tvati

პარლამენტში რესპონდენტსა და ჟურნალისტს შორის თანამშრომლობა უნდა იყოს საქმიანი და არ უნდა იყოს დევნა, შევარდნები და ა.შ. რაც სამწუხაროდ, პარლამენტში იყო პრაქტიკა, – ამის შესახებ საქართველოს პარლამენტის თავმჯდომარე შალვა პაპუაშვილმა ტელეკომპანია „მთავარისა“ და „ტვ პირველის“ ჟურნალისტებისთვის პარლამენტში აკრედიტაციის დროებით შეჩერების საკითხზე კომენტირებისას განაცხადა. მისივე თქმით, პარლამენტი არ არის საჯარო სივრცე და მნიშვნელოვანია, ამ დაწესებულებაში მომუშავე ადამიანებს ჰქონდეთ სამუშაო გარემო. ამასთან, პაპუაშვილის განცხადებით, რესპონდენტის სურვილს ჟურნალისტებმა პატივი უნდა სცენ. „პარლამენტის აპარატი ეყრდნობა ღია წყაროებში არსებულ მტკიცებულებებს, მათ შორის თავად ამ შემთხვევაში „ტვ პირველის“ მიერ ეთერში გაშვებულ მასალას. მეხუთეჯერ გაიმეორეთ ტყუილი, თითქოს, რაიმე კავშირშია შინაარსი. შინაარსი საერთოდ არაფერ შუაშია. კითხვა სულ რომ სპორტზე იყოს, ეს არაფერ შუაშია. მთავარია, რომ არ შეიძლება, დეპუტატის დევნა. წესები ყველა ჟურნალისტს აგიხსენით. საჯაროა, გამოყავით ორი წუთი და ეს წესები წაიკითხეთ. ცოტა შრომა გასწიეთ, წესები წაიკითხოთ და დასკვნები გამოიტანეთ, იმისთვის, რომ პარლამენტში რესპონდენტსა და ჟურნალისტს შორის თანამშრომლობა უნდა იყოს საქმიანი და არ უნდა იყოს დევნა, შევარდნები და ა.შ. რაც სამწუხაროდ, პარლამენტში იყო პრაქტიკა. ზოგიერთი ჟურნალისტი იყო ეთიკური ჟურნალისტიკის მიღმა. ამიტომ შემუშავდა ბრძანება. სწორია ეს პრინციპები. რა თქმა უნდა, ამას არ გადავხედავ. გირჩევთ, წესები წაიკითხეთ. სამი ძირითადი საკითხია. წინასწარი თანხმობის გარეშე, აპარატის თანამშრომელს ან დეპუტატს არ უნდა შეუვარდეთ ჩართული კამერით. პარლამენტი არ არის საჯარო სივრცე, სადაც მნიშვნელოვანია, რომ ამ დაწესებულებაში მომუშავე ადამიანებს, აპარატის თანმშრომლებსა და დეპუტატებს ჰქონდეთ სამუშაო გარემო. ამიტომ, როდესაც რესპონდენტს არ აქვს სურვილი, რომ ინტერვიუ მოგცეთ, პატივი უნდა ვცეთ“, – განაცხადა შალვა პაპუაშვილმა. ავტორი - თეონა მანაგაძე

მართლმადიდებელი ეკლესია ყოვლადწმინდა ღვთისმშობლის ხარების დღესასწაულს აღნიშნავს. ამასთან დაკავშირებით, ტაძრებში სადღესასწაულო წირვა შესრულდება. რელიგიური სწავლების თანახმად, ხარება ერთ-ერთი უდიდესი საუფლო დღესასწაულია. ამ დღეს ყოვლადწმინდა მარიამთან ერთად მთელ კაცობრიობას ეუწყა, რომ ღმერთმა ადამიანი სიკვდილისა და ცოდვის სამუდამო ტყვეობისგან იხსნა. წმინდა სახარების მიხედვით, გალილეის ქალაქ ნაზარეთში ყოვლადწმინდა ღვთისმშობელს მთავარანგელოზი გაბრიელი გამოეცხადა და ახარა, რომ მისგან იშვებოდა ძე ღვთისა და კაცობრიობის მაცხოვარი. ~გიხაროდენ, მიმადლებულო, უფალი შენთანაა. კურთხეულ ხარ შენ დედათა შორის და კურთხეულ არს ნაყოფი მუცლისა შენისა... და აჰა, ესერა შენ მუცლად-იღო და ჰშვა ძე და უწოდი სახელი მისი იესუ". ღმერთმა ყოვლადწმინდა ღცთისმშობელი მარიამი დედად ღვთისად მისი სიმდაბლისა და სიმშვიდის გამო გამოირჩია. საეკლესიო სწავლების თანახმად, რა იარაღითაც იღვაწა ეშმაკმა ადამიანთა დაცემისათვის, იმავე იარაღით იხსნა კაცობრიობა ქრისტემ - თუ ევას საქციელმა ადამის მოდგმას ცრემლი მოუტანა, ქალწულმა მარიამმა უდიდესი სიხარული მოუვლინა. IPN

საქართველოს პარლამენტმა 6 აპრილს აკრედიტაცია შეუჩერა კრიტიკული მედიის 3 ჟურნალისტსა და 2 ოპერატორს. 4 მათგანის შემთხვევაში საბაბი გახდა ის, რომ მათ დეპუტატებს საკანონმდებლო ორგანოს ფოიეში აშშ-ის მიერ სანქცირებულ მოსამართლეებზე კითხვები დაუსვეს. რაც შეეხება „ფორმულას“ ჟურნალისტს, დეპუტატებს შალვა რამიშვილის შესახებ ეკითხებოდა. აკრედიტაციები შეუჩერეს ტვ „პირველის“ ჟურნალისტ რუსუდან დუმბაძეს, ამავე არხის ოპერატორ ირაკლი მურმანიშვილს, „მთავარი არხის“ ჟურნალისტ თათია წოწონავას, „მთავარი არხის“ ოპერატორ ზუკა ჩხვირკიას და „ფორმულას“ ჟურნალისტ სოფიო გოზალაშვილს. წერილში, რომელიც მედიის წარმომადგენლებმა პარლამენტიდან მიიღეს, ნათქვამია, რომ მათ დაარღვიეს პარლამენტის თავმჯდომარის ბრძანების მე-15 მუხლის მე-2 პუნქტი, რომელიც ჟურნალისტს ავალდებულებს, არ ჩაწეროს ინტერვიუ პარლამენტის წევრთან, აპარატის თანამშრომელთან ან მოწვეულ პირთან, თუკი რესპონდენტი ამაზე უარს აცხადებს. „საქართველოს პარლამენტის მიერ ხდება აკრედიტაციის ახალი წესების გამოყენება ჟურნალისტების წინააღმდეგ რეპრესიული პოლიტიკის გასატარებლად და ჟურნალისტურ საქმიანობაში ხელის შესაშლელად“, — მიიჩნევს ტვ „პირველის“ საინფორმაციო სამსახურის უფროსი ნოდარ მელაძე. ის მიმართავს სახალხო დამცველს, მოახდინოს რეაგირება, რათა დაუყოვნებლივ აღუდგეს პარლამენტში საქმიანობის უფლება ჟურნალისტსა და ოპერატორს. პარლამენტის მხრიდან ჟურნალისტებისთვის აკრედიტაციების შეჩერებას უარყოფითად აფასებს საქართველოს ჟურნალიტური ეთიკის ქარტია — ორგანიზაცია, რომელიც 200-ზე მეტ ჟურნალისტს აერთიანებს. საქართველოს ჟურნალისტური ეთიკის ქარტიის განცხადებით, იმ ფონზე, როდესაც მედიისთვის ფაქტობრივად შეუძლებელია საჯარო ინფორმაციის მიღება და მმართველი პარტიის წარმომადგენლები შერჩევითად აძლევენ ინტერვიუს მედიასაშუალებებს, მსგავსი რეგულაციები რიგი მედიასაშუალებებისთვის შეუძლებელს ხდის ინფორმაციის მოპოვებასა და საზოგადოებისთვის მიწოდებას. ქარტია კიდევ ერთხელ მოუწოდებს საქართველოს პარლამენტის თავმჯდომარეს, ,არ დაუშვას, რომ საფრთხე შეექმნას დემოკრატიის ისეთ პრინციპებს, როგორიცაა ანგარიშვალდებულება, საჯაროობა, ღიაობა და გააუქმოს მიღებული ბრძანება, რომელიც გამოიწვევს ფორმალურ დაბრკოლებებს და საქმიანობის შეზღუდვას მედიისთვის.“ პარლამენტის თავმჯდომარის, შალვა პაპუაშვილის ინიციატივით მიღებული მედიის შემზღუდავი ბრძანება 1 მარტიდან ამოქმედდა. ამ ბრძანების მიხედვით, საკანონმდებლო ორგანოში გამოცემას მხოლოდ სამი ჟურნალისტი შეუძლია ჰყავდეს და იმ შემთხვევაში, თუკი მათ აკრედიტაცია შეუჩერდებათ, მათი ჩანაცვლება შეუძლებელი იქნება. ნეტგაზეთი

პირადად მე მაქვს ტრადიციული ოჯახი, მყავს შვილები, რომლებიც სამართლიანობისა და პატიოსნების პრინციპებზე აღიზარდნენ და ამ ,,ლინჩის წესით გასამართლების“ ფონზე და ასევე იმის გათვალისწინებით, რომ აშშ-ში ბოლო პერიოდის ერთ-ერთ მთავარ დემოკრატიულ მიღწევად მიჩნეულია და აპრობირებულია 6 წლის ასაკიდან ბავშვისათვის სქესის შეცვლა, არაფერი მესაქმება, ვინაიდან მსგავსი ,,ღირებულებები“ ჩემს ოჯახს ნამდვილად არ სჭირდება, - ამის შესახებ მოსამართლე ირაკლი შენგელია „ფეისბუქზე“ წერს, რითაც ეხმაურება შშ-ის მიერ აოთხი მოსამართლის, მათ შორის მის მიმართ სანქციების დაწესებას. შენგელიას თქმით, დღევანდელ მოცემულობაში, ნამდვილად არანაირი სურვილი აღარ აქვს, არც მას და არც მის ოჯახს, ვეწვიონ აშშ-ს. მისი შეფასებით, აშშ-ის სახელმწიფო მდივანმა ენტონი ბლინკენმა და ელჩმა კელი დეგნანმა "ლინჩის წესი აღადგინეს". „მსურს გამოვეხმაურო აშშ-ის სახელმწიფო დეპარტამენტის გადაწყვეტილებას ჩემზე და ჩემს კოლეგებზე სანქციის დაწესების შესახებ. უპირველეს ყოვლისა, თვალშისაცემია ის ფაქტი, რომ ეს უპრეცედენტო გადაწყვეტილება ვერანაირ მტკიცებულებით სტანდარტს ვერ აკმაყოფილებს; მე განმარტება ამის შესახებ ვერც სახელმწიფო მდივან ბლინკენისგან და ვერც ელჩ დეგნანისგან მოვისმინე, გარდა ზოგადი მითითებისა, რომ არსებობს რაღაც ,,სანდო ინფორმაცია“, რომელიც თურმე ადასტურებს ჩვენს კორუმპირებულობას. ასეთი მტკიცებულებები ბუნებაში ვერც იარსებებს, იმ მარტივი მიზეზის გამო, რომ კორუფციის ფაქტები არ არსებობს. მეც და ჩემი სხვა კოლეგები (დასანქცირებულების ჩათვლით) ჩვენს სამსახურებრივ უფლებამოსილებას (მართლმსაჯულების განხორციელების ჩათვლით) ვასრულებდით და ვასრულებთ საქართველოს მოქმედი კანონმდებლობის განუხრელი დაცვით, მხოლოდ საქმეში არსებული მტკიცებულებების სრულყოფილი და ობიექტური განხილვა-შეფასების შედეგად. არავითარი ზეწოლა, უკანონო მანიპულაცია არ განხორციელებულა არასდროს არც ჩემი და არც არავის მხრიდან სხვა მოსამართლეებზე, მათ საქმიანობაში ჩარევის მიზნით. ეს ყველაფერი მაფიქრებინებს, რომ სახეზეა აპრობირებული სქემა, რომელმაც კარგად იმუშავა, მაგალითად, უკრაინაში, ალბანეთში, სადაც, ,,რეფორმების“ შირმით, განხორციელდა არასასურველი მოსამართლეებისაგან სისტემის წმენდა, სადაც ხელყოფილ იქნა სახელმწიფოების სუვერენიტეტი სასამართლო ხელისუფლების ნაწილში და ამ ხელისუფლების ადმინისტრირება (მოსამართლეთა დანიშვნების ჩათვლით) მთლიანად გადაბარებულ იქნა ე.წ. საერთაშორისო ექსპერტებისგან დაკომპლექტებულ ,,რევიზორთა“ კომისიაზე. დღევანდელ მოცემულობაში, ნამდვილად არანაირი სურვილი აღარ გვაქვს, არც მე და არც ჩემს ოჯახს, ვეწვიოთ აშშ-ს. ის იდეალები და დემოკრატიული პრინციპები, რითაც აქამდე თავს იწონებდა ეს ქვეყანა, პრაქტიკულად ნიველირებულია, აღარ არსებობს. პირიქით, გამრუდებული და დაკნინებულია ყველა ის ღირებულება, რაზეც იდგა ამ ქვეყნის იდეოლოგია და, პირველ რიგში, ეს იყო სამართლიანობა და მის საფუძველზე ადამიანის უფლებების შეუვალი დაცვა, თანსწორუფლებიანობა და ა.შ. ყველაფერ ამაზე ხაზის გადასმით, გუშინდელი განცხადების ფონზე, პრაქტიკულად აშშ-ის სახელმწიფო მდივანმა და ელჩმა დეგნანმა ლინჩის წესი აღადგინეს (ცხადია, გადატანითი მნიშვნელობით) და სწორედ ამ წესით ,,გაასამართლეს“ და ,,დამნაშავეებად გამოაცხადეს“ ქართველი მოსამართლეები, რაც კიდევ ერთხელ მიუთითებს მათ ,,მაღალ დემოკრატიულ სტანდარტებზე“. პირადად მე მაქვს ტრადიციული ოჯახი, მყავს შვილები, რომლებიც სამართლიანობისა და პატიოსნების პრინციპებზე აღიზარდნენ და ამ ,,ლინჩის წესით გასამართლების“ ფონზე და ასევე იმის გათვალისწინებით, რომ აშშ-ში ბოლო პერიოდის ერთ-ერთ მთავარ დემოკრატიულ მიღწევად მიჩნეულია და აპრობირებულია 6 წლის ასაკიდან ბავშვისათვის სქესის შეცვლა, არაფერი მესაქმება, ვინაიდან მსგავსი ,,ღირებულებები“ ჩემს ოჯახს ნამდვილად არ სჭირდება“, - წერს შენგელია. ცნობისთვის, აშშ მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს სანქციებს უწესებს. ქართველი მოსამართლეების სანქცირების შესახებ აშშ-ის სახელმწიფო მდივანი ენტონი ბლინკენი განცხადებას ავრცელებს. სახელმწიფო მდივნის განცხადების თანახმად, ამერიკის სახელმწიფო დეპარტამენტი მიხეილ ჩინჩალაძის, ლევან მურუსიძის, ირაკლი შენგელიას და ვალერიან ცერცვაძის საჯარო სანქცირებას ახდენს, ვიზის აკრძალვის შესახებ 7031(c) წესის საფუძველზე, მნიშვნელოვან კორუფციულ საქმიანობაში მათი ჩართულობის გამო. როგორც განცხადებაში ბლინკენი განმარტავს, აღნიშნულმა პირებმა, ბოროტად გამოიყენეს მათი თანამდებობა როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა, რითაც ზიანი მიაყენეს სამართლის უზენაესობასა და საზოგადოების ნდობას საქართველოს სასამართლო სისტემის მიმართ.

