Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    აშშ-ის თავდაცვის მდივან ლოიდ ოსტინის განცხადებით, ისრაელზე „ჰამასის“ ტერორისტული თავდასხმის შემდეგ, აშშ-ს საზღვაო ძალების დამრტყმელი ჯგუფი მიემართება აღმოსავლეთ ხმელთაშუა ზღვისკენ, „რეგიონული შეკავების ძალისხმევის გასაძლიერებლად“.
    ჯგუფი მოიცავს აშშ-ს საზღვაო ძალების ავიამზიდს USS Gerald R. Ford (CVN-78), Ticonderoga-ს კლასის მართვადი სარაკეტო კრეისერ USS Normandy-ს (CG 60), ასევე Arleigh-Burke-ის კლასის მართვადი რაკეტების გამანადგურებლებს: USS Thomas Hudner (DDG 116). ), USS Ramage (DDG 61), USS Carney (DDG 64) და USS Roosevelt (DDG 80).
    გარდა ამისა, პენტაგონის თქმით, შეერთებული შტატების მთავრობა სწრაფად მიაწვდის ისრაელის თავდაცვის ძალებს დამატებით აღჭურვილობას და რესურსებს, მათ შორის საბრძოლო მასალის. უსაფრთხოების პირველი დახმარება დღეს დაიწყება.
    „ერთობლივი ძალების პოზიციონირების გაძლიერება, გარდა მატერიალური მხარდაჭერისა, რომელსაც ჩვენ სწრაფად გავუწევთ ისრაელს, ხაზს უსვამს შეერთებული შტატების მტკიცე მხარდაჭერას ისრაელის თავდაცვის ძალებისა და ისრაელის ხალხის მიმართ. მე და ჩემი გუნდი გავაგრძელებთ მჭიდრო კონტაქტს ჩვენს ისრაელელ კოლეგებთან, რათა უზრუნველყონ, რომ მათ ჰქონდეთ ის, რაც მათ სჭირდებათ თავიანთი მოქალაქეების დასაცავად და ამ საშინელი ტერორისტული თავდასხმებისგან თავის დასაცავად“, — განაცხადა ოსტინმა.
    7 ოქტომბრის დილით ისლამისტური ტერორისტული დაჯგუფება „ჰამასის“ მებრძოლებმა ისრაელზე მასშტაბური შეტევა დაიწყეს – ქალაქებს დაუშინეს რაკეტები, ისრაელის ტერიტორიაზეც შეიჭრნენ. მათ დახოცეს როგორც მშვიდობიანი მოქალაქეები, ისე — სამხედროები, მძევლად აიყვანეს მოხუცები, ქალები და ბავშვებიც, ფაქტების ამსახველი ვიდეოები კი სოციალური ქსელებით გაავრცელეს.
    ისრაელმა საპასუხო სარაკეტო დარტყმები განახორციელა ღაზას სექტორზე, შედეგად 413 პალესტინელი დაიღუპა, 2300-მდე კი დაშავდა.
    მედიის ცნობით, სულ მცირე 600 ადამიანი დაიღუპა ისრაელის მხარეს, ღაზას სექტორიდან მოულოდნელი თავდასხმის შედეგად.

    netgazeti
  2. tvati
    ქალაქ ქუთაისის მუნიციპალიტეტის საკრებულოს წევრმა, ელეონორა არჩაიამ, ქუთაისი-გეგუთის მაგისტრალზე მდებარე ნაგავსაყრელი დაათვალიერა და ტენდერში გამარჯვებული კომპანიის სამუშაოს შემსრულებელს შეხვდა.

    მისი განცხადებით, ადგილობრივი მოსახლეობა წლებია, უშედეგეოდ ითხოვს აღნიშნული პრობლემის მოგვარებას, ამასთან, მოსახლეობა ითხოვს, ნაგავსაყრელის ტერიტორიაზე მოეწყოს ბიოთერმული ორმო ნარჩენებისთვის, რომელიც ოდნავ მაინც გააუმჯობესებს არსებულ ეკოლოგიურ გარემოს.


       ,,ბოლო დღეებში ჩატარებული საპროტესტო აქციების შემდეგ კიდევ ერთხელ დავრწმუნდი, თუ რამხელა პრობლემას წარმოდგენს ღია ნაგავსაყრელი ქალაქის მჭიდროდ დასახლებული უბნისათვის. ადგილობრივი მოსახლეობა წლებია, უშედეგეოდ ითხოვს აღნიშნული პრობლემის მოგვარებას. მიმდებარე ტერიტორია გაჟღენთილია მძიმე ტოქსიკური სუნით, რომელიც გაუსაძლის ხდის ადგილობრივ მაცხოვრებელთა მდგომარეობას; საცხოვრებელი სახლების ფანჯრების გაღებაც კი შეუძლებელია. ამასთან, მოსახლეობა ითხოვს, ნაგავსაყრელის ტერიტორიაზე მოეწყოს ბიოთერმული ორმო ნარჩენებისთვის, რომელიც ოდნავ მაინც გააუმჯობესებს არსებულ ეკოლოგიურ გარემოს.
     საქართველოს ევროკავშირის წევრობისაკენ მიმავალ გზაზე აქვს ვალდებულება, ნარჩენების გადამუშავება ევროპულ სტანდარტებზე გადაიყვანოს.
      ნაგავსაყრელის გადატანა წლებია იწელება; არაერთხელ დაიწყო სამუშაოები და გამოცხადდა ტენდერები, თუმცა ნაგავსაყრელი ისევ იმავე ტერიტორიაზე რჩება.
    პრობლემის სირთულიდან გამომდინარე მნიშვნელოვანია, გარემოს დაცვის სამინისტრომ ქალაქის ხელისუფლებასთან ერთად გადადგას კონკრეტული ნაბიჯები, რათა სასწრაფოდ გამოიყოს ალტერნატიული ტერიტორია და დაიწყოს ნაგავსაყრელის დახურვის პროცესი.”, - წერს სოციალურ ქსელში ელეონორა არჩაია. 


