tvati

საქართველოს მოქალაქე თითოეულ მუსლიმს ვულოცავ რამადანის წმინდა თვის დასრულების დღესასწაულს. გისურვებთ მშვიდობას, ჯანმრთელობასა და ერთიანობას. სიკეთე და სიხარული არ მოჰკლდებოდეს თქვენს ოჯახებს! ხულო. გიორგი გახარია, პარტია "გახარია საქართველოსთვის" თავმჯდომარე.

პარტია „გახარია საქართველოსთვის“ ლიდერი გიორგი გახარია, ფეხბურთელ გიორგი ქოჩორაშვილის მამასთან დაკავშირებით თბილისის მერის, კახა კალაძის განცხადებას ეხმაურება. „ამას ახლახან ვურჩიე, ან ფეხბურთისთვის მიეხედა, ან თავისთვის ეშველა. ვერ მიხვდა. მისი არჩევანი გასაგებია. ჯერ სააკაშვილის და ახლა ივანიშვილის პრომო ბიჭუნამ ფეხბურთიც დაყო „ნაცებად“ და „ქოცებად“. ქოჩორაშვილი და ნაკრების ბიჭები მიხედავენ ფეხბურთს და საქართველოს ევროპაშიც ასახელებენ. კალაძეს და მის ამჟამინდელ პატრონს კი ქართველი ხალხი საკადრის პასუხს გასცემს ყველა იმ უღირსობაზე, რასაც ახლა კადრულობენ“, - წერს გიორგი გახარია სოციალურ ქსელ „ფეისბუქში“. ცნობისთვის, დედაქალაქის მერის, კახა კალაძის განცხადებით, ეროვნული ნაკრების წევრის, გიორგი ქოჩორაშვილის მამა „ნაცია“. როგორც მან ჟურნალისტებთან აღნიშნა, როინ ქოჩორაშვილი ყოფილი პრემიერ-მინისტრის, გიორგი გახარიას პარტიის წარმომადგენელია. იპნ

ქოჩორაშვილი და მთელი გუნდი მხარს რასაც უჭერს, ეს არის ჩვენი ქვეყნის ევროინტეგრაცია, ამაში ვარ სრულიად დარწმუნებული და თავი დაანებონ მათზე და მათი ოჯახის წევრებზე სისულელეების ლაპარაკს. ამ ქვეყნაში თუკი ვინმეს დესტაბილიზაცია, არეულობა და ომი უნდოდა და უნდა, ეს არის რუსეთის ფედერაცია, რომელიც ჩვენი ქვეყნის ოკუპანტია. "ოცნება" გვეუბნება, რომ ამ ქვეყანაში, თურმე არეულობა უნდა ევროკავშირს იმ სახელმწიფოებს, რომლებიც ჩვენი მეგობრები არიან და რუსული ოკუპაციისგან გვიცავენ, გვეხმარებიან სუვერენიტეტისა და დამოუკიდებლობის შენარჩუნებაში. რეალურად "ოცნება" ჰიბრიდული ომს იყენებს საკუთარ მოქალაქეებთან საბრძოლველად. მიშა დაუშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/3721723574753679/

ეს კანონპროექტი აშშ-ში მოქმედი კანონმდებლობის მსგავსი არ არის, - ამის შესახებ საქართველოში აშშ-ის ელჩმა, რობინ დანიგანმა ჟურნალისტებთან განაცხადა, რითაც „უცხოური გავლენის გამჭვირვალობის შესახებ“ კანონპროექტს გამოეხმაურა. როგორც ელჩმა აღნიშნა, ამერიკის შეერთებულმა შტატებმა კანონპროექტთან დაკავშირებით, როგორც საჯაროდ, ისე პირადად საქართველოს მთავრობის წარმომადგენლებთან სერიოზული შეშფოთება გამოხატა. „ჩვენ შეშფოთებულები ვართ, რომ კანონპროექტი საქართველოს ევროპული გზიდან გადახვევას გამოიწვევს და ადგილობრივი სამოქალაქო საზოგადოების ორგანიზაციების უნარზე, რომ ქართველ ხალხს ყოველდღიურად დაეხმარონ, უარყოფითად იმოქმედებს. უნდა აღინიშნოს, რომ ამ კანონპროექტთან დაკავშირებით შეშფოთებას მხოლოდ აშშ არ გამოხატავს. აღნიშნულ კანონპროექტთან დაკავშირებით სერიოზული შეშფოთება ევროკავშირმა, ნატო-მ, ევროპულმა საბჭომ, გაერო-მ, ევროპარლამენტმა და ევროპის უამრავმა ცალკეულმა ქვეყანამ გამოთქვა. მათ შეშფოთება გამოთქვეს, რომ ეს კანონპროექტი საქართველოს ევროკავშირის გაწევრიანები გზაზე უარყოფით გავლენას მოახდენს“, - განაცხადა რობინ დანიგანმა. საქართველოში აშშ-ის ელჩმა იმ მნიშვნელოვანი სამუშაოებისა და პროექტების შესახებ ისაუბრა, რომელიც საქართველოში აშშ-ის უშუალო დახმარებით განხორციელდა. „მსურს იმ მნიშვნელოვან სამუშაოზე ვისაუბრო, რომელიც ჩვენი დახმარებით ხორციელდება. აშშ საქართველოს მთავრობასთან და საქართველოს სამოქალაქო საზოგადოების ორგანიზაციებთან 30 წელზე მეტია რაც თანამშრომლობს, რათა 6 მილიარდი დოლარის ღირებულების დახმარება განეხორციელებინა. რას ნიშნავს ეს მეგობრობა და დახმარება? მეგობრები ერთმანეთს მხარს უჭერენ, რათა გაძლიერდნენ და ეს არის ის, რაც ჩვენ გავაკეთეთ. მაგალითად, ჩვენი დახმარებით საქართველოს თავდაცვის ძალები გაძლიერდა, საქართველოს სანაპირო დაცვა აღიჭურვა, რათა საქართველომ საკუთარი სუვერენიტეტის დაცვა და შემდგომი აგრესიის შეკავება შეძლოს. ჩვენი დახმარებით საავადმყოფოები და სკოლები აშენდა. ჩვენ ექიმები, მასწავლებლები და გადაუდებელი დახმარების მუშაკები მოვამზადეთ. ჩვენი დახმარებით, მთელი ქვეყნის მასშტაბით, დამოუკიდებელი საცხოვრებელი ცენტრები აშენდა, რათა შშმ პირებს დავეხმაროთ, რომ დამოუკიდებლად ცხოვრება შეძლონ და მათ ოჯახებს დავეხმაროთ. ჩვენი დახმარებით მცირე ფერმერებსა და მცირე მეწარმეებს სესხები მიეცათ. ჩვენ ახალგაზრდებს პროფესიული განათლება მივაწოდეთ, გავხსენით ამერიკული ცენტრები, სადაც ინგლისურის უფასოდ სწავლაა შესაძლებელი. ჩვენ ათასობით ქართველს აშშ-ში სწავლის შესაძლებლობა მივეცით. ეს არის ის, რასაც მეგობრები აკეთებენ. მეგობრები ქვეყნებს განვითარებაში, ეკონომიკურად გაძლიერებასა და თავდაცვაში ეხმარებიან. მე ძალიან ამაყი ვარ იმ დახმარებით, რომელიც აშშ-მა საქართველოს გაუწია, ასევე, იმ არასამთავრობო ორგანიზაციებით, რომლებმაც ეს დახმარება განახორციელეს. ამიტომ, თქვენ საკუთარ თავს უნდა კითხოთ, როცა თქვენ კანონპროექტი გაქვთ, რომლის შესახებაც თქვენმა დასავლელმა პარტნიორებმა სერიოზული შეშფოთება გამოხატეს, მაგრამ თქვენი ოკუპანტი მას მიესალმა, თქვენ უნდა იკითხოთ, არის თუ არა ეს კარგი თქვენი ქვეყნისთვის. კიდევ ერთხელ უნდა განვაცხადო, რომ ეს კანონპროექტი აშშ-ში მოქმედი კანონმდებლობის მსგავსი არ არის. აშშ სამოქალაქო საზოგადოების ორგანიზაციების როლს და იმას, თუ როგორ ეხმარებიან ისინი ჩვენს ქვეყანას, მიესალმება. ჩვენი კანონი მოითხოვს, რომ ორგანიზაციები და ინდივიდუალური პირები, რომლებიც უცხოური მთავრობების სახელით და ინტერესებით ლობირებისთვის თანხას იღებენ, უნდა დარეგისტრირდნენ. ძალიან განსხვავებული კანონია. კიდევ ერთხელ უნდა განვაცხადო, რომ აშშ საქართველოს მთავრობისა და ქართველი ხალხის გვერდით დგას და საქართველოს ევროპულ გზას მხარს უჭერს“, - განაცხადა საქართველოში აშშ-ის ელჩმა. იპნ

