Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    რაჭა-ლეჩხუმ-ქვემო სვანეთის გუბერნატორის, პაპუნა მარგველიძის განცხადებით, მდინარე ბუბის კალაპოტში ქვათაცვენის გამო სამძებრო სამუშაოები ღამით შეჩერებული იყო, თუმცა ტერიტორიის დათვალიერების შემდეგ, სამძებრო ღონისძიება დილიდან განახლდა.
    როგორც მარგველიძემ ჟურნალისტებს განუცხადა, ამ ეტაპზე დაკარგულ 9 ადამიანს ეძებენ.
    „24 ადამიანია ამოყვანილი, ვეძებთ 9 დაკარგულ პიროვნებას. ამის გარდა გაიზარდა სამძებრო სამუშაოების არეალი. დილიდან კვლავ განახლდა მძიმე ტექნიკის მუშაობა. გუშინ, გვიან ღამით, მდინარე ბუბის კალაპოტში ქვათაცვენის ფაქტი დაფიქსირდა. როგორც სპეციალისტები ამბობენ, ეს დამახასიათებელია ასეთი სტიქიების შემდეგ. ვინაიდან, გვიან ღამით ცუდი ხილვადობა იყო, სამუშაოები შეჩერდა დილამდე. დილით კი გარემოს ეროვნული სააგენტოს სპეციალისტებმა ვერტმფრენით და დრონებით დაათვალიერეს ხეობა და მნიშვნელოვან ქვათაცვენას ადგილი არ ჰქონია, შესაბამისად, სამძებრო სამუშაოები დილიდან განახლდა“,- განაცხადა მარგველიძემ.

    ipn
  2. tvati
    ონის მუნიციპალიტეტში, სტიქიის ზონაში სამძებრო სამუშაოები მეცხრე დღეა უწყვეტ რეჟიმში მიმდინარეობს. მეხანძრე-მაშველების მიერ დღეს სამი ცხედარია ნაპოვნი. ამის შესახებ ინფორმაციას შინაგან საქმეთა სამინისტრო ავრცელებს.
    მიმდინარე სამუშაოებთან დაკავშირებით, დღის ბოლოს მედიასთან შემაჯამებელი კომენტარი გააკეთა შინაგან საქმეთა სამინისტროს საგანგებო სიტუაციების მართვის სამსახურის უფროსმა თემურ მღებრიშვილმა.
    მისი თქმით, ამ დროის მდგომარეობით 24 ცხედარია ნაპოვნი, მათგან 20 იდენტიფიცირებულია, ცხრა ადამიანის ძებნა მიმდინარეობს. როგორც მღებრიშვილმა აღნიშნა, დღეის მდგომარეობით გადამოწმებულია დამეწყრილი ტერიტორიის 40 %.
    „აქტიურად მიმდინარეობს სამუშაოები, როგორც ცოცხალი ძალით, ასევე მძიმე ტექნიკით და მცურავი საშუალებებით - ნავებით მდინარეზე. დღეს მოხერხდა სამი ცხედრის ნახვა მდინარის კალაპოტში, სამივე მათგანი გადასვენებულია პროზექტურაში. გარდა ამისა, ნანახია ადამიანის ქვედა კიდური ცალკეულად და ესეც ასევე გადატანილია პროზექტურაში. პირველი ცხედარი სტიქიის ეპიცენტრიდან დაახლოებით 20 კმ-ის მოშორებითაა ნაპოვნი. დანარჩენი 2 ცხედარი კი 2 კმ-ის მოშორებით იყო, ერთმანეთთან 200 მეტრის რადიუსით. პირველივე დღიდან მიმდინარეობს მდინარის მონიტორინგი, ამ ეტაპზე ვინაიდან მდინარის დონე დაწეულია გამოჩნდა ისეთი ადგილები სადაც, შესაძლებელი გახდა უკვე ადგილზე გადამოწმება. ხვალ 54 კმ სიგრძის პერიმეტრი იქნება გაკონტროლებული, ეს არის ზუსტად ამბროლაურის აეროპორტის მიმდებარე ტერიტორიაზე, სადაც უკვე მდინარის კალაპოტი მაქსიმალურადაა გაშლილი. ამ დროის მდგომარეობით 24 ცხედარია ნაპოვნი, მათგან 20 იდენტიფიცირებულია, ცხრა ადამიანის ძებნა მიმდინარეობს. დღეის მდგომარეობით გადამოწმებულია დამეწყრილი ტერიტორიის 40%“, - განაცხადა თემურ მღებრიშვილმა.
    უწყების ცნობით, სამუშაოებში ჩართულნი არიან პოლიციის დანაყოფები, საგანგებო სიტუაციების მართვის სამსახურის მეხანძრე-მაშველები, კინოლოგთა ჯგუფი, სასაზღვრო პოლიციის ვერტმფრენები, დრონები, სამაშველო ნავები და სპეცტექნიკა. ასევე, სტიქიის ზონაში მუშაობენ თავდაცვის სამინისტროს და ინფრასტრუქტურის სამინისტროს საავტომობილო გზების დეპარტამენტის თანამშრომლები.

    palitravideo.ge
  3. tvati
    უკრაინული მშვიდობის ფორმულის მომზადებას უკვე 58-მა ქვეყანამ დაუჭირა მხარი, - ამის შესახებ უკრაინის პრეზიდენტის ადმინისტრაციის ხელმძღვანელმა ანდრეი ერმაკმა განაცხადა.
    “ცოტა ხნის წინ [5 აგვისტოს ჯიდაში შეხვედრისას] 43 ქვეყანა იყო, დღეს უკვე 58-ია. ეს ჯერ კიდევ დასასრული არ არის და კიდევ შემიძლია ვთქვა, რომ ქვეყნების დიდი რაოდენობაა, რომლებსაც შემოერთება სურთ”, - განაცხადა ერმაკმა.
    მისი თქმით, მშვიდობის ფორმულის ყოველ პუნქტზე სამუშაოდ უკვე 10 ჯგუფია შექმნილი, რომლებშიც როგორც უკრაინული, ასევე საერთაშორისო ექსპერტები იმუშავებენ.
    “ჩვენი გეგმაა - ჩვენი ფორმულის ყოველ პუნქტზე შევიმუშაოთ ეს დაწვრილებითი პროგრამა და ეს უკვე ამ თვის ბოლომდე გავაკეთოთ. იმისთვის, რომ უკვე ერთი თვის შემდეგ, როგორც ჯიდაში შევთანხმდით, შეგვეძლოს მრჩევლების დონეზე შემდეგი სხდომის ჩატარება და უკვე სამიტის თარიღისა და ადგილის განხილვა", - განაცხადა ერმაკმა.

