tvati

ღარიბაშვილს უნდა ესმოდეს, რომ ჩინჩალაძე, მურუსიძე და თვითონაც მათთან ერთად, როგორც მათი თანამზრახველი, პასუხს აგებენ ყველაფრისთვის, წარსულისთვისაც, აწმყოსთვისაც და იმ საქმეებისთვის, რაც მათ უკეთებიათ. თუ “ოცნება” ამ მოსამართლეებს ვერ მოიშორებს ან არ მოიშორებს, ეს მოსამართლეები “ოცნებას” დაამთავრებენ. ლევან გოგიჩაიშვილი, პარტია “საქართველოსთვის” წევრი. ვიდეო: https://www.facebook.com/ForGeoGe/videos/7202076389900362/

დღეს დილიდან, ჩვენ კიდევ ერთხელ ვაკვირდებით ქართული ოცნების მავნებლობას, ნებისმიერი გზებით, მებისმიერი საშუალებებით გაიხანგრძლივოს საკუთარი ძალაუფლება. სამწუხაროდ, ხშირად ეს ხდება ქვეყნის მნიშვნელოვანი მიღწევების, პროგრესის ფასადაც კი. ძალიან კარგად ჩანს, რომ ოცნების მთავარი მოტივი და მიზანი, ქვეყნის განვითარება კიარა, პოლიტიკური თვითგადარჩენაა. პარტია, რომელიც ამბობს რომ აქვს 60% იანი მხარდაჭერა, ჯერ მისი წინამორბედის მსგავსად, საკუთარ საარჩევნო ისტერიულ შიშებზე არგებს კანონებს, და იქვემდებარებს ცენტრალურ საარჩევნო კომისიას. შემდეგ კი უპრინციპო პოლიტიკური გარიგებებით აპირებს დანიშნოს სრულად კონტროლირებადი ადამიანები ამ ინსტიტუტის ხელმძღვანელებად. მე მაინტერესებს, დღეს რა შეფასებებით მოძრაობენ ის ადამიანები, რომლების მხრიდანაც, გენდერული კვოტების მნიშვნელობა, ამ მიღწევის დაცვაზე არაერთი გამოსვლა - ჩემი ყურით მომისმენია აი ამ დარბაზიდან, აი ამ ტრიბუნიდან? თავს ნუ იტყუებთ რაღაც გამოგონილი, ვითომ პოლიტიკური კომპრომისებით თქვენს ვითომ ოპონენტებთან. თქვენს ამ ფარულ გარიგებებს ვერ შეფუთავთ! როგორც ვერ შეფუთეთ ნაც მოძრაობასთან გარიგება და იუსტიციის უმაღლესი საბჭოს წევრების დანიშვნა, როგორც ალაგებდით ახალ გარიგებას მაგრამ წყალში ჩაგიყარეთ პრეზიდენტის იმპიჩმენტის დროს. ეხლა, გგონიათ რომ ამ ახალი შეფუთვით ამომრჩეველს რამეს მოატყუებთ? ვერ მოატყუებთ! დიდი ხანია უკვე საზოგადოება ძალიან კარგად არჩევს რეალურად სად გადის კოლექტიური ქართული ოცნების კონტურები, ამიტომ ეს თამაშობანა ვერ გიშველით. ვერც ის გიშველით, რომ ვითომ 60%-იანი პარტია გამოდიხართ და მუნიციპალიტეტებში არსებულ 40% - იან ბარიერს აუქმებთ, იმიტომ რომ დღევადელი კვლევევბით 30%-ის გადალახვის პრობლემა გაფრთხობთ. ვერც რაღაც ახალი ველოსიპედების ე.წ. დელეგატების სისტემის და ადგილობრივი ფეოდალებისთვის საპარლამენტო მანდატების მიყიდვის შესაძლებლობების შექმნა გიშველით. თქვენ რომ გგონიათ, რომ ხელში ტუზი გიჭირავთ და რომ ბოლო-ბოლო ჩვენი მოქალაქეებისთვის არჩევნების მოპარვით, ძალადობით დაშინებით თუ მოსყიდვით გახვალთ სამშვიდობოს - ეგ ტუზიც ხელში შეგრჩებათ. არ გჯერათ? აგერ ნაც. მოძრაობას კითხეთ 2012 წელს როგორ იყო, გაგიზიარებენ. გუშინ, რომ ღარიბაშვილმა ჩვენს ემიგრანტებს მოუწოდა, ჩამოდით და აქ მიეცით ხმაო, ასეთი უპატივცემულობა რომ გამოავლინა, თითქოს მისსავით ამ ხალხს ჩარტერი ელოდებოდეს აეროპორტში - მარტო ღაიბაშვილს კიარა, ბუმერანგივით თქვენც დაგიბრუნდებათ ამ ემიგრანტებისგან და მათი ოჯახის წევრებისგან მომავალ არჩვენებზე. სულ რომ ერთ უბანიც არ გახსნათ საზღვარგარეთ - ესეც არ გიშველით. ამიტომ. ბევრჯერ გვითქვამს და კიდევ ერთხელ ვიტყვით, შეეშვით პოლიტიკურ თაღლითობას და არჩევნების მოპარვის პერსპექტივით ტკბობას. დაიტოვოთ იმის მინიმალური შესაძლებლობა მაინც, რომ ადამიანებს, ამომრჩველებს შერჩეთ ელემენტარული პატივისცემა და დაგიფასოთ ის ბევრი კარგი საქმე, რომელიც თქვენ, ჩვენ ერთად გვიკეთებია. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/1629086601253500/

