Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    2008 წელს ნატო-ს სამიტს უნდა მიენიჭებინა საქართველოსთვის და უკრაინისთვის MAP-ი და ჩვენ დღეს ომში არ ვიქნებოდით, - ამის შესახებ უკრაინაში ამერიკის შეერთებული შტატების ყოფილმა ელჩმა და ამერიკის შეერთებული შტატების მშვიდობის ინსტიტუტის წარმომადგენელმა უილიამ ტეილორმა თბილისის საერთაშორისო კონფერენციაზე განაცხადა.
    მისი თქმით, სწორედ ეს არის გაკვეთილი, რომელიც 2008 წლის ომიდან ცივილიზებულმა სამყარომ უნდა გამოიტანოს.
    „მოდით, კიდევ ერთი გაკვეთილი გამოვიტანოთ 2008 წლის ომიდან - კიდევ ერთი რამ, რაც მოხდა 2008 წელს, იქამდე, სანამ რუსეთი საქართველოში შეიჭრებოდა, ნატოს სამიტი იყო. ნატს ამ სამიტზე, ბუქარესტში, ჩვენ გვახსოვს, რომ ქართველებმა და უკრაინელებმა მოითხოვეს MAP-ის მინიჭება და ალბათ, გახსოვთ, რომ ამერიკის შეერთებულმა შტატებმა, იმ დროს, ამ მოთხოვნას მხარი დაუჭირა. აქედან გამომდინარე, 2008 წლის ომიდან გამომდინარე, ჩემთვის გაკვეთილია, რომ ნატო-ს სამიტს უნდა მიენიჭებინა საქართველოსთვის და უკრაინისთვის MAP-ი და ჩვენ დღეს ომში არ ვიქნებოდით“, - განაცხადა უილიამ ტეილორმა.

    ipn
  2. tvati
    არსებობს ვარაუდები იმის შესახებ, თუ როგორ გაგრძელდება ევროინტეგრაციის პროცესი. არის შანსი, რომ წლის ბოლომდე, უკრაინამ და მოლდოვამ დაიწყონ გაწევრიანებაზე მოლაპარაკებები, ეს ნიშნავს, რომ საქართველოსთვისაც გაჩნდეს კანდიდატის სტატუსის მიღების შესაძლებლობა, - ამის შესახებ ლიეტუვის საგარეო საქმეთა ყოფილმა მინისტრმა, ლინას ლინკევიჩუსმა თბილისში ჟურნალისტებს განუცხადა.
    მისი თქმით, არსებობს ევროკომისიის 12 პრიორიტეტი, ერთთან დაკავშირებით პროგრესი საერთოდ არ მომხდარა, სხვებთან დაკავშირებით არის მცირე პროგრესი. ლინას ლინკევიჩუსის შეფასებით, თუკი საქართველოს კანდიდატის სტატუსი მიენიჭება, 12 პრიორიტეტს, შესაძლოა, პუნქტები დაემატოს.
    „არის შანსი, რომ უკრაინამ და მოლდოვამ დაიწყონ გაწევრიანებაზე მოლაპარაკებები. ეს ნიშნავს, რომ საქართველოსთვისაც გაჩნდეს კანდიდატის სტატუსის მიღების შესაძლებლობა, არა მიღწევებისთვის, არა პროგრესის გამო, არამედ იმის გამო, რომ შევინარჩუნოთ ასპარეზზე და არ დავკარგოთ, მაგრამ თუ ეს მოხდება, ამ 12 პუნქტს დაემატება მეტი პუნქტი, რომელიც ჯერ არ არის განხორციელებული“, - აღნიშნა ლინას ლინკევიჩუსმა.
    ამასთან, მისი თქმით, ისურვებდა, რომ საქართველოს საგარეო პოლიტიკა ევროკავშირის საგარეო პოლიტიკასთან შესაბამისობაში იყოს.
    „ვისურვებდი, რომ საქართველოს საგარეო პოლიტიკა ევროკავშირის საგარეო პოლიტიკასთან თანხვედრაში იყოს, რაც ასევე არ ხდება. თუ გინდა იყო კლუბის წევრი, უნდა დაიცვას კლუბის წესები, რა კლუბზეც არ უნდა იყოს საუბარი. იქნება ეს საჭადრაკო კლუბი, თუ ევროკავშირი. არსებობს წესები, რომლებიც უნდა დაიცვა,“ - აღნიშნა ლინას ლინკევიჩუსმა.
    ლიეტუვის საგარეო საქმეთა ყოფილ მინისტრს შეკითხვა დაუსვეს პრეზიდენტ ზურაბიშვილის იმპიჩმენტის პროცედურის დაწყებაზე საქართველოს ხელისუფლების გადაწყვეტილებასთან დაკავშირებითაც. მისი თქმით, ეს ქვეყნის საშინაო საქმეა.
    „იმპიჩმენტის პროცესი, იქნება ეს საქართველოში თუ შეერთებულ შტატებში, საშინაო საქმეა. რაც შეეხება ევროინტეგრაციის პროცესს, მოდით, შევხედოთ პროგრესს, რომელიც საქართველომ მიაღწია, რა გაკეთდა, რა არ გაკეთდა საკმარისად - ეს არის ყველაზე მნიშვნელოვანი. რაც შეეხება იმპიჩმენტს, ეს საშინაო საქმეა და არ ვაპირებ ჩარევას, ეს ჩემი საქმე არაა, მაგრამ ის, რაც ვიცი, არის, რომ სალომე ზურაბიშვილი საკმაოდ თანმიმდევრული იყო ევროინტეგრაციის პროცესის დაცვის საქმეში, უთითებდა ხარვეზებზე და პრობლემებზე, რაც, ჩემი აზრით, ღირსეული მიდგომაა და ამ პროცესისთვის საზიანოდ არ მიმაჩნია“, - აღნიშნა ლინას ლინკევიჩუსმა.

    ipn
  3. tvati
    უკრაინის პრეზიდენტმა, ვოლოდიმირ ზელენსკიმ დაადასტურა, რომ თავდაცვის მინისტრის პოსტიდან ოლექსი რეზნიკოვის გათავისუფლების გადაწყვეტილება მიიღო. როგორც ზელენსკიმ ვიდეომიმართვისას განაცხადა, რეზნიკოვის შემცვლელი რუსტემ უმეროვი იქნება.
    მისივე თქმით, მომდევნო კვირაში პარლამენტს შესთავაზებენ მიიღოს საკადრო გადაწყვეტილება.
    "გადავწყვიტე უკრაინის თავდაცვის მინისტრის შეცვლა. მიმაჩნია, რომ სამინისტროს სჭირდება ახალი მიდგომები და ურთიერთქმედების სხვა ფორმატები როგორც სამხედროებთან, ისე საზოგადოებასთან. ახლა სამინისტროს უხელმძღვანელებს რუსტემ უმეროვი. უმაღლესი რადა კარგად იცნობს ამ ადამიანს და არც ბატონი უმეროვი საჭიროებს დამატებით წარდგენას. ველოდები, რომ რადა მხარს დაუჭერს ამ კანდიდატურას. შემოდგომა - გაძლიერების დროა", - განაცხადა ზელენსკიმ.
     
    ipn
  4. tvati
    შალვა კერესელიძე, პარტია "საქართველოსთვის" წევრი, დეპუტატი:


     
    ,,ოღონდ ნუ იქნება მთიულეთი-ნამთიულარი, ხევსურეთი- ნახევსურალი, ფხოვი-ნაფხოვარი, ხევი-ნახევარი, კაცის ნასახლარს ნუ მანახვებ და ნუ გახდება საქართველო ნახევრის- ნახევარი და შენ, კუზიანო დედამიწავ, რამდენიც გენებოს, იტრიალე!“ გოდერძი ჩოხელი

    ჩემს სამაჟორიტარო მცხეთა-მთიანეთის რეგიონში, საქართველოს კარიბჭის მცველ მთის მოსახლეობას შევხვდი. შევხვდი ადამიანებისგან დაცლილ ფუძეჩაბნელებულ ტკივილის სოფლის გმირებს. შევხვდი იმ სოფლების მოსახლეობას, სადაც მხოლოდ თითო კაციღა არის დარჩენილი და გმირულად, ვაჟკაცურად ამაგრებენ მამა-პაპისეულ ფუძე-კარმიდამოსა და ჩვენი სამშობლოს საზღვარს, სადაც, ნებისმიერ დროს, შეიძლება კაცს რამე დაგემართოს და თან ისე, რომც დაიყვირო, ხმასაც კი ვერ გააგონებს ვერავის.

      შევხვდი პირაქეთა ხევსურეთში(არხოტში) სოფელ ჭიმღაში-გიგლა ოჩიაურს, ამღაში-სანდუა წიკლაურს, ახიელში ჯარჯი ცისკარაულს, პირიქითა ხევსურეთში სოფელ ხახაბოში-პაატა ხახიაურისა და ნინო ბარნაბიშვილის ოჯახს, მუცოში-ახალგაზრდა ქეთო დაიაურს, უკანა ფშავში-თალიკო ბუჩუკურს, ყაზბეგში, სოფელ ქოსელთაში ვახტანგ ფიცხელაურს, თიანეთში, სოფელ საჭურეში - შალვა ხორნაულს.

    შევხვდი, მაგრამ რა გითხრათ, რით გაგახაროთ სათქმელი ბევრია, გასახარებელი ნაკლები. მთაში, რომ მივდივარ გული მეფლითება,უყურადღებობით რატომ და რისთვის იწირება ეს ხალხი?! მიუხედავად ამისა, მთის ხალხი იმდენად მებრძოლია, რომ სამშობლოს დიდი სიყვარულისთვის არ ეპუებიან სიძნელეებთან ბრძოლას, ურთულეს ყოფით პირობებსა, თუ უხვად არსებულ მთის უძირო პრობლემებს. მათ ხომ ყველაზე მეტად სჭირდებათ ყურადღება, მხარდაჭერა და იმ დიდი ტკივილების მკურნალობა, რომელსაც რახანია გულით ატარებენ.

    ესმის კი ხელისუფალს მთა რა არის? ან რა ხალხი ცხოვრობს იქ? დარწმუნებული ვარ, რომ არ ესმის, არც იცის, არც აინტერესებს და არც იქ არსებული პრობლემების მოგვარების უნარი აქვს. მთის კაცისთვის მიცემული სიტყვის და პირობის არც შესრულების თავი გაქვთ, არც თვალებში შეხედვის და არც მათ ენაზე საუბარი გეყურებათ. სწორედ იმიტომაა, თქვენს მიერ დავარცხნილი ყალბი სიტყვებითა და დაპირებებით მიტანილი ამბავი, მთაში უკვე მარადიულ ეჭვებს იწვწვს. ფრთხილად იყავით წინა ხელისუფლების მსგავსად, ერთ გუდაში ნაყარ ხელისუფლების სახელით არ შემორჩეთ მთასა და სამშობლოს.

