tvati

რას აკეთებს გახარიას გუნდი ქალთა გაძლიერებისთვის. ვიდეო:

ლიბერთი აცხადებს, რომ 15 მარტიდან განახლდება პირობები იმ მომხმარებლებისთვის, რომლებიც სარგებლობენ 2023 წლის 1 იანვრამდე გაცემული პენსიით უზრუნველყოფილი სესხებით. კერძოდ, ლიბერთი ბანკის გადაწყვეტილებით, პენსიით უზრუნველყოფილ სესხებზე საპროცენტო განაკვეთი შეუმცირდება ყველა იმ პირს, ვისაც არ უსარგებლია 2023 წელს დაწესებული განახლებული პირობებით. შესაბამისად, ცვლილება შეეხება 2023 წლის 1 იანვრამდე გაცემულ საპენსიო სესხებსა და ოვერდრაფტებს. ამ ცვლილების შედეგად 150 000-მდე პენსიის მიმღებ პირს ავტომატურად დაუკორექტირდება სესხის მიმდინარე პირობები და საპროცენტო განაკვეთი გაუტოლდება განახლებული პირობებით გაცემული სესხების პროცენტს. დეტალები და სასარგებლო ინფორმაცია იხილეთ https://bit.ly/3TAQ4Pt ლიბერთი, აგრძელებს უფროსი ასაკის ადამიანებზე ზრუნვას და მათთვის გაუმჯობესებული მომსახურების შეთავაზებას, რასაც განსაკუთრებული პასუხისმგებლობით ასრულებს ლიბერთის გუნდის თითოეული წევრი. ლიბერთის მიზანია ჩამოყალიბდეს უნივერსალურ ფინანსურ ინსტიტუტად. ბოლო წლებში მიღებული ყველა სტრატეგიული გადაწყვეტილება მომხმარებელთა საჭიროებებზეა ორიენტირებული, რაც მომავალშიც გაგრძელდება და ბანკის მხრიდან არაერთი სასარგებლო სიახლე დაანონსდება. bpn.ge

ბენზინის თვითღირებულება 20 თეთრით უკვე გაიზარდა - ამის შესახებ „სენტა ოილის“ დამფუძნებელმა ზაალ იაკობიძემ რადიო „პალიტრისა“ და „პალიტრანიუსის“ გადაცემაში „საქმე“ ისაუბრა. მისი თქმით, საწვავის თვითღირებულების ზრდა, შემდეგ უკვე საცალო ქსელზე ისახება, შესაბამისად, თუ ყველა სხვა ფაქტორი უცვლელი დარჩა, ბენზინი 20 თეთრით გაძვირდება. შეგახსენებთ, რომ რუსეთის ფედერაციის გადაწყვეტილებით, 1-ლი მარტიდან საწვავის ექსპორტი 6 თვით აიკრძალა. „უმთავრესი ინდიკატორი, საბითუმო ბაზარზე არსებული სიტუაციის ცვლილებაში გამოიხატება ყველაზე უფრო სწრაფად და ადეკვატურად. პრინციპში ამ მატების შესახებ 2 კვირის წინ ვთქვით და ამის პროგნოზირება არ იყო რთული საქმე, იმიტომ, რომ ის საწვავი, რომელიც აქამდე რუსეთიდან შემოდიოდა, უფრო იაფი იყო, ვიდრე რაც ახლა უნდა შემოვიდეს. მისი თვითღირებულება 20 თეთრით არის განსხვავებული (გაზრდილი). თვითღირებულება შემდეგ ძალიან სწრაფად აისახება საბითუმო ბაზარზე. აქედან გამომდინარე, ყველა სხვა ფაქტორის გათვალისწინების გარეშე, მხედველობაში მაქვს ის, რომ თუ ყველა სხვა გარეშე ფაქტორი უცვლელი დარჩა, ამ მატებას (ბენზინის 20 თეთრით გაძვირებას) უნდა ველოდოთ“, - განაცხადა ზაალ იაკობიძემ. ავტორი: ნინი ქეთელაური

საქართველოსა და რუსეთს შორის შესაძლოა, საზღვაო ტაქსი ამოქმედდეს. ინფორმაციას რუსული მედია ავრცელებს. როგორც კრასნოდარის ტერიტორიის განვითარების ფონდის გენერალურმა დირექტორმა, ილია შაკალოვმა განაცხადა, სიახლე ძირითადად ტურისტებზე იქნება გათვლილი და მისი საშუალებით რუსები საქართველოს ოკუპირებულ ტერიტორიაზე, აფხაზეთში ჩასვლასაც შეძლებენ. მანამდე კი, საზღვაო ტაქსის გაშვება 2024 წლიდან სოჭსა და ნოვოროსიისკს შორის იგეგმება. შაკალოვის თქმით, წინასწარი საპროექტო დოკუმენტაცია მზად არის და ინვესტორთან მოლაპარაკებები უკვე მიმდინარეობს. საუბარია 340 ადამიანის ტევადობის ორ კატამარანზე. გემებს ოპერირება თებერვლიდან ნოემბრის ჩათვლით, დღეში ორჯერ შეეძლებათ. ავტორი: ეკა დარჩიაშვილი

