tvati

პარტია “გახარია საქართველოსთვის” და ქალთა ორგანიზაციაში ჩატარდა გენდერული აუდიტი. გაანალიზდა შექმნის დღიდან არსებული დოკუმენტაცია და გამოიკითხა პარტიის ყველა რგოლის წარმომადგენელი. შემუშავდა აუდიტის ანგარიში, რომელიც წარედგინა პარტიას რეკომენდაციებთან ერთად. გენდერული აუდიტი ჩაატარა მრავალპარტიული დემოკრატიის ცენტრმა (EECMD) დანიის პარტიებისა და დემოკრატიის ინსტიტუტის (DIPD) მხარდაჭერით. პროექტი პარალელურ რეჟიმში ხორციელდება 6 ქვეყანაში და მინზად ისახავს ქალთა პოლიტიკური წარმომადგენლობისა და გავლენების ზრდას. ინფორმაციას პარტია "გახარია საქართველოსთვის" ავრცელებს.

ადიგენში, სადაც მუსლიმები პარასკევის ლოცვის შესრულებას აპირებენ, აქცია იმართება. შესაბამის ვიდეოს ადგილიდან გამოცემა ბათუმელები ავრცელებს. კადრებში ჩანს, რომ ადიგენში მცხოვრები მუსლიმის, მერაბ მიქელაძის სახლთან მართლმადიდებელი სასულიერო პირები და მოქალაქეები არიან შეკრებილები – ადგილზე მობილიზებულია პოლიციაც. მსგავსი ეპიზოდი ადიგენში გასულ თვესაც მოხდა. კერძოდ, 8 მარტს პარასკევის ტრადიციული ჯუმა ლოცვის დროს მართლმადიდებელი სასულიერო პირები და მრევლის ნაწილი დაბა ადიგენში იმამ მერაბ (იუსუფ) მიქელაძის კუთვნილ შენობასთან შეიკრიბა და იქ მყოფ მუსლიმებს სახლის დატოვება მოსთხოვა. ამ დროს იმამ მერაბ (იუსუფ) მიქელაძის კუთვნილ შენობაში მხოლოდ 3 ადამიანი იმყოფებოდა, რომლებიც ლოცვას აღავლენდნენ. სოციალური სამართლიანობის ცენტრმა სპეციალურ საგამოძიებო სამსახურს 2024 წლის 8 მარტს ადიგენში განვითარებული მოვლენების სამართლებრივი შეფასება და სსკ-ის156-ე მუხლის (დევნა) საფუძველზე გამოძიების დაწყება მოსთხოვა. პუბლიკა

„არსი, აზრი ამ კანონპროექტის არის, რომ მარტო რუსეთიდან შემოსული ფული იყოს გამჭვირვალე და სხვა დანარჩენმა ჩუმად ხარჯოს ჩვენთან ფული, ჩვენდა დაუკითხავთ, - ამის შესახებ პარლამენტის თავმჯდომარემ შალვა პაპუაშვილმა განაცხადა, რითაც პარტია „გახარია - საქართველოსთვისა“ და დეპუტატ თეონა აქუბარდიას მიერ ინფიცირებულ კანონპროექტს გამოეხმაურა. მისი თქმით, ოპოზიციონერი დეპუტატები, რომლებმაც ალტერნატიული კანონპროექტი დააინიცირეს, სახელმწიფოებრივი შეგრძნებისგან შორს არიან. როგორც პაპუაშვილმა აღნიშნა, რუსეთიდანაც და ევროპიდან შემოსული თანხა საჯარო უნდა იყოს. „ეს დაინფიცირებულია როგორც ალტერნატიული კანონპროექტი, „უცხოური ძალის ინტერესებით მოქმედი ორგანიზაციების გამჭვირვალობის“ კანონპროექტთან ერთად. ჩვენ ვამბობთ, რომ გამჭვირვალე იყოს რუსეთიდან შემოსული ფულიც და სხვა, ყველა ფული. წარმოგიდგენიათ, რამდენად დაცლილნი არიან სახელმწიფოებრივი შეგრძნებებისგან, ოპოზიციის წარმომადგენლები, რომლებიც ამბობენ, რომ -„ჩვენთვის მნიშვნელოვანია, ვიცოდეთ რუსეთიდან შემოსული ფული, განსაკუთრებით თუ ეს პოლიტიკაში იხარჯება, იყოს გამჭვირვალე, ვიცოდეთ, საიდან შემოვიდა, ვისზე იხარჯება და რა საქმე ფინანსდება, მაგრამ არ გამაგონოთ ევროპიდან ან ამერიკიდან რა ფული შემოვა“. ფაქტობრივად იხვეწებიან, რომ „დაგვიმალეთ, არაფრით არ უთხრათ ჩვენს საზოგადოებას, რაში ხარჯავთ ფულს. გთხოვთ, ჩუმად დახარჯოთ თქვენივე ფული თქვენივე გემოვნებით,“ - განაცხადა პარლამენტის თავმჯდომარემ, შალვა პაპუაშვილმა. ცნობისთვის, პარტია „გახარია საქართველოსთვის“ და დამოუკიდებელმა დეპუტატმა, თეონა აქუბარდიამ პარლამენტში „ქართული ოცნების“ მიერ დარეგისტრირებული „უცხოური გავლენის გამჭვირვალობის შესახებ“ კანონპროექტის, ალტერნატიული კანონპროექტი - „ოკუპანტი სახელმწიფოს - რუსეთის ფედერაციის გავლენებისგან დაცვის შესახებ“ დააინიცირეს. იპნ

ნორვეგია შეშფოთებულია საქართველოში „უცხოური გავლენისა“ და „ოჯახური ღირებულებების“ შესახებ საკანონმდებლო ინიციატივებით, - ამის შესახებ ნორვეგიის საგარეო საქმეთა სამინისტროს განცხადებაშია აღნიშნული. უწყების შეფასებით, აღნიშნული საკანონმდებლო ინიციატივები ძირს გამოუთხრის მნიშვნელოვან ღირებულებებს, საქართველოს დემოკრატიას და ევროატლანტიკურ გზას. "ნორვეგია შეშფოთებულია საქართველოში "უცხოური გავლენისა" და "ოჯახური ღირებულებების" საკანონმდებლო ინიციატივებით, რომელიც სამოქალაქო საზოგადოებისა და ლგბტქი+ ადამიანების სტიგმატიზებას ახდენს. ის ძირს გამოუთხრის მნიშვნელოვან ღირებულებებს, საქართველოს დემოკრატიას და ევროატლანტიკურ გზას", - ნათქვამია უწყების განცხადებაში. იპნ

