Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    სასამართლომ 2000 ლარით დააჯარიმა მოძრაობა „რიონის ხეობის გადასარჩენად“ წევრი ნუგზარ გოდოლაძე და „მაისის სტუდენტური მოძრაობის“ წევრი საბა ქერქაძე.
    როგორც გოდოლაძის ადვოკატმა, მარიამ მაღრაძემ „ნეტგაზეთს“ უთხრა, ისინი დამნაშავედ ცნეს ადმინისტრაციული კოდექსის 173-ე მუხლის დარღვევაში (პოლიციისადმი დაუმორჩილებლობა, კარვის გაშლისა და გზის სავალი ნაწილის გადაკეტვის სახით), თუმცა არა წვრილმან ხულიგნობაში. იგივე გადაწყვეტილება გამოიტანეს საბა ქერქაძის შემთხვევაშიც.
    მოძრაობა „რიონის ხეობის გადასარჩენად“ ერთ-ერთი ლიდერის, ვარლამ გოლეთიანის თქმით კი, მოძრაობა „ხმის“ წევრი გიორგი ხასაია, სასამართლომ ორივე ბრალდებაში გაამართლა.
    ადვოკატის ცნობით, იგეგმება ზემო ინსტანციაში სასამართლოს ამ გადაწყვეტილების გასაჩივრება.
    11 დეკემბერს, მოსამართლე მერი გულუაშვილმა რაჭის ტყეების პროტესტის მონაწილეების საქმეებთან დაკავშირებით გადაწყვეტილების გამოტანა 15 დეკემბრისთვის გადადო.
    გარემოს დაცვისა და სოფლის სამინისტროს ეზოში შესასვლელთან პოლიციის წარმომადგენლებთან 18 ნოემბერს მომხდარი შეხლა-შემოხლის დროს დაკავებული 11 აქტივისტიდან რვა მათგანის საქმეები მოსამართლე დავით წერეთელმა 29 ნოემბერს განიხილა. 6 დაკავებული მაშინ სრულად გამართლდა, 2-ს კი მხოლოდ სიტყვიერი გაფრთხილება მიეცა.
    შსს-ს წარმომადგენლის თქმით, მაშინ მოსამართლე შეცდომაში იქნა შეყვანილი. ამ განცხადებას თავის სიტყვაში გამოეხმაურა ახალგაზრდა იურისტთა ასოციაციის წარმომადგენელი ნინო ხუციშვილი, რომელიც პროცესზე გიორგი ხასაიასა და საბა ქერქაძის ინტერესებს იცავდა, – “ესე იგი, მოსამართლის კომპეტენტურობასთანაც აქვთ შსს-ს წარმომადგენლებს პრეტენზიები”.
    რაჭის ტყეების სხვა აქტივისტების პროცესის მსგავსად, რამდენიმე საათს გაგრძელდა გოდოლაძის, ხასაიასა და ქერქაძის საქმეების განხილვა. პროტესტის მონაწილეები თვლიან, რომ მოსამართლე გულუაშვილის მხრიდან გადაწყვეტილების გამოცხადების გადადება შესაძლოა იმას მიანიშნებდეს, რომ ამ სამ აქტივისტთან დაკავშირებით სხვა გეგმები არსებობს.
    ბრალდების მხარემ, შსს-ს წარმომადგენლებმა, იდენტური ბრალდებები წარმოადგინეს სამი აქტივისტის მიმართ, რაც დანარჩენი 8 აქტივისტის მიმართ ჰქონდათ: ადმინისტრაციულ სამართალდარღვევათა კოდექსის 166-ე (წვრილმანი ხულიგნობა, ლანძღვა გინების სახით) და 173-ე (პოლიციისადმი დაუმორჩილებლობა, კარვის გაშლისა და გზის სავალი ნაწილის გადაკეტვის სახით) მუხლების დარღვევა.

    ნეტგაზეთი
  2. tvati
    ოზურგეთის მუნიციპალიტეტის სოფელ მერიაში ძაღლმა ორი ბავშვი დაკბინა. შემთხვევის დროს, ბავშვები დედასთან ერთად იმყოფებოდნენ.
    ერთ-ერთი, 2 წლის ბავშვის მდგომარეობა მძიმეა, ის მ. იაშვილის სახელობის კლინიკაშია მოთავსებული.
    ადგილობრივების ინფორმაციით, გუშინ ძაღლი თავდაპირველად თავს დაესხა უფროს, 6 წლის ძმას. იმ დროს კი, როცა დედა მეზობელთან ერთად ცდილობდა დაკბენილი ბავშვის მანქანაში ჩასმას და კლინიკაში გადაყვანას, ძაღლი მეორე, ორი წლის ბავშვს დაესხა და სერიოზული დაზიანებები მიაყენა.
    როგორც ადგილობრივები ჰყვებიან, ძაღლი სოფელში რამდენიმე დღის წინ შეამჩნიეს. მათივე თქმით, მიუსაფარი ცხოველების პრობლემა მთელ მუნიციპალიტეტში არის და შესაბამის სამსახურს მოუწოდებენ, აღნიშნული პრობლემა მოაგვარონ.
    „ორი ბავშვი დაკბინა. დაკბინა კი არა, ერთს თავის ქალა შეჭმული აქვს. ვართ უფალზე მინდობილი, არავის იმედი არ გვაქვს. მთელი სოფელი ფეხზე ვიდექით. ერთს უფროსს ფეხზე აქვს ნაკბენი. პატარა თბილისშია გადაყვანილი. ოპერაცია უნდა გაუკეთდეს, თუმცა ბავშვი კონტაქტურია. მძიმე დაზიანება აქვს. მაწანწალა ძაღლების პრობლემა დიდი ხანია არსებობს და ყურადღება უნდა მიექცეს ამ საკითხს. ქუჩაში ვერ გამოვდივართ ძაღლების შიშით“, - ადგილობრივმა განაცხადა ირინე მარგალიტაძემ.
    ოზურგეთის მერიის შესაბამისმა სამსახურმა ძაღლი, რომელმაც ორი ბავშვი დაკბინა დროებით თავშესაფარში გადაიყვანა.