· 2 დღის წინ დავბრუნდი სამეგრელოდან - გვქონდა უამრავი შეხვედრა ასეულობით ადამიანთან სამეგრელოს სხვადასხვა სოფელში. · როდესაც აი, ამ შენობაში მსხდომი ადამიანების ძირითადი ნაწილი ხშირ შემთხვევაში სრულ აბსურდზე ექიშპებით ერთმანეთს, ისიც როგორც წესი მხოლოდ კამერების წინ ყალბი შოუსთვის, ამ დროს რეგიონებში ადამიანებს ელემენტარული, საბაზისო მოთხოვნილებები არ აქვთ დაკმაყოფილებული. ელემენტარულად - სასმელი წყლის პრობლემაც კი არ არის ქვეყანაში მოგვარებული. და ჩვენ აქ საერთოდ რაზე ვსაუბრობთ?! · სანამ კამერების წინ აბსურდებზე ექიშპებით ერთმანეთს, რეგიონები ახალგაზრდებისგან იცლება. უამრავი ადამიანი ვნახე ბოლო დღეებში სამეგრელოს სოფლებში, მშობლები, ცრემლიანი თვალებით, როგორ ტკივათ საკუთარი შვილების და შვილიშვილების გაქცევა საკუთარი ქვეყნიდან და ფაქტობრივად ოჯახების იძულებითი დატოვება. მრავალშვილიან ოჯახებში შვილები აღარ ცხოვრობენ და მხოლოდ ხანდაზმული მშობლები და ბებია-ბაბუები არიან დარჩენილები. · სანამ კამერების წინ აბსურდებზე ექიშპებით ერთმანეთს, რეგიონებში მინი-ფეოდალები მდიდრებიან და რიგითი ადამიანები უკიდურეს გაჭირვებაში ცხოვრობენ - აქედან მინდა მოვიკითხო ბატონი ვაჟა კვარაცხელია (ლესალე, ჯგალი), რომელმაც მთხოვა, ქვეყანაში აყვავებულ კორუფციაზე მუდმივად ვისაუბროთ. · სანამ კამერების წინ აბსურდებზე ექიშპებით ერთმანეთს, რეგიონებში სოფლებში ბავშვები შიმშილობენ და იმის ნაცვლად, რომ ფაქტობრივად მზა პროექტი სასკოლო კვებაზე, რომელიც 2022 წლიდან უნდა დაწყებულიყო, საარჩევნოდ გადადეთ - მერე რა, რომ ბავშვების შიმშილობენ და ვერ ვითარდებიან. ეს ის ბავშვები არიან, რომლებიც მშობლების გარეშე იზრდებიან. · ამ გაჭირვების ფონზე გამოდიხართ და ჩვენს მოქალაქეებს დასცინით, რომ თურმე ემიგრანტს, რომელსაც არჩევნებზე ხმის მიცემა უნდა, ვინ უშლის, ჩამოვიდეს და ისე მისცეს ხმაო - არადა ამ ხალხს იძულებით აქვს ოჯახები დატოვებული, ათასობით დოლარი აქვთ ვალად აღებული უცხოეთში გასაქცევად და ზოგჯერ სიცოცხლე აქვთ საფრთხეში ჩაგდებული იმისთვის, რომ ოჯახის გამოსაკვებად ევროპაში ან ამერიკაში წასულიყვნენ. აი, ამ ადამიანებს დასცინით თქვენ. · გამოდიხართ და თავს იწონებთ სრული ტყუილებით, რომ თითქოს კორუფციას ებრძვით. მაშინ, როდესაც ბოლო 3 წელიწადში ყველა მუნიციპალიტეტში, ყველა სოფელში მინი-ფეოდალები დაამკვიდრეთ და ამ ხალხის ხარჯზე რამდენიმე ადამიანი მდიდრდება - ამ ხალხს დასცინით თქვენ. · ვითომ კორუფციას ებრძვით და თქვენ თვითონვე 2023 წლის თებერვალში, იმის გამო, რომ oecd-ის თქვენი კორუფცია არ შეემოწმებინა, ადექით და საერთოდ გამოიქეცით ანტიკორუფციული ქსელიდან. · გამოდიხართ და ურცხვად საკუთარ მშობლებზე გადაბრალებით (როგორც თქვენმა ყოფილმა პრემიერმა გააკეთა) ცდილობთ დაუსაბუთებლად, უკანონოდ მოპოვებული ქონების გამართლებას - მაშინ, როდესაც გაჭირვების გამო ბავშვები მშობლებს იძულებით არიან დაშორებულები და ონლაინ ხედავენ მხოლოდ. · ზუსტად ეს ხალხი, ვისაც თქვენ დასცინით და ასეთ შეურაცხყოფას აყენებთ - გამოგიტანთ თქვენ განაჩენს, ისევე, როგორც ნაცებს გამოუტანა თავის დროზე და იძულებული გახდებით, ყველა, ვისაც დაუსაბუთებლად, ხალხის ხარჯზე გაქვთ ფული ნაშოვნი, დააბრუნოთ ყველაფერი ის, რაც თქვენი არ არის. დარწმუნებული იყავით ამაში. · ჩვენს მოქალაქეებს კი აქედანაც მინდა კიდევ ერთხელ ვუთხრა - იმედი არ დაკარგოთ, ესენი ჩვეულებრივი მშიშარა ადამიანები არიან და ამათ ჩვენ ყველა ერთად მივხედავთ, თქვენთან ერთად. · შეგახსენებთ, რომ ისტორიაში პირველად საქართველოში ტარდება სრულად პროპორციული არჩევნები, რაც ნიშნავს, რომ თითოეულ თქვენს ხმას იმაზე მეტი ძალა აქვს, ვიდრე ოდესმე ჰქონია. ანა ბუჩუკური, საპარლამენტო პოლიტიკური ჯგუფი “საქართველოსთვის”წევრი. ვიდეო: https://www.facebook.com/ForGeoGe/videos/406345618681711/