საქართველოს დაზვერვის სამსახურის უფროსად ირაკლი ბერაია დაინიშნა. შესაბამისი ბრძანება პრემიერ-მინისტრმა ირაკლი კობახიძემ უკვე გამოსცა. ირაკლი ბერაია დღემდე საქართველოს პარლამენტის თავდაცვისა და უშიშროების კომიტეტის თავმჯდომარე იყო. სხვადასხვა დროს ის იკავებდა შინაგან საქმეთა სამინისტროს რეფორმებისა და განვითარების დეპარტამენტის დირექტორის პოზიციას, ასევე იყო სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორი. ინფორმაციას მთავრობის ადმინისტრაცია ავრცელებს. იპნ

შინაგან საქმეთა სამინისტროს სასაზღვრო პოლიციის, საპატრულო პოლიციის დეპარტამენტის და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, საქართველოს სახელმწიფო საზღვრის უკანონოდ, ჯგუფურად გადაკვეთის და მიგრანტების უკანონოდ გადაყვანის ფაქტზე 5 პირი დააკავეს. შინაგან საქმეთა სამინისტროს ინფორმაციით, დანაშაულები 4-დან 8 წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ 1985 წელს დაბადებულმა, უცხო ქვეყნის მოქალაქე ს.თ.-მ, მისი მართვის ქვეშ არსებული სატვირთო ავტომანქანაში მოწყობილი სამალავის მეშვეობით, თურქეთის რესპუბლიკიდან საქართველოში, საპასპორტო კონტროლის გვერდის ავლით, უკანონოდ გადმოიყვანა მიგრანტები, უცხო ქვეყნების მოქალაქეები 1993 წელს დაბადებული ვ.თ; 1965 წელს დაბადებული ბ.ო; 1996 წელს დაბადებული ო.გ. და 1992 წელს დაბადებული რ.გ. გამოძიება საქართველოს სისხლის სამართლის კოდექსის 344-ე მუხლის მეორე ნაწილის ,,ა“ ქვეპუნქტით და 344-ე პრიმა მუხლის მეორე ნაწილის ,,ბ“ ქვეპუნქტით მიმდინარეობს“, - აღნიშნულია ინფორმაციაში. იპნ

„ბიზნესპრესნიუსი“ დაინტერესდა, რამდენპროცენტიანი ფასნამატით იყიდება საქართველოში კანონით განსაზღვრული პირველადი მოხმარების 9 ძირითადი პროდუქტი: მზესუმზირის ზეთი, ბრინჯი, წიწიბურა, მაკარონის ნაწარმი, ფქვილი, ლობიო, შაქარი, ხორბალი და რძის ფხვნილი. იმპორტირებული ზეთი ქსელურ მარკეტებში მინიმუმ 31-124%-იანი ფასნამატით იყიდება. მარკეტებში 1კგ ბრინჯს 397-526%-იანი ფასნამატით ვყიდულობთ. 1 კგ წიწიბურა მარკეტებში საშუალოდ 250-786%-ით ძვირი ღირს. მონაცემების თანახმად, საუკეთესო შემთხვევაში, 1 კგ იმპორტირებული მაკარონის ნაწარმი მარკეტებში 18.6%-ით იაფად იყიდება, ხოლო უარეს შემთხვევაში, მაქსიმუმ 195%-იანი ფასნამატით. 1 კგ ფქვილის ფასი კი 2,25 ლარიდან 4,78 ლარამდე მერყეობს. მარკეტებში ფქვილს 236-613%-იანი ფასნამატი აქვს. 1კგ იმპორტირებული შაქარი 4-ლარიდან 5 ლარამდე ღირს ადგილობრივ მარკეტებში, რაც მიუთითებს იმაზე, რომ მარკეტებში პროდუქცია 84-130%-იანი ფასნამატით იყიდება. მარკეტებში 1 კგ იმპორტირებული ხორბალი 422-818%-ის ფასნამატით იყიდება. იმპორტირებული რძის ფხვნილი 372-486%-ით ძვირად იყიდება. პალიტრანიუსი

ღრმად ვართ შეშფოთებული, რომ საქართველოს პარლამენტში შეტანილი კანონპროექტი საქართველოს ჩამოაცილებს ევროპის გზას, - ამის შესახებ ამერიკის შეერთებული შტატების სახელმწიფო დეპარტამენტის სპიკერმა მეთიუ მილერმა სოციალურ ქსელ X-ში (Twitter) დაწერა, რითაც საქართველოს პარლამენტში „უცხოური ძალის ინტერესებით მოქმედი ორგანიზაციების“ შესახებ კანონპროექტის ინიცირებას გამოეხმაურა. სახელმწიფო დეპარტამენტი საქართველოს მთავრობას მოუწოდებს, ევროკავშირის მისწრაფებებს მიჰყვეს. „ჩვენ ღრმად ვართ შეშფოთებული, რომ საქართველოს პარლამენტში შეტანილი კანონპროექტი საქართველოს ჩამოაცილებს ევროპის გზას და დააზარალებს სამოქალაქო საზოგადოების ორგანიზაციებს, რომლებიც აუმჯობესებენ საქართველოს მოქალაქეების ცხოვრებას. ჩვენ მოვუწოდებთ საქართველოს მთავრობას, რომ მიჰყვეს ევროკავშირის მისწრაფებებს“, - განაცხადა მეთიუ მილერმა. იპნ

