tvati

სპეციალური საგამოძიებო სამსახურს განცხადებით, ევროპის საბჭოს მინისტრთა კომიტეტის რეკომენდაციის შესაბამისად, მაჩალიკაშვილისა და ოჩიგავას სისხლის სამართლის საქმეებს შეისწავლის. „სოციალური სამართლიანობის ცენტრმა“ 20 მარტს გაავრცელა ინფორმაცია, რომ ევროპის საბჭოს მინისტრთა კომიტეტმა საქართველოს თემირლან მაჩალიკაშვილის საქმეზე გამოძიების დროული განახლებისკენ მოუწოდა. საგამოძიებო სამსახური წერს, რომ ევროპის საბჭოს მინისტრთა კომიტეტმა, „ცინცაბაძის ჯგუფის“ საქმეებზე ადამიანის უფლებათა ევროპული სასამართლოს გადაწყვეტილებების აღსრულების საკითხი განიხილა, რომელშიც სხვა საქმეებთან ერთად გაერთიანებულია გადაწყვეტილებები „მაჩალიკაშვილის და სხვების” და „ოჩიგავას“ სარჩელებთან დაკავშირებით. კომიტეტმა გასცა რეკომენდაცია სპეციალურმა საგამოძიებო სამსახურმა, სტრასბურგის სასამართლოს დასკვნების გათვალისწინებით შეისწავლოს მაჩალიკაშვილისა და ოჩიგავას სისხლის სამართლის საქმეთა მასალები და ხელახალი გამოძიების ჩატარების მიზანშეწონილობის საკითხი. „კანონით მინიჭებული უფლებამოსილების ფარგლებში, სპეციალური საგამოძიებო სამსახური მინისტრთა კომიტეტის მიერ გაცემული რეკომენდაციების შესაბამისად, საქმის მასალებსა და ევროპული სასამართლოს გადაწყვეტილებების ანალიზის საფუძველზე „ცინცაბაძის ჯგუფის“ მითითებულ საქმეებთან დაკავშირებით მიიღებს სამართლებრივ და ობიექტურ გადაწყვეტილებას. საზოგადოებას შევახსენებთ, რომ 2023 წლის 19 იანვარს, ადამიანის უფლებათა ევროპულმა სასამართლომ მაჩალიკაშვილი და სხვები საქართველოს წინააღმდეგ საქმეზე მიღებული გადაწყვეტილებით არ ცნო არსებითი დარღვევა და პროცედურულ ნაწილში დაადგინა კონვენციის მე-2 მუხლის დარღვევა. რაც შეეხება ოჩიგავას საქმეს, 2023 წლის 23 თებერვლის გადაწყვეტილებით ადამიანის უფლებათა ევროპულმა სასამართლომ დაადგინა, რომ 2011 წელს ციხის თანამშრომლების მიერ ოჩიგავას მიმართ ჩადენილ არასათანადო მოპყრობასთან დაკავშირებით, ადგილი ჰქონდა კონვენციის მე-3 მუხლის (წამება) არსებით და პროცედურულ დარღვევას. აღსანიშნავია, რომ ევროპის საბჭოს ზემოხსენებულ რეკომენდაციებში დადებითად შეფასდა სპეციალური საგამოძიებო სამსახურის ინიციატივა, რომლის საფუძველზეც ყველა განმცხადებელს და პოტენციურ დაზარალებულს საქმის მასალებთან წვდომისა და გაცნობის შესაძლებლობა ეძლევა, ასევე დადებითად შეფასდა სამსახურის მიერ არასათანადო მოპყრობის ფაქტების კვალიფიკაციის განმსაზღვრელი დოკუმენტის შემუშავების ფაქტი”,- აღნიშნულია სპეციალური საგამოძიებო სამსახურის მიერ გავრცელებულ ინფორმაციაში. პუბლიკა

საქართველოს პრეზიდენტი სალომე ზურაბიშვილი აზერბაიჯანული წარმოშობის საქართველოს მოქალაქეებს ნოვრუზ ბაირამს ულოცავს. ამის შესახებ ზურაბიშვილის განცხადებას პრეზიდენტის ადმინისტრაცია ავრცელებს. „ნოვრუზ ბაირამს ვულოცავ აზერბაიჯანული წარმოშობის მქონე ჩვენს თანამოქალაქეებს! ბუნების სიცოცხლის განახლების სიხარული და კეთილდღეობა მოეტანოს ყოველი თქვენგანისთვის გაზაფხულის ამ ულამაზეს დღესასწაულს!“,- ნათქვამია პრეზიდენტის განცხადებაში. იპნ

უკრაინის საჰაერო ძალების ინფორმაციით, რუსების მიერ კიევის მიმართულებით გაშვებული 31-ვე რაკეტა ჩამოაგდეს. „21 მარტის ღამეს მტერმა თავდასხმა 11 „ტუ-95“-ის ტიპის ბომბდამშენიდან 2 „ისკანდერ-მ“-ის ბალისტიკური რაკეტით და 29 ფრთოსანი რაკეტით განახორციელა. (გაშვების ადგილები - ვოლგოდონსკი, ენგელსი - რუსეთის ფედერაცია)“, - აცხადებს უკრაინის საჰაერო ძალები. უკრაინის საჰაერო ძალების ცნობით, საჰაერო თავდასხმის მოგერიებაში საზენიტო-სარაკეტო ქვედანაყოფები და უკრაინის თავდაცვის ძალების მობილური საცეცხლე ჯგუფები მონაწილეობდნენ. შეგახსენებთ, 21 მარტის ღამეს, რუსებმა კიევზე სარაკეტო თავდასხმა განახორციელეს, რის შედეგადაც, კიევის დედაქალაქის სამ რაიონში ხანძარი გაჩნდა და ბოლო მონაცემებით, 10 ადამიანი დაშავდა. იპნ