  3. tvati
    „სოლიდარობა ისრაელს!“ - ამ გზავნილით ისრაელის მხარდაჭერის ნიშნად, თბილისის ანძა ისრაელის სახელმწიფო დროშის ფერებში განათდა.
    „ვგმობთ იმ სასტიკ ძალადობას, რაც მშვიდობიან მოსახლეობას დაატყდა თავს. ვუსამძიმრებ გარდაცვლილთა ოჯახებს, მთელს ისრაელს!“, - აღნიშნულა თბილისის მერიის ინფორმაციაში, რომლითაც თბილისი თანადგომას უცხადებს ისრაელის სახელმწიფოს და ისრაელელ ხალხს.

    ipn
  4. tvati
    შეერთებულმა შტატებმა შესაძლოა ისრაელისთვის დამატებითი დახმარების შესახებ დღეს განაცხადოს. შესაბამისი განცხადება სახელმწიფო მდივანმა ენტონი ბლინკენმა CNN-თან გააკეთა.
    "ჩვენ განვიხილავთ კონკრეტულ დამატებით თხოვნებს, რომლებიც ისრაელმა გააკეთა. ვფიქრობ, თქვენ ალბათ უფრო მეტს გაიგებთ ამის შესახებ დღეს მოგვიანებით", - განაცხადა ბლინკენმა.
    ბლინკენის განცხადებით, პრეზიდენტ ჯო ბაიდენის პოზიციაა, რომ „დარწმუნდეს, რომ ჩვენ ვაძლევთ ისრაელს ყველაფერს, რაც მას ამ მომენტში სჭირდება ჰამასის თავდასხმების გასამკლავებლად“.
  5. tvati
    ჩვენი მთელი არჩევნების ლოგიკა იქნება, რომ "ოცნებამ" და "ნაციონალურმა მოძრაობამ" ერთად 50%-ზე ნაკლები უნდა აიღონ. 


    გიორგი გახარია, პარტია "საქართველოსთვის" თავმჯდომარე. 
    387865751_283249344595359_4908914085069773437_n.mp4
  6. tvati
    ისრაელში „ჰამასის“ თავდასხმის შედეგად დაღუპულთა რაოდენობამ 500-ს გადააჭარბა. ამის შესახებ ინფორმაციას ისრაელის ჯანდაცვის სამინისტრო ავრცელებს.
    გარდაცვლილთა რიცხვებში ათობით ჯარისკაცი და პოლიციელია, რომლებიც ტერორისტებთან ბრძოლისას დაიღუპნენ.
    ისრაელის ჯანდაცვის სამინისტრო ასევე ადასტურებს, რომ ჰოსპიტლებში დაჭრილთა რაოდენობამ 2 048 ადამიანს მიაღწია, მათგან 20 კრიტიკულ მდგომარეობაშია, ხოლო 330 სერიოზულად არის დაჭრილი.

    იპნ
  7. tvati
    ისრაელის საგარეო საქმეთა სამინისტროს ცნობით, ეგვიპტეში, ქალაქ ალექსანდრიაში ისრაელის 2 მოქალაქე და ეგვიპტელი გიდი მოკლეს. დაჭრილია ერთი ადამიანი.
    BBC იტყობინება, რომ, სავარაუდოდ, პოლიციელმა ცეცხლი გაუხსნა ტურიეტების ჯგუფს. გავრცელებული ინფორმაციით, პირი ამჟამად დაკავებულია.
     