ალიანსის წევრები უკრაინას საკმარის საბრძოლო მასალას არ აწვდიან, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა. „ალიანსის წევრები უკრაინას საკმარის საბრძოლო მასალას არ აწვდიან და ამან რუსეთს საშუალება მისცა, რომ კიევის ჯარებისთვის უკან დახევა ეიძულებინა. უკრაინელებს გამბედაობა არ ეწურებათ, მათ საბრძოლო მასალა ეწურებათ“, - განაცხადა იენს სტოლტენბერგმა. ასევე, სტოლტენბერგმა აღნიშნა, რომ ნატო-ს დაკვეთით ჩატარებული გამოკითხვის შედეგების მიხედვით ალიანსის მიმართ წევრი სახელმწიფოების მოსახლეობის მხარდაჭერა მაღალია. „ჩვენი მოქალაქეების 80%-ზე მეტს სჯერა, რომ ჩვენი საერთო უსაფრთხოებისთვის ჩრდილოეთ ამერიკამ და ევროპამ თანამშრომლობა უნდა გააგრძელონ“, - აღნიშნა ნატო-ს გენერალურმა მდივანმა. ipn

NATO-ს გენერალურმა მდივანმა იენს სტოლტენბერგმა განაცხადა, რომ საქართველოს უახლოეს მომავალში ეწვევა. სტოლტენბერგმა „იმედის“ ჟურნალისტის შეკითხვას უპასუხა, რომელიც დაინტერესდა, მომავალი წევრობის კონტექსტში რას უნდა ელოდეს საქართველო ივლისში NATO-ს სამიტისგან. „საქართველო NATO-ს ღირებული პარტნიორია. ჩვენ ძლიერად გვჯერა, საქართველოს, ისევე როგორც ყველა ევროპულ ქვეყანას, აქვს უფლება, აირჩიოს საკუთარი გზა. საქართველოს რამდენჯერმე ვეწვიე, ჩვენი პარტნიორობის სამომავლო გაძლიერებისთვის ქვეყანას უახლოეს მომავალში ისევ ვეწვევი. ჩემი გზავნილი საქართველოსადმი არის რეფორმები, რაც, რა თქმა უნდა, მნიშვნელოვანია. NATO დაფუძნებულია ღირებულებებზე – დემოკრატია, კანონის უზენაესობა – და მნიშვნელოვანია, რომ საქართველო ევროატლანტიკური ინტეგრაციის გზაზე შეესაბამებოდეს ამ სტანდარტებს“, – განაცხადა სტოლტენბერგმა. publika

უნგრეთისთვის მილიარდობით ევროს განბლოკვის გამო ევროპარლამენტი ევროკომისიის წინააღმდეგ ჩივილს აპირებს. როგორც გამოცემა Euronews წერს, საჩივრის წარდგენის ბოლო ვადა 25 მარტია და საუბარია გადაწყვეტილებაზე, რომლის თანახმადაც კომისიამ უნგრეთს 10,2 მილიარდ ევროზე წვდომა დაუშვა. უნგრეთისთვის გაყინული დახმარების განბლოკვის შესახებ ევროკომისიის პრეზიდენტის, ურსულა ფონ დერ ლაიენის გადაწყვეტილებას აკრიტიკებენ ევროპარლამენტარები, რომლებიც მიიჩნევენ, რომ ამ ნაბიჯით ლაეინმა „ორბანის მოსყიდვა” სცადა. ეს გადაწყვეტილება გასული წლის დეკემბერში მიიღეს და ექსპერტების შეფასებით, უკავშირდებოდა ორბანის წინააღმდეგობას უკრაინისთვის 50-მილიარდიანი ევროს დახმარების გამოყოფასთან, ასევე, უკრაინის გაწევრიანების მოლაპარაკებების დაწყებასთან დაკავშირებით. დახმარება ევროკომისიამ უნგრეთს ქვეყანაში კანონის უზენაესობის კუთხით სისტემური პრობლემების არსებობის გამო დაუბლოკა. თანხების განბლოკვის შემდეგ კომისიამ განაცხადა, რომ უნგრეთმა ამ დახმარების მისაღებად საჭირო პირობები შეასრულა. პუბლიკა

2024 წლის 15 მარტიდან იუსტიციის სამინისტრო არაელექტრონული (ლამინირებული) პირადობის მოწმობების მფლობელთათვის პირადობის ელექტრონული მოწმობებით (ID ბარათით) უსასყიდლოდ ჩანაცვლებას უზრუნველყოფს. სახელმწიფო სერვისების განვითარების სააგენტოს ცნობით, 2011 წლის 28 ივლისამდე გაცემული არაელექტრონული (ლამინირებული) პირადობის მოწმობის პირადობის ელექტრონული მოწმობით (ID ბარათით) უსასყიდლოდ ჩანაცვლების მიზნით, მოქალაქეებმა მთელი ქვეყნის მასშტაბით იუსტიციის სახლებსა და მობილურ იუსტიციის სახლებს უნდა მიმართონ. „საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ“ საქართველოს კანონში ცვლილების თანახმად, 2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. ipn