    კავკასიონის ქედის საზღვრის დაცვა მოსახლეობისგან დაცლილი ხეობებით შეუძლებელი იქნება, თუ მთა ჩამოიშალა, თუ დაცარიელდა, თუ მარტო თბილისსა და ემიგრაციაში მოიყარა ხალხმა თავი, ეს სამშობლოს ღალატის ტოლფასია და ასეთი საქართველო ჩვენ არ გვინდა.

      სწორედ ამიტომ არის აუცილებელი დაცარიელების პირას მისული სოფლების გამაგრება, ხალხის დამაგრება და ახალგაზრდების დაბრუნება. სწორედ ამიტომ ვუწოდე ამ ხალხს საქართველოს კარიბჭის მცველი გმირები. მე მჯერა, მალე დადგება ის დრო და ჟამი როდესაც იმედიანი სიტყვითა და მართალი საქმით შევძლებთ დავუდგეთ ჩვენი ეპოქის გმირებს გვერდით, როდესაც ხალხისგან დაცლილ, დაცარიელებულ მთის სოფლბს კვლავ ავახმიანებთ, გავამაგრებთ და მამა-პაპისეულ, ისტორიულ ფუძეზე ისევ ძველებურად გაგრძელდება საქონლის ბღავილი, მამლის ყივილი, ხალხის ფუსფუსი და ბალღების ჟრიამული.

    ნუ მივატოვებთ მთას და მთის სოფლებს თორემ, სევდა დაისადგურებს. გამძლეობა მინდა ვუსურვო ჩემს მთასა და მთელ საქართველოს.

  5. tvati
    ჩემს უკან არის საქართველოს და არა რუსეთის ტერიტორია - საერთაშორისო საზოგადოებას აქვს პასუხისმგებლობა, რომ ზეწოლა მოახდინოს მოსკოვზე, - ამის შესახებ აშშ-ის სახელმწიფო დეპარტამენტის ყოფილმა მაღალჩინოსანმა და ჯორჯ ბუშის ინსტიტუტის გლობალური პოლიტიკის დირექტორმა, დევიდ კრამერმა ოძისში, საოკუპაციო ხაზთან განაცხადა.
    „არაჩვეულებრივია ის, რომ საქართველოში დავბრუნდი, თუმცა სამწუხაროა, რომ კვლავ აქ (საოკუპაციო ხაზთან) დგომა გვიწევს. მას შემდეგ რაც რუსეთი შემოიჭრა და ცხინვალის რეგიონის ოკუპაცია განახორციელა, 15 წელი გავიდა. ჩემს უკან არის საქართველოს და არა რუსეთის ტერიტორია და საერთაშორისო საზოგადოებამ არასდროს არ უნდა აღიაროს საქართველოს ტერიტორიის აღება, რისი მოწმეც ჩვენ 15 წლის წინ გავხდით", - აღნიშნა კრამერმა.
    მისი თქმით, შეერთებული შტატები გააგრძელებს საქართველოსა და ქართველი ხალხის გვერდში დგომას.
    „მე და ჩემი კოლეგები, რომლებიც ჩამოვედით კონფერენციისთვის, რომელიც ხვალ იწყება, აქ იმისთვის ვართ, რომ ვუზრუნველყოთ, რომ არასოდეს დავივიწყოთ რა მოხდა აქ და შევახსენოთ საერთაშორისო საზოგადოებას, რომ ტერიტორია, რომელიც ჩვენს უკანაა, საქართველოს ტერიტორიაა. გავაგრძელებთ საქართველოსა და ქართველი ხალხის გვერდში დგომას, რომლებიც, აგრძელებენ დემოკრატიულ, დასავლეთზე ორიენტირებულ გზას", - აღნიშნა კრამერმა.
    მისი თქმით, რუსეთის აგრესია საქართველოში დაიწყო, შემდეგ გადავიდა უკრაინაში, მაგრამ საქართველო არასდროს დაუტოვებია.
    „სანამ საქართველო აღადგენს კონტროლს მთელ თავის ტერიტორიაზე, საერთაშორისო საზოგადოებას აქვს პასუხისმგებლობა, რომ ზეწოლა მოახდინოს მოსკოვზე", - აღნიშნა კრამერმა.

    ipn
  6. tvati
    მკაცრად ვგმობ რუსეთის სასტიკ თავდასხმას ოდესის ოლქის საპორტო ინფრასტრუქტურაზე. რუსეთმა პასუხი უნდა აგოს ინფრასტრუქტურის განადგურებაზე, - ასე ეხმაურება მოლდოვის პრეზიდენტი, მაია სანდუ რუსული ძალების მიერ ოდესის ოლქზე დღეს განხორციელებულ თავდასხმას, რის შედეგადაც საპორტო ინფრასტრუქტურა დაზიანდა და ორი ადამიანი დაშავდა.
    მაია სანდუს განცხადებით, მოლდოვა უკრაინის მტკიცე მხარდამჭერია.
    "ჩემი ფიქრები დაზარალებულებთანაა. მოლდოვა მტკიცედ დგას უკრაინის გვერდით", - აცხადებს სანდუ.

    იპნ
  7. tvati
    სომხეთის პრემიერ-მინისტრის, ნიკოლ ფაშინიანის განცხადებით, რუსეთი სამხრეთ კავკასიის რეგიონს შორდება.
    “ვხედავთ რომ რუსეთი თავად გადის რეგიონიდან, იმ ნაბიჯებიდან გამომდინარე, რასაც დგამს ან არ დგამს. ლაჩინის კორიდორი, რომელიც რუსი სამშვიდოებოების კონტროლქვეშ უნდა იყოს, არ იმყოფება მათ კონტროლქვეშ. მიზეზი ორია: ან რუსეთს არ შეუძლია, ან არ სურს ლაჩინის კორიდორის კონტროლის შენარჩუნება”, – განაცხადა ფაშინიანმა ერთ-ერთ ინტერვიუში.
    რამდენიმე დღით ადრე, რუსეთის საგარეო საქმეთა სამინისტროს პრესსპიკერმა მარია ზახაროვამ, ყარაბაღში, ლაჩინის კორიდორის ჩაკეტვასთან დაკავშირებით შექმნილ სიტუაციაში სომხეთის ხელმძღვანელობა დაადანაშაულა:
    “რუსი სამშვიდობოების დადანაშაულება ლაჩინის კორიდორში არასტაბილური სიტუაციის გამო, არასწორია. ლაჩინის კორიდორში ამჟამინდელი სიტუაცია სომხეთის მიერ მთიანი ყარაბაღის აზერბაიჯანის ტერიტორიის ნაწილად აღიარების შედეგია. ეს დაფიქსირებული იყო 2023 წის მაისში და 2022 წლის ოქტომბერში ევროკავშირის ეგიდით გამართულ სამიტებზე “, – განაცხადა ზახაროვამ ბრიფინგზე.
    აზერბაიჯანმა სომხეთისა და მთიანი ყარაბაღის დამაკავშირებელი ლაჩინის კორიდორი , რომელსაც 2020 წლის ყარაბაღის ომის დასრულების შემდეგ რუსი სამშვიდობოები აკონტროლებდნენ, 2022 წლის დეკემბერს ჩაკეტა. გზის ჩაკეტვის გამო ყარაბაღში ჰუმანიტარული კრიზისია.
     
    ნეტგაზეთი
  8. tvati
    ჩემი აზრით, ეს რეალური პრობლემებიდან საზოგადოების ყურადღების გადატანის მცდელობაა, - ასე უპასუხა ევროპარლამენტარმა ვიოლა ფონ კრამონმა საქართველოს პრეზიდენტ სალომე ზურაბიშვილის იმპიჩმენტთან დაკავშირებით ხელისუფლების გადაწყვეტილების შესახებ დასმულ შეკითხვას.
    კერძოდ, ოძისში, საოკუპაციო ხაზთან მყოფ ევროპარლამენტარს ჟურნალისტებმა დაუსვეს შეკითხვა, როგორ აღიქვამენ პრეზიდენტის იმპიჩმენტის პროცედურის დაწყებასთან დაკავშირებით მმართველი გუნდის გადაწყვეტილებას დასავლელი პარტნიორები.
    „ჩემი აზრით, ეს რეალური პრობლემებიდან საზოგადოების ყურადღების გადატანის მცდელობაა. სხვა პრობლემებიდან საზოგადოების ყურადღების გადატანის მცდელობა", - აღნიშნა ევროპარლამენტარმა.
    ცნობისთვის, „ქართული ოცნება“ საქართველოს პრეზიდენტ სალომე ზურაბიშვილის მიმართ იმპიჩმენტის პროცედურას იწყებს. შესაბამისი განცხადება „ქართული ოცნების“ თავმჯდომარემ ირაკლი კობახიძემ პრესკონფერენციაზე გააკეთა. კობახიძის განმარტებით, იმპიჩმენტის პროცედურა დაიწყება მიუხედავად იმისა, რომ მის აღსრულებას პარლამენტში ოპოზიციის მხარდაჭერაც სჭირდება.
  9. tvati
    2 სექტემბერს ჩრდილო-დასავლეთიდან შემოვიდა ფრონტალური ტიპის ღრუბლების მასები, ამ დროს ღრუბელში სეტყვისმარცვლის ზომა უკვე 42 მმ-ს შეადგენდა, სეტყვის საწინააღმდეგო სისტემების დროული ჩარევის მიუხედავად მოხდა სეტყვის მარცვლის ფორმირება, რომელთა ზომამ 50 მმ-ს მიაღწია. ამის შესახებ ინფორმაციას სახელმწიფო სამხედრო სამეცნიერო-ტექნიკური ცენტრი „დელტა“ ავრცელებს.
    მათივე ცნობით, სეტყვის საწინააღმდეგო სისტემის მიერ: საგარეჯოს, თელავის, ახმეტის, სიღნაღის, ყვარლის, გურჯაანის, ლაგოდეხის და დედოფლისწყაროს მუნიციპალიტეტებში 2 სექტემბერს, 17:59 საათიდან 23:35 საათამდე ღრუბლის მასები რამდენიმე ეტაპად ინტენსიურად დამუშავდა. დამუშავებული კერების საერთო ჯამურმა ფართმა 1404კმ2 შეადგინა (140400 ჰა) სულ დამუშავდა 10 სეტყვასაშიში კერა, გასროლილი იქნა 423 ერთეული სეტყვის საწინააღმდეგო რაკეტა.
    „აღნიშნული რთული მდგომარეობიდან გამომდინარე დელტას მიერ დამატებითი ძალები იქნა მობილიზებული კახეთის რეგიონში გასროლილი რაკეტების ახლებით ჩასანაცვლებლად, სამუშაო პროცესი გრძელდებოდა მთელი ღამის განმავლობაში, ვინაიდან მეტეოროლოგიურ ინფორმაციაზე დაყრდნობით უხვი ნალექის მოსვლა მოსალოდნელია ასევე 3-4 სექტემბერს“,- აღნიშნულია ინფორმაციაში.
  10. tvati
    5 სექტემბერს პარლამენტის საშემოდგომო სესია გაიხსნება. საშემოდგომო სესიის პირველი პლენარული სხდომის დღის წესრიგს ხვალ ბიურო განსაზღვრავს.
    საშემოდგომო სესიის ფარგლებში რამდენიმე სახელმწიფო უწყების საქმიანობის ამსახველი ანგარიშის მოსმენა იგეგმება - მათ შორის არის სახელმწიფო უსაფრთხოების სამსახურის ანგარიში. ასევე მოუსმენენ ომბუდსმენს.
    საშემოდგომო სესიის ერთ-ერთი მთავარი თემა შოვის სტიქიის შედეგად მომხდარი ტრაგედია იქნება, რაზეც ფრაქცია „ნაციონალური მოძრაობის" მიერ პარლამენტში ინიცირებულია დროებითი საგამოძიებო კომისიის შექმნის საკითხი, ხოლო ინტერპელაციის წესით პლენარულ სხდომაზე დაბარებულია შს მინისტრი ვახტანგ გომელაური.
    საშემოდგომო სესიაზე გავა პრეზიდენტის თანამდებობიდან იმპიჩმენტის წესით გადაყენების საკითხი, რა პროცესსაც სალომე ზურაბიშვილის წინააღმდეგ „ქართული ოცნების" უმრავლესობა იწყებს.
    საშემოდგომო სესიის ფარგლებში ჩანიშნული იქნება "მინისტრის საათის" ფორმატები.