"ჩვენი გუნდის წევრებთან ერთად, ვიმყოფებოდით ჩხოროწყუს, წალენჯიხის, ზუგდიდის და სენაკის მუნიციპალიტეტებში. შევხვდით ჩხოროწყუს მუნიციპალიტეტის სოფელ ხაბუმეს იმედგაცრუებულ მოსახლეობას, რომელიც უკვე ორი წელია უშედეგოდ ელოდება მონატრებულ გაზიფიცირებას, რომელიც, 2020 წელს დაიწყო და ორი წლის წინ უნდა დასრულებულიყო გამრიცხველიანების და ბუნებრივი აირის მიწოდების პროცესი, თუმცა, სოფელ ხაბუმეს მოსახლეობის 100- მდე ოჯახი, დღემდე ბუნებრივი აირის გარეშე რჩება. მიზეზი გახლავთ ის, რომ კომპანიამ, რომელიც სანიაღვრე არხების მოწყობის სამუშაოებს აწარმოებდა დაარღვია ყოველგვარი სამშენებლო ნორმები და დააზიანა მიწისქვეშ განთავსებული ბუნებრივი აირის მილი, თან ისე, რომ აღდგენასაც არ ექვემდებარება და საჭიროა თავიდან გაკეთება. წლევანდელ ზამთარს, გასული წლის ზამთრის მსგავსად, ადილობრივი მოსახლეობა ბუნებრივი აირის გარეშე შეხვდა, მაგრამ, სამწუხაროდ, ხალხის პროტესტი დღემდე ყურად არავინ იღო და მხოლოდ ტყუილი დაპირებებით, უშედეგოდ ელიან პრობლემის მოგვარებას. ისევე როგორც სოფელ კირცხის მოსახლეობა - უშედეგოდ ელოდება აბონენტებად დადგომას და ნანატრი გაზის ანთებას. არაეფექტიანად მართვის შედეგია ჩხოროწყუს და წალენჯიხის მუნიციპალიტეტის სოფლებში: ზუმი, კირცხი, ნაფიჩხოვოს, ზღვაიას, საჩინოს, ლიის და ფახულანში სარეაბილიტაციოდ დაცლილი და დაშლილი საჯარო სკოლები, რომლებიც უხარისხობის თუ ვადის გადაცილების გამო, როდის დასრულდება კაცმა რომ არ იცის. დიახ, არასახელმწიფოებრივი მიდგომის შედეგია, როდესაც მიღებულ იქნა გადაწყვეტილება და ნაცვლად იმისა, რომ სახელმწიფოს მეთხილე ფერმერებთან ერთად ეზრუნა და აეღო სრული პასუხისმგებლობა მავნებლების და დავადებების წინააღმდეგ ბრძოლის ღონისძიებების ეფექტიან გატარებაში, სახელმწიფომ ნაკლები შრომით და პასუხისმგებლობის შემცირების მიზნით, ძირითადი პასუხისმგებლობა დააკისრა ისედაც გაჭირვებაში მყოფ მეთხილე ფერმერებს და არაეფექტიანი პროგრამის დანერგვით, ისედაც სიდუხჭირეში მყოფმი ფერმერები, წინასწარ გაწირა სიღარიბისთვის. 500 ლარიანი ბარათები კი ხშირ შემთხვევაში გამოიყენებულ იქნა არამიზნობრივად და ყოფითი პრობლემების მოსაგვარებლად. შედეგად კი მივიღეთ დავადებებისგან და მავნებლებისგან მიყენებული ზიანის მაშტაბების გაზრდა, ქვეყნისთვის უმნიშვნელოვანესი საექსპორტო პოტენციალის მქონე თხილის მოსავლის ხარისხის გაფუჭება და ისედაც სიდუხჭირეში მყოფი ფერმერების ყოფითი პირობების კიდევ უფრო გაუარესება. არაპრაგმატული პოლიტიკის შედეგია ახალგაზრდებისგან და ქართული გენოფონდისგან დაცლილი სამეგრელოს ქართული სოფლები და დემოგრაფიული კრიზისის წინაშე მდგომი საქართველო. როდესაც მრავალი წლის წინ მთის მოსახლეობა ხმამაღლა გაიძახოდა, რომ მთა დემოგრაფიული კატასტროფის ზღვარზე დგას და სახელმწიფოს შველას ითხოვდა სამწუხაროდ მთის ხალხის სიტყვა ყურად არავინ არ იღო. დღეს უკვე დემოგრაფიული კატასტროფის წინაშე არა თუ მთის არამედ ბარის სოფლები და ქალაქებიც დგანან და ასე თუ გაგრძელდა მალე სოფლებში ხმისგამცემი კაცი აღარ გვეყოლება და ადამიანებისგან დაცლილი და ფუძეჩაბნელებულ სოფლებიღა შეგვრჩება ხელში. მჯერა, რომ მალე დადგება ის დრო და ჟამი, როდესაც ქართველ ხალხთან ერთად, ერთმანეთის მხარდამხარ დგომით, იმედიანი სიტყვით და მართალი საქმით, შევძლებთ, დავუდგეთ ქართულ სოფელს გვერდით, და ხალხისგან დაცარიელებულ სოფლებსაც გავამაგრებთ და ქვეყნის მომავალი თაობა უიმედობის გამო არასდროს აღარ იფიქრებს საკუთარი სოფლიდან და ქვეყნიდან გაქცევაზე." შალვა კერესელიძე, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/1620630502100947/

მაშველებმა ბაკურიანში, თოვლის მასაში მოყოლილი მამაკაცის ცხედარი იპოვეს. ინფორმაციას საგანგებო სიტუაციების მართვის­ სამსახური ავრცელებს. მათი ინფორმაციით, გარდაცვლილის ცხედარი მაშველებმა თოვლის მასიდან ამოიყვანეს და შესაბამისი სამართლებრივი პროცედურები მიმდინარეობს. „შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა ბორჯომის მუნიციპალიტეტში, დაბა ბაკურიანში, თოვლის მასაში მოყოლილი მამაკაცის ცხედარი, ინტენსიური საძიებო სამუშაოების შედეგად იპოვეს. „სამუშაოებში ჩართული იყო 200-ამდე მეხანძრე-მაშველი, სასაზღვრო პოლიციის ვერტმფრენი, სამაშველო დრონები, კინოლოგთა სამსახური და საქართველოს თავდაცვის ძალების წარმომადგენლები. გარდაცვლილის ცხედარი მაშველების მიერ ამოყვანილია თოვლის მასიდან და მიმდინარეობს შესაბამისი სამართლებრივი პროცედურები“,-აღნიშნულია ინფორმაციაში. ipn

თბილისის საქალაქო სასამართლომ ქრთამის აღებისთვის დაკავებული საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის სამ მენეჯერს აღკვეთის ღონისძიების სახით პატიმრობა შეუფარდა - გადაწყვეტილებას დაცვის მხარე სააპელაციო სასამართლოში გაასაჩივრებს. ერთ-ერთი ბრალდებულის ადვოკატის, გიორგი ყავლაშვილის განცხადებით, ბრალდების მხარის მიერ სასამართლოზე დღეს წარდგენილ გარემოებებზე დაფუძნებით პატიმრობის შეფარდება არარელევანტურია. „სააპელაციოში გავასაჩივრებთ. ჩემი დაცვის ქვეშ მყოფს, ისევე როგორც სხვა ბრალდებულებს, პატიმრობა შეეფარდა. ის გარემოებები, რომლებიც დღეს თითქოსდა დასაბუთების მიზნით დაასახელა ბრალდების მხარემ, ძალიან დიდი ხნის წინ არსებობდა და დღეს არ იყო რელევანტური ამ გარემოებებზე დაფუძნებით პატიმრობის მოთხოვნა“, - განაცხადა ადვოკატმა, გიორგი ყავლაშვილმა. კიდევ ორი ბრალდებულის ადვოკატის, დავით კუტალაძის განცხადებით კი, სასამართლოს დღევანდელი გადაწყვეტილება დასაბუთებული არაა. „მიგვაჩნია, რომ ეს გადაწყვეტილება არ არის დასაბუთებული და არ შეესაბამება იმ მოცემულობას, რაც საქმეშია წარმოდგენილი. ცალსახად მიმაჩნია, რომ ჩემი დაცვის ქვეშ მყოფი არცერთი პირი არ იმსახურებდა აღმკვეთი ღონისძიების სახით პატიმრობის გამოყენებას, ანუ არ არსებობდა ის საფუძვლები, რაც აუცილებელია პატიმრობის გამოსაყენებლად. აბსოლუტური თანამშრომლობის რეჟიმში იყვნენ ხანგრძლივი დროის განმავლობაში, არც მიმალვის, არც მტკიცებულების განადგურების ან ახალი დანაშაულის ჩადენის საფრთხე არ არსებობს“,- განაცხადა დავით კუტალაძემ. რაც შეეხება ქრთამის მიცემის ფაქტზე დაკავებულ „ევექსის“ ორ წარმომადგენელს, საქმის პროკურორის ინფორმაციით, მათ მიმართ აღმკვეთი ღონისძიების შეფარდების თაობაზე თბილისის საქალაქო სასამართლო უახლოეს დღეებში იმსჯელებს. ცნობისთვის, გამოძიების ინფორმაციით, სსიპ საგანგებო სიტუაციების კოორდინაციისა და გადაუდებელი დახმარების ცენტრის სამ მენეჯერს და ერთ-ერთი სამედიცინო კორპორაციის ორ წარმომადგენელს შორის კორუფციული გარიგება შედგა. გარიგების თანახმად, ბრალდებულები სასწრაფო-სამედიცინო დახმარების ცენტრში შესული მოთხოვნის საფუძველზე, პაციენტთა ელექტრონული მართვის პროგრამაში ხელოვნური ჩარევით, პაციენტების არა უახლოეს სამედიცინო დაწესებულებაში ჰოსპიტალიზაციას, არამედ მათ აღნიშნული სამედიცინო კორპორაციის კლინიკებში გადაყვანას უზრუნველყოფდნენ. აღნიშნული კორუფციული სქემით, 2020 - 2023 წლებში, ხსენებული სამედიცინო კორპორაციიდან „112“-ის მენეჯერებს საბანკო ანგარიშზე 500 000 ლარზე მეტი ჩაერიცხათ, რაც ერთმანეთში გადაინაწილეს. სამართალდამცველებმა ბრალდებულები 29 მარტს დააკავეს. მათ ბრალდება საქართველოს სისხლის სამართლის კოდექსის 338-ე მუხლის მე-2 ნაწილის „გ“ ქვეპუნქტით და მე-3 ნაწილის „ე“ ქვეპუნქტით წარედგინათ (მოხელის მიერ წინასწარი შეთანხმებით ჯგუფურად, განსაკუთრებით დიდი ოდენობით ქრთამის აღება), რაც სასჯელის სახედ და ზომად 11-დან 15-წლამდე თავისუფლების აღკვეთას ითვალისწინებს. რაც შეეხება ქრთამის მიცემის ფაქტს, სამედიცინო კორპორაციის ყოფილ ორ თანამშრომელს, ბრალდება 339-ე მუხლის მე-2 ნაწილით (ქრთამის მიცემა უკანონო ქმედების ჩასადენად) წარედგინა, რაც სასჯელის სახედ და ზომად 4-დან - 7 წლამდე თავისუფლების აღკვეთას ითვალისწინებს.