უზენაესი სასამართლოს პოზიციას მოსამართლეთა კეთილსინდისიერების შემოწმების საგანგებო პროცედურის შესახებ არ იზიარებენ ამავე სასამართლოს ორი მოსამართლე, ნინო ბაქაქური და ეკატერინე გასიტაშვილი. ინფორმაცია ამის შესახებ ნეტგაზეთს საქართველოს უზენაესი სასამართლოს მოსამართლე ნინო ბაქაქურმა დაუდასტურა. ბაქაქურის თქმით, გადაწყვეტილება განცხადების გავრცელების შესახებ, რომელშიც ევროკომისიის მოწოდებაზე შეშფოთებაა გამოთქმული, უზენაესი სასამართლოს პლენუმის სხდომაზე მიიღეს. მოსამართლემ გვითხრა, რომ უზენაესი სასამართლოს პლენუმის აღნიშნულ გადაწყვეტილებას მისი და ეკატერინე გასიტაშვილის მხარდაჭერა არ ჰქონია და მოსამართლეებმა საკუთარი პოზიციები დეტალურად განმარტეს პლენუმის სხდომის ოქმში. ვინ შედის უზენაესი სასამართლოს პლენუმში საერთო სასამართლოების შესახებ საქართველოს ორგანული კანონის მიხედვით, უზენაესი სასამართლოს პლენუმი შედგება უზენაესი სასამართლოს თავმჯდომარის, მისი პირველი მოადგილისა და მოადგილეების, უზენაესი სასამართლოს წევრებისა და სააპელაციო სასამართლოების თავმჯდომარეებისაგან . შესაბამისად, უზენაესი სასამართლოს ყველა სხვა მოსამართლესთან ერთად, პლენუმის წევრია უზენაესი სასამართლოს თავმჯდომარე ნინო ქადაგიძე, რომელიც ამავდროულად იუსტიციის უმაღლესი საბჭოს თავმჯდომარეცაა. პლენუმის წევრები არიან ასევე მისი მოადგილეები: ყოფილი მთავარი პროკურორი შალვა თადუმაძე, რომელიც 2019 წლიდან უზენაესი სასამართლოს უვადოდ დანიშნული მოსამართლეა; იუსტიციის საბჭოს ყოფილი მდივანი გიორგი მიქაუტაძე, რომელიც უზენაესი სასამართლოს უვადო მოსამართლე ასევე 2019 წელს გახდა. ამასთან, პლენუმის წევრები არიან თბილისის სააპლეაციო სასამართლოს თავმჯდომარე მიხეილ ჩინჩალაძე და ქუთაისის სააპლეაციო სასამართლოს თავმჯდომარე და იუსტიციის უმაღლესი საბჭოს ყოფილი წევრი ირაკლი ბონდარენკო, რომელიც ამჟამად უზენაესი სასამართლოს მოსამართლეობის კანდიდატია. საქართველოს კანონმდებლობის მიხედვით, პლენუმი უფლებამოსილია განიხილოს საკითხი, თუ მის სხდომას ესწრება პლენუმის წევრთა არანაკლებ ორი მესამედისა, გადაწყვეტილება კი მიღებულად ითვლება, თუ მას მხარი დაუჭირა სხდომის მონაწილეთა არანაკლებ ორმა მესამედმა. საერთო სასამართლოების შესახებ საქართველოს ორგანულ კანონში ასევე არსეობს ჩანაწერი, რომ უზენაესი სასამართლოს პლენუმის სხდომა „როგორც წესი, საჯაროა“, თუმცა აღნიშნული სხდომის ოქმი უზენაესი სასამართლოს ვებგვერდზე ამ დრომდე არ არის გამოქვეყნებული [18:00, 13 მარტი]. „ნეტგაზეთი“ ორი დღეა, ცდილობს საქართველოს უზენაესი სასამართლოსგან მოიპოვოს პლენუმის სხდომის ოქმი, სადაც მითითებული იქნება, თუ რამდენი მოსამართლე ესწრებოდა სხდომას და ვინ დაუჭირა მხარი აღნიშნული ფორმით განცხადების გავრცელებას, თუმცა ამ დრომდე ეს ინფორმაცია სასამართლოსგან არ მიგვიღია. „ნეტგაზეთი“ აღნიშნული ინფორმაციის მიღებას საჯარო ინფორმაციის მოთხოვნის ფორმატშიც ცდილობს. ინფორმაციის მიღებისთანავე მკითხველს მისი წაკითხვის შესაძლებლობა მიეცემა. როგორია უზენაესი სასამართლოს პოზიცია მოსამართლეთა კეთილსინდისიერების შემოწმების მექანიზმზე რაც შეეხება განცხადებას, რომელის შინაარსსაც ორმა მოსამართლემ მხარი არ დაუჭირა, უზენაესი სასამართლოს სახელით 11 მარტს გავრცელდა. განცხადების ავტორები მიიჩნევენ, რომ მოსამართლეთა კეთილსინდისიერების შემოწმების საგანგებო პროცედურა ერთმნიშვნელოვნად, არსებითად და პრინციპულად ლახავს სასამართლოსა თუ ინდივიდუალური მოსამართლის დამოუკიდებლობას: ვრცლად წაიკითხეთ:უზენაესი სასამართლო „ვეტინგზე“: ლახავს სასამართლოსა და მოსამართლის დამოუკიდებლობას რას მოუწოდებს საქართველოს ევროკომისია და როგორია ხელისუფლების პოზიცია ევროკომისიის გაფართოების ანგარიშში, რომელიც საქართველოსთვის ევროკავშირის კანდიდატი ქვეყნის სტატუსის მინიჭების საკითხს ეხება, სასამართლო სისტემაზე ახალი რეკომენდაცია გაჩნდა. ევროკომისია საქართველოს მთავრობას მოუწოდებს, ერთი წლის ვადაში მართლმსაჯულების სისტემაში დანერგოს საკვანძო თანამდებობებზე დანიშნული პირების ხელახალი შეფასების ექსტრაორდინალური მექანიზმი, რომელშიც გადაწყვეტილების მიღების უფლებამოსილება საერთაშორისო ექსპერტებით დაკომპლექტებულ კომისიას ექნება. მიუხედავად იმისა, რომ ევროკომისია ტერმინ „ვეტინგს“ არ იყენებს, იურისტების შეფასებით, ეს ჩანაწერი, ფაქტობრივად, ხელისუფლებას სწორედ ამისაკენ მოუწოდებს, რაც მოსამართლეთა კეთილსინდისიერების გადამოწმებას და ხელახლა შეფასებას გულისხმობს, მათ შორის მათი ფინანსების გამოაშკარავებით, შესაძლო ნეპოტისტური კავშირების შემოწმებით და სხვა. „ქართული ოცნება“ უარს ამბობს, დანერგოს მექანიზმი, რომელიც სასამართლო სისტემაში მნიშვნელოვანი თანამდებობის მქონე მოსამართლეების კეთილსინდისიერების ხელახლა შეფასებას ითვალისწინებს. მმართველ პარტიაში ცდილობენ, ე.წ. ვეტინგი ოპოზიციისა და არასამთავრობო ორგანიზაციების ინიციატივად წარმოაჩინონ, თუმცა იმ ყველაფერს, რაც ამ ინსტრუმენტის უკან დგას, საქართველოსაგან სინამდვილეში ევროკომისია ითხოვს. “ოცნების” კიდევ ერთი არგუმენტი სუვერენიტეტს ეხება, რასაც მისი ოპონენტები არ იზიარებენ. ვრცლად ამ თემაზე წაიკითხეთ: რას ნიშნავს „ოცნების“ უარი სასამართლო სისტემაში „ვეტინგზე“ საქართველოს ხელისუფლებას ევროკომისიის ამ რეკომენდაციის შესრულებისკენ მოუწოდებენ სამოქალაქო ორგანიზაციები. ხუთმა მათგანმა განცხადება დღეს, 13 მარტსაც, გაავრცელა და უზენაესი სასამართლოს პოზიციასაც გამოეხმაურა. „საერთაშორისო გამჭვირვალობა – საქართველო“, „საქართველოს დემოკრატიული ინიციატივა“, „საქართველოს სასამართლოს გუშაგი“, „დემოკრატიის მცველები“ და „სამოქალაქო საზოგადოების ფონდი“ აღნიშნავს, რომ ხელისუფლების რიტორიკას სწორედ ის პირები შეუერთდნენ და კეთილსინდისიერების შემოწმების იდეას სწორედ ის მოსამართლეები დაუპირისპირდნენ, რომელთა კეთილსინდისიერების მიმართაც საზოგადოების მხრიდან ბევრი კითხვა არსებობს. განცხადების ავტორები არ ეთანხმებიან უზენაესი სასამართლოს სახელით გავრცელებული წერილის შინაარსსაც, სადაც ნათქვამია, რომ ,,ვეტინგი“ არ მიეკუთვნება საერთაშორისო სტანდარტს და უზენაესი სასამართლოს მოსამართლეები დამატებით შემოწმებას არ საჭიროებენ, რადგან მოსამრთელეების კეთილსინდისიერება თანამდებობაზე არჩევის პროცესში უკვე გადამოწმდა: ყოველივე ზემოაღნიშნულის გათვალისწინებით, ხუთი არასამთავრობო ორგანიზაცია მიიჩნევს, რომ ხელისუფლებამ დროულად უნდა აღიაროს სასამართლო სისტემაში არსებული პრობლემები და დაიწყოს სწორედ იმ ნაბიჯების გადადგმა, რომლებიც ევროკომისიის მიერ დამტკიცებული 9 ნაბიჯითაა გათვალისწინებული. სტატია მოამზადა ნეტგაზეთმა USAID-ის სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით. სტატიის შინაარსზე სრულად პასუხისმგებელია ნეტგაზეთი და მასში გამოთქმული მოსაზრებები შესაძლოა, არ ასახავდეს ზემოთ ნახსენები საერთაშორისო ორგანიზაციების შეხედულებას. USAID ნეტგაზეთი