საბოლოო ჯამში, კოლექტიური ბექა ოდიშარიების არსებობა ხელისუფლებაში, პრინციპში, ცუდი საერთოდ არ არის იმიტომ, რომ ბექა ოდიშარია არის დღევანდელი „ოცნების“ სახე - უღირსიც აღარ ჰქვია, სიტყვას ვერ ვპოულობ, რომლითაც შეიძლება ბექა ოდიშარიას საქციელი აღვწეროთ, - ამის შესახებ პარტია „საქართველოსთვის" დეპუტატმა, ანა ბუჩუკურმა ჟურნალისტებთან საუბრისას განაცხადა. მისივე თქმით, „ქართული ოცნების“ დეპუტატი ბექა ოდიშარია 2012 წელს “ერთიან ნაციონალურ მოძრაობას“ აფინანსებდა, დღეს კი “ოცნების" სახეა. „ბექა ოდიშარია არის ის ადამიანი, რომელმაც გადამწყვეტი პოლიტიკური ბრძოლის დროს, 2012 წელს, აფინანსებდა „ნაცმოძრაობას“ და დღეს არის „ოცნების“ სახე. ეს არის ის ადამიანი, რომელიც 2012-ში „ოცნების" წინააღმდეგ იბრძოდა და დღეს არის „ოცნების“ სახე. უღირსიც აღარ ჰქვია, ვერ ვპოულობ სიტყვას, რომლითაც შეიძლება აღვწეროთ მისი საქციელი“, - განაცხადა ბუჩუკურმა. ცნობისთვის, პარლამენტის პლენარულ სხდომაზე, ბექა ოდიშარიამ შეურაცხმყოფელი რეპლიკა მაშინ გამოიყენა, როცა პარლამენტის ტრიბუნიდან გენდერული კვოტირების გაუქმების კრიტიკით „ლელოს“ დეპუტატი ანა ნაცვლიშვილი გამოდიოდა. იპნ

მთავარი მოკავშირე დღევანდელი ხელისუფლების არის ნიჰილიზმისა და დემორალიზების დათესვა... სოფო ხორგუანი სტუმრად ვიკა ბუკიას გადაცემაში ''პირველი ხაზი'' ვიდეო: https://www.facebook.com/watch?v=1260171592037604

ეს კანონპროექტი რატომ არის რუსული? რადგან ხელს შეუშლის იმ ევროპული კანონპროექტების განხორციელებას, რაც ხელს შეუწყობს ევროკავშირთან სწრაფად ინტეგრაციას, რაც შეამცირებს რუსულ გავლენას. მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/1512107196012997/

მურუსიძე-ჩინჩალაძემ მოითხოვეს, რომ მხოლოდ მათზე არ გადატყდეს ჯოხი, ისინი ძალიან ნერვიულობენ, ვინაიდან საკამოდ ბევრი შავ-ბნელი საქმე აქვთ ნაკეთები ივანიშვილთან ერთად. დღევანდელი იუსტიციის საბჭო არის მურუსიძის და ჩინჩალაძის იარაღი, რადგან ისინი მართავენ მას. უნდა აღვნიშნოთ, რომ მოყვარისა და მტრის გარჩევა აღრეული აქვს “ოცნებას”. შესაბამისად ჩვენ, როდესაც ეს ინიციატივა დავაყენეთ, ცალსახად ვთქვით ვინ არის ჩვენი ქვეყნის მტერი და დავიწყეთ რუსეთით, როდესაც ჩვენ ვსაუბრობთ უცხოური გავლენის აგენტენზე ვხდებით, რომ ესენი არ არიან ამერიკელები, ფრანგები, გერმანელები და ეს ხალხმაც კარგად იცის. ზაზა თავაძე, თბილისის საკრებულოს წევრი. ვიდეო: https://www.facebook.com/ForGeoGe/videos/1446772272588764/

ევროპარლამენტარი მარკეტა გრეგოროვა იმედს გამოთქვამს, რომ პარლამენტი არ მიიღებს რუსულ კანონს, თუმცა ის დებატების გამართვასაც უცნაურს უწოდებს და პირველად ინიციირების დროს მასშტაბურ პროტესტებზე მიუთითებს. მისი თქმით, მთავრობამ უარი უნდა თქვას ამ კანონზე, თუ სტატუსის მიღებასთან დაკავშირებით ჩატარებული სამუშაოების საბოტაჟი არ სურს. „ქართული ოცნება“ პარლამენტში რუსულ კანონს აბრუნებს. ანალოგიური კანონპროექტი „ქართულმა ოცნებამ“ შარშანაც დაინიციირა, თუმცა მარტში მასობრივი საპროტესტო გამოსვლების შემდეგ უკან გაიწვია. „ქართული ოცნების“ ლიდერები მთელი წლის განმავლობაში ამტკიცებდნენ, რომ ამ კანონპროექტს არცერთი ფორმით აღარ დააბრუნებდნენ. პუბლიკა

პარლამენტმა გენდერული კვოტები გააუქმა. დაჩქარებული წესით განხილულ კანონპროექტს მესამე მოსმენით კენჭი რამდენიმე წუთის წინ უყარეს. საარჩევნო კოდექსში ცვლილებებს მხარი 85-მა დეპუტატმა დაუჭირა, 22 წინააღმდეგი იყო. გენდერული კვოტების გაუქმების საკანონმდებლო ინიციატივის ავტორი „გირჩი“ იყო და მას საპარლამენტო უმრავლესობა უჭერდა მხარს. კანონპროექტი დაჩქარებული წესით განიხილეს. განხილვა პარლამენტში ხმაურით, სექსისტური, მიზოგინური, შეურაცხმყოფელი განცხადებების და კომენტარების ფონზე ჩატარდა. სექსისტური გამოსვლებით გამოირჩეოდა „გირჩი“, რომელიც ცდილობდა, დაემტკიცებინა, რომ გენდერული კვოტრება ქალებისთვის ზიანის მომტანია. განხილვის დროს „ქართული ოცნების“ დეპუტატმა ბექა ოდიშარიამ ორი დღის განმავლობაში ორჯერ მიაყენა ქალ დეპუტატებს სიტყვიერი შეურაცხყოფა. ახალი კანონის ძალაში შესვლამდე, ჯერ კიდევ მოქმედი საარჩევნო კოდექსით, საქართველოს პარლამენტის 2024 წლის 26 ოქტომბრის არჩევნებისათვის პარტიული სიის ყოველ ოთხეულში ერთი პირი მაინც უნდა იყოს ქალი. ხოლო, 2028 წლის 28 ოქტომბრის არჩევნებისა და 2032 წლის ჩათვლით ჩასატარებელი საპარლამენტო არჩევნებისათვის წარდგენილი პარტიული სიის ყოველ სამეულში ერთი პირი მაინც უნდა იყოს ქალი. კანონპროექტს მხარს არ უჭერდნენ ოპოზიციის ნაწილი და ქალთა უფლებებზე მომუშავე ორგანიზაციები და აქტივისტები. პუბლიკა