ძალიან ამაყი ვარ იმ დახმარებით, რომელიც აშშ-მ საქართველოს გაუწია, ასევე იმ არასამთავრობო ორგანიზაციებით, რომლებმაც ეს დახმარება განახორციელეს, - აღნიშნული განცხადება დღეს აშშ-ს ელჩმა საქართველოში რობინ დანიგანმა გააკეთა. ამერიკელმა დიპლომატმა იმ მნიშვნელოვანი სამუშაოებისა და პროექტების შესახებ ისაუბრა, რომელიც საქართველოში აშშ-ის უშუალო დახმარებით განხორციელდა. “აშშ-ი საქართველოს მთავრობასთან და საქართველოს სამოქალაქო საზოგადოების ორგანიზაციებთან 30 წელზე მეტია თანამშრომლობს, რათა 6 მილიარდი დოლარის ღირებულების დახმარება განეხორციელებინა. რას ნიშნავს ეს მეგობრობა და დახმარება? მეგობრები ერთმანეთს მხარს უჭერენ, რათა გაძლიერდნენ და ეს არის ის, რაც ჩვენ გავაკეთეთ. მაგალითად, ჩვენი დახმარებით საქართველოს თავდაცვის ძალები გაძლიერდა, საქართველოს სანაპირო დაცვა აღიჭურვა, რათა საქართველომ საკუთარი სუვერენიტეტის დაცვა და შემდგომი აგრესიის შეკავება შეძლოს. ჩვენი დახმარებით საავადმყოფოები და სკოლები აშენდა. ჩვენ ექიმები, მასწავლებლები და გადაუდებელი დახმარების მუშაკები მოვამზადეთ. ჩვენი დახმარებით, მთელი ქვეყნის მასშტაბით დამოუკიდებელი საცხოვრებელი ცენტრები აშენდა, რათა შშმ პირებს დავეხმაროთ, რომ დამოუკიდებლად ცხოვრება შეძლონ და მათ ოჯახებს დავეხმაროთ. ჩვენი დახმარებით მცირე ფერმერებსა და მცირე მეწარმეებს სესხები მიეცათ. ჩვენ ახალგაზრდებს პროფესიული განათლება მივაწოდეთ, გავხსენით ამერიკული ცენტრები, სადაც ინგლისურის უფასოდ სწავლაა შესაძლებელი. ჩვენ ათასობით ქართველს აშშ-ში სწავლის შესაძლებლობა მივეცით. ეს არის ის, რასაც მეგობრები აკეთებენ. მეგობრები ქვეყნებს განვითარებაში, ეკონომიკურად გაძლიერებასა და თავდაცვაში ეხმარებიან“, - განაცხადა დანიგანმა. დანიგანმა ხაზგასმით აღნიშნა, რომ პარლამენტში ინიცირებული “უცხოური გავლენის გამჭვირვალობის შესახებ“ კანონპროექტი აშშ-ში მოქმედი კანონმდებლობის მსგავსი არ არის. “როცა გაქვთ კანონპროექტი, რომლის შესახებაც დასავლელმა პარტნიორებმა სერიოზული შეშფოთება გამოხატეს, მაგრამ თქვენი ოკუპანტი მას მიესალმა, თქვენ უნდა იკითხოთ, არის თუ არა ეს კარგი ქვეყნისთვის. კიდევ ერთხელ უნდა განვაცხადო, რომ ეს კანონპროექტი აშშ-ში მოქმედი კანონმდებლობის მსგავსი არ არის. აშშ-ი სამოქალაქო საზოგადოების ორგანიზაციების როლს და იმას, თუ როგორ ეხმარებიან ისინი ჩვენს ქვეყანას, მიესალმება. ჩვენი კანონი მოითხოვს, რომ ორგანიზაციები და ინდივიდუალური პირები, რომლებიც თანხას უცხოური მთავრობების სახელით და ინტერესებით ლობირებისთვის იღებენ, დარეგისტრირდნენ. ძალიან განსხვავებული კანონია. კიდევ ერთხელ უნდა განვაცხადო, რომ აშშ საქართველოს მთავრობისა და ქართველი ხალხის გვერდით დგას და საქართველოს ევროპულ გზას მხარს უჭერს“, - განაცხადა საქართველოში აშშ-ის ელჩმა. იპნ