ძალიან დიდხანს ვფიქრობდი გამომექვეყნებინა ეს წერილი თუ არა. ერთი კვირის წინ მქონდა მძიმე საუბარი მასთან, ვისაც ეხება ეს წერილი და ავუხსენი რასაც ვაპირებდი, რადგან მსურდა მზად ყოფილიყო ამ ყველაფრისთის. არ მამოძრავებს შურისძიების წყურვილი და არ მსურს ფიზიკური ზიანი მივაყენო ვინმეს. ეს ბოლო დღეები უმძიმესი იყო ჩემთვის, რადგან ჩემი წარსულის გახსენებამ, ისევ გამიცოცხლა ყველა ტკივილი და გავაცნობიერე რომ უთქმელობა არის უსამართლობა, არა მარტო ჩემთვის, არამედ ჩემი ოჯახის მიმართაც. ხალხთან ურთიერთობისას ყოველთვის განვიცდიდი სირცხვილს, რომ ჩემი პიროვნება მაშინვე იმედგაცრუებას გამოიწვევდა, როცა გაიგებდნენ ვისი შვილი ვარ. მე ვარ შალვა რამიშვილის შვილი და მთელი ცხოვრება იმ პიროვნების სახელთან ვასოცირდებოდი, რომელიც მხოლოდ ფორმალურად იყო მამა, რეალურად კი არასდროს შეუსრულებია ეს როლი. რაც თავი მახსოვს, ჩვენი ოჯახი სისტემატიურად დგებოდა მძიმე კრიზისების წინაშე, ამ ადამიანის გამო და დაუსრულებელი ქაოსის რეჟიმში გვამყოფებდა. ეს წნეხი დღემდე გრძელდება... რაციონალურად მესმოდა, რომ არ უნდა მეგრძნო პასუხისმგებლობა მის მიმართ, რადგან არც ემოციური კავშირი და არც მსოფლმხედველობრივი თანხვედრა გვაკავშირებს მე და ჩემს ძმებს მასთან. მის მიერ ფორმალურად გამოხატული მზრუნველობის იმიტაცია, ჩემს ქვეცნობიერებაში რეალური მამის არსებობის იმედს აღვივებდა. ეს მოლოდინი კარგა ხნის წინ გახუნდა, მაგრამ დუმილის ინერციას ისევ ვაგრძელებდი. ბოლო დროინდელმა მოვლენებმა კი, ჩემი მოთმინება საბოლოოდ დაასრულა, როცა აქციაზე გულწრფელად გასულ მე და ჩემს თანატოლებს „ჩმორები“ გვიწოდა სრულიად დაუმსახურებლად და წარმოგვაჩინა პოლიტიკური ძალებისგან მართულ ბრბოდ. ამას დაემატა მისი მხილება იმ გოგოების მიერ, რომლებსაც ჰქონდათ ღირსების შემლახველი გამოცდილება მასთან ურთიერთობისას. მე უკვე ვეღარ გავაგრძელებდი ამ ყველაფერთან, თუნდაც ირიბ მონაწილეობას, რადგან შალვას მავნებლობები ჩვენი ოჯახის გარდა დიდი ხანია სხვა ადამიანებსაც აზარალებს. მინდა ჩემი მხარდაჭერა გამოვუცხადო ყველა იმ გოგონას, რომლებიც შეურაცხყო შალვა რამიშვილმა. მინდა დავგმო მათ წინააღმდეგ აგორებული ბინძური კამპანია, რითაც ახლა უკვე საჯაროდ მეორდება ძალაუფლების გამოყენებით მათზე მანიპულაცია. მახსოვს მისი უპატივცემულო დამოკიდებულება და სრული უმადურობა დედაჩემის მიმართ და ვიცი, რომ ის ზოგადად არ სცემს ქალს პატივს. ჩემს თანადგომას ვუცხადებ ლაზარეს, რომელსაც შეგნებულად უპირებენ ციხეში გამომწყდევას. დღეს ლაზარე წარმოადგენს მთავრობისთვის იმ მარტივად გასაწირ მსხვერპლს, რომელსაც ახალგაზრდობის დასაშინებლად იყენებენ. ქართული ოცნება ყოფილი დამნაშავე რეჟიმის მტრის ხატად გამოყვანით ინარჩუნებს საარჩევნო ხმებს, რითაც ხელოვნურად აცოცხლებს ისედაც მორალურად გაკოტრებულ ნაციონალურ მოძრაობას და ამით ცდილობს ქვეყნის რეალური მტრიდან ჩვენი ყურადღების არიდებას. სინამდვილეში მთავრობაში მყოფ კაცებს, არც პატრიოტული მიზნები აინტერესებთ და არც გაჭირვებული ხალხის ბედი. ისინი არიან „ბასლაინებზე“ მოსიარულე, რეალობას აცდენილი ინდივიდები. მე ვაცნობიერებ მთელ პასუხისმგებლობას, რომ ჩემს ამ საჯარო წერილს სავარაუდოდ შეიძლება მოყვეს გარკვეული ხმაური. მივმართავ პოლიტიკურ სუბიექტებს და მათ დაქვემდებარებაში მყოფ მედიებს, რომ ეს წერილი არ გამოიყენონ პოლიტიკური ვაჭრობისა და უღირსი მანიპულაციის იარაღად. კიდევ ერთხელ ხაზს გავუსვამ, რომ ეს წერილი ემსახურება შალვას მსხვერპლებისადმი, მათ შორის ჩემი ოჯახის მიმართ თანადგომას. წერს შალვა რამიშვილის შვილი, ლაშა რამიშვილი Facebook-ზე. TABULA

სახელმწიფო უსაფრთხოების სამსახურის ხელმძღვანელი გრიგოლ ლილუაშვილი, რომელიც პარლამენტში ნდობის ჯგუფის შეხვედრაზე იმყოფება, მედიასთან ადასტურებს, რომ საქართელოში აშშ-ის მოქალაქე მარშალ ქომინსი არ შემოუშვეს. ლილუაშვილი ამბობს, რომ ქომინსი, „შესაძლოა [პიტერ] აკერმანზე უარეს [საქმიანობას] ეწეოდა“, რაზეც, მისი თქმით, არსებობს ინფორმაციები, რომელიც ეყრდნობა „მაღალი სანდოობის წყაროებს“. შეკითხვაზე, დაუკავშირდა თუ არა უწყებას აშშ-ის საელჩო ამ საკითხზე, ლილუაშვილი პასუხობს: ლილუაშვილის თქმით, მარშალ ქომინსი არ შემოუშვეს მას შემდეგ, რაც მხილებულ იქნა, რომ ის მონაწილეობდა მარტის აქციებზე დესტრუქციულად განწყობილი ჯგუფების დატრენინგებაში. ლილუაშვილს ასევე ჰკითხეს, აქვს თუ არა სახელმწიფო უსაფრთხოების სამსახურს გამოძიება დაწყებული „ფრანკლინის კლუბზე“, რაზეც ის ამბობს, რომ „ახალი გამოძიების დაწყებას არ ადასტურებს“, თუმცა არის საკითხები, რომელთაც სუსი სწავლობს. სამთავრობო პროპაგანდისტები დღეს მთელი დღის განმავლობაში სოციალურ ქსელში აქვეყნებენ ინფორმაციას იმასთან დაკავშირებით, რომ აშშ-ის მოქალაქე ჯეისონ მარშალ ქომინსი საქართველომ ქვეყანაში არ შემოუშვა. ისინი ქომინსს „ახალ აკერმანს“ უწოდებენ და ამბობენ, რომ ის ატრენინგებდა მარტის აქციების ორგანიზატორებს, მათ შორის „ფრანკლინის კლუბის“ წევრებს. ისინი ასევე მიუთითებენ ქომინსის შემოსვლის აკრძალვასა და სახდეპის სანქციების შესაძლო კავშირზე. სოციალურ ქსელში დაწერილ ამ სტატუსებს აქტიურად ავრცელებენ სამთავრობო მედიებიც. მარშალ ქომინსის ოფისის საიტზე დაყრდნობით, მარშალ ქომინსი არის ექსპერტი კრიზისის მენეჯმენტში, სტრატეგიულ კონსულტაციაში, რუსეთის და ევრაზიის საკითხებში. 2022 წლის აპრილში ბაკურიანში პიტერ აკერმანმა არასამთავრობო ორგანიზაციებთან ტრენინგი ჩაატარა. ის წარმოადგენდა არაძალადობრივი კონფლიქტების საერთაშორისო ცენტრს, რომელიც ტრენინგის მონაწილეებს ესაუბრა ტირანიებისა და ავტორიტარიზმის წინააღმდეგ არაძალადობრივად ბრძოლის ფილოსოფიაზე. ხელისუფლების წარმომადგენლები ამტკიცებენ, რომ აღნიშნულ შეხვედრაზე სახელმწიფო გადატრიალება მზადდებოდა. PUBLIKA

“ვოლტის” კურიერები აცხადებენ, რომ აქცია-კონცერტის გამართვისთვის თბილისში, სახელმწიფო ადმინისტრაციის შენობასთან სცენის გაშლის შესაძლებლობა არ მისცეს. აქცია დღეს, 6 აპრილს 19.30 საათზეა დაგეგმილი. აქციის ერთ-ერთი ორგანიზატორის, სანდრო ლომინაშვილის განცხადებით, ის, რომ მათ სცენის გაშლის შესაძლებლობა არ მისცეს არც კანცელარიასთან და არც პარლამენტთან, კანონდარღვევაა. “აქცია მოიაზრებდა მუსიკალურ კონცერტს. არ მოგვცეს სცენის გაშლის საშუალება, რაც არის კანონდარღვევა. აქციაზე სცენა და მიკროფონი რომ მექნება, ეს ხომ თავისთავად იგულისხმება და ხან ვიმღერებ ხან სიტყვით გამოვალ”, – აცხადებს ლომინაშვილი. აღნიშნულს გამოეხმაურა სოციალური სამართლიანობის ცენტრიც. ორგანიზაციის განცხადებით, პროტესტის მონაწილეებს საპატრულო პოლიციამ განუმარტა, რომ სცენის ასაწყობად მერიიდან წინასწარი ნებართვა იყო საჭირო, თუმცა აღნიშნულს არ ეთანხმება ორგანიზაციის იურისტი, გურამ იმნაძე. მისი თქმით, თუ აქცია არის მშვიდობიანი და ჯდება შეკრებისა და მანიფესტაციის კანონით განსაზღვრულ ფარგლებში, ორგანიზატორებს არ აქვთ ვალდებულება წინასწარ გააფრთხილონ ადმინისტრაციული ორგანო. “ეს უფრო სამოქალაქო პასუხისმგებლობაა ვიდრე სამართლებრივი. და უფრო ემსახურება იმას, რომ თუკი ადამიანს უნდა, რომ აქცია უსაფრთხოდ ჩატარდეს მშვიდობიანად, უსაფრთხოდ და ორგანიზებულად, ამისთვის გააფრთხილოს ადმინისტრაციული ორგანო”, – განმარტავს ის. მისი თქმით, დღეს დაანონსებული აქცია-კონცერტიც იყო ცალსახად მშვიდობიანი და არ სცდებოდა კანონით განსაზღვრულ ნორმებს, ამიტომ უსაფუძვლო და დაუსაბუთებელია პოლიციის მითითება: “არ შეიძლება სახელმწიფომ აქციის მონაწილეებს განუსაზღვროს კონკრეტული ფორმა, როგორ ჩაატარებენ აქციას. ამ შემთხვევაში ორგანიზატორების მიზანი იყო, რომ გამართულიყო აქცია-კონცერტი, რაც ასევე შეიძლება იყოს შეკრების ფორმა. ამიტომ, როდესაც ხდება მითითება, შეზღუდვა ფორმებზე, გამოდის, რომ ეს უკვე არის შეკრების და მანიფესტაციის უფლებაში უსაფუძვლო ჩარევა”, – აცხადებს იმნაძე. თბილისის მერიაში აცხადებენ, რომ აქციის დაგეგმვისას ორგანიზატორებმა მერიას უნდა მიმართონ შესაბამისი წერილით და აცნობონ აქციის შესახებ, თუმცა უწყება ამ ფორმით მხოლოდ ინფორმაციას იღებს და არ გასცემს ნებართვებს. “ნეტგაზეთი” აღნიშნულ საკითხზე ასევე ცდილობს შინაგან საქმეთა სამინისტროსთან დაკავშირებასაც. რაც შეეხება “ვოლტის” კურიერების გეგმას, ისინი აქციას მთავრობის ადმინისტრაციასთან მაინც გამართავენ, თუმცა აქცია-კონცერტი არ ჩატარდება. სოციალური სამართლიანობის ცენტრის შეფასებით, პოლიციის ქმედებაში იკვეთება შეკრებისა და მანიფესტაციის უფლების შელახვის ნიშნები. ცენტრი ამჟამად აღნიშნულ საკითხს სწავლობს და გეგმავს პოლიციის მხრიდან აქციის მონაწილეებისთვის სცენის გაშლის ხელშეშლის ოფიციალური განმარტების გამოთხოვას, რის შემდეგაც მიიღებენ გადაწყვეტილებას მომავალ სამართლებრივ ნაბიჯებზე. ნეტგაზეთი

