Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    გორის ცენტრში, ადმინისტრაციული შენობის მიმდებარედ არსებულ სამშენებლო ობიექტზე, სამშენებლო კონსტრუქციიდან მუშა ჩამოვარდა.
    შემთხვევის ადგილზე საპატრულო პოლიცია და სასწრაფო დახმარების ჯგუფი იმყოფებოდა. დაშავებულ 37 წლის მამაკაცს პირველადი დახმარება ადგილზე გაეწია, შემდგომ კი სასწრაფო-სამედიცინო დახმარების ჯგუფმა დაშავებული კლინიკა „გორმედში“ გადაიყვანა.

    ipn
  2. tvati
    ევროკავშირში ინტეგრაციის სიჩქარის მხრივ უკრაინამ უკვე ბევრი ევროპული რეკორდი მოხსნა. ამის შესახებ უკრაინაში ევროკავშირის ელჩმა მატი მაასიკასმა განაცხადა.
    კითხვაზე პასუხისას, თუ როდის გახდება უკრაინა ევროკავშირის წევრი, მაასიკასმა განაცხადა, რომ ამ ეტაპზე არავის არ შეუძლია “რომელიმე ზუსტი თარიღის” დასახელება.
    “რისი თქმაც შემიძლია არის ის, რომ ევროკავშირში ინტეგრაციის ტემპები მეტწილად კანდიდატ ქვეყანაზე ან მოლაპარაკებებში მონაწილე ქვეყანაზე იქნება დამოკიდებული. როდესაც მოლაპარაკებები დაიწყება, საგზაო რუკა ძალიან მკაფიო იქნება. საჭიროა ევროკავშირის კანონმდებლობის, ევროკავშირის ნორმების მიღება... და მაშინ მზად ხართ. უკრაინამ ევროკავშირში ინტეგრაციის ტემპებში უკვე ბევრი ევროპული რეკორდი მოხსნა. და დარწმუნებული ვარ კიდევ ბევრის მოხსნას შეძლებთ”, - განაცხადა მაასიკასმა.

    ipn
  3. tvati
    შოვში, სტიქიის ზონაში კიდევ ერთი ადამიანის ცხედარი იპოვეს. აღნიშნული ინფორმაცია „ინტერპრესნიუსს“ საგანგებო სიტუაციების მართვის სამსახურში დაუდასტურეს.
    შოვში სტიქიის შედეგად დაღუპულთა რიცხვი 27-მდე გაიზარდა.
    შეგახსენებთ, შოვში მეწყერი 3 აგვისტოს ჩამოწვა. მაშველები კიდევ 6 ადამიანს ეძებენ.