    ipn
  4. tvati
    უკრაინის შეიარაღებული ძალების გენერალური შტაბის ინფორმაციის, დღევანდელი დღის მდგომარეობით, უკრაინაში დაახლოებით 253 290 რუსი სამხედრო არის განადგურებული, 510 სამხედრო - მხოლოდ გასული დღე-ღამის განმავლობაში.
    აღნიშნული ინფორმაცია გენშტაბის „ფეისბუკის“ გვერდზე არის განთავსებული. უწყების ინფორმაციით, ასევე განადგურებული სამხედრო ტექნიკის დიდი ოდენობა, მათ შორის ტანკები და საარტილერიო სისტემები.
    უფრო კონკრეტულად, გასული დღე-ღამის განმავლობაში განადგურებულია 5 ტანკი, 6 საბრძოლო ჯავშანმანქანა, 10 საარტილერიო სისტემა.
    „ჯამში, განადგურებულია 4295 ტანკი, 8324 - ჯავშანმანქანა, 5053 - საარტილერიო სისტემა, 472 - ჰაერსაწინააღმდეგო სისტემა, 4201 - უპილოტო საფრენი აპარატი, 1378 - ფრთოსანი რაკეტა“, - ნათქვამია გენშტაბის განცხადებაში.

    ipn
  5. tvati
    საავტომობილო გზების დეპარტამენტის თავმჯდომარის, გიორგი წერეთლის განცხადებით, რიკოთის საუღელტეხილო მონაკვეთზე ჩქაროსნული მაგისტრალის მშენებლობის პარალელურად, გამაგრება 77 ფერდს უტარდება. ამის შესახებ მან შოვში, სტიქიის ზონაში მედიასთან ისაუბრა.
    მისივე ინფორმაციით, რიკოთის პროექტის ფარგლებში, პროექტის დაწყებიდან, სულ 6000 მ სიგრძის გეოლოგიური ბურღი გაკეთდა. ჩატარდა არაერთი გეოტექნიკური, გეოფიზიკური და სეისმური კვლევები და ამ კვლევების საფუძველზე იქნა მიღებული რიკოთის უღელტეხილის საპროექტო გადაწყვეტილება.
    „მინდა სრული პასუხისმგებლობით ვთქვა, რიკოთის ყველა დასრულებული მონაკვეთი იქნება უსაფრთხო “, - აღნიშნა მან.
    „ბოლო დღეებია ძალიან გააქტიურდა ნეგატიური განცხადებები სხვადასხვა პოლიტიკური ჯგუფების და ადამიანების მხრიდან. მინდა ვთქვა, რომ აღნიშნული განცხადებებით, კვლავ ცდილობენ პროექტის დისკრედიტაციას, მოსახლეობაში შიშის გაჩენას, თითქოს რიკოთის უღელტეხილზე რაღაც ცუდი ხდება", - აღნიშნა გიორგი წერეთელმა.
    გიორგი წერეთელმა ჩინურ კომპანიებსა და მათ მიმართ წაყენებულ ბრალდებებზეც გააკეთა განმარტება და აღნიშნა, რომ პროექტს ზედამხედველობენ ფრანგული, თურქული და კორეული საზედამხედველო კომპანიები. სამშენებლო სამუშაოებს კი, აწარმოებენ გამოცდილი კომპანიები და არცერთი სამშენებლო კომპანია, ხელშეკრულების გაფორმებისას, არ იყო შავ სიაში.
    გიორგი წერეთლის თქმით, რიკოთის უღელტეხილზე გარკვეულ მონაკვეთებზე სამუშაოების პროგრესი მაღალია და ეს მონაკვეთები წლის ბოლომდე შევა ექსპლუატაციაში.
    „ბოლო დღეებია ძალიან გააქტიურდა ნეგატიური განცხადებები სხვადასხვა პოლიტიკური ჯგუფების და ადამიანების მხრიდან. მინდა ვთქვა, რომ აღნიშნული განცხადებებით, კვლავ ცდილობენ პროექტის დისკრედიტაციას, მოსახლეობაში შიშის გაჩენას, თითქოს რიკოთის უღელტეხილზე რაღაც ცუდი ხდება", - აღნიშნა გიორგი წერეთელმა.