მოსამართლეები პრემიერ-მინისტრ ირაკლი ღარიბაშვილთან შეხვედრას მოითხოვენ. თავდაპირველად ამის შესახებ იუსტიციის საბჭოს წევრმა, დიმიტრი გვრიტიშვილმა განაცხადა. მისი თქმით, პრემიერს, როგორც ქვეყნის უსაფრთხოებაზე პასუხისმგებელ პირველ პირს სთხოვეს შეხვედრა, რათა მიაწოდონ ფაქტები, რის შემდეგაც რეაგირებას დაელოდებიან. სანქცირებულმა მოსამართლემ, ლევან მურუსიძემ კი განმარტა, რომ აღმასრულებელი ხელისუფლება სასამართლოს მიტაცების მცდელობებზე საქმის კურსში უნდა ჩააყენონ. ლევან მურუსიძე ამტკიცებს, რომ პირადად მასთან წლების განმავლობაში მიდიოდნენ აშშ-ის საელჩოს წარმომადგენლები და ეუბნებოდნენ, იუსტიციის საბჭოში რომელი მოსამართლე იქნებოდა მათთვის სასურველი ან რა გადაწყვეტილება უნდა მიეღო საბჭოს, როდის უნდა გამართულიყო მოსამართლეთა კონფერენცია და სხვა. „არის მტკიცებულებებიც, მაქვს. შესაბამისად, როცა საჭიროდ ჩავთვლი (ჩარევები, როცა ხდებოდა საელჩოს მხრიდან), საზოგადოება ამას ნახავს…მე ვიმეორებ, აშშ-ის საელჩოს უნდა სასამართლოს ხელისუფლების მისაკუთრება“, − განაცხადა მურუსიძემ. პუბლიკა

[ლევან მურუსიძის] რეაქცია, რაც ჩვენ ვნახეთ, არის ზედმეტად ემოციური, იმიტომ, რომ ჩვენ გვაქვს ძალიან კარგი ურთიერთობა სასამართლო სისტემასთან, იუსტიციის სამინისტროსთან, - ასე გამოეხმაურა ტელეკომპანია „მთავართან“ ინტერვიუში ამერიკის შეერთებული შტატების ელჩი, კელი დეგნანი მოსამართლე ლევან მურუსიძის მიერ გაკეთებულ განცხადებას იმასთან დაკავშირებით, რომ ამერიკის შეერთებული შტატების მიერ სასამართლო სისტემაში ჩარევის მტკიცებულებები აქვს. როგორც დეგნანმა აღნიშნა, ოთხი მოსამართლე, რომელსაც აშშ-მა სანქციები დაუწესა, ხელს უშლის სხვა მოსამართლეებს სურვილში მართლმსაჯულება ჩარევის გარეშე აღასრულონ. „სანქციები, რაც გამოცხადდა არის მათ წინააღმდეგ, რომლებიც ჩართულები არიან კორუფციულ საქმიანობაში და ხელს უშლიან დამოუკიდებელი სასამართლო სისტემის მშენებლობას. მათ ეკრძალებათ ამერიკაში შესვლა. ეს მოითხოვება ამერიკის კანონმდებლობით. ჩვენ გვაქვს საკმარისი მტკიცებულება, რომ ეს ადამიანები ჩართული არიან კორუფციულ საქმიანობაში, ეს იყო გადამწყვეტი და სწორედ ამიტომ, გუშინ, ეს სანქციები გამოცხადდა. ეს ნაბიჯები მიღებულია საქართველოს სურვილის მხარდასაჭერად, რომ ჰქონდეს დამოუკიდებელი სასამართლო სისტემა. ეს არის პროცესის ნაწილი, რომელზეც საქართველო წლების განმავლობაში მუშაობდა და ამერიკა მხარს უჭერდა მას ამ ძალისხმევაში. ამერიკა ხელისუფლებასთან 4 ტალღის რეფორმაზე ძალიან კარგად მუშაობდა. შთამბეჭდავი პროგრესიც მიიღწა. თუმცა ბოლო წლებში ჩვენ ვნახეთ, რომ პოლიტიკური ნების ნაკლებობა იყო, რომ შინაარსიანი რეფორმები გაგრძელებულიყო, განხორციელებულიყო, რაც სასამართლო სისტემას ნამდვილად გახდიდა დამოუკიდებელ და გამჭვირვალე ინსტიტუტს. რეაქცია, რაც ჩვენ ვნახეთ, არის ზედმეტად ემოციური, იმიტომ, რომ ჩვენ გვაქვს ძალიან კარგი ურთიერთობა სასამართლო სისტემასთან, იუსტიციის სამინისტროსთან. წლების განმავლობაში ვეხმარებით საქართველოს გააუმჯობესონ ეფექტურობა, მოსამართლეების ტექნიკური უნარები, ვმუშაობთ მოსამართლეებთან. ძალიან ბევრ მოსამართლეს შევხვედრივარ, ისინი არიან შრომისმოყვარეები, პროფესიონალები, კეთილსინდისიერები და ერთგულები, რომ შეასრულონ თავიანთი საქმიანობა, აღასრულონ მართლმსაჯულება ჩარევის გარეშე, მათ ეს სურთ და მათ ამის შესაძლებლობა უნდა ჰქონდეთ. ეს ოთხი ადამიანი, სპეციფიკურ ინფორმაციაზე დაფუძნებით, რაც ჩვენ გვქონდა, ხელს უშლიდნენ ამ მოსამართლეებს ამ თავის სურვილში. ეს არ არის პოლიტიკურ პარტიაზე, არც ზოგადად სასამართლო სისტემაზე, ან ყველა მოსამართლეზე, ეს არის ოთხ კონკრეტულ პირზე, რომლებიც ხელის შემშლელები იყვნენ. აშშ-ის კანონმდებლობის მიხედვით ისინი ჩართულები იყვნენ კორუფციულ გარიგებებში და მათ არ აქვთ უფლება შემოვიდნენ აშშ-ში. რაც შეეხება კითხვას, ვინ შეიძლება იყოს შემდეგი, ჩვენ ჩვენს სანქციებს წინასწარ არ ვაანონსებთ. ჩვენ გავაგრძელებთ მუშაობს პარტნიორებსა და ხელისუფლებასთან კორუფციასთან ბრძოლის წინააღმდეგ. მოსახლეობაში არ უნდა არსებობდეს კითხვები სასამართლოს დამოუკიდებლობასა და მიკერძოებულობასთან დაკავშირებით“, - განაცხადა კელი დეგნანმა. რაც შეეხება მმართველი პარტიის განცხადებას, რომ შესაძლოა, მომავალში დადგეს დრო სატელეფონო საუბრების გასაჯაროების, დეგნანის თქმით, მას არაფერი აქვს დასამალი. „არ ვიცი რაზე საუბრობს, მე არაფერი მაქვს დასამალი. საუბრების მოსმენაზე ყველა ქართველი იქნება შეშფოთებული, იმიტომ, რომ მის სატელეფონო საუბრებს უსმენენ. მე არ ვიცი რაზე საუბრობს, თუმცა მე არაფერი მაქვს დასამალი“, - განაცხადა დეგნანმა. იპნ

ჩვენ რატომ ვართ დაბალი ღობე? - თან გვეუბნებიან, რომ პარტნიორი დამოუკიდებელი და სუვერენული ქვეყანა ვართ, - ასე ეხმიანება იუსტიციის უმაღლესი საბჭოს მოსამართლე წევრი დიმიტრი გვრიტიშვილი ამერიკის სახელმწიფო დეპარტამენტის მიერ მოსამართლეების დასანქცირების საკითხს. მისი თქმით, გაუგებარია, რა სტანდარტით მოქმედებს დემოკრატიის ფლაგმანი ქვეყანა, რომელსაც პრეტენზია აქვს, რომ უმაღლესი ხარისხის დემოკრატია აქვს, როცა მტკიცებულებების გარეშე პარტნიორი სახელმწიფოს მოქმედ მოსამართლეს კორუფციის უმძიმეს ბრალდებას სდებს. „უბრალოდ ინფორმაციის საფუძველზე შეიძლება დაგაბრალონ უმძიმესი კორუფციის ბრალდება და შემდეგ დაგიწესონ სანქცია. იგივე რომ გაეკეთებინა ამერიკის შეერთებულ შტატებში რომელიმე სახელმწიფოს წარმომადგენელს, ვთქვათ, საფრანგეთის ელჩს არ მოსწონებოდა ამერიკელი მოსამართლის გადაწყვეტილება და იგივე ბრალდება გაეჟღერებინა და საფრანგეთს აეკრძალა ამ მოსამართლისთვის საფრანგეთში შესვლა, რა რეაგირება მოჰყვებოდა ამას ამერიკის შეერთებულ შტატებში, ვიცით ხომ?! ჩვენ რატომ ვართ დაბალი ღობე? - თან გვეუბნებიან, რომ პარტნიორი დამოუკიდებელი და სუვერენული ქვეყანა ვართ. ამ კამპანიის საბოლოოს შედეგი არის ის, რომ სასამართლო ხელისუფლება დაემორჩილოს მათ“, - განაცხადა გვრიტიშვილმა. ინტერპრესნიუსი

მოსამართლე ლევან მურუსიძის განცხადებით, საქართველოში აშშ-ის ელჩი, კელი დეგნანი ცდილობდა გავლენა მოეხდინა მოსამართლეებზე, რათა შემდგომ ამ მოსამართლეებისგან სასამართლო სისტემაში დაპირისპირება მომხდარიყო. როგორც მან აღნიშნა, სანქციების დაწესება საელჩოს მხრიდან მორალური ტერორია. „ეს წლების განმავლობაში გრძელდება. რეალური მიზეზი არის სასამართლო ხელისუფლების ხელში ჩაგდება. დასაწყისში მცდელობები იყო ჯერ არასამთავრობო სექტორის მეშვეობით, შემდგომ ამაში ჩაერთნენ პოლიტიკური პარტიები, საერთაშორისო ორგანიზაციები, რომლებიც მიზანმიმართულად წერდნენ ე.წ. სასამართლო კლანზე და ამზადებდნენ პოზიციებს, მაგრამ აღნიშნულ შედეგს ვერ მიაღწიეს, ვერ მოხდა სასამართლოს ხელში ჩაგდება და მიტაცება. სრული პასუხისმგებლობით ვამბობ, საელჩოს ყოველთვის ჰქონდა მცდელობა, რომ სასამართლო სისტემა გაეკონტროლებინა. შესაბამისად, ეს გადაწყვეტილება მიიღეს. რატომ უნდა გაეკონტროლებინა სასამართლო სისტემა ამის მაგალითს მოგიყვანთ. ქალბატონი დეგნანი კონკრეტულ საქმეებზე რამდენჯერმე გამოდიოდა და ამბობდა, რომ სასამართლოს კონკრეტული გადაწყვეტილება მოცემულ საქმეზე არის უკანონო და არ არის დასაბუთებული. ჩემთვის ყოველთვის გასაკვირი იყო, ელჩი რატომ უნდა ერეოდეს კონკრეტულად საქმეებში, მაგრამ ზუსტად აქ ჩანდა მისი მიზანი. რეალურად, ამ დასანქცირებით, სასამართლო სისტემას გაეგზავნა მესიჯი და ეს მესიჯი მდგომარეობს შემდეგში - თუ მოსამართლეები არ გაითვალისწინებენ ელჩის და საელჩოს პოზიციებს კონკრეტულ საქმესთან დაკავშირებით და არ მიიღებს მოსამართლე იმ გადაწყვეტილებას, რაც ელჩისთვის არის მისაღები და რაც მის პოლიტიკას შეესაბამება, ყველას მოგექცევით ისე, როგორც მოვექეცით იმ მოსამართლეებს, რომლებიც დავასანქცირეთ. ამის მაგალითი არის ლაშა ჩხიკვაძის მაგალითი, რომელმაც კონკრეტულ საქმეზე გამოიტანა გადაწყვეტილება, მას შეხვდნენ აშშ-ის საელჩოს წარმომადგენლები, მოსთხოვეს კონკრეტულ საქმეზე ანგარიშის ჩაბარება და სანქციის სახით მის მიმართ გამოიყენეს ის, რომ აშშ-ში არ წაიყვანეს“, - განაცხადა მურუსიძემ. მისი თქმით, „ლაშა ჩხიკვაძის თემა არის უბრალოდ აისბერგის წვერი“, რადგან აშშ-ის საელჩოს წარმომადგენლები მასაც წლების განმავლობაში ხვდებოდნენ. „ჩემთან წლების განმავლობაში მოდიოდნენ აშშ-ის საელჩოს წარმომადგენლები და პირდაპირ მეუბნებოდნენ, რომ იუსტიციის უმაღლეს საბჭოში მათთვის სასურველი იქნებოდა ყოფილიყო ესა და ის მოსამართლე. იუსტიციის უმაღლესი საბჭოს მიერ მიღებული ყოფილიყო ესა და ის გადაწყვეტილება, კონფერენცია ჩატარებულიყო ამა და ამ დღეს, ამის მტკიცებულებებიც მაქვს. შესაბამისად, როცა ამას საჭიროდ ჩავთვლი, როდესაც კონკრეტული ჩარევები ხდებოდა აშშ-ს მხრიდან, საჭიროების შემთხვევაში საზოგადოება ამასაც ნახავს. დაასანქცირეს ოჯახის წევრები. რეალურად, ახლა ხდება მორალური ტერორი საელჩოს მხრიდან. ქალბატონი ელჩი დადიოდა სასამართლო სასამართლო, ხვდებოდა მოსამართლეებს, რაც მიმაჩნია, რომ წარმოუდგენელია. შესაბამისად, ცდილობდა მისი გავლენები მოეხდინა სათითაოდ მოსამართლეებზე და შემდგომ ამ მოსამართლეებისგან მომხდარიყო სასამართლო სისტემაში დაპირისპირება“,-განაცხადა მურუსიძემ. ინტერპრესნიუსი