    ipn
  3. tvati
    გერმანიის ფედერალურმა საბჭომ საქართველო და მოლდოვა უსაფრთხო ქვეყნებად აღიარა.
    გერმანიის ფედერალური საბჭოს (ბუნდესრატის) გადაწყვეტილებით, საქართველო და მოლდოვა თავშესაფრის შესახებ კანონების მხრივ წარმომავლობის უსაფრთხო ქვეყნებად ჩაითვლებიან.
    გადაწყვეტილება ნიშნავს, რომ თავშესაფრის შესახებ საქართველოსა და მოლდოვის მოქალაქეების განცხადებები უფრო სწრაფად განიხილება და, ძირითად შემთხვევებში, შესაძლოა იქნას უარყოფილი.
    გერმანიის მთავრობის ცნობებით, 2023 წლის პირველ ნახევარში საქართველოდან და მოლდოვიდან თავშესაფრის მაძიებელთა აღიარების დონე დაახლოებით 0.1%-ს შეადგენდა. ამჟამად კი, გერმანიაში თავშესაფრის შესახებ უარყოფილი განცხადებების 15% საქართველოსა და მოლდოვის მოქალაქეებზე მოდის.
    ფედერალური საბჭოს ინფორმაციით, აღნიშნული გადაწყვეტილება საფუძველს ქმნის იმისთვის, “რომ ახლა მიგრაციის შესახებ შეთანხმებები გამოვიყენოთ ორივე ქვეყანასთან ისედაც კარგი თანამშრომლობის ახალ დონემდე გასაზრდელად და უკანონო მიგრაციის მნიშვნელოვნად შესამცირებლად”.

    ipn
  4. tvati
    აშშ-ის სენატის საგარეო ურთიერთობების კომიტეტის თავმჯდომარემ, ბენ კარდინმა, უკრაინას, მოლდოვასა და საქართველოს ევროპული საბჭოს მიერ მიღებული გადაწყვეტილება მიულოცა.
    „ვულოცავ უკრაინას, მოლდოვასა და საქართველოს! ჩვენ მივესალმებით ამ წინსვლას და მოუთმენლად ველით იმ რეფორმების მხარდაჭერას, რომლებსაც თქვენი მოქალაქეები ითხოვენ. ეს პროგრესი იმის ნიშანია, თუ რა გელით მომავალში, როცა ტრანსატლანტიკურ საზოგადოებაში თქვენს კანონიერ ადგილს დაიკავებთ“, - წერს ბენ კარდინი სოციალურ ქსელ X-ზე (ყოფილი „ტვიტერი“).
    შეგახსენებთ, რომ 14 დეკემბერს, ევროპულმა საბჭომ საქართველოს კანდიდატის სტატუსი მიანიჭა. უკრაინასა და მოლდოვასთან კი გაწევრიანების შესახებ მოლაპარაკებების დაწყებას დაუჭირა მხარი.

    ipn
  5. tvati
    "დიახ, ჩვენ აუცილებლად გავხდებით ევროპული ოჯახის სრულფასოვანი წევრი! გვსურს, მივულოცოთ ჩვენს ქვეყანას, ჩვენს ხალხს, წინგადადგმული უმნიშვნელოვანესი ნაბიჯი ევროკავშირისკენ! და, რა თქმა უნდა, ყველამ ერთად უნდა ვიზეიმოთ ეს მიღწევა! პირველ რიგში, ეს მიღწევა ქართველი ხალხის გამარჯვება და დამსახურებაა! იმ ხალხის, რომელმაც თავისუფლებისთვის უმძიმესი ფასი, მათ შორის, ომით და სისხლით, არაერთხელ გადაიხადა. იმ ხალხის, რომლისთვისაც ევროპული არჩევანი ასეთი ურყევი და მტკიცეა და ბოლო 30 წლის განმავლობაში, თანმიმდევრულად უმტკიცებს მსოფლიოს, რომ ის ევროპელია! რა თქმა უნდა, არ უნდა დაგვავიწყდეს ჩვენი მეგობრები, საქართველოს მრავალი წლის პარტნიორები, რომელთაც ძალიან კარგად ესმით, რომ შექმნილ რთულ გეოპოლიტიკურ ვითარებაში საქართველოს რაიმე ფორმით გარიყვა, მხოლოდ რუსეთის ინტერესშია და ჩვენს ქვეყანას ათეულობით წლებს დააკარგვინებს. ამიტომ, მადლობა უნდა ვუთხრათ საქართველოს პარტნიორებს ევროკავშირსა და ამერიკაში! ჩვენ არ უნდა დაგვავიწყდეს, რომ წლების წინ, სწორედ „ქართული ოცნების“ ინიციატივით შეიქმნა საქართველოს, უკრაინასა და მოლდოვას ე. წ. ასოცირებული ტრიო. ეს იყო სწორი და საამაყო გადაწყვეტილება საქართველოს ინტერესებში. ვამაყობთ, რომ წლების განმავლობაში ვიყავით იმ წარმატების ნაწილი, რასაც ასოცირებულ ტრიოში საქართველოს უპირობო ლიდერობა ერქვა! საქართველო ასოცირებული ტრიოს ქვეყნებს ძალიან ბევრ საკითხში ახლაც ვუსწრებთ, მაგრამ, სამწუხაროდ, ბოლო პერიოდის ევროკავშირთან შეუთავსებელმა პოლიტიკამ, ტრიოში ლიდერის სტატუსი დაგვაკარგინა. თუმცა, ეს ყველაფერი გამოსწორებადია. ახლა მიზანი უნდა იყოს, რაც შეიძლება სწრაფად დავიბრუნოთ ლიდერის სტატუსი ტრიოში, რომ რაც შეიძლება სწრაფად დავიწყოთ ევროკავშირში გაწევრიანებაზე მოლაპარაკებები! არ შეიძლება, განსაკუთრებულად არ გამოვყოთ კეთილსინდისიერი საჯარო მოხელეები, რომელთაც უდიდესი შრომა აქვთ გაწეული ჩვენი ქვეყნის ევროინტეგრაციისთვის. ჩვენ კარგად ვიცნობთ საჯარო სამსახურს და ძალიან კარგად ვიცით, ხშირად რამდენად მძიმე და დაუფასებელი შრომაა! კეთილსინდისიერი საჯარო მოხელეები ძალიან ბევრი წელია საქართველოს ევროპული მომავლისთვის შრომობენ. მადლობა გვინდა ვუთხრათ მათ! ახლა მთავარი წინ გვაქვს. კანდიდატის სტატუსი მხოლოდ პირველი ნაბიჯია. ახლა ყველამ ყველაფერი უნდა გავაკეთოთ იმისთვის, რომ რაც შეიძლება სწრაფად დავიბრუნოთ ლიდერის სტატუსი, რათა რაც შეიძლება სწრაფად გავხდეთ ევროკავშირის ნაწილი! დიახ, ჩვენ აუცილებლად გავხდებით ევროპული ოჯახის სრულფასოვანი წევრი. პოლიტიკურმა სუბიექტებმა კი თავად უნდა აირჩიონ საკუთარი როლი - გახდებიან თუ არა ამ დიდი მიზნის თანაზიარი."