ევროპარლამენტმა მიიღო რეზოლუცია, რომელიც სომხეთის ევროკავშირში გაწევრიანების შესაძლებლობის განხილვის წინადადებით გამოდის, - ინფორმაციას გამოცემა News.am ავრცელებს. გამოცემის ცნობით, რეზოლუციას მხარი დაუჭირა ევროპარლამენტის 504-მა წევრმა, წინააღმდეგი - 4 წავიდა, ხოლო 32-მა დეპუტატმა თავი შეიკავა. დოკუმენტი, რომლის ავტორია „ევროპის სახალხო პარტიის“ ფრაქცია, წარმოდგენილია როგორც ყველა ფრაქციის ერთობლივი ინიციატივა. რეზოლუციის პროექტში ევროპარლამენტის წევრები გამოდიან შეთავაზებით, განიხილონ სომხეთის ევროკავშირის წევრობის კანდიდატის სტატუსის მინიჭების შესაძლებლობა. „თუ სომხეთი დაინტერესებულია კანდიდატის სტატუსის მოპოვებით და გააგრძელებს მდგრადი რეფორმების გზას, რომელიც გააძლიერებს მის დემოკრატიას, ეს შეიძლება გახდეს ევროკავშირ-სომხეთის ურთიერთობების ტრანსფორმაციის ეტაპის საფუძველი“, - ნათქვამია ევროკავშირის საკანონმდებლო ორგანოს დეპუტატების ერთობლივი რეზოლუციის პროექტში. . დეპუტატები მოუწოდებენ ევროკავშირის აღმასრულებელ ორგანოებს, ევროკომისიას და ევროპულ საბჭოს, აქტიურად დაუჭირონ მხარი სომხეთს ევროკავშირთან თანამშრომლობის გაფართოებაში არა მხოლოდ ეკონომიკური პარტნიორობის, არამედ პოლიტიკური დიალოგის, უსაფრთხოების, ადამიანებსა და სხვა ქვეყნებს შორის ურთიერთობების სფეროებში. იპნ