    bm.ge
  6. tvati
    წალენჯიხის მუნიციპალიტეტში, მუჟავას ადმინისტრაციული ერთეულის მიმდებარედ, მდინარე ოლორის მარჯვენა შენაკადის ხეობაში განვითარებული პროცესების შესახებ გარემოს ეროვნულმა სააგენტომ ვიზუალური საინჟინრო-გეოლოგიური დასკვნა დადო. ამის შესახებ ინფორმაციას გარემოს ეროვნული სააგენტო ავრცელებს.
    როგორც დასკვნაშია აღნიშნული, მეწყრული პროცესით მდინარის შეგუბების უბანზე, საფრთხის დონე მაღალი არ არის, თუმცა გასატარებელია გარკვეული გადაუდებელი პრევენციული ღონისძიებები.
    „დღეის მდგომარეობით, სამიზნე არეალის ფარგლებში, მდინარე ოლორის მარჯვენა შენაკადის ხეობაში მეწყრული პროცესით მდინარის შეგუბების უბანზე, საფრთხის დონე მაღალი არ არის, თუმცა მომავალში ყოველგვარი გართულებების თავიდან აცილების მიზნით, გასატარებელია გარკვეული გადაუდებელი პრევენციული ღონისძიებები, კერძოდ:
    საჭიროა მდინარის კალაპოტის უმოკლეს პერიოდში გაწმენდა ფერდობებიდან ჩამოშლილი გრუნტის აღებისგან, ასევე კალაპოტში ჩახერგილი ხე-მცენარეებისგან;
    კალაპოტი უნდა ჩაღრმავდეს და გაგანიერდეს შეგუბებამდე არსებული მორფოგეოლოგიური პარამეტრების ფარგლებში;
    მითითებული სამუშაოების სრულად განხორციელებამდე, საჭიროა მუნიციპალიტეტის მიერ, უბანზე დაწესდეს მონიტორინგი და სიტუაციის გართულების შემთხვევაში ინფორმირებული უნდა იქნას შესაბამისი უწყებები.
    მითითებული სამუშაოები უნდა განხორციელდეს შესაბამისი პროექტის საფუძველზე, ქვეყანაში მოქმედი სამშენებლო ნორმებისა და წესების სრული დაცვით", - ნათქვამია დასკვნაში.
    სამეგრელო-ზემო სვანეთის სამხარეო ადმინისტრაციის შეტყობინებისა და გარემოს ეროვნული სააგენტოს ხელმძღვანელობის საფუძველზე, გარემოს ეროვნული სააგენტოს სპეციალისტები, სამეგრელო-ზემო სვანეთის სახელმწიფო რწმუნებულის ადმინისტრაციის წარმომადგენლებთან ერთად, წალენჯიხის მუნიციპალიტეტში, მუჟავას ადმინისტრაციული ერთეულის მიმდებარედ, მდინარე ტებენეს ხეობაში არსებულ ვითარებას ადგილზე 9 აგვისტოს გაეცნენ. გეოლოგებმა და ჰიდროლოგებმა მდინარის ხეობაში გავრცელებული მეწყრული უბანი და დაგუბებაზე არსებული ვითარება შეისწავლეს. ვრცლად დასკვნა იხილეთ ბმულზე: https://szs.gov.ge/geo/news/show/10/3451
  7. tvati
    გუშინ ჩვენ ვადევნებდით თვალს კამპანიას, რომლის ამოცანა არის პოლიტიკური. ყველაზე მნიშვნელოვანი გარემოება არის ის, რომ ეს ყველაფერი კეთდება ჩვენი მოსახლეობის დაშინებისთვის, ხელოვნური სიმძაფრის შეტანისთვის და მით უფრო შოვის ტრაგედიის ფონზე, - ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ რიკოთთან დაკავშირებით განაცხადა.
    ირაკლი ქარსელაძის განცხადებით, შოვის ტრაგედიის ფონზე ასეთი საკითხების წამოწევა და რაღაც პარალელების გავლება არის აბსოლუტურად უსაფუძვლო და უადგილო.
    ამასთან, მისივე განცხადებით, ბრალდება, რომ რიკოთის გვირაბი დაკეტილია, არასწორია, რადგან რეალურად რიკოთზე სპეციალური რეჟიმი მოქმედებს და გადაადგილება უსაფრთხოა.
    „სამწუხაროდ მოვისმინე ძალიან ბევრი ტყუილი და ძალიან ბევრი დაუსაბუთებელი, უსამართლო ბრალდებები, იყო ცილისწამება და თანმიმდევრობით გავყვები ამ ძირითად საკითხებს: რიკოთის მონაკვეთი შედგება ოთხი მონაკვეთისგან და ჯამში ეს არის 52 კილომეტრამდე გზა. 51 გვირაბიდან 45 უკვე დასრულებულია, ხოლო 97 ხიდიდან 81 უკვე აშენებულია. აქედან 12 გვირაბით და 22 ხიდით უკვე 8 თვეა ვსარგებლობთ. მთლიანი პროექტის პროგრესი არის 86%. გამორჩეულად დაწინაურებულია 2 მთავარი მონაკვეთი, რომელიც ხევიდან ზესტაფონამდეა და აქ არის 90% და 96% პროგრესი. ეს ის ორი მონაკვეთია, რომელთა გახსნაც დაგეგმილი გვაქვს მიმდინარე წელს. დანარჩენ მონაკვეთებზე გრძელდება სამუშაოები და 2024 წელს დასრულდება.
    პირველი ბრალდება იყო იმასთან დაკავშირებით, რომ რიკოთი დაკეტილია, რიკოთი არ არის დაკეტილი, რიკოთზე მოქმედებს სპეციალური რეჟიმი, რომლის გამომწვევი მიზეზიც არის შემდეგი, 149-ე კილომეტრზე არსებული ძველი გზიდან დაახლოებით 200 მეტრში აღმოჩენილი იქნა პოტენციური მეწყრის კერა, რომლის ანალიზიც და შესწავლაც მოხდა სპეციალისტების მიერ და მიჩნეულ იქნა მომეტებული საფრთხის მქონედ. მყისიერად იქნა მიღებული გადაწყვეტილება რიკოთის დროებით დაკეტვასთან დაკავშირებით. გაფართოვდა გზა, გასამმაგდა დამაგროვებელი ბუფერი და ასევე მოეწყო შესაბამისის კედელი და ამ პირობებში უკვე ჩვენ შეგვეძლო შესაბამისი სპეციალური რეჟიმის დაწესების პირობებში მაქსიმალურად უსაფრთხო გარემოს უზრუნველყოფა. ცალსახად უნდა აღვნიშნოთ ის, რომ რიკოთზე, 149-ე კილომეტრზე მეწყერი არ განვითარებულა. უფრო მეტიც, საუბარია იმაზე, რომ საავტომობილო გზების დეპარტამენტმა 24 საათიანი მონიტორინგის შედეგად დღიდან კერის აღმოჩენისა, გაუკეთა უზრუნველყოფა იმას, რომ მინიმუმამდე ყოფილიყო შესაძლო რისკი და გადაადგილება ყოფილიყო უსაფრთხო. ვრცელდებოდა ინფორმაცია გუშინ, რომ რეჟიმი დაწესებულია 7 საათამდე, არამედ არის დილის 6 საათიდან საღამოს 9 საათამდე და შემდგომ 10 საათიდან დილის 5 საათამდე არის სატვირთო ავტოტრანსპორტისთვის. ეს არის მაგალითი, რაც საპირისპიროა იმ ბრალდების, თითქოს საავტომობილო გზების დეპარტამენტს არ შეუძლია, მართოს პროცესები და კომპეტენციის პრობლემაა. კეთდებოდა მსგავსი შეფასებები, რომლებიც ელემენტარულად არის უსაფუძვლო და არის ცილისმწამებლურიც. ეს არის ის მაგალითი, როდესაც დეპარტამენტმა სწორედ წინმსწრებად, ვიდრე განვითარდებოდა, მიიღო შესაბამისი ადეკვატური ზომები, რეაგირება იყო მყისიერი და ეფექტური, რომ ძალიან მალე მოხდა სპეციალური რეჟიმით რიკოთის მონაკვეთის გახსნა და დღესაც ამ რეჟიმით ვსარგებლობთ.
    დღეს უკვე შემსუბუქებული რეჟიმით ვმოქმედებთ რამდენიმე თვეა და ამდაგვარი მიდგომა გაგრძელდება და შეიძლება, გამოიწვიოს კიდევ უფრო შემსუბუქება, ან საერთოდ ამ რეჟიმის მოხსნა. ეს ყველაფერი დამოკიდებულია იმ შეფასებებზე, რომლებიც სპეციალისტებისა და ექსპერტების მიერ იქნება განხორციელებული“, - განაცხადა ირაკლი ქარსელაძემ.

