Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    პარტია „საქართველოსთვის“ წევრები თბილისის საკრებულოდან, პროკურატურას მოუწოდებენ, თბილისში დაგეგმილ მასშტაბურ პროექტებზე გამოძიება დაიწყოს.
    დღეს, 25 აგვისტოს, საკრებულომ უნდა განიხილოს რამდენიმე სამშენებლო მეგაპროექტი, მათ შორის, ცათამბჯენები „ლაგუნა ვერესთან“ და ვაკეში.  ოპოზიციური პარტიის თქმით, „ოცნების“ წევრები საკრებულოში აღნიშნული პროექტების მხარდაჭერას აპირებენ. მმართველ გუნდს საკრებულოში უმრავლესობა აქვს და შესაბამისად, გადაწყვეტილების მიღებაც არ გაუჭირდება.
    როგორც „საქართველოსთვის“ წევრი გიორგი შარაშიძე აცხადებს, საკრებულო თანახმაა, თბილისელების ინტერესების საწინააღმდეგოდ გადაწყვეტილება მიიღოს და ამაში კორუფციის ნიშნებს ხედავს.

    საკრებულომ 6 პროექტი უნდა განიხილოს, რომელთაგან 4 მრავალსართულიანი, მულტიფუნქციური კომპლექსებისა თუ ცათამბჯენების მშენებლობას ეხება.

    NETGAZETI
  2. tvati
    “ნაც-ქოცური” ალიანსის ქრონიკებიდან: წალენჯიხის ოპოზიციურ საკრებულოში, ფრაქცია "ქართულმა ოცნებამ" დააყენა ინიციატივა ფრაქციებისთვის გამოყოფილი საწვავის ლიმიტის გაორმაგების შესახებ, რასაც გახარიას გუნდის წინააღმდეგობის მიუხედავად, მხარი დაუჭირა ფრაქცია "ერთიანმა ნაციონალურმა მოძრაობამ". ასე გამოიყურება ხალხზე ერთად მზრუნველი “ქოცების” და “ნაცების” კოალიცია. სწორედ ამიტომ ვერ უნდა აიღონ 2024 წელს ამ პარტიებმა ჯამში 50%, წინააღმდეგ შემთხვევაში “ქოცების” და “ნაცების” კოალიცია გარდაუვალი იქნება.

    ბერდია სიჭინავა, პარტია "საქართველოსთვის" აღმასრულებელი მდივანი. 

    Facebook: https://www.facebook.com/berdiasitchinava/posts/6931507530213536
  3. tvati
    “ყველა პროექტი ურბანული თვალსაზრისით სრულიად შეუსაბამოა თბილისის გენერალურ გეგმასთან. ამასთან ერთად, ჩვენ ვხედავთ პოლიტიკური კორუფციის სერიოზულ რისკებს.”

    გიორგი შარაშიძე, პარტია "საქართველოსთვის" თბილისის საკრებულოს წევრი.

    370518569_232072806033120_3221381126605499368_n.mp4
  4. tvati
    საქართველოს საკალათბურთო ნაკრები ქვეყნისთვის ისტორიული მსოფლიო თასისთვის ემზადება. ნაკრების მთავარი პარტნიორი საქართველოს ბანკია.
    2023 წლის კალათბურთის მსოფლიო ჩემპიონატი 25 აგვისტოს დაიწყება და 10 სექტემბრის ჩათვლით გაგრძელდება. ჩემპიონატის მასპინძელი  ერთდროულად სამი ქვეყანა- ფილიპინები, იაპონია და ინდონეზია იქნება. ჩემპიონატში მონაწილე 32 რჩეული ნაკრები  რვა 4-გუნდიან ჯგუფში გადანაწილდა, საქართველოს ნაკრები   F ჯგუფში ასპარეზობს.
    საქართველოს საკალათბურთო ნაკრები არსებობის ისტორიაში პირველად გავიდა მსოფლიო ჩემპიონატზე, რაც კიდევ უფრო ამძაფრებს ამ მოვლენის მნიშვნელობასა და წინასწარ მოლოდინებს.
    საქართველოს ეროვნული საკალათბურთო ნაკრები პირველ თამაშს 26 აგვისტოს, 12:00 საათზე გამართავს და კაბო-ვერდეს დაუპირისპირდება, შემდეგი თამაში 28 აგვისტოს, 15:30 საათზე,  სლოვენიასთან ჩატარდება; 30 აგვისტოს, 12:00 საათზე კი  ეროვნული ნაკრები ვენესუელას დაუპირისპირდება. 
    საქართველოს ეროვნული საკალათბურთო ნაკრების პირველობისთვის 12 კალათბურთელი იბრძოლებს. შემადგენლობა ასე გამოიყურება: 
    თორნიკე შენგელია;  გიორგი შერმადინი;  გიორგი ცინცაძე;  რატი ანდრონიკაშვილი;  დუდა სანაძე;  გოგა ბითაძე;  მიხეილ ბერიშვილი;  სანდრო მამუკელაშვილი;  კახაბერ ჯინჭარაძე;  ლუკა ლიკლიკაძე;  გიორგი ტურძილაძე;  თად მაკფადენი. იმისთვის რომ ერთად ვუგულშემატკივროთ ჩვენს ნაკრებს და ეს ისტორიული დღე კიდევ უფრო დაუვიწყარი გავხადოთ,  საქართველოს ბანკის ორგანიზებით, თბილისის სპორტის სასახლეში,  26 და 28 აგვისტოს თამაშების ღია ჩვენება გაიმართება. დასწრება თავისუფალია.  გულშემატკივრებს ადგილზე დაგხვდებათ ბევრი აქტივობა, შეთავაზება და სამახსოვრო საჩუქრები.  

