tvati

მოლდოვის პრეზიდენტი, მაია სანდუ საქართველოს, უკრაინასა და პოლონეთს ევროპის ჩემპიონატზე გასვლას ულოცავს. „ჩვენს მეგობრებს უკრაინაში, პოლონეთსა და საქართველოში გასულ ღამეს უეფა-ს ევრო 2024-ზე კვალიფიკაციას ვულოცავთ. თქვენმა შრომამ შედეგი გამოიღო! წარმატებებს და დაუვიწყარი მომენტებით სავსე ტურნირს გისურვებთ“, - წერს მაია სანდუ X-ზე. ისტორიაში პირველად, საქართველოს ეროვნული საფეხბურთო ნაკრები ევროპის ჩემპიონატზე ითამაშებს. საქართველოს ნაკრებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლია. ანგარიშის ბედი პენალტების სერიაში გადაწყდა და საქართველოს სასარგებლოდ - 4:2 დასრულდა. საქართველოს ნაკრები ევროპის ჩემპიონატზე პირველ თამაშს დორტმუნდში თურქეთის ნაკრების წინააღმდეგ 18 ივნისს ჩაატარებს.

საქართველოსთან ერთად ამ ისტორიულ გამარჯვებას ვზეიმობთ! - ამის შესახებ საქართველოში ევროკავშირის წარმომადგენლობის მისალოც ტექსტშია ნათქვამი. ევროკავშირის წარმომადგენლობა ეროვნულ ნაკრებს წარმატებას უსურვებს ევროპის ჩემპიონატში. „საქართველოსთან ერთად ამ ისტორიულ გამარჯვებას ვზეიმობთ! ყველას გილოცავთ, ეროვნულ ნაკრებს კი ვუსურვებთ წარმატებას ევროპის ჩემპიონატში“,- აღნიშნავენ ევროკავშირის წარმომადგენლობაში. ცნობისთვის, ისტორიაში პირველად, საქართველოს ეროვნული საფეხბურთო ნაკრები ევროპის ჩემპიონატზე ითამაშებს. საქართველოს ნაკრებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლია. ანგარიშის ბედი პენალტების სერიაში გადაწყდა და საქართველოს სასარგებლოდ - 4:2 დასრულდა. საქართველოს ნაკრები ევროპის ჩემპიონატზე პირველ თამაშს დორტმუნდში თურქეთის ნაკრების წინააღმდეგ 18 ივნისს ჩაატარებს.

საქართველოს ნაკრები ევროპის ჩემპიონატზე პირველ თამაშს დორტმუნდში, თურქეთის ნაკრების წინააღმდეგ 18 ივნისს ჩაატარებს. 22 ივნისს საქართველოს ნაკრები ჰამბურგში ჩეხეთს დაუპირისპირდება, ხოლო 26 ივნისს, გელზენკირხენში, პორტუგალიის ეროვნულ ნაკრებს. გერმანიაში ევროპის ჩემპიონატი 14 ივნისს დაიწყება და 14 ივლისს დასრულდება. ისტორიაში პირველად, საქართველოს ეროვნული საფეხბურთო ნაკრები ევროპის ჩემპიონატზე ითამაშებს. საქართველოს ნაკრებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლია. ანგარიშის ბედი პენალტების სერიაში გადაწყდა და საქართველოს სასარგებლოდ - 4:2 დასრულდა. ipn

საქართველოს ნაკრები ისტორიაში პირველად ევროპის ჩემპიონატზეა! საქართველოს ფეხბურთელთა ნაკრებმა ევროპის ჩემპიონატის შესარჩევი ეტაპის საპლეიოფო ფინალში საბერძნეთს უმასპინძლა. მატჩს უდიდესი ღირებულება ჰქონდა – გამარჯვებული ევრო 2024-ზე ითამაშებდა. მეტად დაძაბულ და ხისტ მატჩში საბოლოოდ გამარჯვება საქართველოს დარჩა. ფაქტები საქართველოს ნაკრების ერთ-ერთი ყველაზე ხმაურიანი გამარჯვება, 1:0 ხორვატიასთან, 26 მარტს დაფიქსირდა. 1960 წლიდან დღემდე ევროპის ყველა ჩემპიონატზე იყო მინიმუმ ერთი დებიუტანტი. ევრო 2024-ზე საქართველოს გასვლის შემთხვევაში ეს ტრადიცია კვლავ გაგრძელდებოდა. ჩვენი გუნდის გარდა პლეი ოფში მოთამაშე დანარჩენ 5 გუნდს და უკვე საგზურის მფლობელ 21-ს მინიმუმ ერთხელ მაინც უასპარეზია ევროპირველობაზე. 26 მარტის ფინალურ მატჩამდე საქართველოს ნაკრებს საბერძნეთთან 2 ფრე და 7 წაგება ჰქონდა. ვილი სანიოლმა დისკვალიფიკაციის შემდეგ დაბრუნებული ხვიჩა კვარაცხელია შემადგენლობაში გიორგი მიქაუტაძის ნაცვლად დააყენა. ბერძნებმა ხვიჩა კვარაცხელიას მარწუხებში მოქცევა და მაღალი პრესინგით თამაში სცადეს. ასეთი თამაშის სტილი ბერძნებისთვის დამახასიათებელია. სწორედ ასეთი თამაშით მოიგეს 2004 წელს ევროპის ჩემპიონატი. უპირატესობა საბერძნეთის ნაკრებმა მოიპოვა, ბურთს აკონტროლებდა და უფრო მეტად უტევდა. თუმცა, პოლონელი არბიტრის საქციელი ზოგჯერ უცნაურ შთაბეჭდილებას ტოვებდა, რადგან ქართველ ფეხბურთელებთან, განსაკუთრებით, ხვიჩა კვარაცხელიასთან უხეშობაზე თვალებს ხუჭავდა. ხვიჩას ციმიკასმა სახეში იდაყვი მაგრად მოარტყა, მაგრამ სტუმართა მიმართულებით ჯარიმაც არ დაინიშნა. საქართველოს ნაკრები შეტევების წამოწყებას ახერხებდა, რომლის განვითარება და გამწვავება მეტოქის მკაცრი პრესინგის პირობებში უჭირდა. ამის გამო, გიორგი ქოჩორაშვილმა შორიდან სცადა კარის აღება, მაგრამ მიზანს ააცილა. 45-ე წუთზე სახიფათო მომენტი საჯარიმოს შესრულების შემდეგ გიორგი ჩაკვეტაძემ შექმნა – ბურთი მეკარემ კუთხურზე მოიეგრია, რასაც კიდევ ერთი მწავევე შეტევა მოჰყვა, მაგრამ კვირკველაის დარტყმამ მიზანს ვერ მიაღწია. ტაიმის დასრულების შემდეგ ხვიჩა კვარაცხელიას და გეორგიოს მასურასის კონფლიქტში სათადარიგოები ჩაერთვნენ და არბიტრმა წითელი ბარათი აჩვენ სტუმართა სამწვრთნელო სტაფის წევრს და გიორგი ლორიას, ხოლო რამდენიმე მოთამაშეს – ყვითელი ბარათები. პირველი ტაიმის ბოლო წუთებზე განხორციელებულმა შტურმმა „ჯვაროსნებზე“ კარგად იმოქმედა და მეორე ნახევარი უფრო თამამად დაიწყეს. თუმცა, ბერძნები დაცვაში საიმედოდ თამაშობდნენ. დაძაბული მეორე ტაიმი უგოლოდ დასრულდა, დამატებითი დრო დაინიშნა და ყველაფერი თავიდან დაიწყო. პირველი დამატებითი დრო სტუმრებმა უკეთ დაიწყეს. სახიფათო იყო ტასოს ბაკასეტასსი დარტყმა, რომელიც გიორგი მამარდაშვილმა კუთხურზე მოიგერია. კონსტანტინოს მავროპანოსმა კი სტანდარტულის შემდეგ ბურთი ძელს მოარტყა. დამატებულ დროში შესანიშნავი შანსი შექმნა მიქაუტაძემ, რომელმაც გადაცემა ჩაჭრა და მეკარესთან პირისპირ რჩებოდა, მაგრამ მცველი ჩაუდგა და დავითაშვილი მოძებნა საჯარიმოში, რომელსაც მეკარემ ურთულესი დარტყმა აუღო და სტუმრები გადაარჩინა. მეორე დამატებულ წუთზე ხვიჩა კვარაცხელია დაშავდა და მოედანი დატოვა, მაგრამ გუნდის განწყობა ისევ საბრძოლო იყო. გიორგი წიტაიშვილმა შესანიშნავი დრიბლინგით სცადა დაცვის გარღვევა და საჯარიმოში შევარდნილმა კარში დაარტყა, მაგრამ მცველი გადაეღობა და ხიფათი განმუხტა. ბოლო წუთზე კი გიორგი მიქაუტაძემ სცადა გატანა, ისევ ააცილა და პენალტების სერია დაინიშნა. გიორგი მამარდაშვილმა ერთი მოიგერია, ერთიც ბერძნებმა ააცილეს და ისტორია დაიწერა – საქარველოს ნაკრები ევროპის ჩემპოიონატზე ისტროიაში პორველად გავიდა! ევროპის ჩემპიონატზე პირველ თამაშს 18 ივლისს დორტმუნდში თურქეთის ნაკრების წინააღმდეგ ჩავატარებთ. ავტორი - მერაბ მამულაშვილი, თამარ ყულუმბეგაშვილი