    ipn
  8. tvati
    რიკოთის პროექტში ჩართული 10 კომპანიიდან არც ერთი არ იმყოფება შესაბამისი საფინანსო ინსტიტუტების სანქცირებულთა, ანუ „შავ სიაში“, - ამის შესახებ საქართველოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა
    ირაკლი ქარსელაძის განცხადებით, კომპანიებთან ხელშეკრულების გაფორმება ისეთი პროცედურების დაცვით ხდება, რომ სანქცირებულ, „შავ სიაში“ მყოფ კომპანიასთან ხელშეკრულების გაფორმება შეუძლებელია.
    „უბრალოდ შეუძლებელია, იმ პროცედურების დაცვით, როგორც წარიმართა რიკოთი და ნებისმიერი სხვა ჩვენი მასშტაბური პროექტი, რომ ამ პირობებში სანქცირებულ, „შავ სიაში“ მყოფ კომპანიას გაემარჯვა და მასთან გაფორმებულიყო ხელშეკრულება. უბრალოდ შეუძლებელია, ასეთი რამ ბუნებაში არ არსებობს.
    განცხადებები, რომ საქართველოს მთავრობამ რიკოთის პროექტი მისცა, ჩააბარა, არავისთვის არაფერი არ მიგვიცია, არ ჩაგვიბარებია და მხოლოდ საერთაშორისო საფინანსო ინსტიტუტის პროცედურის მკაცრი დაცვით მოხდა გამარჯვებული კომპანიების შერჩევა.
    შეგახსენებთ, რომ რიკოთის ოთხ მონაკვეთზე ოთხი სხვადასხვა კომპანიაა, სადაც მაღალი კონკურენციის დონე იყო და გამარჯვებულებად გამოვლინდნენ ის კომპანიები, რომლებმაც დააკმაყოფილეს აბსოლუტურად ყველა ის მოთხოვნა, რაც იყო. მათთან გაფორმდა ხელშეკრულება, რომელიც ვერ გაფორმდებოდა, თუ ეს კომპანიები იქნებოდნენ სანქცირებული.
    ძალიან ბევრჯერ გაისმა - „სანქცირებების სია“, მიუხედავად იმისა, რომ ამას არავითარი მნიშვნელობა არ აქვს სახელშეკრულებო ურთიერთობებზე ამ კომპანიებთან, ვინაიდან მკაცრად განსაზღვრულია ეს საერთაშორისო ხელშეკრულებებით, რომლებიც ცალსახად განსაზღვრავენ თუ როგორ ვითარდება პროექტი და მათ შორის რა არის ხელშეკრულების შეწყვეტის პირობები და გარემოებები, სანქცირება არ არის ამ ჩამონათვალში. მოუხედავად ამისა გუშინ ვთხოვე საავტომობილო გზების დეპარტამენტს, რომ ღია წყაროებში გადაემოწმებინათ, აღნიშნული კომპანიები იყვნენ თუ არა დღეის მდგომარეობით სანქცირებული და 10 აგვისტოს მდგომარეობით, რიკოთის პროექტში ჩართული 10 კომპანიიდან არც ერთი არ იმყოფება შესაბამისი საფინანსო ინსტიტუტების სანქცირებულთა, ანუ „შავ სიაში“. ყველა ბრალდება, რაც სანქცირებას უკავშირდება, არის მტკნარი სიცრუე, ტყუილი და ასეთი რამ ბუნებაში არ არსებობს“, - განაცხადა ირაკლი ქარსელაძემ.
    ირაკლი ქარსელაძის განცხადებით, საუბარი იყო კორუფციულ გარიგებებზეც, რაც ასევე აბსოლუტური ცილისწამებაა.
    „ბევრჯერ გაიჟღერა ცილისწამებამ, რაც უკავშირდება კორუფციას, კორუფციულ გარიგებებს, ეს არის აბსოლუტური ცილისწამება. ხუთი 5 წელია, რაც სამინისტროს სისტემაში ვსაქმიანობ და არც ერთი ფაქტი კორუფციის დამადასტურებელი არ ყოფილა წარმოდგენილი და ვერც იქნებოდა, ბუნებაში ასეთი არ არსებობს, მაგრამ კორუფციაში დამადასტურებელი ფაქტის გარეშე რომ ადანაშაულებენ იმ ადამიანებსა და ორგანიზაციებს, რომლებიც ჩართული არიან პროექტის განხორციელებაში, არის დიდი შეურაცხყოფა და ცილისწამება, ასეთი რამ არის დაუშვებელი“, - განაცხადა ირაკლი ქარსელაძემ.
     
    ipn
  9. tvati
    ილიას სახელმწიფო უნივერსიტეტის სეისმური მონიტორინგის ეროვნული ცენტრის ხელმძღვანელის, თეა გოდოლაძის მიერ განრცელებული ინფორმაციით, დაამუშავეს ცენტრის სეისმური სადგურის მონაცემები, საიდანაც ჩანს რომ სტიქიის აქტიური ფაზა (ჩასახვის ზონაში) დაიწყო 14:56 საათის შემდეგ რამდენიმე წამში და პიკური აქტიურობა გაგრძელდა დაახლოებით 8 წუთი.