საფრანგეთის თავდაცვის მინისტრის, სებასტიან ლეკორნუს განცხადებით, უკრაინაში ასობით ჯავშანტექნიკას და „ასტერის“ რაკეტებს გაგზავნიან. ლეკურნუმ The Tribune-თან ინტერვიუში განაცხადა, რომ იარაღის მიწოდება 2024 წელს და 2025 წლის დასაწყისში იგეგმება. მისი თქმით, საუბარია ცნობილ VAB ჯავშანტრანსპორტიორებზე. „უკრაინის არმიას სჭირდება, მაგალითად, ჩვენი ფრონტის ჯავშანტექნიკა (VAB): ამას აბსოლუტურად საკვანძო მნიშვნელობა აქვს ჯარების მობილურობისთვის. ამ ძველ ტექნიკას, რომელიც ჯერ კიდევ შეუძლია უკრაინას მნიშვნელოვანი პირდაპირი სარგებელი მოუტანოს“, - აღნიშნა საფრანგეთის თავდაცვის უწყების ხელმძღვანელმა. მინისტრის თქმით, საჰაერო თავდაცვის გაძლიერების შესახებ კიევის მოთხოვნის საპასუხოდ, პარიზი გადასცემს საბრძოლო მასალა „ასტერ 30“-ს SAMP/T-ისთვის - რომელიც ამერიკული Patriot-ის ეკვივალენტია. სებასტიან ლეკორნუ არ გამორიცხავს, რომ პროცესის დაჩქარების მიზნით საფრანგეთმა პრიორიტეტი სამოქალაქო მწარმოებლიდან სამხედროზე გადაიტანოს. ipn

საქართველოში მიწისძვრა მოხდა. დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის ინფორმაციით, ეპიცენტრი რაჭაში, ქალაქ ონიდან სამხრეთ-აღმოსავლეთით 6 კილომეტრში, სოფელ ფსორთან იყო. მიწისძვრის სიძლიერემ 4,8 მაგნიტუდა შეადგინა. როგორც "ინტერპრესნიუსს" რაჭა-ლეჩხუმ-ქვემო სვანეთის სახელმწიფო რწმუნებულის ადმინისტრაციაში განუცხადეს, ამ დროის მონაცემებით, მიწისძვრას ნგრევა ან დაზიანება არ გამოუწვევია. როგორც უწყებაში განმარტავენ, რაიმე სახის შეტყობინება არც საგანგებო სიტუაციების მართვის სამსახურში შესულა. იპნ

თბილისის მუნიციპალური ინსპექციის თანამშრომლებმა მეტრო სადგურის მოედნისა და ე.წ. დეზერტირების ბაზრის მიმდებარე ტერიტორიიდან გარემოვაჭრეების დახლები დაშალა. უწყების ცნობით, კონსტრუქციების აღებამდე მათ რამდენჯერმე გააფრთხილეს მოვაჭრეები, “უნებართვო სამეწარმეო საქმიანობა შეეწყვიტათ”. “ბოლო პერიოდში, სადგურის მოედნის და მეტროს გამოსასვლელების მიმდებარედ უკანონო გარე ვაჭრობამ, სხვადასხვა სახის მსუბუქი კონსტრუქციების და დახლების გამოყენებით ტროტუარების შეზღუდვამ და მოქალაქეთა გადაადგილების შეფერხებამ სისტემატური ხასიათი მიიღო, გახშირდა საავტომობილო გზებზე გადმოსვლის და ტრანსპორტის მოძრაობისათვის ხელისშეშლის ფაქტებიც. აგრეთვე ტერიტორიაზე უკანონო საქმიანობიდან გამომდინარე ანტისანიტარია და გარემოს ნარჩენებით დაბინძურების ფაქტებიც ფიქსირდებოდა”, – ვკითხულობთ უწყების მიერ გავრცელებულ განცხადებაში. უწყებამ აქამდეც არაერთხელ დაშალა სხვადასხვა უბანში გარემოვაჭრეების მიერ მოწყობილი კონსტრუქციები. მიზეზად “იერსახის დამახინჯება” და “საზოგადოებრივი სივრცეების შეზღუდვა” სახელდება. ნეტგაზეთი

ბათუმში, საკეისრო კვეთის შემდეგ ორსული გარდაიცვალა. როგორც შსს-ში აცხადებენ, მომხდართან დაკავშირებით გამოძიებაა დაწყებული. როგორც მედიისთვის მიცემულ ინტერვიუში ქალის ოჯახის წევრი ჰყვება, ორსულს საკეისრო კვეთა კლინიკა BMC-ში ჩაუტარდა და მდგომარეობის დამძიმების შემდეგ, ის კლინიკა BAU-ში გადაიყვანეს. როგორც კლინიკა „ბაოს“ რეანიმაციული განყოფილების უფროსმა გოჩა აბაშიძემ „მთავარ არხს“ განუცხადა, ქალი კლინიკაში სხვა კლინიკიდან „უკიდურესად მძიმე მდგომარეობით შეიყვანეს“ და მისი გადარჩენა ვერ მოხერხდა. პუბლიკა