საქართველოს ეროვნული საფეხბურთო ნაკრები გერმანიაში გასამართ 2024 წლის ევროპის ჩემპიონატზე ითამაშებს. საქართველოს ნაკრებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლია. ანგარიშის ბედი პენალტების სერიაში გადაწყდა: საქართველოს ნაკრებმა პენალტების სერიაში 4 გოლი გაიტანა, ხოლო ბერძნებმა საქართველოს ნაკრების კარში მხოლოდ 3 გოლის გატან შეძლო. მატჩი „დინამო არენაზე“ მიმდინარეობდა. იპნ

მოსკოვში, „კროკუსის“ საკონცერტო დარბაზის ტერიტორიაზე, სადაც 22 მარტს ბოლო დროის რუსეთის ერთ-ერთი ყველაზე მასშტაბური ტერაქტი მოხდა, სამძებრო-გაწმნედითი სამუშაოები დასრულებულია. როგორც რუსეთის საგანგებო სიტუაციების სამსახურმა განაცხადა, ტერიტორიას თავდაპირველად შიშველი ხელებით წმენდდნენ, რადგან ხანძრისა და ჭერის ჩამონგრევის შემდეგ ადამიანთა ცოცხლად პოვნის მცირე შანსი მაინც არსებობდა. მოგვიანებით სამუშაოებში მძიმე ტექნიკაც ჩაერთო. ბოლო მონაცემებით, მოსკოვის ტერაქტს 139 ადამიანი ემსხვერპლა, 182 კი დაშავდა, მათი ნაწილი — მძიმედ. რუსეთის ხელისუფლება აცხადებს, რომ ტერაქტის საქმეზე 11 პირი დააკავეს, მათგან 4 კი უშუალოდ მონაწილეობდა ადამიანთა უმოწყალო ხოცვაში. სოციალური ქსელებით გავრცელებულ კადრებში ჩანს, როგორ ხოცავენ თავდამსხმელები ავტომატური ცეცხლსასროლი იარაღით ადამიანებს საკონცერტო დარბაზსა და ფოიეში. გარდა ამისა, მალევე გავრცელდა ვიდეოები, როგორ აწამებენ დაკავებულებს რუსი სამართალდამცავები — აჭრიან ყურს, იყენებენ ელექტროშოკს და ა.შ. რაც, უფლებადამცველთა თქმით, ასევე მიუთითებს რუსეთში წამების სასტიკი მეთოდების ლეგიტიმაციაზე. დემოკრატიულ სახელმწიფოებში დაუშვებელია წამება, როგორიც არ უნდა იყოს ამ წამების საბაბი. რუსეთის პრეზიდენტმა ვლადიმერ პუტინმა უკრაინის ხელისუფლება უკვე დაადანაშაულა ტერაქტთან კავშირში, რასაც მკვეთრად უარყოფითი რეაქცია მოჰყვა კიევიდან. მოსკოვის ტერაქტზე პასუხისმგებლობა მალევე აიღო ტერორისტული დაჯგუფება „ისლამურ სახელმწიფოსთან“ დაკავშირებულმა ორგანიზაცია ISKP-მ („ისლამური სახელმწიფოს ფილიალი ხორასანის პროვინციაში“). ISKP ტერორისტული დაჯგუფება „ისლამური სახელმწიფოს“ ნაწილია, რომელიც ავღანეთისა და პაკისტანის ტერიტორიაზე მოქმედებს. ISKP-ს მთავარ მტრად გამოცხადებული აქვს აშშ, ირანი, რუსეთი და ჩინეთი. ისინი ებრძვიან „თალიბანსაც“, რომლებმაც ავღანეთიდან აშშ-ის ჯარების გასვლის შემდეგ, 2021 წელს, ავღანეთის მართვა ჩაიგდეს ხელთ. „თალიბანის“ მიზანი ავღანეთის ტერიტორიაზე ისლამისტური სახელმწიფოს შექმნაა, ISKP კი აცხადებს, რომ მათი სამიზნე უფრო გლობალურია და რადიკალური ისლამის მთელ პალნეტაზე გავრცელებას გულისხმობს. სწორედ ISKP-მა მოაწყო 2021 წელს ტერაქტი ქაბულის აეროპორტის შესასვლელში, როცა ამერიკული ჯარების გასვლის შემდეგ სასოწარკვეთილი ადამიანები ავღანეთის დატოვებას ცდილობდნენ. მაშინ აფეთქებას 182 ადამიანი ემსხვერპლა, მათ შორის, 13 ამერიკელი სამხედრო. ISKP-მა აიღო პასუხისმგებლობა 2022 წელს ქაბულში, რუსეთის საკონსულოსთან მომხდარ ტერაქტზე, რასაც 5 ადამიანი ემსხვერპლა. დაღუპულთა შორის იყო დიპლომატიური მისიის 2 თანამშრომელიც.ფოტოზე: ტერაქტის ადგილი მოსკოვში / EPA-EFE/MAXIM SHIPENKOV ნეტგაზეთი