    რაჭაში, შოვთან 3 აგვისტოს ჩამოწოლილმა მეწყერმა და ღვარცოფმა კურორტზე მყოფი ადამიანების ნაწილი იმსხვერპლა.
    მეხანძრე-მაშველები ონის მუნიციპალიტეტში მერვე დღეა მუშაობენ.
    საგანგებო სიტუაციების სამსახურის ცნობით, მაშველებთან ერთად მუშაობენ პოლიციის დანაყოფები, კინოლოგთა ჯგუფი, თავდაცვს და ინფრასტრუქტურის სამინისტროების თანამშრომლები. ადგილზე მუშაობს დრონები და სპეცტექნიკა.
    მაშველებმა 11 აგვისტოს მონაცემებით 22 ცხედარი იპოვეს, ჯერ კიდევ ეძებენ 11 დაკარგულს.

    publika
  10. tvati
    შოვში, სტიქიის შედეგად დაღუპულთა რიცხვი 24-მდე გაიზარდა. როგორც რეგიონული განვითარებისა და ინფრასტრუქტურის მინისტრმა, ირაკლი ქარსელაძემ ბრიფინგზე განაცხადა, დღეს აღმოჩენილია სამი ცხედარი და სხეულის ფრაგმენტი.
    “გრძელდება შველა-ძიების სამუშაოები“, - განაცხადა ქარსელაძემ.
    მისივე თქმით, მობილიზებულია 103 ერთეული მძიმე ტექნიკა.
    „10 მდებარეობაზე ხორციელდება აღნიშნული სამაშველო სამუშაოები, სადაც ტექნიკა არის ჩართული. ახალი მდებარეობა არის ალტერნატიულად გაჭრილი გზის მოპირდაპირე მხარეს, მდინარის მეორე ნაპირზე, სადაც ინტენსიური შველა-ძიების სამუშაოები მიმდინარეობს. მობილიზებულია მაქსიმალური რაოდენობის ტექნიკა. უკვე 103 ერთეულზე ვართ ასული მძიმე ტექნიკის თვალსაზრისით, რაც შესაბამის 10 მდებარეობაზეა გადანაწილებული და მაშველების შესაბამისი მითითებით მიმდინარეობს სამაშველო ოპერაცია“, - განაცხადა ქარსელაძემ.
    შეგახსენებთ, რომ 3 აგვისტოს რაჭაში, კურორტ შოვში, მეწყრის ჩამოწოლას მსხვერპლი მოჰყვა. ბოლო მონაცემებით, სტიქიას 24 ადამიანის სიცოცხლე შეეწირა. ამ დრომდე ეძებენ 9 ადამიანს.

    ipn
  11. tvati
    "კალა მერს ივანიშვილმა “ლაგუნა ვერეს” თბილისისთვის საჩუქრად გადაცემისთვის მადლობა რომ ტყუილად ათქმევინა, ეს უკვე აღარავის უკვირს არც კალა მერისგან და არც ივანიშვილისგან. პირველი ტყუილი ხომ არაა ბოლოსდაბოლოს…

    აქ მთავარი სხვა რამეა (თუმცა ტყუილებზე პასუხისმგებლობის დროც მალე მოვა) - კარგი, ვითომ ნაჩუქარს რომ ყიდი გავიგეთ, ესეც აღარ გვიკვირს, მაგრამ ვისზე ყიდი? ნაცზე?
     ასეთია ნაც-ქოცური ალიანსის ლოგიკა, რომლის მიხედვით თბილისელების ინტერესები საკუთარ მერკანტილურ ინტერესებთან რა მოსატანია. როცა დასჭირდებათ, იუსტიციის უმაღლესი საბჭოს წევრებსაც ერთად აირჩევენ, რუსთაველებს მოსაკრებელსაც ერთად გაუძვირებენ, კოალიციასაც შეკრავენ, ხელისუფლებასაც გადაინაწილებენ და ბიზნესსაც ერთად გააკეთებენ!."


    გიორგი შარაშიძე, პარტია "საქართველოსთვის" თბილისის საკრებულოს წევრი.
  12. tvati
    უკრაინის მოქალაქე, რომელიც ბათუმში დააკავეს საკრუიზო რუსული გემის პროტესტის გამო, სასამართლომ 2000 ლარით დააჯარიმა.
    რუსეთიდან წამოსული საკრუიზო გემი Astoria Grande ბათუმის ნავსადგურში 31 ივლისს შევიდა.
    მოქალაქეები მას საპროტესტო შეძახილებით დახვდნენ. ადგილზე მობილიზებული იყო პოლიცია, იყო ფიზიკური შეხლა-შემოხლაც.
    აქციაზე პოლიციამ ადმინისტრაციული წესით ჯამში 23 მოქალაქე დააკავა.