ევროპის ჩემპიონატზე საქართველოს მატჩების ბილეთები UEFA-ს ვებგვერდზე გაიყიდება. ინფორმაცია ამის შესახებ UEFA-ს ვებგვერდზე გამოქვეყნდა. საქართველოს ნაკრები პირველ თამაშს ევროპის ჩემპიონატზე თურქეთის ეროვნულ ნაკრებთან 18 ივნისს, გერმანიის ქალაქ დორტმუნდში გამართავს, გერმანიის ყველაზე დიდ სტადიონზე, რომელიც 80 ათასამდე მაყურებელს იტევს. UEFA/EURO2024-ის საიტზე გამოქვეყნებული ინფორმაციის თანახმად, საქართველოს მატჩზე დასასწრები ბილეთების ფასი 30 ევროდან იწყება, მაქსიმალური ღირებულება კი 400 ევროა. საქართველოს ეროვნულმა ნაკრებმა 26 მარტს ერთა ლიგის C დივიზიონის ფინალში საბერძნეთი პენალტების სერიაში დაამარცხა და ისტორიაში პირველად ევროპის ჩემპიონატზე ითამაშებს. პუბლიკა

საქართველოს პროკურატურამ წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღების ფაქტზე სსიპ საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის ყოფილ სამ მენეჯერს და უკანონო ქმედების ჩასადენად ქრთამის მიცემისთვის ერთ-ერთი სამედიცინო კორპორაციის ყოფილ ორ წარმომადგენელს ბრალდება წარუდგინა. ამის შესახებ ინფორმაცია საქართველოს პროკურატურა ავრცელებს. მათივე ცნობით, პროკურატურა ბრალდებულებისთვის აღკვეთის ღონისძიების შეფარდების შუამდგომლობით სასამართლოს კანონით დადგენილ ვადაში მიმართავს. „სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული გამოძიებით დადგენილია, რომ სსიპ საგანგებო სიტუაციების კოორდინაციისა და გადაუდებელი დახმარების ცენტრის სამ მენეჯერს და ერთ-ერთი სამედიცინო კორპორაციის ორ წარმომადგენელს შორის კორუფციული გარიგება შედგა. გარიგების თანახმად, ბრალდებულები სასწრაფო-სამედიცინო დახმარების ცენტრში შესული მოთხოვნის საფუძველზე, პაციენტთა ელექტრონული მართვის პროგრამაში ხელოვნური ჩარევით, პაციენტების არა უახლოეს სამედიცინო დაწესებულებაში ჰოსპიტალიზაციას, არამედ მათ აღნიშნული სამედიცინო კორპორაციის კლინიკებში გადაყვანას უზრუნველყოფდნენ. აღნიშნული კორუფციული სქემით, 2020 - 2023 წლებში, ხსენებული სამედიცინო კორპორაციიდან საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის მენეჯერებს საბანკო ანგარიშზე 500 000 ლარზე მეტი ჩაერიცხათ, რაც ერთმანეთში გადაინაწილეს", - ნათქვამია ინფორმაციაში. სამართალდამცველებმა ბრალდებულები 29 მარტს დააკავეს. პროკურატურის ცნობით, მათ ბრალდება საქართველოს სისხლის სამართლის კოდექსის 338-ე მუხლის მე-2 ნაწილის „გ“ ქვეპუნქტით და მე-3 ნაწილის „ე“ ქვეპუნქტით წარედგინათ (მოხელის მიერ წინასწარი შეთანხმებით ჯგუფურად, განსაკუთრებით დიდი ოდენობით ქრთამის აღება), რაც სასჯელის სახედ და ზომად 11-დან 15-წლამდე თავისუფლების აღკვეთას ითვალისწინებს. რაც შეეხება ქრთამის მიცემის ფაქტს, სამედიცინო კორპორაციის ყოფილ ორ თანამშრომელს, ბრალდება 339-ე მუხლის მე-2 ნაწილით (ქრთამის მიცემა უკანონო ქმედების ჩასადენად) წარედგინა, რაც სასჯელის სახედ და ზომად 4-დან - 7 წლამდე თავისუფლების აღკვეთას ითვალისწინებს.

საქართველოს პრეზიდენტის ადმინისტრაცია დიასპორისთვის საზღვარგარეთ საარჩევნო უბნის გახსნის მოთხოვნისა და ხმის მიცემის შესახებ საინფორმაციო ბიულეტენებს აქვეყნებს. როგორც ადმინისტრაციის მიერ გავრცელებულ მასალაშია აღნიშნული, ბიულეტენები პრეზიდენტისა და დიასპორის შეხვედრაზე დასმული კითხვების საპასუხოდ მომზადდა. უფრო კონკრეტულად, საუბარია საფეხურებზე, რომელიც საჭიროა, რომ საზღვარგარეთ მცხოვრებმა საქართველოს მოქალაქეებმა საზღვარგარეთ საარჩევნო უბნის გახსნის მოთხოვნისთვის გაიარონ. პირველი ეტაპი საკონსულო აღრიცხვაზე დადგომას გულისხმობს, რის შემდეგაც საკონსულო აღრიცხვაზე მყოფი 50 მოქალაქე ხელს აწერს უბნის გახსნის მოთხოვნის განცხადებას, საბოლოოდ კი, უბნის მოთხოვნის განცხადების დედანი საკონსულოში იგზავნება. რაც შეეხება მეორე ბიულეტენს, ის უშუალოდ ხმის მიცემის პროცესზე იძლევა ინფორმაციას. მასში ნათქვამია, რომ ხმის მიცემის პირველი ეტაპი დარეგისტრირებაა, შემდეგ არის ამომრჩეველთა სიაში საკუთარი თავის შემოწმება, ბოლოს კი, 2024 წლის 26 ოქტომბერს უშუალოდ საარჩევნო უბანზე მისვლა და ფიზიკურად ხმის მიცემა. შეგახსენებთ, რომ საქართველოს პრეზიდენტმა სალომე ზურაბიშვილმა დიასპორის წარმომადგენლებთან დისტანციური შეხვედრები გამართა. გუშინ კი სალომე ზურაბიშვილი ცესკოს თავმჯდომარეს გიორგი კალანდარიშვილს, ცენტრალური საარჩევნო კომისიის და არასამთავრობო ორგანიზაციებისა წარმომადგენლებს შეხვდა. ის ორბელიანების სასახლეში მიწვეულ სტუმრებს საზღვარგარეთ მყოფი ქართული დიასპორისთვის 2024 წლის არჩევნებში ხმის მიცემის შესაძლებლობის შესახებ ესაუბრა. იპნ

"ოცნებას" ძალიან დაბალი ეთიკური სტანდარტები აქვს, მათი შეფასებები იმდენად უმნიშვნელოა, რომ თავიდან შეფასებას არ საჭიროებს. მათი სიტყვა სრულიად სხვაა, ხოლო საქმე კიდევ უფრო სხვა.ისინი ამბობენ, რომ აქვთ 60%-იანი მხარდაჭერა, იქვემდებარებენ ცესკოს და 40%-იანი ბარიერს აუქმებენ. ერთადერთი პოლიტკური პარტია ვართ, რომლის რეიტინგიც იზრდება, მეორეს მხრივ კი "ოცნების" ინდიკატორი არის ფსკერზე, ისტორიულ მინიმუმზე. ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე. ვიდეო: https://www.facebook.com/ForGeoGe/videos/332580833145913/