„ქართული ოცნების” წევრი, ირაკლი ზარქუა თავისივე გუნდის მიერ ინიციირებულ ჰომოფობიურ კანონპროექტს მხარს უჭერს და ამბობს, რომ, თუ „სარწმუნოება და ტრადიცია წაგართვეს, რა ჯანდაბად გინდა ევროკავშირი და დანარჩენი გაერთიანებები”. არ არსებობს მეცნიერულად გამყარებული მტკიცებულება, რომ „პროპაგანდა“ ადამიანების სექსუალურ ორიენტაციას ან გენდერულ იდენტობას ცვლის. ასევე, საქართველოს კონსტიტუციის 78-ე მუხლის თანახმად, რომელიც ევროპულ და ევროატლანტიკურ სტრუქტურებში ინტეგრაციას ეხება, „კონსტიტუციურმა ორგანოებმა თავიანთი უფლებამოსილების ფარგლებში უნდა მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად”. 2024 წლის 25 მარტს „ქართულმა ოცნებამ” ჰომოფობიური საკანონმდებლო ცვლილებები დააინიციირა, რომელიც მხატვრული ნაწარმოებების ცენზურასა და შეკრებისა და გამოხატვის თავისუფლების შეზღუდვასაც ითვალისწინებს. წარდგენამდე მის შესახებ მმართველი გუნდის წევრები გასული რამდენიმე კვირის განმავლობაში საუბრობდნენ. „ოცნების“ ლიდერები ამბობდნენ, რომ შეზღუდავდნენ, მათი მტკიცებით, „ფსევდოლიბერალურ პროპაგანდას“. მამუკა მდინარაძის თქმით, ცვლილებები შეეხება საქართველოს კონსტიტუციის 30-ე მუხლს. კერძოდ, მას დაემატება მე-3 მუხლი, სადაც ჩაიწერება, რომ „ოჯახურ ღირებულებათა და არასრულწლოვანთა დაცვა უზრუნველყოფილია საქართველოს კონსტიტუციური კანონით, რომელიც საქართველოს კონსტიტუციის განუყოფელი ნაწილია”. შემდეგ კი უნდა მოხდეს მთელი რიგი კანონების შეცვლა და მათი ჰომოფობიურად ფორმულირება. მდინარაძის ჰომოფობიურ ინიციატივაში ნათქვამია, რომ „კანონმდებლობით შეიძლება მოწესრიგდეს ქორწინებასთან მიმსგავსებული მხოლოდ იმგვარი ურთიერთობა, რომელიც არანაკლებ 18 წლის ერთი გენეტიკური მამაკაცისა და ერთი გენეტიკური ქალის კავშირს ითვალისწინებს”. „ქართული ოცნების“ ინიციატივით, აკრძალულია იმგვარი შეკრება, ასევე, ისეთი ნაწარმოებების გავრცელება, რომლებიც ერთნაირსქესიანი ოჯახური ან ინტიმური ურთიერთობის, ინცესტის, ერთნაირსქესიანი წყვილის ან არაჰეტეროსექსუალი პირის მიერ არასრულწლოვანის შვილად აყვანის ან მინდობით აღზრდის, სქესის შეცვლასთან დაკავშირებული სამედიცინო ჩარევის ან სქესობრივი ნიშნით განსაზღვრული ცნებების არგამოყენების პოპულარიზაციისკენ არის მიმართული. აკრძალულია საჯარო ან კერძო საგანმანათლებლო დაწესებულების სასწავლო პროცესში ამავე შინაარსის ინფორმაციის მიწოდება. ინიციატივა კონსტიტუციაში ცვლილებებს ითვალისწინებს, საკონსტიტუციო ცვლილებებისთვის კი „ქართულ ოცნებას“ პარლამენტში საკმარისი რაოდენობით დეპუტატები არ ჰყავს. პუბლიკა

თემქაზე ლიბერთი ბანკთან კაცი დაჭრეს. ინფორმაცია ,,პუბლიკას” შსს-ში დაუდასტურეს. კაცი უკვე დაკავებულია. როგორც ცნობილია, დაპირისპირება ორ ადამიანს შორის ბანკში დაიწყო, რაც ქუჩაში გაგრძელდა და ერთი პირის დაჭრით დასრულდა. შსს-ში ,,პუბლიკას” უთხრეს, რომ დაიწყეს გამოძიება. პუბლიკა

უკრაინის პრეზიდენტმა ვოლოდიმირ ზელენსკიმ ეროვნული უსაფრთხოებისა და თავდაცვის საბჭოს მდივნის თანამდებობიდან ოლექსი დანილოვი გაათავისუფლა. ამის შესახებ უკრაინის პრეზიდენტის 26 მარტის განკარგულებაში წერია. განკარგულების თანახმად, უკრაინის პრეზიდენტმა ეროვნული უსაფრთხოებისა და თავდაცვის მდივნის თანამდებობაზე უკრაინის საგარეო დაზვერვის ყოფილი ხელმძღვანელი ალექსანდრ ლიტვინენკო დანიშნა. ipn

ეს ცვლილებები საარჩევნო წესში, ასახავს "ოცნების" სისუსტეს, მათივე ნაბიჯები აჩვენებს, რომ მათ არ აქვთ საზოგადოების მხარდაჭერა. მმართველი პარტია, რომელიც ყოველდღე ატყუებს საზოგადოებას, რომ აქვთ 60%-იანი მხარდაჭერა, მათი შედეგი რეალურად 40%-თან ახლოსაც არ არის. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/378525641818765/

Რა სჭირდებათ ქართველ მაშველებს და რატომ ახსენდება ისინი სახელმწიფოს მხოლოდ ტრაგედიებისას - პარტია „გახარია საქართველოსთვის“ წევრები გიორგი ჭანტურია და ვიკა ფილფანი საუბრობენ საქართველოში სამაშველო სისტემის მდგომარეობაზე, მაშველების საჭიროებებზე და იმაზე, თუ რა სჭირდება სახელმწიფოს ამ ერთ-ერთ უმნიშვნელოვანესს სამსახურს გამართული მუშაობისათვის. ვიდეო:

„საერთაშორისო გამჭვირვალობა - საქართველოს“ განცხადებით, ხელისუფლება საარჩევნო კანონმდებლობის გაუარესებასა და საკუთარ თავზე მორგებას ხშირად ცდილობს. ორგანიზაცია პარლამენტს მოუწოდებს, ინიცირებული კანონპროექტი არ მიიღოს. „მიმდინარე წლის 20 მარტს „ქართული ოცნების” დეპუტატებმა პარლამენტს მიმართეს საარჩევნო კოდექსში ცვლილების ინიციატივით, რომელიც მუნიციპალიტეტის საკრებულოს მაჟორიტარი კანდიდატების ასარჩევად დადგენილი მინიმალური 40%-იანი ბარიერის გაუქმებას ითვალისწინებს. ცვლილების მიღების შემთხვევაში, საკრებულოს მაჟორიტარული არჩევნების მეორე ტურები აღარ იარსებებს, რაც ამომრჩეველთა ხმების დაკარგვის რისკს ზრდის და არჩევნებში მონაწილე ოპოზიციური პარტიების მხარდამჭერებს შანსს უკარგავს, რომ მეორე ტურში მხარი ერთიან ოპოზიციურ კანდიდატს დაუჭირონ. კანონის მოქმედი რედაქციით, მაჟორიტარული საარჩევნო სისტემის საფუძველზე, კანდიდატის საკრებულოს წევრად არჩეულად ითვლება მაშინ, როდესაც ის მიიღებს კონკურენტებზე მეტ ხმას, მაგრამ არანაკლებ ხმების 40%-ისა. იმ შემთხვევაში, თუ ვერცერთი კანდიდატი ვერ გადალახავს 40%-იან ბარიერს, მეორე ტური ინიშნება. აღნიშნული ბარიერი საარჩევნო კოდექსში 2021 წელს დაწესდა. წარმოდგენილი ცვლილება ასევე ზრდის იმის შესაძლებლობას, რომ საკრებულოს წევრად არჩეულ იქნეს კანდიდატი, რომლის წინააღმდეგაც უფრო მეტმა ამომრჩეველმა მისცა ხმა, ვიდრე მის მხარდასაჭერად. საბოლოო ჯამში, იზრდება საფრთხე იმისა, რომ ამომრჩეველთა მიერ გამოხატული ნება ადეკვატურად არ აისახოს მანდატებში. ამრიგად, წარმოდგენილი ცვლილება აშკარად უკან გადადგმული ნაბიჯია, რაც ასევე ასახავს საერთო ტენდენციას, რომელიც უკანასკნელ წლებში, არჩევნებთან დაკავშირებით, “ქართული ოცნების” ხელისუფლების საკანონმდებლო პოლიტიკაში შეინიშნება. კერძოდ, ხელისუფლება სულ უფრო ხშირად ცდილობს საარჩევნო კანონმდებლობის გაუარესებას და საკუთარ თავზე მორგებას. საილუსტრაციოდ, საკმარისია გავიხსენოთ ცესკო-ს თავმჯდომარისა და წევრების არჩევასთან დაკავშირებით ახლახან მიღებული ცვლილებები საქართველოს საარჩევნო კოდექსსა და პარლამენტის რეგლამენტში, რომლებიც მთლიანად უგულებელყოფს ვენეციის კომისიისა და ოდირის რეკომენდაციებს. ყოველივე ზემოთქმულიდან გამომდინარე, მოვუწოდებთ პარლამენტს არ მიიღოს ინიცირებული კანონპროექტი”, - ნათქვამია ინფორმაციაში. იპნ

"ეს არის "ოცნების" რეაქცია სიმართლეზე." დღეს ბათუმის საკრებულოში პარტია "საქართველოსთვის" წევრმა, აკაკი გვიანიძემ ისაუბრა ქალაქის ჩაბეტონებისა და უპასუხისმგებლო ურბანული პოლიტიკის შესახებ, რამაც "ოცნების" გაღიზიანება გამოიწვია. ვიდეო: https://www.facebook.com/ForGeoGe/videos/1454769975434944/

საქართველოს პროკურატურის ინფორმაციით, გახსნეს მორიგი ტრანსნაციონალური დანაშაული. შედეგად, ორგანიზებული ჯგუფის მიერ ჩადენილი თაღლითობის ბრალდებით სისხლისსამართლებრივი დევნა უცხო ქვეყნის 5 და საქართველოს 2 მოქალაქის მიმართ დაიწყო. გენერალური პროკურატურის ცნობით, ბრალდებულებმა, უცხოეთში მცხოვრები პირების კუთვნილი დიდი ოდენობით თანხების თაღლითურად დაუფლების მიზნით, ორგანიზებული დანაშაულებრივი ჯგუფი შექმნეს. დანაშაულებრივი ჯგუფის წევრები სოციალურ ქსელებში დარეგისტრირებული ყალბი გვერდების გამოყენებით, უცხო ქვეყნების მოქალაქეებთან კომუნიკაციას ამყარებდნენ და ნდობის მოპოვების შემდეგ, სხვადასხვა ცრუ და გამოგონილი საფუძვლით, დაზარალებულებს საბანკო ანგარიშებზე თანხებს მოტყუებით არიცხინებდნენ. როგორც პროკურატურა აცხადებს, ბრალდებულები სოციალური ქსელით დაუკავშირდნენ, მათ შორის, ნიდერლანდების სამეფოს მოქალაქეს, რომელსაც 128 424 ევრო საქართველოში, მათთვის სანდო პირების საბანკო ანგარიშებზე ეტაპობრივად გადმოარიცხინეს, რასაც მართლსაწინააღმდეგოდ დაეუფლნენ. დანაშაულებრივი ჯგუფის წევრებს ბრალდება საქართველოს სისხლის სამართლის კოდექსის 180-ე მუხლის მე-3 და მე-4 ნაწილებით (თაღლითობა, მართლსაწინააღმდეგო მისაკუთრების მიზნით, დიდი ოდენობით, სხვისი ნივთის დაუფლება მოტყუებით, ჩადენილი ორგანიზებული ჯგუფის მიერ) წარედგინათ, რაც სასჯელის სახით 7-დან 10 წლამდე თავისუფლების აღკვეთას ითვალისწინებს. საქმეზე გრძელდება გამოძიება. ნეტგაზეთი

საქართველო-საბერძნეთის ეროვნულ ნაკრებებს შორის 26 მარტს დაგეგმილი საფეხბურთო მატჩის გამო მეტროსა და ავტობუსების გარკვეული მარშრუტების მუშაობის დრო გახანგრძლივდება. თბილისის მერიის ცნობით, მეტრო მუშაობას 00:00-ის ნაცვლად, 27 მარტის 02:00 საათზე დაასრულებს და როგორც „დინამო არენაზე“, ისე პირველი რესპუბლიკის მოედანზე მისულ გულშემატკივრებს მოემსახურება. გარდა ამისა, 26 მარტის 22:00 საათიდან 27 მარტის 02:00 საათამდე იმოძრავებენ შემდეგი ავტობუსები: N301; N306; N308; N310; N311; N314; N315; N320; N326; N327; N331; N337; N342; N345; N352; N358; N359; N364; N378; N381; N384; N386; N388; N391; N397. მატჩის პარალელურად, პირველი რესპუბლიკის მოედანზე ფეხბურთის გულშემატკივრებისთვის დიდი ეკრანი განთავსდება – შეხვედრა 21:00 საათზე დაიწყება, ხოლო პირველი რესპუბლიკის მოედანზე მოწყობილ ზონაში მისვლა გულშემატკივარს 19:00 საათიდან შეეძლება. პუბლიკა