    ნეტგაზეთი
  5. tvati
    25 აგვისტოს თბილისის საკრებულოს სხდომაა ჩანიშნული. ამ სხდომაზე, სხვა საკითხებთან ერთად, საკრებულომ უნდა გადაწყვიტოს – უჭერს თუ არა მხარს თბილისში რამდენიმე მეგა სამშენებლო პროექტს.
    ამ პროექტებს შორის „ლაგუნა ვერესთან“ და ვაკეში დაგეგმილი ცათამბჯენებია, რომელსაც უკვე თვეებია აკრიტიკებს საკრებულოს ოპოზიცია და არასამთავრობო სექტორის ნაწილი. ისინი ამბობენ, რომ აღნიშნული პროექტები საბოლოოდ დაამახინჯებს ქალაქის იერსახეს.
    როგორც საკრებულოს დეპუტატი, საბა ბუაძე იუწყება, ხვალ საკრებულომ 6 პროექტი უნდა განიხილოს, რომელთაგან 4 მრავალსართულიანი, მულტიფუნქციური კომპლექსებისა თუ ცათამბჯენების მშენებლობას ეხება.
    ესენია:
    „ლაგუნა ვერესა“ და აბრეშუმის ქარხნის პროექტი
    ერთ-ერთი ყველაზე რეზონანსული პროექტი, რომელიც ბოლო თვეებში გასაჯაროვდა – „ლაგუნა ვერეს“ მიმდებარედ, ყოფილი აბრეშუმის ქარხნის ტერიტორიაზე „ქართუს“ ფონდის მიერ დაგეგმილი ცათამბჯენებია.
    „ლაგუნა ვერესთან“ დაგეგმილი ცათამბჯენების ახალი პროექტი.
    11 აგვისტოს ცნობილი გახდა, რომ ბიძინა ივანიშვილის დაფუძნებულმა ფონდმა „ქართუმ“ „ლაგუნა ვერეს“ ტერიტორია გაყიდა. ამას ადასტურებს შესაბამისი ამონაწერი საჯარო რეესტირდან.
    „ლაგუნა ვერეს“ მომავალი მფლობელი „შპს ნეო სითი დეველოპმენტია“. იგივე კომპანიამ განაცხადი შეიტანა „ლაგუნა ვერეს“ მიმდებარე ტერიტორიისა და ასევე, ყოფილი იპოდრომის ტერიტორიის ნაწილის გადაფორმების შესახებ.
    ვრცლად ამ პროექტზე წაიკითხეთ:
    „ქართუს“ ლაგუნა ვერესთან ცათამბჯენების აშენება კვლავ სურს – ახალი პროექტი 169-სართულიანი ცათამბჯენი სპორტის ყოფილ უნივერსიტეტთან
    30 ივნისს, თბილისის საკრებულომ გეგმარებითი დავალება გასცა ვაკეში,  სპორტის უნივერსიტეტის ტერიტორიასთან, ცათამბჯენის აშენებისთვის.
    ეს არის მშენებლობის ნებართვის მოპოვების პროცესის საწყისი ეტაპი.
    საუბარია ბიზნესმენ ნოშრევან ნამორაძის კომპანიის გეგმაზე, აქ 169-მეტრიანი მულტიფუნქციური კომპლექსი ააშენოს. ეს ტერიტორია მან ვალდებულებით იყიდა – გაერემონტებინა და აღეჭურვა სპორტის უნივერსიტეტი.
    სპორტის უნივერსიტეტთან დაგეგმილი მშენებლობა.
    ვაკეში 169-მეტრიანი კომპლექსის აშენება სურთ, რომელიც City Mall-ზე 2-ჯერ მაღალია  მშენებლობა ნაძალადევში, რომელიც ნინო წილოსანის ოჯახს უკავშირდება
    კიდევ ერთი პროექტი, რომელსაც პარასკევს საკრებულომ ან მხარი უნდა დაუჭიროს, ან არა – პარლამენტის დეპუტატ ნინო წილოსანს უკავშირდება.
    აქამდე არსებული დოკუმენტაციის თანახმად, თბილისში, ყოფილი ვაგონთმშენის ტერიტორიაზე დეპუტატის ოჯახთან დაკავშირებული კომპანია მულტიფუნქციური კომპლექსის აშენებას გეგმავს. ამ ტერიტორიის განვითარების წინადადების თანახმად, რომელიც რამდენიმე თვის წინ გახდა საჯარო, მაქსიმალური სართულიანობა 33 სართული იქნება – ანუ 117 მეტრის სიმაღლის შენობა. საშუალო სართულიანობა კი 15-20 სართულით განისაზღვრა.
    „საპროექტო გზების სპეციფიკაცია არის შემდეგი: ცენტრალური გზები არის 7 -მეტრიანი და გზის ორივე მხარეს 2.5- მეტრიანი ტროტუარები. ასევე, დამატებით გათვალისწინებულია ველობილიკების მოწყობაც. ხოლო მეორეხარისხოვანი გზები იქნება 6- მეტრიანი და ასევე, 2.5- მეტრიანი ტროტუარი ორივე მხარეს“, – წერია დოკუმენტში.
    საპროექტო ტერიტორიაზე შენობების 75% იქნება საცხოვრებელი, ხოლო 25% – კომერციული ფართები. ვინაიდან ხდება შენობების ფუნქციური გადანაწილებების ცვლილება კანონით დადგენილი პარამეტრების შესაბამისად (ინდივიდუალური ნაკვეთისთვის მაქსიმუმ 90% საცხოვრებელი და 10 % კომერციული), კომპანია მზადყოფნას გამოხატავს, კანონით დადგენილი შეცვლილი ფუნქციური დანიშნულების 4%-ის შესაბამისი ქონება გადასცეს მუნიციპალიტეტს.
    დაგეგმილი მშენებლობის ფოტოესკიზი. ხედი საბურთალოს მხრიდან
    “ამ პროექტის შემდეგ შეუძლებელი იქნება გარკვევა, რომელ ქალაქს ვუყურებთ” მშენებლობა დიღომში
    კიდევ ერთი პროექტი, რომელიც საკრებულოს სხდომამ ხვალ უნდა განიხილოს, დიღომში დაგეგმილი კომპლექსია. ამ კომპლექსის შესახებ თვეების განმავლობაში საკრებულოში პროტესტს სწორედ საბა ბუაძე გამოხატავდა.
    მშენებლობა დიღომში. წყარო: საბა ბუაძე
    საუბარია პეტრე იბერის ქუჩის შესახვევი N13-ზე, სადაც, როგორც დეპუტატი განმარტავს, 100,000 კვ.მ ფართობზე საცხოვრებელი სახლების გაშენება იგეგმება. ამ პროექტზე საუბრისას ბუაძე საკრებულოშიც აცხადებდა, რომ დიღმის ინფრასტრუქტურა ვერ გაუძლებდა ამხელა დანამატს.