პრეზიდენტ სალომე ზურაბიშვილის განცხადებით, პარტნიორი ქვეყნების ელჩებმა გამოხატეს მზაობა იმისთვის, რომ საზღვარგარეთ დამატებით საარჩევნო უბნების გახსნა გაადვილდეს. ამასთან, ზურაბიშვილის ინფორმაციით, თავად საგარეო საქმეთა სამინისტროს მხრიდან “ადგილზე მყოფ ელჩებთან არანაირი საუბარი არ ყოფილა, რათა საკითხმა წინ წაიწიოს და გზები გამოინახოს“. ზურაბიშვილის თქმითვე, თავის მხრივ, დიასპორაც გამოხატავს მზაობას, მათ სარგებლობაში არსებული ფართების საარჩევნო გამოყენების თაობაზე. პრეზიდენტის თქმით, საზღვარგარეთ დამატებითი რაოდენობის საარჩევნო უბნების გახსნა სრულიად შესაძლებელია. მან ამის მაგალითად მოლდოვა დაასახელა. „მოლდოვამ არჩევნები ჩაატარა და არჩევნებისთვის 150 საარჩევნო უბანი გახსნა. ჩვენ ყოველთვის ბევრი პრეტენზია გვაქვს და თუ მოლდოვას შეუძლია, ალბათ ჩვენც შეგვიძლია! რატომ ვამბობთ, რომ ამის რესურსი არ გაგვაჩნია?! ცესკოსგან მოვისმინე, რომ რესურსი, რა რესურსიც იქნება საჭირო, რათა დამატებითი უბნები გაიხსნას, გაგვაჩნია და თუ საგარეოსგან პირობას მივიღებთ, შეგვიძლია დავიწყოთ მუშაობა უბნების გახსნაზე. ამიტომ ვამბობ, რომ დაწყებულია ერთგვარი პინგპონგი! დიასპორის მხრიდან არსებობს მზადყოფნა, საარჩევნოდ დათმონ სივრცეები, რაც სხვადასხვა ქალაქში არსებობს - ეს სივრცეები არის ეკლესია, საკვირაო სკოლები და სხვა ფართები, რასაც დიასპორული ორგანიზაციები იყენებენ ან იმუშაონ იმისთვის, რომ ქალაქში, სადაც ცხოვრობენ, ასეთი სივრცეები მოვიპოვოთ. არსებობს მოლდოვას მაგალითი, როცა პარტნიორი ქვეყნები გვთავაზობენ სივრცეებს, ფართებს საარჩევნო პერიოდისთვის. ასე რომ, გამოსავალი ბევრია! მთავარია ადგილი არ ჰქონდეს არავითარ დისკრიმინაციას იმ მოქალაქეთა მიმართ, ვინც საზღვარგარეთ ცხოვრობს. გასაგებია, რომ ყველგან, სადაც 50 ადამიანი ცხოვრობს, ეს შესაძლებელი არ იქნება, მაგრამ ნაბიჯი რომ უნდა გადაიდგას, რათა რამდენიმე ქვეყანაში, ქალაქში, სადაც ყველაზე დიდი დიასპორაა, იქ საარჩევნო უბნები უნდა გაიხსნას! პროცესი უნდა დაიწყოს! ყველამ უნდა დავუწყოთ მუშაობა იმისთვის, რომ დიასპორას მივცეთ საარჩევნო უფლება და მათ მიმართ დისკრიმინაცია და შეურაცხმყოფელი გზავნილები არ გამოვიყენოთ. საკმარისი არ არის ჩვენი დიასპორით მაშინ ვამაყობდეთ, როცა ჩვენი ფეხბურთელები ევროპული ქვეყნებიდან ჩამოდიან და ასეთ დიდი სიამოვნებას და გვანიჭებენ - საჭიროა იმ ადამიანებს, ვინც იქ წვალობს, მოღვაწეობს, ის საშუალება მივცეთ, რაც ყოველ მოქალაქეს ეკუთვნის“, - განაცხადა პრეზიდენტმა. საზღვარგარეთ საარჩევნო უბნების გახსნის საკითხზე პრეზიდენტი ცესკოს თავმჯდომარის მოვალეობის შემსრულებელს გიორგი კალანდარიშვილს და არასამთავრობო ორგანიზაციების წარმომადგენლებს ხვდება. ipn

„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს. ამის შესახებ ინფორმაციას თავად ავიაკომპანია ავრცელებს. მათივე განმარტებით, „ჯორჯიან ეარვეისი“ შეასრულებს სპეციალურ პირდაპირ ფრენებს თბილისიდან გერმანიის იმ ქალაქებში, სადაც გაიმართება საქართველოს საფეხბურთო ეროვნული ნაკრების თამაშები ევროპის ჩემპიონატზე იმისთვის, რომ რაც შეიძლება მეტმა გულშემატკივარმა შეძლოს მატჩებზე დასწრება. კერძოდ, პირდაპირი ფრენები შესრულდება თბილისიდან დორტმუნდში 17 ივნისს (გამოფრენა დორტმუნდიდან თბილისში 19 ივნისს), თბილისიდან ჰამბურგში - 21 ივნისს (გამოფრენა ჰამბურგიდან თბილისში 23 ივნისს), თბილისიდან დუსელდორფში 25 ივნისს (გამოფრენა დუსელდორფიდან თბილისში 27 ივნისს). ავიაკომპანიის ინფორმაციით, პირდაპირი რეისები შესრულდება მგზავრებისთვის მატჩებზე დასასწრებად კომფორტულ დროს. მათივე განმარტებით, ავიაბილეთების გაყიდვა დაიწყება 1-ელი აპრილიდან ავიაკომპანიის ვებ-საიტზე, გაყიდვების ოფისებსა და პარტნიორ სააგენტოებში. „ავიაკომპანია „ჯორჯიან ეარვეისი“ კიდევ ერთხელ ულოცავს საქართველოს ეროვნულ ნაკრებს და მის გულშემატკივრებს ისტორიულ გამარჯვებას! ერთად ვუგულშემატკივროთ ეროვნულ ნაკრებს!“- ნათქვამია კომპანიის განცხადებაში. ipn