    publika
  8. tvati
    საპარლამენტო უმრავლესობის წევრები „ოცნებიდან“ და „ხალხის ძალიდან“ აინიციირებენ რეგლამენტის პროექტს „რეგლამენტში ცვლილებების შეტანის შესახებ“, რომლითაც იცვლება პარლამენტის მიერ თანამდებობის პირების თანამდებობაზე არჩევის თაობაზე გადაწყვეტილების ფარული კენჭისყრით მიღების წესი. აღნიშნულ გადაწყვეტილებას პარლამენტი მიიღებს ღია კენჭისყრის საფუძველზე.
    კენჭისყრისას ფარულობის წესი შენარჩუნდება მხოლოდ საქართველოს პარლამენტის თავმჯდომარის არჩევის შემთხვევაში, ვინაიდან საქართველოს კონსტიტუციის მე-40 მუხლის პირველი პუნქტის თანახმად მისი არჩევა უნდა მოხდეს ფარული კენჭისყრით.
    რეგლამენტში ცვლილებების პროექტი ვრცელია და განმარტებითი ბარათის მიხედვით, მისი მიღება საჭიროა „რიგი ხარვეზების აღმოფხვრის, ცალკეული საკითხების ახლებურად რეგულირების და დახვეწის“ თვალსაზრისით.
    რეგლამენტის პროექტი ასევე ითვალისწინებს:
    ზუსტდება საპარლამენტო საქმიანობასთან დაკავშირებული ცალკეული საკითხები, კერძოდ, პარლამენტის სასახლეში უსაფრთხოების დაცვის რეჟიმთან დაკავშირებული რეგულაციები იზრდება პარლამენტის თავმჯდომარის მოადგილეების რაოდენობა და ნაცვლად 2-2 მოადგილისა, პარლამენტის თავმჯდომარის მოადგილედ შესაძლებელია აირჩეს 3 მოადგილე საპარლამენტო უმრავლესობიდან და 3 მოადგილე საპარლამენტო ოპოზიციაში შემავალი ფრაქციებიდან. განისაზღვრება კომიტეტის სხდომის მოწვევის, სხდომის დღის წესრიგის განსაზღვრისა და კომიტეტის სხდომაზე საკითხის განხილვასთან, ასევე, კომიტეტის თავმჯდომარის მოადგილის წარმდგენი სუბიექტების მიერ გამოწვევისა და კომიტეტის მიერ გაწეული საქმიანობის ანგარიშის განხილვასთან, აგრეთვე, საპარლამენტო უმრავლესობის სიის განახლებასთან დაკავშირებული საკითხები პარლამენტის მორიგი სესიის გახსნილად და დახურულად გამოცხადების წესები ასევე გავრცელდება პარლამენტის რიგგარეშე სესიის გახსნისა და დახურვის შემთხვევებზეც. რეგლამენტის პროექტით ასევე რეგულირდება ახალარჩეული პარლამენტის პირველი სხდომის გახსნის საკითხები. საპარლამენტო საქმიანობის შეუფერხებლად წარმართვის მიზნით, შესაძლებელი იქნება პლენარული სხდომის თავმჯდომარის გადაწყვეტილებით მიმდინარე საკითხის განხილვის შეჩერება კენჭისყრის პროცედურის ჩატარების მიზნით. რეგლამენტის პროექტით განსხვავებულად რეგულირდება წინა მოწვევის პარლამენტში განსახილველად წარდგენილი კანონპროექტების განხილვის პროცედურის გაგრძელების მიზანშეწონილობის თაობაზე გადაწყვეტილების მიღების წესი. ასევე, განისაზღვრება საკანონმდებლო პაკეტზე კენჭისყრის ერთიანად ჩატარების წესი. დაჩქარებული წესით კანონპროექტის პლენარული სხდომის ერთ დღეს ერთზე მეტი მოსმენით, მაგრამ არა უმეტეს ორისა, განხილვა შესაძლებელი იქნება პარლამენტის ბიუროს გადაწყვეტილების გარეშე. ასევე, ახლებურად რეგულირდება პარლამენტისათვის წარდგენილი ანგარიშების განხილვასთან დაკავშირებული საკითხები. განისაზღვრება ქვეყნის მდგომარეობის უმნიშვნელოვანეს საკითხებზე საქართველოს პრეზიდენტის ყოველწლიური მოხსენების წარდგენისა და სიტყვით გამოსვლის პროცედურა საქართველოს პრეზიდენტის ყოველწლიური მოხსენებით გამოსვლის დასრულების შემდეგ, კერძოდ, სიტყვით გამოსვლის უფლება ასევე ენიჭება საპარლამენტო უმრავლესობის ლიდერს. წარმოდგენილი პროექტით იცვლება აგრეთვე, პეტიციის წარდგენასთან დაკავშირებული საკითხები. პროექტი ბიუროს სხდომას 9 ოქტომბერს წარედგინება. კანონპროექტის დაჩქარებული წესით განხილვა მოთხოვნილი არ არის. აღსანიშნავია ისიც, რომ მიმდინარე კვირას პარლამენტში პლენარული სხდომები არ ჩატარდება.
    საკონსტიტუციო სასამართლომ პრეზიდენტის მიერ კონსტიტუციის შესაძლო დარღვევის საქმეზე დასკვნა პარლამენტს 14 ოქტომბრამდე უნდა წარუდგინოს.
    პარლამენტმა დასკვნის წარდგენიდან 2 კვირის ვადაში უნდა განიხილოს და კენჭი უნდა უყაროს იმპიჩმენტის წესით პრეზიდენტის თანამდებობიდან გადაყენების საკითხს.

    პუბლიკა
  9. tvati
    საქართველოს სამუშაო ვიზიტით აზერბაიჯანის რესპუბლიკის პრეზიდენტი ილჰამ ალიევი ეწვია.
    საქართველოს მთავრობის ინფორმაციით, შოთა რუსთაველის სახელობის თბილისის საერთაშორისო აეროპორტში აზერბაიჯანის რესპუბლიკის პრეზიდენტს ვიცე-პრემიერი, ეკონომიკისა და მდგრადი განვითარების მინისტრი – ლევან დავითაშვილი, აზერბაიჯანის რესპუბლიკაში საქართველოს საგანგებო და სრულუფლებიანი ელჩი – ზურაბ პატარიძე და საქართველოში აზერბაიჯანის რესპუბლიკის საგანგებო და სრულუფლებიანი ელჩი – ფაიგ გულიევი დახვდნენ.
    ვიზიტის ფარგლებში დაგეგმილია ირაკლი ღარიბაშვილისა და ილჰამ ალიევის პირისპირ შეხვედრა, რის შემდეგაც საქართველოს პრემიერ-მინისტრი და აზერბაიჯანის რესპუბლიკის პრეზიდენტი მედიისთვის ერთობლივ განცხადებებს გააკეთებენ.
    ილჰამ ალიევი საქართველოს სამთავრობო დელეგაციასთან ერთად ეწვია.