თბილისში, სამტრედიის ქუჩაზე მომხდარი აფეთქების შესახებ დამატებითი დეტალები ხდება ცნობილი. თვითმხილველების ინფორმაციით, აფეთქება საცხოვრებელი კორპუსის პირველ სართულზე, კომერციულ ფართში მოხდა, რომელიც ამ დროისთვის არ ფუნქციონირებდა და იქ სარემონტო სამუშაოები მიმდინარეობდა. მათივე ინფორმაციით, მათ ძლიერი აფეთქების ხმა გაიგეს, აფეთქება იმდენად ძლიერი იყო, რომ შემთხვევის შედეგად ახლოს მიმდებარე კორპუსების მინებიც ჩაიმსხვრა. დაზიანებულია ავტომობილებიც. კორპუსიდან მოსახლეობის ნაწილი გამოიყვანეს. ადგილზე მობილიზებული არიან შსს-ს საგანგებო სიტუაციების მართვის სამსახურისა და შესაბამისი უწყებების თანამშრომლები. მომხდარის შედეგად დაშავებულების შესახებ ინფორმაცია ამ დროისთვის არ ვრცელდება. მომხდარის გამომწვევი მიზეზი ჯერჯერობით უცნობია. იპნ

2024 წლის 30 იანვარს გამომცემლობამ “bloomsbury Books” გამოსცა ლეო ვარდიაშვილის სადებიუტო რომანი „დიდი ტყის მახლობლად (Hard By a Great Forest )”. წიგნი მალევე მოექცა ყურადღების ცენტრში. 2 თებერვალს „გარდიანმა” ის დღის წიგნად დაასახელა და ვრცელი მიმოხილვაც მიუძღვნა. ავტორის შესახებ ლეო ვარდიაშვილი დაიბადა და გაიზარდა თბილისში. 1995 წელს 12 წლის იყო, როდესაც ოჯახთან ერთად ლონდონში გადასახლდა. იგი ინგლისურად წერს და ისწავლა ინგლისური ფილოლოგია ლონდონში, დედოფალი მერის უნივერსიტეტში (Queen Mary University of London). რომანის შესახებ „ბიბლიური წყალდიდობა, რომლის შედეგადაც საქართველოს დედაქალაქ თბილისში ზოოპარკიდან გამოქცეული ცხოველები ქუჩაში დახეტიალობდნენ, იქცა ლეო ვარდიაშვილის სადებიუტო ნაწარმოების სიურრეალისტურ ფონად. ჩამთრევი რომანი ომზე, ოჯახთან განშორებაზე და ორაზროვან სახლში დაბრუნებაზე, არის ამბავი მსხვერპლზე, დანაშაულსა და ღალატზე, რომელიც გაჯერებულია ბურუსით მოცული საიდუმლოებებით, რაც თავის მხრივ, კომპენსირებულია შესანიშნავი იუმორისტული ჩანართებით”, – წერს გარდიანი. „დედაჩვენი დარჩა, რათა შეგვძლებოდა გაქცევა”, – ამბობს საბა, რომანის მთხრობელი და პროტაგონისტი. ათასობით ქართველის მსგავსად, საბა ოჯახთან ერთად სამოქალაქო ომის დროს ქვეყნიდან ემიგრაციაში წავიდა. ომს კი მოჰყვა საბჭოთა კავშირის დაშლა და გამყინავი ზამთარი, რომელმაც „თბილისი დატოვა გაცამტვერებული, უგაზოდ, უწყლოდ და საკვების გარეშე მაღაზიებში.” პერსონაჟი საბა თავის ბავშვობას იზიარებს რომანის ავტორ ლეო ვარდიაშვილთან, რომელიც 12 წლის იყო, როდესაც მშობლებთან ერთად ლონდონში გადასახლდა. ორი ათწლეული გავიდა მას შემდეგ, რაც ახლა უკვე ზრდასრული ირაკლი ომით განადგურებული სამშობლოდან 2 ვაჟით გაიქცა. ორი ათწლეულია არ უნახავს შვილების დედა, რომელიც სამშობლოში დარჩა, რათა მათ გაქცევა შესძლებოდათ. როგორც იქნა, ირაკლი თბილისმა თავისთან მიიტყუა, მაგრამ, როდესაც მისი სატელეფონო ზარები წყდება, სწორედ მაშინ ჩნდება ბურუსით მოცული საიდუმლოებები… ლეო ვარდიაშვილის წიგნი 19 ქვეყანაში გამოიცემა, მათ შორის საქართველოში. რომანს ქართულად დავით ახალაძე თარგმნის და გამოსცემს ბაკურ სულაკაურის გამომცემლობა. ნეტგაზეთი

პარტია "გახარია საქართველოსთვის" თბილისის ახალგაზრდული ორგანიზაცია ახალი წევრების მიღებას აცხადებს გაწევრიანების მსურველები გადადით და შეავსეთ ფორმა: https://forms.gle/GJNz9nmbVvrbPfz16