არსებული ინფორმაციით, “ოჯახურ ღირებულებათა და არასრულწლოვანთა დაცვის შესახებ“ უმრავლესობის მიერ მომზადებული კონსტიტუციური კანონის პროექტი პარლამენტში ამ დრომდე რეგისტრირებული არ არის. შესაბამისად, საკითხი პარლამენტის ბიუროს მომავალი კვირის - 1-ელი აპრილის სხდომაზე ინიცირებისათვის არ წარედგინება, რადგან რეგლამენტის თანახმად, პროექტი ბიუროს იმ შემთხვევაში გადაეცემა, თუ ის წარდგენილია ბიუროს სხდომის წინა კვირის ხუთშაბათამდე. საპარლამენტო უმრავლესობამ ორი - ერთმანეთისაგან დამოუკიდებელი საკონსტიტუციო ინიციატივა მოამზადა, რომელზეც ხელმოწერაც მიმდინარე კვირის განმავლობაში მიმდინარეობდა. „ლგბტ პროპაგანდის საწინააღმდეგოდ“ პარლამენტში წარდგენილი იქნება როგორც მოქმედ კონსტიტუციაში ცვლილებების პროექტი, ასევე კონსტიტუციური კანონის პროექტი სახელწოდებით - „ოჯახურ ღირებულებათა და არასრულწლოვანთა დაცვის შესახებ“. თავად კონსტიტუციაში დაგეგმილი ცვლილებით, კორექტირდება კონსტიტუციის 30-ე მუხლი, რომელიც ქორწინების, დედათა და ბავშვთა უფლებებს შეეხება. პროექტის გათვალისწინებით, აღნიშნულ მუხლს ემატება ახალი პუნქტი შემდეგი შინაარსით: - “ოჯახურ ღირებულებათა და არასრულწლოვანთა დაცვა უზრუნველყოფილია საქართველოს კონსტიტუციური კანონით, რომელიც საქართველოს კონსტიტუციის განუყოფელი ნაწილია“. რაც შეეხება “ოჯახურ ღირებულებათა და არასრულწლოვანთა დაცვის შესახებ“ კონსტიტუციური კანონის პროექტს, ის რვა პუნქტისგან შედგება და მთელი რიგი შეზღუდვებისა და აკრძალვების დაწესებას ითვალისწინებს. საკონსტიტუციო ცვლილებების ინიცირებისა და მასზე დეპუტატთა ხელმოწერების ნამდვილობის დადასტურების შემდეგ, პროექტების საყოველთაო-სახალხო განხილვის პროცესი დაიწყება და მხოლოდ ამის შემდეგ გავა საკომიტეტო და სასესიო განხილვაზე. ipn

გარემოს ეროვნული სააგენტოს ინფორმაციით, საქართველოს ზოგიერთ რაიონში, ასევე, დედაქალაქში, 29 მარტიდან ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსსასაზღვრო დაბინძურებას უკავშირდება და სამხრეთიდან და სამხრეთ-აღმოსავლეთიდან უდაბნოს მტვრის მასების გავრცელებით არის განპირობებული. მათივე ცნობით, ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს. „საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე - www.air.gov.ge“, - აღნიშნულია ინფორმაციაში. ipn

"ნუ გვეტენებით" - გახარია კოლეგა ოპოზიციონერების წინააღმდეგ გაკეთებულ განცხადებას განმარტავს. ყოფილი პრემიერი ამბობს, რომ „გაიხსენეთ, რეები აქვთ ჩემთვის ნაწოდები, ან დაბრალებული ან უსაფუძვლოდ რაღაც საშინელებები ნალაპარაკები“. გახარიას თქმით, ხელოვნურად შექმნილი ერთობების არ სჯერა. გახარია ეხმაურება გვარამიას განცხადებას, რომლმაც არჩევნების შემდეგ გახარიას პოლიტიკურ გუნდთან ერთად კოალიცია არ გამორიცხა.

„მე ვიყავი ერთადერთი "ოცნების" წევრი, როდესაც კიევში ვიღაც დურაკმა ომონმა უკრაინის მიშა სააკაშვილი რესტორანში დაიჭირეს და თმებით ათრიეს, ვიყავი ერთადერთი, რომელიც გამოვედი და ვთქვი, რომ ეს მიუღებელია და არ მსიამოვნებს, როდესაც ჩემი ქვეყნის პრეზიდენტს ასე ექცევიან, მერე იქ, ოფისში რაღაც „რაზბორკები“ მომიწყეს, რა უნდა მოეწყოთ მაგრამ უკმაყოფილოები იყვნენ,“ - ამ განცხადებას „რეაქციაში“ გიორგი გახარია აკეთებს. გახარია განმარტავს, რატომ ითხოვს მისი პარტია სააკაშვილის გადაყვანას. პარტიის თავმჯდომარე ამბობს, რომ ოცნებაც და ენმ-ც სააკაშვილს იყენებენ. -0:21 tv

„საქართველოს მოქალაქეების და ჩვენი უცხოელი პარტნიორების აღქმაში სასამართლოს სასამართლო სისტემა არის კორუმპირებული, სასამართლო სისტემაში არის გავლენის ჯგუფები,“ - ამ განცხადებას „რეაქციაში“ გიორგი გახარია აკეთებს. როგორც გახარია ამბობს, ოცნებას არ სურს რეფორმის გატარება, წინააღმდეგ შემთხვევაში დაიწყებდა ცვლილებებს. გახარიას თქმით, დღევანდელი სასამართლოს ყველაზე დიდი პრობლემაა გავლენიანი ჯგუფების არსებობა და საჭიროა, რეფორმა იუსტიციის უმაღლეს საბჭოსა და უზენაეს სასამართლოში. გახარიას შეფასებით, „ქართული ოცნება ქვეყნის სუვერენიტეტით ვაჭრობს.“