ბექა ლილუაშვილი, პარტია „გახარია საქართველოსთვის“, საპარლამენტო პოლიტიკური ჯგუფის ლიდერი: ამ გამოსვლის შემდეგ, ჩვენი საპარლამენტო გუნდი, დამუკიდებელ დეპუტატ თეონა აქუბარდიასთან ერთად, აინიცირებს - ოცნების მიერ დარეგისტრირებული „უცხოური გავლენის გამჭვირვალობის შესახებ“, ანუ ე.წ. რუსული კანონის ალტერნატიულ კანონის პროექტს, კერძოდ, საქართველოს კანონის პროექტს „ოკუპანტი სახელმწიფოს - რუსეთის ფედერაციის გავლენებისგან დაცვის შესახებ“. ეს ალტერნატიული კანონი ითვალისწინებს სისხლის სამართლებრივ დევნას ყველა იმ ორგანიზაციის ან ადამიანის მიმართ, რომელიც წარმოადგენს ოკუპანტი ქვეყნის ძალას და რუსეთის ინტერესებით ცდილობს საქართველოს კონსტიტუციით განსაზღვრული საგარეო პოლიტიკის მიზნების შეცვლას ან ქვეყნის საშინაო პოლიტიკაში ღიად/ფარულად ჩარევას. კანონი ეხება არა მხოლოდ რუსეთს, არამედ ყველა იმ სახელმწიფოს, რომელიც არ აღიარებს ჩვენი ქვეყნის სუვერენიტეტსა და ტერიტორიულ მთლიანობას. მას შემდეგ, რაც ასობით ათასმა ჩვენმა მოქალაქემ, ტყუილებში ჩაკარგულ ოცნებას კანონი გააწვევინა, მათ თქვეს, რომ ისინი არასდროს დაუბრუნდებოდნენ ამ საკითხს. ამ ნაბიჯმა კიდევ ერთხელ ძალიან კარგად აჩვენა, რამდენად მძიმე მდგომარეობაშია ტყუილებში ჩაკარგული ოცნება, როცა კიდევ ერთ პირობასაც არღვევს. ყოველ ჯერზე, როდესაც ჩვენს საზოგადოებას გამარჯვება გვაერთიანებს, ივანიშვილი გვყოფს და ცდილობს გააღრმაოს პოლარიზაცია. ჩვენ არავითარი პრობლემა გამჭვირვალობასთან არ გვაქვს, ერთადერთი ვისაც გამჭვირვალობა პრობლემას უქმნის, ეს არის თავად ხელისუფლება. დღეს, როცა ტყუილებში ჩაკარგული ოცნება მანიპულირებს, თითქოს იმით, რომ ის გამჭვირვალობას და ანგარიშვალდებულებას იცავს. ჩვენ შევახსენებთ მათ, რომ გამჭვირვალობა უმნიშვნელოვანესი სტანდარტია, და ეს სტანდარტი ყველას უნდა ეხებოდეს, NGO-საც, პოლიტიკურ პარტიასაც და პირველ რიგში თავად ხელისუფლებას! მაშინ, როდესაც თითქოს გამჭვირვალობის მიზეზით, ოცნება იცავს მის კანონს, სინამდვილეში არა თუ ტოლობის ნიშანს სვამს ოკუპანტ სახელმწიფოსა და სტრატეგიულ პარტნიორებს შორის. არამედ, ოკუპანტ ქვეყანაზე მეტად, ერჩის და ემუქრება სტრატეგიულ პარტნიორებს. მერე გამოხვალთ და ტყუილს დაარქმევთ იმას, რასაც ამ კანონს საქართველოს ასობით ათასმა მოქალაქემ თავად დაარქვა რუსული! ამიტომ „არა, არ არის რუსულის“ ძახილის ნაცვლად, თუ ვინმეს გადარწმუნება გინდათ, ადექით და ალტერნატიული კანონის მხარდაჭერით დაარწმუნეთ, აბა, ეს ადამიანები, რომ ოკუპანტ სახელმწიფოსა და ჩვენი სახელმწიფოს სუვერენიტეტის გარანტორ ქვეყნებს შორის - ტოლობის ნიშანს არ სვამთ. ჯარიმებით კი არა, პირდაპირ სისხლის სამართლებრივი დევნით დასაჯეთ რუსეთის გავლენის აგენტები ჩვენი ქვეყნის ტერიტორიაზე!

„აგენტების კანონის“ ხელახლა წარდგენა ნდობის სერიოზული დარღვევაა და ერთხელ და სამუდამოდ უნდა მოიხსნას დღის წესრიგიდან, - ასე ეხმაურება გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი უცხოური გავლენის გამჭვირვალობის შესახებ“ კანონპროექტის საქართველოს პარლამენტში ხელახლა ინიცირებას. “მმართველ პარტია „ქართულ ოცნებას“ სრულიად არასწორად გაუგია რაღაც: საქართველოსთვის ევროკავშირის კანდიდატის სტატუსის მინიჭება იყო ნდობის გამოცხადება და არა ჯილდო. „აგენტების კანონის“ ხელახლა წარდგენა ნდობის სერიოზული დარღვევაა და ერთხელ და სამუდამოდ უნდა მოიხსნას დღის წესრიგიდან”, - წერს როთი. ცნობისთვის, “უცხოური გავლენის გამჭვირვალობის შესახებ“ კანონის პროექტი პარლამენტში გუშინ ხელახლა დააინიცირეს. იპნ