საერთაშორისო კვლევითი ორგანიზაცია Gallup international-ის ახალი კვლევით, საქართველო იმ ქვეყნების ხუთეულში მოხვდა, რომლის ყველაზე მეტი მოქალაქეც აცხადებს, რომ მზადაა იბრძოლოს, თუ ქვეყანაში ომი იქნება. კვლევის ავტორების განცხადებით, ხუთეული ასე განაწილდა: სომხეთი — 96%; საუდის არაბეთი — 94%; აზერბაიჯანი — 88%; პაკისტანი — 86%; საქართველო — 83%. ხოლო იმ ქვეყნებს შორის, სადაც ომის შემთხვევაში ყველაზე მეტი ადამიანი აცხადებს, რომ თავად არ იბრძოლებს, მოხვდა: იტალია — 78%; ავსტრია — 62%; გერმანია — 57%; ნიგერია — 54%; ესპანეთი — 53%. ორგანიზაციაში აღნიშნავენ, რომ კვლევის ფარგლებში, ჯამში, 46 138 ადამიანი გამოიკითხა და თითოეული ქვეყნიდან ინტერვიუერთა რეპრეზენატატული რაოდენობა იქნა შერჩეული. გამოკითხვა 2023 წლის ოქტომბერ-დეკემბრის პერიოდში ჩატარდა პირისპირი, სატელეფონო ან ონლაინ ინტერვიუს სახით. Gallup international-ის თქმით, კვლევის ცდომილების ზღვარი არის 3-5%. ნეტგაზეთი

"ქვეყანაში ეკონომიკური ზრდა გვაქვს, მაგრამ ჩვენი მოქალაქეები ამ ეკონომიკური ზრდით ვერ სარგებლობენ, რადგან 25 ოჯახს ხმარდება." მიშა დაუშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/788546436470376/

"ჩვენთვის მოცემული ხმა არ დაიკარგება, რადგან ორნიშნა რეიტინგი გვაქვს, თან სტაბილურად მზარდი. ხოლო იმისთვის, რომ ოპოზიციური ხმები არ დაიკარგოს და ყველა მსაგვი ხმა "ოცნებასთან" არ წავიდეს, მნიშვნელოვანია ყველა პროდასავლური პარტია, რომელსაც არ აქვს გარანტია, რომ გადალახავს ბარიერს და ერთმანეთთან ფასეულობითი შეუთავსებლობა არ აქვს, გაერთიანდნეს." ანა ბუჩუკური, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/2353380998187115/

გარემოს ეროვნული სააგენტოს განცხადებით, თბილისის ჰაერში მყარი ნაწილაკების (PM10, PM2.5) შემცველობა 13 მარტიდან მოიმატებს. აღნიშნულის მიზეზად ორგანიზაცია ტრანსსასაზღვრო დაბინძურებას ასახელებს. გარემოს ეროვნული სააგენტოს თქმით, დაბინძურება სამხრეთიდან უდაბნოს მტვრის მასების გავრცელებით არის განპირობებული. „აღსანიშნავია, რომ ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს. საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე“ ,— აცხადებენ გარემოს ეროვნულ სააგენტოში. Pm10 ჰაერში 10 მიკრომეტრის დიამეტრის მქონე, ხოლო PM2,5 — ჰაერში 2,5 მიკრომეტრის დიამეტრის მქონე ნაწილაკების არსებობას გულისხმობს. ორივე მიკროსკოპული ზომის მყარი ნაწილაკებია, რომლებიც სასუნთქი გზების გავლით ფილტვებში ილექება და ჯანმრთელობისთვის საზიანოა. ჰაერში მათი გადაჭარბებული რაოდენობით არსებობა ადამიანების ჯანმრთელობას მნიშვნელოვან საფრთხეს უქმნის. netgazeti

პარლამენტის შენობის დერეფანში, სადაც შალვა პაპუაშვილის კაბინეტია, დარაბები დააყენეს. აღნიშნული დერეფნის საშუალებით შესაძლებელი იყო დანახვა, თუ ვინ შედის და გამოდის პარლამენტის თავმჯდომარის კაბინეტში. თუმცა როგორც პარლამენტის პირველი ვიცე-სპიკერი გია ვოლსკი აცხადებს, პარლამენტის თავმჯდომარის კაბინეტთან დარაბების დაყენება საგამოფენო სივრცის მოწყობას უკავშირდება. „უბრალოდ, იქ უნდა გაკეთდეს სივრცე, რომელიც დაეთმობა გამოფენას ან სხვა ისეთ ღონისძიებებს, რომელზეც ჟურნალისტებიც იქნებიან საქმის კურსში და ადამიანები, ვისაც პარლამენტის, ზოგადად, აინტერესებთ. ეს დერეფანი არ არის ერთადერთი გზა, რომლითაც შეიძლება ჩუმად მოხვდე პარლამენტის თავმჯდომარესთან“, – განუცხადა გია ვოლსკიმ ჟურნალისტებს. ფოტო: „ტვ პირველი“ ნეტგაზეთი

ტელეგრამ არხ „Абхазский Портал-ის“ ინფორმაციით, 12 მარტის ღამეს, აფხაზეთის დე ფაქტო რესპუბლიკის პრეზიდენტის, ასლან ბჟანიას ავტოკოლონის მანქანა ავარიაში მოყვა. შემთხვევის დროს ასლან ბჟანია ერთ-ერთ ავტომობილში იმყოფებოდა. ტელეგრამ არხის ცნობით, მიუხედავად იმისა, რომ გზაზე ორივე ზოლი თავისუფალი იყო, პრეზიდენტის მანქანამ მოახერხა გზატკეცილზე მყოფ ერთადერთ ავტომობილს შესჯახებოდა. პრეზიდენტის ავტოკოლონამ შემთხვევის ადგილი მალევე დატოვა, ხოლო დაზიანებული მანქანა მინისტრთა კაბინეტის შენობის წინ დატოვეს. ნეტგაზეთი