საქართველოს პენ-ცენტრი განცხადებას ავრცელებს და გმობს ხელისუფლების გადაწყვეტილებას ხელახლა სცადოს რუსული კანონის ქართველი ხალხისთვის თავს მოხვევა. განცხადების ავტორების თქმით, საქართველოს ხელისუფლება და მმართველი პარტია აღნიშნული ქმედებით უარს ამბობს ქართველი ხალხის წინაშე აღებულ ანგარიშვალდებულებაზე და დგამს მოღალატეობრივ ნაბიჯს ქართველი ერის ევროპული მომავლის წინააღმდეგ: „ამ ნაბიჯით საქართველოს ხელისუფლება საკუთარი ნებით დეკლარირებულად ამბობს უარს მოლდოვასთან და უკრაინასთან ერთად ისარგებლოს ევროკავშირის გაფართოების ისტორიული შესაძლებლობით. გაცემული სიტყვის გატეხა, მეგობრების გასაჭირში მიტოვება, მტერთან კოლაბორაცია, ძლიერთან ქედის მოხრა, ხოლო სუსტების ჩაგვრა, არასდროს ყოფილა და ვერასდროს იქცევა ქართული სულის და ხასიათის ნაწილად. ქართული ლიტერატურა ყოველთვის გამოხატავდა ქართველი ხალხის ფუნდამენტურ რწმენებს და ღირებულებებს, მის რწმენას წინ აღსდგომოდა დამპყრობლებს, დაეცვა დაჩაგრული, გაემარჯვა სიკვდილზე და ებრძოლა თავისუფლებისთვის“— ვკითხულობთ განცხადებაში. ხელმომწერები მოუწოდებენ ქართველ ხალხს, არავითარ შემთხვევაში არ შეეგუონ სიტყვის გამტეხელ, ნებაყოფლობით გარუსებული მოღალატეების ძალმომრეობას და საქართველოს სახელმწიფოებრიობის ღალატს და ყველა შესაძლო ფორმით და მეთოდით წინ აღუდგნენ საქართველოს რუსიფიკაციის მორიგ მცდელობას: „დასასრულს შეგახსენებთ, რომ 9 აპრილიდან 35 წლის თავზე ჩვენ ისევ რუსეთის წინააღმდეგ ვიბრძვით, რადგან ამ დღის გმირებმა საქართველოს დამოუკიდებლობა და თავისუფლება საკუთარი სიცოცხლის ფასად მოუტანეს და მისი დაცვა დღეს ჩვენი, საქართველოს თითოეული მოქალაქის ვალია,“ — ვკითხულობთ განცხადებაში, რომელსაც ხელს აწერე: 1. გვანცა ჯობავა, გამომცემელი, მთარგმნელი 2. ანა ჯავახიშვილი, პოეტი 3. ბექა ქურხული, მწერალი 4. დალილა გოგია, მთარგმნელი 5. რატი მუჯირი, მწერალი 6. ზაზა კოშკაძე, მწერალი, პოეტი 7. პაატა შამუგია, პოეტი 8. ზაალ ანდრონიკაშვილი, ლიტერატურათმცოდნე 9. ზურა პაპიაშვილი, მწერალი 10. ნიკი თარხან-მოურავი, გამომცემელი 11. ეკატერინე ტოგონიძე, მწერალი 12. ბესო სოლომანაშვილი, მწერალი 13. ნინო ბექიშვილი, ჟურნალისტი, ლიტერატურის მენეჯერი 14. ნატო ალხაზიშვილი, გამომცემელი 15. ტორესა მოსი, მწერალი 16. თამარ ლონდარიძე, გამომცემელი 17. ნიკოლოზ აგლაძე, ლიტერატურის კრიტიკოსი 18. ლელა კოდალაშვილი, მწერალი 19. ირინე ჭოღოშვილი, ლიტერატურის მენეჯერი 20. ნატო გორდელაძე, გამომცემელი 21. ანა კოპალიანი, მთარგმნელი 22. მაკა კასრაძე, გამომცემელი 23. თინა მამულაშვილი, გამომცემელი 24. ლაშა ბუღაძე, მწერალი 25. ნათია გიორგაძე, მწერალი 26. მაგდა ნოვაკოვსკა, მთარგმნელი, ქართველოლოგი 27. დარეჯან კიკოლიაშვილი, მთარგმნელი 28. ნატო კვარაცხელია, მთარგმნელი 29. ანა ჭაბაშვილი, რედაქტორი 30. მარინე ცხადაია, გამომცემელი 31. ირაკლი ლომოური, მწერალი 32. რუსუდან რუხაძე, მწერალი 33. ვასო გულეური, მწერალი, მთარგმნელი 34. ნუკა ღამბაშიძე, გამომცემელი, კულტურის მენეჯერი 35. ლელა შუბითიძე, კულტურის მენეჯერი 36. ნინა სურამელაშვილი, მწერალი 37. თამთა მელაშვილი, მწერალი 38. მედეა იმერლიშვილი, ჟურნალისტი 39. შოთა იათაშვილი, მწერალი, პოეტი 40. მაშო სამადაშვილი, ლიტერატურათმცოდნე 41. ნატა ლომოური, კულტურის მენეჯერი, საქართველოს პენცენტრი 42. ხათუნა ცხადაძე, მთარგმნელი, საქართველოს პენცეტნრი 43. კოკა ქამუშაძე, მწერალი 44. რატი ამაღლობელი, პოეტი 45. მაიკო დანელია, კულტურის მენეჯერი 46. იაკი კაბე, მწერალი 48. ბელა ჩეკურიშვილი, პოეტი 49. ლელა დუმბაძე, მთარგმნელი 50. მაკო ჯანჯიბუხაშვილი, მწერალი 51. ანა მარგველაშვილი, გამომცემელი 52. დათო გორგილაძე, მწერალი 53. ზვიად კვარაცხელია, გამომცემელი რა ხდება მმართველმა პარტიამ მიცემული პირობა დაარღვია და ე.წ. რუსულ კანონის ჩაგდებიდან ერთი წლის შემდეგ კანონპროექტს ისევ აბრუნებს. „ქართული ოცნების” მიერ 3 აპრილს დარეგისტრირებულ კანონპროექტში „უცხოური გავლენის გამჭვირვალობის შესახებ“, გასულ წელს „ხალხის ძალის“ მიერ ინიციირებული და საპარლამენტო უმრავლესობის 76 დეპუტატის მხარდაჭერილი კანონისგან განსხვავებით, ტერმინი „უცხოური გავლენის აგენტი“ ჩანაცვლებულია „უცხოური ძალის ინტერესების გამტარებლით“.კანონპროექტი გრანტის მიმღებ ორგანიზაციებს — „უცხოური ძალის ინტერესების გამტარებლის”, ხოლო მათ შორის აშშ-ს, ევროკავშირსა და საერთაშორისო ფონდებს, რომლებიც გრანტებს გასცემენ საქართველოში, „უცხოური ძალის” სტატუსებს მიანიჭებს.საქართველოს საერთაშორისო პარტნიორებმა, აშშ-ის, ევროკავშირისა და ევროპის საბჭოს ჩათვლით, შეშფოთება გამოთქვეს საქართველოს ხელისუფლების მიერ შარშან „უპირობოდ“ გაწვეული კანონპროექტის ხელახალი ინიციირების გამო.მსგავსი კანონის მიღებამ რუსეთში სრულად გააქრო დამოუკიდებელი სამოქალაქო ორგანიზაციები და მედიასაშუალებები. დროთა განმავლობაში რუსეთი აღნიშნულ კანონს სულ უფრო ამკაცრებდა და ის ამჟამად ვრცელდება ფიზიკურ პირებსა და ნებისმიერ ადამიანზე, რომელიც რაიმე ფორმით იღებს ფულს დასავლეთისგან. ნეტგაზეთი