    საკრებულოს მხარდაჭერა მშენებლობის ნებართვას ავტომატურად არ ნიშნავს. ეს ნიშნავს, რომ საკრებულო თანახმაა, ესა თუ ის ტერიტორია ინვესტორის მიერ წარმოდგენილი ხედვის შესაბამისად განვითარდეს. საბოლოოდ, მშენებლობის ნებართვის მოპოვება პროექტის ავტორებს მერიისგან მოუწევთ – ამ პროცესში შესაძლოა პროექტის გარკვეული დეტალები შეიცვალოს კიდეც.

    ნეტგაზეთი
  6. tvati
    აშშ-ის ყოფილი პრეზიდენტი, დონალდ ტრამპი ჯორჯიის შტატის ფულტონის ოლქის ციხეში ნებაყოფლობით გამოცხადდა.
    CNN-ის ინფორმაციით, ტრამპმა 20 წუთზე ცოტა მეტი დრო გაატარა ფულტონის ოლქის ციხეში, სადაც შესაბამისი პროცედურის გავლის შემდეგ 200 000 აშშ დოლარის ოდენობის გირაოს სანაცვლოდ გაათავისუფლეს.
    ტელეკომპანიის ცნობით, დონალდ ტრამპი ციხის ჩანაწერებში აღნიშნულია, როგორც დაკავებული პირი #P01135809. ტრამპმა Newsmax-თან ინტერვიუში ციხეში ყოფნას საშინელი და ძალიან სამწუხარო გამოცდილება უწოდა.
    „მთელი ჩემი ცხოვრების განმავლობაში არაფერი ვიცოდი ბრალდებების შესახებ და ახლა უკვე ოთხჯერ მაქვს ბრალი წაყენებული", - აღნიშნა ყოფილმა პრეზიდენტმა.
    შეგახსენებთ, ტრამპს ჯორჯიის შტატში 2020 წლის საპრეზიდენტო არჩევნების შედეგების შეცვლის მცდელობის საქმეზე ათზე მეტი ბრალი აქვს წაყენებული. მას სისხლის სამართლის ბრალდება წელს უკვე მეოთხედ წაუყენეს.

    იპნ
  7. tvati
    ყირიმში სამხედრო და სამოქალაქო ოკუპანტების ფეხქვეშ მიწა უნდა იწვოდეს, - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.
    დროებით ოკუპირებულ ყირიმში უკრაინის დაზვერვის სპეცოპერაციის საკითხზე კომენტირებისას პოდოლიაკმა აღნიშნა, რომ ასეთი ახალი ამბები “რა თქმა უნდა, ძალიან კარგ ემოციებს იწვევს.”
    „მოდით, არ დაგვავიწყდეს, რომ იქ ბევრი სამოქალაქო პირია, რომლებიც ასევე ოკუპანტები არიან, ისინი მოვიდნენ და უკრაინის მოქალაქეების საკუთრება და შენობები დაიპყრეს. ანუ, იმას ვგულისხმობ, რასაც რუსეთი სულ აკეთებს, როდესაც ამა თუ იმ ტერიტორიაზე მიდის, რომელსაც იპყრობს, ის ცდილობს მოსახლეობის ეთნიკური შემადგენლობა ჩაანაცვლოს, რომელიც ამ ტერიტორიაზე ცხოვრობს. ამ შემთხვევაში რუსეთი თავისი გადასახლებული პირების ხარჯზე იპყრობდა, რომლებიც ყირიმში თავისი ქვეყნის სხვადასხვა კუთხიდან ჩაჰყავდა“, - განაცხადა პოდოლიაკმა.
    მისივე თქმით, დროებით ოკუპირებულ ნახევარკუნძულზე ბოლო ინციდენტები ადასტურებენ, რომ უკრაინა თავისი ტერიტორიების გათავისუფლებაში არ გაჩერდება და ამისთვის ყველა შესაძლო ინსტრუმენტს გამოიყენებს.
  8. tvati
    მიმდინარე წლის ივლისის მონაცემებით, საქართველოში საარსებო შემწეობას 18 წლამდე ასაკის, ჯამში, 181 352 პირი იღებს.
    ამის შესახებ ინფორმაცია სოციალური მომსახურების სააგენტოს ვებ-გვერდზეა გამოქვეყნებული.
    სტატისტიკის თანახმად, ყველაზე მეტი, 46 402 საარსებო შემწეობის მიმღები არასრულწლოვანი პირი თბილისში ფიქსირდება, 18 წლამდე ასაკის სოციალური შემწეობის მიმღები 30 274 პირი ქვემო ქართლზე მოდის, მესამე ადგილზე სოციალური დახმარების საჭიროების მქონე არასრულწლოვანთა რაოდენობით კი, იმერეთია, სადაც სოციალურ შემწეობას 19 930 პირი იღებს.
    ყველაზე ნაკლები საარსებო შემწეობის მიმღები 18 წლამდე პირი რაჭა-ლეჩხუმ ქვემო სვანეთშია რეგისტრირებული, მათი საერთო რაოდენობა 1243-ს შეადგენს.
    აქვე უნდა აღინიშნოს, რომ სოციალურ შემწეობას 6 წლამდე ასაკის 48 548 ბავშვი იღებს. აქედან ყველაზე მეტი, 11 616 ბავშვი თბილისშია რეგისტრირებული, 8 130- ქვემო ქართლში, 5 393 ბავშვი სოციალურ შემწეობას კი იმერეთში იღებს.
    ამასთან, სტატისტიკის თანახმად, 6-18 წლამდე ასაკობრივი ჯგუფის 53 196 წარმომადგენელი საზოგადოებრივი დასაქმების ხელშეწყობის სახელმწიფო პროგრამაშია ჩართული.