    ipn
  4. tvati
    უცხოელებზე სასოფლო-სამეურნეო მიწის გაყიდვა საქართველოში კანონით აკრძალულია, თუმცა უცხოელები სოფლებში მიწის ნაკვეთებს მაინც ყიდულობენ. „ბათუმელების“ მიერ მოპოვებული დოკუმენტების თანახმად, აჭარის სოფლებში, კონკრეტულად კი ხელვაჩაურისა და ქობულეთის მუნიციპალიტეტებში მიწას ბოლო პერიოდში აქტიურად ყიდულობენ ოკუპანტი ქვეყნის, რუსეთის მოქალაქეები. „ბათუმელების“ მიერ მოპოვებული დოკუმენტები მხოლოდ აჭარის რამდენიმე სოფელს ეხება.
    სხვადასხვა წყაროს მიერ მოწოდებული ინფორმაციის გადამოწმება, რომ რუსეთის მოქალაქეები საქართველოს სოფლებშიც უპრობლემოდ ყიდულობენ მიწის ნაკვეთებს, „ბათუმელებმა“ საჯარო რეესტრში სცადა. რეესტრმა კი გვაცნობა, რომ 952 ნაკვეთის საკადასტრო კოდის შესახებ ინფორმაციას მხოლოდ იმ შემთხვევაში მოგვაწვდიდა, თუ „ბათუმელები“ 12 376 ლარს გადაიხდიდა – „მომსახურების საფასურს“, ერთ კოდზე 13 ლარს.
    „ბათუმელებმა“ გაარკვია, რომ რუსეთის მოქალაქეები საქართველოში მიწის ნაკვეთებს სოფლებშიც ყიდულობენ. მიუხედავად აკრძალვისა, რუსეთის მოქალაქეზე სოფელში მიწის მიყიდვის მექანიზმი მაინც მარტივია:
    სასოფლო-სამეურნეო დანიშნულების მიწის ნაკვეთის მესაკუთრე მიწას უცვლის დანიშნულებას, რისთვისაც შესაბამისი განცხადებით მიმართავს საჯარო რეესტრს, თუმცა ევალება ცვლილების აუცილებლობაც დაასაბუთოს. საჯარო რეესტრი განიხილავს განცხადებას და წყვეტს, მიწის ნაკვეთს დანიშნულება შეუცვალოს თუ არა.
    დადებითი გადაწყვეტილების შემთხვევაში რეესტრი მიწას არეგისტრირებს უკვე როგორც არასასოფლო-სამეურნეო ნაკვეთს. ამის შემდეგ კი, არასასოფლო მიწის მიყიდვა უცხო ქვეყნის, ამ შემთხვევაში რუსეთის მოქალაქეზეც, თავისუფლადაა შესაძლებელი.
     დანიშნულებაშეცვლილი მიწის ნაკვეთის რუსეთის მოქალაქეზე მიყიდვის რამდენიმე მაგალითი „ბათუმელების“ მიერ მოპოვებული დოკუმენტების მიხედვით, ქობულეთის სოფელ ხუცუბანში საქართველოს მოქალაქე მამული გ-მ 4077 კვადრატული მეტრი სასოფლო-სამეურნეო დანიშნულების მიწა [მასზე მდგომი 187.6 კვ.მ ფართობის შენობით] 2022 წლის 8 აგვისტოს დაირეგისტრირა [ნასყიდობის ხელშეკრულებით].
    იმავე წლის 31 აგვისტოს მამული გ-მ რეესტრს მიწის დანიშნულების შეცვლის განცხადებით მიმართა, თუმცა რეესტრმა უარი უთხრა, ვინაიდან „მიწის მიზნობრივი დანიშნულების ცვლილების დასაბუთებულობის საკითხის შემსწავლელმა კომისიამ მიიღო გადაწყვეტილება, რომ განსახილველი მიწის ნაკვეთის მიზნობრივი დანიშნულების ცვლილების შესახებ მოთხოვნა არ არის დასაბუთებული.“
    მამული გ-მ რეესტრს მიწის დანიშნულების ცვლილებაზე ხელახლა, 2023 წლის 13 მარტს მიმართა. სხვა დოკუმენტებთან ერთად კი მან, როგორც შესაბამის პორტალზეა მითითებული, რეესტრში ქობულეთის მუნიციპალიტეტის მერიის ბრძანება, ბიზნესგეგმა და ხარჯთაღრიცხვაც წარადგინა.
    2023 წლის 4 აპრილს რეესტრმა მიწის ნაკვეთს დანიშნულება შეუცვალა და ის დაარეგისტრირა, როგორც არასასოფლო-სამეურნეო.
    ამის შემდეგ სამ თვეში, აღნიშნულ ქონებაზე გაფორმდა ნასყიდობის ხელშეკრულება და მიწა და მასზე მდგომი შენობა 2023 წლის 2 აგვისტოდან უკვე რუსეთის მოქალაქის, ალეკსეი კარასევის საკუთრებაშია.
    ასევე ქობულეთში, სოფელ ხუცუბანში, მაია თ-მ 736 კვადრატული მეტრი ფართობის სასოფლო-სამეურნეო დანიშნულების მიწა 2019 წელს დაირეგისტრირა.
    მაია თ-მ 2023 წლის 2 ივნისს მიმართა საჯარო რეესტრს მიწის დანიშნულების ცვლილების მოთხოვნით. საჯარო რეესტრმა კი, აღნიშნული ნაკვეთი არასასოფლოდ 2023 წლის 26 ივნისს დაარეგისტრირა.
    იმავე დღეს, 26 ივნისს, გაფორმდა ნასყიდობის ხელშეკრულება და აღნიშნული მიწის ნაკვეთის მესაკუთრე, 30 ივნისიდან, უკვე რუსეთის მოქალაქე ალექსანდრ ბონდარენკოა.
    ქობულეთის მუნიციპალიტეტის სოფელ კვირიკეში 2500 კვადრატული მეტრი სასოფლო-სამეურნეო დანიშნულების მიწის ნაკვეთი სოფიო მ-მ ჩუქების საფუძველზე ჰქონდა დარეგისტრირებული.
    სოფიო მ-მ საჯარო რეესტრს მიწის დანიშნულების შეცვლის განცხადებით 2023 წლის 2 მაისს მიმართა [სხვადასხვა დოკუმენტთან ერთად რეესტრში წარდგენილი იყო ბიზნესგეგმა, მიწის ნაკვეთის სამშენებლოდ გამოყენების პირობები, ქობულეთის მუნიციპალიტეტის მერის ბრძანება].
    22 მაისს კი, რეესტრმა აღნიშნული ნაკვეთი დაარეგისტრირა, როგორც არასასოფლო. აქედან დაახლოებით ორ თვეში კი, გაფორმდა ნასყიდობის ხელშეკრულება და 2023 წლის 25 ივლისიდან აღნიშნული ნაკვეთი უკვე რუსეთის მოქალაქის, ალევტინა ბლისსის საკუთრებაა.
    ქობულეთის იმავე სოფელში, კვირიკეში, 3 557 კვადრატული მეტრი სასოფლო მიწა ჩუქების საფუძველზე 2023 წლის 13 ივნისს დაირეგისტრირა მაია ქ-მ. ათ დღეში, 23 ივნისს კი, მან საჯარო რეესტრს მიწის დანიშნულების შეცვლის მოთხოვნით მიმართა [დოკუმენტებს თან ახლდა: მერის ბრძანება და ბიზნესგეგმა].
    მოთხოვნიდან რამდენიმე დღეში, 2023 წლის 10 ივლისს, რეესტრმა მიწას დანიშნულება შეუცვალა და დაარეგისტრირა, როგორც არასასოფლო-სამეურნეო.
    მიწის დანიშნულების შეცვლიდან მეორე დღეს, 11 ივლისს გაფორმებული ნასყიდობის ხელშეკრულების საფუძველზე, აღნიშნული მიწის ნაკვეთი უკვე რუსეთის მოქალაქის, იანა საფროშინას საკუთრებაშია – 2023 წლის 18 ივლისიდან.
    „ბათუმელების“ ინფორმაციით, მიწის ნაკვეთებს რუსეთის მოქალაქეები აქტიურად ყიდულობენ ქობულეთის სოფლებში.
    საჯარო რეესტრის პორტალი ტექნიკურად არ იძლევა საშუალებას, შესაბამისი ინფორმაცია დიფერენცირებულად მოიძიო, თუმცა ამის საშუალება აქვს თავად საჯარო რეესტრს.
    „ბათუმელებმა“ მიმართა რეესტრს და მოითხოვა ინფორმაცია – რამდენ მიწის ნაკვეთს შეეცვალა დანიშნულება ქობულეთისა და ხელვაჩაურის მუნიციპალიტეტებში, რამდენ ნაკვეთზეა შესული განცხადება დანიშნულების ცვლილებაზე, ასევე ამ ნაკვეთების საკადასტრო კოდები.
    შესაბამისი ინფორმაცია ქობულეთისა და ხელვაჩაურის მუნიციპალიტეტებიდანაც გამოვითხოვეთ, თუმცა გვითხრეს, რომ მათ ასეთი სტატისტიკა არ აქვთ.
    საჯარო რეესტრიდან ინფორმაცია „ბათუმელებმა“ 15-თვიანი ინტერვალებით გამოითხოვა – უკრაინაში ომის დაწყებამდე და ომის დაწყების შემდეგ.
    რეესტრის ინფორმაციით:
    2022 წლის 24 თებერვლიდან 2023 წლის 10 ივლისამდე პერიოდში –
    ქობულეთის სარეგისტრაციო ზონაში 156 სასოფლო-სამეურნეო დანიშნულების მიწის ნაკვეთს შეუცვალეს მიზნობრივი დანიშნულება; ხელვაჩაურის სარეგისტრაციო ზონაში კი – 133 მიწის ნაკვეთს. ანუ უკრაინაში ომის დაწყებიდან 15 თვეში ქობულეთსა და ხელვაჩაურში 289 მიწის ნაკვეთს შეუცვალეს დანიშნულება.
    რაც შეეხება ამ ნაკვეთების საკადასტრო კოდებს, რეესტრიდან მოგვწერეს, რომ „ამ სახის ინფორმაციის ხელმისაწვდომობა წარმოადგენს საჯარო რეესტრის ეროვნული სააგენტოს მომსახურების ნაწილს… საჯარო რეესტრში დაცულ მონაცემებზე 4 სამუშაო დღის ვადაში ინფორმაციის მომზადებისათვის კი დადგენილია საფასური 13 ლარის ოდენობით… ამდენად, მითითებული უძრავი ნივთების შესახებ კონკრეტული ინფორმაციის გაცემა საჭიროებს საფასურის გადახდას.“
    „ბათუმელების“ მიერ აღნიშნული საფასურის გადახდის შემდეგ, საჯარო რეესტრიდან მოგვწერეს, რომ საჯარო რეესტრის მომსახურებისთვის დადგენილი საფასური, 13 ლარი, მხოლოდ ერთ უძრავ ნივთზე [ერთ ნაკვეთზეა] გადახდილი და რადგან კანონმდებლობით „საფასური განსაზღვრულია ერთეულ ნივთთან მიმართებით [მოთხოვნილი] ინფორმაციის მომზადებისთვის წარმოსადგენია მომსახურების საფასურის გადახდის დამადასტურებელი დოკუმენტი თითოეულ უძრავ ნივთზე ცალ-ცალკე.“
    საჯარო რეესტრის მიერ დათვლილი ამ 952 ნაკვეთიდან [2020 წლის პირველი ნოემბრიდან 2023 წლის 10 ივლისამდე პერიოდში], როგორც თავად მოგვწერეს, 503 ნაკვეთს უკვე შეცვლილი აქვს დანიშნულება, 449 ნაკვეთის შემთხვევაში კი, ცვლილებაზე განცხადებები განიხილება.
    საჯარო რეესტრს საკადასტრო კოდები რომ მოეწოდებინა, ტექნიკურად ადვილი შესაძლებელი იყო გადამოწმება ქობულეთისა და ხელვაჩაურის სოფლებში დანიშნულებაშეცვლილი 503 მიწის ნაკვეთიდან რამდენი გასხვისდა უცხოელზე, მათ შორის, რუსეთის მოქალაქეებზე, 2020 წლის ნოემბრიდან დღემდე პერიოდში.
    —
    საქართველოს კონსტიტუციით: „სასოფლო-სამეურნეო დანიშნულების მიწა, როგორც განსაკუთრებული მნიშვნელობის რესურსი, შეიძლება იყოს მხოლოდ სახელმწიფოს, თვითმმართველი ერთეულის, საქართველოს მოქალაქის ან საქართველოს მოქალაქეთა გაერთიანების საკუთრებაში. გამონაკლისი შემთხვევები შეიძლება დადგინდეს ორგანული კანონით, რომელიც მიიღება პარლამენტის სრული შემადგენლობის არანაკლებ ორი მესამედის უმრავლესობით“.
    „სასოფლო-სამეურნეო დანიშნულების მიწის საკუთრების შესახებ“ საქართველოს ორგანული კანონით კი, 2019 წლის ივლისიდან, სასოფლო-სამეურნეო დანიშნულების მიწის ნაკვეთის შემძენი არ შეიძლება იყოს:
    უცხოელი [ფიზიკური პირი, რომელიც არ არის საქართველოს მოქალაქე, ასევე, საქართველოში სტატუსის მქონე მოქალაქეობის არმქონე პირი]; იურიდიული პირი, რომლის დომინანტი პარტნიორია უცხოელი ან/და საზღვარგარეთ რეგისტრირებული იურიდიული პირი ან რომლის დომინანტი პარტნიორი ვერ დგინდება. „სასოფლო-სამეურნეო დანიშნულების მიწის საკუთრების შესახებ“ კანონის მიღებამდე, 2017 წელს, ხელისუფლებამ მიწების გაყიდვაზე მორატორიუმი გამოაცხადა. მორატორიუმი „ქართულმა ოცნებამ“ პირველად 2013 წელსაც გამოაცხადა. საქართველოს მოქალაქეები სასოფლო-სამეურნეო დანიშნულების მიწებს მაშინაც სტატუსს უცვლიდნენ და ისე ყიდდნენ უცხო ქვეყნის მოქალაქეებზე. 2014 წელს საკონსტიტუციო სასამართლოს გადაწყვეტილებით, უცხოელებისთვის საქართველოში მიწის ფლობაზე დაწესებული მორატორიუმი გაუქმდა.
    batumelebi.netgazeti.ge
    რუსები საქართველოში
  5. tvati
    გურჯაანის მუნიციპალიტეტში ავარიას ერთი ოჯახის სამი წევრი ემსხვერპლა. შემთხვევა სოფელ ახაშენში გვიან ღამით მოხდა.
    გარდაცვლილია დედა მამა და მათი 4 წლის ბავშვი. ადგილობრივების თქმით, ახალგაზრდა მამაკაცი მსუბუქი ავტომობილით მეუღლესთან და ორ მცირეწლოვან შვილთან ერთად სახლის მიმართულებით გადაადგილდებოდა, რა დროსაც ტრაქტორს დაეჯახა და ამობრუნდა.
    შეჯახება იმდენად ძლიერი აღმოჩნდა, რომ ცოლ-ქმარი და მათი 4 წლის ბიჭი ადგილზე დაიღუპნენ, მეორე მოზარდი კი საავადმყოფოშია მოთავსებული.
    მომხდარზე მიმდინარეობს გამოძიება.