საქართველოს პრემიერ-მინისტრმა ირაკლი კობახიძემ საქართველოს დაზვერვის სამსახურის უფროსი შალვა ლომიძე თანამდებობიდან გაათავისუფლა. პრემიერის ხელმოწერით, შესაბამისი ბრძანება საქართველოს მთავრობის ვებგვერდზე გამოქვეყნდა. „საქართველოს დაზვერვის სამსახურის შესახებ“ საქართველოს კანონის მე-9 მუხლის პირველი პუნქტის საფუძველზე, გათავისუფლდეს დაზვერვის გენერალ-მაიორი შალვა ლომიძე საქართველოს დაზვერვის სამსახურის უფროსის თანამდებობიდან“,- ნათქვამია ბრძანებაში. იპნ

რუსულის ძახილის ნაცვლად ადექით და დაარწმუნეთ აბა ეს ადამიანები, რატომ არ არის ეს კანონი რუსული კანონი თქვენს ხელში და არის ამერიკული, - ასე მიმართა, პარტია “გახარია საქართველოსთვის” წევრმა, ბექა ლილუაშვილმა, “ქართულ ოცნებას”. აღნიშნული განცხადებით, იგი “უცხოური გავლენის გამჭვირვალობის შესახებ“ კანონის პროექტის პარლამენტში ოფიციალურად დაინიცირებას გამოეხმაურა. ლილუაშვილის თქმით, ისინი წარადგენენ ალტერნატიულ კანონს ოკუპანტი სახელმწიფოს რუსეთის ფედერაციის გავლენებისგან დაცვის შესახებ. ამასთან, დეპუტატის განცხადებით, ყოველ ჯერზე, როდესაც საზოგადოებას გამარჯვება აერთიანებს, “ბიძინა ივანიშვილი გვყოფს და ცდილობს გააღრმაოს პოლარიზაცია.” „გვინდა გამოვეხმაუროთ, ხელისუფლების მიერ "უცხოური გავლენის აგენტების შესახებ" კანონის განმეორებით ინიცირებას. მას შემდეგ, რაც ასობით ათასმა ჩვენმა მოქალაქემ, ტყუილებში ჩაკარგულ “ოცნებას” კანონი გააწვევინა, მათ თქვეს, რომ ისინი არასდროს დაუბრუნდებოდნენ ამ საკითხს. დღეს, ძალიან კარგად ჩანს, რამდენად მძიმე მდგომარეობაშია ტყუილებში ჩაკარგული „ქართული ოცნება”, როცა კიდევ ერთ პირობასაც არღვევს. ყოველ ჯერზე, როდესაც საზოგადოებას გამარჯვება გვაერთიანებს, ბიძინა ივანიშვილი გვყოფს და ცდილობს გააღრმაოს პოლარიზაცია. დღეს, როცა ტყუილებში ჩაკარგული “ოცნება” მანიპულირებს, თითქოს იმით, რომ ის გამჭვირვალობას და ანგარიშვალდებულებას იცავს, ჩვენ შევახსენებთ მათ, რომ გამჭვირვალობა უმნიშვნელოვანესი სტანდარტია და ეს სტანდარტი ყველას უნდა ეხებოდეს, NGO-საც, პოლიტიკურ პარტიასაც და პირველ რიგში თავად ხელისუფლებას. ჩვენ გამჭვირვალობასთან არანაირი დისკომფორტი არ გვაქვს. თუ ვინმეს აქვს გამჭვირვალობის პრობლემა და დისკომფორტს უქმნის ანგარიშვალდებულება, ესაა თქვენ და თქვენი ხელისუფლება. სადაა მთავრობის დამალული განკარგულებები, სად არის "ქოლცენტრებზე" და დასანქცირებულ მოსამართლეებზე საგამოძიებო კომისია, სად არის დეკლარაციებში ნათესავების წრის გაფართოება და სხვ. მაგრამ საქმე ისაა, რომ სახელდებით აგენტის იარლიყის მიწერა გინდათ და თავის გადარჩენის გამო აკეთებთ ამას. ყველა ინსტიტუტი თქვენს ხელშია და შინაარსობრივად ისედაც ყველა ინფორმაციას ფლობთ, თუ ვინმე კანონს არღვევს, ქვეყნის უსაფრთხოებას რისკის ქვეშ აყენებს - იმოქმედეთ, გამოავლინეთ და დასაჯეთ. როგორ შეიძლება, უცხოურ გავლენაზე ლაპარაკობდე და არათუ ათანაბრებდე ოკუპანტს და სტრატეგიულ პარტნიორს, არამედ ოკუპანტ სახელმწიფოზე მეტად ერჩოდე და ემუქრებოდე სტრატეგიულ პარტნიორს. მერე გამოხვალთ და ტყუილს დაარქმევთ იმას, რადაც ეს კანონის საქართველოს ასობით ათასმა მოქალაქემ თავად შეაფასა რუსულ კანონად. ამიტომ რუსულის ძახილის ნაცვლად ადექით და დაარწმუნეთ აბა ეს ადამიანები, რატომ არ არის ეს კანონი რუსული კანონი თქვენს ხელში და არის ამერიკული. ჩვენთვის ტოლობის ნიშნის დასმა სტრატეგიულ პარტნიორსა და ოკუპანტს შორის დაუშვებელია, ამიტომ როგორც წინა ჯერზე, ჩვენ წარვადგენთ ალტერნატიულ კანონს ოკუპანტი სახელმწიფოს რუსეთის ფედერაციის გავლენებისგან დაცვის შესახებ”, - განაცხადა ბექა ლილუაშვილმა. ცნობისთვის, “უცხოური გავლენის გამჭვირვალობის შესახებ“ კანონის პროექტი პარლამენტში ოფიციალურად ინიცირებულია. “უცხოური გავლენის გამჭვირვალობის შესახებ“ კანონის პროექტი “გამჭვირვალობის უზრუნველყოფის მიზნით“, უცხოური ძალის ინტერესების გამტარებელ ორგანიზაციად ისეთი არასამეწარმეო (არაკომერციული) იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის გარკვეული მოცულობა - კერძოდ კი, 20%-ზე მეტი - უცხოეთიდან არის მიღებული. კანონპროექტი თავისი შინაარსით გასულ წელს ინიცირებული და შემდგომში “ჩაგდებული“ პროექტის ანალოგიურია. პროექტის მიხედვით, ყველა, ვინც “უცხოური ძალის ინტერესების გამტარებელ ორგანიზაციად“ მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. რეგისტრაციის დროს აუცილებელი იქნება მიღებული შემოსავლების ასახვა. IPN