    იპნ
  11. tvati
    ანა ბუჩუკური, პარტია "საქართველოსთვის" წევრი, დეპუტატი:

    5 ფაქტი, როდესაც პრემიერმა ღარიბაშვილმა დაარღვია საქართველოს კონსტიტუცია, რომლის მიხედვითაც: “პარლამენტის წევრის კითხვაზე დროული და სრული პასუხის გაცემა სავალდებულოა.” კონსტიტუციის დარღვევის ყველა ეს ფაქტი პარლამენტის ოფიციალურ ვებგვერდზეა დადასტურებული.









  12. tvati
    ხმაური და დაპირისპირებაა ამ წუთებში  ჩოხატაურში – გურიაში ჩასული „ნაციონალური მოძრაობის“ წევრები “ოცნების” პარტაქტივმა სცემა. დაპირისპირება მუშტებით და გინებით  იმ დროს დაიწყო, როცა „ერთიანი ნაციონალური მოძრაობა“ ადგილობრივ მოსახლეობას საინფორმაციო ბროშურებს ურიგებდა და სკვერის გასხვისებას აპროტესტებდა.
    როგორც “ნაციონალურ მოძრაობაში” აცხადებენ, ოპონენტების მიმართ დაწყებულ ანგარიშსწორებაში, სავარაუდოდ, საკრებულოს წევრიც ფრაქცია “ქართული ოცნების” თავმჯდომარე ლაშა თოლორდავაც მონაწილეობდა.
    “ნაციონალური მოძრაობის” ოზურგეთის ორგანიზაციის ხელმძღვანელი დავით მჟავანაძე სასწრაფო დახმარების ბრიგადამ  კლინიკაში გადაიყვანა.
    „კრიმინალმა ჩიგოგიძემ თავისი კრიმინალი  სამეგობრო დაგვახვედრა. აქ არ არიან ადამიანები, რომლებიც წარმოადგენენ ჩოხატაურის ინტერესებს. ესენი არიან ჩიგოგიძის სამეგობრო და კლანი. ეს ადამიანები ფიზიკურად დაგვესხნენ თავს. რატომ? იმიტომ, რომ ჩოხატაურელებს არ ვუთხრათ, რომ დუმბაძის სკვერის გასხვისება უნდათ. აი, ეს არის „ქართული ოცნების“ სახე. ესენი არიან მოძალადეები და ესენი არიან დამნაშავეები,“ – განაცხადა დავით მჟავანაძემ.
    დავით მჟავანაძე

    gurianews.ge
  13. tvati
    თბილისში, წერეთლის გამზირის ერთ-ერთ კორპუსში ნანუკა ნადირაძე და მისი 8 წლის შვილი, ბარბარე ქირაობენ ბინას.
    დედაქალაქის საბინაო კრიზისის ფონზე ამ 1-ოთახიანი საცხოვრებლის ნახვაც გაუჭირდათ: ნანუკა იხსენებს, რომ ქუჩა-ქუჩა დადიოდა ისეთი ბინის საპოვნელად, რომელიც მის სამსახურთან და ბარბარეს სკოლასთანაც ახლოს იქნებოდა.
    იმისთვის, რომ დედა-შვილმა ამ ბინაში ცხოვრება და თბილისში თავის გატანა შეძლოს, ხოლო ბაბის ბედნიერი ბავშვობა ჰქონდეს, ნანუკა თვის განმავლობაში ღამის 22 ცვლაში მუშაობს. ეს ნიშნავს, რომ სასკოლო პერიოდში ქალს დღე-ღამის განმავლობაში, სულ რაღაც, 3-4 საათი რჩება დასაძინებლად.
    რთული სამუშაო პირობების მიუხედავად, დედა-შვილი ერთმანეთზე ზრუნვით ცხოვრობს — ისინი ერთმანეთის ახლო მეგობრები და მესაიდუმლოები არიან. ბარბარე ამბობს, რომ ნანუკა მისი გმირია, ნანუკა კი სიხარულით ჰყვება ბარბარეს ყველა წარმატებას.