    პუბლიკა
  13. tvati
    რიკოთის უღელტეხილზე მიმდინარე სამუშაოებთან დაკავშირებით გუშინ, ძალიან ბევრი სიცრუე, აბსოლუტურად დაუსაბუთებელი და უსაფუძვლო ბრალდებები, ცილისწამება მოვისმინეთ. ასეთი ტიპის კამპანია მანამდეც იყო, მაგრამ შოვის სტიქიასთან პარალელების გავლება აბსოლუტურად მიუღებელია, - ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ შოვში განაცხადა, რითაც რიკოთის საუღელტეხილო გზის მშენებლობასთან დაკავშირებით დასმულ შეკითხვას უპასუხა.
    როგორც მინისტრმა აღნიშნა, დღეს, 18:00 საათზე, ონში, რაჭის სტიქიასთან დაკავშირებით შექმნილ შტაბში, მედიასთან შეხვედრას გამართავს, სადაც რიკოთის საუღელტეხილო გზის მშენებლობის პროექტთან დაკავშირებით, საზოგადოებას ინფორმაციას მიაწვდის და ჟურნალისტების კითხვებს უპასუხებს.
    „ყველაზე მიუღებელია ის, რომ ხდება ჩვენი მოსახლეობის დაშინება. ისეთი სიცრუის დაბრალება, რომელიც კიდევ უფრო ამძაფრებს დღეს სტიქიის გამო შექმნილ ვითარებას. ყველა ერთად განვიცდით ამ მდგომარეობას. ამ ფონზე ასეთი ქმედება არის აბსოლუტურად მიუღებელი და დაუშვებელი. დღეს, 18:00 საათზე, შევიკრიბოთ შტაბში, სადაც ვისაუბრებთ რიკოთის გზის მშენებლობასთან დაკავშირებულ საკითხებზე. ჩვენ აუცილებლად გიპასუხებთ ყველა თქვენს კითხვაზე და, რა თქმა უნდა, მოგაწვდით ინფორმაციას იმაზე, თუ რა არის სინამდვილე, რა არის რეალობა, სად არის სიცრუე, სად არის უსაფუძვლო და უსამართლო ბრალდება, სად არის ცილისწამება და ყველა სხვა დეტალზე“, - აღნიშნა ირაკლი ქარსელაძემ, რომლის კომენტარსაც რეგიონული განვითარებისა და ინფრასტრუქტურის სამინისტრო ავრცელებს.

    იპნ
  14. tvati
    ჩვენი აზრით, ამ ეტაპზე საგამოძიებო კომისიაზე საუბარი პოლიტიკოსების მხრიდან არასწორია მაშინ, როდესაც ჯერ კიდევ მიმდინარეობს დაკარგულთა სამძებრო სამუშაოები და ჯერ კიდევ არ ვიცით გარდაცვლილთა და დაკარგულ პირთა სრული და საბოლოო სია., - ამის შესახებ სოციალურ ქსელში პარტია "საქართველოსთვის" წევრი, დეპუტატი ანა ბუჩუკური წერს.

      მისი თქმით, ტრაგედიის პირველივე დღიდან “ოცნება” და “ნაციონალური მოძრაობა”  ტრაგედიას ერთმანეთზე პოლიტიკური თავდასხმის მიზნით იყენებს.

    "ახლა ეს კომისიაც იქნება ამ ისტერიის გაგრძელება კიდევ უფრო მწვავე ფორმებში და ვერ უზრუნველყოფს ვერც სიმართლის დადგენას და, რაც მთავარია - ვერც ობიექტურ შეფასებებს. ჩვენ ამ პოლიტიკურ ფარსში არასდროს მიგვიღია მონაწილეობა და არც ახლა ვაპირებთ. გარდა მორალური მხარისა, ეს კომისია ახლა პრაგმატულადაც გაუმართლებელია, რადგან ის ვერ მოემსახურება მთავარს - ასეთი ტრაგედიების თავიდან აცილებას. ჩვენმა საპარლამენტო გუნდმა სადეპუტატო კითხვებით უკვე მივმართეთ მთავრობას ყველა იმ კითხვასთან დაკავშირებით, რომელიც საზოგადოებას აქვს. დაველოდებით ადეკვატურ და ამომწურავ პასუხებს, სხვა შემთხვევაში პროცესი გაცილებით მეტ კითხვას გააჩენს და პასუხების გაცემა ხელისუფლების წარმომადგენლებს სხვა ფორმატში მოუწევთ.", - წერს ანა ბუჩუკური. 


  15. tvati
    მდინარეში [რიონში] აღმოჩენილია შინაური ცხოველების ლეშები, მიმდინარეობს მათი ამოღება კალაპოტიდან, უტილიზაცია იქნება თუ დამარხვა, ამას მუნიციპალიტეტი მიაქცევს ყურადღებას,- ამის შესახებ საგანგებო სიტუაციების მართვის სამსახურის უფროსმა თემურ მღებრიშვილმა ჟურნალისტებს განუცხადა.
    მისი თქმით, მდინარეში სამძებრო სამუშაოებში ნავებია ჩართული.
    „ძალიან ჩქარი დინებაა. არის ადგილები, კონკრეტული ლოკაციები, სადაც ფიზიკურად შეუძლებელია ფეხით გადაადგილება მდინარის კალაპოტში, ამიტომ დადგა დღის წესრიგში ნავების ჩართულობა. ნავების საშუალებით მივდივართ ე.წ. კუნძულებზე და მდინარის მარცხენა სანაპიროზე, რომელიც ფეხით მიუდგომელია“, - განაცხადა თემურ მღებრიშვილმა.
  16. tvati
    რუსეთის ფედერაციის ტერიტორიაზე აფეთქებები გახშირდება და მათი ეფექტურობა გაუმჯობესდება, - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.
    „მინდა ვთქვა, რომ უკრაინის სპეცსამსახურებს - როგორც მთავარ სადაზვერვო სამმართველოს, ასევე უკრაინის უსაფრთხოების სამსახურს - საკმაოდ ეფექტური ქსელი აქვთ რუსეთში. მათ შეუძლიათ გამოიყენონ ეს ქსელი. ვფიქრობ, რომ ასეთი ინციდენტების რიცხვი გაიზრდება", - აღნიშნა პოდოლიაკმა და დასძინა, რომ დარწმუნებულია, რუსეთში „დაუდგენელი დრონების“ გამოყენებით ინციდენტები გახშირდება.
    მისი თქმით, უკრაინა არ იბრძვის რუსეთის ტერიტორიაზე და ყველაფერს თავად რუსეთის ფედერაცია აკეთებს.
    „ეჭვგარეშეა, რომ თავად რუსეთი იბრძვის რუსეთის ტერიტორიაზე. ის თავის თავს გაინადგურებს. ეს ცალსახაა", - განაცხადა პოდოლიაკმა.

