამოძიება პარლამენტის სპიკერის - შალვა პაპუაშვილის მიერ, წინასაარჩევნო კამპანიისას, ოპოზიციის მიმართ ზონდერების გამოყენებით დაანონსებულ ძალადობაზე. დროული რეაგირება უმნიშვნელოვანესია, არჩევნების ძალადობისგან თავისუფალ გარემოში ჩასატარებლად. პაპუაშვილის მოწოდება ძალადობისკენ არის იმ დანაშაულებრივი გარიგების ნაწილი და გაგრძელება, რის შესახებაც საზოგადოებას ინფორმაცია რამდენიმე დღის წინ მივაწოდეთ. „ოცნება“ წინასწარ გაურიგდა ზონდერებს, რომ მათ ამნისტიას შეახებდა იმ გათვლით, რომ შემდეგ აღნიშნული ზონდერები წინასაარჩევნოდაც გამოეყენებინა. ასეც მოხდა. ზონდერების დაცვის ამნისტიის დაანონსებიდან მალევე, საზოგადოებამ იხილა პაპუაშვილის მოწოდება ძალადობისკენ. დღეს უკვე შემდგარი ფაქტია, რომ „ოცნება“ არჩევნებს აგებს. ინსტიტუტების სრული მორჩილების, პოლიტიკური კორუფციის და სისტემური ძალადობის პირობებშიც კი, ხელისუფლების მაქსიმალური მხარდაჭერა, მათივე კვლევებით, 30%-საც ვერ აღწევს. სწორედ ამიტომ, „ოცნება“ დანაშაულებრივი მეთოდებით - პოლიტიკური კორუფციით და სისტემური ძალადობით ცდილობს დამატებითი რესურსების მობილიზაციას. კობახიძე-პაპუაშვილის დაჯგუფებას მიღებული აქვს დავალება, ნებისმიერ ფასად მოახდინონ ხმებით მანიპულირება და მანიპულირებული შედეგების სახალხო ლეგიტიმაცია. კერძოდ, სუს-ის დახმარებით, სამთავრობო რესურსების კორუფციული მიზნებისთვის გამოყენებაზე პასუხისმგებელია კობახიძე, ხოლო დამკვირვებლების, მედიის და ოპოზიციის მიმართ ძალადობის წახალისებაზე, ასევე არჩევნებთან დაკავშირებით დეზინფორმაციის გავრცელებაზე, პასუხისმგებელია პაპუაშვილი. საზოგადოებას შევახსენებთ ძალადობაში პაპუაშვილის მონაწილეობის ფაქტს უახლოესი წარსულიდან, როდესაც მის მიერ აქტივისტების და მედიის მიერ ძალადობის დაანონსებას იმავე დღეს, მყისიერად მოჰყვა ზონდერების მიერ აქტივისტზე სასტიკი ძალადობა. შესაბამისად, მოვუწოდებთ პროკურატურას დროული რეაგირებისკენ. ნებისმიერ ძალადობაზე პასუხისმგებლობას, ხელისუფლებასთან ერთად, ვაკისრებთ უშუალოდ პაპუაშვილს და იმ უწყებებს, რომელთა უმოქმედობა ძალადობაში თანამონაწილეობაა“, - განაცხადა მეზვრიშვილმა.

"მამუკა ხაზარაძემ ანაკლიის თემაზე არბიტრაჟი წააგო, სადაც იგი ჩვენს ქვეყანას 5 მილიარდ ლარს ედავებოდა. ადამიანმა, რომელმაც მთელი თავისი 4 წლიანი პოლიტიკური პიარკამპანია ამ ტყუილებზე ააგო და ჩვენ გვადანაშაულებდა, გუშინ ამ ტყუილებს საერთაშორისო არბიტრაჟმა წერტილი დაუსვა. ჩვენს გუნდს მისი ბოდიში არ გვჭირდება, მან ბოდიში უნდა მოუხადოს ქართველ ხალხს, რადგან მთელი ამ პერიოდის განმავლობაში მათ ატყუებდა." მიხეილ დაუშვილი, საპარლამენტო პოლიტიკური ჯგუფი "საქართველოსთვის" წევრი.