"გვსურს, გამოვეხმაუროთ ხელისუფლების მიერ უცხოური გავლენის აგენტების შესახებ კანონის განმეორებით ინიცირებას. მას შემდეგ, რაც ასობით ათასმა ჩვენმა მოქალაქემ, ტყუილებში ჩაკარგულ „ოცნებას“ კანონი გააწვევინა, მათ თქვეს, რომ ისინი არასდროს დაუბრუნდებოდნენ ამ საკითხს. დღეს, ძალიან კარგად ჩანს, რამდენად მძიმე მდგომარეობაშია ტყუილებში ჩაკარგული „ოცნება“, როცა კიდევ ერთ პირობასაც არღვევს. ყოველ ჯერზე, როდესაც ჩვენს საზოგადოებას გამარჯვება გვაერთიანებს, ივანიშვილი გვყოფს და ცდილობს გააღრმავოს პოლარიზაცია. დღეს, როცა ტყუილებში ჩაკარგული „ოცნება“ მანიპულირებს, თითქოს იმით, რომ ის გამჭვირვალობას და ანგარიშვალდებულებას იცავს. ჩვენ შევახსენებთ მათ, რომ გამჭვირვალობა უმნიშვნელოვანესი სტანდარტია, და ეს სტანდარტი ყველას უნდა ეხებოდეს, NGO-საც, პოლიტიკურ პარტიასაც და პირველ რიგში თავად ხელისუფლებას!: ჩვენ გამჭვირვალობასთან არავითარი დისკომფორტი არ გვაქვს !!! თუ ვინმეს აქვს გამჭვირვალობის პრობლემა და დისკომფორტს უქმნის ანგარიშვალდებულება, ეს ხართ თქვენ და თქვენი ხელისუფლება: სად არის მთავრობის დამალული განკარგულებები, სად არის ქოლცენტრებზე და დასანქცირებულ მოსამართლეებზე საგამოძიებო კომისია, სად არის დეკლარაციებში ნათესავების წრის გაფართოება და სხვ?! მაგრამ, საქმე ისაა, რომ სახელდებით აგენტის იარლიყის მიწერა გისურთ და თავის გადარჩენის გამო აკეთებთ ამას. ყველა ინსტიტუტი თქვენს ხელშია და, შინაარსობრივად, ისედაც ყველა ინფორმაციას ფლობთ და თუ ვინმე კანონს არღვევს, ქვეყნის უსაფრთხოებას რისკის ქვეშ აყენებს - იმოქმედეთ, გამოავლინეთ და დასაჯეთ! როგორ შეიძლება, უცხოურ გავლენაზე საუბრობდე და, არათუ ათანაბრებდე ოკუპანტს და სტრატეგიულ პარტნიორს, არამედ ოკუპანტ სახელმწიფოზე მეტად ერჩოდე და ემუქრებოდე სტრატეგიულ პარტნიორს?! შემდეგ, გამოხვალთ და ტყუილს დაარქმევთ იმას, რადაც ეს კანონი საქართველოს ასობით ათასმა მოქალაქემ თავად შეაფასა რუსულ კანონად! ამიტომ, “არა, არ არის რუსულის“ თქმის ნაცვლად, ადექით და დაარწმუნეთ, აბა, ეს ადამიანები - რატომ არ არის ეს კანონი რუსული კანონი თქვენს ხელში და არის ამერიკული?! ჩვენთვის ტოლობის ნიშნის დასმა სტრატეგიულ პარტნიორსა და ოკუპანტს შორის დაუშვებელია, ამიტომ როგორც წინა ჯერზე, ჩვენ წარვადგენთ ალტერნატიულ კანონს ოკუპანტი სახელმწიფოს რუსეთის ფედერაციის გავლენებისგან დაცვის შესახებ." ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე. ვიდეო: https://www.facebook.com/ForGeoGe/videos/1132272328187265/

უმცროსმა ბორჯღალოსნებმა U18 ექვსი ერის ფესტივალზე საფრანგეთი 20-19 დაამარცხეს. პირველი ტაიმი საფრანგეთმა 19-10 მოიგო, თუმცა საქართველოს ნაკრებმა მატჩში დაბრუნება და საბოლოო გამარჯვების მოპოვება მოახერხა. ფესტივალის პირველი მატჩი ქართველმა 18-წლამდელებმა შოტლანდიასთან წააგეს, ხოლო ფრანგებმა ირლანდიას მოუგეს 50-5. netgazeti