    პარტია "საქართველოსთვის"
  6. tvati
    ქართველი ხალხისადმი ჩემი მესიჯია: მოდით სწრაფად ვიმუშაოთ, ყველამ ერთად, გადადგით საჭირო ნაბიჯები და გაატარეთ საჭირო რეფორმები. ამის შესახებ ევროპული საბჭოს პრეზიდენტმა შარლ მიშელმა პრესკონფერენციაზე განაცხადა.
    შარლ მიშელის თქმით, საქართველოსთვის კანდიდატის სტატუსის მინიჭების გადაწყვეტილება მისთვის ერთ-ერთ ყველაზე ემოციურ მომენტად დარჩება.
    “გუშინ ღამე, მას შემდეგ რაც გადაწყვეტილება მივიღეთ, ძალიან მალე სატელეფონო საუბრები გავმართე პრეზიდენტ ზელენსკისთან, პრეზიდენტ სანდუსთან, პრეზიდენტ ზურაბიშვილთან და პრემიერ-მინისტრ ღარიბაშვილთან.
    პირადად ჩემთვის ეს, სავარაუდოდ, ერთ-ერთ ყველაზე ემოციურ მომენტად დარჩება, ვინაიდან, იმ მომენტში მაგიდასთან ჩემს კოლეგებს ვეუბნებოდი, რომ ეს გავაკეთეთ, გადავდგით ეს ნაბიჯი, პერსპექტივას ვხსნით, რაც ფუნდამენტური რამეა, ვინაიდან, ეს ევროკავშირის სახეს მომავალ წლებში, მომავალ ათწლეულებში შეცვლის, მაგრამ ეს ასევე, ამ ქვეყნებსაც შეცვლის. ამიტომ [ქართველი ხალხისადმი] პირველი მესიჯია - გილოცავთ, გვიხარია, რომ ეს გადაწყვეტილება მივიღეთ... და მეორე მესიჯი: მოდით, სწრაფად ვიმუშაოთ, ყველამ ერთად, გადადგით საჭირო ნაბიჯები და გაატარეთ საჭირო რეფორმები”, - განაცხადა მიშელმა.

    ipn
  7. tvati
    გილოცავთ, გააგრძელეთ კარგი მუშაობა, - ამის შესახებ ევროკომისიის პრეზიდენტმა, ურსულა ფონ დერ ლაიენმა ბრიუსელში გამართულ პრესკონფერენციაზე განაცხადა, როდესაც მან უპასუხა შეკითხვას, რა გზავნილი აქვს საქართველოსთან და რას ურჩევდა ქვეყანას, რომელმაც კანდიდატი ქვეყნის სტატუსი მიიღო.
    „თქვენ ხართ ევროპა, ჩვენ გვსურს, ევროკავშირს შემოუერთდეთ და მოდით, ერთად ვიმუშავოთ“, - აღნიშნა ევროკომისიის პრეზიდენტმა.
    ცნობისთვის, ევროპულმა საბჭომ საქართველოს კანდიდატის სტატუსი გუშინ მიანიჭა.