აშშ-ს საელჩოს აქვს გამალებული მცდელობა, რომ მიიტაცოს სასამართლო ხელისუფლება. მნიშვნელოვანი არ არის ლევან მურუსიძეს სანქცია ექნება თუ არ ექნება, მნიშვნელოვანია, საქართველომ არ დაკარგოს სუვერენიტეტი და აშშ-ის საელჩომ არ მიიტაცოს სასამართლო სისტემა, ეს სხვათა შორის, მარტო ჩვენ ქვეყანაში არ ხდება სხვა ქვეყანაშიც ხორციელდება, – ამის შესახებ სააპელაციო სასამართლოს უვადო მოსამართლემ, ლევან მურუსიძემ იუსტიციის უმაღლესი საბჭოს სხდომაზე განაცხადა. როგორც ლევან მურუსიძემ აღნიშნა, აშშ-ს უნდა სასამართლო ხელისუფლების მისაკუთრება, ეს არის მესიჯი სასამართლო კორპუსის მიმართ. „როგორც ქალბატონი კელი დეგნანი იძახდა, რომ ეს გადაწყვეტილება არის უკანონო და დაუსაბუთებელი მრავალ გადაწყვეტილებაზე, მოსამართლეებს ეუბნებიან შემდეგს, ან მიიღებთ იმ გადაწყვეტილებას, რაც ჩვენთვის არის მისაღები, ან ისე მოგექცევით, როგორც ამ შემთხვევაში, კონკრეტულად ლევან მურუსიძეს. ეს არის ზეწოლა. ვერაფრით ვიფიქრებდი, რომ რეალურად, კორუფციის ბრალდებით, რომელზეც არავითარი ბრალდება არ არსებობს და ვერავინ დაამტკიცებს, რომ კორუფციას აქვს მოცემულ მომენტში ადგილი, აქედან გამომდინარე, რჩება ის, რომ ხდება მართლმსაჯულების მიტაცება. ქალბატონმა ელჩმა ბრძანა, მართლმსაჯულება არ არის ღამე განხორციელებული ზარები და ქრთამის მიცემაო. მოსამართლე გამოვიდა ფაქტობრივად, ადრე მეფისნაცვალი იყო ჩვენთან, იყო პერიოდი. თუ ელჩმა იცის, რომ ღამის ზარებს ახორციელებს ლევან მურუსიძე, ე.ი. მისმენენ ტელეფონზე. ამიტომ, ვთხოვ ქალბატონ ელჩს, თუ ტელეფონზე მისმენენ და მას აქვს ინფორმაცია, რომ ღამის ზარებს ვახორციელებ, გამოაქვეყნოს რა ზარებს ვახორციელებ დღე იქნება თუ ღამე. მთავარი ის კი არ არის სანქციას აშშ დაუწესებს თუ ევროკავშირი, ეს არის ჩემი პირადი პრობლემა. მე ამას თავს გავართმევ. მაგრამ მთავარი ის არის რომ გითხარით, აქ კორუფციაზე არ არის საუბარი. ვერავითარი მტკიცებულება ვერ იქნება წარმოდგენილი, რომ კორუფციას აქვს ადგილი. აშშ-ს საელჩოს აქვს გამალებული მცდელობა, რომ მიიტაცოს სასამართლო ხელისუფლება. დანარჩენი არ არის მნიშვნელოვანი, ლევან მურუსიძეს სანქცია ექნება თუ არ ექნება. მნიშვნელოვანია, რომ საქართველომ არ დაკარგოს სუვერენიტეტი და აშშ-ის საელჩომ არ მიიტაცოს სასამართლო სისტემა, ეს სხვათა შორის, მარტო ჩვენს ქვეყანაში არ ხდება სხვა ქვეყანაშიც ხორციელდება“, – განაცხადა ლევან მურუსიძემ. 1tv

ინფორმაცია, თითქოს გამგეობამ, კეთილმოწყობის სამუშაოების შედეგად, გარდაცვლილი მოზარდის საქმესთან დაკავშირებული მტკიცებულებების განადგურება სცადა, სრული სიცრუეა, – ამის შესახებ თბილისის მერიის განცხადებაშია ნათქვამი. „გვსურს, გამოვეხმაუროთ გავრცელებულ ინფორმაციას, რომ საბურთალოს რაიონის გამგეობის მიერ ჩატარებულმა სამუშაოებმა თითქოს გამოიწვია 12 წლის მოზარდის გარდაცვალების საქმისთვის საკვანძო მნიშვნელობის მტკიცებულებების განადგურება. სრული პასუხისმგებლობით ვაცხადებთ, რომ პეტრიწის ქუჩა #12-ის მიმდებარე ტერიტორიაზე გადაადგილება იყო სრულიად შეუზღუდავი და არ იყო შემოსაზღვრული სპეციალური ნიშნით. რაც შეეხება საბურთალოს რაიონის გამგეობის მიერ ჩატარებულ სამუშაოს, 4 აპრილს დიდ დიღომში, გიორგი ბრწყინვალეს ქუჩაზე მდებარე კოლეჯის, 186-ე საჯარო სკოლისა და „ლელო არენას“ ორივე მხარეს, ბილიკების მიმდებარედ დაიწყო გაველურებული ხე-მცენარეებისა და ეკალ-ბარდების სხვლა-ფორმირება. მსგავსი სამუშაოები ასევე ჩატარდა პეტრიწის ქუჩა N12 კორპუსის მიმდებარედ არსებულ ე.წ. წითელ ხაზებში, რადგან კორპუსის ამხანაგობის მხრიდან შემოსული იყო წერილი ტერიტორიის მოწესრიგების მოთხოვნით. ამასთან, ანალოგიური მოთხოვნა გავრცელდა სოციალურ ქსელ „ფეისბუქის“ ერთ-ერთ საჯარო ჯგუფში, რომელიც დიდი დიღმის მცხოვრებლებს აერთიანებს. ხე-მცენარეების სხვლა-ფორმირება საბურთალოს რაიონის გამგეობის მიერ დიდ დიღომში, ჯამში, დაახლოებით, კილომეტრიან მონაკვეთზე განხორციელდა. კიდევ ერთხელ ვიმეორებთ, პეტრიწის ქუჩა #12-ის მიმდებარედ არსებულ მონაკვეთზე საგამოძიებო მოქმედებების შესაძლო მიმდინარეობის არანაირი ნიშანი არ არსებობდა. შესაბამისად, ინფორმაცია იმის შესახებ, თითქოს გამგეობამ კეთილმოწყობის სამუშაოების შედეგად გარდაცვლილი მოზარდის საქმესთან დაკავშირებული მტკიცებულებების განადგურება სცადა, არის სრული სიცრუე“, – ნათქვამია თბილისის მერიის განცხადებაში.