    იპნ
  9. tvati
    პრიგოჟინი რთული ბედის ადამიანი იყო, სერიოზული შეცდომები ჰქონდა ცხოვრებაში,- ამის შესახებ რუსეთის პრეზიდენტმა ვლადიმირ პუტინმა ე.წ. „დონეცკის სახალხო რესპუბლიკის” ლიდერთან დენის პუშილინთან შეხვედრაზე განაცხადა.
    „რაც შეეხება ამ ავიაკატასტროფას, უპირველეს ყოვლისა მინდა ჩემი გულწრფელი სამძიმარი გამოვუცხადო გარდაცვლილთა ოჯახებს… პრიგოჟინს ძალიან დიდ ხანს ვიცნობდი, 90-იანი წლების დასაწყისიდან. ეს რთული ბედის ადამიანი იყო, და სერიოზული შეცდომები ჰქონდა ცხოვრებაში, საჭირო შედეგებს აღწევდა - საკუთარი თავისთვისაც და, როდესაც მე ვთხოვდი, საყოველთაო საქმისთვისაც, როგორც ბოლო თვეებში. ის ნიჭიერი ადამიანი იყო, ნიჭიერი ბიზნესმენი”,- განაცხადა პუტინმა.
  10. tvati
    სამი ქვეყანა მზად არის უკრაინას F-16 თვითმფრინავები გადასცეს,- ამის შესახებ უკრაინის პრეზიდენტმა ვოლოდიმირ ზელენსკიმ
    ნორვეგიის პრემიერ-მინისტრ იონას გარ სტერესთან გამართულ პრესკონფერენციაზე განაცხადა.
    „სამი ქვეყანა არის, რომლებიც დათანხმდნენ წვრთნის შემდეგ უკრაინას F-16-ები გადასცენ - დანია, ნიდერლანდები, ნორვეგია. ძალიან მადლობელი ვართ ამ ქვეყნების”, - განაცხადა ზელენსკიმ.
    უკრაინის პრეზიდენტმა მადლობა გადაუხადა ნორვეგიის პრემიერ-მინისტრს „მნიშვნელოვანი და ისტორიული” გადაწყვეტილებისთვის უკრაინას თვითმფრინავები გადასცეს.
    მან ასევე მადლობა გადაუხადა აშშ-ს, ვინაიდან F-16 თვითმფრინავები ამერიკული ტექნოლოგიაა. ზელენსკიმ თვითმფრინავების რაოდენობაზეც გააკეთა კომენტარი.
    „რთული იქნება რაოდენობაზე საუბარი. ვთვლი, რომ ნებისმიერი რაოდენობისთვის მადლობელი უნდა ვიყოთ. და საიდან მოიტანეთ, რომ ასე ცოტა იქნება? - ვნახოთ”, - განაცხადა ზელენსკიმ.

    იპნ
  11. tvati
    სურსათის ეროვნულმა სააგენტომ „ნიკორა ტრეიდის“ მზა კერძების წარმოებას საწარმოო პროცესი შეუჩერა
    ამის შესახებ ინფორმაციას სურსათის ეროვნული სააგენტო ავრცელებს.
    მათივე ცნობით, სააგენტოს მიერ ინსპექტირება მას შემდეგ განხორციელდა, რაც 8 ადამიანის საკვებისმიერი ინტოქსიკაციის შესახებ ეცნობათ, რომელთაც სალმონელოზი დაუდასტურდათ.
    „სურსათის ეროვნულმა სააგენტომ დაავადებათა კონტროლისა და საზოგადოებრივი ჯანმრთელობის ეროვნული ცენტრიდან და თბილისის გადამდებ დაავადებათა ეპიდზედამხედველობისა და კონტროლის მუნიციპალური ცენტრიდან მიიღო 2 შეტყობინება 8 ადამიანის საკვებისმიერი ინტოქსიკაციის შესახებ, რომელთაც სალმონელოზი დაუდასტურდათ.
    ეპიდემიოლოგიური კვლევით დადგინდა, რომ ორივე შემთხვევაში პაციენტებმა საკვებად მიიღეს ს.ს. „ნიკორა ტრეიდის“ სასურსათო მაღაზიებში შეძენილი „კოტლეტი კიევური“.
    შეტყობინებების მიღებისთანავე, სურსათის ეროვნული სააგენტოს თბილისის საქალაქო სამსახურის უფლებამოსილმა პირებმა განახორციელეს ინსპექტირება „ნიკორა ტრეიდის“ სასურსათო მარკეტებში (ს/კ 206255808) მისამართებზე: თბილისი აღმაშენებლის ხეივანი N62/495; თბილისი, ხომლელის ქუჩა და აეროდრომის დასახ. მე-7 ქუჩას შორის, ასევე, მიკვლევადობით დადგენილ სს „ნიკორა ტრეიდის“ მზა კერძების წარმოებაში (აღმაშენებლის ხეივანი 1.6 კმ), საიდანაც ორივე მარკეტი „კოტლეტი კიევურით“ მარაგდებოდა.
    სააგენტოს ინსპექტორებმა ლაბორატორიული კვლევისთვის აიღეს სურსათის ნიმუშები, რომლებშიც პათოგენური მიკროორგანიზმი სალმონელა აღმოჩნდა. შედეგად, სს „ნიკორა ტრეიდის“ მზა კერძების წარმოება დაჯარიმდა და, კრიტიკული შეუსაბამობების აღმოფხვრამდე, საწარმოო პროცესი შეუჩერდა. ამოღებულია და შესაბამისი წესების დაცვით განადგურდება პათოგენით დაბინძურებული 20 კგ ქათმის ფილე, 100 კგ სხვადასხვა სახეობის სურსათისა და 22 კგ „კოტლეტი კიევურის“ ფარში, სადაც გამოყენებული იყო აღნიშნული ქათმის ფილე. მიკვლევადობის მიზნით, სურსათის ეროვნული სააგენტო სახელმწიფო კონტროლს ნედლეულის იმპორტიორ კომპანიაშიც განახორციელებს“, - ნათქვამია გავრცელებულ ინფორმაციაში.

    იპნ
  12. tvati
    ყველაზე ხშირად დასმული კითხვები საპენსიო დანაზოგების ინვესტიციის ახალ წესთან დაკავშირებით - შეიძლება თუ არა საპენსიო დანაზოგის გატანა და სხვა...