    ipn
  8. tvati
    საქართველოს პრეზიდენტმა სალომე ზურაბიშვილმა თავისუფლების მოედანი, სადაც სახალხო ზეიმი მიმდინარეობს, დატოვა.
    სალომე ზურაბიშვილს ხელისუფლების წარმომადგენლების მხრიდან სცენაზე ასვლისა და ხალხისთვის მიმართვის შესაძლებლობა არ მიეცა. შეკრებილებს მხოლოდ „ქართული ოცნების“ ლიდერებმა და ევროკავშირის ელჩმა საქართველოში პაველ ჰერჩინსკიმ მიმართეს.
    პრეზიდენტის თქმით, მას იმ სიხარულს, რაც ახლა აქვს, ვერაფერი შეუცვლის.
    „მე ვიტყოდი ერთ რამეს, მადლობები არ მჭირდება, მადლობა არის ხალხის განწყობა, ხალხის მიზანმიმართულება და ერთად ყოფნა, ეს იქნება ჩვენთვის, ყველასთვის ბევრად მეტი, ვიდრე ერთმანეთში გაცვლილი მადლობები.....არც მწყინს, არც მიხარია....მე მიხარია, ის, რაც აქ, ხალხში ხდება. ამ მხიარულს ვერავინ შემიცვლის ვერაფრით, ამიტომ ყველას კიდევ ერთხელ, გილოცავთ“, - განაცხადა ზურაბიშვილმა.

    ipn
  9. tvati
    რადიო თავისუფლების ინფორმაციით, საზოგადოებრივი მაუწყებელი რამდენიმე გადაცემას ხურავს. ამის შესახებ არხის თანამშრომლების ნაწილი უკვე ფლობს ინფორმაციას.
    მომავალი წლიდან არხის ეთერში აღარ გავა "გორგილაძის აუტანელი სიმსუბუქე". წყაროსგან მიღებული ინფორმაცია რადიო თავისუფლებას დაუდასტურა თავად გადაცემის წამყვანმაც.
    "მომდევნო წლიდან "გორგილაძის აუტანელი სიმსუბუქე" საქართველოს პირველი არხის ეთერში აღარ გავა. ამას გიდასტურებთ. არხის ხელმძღვანელობისგან მოყვანილი მიზეზი ფინანსური რესტრუქტურიზაციაა. პირადი შეფასებებისგან, ამ ეტაპზე, თავს შევიკავებ", - ეუბნება რადიო თავისუფლებას გორგილაძე.
    "გორგილაძის აუტანელი სიმსუბუქის" ბოლო გადაცემა საზოგადოებრივ მაუწყებელზე 29 დეკემბერს გავა. დავით გორგილაძე მაუწყებლის თანამშრომელი აღარ იქნება - მისი თქმით, მაუწყებლს თანამშრომლობის გაგრძელება არ შეუთავაზებია.
    საზოგადოებრივი მაუწყებლის დირექტორმა თინათინ ბერძენიშვილმა, სამეურვეო საბჭოს თავმჯდომარე ვასილ მაღლაფერიძემ და მედიასთან ურთიერთობის სამსახურის თანამშრომელმა რადიო თავისუფლების სატელეფონო ზარებს არ უპასუხა. დაკავშირება მოხერხდა საზოგადოებრივი მაუწყებლის მედიის დირექტორთან, რუსუდან მანჯგალაძესთან, რომელმაც არც დაადასტურა და არც უარყო, რომ არხზე გადაცემები იხურება.
    ასევე ნახეთ დასაქმებულები გამრავლებული 64-ზე - როგორ დაითვლება საზმაუს ბიუჯეტი
    "თქვენ ხომ იმაზე ადრე არ გეტყვით, ვიდრე თვითონ გადაცემას უნდა ვუთხრათ ან ვიდრე ერთმანეთში გავისაუბრებთ. როდესაც ეს გადაწყვეტილება იქნება ან არ იქნება შემდგომ აუცილებლად გაგაგებინებთ", - ამბობს დირექტორთა საბჭოს წევრი, რუსუდან მანჯგალაძე.
    საზოგადოებრივი მაუწყებლის ბიუჯეტი ბოლო წლების განმავლობაში მუდმივად მზარდია. გასულ წელს 82 მილიონ ლარზე მეტი იყო, წელს კი 101 მილიონი ლარი. დაფინანსების 15 პროცენტი აჭარის ტელევიზიას ეკუთვნის.

    radio tavisupleba
  10. tvati
    პარლამენტმა ავტომობილების ზამთრის საბურავებით აღჭურვის ვალდებულებასთან დაკავშირებით შსს-ის ინიციატივა დაამტკიცა.
    მესამე მოსმენით მიიღეს საკანონმდებლო პაკეტი, რომლის თანახმად, 1-ელი დეკემბრიდან 1-ელ მარტამდე პერიოდში, მთავრობის მიერ განსაზღვრულ ზონებსა და გზის მონაკვეთებზე გადაადგილებისას სატრანსპორტო საშუალების ზამთრის საბურავებით აღჭურვა სავალდებულო იქნება.
    ამასთან, განსაკუთრებულ შემთხვევაში, მეტეოროლოგიური პირობების გათვალისწინებით, შესაძლოა ზემოაღნიშნული პერიოდისგან განსხვავებული დროის მონაკვეთი დადგინდეს ან დამატებითი მოთხოვნა დაწესდეს, სატრანსპორტო საშუალების ზამთრის საბურავებთან ერთად მოცურების საწინააღმდეგო ჯაჭვებით აღჭურვის შესახებ.
    აღნიშნულ მოთხოვნათა დარღვევის შემთხვევაში, პირს ადმინისტრაციული პასუხისმგებლობა დაეკისრება - სანქციად წესდება ჯარიმა 100 ლარის ოდენობით და მართვის მოწმობაზე მინიჭებული ქულების 5 ქულით შემცირება.
    ზამთრის საბურავების ტექნიკური მახასიათებლები მთავრობის დადგენილებით განისაზღვრება.