რუსეთში გეგმავენ, ადამიანებს, რომლებიც უცხო ქვეყნის აგენტებად არიან დარეგისტრირებული, ნებისმიერი დონის არჩევნებში კენჭისყრას აუკრძალონ. შესაბამისი კანონპროექტი რუსეთის დუმაში გუშინ, 2 აპრილს დარეგისტრირდა. ამასთან, მას შემდეგ, რაც ინიციატივის შესახებ მედიამ დაწერა, ინიციატორებმა ის „გადასინჯვისა და გაუმჯობესების” მიზეზით გაითხოვეს და გაუმჯობესებული ვარიანტის ხელახალი რეგისტრაციის პირობა დადეს. კანონპროექტის ავტორი ფრაქცია „სამართლიანი რუსეთია“. რუსეთში ამ ეტაპზე მოქმედი კანონდებლობით, „უცხო ქვეყნის აგენტებს” არჩევნებზე დაკვირვება ეკრძალებათ. რუსული სამთავრობო მედია, რომელთათვისაც დოკუმენტი ხელმისაწვდომია, წერს, რომ რუსეთის „უცხო ქვეყნის აგენტად” გამოცხადებულ მოქალაქეებს ჩამოერთმევათ როგორც ფედერალურ, ისე რეგიონულ არჩევნებში მონაწილეობის უფლება, ასევე, საარჩევნო კომისიებში ყოფნის შესაძლებლობა. თუმცა, ეს ისედაც აკრძალულია. ასევე, აეკრძალებათ საჯარო დაწესებულებებში, სახელმწიფო და მუნიციპალურ სამსახურებში მუშაობა. ფრაქციის ლიდერმა, სერგეი მირონოვმა უახლესი რეპრესიული კანონპროექტი იმით ახლა, რომ „უცხო ქვეყნის აგენტების“ მნიშვნელოვანი ნაწილი „ცხოვრობს საზღვარგარეთ, იკავებს ანტირუსულ პოზიციებს და მხარს უჭერს, მათ შორის ფინანსურად, უკრაინის შეიარაღებულ ძალებს“. ჯერაც მოქმედი კანონმდებლობის თანახმად, რუსეთის ხელისუფლებას შეუძლია, უცხო ქვეყნის აგენტად „გამოაცხადოს ის, ვინც „უცხოური გავლენის ქვეშაა“, თუმცა, ამ ტერმინის განმარტება ბუნდოვანია. არსებობს „უცხო ქვეყნის აგენტების” რეესტრი. ახლა დარეგისტრირებულია 570-ზე მეტი „აგენტი“: ფიზიკური პირები, მედია, არასამთავრობო ორგანიზაციები და მოძრაობები. „უცხო ქვეყნის აგენტის” სტატუსი, სხვა საკითხებთან ერთად, პირს ავალდებულებს, კვარტალში ერთხელ წარადგინოს მოხსენება პირად საბანკო ანგარიშებზე თანხების მოძრაობის შესახებ. ასევე, აღრიცხოს ყველა კომუნიკაცია. ანგარიშში შეცდომები ან კომუნიკაციის არაღრიცხვა ისჯება თავისუფლების აღკვეთით. 2022 წლის ბოლოდან „უცხო ქვეყნის აგენტებს“ ეკრძალებათ სამთავრობო დაწესებულებებში სწავლება, საჯარო ღონისძიებების ორგანიზატორობა, ჯარში საკონტრაქტო სამსახური, საარჩევნო კომისიის წევრობა და დამკვირვებლობა. საქართველოში კი „ქართული ოცნება” პარლამენტში რუსულ კანონს აბრუნებს. კანონპროექტი პარლამენტში უკვე ინიცირებულია. ანალოგიური პროექტი „ქართულმა ოცნებამ“ შარშანაც დააინიციირ0ა და პირველი მოსმენითაც მიიღო. თუმცა, მარტში, მასობრივი საპროტესტო გამოსვლების შემდეგ გაიწვია. წლევანდელი კანონპროექტი შარშანდლის იდენტურია, ყველა ჩანაწერი უცვლელია, გარდა ერთისა – ნაცვლად ტერმინისა „უცხოური გავლენის აგენტი” გამოყენებული იქნება ტერმინი – „უცხოური ძალის ინტერესების გამტარი ორგანიზაცია”. მმართველი პარტიის მიზანია, ყველა ის არასამთავრობო ორგანიზაცია და მედია, რომელთაც დაფინანსების ნაწილი საერთაშორისო წყაროებიდან აქვთ მიღებული, – „უცხოური ძალის ინტერესების გამტარ ორგანიზაციად” გამოაცხადონ და შესაბამის ბაზაში რეგისტრაცია დაავალდებულონ. სახელმწიფოს ენიჭება ორგანიზაციების დაჯარიმების უფლებამოსილება. სწორედ მსგავსი კანონის საფუძველზე დევნიან რუსეთში არასამთავრობო ორგანიზაციებსა და მედიებს. „უცხოური ძალის ინტერესების გამტარი ორგანიზაცია” შესაძლოა, გაიგივდეს „უცხოელ ჯაშუშთან” და „მოღალატესთან”, რაც მოახდენს სამოქალაქო საზოგადოების სტიგმატიზაციას, დააზიანებს მათ რეპუტაციას და სერიოზულად შეაფერხებს მათ აქტივობებს. publika

აშშ-ის სახელმწიფო დეპარტამენტი ეხმაურება „ქართული ოცნების“ გადაწყვეტილებას, უკან დააბრუნოს ე.წ. „უცხოეთის აგენტების“ შესახებ რუსული კანონი და ის საგაზაფხულო სესიის ბოლომდე სამივე მოსმენით მიიღოს. როგორც სახელმწიფო დეპარტამენტის პრესსპიკერმა მეთიუ მილერმა განაცხადა, გასულ წელს ამ კანონის წინააღმდეგ ათიათასობით ადამიანი გამოვიდა. დღეს, 3 აპრილს ცნობილი გახდა, რომ „ქართული ოცნება“ პარლამენტში რუსულ კანონს აბრუნებს. ანალოგიური კანონპროექტი „ქართულმა ოცნებამ“ შარშანაც დაინიციირა, თუმცა მარტში მასობრივი საპროტესტო გამოსვლების შემდეგ უკან გაიწვია. „ქართული ოცნების“ ლიდერები მთელი წლის განმავლობაში ამტკიცებდნენ, რომ ამ კანონპროექტს არცერთი ფორმით აღარ დააბრუნებდნენ. publika