    ბექა ლილუაშვილი, პარტია "საქართველოსთვის" წევრი, დეპუტატი. 369264089_1253050165395460_1576292352213557810_n.mp4
  13. tvati
    ქალაქ თბილისის მუნიციპალიტეტის საკრებულოს ურბანული დაგეგმარების და საქალაქო მეურნეობის კომისიის სხდომაზე ხმაური იყო.
    ხმაური დღის წესრიგით გათვალისწინებული პროექტების განხილვას მოჰყვა.
    როგორც დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორმა, თეა გოდოლაძემ აღნიშნა, ორი მდინარის შეერთების წერტილია იქ, სადაც ორი 52 სართულიანი კორპუსი უნდა ჩაიდგას, ასევე განმარტა, რომ მშენებლობა კოეფიციენტით კი არა უსაფრთხოებით იწყება.
    „შოვში ეს ტრაგედია რომ მოხდა, რატომ არ დაფიქრდით? რატომ არ ფიქრობთ, რომ მშენებლობა კოეფიციენტით კი არა უსაფრთხოებით იწყება. სად უნდა ააშენოთ, როგორ უნდა ააშენოთ, რომ 20 კაცი არ მოკლათ, როგორც 2015 წელს იყო… ორი მდინარის შეერთების წერტილია იქ, სადაც ორი 52-სართულიანი კორპუსი უნდა ჩაიდგას. ეს 2015 წელს დატბორვის არეალი იყო. როდესაც ადამიანების კონცენტრაციას აკეთებთ ისეთ ტერიტორიაზე, რომელიც შემდეგში ბუნებრივი კატასტროფის საფრთხე შეიძლება იყოს, არ შეგიძლიათ ეს. ეს სპეციალისტმა უნდა განსაზღვროს, არ შეიძლება მდინარის ჭალაში ადამიანების კონცენტრაცია”, - აღნიშნა გოდოლაძემ, რომლის განცხადებასაც თბილისის საკრებულოს „ქართული ოცნების“ წევრები შეძახილებით შეხვდნენ.
    როგორც თბილისის საკრებულოს „ქართული ოცნების“ წევრმა, გივი ჩხარტიშვილმა აღნიშნა, „უბედურებაზე ქულების დაწერა სირცხვილია” და არასწორია სიტყვა “მოკლას” გამოყენება.
    „არასწორად ამბობთ, რას ჰქვია „მოკლა?“ სირცხვილია! უბედურებაზე ქულების დაწერა სირცხვილია! - აღნიშნა გივი ჩხარტიშვილმა.
    ქალაქ თბილისის მუნიციპალიტეტის საკრებულოს ურბანული დაგეგმარების და საქალაქო მეურნეობის კომისიის სხდომაზე გეოლოგებს და გარემოს დამცველებს ბანერი აქვთ მიტანილი წარწერით - „არა ურბანულ გენოციდს“.

    იპნ
  14. tvati
    „ნოვაია გაზეტას“ ინფორმაციით, უკრაინის 6 მოქალაქე ლარსის საბაჟო გამშვები პუნქტის ნეიტრალურ ზონაში ერთი კვირაზე მეტი დროის განმავლობაში იმყოფება და ქართველი მესაზღვრეები ქვეყანაში შემოსვლის უფლებას არ აძლევენ.
    როგორც გამოცემა წერს, უკრაინის მოქალაქეებმა საზღვრის კვეთა 16-17 აგვისტოს სცადეს, თუმცა „სხვა მიზეზების“ საფუძველზე ქვეყანაში შემოსვლაზე უარი ეთქვათ. „ნოვაია გაზეტას“ თქმით, ამ დროის განმავლობაში რუსმა მესაზღვრეებმა მათი გატაცება სცადეს. დამოუკიდებელ რუსულ მედიასთან ერთ-ერთი მოქალაქის დედა აცხადებს, რომ 22 აგვისტოს საღამოს რუსეთის უსაფრთხოების ძალები ნეიტრალურ ტერიტორიაზე შევიდნენ და მისი შვილის გატაცება სცადეს, რისი საშუალებაც მათ უკრაინის სხვა მოქალაქეებმა არ მისცეს. ქალის თქმით, სიტუაციაში ჩაერივნენ ქართველი მესაზღვრეებიც და უკრაინის მოქალაქეებს გამშვებ პუნქტთან სიახლოვეს ყოფნა ურჩიეს, სადაც რუს მესაზღვრეებს შესვლის უფლება არ ჰქონდათ.
    როგორც ადამიანის უფლებადამცველი ორგანიზაციის, Unmode-ის ხელმძღვანელი გამოცემასთან ამბობს, აღნიშნული პირები FSB-ს ოფიცრები იყვნენ, რომლებმაც უკრაინის მოქალაქეების გატაცება სამოქალაქო ტანსაცმელში გადაცმულებმა სცადეს:
    „FSB-ს ოფიცრები უკრაინის მოქალაქეებს სამოქალაქო სამოსში და სამოქალაქო ავტომობილით მიუახლოვდნენ და ერთ-ერთი მათგანის მანქანაში ჩასმა სცადეს, რისი საშუალებაც სხვებმა არ მისცეს. ქართველი მესაზღვრეები დასახმარებლად მივიდნენ. ახლა უკრაინის მოქალაქეები ტერმინალთან იმალებიან“, — განაცხადა აიდანა ფედოსიკმა.
    მისი თქმით, კაცი, რომლის გატაცებაც რუსულმა სპეცსამსახურებმა სცადეს, 40 წლის მიხეილია, რომელიც ევროპაში ცხოვრობს და ბინადრობის უფლებაც აქვს. ის რუსეთში დის მოსანახულებლად იმყოფებოდა, რომელიც კრასნოდარის ტერიტორიაზე ცხოვრობს:
    „მიხეილი რუსეთში ჩასვლისთანავე ზეწოლის ქვეშ მოექცა. მას აეროპორტის დატოვების უფლებას არ აძლევდნენ. სპეცსამსახურებმა ის დაკითხვის ოთახში მოათავსეს, სადაც აიძულებდნენ, ხელი მოეწერა ფურცელზე, სადაც ეწერა, რომ ყირიმი რუსეთია“, — აცხადებენ ორგანიზაციაში.
    აღნიშნულზე უარის შემდეგ, უკრაინის მოქალაქე პოლიციის განყოფილებაში გადაიყვანეს, სადაც სცემეს და სიტყვიერი შეურაცხყოფაც მიაყენეს. ორგანიზაციის განცხადებით, მიხეილი 15 დღის განმავლობაში პატიმრობაში ჰყავდათ, ისე, რომ სასამართლოშიც არ გადაუყვანიათ. საპატიმროს დატოვების შემდეგ შემდეგ კი, წინასწარი დაკავების იზოლატორიდან გამოსულს, ისევ სცემეს და კიდევ 15 დღით დააპატიმრეს. აღნიშნულის შემდეგ უკრაინის მოქალაქე რუსეთის საემიგრაციო ციხეში გადაიყვანეს, სადაც სხვა თანამემამულეებს შეხვდა.
    Unmode-ის ხელმძღვანელის თქმით, ჯგუფთან ერთად მიხეილმა მოახერხა რუსეთის ტერიტორიის დატოვება და საქართველოს საზღვრამდე მისვლა, საიდანაც უკვე ქართველმა მესაზღვრეებმა ნეიტრალურ ზონაში დააბრუნეს.
    ორგანიზაციის განცხადებით, უკრაინის მოქალაქეები ქუჩაში, გაუსაძლის პირობებში იმყოფებიან. ერთ-ერთი პირი, რომელიც აღნიშნულ 6-კაციან ჯგუფშია, აივ დადებითია და ორგანიზაციის თქმით, უკვე 4 დღეა, რაც სიცოცხლისთვის აუცილებელი პრეპარატების მარაგი ამოეწურა. აიდანა ფედოსიკის თქმით, მიხეილთან ერთად მყოფი 5 პირი ხერსონის მცხოვრებლები არიან, რომლებიც რუსმა სამხედროებმა სხვადასხვა აბსურდული მიზეზებით დააკავეს და სახლი იძულებით დაატოვებინეს.
    „ნეტგაზეთი“ აღნიშნულთან დაკავშირებით საქართველოს შინაგან საქმეთა სამინისტროსაც დაუკავშირდა. უწყებისგან პასუხის მიღების შემდეგ სტატია განახლდება.