    22 გათენებული ღამე
    „ძალიან რთულია ყოველდღიურ პრობლემებთან გამკლავება, თან იმ რეჟიმში, როდესაც ღამით მუშაობ. დაახლოებით, 22 ღამე სახლში არ ვარ. საღამოს, დაახლოებით, 23:00 საათისთვის გავდივარ სახლიდან, ძირითადად, ავტობუსით იმიტომ, რომ ისეთი დაღლილი ვარ, მირჩევნია, 1 გაჩერებაც კი ტრანსპორტით ვიარო. რეალურად, სეირნობა ძალიან მიყვარს, მაგრამ ამ რეჟიმში ეგეც კი შეუძლებელია.
    მივდივარ ერთი გაჩერება ავტობუსით, შემდეგ ფეხით სამსახურამდე. იქ, რა თქმა უნდა, ფეხზე გვიწევს მთელი ღამე ყოფნა. სამსახურის შემდეგ ძალიან დაღლილი და გათიშული, უკვე გამთენიისას მოვრბივარ სახლში. იმდენი მოვახერხე, რომ ჩემი სამსახური და ბაბის სკოლა 1-2 კილომეტრის რადიუსზე მაქვს..
    მოვდივარ სახლში, ვამზადებ ბარბარეს სკოლისთვის, ვაცმევ სასკოლო ფორმას, თუ მას უნდა, ვუმზადებ საუზმეს, თუ არ უნდა, არ ვაძალებ — ხილსა და წასახემსებელს მაინც ვატან სკოლაში მიუხედავად იმისა, რომ იქაც აჭმევენ. მივდივართ სკოლაში, მე გათიშული მივაბიჯებ, მაგრამ გზაში ყოველთვის ვსაუბრობთ – ვუზიარებ ჩემს გამოცდილებას, ზოგჯერ ვუყვები ჩემს პრობლემებზე. ამას ვაკეთებ, რა თქმა უნდა, მისი ასაკის გათვალისწინებით. განვიხილავთ ათას საკითხს და თან მინდა, ახალი ინფორმაციები გავუზიარო, ყოველთვის ვცდილობ, სწავლის სტიმული მივცე.
    მას შემდეგ, რაც ბარბარეს სკოლაში მივიყვან, ვბრუნდები უკან, ვალაგებ სახლს, ვაკეთებ საჭმელს. ვცდილობ, რომ ორივემ ჯანსაღად ვიკვებოთ, მაგალითად, წვნიანები ბოლო რამდენიმე წელია, რაც შევიყვარეთ. ახალ-ახალ რეცეპტებს ვსინჯავთ. ბაბის ეს ძალიან მოსწონს, მეუბნება, რომ ოქროს ხელები მაქვს და ეს ჩემთვის ძალიან დიდი კომპლიმენტია.
    სახლის დალაგებისა და საჭმლის გაკეთების შემდეგ ვცდილობ, ცოტათი მაინც მოვასწრო გამოძინება, თავის მოწესრიგება – 1-2 საათი თუ წავიძინებ, მაქსიმუმ სამი. შემდეგ გავრბივარ ისევ ბარბარესთან, მომყავს სახლში. ამ პერიოდისთვის, ბაბის მომდევნო დღის დავალებები უკვე შესრულებული აქვს, რადგან ე.წ. გახანგრძლივებულში დამყავს და ეს ჩემთვის ძალიან დიდი შეღავათია.
    სკოლის შემდეგ ვცდილობ, რომ ერთად გავატაროთ დრო, მაგალითად, სკეიტბორდით ვსეირნობთ, ან ფეხით დავდივართ. მიუხედავად იმისა, რომ ძალიან დაღლილი ვარ, ვიცი, ბავშვისთვის და ჩვენი ურთიერთობისთვის ეს ძალიან საჭიროა. სახლში რომ ვბრუნდებით, როგორც წეს,  რაიმე აქტივობას კვლავ ერთად ვაკეთებთ, მაგალითად, ვხატავთ ან ხანდახან მივდივართ ანიმაციების საყურებლად კინოთეატრში, რაც ჩვენთვის პატარა დღესასწაულივით არის ხოლმე.
    ბაბი ხატავს, ნანუკა კი ბლინებს ამზადებს. ფოტო: სოფო აფრიამაშვილი/ნეტგაზეთი
    11 საათამდე, ანუ ჩემი სამსახურის დაწყებამდე, ვცდილობ, რომ ერთი საათი მაინც გამოვიძინო იმიტომ, რომ ძალიან გადათიშული არ ვიყო, რადგან როდესაც ფეხზე მდგომი მუშაობ, ნებისმიერ დროს შეიძლება ჩაგეძინოს. დილას მოვდივარ სამსახურიდან და ხელახლა იწყება ეს რუტინა.
    შაბათ-კვირას ვცდილობ, გავეთავისუფლო, რათა ქალაქიდან გავიდეთ – სოფელში ჩავიდეთ, იქ ჰაერსაც იცვლის ბავშვი, გარემოც უფრო მშვიდია და მე თვითონაც ვისვენებ. მაგრამ, რა თქმა უნდა, ძალიან რთულია.
    სკოლის პერიოდში დღე-ღამის განმავლობაში, დაახლოებით, 3-4 საათი მძინავს. როდესაც ბარბარე მამასთანაა ზაფხულის არდადეგებზე, მაშინ უფრო ვცდილობ გამოძინებას და დასვენებას, მაგრამ ამავე პერიოდში ყოველთვის ვმონაწილეობ სხვადასხვა პროექტში, რათა განვვითარდე. ასევე, ვიმატებ სამსახურში სამუშაო საათებს. წლის დასაწყისში ვხსნით ყულაბას და იქ ვყრით ხოლმე ხურდებს, ასე ვაგროვებთ ზღვაზე დასასვენებელ ფულს.
    ძალიან ცუდად აისახება ეს რეჟიმი — 4 საათი ძილი დღე-ღამეში ძალიან ცოტაა. თან გამუდმებით მოძრაობაში რომ ხარ. მენტალურადაც ძალიან მძიმეა, მაგრამ მაქსიმალურად ვცდილობ, რომ ეს მარტო მე გადავხარშო და ბავშვს არ შეეხოს. ვცდილობ, რაღაცებით წავახალისო ჩემი თავი – ყველაზე ხშირად ზაფხულზე ვფიქრობ, რომ აი დავისვენებ 1 კვირა.
    იმედია, მალე გამოსწორდება ჩემი რეჟიმი, ვიპოვი ახალ სამსახურს, სადაც კარგად ვიგრძნობ თავს, ჩემს საქმესაც გავაკეთებ. ამჟამად სხვადასხვა სასწავლო კურსს ვესწრები, მინდა, ჩემი პროფესიული მომავალი შრომის უფლებების დაცვას დავუკავშირო”.
    ცხოვრების მომატებული ხარჯები
    „ინფლაცია ცალკე საშინელებაა. ჩვენზე ფასების მატება ძალიან ცუდად აისახა, რადგან, როგორც ზემოთ აღვნიშნე, სულ ვცდილობთ, ჯანსაღად ვიკვებოთ – რაციონში მაქსიმალურად შევიტანოთ ბოსტნეული და ხილი. იმის გამო, რომ ყველაფერი გაძვირდა, ხშირად, ჩემთვის არ მიყიდია აუცილებელი ნივთები, რათა ბავშვს არაფერი მოჰკლებოდა.
    ჩვენ ხშირად არ ვინებივრებთ თავს „სნექებით“, უპირველესად იმიტომ, რომ ეს პროდუქტები დიდი ოდენობით არაა ბავშვისთვის კარგი. ახლა კი მოხდა ის, რომ იმ ხილსა და ბოსტნეულს, რომელსაც მანამდე 5 ლარად ვყიდულობდი, 10 ლარამდე გაძვირდა. ხელფასები კი იგივე დარჩა.
    ნანუკა ბაბის წასახემსებელს უმზადებს. ფოტო: სოფო აფრიამაშვილი/ნეტგაზეთი
    ყოველ თვეში, დაახლოებით, 600- 700 ლარი გვიჯდება ცხოვრება — დანარჩენი თანხა კომუნალურებსა და ქირაში მიდის. სხვა დანარჩენ ხარჯებისთვის ნელ-ნელა ვაგროვებ თანხას, მაგალითად, ულიმიტო სამგზავრო აბონემენტისთვის. ვხუმრობ ხოლმე, ამ ჯოჯოხეთში გადაადგილებისთვის აქეთ უნდა გვიხდიდნენ-მეთქი..
    ამ თანხას იმას არ ვათვლი, რომ ბარბარე კერძო სკოლაში დაგვყავს. მე და მამამისი ამაზე შევთანხმდით: ალიმენტი, დაახლოებით, 500 ლარიდან 400 ლარი მიდის ყოველთვიურად ბარბარეს სკოლაში. რა თქმა უნდა, არასაკმარისია ეს თანხა და ბევრ რამეზე ვიკავებთ თავს, მაგრამ ვცდილობთ, რომ ვიმყოფინოთ ამ ეტაპზე და იმედია, სხვა სამსახურს ვიშოვი მალე. ვოცნებობთ, გვქონდეს ჩვენი სახლი. ბარბარეს უყვარს ხოლმე შესვლა საოჯახო ტექნიკის მაღაზიებში – დაუყვება დახლებს და მეუბნება, სახლს რომ ვიყიდით, მერე ესა და ესეც ვიყიდოთო. პირობა მივეცი, რომ როდესაც სახლს ვიყიდით, ეგრევე მოვიყვანთ ლეკვსაც. ბარბარეს ძალიან უყვარს ცხოველები, ახლო-მახლო ყველა ქუჩის ძაღლს უვლის.
    არამარტო ჩემთვის, ასევე ჩემს მეგობრებს, რომლებსაც მარტო უწევთ ბავშვების აღზრდა – არ ახსოვთ ხოლმე საკუთარი თავი. მეც ასე ვარ. გავიწყდება საკუთარი თავი, რადგან, ფაქტობრივად, გადარჩენისთვის იბრძვი.
    არსებობს ასეთი მოსაზრება, თითქოს, საქართველოში აღარ არსებობს ექსპლუატაცია. ეს ასე არ არის. ხშირად დამსაქმებლები იქცევიან არაკეთილსინდისიერად, ამიტომ მგონია, რომ ბერკეტია დასამატებელი.
    შრომის ინსპექცია კი არსებობს, მაგრამ ყოველ ჯერზე ვერ იჩივლებ, რადგან ამასაც დიდი პროცედურები სჭირდება. ვფიქრობ, სჯობია იყოს ბერკეტი, რომელიც ადგილზევე მოაგვარებდა რიგ საკითხებს. მაგალითად, იყოს უფრო ხშირი მონიტორინგი, იყოს ადამიანი, ვინც გამუდმებით გადაამოწმებს დამსაქმებელთა მდგომარეობას და პარალელურად ექნება კონტაქტი, როგორც დამსაქმებელთან, ასევე დასაქმებულთან.
    ასევე, სამუშაოა ცნობიერების ამაღლების კუთხითაც, რადგან ხშირად, დასაქმებულმა არ იცის თავისი უფლებების შესახებ, ხოლო დამსაქმებელმა — თავისი მოვალეობების,“.
    ერთმანეთის დაქალები
    „განათლებით ფსიქოლოგი ვარ, მიმუშავია დღის ცენტრებშიც და ყველა იმ მიდგომას, რაც ვისწავლე, ვიყენებ ბარბარესთან პატარაობიდან. ძირითადად, წამახალისებელ მეთოდს. ეს მეთოდი რომ ეფექტიანია, ჩემი მაგალითითაც ვიცი – ზოგჯერ ვეუბნები ჩემს თავს, ყოჩაღ ნანუკა და ვაფასებ ისე, როგორც ბარბარეს შემთხვევაში ვიზამდი.
    ბევრ სირთულეებს ვაწყდები იმიტომ, რომ იდეალური ურთიერთობები არ არსებობს ადამიანებს შორის, ვკამათობთ კიდეც ხოლმე რაღაცებზე, თუმცა, რადგან ვიცით, რომ უნდა ვილაპარაკოთ ამაზე, საბოლოოდ ყველა გამოწვევას არაჩვეულებრივად ვუმკლავდებით – ბოდიშსაც ვიხდით, როგორც მე, ასევე ბარბარე. ვსწავლობთ ერთად და ერთმანეთისგან.
    ბარბარეს წერილები დედას. ფოტო: ნანუკას არქივი
    ბარბარეს ბავშვობიდანვე ვუყვები, რომ თუ ვინმე გასაჭირშია, მას უნდა დაეხმარო. სამსახურიდანაც ვუყვები სოლიდარობის და მხარდაჭერის ამბებს. ძალიან მეამაყება, რომ ეს ჩემგან ისწავლა. არის ისეთი დღეები, როდესაც ძალიან დაღლილი ვარ, ამ დროს მოდის და იავნანას მირთავს, მეფერება, მაქებს.
    მეც მაქსიმალურად ვცდილობ, რომ ვაჩვენო თანადგომის მნიშვნელობა – ვცდილობ, ჩემი მწირი ხელფასითაც სხვებს როგორღაც მაინც დავეხმარო. მაგალითად, ქუჩის ძაღლებისთვის ვყიდულობთ ხოლმე საჭმელებს. ბარბარეს სკოლის ირგვლივ ლეკვები, ფაქტობრივად, ჩვენი გაზრდილია.
    დღემდე ვიზრდებით იმ მოტივით, რომ რაც მეტს ვისწავლით, მით უკეთეს პირობებს შევუქმნით საკუთარ თავებსაც და სხვებსაც. სულ ვცდილობ, რომ თავს არ მოვახვიო ჩემი გამოცდილება და აზრები, ამიტომ მუდამ ვსაუბრობ მასთან. ძალიან მიხარია, რომ როდესაც რაიმე პრობლემას ან გაუგებრობას წააწყდება, ეგრევე ჩემთან მოდის და მეკითხება აზრს.
    იმ დღეს მოვიდა, მაგალითად, და მითხრა ასეთი რამ: კლასელი მოვიდა და მითხრა, გოგონები პოლიციელები ვერ გამოვლენო. მე კი ვუპასუხე, გოგონებს საერთოდ ყველაფერი შეუძლიათო. ამ წინადადებით მივხვდი, ყველაფერს სწორად ვაკეთებ და სწორი ღირებულებებით ვზრდი შვილს.
    ვფიქრობ, სულ სულ პატარაობიდანვე აუცილებელია ბავშვებთან გენდერულ თანასწორობაზე საუბარი. ამაზეც სულ გვაქვს განხილვები: ბაღში ერთხელ მოაწყვეს რაღაც წარმოდგენა. სცენაზე გოგოებს მიჰქონდათ რაღაც საჭმელი, ბიჭები კი მაგიდასთან ისხდნენ. წარმოდგენის შემდეგ ბარბარესთან ვილაპარაკე, ავუხსენი, რომ ეს რეალურად ასე არ ხდება, რომ ორივე ადამიანი – კაცი იქნება თუ ქალი, ვალდებულია, საკუთარ თავს მიხედოს და კაცმაც და ქალმაც უნდა იზრუნოს სხვაზე. რომ სხვაზე ზრუნვა, ეს მხოლოდ ქალების საქმე არაა.
    ვცდილობ, ვასწავლო ბარბარეს, რომ არის თავისუფალი და დამოუკიდებელი ადამიანი და მასზე ვერავინ შეძლებს მანიპულირების მოხდენას. თუ განათლებული იქნება და ეცოდინება თავისი უფლებები, ვერავინ ვერ შეძლებს მის დაჩაგვრას – ვერც სამსახურში და ვერც სამსახურს გარეთ. ჩემს მაგალითზე ვიცი, რომ ჩვენს თაობას ეს ცოდნა აკლდა. მინდა, რომ ბარბარემ ბავშვობიდან იცოდეს, რომ ზუსტად ისეთივე უფლებები აქვს, როგორც კაცს.
    ნანუკა და ბარბარე. ფოტო: სოფო აფრიამაშვილი/ნეტგაზეთი
    მარტოხელა დედად ყოფნა ამ ქვეყანაში ჯოჯოხეთია. ჩემთვისაც და ყველა დედისთვის, ის სტანდარტები, რომ იდეალური იყო – დამატებით წნეხია იმიტომ, რომ რაღაც თუ შემეშალა, საზოგადოების მხრიდან უარესი უარესი კომენტარები შეიძლება წამოვიდეს. მე რომ კაცი ვყოფილიყავი, დარწმუნებული ვარ, სხვა დამოკიდებულება იქნებოდა, სხვანაირი თანადგომაც კი საზოგადოების მხრიდან.
    ეს იმის ფონზე, როდესაც სახელმწიფოსგან მხარდაჭერა არ გვაქვს. მაგალითად, თუნდაც ის, რომ არა გახანგრძლივებული სკოლა, ბავშვს ვერსად დავტოვებდი. არ არსებობს სერვისი, რომელიც ჩემზე მორგებული იქნებოდა. თითქოს, უჩინარები ვართ სახელმწიფოსთვის. ზედმეტია იმაზე საუბარი, რომ გართობისთვის და სოციალიზაციისთვის დრო არ მაქვს – ამაზე არც კი ვფიქრობ.
    მინდა, რომ მომავალში გავაგრძელო ჩემი აკადემიური სწავლება ფსიქოლოგიის კუთხით, უკეთ განვვითარდე და სხვებსაც დავეხმარო.
    ნანუკა და ბარბარე. ფოტო: სოფო აფრიამაშვილი/ნეტგაზეთი
  14. tvati
    უკრაინის შეიარაღებულმა ძალებმა ზაპოროჟიესთან რუსული არმიის თავდაცვის პირველი ხაზი გაარღვიეს.
    განცხადებას გაზეთ Observer-ზე დაყრდნობით, The Guardian-ი ავრცელებს.
    ბრიგადის გენერალ, ალექსანდრე ტარნავსკის ინფორმაციით, უახლოეს დღეებში გაგრძელდება შეტევა რუსული არმიის თავდაცვის მეორე ხაზზე, რომელიც პირველ ხაზზე გაცილებით სუსტია, რაც წარმატების წინაპირობას ქმნის.
    „თავდაცვის პირველი ხაზის აგებაზე რუსულმა არმიამ თავისი დროის და რესურსების 60% დახარჯა, ხოლო მეორეზე და მესამეზე - მხოლოდ 20%, რადგან არ ელოდებოდა, რომ ჩვენ მას გავარღვევდით“, - განაცხადა ტარნავსკიმ.
    მან ასევე აღნიშნა, რომ ახლა კონტრშეტევის შედეგად დაკავებულ ტერიტორიებზე კონტროლის დამყარება და მოწინააღმდეგის იმ ქვედანაყოფების განადგურება მიმდინარეობს, რომლებიც რუსული ჯარის უკან დახევის დაცვას უზრუნველყოფდა.