შინაგან საქმეთა მინისტრის, ვახტანგ გომელაურის თქმით, ღამით ფრენას ვერც ახალი სამაშველო ვერტმფრენი H 145 შეძლებს. სამაშველო ოპერაციებისთვის განკუთვნილი ახალი ვერტმფრენი შსს-ს 12 მარტს გადაეცა. ის ჯერ ქვეყანაში ჩამოსული არ არის. გომელაურის თქმით, ეს უახლოეს მომავალში მოხდება. კითხვაზე, შესაძლებელი იქნებოდა თუ არა 2023 წლის აგვისტოში, შოვში ადამიანების გადარჩენა, H 145 საქართველოში რომ, ყოფილიყო, შს მინისტრი ამბობს, რომ არა. „ის, რომ ეს ვერტმფრენი რომ გვყოლოდა, იქ ყველას გადავარჩენდით, სიცრუეა. შემიძლია, თუ თქვენი ნება იქნება, მოვიყვანო ამის პროფესიონალები, ექსპერტები და აგიხსნან. მე მათ მოყოლილს გიყვებით ხოლმე. ღამე ვერც ეს ვერტმფრენი ვერ იფრენს, ეგ იცოდეთ, შეუძლია იგივე, რაც შეუძლია დღევანდელ ვერტმფრენებს, რაც ჩვენ გვყავს – აფრინდეს ბათუმის აეროპორტიდან და ჩამოფრინდეს თბილისის აეროპორტში, თუ ქარიშხალი, ჭექა-ქუხილი არ არის საფრენ ზონაში. ანუ ის, რომ ეს ვერტმფრენი ღამე მიფრინდება, ხეობაში შეფრინდება, დაჯდება და ვიღაცას აიყვანს – ეს პრობლემა ამასაც აქვს, ეს ყველა ვერტმფრენს აქვს ასეთი პრობლემა”. – ამბობს გომელაური. H 145-ის შეძენასთან დაკავშირებით კომპანია Airbus Helicopters-თან ხელშეკრულება 2022 წლის დეკემბერში გაფორმდა. შემდეგი ორი ბორტის გადმოცემა საქართველოსთვის 2024 წლის ივნისამდე იგეგმება. პუბლიკა

ბრიუსელში დღეს ევროპული საბჭოს ორდღიანი სამიტი იწყება. სამიტის განმავლობაში ევროკავშირის ლიდერები განიხილავენ უკრაინის მხარდაჭერის გაგრძელების საკითხს, ევროპის უსაფრთხოებისა და თავდაცვის პოლიტიკას, ახლო აღმოსავლეთში განვითარებულ მოვლენებს, გაფართოების პოლიტიკას, საგარეო ურთიერთობების, მიგრაციისა და სოფლის მეურნეობის საკითხებს. „ევროკავშირის ლიდერები განიხილავენ უკრაინისა და მისი ხალხის მიმართ მხარდაჭერას რუსეთის სამხედრო აგრესიის საპასუხოდ. ევროკავშირი გააგრძელებს უკრაინის პოლიტიკურ, ფინანსურ, ეკონომიკურ, ჰუმანიტარულ, სამხედრო და დიპლომატიურ მხარდაჭერას მანამ, სანამ საჭირო იქნება“, - ნათქვამია ევროპული საბჭოს პრესრელიზში. ამასთან ევროკავშირის ლიდერები განიხილავენ ევროკავშირის გაფართოების პოლიტიკას, მათ შორის ბოლო დროს განვითარებულ მოვლენებს ბოსნია და ჰერცეგოვინაში, უკრაინასა და მოლდოვაში. „2023 წლის დეკემბრის შეხვედრაზე ევროკავშირის ლიდერებმა მწვანე შუქი აუნთეს უკრაინასა და მოლდოვასთან გაწევრიანების მოლაპარაკებების დაწყებას, მას შემდეგ რაც ქვეყნებმა გადადგეს შესაბამისი ნაბიჯები. ლიდერებმა ასევე გამოთქვეს მზადყოფნა გაწევრიანების მოლაპარაკებების დასაწყებად ბოსნია-ჰერცეგოვინასთან, როდესაც მიღწეულ იქნება წევრობის კრიტერიუმებთან აუცილებელი შესაბამისობა. ამ მიზნით, მათ მოიწვიეს კომისია, რათა საბჭოს წარედგინოს ანგარიში პროგრესის შესახებ არაუგვიანეს 2024 წლის მარტისა“, - აღნიშნულია ინფორმაციაში. იპნ

რეზოლუციის ინიცირებისთვის 10 ხელმოწერა სჭირდებოდათ, ამის გაკეთება მარტივია, - ამის შესახებ უკრაინელმა დეპუტატმა ვოლოდიმირ არიევმა ბრიუსელში „ევრონესტის“ ასამბლეაზე საქართველოს, უკრაინისა და მოლდოვის ევროპულ პერსპექტივასთან დაკავშირებით შემუშავებული რეზოლუციის დაინიცირების ჩავარდნასთან დაკავშირებით განაცხადა. „მათ რეზოლუციის ინიცირებისთვის 10 ხელმოწერა სჭირდებოდათ, ამის გაკეთება მარტივია, ამიტომ არ ვიცი, რატომ არ ესაუბრა ქართული დელეგაციის თავმჯდომარე ევროპარლამენტის წევრებს და სხვებს. მე ვიცი, რომ მას ხელმოწერები არც ქართული ოპოზიციისთვის უთხოვია, ქართული დელეგაციის გაერთიანებისთვის“, - განაცხადა უკრაინელმა დეპუტატმა ვოლოდიმირ არიევმა. ცნობისთვის, პარლამენტის ევროინტეგრაციის კომიტეტის თავმჯდომარის, მაკა ბოჭორიშვილის განცხადებით, ბრიუსელში „ევრონესტის“ ასამბლეაზე უკრაინის დელეგაციისა და ქართული ოპოზიციის უარის გამო, საქართველოს, უკრაინისა და მოლდოვის ევროპულ პერსპექტივასთან დაკავშირებით შემუშავებული რეზოლუცია ვერ დაინიცირდა. როგორც ბოჭორიშვილმა ჟურნალისტებს ბრიუსელში განუცხადა, რეზოლუციის ტექსტს მხარს მხოლოდ მოლდოვის დელეგაცია უჭერდა. იპნ