    იპნ
  6. tvati
    ბა­თუმ­ში, ზღვა­ში სკუ­ტე­რის და­ჯა­ხე­ბის შე­დე­გად გარ­დაც­ვლი­ლი 22 წლის ბიჭი მიშო ჯა­ლა­ბა­ძეა. ახალ­გაზ­რდა გო­რის მუ­ნი­ცი­პა­ლი­ტეტ­ში, სო­ფელ ქორდში ცხოვ­რობ­და.
    ექი­მე­ბის ინ­ფორ­მა­ცი­ით, ახალ­გაზ­რდა მა­მა­კაცს თა­ვის არე­ში მძი­მე და­ზი­ა­ნე­ბა ჰქონ­და მი­ღე­ბუ­ლი და მისი გა­დარ­ჩე­ნა ვერ მო­ხერ­ხდა.

     
    ცნო­ბი­ლია, რომ 22 წლის ბიჭი მე­გო­ბარ­თან ერ­თად ზღვა­ში სკუ­ტე­რით შე­ვი­და. ახალ­გაზ­რდა მა­მა­კა­ცი ზღვა­ში ცუ­რავ­და, რა დრო­საც აღ­ნიშ­ნუ­ლი სკუ­ტე­რი და­ე­ჯა­ხა და მძი­მედ და­შავ­და. არ­სე­ბუ­ლი ინ­ფორ­მა­ცი­ით, სკუ­ტერს მე­გო­ბა­რი მარ­თავ­და.
    ფაქტთან და­კავ­ში­რე­ბით, სა­ქარ­თვე­ლოს ში­ნა­გან საქ­მე­თა სა­მი­ნის­ტრომ გა­მო­ძი­ე­ბა “სის­ხლის სა­მარ­თლის კო­დექ­სის” 275-ე მუხ­ლით და­ი­წყო.

    ambebi.ge
  7. tvati
    საქართველოს რკინიგზის ინფორმაციით, დიდუბე-ავჭალის გადასარბენზე, ქსნის ქუჩის მიმდებარედ, ლიანდაგზე დღეს გამთენიისას ფერდობიდან ქვის მასა ჩამოიშალა. მომხდარი ფაქტის შედეგად, დროებით შეფერხდა ბათუმი-თბილისის, თბილისი-ბორჯომის და თბილისი-ბათუმის მატარებლების მოძრაობა.
    მათვე ცნობით, საქართველოს რკინიგზის შესაბამისი სამსახურების მიერ ერთი ლიანდაგი ოპერატიულად გაიწმინდა და დროულად მოხერხდა მატარებლების მოძრაობის განახლება.
    „ამ ეტაპზე მიმდინარეობს მეორე მიმართულების ლიანდაგის გაწმენდითი სამუშაოები. სამუშაოების დასრულებისთანავე მოძრაობა მეორე ლიანდაგზეც უსაფრთხოების ყველა წესის გათვალისწინებით ჩვეულ რეჟიმში განახლდება. პარალელურად, მიმდინარეობს ქვათაცვენის ადგილმდებარეობის დათვალიერება და შესწავლა შესაბამისი სპეციალისტების მიერ“,- აღნიშნულია ინფორმაციაში.