აღმოსავლეთ პარტნიორობის საქართველოს ეროვნული პლატფორმის 200-მდე ორგანიზაცია შეურაცხყოფილნი ვართ მმართველი პარტიის მიერ საზოგადოების წინაშე დადებული პირობის გატეხვით - აღარ დაბრუნებოდა ე.წ. „აგენტების შესახებ” კანონს,- ამის შესახებ აღმოსავლეთ პარტნიორობის საქართველოს ეროვნული პლატფორმის მიმართვაშია ნათქვამი. როგორც გავრცელებულ მიმართვაშია ნათქვამი, ისინი ეწინააღმდეგებიან ანტიევროპულ რუსულ ნაბიჯებს. აღმოსავლეთ პარტნიორობის საქართველოს ეროვნული პლატფორმა მიმართავს საქართველოს პარლამენტის თავმჯდომარეს - შალვა პაპუაშვილს, საქართველოს პრემიერ მინისტრს - ირაკლი კობახიძეს, „ქართული ოცნების” საპატიო თავმჯდომარეს - ბიძინა ივანიშვილს. „აღმოსავლეთ პარტნიორობის საქართველოს ეროვნული პლატფორმის 200-მდე ორგანიზაცია შეურაცხყოფილნი ვართ მმართველი პარტიის მიერ საზოგადოების წინაშე დადებული პირობის გატეხით - აღარ დაბრუნებოდა ე.წ. ,,აგენტების შესახებ” კანონს. მმართველი გუნდის მიერ კანონპროექტის ხელახალი ინიცირება სახელმწიფო ინტერესებთან, კულტურასთან და ქართულ ტრადიციებთან შეუთავსებელია. პირობის გატეხვა, სიტყვის უკან წაღება არის რუსეთის პოლიტიკის მახასიათებელი, რომელსაც რუსეთი, ცივილიზებული მსოფლიოს, მათ შორის საქართველოს წინააღმდეგ არაერთგზის იყენებდა. ამით საქართველოს და მის თითოეულ მოქლაქეს ადგება რეპუტაციული ზიანი. კანონპროექტის ხელახალი ინიცირება ეწინააღმდეგება საქართველოს ევროინტეგრაციას და მისი მიღება საბოლოოდ დაასამარებს საქართველოს მოსახლეობის ისტორიულ მიზანს - გახდეს ევროკავშირის წევრი. ევროპისკენ მიმავალ გზაზე სვლას ჩვენ, როგორც ეროვნული პლატფორმის წევრი ორგანიზაციები დღემდე საქართველოს პარლამენტთან დიალოგითაც ვცდილობდით. სწორედ ამ მიზნით გავაფორმეთ თანამშრომლობის მემორანდუმი, რომელიც ევროკავშირის მხრიდან დადებითად შეფასდა, როგორც სამოქალაქო სექტორისა და საკანონმდებლო ორგანოს თანამშრომლობის მაგალითი. მაგრამ დღეს ,,ქართული ოცნების” მიერ ქვეყნის სახელმწიფოებრივი ინტერესების წინააღმდეგ მიმართული კანონპროექტის ინიცირება გვიჭრის გზას, როგორც თანამშრომლობისკენ, ისე ევროინტეგრაციისკენ. საქართველოს ეროვნული პლატფორმა აჩერებს მემორანდუმის მოქმედებას. მოვითხოვთ, შეწყდეს საქართველოს დასავლური სვლის საბოტაჟი. მმართველმა გუნდმა კვლავ გაიწვიოს ინიცირებული კანონპროექტი. საქართველოს ეროვნული პლატფორმის წევრი ორგანიზაციები მტკიცედ ვდგავართ ევროინტეგრაციის სადარაჯოზე. ჩვენ ურყევად დავიცავთ დემოკრატიას, თავისუფლებას, სამართლიანობას, თანასწორობას, საქართველოს ეროვნულ ინტერესებს და არავის მივცემთ უფლებას დაგვაკარგვინოს არაერთი თაობის ბრძოლით მონაპოვარი ევროპული მომავალი“,- აღნიშნულია მიმართვაში. ipn

ამერიკელი სენატორები, ჯიმ რიში და ჯინ შაჰინი „უცხოური გავლენის გამჭვირვალობის შესახებ“ კანონპროექტის პარლამენტში ხელახლა ინიცირებას ეხმაურებიან და აცხადებენ, რომ ეს კანონპროექტი იმ კანონების მსგავსია, რომლებსაც რუსეთი სამოქალაქო საზოგადოების შეზღუდვისა და პოლიტიკური ოპოზიციის ჩასახშობად იყენებს. „წარმოუდგენლად იმედგამაცრუებელია საქართველოს მთავრობის მიერ უცხოური აგენტების შესახებ კანონპროექტის ხელახლა წარდგენა. ის მსგავსია იმ კანონებისა, რომლებსაც რუსეთი იყენებს სამოქალაქო საზოგადოების შეზღუდვისა და პოლიტიკური ოპოზიციის ჩასახშობად. საქართველოში დემოკრატიულ ხელისუფლებას ამის მიზეზი არ უნდა ჰქონდეს“, - აღნიშნულია ამერიკელი სენატორების ერთობლივ განცხადებაში. ჯიმ რიში და ჯინ შაჰინი აცხადებენ, რომ კანონპროექტი არა მხოლოდ არასწორი მიმართულებით წაიყვანს პოლიტიკურ პროცესს, არამედ ზიანს მიაყენებს საქართველოს ტრანსატლანტიკურ ინტეგრაციას და მის მომავალს ევროკავშირში. „ქართველმა ხალხმა 2023 წლის მარტში მასობრივი დემონსტრაციებით უარყო ეს შემოთავაზებული კანონი. ეს კანონპროექტი არა მხოლოდ არასწორი მიმართულებით წაიყვანს პოლიტიკურ პროცესს, არამედ ზიანს მიაყენებს საქართველოს ტრანსატლანტიკურ ინტეგრაციას და მის მომავალს ევროკავშირში. ოქტომბერში დაგეგმილი არჩევნები საქართველოს დემოკრატიული მომავლისთვის გადამწყვეტი მაჩვენებელი იქნება. ჩვენ მტკიცედ მოვუწოდებთ საქართველოს პარლამენტს, უარყოს ეს საკანონმდებლო წინადადება“. ცნობისთვის, “უცხოური გავლენის გამჭვირვალობის შესახებ“ კანონის პროექტი პარლამენტში ხელახლა დააინიცირეს. იპნ

მეგობრულად ვურჩევ ჩემს ყოფილ კოლეგებს, ნუ ჩაყვებიან ივანიშვილს იქ, საიდანაც მობრუნება შეუძლებელი იქნება, რადგან პასუხისმგებლობა იქნება პერსონალური. „ოცნება" ამ არჩევნებს ვერ მოიგებს ლევან გოგიჩაიშვილი, პარტია “გახარია საქართველოსთვის” წევრი. ვიდეო: https://www.facebook.com/ForGeoGe/videos/702580378490515/