32-ე სკოლაში „წიწაკის სპრეის“ გაშვების ფაქტზე გამოძიება დაიწყო. დირექტორი და რამდენიმე პედაგოგი გამოკითხვაზე იმყოფებიან. ამასთან, სკოლაში სამართალდამცველები კვლავ რჩებიან. როგორც „ინტერპრესნიუსს” შსს-ში განუცხადეს, მომხდარზე გამოძიება 124-ე მუხლით დაიწყო, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით. თბილისში, 32-ე სკოლაში სასწრაფო დახმარებისა და პოლიციის მანქანები იყო მობილიზებული. როგორც „ინტერპრესნიუსს“ განათლების სამინისტროში განუცხადეს, ერთ-ერთმა მოსწავლემ ე.წ. წიწაკის სპრეი გაუშვა, რის გამოც ადგილზე სასწრაფო დახმარების გამოძახება გახდა საჭირო. სამინისტროს ცნობით, მოსწავლეთა ნაწილს დახმარება ადგილზევე აღმოუჩინეს, ნაწილი კი პრევენციის მიზნით საავადმყოფოში გადაიყვანეს. განათლების სამინისტროს განმარტებით, მათი მხრიდან ყველა შესაბამისი რეაგირება ჩატარდა. იპნ

თბილისში, 32-ე სკოლაში სასწრაფო დახმარებისა და პოლიციის მანქანები იყო მობილიზებული. როგორც „ინტერპრესნიუსს“ განათლების სამინისტროში განუცხადეს, ერთ-ერთმა მოსწავლემ ე.წ. წიწაკის სპრეი გაუშვა, რის გამოც ადგილზე სასწრაფო დახმარების გამოძახება გახდა საჭირო. სამინისტროს ცნობით, მოსწავლეთა ნაწილს დახმარება ადგილზევე აღმოუჩინეს, ნაწილი კი პრევენციის მიზნით საავადმყოფოში გადაიყვანეს. განათლების სამინისტროს განმარტებით, მათი მხრიდან ყველა შესაბამისი რეაგირება ჩატარდა. იპნ

„იაშვილის სახელობის ბავშვთა ცენტრალური საავადმყოფოში“ განმარტავენ, რომ აქონდროპლაზიის სამკურნალო მედიკამენტის მიღებიდან 3 თვის ვადაში, ბავშვების ნაწილში 1-დან 3 სანტიმეტრამდე ზრდა დაფიქსირდა. კერძოდ, როგორც „ინტერპრესნიუსს“ „იაშვილის სახელობის ბავშვთა ცენტრალური საავადმყოფოში“ განუცხადეს, მედიკამენტ „ვოსორიდიტს“ ეფექტი ნამდვილად აქვს, ჯამში კი ინექციებს 11 ბავშვი იღებს. რაც შეეხება გვერდით მოვლენებს, სამედიცინო დაწესებულებაში განმარტავენ, რომ ინიექციის მიღების შემდეგ დაფიქსირდა ალერგიული რეაქცია და წნევის ვარდნა, რაც სამკურნალო პროტოკოლის მიხედვით ნორმალურია. „გუშინ ახალი ნაკადი მივიღეთ, კერძოდ, 5 ბავშვი დაგვემატა, ჯამში 11 ბავშვი მკურნალობს აქონდროპლაზიის სამკურნალო მედიკამენტ „ვოსორიდიტით“. პირველ ნაკადში 6 ბავშვი იყო, რომელიც 15 ნოემბრიდან და 15 იანვრიდან გვყავს. ყოველდღიური ინექციებია, კლინიკაში დაყოვნებისთვის კი 1 საათია განსაზღვრული. 5-დან ერთს ჰქონდა ადგილობრივი ალერგიული რეაქცია ინიექციის შემდეგ, რაც ნორმალურია. ასევე იყო წნევის ვარდნაც, რაც მოსალოდნელია. ასეთი ბავშვებს ცოტა უფრო დიდხანს ვაყოვნებთ კლინიკაში დაკვირვებისთვის, შემდგომ კი ბინაზე ვუშვებთ. პირველ ნაკადში მედიკამენტის ეფექტურობა შევაფასეთ მკურნალობის დაწყებიდან 3 თვის ვადაში. 15 ნოემბერს დავიწყეთ ინიექციები და 15 თებერვალს გავაკეთეთ შეფასება, რომლის საფუძველზეც, 4 ბავშვთან 3 თვის განმავლობაში მივიღეთ 1 სმ და 4მმ, 1 სმ და 8 მმ-იანი ზრდა, ასევე 3 და 2 სმ- იანი ზრდა. ძალიან ეფექტური იყო. ყოველ სამ თვეში ვაკეთებთ შეფასებას. ფაქტია, რომ მედიკამენტს აქვს ეფექტი და გამოხატული იყო პირველ სამ თვეში, ვნახოთ რა იქნება მომავალში. ინდივიდუალურია, შენარჩუნდება თუ არა ეს ტემპი“,- აღნიშნავს პედიატრი ეკა კანდელაკი. იპნ

გარემოს ეროვნული საგენტოს ცნობით, 27 მარტის დილამდე საქართველოში მოსალოდნელია წვიმა. სინოპტიკოსების პროგნოზით, იქროლებს დასავლეთის მიმართულების ძლიერი ქარი, მაღალმთაში კი ზოგან ძლიერი თოვა და ქარბუქია მოსალოდნელი. „26 მარტიდან 27 მარტის დილამდე საქართველოში მოსალოდნელია წვიმა, დასავლეთ საქართველოში ზოგან ძლიერი, დასავლეთის მიმართულების ძლიერი ქარი, მაღალმთაში ზოგან ძლიერი თოვა და ქარბუქი. ზღვაზე შესაძლებელია 3-4 ბალიანი შტორმული ღელვა. მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, დასავლეთ საქართველოს პატარა მდინარეებზე წყალმოვარდნები, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო მაღალმთიან რეგიონებში ზვავების ფორმირება გამოიწვიოს. დიდთოვლობის, ქარბუქის, ხილვადობის გაუარესების და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა“,-აღნიშნულია გარემოს ეროვნული სააგენტოს მიერ გავრცელებულ ინფორმაციაში. ipn