    ipn
  8. tvati
    მიმდინარე წლის მეორე კვარტალში (აპრილი - ივნისი) შინაგან საქმეთა სამინისტროს საექსპერტო - კრიმინალისტიკური დეპარტამენტის ნარკოლოგიური შემოწმების სამსახურმა, ქვეყნის მასშტაბით, ნარკოტიკულ ზემოქმედებაზე 1339 ადამიანი შეამოწმა, საიდანაც 968-ს ნარკოტიკული თრობა დაუდასტურდა.
    როგორც შინაგან საქმეთა სამინისტროს მიერ ვებ-გვერდზე გამოქვეყნებულ საჯარო ინფორმაციაშია ნათქვამი, აღნიშნულ სამ თვეში ნარკოტიკულ ზემოქმედებაზე შემოწმებულ პირთაგან 3 იყო არასრულწლოვანი, რომელთაგან ყველას ნარკოტიკული თრობა დაუდასტურდა.
    დოკუმენტის მიხედვით, შსს საექსპერტო-კრიმინალისტიკური დეპარტამენტის ნარკოლოგიური შემოწმების სამსახურმა, მეორე კვარტალში, ყველაზე მეტი 789 მამაკაცი 25-44 ასაკობრივი კატეგორიიდან შეამოწმა, საიდანაც 587-ს ნარკოლოგიური თრობა დაუდასტურდა.
    რაც შეეხება ქალების შემოწმების შედეგებს, ყველა ასაკობრივი კატეგორიიდან შემოწმებულ 49 ქალს შორის, დადებითი ნარკოლოგიური შედეგი 19-ს ჰქონდა.
    ამასთან, შინაგან საქმეთა სამინისტროს სტატისტიკის თანახმად, საექსპერტო - კრიმინალისტიკური დეპარტამენტის ნარკოლოგიური შემოწმების სამსახურმა, ნარკოტიკულ ზემოქმედებაზე ყველაზე მეტი ადამიანი თბილისსა და კახეთის რეგიონში შეამოწმა.
    შეგახსენებთ, რომ 2023 წლის პირველი სამი თვის მონაცემების მიხედვით, შინაგან საქმეთა სამინისტროს საექსპერტო - კრიმინალისტიკური დეპარტამენტის ნარკოლოგიური შემოწმების სამსახურმა, ქვეყნის მასშტაბით, ნარკოტიკულ ზემოქმედებაზე 1241 ადამიანი შეამოწმა, საიდანაც 928-ს ნარკოტიკული თრობა დაუდასტურდა.
    რაც შეეხება 2022 წლის მონაცემებს, დოკუმენტის მიხედვით, შსს საექსპერტო - კრიმინალისტიკური დეპარტამენტის ნარკოლოგიური შემოწმების სამსახურმა, ქვეყნის მასშტაბით, ნარკოლოგიურ თრობაზე 5052 ადამიანი შეამოწმა, საიდანაც ნარკოტიკული თრობა 3631-ს დაუდასტურდა.
    ცნობისთვის, შინაგან საქმეთა სამინისტროს მიერ გამოქვეყნებული ინფორმაციით, 2021 წლის განმავლობაში, ქვეყნის მასშტაბით, სულ 4225 პირი შეამოწმეს, ნარკოტიკული თრობა 2689-ს დაუდასტურდა. შემოწმებულ პირთაგან 71 ქალი იყო, მათ შორს, ნარკოტიკული თრობა 17 ქალს დაუდასტურდა. რაც შეეხება არასრულწლოვანებს, 2021 წლის განმავლობაში, ჯამში, ქვეყნის მასშტაბით, 30 არასრულწლოვანი შეამოწმეს, მათ შორის 28 ბიჭი და 2 გოგო, აქედან ნარკოტიკული თრობა 19-ს აქვს დადასტურებული 17 - ბიჭს და 2 - გოგოს.

    ინტერპრესნიუსი
  9. tvati
    ფაქტობრივად დავასრულეთ სტიქიის ეპიცენტრში მუშაობა, გადამოწმება , - ამის შესახებ საგანგებო სიტუაციების მართვის სამსახურის ხელმძღვანელმა, თემურ მღებრიშვილმა განაცხადა.
    თემურ ღებრიშვილის თქმით, ხვალისთვის იგეგმება მდინარის კალაპოტში მძიმე ტექნიკის შეყვანა.
    „აქტიურად მიმდინარეობს ძებნა-შველის ღონისძიება ამ წუთებშიც. სტიქიის ეპიცენტრში ფაქტობრივად ჩვენ მთელი ტერიტორია გვაქვს შემოწმებული, დარჩენილია რამდენიმე ასეული კვადრატული მეტრი. ხვალისთვის ვგეგმავთ უკვე მდინარის კალაპოტში მძიმე ტექნიკის შეყვანას. კითხვა რომ არ დარჩეს, რატომ აქამდე არ შეიყვანეს მდინარეში მძიმე ტექნიკა, აქამდე არ მოგვეცა ამის საშუალება ნიადაგის გამო. რამდენჯერაც ვცადეთ მძიმე ტექნიკის დიდი რაოდენობით შეყვანა, იმდენჯერ ჩაეფლო. დღეს შევამოწმეთ გარკვეულ ადგილებში, სადაც გვქონდა გონივრული ეჭვი, რომ შეიძლება იყოს ცხედარი ან ფრაგმენტი და უკვე ნიადაგი მყარია. ხვალიდან დავიწყებთ აქტიურ სამძებრო სამუშაოებს”, - განაცხადა თემურ მღებრიშვილმა.
    ცნობისთვის, შოვში მეწყერი 3 აგვისტოს ჩამოწვა. ბოლო ოფიციალური ცნობებით, სტიქიის შედეგად გარდაცვლილია 26 ადამიანი. შვიდ პირს ეძებენ.

    ipn
  10. tvati
    ბათუმში, ზღვაში სკუტერის დაჯახების შედეგად დაშავებული 25 წლის ბიჭი კლინიკაში გარდაიცვალა.
    ექიმების ინფორმაციით, ახალგაზრდა მამაკაცს თავის არეში მძიმე დაზიანება ჰქონდა მიღებული.
    ფაქტთან დაკავშირებით, საქართველოს შინაგან საქმეთა სამინისტრომ გამოძიება “სისხლის სამართლი კოდექსის” 275-ე მუხლით დაიწყო.
    არსებული ინფორმაციით, 25 წლის ბიჭი მეგობართან ერთად ზღვაში სკუტერით შევიდა. ახალგაზრდა მამაკაცი ზღვაში ცურავდა, რა დროსაც აღნიშნული სკუტერი დაეჯახა და მძიმედ დაშავდა. სკუტერს მეგობარი მართავდა.
     