    იპნ
  17. tvati
    კომპანია „ნეო სითი დეველოპმენტი”, რომელმაც ლაგუნა ვერე შეისყიდა განცხადებას ავრცელებს.
    კომპანიის განცხადებას „ფორმულა“ ავრცელებს, რომელშიც ნათქვამია, რომ „ლაგუნა ვერეს სპორტულ-გამაჯანსაღებელი აუზი თბილისს მალე დაუბრუნდება”.
    „დაგეგმილია საცურაო კომპლექს ლაგუნას აღდგენა და მისთვის სპორტულ-გამაჯანსაღებელი ფუნქციის აღდგენა. სამუშაოები დაიწყება შესაბამისი კვლევების მომზადებისა და სანებართვო დოკუმენტაციის აღების შემდგომ და დასრულდება მულტიფუნქციური კომპლექსის მშენებლობის დასრულებასთან ერთად. კომპანია წარმოადგენს ლაგუნა ვერეს განვითარების პროექტს.
    ქალაქს ექნება ევროპული სტანდარტების სპორტული კომპლექსი, რომლის ისტორიაც 1978 წელს იწყება. აუზი მისი გამორჩეული დიზაინითა და არქიტექტურით ცურვის მოყვარულებსა და პროფესიონალებს მაღალი სტანდარტის უნიკალურ სივრცეს შესთავაზებს. 70-იანი წლების თბილისის მოდერნიზმის გამორჩეული ნიმუში დაიბრუნებს პირველსახეს”,- ნათქვამია განცხადებაში.
    „ქართუ ფონდმა” ლაგუნა ვერე გაყიდა და ახალი მფლობელი შპს ,,ნეო სითი დეველოპმენტია.“
    საჯარო რეესტრის ამონაწერიდან ირკვევა, რომ 12 665 კვ.მ-ის ფართობის ტერიტორია „ნეო სითი დეველოპმენტის“  საკუთრებაში ოფიციალურად 2023 წლის 10 აგვისტოდან გადავიდა.
    მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის მიხედვით, შპს „ნეო სითი დეველოპმენტის“ მესაკუთრე და 100%-იანი წლის მფლობელია „ნაციონალური მოძრაობის“ ყოფილი წევრი და VI-VIII მოწვეევის პარლამენტის დეპუტატი მარიკა ვერულაშვილია. დირექტორი კი ტარიელ გაბუნიაა.
    თბილისში, „ლაგუნა ვერესა“ და გმირთა მოედანს შორის, აბრეშუმის ყოფილი ფაბრიკის ადგილას ფონდი „ქართუს“ 65-სართულიანი მულტიფუნქციური კორპუსის აშენება სურდა. პროექტმა საზოგადოების აღშფოთების საგანიც გახდა.
    მუნიციპალური სერვისების განვითარების სააგენტოს ვებგვერდზე განთავსებული ინფორმაციის მიხედვით, ირკვეოდა, რომ პროექტის დამკვეთი კომპანია „კოსტავას 69″ იყო, რომლის დირექტორი კახა კობიაშვილია, ხოლო 100%-იანი წილის მფლობელი ფონდი „ქართუ”.
    მიმდინარე წლის 13 მარტს, მერიამ „ლაგუნა ვერესთან“ ფონდ „ქართუს“ ცათამბჯენების პროექტი დაახარვეზა, მერიის ცნობით, კომპანია პროექტისა და დოკუმენტაციის სრულყოფის მიზნით ახალ განაცხადს წარადგენდა და ძველს მსვლელობა აღარ მიეცემოდა.



    პუბლიკა
  18. tvati
    “ანაკლია გაუკაცრიელებულია, ყველა ძველი და ახალი პროექტი გაჩერებულია”, – ვკითხულობთ დემოკრატიის კვლევის ინსტიტუტის [DRI] ახალ ანგარიშში, რომელიც 2023 წლის ივლისში საოკუპაციო ხაზთან მდებარე სოფლებში არსებული ვითარებას შეეხება.
    ორგანიზაციის ცნობით, მათ საოკუპაციო ხაზთან მცხოვრები მოსახლეობის პრობლემების შესწავლის მიზნით წალენჯიხისა და ზუგდიდის მუნიციპალიტეტების სოფლები – განმუხური, ხურჩა, ორსანტია, რუხი, ტყაია, რიყე, ანაკლია, მუჟავას თემი, ფახულანის თემი, ფოცხო-ეწერის  დევნილთა ჩასახლება და გადასასვლელი საგუშაგოები შეისწავლეს.
    “ანაკლიაში ადგილობრივების განცხადებით, არ არსებობს სახლი, საიდანაც ოჯახის ერთი წევრი მაინც არაა წასული ემიგრაციაში. ანაკლიის ქუჩებში ახალგაზრდები არ შეგვინიშნავს. ადგილობრივები საარჩევნო პერიოდში მომეტებულ კონტროლზე და ზეწოლაზე საუბრობენ. გვთხოვეს, არჩევნებზე ჩავიდეთ და თავად დავრწმუნდეთ, რა ხდება ადგილზე”, – წერენ ანგარიშის ავტორები.
    ამასთან, ორგანიზაციის ცნობით, ანაკლიაში ელექტროენერგია და წყალი ამინდის გაუარესებისას უწყდებათ,  წვიმის დროს  – სახლ-კარი ეტბორებათ, სანიაღვრე სისტემები  გაუმართავია, ადგილობრივების ნაკვეთებსა და ეზოებში ნალექი გროვდება და ვერ მიდის ზღვისკენ, რადგან დიდი სასტუმროების მშენებლობის დროს ზღვის მხარე ამაღლდა და ეზოები დაბლა დარჩა.
  19. tvati
    „ქართუ ფონდმა” ლაგუნა ვერე გაყიდა და ახალი მფლობელი შპს ,,ნეო სითი დეველოპმენტია.“
    საჯარო რეესტრის ამონაწერიდან ირკვევა, რომ 12 665 კვ.მ-ის ფართობის ტერიტორია „ნეო სითი დეველოპმენტის“  საკუთრებაში ოფიციალურად 2023 წლის 10 აგვისტოდან გადავიდა.
    მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის მიხედვით, შპს „ნეო სითი დეველოპმენტის“ მესაკუთრე და 100%-იანი წლის მფლობელია „ნაციონალური მოძრაობის“ ყოფილი წევრი და VI-VIII მოწვეევის პარლამენტის დეპუტატი მარიკა ვერულაშვილია. დირექტორი კი ტარიელ გაბუნიაა.
    თბილისში, „ლაგუნა ვერესა“ და გმირთა მოედანს შორის, აბრეშუმის ყოფილი ფაბრიკის ადგილას ფონდი „ქართუს“ 65-სართულიანი მულტიფუნქციური კორპუსის აშენება სურდა. პროექტმა საზოგადოების აღშფოთების საგანიც გახდა.
    მუნიციპალური სერვისების განვითარების სააგენტოს ვებგვერდზე განთავსებული ინფორმაციის მიხედვით, ირკვეოდა, რომ პროექტის დამკვეთი კომპანია „კოსტავას 69″ იყო, რომლის დირექტორი კახა კობიაშვილია, ხოლო 100%-იანი წილის მფლობელი ფონდი „ქართუ”.
    მიმდინარე წლის 13 მარტს, მერიამ „ლაგუნა ვერესთან“ ფონდ „ქართუს“ ცათამბჯენების პროექტი დაახარვეზა, მერიის ცნობით, კომპანია პროექტისა და დოკუმენტაციის სრულყოფის მიზნით ახალ განაცხადს წარადგენდა და ძველს მსვლელობა აღარ მიეცემოდა.