საქართველოს საგარეო საქმეთა მინისტრი ილია დარჩიაშვილი ამერიკის შეერთებული შტატების სახელმწიფო მდივანს, ენტონი ბლინკენს წერილით მიმართავს. „ქართველი ხალხის და საქართველოს მთავრობის სახელით, გიდასტურებთ ღრმა პატივისცემას და საქართველოსა და ამერიკის შეერთებული შტატების სტრატეგიული პარტნიორობისადმი ერთგულებას. როგორც შევიტყვეთ, აშშ-ის სახელმწიფო დეპარტამენტმა მიიღო გადაწყვეტილება დამოუკიდებელი ქართული სასამართლო სისტემის სამი მოქმედი და ერთი ყოფილი მოსამართლის სანქცირებასთან დაკავშირებით. პირველ რიგში, მსურს, შეგახსენოთ ის უმძიმესი მემკვიდრეობა, რომელიც „ქართულ ოცნებას“ დახვდა სასამართლო სისტემაში 2012 წელს, ხელისუფლებაში მოსვლის დროს. რეალობა იყო უმძიმესი: სასამართლო პროკურატურის დანაყოფად და ავტორიტარული რეჟიმის რეპრესიული მანქანის ერთ-ერთ მორიგ რგოლად იყო ქცეული, 99 პროცენტს აღემატებოდა გამამტყუნებელი განაჩენების მაჩვენებელი, გასამართლებული იყო 300 ათასი მოქალაქე, ელიტური კორუფცია მოიცავდა როგორც სასამართლოს, ისე სხვა სფეროებსაც, ხელისუფლება ჩადიოდა სისტემურ დანაშაულს. უსამართლო და რეპრესიული სასამართლო სისტემის პირობებში 25 ათასს მიაღწია პატიმრების რაოდენობამ ციხეებში, სადაც დანერგილი იყო პატიმრების წამებისა და არაადამიანური მოპყრობის სისტემური პრაქტიკა. შედეგად, უპრეცედენტოდ მაღალი იყო პატიმრების სიკვდილიანობის მაჩვენებელი. ხელისუფლებაში „ქართული ოცნების“ მოსვლის შემდეგ ციხეებში პატიმრების რაოდენობა – 2,5-ჯერ, სიკვდილიანობის მაჩვენებელი კი ათჯერ შემცირდა. გარდა ამისა, ხელისუფლებაში „ქართული ოცნების“ მოსვლის შემდეგ სამჯერ შემცირდა სასამართლოების მიერ წინასწარი პატიმრობის შეფარდების მაჩვენებელი, სამჯერ შემცირდა ადმინისტრაციული პატიმრობის შეფარდების მაჩვენებელი, განახევრდა საგამოძიებო მოქმედებებზე შუამდგომლობების დაკმაყოფილების მაჩვენებელი, ოცჯერ შემცირდა გირაოს შეფარდების მაჩვენებელი, ხუთჯერ შემცირდა ჯარიმების შეფარდების მაჩვენებელი და ა.შ. წინა ხელისუფლების და მისი სასამართლო სისტემის პირობებში ქართველი ხალხი საქართველოში სამართალს ვერ პოულობდა და იძულებული იყო, ადამიანის უფლებათა ევროპული სასამართლოსთვის მიემართა. 2004-2012 წლებში სტრასბურგის სასამართლოში საქართველოს მოქალაქეების 5416 საჩივარი შევიდა. შედარებისთვის, 2013-2022 წლებში ეს მაჩვენებელი მხოლოდ 1132-ს შეადგენდა. 2009-2012 წლებში ევროპული სასამართლო განიხილავდა საქართველოს წინააღმდეგ შეტანილ 4000-მდე საჩივარს. 2023 წლის მონაცემებით, სტრასბურგის სასამართლოში განიხილება საქართველოს წინააღმდეგ შეტანილი მხოლოდ 147 საჩივარი, რაც ევროპის საბჭოს წევრობის განმავლობაში საქართველოს საუკეთესო მაჩვენებელია. აღსანიშნავია, რომ წინა ხელისუფლების პერიოდში სასამართლოს დანაშაულებრივი სისტემის ძირითადი შემოქმედები და არქიტექტორები – მიხეილ სააკაშვილი და ზურაბ ადეიშვილი არ იყვნენ სანქცირებული არცერთი ქვეყნის მიერ და მეტიც, სამწუხაროდ, ისინი ხელშეუხებლობის კონკრეტული გარანტიებით სარგებლობდნენ ან დღემდე სარგებლობენ. სტრასბურგის სასამართლოში საჩივრების მკვეთრი კლება, ისევე, როგორც ზემოაღნიშნული სტატისტიკა ნათელი დასტურია იმისა, რომ 2012 წლის შემდეგ სასამართლო სისტემაში სისტემური პრობლემები აღმოიფხვრა, რაც შესაბამისი პოლიტიკური ნებისა და „ქართული ოცნების“ ხელისუფლების მიერ გატარებული ფუნდამენტური სასამართლო რეფორმის ოთხი ტალღის შედეგია. საქართველოს მოქალაქეებს საკუთარი უფლებების ეფექტიანი დაცვა დღეს ქვეყნის შიგნითაც შეუძლიათ. მართლმსაჯულების სისტემა გახდა ქმედითი და დღეს ის უფლებების დაცვის ეფექტურ შესაძლებლობას იძლევა. ხელისუფლებამ არაერთგზის მიმართა საქართველოს მოქმედი სასამართლო სისტემის კრიტიკოსებს მოწოდებით, წარმოედგინათ კონკრეტული სასამართლო საქმეები, რომლებიც, მათი აზრით, უსამართლოდ გადაწყდა. თუმცა, კრიტიკოსებმა დღემდე ვერცერთი ასეთი საქმე ვერ წარმოადგინეს. სასამართლო სისტემის კრიტიკოსების არაობიექტურობის ნათელი მაგალითია სტრასბურგის სასამართლოს გადაწყვეტილება ტელეკომპანია „რუსთავი 2“-ის საქმესთან დაკავშირებით. გადაწყვეტილებით დასტურდება, რომ, პირიქით, სასამართლოზე ხორციელდებოდა ზეწოლა „რუსთავი 2“-ის მაშინდელი გენერალური დირექტორის, ნიკა გვარამიას მხრიდან. გადაწყვეტილებაში აღნიშნულია, რომ „რუსთავი 2“-ის გენერალური დირექტორის მხრიდან საქმის მოსამართლის მისამართით „განხორციელებული უსაფუძვლო მედიაშეტევები შეიძლება, განხილული იყოს, როგორც მოსამართლის გადაწყვეტილებაზე გავლენის მოხდენის შეუფერებელი მცდელობა და აღნიშნულმა შეტევებმა, ზოგადად, წვლილი შეიძლება, შეიტანოს სასამართლო ხელისუფლების ავტორიტეტის შელახვაში“. გვინდა, შეგახსენოთ, რომ „რუსთავი 2“-ის საქმესთან დაკავშირებით სასამართლოს რეპუტაციის შელახვის მცდელობაში აქტიურად იყვნენ ჩართული ოპოზიციური პარტიებისა და არასამთავრობო ორგანიზაციების წარმომადგენლები, ოპოზიციის საკუთრებაში არსებული მედიასაშუალებები, ყოფილი პრეზიდენტი, ყოფილი სახალხო დამცველი, ისევე, როგორც დიპლომატიური კორპუსის ცალკეული წარმომადგენლები. ქართული სასამართლო მოსახლეობაში და საერთაშორისო კვლევებში აღიქმება, როგორც ერთ-ერთი მოწინავე. IPSOS FRANCE-ის კვლევის („სასამართლო რეფორმების შეფასება საქართველოში“) მიხედვით, საქართველოს მოსახლეობის 55% ფიქრობს, რომ სასამართლო არის სამართლიანი, 52% ფიქრობს, რომ სასამართლო არის სანდო და 51% ფიქრობს, რომ სასამართლო არის დამოუკიდებელი. ხელისუფლების ათწლიანი მუშაობისა და გატარებული რეფორმების შედეგად, საქართველო საერთაშორისო რეიტინგებში მოწინავე ადგილებს იკავებს. „მსოფლიოს მართლმსაჯულების პროექტის“ კანონის უზენაესობის 2022 წლის ინდექსში საქართველო პირველ ადგილზეა აღმოსავლეთ ევროპასა და ცენტრალური აზიის რეგიონში. 2022 წლის კორუფციის აღქმის ინდექსით, საქართველო ლიდერობს აღმოსავლეთ ევროპისა და ცენტრალურ აზიის რეგიონში. პირველად ინდექსის ისტორიაში, ევროპის საუკეთესო ოცეულშია და ევროკავშირის წევრ 11 ქვეყანას უსწრებს. ამავდროულად, გრძელდება სასამართლო რეფორმაზე მუშაობა ვენეციის კომისიასთან ერთად იმისთვის, რომ სასამართლოს დამოუკიდებლობა და გამჭვირვალობა კიდევ უფრო განმტკიცდეს და კანონმდებლობა კიდევ უფრო სრულყოფილი გახდეს. ამიტომ, ამ რეალობის გათვალისწინებით, სრულიად გაუგებარი და მიუღებელია აშშ-ის სახელმწიფო დეპარტამენტის გადაწყვეტილება მოსამართლეთა სანქცირების შესახებ, რომელიც ყოველგვარი მტკიცებულების წარმოდგენის გარეშე გასაჯაროვდა. იმედს გამოვთქვამთ, რომ სახელმწიფო დეპარტამენტი წარმოადგენს შესაბამის მტკიცებულებებს ან გადახედავს თავის გადაწყვეტილებას. სხვა შემთხვევაში, საქართველოს სახელმწიფოსა და ქართველი ხალხის მხრიდან აღნიშნული აღიქმება, როგორც სუვერენული სახელმწიფოს დამოუკიდებელ სასამართლოზე ზეწოლა და მის საქმიანობაში უხეში ჩარევა, რაც საქართველოსა და აშშ-ის ორმხრივ მრავალწლიან მეგობრულ ურთიერთობებს დააზიანებს“, – ნათქვამია ენტონი ბლინკენისადმი გაგზავნილ ილია დარჩიაშვილის წერილში, რომელსაც საქართველოს საგარეო საქმეთა სამინისტრო ავრცელებს.

იმედს გამოვთქვამთ, სახელმწიფო დეპარტამენტი წარმოადგენს შესაბამის მტკიცებულებებს ან გადახედავს თავის გადაწყვეტილებას, სხვა შემთხვევაში, საქართველოს სახელმწიფოსა და ქართველი ხალხის მხრიდან აღნიშნული აღიქმება, როგორც სუვერენული სახელმწიფოს დამოუკიდებელ სასამართლოზე ზეწოლა და მის საქმიანობაში უხეში ჩარევა, რაც საქართველოსა და აშშ-ის მრავალწლიან მეგობრულ ურთიერთობებს დააზიანებს, – ამის შესახებ საქართველოს საგარეო საქმეთა მინისტრის, ილია დარჩიაშვილი მიერ ამერიკის შეერთებული შტატების სახელმწიფო მდივნის, ენტონი ბლინკენისადმი გაგზავნილ წერილია ნათქვამი. „ქართველი ხალხის და საქართველოს მთავრობის სახელით, გიდასტურებთ ღრმა პატივისცემას და საქართველოსა და ამერიკის შეერთებული შტატების სტრატეგიული პარტნიორობისადმი ერთგულებას. როგორც შევიტყვეთ, აშშ-ის სახელმწიფო დეპარტამენტმა მიიღო გადაწყვეტილება დამოუკიდებელი ქართული სასამართლო სისტემის სამი მოქმედი და ერთი ყოფილი მოსამართლის სანქცირებასთან დაკავშირებით. პირველ რიგში, მსურს, შეგახსენოთ ის უმძიმესი მემკვიდრეობა, რომელიც „ქართულ ოცნებას“ დახვდა სასამართლო სისტემაში 2012 წელს, ხელისუფლებაში მოსვლის დროს. რეალობა იყო უმძიმესი: სასამართლო პროკურატურის დანაყოფად და ავტორიტარული რეჟიმის რეპრესიული მანქანის ერთ-ერთ მორიგ რგოლად იყო ქცეული, 99 პროცენტს აღემატებოდა გამამტყუნებელი განაჩენების მაჩვენებელი, გასამართლებული იყო 300 ათასი მოქალაქე, ელიტური კორუფცია მოიცავდა როგორც სასამართლოს, ისე სხვა სფეროებსაც, ხელისუფლება ჩადიოდა სისტემურ დანაშაულს. უსამართლო და რეპრესიული სასამართლო სისტემის პირობებში 25 ათასს მიაღწია პატიმრების რაოდენობამ ციხეებში, სადაც დანერგილი იყო პატიმრების წამებისა და არაადამიანური მოპყრობის სისტემური პრაქტიკა. შედეგად, უპრეცედენტოდ მაღალი იყო პატიმრების სიკვდილიანობის მაჩვენებელი. ხელისუფლებაში „ქართული ოცნების“ მოსვლის შემდეგ ციხეებში პატიმრების რაოდენობა – 2,5-ჯერ, სიკვდილიანობის მაჩვენებელი კი ათჯერ შემცირდა. გარდა ამისა, ხელისუფლებაში „ქართული ოცნების“ მოსვლის შემდეგ სამჯერ შემცირდა სასამართლოების მიერ წინასწარი პატიმრობის შეფარდების მაჩვენებელი, სამჯერ შემცირდა ადმინისტრაციული პატიმრობის შეფარდების მაჩვენებელი, განახევრდა საგამოძიებო მოქმედებებზე შუამდგომლობების დაკმაყოფილების მაჩვენებელი, ოცჯერ შემცირდა გირაოს შეფარდების მაჩვენებელი, ხუთჯერ შემცირდა ჯარიმების შეფარდების მაჩვენებელი და ა.შ.“ – წერს ილია დარჩიაშვილი ენტონი ბლინკენისადმი გაგზავნილ წერილში მისივე თქმით, წინა ხელისუფლების და მისი სასამართლო სისტემის პირობებში, ქართველი ხალხი საქართველოში სამართალს ვერ პოულობდა და იძულებული იყო, ადამიანის უფლებათა ევროპული სასამართლოსთვის მიემართა. „2004-2012 წლებში სტრასბურგის სასამართლოში საქართველოს მოქალაქეების 5416 საჩივარი შევიდა. შედარებისთვის, 2013-2022 წლებში ეს მაჩვენებელი მხოლოდ 1132-ს შეადგენდა. 2009-2012 წლებში ევროპული სასამართლო განიხილავდა საქართველოს წინააღმდეგ შეტანილ 4000-მდე საჩივარს. 2023 წლის მონაცემებით, სტრასბურგის სასამართლოში განიხილება საქართველოს წინააღმდეგ შეტანილი მხოლოდ 147 საჩივარი, რაც ევროპის საბჭოს წევრობის განმავლობაში საქართველოს საუკეთესო მაჩვენებელია. აღსანიშნავია, რომ წინა ხელისუფლების პერიოდში სასამართლოს დანაშაულებრივი სისტემის ძირითადი შემოქმედები და არქიტექტორები – მიხეილ სააკაშვილი და ზურაბ ადეიშვილი არ იყვნენ სანქცირებული არცერთი ქვეყნის მიერ და მეტიც, სამწუხაროდ, ისინი ხელშეუხებლობის კონკრეტული გარანტიებით სარგებლობდნენ ან დღემდე სარგებლობენ. სტრასბურგის სასამართლოში საჩივრების მკვეთრი კლება, ისევე როგორც ზემოაღნიშნული სტატისტიკა ნათელი დასტურია იმისა, რომ 2012 წლის შემდეგ სასამართლო სისტემაში სისტემური პრობლემები აღმოიფხვრა, რაც შესაბამისი პოლიტიკური ნებისა და „ქართული ოცნების“ ხელისუფლების მიერ გატარებული ფუნდამენტური სასამართლო რეფორმის ოთხი ტალღის შედეგია. საქართველოს მოქალაქეებს საკუთარი უფლებების ეფექტიანი დაცვა დღეს ქვეყნის შიგნითაც შეუძლიათ. მართლმსაჯულების სისტემა გახდა ქმედითი და დღეს ის უფლებების დაცვის ეფექტურ შესაძლებლობას იძლევა. ხელისუფლებამ არაერთგზის მიმართა საქართველოს მოქმედი სასამართლო სისტემის კრიტიკოსებს მოწოდებით, წარმოედგინათ კონკრეტული სასამართლო საქმეები, რომლებიც, მათი აზრით, უსამართლოდ გადაწყდა. თუმცა, კრიტიკოსებმა დღემდე ვერცერთი ასეთი საქმე ვერ წარმოადგინეს. სასამართლო სისტემის კრიტიკოსების არაობიექტურობის ნათელი მაგალითია სტრასბურგის სასამართლოს გადაწყვეტილება ტელეკომპანია „რუსთავი 2“-ის საქმესთან დაკავშირებით. გადაწყვეტილებით დასტურდება, რომ, პირიქით, სასამართლოზე ხორციელდებოდა ზეწოლა „რუსთავი 2“-ის მაშინდელი გენერალური დირექტორის, ნიკა გვარამიას მხრიდან. გადაწყვეტილებაში აღნიშნულია, რომ „რუსთავი 2“-ის გენერალური დირექტორის მხრიდან საქმის მოსამართლის მისამართით „განხორციელებული უსაფუძვლო მედიაშეტევები შეიძლება, განხილული იყოს, როგორც მოსამართლის გადაწყვეტილებაზე გავლენის მოხდენის შეუფერებელი მცდელობა და აღნიშნულმა შეტევებმა, ზოგადად, წვლილი შეიძლება, შეიტანოს სასამართლო ხელისუფლების ავტორიტეტის შელახვაში“. გვინდა, შეგახსენოთ, რომ „რუსთავი 2“-ის საქმესთან დაკავშირებით სასამართლოს რეპუტაციის შელახვის მცდელობაში აქტიურად იყვნენ ჩართული ოპოზიციური პარტიებისა და არასამთავრობო ორგანიზაციების წარმომადგენლები, ოპოზიციის საკუთრებაში არსებული მედიასაშუალებები, ყოფილი პრეზიდენტი, ყოფილი სახალხო დამცველი, ისევე როგორც დიპლომატიური კორპუსის ცალკეული წარმომადგენლები. ქართული სასამართლო მოსახლეობაში და საერთაშორისო კვლევებში აღიქმება, როგორც ერთ-ერთი მოწინავე. IPSOS FRANCE-ის კვლევის („სასამართლო რეფორმების შეფასება საქართველოში“) მიხედვით, საქართველოს მოსახლეობის 55% ფიქრობს, რომ სასამართლო არის სამართლიანი, 52% ფიქრობს, რომ სასამართლო არის სანდო და 51% ფიქრობს, რომ სასამართლო არის დამოუკიდებელი. ხელისუფლების ათწლიანი მუშაობისა და გატარებული რეფორმების შედეგად, საქართველო საერთაშორისო რეიტინგებში მოწინავე ადგილებს იკავებს. „მსოფლიოს მართლმსაჯულების პროექტის“ კანონის უზენაესობის 2022 წლის ინდექსში საქართველო პირველ ადგილზეა აღმოსავლეთ ევროპასა და ცენტრალური აზიის რეგიონში. 2022 წლის კორუფციის აღქმის ინდექსით, საქართველო ლიდერობს აღმოსავლეთ ევროპისა და ცენტრალურ აზიის რეგიონში. პირველად ინდექსის ისტორიაში, ევროპის საუკეთესო ოცეულშია და ევროკავშირის წევრ 11 ქვეყანას უსწრებს“, – აღნიშნულია ილია დარჩიაშვილის წერილში. საქართველოს საგარეო საქმეთა მინისტრი ასევე აცხადებს, რომ ამავდროულად, გრძელდება სასამართლო რეფორმაზე მუშაობა ვენეციის კომისიასთან ერთად, რათა სასამართლოს დამოუკიდებლობა და გამჭვირვალობა კიდევ უფრო განმტკიცდეს და კანონმდებლობა კიდევ უფრო სრულყოფილი გახდეს. „ამიტომ, ამ რეალობის გათვალისწინებით, სრულიად გაუგებარი და მიუღებელია აშშ-ის სახელმწიფო დეპარტამენტის გადაწყვეტილება მოსამართლეთა სანქცირების შესახებ, რომელიც ყოველგვარი მტკიცებულების წარმოდგენის გარეშე გასაჯაროვდა. იმედს გამოვთქვამთ, რომ სახელმწიფო დეპარტამენტი წარმოადგენს შესაბამის მტკიცებულებებს ან გადახედავს თავის გადაწყვეტილებას. სხვა შემთხვევაში, საქართველოს სახელმწიფოსა და ქართველი ხალხის მხრიდან აღნიშნული აღიქმება, როგორც სუვერენული სახელმწიფოს დამოუკიდებელ სასამართლოზე ზეწოლა და მის საქმიანობაში უხეში ჩარევა, რაც საქართველოსა და აშშ-ის ორმხრივ მრავალწლიან მეგობრულ ურთიერთობებს დააზიანებს“, – ნათქვამია ენტონი ბლინკენისადმი გაგზავნილ ილია დარჩიაშვილის წერილში, რომელსაც საქართველოს საგარეო საქმეთა სამინისტრო ავრცელებს. 1ტვ