ქართული ნაციონალური ბალეტის, ანსამბლ „სუხიშვილების“ დირექტორი ნინო სუხიშვილი ხელისუფლებას აკრიტიკებს რუსული კანონის ხელახლა შემობრუნების გამო, რამაც შეიძლება საფრთხე შეუქმნას საქართველოს ინტეგრაციას ევროკავშირში. რა ხდებამმართველმა პარტიამ მიცემული პირობა დაარღვია და ე.წ. რუსულ კანონის ჩაგდებიდან ერთი წლის შემდეგ კანონპროექტს ისევ აბრუნებს. „ქართული ოცნების” მიერ 3 აპრილს დარეგისტრირებულ კანონპროექტში „უცხოური გავლენის გამჭვირვალობის შესახებ“, გასულ წელს „ხალხის ძალის“ მიერ ინიციირებული და საპარლამენტო უმრავლესობის 76 დეპუტატის მხარდაჭერილი კანონისგან განსხვავებით, ტერმინი „უცხოური გავლენის აგენტი“ ჩანაცვლებულია „უცხოური ძალის ინტერესების გამტარებლით“. კანონპროექტი გრანტის მიმღებ ორგანიზაციებს — „უცხოური ძალის ინტერესების გამტარებლის”, ხოლო მათ შორის აშშ-ს, ევროკავშირსა და საერთაშორისო ფონდებს, რომლებიც გრანტებს გასცემენ საქართველოში, „უცხოური ძალის” სტატუსებს მიანიჭებს. საქართველოს საერთაშორისო პარტნიორებმა, აშშ-ის, ევროკავშირისა და ევროპის საბჭოს ჩათვლით, შეშფოთება გამოთქვეს საქართველოს ხელისუფლების მიერ შარშან „უპირობოდ“ გაწვეული კანონპროექტის ხელახალი ინიციირების გამო. მსგავსი კანონის მიღებამ რუსეთში სრულად გააქრო დამოუკიდებელი სამოქალაქო ორგანიზაციები და მედიასაშუალებები. დროთა განმავლობაში რუსეთი აღნიშნულ კანონს სულ უფრო ამკაცრებდა და ის ამჟამად ვრცელდება ფიზიკურ პირებსა და ნებისმიერ ადამიანზე, რომელიც რაიმე ფორმით იღებს ფულს დასავლეთისგან. ნეტგაზეთი

ქართული ნაციონალური ბალეტის, ანსამბლ „სუხიშვილების“ სამხატვრო ხელმძღვანელი ილიკო სუხიშვილი ტელეკომპანია „პირველთან“ რუსული კანონის ხელახლა ინიციირებას ეხმაურება. ილიკო სუხიშვილის თქმით, ამგვარი ნაბიჯებით დასავლეთში საქართველოს ხელისუფლება აგზავნის მესიჯს, რომ ყველა ღონეს ხმარობს ხაზი გადაუსვას ქვეყნის დასავლურ პერსპექტივას და აცხადებს, რომ ახლანდელი რეჟიმი საბჭოთაზე არანაკლებ საშინელია: „არ არის ისეთი კანონები, რომელიც პირიქით დაგვაახლოვებს ამ [დასავლურ] პერსპექტივასთან? ჩემი აზრით, დასავლეთიდან ახლა გვიყურებენ, რომ ჩვენ ყველანაირ ღონეს ვხმარობთ, რათა ხაზი გადავუსვათ ამ პერსპექტივას და არამგონია, ეს ლამაზად ჩანდეს. ყოველ ჯერზე, როდესაც ასეთი საფრთხის წინაშე ვდგებით, გვიმეორდება 9 აპრილი. ვერ გამოვედით, ვერ გამოვძვერით აქედან, იმ საბჭოთა რეჟიმიდან მოყოლებული ამდენი თაობა და დღევანდელი რეჟიმი, რომელიც ამ თავის ფორმატით არანაკლებ საშინელია. ვშორდებით თავისუფლების პერსპექტივას, ეს მართლა არ მესმის. სამყარო გვიყურებს როგორც ჩვენი ხალხის ნებას, ამის იმედი მაქვს“ — ამბობს ილიკო სუხიშვილი. რუსულ კანონზე კომენტარი გააკეთა ანსამბლ „სუხიშვილების“ დირექტორმა ნინო სუხიშვილმაც. ნინო სუხიშვილი ხელისუფლებას აკრიტიკებს რუსული კანონის ხელახლა შემობრუნების გამო, რამაც შეიძლება საფრთხე შეუქმნას საქართველოს ინტეგრაციას ევროკავშირში. რა ხდება მმართველმა პარტიამ მიცემული პირობა დაარღვია და ე.წ. რუსულ კანონის ჩაგდებიდან ერთი წლის შემდეგ კანონპროექტს ისევ აბრუნებს. „ქართული ოცნების” მიერ 3 აპრილს დარეგისტრირებულ კანონპროექტში „უცხოური გავლენის გამჭვირვალობის შესახებ“, გასულ წელს „ხალხის ძალის“ მიერ ინიციირებული და საპარლამენტო უმრავლესობის 76 დეპუტატის მხარდაჭერილი კანონისგან განსხვავებით, ტერმინი „უცხოური გავლენის აგენტი“ ჩანაცვლებულია „უცხოური ძალის ინტერესების გამტარებლით“.კანონპროექტი გრანტის მიმღებ ორგანიზაციებს — „უცხოური ძალის ინტერესების გამტარებლის”, ხოლო მათ შორის აშშ-ს, ევროკავშირსა და საერთაშორისო ფონდებს, რომლებიც გრანტებს გასცემენ საქართველოში, „უცხოური ძალის” სტატუსებს მიანიჭებს. საქართველოს საერთაშორისო პარტნიორებმა, აშშ-ის, ევროკავშირისა და ევროპის საბჭოს ჩათვლით, შეშფოთება გამოთქვეს საქართველოს ხელისუფლების მიერ შარშან „უპირობოდ“ გაწვეული კანონპროექტის ხელახალი ინიციირების გამო. მსგავსი კანონის მიღებამ რუსეთში სრულად გააქრო დამოუკიდებელი სამოქალაქო ორგანიზაციები და მედიასაშუალებები. დროთა განმავლობაში რუსეთი აღნიშნულ კანონს სულ უფრო ამკაცრებდა და ის ამჟამად ვრცელდება ფიზიკურ პირებსა და ნებისმიერ ადამიანზე, რომელიც რაიმე ფორმით იღებს ფულს დასავლეთისგან. ნეტგაზეთი

საქართველოს პრეზიდენტის ადმინისტრაციის ცნობით, სალომე ზურაბიშვილმა ევროკავშირის პოლიტიკური და უსაფრთხოების კომიტეტის დელეგაციასთან „საქართველო-ევროკავშირის ურთიერთობები, რუსული კანონის შედეგები და შავი ზღვის უსაფრთხოების საკითხები“ განიხილა. ორბელიანების სასახლეში გამართულ შეხვედრაზე საუბარი შეეხო საქართველოს ოკუპირებულ ტერიტორიებზე შექმნილ ვითარებას, დელეგაციის მხრიდან აღინიშნა, რომ ევროკავშირი მხარს უჭერს რეგიონში მშვიდობისა და უსაფრთხოების გაძლიერებას. შეხვედრაზე ისაუბრეს ასევე, შავი ზღვის უსაფრთხოებაზე. როგორც პრეზიდენტმა აღნიშნა, ქართველი ხალხისათვის ძალიან მნიშვნელოვანია ევროინტეგრაციის პროცესი და ის იზიარებს ევროკავშირის ღირებულებებს. პრეზიდენტის ადმინისტრაციის ცნობით, სალომე ზურაბიშვილმა პარლამენტში უკვე მეორედ ინიციირებულ რუსულ კანონს ქვეყნისთვის გამოწვევა უწოდა და აღნიშნა, რომ კანონის მიღება გავლენას მოახდენს სამოქალაქო საზოგადოებაზე. „ევროკავშირის ღირებულებების დამცველი სამოქალაქო სექტორის განადგურება კი, სწორედ რუსეთის მიზანს წარმოადგენს. როცა საკითხი ეხება ევროპასა და რუსეთს შორის არჩევანს, პრეზიდენტი აქ ნეიტრალური ვერ იქნება!” — განაცხადა პრეზიდენტმა. პრეზიდენტმა ასევე ისაუბრა ქალთა კვოტირების გაუქმების საკითხზე და აღნიშნა, რომ დღეს ქვეყანაში ამ საკითხთან დაკავშირებით არსებული რიტორიკა მიუღებელია. საქართველოში ვიზიტის ფარგლებში ევროკავშირის პოლიტიკური და უსაფრთხოების კომიტეტის დელეგაცია შეხვედრებს გამართავს საქართველოს პარლამენტში და პრემიერ-მინისტრ ირაკლი კობახიძესთან, ასევე, მოინახულებს საოკუპაციო ხაზს. ნეტგაზეთი