    იპნ
  15. tvati
    რუსულმა ძალებმა წუხელ ოდესის ოლქის სამხრეთ ნაწილს Shahed-136/131 ტიპის უპილოტო საფრენი აპარატებით შეუტიეს, - ინფორმაციას უკრაინული მედია შეიარაღებული ძალების საჰაერო ძალებზე დაყრდნობით ავრცელებს.
    თავდასხმა განხორციელდა პორტის ინფრასტრუქტურაზე, დაშავებულია ორი მშვიდობიანი მოქალაქე.
    „3 სექტემბრის ღამეს რუსმა ოკუპანტებმა Shahed-136/131-ის უპილოტო საფრენი აპარატებით შეტევის რამდენიმე ტალღა განახორციელეს სამხრეთიდან და სამხრეთ-აღმოსავლეთიდან. სულ დაფიქსირდა 25 უპილოტო საფრენი აპარატი, რომლებიც ოდესის ოლქის სამხრეთ რაიონებს დაესხნენ თავს", - აცხადებენ უკრაინის საჰაერო ძალებში.
    მათივე ინფორმაციით, უკრაინის თავდაცვის ძალებმა 25 დრონიდან 22 გაანადგურეს.

    ipn
  16. tvati
    საფრანგეთის ელჩი საქართველოში შერაზ გასრი პრეზიდენტ სალომე ზურაბიშვილსს ბრიუსელში ვიზიტს ეხმიანება და აქებს.
    „ბრავო ქალბატონო პრეზიდენტო, ევროპული მომავლისკენ საქართველოს წინსვლაში თქვენი როლისთვის“, – დაწერა ტვიტერზე საფრანგეთის ელჩმა.
     
    30 აგვისტოს პრეზიდენტის ადმინისტრაციამ განცხადება გაავრცელა, რომ სალომე ზურაბიშვილი საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად ევროპელ ლიდერებთან შეხვედრებს იწყებს.
    აღნიშნული განცხადების შემდეგ ცნობილი გახდა, რომ პრეზიდენტისთვის მთავრობას ევროპაში ვიზიტებზე თანხმობა არ მიუცია. მიუხედავად მთავრობის უარისა, 31 აგვისტოს პრეზიდენტმა ევროპაში ვიზიტები მაინც დაიწყო. სალომე ზურაბიშვილი უკვე იმყოფებოდა ბერლინსა და ბრიუსელში, სადაც გერმანიისა და ევროპული საბჭოს პრეზიდენტებს შეხვდა.
    პირველ სექტემბერს კი „ქართულ ოცნებაში“ განაცხადეს, რომ პრეზიდენტ სალომე ზურაბიშვილის იმპიჩმენტის პროცედურას იწყებს. პარტიის ლიდერის ირაკლი კობახიძის თქმით, ამის მიზეზია სალომე ზურაბიშვილის ოფიციალური შეხვედრები საზღვარგარეთ მიუხედავად იმისა, რომ საქართველოს მთავრობამ მას ამის უფლება არ მისცა.

    netgazeti
  17. tvati
    სეტყვამ და ძლიერმა ქარმა კახეთის სოფლები დააზარალა. სეტყვის შედეგად განადგურებულია ვენახები, ხეხილის ბაღები და სხვა ნარგავები. ქარმა მოგლეჯა ელექტროგადამცემი ბოძები და ხეები, სახლებს გადახადა სახურავები.
    სტიქიის შედეგად მიყენებული ზარალის შეფასება დილიდან დაიწყება.
    „ქარბორბალას ტიპის ქარიშხალი იყო თავისი სეტყვით, რამაც დიდი ზიანი მიაყენა სოფელს. ვენახები, ფაქტობრივად, 100%-ით განადგურებულია იმ მონაკვეთში, სადაც ეს სტიქია მოხდა. ასევე, დაგლიჯა 100-წლოვანი ხეები, ელექტოგადამცემი ხაზების ბოძები არის წაქცეული და დამტვრეული, საცხოვრეველ სახლებს სახურავებს გადახადა და ასევე, საჯარო სკოლასაც გადახდილი აქვს ნაწილობრივ სახურავი”, – განუცხადა „ფორმულას“ ახმეტის მერმა ალექსი ფიცხელაურმა.
    ფოტო: „ფორმულა“

    netgazeti
  18. tvati
    თბილისის მერიის ინფორმაციით, ტექნიკური ხარვეზის გამო თბილისის ბაღებისა და სკოლების პედაგოგთა ნაწილმა დღეს კუთვნილი სამგზავრო ბარათებით ვერ ისარგებლა.
    უწყების ცნობით, ხარვეზი დღის ბოლომდე აღმოიფხვრება.
    „დღეს, 2 სექტემბერს, თბილისის მუნიციპალიტეტის სერვისების სისტემაში დაფიქსირდა ტექნიკური ხარვეზი, რის გამოც თბილისის ბაღებისა და სკოლების პედაგოგთა ნაწილმა კუთვნილი სამგზავრო ბარათებით ვერ ისარგებლა.
    პრობლემაზე მუშაობა მყისიერად დაიწყო. ხარვეზი დღის ბოლოს სრულად იქნება აღმოფხვრილი და ბარათების მფლობელები მგზავრობისას მათ გამოყენებას ჩვეულებრივ შეძლებენ.
    თბილისის მერია ბოდიშს უხდის მომხმარებლებს შექმნილი პრობლემისთვის!“,- ნათქვამია თბილისის მერიის განცხადებაში.
  19. tvati
    ნობელის პრემიის დაჯილდოებაზე რუსეთის, ბელარუსისა და ირანის ელჩების მოწვევები გაუქმდა.
    ამის შესახებ განცხადებას ნობელის ფონდი ავრცელებს.
    ნობელის ფონდის ინფორმაციით, ნობელის პრემიის დაჯილდოების ცერემონიაზე ყველა ელჩის მოწვევის გადაწყვეტილებამ მხურვალე რეაქცია გამოიწვია.
    „ასეთი გადაწყვეტილების საფუძველი გახდა ის, რომ ჩვენ მნიშვნელოვნად და სწორად ვთვლით, რაც შეიძლება ფართოდ გავავრცელოთ ღირებულებები და მესიჯები, რომლებსაც ნობელის პრემია იცავს“, - წერია განცხადებაში.
    მათი თქმით, სწორედ ამიტომ წინა წელს ნობელის მშვიდობის პრემია მიენიჭა უფლებადამცველებს უკრაინიდან, ბელარუსიდან და რუსეთიდან.
    „გვესმის ძლიერი რეაქცია შვედეთში, რომელმაც მთლიანად გადაფარა ეს მესიჯი. ამიტომ ნობელის ფონდის ხელმძღვანელობამ გადაწყვიტა რეგულარული პრაქტიკიდან წინა წლის გამონაკლისი გაიმეოროს - არ დაპატიჟოს ელჩები რუსეთიდან, ბელარუსიდან და ირანიდან სტოკჰოლმში ნობელის პრემიის დაჯილდოების ცერემონიაზე,” - წერია განცხადებაში.
    ამავდროულად აღინიშნება, რომ ყველა ელჩი დაპატიჟებული იქნება ოსლოში დაგეგმილ ცერემონიაზე, როგორც აქამდე ხდებოდა.