ის, ვინც აინიცირებს [რეზოლუციის პროექტს], 10 ხელმოწერა უნდა შეაგროვოს და როგორც მესმის, დელეგაციის თავმჯდომარემ მათი შეგროვება ვერ მოახერხა, - ამის შესახებ ევროპარლამენტარმა ანდრიუს კუბილიუსმა ბრიუსელში „ევრონესტის“ ასამბლეაზე საქართველოს, უკრაინისა და მოლდოვის ევროპულ პერსპექტივასთან დაკავშირებით შემუშავებული რეზოლუციის დაინიცირების ჩავარდნასთან დაკავშირებით განაცხადა. „ფორმალურად ინიცირებული არ იყო, რადგან წესები ძალიან მარტივია. ის, ვინც აინიცირებს, 10 ხელმოწერა უნდა შეაგროვოს და როგორც მესმის დელეგაციის თავმჯდომარემ მათი შეგროვება ვერ მოახერხა. არ ვიცი, რა იყო პრობლემა, მაგრამ გუშინდელ შეხვედრაზე მსგავს რეზოლუციაზე საკმარისი ხელმოწერები არ იყო. ასე რომ, ფორმალურად გვჭირდებოდა იმის თქმა, რომ ჩვენ ამ რეზოლუციის პლენარულ დღის წესრიგში დაყენება არ შეგვეძლო“, - განაცხადა ევროპარლამენტარმა ანდრიუს კუბილიუსმა. ცნობისთვის, პარლამენტის ევროინტეგრაციის კომიტეტის თავმჯდომარის, მაკა ბოჭორიშვილის განცხადებით, ბრიუსელში „ევრონესტის“ ასამბლეაზე უკრაინის დელეგაციისა და ქართული ოპოზიციის უარის გამო, საქართველოს, უკრაინისა და მოლდოვის ევროპულ პერსპექტივასთან დაკავშირებით შემუშავებული რეზოლუცია ვერ დაინიცირდა. როგორც ბოჭორიშვილმა ჟურნალისტებს ბრიუსელში განუცხადა, რეზოლუციის ტექსტს მხარს მხოლოდ მოლდოვის დელეგაცია უჭერდა. ipn

„თბილისელებმა უკვე იციან, რომ გახარიას გუნდი - პარტია „საქართველოსთვის“ სატრანსპორტო პოლიტიკის ფარგლებში მოსახლეობას ახალი მეტროსადგურების დამატებას სთავაზობს, მათ შორის, მეტროს გაფართოებას დიდი დიღმის, ვარკეთილის, ლილოსა და გლდანის მიმართულებით, ასევე რუსთავი-თბილისის დაკავშირებას მიწისზედა მეტროთი. 10 დღიანი სიჩუმის შემდეგ, „ოცნების“ ხელისუფლებამ თბილისის მოსახლეობას მეტროსადგურების გაფართოებაზე უარი უთხრა, რაც ჩვენი გუნდისთვის მოულოდნელი არ ყოფილა, რადგან დღევანდელი „ოცნების“ მმართველობის პირობებში მსგავსი მასშტაბური და ამბიციური პროექტების განხორციელება შეუძლებელია! დიახ, შეუძლებელია იმიტომ, რომ ეს პროექტი ვერ აკმაყოფილებს მათ ორ მთავარ კრიტერიუმს: საარჩევნოდ ლენტის გაჭრას კალაძის მიერ და კორუფციით ფულის სწრაფად შოვნის შესაძლებლობას. „ოცნების“ კორუფციული მმართველობის სისტემა ცდილობს შექმნას აღქმა, რომ მსგავსი მასშტაბური და ამბიციური პროექტების განხორციელება შეუძლებელია. არადა ამ პროექტის განხორციელება, მტკვარზე ხიდების მშენებლობასთან და რკინიგზის გატანასთან ერთად, ქალაქში სატრანსპორტო კოლაფსის მოგვარებისკენ გადადგმული ყველაზე შედეგიანი ნაბიჯი იქნება, შექმნის თბილისის ურბანული განვითარების არა კორუფციულ, არამედ რეალურ სტიმულებს და ათი ათასობით სამუშაო ადგილს, რაც შეუმსუბუქებს ცხოვრებას დიდი დიღმის, ვარკეთილის, გლდანის, ლილოსა და რუსთავის მაცხოვრებლებს და ახალ ეკონომიკურ ენერგიას მიანიჭებს თბილისს, რუსთავს და მთელ საქართველოს. აი რაზე ეუბნება „ოცნება“ უარს თბილისელებს, რუსთაველებსა და საქართველოს მოქალაქეებს. თბილისისა და რუსთავის მიწისზედა მეტროთი დაკავშირება არის ერთადერთი სწორი გზა, რომ თბილისი-რუსთავის აგლომერაცია რეგიონული მასშტაბის მიზიდულობის ცენტრი და თანამედროვე მეგაპოლისი გახდეს - სწორედ ეს იქნება ნამდვილი ევროპული კეთილდღეობა საქართველოს თითოეული მოქალაქისთვის, რაც ჩვენი გუნდის მთავარი ამოცანაა. ამ ამოცანას კი ჩვენს მოქალაქეებთან ერთად აუცილებლად შევასრულებთ. და ბოლოს, თბილისის მერს ბატონ კალაძეს შევახსენებთ, რომ მარტო სკვერების გახსნა და კორუფციული სქემების დალაგება არ ნიშნავს ქალაქის განვითარებას და ქალაქს უნდა ჰყავდეს ისეთი მერი, რომელიც თავის კომპეტენტურ გუნდთან ერთად ამბიციური და მასშტაბური პროექტების განხორციელებაზე იზრუნებს და თბილისს ნამდვილ ევროპულ ქალაქად აქცევს. პარტია "საქართველოსთვის".