    publika
  10. tvati
    საქართცელოს საგარეო საქმეთა სამინისტროს ინფორმაციით, შეიარაღებული თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა.
    უწყების ცნობით, ოთხივე მათგანი იმყოფება უსაფრთხო ადგილას.
    რაც შეეხება ინტერნეტსივრცეში გავრცელებულ ფოტომასალებს, უწყება განმარტავს, რომ მიმდინარეობს ავთენტურობის დადგენა და სამინისტრო მოქალაქეებს მიმართავს, ვიდრე არ გაირკვევა დეტალები, დაუზუსტებელი ინფორმაციის გავრცელებისგან თავი შეიკავონ.
    "საქართველოს საელჩოს ხელთ არსებული ინფორმაციით, შეიარაღებული თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა. ამ ეტაპზე ოთხივე მათგანი იმყოფება უსაფრთხო ადგილას.
    აღნიშნული ინფორმაცია გადამოწმდა როგორც ისრაელის მხარესთან, ასევე ხსენებული ოთხი პირიდან ერთ-ერთთან კომუნიკაციის შედეგად.
    რაც შეეხება ინტერნეტ სივრცეში გავრცელებულ ფოტომასალას, მიმდინარეობს ავთენტურობის დადგენა და ვიდრე არ გაირკვევა დეტალები, დაუზუსტებელი ინფორმაციის გავრცელებისგან გთხოვთ თავი შეიკავოთ", - ნათქვამია ინფორმაციაში.
    7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. თავის მხრივ, ისრაელმა ღაზაზე საჰაერო დარტყმების საპასუხო ტალღა დაიწყო. ორივე მხარე ასობით დაშავებულისა და დაღუპულის შესახებ იუწყება. არსებული ცნობებით, "ჰამასმა" აიყვანა მძევლები და ომის ტყეები. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელი "ომშია" და "ჰამასი", რომელიც მართავს ღაზას, "უპრეცედენტო ფასს გადაიხდის".
  11. tvati
    ჩვენ ვიწყებთ ხანგრძლივ და რთულ ომს. ომი გვაიძულა „ჰამასის“ სასტიკმა თავდასხმამ , - ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.
    მისი თქმით, პირველი ეტაპი რამდენიმე საათებში ისრაელის ტერიტორიაზე შემოჭრილი მტრის ძალების უმრავლესობის განადგურებით დასრულდება.
    „ ამავდროულად, ჩვენ დავიწყეთ შეტევითი ფორმირება და ის გაგრძელდება დათქმისა და შესვენების გარეშე, მიზნების მიღწევამდე", - განაცხადა ნეთანიაჰუმ.
    ისრაელის პრემიერის თქმით, ისრაელი გაიმარჯვებს.
    „ჩვენ აღვადგენთ უსაფრთხოებას ისრაელის მოქალაქეებისთვის და გავიმარჯვებთ“, - დასძინა ნეთანიაჰუმ.
    როგორც მედია წერს, ისრაელის პოლიტიკურ-უსაფრთხოების კაბინეტი შაბათს შეიკრიბა, რათა „ჰამასის“ მოულოდნელ თავდასხმაზე ქვეყნის პასუხი განესაზღვრა.
    ისრაელის პრემიერ-მინისტრის ოფისის განცხადებაში ნათქვამია, რომ მინისტრთა კაბინეტმა მიიღო „ოპერატიული გადაწყვეტილებების სერია, რაც მიზნად ისახავს „ჰამასის“ და პალესტინის ხელისუფლების სამხედრო და პოლიტიკური შესაძლებლობების განადგურებას“.
    7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. თავის მხრივ, ისრაელმა ღაზაზე საჰაერო დარტყმების საპასუხო ტალღა დაიწყო. ორივე მხარე ასობით დაშავებულისა და დაღუპულის შესახებ იუწყება. არსებული ცნობებით, "ჰამასმა" აიყვანა მძევლები და ომის ტყეები.

    ipn
  12. tvati
    ისრაელში საქართველოს ელჩის, ლაშა ჟვანიას განცხადებით, ისრაელში საქართველოს მოქალაქეების დაშავების შესახებ საელჩოში ინფორმაცია არ შესულა.
    ელჩის თქმით, ამ დროისთვის, ისრაელის აეროპორტი დაკეტილი არ არის და გუშინ საღამოს საქართველოს რამდენიმე მოქალაქე დაბრუნდა სამშობლოში დაბრუნდა.
    ამასთან ელჩი აცხადებს, რომ ბავშვები და პედაგოგები, რომლებიც ფესტივალზე იმყოფებოდნენ ისრაელში, უსაფრთხოდ არიან.
    როგორც ლაშა ჟვანიამ განმარტა, ამ მასშტაბის ტერორისტული აქტი, რაც ახლა ისრაელში ხდება, მრავალი წლის მანძილზე არ ყოფილა.
    მისი თქმით, თუ ვინმე ინფორმაციას ფლობს საქართველოს რომელიმე მოქალაქეზე, საელჩოს შეატყობინოს.
    „ამ მასშტაბის ტერორისტული აქტი ქვეყანაში მრავალი წლის მანძილზე არ ყოფილა. პრაქტიკულად, ისრაელის ისტორიაში შეუძლებელია გავიხსენოთ რომელიმე ფაქტი, რომელსაც ამდენი მსხვერპლი მოჰყვა. ამ დილით, ისრაელის არმიამ პირდაპირ გამოაცხადა 25 გარდაცვლილი ახალგაზრდის სია, რომელთა საშუალო ასაკი 20 წელია. ეს ისრაელის სახელმწიფოს ისტორიაში და მთლიანად ებრაელი ერის ცხოვრებაში უმძიმესი წელია. არ ჰგავს არაფერს სხვას, რაც იყო. ამ წუთისთვის 250-ზე მეტი დაღუპული ცხადდება. ჯერ კიდევ არ არის ყველა ადგილზე, ყველა დასახლებაზე ისრაელის არმიის მიერ კონტროლი აღებული. საქართველოს მოქალაქეების დაშავების შესახებ ინფორმაცია არ შემოსულა. მუდმივ კონტაქტზე ვართ, როგორც ისრაელის თავდაცვის სამინისტროს სამსახურთან, ისე საგარეო საქმეთა სამინისტროსთან, ასევე ისრაელის პოლიციასთან. გუშინ ჩვენი რამდენიმე მოქალაქე უსაფრთხო ადგილზე გადმოვიყვანეთ. 3 არის ნეთანიაში, ერთი არის თელავივში. საერთაშორისო კომერციულმა ავიაკომპანიებმა ისრაელის მიმართულებით თავიანთი რეისები გაუქმეს. დღე ისრაელის აეროპორტი დაკეტილი არ არის, გუშინ რამდენიმე რეისი შესრულდა. გუშინ საღამოს საქართველოს რამდენიმე მოქალაქე დაბრუნდა საქართველოში ისრაელიდან. ისინი, ვინც ვერ დაბრუნდნენ, საელჩომ საქართველოს მთავრობის დახმარებით უზრუნველყო სასტუმროთი. ბავშვები თავიანთ პედაგოგებთან ერთად, რომლებიც ფესტივალზე იყვნენ ჩამოსულები, უსაფრთხოდ არიან, გვიანობამდე მათთან ერთად ვიყავით, სანამ ბავშვები ოთახებში დასაძინებლად არ განვათავსეთ. ცხელი ხაზის ნომერი ყველამ იცის, 3 ტელეფონის ნომერია გამოცხადებული, როგორც საელჩოს, ასევე საგარეო საქმეთა სამინისტროსაც შეუძლიათ დაუკავშირდნენ ჩვენი მოქალაქეები. თუ ვინმე ინფორმაციას ფლობს საქართველოს რომელიმე მოქალაქეზე, ვთხოვთ, რომ შეგვატყობინოს“,-განაცხადა ჟვანიამ.
    7 ოქტომბერს გამთენიისას, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. თავის მხრივ, ისრაელმა ღაზაზე საჰაერო დარტყმების საპასუხო ტალღა დაიწყო. ორივე მხარე ასობით დაშავებულისა და დაღუპულის შესახებ იუწყება. არსებული ცნობებით, "ჰამასმა" აიყვანა მძევლები და ომის ტყეები. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ქვეყანა "გრძელვადიან, რთულ ომში" შედის, რომელიც "ჰამასის" თავდასხმით არის გამოწვეული და გაიმარჯვებს.