პარტია „საქართველოსთვის“ დეპუტატის, მიხეილ დაუშვილის განცხადებით, „საარჩევნო კოდექსში“ შესატანი ახალი ცვლილებებით, „ოცნება“ თვითაღიარების რეჟიმშია და ამბობს, რომ „მათთვის 40%-იანი მხარდაჭერაც სერიოზული პრობლემაა“. დაუშვილის თქმით, მისი პარტია კანონპროექტის განხილვის პროცესში ჩაერთვება. “ჩვენ განხილვების პროცესში ჩავერთვებით. ჩვენი ხედვა რაც არის და რაც ნათქვამი გვაქვს, დავაფიქსირებთ. აქ მთავარი ამბავი ისაა, რომ ფაქტობრივად, “ოცნება” გვეუბნება, რა 60%-იანი მხარდაჭერა, 40%-ზეც არ არიან. “ოცნება” ამ კანონპროექტით და არა მხოლოდ ამ კანონპროექტით, თვითაღიარების რეჟიმშია და გვეუბნება, რომ 60%-იანი მხარდაჭერა კი არ აქვთ, არამედ 40%-იანი მხარდაჭერაც სერიოზული პრობლემაა მათთვის”, - განაცხადა მიხეილ დაუშვილმა. რაც შეეხება ცვლილებების იმ ნაწილს, რომელიც საარჩევნო სიების ფორმირებისას, დეპუტატობის კანდიდატის ერთი ან რამდენიმე მუნიციპალიტეტის დელეგატად განსაზღვრის შესაძლებლობას გულისხმობს, დაუშვილი ამბობს, რომ “ოცნება” ხვდება, რომ ძველი, მაჟორიტარული სისტემის გარეშე, მათთვის ძალაუფლების შენარჩუნება შეუძლებელია”. “ცდილობენ, რაღაც ფორმით ძველი სისტემა დააბრუნო, თუმცა ვერ დააბრუნებენ, რადგან ის კონსტიტუციასთან წინააღმდეგობაშია. ეს სისტემაც რამდენად თანხვედრაში და შესაბამისობაშია, ცალკე განხილვის საგანია. მთავარი ისაა, რომ "ოცნება" ღია ტექსტით გვეუბნება, აღიარებს, რომ 40% მათთვის სერიოზული გამოწვევაა და ბარიერის გადალახვა არ შეუძლიათ”, - განაცხადა მიხეილ დაუშვილმა. ცნობისთვის, საარჩევნო სიების ფორმირებისას, ესა თუ ის დეპუტატობის კანდიდატი შესაძლოა, ერთი ან რამდენიმე მუნიციპალიტეტის დელეგატად განისაზღვროს. ასეთია ინიციატივა, რომელიც „ქართულმა ოცნებამ“ მოამზადა და პარლამენტის ბიუროს უახლოეს სხდომაზე წარედგინება. კერძოდ, მომზადებული კანონპროექტის გათვალისწინებით “საარჩევნო კოდექსს“ ახალი მუხლი ემატება, რომლის თანახმად, პარტიას უფლება ექნება პარტიული სიის შედგენისას, პარლამენტის წევრობის კანდიდატი საარჩევნო ოლქის ტერიტორიაზე რეგისტრირებულ ამომრჩეველთა დელეგატად განსაზღვროს. ამავე კანონპროექტით, “ქართული ოცნება“ საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერის გაუქმებას გეგმავს. „საარჩევნო კოდექსის“ ჯერ კიდევ მოქმედი რედაქციის თანახმად, მაჟორიტარული წესით არჩეულად ის კანდიდატი ითვლება, რომელიც ხმების 40%-ზე მეტს მიიღებს. წინააღმდეგ შემთხვევაში, არჩევნების მეორე ტური ინიშნება. „ქართული ოცნების“ პროექტის მიღების შედეგად, საკრებულოს არჩევნების მეორე ტური აღარ გაიმართება. ipn

ბაკურიანში, თოვლის მასაში მოყოლილი პირის ძებნა-შველის ოპერაცია განახლდა. ამის შესახებ ინფორმაცია „ინტერპრესნიუსს“ საგანგებო სიტუაციების მართვის სამსახურში დაუდასტურეს. ძებნა-შველის პროცესში ჩართულია ვერტმფრენიც. შეგახსენებთ, რომ ბაკურიანში თოვლის მასა გუშინ ჩამოიშალა და ზვავში, სავარაუდოდ, ერთი ადამიანია მოყოლილია. მის ძებნა-შველის ოპერაციაში სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები არიან ჩართული. ასევე, თბილისიდან გაფრინდა შინაგან საქმეთა სამინისტროს სასაზღვრო პოლიციის ვერტმფრენი. ipn

საქართველოს შინაგან საქმეთა სამინისტროს სასაზღვრო პოლიციის თანამედროვე, ახალი, ევროპული ტიპის „H 145“ ვერტმფრენი უკვე საქართველოშია. აღნიშნულის შესახებ ინფორმაციას შინაგან საქმეთა სამინისტრო ავრცელებს. მათივე ცნობით, სასაზღვრო პოლიციის სპეციალური დანიშნულების ავიაციის დეპარტამენტის მფრინავებმა ვერტმფრენი გერმანიიდან საქართველოში ჩამოიყვანეს. ინფორმაციის თანახმად, ახალი ბორტი სრულად დაკომპლექტებულია ხანძართან ბრძოლისა და სამთო-სამაშველო აღჭურვილობით. „სამაშველო ვერტმფრენს აქვს 2 ძრავა, რაც ზრდის ფრენის უსაფრთხოებას, ასევე, განსხვავებული, ფენენსტრონის ტიპის კუდა ხრახნი. იგი გაუმჯობესებულია, როგორც აეროდინამიკური, ასევე, ფრენის უსაფრთხოების თვალსაზრისით. აღნიშნული ტიპის შვეულმფრენები მაღალ სიმაღლეზე ოპერირებისა და მანევრის შესაძლებლობებით გამოირჩევა, რაც, საქართველოს მაღალმთიანი რელიეფის გათვალისწინებით, არსებულ ამოცანებთან სრულად თავსებადია. სასაზღვრო პოლიციის სპეციალური დანიშნულების ავიაციის დეპარტამენტის მფრინავებმა და ბორტ-ტექნიკოსებმა თეორიული და პრაქტიკული მომზადება გერმანიაში, „Airbus Helicopters“-ის სასწავლო აკადემიაში გაიარეს. თანამედროვე, ევროპული ტიპის „H 145“, ვერტმფრენი, ფრანგული კომპანია „Airbus Helicopters" -ის მიერ წარმოებული ერთ-ერთი უახლესი მოდელია, რომლის გადმოცემა გერმანიაში, „Airbus Helicopters“-ის საწარმოში განხორციელდა. შემდეგი ორი ბორტის გადმოცემა ქართული მხარისთვის 2024 წლის ივნისამდე იგეგმება“, - აღნიშნულია შსს-ს მიერ გავრცელებულ ინფორმაციაში. იპნ

„ქართული ოცნების“ ყოფილი პრემიერ-მინისტრი გიორგი გახარია ამბობს, რომ ყოფილი პრემიერ-მინისტრის ირაკლი ღარიბაშვილის პოლიტიკაში დაბრუნების შემდეგ „ქართული ოცნება“ განიხილავდა მის შინაგან საქმეთა მინისტრად დანიშვნას. გიორგი გახარიას თქმით, ღარიბაშვილი თავდაცვის მინისტრად იმიტომ დაინიშნა, რომ მას არ სურდა იგი შინაგან საქმეთა მინისტრი გამხდარიყო: „მე არასოდეს არ ვყოფილვარ ერთპიროვნული მმართველი. პირველ რიგში უნდა გახსოვდეთ, რომ ირაკლი ღარიბაშვილი პოლიტიკაში დაბრუნდა არა როგორც თავდაცვის მინისტრი, არამედ როგორც პარტიის [პოლიტიკური მდივანი]. მაშინ, როდესაც ირაკლი ღარიბაშვილის მთავრობაში გადმოყვანის საკითხი დადგა გუნდში, იმ არჩევანს, რა არჩევანიც არსებობდა, მე ვამჯობინე, რომ ირაკლი ღარიბაშვილი უკეთესი თავდაცვის მინისტრი იქნებოდა, ვიდრე რა მინისტრობასაც მას უპირებდნენ. იმაში, რომ ირაკლი ღარიბაშვილი თავდაცვის მინისტრი გახდა, ჩემი დამსახურებაც არის მხოლოდ და მხოლოდ იმ ნაწილში, რომ არ მინდოდა გამხდარიყო ის მინისტრი, რომელსაც უპირებდნენ — შინაგან საქმეთა მინისტრი“, — უთხრა გიორგი გახარიამ ინგა გრიგოლიას გადაცემაში „რეაქცია“. ნეტგაზეთი