    პალიტრა
  20. tvati
    „მეტი რა უნდა მოხდეს ცხოვრებაში, რომ ვერ გავუძლო? რის ატანას ვეღარ შევძლებ ამის მერე? იცი, რა კარგია, როცა სირთულეებს დაძლევ და ასე იწყებ ფიქრს? ვფიქრობ ახლა ასე. ორთვიანი სამხედრო წვრთნების გავლის შემდეგ ამერიკის საჰაერო ძალებში მოსახვედრად.
    წარმოიდგინეთ, ტეხასის 45 გრადუსი სიცხე, 18 საათი დგახარ ფეხზე და ღამით საშუალოდ 5 საათი გძინავს. გწვრთნიან ფიზიკურად და ფსიქოლოგიურად. გაართმევ თუ არა წვრთნებს თავს, დამოკიდებულია იმაზე, კრიტიკულ მომენტში რამდენად სწორ დროს შეძლებს შენი გონება სწორი გადაწყვეტილებების მიღებას.
    2 თვე შენ, როგორც ადამიანი, შენი სურვილებით და საჭიროებებით – არ არსებობ. კედლის მიღმა, სადაც წვრთნები ტარდება, ვერავის და ვერაფერს ხედავ, ყველაფერს მოწყვეტილი ხარ, არ გაქვს ტელეფონი, ვერავის ეკონტაქტები. ერთადერთი მისია გაქვს: ყველაფერს უნდა გაუძლო და გადარჩე“, – ასე აღწერს 26 წლის ბარბარე ურიდია ამერიკაში, ტეხასის შტატში სამხედრო წვრთნებს, რომელიც წელს გაიარა.
    ბარბარე ურიდია
    „ჩემი გადაწყვეტილება არაორდინალური და ამბიციური იყო“ წვრთნების დასრულების შემდეგ ხალხით სავსე დიდ მოედანზე სამხედრო სერტიფიკატი რომ გადასცეს, სახალხოდ გამოაცხადეს, რომ ამერიკის მოქალაქეობასაც ანიჭებდნენ. „წარმოუდგენელი ამბავი იყო, ამერიკაში ჩასვლიდან რამდენიმე თვეში მომანიჭეს მოქალაქეობა. ეს ჩემს ცხოვრებაში ერთ-ერთი ყველაზე ამაღელვებელი მომენტი იყო“, – იხსენებს ბარბარე, მხატვარი და ბოდიარტისტი თბილისიდან, ახლა უკვე აშშ-ის საჰაერო ძალების სამხედრო კოლეჯის სტუდენტიც.
    ბარბარე ემიგრაციაში 11 თვის წინ წავიდა.
    „ჩემი გადაწყვეტილება არაორდინალური და ამბიციური იყო, ალბათობა იმისა, რომ ამერიკის საჰაერო ძალებში ვერ ჩავრიცხულიყავი და პირველივე თეორიული გამოცდებიც კი ვერ ჩამებარებინა, დიდი იყო“, – ამბობს ბარბარე.
    პირველ რიგში, სახელმწიფო გამოცდის თეორიული ნაწილი უნდა ჩაებარებინა, წვრთნებამდე რომ მისულიყო. რამდენიმე საგანი ჩააბარა, მათ შორის მექანიკა და ინჟინერია, რის შესახებაც მანამდე ზოგადი ინფორმაციაც კი არ ჰქონდა.
    „ვიჯექი და საათობით, ყოველდღე ვმეცადინეობდი, ადამიანიც კი არ მყავდა ირგვლივ ისეთი, ვისაც მექანიკისა და ინჟინერიის რამე გაეგებოდა, დამეხმარებოდა.
    ამ გამოცდების ქულები განსაზღვრავდა საბუთებისა და დოკუმენტების მომზადების ეტაპზე გადასვლას. ჩავაბარე ეს გამოცდები. დაიწყო მეორე ეტაპი. იმდენ დოკუმენტსა და წვრილმან საბუთს გთხოვენ, იმდენ რამეზე გიწევს მოკლე დროში ერთდროულად ფიქრი, მაგრამ ეს ყველაფერი სინამდვილეში კიდევ უფრო რთული პროცესებისთვის მამზადებდა“, – ამბობს ბარბარე.
    მეორე ეტაპი ზემოხსენებული ორთვიანი წვრთნები იყო, საბაზისო სამხედრო წვრთნა. ბარბარე ჰყვება, რომ ამერიკული სამხედრო ძალების სხვადასხვა დანაყოფი: საჰაერო ძალები, საზღვაო ფლოტი თუ კოსმოსური ძალები სხვადასხვა ბაზაზე იწვრთნებიან.
    ბარბარე ურიდია
    „ყველა სხვადასხვა აქცენტით, სხვადასხვანაირი ინგლისურით გელაპარაკება, თავიდან შეიძლება გაგიჟდე, სანამ შეეგუები“ ორთვიანი სამხედრო წვრთნის შემდეგ ბარბარემ Air Man-ის სტატუსი მიიღო.
    მერე სამხედრო კოლეჯში დაიწყო სწავლა და ახლა სამხედრო  საქმეს სწავლობს. ცხოვრობს სტუდენტთა საერთო საცხოვრებელში.
    „ყველაზე რთული სამხედრო წვრთნები იყო, კოლეჯში სწავლა ბევრად მარტივია. აქაც არის სპეციფიკური წესები, რასაც უნდა დაემორჩილო, მაგრამ ამ წესებთან შეგუება შესაძლებელია.
    წვრთნებს რაც შეეხება, ის ორი თვე სრულიად შეუსაბამოა ადამიანის ცხოვრების ყოველდღიურობასთან, მხოლოდ კონკრეტული დროით თუ გაუძლებს ამას ადამიანი“, – ამბობს ბარბარე.
    კოლეჯის დასრულების შემდეგ ის საჰაერო ოპერატიულ ძალებში დაიწყებს სამსახურს.
    „რთული იყო ამ გზის გავლა, მე არ მქონდა გამოცდილება და ბაზა სამხედრო სამსახურისთვის, მაგრამ რახან საჰაერო ძალებში გაერთიანება გადავწყვიტე, ძალიან დაჩქარდა ჩემი ადაპტაციის პროცესი. ეს უსწრაფესი რიტმი ძალიან მტკივნეული იყო და რთული. ენის ბარიერიც მქონდა, რასაც ნელ-ნელა ვძლევ. არ იყო ჩემი ინგლისური იდეალური, როცა აქ ჩამოვედი. თან ყველა სხვადასხვა აქცენტით, სხვადასხვანაირი ინგლისურით გელაპარაკება, თავიდან შეიძლება გაგიჟდე, სანამ შეეგუები.
    ამ ტემპმა და სამხედრო წვრთნებმა სხვა ადამიანად მაქცია, გამაძლიერა“, – ამბობს ბარბარე.
    მისთვის ახალ გარემოში ცხოვრებამ ბევრი რამ შეცვალა. დაბალი თვითშეფასება მქონდა, ახლა ასე არ არის და თითოეული წუთიც ძვირფასია ჩემთვის. ვფიქრობ, როგორ და რაში გამოვიყენებ სასარგებლოდო, – ამბობს ბარბარე.
    ბარბარე ურიდია
    „ეს ქვეყანა ყველა ადამიანში პოულობს რაღაცას, რისი გააქტიურებითაც იღებს შედეგს“ ბარბარესთვის საქართველოში ცხოვრება ძალიან რთული იყო. მხატვარია და მიაჩნია, რომ საქართველო არ სწყალობს მხატვრებს:
    „ამით ვერ იცხოვრებ. საშუალოსტატისტიკური ქართველი ორიენტირებულია გადარჩენაზე: ფიქრობს, ჰქონდეს საკვები და თავშესაფარი, დაიკმაყოფილოს ელემენტარული საჭიროებები.
    სულიერი საზრდო, ხელოვნება, კულტურა, განათლება – ფუფუნებაა. ჩემი, როგორც მხატვრის ცხოვრება საქართველოში დალხენილი არ ყოფილა, ვაპროტესტებდი ამ ყოფას, ვიყავი სამოქალაქო აქტივისტი, ყოველთვის ვიდექი ჩაგრული უმცირესობების გვერდით აქციებზე“, – გვიყვება ბარბარე.
    ბარბარე ურიდია
    ამბობს, რომ საქართველოდან წასვლის გადაწყვეტილება მძიმე სოციალური მდგომარეობის, სტრესული რეალობის გამო გადაწყვიტა.
    „პირველი დიდი ტრავმა სკოლაში მივიღე. ბოლო ზარის ღონისძიება მიმყავდა 2015 წელს, მიხაროდა ცხოვრების ახალ ეტაპზე გადასვლა და თმა ვარდისფრად შევიღებე. ამის გამო დირექტორმა მომხსნა ღონისძიებიდან და გამაგდო. ეს ჩემთვის დიდი შეურაცხყოფა იყო, კარგი მოსწავლე ვიყავი სკოლაში. ამიხსნეს, რომ სკოლის იმიჯს ვარცხვენდი“, – იხსენებს ბარბარე.
    ფიქრობს, რომ ქვეყანა ისეთია, როგორც თითოეულ ინდივიდს, ერთ კონკრეტულ ადამიანს ეპყრობა საზოგადოება, გარემო.
    რა გახდა მისთვის ცხადი ამერიკაში 11-თვიანი ცხოვრების შემდეგ, რა შთაბეჭდილება აქვს ამ ქვეყანაზე და როგორ ახასიათებს გარემოს, სადაც ახლა ცხოვრობს – ამაზე საუბრისას ბარბარე ამბობს, რომ მისთვის ახალმა ქვეყანამ დიდი შესაძლებლობები გააჩინა.
    „ამერიკა თითოეულ ადამიანში შესაძლებლობას, უნარს და ნიჭს ხედავს. მიუხედავად იმისა, რომ ადამიანების ინტელექტუალური შესაძლებლობები ერთმანეთისგან განსხვავდება, ყველა ადამიანს აქვს თუნდაც ერთი საქმის საუკეთესოდ შესრულების უნარი მაინც და ეს იცის ამერიკამ.
    ეს ქვეყანა ყველა ადამიანში პოულობს რაღაცას, რისი გააქტიურებითაც იღებს შედეგს, რა შედეგიც ამერიკას აქვს სხვადასხვა სფეროში, სხვადასხვა თვალსაზრისით.
    ყველა ადამიანის რესურსს იყენებს. საქართველოში ასე არ ხდება. საქართველოში პირდაპირი მნიშვნელობით იფლანგება ადამიანების ენერგია და შესაძლებლობები. ეს არის ყველაზე დიდი სხვაობა ამ ორ ქვეყანას, ორ საზოგადოებას შორის, ჩემი აზრით“, – ამბობს ბარბარე და დასძენს, რომ მთავარი მისთვის ახლა საინტერესო გზაზე დგომის შეგრძნებაა.
    „ვგრძნობ, რომ ჩემი აქ ყოფნა პროგრესის გზაა და ამას ვერაფერი შეაჩერებს. ზუსტად ვიცი, რომ ჩემი თავის უკეთესი ვერსიისკენ მივდივარ, ზუსტად ვიცი, რომ მომავალში დღევანდელზე უკეთეს საკუთარ თავს მივიღებ“, – ამბობს ქართველი ემიგრანტი.
    ამერიკის საჰაერო ძალებში, 2021 წლის მონაცემებით, 328 888 ადამიანი მსახურობდა, ეს რიცხვი ყოველწლიურად იცვლება, მაგრამ არა მნიშვნელოვნად. 1995 წლიდან 2021 წლამდე აშშ-ის საჰაერო ძალებში მყოფთა რაოდენობა 300 000-ზე ნაკლები არასდროს ყოფილა.

    batumelebi.netgazeti.ge
  21. tvati
    ნიკო კვარაცხელიას დედა, იზა ომაძე სოციალური ქსელის საშუალებით პირველკურსელებს ერთიანი ეროვნული გამოცდების ჩაბარებას ულოცავს:
     
    “განათლება ჰგავს მზესა, რომელიც ისე არ ანათებს, რომ იმავე დროს არ ათბოს და ისე არ ათბობს, რომ არ ანათოს”
    ძვირფასო ახალგაზრდებო მინდა ცხოვრებაში ახალი ეტაპის დასაწყისი სტუდენტობა მოგილოცოთ მთელი გულით, წარმატებები გისურვოთ და ვიქონიო იმედი, რომ აუცილებლად გაათბობთ და გაანათებთ ირგვლივ არემარეს ისე, როგორც დიდი ილია ჭავჭავაძე ამბობდა!
    მომავალი უდავოდ თქვენია და არჩევანიც თქვენია, მე თქვენ მეიმედებით, ჩემი შვილების თაობა:
    “ბევრი ვეცადე, ძირმწარეს
     