    ipn
  13. tvati
    შვიდი ოქტომბრის დილით ისლამისტური „ჰამასის“ მებრძოლებმა ისრაელზე მასშტაბური შეტევა დაიწყეს – განახორციელეს სარაკეტო დარტყმები და ისრაელის ტერიტორიაზეც შევიდნენ და მძევლებიც აიყვანეს.
    ისრაელის პრემიერმა მიმდინარე მოვლენებს ომი უწოდა, ქვეყანაში საგანგებო მდგომარეობაცაა გამოცხადებული. ოფიციალური იერუსალიმის ცნობით, ისრაელის თავდაცვის ძალები ოცდაორ ლოკაციაში აწარმოებენ ბრძოლებს.
    ამ განახლებად მასალაში „ნეტგაზეთი“ სანდო და გადამოწმებულ წყაროებზე დაყრდნობით მიმდინარე მოვლენებს გაგაცნობთ. ცნობების გასანახლებლად გადატვირთეთ [დაარეფრეშეთ] გვერდი.
    7 ოქტომბერი, 21:14: ოპოზიციის ლიდერი იაირ ლაპიდი სურვილს გამოთქვამს, პრემიერ ნეთანიაჰუსთან ერთად საგანგებო დროის მთავრობა ჩამოაყალიბოს. ლაპიდი ხაზს უსვამს, რომ ახლა „ერთობის დროა“, წერს „ალ-ჯაზირა“.
    7 ოქტომბერი, 21:12: ისრაელში დაიღუპა 150 ადამიანზე მეტი, იტყობინება „თაიმს ოფ ისრაელ“ ადგილობრივ მედიაზე დაყრდნობით. დაჭრილია 1104 ადამიანი.
    7 ოქტომბერი, 21:08: ისრაელმა ელექტროენერგიით მომარაგება შეუწყვიტა ღაზას სექტორს, წერს „თაიმს ოფ ისრაელ“.
    7 ოქტომბერი, 21:03: ისრაელში მყოფი საქართველოს მოქალაქეებისთვის ამოქმედდა ცხელი ხაზი. ცხელი ხაზის ნომრებია:
    +972526919092 +972 52-8888513 +972 54-7386813 7 ოქტომბერი, 20:20: ისრაელის თავდაცვის ძალები იუწყებიან ღაზას სექტორში ორ მაღალსართულიან შენობაზე განხორციელებულ დარტყმებზე. უწყების ცნობით, შენობებში „ჰამასის“ მებრძოლები იყვნენ, ხოლო მშვიდობიანი მოსახლეობა დაბომბვამდე გააფრთხილეს და ევაკუირება სთხოვეს, იტყობინება „იერუსალიმ თაიმსი“.
     
    7 ოქტომბერი, 20:17: ისრაელის საგანგებო სამსახურების ცნობით, ამჟამად ცნობილია 70 დაღუპულზე და ასობით მძიმედ დაჭრილზე, წერს „სი-ენ-ენი“. ღაზას სექტორში კი აცხადებენ, რომ ისრაელის საპასუხო დარტყმების შედეგად დაიღუპა 198 პალესტინელი, იუწყება „ალ-ჯაზირა“.
    7 ოქტომბერი, 20:14: „ჰამასის“ ერთ-ერთი ლიდერი სალეჰ ალ-აროური ამბობს, რომ ისინი მზად არიან ყველაზე ცუდი სცენარისთვისაც – „მათ შორის სახმელეთო შემოჭრისთვის [ჰამასის კონტროლირებად ღაზას სექტორში]. ალ-აროურის „სი-ენ-ენი“ ციტირებს.
    7 ოქტომბერი, 20:12: გაეროს უშიშროების საბჭოს საგანგებო სხდომას მოიწვევს საბჭოს პრეზიდენტი ბრაზილია, რომელიც გმობს თავდასხმას და სოლიდარობას უცხადებს ისრაელელ ხალხს, იტყობინება „როიტერსი“.
    7 ოქტომბერი, 20:10: ევროკავშირი გმობს ისრაელზე თავდასხმას და მოუწოდებს უაზრო ძალადობის შეჩერებისკენ. ბრიუსელი აგრეთვე სოლიდარობას უცხადებს ისრაელს, ვკითხულობთ ჟოზეფ ბორელის განცხადებაში.
    7 ოქტომბერი, 19:43: ისრაელს მხარდაჭერა გამოუცხადა აშშ-ის პრეზიდენტმა ჯო ბაიდენმა, ისრაელის პრემიერ ბენიამინ ნეთანიაჰუსთან საუბარში.
    7 ოქტომბერი, 18:55: საქართველოს პრემიერ-მინისტრმა ირაკლი ღარიბაშვილმა დაგმო „ტერორისტული თავდასხმა“ ისრაელზე.
    7 ოქტომბერი, 11:15: „ჰამასმა“ წლების განმავლობაში ყველაზე მასშტაბური შეტევა დაიწყო, ისრაელისა და არაბული ქვეყნების 1973 წლის ომის დაწყების 50 წლისთავზე.