ჯოზეფ ბორელმა ევროკავშირის ქვეყნებს, გაყინული რუსული აქტივებიდან მიღებული შემოსავლების უკრაინის მხარდასაჭერად გამოყენება შესთავაზა. „საბჭოს მიერ გადაწყვეტილების სწრაფად მიღებას მოუთმენლად ველი. ეს უკრაინისა და მისი ხალხის მხარდასაჭერად ევროკავშირის ერთიანობასა და ერთგულებას გამოავლენს“, - განაცხადა ჯოზეფ ბორელმა. ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა აღნიშნა, რომ მიღებული შემოსავლების 90%-ის გამოყოფა ევროპის მშვიდობის ფონდის მეშვეობით მოხდება, ხოლო 10%-ის ევროკავშირის ბიუჯეტიდან. შეგახსენებთ, დასავლეთში რუსეთის ცენტრალური ბანკის კუთვნილი, 300 მილიარდ დოლარამდე ღირებულების აქტივებია გაყინული. იპნ

„ოცნების" ხელისუფლების უარი მეტროს გაფართოებას. პარტია საქართველოსთვის / For Georgia სატრანსპორტო პოლიტიკის ფარგლებში, თბილისს 15 მეტროსადგურს პირდება, მათ შორის, მეტროს - დიდ დიღომში

შინაგან საქმეთა მინისტრ ვახტანგ გომელაურის განცხადებით, მიგრაციის პრობლემა აღმოსავლეთ ევროპის ბევრ ქვეყანას აქვს. გომელაურს პარლამენტში „მინისტრის საათის“ ფორმატში უსმენენ. შს მინისტრს რამდენიმე დეპუტატმა ჰკითხა მიგრაციის მაღალი დონის შესახებ. გომელაურის თქმით, არასწორია ოპოზიციის მტკიცება, რომ „ქართული ოცნების“ ხელისუფლებაში ყოფნის პერიოდში 800 000-მა მოქალაქემ დატოვა ქვეყანა. გომელაურის თქმით, „იგივე შემოვიდა თითქმის“. ამასთან, გომელაურმა თქვა, რომ მიგრაციის სტატისტიკას შსს არ აწარმოებს, ამას აკეთებს საქსტატი, რომელიც 2023 წლის მონაცემებს ზაფხულში გამოაქვეყნებს. მიგრაციული სალდო 2013-2022 წლებში; წყარო: საქსტატი „მიგრაციაში ხალხი მიდის, ვიზალიბერალიზაციაა, ადვილად გადიან ქვეყნიდან… მარტო ჩვენს ქვეყანაში არ ხდება ეს. ჩემს კოლეგებსაც აქვთ ეს პრობლემა აღმოსავლეთ ევროპის ქვეყნებში. პოლონეთიდან, ლატვიიდან, ლიეტუვიდან მიდიან გერმანიაში. თვლიან, რომ სამუშაო ანაზღაურება იქ მეტი ექნებათ. მესმის. მე გამიხარდება, რომ ყველა ჩვენი მოქალაქე დაბრუნდეს და საუკეთესო პირობები ჰქონდეს ჩვენთანაც“, — განაცხადა ვახტანგ გომელაურმა. ნეტგაზეთი

გელათის სამონასტრო კომპლექსის სარესტავრაციო, სარეკონსტრუქციო და საკონსერვაციო სამუშაოების დასაფინანსებლად 7.5 მილიონი ლარი გამოიყო. მთავრობის განკარგულებას, რომელიც 18 მარტს გამოიცა, პრემიერი ირაკლი კობახიძე აწერს ხელს. ამავე განკარგულებით, მართლმადიდებელი ეკლესიისთვის ამ თანხის გადარიცხვა კულტურული მემკვიდრეობის დაცვის ეროვნულ სააგენტოს ევალება. „გელათის სამონასტრო კომპლექსის სარესტავრაციო, სარეკონსტრუქციო და საკონსერვაციო სამუშაოებთან დაკავშირებული ხარჯების დაფინანსების მიზნით, ფინანსთა სამინისტრომ „2024 წლის სახელმწიფო ბიუჯეტის შესახებ“ კანონით გათვალისწინებული საქართველოს რეგიონებში განსახორციელებელი პროექტების ფონდიდან კულტურის სამინისტროს მმართველობის სფეროში მოქმედ კულტურული მემკვიდრეობის დაცვის სააგენტოს გამოუყოს 7 500 000 ლარი“, – აღნიშნულია განკარგულებაში. პუბლიკა

“ოცნებას” და კალაძეს, რომელსაც მე-7 წელია ვარკეთილის მეტროსადგურის ჭერი ვერ შეუკეთებია, რა თქმა უნდა, მეტროპოლიტენის განვითარების და ახალი მეტროსადგურების აშენების არც უნარი აქვს და არც სურვილი, რადგან, მრავალმეტრიანი ავტობუსებიდან, ალბათ, უფრო მარტივია ატკატების მიღება!" პარტია "საქართველოსთვის" აღმასრულებელი მდივანი ბერდია სიჭინავა ვიქტორ წილოსანს პასუხობს.

IPN ოზურგეთი-თბილისის მატარებელი ლიანდაგიდან გადავიდა. როგორც საქართველოს რკინიგზაში პუბლიკას ეუბნებიან, შემთხვევის შედეგად არავინ დაშავებულა.