ქართველი კინოდოკუმენტალისტი სალომე ჯაში ბერლინის ხელოვნების აკადემიის ჯილდოს მფლობელი გახდა. Akademie der Künste ბერლინის ხელოვნების აკადემია ყოველწლიურად გასცემს პრიზებს და სტიპენდიებს განსაკუთრებული შემოქმედებითი მიღწევებისთვის და ხელოვანების მხარდაჭერისა და განვითარებისათვის ექვს კატეგორიაში: ვიზუალური ხელოვნება, არქიტექტურა, მუსიკა, ლიტერატურა, სასცენო ხელოვნება და კინო და მედია ხელოვნება. სწორედ კინოსა და მედია ხელოვნების ჯილდო გადაეცა ქართველ კინოდოკუმენტალისტს, რომელიც ასევე არის საქართველოს დოკუმენტური ასოციაცია ‘დოკას’ DOCA · Documentary Association Georgia თავმჯდომარე და ასევე საქართველოს კინოინსტიტუტის კინემატოგრაფისტთა საბჭოს წევრი. სალომე ჯაში არის რეჟისორი საერთაშორისო კინოსცენარზე აღიარებული ფილმებისა, როგორებიცაა, “მოთვინიერება”, Taming the Garden “დაისის მიზიდულობა”, “ბახმარო” და სხვა. დაჯილდოების ცერემონია გაიმართება 18 მარტს ბერლინში. ნეტგაზეთი

თბილისის ზოოპარკის დირექტორის, ზურაბ გურიელიძის განცხადებით, თბილისის ახალ ზოოპარკში, რომლის მშენებლობაც მიმდინარეობს, ჟირაფების ჩამოყვანა იგეგმება. გურიელიძის განცხადებით, ამჟამად თბილისის ზღვის მიმდებარედ, ახალი ზოოპარკის ტერიტორიაზე ჟირაფების სამყოფელი შენდება, რომლის მშენებლობაც წლის ბოლომდე დასრულდება. ამის შესახებ ზოოპარკის დირექტორმა BMG-ს გადაცემაში „საქმიანი დილა“ განაცხადა. გურიელიძის თქმით, რთულია ზუსტი თარიღის თქმა, თუ როდის გაიხსნება ახალი ზოოპარკი, რადგანაც ინფრასტრუქტურის მოწყობა ჯერ დასრულებული არაა, თუმცა აღნიშნავს, რომ ახალი სახეობის ცხოველების, მათ შორის ჟირაფების ჩამოყვანაზე მუშაობა უკვე დაწყებულია: „საჟირაფე შენდება, ეს არის ყველაზე უფრო რთული შენობა, ძალიან დიდი ხანი დასჭირდა მის აშენებას, წელს ეს შენობა დამთავრდება და ამასობაში ჩვენ ვზრუნავთ ჟირაფების ჩამოყვანაზე. მისი ტრანსპორტირებაც რთული და ძვირადღირებული საქმეა. ევროპის აკვარიუმებისა და ზოოპარკების ასოციაციის წევრი თბილისის ზღვის ზოოპარკი უკვე არის. გვეყოლება საკმაოდ კარგად გაწვრთნილი მომვლელები და კონსულტანტები. ჟირაფების გარდა იქნება მარტორქები, ბეჰემოტები, ასევე, დიდი ცხოველები. მომვლელებმა შარშან უკვე გაიარეს ტრენინგები ჰოლანდიაში. ორი ჩვენი ვეტექიმი სამხრეთ აფრიკაში გაემგზავრება იქაური ცხოველების უკეთ შესასწავლად“, — განაცხადა ზურაბ გურიელიძემ BMG-ს გადაცემაში „საქმიანი დილა“. ნეტგაზეთი

ალექსეი ნავალნის ახლო გარემოცვის წევრს, ლეონიდ ვოლკოვს ვილნიუსში, საკუთარი სახლის მიმდებარედ ჩაქუჩით თავს დაესხნენ. 43 წლის ვოლკოვს ჰოსპიტალიზაცია დასჭირდა. „თავს დამესხნენ ეზოში, ფეხზე დამარტყეს 15-ჯერ. ფეხი, როგორღაც, კარგად მაქვს, სიარულის დროს მტკივა…თუმცა, მოვიტეხე ხელი”, – განაცხადა მან. თავდასხმაზე ცნობების შემდეგ, ვოლკოვმა ვიდეო გამოაქვეყნა ტელეგრამ-არხზე და აღნიშნა, რომ ბრძოლას გააგრძელებს. „ვიმუშავებთ და არ დავნებდებით”, – ამბობს ის. ნავალნის ორგანიზაციის პრესსპიკერმა თქვა, რომ თავდასხმამდე დააზიანეს ვოლკოვის მანქანის მინები და მას თვალებში ცრემლსადენი გაზი შეასხეს. The Guardian-ის ცნობით, თავდასხმამდე ერთი დღით ადრე ვოლკოვმა სოციალურ ქსელში ნავალნის სიკვდილთან დაკავშირებით პოსტი გამოაქვეყნა და აღნიშნა, რომ ნავალნი „პუტინმა მოკლა, ისევე როგორც, ბევრი სხვა მანამდე”. პუბლიკა

ილია ღუდუშაურმა და ირაკლი მხეიძემ საქართველოს ჯანდაცვის მინისტრის მოადგილის თანამდებობები დატოვეს. ჯანდაცვის სამინისტროს ცნობით მინისტრის პირველ მოადგილედ თამარ გაბუნია დაინიშნა, რომელიც აქამდე ჯანდაცვის მინისტრის მოვალეობას ასრულებდა. მიხეილ სარჯველაძე ჯანდაცვის მინისტრად 11 მარტს დაინიშნა. სარჯველაძე საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე წარადგინა. პუბლიკა