    ნეტგაზეთი
  14. tvati
    ევროკავშირი უმკაცრესად გმობს “ჰამასის” მიერ ისრაელის მასშტაბით განხორციელებულ მრავალრიცხოვან და განურჩეველ თავდასხმებს და ღრმა მწუხარებას გამოხატავს ადამიანების სიცოცხლის დაკარგვის გამო, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი აცხადებს.
    „ევროკავშირი მოუწოდებს შეწყდეს ეს უაზრო თავდასხმები და ძალადობა, რომელიც კიდევ უფრო ზრდის დაძაბულობას ადგილზე და ძირს უთხრის პალესტინელი ხალხის მისწრაფებებს მშვიდობისაკენ“, - აღნიშნულია განცხადებაში.
    ჯოზეფ ბორელი ხაზს უსვამს, რომ ისრაელს უფლება აქვს, თავი დაიცვას.
    „ევროკავშირი სოლიდარულია ისრაელის მიმართ, რომელსაც უფლება აქვს, დაიცვას თავი საერთაშორისო სამართლის შესაბამისად, ასეთი ძალადობრივი და განურჩეველი თავდასხმების ფონზე“, - აცხადებს ბორელი.
  15. tvati
    რის გადასაფარად გაახსენდა დღეს პაპუაშვილს კეზერაშვილი? ოცნების სასოწარკვეთილი მანევრები.

     მიხეილ დაუშვილი,  პარტია "საქართველოსთვის" წევრი, დეპუტატი. 387770522_339321075267206_2350925075688876261_n.mp4
  16. tvati
    დღეს დილით ვესაუბრე პრემიერ-მინისტრ ნეთანიაჰუს ისრაელში საზარელი მიმდინარე თავდასხმების შესახებ. შეერთებული შტატები ცალსახად გმობს ისრაელის წინააღმდეგ „ჰამასის” ტერორისტების მიერ განხორციელებულ ამ საშინელ თავდასხმას, - ამის შესახებ აშშ-ის პრეზიდენტის, ჯო ბაიდენის განცხადებაშია აღნიშნული.
    მისი თქმით, შეერთებული შტატები მზადაა, ისრაელის მთავრობასა და ხალხს მხარდაჭერის ყველა საშუალება შესთავაზოს.
    „პრემიერ-მინისტრ ნეთანიაჰუს განვუცხადე, რომ მზად ვართ შევთავაზოთ მხარდაჭერის ყველა შესაბამისი საშუალება ისრაელის მთავრობასა და ხალხს. ტერორიზმი არასოდეს არის გამართლებული. ისრაელს აქვს უფლება დაიცვას საკუთარი თავი და ხალხი. შეერთებული შტატები აფრთხილებს ისრაელისადმი მტრულად განწყობილ ნებისმიერი სხვა მხარეს, რომელიც ამ სიტუაციაში სარგებელს ეძებს. ჩემი ადმინისტრაციის მხარდაჭერა ისრაელის უსაფრთხოებისთვის მტკიცე და ურყევია“, - აცხადებს ჯო ბაიდენი.

    იპნ
  17. tvati
    ვეხმაურებით 14 წლის ბავშვის თავისუფლების უკანონო აღკვეთის, გაუპატიურებისა და მკვლელობის ფაქტს. მიგვაჩნია, რომ აღნიშნული უმძიმესი შემთხვევა სისტემის მარცხის ნათელი გამოვლინებაა. სისტემის, რომელმაც ვერ და არ შეძლო ადრეულ ეტაპზე უმძიმესი დანაშაულის პრევენცია, - ამის შესახებ სოციალურ ქსელში ქალთა ორგანიზაცია საქართველოსთვის წერს.


    როგორც განცხადებაშია აღნიშნული,  პასუხისმგებლობა ეკისრება არა მხოლოდ სამართალდამცავ ორგანოებს, არამედ განათლებისა და ჯანდაცვის სამინისტროებს, რომელთა პირდაპირი ვალდებულებაა მსგავსი ფაქტების გამოვლენა და მათზე სათანადო რეაგირება.