სპეციალური საგამოძიებო სამსახურის ინფორმაციით, სექსუალური ხასიათის ქმედების და პირადი ცხოვრების საიდუმლოს ხელყოფის ფაქტზე დაკავებულია 17 წლის არასრულწლოვანი. უწყების ცნობით, გამოძიების თანახმად, 2023 წლის გაზაფხულზე არასრულწლოვან ბრალდებულს სოციალურ ქსელ „მესენჯერში“ მიმოწერა ჰქონდა 16 წლის დაზარალებულ გოგოსთან, რა დროსაც დაზარალებულმა ნებაყოფლობით გაუგზავნა საკუთარი ცეკვის ამსახველი ვიდეოჩანაწერი. მოგვიანებით ბრალდებულმა დაზარალებულს მოსთხოვა ინტიმური შინაარსის ვიდეოს გადაღება და მასთან გადაგზავნა, წინააღმდეგ შემთხვევაში დაემუქრა, რომ „ფოტოშოპის“ მეშვეობით მისი ცეკვის ვიდეოს დაამონტაჟებდა ისე, რომ დაზარალებული გამოსახული იქნებოდა შიშველ მდგომარეობაში, რასაც შემდეგ მის მშობლებს გაუგზავნიდა. მუქარის შედეგად, იმავე დღეს, დაზარალებულმა არასრულწლოვანმა თავისი საცხოვრებელი ბინის სააბაზანო ოთახში გადაიღო ინტიმური შინაარსის ვიდეო, რომელიც „მესენჯერით” ბრალდებულს გაუგზავნა. ინტიმური შინაარსის ვიდეოს გადაგზავნის შემდეგ, ბრალდებულმა დაზარალებულს სექსუალური ხასიათის ქმედებების განხორციელება, ვიდეოს გადაღება და გადაგზავნაც მოსთხოვა, ხოლო უარის შემთხვევაში, უკანონოდ მოპოვებული უკვე გადაღებული ინტიმური შინაარსის ვიდეოჩანაწერის მშობლებთან და ნათესავებთან გავრცელებით დაემუქრა. მუქარისა და იძულების შემდეგ, დაზარალებულმა არასრულწლოვანმა სექსუალური ქმედების ამსახველი ვიდეო ჩაწერა და ბრალდებულს გაუგზავნა. ამის შემდეგ გოგომ სპეციალურ საგამოძიებო სამსახურს მიმართა. უწყებამ გამოძიება დაიწყო. სამსახურის ცნობით, ბიჭის პირადი ტელეფონიდან ამოიღეს არასრულწლოვანი გოგოს ინტიმური მასალები, შემდეგ კი ბრალდებული დააკავეს. სამსახურის ინფორმაციით, აღნიშნულ ფაქტზე გამოძიება გრძელდება. პუბლიკა

გიორგი გიგაშვილი BBC-ის სიმფონიურ ოკრესტრთან ერთად დაუკრავს. ამის შესახებ BBC Shows წერს. კონცერტი 16 აპრილს ჩატარდება. გიორგი გიგაშვილი ორკესტრთან ერთად მოცარტის საფორტეპიანო კონცერტს დაუკრავს. ორკესტრს ახალგაზრდა იტალიელი-თურქი დირიჟორი ნილ ვენდიტი უხელმძღვანელებს. შესრულდება იტალიელი კომპოზიტორების, ჯაკომო პუჩინისა და ალფრედო კაზელას ნაწარმოებები. გიორგი გიგაშვილი გასულ წელს BBC-ის ახალი თაობის არტისტების ორწლიანი პროგრამის მონაწილე გახდა, რაც BBC-ის ცნობილ ორკესტრებთან დიდი ბრიტანეთის ყველაზე პრესტიჟულ სცენებზე კონცერტებს გულისხმობს, ასევე სოლო კონცერტს BBC-ის Radio 3-ის პირდაპირ ეთერში, სტუდიური ჩანაწერების გაკეთებასა და სხვა აქტივობებს. გიორგი გიგაშვილი BBC-ის ახალი თაობის არტისტი 2023-2025 წლებში იქნება. პუბლიკა

ავლაბარში, შენობის ნაწილი ჩამოინგრა. საგანგებო სიტუაციების მართვის სამსახურის ცნობით, მაშველებმა ნანგრევებიდან ერთი პირი ამოიყვანეს, რომელიც სამედიცინო დაწესებულებაშია გადაყვანილი. შემთხვევის შედეგად დაშავებული კონტაქტურ მდგომარეობაში იმყოფება. იპნ