ქართველი ძიუდოისტი ტატო გრიგალაშვილი ოლიმპიადის მეოთხედფინალშია. მერვედფინალში გრიგალაშვილი ავსტრიის სახელით მოასპარეზე ვახიდ ბორჩაშვილს დაუპირისპირდა და ვაზარით დაამარცხა. ცნობისთვის, ზაფხულის 33-ე ოლიმპიურ თამაშებში საქართველოდან სპორტის 10 სახეობაში (ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი ასპარეზობს. იპნ

“ხაზარაძეს მოუწევს, ბოდიში მოუხადოს ქართველ ხალხს.” - ბექა ლილუაშვილის კომენტარი ხაზარაძის წაგებულ არბიტრაჟზე ვიდეო: https://www.facebook.com/ForGeoGe/videos/2376212562586904

პარლამენტის წევრის, თეონა აქუბარდიას თქმით, დანიამ საქართველოსთან 4-წლიანი სამხედრო დახმარება შეწყვიტა, რომელიც გასულ წელს დაიწყო და მისი ბიუჯეტი 71.5 მილიონ დანიურ კრონას შეადგენდა. როგორც აქუბარდიამ განმარტა, ამის შესახებ საუბარია მისი წერილის პასუხად, დანიის საგარეო საქმეთა სამინისტროსგან მიღებულ წერილში. აქუბარდიას თქმით, წერილის თანახმად, დანია მოუწოდებს საქართველოს მთავრობას, დაუბრუნდეს ევროატლანტიკურ გზას, დაიცვას ევროკავშირის რეფორმების დღის წესრიგი, რაც არის ძლიერი ორმხრივი კავშირების საფუძველი დანიასა და საქართველოს შორის.