გაერო-ს უშიშროების საბჭომ ღაზაში ცეცხლის შეწყვეტის შესახებ რეზოლუცია მიიღო, - ამის შესახებ ინფორმაციას სააგენტო Reuters-ი ავრცელებს. რეზოლუციას მხარი 14-მა წევრმა დაუჭირა, ხოლო აშშ-მა თავი შეიკავა. გაერო-ს უშიშროების საბჭოს მიერ მიღებული რეზოლუცია ისრაელსა და „ჰამასს“ შორის ცეცხლის დაუყოვნებლივ შეწყვეტას და ყველა მძევლის უპირობო გათავისუფლებას მოითხოვს. ipn

გახარიას გუნდი “საქართველოსთვის“ ჩაერთვება საკონსტიტუციო განხილვებში, რომელიც “ოცნებამ” დაანონსა. ჩვენ არ მივცემთ მათ იმის საშუალებას, რომ პოლიტიკურ პროპაგანდად აქციონ ეს თემა და გამოიყენონ ბავშვებთან მიმართებაში, მათი უფლებების შელახვაში. ზაზა თავაძე, პარტია "საქართველოსთვის" თბილისის საკრებულოს წევრი. ვიდეო: https://www.facebook.com/ForGeoGe/videos/773888138029842/

2024 წლის მსოფლიო ბედნიერების ანგარიშის მიხედვით, Gen Z თაობისთვის და მილენიალებისთვის საუკეთესო ქვეყანად ლიეტუვა დასახელდა. ოქსფორდის უნივერსიტეტის კეთილდღეობის კვლევის ცენტრმა გამოაქვეყნა ანგარიში, სადაც შემდეგი ფაქტებია გათვალისწინებული: მშპ ერთ სულ მოსახლეზე სოციალური მხარდაჭერა ჯანსაღი სიცოცხლის ხანგრძლივობა თავისუფლება კორუფციის თავისუფლება Numbeo-ს მიხედვით, ლიეტუვაში ცხოვრების ღირებულება საშუალოდ 32.2%-ით დაბალია, ვიდრე შეერთებულ შტატებში და ერთი ადამიანის სავარაუდო ყოველთვიური ხარჯი 800 დოლარზე ნაკლებია, ქირის ჩათვლით. 10 ყველაზე ბედნიერი ქვეყანა Gen Z-სა და მილენიალებისთვის არის: ლიეტუვა ისრაელი სერბეთი ისლანდია დანია ლუქსემბურგი ფინეთი რუმინეთი ნიდერლანდები ჩეხეთი ავტორი: ეკა დარჩიაშვილი bpn.ge