პოლიტიკური პოლარიზაციის საკითხის გადაწყვეტა, ფაქტობრივად, მესამეა იმ 9 ნაბიჯიდან, რომელიც საქართველომ უნდა განახორციელოს [ევროკავშირში] გაწევრიანების მოლაპარაკებების დაწყებამდე. პოლარიზაცია დიალოგის ნაკლებობის შედეგია, - ამის შესახებ საქართველოში ევროკავშირის წარმომადგენლობის ხელმძღვანელის მოადგილემ და პოლიტიკის, პრესისა და ინფორმაციის განყოფილების ხელმძღვანელმა ასუნსიონ სანჩეს რუისმა სოციალურ მედიაში მოქალაქეების მიერ დასმული კითხვების საპასუხოდ განაცხადა. მისივე თქმით, ევროკავშირი ყველა პოლიტიკურ ლიდერს: მმართველ პარტიას და ოპოზიციას, პოლარიზაციის დასასრულებლად კონსტრუქციული ჩართულობისკენ მუდმივად მოუწოდებს. „ევროკავშირს კარგად ესმის, რომ პოლიტიკური პოლარიზაცია საქართველოს მოსახლეობის სერიოზულ შეშფოთებას იწვევს. საქართველოში არსებული პოლიტიკური კლიმატის შესახებ ბევრმა თქვენგანმა იკითხა. პოლიტიკური პოლარიზაციის საკითხის გადაწყვეტა, ფაქტობრივად, მესამეა იმ 9 ნაბიჯიდან, რომელიც საქართველომ უნდა განახორციელოს გაწევრიანების მოლაპარაკებების დაწყებამდე. პოლარიზაცია დიალოგის ნაკლებობის შედეგია. ევროკავშირი ყველა პოლიტიკურ ლიდერს: მმართველ პარტიას და ოპოზიციას, პოლარიზაციის დასასრულებლად კონსტრუქციული ჩართულობისკენ მუდმივად მოუწოდებს. არსებობს პოლიტიკური კონსენსუსი საქართველოს ევროკავშირის გზის სასარგებლოდ, ამიტომ შეთანხმების საკითხია, ეს ეროვნული მიზანი როგორ იქნება მიღწეული. ჩვენი მუშაობის გამოცდილება იმ ქვეყნებთან, რომლებიც ევროკავშირში უკვე შევიდნენ, არის ის, რომ ყველაფერი შეიძლება უფრო სწრაფად განხორციელდეს, როდესაც ევროკავშირში გასაწევრიანებლად აუცილებელ რეფორმებთან დაკავშირებით ეროვნული კონსენსუსი არსებობს. 9 ნაბიჯს რომ შეხედავთ, თითოეული მათგანის შესრულება, დეპოლარიზაციას იწვევს: საარჩევნო პროცესის გაუმჯობესებით და საპარლამენტო ზედამხედველობით დაწყებული, დასრულებული დეზინფორმაციასთან ბრძოლით და ისეთი ფუნდამენტური უფლებების უზრუნველყოფით, როგორებიცაა შეკრებისა და გამოხატვის თავისუფლება. ყველა ეს ნაბიჯი უნდა განხორციელდეს, რომ საქართველო ევროკავშირის გაფართოების პროცესში წინ წაიწიოს. ვიმედოვნებთ, რომ მთელი საზოგადოება ამ ამოცანას სერიოზულად მოეკიდება“, - განაცხადა ასუნსიონ სანჩეს რუისმა. რაც შეეხება რუსულ პროპაგანდასა და დეზინფორმაციასთან ბრძოლას, რუისის თქმით, ევროკავშირისა და მისი ღირებულებების წინააღმდეგ დეზინფორმაციასთან და უცხოეთიდან საინფორმაციო მანიპულაციასთან და ჩარევასთან ბრძოლა ევროკავშირის გზაზე საქართველოს 9 ნაბიჯიდან პირველია, რომელიც საქართველომ უნდა გადადგას, რომ ევროკავშირის გაფართოებასთან დაკავშირებით წინ წავიდეს. „დეზინფორმაცია კომპლექსური გამოწვევაა, რომელსაც უნდა გაუმკლავდეთ თანმიმდევრულად და მრავალი მხრიდან შესაბამისი სახელმწიფო უწყებების, სტრატეგიული კომუნიკაციების სპეციალისტების, სამოქალაქო საზოგადოების ორგანიზაციების, ფაქტების შემმოწმებლების, აკადემიური წრეების, მედიისა და სხვა ძირითადი აქტორების მჭიდრო თანამშრომლობის საშუალებით. ევროკავშირი მხარს უჭერდა და გააგრძელებს საქართველოში დეზინფორმაციისა და უცხოეთიდან საინფორმაციო მანიპულაციისა და ჩარევის საწინააღმდეგო სხვადასხვა სახის აქტივობების მხარდაჭერას. ჩვენი ძალისხმევა ეხმარება საქართველოს საზოგადოების სიფხიზლის და მედეგობის გაძლიერებას და ხელს უწყობს მიდგომას, რომელიც მოიცავს მთელ საზოგადოებას, სადაც ყველას თავისი როლი აქვს. დეზინფორმაციასთან საბრძოლველად ძირითადი ადგილობრივი აქტორების შესაძლებლობებს ვაძლიერებთ და კრიტიკული აზროვნების ხელშეწყობისა და ისეთი მნიშვნელოვანი უნარების გაუმჯობესებაში ვეხმარებით, როგორებიცაა მთავარი ფაქტების შემოწმება, მედია წიგნიერება და ციფრული წიგნიერება. ეს საქართველოს მასშტაბით სხვადასხვა სამიზნე ჯგუფებისთვის თემატური ტრენინგების საშუალებით კეთდება, მათ შორის ახალგაზრდებისა და უმცირესობებისთვის; ასევე მასწავლებლებისთვის და სხვა ძირითადი გამავრცელებლებისთვის აუცილებელი რესურსების მიწოდების მეშვეობით. ევროკავშირი ასევე მხარს უჭერს დამოუკიდებელ მედიასა და საგამოძიებო ჟურნალისტიკას და თანამშრომლობს ფაქტების შემმოწმებლებთან საინფორმაციო სივრცის სანდო, ფაქტებზე დაფუძნებული ინფორმაციით შესავსებად და მცდარი წარმოდგენების აღმოსაფხვრელად. გარდა ამისა, ჩვენი წარმომადგენლობა და ევროკავშირის მიერ დაფინანსებული პროექტები ასევე აქტიურად ურთიერთობენ საქართველოს საზოგადოებასთან, რომ ევროკავშირის, გაფართოების პროცესის და ევროკავშირი-საქართველოს ურთიერთობების შესახებ ინფორმაცია მიაწოდონ. ევროკავშირისკენ სვლის პროცესში, საქართველოს სჭირდება სრულყოფილი და ინკლუზიური ეროვნული სტრატეგია, რომელსაც თან ერთვის სექტორთაშორისი და გაზომვადი სამოქმედო გეგმა მკაცრი ზედამხედველობის მექანიზმებით. დეზინფორმაციასთან ბრძოლა როგორც ეროვნული, ასევე ევროპული უსაფრთხოების საკითხია“, - განაცხადა ასუნსიონ სანჩეს რუისმა. იპნ

პარტია „საქართველოს“ წევრი, პარლამენტის დეპუტატი ბექა ლილუაშვილი და არასამთავრობო ორგანიზაციის „ურბანული ლაბორატორია“ ხელმძღვანელი გიორგი ბაბუნაშვილი საუბრობენ თბილისში გადაადგილების პრობლემებზე, სატრანსპორტო და საგზაო ინფრასტრუქუტურულ გამოწვევებზე, მეტროსადგურების ეფექტიანობაზე. ექსპერტული გათვლა: რა შემთხვევაში გადაწყდება დედაქალაქში სატრანსპორტო პრობლემები ვიდეო:

თუ ყველა ევროპელს ევროკავშირის დროშის ქვეშ გავაერთიანებთ, მხოლოდ მაშინ იქნება მშვიდობა და კეთილდღეობა ჩვენს კონტინენტზე. ამის შესახებ ევროკომისიის პრეზიდენტმა ურსულა ფონ დერ ლაიენმა სამეზობლო და გაფართოების მოლაპარაკებების გენერალური დირექტორატის (DG NEAR) წინაშე სიტყვით გამოსვლის დროს განაცხადა. ევროკომისიის პრეზიდენტის თქმით, ევროკომისიის მუშაობის შედეგები თვალსაჩინოა. “თუ ყველა ევროპელს ევროკავშირის დროშის ქვეშ გავაერთიანებთ, მხოლოდ მაშინ იქნება მშვიდობა და კეთილდღეობა ჩვენს კონტინენტზე. ისტორია მოგვიწოდებს. ვიცი, რამდენად დაძაბული წელი იყო ყველა თქვენგანისთვის. დღედაღამ მუშაობდით ჩვენს მეზობლებთან დასაახლოებლად. უკრაინელების ყველაზე საბაზისო მოთხოვნილებებზე იზრუნეთ. რუსეთის ომის შედეგებს უმკლავდებოდით მთელი რეგიონის მასშტაბით, ჩრდილოეთ აფრიკიდან მთიან ყარაბაღამდე… და მხარს უჭერდით კანდიდატ ქვეყნებს მათ ევროკავშირის მისწრაფებებში. თქვენი მუშაობის შედეგები თვალსაჩინოა. გაწევრიანების შესახებ მოლაპარაკებები დაიწყეთ ალბანეთთან და ჩრდილოეთ მაკედონიასთან, შემდგომ უკრაინასთან და მოლდოვასთან. და იმავეს გავაკეთებთ ბოსნია-ჰერცეგოვინასთან. საქართველო კანდიდატი ქვეყანა გახდა”, - განაცხადა ფონ დერ ლაიენმა. ipn

"დღეს ყველაზე ნათლად ჩანს "ოცნების" შიშები, პირველ რიგში საკუთარ ამომრჩეველს ატყუებენ, რომ 60 %იანი მხარდაჭერა აქვთ და ამის პარალელურად ცესკოს სრულად იქვემდებარებენ პარტიულ ვერტიკალში." ანა ბუჩუკური, პარტია "საქართველოსთვის" წევრი, დეპუტატი.

"დღეს სახეზე გვყავს შიშებით შეპყრობილი ხელისუფლება, რომელიც ნებისმიერ ფასად ეცდება ძალაუფლების გახანგრძლივებას. მათ ერთი რამ გამორჩათ მხედველობიდან, საქართველოს საზოგადოების დაქვემდებარებას ვერ შეძლებენ, თუ კი საზოგადოება იქნება ფხიზლად და არჩევნებზე იქნება აქტიური." ბექა ლილუაშვილი, პარტია "საქართველოსთვის" წევრი, დეპუტატი. ვიდეო: https://www.facebook.com/ForGeoGe/videos/745133737757016/

პარლამენტმა საარჩევნო ადმინისტრაციის ფორმირების წესზე პრეზიდენტის ვეტო დაძლია. პლენარულ სხდომაზე კენჭი თავდაპირველად პრეზიდენტის მიერ შეთავაზებულ კანონის პროექტს ეყარა, რომელიც შედეგით 21-მომხრე, 61- წინააღმდეგი, “ჩავარდა“. ამის შემდეგ კენჭისყრაზე კანონპროექტის პირვანდელი - ვეტოდადებული ვარიანტი დადგა, რომელსაც ხმათა უმრავლესობით 61-ხმით (13 წინააღმდეგი) დაუჭირეს მხარი. კანონპროექტი ხელმოსაწერად პრეზიდენტს კიდევ ერთხელ გაეგზავნება და თუ ის დადგენილ ვადაში კვლავ არ მოაწერს ხელს, კანონპროექტს ხელს მოაწერს და გამოაქვეყნებს პარლამენტის თავმჯდომარე. პარლამენტმა ხმათა უმრავლესობით მხარი დაუჭირა კანონპროექტს, რომლითაც ცენტრალური საარჩევნო კომისიის თავმჯდომარის იმ მოადგილის თანამდებობა უქმდება, რომელიც ოპოზიციიდან არის დანიშნული. გარდა ამისა, პროექტი ცესკოს ე.წ. პროფესიული წევრებისა და თავმჯდომარის არჩევის პროცედურის ცვლილებას ითვალისწინებს. მათი არჩევის პროცედურა 3-ეტაპიანი ხდება - კერძოდ, პირველ ეტაპზე, ცესკოს წევრის და თავმჯდომარის არჩევა შესაძლებელი იქნება პარლამენტის შემადგენლობის სამი მეხუთედის (90 ხმა) მხარდაჭერით. თუკი კანდიდატები ხმების საკმარის რაოდენობას ვერ მოიპოვებენ, პარლამენტი მეორე კენჭისყრაზე ჩვეულებრივი უმრავლესობით (76 ხმა) მიიღებს გადაწყვეტილებას. კანდიდატურების მორიგი ჩავარდნის შემთხვევაში, კენჭისყრა ანალოგიური პრინციპით გაიმართება. თუ პარლამენტი ვერც ამ შემთხვევაში შესძლებს ცესკოს პროფესიული წევრებისა და თავმჯდომარის არჩევას, კანდიდატურების დანიშვნის უფლებამოსილება პრეზიდენტს გადაეცემა. ამასთან, პარლამენტის მიერ მხარდაჭერილი პროექტით, ძალაში რჩება საარჩევნო კანონმდებლობასა და პარლამენტის რეგლამენტში განხორციელებული ცვლილებები, რომლის მიხედვით, კანდიდატების შესარჩევ კონკურსს პრეზიდენტის ნაცვლად, პარლამენტის თავმჯდომარე გამოაცხადებს და ცესკოს თავმჯდომარის და ცესკოს წევრების კანდიდატურებს პარლამენტს, პარლამენტის თავმჯდომარე წარუდგენს. პარლამენტის თავმჯდომარეს ცესკოს თავმჯდომარისა და წევრების კანდიდატების შესარჩევად კონკურსის გამოცხადებისთვის ვადა 2024 წლის 1-ელ მაისამდე აქვს. იპნ