დასანქცირებით სასამართლო სისტემას გაეგზავნა მესიჯი, თუ მოსამართლეები კონკრეტულ საქმესთან დაკავშირებით არ გაითვალისწინებენ ელჩისა და საელჩოს პოზიციებს, არ მიიღებენ იმ გადაწყვეტილებას, რაც ელჩისთვის არის მისაღები, ყველას მოგექცევით ისე, როგორც მოვექეცით იმ მოსამართლეებს, რომლებიც დავასანქცირეთ, – ამის შესახებ საქართველოს იუსტიციის უმაღლესი საბჭოს წევრმა, სააპელაციო სასამართლოს ადმინისტრაციულ საქმეთა პალატის უვადო მოსამართლემ, ლევან მურუსიძემ იუსტიციის უმაღლესი საბჭოს სხდომაზე განაცხადა. როგორც ლევან მურუსიძემ აღნიშნა, კორუფცია არის შირმა, აპრობირებული მეთოდი, რომლითაც ხდება გარკვეული მიზნის მიღწევა. „მე მოგახსენებთ, რა არის რეალური მიზეზი, რის გამოც მოხდა მოსამართლეზე კორუფციის ბრალდების დაბრალება. არის თითიდან გამოწოვილი. შესაბამისად, ვერ წარმოადგენენ ვერანაირ მტკიცებულებებს ამასთან დაკავშირებით. რა არის ნამდვილი მიზეზი, ეს გრძელდება წლების განმავლობაში და რეალური მიზეზი არის სასამართლო ხელისუფლების ხელში ჩაგდება, რომლის მცდელობები დასაწყისში იყო არასამთავრობო სექტორის მეშვეობით. შემდგომ ამაში ჩაერთნენ პოლიტიკური პარტიები, შემდგომ იყო საერთაშორისო ორგანიზაციები, რომლებიც მიზანმიმართულად წერდნენ ე.წ. სასამართლო კლანზე და ამზადებდნენ პოზიციებს, მაგრამ აღნიშნული შედეგი რომ ვერ იქნა მიღწეული, რომ ვერ მოხდა სასამართლოს ხელში ჩაგდება და მიტაცება, რადგან საელჩოს ჰქონდა მცდელობა, გაეკონტროლებინა სასამართლო სისტემა, შესაბამისად, მიიღეს ეს გადაწყვეტილება. ახლა რატომ უნდა გაეკონტროლებინა სასამართლო სისტემა, ამას გეტყვით და მოგიყვანთ მაგალითს. იცით, რომ ქალბატონი დეგნანი, კონკრეტულ საქმეზე რამდენჯერმე გამოვიდა და იძახდა, რომ კონკრეტული გადაწყვეტილება, მოცემულ საქმეზე არის უკანონო და არ არის დასაბუთებული. ჯერ ერთი ჩემთვის გასაკვირი იყო, ელჩი რატომ უნდა ერეოდეს კონკრეტულად საქმეებში. აქ ჩანდა მისი მიზანი. რეალურად, ამ დასანქცირებით სასამართლო სისტემას გაეგზავნა მესიჯი და ეს არის შემდეგში: თუ მოსამართლეები არ გაითვალისწინებენ ელჩის და საელჩოს პოზიციებს კონკრეტულ საქმესთან დაკავშირებით და არ მიიღებს მოსამართლე იმ გადაწყვეტილებას, რაც ელჩისთვის არის მისაღები, რაც შეესაბამება მის პოლიტიკას, ყველას მოგექცევით ისე, როგორც მოვექეცით იმ მოსამართლეებს, რომლებიც დავასანქცირეთ. ეს არის ცალსახა. ასევე არის ლაშა ჩხიკვაძის მაგალითი, რომელმაც კონკრეტულ საქმეზე გამოიტანა გადაწყვეტილება. მას შეხვდნენ ამერიკის საელჩოს წარმომადგენლები, მოსთხოვეს კონკრეტულ საქმეზე ანგარიშის ჩაბარება და სანქციის სახით მის მიმართ გამოიყენეს ის, რომ არ წაიყვანეს აშშ-ში. მეტსაც გეტყვით, ამას რომ მოჰყვა სოლიდარობა სხვა მოსამართლეების მხრიდან, იყო შემთხვევები, რომ პირდაპირ ზეწოლას ახდენდნენ, აბულინგებდნენ, როგორ გაბედა მოსამართლემ, რომ მხარი დაუჭირა ლაშა ჩხიკვაძეს, როგორც გაბედა და შეუერთდა მის პოზიციას. ლაშა ჩხიკვაძის თემა არის აისბერგის წვერი. პირადად ჩემთან წლების განმავლობაში მოდიოდნენ ამერიკის საელჩოს წარმომადგენლები და მეუბნებოდნენ, რომ მათთვის სასურველი იქნებოდა, იუსტიციის უმაღლეს საბჭოში ყოფილიყო ესა და ეს მოსამართლე. იუსტიციის უმაღლესი საბჭოს მიერ მიღებული ყოფილიყო ესა და ეს გადაწყვეტილება. კონფერენცია ჩატარებულიყო ამა და ამ დღეს. ამის მტკიცებულებებიც მაქვს. შესაბამისად, როცა ამას საჭიროდ ჩავთვლი, ეს კონკრეტული ჩარევები როდესაც ხდებოდა საელჩოს მხრიდან, ამასაც საჭიროების შემთხვევაში საზოგადოება ნახავს“, – განაცხადა მურუსიძემ.

მე წინასწარმეტყველი არ ვარ, სხვის ნაცვლად რაიმეს ვერ ვიწინასწარმეტყველებ, ყველაფერს სჭირდება ლოგიკა, არგუმენტი, ვერ ვისაუბრებ ვერავის სახელით,- ასე პასუხობს იურიდიულ საკითხთა კომიტეტის თავმჯდომარე ანრი ოხანაშვილი კითხვას, ელოდება თუ არა, რომ სანქციები გაგრძელდება და შესაძლოა, ის გავრცელდეს, მათ შორის პოლიტიკოსებზეც. მისი თქმით, საინტერესოა, რა წყაროებზე დაყრდნობით ხდება ინფორმაციის მიწოდება, რამდენად ობიექტურია ეს წყარო და რა მტკიცებულებებზეა საუბარი, რაზე დაყრდნობითაც სანქცირების გადაწყვეტილება მიიღეს. ოხანაშვილის თქმით, „ძალიან საინტერესო პროცესები გველოდება, საინტერესო პროცესების მონაწილენი ვიქნებით". მისი თქმით, მათ ექნებათ კომუნიკაცია პარტნიორთან, რის შემდეგაც საზოგადოებას მიაწვდიან "ბევრ და საინტერესო ინფორმაციას". „ეს არის უპრეცედენტო გადაწყვეტილება, ფაქტობრივად ამით ბრალს უყენებენ სასამართლო სისტემაში ცალკეულ მოსამართლეებს. ეს რა თქმა უნდა, ნეგატიურად აისახება სასამართლოს რეპუტაციაზე, ამიტომ ამ ყველაფერს უნდა მოეფინოს ნათელი. ჩვენ გვექნება კომუნიკაცია ჩვენს პარტნიორებთან, ვინაიდან პარტნიორებთან და მეგობრებთან ამ ფორმით საუბარი არავის არაფერში არ წაადგება, როცა სანქციების ენით ესაუბრებიან ხელისუფლების რომელიმე შტოს. აქედან გამომდინარე გვექნება კომუნიკაცია, რა თქმა უნდა ყველაფერს ნათელი უნდა მოეფინოს და ყველაფერს გავაკეთებთ იმისთვის, რომ ცნობილი იყოს, ვისი მხრიდან იქნა მიწოდებული ინფორმაცია, რა ინფორმაციაზე დაყრდნობით მოხდა კონკრეტული გადაწყვეტილების მიღება. ეს ყველაფერი საზოგადოებისთვის უნდა იყოს ნათელი და გამჭვირვალე. ამ კომუნიკაციის შედეგად გვაქვს ბევრი სხვადასხვა მექანიზმი იმისთვის, რომ ყველაფერი იყოს გამჭვირვალე და ცხადი ხალხისთვის. უსამართლობა არის მძიმე რამ, როცა ადამიანს რაღაც არ აქვს ჩადენილი, ბრალი წარუდგინო, ამიტომ რასთან გვაქვს საქმე ყველას გვაინტერესებს. ჩვენ გვექნება კომუნიკაცია, არსებობს ბევრი სხვადასხვა ფორმატი კომუნიკაციის. ჩვენი ამოცანაა, ყველაფერი იყოს საჯარო და ნათელი, რომ რაიმე სპეკულაციის სივრცე არ დარჩეს, ჩვენ ყველას, პარლამენტის წევრებს, ჟურნალისტებს, ჩვენს საზოგადოებას აქვს სრული უფლება იცოდეს სიმართლე, რა მტკიცებულებებია, თუ არის მტკიცებულებები, თუ დანაშაულთან გვაქვს საქმე ამას შესაბამისი სამართლებრივი პროცედურა სჭირდება, ამიტომ პირველ რიგში საჭიროა კომუნიკაცია, რა ფორმით, როგორ ამ ეტაპზე არ გაგიზიარებთ. ჩვენს საზოგადოებას და ჩვენ ყველას, გვაქვს უფლება ვიცოდეთ იმაზე მეტი, ვიდრე გავიგეთ. როცა საუბარია სახელისუფლებო შტოს წარმომადგენლების სანქცირებაზე, ეს უპრეცედენტო არის. 2012 წლამდე, როცა სტრასბურგის სასამართლოს მიერ მიღებული გადაწყვეტილებებით, სასამართლო სისტემა იყო უმძიმეს მდგომარეობაში, პულსი არ ესინჯებოდა, მაშინ არ განხორციელებულა ასეთი მძიმე ქმედება. შესაბამისად, ჩნდება კითხვები, მოლოდინიც გვაქვს ლეგიტიმური, ეს ასე არ ჩაივლის, ამას სჭირდება კონკრეტული მტკიცებულება, საკითხების გაშლა, ჩვენ მზად ვარ საპარლამენტო მანდატის ფარგლებში ყველა საკითხზე ვისაუბროთ. პირველ რიგში საჭიროა პარტნიორთან კომუნიკაცია, ამის შემდეგ ჩვენ საზოგადოებას მივაწვდით ბევრ და საინტერესო ინფორმაციას,"- განაცხადა ოხანაშვილმა.