    ipn
  11. tvati
    შეფასებისა და გამოცდების ეროვნული ცენტრი სახალხო დამცველის რეკომენდაციასთან დაკავშირებით განცხადებას ავრცელებს.
    სახალხო დამცველის რეკომენდაციასთან დაკავშირებით, შეფასებისა და გამოცდების ეროვნულმა ცენტრმა კიდევ ერთხელ ჩაატაროს დამატებითი სესია, ცენტრი აცხადებს, რომ 2023 წლის ერთიანი ეროვნული გამოცდების ფარგლებში რეკომენდაციის შესრულებას სამართლებრივი საფუძველი არ გააჩნია.
    ამასთან, შეფასებისა და გამოცდების ეროვნული ცენტრი აღნიშნავს, რომ აბიტურიენტებისათვის დამატებითი სესიების დანიშვნის თაობაზე ცენტრმა იმოქმედა კანონმდებლობის სრული დაცვით.
    „შეფასებისა და გამოცდების ეროვნული ცენტრი ეხმიანება სახალხო დამცველის რეკომენდაციას ერთ-ერთი აბიტურიენტისათვის დამატებითი საგამოცდო სესიის ჩატარების თაობაზე.
    პირველ რიგში, გაცნობებთ, რომ შეფასებისა და გამოცდების ეროვნული ცენტრის უმთავრეს პრინციპს თითოეული გამოსაცდელისათვის განათლების მიღებაზე ხელმისაწვდომობის უზრუნველსაყოფად თანაბარი და ჯანსაღი საგამოცდო გარემოს შექმნა წარმოადგენს. ცენტრი წლებია ათიათასობით გამოსაცდელს ემსახურება და სისტემაში დანერგილი საგამოცდო მოდელი სამართლიანობის, გამჭვირვალობისა და თანასწორობის პრინციპებზეა დაფუძნებული, რაც მსურველებს განათლების სხვადასხვა საფეხურზე სწავლის გაგრძელების შესაძლებლობას აძლევს.
    შეფასებისა და გამოცდების ეროვნული ცენტრი თავისი მრავალწლიანი გამოცდილებით ადასტურებს იმას, რომ საგამოცდო პროცესი ყოველთვის გამოსაცდელების უფლებებისა და ინტერესების დაცვით, სამართლიანად და ობიექტურად იმართება.
    სახალხო დამცველის რეკომენდაციასთან დაკავშირებით შეფასებისა და გამოცდების ეროვნული ცენტრი განმარტავს, რომ აბიტურიენტებისათვის დამატებითი სესიების დანიშვნის თაობაზე ცენტრმა იმოქმედა კანონმდებლობის სრული დაცვით.
    აღსანიშნავია, რომ 2023 წელს ისტორიის საგანში ერთიანი ეროვნული გამოცდა ჩატარდა 17 და 18 ივლისს. 18 ივლისს ცენტრში წარმოდგენილი იქნა არაუფლებამოსილი პირის განცხადება, რაზეც ცენტრმა საქართველოს ზოგადი ადმინისტრაციული კოდექსის 83-ე მუხლის მოთხოვნათა დაცვით 21 ივლისის წერილით მოითხოვა ხარვეზის გამოსწორება. აღნიშნულიდან გამომდინარე, ცენტრს არ დაურღვევია ადმინისტრაციული წარმოებისათვის დადგენილი წესი და ვადა.
    დროებითი განჩინების გამოტანის მოთხოვნით აბიტურიენტმა თბილისის საქალაქო სასამართლოს მიმართა 2023 წლის 27 ივლისს, ხოლო აღნიშნული განჩინება ცენტრში წარმოდგენილ იქნა 2023 წლის 28 ივლისს.
    აქვე გაცნობებთ, რომ ყველა აბიტურიენტი, რომელმაც მომართა ცენტრს და აკმაყოფილებდა კანონმდებლობით დადგენილ მოთხოვნებს, დაშვებულ იქნა დამატებით გამოცდაზე. ამასთან, საქართველოს საკონსტიტუციო სასამართლოს გადაწყვეტილების საფუძველზე „ერთიანი ეროვნული გამოცდების ჩატარების“ დებულებაში ასახული გამონაკლისების გარდა, კერძოდ – ჯანმრთელობის მდგომარეობის გამო სტაციონარულ სამედიცინო დაწესებულებაში ყოფნა, ოჯახის წევრის გარდაცვალება და დაუძლეველი ძალა – სხვა მიზეზებით გამოუცხადებელი პირების დამატებით გამოცდაზე დაშვება არათანაბარ პირობებში ჩააყენებდა აბიტურიენტებს.
    აქვე უნდა აღინიშნოს, რომ ცენტრი მოკლებული იყო შესაძლებლობას აღესრულებინა 28 ივლისს შემოსული სასამართლოს განჩინება, ვინაიდან ისტორიის საგანში დამატებითი სესია დაინიშნა და ჩატარდა 2023 წლის 25 ივლისს და ამ სესიაზე გამოყენებული ტესტური დავალებები უკვე გამოქვეყნებული იყო ცენტრის ვებგვერდზე. აღნიშნულის გათვალისწინებით, ცენტრმა გაასაჩივრა სასამართლოს დროებითი განჩინება და დეტალურად განმარტა გადაწყვეტილების აღსრულების შეუძლებლობის თაობაზე.
    ყოველივე ზემოაღნიშნულიდან გამომდინარე, სახალხო დამცველის რეკომენდაციასთან დაკავშირებით (შეფასებისა და გამოცდების ეროვნულმა ცენტრმა კიდევ ერთხელ ჩაატაროს დამატებითი სესია) ცენტრი აცხადებს, რომ 2023 წლის ერთიანი ეროვნული გამოცდების ფარგლებში რეკომენდაციის შესრულებას სამართლებრივი საფუძველი არ გააჩნია”, - ნათქვამია განცხადებაში.
  12. tvati
    “Killers”-ის ინციდენტზე: მიუხედავად იმისა რომ შემთხვევითობის ალბათობა შეიძლება 15-20%-ს სცილდება მე მგონია, რომ ეს იყო კლასიკური “ჰიბრიდული სადაზვერვო” (Hybrid Intelligence) ღონისძიება, რომელმაც გააერთიანა ე.წ. გავლენის (Influence Operation) და ფსიქოლოგიური (PsyOps) ოპერაცია. მიზანი იყო ქართული ახალგაზრდა საზოგადოების კოგნიტურ აღქმებზე ზემოქმედება. ამ “ქეისის” მიზნობრივი შედეგი იყო: ცნობადი/გავლენიანი ამერიკელი მომღერალი ქართველებს ურჩევს რუსებთან მეგობრობას”!!! ნიშანდობლივია, რომ ოპერატიულად ველზე არ იქნებოდა მარტივი ოპერაცია, მაგრამ არც განსაკუთრებულ სირთულეს მოითხოვდა. საკმარისი იყო ჯგუფთან “ბექსთეიჯში” მომუშავე პირი “დაერთებოდა” რუსების მიერ ინფილტრირებულ ოპერატიულ კავშირს ყველაფერი მარტივად წავიდოდა. ჯგუფს რა ინფორმაციასაც მიაწვდიდნენ იმას გააკეთებდა. შეიძლება დამატებითი თანხაც კი გადაეხადაც სცენაზე ამ ეპიზოდის დადგმისთვის… საბოლოო ჯამში ეს კონკრეტული ინციდენტი კონტრსადაზვერო კუთხით ერთ-ერთი უნიკალური case study-ია ჩემის ღრმა რწმენით  P.S. ასევე ვიზიარებ გენიალური LOUDspeakers-ის მოსაზრებას."


    კახაბერ ქემოკლიძე, პარტია "საქართველოსთვის" პოლიტიკური მდივანი.

    Facebook: https://www.facebook.com/KakhaKemoklidzeOfficial/posts/236490682696239
  13. tvati
    ელენე ნავერიანის ფილმი „შაშვი, შაშვი მაყვალი“ 2023 წლის დაჯილდოების ნომინანტებს შორის მოხვდა. ინფორმაციას ევროპის კინოაკადემია ავრცელებს. ნომინანტებს შორის 19 ფილმი მოხვდა.

    უახლოეს კვირებში ევროპის კინოაკადემიის წევრები დაიწყებენ შერჩეული ფილმების ყურებას და ხმის მიცემას.
    მონაწილე წევრების ხმების საფუძველზე სხვადასხვა ნომინაციებში გამარჯვებულთა ვინაობა 7 ნოემბერს გახდება ცნობილი. დაჯილდოების ცერემონია 9 დეკემბერს ბერლინში გაიმართება.
    ელენე ნავერიანის ფილმის „შაშვი შავი მაყვალის“ მსოფლიო პრემიერა კანის საერთაშორისო კინოფესტივალზე გაიმართა.
    „შაშვი შავი მაყვალი“ ელენე ნავერიანის რიგით მესამე სრულმერაჟიანი ფილმია.
    „შაშვი შაშვი მაყვალი“ თამთა მელაშვილის რომანია. წიგნი 2021 წელს ლიტერატურული პრემია „საბას“ გამარჯვებული გახდა.