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს საქართველოს ე.წ. ოკუპირებული ტერიტორიების და საკითხთან დაკავშირებით: ,,2012 წლის შემდეგ, ,,ქართულმა ოცნებამ” სრულად გაფლანგა ის დიდი ნდობა, რომელიც მართლა ჰქონდა. გაფლანგა ისე, რომ პოზიტიური ვერაფერი შექმნა, რაზეც შემდგომ შეიძლებოდა ახალი პოზიტიური დღის წესრიგის შექმნა. ამიტომ დღეს, ფაქტობრივად, რასაც აკეთებენ, ძალიან სამწუხაროდ, თაღლითურად ცდილობენ, რაღაც დიდ, ქვეყნისთვის ემოციურად მნიშვნელოვან თემებს შეეხონ. ეს არის ის, რასაც მე სოციალური ინჟინერიის ექსპერიმენტებს ვუწოდებ. არ შეიძლება იმისთვის, რომ შენ შენი ნდობა გაფლანგე 12 წლის განმავლობაში, ვერ დადე ის შედეგი, რომელიც გაძლევდა შესაძლებლობას ადამიანებთან მოსულიყავი და გეთქვა, რომ ,,კიდევ ერთხელ მენდე“, არ შეიძლება შენ შეეხო ქვეყნის ისტორიისთვის ისეთ მნიშვნელოვან თემებს, როგორიც არის აფხაზეთი, სამაჩაბლო. მარტივ მაგალითს გეტყვით: ვინმეს რომ არჩევნების კონტექსტის გარდა აღელვებდეს აფხაზეთის რეინტეგრაციის რეალური ბედი, მაგალითად, სამაჩაბლოს ე.წ. პარლამენტის თავმჯდომარე ზის მოსკოვში და განიხილავს საკითხს მოსკოვში – როგორ, რანაირად და როდის უნდა ჩატარდეს რეფერენდუმი სამხრეთ ოსეთის ე.წ. სამაჩაბლოს მიერთებასთან დაკავშირებით. ერთი განცხადება გინახავთ? ერთი გამოხმაურება? – არა, მათ მხოლოდ და მხოლოდ შეუძლიათ გამოვიდნენ, რაღაცა პროპაგანდისტული, ტრაფარეტული ლოზუნგებით ელაპარაკონ, რომ ტყუილი, ცრუ, მატყუარების მიერ შექმნილი აღქმა შეუქმნან საქართველოს მოქალაქეებს, რომ ვითომ რაღაცას საუბრობენ, აკეთებენ ან აპირებენ. იცოდეთ, რომ საქართველოს დღევანდელი მთავრობა რუსეთისთვის არის საჩუქარი იმიტომ, რომ რუსეთისთვის კორუმპირებული, უნიათო და ყველანაირ რესურს გამოცლილი მთავრობა არის საჩუქარი იმისთვის, რომ ყველანაირი სარგებლის გარეშე, ეს მთავრობა აკეთებს ყველაფერს იმისთვის, რომ ქვეყნის სუვერენული ნება და საქართველოს სახელმწიფოებრივი ინტერესები განუხორციელებელი დარჩეს“, – განაცხადა გიორგი გახარიამ. ავტორი ნინი ხიჯაკაძე

პარტია "საქართველოსთვის" განცხადებას ავრცელებს, რომელსაც planeta.ge უცვლელად გთავაზობთ: "პარლამენტის დღევანდელი გადაწყვეტილებით ცესკო სრულად დაექვემდებარა ოცნების პარტიულ ვერტიკალს. ინსტიტუცია, რომელიც პასუხისმგებელია არჩევნების ჩატარებაზე, ხმების დათვლაზე, არჩევნების შედეგების შეჯამებაზე, საარჩევნო კომისიების გადაწყვეტილებების კანონიერების შემოწმებაზე, აღნიშნული კომისიების ხელმძღვანელობაზე და კონტროლზე, დამკვირვებლებისთვის სტატუსის მინიჭებაზე და 2024 წლის არჩევნებზე ელექტრონული ტექნოლოგიების ადმინისტრირებაზე, სრულად გადავიდა ოცნების მორჩილებაში. არჩევნების გაყალბების მთავარ ინსტრუმენტებთან - სისტემურ მუქარა-ზეწოლასთან და პოლიტიკური კორუფციასთან ქმედითი ბრძოლის ნაცვლად, მანამდე ოცნებამ უარი თქვა ყველა რეფორმაზე, რამაც არჩევნების თავისუფალ და სამართლიან გარემოში ჩატარება უნდა უზრუნველყოს. ცესკოს დამორჩილება არჩევნების გაყალბებისკენ გადადგმული კიდევ ერთი დიდი ნაბიჯია. მოვუწოდებთ მოქალაქეებს 2024 წლის არჩევნებში მაქსიმალური მონაწილეობისკენ. ეს არის მოქალაქეების ხელში არსებული ქმედითი ბერკეტი, რომ ხელისუფლების მხრიდან არჩევნების გაყალბებება დავძლიოთ. ქვეყნის ევროპული მომავალი თითოეული ჩვენგანის ხელშია."