საქართველოს შეიარაღებული ძალების თადარიგის პოლკოვნიკი გიორგი თავდგირიძე აცხადებს, რომ ვაზიანის სამხედრო ბაზაზე ახალი საერთაშორისო აეროპორტის აშენება ვლადიმერ პუტინისთვის საჩუქარი იქნება. ის ვერ ხედავს ლოგიკას, რატომ გადაწყვიტა „ქართული ოცნების“ ხელისუფლებამ ახალი აეროპორტის მაინცდამაინც ვაზიანის სამხედრო ბაზასთან აშენება, რაც მნიშვნელოვნად დააზიანებს ბაზის სამხედრო პოტენციალს. მისივე განმარტებით, ვაზიანის სახმედრო ბაზის დასუსტება რუსეთს საშუალებას მისცემს, თბილისის დასაკავებლად დესანტი ფოთსა და აფხაზეთში კი არ ჩამოსხას, რა დროსაც მას მთელი საქართველოს გამოვლა მოუწევს, არამედ პირდაპირ თბილისის შუაგულიდან დაიწყოს საქართველოს დედაქალაქის დაკავება. როგორც თადარიგის პოლკოვნიკი ნეტგაზეთთან ამბობს, ვაზიანის სამხედრო ბაზა მხოლოდ სამხედრო აეროდრომი არ არის. მისი თქმით, ეს უნიკალური სამხედრო კომპლექსია და მსოფლიოში ბევრი არ არის ისეთი სამხედრო ბაზა, რომელსაც შეუძლია დაიკვეხნოს იმ ტიპის გარემოთი, შესაძლებლობებითა და ინფრასტრუქტურით, რომელიც ვაზიანს აქვს. მისივე თქმით, ვაზიანის სამხედრო კომპლექსი მნიშვნელოვანია იმითაც, რომ აქ შესაძლებელია არტილერიის განლაგებაც. როგორც გიორგი თავდგირიძე ამბობს, ვაზიანის სამხედრო კომპლექსი უნიკალურია თავის გეოგრაფიული მდებარეობითაც და თბილისის თავდაცვისთვის უმნიშვნელოვანეს როლს ასრულებს. მისი თქმით, იმის გამო, რომ ვაზიანი გეოგრაფიულად ძალიან კარგ წერტილშია განთავსებული და საქართველოს წინააღმდეგ ნებისმიერი სამხედრო მოქმედებების დაწყების შემთხვევაში, ამ ბაზიდან შესაძლებელია, ქვედანაყოფები ისე აღმოჩნდნენ საბრძოლო მოქმედებების არეალთან, რომ ნაკლები დრო დაიკარგოს და მთელი თბილისის გავლა არ დასჭირდეს. თადარიგის პოლკოვნიკი ასვეე განმარტავს, თუ როგორ შეაფერხებს ახალი საერთაშორისო აეროპორტის აშენება ვაზიანის სამხედრო კომპლექსის ფუნქციონირებას. მისივე თქმით, თბილისის მახლობლად არ არსებობს სხვა ტერიტორია, სადაც ასე არის შერწყმული ის შესაძლებლობები და გარემო, რაც ვაზიანშია სამხედრო ინფრასტრუქტურისთვის. როგორც თადარიგის პოლკოვნიკი ამბობს, ახალი პოლიგონის მონახვა საკმაოდ ძნელია, რადგან ერთი მხრივ, უნდა მოიძებნოს ადგილი, სადაც მისვლა ადვილია და მეორე მხრივ, უკაცრიელი უნდა იყოს. გიორგი თავდგირიძის თქმით, ვაზიანის შემდეგ თბილისიდან ყველაზე ახლოს ახალციხეში მდებარე ორფოლოს პოლიგონია. გიორგი თავდგირიძე ყურადღებას ამახვილებს იმაზეც, რომ ორფოლოში გადასვლა რთული იქნება სამხედრო პერსონალისთვისაც. „გადავა ორფოლოში ვაზიანის სამხედრო ბაზა, თბილისი დაკარგავს დაცვას. ორფოლოში რომ გადავიყვანთ, საკმაოდ მრავალრიცხოვანი ინფრასტრუქტურაა აქ, პერსონალს თავის ოჯახები ჰყავთ, როგორ გინდა თბილისში მაცხოვრებელი ორფოლოში გადაიყვანო. აქედან ახალციხემდე რით ივლის? თუ ახალციხეს ისე მოვაწყობთ, რომ რამდენიმე ათეული ათასი ოჯახი გადასახლდება იქ იმისთვის, რომ პერსონალი შევუნარჩუნოთ ამ ბაზას? ბაზა მხოლოდ გეოგრაფიული განთავსება არაა, ეს არის ინფრასტრუქტურა, მომსახურე პერსონალი და იქ არსებული საბრძოლო ტექნიკა. ამ ოთხ ელემენტში ერთ-ერთი ყველაზე მნიშვნელოვანი პერსონალი. პერსონალს სად ვტოვებთ? ვაზიანში დარჩებიან ის ადამიანები, რომლებიც პროფესიონალები არიან და არ ექნებათ სამუშაო და ორფოლოში იქნება სამუშაო, რაც გასაკეთებელია, მაგრამ არ გვეყოლება პერსონალი, ვინც ამ სამუშაოს თავის თავზე აიღებს. თუ ახალი მთავრობა მოვა და თავის თავზე აიღებს, შეიძლება, 20-30 წლის შემდეგ ორფოლოც ასეთივე კარგ სამხედრო ბაზად ჩამოყალიბდეს, როგორ ვაზიანია, მაგრამ თბილისს რა ამით?“ — ამბობს ნეტგაზეთთან ინტერვიუში გიორგი თავდგირიძე. ნეტგაზეთი

მსახიობი გივიკო ბარათაშვილი აღნიშნავს, რომ რუსული კანონის მობრუნებით ხელისუფლებამ კიდევ ერთხელ მოატყუა საქართველოს მოქალაქეები. ის აღნიშნავს, რომ საზოგადოებამ ამ ბრძოლას კიდევ ერთხელ მოიგებს და გააკეთებს სწორ არჩევანს რუსეთსა და დასავლეთს შორის. ამის შესახებ განცხადება მან TV პირველთან სატელეფონო საუბარში გააკეთა. „ქართული ოცნება“, რუსული ხელისუფლების მსგავსად, სამოქალაქო ორგანიზაციებისა და დამოუკიდებელი მედიაგამოცემების წინააღმდეგ კანონის მიღებას აპირებს. მისი მიზანია, ამ ორგანიზაციების დისკრედიტაციის გზით, ჩაახშოს საზოგადოებაში სიტყვის თავისუფლება და კონტროლი დაამყაროს საზოგადოებრივ აზრზე. რუსული კანონი ითვალისწინებს ტერმინ „უცხოური ძალისა“ და „უცხოური ძალის ინტერესების გამტარებელი ორგანიზაციის“ დამკვიდრებას. ეს ტერმინი და საგანგებოდ შექმნილი რეესტრი გააერთიანებს ყველა იმ ორგანიზაციას, რომელიც ქვეყანაში ევროპული ღირებულებების, ადამიანის უფლებებისა და დემოკრატიის განვითარებისთვის მუშაობს. პროექტი ითვალისწინებს მონიტორინგის, ე.წ. დასმენისა და სანქციების კომპონენტსაც. პუბლიკა