      "არასრულწლოვანთა მიმართ ქორწინების იძულება, მათი თავისუფლების უკანონოდ აღკვეთა და გაუპატიურება სისტემურ პრობლემად რჩება, რაც უწყებების კოორდინირებული მუშაობით, ადრეულ ეტაპზე დანაშაულის ეფექტიანი პრევენციით და საზოგადოების ცნობიერების ამაღლების კომპლექსური სამუშაოებით უნდა მოგვარდეს. ხშირია ქმედების არასწორი კვალიფიკაციის, მსუბუქი სისხლის სამართლის პოლიტიკის გატარების, თანამონაწილეთა დაუსჯელობის და არასათანადო რეაგირების შემთხვევები. სამწუხაროდ, ამ მხრივ, ჩვენი გუნდის მიერ 2017-2018 წლებში დაწყებული რეფორმები, დღეს გაჩერებულია, რასაც გარდაუვლად მივყავართ უმძიმეს ტრაგედიებამდე. ამ ტიპის დანაშაულის წინააღმდეგ ბრძოლას განგრძობადი ქმედითი ნაბიჯები სჭირდება. მოვუწოდებთ შინაგან საქმეთა სამინისტროს და პროკურატურას დაუყოვნებლივ გამოიძიონ და დააყენონ ყველა შესაბამისი პირის პასუხისმგებლობის საკითხი. აშკარაა, რომ უმძიმეს დანაშაულს წინ სხვა დანაშაულები უძღოდა, რაზეც დროული რეაგირებ არ მომხდარა. მოვუწოდებთ პრემიერ-მინისტრს, მთავრობას, საქართველოს პროკურატურას, გენდერული თანასწორობის საბჭოს, დაუყოვნებლივ წარმოადგინონ დანაშაულის წინააღმდეგ კომპლექსური ბრძოლის ხედვა და მიიღონ შესაბამისი ზომები უწყებათაშორისი კოორდინაციის უზრუნველსაყოფად.", - ნათქვამია განცხადებაში. 
  18. tvati
    ისრაელის თავდაცვის უფლების ეჭვქვეშ დაყენება არ შეიძლება, - ამის შესახებ უკრაინის პრეზიდენტი ვოლოდიმირ ზელენსკი საკუთარ „ტელეგრამ” არხზე წერს.
    „ისრაელიდან საშინელი ცნობებია. ვუსამძიმრებ ყველას, ვინც ოჯახის წევრები და ახლობლები დაკარგა ტერორისტული შეტევების შედეგად. ჩვენ გვჯერა, რომ წესრიგი აღდგება და ტერორისტები განადგურდებიან“, - განაცხადა ზელენსკიმ.
    ზელენსკიმ ხაზი გაუსვა იმას, რომ ტერორიზმი არის დანაშაული არა მხოლოდ ერთი ქვეყნის, არამედ კაცობრიობისა და მთელი მსოფლიოს წინააღმდეგ.
    უკრაინის პრეზიდენტმა აღნიშნა, რომ ისრაელის თავდაცვის უფლება არ შეიძლება ეჭვქვეშ დადგეს და აუცილებელია დღევანდელი ტერორისტული შეტევების ყველა გარემოების დაზუსტება, რათა მსოფლიომ გაიგოს და მართლმსაჯულების წინაშე დადგეს ყველა, ვინც თავდასხმების ორგანიზებაში მიიღო მონაწილეობა.

    იპნ
  19. tvati
    მინდა მადლობა გადავუხადო საქართველოს ხელისუფლებას და ხალხს ჩვენს გვერდით დგომისთვის, - ამის შესახებ საქართველოში ისრაელის ელჩი ჰადას მეიცადი აცხადებს.
    როგორც ელჩი აღნიშნავს, ისრაელი ყველაფერს გააკეთებს თავისი მოქალაქეების დასაცავად.
    „მადლობელი ვარ ყველა იმ ადამიანის, რომელიც პოსტს აქვეყნებს ან პირად შეტყობინებას აგზავნის და ისრაელზე ფიქრს ერთი წუთი მაინც დაუთმო. დღეს ისრაელის მოსახლეობა საშინელი დილის მომსწრე გახდა. ტერორისტულმა ორგანიზაცია „ჰამასმა“ ისრაელის მოქალაქეებზე ფართომასშტაბიანი შეტევა დაიწყო თელ-ავივისა და იერუსალიმის სამხრეთით რაკეტების გასროლით. მილიონობით ადამიანი დილიდან თავშესაფარშია. გარდა ამისა, „ჰამასის“ ათობით ტერორისტი ღაზადან ისრაელში ადგილობრივი ოჯახების მოკვლის მიზნით გადავიდა. ათასობით ისრაელის მოქალაქე ჯერ კიდევ საკუთარ სახლშია ჩაკეტილი და ტერორისტებისგან იმალება. ეს არის იმ ტერორისტული ორგანიზაციების მიერ ორგანიზებული თავდასხმა, რომელთაც „ჰამასი“ ხელმძღვანელობს, ისრაელის მხრიდან ყოველგვარი საბაბის ან წინასწარი ქმედებების გარეშე. ისრაელი ყველაფერს გააკეთებს თავისი მოქალაქეების დასაცავად და ჰამასს პასუხისმგებლობას დააკისრებს. ღაზას სექტორის მოსახლეობა ისრაელის მტერი არ არის. „ჰამასი“ მჭიდროდ დასახლებული ტერიტორიებიდან შეგნებულად და მიზანმიმართულად მოქმედებს. ტერორისტული ორგანიზაციები შეგნებულად მოქმედებენ მშვიდობიანი მოსახლეობის გამოყენებით, ჩადიან ორმაგ სამხედრო დანაშაულს - განურჩევლად ესვრიან მშვიდობიან მოსახლეობას მაშინ, როცა ღაზას სექტორის მაცხოვრებლებს თავშესაფრად იყენებენ”, - აცხადებს ელჩი.