2014 წლის 11 აგვისტოდან მიმდინარე წლის 22 ივლისის ჩათვლით, საქართველოში 1 ლიტრა ბენზინის საშუალო ფასი 2.54 ლარს შეადგენს, რაც 2016 წლის 21 მარტისდროინდელ მინიმალურ 1.65-ლარიან და 2022 წლის 18 ივლისის არაუმეტეს 4-ლარიან ფასებთან მიმართებით არის დადგენილი. შედარებისთვის: მსოფლიოში ბენზინის საშუალო ფასი ამ პერიოდისთვის 4,91 ლარს შეადგენს. სტატისტიკას დარგის პორტალი, Globalpetrolprices აქვეყნებს. Globalpetrolprices საქართველოს მონაცემებს ოფიციალური სამთავრობო წყაროებიდან, ასევე, ნავთობკომპანიებიდან და სხვა ძირითადი წყაროებიდან მიღებულ ინფორმაციაზე დაყრდნობით ავრცელებს. პორტალი საქართველოს მონაცემებს ყოველ კვირას აახლებს. რაც შეეხება მიმდინარე ფასებს მეზობელ ქვეყნებთან მიმართებაში, ლიტრა ბენზინი ყველაზე ძვირი თურქეთში, ხოლო ყველაზე იაფი აზერბაიჯანშია. აღსანიშნავია, რომ მარტის დასაწყისში მეზობელ ქვეყნებს შორის ბენზინი ყველაზე ძვირი სომხეთში ღირდა. თუმცა სომხეთში 11 მარტიდან 22 ივლისის ჩათვლით ლიტრა ბენზინზე საშუალო ფასი არ შეცვლილა, მაშინ, როცა რეგიონის ყველა ქვეყანამ ამ მხრივ 0.5-0.10 დოლარიანი ინფლაცია განიცადა. მაგალითად, თუ საქართველოში 11 მარტის მდგომარეობით ბენზინის საშუალო ღირებულება 1.19 დოლარს, ანუ 3,23 ლარს შეადგენდა, ამჟამად 1.23 დოლარს, 3.34 ლარს შეადგენს, რითიც ის სამეზობლო ხუთეულში მესამე ადგილზეა. კერძოდ, 22 ივლისიდან ბენზინის საშუალო ფასი რეგიონში ასეთია (ლიტრა; აშშ დოლარი): აზერბაიჯანი - 0.64 (მარტში 0.59) რუსეთი - 0,65 (0.60) საქართველო - 1.23 (1.19) სომხეთი - 1.32 (იგივე) თურქეთი - 1,37 (1.26) ყველაზე დაბალი ფასით შემდეგი 10 ქვეყანა გამოირჩევა (ლიტრა; აშშ დოლარი): ირანი - 0,029 (მარტში იგივე) ლიბია - 0,031 (იგივე) ვენესუელა - 0,035 (იგივე) ეგვიპტე - 0.28 (0,26) ალჟირი - 0,34 (იგივე) კუვეიტი - 0,34 (იგივე) ანგოლა - 0.34 (0,36) თურქმენეთი - 0,43 (იგივე) მალაიზია - 0.43 (0,44) ნიგერია - 0.48 (0,41) 22 ივლისიდან აშშ-ში ლიტრ ბენზინის საშუალო ფასი, მარტთან შედარებით, 0.02 დოლარით გაძვირდა და 1 დოლარი გახდა, არაბთა გაერთიანებულ საემიროებში კი ფასი იგივე, 0,78 დოლარი დარჩა. უცვლელია ფასი ჩინეთშიც და ლიტრა ბენზინი 1,19 დოლარი ღირს, ხოლო ინდოეთში, მარტთან შედარებით, 0.06 დოლარით, ანუ 1,26-დან 1.20 დოლარამდე გაიაფდა. ევროპის ქვეყნებში ბენზინის საშუალო ფასი მარტის მსგავსად კვლავ 1,4-სა და 2,3 დოლარს შორის ვარირებს. მაგალითად, ლიტრა ბენზინზე ყველაზე დაბალი საშუალო ფასი უკრაინაში, 1.44 დოლარი დაფიქსირდა, თუმცა მარტში შედარებით ნაკლები, 1,41 დოლარი ღირდა. ბულგარეთში (1,45 დოლარი), ესპანეთში (1,75 დოლარი), ბელგიაში (1,8 დოლარი), გერმანიასა და ფინეთში (1,9 დოლარი) ფასები უცვლელი დარჩა, ხოლო საფრანგეთში, მარტთან შედარებით, 0.02 დოლარით, ანუ 2-დან 1.98 დოლარამდე გაიაფდა. იტალიასა და საბერძნეთში ბენზინი კვლავ 2 დოლარზე მეტი ღირს. ყველაზე ძვირი ბენზინი შემდეგ ქვეყნებშია (ლიტრა; აშშ დოლარი): მონაკო - 2,32 (იგივე) ჰოგ-კონგი - 3.26 (მარტში 3,1) დანია - 2,29 (2.2) ისლანდია - 2.28 (2,31) ნიდერლანდები - 2.18 (2,17) ისრაელი - 2.14 (2,11) ლიხტენშტეინი - 2.12 (2,09) იტალია - 2.093 (2.09) ბარბადოსი - 2.090 (2,092) შვეიცარია - 2.082 აღსანიშნავია, რომ ნორვეგია ბენზინის საშუალო ფასით ყველაზე ძვირი ქვეყნების ათეულში აღარ არის, რადგან ქვეყანაში საწვავი, თითქმის, 0.08 დოლარით, ანუ მარტისდროინდელი 2,12-დან 2.048 დოლარამდე გაიაფდა. ცნობისთვის: Globalpetrolprices ძირითადად, ქვეყნების, მათ შორის, საქართვეოლოს ბენზინის ფასს ყოველკვირეულად აახლებს, თუმცა იმ ქვეყნების მონაცემები, რომლებიც საწვავის ბაზრებს არეგულირებენ და რომლებშიც ფასები ხშირად არ იცვლება, მხოლოდ ყოველთვიურად ახლდება. მოამზადა ლადო სულაბერიძემ

იუსტიციის მინისტრის, რატი ბრეგაძის განცხადებით, საარბიტრაჟო სასამართლომ შპს „ანაკლიის განვითარების კონსორციუმის“ სარჩელზე განხილვა დაასრულა და დაადგინა, რომ საქართველოს მთავრობამ საინვესტიციო ხელშეკრულება კანონიერად შეწყვიტა. დღევანდელ ბრიფინგზე მინისტრმა განმარტა, რომ არბიტრაჟმა მოსარჩელეს მილიარდ ნახევარი დოლარის ანაზღაურებაზეც უარი უთხრა და მას საქართველოს მთავრობის სასარგებლოდ 650 ათასი დოლარის გადახდის ვალდებულება დაეკისრა. ამ საქმეზე განცხადება სოციალურ ქსელში გააკეთა მამუკა ხაზარაძემაც. მან გადაწყვეტილებას „გულდასაწყვეტი უწოდა”. პუბლიკა