    იპნ
  11. tvati
    ვულოცავ საქართველოს კანდიდატის სტატუსს, რადგან თქვენ დაიმსახურეთ ეს. ვიცი, როგორი იყო რეაქცია და თვალს ვადევნებდი, რა ხდებოდა თბილისის ქუჩებში. ნამდვილად კარგი გრძნობაა და ნება მიბოძეთ, გულით ვიზეიმო, - ამის შესახებ ლიეტუვის პრეზიდენტმა, გიტანას ნაუსედამ ბრიუსელში ჟურნალისტებს განუცხადა, სადაც მეორე დღეა ევროპული საბჭოს სამიტი მიმდინარეობს.
    „საოცარი პოლიტიკური პროცესი მიმდინარეობს, გუშინ ჩვენ ვსაუბრობდით უკრაინასთან, მოლდოვასთან და საქართველოსთან დაკავშირებულ დაბრკოლებებზე და დღეს ჩვენ ვზეიმობთ და მე ნამდვილად ვამაყობ, რომ ვარ ევროპელი. აუცილებელი იყო ამ პოლიტიკური სიგნალის ჩვენი მეგობრებისთვის გაგზავნა, განსაკუთრებით უკრაინისთვის, რადგან ქვეყანაში ომი მიმდინარეობს. მქონდა საშუალება კომუნიკაცია მქონოდა პრეზიდენტ ზელენსკისთან, დავურეკე მას და ვუთხარი: თქვენ დაიმსახურეთ ეს გადაწყვეტილება, ბევრი ძალისხმევა გაწიეთ საჭირო რეფორმების გასატარებლად და თქვენ ამისთვის დაჯილდოვდით“, - აღნიშნა ლიეტუვის პრეზიდენტმა.
    მისი თქმით, ევროკავშირში გაწევრიანება ხანგრძლივი პროცესია, თუმცა პირველი ნაბიჯის გადადგმა ძალიან მნიშვნელოვანია.
    „რა თქმა უნდა, ეს ძალიან გრძელი პროცესის მხოლოდ პირველი გვერდია, მაგრამ წიგნის კითხვისას პირველი გვერდის გადაშლაა საჭირო, თუკი გსურთ, შემდგომი გვერდებიც წაიკითხოთ“, - აღნიშნა ლიეტუვის პრეზიდენტმა.

    იპნ
  12. tvati
    მოლდოვის პრეზიდენტმა, მაია სანდუმ საქართველოს ევროკავშირის წევრობის კანდიდატის სტატუსი, უკრაინას კი – წევრობაზე მოლაპარაკებების დაწყება მიულოცა.
    ევროპული საბჭოს 14 დეკემბრის გადაწყვეტილებით, საქართველოს ენიჭება ევროკავშირის წევრობის კანდიდატის სტატუსი. საბჭოსვე გადაწყვეტილებით, დაიწყება მოლაპარაკებები უკრაინასა და მოლდოვასთან ევროკავშირში მათი გაწევრების შესახებ. ამ ორ ქვეყანას კანდიდატის სტატუსი 2022 წელს მიენიჭა.

    პუბლიკა
  13. tvati
    „ვულოცავ ქართველ ხალხს, საქართველო ჩვენს საერთო ევროპულ სახლს ეკუთვნის”, – უკრაინის პრეზიდენტი ვოლოდიმირ ზელენსკი ქართველ ხალხსა და სალომე ზურაბიშვილს კანდიდატის სტატუსის მიღებას ულოცავს.
    ევროპული საბჭოს 14 დეკემბრის გადაწყვეტილებით, საქართველოს ენიჭება ევროკავშირის წევრობის კანდიდატის სტატუსი. საბჭოსვე გადაწყვეტილებით, დაიწყება მოლაპარაკებები უკრაინასა და მოლდოვასთან ევროკავშირში მათი გაწევრების შესახებ. ამ ორ ქვეყანას კანდიდატის სტატუსი 2022 წელს მიენიჭა.