    პუბლიკა
  14. tvati
    „ეხო მასკვის“ ჟურნალისტი ირინა ბაბლოიანი ვარაუდობს, რომ თბილისში ყოფნის დროს მოწამლეს. ამის შესახებ ბაბლოიანმა გამოცემა The Insider-ს მოუყვა.
    The Insider-მა ვრცელ მასალაში თავი მოუყარა რამდენიმე ჟურნალისტისა და აქტივისტის ისტორიას. ყველა მათგანს აერთიანებს ის, რომ მათი ვარაუდით, ევროპის სხვადასხვა ქალაქში ყოფნისას, სავარაუდოდ, კრემლთან დაკავშირებულმა სტრუქტურებმა მოწამლეს.
    რას ჰყვება ირინა ბაბლოიანი?
    როგორც „ეხო მასკვის“ ჟურნალისტი ირინა ბაბლოიანი იხსენებს,  2022 წლის ოქტომბერში მოსკოვიდან თბილისში გადმოვიდა და ერთ-ერთ სასტუმროში ცხოვრობდა. ის იხსენებს, რომ 25 ოქტომბერს, საღამოს, თავი ცუდად იგრძნო, დილას კი უფრო მეტი სისუსტითა და თავბრუსხვევით გაიღვიძა. 26 ოქტომბრის საღამოს მას გამოუვლინდა კიდევ ერთი სიმპტომი – ხელის მტევანი მკვეთრად გაუწითლა და აეწვა – „თითქოს ცეცხლი გიჭირავს ხელში“. იგივე იგრძნო ტერფებზეც. ამ სიმპტომების მიუხედავად, 27 ოქტომბერს ირინა მაინც გაემგზავრა ერევანში. თუმცა მგზავრობისას მისი მდგომარეობა გაუარესდა – მას უკვე აღარ შეეძლო კონცენტრირება.
    ერევანში ჩასვლის შემდეგ ჟურნალისტი სასტუმროში გაჩერდა, სადაც იმ მომენტისთვის თერმომეტრი არ ჰქონდათ. მალევე ნომერში ავიდა, თუმცა ვერ დაიძინა. მუცლის ზემოთ დაეწყო ძლიერი ტკივილი და გულისრევა. ეს ორივე სიმპტომი ასევე ჰქონდა „ნოვაია გაზეტასა“ და „მედუზას“ ჟურნალისტ ელენა კოსტიუჩენკოს, რომელსაც „ნოვაია გაზეტას“ წყაროების ცნობით, უკრაინაში „კადრიოველები“ უპირებდნენ მოკვლას.
    ელენასგან განსხვავებით, ირინა პირში გრძნობდა მეტალის გემოსაც. ჟურნალისტი იხსენებს, რომ მას შემდეგ დღემდე პერიოდულად კანი უწითლდება. სისუსტე, ტკივილი და უძილობა კი 2 დღის შემდეგ გაქრა.
    ირინას ისტორიის თანახმად, მოწამვლის შემდეგ არ მიუმართავს ტოქსიკოლოგისთვის, რადგან არც დაუშვია, რომ ვინმეს მისი მოწამვლის სურვილი ჰქონდა. მაშინ შეემოწმა ალერგიაზე – თუმცა პასუხი ყველა ცნობილ ალერგენზე ნეგატიური იყო. ბერლინში ჩასვლის შემდეგ ტოქსიკოლოგიური კვლევისთვის მკლინიკა „შარიტეში“ სისხლი ჩააბარა, თუმცა ამბობს, რომ კლინიკის თქმით, ჩაბარებული სისხლი „დაიკარგა“, ამასთანავე, მას გაესაუბრა გერმანული პოლიციაც.
    ჟურნალისტი ამბობს, რომ ხელახლა ჩააბარა სისხლი ტოქსიკოლოგიურ კვლევაზე, თუმცა ამ ეტაპისთვის უკვე შეუძლებელი იყო ტოქსინების კვალის პოვნა.
    The Insider ამბობს, რომ ირინას სიმპტომები სპეციალისტებს შეაფასებინა. მათი თქმით, რთულია იმის თქმა, მოწამლეს თუ არა ირინა ბაბლოიანი, რადგან კლინიკური დოკუმენტები არასაკმარისია. თუმცა, ჟურნალისტის სიმპტომების აღწერის შედეგად, ექსპერტების თქმითვე, უფრო სავარაუდოა, რომ მოწამვლა გარე ნივთიერების შედეგად დადგა.
    გარეკანი ფოტო: ნოვაია გაზეტა