     
      ვერ გავუთხარე ძირი მე.
    ახლა კი თქვენი ჯერია,
    დაჰბარეთ, თქვენი ჭირიმე!”(აკაკი წერეთელი)
    წარმატებები ახალგაზრდებო, წარმატებული და ნაყოფიერი სტუდენტობა“, – წერს იზა ომაძე სოციალურ ქსელში.

    ttimes.ge
  22. tvati
    ევროკავშირის კვლევის მიხედვით, ტექნოლოგიური კომპანიები რუსულ დეზინფორმაციას ვერ აჩერებენ. ევროკომისიის ანგარიშში ხაზგასმულია, რომ 2023 წელს სოციალურ ქსელებში კრემლის მიერ მხარდაჭერილი ზეგავლენის დეზინფორმაციული კამპანია გაფართოვდა.
    ანგარიშის ავტორთა თქმით, რუსული დეზინფორმაციის რაოდენობა „ტვიტერში” მას შემდეგ გაიზარდა, რაც ის მილიარდერმა, ილონ მასკმა შეისყიდა და აღნიშნული სოციალური ქსელის უსაფრთხოების სტანდარტები გააუქმა.
    „კრემლის მხარდამჭერ ანგარიშებს კვლავაც აქვთ წვდომა დიდ აუდიტორიასთან „მეტას” პლატფორმებზე. ხოლო „ტელეგრამზე” ასეთი ანგარიშების აუდიტორია სამჯერაა გაზრდილი”, – ნათქვამია ევროკომისიის ანგარიშში.
     

    ავტორი - ლევან ახალაია
  23. tvati
    ქობულეთი-ბათუმის დამაკავშირებელ გზაზე ავტოსაგზაო შემთხვევის შედეგად სამი ადამიანი გარდაიცვალა.
    ადგილობრივების ინფორმაციით, გარდაცვლილები თურქეთის მოქალაქეები იყვნენ, რომლებიც მსუბუქ ავტომობილში ისხდნენ.
    მათივე თქმით, ავტოსაგზაო შემთხვევისას ერთმანეთს მსუბუქი და სატვირთო ავტომობილი შეეჯახა.
    მომხდარის გამო, შემთხვევის ადგილზე სასწრაფო სამედიცინო დახმარების ბრიგადად და სამართალდამცავები იყვნენ მობილიზებული. ფაქტზე გამოძიება მიმდინარეობს.
     
    იპნ
  24. tvati
    რუსეთის შეიარაღებული ძალების სამხრეთის სამხედრო ოლქის პრესსამსახურის ინფორმაციით, რუსმა სამხედროებმა აფხაზეთში წვრთნა ჩაატარეს, რომლის მსვლელობისას სამხედრო ობიექტებზე პირობითი მოწინააღმდეგის ტერორისტული თავდასხმის მოგერიება იქნა დამუშავებული.
    „აფხაზეთში მდებარე სამხრეთის სამხედრო ოლქის ბაზაზე ტერორიზმთან ბრძოლის ქვედანაყოფების სამხედრო წვრთნები ჩატარდა. საბრძოლო მდგომარეობასთან მიახლოებულ ვითარებაში იმიტაციის მრავალი საშუალება და ფუჭი საბრძოლო მასალა გამოიყენეს“, - ნათქვამია განცხადებაში.
    წვრთნების დროს სასწავლო ბრძოლაც გაიმართა.
     
    იპნ
  25. tvati
    რევაზ ლაღიძის #12 ახლა მაღალი, დახურული, ხის ფაქტურის ღობითა და რკინის ჭიშკრითაა დაგმანული. ჭიშკარი შიგნიდანაა ჩარაზული, მის თავზე კი სარეკლამო ბანერია გამოკრული - "იყიდება ბინები 45 კვ მეტრიდან".
     