    პუბლიკა
  14. tvati
    ვულოცავ ყველა ქართველს: გილოცავთ! დღეს მართლაც ისტორიული დღეა. შეერთებული შტატები ენთუზიაზმით ზეიმობს საქართველოს მიღწევას, მიეღო ევროკავშირის კანდიდატის სტატუსი, - ამის შესახებ საქართველოში აშშ-ის ელჩი, რობინ დანიგანი სოციალურ ქსელში გავრცელებულ მიმართვაში აცხადებს.
    მისი თქმით, შეერთებული შტატები ევროკავშირში გაწევრიანებისკენ მიმავალ გზაზე საქართველოს მხარდაჭერას განაგრძობს.
    „ჩვენ ასევე მივესალმებით ევროპული ქვეყნების ოჯახის გაფართოებისადმი ევროკავშირისა და მისი წევრი სახელმწიფოების ერთგულებას. შეერთებული შტატები თქვენთან ერთად ზეიმობს, რომ ხართ ქართველები და მაშასადამე - ევროპელები. ვამაყობთ, რომ მხარს ვუჭერთ საქართველოს ამ გზაზე და ასე გავაგრძელებთ“, - აცხადებს ამერიკელი დიპლომატი.
  15. tvati
    უნგრეთის პრემიერ-მინისტრმა, ვიქტორ ორბანმა ევროკავშირს არ მისცა საშუალება, მიეღო საბიუჯეტო გადაწყვეტილება, რომელიც უკრაინისთვის დახმარების საშუალოვადიან პროგრამას მოიცავს, - ინფორმაცია ევროპული საბჭოს პრეზიდენტმა, შარლ მიშელმა ჟურნალისტებთან საუბარში, ევროკავშირის ლიდერების შეხვედრის შემდეგ დაადასტურა.
    მისი განმარტებით, განხილვის თემა მხოლოდ უკრაინის დაფინანსება არ ყოფილა და ევროკავშირის ლიდერებს შესთავაზეს „მეგაპაკეტის“ მიღება, რომელიც მოიცავდა დაფინანსებას უკრაინის მხარდასაჭერად, მიგრაციის პროგრამების ხარჯებს და ევროკავშირის სოლიდარობის ფონდისა და თავდაცვის დაფინანსებას.
    „ამ გადაწყვეტილებას მხოლოდ ერთი სახელმწიფო ვერ დათანხმდა. ამ „მეგაპაკეტს“ დათანხმდა დანარჩენი 26 ლიდერი, მათ შორის შვედეთიც, რომლის პრემიერ-მინისტრმა, შიდა პროცედურების შესაბამისად, ეს გადაწყვეტილება პარლამენტთან უნდა განიხილოს“, - განაცხადა მიშელმა.
    კითხვაზე, იყო თუ არა ვიქტორ ორბანი ევროკავშირის 27-ე ლიდერი, რომელიც არ დაეთანხმა „მეგაპაკეტის“ მიღებას, შარლ მიშელმა უპასუხა: „ვფიქრობ, თქვენ ძალიან ინფორმირებული ხართ, როგორი იყო ჩვენი დებატების ხასიათი“.
    ამასთან, მიშელმა ხაზგასმით აღნიშნა, „მეგაპაკეტი“ არ იქნა უარყოფილი, არამედ მისი მიღება გადაიდო და რომ ლიდერები შეთანხმდნენ საგანგებო სამიტზე, რომელიც ამ საკითხს დაეთმობა.
    „ამ საკითხს მომავალი წლის დასაწყისშივე დავუბრუნდებით და ვეცდებით ერთსულოვნებას მივაღწიოთ, რომ ამ მეგაპაკეტის განხორციელება შესაძლებელი გახდეს“, - განაცხადა ევროპული საბჭოს პრეზიდენტმა.

    იპნ
  16. tvati
    თბილისის საკრებულოს სხდომაზე, სადაც 2024 წლის ბიუჯეტს განიხილავენ, სიტყვიერი დაპირისპირება მოხდა.
    უფრო კონკრეტულად, შელაპარაკება მოჰყვა საკრებულოს ფრაქცია „ერთიანი ნაციონალური მოძრაობის" თავმჯდომარის ირაკლი ნადირაძის გამოსვლას, რა დროსაც მან თბილისში არსებულ საცობებზე ისაუბრა და დედაქალაქის მერს ჰკითხა, როგორ შეიძლება მოგვარდეს ეს პრობლემა.
    მას გამოსვლა საკრებულოს თავმჯდომარე გიორგი ტყემალაძემ ორჯერ შეაწყვეტინა და მიუთითა, რომ შეფასების გაკეთების ნაცვლად, მხოლოდ კითხვა დასვას, რის შემდეგაც ნადირაძემ სხდომათა დარბაზი დატოვა.
    „ყველას გილოცავთ კანდიდატის სტატუსს, მადლობა, უპირველესად, ჩვენს მოქალაქეებს, რომ ბოლომდე დაიცვეს ჩვენი ევროპული მომავალი, მადლობა ევროპელ პარტნიორებს, რომ კანდიდატის სტატუსი თავისთვის არ დაიტოვეს, ბატონო კახი [კალაძე] და ჩვენ მოგვცეს.
    რაც შეეხება კითხვას, ბატონო კახი, კანდიდატის სტატუსი მივიღეთ, ეს მხოლოდ დასაწყისია და წინ კიდევ უფრო სწრაფად უნდა წავიდეთ დასავლეთისკენ, კიდევ უფრო სწრაფად უნდა წავიდეთ ევროპისკენ. მოქალაქეებს უნდათ, რომ სწრაფად წავიდნენ, მაგრამ ქალაქის გასასვლელში საცობში იჭედებიან. ეს ნახევრად ხუმრობით, მაგრამ ჩვენს მოქალაქეებს არ ეცინებათ, როდესაც საათობით დგანან კახი კალაძის საცობებში. მაინტერესებს, როგორ მოახერხეთ, უკვე მეორე ვადით ხართ თბილისის მერი, 2 მლრდ-ია დახარჯული საგზაო ინფრასტრუქტურის მოწესრიგებისთვის და მდგომარეობა წლიდან წლამდე გაუმჯობესების ნაცვლად კიდევ უფრო მძიმდება?“,- განაცხადა ნადირაძემ, რის შემდეგაც სხდომის თავმჯდომარემ მას საუბარი შეაწყვეტინა და უთხრა, რომ შეფასების გაკეთების შესაძლებლობა მოგვიანებით ექნებოდა და ჯერ კითხვა უნდა დაესვა.
    აღნიშნულის შემდეგ ნადირაძემ კითხვის დასმა განაგრძო და თქვა, რომ მთავრობის წარმომადგენლებს საცობებზე საუბარი არ მოსწონთ.
    „საცობების პრობლემას ვერ უმკლავდებით და უბრალოდ თავი დავანებოთ? რადგან გამოსავალი ვერც თქვენი ანგარიშიდან და ვერც მომავალი წლის ბიუჯეტიდან ვერ დავინახეთ. შეთავაზებაა, რომ გადავსხდეთ საზოგადოებრივ ტრანსპორტში - ავტობუსში ახვალ, ჭ####ტაა; მეტროში ჭ####ტაა; მიკროავტობუსშიც ჭ####ტაა, თუ საერთოდ ახვედი. რა ეშველება საზოგადოებრივ ტრანსპორტს?“,- განაცხადა ირაკლი ნადირაძემ, რა დროსაც მას გიორგი ტყემალაძემ მიკროფონი გაუთიშა, რის შემდეგაც ნადირაძემ დარბაზი დატოვა.