ქვეყნის მასშტაბით გამართულ სპორტულ, გასართობ, თუ კულტურულ ღონისძიებებზე, რიგ შემთხვევებში, ბილეთების გაყიდვის ექსკლუზივს მხოლოდ Tkt.ge ფლობს. ასე მოხდა, საქართველოს ეროვნული საფეხბურთო ნაკრების თამაშებზეც, არ არსებობდა ალტერნატიული პლატფორმა, სადაც ბილეთების შეძენა იქნებოდა შესაძლებელი. შედეგად, კიდევ უფრო გააქტიურდა, ბილეთების ე.წ შავი ბაზარი, სადაც 10-ლარიანი ბილეთები 100 ლარადაც კი იყიდებოდა. ონლაინ ბილეთების რეალიზატორი კომპანიების მხრიდან კონკურენციის პირობების დარღვევა კონკურენციისა და მომხმარებელთა უფლებების დაცვის სააგენტომ ერთხელ უკვე დაადგინა და დააჯარიმა კიდეც, თუმცა, Tkt.ge-მ აღნიშნული გადაწყვეტილება სააპელაციო სასამართლოში გაასაჩივრა. საქმე, ეხება კინოთეატრების ბილეთების ონლაინ რეალიზაციის ბაზრის მოკვლევას, რომლის შედეგად, გასული წლის დეკემბერში სააგენტომ „კონკურენციის შესახებ“ საქართველოს კანონის მე-7 მუხლის (კონკურენციის საწინააღმდეგო შეთანხმება) დარღვევა დაადგინა. შესაბამისად, როგორც მომჩივან, ასევე მოპასუხე მხარეებს - 3 კომპანიას, ჯამურად, 1,6 მილიონ ლარზე მეტი ოდენობით სანქცია დაეკისრათ. კერძოდ: tkt.ge - 544 328 ლარით დაჯარიმდა, biletebi.ge - 5 368 ლარით, კინოთეატრების ქსელი (კავეა, ამირანი, რუსთაველი) - 1 120 562 ლარით. ამასთან, მოკვლევის შედეგად, კონკურენციის კანონმდებლობის დარღვევად შეფასდა შპს ,,სადისტრიბუციო კომპანიას’’ და შპს ,,თინეთს’’ შორის ექსკლუზივის პირობით გაფორმებული ხელშეკრულება, რომელიც კინოთეატრების ბილეთების რეალიზების უფლებას მხოლოდ „თინეთის“ მფლობელობაში მყოფ პორტალ tkt.ge-ს აძლევდა. გარიგების მონაწილედ იქნა მიჩნეული მომჩივანი შპს ,,ელ ბილეთები’’, რომელიც თავის მხრივ ცდილობდა ექსკლუზივის მოპოვებას მის მფლობელობაში მყოფ პორტალზე biletebi.ge. კონკურენციისა და მომხმარებელთა უფლებების დაცვის სააგენტომ, ბილეთების ონლაინ რეალიზაციის ბაზრის გაჯანსაღების მიზნით 3 განსახილველად სავალდებულოდ რეკომენდაცია გასცა. რაც მოიცავდა შემდეგს - ბილეთების ონლაინ რეალიზაციის მიზნით, პარტნიორი ეკონომიკური აგენტების შერჩევის პროცესი განხორციელდეს საჯარო, ღია და ხელმისაწვდომი საკონკურსო პირობების გათვალისწინებით, ხოლო შერჩევის პროცესში მონაწილეობის მიღება უზრუნველყოფილ იქნას ყველა დაინტერესებული ეკონომიკური აგენტისთვის. ასევე, ბილეთების დისტრიბუტორებმა, ორგანიზატორებმა, ონლაინ რეალიზატორებმა სახელშეკრულებო ურთიერთობები აწარმოონ იმგვარად, რომ ის არ აწესებდეს გაუმართლებელ ბარიერს ბაზარზე შესასვლელად და არ ზღუდავდეს ეკონომიკური აგენტების მონაწილეობას შესაბამის ბაზარზე. ამასთან, გარდაუვალი აუცილებლობით ექსკლუზიური მიწოდების პირობის გამოყენების შემთხვევაში, უნდა იყოს არგუმენტირებულად დასაბუთებული, რომელიც თავის მხრივ, შესაძლებელია სააგენტოს განხილვის საგანი გახდეს. თუმცა, აღნიშნული ჯარიმა სასამართლოში გასაჩივრდა, შესაბამისად, საბოლოო გადაწყვეტილების მიღებამდე, ონლაინ ბილეთების რეალიზატორი იმ სავალდებულო რეკომენდაციებისგანაც თავისუფალია, რომელიც კონკურენციის სააგენტომ გასცა. როგორც იურისტი აკაკი ჩარგეიშვილი „ბიზნესპრესნიუსთან“ ამბობს, ყველა შემთხვევაში, მხოლოდ მომხმარებელი ზარალდება. მისი თქმით, უპირველესი გამოსავალი, რომელიც საკითხს ნათელს მოჰფენდა, გამჭვირვალეობაა. კერძოდ, რა რაოდენობის ბილეთები გადაეცა რეალიზატორ კომპანიას, სპონსორებს, კონკრეტულ უწყებებს და ა.შ უნდა გასაჯაროვდეს. „მიუხედავად იმისა, რომ ქვეყანაში არსებობს კონკურენციის კანონმდებლობა, ეკონომიკური თავისუფლების შესახებ კანონი, კონსტიტუცია და ა.შ ყველაზე მთავარი, ვისაც ყველა ეს კანონი უნდა მოემსახუროს, არიან ამ ქვეყნის მომხმარებლები. ანუ, ის ადამიანები, ვინც უნდა მიიღოს შესაძლებლობა, რომ თავისუფალ გარემოში, შეზღუდვის, უპირატესობის, ნაცნობობის, ჩაწყობის, კორუფციის გარეშე, თავისი კულტურული, ეკონომიკური, თუ სოციალური პირობები დაიკმაყოფილოს. ამის ერთ-ერთი სამწუხარო გამოვლინება არის ფეხბურთის მაყურებლად მომხმარებლის შეზღუდვა იმ ნაწილში, რომ ვერავინ ვეღარ გაერკვა რა და როგორ არის. რაც შეეხება უშუალოდ კონკურენციის საკითხს, რომელიც biletebi.ge-სა tkt.ge-ს შორის წარმოიქმნა, აქ მოხდა ისე, რომ კონკურენტული უპირატესობა ჩამოყალიბდა და biletebi-ge-მ მიმართა კონკურენციის სააგენტოს. მოკვლევის შედეგად გაუქმდა უპირატესი რეალიზაციის შესაძლებლობები და კონკურენტული გადანაწილების რეკომენდაცია გაიცა. თუმცა, ეს გასაჩივრდა და ახლა ყველაფერი გადაიზარდა იმ ქართულ მარაზმში, რაც ქვეყანაში ყველა მომხმარებელს აწუხებს წლების განმავლობაში. ეს არის სასამართლოს უსისტემობა, სადაც მიუხედავად იმისა, რომ კონკურენციის სააგენტოს ჩართულობა არის, დავა ისევ მიმდინარეობს და ამ დროს მომხმარებელმა რა დააშავა?! ეს ყველა პრობლემა პირდაპირ უკავშირდება სახელმწიფოს. გარდა ამისა, კარგად მოგეხსენებათ, რომ ბანკებთან მიმართებით, წლებია არსებობს პრობლემა, ისინი სარგებლობენ ასეთი შეზღუდული კონკურენციით. ერთი ბანკი არის საქართველოს ეროვნული ნაკრების სპონსორი, შესაბამისად, მოგეხსენებათ, მათ თავისი წილი ბილეთების მოთხოვნის უფლება აქვთ, მეორე არის უშუალოდ tkt.ge-ს სპონსორი და ცხადია, მასაც აქვს უპირატესობა და შესაბამისად, ბილეთების გარკვეული რაოდენობა მიაქვს. პრობლემის გადასაჭრელად, პირველი, საქართველოს ფეხბურთის ფედერაციამ, ისევე როგორც კულტურის სამინისტრომ (ვინც კურირებს კონკრეტულ სპორტულ თუ კულტურულ ღონისძიებებს), თავის თავზე უნდა აიღოს პასუხისმგებლობა და გამჭვირვალედ გამოაქვეყნოს, რა რაოდენობა ბილეთები გადაეცა ბილეთების გამყიდველ ადმინისტრატორს, ამ შემთხვევაში tkt.ge-ს. აქ ეს კომპანია აუცილებლად დაიწყებს თავის მართლებას და იტყვის, რომ აქ მე არაფერ შუაში ვარ. ჩვენ არ ვითხოვთ, კონკრეტული სახელების და გვარების გასაჯაროებას, არ ვარღვევთ პერსონალურ მონაცემების შესახებ კანონს, ჩვენ ვამბობთ, ბილეთები როგორ განაწილდა, რა რაოდენობა წავიდა, პირობითად, ბერძენი გულშემატკივრებისთვის, რა რაოდენობა დარჩა ქართველ მაყურებელს, რა რაოდენობა გადანაწილდა tkt.ge-ზე, რამდენი წაიღეს სპონსორებმა, სახელმწიფო უწყებებმა და ა.შ. ამასთან, უნდა ვიცოდეთ, კონკრეტულ სპონსორებთან, თუ უწყებებთან დაკავშირებულ პირებთან რამდენი წავიდა, ესეც უნდა იყოს საჯარო. ანუ, მათთვის დარიგებული ბილეთები, რატომ არ მოხვდა ბილეთების საიტზე და რატომ არ გაიყიდა? რატომ არ მიეცა კონკურენტული შესაძლებლობა ჩვეულებრივ მოქალაქეებს? ჩემთვის აბსოლუტურად გაუგებარია, საქართველოს სახელმწიფო ბიუჯეტიდან დაფინანსებული ფედერაციის მიერ უზრუნველყოფილი ის პროცესი, რომელიც მომხმარებლის და გულშემატკივრის უფლებებს აზარალებს“,- ამბობს აკაკი ჩარგეიშვილი. ავტორი: ნინი ქეთელაური bpn.ge

გასაკვირი და უცნაურია, როცა „ქართული ოცნება“ ყოველ დღე იმეორებს, რომ 60%-იანი მხარდაჭერა აქვს, 40%-იანი ბარიერის გაუქმება რა მიზანს ემსახურება?! - ეს მმართველი პარტიის პოზიციებს ძლიერად ვერ წარმოაჩენს, რადგან მცირდება სტანდარტი და ლეგიტიმაცია! - აღნიშნული განცხადება პარტია „საქართველოსთვის“ დეპუტატმა ბექა ლილუაშვილმა პარლამენტის ბიუროს სხდომაზე, საარჩევნო კანონმდებლობაში დაგეგმილი ცვლილებების პროექტის განხილვისას გააკეთა. როგორც ლილუაშვილმა განმარტა, 2014 წელს, საკრებულოს მაჟორიტარების არჩევის 40%-იანი საარჩევნო ბარიერი იმ მოტივით დაწესდა, რომ დეცენტრალიზაციის გათვალისწინებით თვითმმართველი ქალაქების ხელმძღვანელებსა და საკრებულოების მაჟორიტარებს მეტი ლეგიტიმაცია ჰქონოდათ. „რატომ გახდა 40%-იანი საარჩევნო ბარიერის გაუქმება საჭირო?! მაშინ როცა ადგილობრივი თვითმმართველობის არჩევნები წელიწადნახევარშია, რატომ არ უნდა მოხდეს საკითხის ინიცირება ახალ პარლამენტში?“ - აღნიშნა ბექა ლილუაშვილმა. პარლამენტში ინიცირებულია „საარჩევნო კოდექსში“ ცვლილებები, რომლის მიხედვით, საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერი უქმდება და მაჟორიტარული საარჩევნო სისტემის საფუძველზე საკრებულოში არჩეულად ის კანდიდატი ჩაითვლება, რომელიც სხვებზე მეტ ხმას მიიღებს. შესაბამისად, პროექტის მიღების შედეგად, საკრებულოს არჩევნების მეორე ტური აღარ გაიმართება. ipn