    ნეტგაზეთი
  15. tvati
    შოვში, სტიქიის ზონაში მაშველებმა კიდევ 2 ადამიანის ცხედარი იპოვეს.
    ამ დროისთვის არსებული ინფორმაციით, სტიქიას რაჭაში 31 ადამიანის სიცოცხლე ემსხვერპლა, 2 ადამიანს კი მაშველები ამ დრომდე ეძებენ.
    საქართველოს შინაგან საქმეთა სამინისტროს საგანგებო სიტუაციების მართვის სამსახურის ხელმძღვანელის თემურ მღებრიშვილის თქმით, მამაკაცის ცხედარი სტიქიის ზონიდან 40 კილომეტრის მოშორებით იპოვეს. მღებრიშვილის თქმით, მეორე დაღუპული კი, რომლის ცხედარიც დღეს მაშველებმა იპოვეს, სავარაუდოდ, მოზარდია:
    „გუმათჰესის მიმდებარე ტერიტორიამდე გავაფართოვეთ საძიებო სამუშაოები. გუმათჰესის დაგუბებაშიც ორი ნავით ვაკეთებთ შემოვლებს. მთელი ამ პერიმეტრის მანძილზე მიმდინარეობს ძებნა-შველის ღონისძიება როგორც ფეხით, ასევე ნავითა და კინოლოგების დახმარებით,“ — განაცხადა თემურ მღებრიშვილმა.
    3 აგვისტოს რაჭაში, შოვში მეწყერი ჩამოწვა, რასაც ადამიანების სიცოცხლე ემსხვერპლა.

    ნეტგაზეთი
  16. tvati
    საქართველოს პრეზიდენტი სალომე ზურაბიშვილი უკრაინის პრეზიდენტსა და უკრაინის ხალხს დამოუკიდებლობის დღეს ულოცავს. ვიდეომიმართვა პრეზიდენტის ფეისბუკის გვერდზე ვრცელდება.
    „ძვირფასო ბატონო პრეზიდენტო, ძვირფასო უკრაინელო მეგობრებო, საქართველო თქვენ გვერდითაა. ამ დამოუკიდებლობის დღეს საქართველოს სურს თქვენთან ერთად იზეიმოს დამოუკიდებლობის დღე, რისთვისაც იბრძვით ასე მამაცურად წელიწად-ნახევრის განმავლობაში. ერთად ვიქნებით თქვენი გამარჯვების დღეს, ბედნიერი დამოუკიდებლობის დღე“, - ამბობს სალომე ზურაბიშვილი.
      უკრაინა დღეს დამოუკიდებლობის დღეს აღნიშნავს. 1991 წლის 24 აგვისტოს უკრაინის საბჭოთა სოციალისტური რესპუბლიკის უმაღლესმა საბჭომ მიიღო უკრაინის დამოუკიდებლობის აქტი. საბჭოს ხელმძღვანელობდა ლეონიდ კრავჩუკი, რომელიც მოგვიანებით გახდა დამოუკიდებელი უკრაინის პირველი პრეზიდენტი.
    ასევე ნახეთ პრეზიდენტმა ზელენსკიმ უკრაინელებს დამოუკიდებლობის დღე მიულოცა
    უკრაინა დამოუკიდებლობის დღეს აღნიშნავს რუსეთთან ომის პირობებში. რუსეთმა უკრაინის წინააღმდეგ ფართომასშტაბიანი სამხედრო მოქმედებები 2022 წლის 24 თებერვალს დაიწყო.

    რადიო თავისუფლება
  17. tvati
    უკრაინაში, ბახმუტთან, დაიღუპა კიდევ ერთი ქართველი მებრძოლი ნიკოლოზ ახვლედიანი. ამის შესახებ ინფორმაციას საქართველოში უკრაინის საელჩო ავრცელებს.
     