    იპნ
  17. tvati
    საქართველომ უნდა შეასრულოს საშინაო დავალება, ძალიან გახარებული ვარ, რომ შევძელით საქართველოსთვის კანდიდატის სტატუსის მინიჭება, - ამის შესახებ ესტონეთის პრემიერ-მინისტრმა, კაია კალასმა ბრიუსელში ჟურნალისტებს განუცხადა, სადაც მეორე დღეა ევროპული საბჭოს სამიტი მიმდინარეობს.
    „ჩვენ საკუთარი ისტორიიდან ვიცით, რომ წინსვლისთვის საჭიროა დიდი პოლიტიკური ნება და ბევრი რეფორმის განხორციელება, მაგრამ ვიცი, რომ ქართველმა ხალხმა ეს ევროპული გზა აირჩია“, - აღნიშნა ესტონეთის პრემიერმა.

    იპნ
  18. tvati
    "ჩვენ ვზეიმობთ საქართველოს მოსახლეობასთან ერთად, ჩვენ მივესალმებით ამ უნიკალურ და უმნიშვნელოვანეს მიღწევას, რომელშიც ყველა ჩვენგანმა მნიშვნელოვანი წვლილი შევიტანეთ, მათ შორის კეთილსინდისიერმა საჯარო მოხელეებმა, რომლებიც ბოლო 10 წლის განმავლობაში მთელი თავისი დღის წესრიგით აი ამ მიზანს ემსახურებოდნენ."


    ბექა ლილუაშვილი, პარტია "საქართველოსთვის" წევრი, დეპუტატი. 
    410111878_1514064509389269_322939257071884043_n.mp4
  19. tvati
    "ვულოცავ ყველა იმ ადამიანს, ვინც ამისთვის იბრძოდა და ვინც ამისთვის თავი გაწირა. აბსოლუტურად დარწმუნებული ვარ, რომ ევროკავშირი არის ის ადგილი და ის სამეგობრო, სადაც ჩვენი კულტურა, ჩვენი ისტორია, ჩვენი რელიგია, ყველაფერი იქნება დაცული და შენახული იმ სახით, როგორც ჩვენ გვიყვარს და მოგვწონს, ამიტომ ყველას გილოცავთ კიდევ ერთხელ."


    მიშა დაუშვილი, პარტია "საქართველოსთვის" წევრი, დეპუტატი. 
    410170389_341875318598130_8351098549998449192_n.mp4
  20. tvati
    გახარიას გუნდი ყველა საზეიმო ღონისძიებას შეუერთდება.

    მიშა დაუშვილი, პარტია "საქართველოსთვის" წევრი, დეპუტატი. 
    410128974_2074037556316307_2239051343875845492_n.mp4
  21. tvati
    გიორგი შარაშიძის დღევანდელი გამოსვლა თბილისის საკრებულოს სხდომაზე, სადაც თბილისის მერს, კახი კალაძეს უსმენდნენ.


    გიორგი შარაშიძე, პარტია "საქართველოსთვის" თბილისის საკრებულოს წევრი. 
    GAHsfBgsz1EMeG0CADp0RB7vl7J6bmdjAAAF.mp4
  22. tvati
    დღეს, რაც ბრიუსელში ხდებოდა, ეს არ მოხდებოდა, თუ არა უკრაინელი ხალხის ბრძოლა, თავდადება და 2-წლიანი უსასტიკესი ომი, - ამის შესახებ საქართველოს პრეზიდენტმა სალომე ზურაბიშვილმა საქართველოსთვის კანდიდატის სტატუსის მინიჭებასთან დაკავშირებით განაცხადა.
    როგორც სალომე ზურაბიშვილმა პრეზიდენტის ადმინისტრაციაში გამართულ ბრიფინგზე აღნიშნა, ამისთვის დიდი მადლიერება უნდა გამოვხატოთ საქართველოს მოქალაქეებმა, თუ ვიცით, რას ნიშნავს ქართველობა.
    „მინდა მადლობა ვუთხრა უკრაინის პრეზიდენტს, ვლადიმერ ზელენსკის. ამ წუთას ვესაუბრებოდი. ეს არის [კანდიდატის სტატუსის მინიჭების გადაწყვეტილება] მისი ხალხის ძალიან დიდი დამსახურება. ეს აჩქარებული პროცესი, რომელსაც სხვა მხრივ სრულიად ვიმსახურებთ, მაგრამ დღეს, რაც ბრიუსელში ხდებოდა, ეს არ მოხდებოდა, თუ არა უკრაინელი ხალხის ბრძოლა, თავდადება და 2-წლიანი უსასტიკესი ომი. ამისთვის დიდი მადლიერება უნდა გამოვხატოთ, ეს გვევალება, როგორც ქართველებს თუ ვიცით, რას ნიშნავს ქართველობა“,- განაცხადა პრეზიდენტმა.
    ზურაბიშვილმა ბრიფინგზე ევროკავშირის გადაწყვეტილება მიულოცა მოლდოვის პრეზიდენტს მაია სანდუს.
    პრეზიდენტის თქმით, თავისი ქვეყანა მიიყვანა იქ, სადაც არავის სჯეროდა, რომ მიიყვანდა.
    „ასევე მინდა მივულოცო მაია სანდუს. დღევანდელ დღეში უძლიერესი ქალი, რომელმაც ამ პერიოდში გაუძლო შეტევებს, უდიდეს სირთულეებს, მაგრამ შეძლო. თავისი ქვეყანა მიიყვანა იქ, სადაც არავის სჯეროდა, რომ მიიყვანდა და გაუძლებდა. და გაუძლო.
    ეს მაგალითები არის ჩვენი ქვეყნის მაგალითები. მთელ გავლილ ისტორიულ პერიოდში უკრაინა, მოლდოვა და საქართველო ვართ იმის მაგალითი თუ რას ნიშნავს თავისუფლებისთვის ბრძოლა. ევროპისთვის ბრძოლა და იმ ერთიანი ღირებულებებისთვის ბრძოლა. ეს არის ის, რასაც დღეს ვზეიმობთ“,- განაცხადა პრეზიდენტმა.