ვფიქრობ, ისინი ამაზე არ შეჩერდებიან, ხან, ვფიქრობ, რომ შეიძლება სიცოცხლის მოსპობაზეც წავიდნენ, - ამის შესახებ მოსამართლე ლევან მურუსიძემ განაცხადა, რითაც აშშ-ის სახელმწიფო დეპარტამენტის გადაწყვეტილებას გამოეხმაურა მისი და კიდევ სამი მოსამართლის დასანქცირების შესახებ. როგორც მან აღნიშნა, ამერიკის შეერთებული შტატების საელჩოს უნდა სასამართლო ხელისუფლების მისაკუთრება. „ისე მიდის სიტუაცია, რომ ის მიზანი, რასაც სანქციები ითვალისწინებდა, რომ სასამართლო სისტემაში წავიდოდა არაჯანსაღი პრობლემები, შესაბამისად, მოხდებოდა არეულობა, სასამართლო სისტემის დაქვემდებარება ამერიკის საელჩოსადმი, მეეჭვება ეს მოხდეს. თუმცა, ვფიქრობ, ისინი ამაზე არ შეჩერდებიან, ხან, ვფიქრობ, რომ შეიძლება სიცოცხლის მოსპობაზეც წავიდნენ. მე გეტყვით, რომ ამერიკის შეერთებული შტატების საელჩოს უნდა სასამართლო ხელისუფლების მისაკუთრება, ეს არის მესიჯი სასამართლო კორპუსის მიმართ. კორუფციის გამოწოვილი ბრალდებით, რომელზეც მტკიცებულება არ არსებობს, მართლმსაჯულების მიტაცება ხდება. ელჩმა ბრძანა, რომ მართლმსაჯულება არ არის ღამე განხორციელებული ზარები და ქრთამის მიცემაო. არ ვიცი, რა უნდა ვთქვა, თუ ელჩმა იცის, რომ ლევან მურუსიძე ღამე ახორციელებს ზარებს, ე.ი. ტელეფონზე მისმენენ. მთავარი ის კი არ არის, ლევან მურუსიძეს სანქციას ამერიკის შეერთებული შტატები დაუწესებს თუ ევროკავშირი, ეს არის ჩემი პირადი პრობლემა. ამას მე თავს გავართმევ. მაგრამ მთავარი ისაა, რომ აქ კორუფციაზე არ არის საუბარი, ვერავითარი მტკიცებულება ვერ იქნება წარმოდგენილი რომ კორუფციას აქვს ადგილი. აშშ-ს საელჩოს აქვს წლებია გამალებული მცდელობა იმისთვის, რომ მიიტაცოს სასამართლო ხელისუფლება, დანარჩენი არ არის მნიშვნელოვანი ლევან მურუსიძეს ექნება თუ არა სანქციები, მნიშვნელოვანია საქართველომ არ დაკარგოს სუვერენიტეტი, აშშ-ს საელჩომ არ მიიტაცოს სასამართლო სისტემა. სხვა ქვეყანაშიც ხორციელდება. თუ დაინტერესდებით, ამ ქვეყნებსაც ნახავთ“,- აღნიშნავს მურუსიძე. იპნ

„ფორმულას“ პროდიუსერი გიორგი ლაფერაშვილი სოციალურ ქსელში წერს, რომ პარლამენტში „შაბათის ფორმულას“ ჟურნალისტსა და ოპერატორს აკრედიტაცია შეუჩერეს. როგორც პარლამენტის აპარატის გადაწყვეტილებაში წერია, ჟურნალისტი არ დაემორჩილა მოთხოვნას − „პარლამენტის თანამშრომლის მიერ ინტერვიუს ჩაწერაზე უარის თქმის შემთხვევაში შეწყვიტოს ინტერვიუ”. 1 აპრილს გასული სიუჟეტი პროპაგანდისტული ტელევიზიის, POST TV-ის ერთ-ერთი დამფუძნებლის, შალვა რამიშვილის მხარდამჭერ განცხადებებს ეხებოდა. პარლამენტის აპარატმა 5 მარტს „პუბლიკის“ ჟურნალისტ ნათია ამირანაშვილსაც შეუჩერა აკრედიტაცია. მისთვის აკრედიტაციის გაუქმება 2 მარტს პარლამენტში გამართულ აქციაში მონაწილეობას უკავშირდება. ასევე იხილეთ რა მოხდება, თუ ჟურნალისტი პარლამენტში ქცევის წესს დაარღვევს | ახალი ბრძანება 06 თებერვალი, 2023 პუბლიკა

პარტია "საქართველოსთვის" პოლიტიკური მდივანი კახაბერ ქემოკლიძე, სოციალურ ქსელში მიმდინარე მოვლენებს პოსტით ეხმაურება და აცხადებს, რომ დღითი დღე მოსკოვისა და ოცნების გზავნილები ერთი-ერთში იმეორებს ერთმანეთის პათოსს. როგორც კახაბერ ქემოკლიძე აღნიშნავს, მოსამართლეების დასანქცირება, დამატებით “ჟანგბადს” მიაწვდის სასამრთლო სისტემაში დარჩენილ კეთილსინდისიერ მოსამართლეებს, რომელთაც ოცნება დღითიდღე “გუდავდა”. "ბოლო ამბებზე ბლიც ანალიზი 6 პუნქტით: 1. ოცნების მოსამართლეების დასანქცირება მძიმე ამბავია. ქვეყნისთვის მოკლე ვადიანში “ცუდი”, მაგრამ საშუალო და გრძელვადიანში კარგი. ეს ფაქტი დამატებით “ჟანგბადს” მიაწვდის სასამრთლო სისტემაში დარჩენილ კეთილსინდისიერ მოსამართლეებს, რომელთაც ოცნება დღითიდღე “გუდავდა”. ეს ფაქტი სისტემას გააჯანმრთელებს და საბოლოო ჯამში ოცნების (ასევე ენმ-ის ხელისუფლების დროს) დათესილ სენს საბოლოოდ დაამარცხებს ან უმკურნალებს… 2. კობახიძე (ანუ ბ-ნი ივანიშვილი) ისევ ჩანაწერებით იმუქრება, მაგრამ მას ავიწყდება, რომ თუკი ვინმეს ჩანაწერების უნდა ეშინოდეს ეს თავად ოცნებაა, რადგან ელჩი დეგნანის მიერ განცხადებაში გაჟღერებული “ღამის საუბრები” შემთხვევითი არ ყოფილა. ინსტიქტი მკარნახობს, რომ თუკი ვინმე “პანდორას ყუთის” გახსნას მოინდომებს ბევრად საინტერესო ვიდეო-აუდიო კართოტეკა ეჭვი მაქვს ვერც ოფიც. თბილისს, ვერთ მათ დღევანდელ მოკავშირეს ოფიც. მოსკოვს ვერ იქნება, რადგან გაცილებით მძლავრი “საკომუნიკაციო დაზვერვის” (ე.წ. Signal Intelligence) ინფრასტრუქტურა ამერიკელების და მათი სხვა ძლიერი მოკავშირეევის ხელშია. ოცნებამ ისიც უნდა გაითვალისწინოს, რომ თუკი ვაშინგტონმა უკრაინაში შეჭრის უკიდურესად გასაიდუმლებული ინფორმაცია წინმსწრებად იცოდა (პრეზ. პუტინის უახლოეს ანტურაჟში ჩანერგილი ინფორმატორის მეშვეობით), მაშინ რა გარანტია აქვს, რომ მოსკოვსა და თბილისს შორის დღევანდელი კავშირების (შუამავლებით, უშუალო კომუნიკაციით თუ სხვა საშუალებებით) დამადასტურებელი ვიდეო-აუდიო ფაქტები არ არსებობს?!… 3. დღითი დღე მოსკოვისა და ოცნების გზავნილები ერთი-ერთში იმეორებს ერთმანეთის პათოსს. იმ ქვეყანაში სადაც ორი “საელჩო” აქვს გახსნილი შენს უშუალო მტერს, სადაც სამხედრო ბაზები აქვს განლაგებული შენს, მაგრამ მათ მიერ დროებით ოკუპ. ტერიტორიებზე, სადაც საქართველოს მოქალაქეებს გიჭერენ, აწამებენ, გიკლავენ, ცხედრებს გიმალავენ, მავთულხლართებით სოციალურ კავშირებს გიხერგავენ, სახელმწიფოდ არ გაღიარებენ და ამ დროს შენ (ოცნება) მაინც მათ ცრუ ნარატივზე ჯდები სხვა რაა თუ არა შენივე სახელმწიფოს ეროვნული ინტერესების ღ ა ლ ა ტ ი!? 4. ტერმინები “სატანისტები”, “ანტიქრისტე”, “უკრაინიზაცია”, “მეორე ფრონტი”, “კოლექტიური დასავლეთი”, “ომის პარტიები”, “გლობალური ომის პარტია”, “სუვერენული დემოკრატია”, “ცალ ფეხზე დგომა”, “შიდა საქმეებში ჩარევა” და ა.შ. რუსული არაყია, ოცნების ახალ ბოთლში ჩამოსხმული… რაც დრო გადის ოცნება (ანუ ივანიშვილი) რუსეთის გარდა სხვა მანევრის რესურს დღითიდღე იმცირებს. ეს კი ნიშნავს სამოქალაქო დაპირისპირების პრაქტიკულ რისკს…ამისგან გადაზღვევა ოცნების ყოფილი და მოქმედი ამომრჩევლის გონიერება, მათი რეალური სახის დროულად ამოცნობა და სწორი გადაწყვეტილების მიღება იქნება… 5. ოცნების მიერ შალვა რამიშვილის, ენმ-ის და ოცნების დროის ყველაზე ოდიოზური მოსამართლეების დაცვა ბუნებრივი ინსტიქტია! პარტია მათ ფიგურალურად არ იცავს, ის საკუთარ თავს იცავს, რადგან ოცნება თავად შეეზარდა მანკიერებას და ეს უკანასკნელი გახდა მისი დნმ-ის ნაწილი. 6. და ბოლოს - საქართველო ისტორიულ გზაგასაყარზეა, ასეთზე ვიყავით 90-ში მხოლოდ. ახლა დგას მომენტი, რომ ან გავალთ სამშვიდობოს ან ჩავრჩებით სამხრეთ კავკასიაში (აქაც კი მაჩანჩალად). იმისთვის, რომ ეს ასე არ მოხდეს უნდა მივიღოთ კანდიდატის სტატუსი და სავარაუდოდ უკრაინისთვის და მოლდოვასთვის გახსნილი “გაწევრიანების მოლაპარაკებების” მატარებელს ჩვენც “შევახტეთ”. თუ ეს უკანასკნელი ვერ გავაკართეთ დიდია რისკი იმის, რომ კანდიდატის სტატუტით მაინც ჩავრჩეთ სამხრეთ კავკასიურ ჭაობში. მგონია, რომ ოცნებას და რუსეთს დღეს ეს უნდა. მათი სტრატეგიული ინტერესები ერთმანეთს ჩვენდა სამწუხაროდ დაემთხვა. ამიტომ ჯერი გონიერ საქართველოს მოქალაქეებზე…", - წერს კახაბერ ქემოკლიძე.

აშშ-ის გადაწყვეტილება სასამართლოს კორუფციული სინდიკატის წევრების დასანქცირებასთან დაკავშირებით, არის პირდაპირი გზავნილი, რომ პასუხისმგებლობები იქნება პერსონალიზებული ყველასთვის, ვინც ძირს უთხრის ქართულ დემოკრატიას და კანონის უზენაესობას, – ამის შესახებ პარტია „საქართველოსთვის“ წევრმა, ბერდია სიჭინავამ პარტიის სხვა წევრებთან ერთად გამართულ ბრიფინგზე განაცხადა. ბერდია სიჭინავას თქმით, პარტია „საქართველოსთვის“ მოუწოდებს ხელისუფლებას, აიღოს პასუხისმგებლობა მომხდარ ფაქტზე, დამაზიანებელი რიტორიკის ნაცვლად, კონცენტრირდეს კონკრეტულ საკითხებზე. ბერდია სიჭინავას განმარტებით, ხელისუფლებას მოუწოდებენ კონკრეტული ნაბიჯების გადადგმისკენ, მათ შორის სანქცირებული მოსამართლეები გადადგნენ დაკავებული თანამდებობიდან. „სიმბოლურია, რომ სანდრო გირგვლიანის საქმის მოსამართლემ საქართველოში უკვე მეორე ხელისუფლებას გამოუტანა პოლიტიკური განაჩენი. ამერიკის შეერთებული შტატების გადაწყვეტილება სასამართლოს კორუფციული სინდიკატის წევრების დასანქცირებასთან დაკავშირებით არის პირდაპირი გზავნილი, რომ პასუხისმგებლობები იქნება პერსონალიზებული ყველასთვის, ვინც ძირს უთხრის ქართულ დემოკრატიას და კანონის უზენაესობას. ყველაზე დიდი პასუხისმგებლობა ამ პერსონებს საქართველოს მოქალაქეებისა და ქართული სახელმწიფოს წინაშე ეკისრებათ. ჩვენი ნებისმიერი მოქალაქის მიმართ სანქციების დაწესება, რა თქმა უნდა, არავისთვის წარმოადგენს პოზიტიურ, სასიხარულო ინფორმაციას, ეს არის ძალიან მძიმე ფაქტი და რეპუტაციული ზიანი ჩვენი ქვეყნისთვის, თუმცა კარგად უნდა გვესმოდეს, რომ ჩვენი მეგობრის და სტრატეგიული პარტნიორის, შეერთებული შტატების ეს გადაწყვეტილება, უკიდურესი აუცილებლობიდან გამომდინარე, სწორედ ჩვენი მოქალაქეების დაცვას და მხარდაჭერას, სასამართლო სისტემაში მომუშავე კეთილსინდისიერი, ღირსეული მოსამართლეების დამოუკიდებლობის უზრუნველყოფას, ქვეყანაში დემოკრატიის და ჩვენი მომავლის გადარჩენას ემსახურება. ჩვენი პოლიტიკური გუნდი მოუწოდებს „ოცნების“ ხელისუფლებას, აიღოს პასუხისმგებლობა მომხდარ ფაქტზე, ახლა არ არის ემოციური რეაგირებების დრო, აუცილებელია გონივრული პოლიტიკის გატარება. ყველაზე მნიშვნელოვანია, საფრთხე არ შეექმნას ჩვენი ქვეყნის ევროპულ და ევროატლანტიკურ მომავალს, ხელისუფლებამ მომდევნო ვიწროპარტიული, ირაციონალური და ერთი ადამიანის ნაკარნახევი ნაბიჯებით კიდევ უფრო არ დააზიანოს სახელმწიფოს ინტერესები. ამიტომ ხელისუფლებას მოვუწოდებთ, საწყის ეტაპზე გადადგას კონკრეტული ქმედითი ნაბიჯები. კერძოდ, შეერთებული შტატების მიერ სანქცირებული მოსამართლეები გადადგნენ დაკავებული თანამდებობიდან, საქართველოს პარლამენტმა მიიღოს ჩვენ მიერ დაინიცირებული საერთო სასამართლოების შესახებ ორგანულ კანონში ცვლილებები, იუსტიციის უმაღლეს საბჭოში გადაწყვეტილებების ე.წ. ორმაგი ორი მესამედის პრინციპის დანერგვასთან დაკავშირებით ვენეციის კომისიის რეკომენდაციების გათვალისწინებით დაიწყოს მართლმსაჯულების სისტემის ფუნდამენტური რეფორმა, რომელიც წარიმართება ინკლუზიურად, ყველა დაინტერესებული აქტორის ჩართულობით. ხელისუფლებას კიდევ ერთხელ მოვუწოდებთ, დამაზიანებელი რიტორიკის ნაცვლად, კონცენტრირდეს ჩამოთვლილ საკითხებზე და მოახდინოს მათზე მყისიერი რეაგირება“, – განაცხადა ბერდია სიჭინავამ. აშშ-მა მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს სანქციები დაუწესა. ავტორი - თამარ წიკლაური