უცხოელი აგენტების შესახებ შემოთავაზებული კანონი ევროკავშირის წევრობასთან შეუთავსებელია, - ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარემ, მიხაელ როთმა განაცხადა. „უცხოელი აგენტების შესახებ შემოთავაზებული კანონი ევროკავშირის წევრობასთან შეუთავსებელია. დამოუკიდებელი და კრიტიკული სამოქალაქო საზოგადოება ხალხის მტერს კი არა, ევროკავშირში გაწევრიანების პირობას წარმოადგენს. „ქართულმა ოცნებამ“ თავის ხალხს უნდა მოუსმინოს: ქართველების 90%-ს ევროკავშირში გაწევრიანება სურს და არა პუტინის რუსეთში!“, - წერს მიხაელ როთი X-ზე. იპნ

როგორ შეიძლება შავ ფულზე საუბრობდეს ხელისუფლება, რომელიც ქოლ-ცენტრების საგამოძიებო კომისიას არ ქმნის, მთავრობის განკარგულებებს არ აქვეყნებს და რომლის სასამართლოც კორუფციის გამო არის სანქცირებული. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმდჯომარე. ვიდეო: https://www.facebook.com/ForGeoGe/videos/962381388241893/

როგორც ჩანს, დღეს ივანიშვილის მთავარი მიზანია საზოგადოების დაყოფით და დაპირისპირებით ხალხს მოპაროს არჩევნები. ეს კანონი ემსახურება ევროკავშირის დისკრედიტაციას, რადგან ივანიშვილმა ძალიან კარგად იცის, რომ ევროპული დემოკრატია ნიშნავს სამართლიან არჩევნებს. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/739960498281898/

ქართველმა ახალგაზრდებმა სწორედ ამ დღეს მოგვიტანეს თავისუფლება, რომელსაც დაცვა სჭირდება. დღეს იმიტომ ვდგავართ აქ, რომ მკაფიოდ დავაფიქსიროთ ჩვენი არჩევანი, რომელიც არის მხოლოდ და მხოლოდ ევროპა. ვიკა ფილფანი, პარტია "გახარია საქართველოსთვის" წევრი. ვიდეო: https://www.facebook.com/ForGeoGe/videos/1123903662091570/

მსაგვსი ტიპის კანონები მიიღება მტრული სახელმწიფოებისგან თავის დასაცავად, ამ კანონის პრობლემა სწორედ იმაშია, რომ ვერ დაგვიცავს ოკუპანტი რუსეთისგან, თუმცა ნამდვილად შეუშლის ხელს იმ მეგობრებს, რომლებიც გვიცავენ რუსეთისგან. თუ რეალური გამჭირვალება ადარდებს ოცნებას, თუ მართლა მტრულ სახელმწიფოებთან ბრძოლა სურს, ორი კანონპროექტი გვაქვს შეთავაზებული, ყველა ნათლად დავინახავთ რა არის მათი მთავარი მიზანი. მიშა დაუშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/1168584740826526/

"ოცნება" გახდა სრლად გადამგდები და მატყუარა, ამიტომ, ახლა მთავარია არჩევნებით ცვლილებების მიღწევა. მიშა დაუშვილი, პარტია "გახარია საქართველოსთვის" წევრი, დეპუტატი. ვიდეო: https://www.facebook.com/ForGeoGe/videos/1707631556645257/

გაერთიანებული ერების ორგანიზაციის საქართველოს წარმომადგენლობა „უცხოური გავლენის გამჭვირვალობის შესახებ“ კანონპროექტის პარლამენტში ხელახლა შეტანის გამო ღრმა შეშფოთებას გამოთქვამს. როგორც ორგანიზაციის მიერ გავრცელებულ განცხადებაშია ნათქვამი, აღნიშნული კანონპროექტის მიღება საფრთხეს შეუქმნის სამოქალაქო საზოგადოებისა და მედიის საქმიანობას და მათ უმნიშვნელოვანეს წვლილს საქართველოს დემოკრატიისა და მთლიანად საზოგადოების განვითარებაში. ორგანიზაცია მოუწოდებს საქართველოს პარლამენტს, გამოიწვიოს კანონპროექტი და ჩაატაროს ფართო, ინკლუზიური და შინაარსიანი კონსულტაციები ყველა დაინტერესებულ მხარესთან სახელმწიფოსა და სამოქალაქო საზოგადოების ურთიერთდამოკიდებულების შესახებ. „გაერთიანებული ერების ორგანიზაცია საქართველოში იხსენებს რა 2023 წლის 26 თებერვლის განცხადებას, გამოხატავს ღრმა შეშფოთებას საქართველოს პარლამენტში „უცხოური გავლენის გამჭვირვალობის შესახებ“ კანონპროექტის ხელახლა შემოტანის გამო. მივიჩნევთ, რომ აღნიშნული კანონპროექტის მიღება საფრთხეს შეუქმნის სამოქალაქო საზოგადოებისა და მედიის საქმიანობას და მათ უმნიშვნელოვანეს წვლილს საქართველოს დემოკრატიისა და მთლიანად საზოგადოების განვითარებაში. საქართველოში, სამოქალაქო საზოგადოების ორგანიზაციები არსებით მხარდაჭერას უწევენ საზოგადოების ყველაზე დაუცველ ჯგუფებს და იცავენ მათ უფლებებს. სამოქალაქო საზოგადოების საქმიანობის სტიგმატიზაციამ შესაძლოა, სათანადო დახმარების გარეშე დატოვოს შეზღუდული შესაძლებლობის მქონე პირები, დევნილები, უმცირესობათა წარმომადგენლები, ხანდაზმულები, ქალები, ახალგაზრდები, ბავშვები, ოჯახში ძალადობის მსხვერპლები და სხვა ადამიანები, რომელთაც მხარდაჭერა და თანადგომა სჭირდებათ. სამ ათწლეულზე მეტია, გაერთიანებული ერების ორგანიზაცია საქართველოს სანდო პარტნიორია, მხარს უჭერს ქვეყნის განვითარებას ეროვნული პრიორიტეტების შესაბამისად და დახმარებას უწევს ქართველ ხალხს ჩვენს ადგილობრივ პარტნიორებთან, მათ შორის, სამოქალაქო საზოგადოებასა და მედიასთან ერთად. შეგახსენებთ ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) ანალიტიკურ შეფასებას, რომელიც საქართველოს სახალხო დამცველის მოთხოვნითა და მშვიდობიანი შეკრებისა და გაერთიანების საკითხებში გაეროს სპეციალურ მომხსენებელთან კონსულტაციით ჩატარდა და რომლის მიხედვითაც აღნიშნული კანონპროექტი არ შეესაბამება საქართველოს საერთაშორისო ვალდებულებების სულისკვეთებას. გაეროს ადამიანის უფლებათა საბჭოში საქართველოს ამჟამინდელი წევრობის გათვალისწინებით, მოვუწოდებთ საქართველოს პარლამენტს, გამოიწვიოს კანონპროექტი და ჩაატაროს ფართო, ინკლუზიური და შინაარსიანი კონსულტაციები ყველა დაინტერესებულ მხარესთან სახელმწიფოსა და სამოქალაქო საზოგადოების ურთიერთდამოკიდებულების შესახებ. ამასთან ერთად, გაერთიანებული ერების ორგანიზაცია გამოთქვამს წუხილს, რომ საქართველოს პარლამენტმა გამოიყენა დაჩქარებული პროცედურა სავალდებულო საარჩევნო გენდერული კვოტების გასაუქმებლად. საქართველოში საარჩევნო გენდერული კვოტირების დროებითი მექანიზმის შემოღება იყო გაერო-ს ქალთა მიმართ დისკრიმინაციის აღმოფხვრის კომიტეტის დიდი ხნის რეკომენდაცია, რომელიც მიზნად ისახავდა პოლიტიკური გადაწყვეტილების მიღების პროცესიდან ქალთა სისტემური გარიყვის კომპენსირებას. მისი გაუქმება უკან გადადგმული ნაბიჯია გენდერული თანასწორობის მიღწევის საქმეში. მოვუწოდებთ საქართველოს ხელისუფლებას, ყოველი ღონე იხმაროს იმ ქმედებათა თავიდან ასაცილებლად, რომლებიც შეაფერხებს საქართველოს საერთაშორისო ვალდებულებების შესრულებას და საფრთხეს შეუქმნის ქვეყნის დემოკრატიულ განვითარებას”, - ნათქვამია განცხადებაში. იპნ