    იპნ
  23. tvati
    საფრანგეთის პრეზიდენტი ემანუელ მაკრონი საქართველოსთვოს კანდიდატის სტატუსის მინიჭებას ულოცავს.
    “ამ საღამოს უკრაინასთან და მოლდოვასთან გაწევრიანების შესახებ მოლაპარაკებების გახსნა და საქართველოსთვოს კანდიდატის სტატუსის მინიჭება გადავწყვიტეთ. გილოცავთ!”, - წერს მაკრონი “ტვიტერზე“.
    ევროპულმა საბჭომ საქართველოს კანდიდატის სტატუსი მიანიჭა. ამასთან, ევროპულმა საბჭომ მიიღო გადაწყვეტილება, უკრაინასა და მოლდოვასთან გაწევრიანების მოლაპარაკებების გახსნის შესახებ.

    იპნ
  24. tvati
    მინდა მივულოცო სრულიად საქართველოს, რადგან ვიცი, რომ დღეს ყველას უხარია, ვისაც სჯეროდა, არ სჯეროდა, ნაკლებად სჯეროდა, - ამის შესახებ პრეზიდენტმა სალომე ზურაბიშვილმა განაცხადა.
    როგორც მან აღნიშნა, დღეს ყველა გახარებულია, რადგან ყველამ იცის, რომ ევროკავშირი არის საქართველოს მომავალი და ქვეყანამ ამ მომავლისკენ სერიოზული ნაბიჯი გადადგა.
    „არ მინდოდა მოლოცვის დროს მარტო ვყოფილიყავი - ადმინისტრაციის ნაწილი, ვინც აქ იყო ამ საღამოს, ჩემთან არიან, რადგან ყველანი ერთად ვიყავით ამ დიდ მოლოდინში. მინდა მივულოცო სრულიად საქართველოს, რადგან ვიცი, რომ დღეს ყველას უხარია, ვისაც სჯეროდა, არ სჯეროდა, ნაკლებად სჯეროდა, მაგრამ დღეს ყველა გახარებულია, რადგან ყველამ იცის, რომ ეს არის ჩვენი მომავალი და ამ მომავლისკენ ჩვენ გადავდგით ძალიან სერიოზული ნაბიჯი.
    ამისთვის მინდა მადლობა ვუთხრა, დამირეკა უკვე და პირადად ვუთხარი მადლობა შარლ მიშელს, რომლის დიდი წვლილია დღევანდელ დღეს, რომ ეს ძალიან რთული ვითარება, რაც არსებობდა ევროკავშირში, გადაწყდა. არავინ იცოდა, როგორ გადაწყდებოდა და მათი დიპლომატიური ძალისხმევა იყო ძალიან სერიოზული და არამხოლოდ დღევანდელ დღეს, მთელ ამ პერიოდში გვყავდა მისი სახით დიდი მეგობარი და ამისთვის დიდი მადლობა ვუთხარი პირადად და საჯაროდ მინდა ვუთხრა“, - განაცხადა ზურაბიშვილმა.

    იპნ
  25. tvati
    საქართველოს პრეზიდენტი სალომე ზურაბიშვილი პრემიერის ინიციატივით ხვალ დაგეგმილ სახალხო ზეიმს შეუერთდება. ამის შესახებ პრეზიდენტმა ბრიფინგზე განაცხადა.
    „პრემიერმა გამოაცხადა, რომ ხვალ იქნება სახალხო ზეიმი. მე ვუერთდები ამ ზეიმს, თქვენც უნდა შემოუერთდეთ. ყველა ერთად უნდა ვიდგეთ ხვალ, რადგან ეს იქნება საქართველოს ზეიმი და მზად ვარ, ყველაფერში მივიღო მონაწილეობა. თუ ტრიბუნაზე მიმიწვევენ, კარგი, თუ არადა ხალხში ვიქნები. ერთად ვიზეიმებთ ხვალინდელ დღეს, რომელიც არაა უკანასკნელი დღე. ამით იწყება საქართველოს მომავალი, დიდებული მომავალი, ევროპული მომავალი და ამას გილოცავთ ყველას“,- განაცხადა სალომე ზურაბიშვილმა.
    საქართველოს პრემიერ-მინისტრი ირაკლი ღარიბაშვილი საზოგადოებას ხვალ, 15 დეკემბერს, თავისუფლების მოედანზე იწვევს, რათა ქვეყნისთვის კანდიდატის სტატუსის მინიჭების ისტორიული ფაქტი იზეიმონ.
    აღნიშნულის შესახებ ღარიბაშვილმა მთავრობის ადმინისტრაციაში გამართულ ბრიფინგზე განაცხადა.
    ევროპულმა საბჭომ საქართველოს კანდიდატის სტატუსი მიანიჭა.
    ამასთან, ევროპულმა საბჭომ მიიღო გადაწყვეტილება, უკრაინასა და მოლდოვასთან გაწევრიანების მოლაპარაკებების გახსნის შესახებ.

    იპნ
×
×
  • შექმენი...