    იპნ
  20. tvati
    ღრმად ვარ შეშფოთებული ისრაელში ვითარების უკანასკნელი ესკალაციითა და უდანაშაულო ადამიანების სიცოცხლის დანაკარგით,- ამის შესახებ განცხადება საქართველოს პრეზიდენტმა სალომე ზურაბიშვილმა სოციალურ ქსელ „ტვიტერში“ გაავრცელა, რითაც ისრაელში განვითარებულ მოვლენებს გამოეხმაურა.
    სალომე ზურაბიშვილის თქმით, ტერორსა და არაადამიანობას თანამედროვე სამყაროში ადგილი არ უნდა ჰქონდეს.
    „ღრმად ვარ შეშფოთებული ისრაელში ვითარების უკანასკნელი ესკალაციითა და უდანაშაულო ადამიანების სიცოცხლის დანაკარგით. საქართველო სრულად სოლიდარულია ისრაელის მიმართ ამ რთულ მომენტში. ტერორსა და არაადამიანობას არ უნდა ჰქონდეს ადგილი თანამედროვე სამყაროში“,- განაცხადა სალომე ზურაბიშვილმა.

    იპნ
  21. tvati
    საქართველოს საგარეო საქმეთა სამინისტროს ინფორმაციით, ისრაელში საქართველოს საელჩო ხაზზეა საქართველოს მოქალაქეებთან.
    მათივე განმარტებით, ამ დროისთვის არსებული ინფორმაციით, დაშავებულებს შორის საქართველოს მოქალაქეები არ არიან.
    საგარეო უწყების განმარტებით, გრძელდება კომუნიკაცია ისრაელის შესაბამის სამსახურებთან.
    „საელჩო ხაზზეა საქართველოს მოქალაქეებთან. ამ დროის მონაცემებით, დაშავებულებს შორის საქართველოს მოქალაქეები არ არიან. თუმცა, ვაგრძელებთ კონტაქტს მოქალაქეებთან და ისრაელის შესაბამის სამსახურებთან“,- ნათქვამია საგარეო საქმეთა სამინისტროს განცხადებაში.
    ცნობისთვის, ღაზას სექტორიდან ისრაელის მიმართულებით განხორციელებული სარაკეტო თავდასხმის გამო, ისრაელის თავდაცვის ძალებმა საომარი მდგომარეობა გამოაცხადეს.
    გამოცემა Times of Israel-ის ინფორმაციით, სარაკეტო თავდასხმის შედეგად სულ მცირე, 22 ადამიანი დაიღუპა, 100-ზე მეტი კი დაშავდა.
  22. tvati
    „დილა მშვიდობისა, საქართველოს!“ ეთერში ქუჩის მუსიკოსი დავით ვაშაყმაძე გამოჩნდა, რომელმაც თავისი შესრულებით ქუჩა და ინტერნეტსივრცე დაიპყრო.
    “დილა მშვიდობისა საქართველომ” ექსპერიმენტი ჩაატარა და ნახა, როგორი ემოციებით შეხვდნენ  ღია სივრცეში ქუჩის მუსიკოს  დავით ვაშაყმაძეს, რომელსაც მთელ მსოფლიოში ერთ-ერთ ყველაზე ფენომენალურ ვოკალისტს, ფრედი მერკურს ადარებენ.

    gurianews.com

     
  23. tvati
    ღაზადან ისრაელის მიმართულებით რაკეტები გაისროლეს, ისრაელში სირენების ხმა ისმოდა, - ამის შესახებ ინფორმაციას ადგილობრივი მედია ისრაელის თავდაცვის ძალებზე დაყრდნობით ავრცელებს.
    გამაფრთხილებელი სირენების ხმა ისრაელის სამხრეთ და ცენტრალურ რეგიონებში ერთ საათზე მეტი ხნის განმავლობაში ისმოდა.
    ისრაელის მიმართულებით განხორციელებულ შეტევებზე პასუხისმგებლობა „ჰამასმა“ აიღო და დაჯგუფებამ განაცხადა, რომ მათ ისრაელის წინააღმდეგ ახალი სამხედრო ოპერაცია, სახელწოდებით „ალ-აქსას ქარიშხალი“ დაიწყეს.
    ისრაელის სასწრაფო დახმარების სამსახურის ცნობით, ღაზას სექტორიდან გასროლილი რაკეტის აფეთქების შედეგად ერთი ადამიანი დაიღუპა.

    იპნ
  24. tvati
    ისრაელი ამ ომში გაიმარჯვებს, - ამის შესახებ ისრაელის თავდაცვის მინისტრი იოავ გალანტი აცხადბს, რომლის კომენტარსაც ისრაელის თავდაცვის სამინისტრო აქვეყნებს.
    ისრაელის თავდაცვის მინისტრმა იოავ გალანტმა განაცხადა, რომ ჰამასის ტერორისტულმა დაჯგუფებამ ისრაელზე მოულოდნელი სარაკეტო თავდასხმით და ღაზას სექტორის საზღვართან მდებარე ქალაქებში შეჭრით „მძიმე შეცდომა“ დაუშვა.
    „დღეს დილით ჰამასმა სერიოზული შეცდომა დაუშვა და დაიწყო ომი ისრაელის წინააღმდეგ. ისრაელი ამ ომში გაიმარჯვებს!“ - ნათქვამია გალანტის განცხადებაში.

    იპნ
  25. tvati
    "28 წლის კაცმა 14 წლის ცოლი კი არ მოკლა, 28 წლის კაცმა ჯერ თავისუფლება უკანონოდ აღუკვეთა 14 წლის ბავშვს და შემდეგ გააუპატიურა - ესაა სწორი ფორმულირება. ამ ტრაგედიაზე პასუხისმგებელია ყველა, ვინც საქმე აქამდე მიიყვანა და ადრეულ ეტაპზე არ აღკვეთა - განათლების და ჯანდაცვის სამინისტროები, შსს, პროკურატურა, მშობლები, ნათესავები, მეგობრები, მეზობლები, სახელმწიფო, საზოგადოება."

    ნათია მეზვრიშვილი, პარტია "საქართველოსთვის" თავმჯდომარის მოადგილე. 

     
×
×
  • შექმენი...