სახელმწიფო დეპარტამენტის სპიკერი, მეთიუ მილერი ამბობს, რომ ჯერჯერობით არაფერს იტყვის იმ პოტენციურ ნაბიჯებზე, რომელსაც აშშ გადადგამს, თუ რუსული კანონპროექტი კანონად იქცევა. თუმცა, გამოხატა შეშფოთება და აღნიშნა, რომ ის საქართველოს გადაიყვანს ევროპული გზიდან. დღევანდელ ბრიფინგზე, რუსული კანონის შესახებ დასმული კითხვის პასუხად მეთიუ მილერმა თქვა: აშშ-ის სახელმწიფო დეპარტამენტმა განცხადება რუსული კანონის შესახებ ადრეც გააკეთა. მეთიუ მილერმა თქვა, რომ აშშ-ის შეშფოთება საქართველოს ხელისუფლებას უკვე გადასცეს. პუბლიკა

ადამიანის უფლებათა ევროპულმა სასამართლომ საქმეზე „საქართველო რუსეთის წინააღმდეგ“ გადაწყვეტილება გამოაქვეყნა, რომელიც 2008 წლის კონფლიქტის შემდეგ დაწყებული ე.წ. „ბორდერიზაციის“ შედეგად ადამიანის უფლებების დარღვევებს ეხება, - ამის შესახებ სასამართლოს პრესრელიზშია აღნიშნული. „ადამიანის უფლებათა ევროპულმა სასამართლომ ერთხმად დაადგინა, რომ ადგილი ჰქონდა: კონვენციის მე-2 მუხლის (სიცოცხლის უფლება), მე-3 მუხლის (არაადამიანური ან ღირსების შემლახველი მოპყრობის აკრძალვა), მე-5 მუხლის პირველი პუნქტის (თავისუფლების და უსაფრთხოების უფლება) და მე-8 მუხლის (პირადი და ოჯახური ცხოვრების დაცულობის უფლება), კონვენციის პირველი ოქმის პირველი (საკუთრების უფლება) და მე-2 მუხლის (განათლების უფლება), მე-4 ოქმის მე-2 მუხლის (მიმოსვლის თავისუფლება) დარღვევას“, - აღნიშნულია სასამართლოს პრესრელიზში. სასამართლოს განმარტებით, 2008 წლის აგვისტოში საქართველოსა და რუსეთს შორის შეიარაღებულმა კონფლიქტმა გამოიწვია პროცესი, რომელიც 2009 წელს დაიწყო და ცნობილია როგორც „ბორდერიზაცია“. „ის ადამიანებს საქართველოს მიერ კონტროლირებად ტერიტორიასა და რუსეთის მიერ მხარდაჭერილ სეპარატისტულ ქართულ რეგიონებს - აფხაზეთსა და სამხრეთ ოსეთს შორის ადმინისტრაციული საზღვრის თავისუფლად გადაკვეთას უკრძალავს. ვითარებას მოიხსენიებენ, როგორც „2008 წლის აგვისტოს საქართველო-რუსეთის კონფლიქტის ერთ-ერთ ყველაზე მტკივნეულ მემკვიდრეობას“,“- აღნიშნულია პრესრელიზში. სასამართლოს განმარტებით, საქართველოს მთავრობა ამტკიცებდა, რომ ადამიანები მოკლეს აფხაზეთში ან ცხინვალში შესვლის ან გასვლის მცდელობისას, ხოლო სხვები დააკავეს, დააკავეს და/ან არასათანადოდ მოეპყრნენ ადმინისტრაციული საზღვრის „უკანონო გადაკვეთისთვის“. ამასთან, საქართველოს მთავრობის მტკიცებით, ადამიანებს წაართვეს მიწა, რომელსაც ისინი მიწათმოქმედებისთვის იყენებდნენ, ოჯახები დააშორეს და ბავშვებს აიძულებდნენ აერჩიათთ რუსულ ენაზე სწავლა ან გრძელი და სახიფათო მგზავრობა საქართველოს მიერ კონტროლირებად ტერიტორიაზე სკოლაში სასწავლებლად. „სასამართლომ დაადგინა, რომ მას გააჩნდა საკმარისი მტკიცებულებები, კერძოდ, მსხვერპლთა სიები, ჩვენებები, მედიის ინფორმაცია და საერთაშორისო მასალები, გონივრული ეჭვის მიღმა დასკვნის გასაკეთებლად, რომ სავარაუდო ინციდენტები არ იყო იზოლირებული და იყო საკმარისად მრავალრიცხოვანი და ურთიერთდაკავშირებული იმისთვის, რომ წარმოადგენდეს დარღვევების პატერნს ან სისტემას. უფრო მეტიც, ინციდენტებზე ეფექტური გამოძიების აშკარა არ არსებობა და ზომების ზოგადი გამოყენება ყველა პირის მიმართ ამტკიცებდა, რომ რუსეთის ხელისუფლება ოფიციალურად ტოლერანტული იყო ასეთი პრაქტიკის მიმართ“, - აღნიშნულია სტრასბურგის სასამართლოს პრესრელიზში. იპნ