„ოცნებას“, რომელიც ყოველდღე გვატყუებს, თითქოს 60% რეიტინგი აქვს, სინამდვილეში 35%-ის იმედიც კი არა აქვს, ამ კანონის მიღება ამას ნიშნავს - ტყუილებში ჩაკარგული “ოცნება” ერთს ამბობს, მეორეს კი აკეთებს, - ამის შესახებ საპარლამენტო პოლიტიკური ჯგუფის “საქართველოსთვის” თავმჯდომარე ბექა ლილუაშვილმა პარლამენტში გამართულ ბრიფინგზე, საარჩევნო კოდექსში შესატან ახალ ცვლილებებთან დაკავშირებით განაცხადა. მისი თქმით, “ქართული ოცნების” მხარდაჭერა ისტორიულ მინიმუმზეა და ამას საკუთარი ქმედებებითაც ადასტურებენ”. “ოცნებამ” წარადგინა ცვლილებები, რომლითაც მუნიციპალური არჩევნებისთვის სურს, გააუქმოს საკრებულოს მაჟორიტარად არჩევისთვის მინიმუმ 40%-იანი მხარდაჭერის აუცილებლობა. „ოცნებას”, რომელიც ყოველდღე გვატყუებს, რომ თითქოს 60% რეიტინგი აქვს, სინამდვილეში 35%-ის იმედიც კი არა აქვს - ამ კანონის მიღება ამას ნიშნავს. ტყუილებში ჩაკარგული “ოცნება” ერთს ამბობს, მეორეს აკეთებს. ამ ნაბიჯებშიც "ოცნება" დაემსგავსა "ნაცმოძრაობას". ზუსტად თვითმმართველობის არჩევნების წინ, 2010 წელს, მიხეილ სააკაშვილმაც გააუქმა საკრებულოს მაჟორიტარად არჩევისთვის მინიმუმ 30%-იანი მხარდაჭერის აუცილებლობა. დღეს ძალაუფლების დაკარგვის ისტერიული შიშებით მართული “ოცნებაც” იგივეს აკეთებს, რასაც წარსულში აკეთებდა “ნაციონალური მოძრაობა”. საზოგადოებას შევახსენებთ, რომ ეს არ არის პირველი შემთხვევა, რითაც ახლანდელი ხელისუფლება თავის სისუსტეს ადასტურებს. გაგახსენებთ: ივანიშვილისუშედეგოგამოჩენას, მთავრობისშემადგენლობაშიღიმილისმომგვრელცვლილებებისგანხორციელებას, რითაც “ოცნების” მდგომარეობაკიდევუფროდამძიმდა; ასევე, უპრეცედენტომხარდაჭერაზემოჭორავე “ოცნების” მიერ, ცესკოსსაბოლოოდპარტიისთვისდაქვემდებარებას; ასევე, დებატებისგან “ოცნების” მუდმივადგაქცევასდაოპონენტებთან, მოქალაქეებთანსაუბრისნაცვლადსაკუთართავთანსაუბარს. ეს ყველაფერი ადასტურებს ერთ რამეს. “ოცნებას” ეშინია წაგების და მსგავსი ცვლილებებით ცდილობს შიდა პარტიული მღელვარების დაწყნარებას. ამის კიდევ ერთი დადასტურებაა - ამომრჩევლის მოტყუება და სიაში შესაყვანი ფეოდალების ხალხისთვის მაჟორიტარებად შესაღების კომიკური მცდელობა. მოვუწოდებთ ხელისუფლებას: მიხედოს ხალხის გასაჭირს და არა საკუთარი გასაჭირის კანონების ჭრა-კერვით მოგვარებას. დაიწყოს კონსტიტუციური ცვლილებების მომზადება პრეზიდენტის პირდაპირი წესით ასარჩევად. მსგავსმა მხდალმა ნაბიჯებმა ვერც “ნაცებს” უშველა და ვერც თქვენ გიშველით. ნურც თქვენ კარგავთ დროს და ნურც ჩვენ გვაკარგვინებთ, დაუბრუნდით საქმეს! შეგახსენებთ, 2024 წლის არჩევნები იქნება საბოლოო ტესტი და შანსი თქვენთვის, „ოცნებისთვის”, რომ ჩაატაროთ ამ ქვეყანაში დემოკრატიული და სამართლიანი არჩევნები. სხვაგვარად, ამ ტესტის ჩაფლავებითაც, არამხოლოდ მომავალზე ლაპარაკის, არამედ წარსულზე ლაპარაკის მორალურ უფლებასაც დაკარგავთ და ყველაფერს, რაც კი აქამდე კარგი გიკეთებიათ, საბოლოოდ გაანადგურებთ”,- განაცხადა ლილუაშვილმა. ცნობისთვის, საარჩევნო სიების ფორმირებისას, ესა თუ ის დეპუტატობის კანდიდატი შესაძლოა, ერთი ან რამდენიმე მუნიციპალიტეტის დელეგატად განისაზღვროს. ასეთია ინიციატივა, რომელიც „ქართულმა ოცნებამ“ მოამზადა და პარლამენტის ბიუროს უახლოეს სხდომაზე წარედგინება. კერძოდ, მომზადებული კანონპროექტის გათვალისწინებით “საარჩევნო კოდექსს“ ახალი მუხლი ემატება, რომლის თანახმად, პარტიას უფლება ექნება პარტიული სიის შედგენისას, პარლამენტის წევრობის კანდიდატი საარჩევნო ოლქის ტერიტორიაზე რეგისტრირებულ ამომრჩეველთა დელეგატად განსაზღვროს. ამავე კანონპროექტით, “ქართული ოცნება“ საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერის გაუქმებას გეგმავს. „საარჩევნო კოდექსის“ ჯერ კიდევ მოქმედი რედაქციის თანახმად, მაჟორიტარული წესით არჩეულად ის კანდიდატი ითვლება, რომელიც ხმების 40%-ზე მეტს მიიღებს. წინააღმდეგ შემთხვევაში, არჩევნების მეორე ტური ინიშნება. „ქართული ოცნების“ პროექტის მიღების შედეგად, საკრებულოს არჩევნების მეორე ტური აღარ გაიმართება. ipn