თბილისის კონსერვატორიის რექტორად გიორგი ვაჩნაძე აირჩიეს. კულტურის სამინისტროს ინფორმაციით, 2024 წლის 12 მარტს თბილისის ვანო სარაჯიშვილის სახელობის სახელმწიფო კონსერვატორიის რექტორის არჩევნები გაიმართა. შედგა ფარული კენჭისყრა, რის შედეგადაც იგი ერთხმად აირჩიეს თბილისის სახელმწიფო კონსერვატორიის რექტორად. გიორგი ვაჩნაძე ამ თანამდებობას ოთხი წლის განმავლობაში დაიკავებს. სამინისტროს ცნობით, გიორგი ვაჩნაძემ 1985 წელს დაამთავრა თბილისის ცენტრალური სამუსიკო სასწავლებელი და სწავლა განაგრძო ვანო სარაჯიშვილის სახელობის სახელმწიფო კონსერვატორიაში. 1990 წელს სასწავლებლად გაემგზავრა აშშ-ში, ნიუ-იორკის მენეს-კოლეჯში (Mannes College of Music). 1994 წელს დაამთავრა ინდიანის უნივერსიტეტის მაგისტრატურა. „საქართველოს კულტურისა და სპორტის სამინისტრო მადლობას უხდის გიორგი შავერზაშვილს გაწეული შრომისთვის, ხოლო ახალ რექტორს, გიორგი ვაჩნაძეს წარმატებებს უსურვებს შემდგომ საქმიანობაში”. – ვკითხულობთ განცხადებაში. მიმდინარე წლის ოქტომბერში კონსერვატორიაში უნდა ჩატარებულიყო რექტორის არჩევნები, თუმცა, მოულოდნელად, 26 სექტემბერს კონსერვატორიამ არჩევნების პროცესის შეწყვეტის შესახებ განაცხადა, მიზეზად კი თეა წულუკიანის ბრძანება დაასახელა. სამინისტროს განცხადებით, კონსერვატორიაში საარჩევნო პროცედურა კანონის შესაბამისად არ ჩატარებულა. წულუკიანი კონსერვატორიას ავალებდა, მის მართვაში მყოფი კონსერვატორიის ტრადიციული მრავალხმიანობის კვლევის საერთაშორისო ცენტრისთვის განესაზღვრა დამოუკიდებელი სამეცნიერო-კვლევითი ერთეულის სტატუსი, რასაც წესდებაში ცვლილებების შეტანა სჭირდებოდა. კონსერვატორიის აკადემიური საბჭო სამინისტროს პოზიციას არჩევნების კანონმდებლობასთან შეუსაბამოდ წარმართვაზე არ იზიარებდა და ამბობდნენ, რომ ცენტრისთვის სტატუსის განსაზღვრის საკითხი არჩევნების პროცესთან კავშირი არ იყო და ის არ უნდა გამხდარიყო რექტორის არჩევნებთან დაკავშირებული დადგენილების გაუქმების საფუძველი. კონსერვატორიის აკადემიური საბჭოს პოზიცია სამინისტრომ არ გაიზიარა და სამუშაო რეჟიმში დაწესებულებასთან წესდებაში ცვლილებების პროექტზე მუშაობა დაიწყო. ამის პარალელურად ცნობილი გახდა, რომ მინისტრის დადგენილების გაუქმებაზე კონსერვატორიამ სასამართლოს მიმართა და მოითხოვა სარჩელზე საბოლოო გადაწყვეტილების მიღებამდე მინისტრის ბრძანების მოქმედების შეჩერება და სამინისტროსთვის ისეთი მოქმედებების აკრძალვა, რომლებიც დაუკავშირდება კონსერვატორიის რექტორის არჩევნებს, კონსერვატორიის მმართველი ორგანოების დაკომპლექტებასა და მათ უფლებამოსილებაში ჩარევას, თუმცა სასამართლომ კონსერვატორიის შუამდგომლობები არ დააკმაყოფილა. სასამართლოს ამ გადაწყვეტილების შემდეგ კონსერვატორიამ სამინისტროს წინააღმდეგ სასამართლოში შეტანილი სარჩელი უკან გამოიხმო. წინა რექტორს, ნანა შარიქაძეს უფლებამოსილება 21 ოქტომბერს ამოეწურა და ამის შემდეგ დაინიშნა კონკურსი რექტორის მოვალეობის შემსრულებლის დასაკავებლად. სადაც აკადემიური საბჭოს წევრთა უმრავლესობამ მხარი გოგი შავერზაშვილის კანდიდატურას დაუჭირა. პუბლიკა

ამერიკის შეერთებულმა შტატებმა საქართველოს ყოფილ თავდაცვის მინისტრს, დავით კეზერაშვილს ვიზა არ მისცა. როგორც „რადიო თავისუფლების“ მიერ გავრცელებულ ინფორმაციაშია ნათქვამი, დავით კეზერაშვილისთვის ვიზის არ მიცემის მიზეზად ფულის გათეთრებაზე ეჭვი წარმოადგენდა. მათივე ინფორმაციით, უარის მიზეზის დასადგენად კეზერაშვილმა სასამართლო დავა დაიწყო და საჩივარი კოლუმბიის ოლქის რაიონულ სასამართლოში შეიტანა. სარჩელიდან ირკვევა, რომ ვიზის გაცემაზე უარის თქმის საფუძველი აშშ-ს საბაჟო და საზღვრის დაცვის ფედერალური სააგენტოს 2023 წლის პირველი მაისით დათარიღებული დადგენილება გახდა. კონკრეტულად ის მუხლი, რომელზე დაყრდნობითაც, დავით კეზერაშვილს აშშ-ს ვიზა არ მისცეს, ფულის გათეთრებაზე ეჭვს გულისხმობს.