    სარეკლამო ბანერი ლაღიძის 12 ნომერში ჭიშკრის ქვეშიდან ან ჭიშკარსა და ღობეს შორის დარჩენილი ღრიჭოდან თუ შეიხედავ, ახლად მოსუფთავებულ ტერიტორიას, ე.წ. სამშენებლო ობიექტს დაინახავ. მრავალბინიანი საცხოვრებელი სახლის მშენებლობა აქ ჯერ არ დაწყებულა. თითო-ოროლა კაცი გადაადგილდება, ჭიშკრისგან მოშორებით.
    ლაღიძის #12 ამ სამშენებლო ობიექტის კონკრეტული მისამართი შესაძლოა არაფერს გეუბნებოდეთ, სამაგიეროდ, ბევრი გაიხსენებს მას ამ მინიშნებით - მტკვრის მარჯვენა სანაპიროზე, კლდეზე დაშენებული ძველი, სამსართულიანი წითელი აგურის გრძელი შენობა.
    ლაღიძის #12 სულ ცოტა ხნის წინ, ეს შენობა ჯერ კიდევ მყარად იდგა მის კლდის სადგამზე. თუმცა, თუკი ახლა მოგიწევთ იქით გავლა, აღმოაჩენთ, რომ ის აღარ არის და კლდეს, კუთხეში, აგურის კედლის მხოლოდ უმცირესი დეტალიღა აქვს შერჩენილი.
    კლდეზე შერჩენილი აგურის კედლის დეტალი მშენებელმა კომპანიამ, რომელმაც ამ ტერიტორიაზე მრავალბინიანი კორპუსი უნდა ააშენოს და რომელმაც 2023 წლის 15 თებერვალს მერიის არქიტექტურის სამსახურისგან მხოლოდ იმ პირობით მიიღო მშენებლობის ნებართვა, რომ ძველი შენობის ფასადურ კედელს შეინარჩუნებდა, ეს კედელი დაანგრია.
    შენობის გარეშე დარჩენილი კლდე დაანგრია თუ „შემოენგრა“? - რას ამბობენ მამა-შვილი წაქაძეები?
    ამ კითხვაზე პასუხი რადიო თავისუფლებამ მშენებელი კომპანიის, შპს „ნიუ ჰაუსის“ მფლობელისგან, ბიძინა წაქაძისგან ვერ მიიღო. ის არც ჩვენს სატელეფონო ზარებს პასუხობს და არც შეტყობინებებს.
    ლაღიძის #12 - ჩაკეტილი ტერიტორია მისი მამა, ბეჟან წაქაძე, წლების განმავლობაში ასევე სამშენებლო ბიზნესში ჩართული დეპუტატი „ქართული ოცნებიდან“, გვეუბნება: „ჩემი შვილი დასავლეთშია, ვანშია, იქაც მშენებლობები აქვს. ვიცი, რომ აშენებდა საცხოვრებელ კორპუსს, სხვა დეტალები არ ვიცი, ჩემს შვილს დაურეკეთ“.
    შედარებით სიტყვაუხვი გამოდგა ის ტელეკომპანია „ფორმულასთან“ საუბრისას. ამბობს, რომ შენობა და კედელი, რომელიც მისი ვაჟის კომპანიამ სამშენებლო პირობების დარღვევით დაანგრია, არანაირ ისტორიულ ღირებულებას არ წარმოადგენდა და მეტიც, საფრთხეს უქმნიდა მოქალაქეების ჯანმრთელობას:
    ბეჟან წაქაძე „გამაგრებითი სამუშაოების დაწყების წინ კედელი თვითონ ჩამოიშალა, რადგან არ არსებობდა მისი გამაგრების არავითარი შანსი. შეიძლება დასვათ კითხვა, თავიდან არ იცოდით? არ ვიცოდით, სანამ შენობა არ გაიხსნა, იქ ხალხი ცხოვრობდა, გამოვიყვანეთ, დასკვნა მანამდე დაიწერა და შემდეგ უნდა ჩატარებულიყო ექსპერტიზა. რაღაც ისტორიული ძეგლი დაანგრია კომპანიამ და ისტორიული კედელი, ეს არის სრული სისულელე. შეგიძლიათ შეხვიდეთ და ნახოთ, რომ ეს არავითარ ისტორიულ ღირებულებას არ წარმოადგენდა და ეს იყო მეოთხე კატეგორიის უსახური შენობა, ეს არც პირველია და არც უკანასკნელი. მე ისტორიული შენობაც დამინგრევია ქალაქში და ამიშენებია ზუსტად იმავე ვიზუალით. მეოთხე კატეგორიის შენობა თავზე ედგა კლდეს და საშიშროება იყო ქალაქისთვის, ის დაინგრა და კეთდება ახალი სახის, კონსტრუქციულად მდგრადი შენობა იგივე ვიზუალით“.
    სწორედ ბეჟან წაქაძეა ერთ-ერთი მეწილე იმ კომპანიის, რომელიც მთაწმინდაზე, ყიფიანის ქუჩაზე სასტუმროს აშენებდა. მშენებლობის დროს 2018 წელს კლდის ნაწილი ჩამოიშალა. ამ ფაქტს საზოგადოების მხრიდან პროტესტი მოჰყვა. 2018 წელს კომპანია 30 000 ლარით დაჯარიმდა და დამკვეთს ახალი გეოლოგიური კვლევის ჩატარება, კონსტრუქციული ნახაზებისა და შეფასების მომზადება დაევალა. გამაგრებითი სამუშაოების შემდეგ, საზოგადოების ნაწილის პროტესტის მიუხედავად, სამშენებლო პროცესი გაგრძელდა.
    არაერთი მცდელობის მიუხედავად, ბეჟან წაქაძის ვაჟმა, ბიძინა წაქაძემ ჩვენს სატელეფონო ზარებს არ უპასუხა. ტელეკომპანია „მთავარი არხისთვის“ მიცემულ სატელეფონი კომენტარში კი კედლის ნგრევის მიზეზი ასე ახსნა:
    „როგორც პროექტის მიხედვით იყო გათვლილი, ისე ვახორციელებდით შენობის დემონტაჟს. ეს დასატოვებელი კედლები გავაშიშვლეთ, ხელით ვაწარმოებდით მის დემონტაჟს, არანაირი ტექნიკა არ გამოგვიყენებია. კედლის ერთი მხარე თავისით ჩაინგრა და გადავრჩით, რომ მსხვერპლი არ მოჰყვა ამ კედლის დანგრევას. კედლის გამაგრება იყო შეუძლებელი და იმ იერსახის შენარჩუნება, რა იერსახის შენარჩუნებაც იყო გათვალისწინებული პროექტში. ამიტომ ფორსმაჟორში მივიღეთ გადაწყვეტილება, ზეპირად არ დაგვინგრევია, დოკუმენტაციაც გვაქვს“.
    რას ამბობს მერია ლაღიძის 12 ნომრის სრულ ნგრევაზე?
    ლაღიძის 12 ნომერში მდებარე შენობის სრულად დანგრევის შესახებ ინფორმაცია და ფოტოები სოციალურ ქსელში ხელოვნებათმცოდნე თამარ ამაშუკელმა 31 აგვისტოს გაავრცელა.
    თამარ ამაშუკელი დაახლოებით ერთი წლის განმავლობაში ადევნებდა თვალს თბილისის მერიის არქიტექტურის სამსახურსა და მერიის კულტურული მემკვიდრეობის დაცვის საბჭოში ამ ტერიტორიაზე მრავალბინიანი კორპუსის მშენებლობის პროექტის განხილვის პროცესს. ის კატეგორიული წინააღმდეგი იყო, რომ ისტორიული მნიშვნელობის მქონე შენობა დანგრეულიყო.
    როგორც თამარ ამაშუკელი გვიყვება, სამშენებლო კომპანია და მშენებლობის არქიტექტორი, მთელი ამ ხნის განმავლობაში, დებდნენ პირობას, რომ მშენებლობის ნებართვის მიღების შემთხვევაში, ძველი შენობის კედლის გამაგრებით სამუშაოებს ჩაატარებდნენ და სრულად შეინარჩუნებდნენ მის ფასადს:
    თამარ ამაშუკელი „პრაქტიკულად ეს იყო მათი არგუმენტი, რომ მოგვეცით მშენებლობის ნებართვა და სამაგიეროდ, ქალაქს შევუნარჩუნებთ ამ ღირებულ კედელსო. ამ განხილვაში მეც ვიღებდი მონაწილეობას. ეს არ იყო მარტივი პროცესი. წელიწადზე მეტხანს ცდილობდა კომპანია მშენებლობის ნებართვის მოპოვებას, გაიცა არაერთი რეკომენდაცია, პროექტში შევიდა ცვლილებებიც და საბოლოოდ, მშენებლობის ნებართვის გაცემის მთავარი არგუმენტი და პირობა სწორედ ფასადის შენარჩუნება გახდა. თუმცა, საბოლოოდ, ნებართვის მიღების შემდეგ კომპანია უბრალოდ ადგა და დაანგრია კედელი. როგორც ჩემთვისაა ცნობილი, მთელი კედელი ერთ ღამეში დაშალა“.
    სოციალურ ქსელში გავრცელებულ ინფორმაციას ლაღიძის 12 ნომერში მდებარე შენობის სრული დემონტაჟის შესახებ, პირველ სექტემბერს, სპეციალური განცხადებით გამოეხმაურა თბილისის მერია. როგორც განცხადებაში ვკითხულობთ, პროექტის პირობების დარღვევის ფაქტზე თბილისის მუნიციპალურ ინსპექციას დაწყებული აქვს მოკვლევა:
    „დედაქალაქის მერია მიიღებს ყველა საჭირო ზომას, რასაც კანონმდებლობა ითვალისწინებს, იქნება ეს მშენებლობის შეჩერება, ჯარიმა თუ სხვა. მოკვლევის პროცესში გატარდება საჭირო ღონისძიებები, რის შესახებაც საზოგადოებას ინფორმაციას ეტაპობრივად მივაწვდით“.
    დედაქალაქის მერიის არიტექტურის სამსახურმა ჯერ კიდევ 2 აგვისტოს იცოდა, რომ მშენებელი კომპანია ობიექტზე სამუშაოებს შეთანხმებული პროექტის დარღვევით ატარებდა.
    თბილისის მუნიციპალიტეტის არქიტექტურის სამსახურის საიტზე 2 აგვისტოს ატვირთულია დოკუმენტი, რომლის თანახმადაც, მშენებელი კომპანია არქიტექტურის სამსახურს სამუშაოების ვადის გაგრძელების ნებართვას სთხოვს:
    „დემონტაჟის სამუშაოების სირთულემ, კერძოდ, არსებული შენობის საყრდენი კონსტრუქციის (კედლების), დუღაბის და საძირკველის მძიმე მდგომარეობის გამო მშენებლობის პირველი რიგი, მოსამზადებელი სამუშაოები დროში გაიწელა. ასევე არსებობდა მარჯვენა სანაპიროს ტრასის დაზიანების საშიშროება და ამიტომ დემონტაჟი მოხდა ხელით. გთხოვთ პირველი რიგის სამუშაოები დაგვიმტკიცოთ კორექტირებული მშენებლობის ორგანიზაციის პროექტის მიხედვით“.
    ეს მოთხოვნა მერიის არქიტექტურის სამსახურმა არ დააკმაყოფილა. მათი გადაწყვეტილების მიზეზი მერიამ პირველ სექტემბერს გავრცელებულ განცხადებაში ასე ახსნა:
    „ვინაიდან, წარმოდგენილი ფოტომასალით დასტურდებოდა, რომ სამშენებლო სამუშაოები ჩატარებული იყო შეთანხმებული პროექტის დარღვევით, დამკვეთს განცხადების დაკმაყოფილებაზე ეთქვა უარი“.
    რატომ იყო ეს შენობა ასე მნიშვნელოვანი ქალაქისთვის?
    მართალია, ლაღიძის ქუჩის 12 ნომრით რეგისტრირებული შენობა არ ატარებდა კულტურული მემკვიდრეობის სტატუსს, თუმცა, ეს განაშენიანება მეცხრამეტე საუკუნის შუაწელს მიეკუთვნებოდა, შენარჩუნებული ჰქონდა იმ ეპოქისთვის დამახასიათებელი მხატვრულ-არქიტექტურული ელემენტები და ქალაქის ურბანული განვითარების საერთო სურათში უმნიშვნელოვანეს სახესა და ხასიათს ქმნიდა.
    ყოფილი სამხედრო დანიშნულების, სამ-ოთხსართულიანი შენობა და მისი დამხმარე ნაგებობების გრძივი, შეულახავი აგურით ნაგები ფასადი, რომელიც პირდაპირ კლდეზე იყო ნაგები, მნიშვნელოვან აქცენტს ქმნიდა მტკვრის მარჯვენა სანაპიროს გრძივ განვითარებაში და შთამბეჭდავი სანახავი იყო როგორც თავად კლდის ძირიდან, ისე, მოპირდაპირე, მტკვრის მარცხენა სანაპიროს მხრიდან.
    მთავარ ორსართულიან შენობაში უკანასკნელ დრომდე ე.წ. ტუბდისპანსერი ფუნქციონირებდა. მისი დახურვის შემდეგ მიტოვებული შენობები უფუნქციოდ დარჩა. შენობის დაბალი, ერთსართულიანი აგურის ნაწილი, ძველი საჯინიბოს ნაშთი იყო, ხოლო ორსართულიან კორპუსში ადმინისტრაციული ნაწილი იყო განთავსებული.
    „ეს შენობა საუკუნეზე მეტხანს აფორმირებდა თბილისის ხედის ამ ნაწილს, თავისი სიძველით, სამხედრო უწყების ხისტი, სადა ფასადით“, - ეუბნება რადიო თავისუფლებას თამარ ამაშუკელი, რომლის თქმითაც, სწორედ ასეთი ღირებული ელემენტებისა და ისტორიული ფრაგმენტებისგან იქმნება ქალაქი და მისი იდენტობა:
    „არ არის აუცილებელი, რომ ყველა შენობა ვერსალი იყოს, ყველა შენობას თავისი ხასიათი აქვს და ეს ხასიათი განსაზღვრავს ხოლმე ქალაქის იერსა და ინდივიდუალობას. სანაპიროს ამ ინდივიდუალიზმს ხშირად ასეთი, კლდეზე დასმული საყრდენი კედლებით, მტკვარზე გადმოსული შენობები ქმნიდა. ამ შენობების ძალიან დიდი ნაწილი დაიკარგა მაშინ, როდესაც გასული საუკუნის 30-იან წლებში სანაპირო შეიცვალა და გაკეთდა მაგისტრალი. და ახლა, როგორც ჩანს, ვკარგავთ იმ შემორჩენილ ფრაგმენტებსაც, რომელმაც ჩვენამდე მოაღწია“.
    ხელოვნებათმცოდნე ცირა ელისაშვილი არ გამორიცხავს, რომ ახლა, როდესაც შენობის ფასადი დანგრეულია, შესაძლოა, მშენებელმა კომპანიამ სრულიად ახალი, სახეცვლილი პროექტი წარადგინოს დასამტკიცებლად, - რომელიც საბოლოოდ დაუკარგავს იერსახეს დედაქალაქის იმ ისტორიულ ნაწილს, რომლის მთავარი შემადგენელი დეტალი იყო კლდეზე დასმული აგურის ფასადიანი შენობა:
    ცირა ელისაშვილი „დაანგრია, ამით შექმნა ახალი გარემოება. იმ გარემოებაში დასაცავი ფასეულობა მემკვიდრეობის სახით აღარ არსებობს და დარწმუნებული ვარ, რომ ამ ობიექტზე შევა ახალი პროექტი“, - ამბობს ის.
    მისივე თქმით, შეცდომა იყო ჯერ კიდევ 2007 წელს მიღებული გადაწყვეტილება, როდესაც ლაღიძის 12 ნომერში მდებარე შენობა არ მოხვდა კულტურული მემკვიდრეობის ძეგლთა ნუსხაში. თუმცა, მიუხედავად ამისა, ეს ხარვეზი არ ცვლიდა იმ რეალობას, რომ შენობა იყო უმნიშვნელოვანესი ისტორიული ფრაგმენტი და ტურისტული ხედი, რომელიც შეინარჩუნა მტკვრის მარჯვენა სანაპირომ:
    „აბსოლუტურად არანაირი მნიშვნელობა არ ჰქონდა, ატარებდა თუ არა ეს შენობა ძეგლის სტატუსს, რადგან ეს იყო ერთადერთი, დღემდე მოღწეული ფრაგმენტი მეცხრამეტე საუკუნის მეორე ნახევრის იმ განაშენიანების, რომელიც ამ ტერიტორიაზე ჰქონდა ქალაქს. ის მასალა, ის ფაქტურა, ის ლაქა - აგური, სიძველის ტექსტურა, ქალაქისთვის იყო უმნიშვნელოვანესი... ამით ახდენდა ვიზუალურ მიზიდულობას. გახედეთ მარჯვნივ და მარცხნივ, რა ავაშენეთ მას მერე“.
    ცირა ელისაშვილის თქმით, სავარაუდოდ, იმთავითვე ცხადი უნდა ყოფილიყო, რომ სამშენებლო კომპანია არ აპირებდა კედლის შენარჩუნებას, რაკიღა არქიტექტურის სამსახურისთვის წარდგენილ სამშენებლო დოკუმენტაციაში არსად იძებნება შენობის ფასადის გამაგრების კონსტრუქციული პროექტი:
    „პირველი ეს უნდა გაეკეთებინა არქიტექტორს, რომელსაც ექვემდებარება კონსტრუქტორი. ამ კედლის დაჭერის პროექტი უნდა წარმოედგინა. სად არის ეს პროექტი? ეს პროექტი არ არსებობს და შემოგენგრევა, აბა, რას იზამს?“...
    ნინო თარხნიშვილი
×
×
  • შექმენი...