    ნეტგაზეთი
  15. tvati
    „ქართული ოცნების“ თავმჯდომარე ირაკლი კობახიძე, რომელმაც 2 დღის წინ ეჭვი შეიტანა შოვის სტიქიას გადარჩენილი ადამიანების მონაყოლში, დღეს აცხადებს, რომ თავის განცხადებას ნანობს.
    მმართველი პარტიის ლიდერმა ამის შესახებ დღეს, 16 აგვისტოს, რაჭაში ყოფნისას განაცხადა. როგორც კობახიძე ამბობს, ის პირადად შეხვდა შოვის სტიქიას გადარჩენილ დავით ჯელაძეს, რომელიც კობახიძის განცხადების გამო თავს შეურაცხყოფილად გრძნობდა.
    „ჯერ მქონდა სატელეფონო საუბარი დათო ჯელაძესთან და შემდეგ შევხვდი. პირველ რიგში მინდა ჩემი ადამიანური შთაბეჭდილება გაგიზიაროთ – დათო არის გულიანი ვაჟკაცი, რაჭველი კაცი. მან დეტალურად გაიხსენა ის ისტორია, რომელიც მას გადახდა. წარმოუდგენელი, საოცარი ისტორიაა. რეალურად მან ყველაფერი გააკეთა იმისათვის, რომ მისი დისშვილი გაეყვანა მაქსიმალურად უსფრთხო ტერიტორიაზე. თავის თავს აჯობა, ისეთი გზა აქვს თავის პატარა დისშვილთან ერთად გამოვლილი. წარმოუდგენელი რაღაც აქვს გაკეთებული“, – განაცხადა კობახიძემ.
    კობახიძის თქმით, დათო ჯელაძესთან კითხვები აღარ აქვს, რადგან მასთან შეხვედრისას სტქიისგან გადარჩენის ისტორია პირადად მოისმინა.
    „რაც შეეხება შეკითხვებს, მინდა განვმარტო, რომ იყო ბრიფინგი და ერთ-ერთმა ჟურნალისტმა მაჩვენა ფოტო, რომელიც პირველად ვნახე მაშინ. ძალიან ხშირად ვრცელდება სოციალურ მედიაში ყალბი ფოტოები და მე არც ვიცოდი, ვის მიერ იყო ეს ფოტო დადებული და ზუსტად რა იყო ასახული, აქედან გამომდინარე კითხვა დავსვი იმასთან დაკავშირებით, თუ რამდენად შეესაბამებოდა სინამდვილეს ეს ფოტო და იქ აღწერილი მოცემულობა. ამის შემდეგ გავერკვიე ყველაფერში, რომ ეს ფოტო დათო ჯელაძის მიერ იყო დადებული და დეტალურად მომიყვა მან მე ისტორია, თუ რა გადახდა.
    მე მინდა სინანული გამოვხატო, რომ დათო ჯელაძეს გული ვატკინე. რა თქმა უნდა, ეს არის ძალიან დასანანი. თუმცა ჩვენ გვქონდა შეხვედრა, მანაც განმარტა მისი ისტორია და მეც განვმარტე ყველაფერი. მთავარია, რომ ის ძალიან მძიმე ვითარებიდან გამოვიდა და გადარჩა მისი ოჯახი. ამაში არის მისი ძალიან დიდი დამსახურება“, – განაცხადა ირაკლი კობახიძემ.
    14 აგვისტოს ირაკლი კობახიძემ ბრიფინგზე განაცხადა, რომ ეეჭვება, ნამდვილად გაიარეს თუ არა დავით ჯელაძემ და მისმა 6 წლის დისშვილმა ის მანძილი ღვარცოფში, რომელიც ფოტოზეა მოცემული. მისი შეფასებით, ამ ტერიტორიაზე გადასვლა “პრაქტიკულად წარმოუდგენელია” და “ეს ყველაფერი გადასამოწმებელია”.
    გარდა ამისა, მან “წარმოუდგენელი ტყუილი” უწოდა გადარჩენილების მონათხრობს, რომ “ერთ-ერთი ბავშვი 3 საათის ებრძოდა ღვარცოფს”.
    ირაკლი კობახიძის 14 აგვისტოს ბრიფინგს მალევე მოჰყვა„ოცნების“ სხვა წევრთა მსგავსი შინაარსის განცხადებები, რასაც ასევე იმეორებდნენ ხელისუფლებასთან დაახლოებული ადამიანებიც.
    ჯელაძეების ოჯახი ღვარცოფის მოვარდნისას შოვში იმყოფებოდნენ. დავით ჯელაძე იხსენებს, რომ უკვე სახლში დაბრუნებისას, შოვში, მინერალურ წ####ბთან გაჩერდნენ, რა დროსაც ხიდზე მყოფმა ოჯახის სხვა წევრმა ღვარცოფული მასა დაინახა და დანარჩენებს დაუძახა, ჩქარა წამოსულიყვნენ. ისინი ხიდზე ავიდნენ, თუმცა ღვარცოფმა იქამდეც მიაღწია და, როგორც დავით ჯელაძე ამბობს, “ყველა მხრიდან მეწყერში აღმოჩნდნენ”. საბოლოოდ მან გადაწყვიტა, 6 წლის დისშვილთან ერთად ღვარცოფული მასის მეორე მხარეს გადასულიყო, რადგან დაინახა, რომ სასტუმრო “სანსეტ შოვის” ნაწილი არ ჰქონდა დაფარული ღვარცოფს და იქ ხალხიც დადიოდა. დავით ჯელაძის მონათხრობის თანახმად, აღნიშნული ტერიტორიის გავლას დაახლოებით 2 საათი დასჭირდა.
  16. tvati
    საოლქო საარჩევნო კომისიებმა პირველ ოქტომბერს გასამართი საქართველოს პარლამენტის შუალედური და გურჯაანის მერის რიგგარეშე არჩევნებისთვის საუბნო საარჩევნო კომისიების წევრები და ხელმძღვანელი პირები აირჩიეს. ინფორმაციას ცენტრალური საარჩევნო კომისია ავრცელებს.
    მათივე ცნობით, 133 საუბნო საარჩევნო კომისიაში არსებულ 1064 ვაკანტურ ადგილზე 1092 მსურველის განაცხადი დარეგისტრირდა.
    „საოლქო საარჩევნო კომისიებმა საუბნო საარჩევნო კომისიების წევრების და ხელმძღვანელი პირების შერჩევისას, კანონმდებლობით განსაზღვრული კრიტერიუმებით იხელმძღვანელეს. ასევე, ცესკოს მიერ შემუშავებული რეკომენდაციები გაითვალისწინეს, მათ შორის, კონკურსანტთა პროფესიული და საარჩევნო გამოცდილება, საარჩევნო ადმინისტრაციაში მიუკერძოებელი საქმიანობა, საარჩევნო ადმინისტრაციის საგანმანათლებლო პროექტებში მონაწილეობა.
    საუბნო საარჩევნო კომისიების არჩეული 1056 ხელმძღვანელი პირებიდან და წევრებიდან -
    14 ხმით არჩეულია 746 პირი;
    13 ხმით არჩეულია 297 პირი;
    12 ხმით არჩეულია 13 პირი.
    აღსანიშნავია, რომ არჩეულ პირთა შორის საუბნო საარჩევნო კომისიის წევრის სტატუსით მუშაობის გამოცდილება აქვს და 2012 წლიდან, ბოლო 8 საერთო არჩევნებზე ერთხელ მაინც მონაწილეობა მიუღია - 889 პირს, რაც საერთო რაოდენობის 84%-ია.
    ამასთან, საოლქო საარჩევნო კომისიების მიერ არჩეული საუბნო საარჩევნო კომისიის წევრების დიდი ნაწილი ცესკოს საგანმანათლებლო პროექტების მონაწილეა. კერძოდ, საუბნო საარჩევნო კომისიის ახლად არჩეული წევრებიდან 387 „საარჩევნო ადმინისტრატორის კურსების“ მონაწილეა, 40 – „საარჩევნო განვითარების სკოლის“, ხოლო 23 - „ახალგაზრდული ბანაკის“ კურსდამთავრებული.
    შეგახსენებთ, რომ ამომრჩევლები პირველ ოქტომბერს საქართველოს პარლამენტის გორი-კასპის მაჟორიტარ დეპუტატს და გურჯაანის მერს აირჩევენ. ამომრჩეველთა ვერიფიკაციის, ხმის მიცემისა და დათვლის აპარატების გამოყენებით კენჭისყრა 103 საარჩევნო უბანზე ჩატარდება და მასში მონაწილეობას ამომრჩეველთა საერთო რაოდენობის 85.3% მიიღებს. დანარჩენ, 30 საარჩევნო უბანზე კი კენჭისყრა ამ დრომდე არსებული წესით ჩატარდება, თუმცა აღნიშნულ უბნებზე საარჩევნო ბიულეტენები გაციფრულდება, შესაბამის უსაფრთხო პლატფორმაზე აიტვირთება და ყველა დაინტერესებული მხარისთვის ხელმისაწვდომი იქნება,“ - აღნიშნულია გავრცელებულ ინფორმაციაში.
  17. tvati
    The Killers-ის საქციელისა და ქართველი მსმენელის პროტესტის ამბავი ყველა გავლენიანმა გამოცემამ გააშუქა.  "შეძახილები და დარბაზის დატოვება მას შემდეგ, რაც The Killers-მა საქართველოს აუდიტორიას უთხრა, რომ რუსები მათი "ძმაა", — წერს The Guardian.  "The Killers-მა ბოდიში მოიხადა იმისთვის, რომ შოუს დროს საქართველოში სცენაზე რუსი დრამერი გამოიყვანეს, თაყვანისმცემლებს კი "ძმები და დები" უწოდეს, რამაც მაყურებლის გაბრაზება გამოიწვია", — წერს Reuters.  გაიგეთ მეტი: https://go.on.ge/3btf

    on.ge
  18. tvati
    თბილისში, აღმაშენებლის ხეივანში ტრაილერი ბორდიურს შეეჯახა და ამობრუნდა. გავრცელებული ინფორმაციით, ავტოსაგზაო შემთხვევის შედეგად ტრაილერის მძღოლი დაშავდა.
    მომხდარის გამო, აღნიშნულ ტერიტორიაზე ამ დროისთვის გადაადგილება შეფერხებულია.
    როგორც „ინტერპრესნიუსს“ შინაგან საქმეთა სამინისტროში განუცხადეს, ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო მოძრაობისას წესების დარღვევას გულისხმობს.

    ipn
  19. tvati
    "კალა მერმა თბილისის მთავრობის დღევანდელ სხდომაზე ყველაფერზე ილაპარაკა ლაგუნა ვერეს და იპოდრომის გარდა!

    ვითომ არაფერი მომხდარა, ვითომ თავად არ ამცნო თბილისელებს დიდი ზარზეიმით, რომ იპოდრომი და ლაგუნა ვერე ივანიშვილის ქართუ ფონდისგან მუნიციპალიტეტის საკუთრებაში საჩუქრად გადადიოდა!

    დღეს, როცა გაირკვა, რომ იპოდრომის ნაწილი და ლაგუნა ვერე აბრეშუმის ფაბრიკის ტერიტორიით თბილისის მუნიციპალიტეტის ნაცვლად კერძო კომპანიის საკუთრება გახდა, ნაცვლად იმისა, რომ დეტალურად განემარტა თბილისელებისთვის, როგორ და რატომ მოხდა ნაჩუქარის უკან დაბრუნება, რა პირობებით და გარანტიით იყიდა კერძო კომპანიამ თბილისის სტრატეგიული მნიშვნელობის უძრავი ქონება, ელექტრომობილების სადგურების მისამართების ჩამოთვლაზე მოცდა ამხელა კალა მერი კაცი.