პარტია „გახარია საქართველოსთვის” წევრის, ბექა ლილუაშვილის განმარტებით, „უცხოური გავლენის გამჭვირვალობის შესახებ“ კანონპროექტის ალტერნატიული კანონპროექტები სინამდვილეში ერთია. მისივე თქმით, მათ იმიტომ დააინიცირეს ეს ორად, რომ განხილვების საშუალება ჰქონდეთ, თუმცა, სინამდვილეში ეს არის პაკეტი. როგორც ლილუაშვილმა აღნიშნა, გამჭვირვალობა საერთო სტანდარტი უნდა იყო ყველასთვის - უცხოური და ადგილობრივი დაფინანსებისთვისაც. „[ალტერნატიული კანონპროექტები] სინამდვილეში ერთია. ჩვენ იმიტომ დავაინიცირეთ ეს ორად, რომ განხილვების საშუალება გვქონდეს. სინამდვილეში ეს არის პაკეტი. ორივე კანონპროექტიც ემსახურება მარტივ საკითხს. ხელისუფალი ხომ ამბობს, რომ ეძებს მტრულად განწყობილ სახელმწიფოების გავლენების შეზღუდვის ბერკეტებს. ჩვენ ანტირუსული კანონის მიხედვით ვთქვით, რომ ჩვენი ისტორიული მტერი, რომელიც ებრძვის ჩვენს სახელმწიფოებრიობას, რომელიც პირდაპირ თავის საგარეო პოლიტიკის და სტრატეგიის დოკუმენტებში პირდაპირ უპირისპირდება საქართველოს ეროვნულ და სუვერენულ ინტერესებს, არის ჩვენი ქვეყნის ოკუპანტი. მასთან ერთად ის ქვეყნები, რომლებიც არ აღიარებენ საქართველოს ტერიტორიულ მთლიანობას, ამ ქვეყნებიდან წამოსულ საფრთხეებს, იქნება ეს მათი გავლენა თუ სხვა, დავუპირისპირებთ სისხლის სამართლებრივი დევნით. მეორე მხრივ, გამჭვირვალობა საერთო სტანდარტი უნდა იყო ყველასთვის - უცხოური და ადგილობრივი დაფინანსებისთვისაც. ამიტომ, თქვენ ხომ ძალიან უსუსური და უუნარო ხელისუფალი ხართ. ყველაფერი თქვენს ხელშია და მაინც ამბობთ, რომ გამჭვირვალობის პრობლემაა. მაშინ აქ არის გრანტების შესახებ კანონი, რომელიც ყველას ავალდებულებს, გარკვეულ რეგულაციებს ამ მიმართულებით. საზოგადოებამ თვითონ შეაფასოს მათი განხორციელებული პროექტები, რამდენად ეხმარება საქართველოს მოქალაქეებს”, - აღნიშნა ბექა ლილუაშვილმა. ცნობისთვის, „უცხოური გავლენის გამჭვირვალობის შესახებ“ კანონპროექტთან ერთად დაინიცირდა ორი ალტერნატიული პროექტი. ერთია, „ოკუპანტი ქვეყნის - რუსეთის ფედერაციის გავლენებისგან დაცვის შესახებ“ პროექტი და „სისხლის სამართლის კოდექსში“ შესატანი ცვლილებები, ხოლო მეორე - “გრანტების შესახებ“ კანონსა და „ბუღალტრული აღრიცხვის, ანგარიშგებისა და აუდიტის შესახებ“ კანონში მომზადებული ცვლილებები. იპნ

შინაგან საქმეთა სამინისტრომ ტრეფიკინგის ბრალდებით ერთი პირი დააკავა. აღნიშნულ ინფორმაციას შინაგან საქმეთა სამინისტრო ავრცელებს. უწყების ცნობით, ბრალდებულმა ადამიანებით ვაჭრობის სქემა შეიმუშავა და ოთხ პირს ფსიქოლოგიური ზეწოლითა და ფიზიკური ანგარიშსწორების მუქარით, მის კუთვნილ ფერმაში ამუშავებდა. „შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს, გენერალური პროკურატურისა და სსიპ - შრომის ინსპექციის სამსახურის თანამშრომლებმა, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, ტრეფიკინგის ბრალდებით 1981 წელს დაბადებული ნ.გ. დააკავეს. დანაშაული 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა ნ.გ.-მ ადამიანებით ვაჭრობის სქემა შეიმუშავა და აღნიშნულის სისრულეში მოყვანისა და შრომითი ექსპლუატაციის გაწევის მიზნით, ოთხ პირს ფსიქოლოგიური ზეწოლითა და ფიზიკური ანგარიშსწორების მუქარით, მის კუთვნილ ფერმაში ამუშავებდა. ბრალდებული დაზარალებულებს ტერიტორიის დატოვებასა და მობილური ტელეფონით სარგებლობას უკრძალავდა. ნ.გ. ოთხივე მათგანს აიძულებდა შეესრულებინათ მისი ნებისმიერი მითითება, თუნდაც ეს არ ყოფილიყო დაკავშირებული მათ ფერმაში მუშაობასთან. იმ შემთხვევაში, თუ დაზარალებულები ბრალდებულის მოთხოვნების შესრულებაზე უარს იტყოდნენ, ან ის უკმაყოფილო დარჩებოდა შესრულებული სამუშაოთი, მათ ფიზიკურად უსწორდებოდა. გამოძიება საქართველოს სისხლის სამართლის კოდექსის 143-ე პრიმა მუხლის მეორე და მესამე ნაწილით მიმდინარეობს“, - ნათქვამია შსს-ს მიერ გავრცელებულ ინფორმაციაში. იპნ

პარტია „გახარია საქართველოსთვის“ ლიდერმა, ყოფილმა პრემიერ-მინისტრმა გიორგი გახარიამ პარტიის წევრებთან ერთად 9 აპრილის მემორიალი გვირგვინით შეამკო. როგორც გახარიამ აღნიშნა, 9 აპრილი ტრაგიკული დღეა, თუმცა ამავე დროს, გარკვეული იმედის მომტანი დღეც უნდა იყოს. „35 წელი გავიდა ამ ტრაგიკული დღიდან. თითოეული ქართველისთვის უმძიმესი დღეა, მაგრამ იმედის მომცემი. განსაკუთრებით მაშინ არის იმედის მომცემი, როდესაც ქვეყნის დამოუკიდებლობის, ერთიანობის, გამთლიანების იმედი გვაქვს. მაშინ, როდესაც გვერევა მტერი და მოყვარე ვინ არის, რა თქმა უნდა, ცოტა სევდიანი დღეა, მაგრამ 35 წელი გავიდა და ქართველებს ის დიდი ეროვნული მოძრაობა, რომელიც ამ ადამიანებმა დაიწყეს, დასასრულებელი გვაქვს. ახლა არის ყველაზე კარგი მომენტი ამისთვის, რომ დავასრულოთ მშვიდობით, წინსვლით, ევროპული ოჯახის სრულფასოვანი წევრობით, რამეთუ ტერიტორიული მთლიანობის მიღწევა შესაძლებელია ევროპის თანამედროვე, დემოკრატიული სახელმწიფოების ოჯახის სრულფასოვანი წევრობით“, - განაცხადა გახარიამ. იპნ

„ჩვენ ასე ახლოს არასდროს ვყოფილვართ ევროპასთან და არავის მივცემთ უფლებას, ამდენი ადამიანის შრომა წყალში ჩაყაროს" ვიკა ფილფანი, პარტია "გახარია საქართველოსთვის" წევრი. ვიდეო: https://www.facebook.com/ForGeoGe/videos/303236516137254/

ყველაზე დიდი “რუსულობა” ამ კანონის არის ის, რომ ჩვენი ქვეყნის მტერს და ოფიციალურ მოკავშირეებს ერთ სიბრტყეზე აყენებს. არჩევნები არის ყველაზე ძლიერი ინსტურმენტი, რომელიც ახლა ხელში გიჭირავთ, რომ ევროპას ვუთხრათ კი! რუსეთს ვუთხრათ არა! ანა ბუჩუკური, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/713844654009999/