      „ნიკოლოზ ახვლედიანი დაიღუპა უკრაინის ტერიტორიული მთლიანობის, დამოუკიდებლობისა და სუვერენიტეტის დაცვისას. მარადიული ხსოვნა!" - წერია საელჩოს ფეისბუკის გვერდზე გამოქვეყნებულ სამძიმრის პოსტში.
    მანამდე, ბახმუტთან ქართველი მებრძოლის დაღუპვის შესახებ ინფორმაციას უკრაინაში მყოფი საქართველოს მოქალაქეებიც ავრცელებდნენ. ნიკოლოზ ახვლედიანის მიმართ სამძიმრის პოსტებს ტოვებენ მის პირად ფეისბუკის გვერდზეც.
    არსებული ინფორმაციით, 40 წლის ნიკოლოზ ახვლედიანი რუსეთის საარტილერიო ჭურს ემსხვერპლა ბახმუტის მისადგომებთან დასახლებული პუნქტის დაცვისას.
    უკრაინაში რუსეთის სრულმასშტაბიანი შეჭრის პირველივე დღეებიდან უკრაინის დამოუკიდებლობისა და ტერიტორიული მთლიანობისათვის იბრძვიან ქართველი მოხალისეებიც. 2022 წლის 24 თებერვლის შემდეგ რუსეთ-უკრაინის ომში 50 ქართველი სამხედრო დაიღუპა.
    ასევე ნახეთ: უკრაინაში 2022-2023 წლებში დაღუპული ქართველი მებრძოლები

    რადიო თავისუფლება
  18. tvati
    მტრის წინააღმდეგობის მიუხედავად, უკრაინის ჯარი წინ მიიწევს და შეუძლებელს აკეთებს, - განაცხადა უკრაინის სახმელეთო ჯარების სარდალმა, გენერალმა ალექსანდ სირსკიმ, რომელიც 24 აგვისტოს ქვეყნის აღმოსავლეთში განლაგებულ ოპერატიულ-ტაქტიკურ დაჯგუფება „ლიმანს“ და „სოლედარს“ ეწვია.
    "თქვენ ყოველდღე იტანთ შეტევებს, თავად მიიწევთ წინ. ჩვენ ახლოს ვართ იმასთან, რომ გადავიდეთ შეტევაზე. თქვენ ხართ ჩვენი ერის საუკეთესო წარმომადგენლები. სწორედ აქ, საკუთარი სიცოცხლის საფრთხეში ჩაგდებით, თქვენ ცდილობთ ჩვენი სახელმწიფოს გადარჩენას“, - განაცხადა გენერალმა სირსკიმ ფრონტის ხაზზე მყოფ ოფიცრებთან და ჯარისკაცებთან შეხვედრაზე.
    გენერალმა სირსკიმ უკრაინელ სამხედროებს დამოუკიდებლობის დღე მიულოცა და მათ ჯილდოები გადასცა.
    უკრაინა დამოუკიდებლობის დღეს აღნიშნავს რუსეთთან ომის პირობებში. რუსეთმა უკრაინის წინააღმდეგ ფართომასშტაბიანი სამხედრო მოქმედებები 2022 წლის 24 თებერვალს დაიწყო.
    ასევე ნახეთ პრეზიდენტმა ზელენსკიმ უკრაინელებს დამოუკიდებლობის დღე მიულოცა
    23 აგვისტოს უკრაინის თავდაცვის მინისტრის მოადგილემ, ანა მალიარმა განაცხადა, რომ 47-ე ბრიგადის სამხედროები სოფელ რაბოტინოში ბრძოლით შევიდნენ. რაბოტინოს სრული აღების შესახებ ოფიციალური ინფორმაცია არ გავრცელებულა.

    რადიო თავისუფლება
  19. tvati
    უკრაინის პრეზიდენტმა, ვოლოდიმირ ზელენსკიმ უკრაინელ ხალხს დამოუკიდებლობის დღე მიულოცა. ზელენსკის განცხადებით, დღეს დიდებული უკრაინის დიდებული ხალხი დიდებულ დღეს აღნიშნავს.
    „ეს თავისუფალი, ძლიერი, ღირსეული, თანასწორუფლებიანი ადამიანების დღესასწაულია. ყველასი, ვინც ჩვენ სახელმწიფოში ცხოვრობს“, - განაცხადა მან.
    მისივე თქმით, ბრძოლა, რომელსაც ახლა უკრაინელი ხალხი ახორციელებს, თითოეული მოქალაქისთვის არის მნიშვნელოვანი, რადგან მისი მიზანი დამოუკიდებელი უკრაინაა.

    იპნ
  20. tvati
    ევროპული საბჭოს პრეზიდენტი შარლ მიშელი უკრაინას დამოუკიდებლობის დღეს ულოცავს და მხარდაჭერას უცხადებს. "ევროკავშირი უკრაინის გვერდით დგას. მხარს დაგიჭერთ იმდენ ხანს, რამდენ ხანსაც საჭირო იქნება. თქვენ ჩვენი ევროპული ოჯახის წევრი ხართ და თქვენი მომავალი ჩვენთან ერთადაა. ევროკავშირის დროშის ვარსკვლავები თქვენი თავისუფალი და სუვერენული ქვეყნის თავზე იფრიალებს", - აცხადებს შარლ მიშელი.
    უკრაინის პრეზიდენტსა და უკრაინელ ხალხს დამოუკიდებლობის დღეს ულოცავს ევროკომისიის პრეზიდენტი, ურსულა ფონ დერ ლაიენიც.
    "უკრაინის ძალა მის ხალხში, გამბედაობასა და ძალაშია. თქვენ ყველა ევროპელისთვის სტიმულის მიმცემი ხართ და ჩვენ თქვენს გვერდით ვიდგებით იმდენ ხანს, რამდენ ხანსაც საჭირო იქნება იმისთვის, რომ უკრაინა თავისუფალი იყოს. ერთად, ჩვენ მოვიპოვებთ სამართლიან, ხანგრძლივ მშვიდობას", - აცხადებს ევროკომისიის პრეზიდენტი.
     