„შუაგული“, „აიტექნიკი“ - ეს იმ კომპანიების მცირე ჩამონათვალია, რომელსაც აშშ-ს მიერ სანქცირებული ყოფილი მოსამართლე, ვალერიან ცერცვაძე და მისი ოჯახი ფლობს. ვალერიან ცერცვაძე 6 წელია ქართული სასამართლო სისტემის ნაწილი აღარ არის, თუმცა, მიუხედავად ამისა, საქართველოში აშშ-ს საელჩოს განცხადებაში ისიც მოხსენიებულია, როგორც კორუფციული სისტემის ნაწილი, რომელიც ბღალავს სამართლის უზენაესობას. ყოფილი მოსამართლე, რომლის შვილიც 2013 წელს აშშ-ში დაიბადა და ამერიკის მოქალაქეა, ამბობს, რომ ბრალდებები დაუსაბუთებელი და უსაფუძვლოა და მიზნად ისახავს სასამართლოში გავლენის მოპოვებას და მის სრულ დისკრედიტაციას. ყოფილ მოსამართლეს დეკლარაცია ბოლოს 2018 წელს აქვს შევსებული. ,,ბიზნესპრესნიუსი" დაინტერესდა, როგორია ცერცვაძის და მისი ოჯახის ბიზნესსაქმიანობა და წილები სხვადასხვა კომპანიებში მოსამართლეობის შემდეგ. სანქცირებულ მოსამართლეს ეკუთვნის 2021 წელს დარეგისტრირებული შპს გრინ სფეის შუაგულის 50% წილი. 25-25%-ს კი კონსტანტინე და ლევან აბზიაძეები ფლობენ. წილის სამივე ფლობელს რეესტრში განცხადება შეტანილი აქვთ დაშლის შესახებ, თუმცა კომპანიის სტატუსი კვლავ აქტიურია, სტუმრების მიღებას აგრძელებს „შუაგულიც“. მისი მეუღლე, გვანცა მიქუჭაძე კი ფლობს 100%-იან წილს შპს „აიტექნიკში“. მასვე ეკუთვნის 2021 წელს დაარსებული შპს სითი გარდენი. მიქუჭაძეს უკუთვნის 2020 წელს დარეგისტრირებული შპს მისთორის 70%-იანი წილი, რომელსაც ლევან ნონიაშვილთან ერთად ფლობს. ასევე, შპს ჯეველბერი ჯორჯიას 50%-იანი წილი, 50% კი რუსეთის მოქალაქე ვიტალი იაზვენკოს კუთვნილებაა. შპს ივენთ გარდენიც ცერცვაძის ოჯახის საკუთრებაა, კერძოდ, კომპანია შპს გარდენ სითის საკუთრებაა, რომლის წილის 100%-ს ვალერიან ცერცვაძის მამა მურთაზ ცერცვაძე ფლობს, დირექტორი კი თავად სანქცირებული ყოფილი მოსამართლის მეუღლეა. თავის მხრივ, მურთაზ ცერცვაძე მეუღლე მარიამ ცერცვაძესთან ერთად ფლობს შპს ვი.ენ.ჯი გრუპს, შპს მანის 30% წილს ვანო ჭოლაძესთან ერთად. შეგახსენებთ, ამერიკის შეერთებულმა შტატებმა საქართველოს რამდენიმე მოსამართლე და მათი ოჯახის წევრები დაასანქცირა. როგორც სახელმწიფო მდივანი ბლინკენის განცხადებაშია აღნიშნული, მათ და მათი ოჯახის წევრებს გაუუქმდათ მოქმედი ვიზები მნიშვნელოვანი კორუფციული საქმიანობის გამო. სანქცირებულებს შორის მოხვდნენ მოსამართლეები: მიხელ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე. BPN.GE

ფინეთის პრემიერ-მინისტრი სანა მარინი არჩევნებში დამარცხების შემდეგ გადადგა. მედიის ცნობით, სანა მარინმა გადადგომის შესახებ განცხადებით პრეზიდენტს მიმართა, რომელმაც განცხადება უკვე დააკმაყოფილა. სანა მარინის გუნდი ახლა დროებითი მთავრობის რანგში იმუშავებს, ვიდრე ახალი მინისტრთა კაბინეტი შეიქმნება. საპარლამენტო არჩევნებში ფინეთის პრემიერ-მინისტრის პარტიამ, „სოციალ-დემოკრატებმა“ მესამე ადგილი დაიკავა, ხოლო არჩევნებში გამარჯვებული პარტიის თავმჯდომარე პეტერი ორპო მთავრობის ფორმირებისთვის კონსულტაციებს მომავალი კვირიდან დაიწყებს. 1tv

ვიცი, შემიძლია თქვენი იმედი მქონდეს, რომ რუსეთს გონივრულობისკენ დააბრუნებთ, - ამის შესახებ საფრანგეთის პრეზიდენტმა, ემანუელ მაკრონმა ჩინელ კოლეგას, სი ძინპინს პეკინში გამართულ შეხვედრაზე განუცხადა. მისი თქმით, რუსეთის აგრესიამ უკრაინაში დარტყმა მიაყენა სტაბილურობას. „ვიცი, შემიძლია თქვენი იმედი მქონდეს, რომ რუსეთს გონივრულობისკენ დააბრუნებთ და ყველა მოლაპარაკების მაგიდას დაუბრუნდება“, - აღნიშნა მაკრონმა. ემანუელ მაკრონმა, რომელიც ჩინეთში გუშინ ევროკომისიის პრეზიდენტთან, ურსულა ფონ დერ ლაიენთან ერთად ჩავიდა, განაცხადა, რომ პეკინს შეუძლია დიდი როლი ითამაშოს კონფლიქტში მშვიდობისკენ მიმავალი გზის გამონახვაში. IPN

აშშ-ს ელჩმა ამაზე გულწრფელად როგორ უნდა თქვას, რომ მათი სურვილი ქართულ მართლმსაჯულებაზე კონტროლის დამყარებაა - არ შეიცვლება „ხალხის ძალის“ პოლიტიკა, არსებობს გარკვეული ინფორმაციები და საზოგადოება ეტაპობრივად უფრო მეტს გაიგებს! - ეს განცხადება ჟურნალისტებთან უმრავლესობის დეპუტატმა გურამ მაჭარაშვილმა გააკეთა. ამავე კონტექსტში მაჭარიშვილმა ხაზგასმით აღნიშნა, რომ „ხალხის ძალის“ პოლიტიკა გამართლებულია, რაზეც აშშ-სთან მიმართებაში აშშ-ს პარტნიორი ქვეყნის ისრაელის, ნატოს წევრი თურქეთისა და ნატო-სა და ევროკავშირის წევრი უნგრეთისა და ხორვატიის განცხადებები მეტყველებს. მაჭარაშვილის თქმით, „ქართული საზოგადოება სუვერენული ქვეყნის მართლმსაჯულების დამოუკიდებლობას ყოველთვის დაიცავს და უსამართლობას არავინ არავის აპატიებს“. მაჭარაშვილი აშშ-ს მიერ მოსამართლეთა დასანქცირებას „უსაფუძვლოს“ უწოდებს. „მინდა საზოგადოებას „ხალხის ძალის“ განცხადებები შევახსენო, როცა ვამბობდით, რომ აშშ-ს დღევანდელი ხელისუფლების მხრიდან იყო და არის მცდელობა, რომ ქართული მართლმსაჯულება აკონტროლოს. ამის მაგალითი აშშ-ს საელჩოში მოსამართლე ჩხიკვაძის დაბარება და პასუხის მოთხოვნა იყო, თუ რატომ მიიღო კონკრეტულ სისხლის სამართლის საქმეზე კონკრეტული გადაწყვეტილება. მაშინ აშშ-ს ელჩმა ძალიან გულწრფელად თქვა, რომ ამაში ფული აქვთ გადახდილი და ვინც ფული გადაიხადა შეუძლია მოსამართლე დაიბაროს და საქმეები მოკითხოს, თუ რატომ მიიღო ასეთი გადაწყვეტილება. რა თქმა უნდა, ეს ქართულმა საზოგადოებამ არ გაიზიარა და როგორც ჩანს, ამაზე გაბრაზდნენ. ეს ნარატივი გაგრძელდა იმითაც, რომ უარყვეს თავისივე - აშშ-ს ინსტიტუტების და ევროპის საერთაშორისო ინსტიტუტების შეფასებები ქართულ მართლმსაჯულებაზე, სადაც პირდაპირ წერია, რომ 2012 წლის შემდგომ 20-30 პუნქტით არის დაწინაურებული. მოსამართლეთა დასანქცირება უსაფუძვლოა! პირდაპირ ამბობენ, რომ მტკიცებულებებს არ წარმოადგენენ - რაც არ არსებობს, როგორ უნდა წარმოადგინონ?! როდესაც პარტნიორულ ურთიერთობებში პარტნიორისგან გულწრფელ ურთიერთობას ითხოვ და პარტნიორს სანქციების ენით, ომში ჩართვის ენით ელაპარაკები, ბუნებრივია, ეს პარტნიორულ ურთიერთობებს ხელს ვერ შეუწყობს. „ხალხის ძალის“ პოლიტიკა გაგრძელდება, რათა საზოგადოებამ სიმართლე იცოდეს, რა უსამართლო პოლიტიკასაც აშშ არამხოლოდ საქართველოს მიმართ ატარებს - „ხალხის ძალის“ განცხადებების ძალიან ნათელი დადასტურებაა, რაც ისრაელის ხელისუფლებამ თავისსავე პარტნიორ აშშ-ს უთხრა, რომ ისრაელის სუვერენულ უფლებებში ნუ ჩაერევა, თუ როგორ ჩაატაროს მართლმსაჯულების რეფორმა. ასევე უთხრა აშშ-ს ნატოს წევრმა თურქეთმა, როცა ამერიკის საელჩოს პირდაპირ კარი დაუხურა. ჩვენს მიერ გაკეთებულ განცხადებებს დიდი სახელმწიფოები ადასტურებენ, რომელიც აშშ-სთან ურთიერთობენ! აშშ-ს ელჩმა ამაზე გულწრფელად როგორ უნდა თქვას, რომ მათი სურვილი ქართულ მართლმსაჯულებაზე კონტროლის დამყარებაა. პირდაპირ ამბობენ, რომ იუსტიციის უმაღლეს საბჭოში ის ადამიანები არ ინიშნებიან, ვისზეც ჩვენ ვამბობთ, არ ნიშნავთ მოსამართლეებს ვისზეც ჩვენ გეუბნებით, ხოლო მოსამართლეები ისეთ გადაწყვეტილებებს იღებენ, რაც აშშ-ს საელჩოს არ მოსწონს. ამიტომ დასანქცირდნენ მოსამართლეები! ამ გზავნილით ისინი საქართველოს როგორც სუვერენულ სახელმწიფოს და შემდგარ ქვეყანას ვერ ხედავენ. ადრე ფორმალურად მაინც ამბობდნენ, რომ ქართულ სახელმწიფო სუვერენულია და მას პატივს სცემენ - ახლა სიტყვა „სუვერენიტეტსაც“ აღარ ამბობენ. ამბობენ, რომ დემოკრატია ჩვენ ვართ და რასაც ჩვენ ვიტყვით, სიმართლე ის არის“, - განაცხადა გურამ მაჭარაშვილმა. IPN