    არადა თბილისელებმა დღემდე არ იციან, მიიღებენ თუ არა დაპირებულ ცენტრალურ პარკს გარშემორტყმული ცათამბჯენების გარეშე და აღდგენილ ლაგუნა ვერეს, რომლისთვისაც პრიორიტეტი თბილისელების, და არა კერძო საკუთრების მფლობელთა, მომსახურება იქნება!"

    გიორგი შარაშიძე, პარტია "საქართველოსთვის" თბილისის საკრებულო წევრი. 
  20. tvati
    ''ეს ვთქვი ახლა მე? რატომ ამახინჯებთ ჩემს ნათქვამს? ამით ატყუებთ მაყურებელს''.

    მიხეილ დაუშვილი, პარტია "საქართველოსთვის" წევრი, დეპუტატი.  368001078_310230408241258_1275732367824654836_n.mp4
  21. tvati
    რატომ ვამბობთ საგამოძიებო კომისიაზე უარს ამ ეტაპზე და როგორ ეხმარება „ნაციონალური მოძრაობის'' ეს ქმედებები „ოცნებას''.

    ბექა ლილუაშვილი, პარტია "საქართველოსთვის" წევრი, დეპუტატი. 
    366978200_250063701284334_2290431925434750322_n.mp4
  22. tvati
    ფო­ტო­ზე: თე­მურ ჩარ­კვი­ა­ნი და ნიკა ჩა­ლა­ძე შოვ­ში და­ღუ­პუ­ლი კი­დევ სამი ცხე­და­რია იდენ­ტი­ფი­ცი­რე­ბუ­ლი. ისი­ნი სო­ფელ ლაგ­ვან­თის მა­ცხოვ­რებ­ლე­ბი ნიკა ჩა­ლა­ძე, თე­მურ ჩარ­კვი­ა­ნი და დიტო ფირ­ცხა­ლა­ვა არი­ან. არ­სე­ბუ­ლი ინ­ფორ­მა­ცი­ით, ბი­ჭე­ბი შოვ­ში სამ­შე­ნებ­ლო სა­მუ­შა­ო­ე­ბის და­სა­წყე­ბად იყ­ვნენ ჩა­სუ­ლე­ბი, რა დრო­საც მე­წყერ­ში მოყ­ვნენ.
    ინ­ფორ­მა­ცია, რომ და­ღუ­პუ­ლე­ბი ერთი სოფ­ლი­დან არი­ან, რა­ჭის გუ­ბერ­ნა­ტორ­მა პა­პუ­ნა მარ­გვე­ლა­ძე­მაც და­ა­დას­ტუ­რა.
    შოვ­ში სამ­ძებ­რო სა­მუ­შა­ო­ე­ბი კვლავ გრძელ­დე­ბა. სტი­ქი­ის ზო­ნა­ში ამ დრო­ის­თვის და­კარ­გულ 7 მო­ქა­ლა­ქეს ეძე­ბენ.
      ამ დრო­ის­თვის, სტი­ქი­ის ზო­ნა­ში ნა­პოვ­ნია 26 მო­ქა­ლა­ქის ცხე­და­რი, მათ­გან 23 იდენ­ტი­ფი­ცი­რე­ბუ­ლია.
    "და­კარ­გუ­ლი 33 მო­ქა­ლა­ქი­დან ამ დრო­ის­თვის 26 ცხე­და­რი არის ნა­პოვ­ნი. გრძელ­დე­ბა 7 და­კარ­გუ­ლი მო­ქა­ლა­ქის სა­ძი­ე­ბო სა­მუ­შა­ო­ე­ბი. 23 გარ­დაც­ვლი­ლი იდენ­ტი­ფი­ცი­რე­ბუ­ლია. სამ­ძებ­რო სა­მუ­შა­ო­ე­ბი გაგ­რძელ­დე­ბა მა­ნამ, სა­ნამ მცი­რე­დი თე­ო­რი­უ­ლი შან­სიც კი იქ­ნე­ბა მო­ქა­ლა­ქე­ე­ბის პოვ­ნი­სა,“ - გა­ნა­ცხა­და პარ­მენ მარ­გვე­ლი­ძემ.
    შე­გახ­სე­ნებთ, შოვ­ში მე­წყე­რი 3 აგ­ვის­ტოს ჩა­მოწ­ვა.

    ambebi.ge
  23. tvati
    მიმდინარე წლის ზაფხულის ორ თვეში, კერძოდ, 1-ელი ივნისიდან 23 ივლისის ჩათვლით პერიოდში, ქვეყნის მასშტაბით, წყალში 22 ადამიანი დაიხრჩო, მათ შორის, 9 არასრულწლოვანია. ამის შესახებ „ინტერპრესნიუსს“ შინაგან საქმეთა სამინისტროს საგანგებო სიტუაციების მართვის სამსახურიდან საჯარო ინფორმაციის გამოთხოვნის საფუძველზე აცნობეს.
    მათი ინფორმაციით, აღნიშნულ პერიოდში, 3 ადამიანი, მათ შორის, 2 არასრულწლოვანი, ზღვაში დაიხრჩო, 12 ადამიანი, მათ შორის, 5 არასრულწლოვანი - მდინარეში, 6 ადამიანი, მათ შორის, 1 არასრულწლოვანი - ტბაში, 1 არასრულწლოვანი კი აუზში დაიხრჩო.
    რაც შეეხება ზღვაში, მდინარეში, ტბაში, აუზზე გადარჩენილი ადამიანების სტატისტიკას - საგანგებო სიტუაციების მართვის სამსახურის ინფორმაციით, 1-ლი ივნისიდან 23 ივლისის ჩათვლით პერიოდში, 67 ადამიანი გადაარჩინეს.

    ipn
  24. tvati
    შოვში სამძებრო სამუშაოები კვლავ გრძელდება. სტიქიის ზონაში ამ დროისთვის დაკარგულ 7 მოქალაქეს ეძებენ.
    როგორც რაჭა ლეჩხუმ-ქვემო სვანეთის სახელმწიფო რწმუნებული, პაპუნა მარგველიძე აცხადებს, ამ დროისთვის, სტიქიის ზონაში ნაპოვნია 26 მოქალაქის ცხედარი, მათგან 23 იდენტიფიცირებულია.
    „დაკარგული 33 მოქალაქიდან ამ დროისთვის 26 ცხედარი არის ნაპოვნი. გრძელდება 7 დაკარგული მოქალაქის საძიებო სამუშაოები. 23 გარდაცვლილი იდენტიფიცირებულია. საქართველოს პრემიერ - მინისტრის გადაწყვეტილებით, სამძებრო სამუშაოები გაგრძელდება მანამ, სანამ მცირედი თეორიული შანსიც კი იქნება მოქალაქეების პოვნისა,“ - განაცხადა პარმენ მარგველიძემ.
    შეგახსენებთ, შოვში მეწყერი 3 აგვისტოს ჩამოწვა.
  25. tvati
    უკრაინის შეიარაღებულმა ძალებმა დონეცკის ოლქის დასახლება უროჟაინოე გაათავისუფლეს. ინფორმაციას უკრაინის თავდაცვის მინისტრის მოადგილე, ანა მალიარი ავრცელებს.
    „უროჟაინოე გათავისუფლებულია. სამხდროები პოზიციებზე მაგრდებიან. შეტევითი ოპერაცია გრძელდება“, - განაცხადა მალიარმა.
    მისივე თქმით, მიუხედავად მძიმე ბრძოლებისა, შეტევითი მოქმედებები ასევე ბახმუტის, მელიტოპოლის და ბერდიანსკის მიმართულებებზე გრძელდება.

    ipn
×
×
  • შექმენი...