    იპნ
  21. tvati
    შო­ვის ტრა­გე­დი­ი­სას და­ღუ­პუ­ლი, დუ­დაშ­ვი­ლე­ბის მე-4 წევ­რი, პა­ტა­რა ანას­ტა­სი­აც იდენ­ტი­ფი­ცი­რე­ბუ­ლია, - ამის თა­ო­ბა­ზე მა­რი­ტა გუ­ტაშ­ვი­ლი წერს.
    "გო­ნე­ბი­დან არ ამომ­დის 2 წლის ანას­ტა­სი­ას სი­ტყვე­ბი:
    "ჩემი ტუ­ტუ­ლი­კა დე­დი­კო, მიყ­ვარ­ხარ"
      თან პა­ტა­რა ხე­ლე­ბით ეფე­რე­ბო­და და კოც­ნი­და ხელ­ზე
    ნატო ჭე­ლი­ძე, ლუკა დუ­დაშ­ვი­ლი, ან­დრია დუ­დაშ­ვი­ლი, ანას­ტა­სია დუ­დაშ­ვი­ლი.
    პა­ნაშ­ვი­დი 24-25 აგ­ვის­ტო
    .ქ. თბი­ლი­სი, ჟი­უ­ლი შარ­ტა­ვას #45 , მე-3 სა­დარ­ბა­ზო , მე-9 სარ­თუ­ლი.
    გას­ვე­ნე­ბა, 26 აგ­ვის­ტო ( შა­ბა­თი) ქა­შუ­ე­თის წმ. გი­ორ­გის სა­ხე­ლო­ბის ტაძ­რი­დან, 14:00 სა­ათ­ზე", - ვკი­თხუ­ლობთ სო­ცი­ა­ლურ ქსელ­ში გა­მოქ­ვეყ­ნე­ბულ პოს­ტში.
    ambebi.ge 
  22. tvati
    უკრაინის დამოუკიდებლობის დღესთან დაკავშირებით, ბრიუსელში ევროკომისიის, ევროპული საბჭოსა და ევროპარლამენტის შენობები ლურჯ-ყვითელ ფერებში განათდა.
    "ლურჯი, როგორც უკრაინის ცა, ყვითელი, როგორც მისი ველები. უკრაინის დამოუკიდებლობის დღეს უკრაინის დროშა ანათებს ჩვენს შტაბ-ბინას ბრიუსელში. პატივს მივაგებთ მამაც უკრაინელებს, რომლებიც იბრძვიან თავიანთი ქვეყნის მომავლისთვის", - აღნიშნულია ევროკომისიის განცხადებაში.

    "ევროპული საბჭოს შენობა ლურჯ და ყვითელ ფერებში ანათებს, როგორც უკრაინისადმი ჩვენი ძლიერი მხარდაჭერის სიმბოლო", - წერს ევროპული საბჭოს პრეზიდენტი, შარლ მიშელი სოციალურ ქსელში.
    "უკრაინული დროშა ანათებს ჩვენს შტაბ-ბინას ბრიუსელში. პატივს მივაგებთ მამაც უკრაინელებს, რომლებიც იბრძვიან თავიანთი ქვეყნის მომავლისთვის", - აცხადებს ევროპარლამენტის პრეზიდენტი, რობერტა მეცოლა.
  23. tvati
    პოლონეთის საგარეო საქმეთა მინისტრი, ზბიგნევ რაუ "ვაგნერის“ ლიდერის, ევგენი პრიგოჟინის თვითმფრინავის ჩამოვარდნას ეხმაურება და აცხადებს, რომ ვლადიმერ პუტინის პოლიტიკური ოპონენტები ბუნებრივი სიკვდილით არ კვდებიან.
    "ძალიან გაგვიჭირდებოდა ვინმეს დასახელება, ვინც ინტუიციურად იფიქრებდა, რომ ეს დამთხვევა იყო. ისე ხდება, რომ პოლიტიკური ოპონენტები, რომლებსაც ვლადიმერ პუტინი თავის ძალაუფლებისთვის საფრთხედ მიიჩნევს, ბუნებრივად ბუნებრივი სიკვდილით არ კვდებიან“, - განაცხადა ზბიგნევ რაუმ მედიასთან საუბარში.
    ცნობისთვის, რუსეთის ტვერის ოლქში ვაგნერის "ლიდერის", ევგენი პრიგოჟინის თვითმფრინავი ჩამოვარდა. „როსავიაციის“ ინფორმაციით, თვითმფრინავში ევგენი პრიგოჟინი და “ვაგნერის” დამფუძნებელი დმიტრი უტკინი იმყოფებოდნენ. გარდაცვლილები არიან მგზავრები: სერგეი პროპუსტინი, ევგენი მაკარიანი, ალექსანდრ ტოტმინი, ვალერი ჩეკალოვი, დმიტრი უტკინი, ნიკოლაი მატუსეევი და ევგენი პრიგოჟინი. ეკიპაჟის წევრები: ალექსეი ლევშინი, რუსტამ კარიმოვი და კრისტინა რასპოპოვა.

    ipn
  24. tvati
    საქართველოს საგარეო საქმეთა სამინისტრო რუსეთის უშიშროების საბჭოს მდივნის მოადგილის, დიმიტრი მედვედევის განცხადებას ეხმაურება და აცხადებს, რომ „აგვისტოს ომის 15 წლისთავზე დიმიტრი მედვედევის განცხადება წარმოადგენს რუსეთის მხრიდან საქართველოს ტერიტორიების ოკუპაციის პოლიტიკის გაგრძელებას, სუვერენიტეტისა და ტერიტორიული მთლიანობის ხელყოფის მორიგ მცდელობას“.
    დიმიტრი მედვედევმა რუსულ გამოცემა „არგუმენტი ი ფაქტიში“ გამოქვეყნებულ სტატიაში აღნიშნა, რომ „აფხაზეთისა და სამხრეთ ოსეთის რუსეთთან შეერთების იდეა კვლავ პოპულარულია და სრულიად შესაძლებელია, ის განხორციელდეს“.

    publika
  25. tvati
    “აფხაზეთი რუსეთთან ახლო და სამოკავშირეო ურთიერთობების მომხრეა, თუმცა რესპუბლიკაში არ არსებობს პოლიტიკური ძალა, რომელიც რუსეთის შემადგენლობაში შესვლის სურვილს გამოხატავდა”, – ამის შესახებ აფხაზეთის დე ფაქტო უშიშროების საბჭოს მდივანმა სერგეი შამბამ დიმიტრი მედვედევის საპასუხოდ განაცხადა.
    “რაც შეეხება აფხაზეთს, ჩვენ ჩვენი გზა გვაქვს. ჩვენ არასოდეს მიგვიმართავს რუსეთის ფედერაციასთან შეერთებაზე, და ვერ ვხედავ აფხაზეთში ვერც პოლიტიკურ ძალებს, რომლებიც ჩვენ ქვეყნებს შორის ურთიერთოებების ასეთ ფორმას ხედავდნენ”.
    რუსეთის უშიშროების საბჭოს თავმჯდომარის მოადგილემ დიმიტრი მედედვევმა განაცხადა, რომ “აფხაზეთსა და სამხრეთ ოსეთში რუსეთთან შეერთების იდეა კვლავაც პოპულარულია და სავსებით შეიძლება განხორციელდეს”.

    netgazeti
×
×
  • შექმენი...