    პუბლიკა
  20. tvati
    რაჭაში კიდევ ერთი ადამიანის ცხედარი იპოვეს. სტიქიის შედეგად დაღუპულთა რიცხვი 22-მდე გაიზარდა.
    როგორც საგანგებო სიტუაციების მართვის სამსახურის ხელმძღვანელმა, თემურ მღებრიშვილმა ჟურნალისტებთან საუბრისას განაცხადა, ცხედარი მდინარის კალაპოტში სტიქიის ეპიცენტრიდან 20 კილომეტრის მოშორებით იპოვეს.
    მისივე თქმით, გარდა ამისა, სტიქიიდან 24 კილომეტრის მოშრებით აღმოჩენილია, ასევე, ადამიანის ქვედა კიდური.
    „აღმოჩენილია ცხედარი რიონის კალაპოტში და ამ დროისთვის მიმდინარეობს ცხედრის ამოსვენების ღონისძიება. გარდა ამისა, ნაპოვნია ადამიანის სხეულის ქვედა კიდური და მიმდინარეობს აქტიური საძიებო სამუშაოები. მინდა დავამატო ინფორმაცია, რომ დღეს რაც ხდება მონიტორინგი მდინარეზე - ეს პირველივე დღიდან ხორციელდება, თუმცა ჩვენ ახლა ვსაუბრობთ უკვე პერიმეტრის გაზრდაზე. ჩვენ ამ დრომდე 30 კილომეტრ პერიმეტრზე გავდივართ მონიტორინგზე, თუმცა დღის ბოლომდე, ან ხვალ დილიდან 54 კილომეტრიან პერიმეტრზე გავალთ. ეს არის ამბროლაურის ტერიტორია და ვეცდებით, რომ მაქსიმალურად ეფექტურად მოხდეს მონიტორინგი მდინარის კალაპოტში“, - განაცხადა მღებრიშვილმა.
    შეგახსენებთ, რაჭაში, შოვში მეწყერი 3 აგვისტოს ჩამოწვა. სტიქიის შედეგად დაიღუპა 22 ადამიანი, მათ შორის, ბავშვები. 11 პირის სამძებრო სამუშაოები ამ დრომდე მიმდინარეობს.

    იპნ
  21. tvati
    კაცობრიობის სახელით მოვუწოდებ რუსეთის ფედერაციას, შეასრულოს საერთაშორისო ჰუმანიტარული სამართლის ვალდებულებები და დაუყოვნებლივ შეწყვიტოს განურჩეველი თავდასხმები უკრაინაზე, - ამის შესახებ უკრაინაში გაერო-ს ჰუმანიტარული კოორდინატორის დენის ბრაუნის განცხადებაშია აღნიშნული, რომელიც რუსების მიერ ზაპოროჟიეში განხორციელებულ სარაკეტო თავდასხმის შედეგად სასტუმრო Reikartz-ის დაზიანებას ეხმაურება.
    "შეძრწუნებული ვარ ახალი ამბებით, რომ სასტუმრო, რომელსაც ხშირად იყენებენ გაერო-ს თანამშრომლები და ჩვენი კოლეგები არასამთავრობო ორგანიზაციებიდან, რომლებიც ომის შედეგად დაზარალებულ ადამიანებს ეხმარებიან, დაზიანდა რუსეთის მიერ ზაპოროჟიეში განხორციელებული თავდასხმის შედეგად. ეს ყოვლად დაუშვებელია", - აღნიშნულია განცხადებაში.
    გაერო-ს ჰუმანიტარული კოორდინატორის განცხადებით, მშვიდობიან მოქალაქეებზე განურჩეველი თავდასხმები საერთაშორისო ჰუმანიტარულ კანონს არღვევს.
    "განურჩეველი თავდასხმების რაოდენობამ, რომლის შედეგადაც ნადგურდება სამოქალაქო ინფრასტრუქტურა, იღუპებიან მშვიდობიანი მოქალაქეები, წარმოუდგენელ დონეს მიაღწია - ეს თავდასხმები საერთაშორისო ჰუმანიტარულ კანონს არღვევს. კაცობრიობის სახელით მოვუწოდებ რუსეთის ფედერაციას, შეასრულოს საერთაშორისო ჰუმანიტარული სამართლის ვალდებულებები და დაუყოვნებლივ შეწყვიტოს განურჩეველი თავდასხმები უკრაინაზე", - აცხადებს დენის ბრაუნი.
    ცნობისათვის, 10 აგვისტოს საღამოს რუსული ძალები ზაპოროჟიეს დაესხნენ თავს, რის შედეგადაც დაზიანდა სამოქალაქო ინფრასტრუქტურა, დაიღუპა მინიმუმ 1 და დაშავდა 16 ადამიანი.
  22. tvati
    თუ აქამდე ჰორმონოთერაპიის, ქიმიოთერაპიის, სხივური თერაპიის და მედიკამენტების დაფინანსება წლის განმავლობაში 40 000 ლარამდე შემოსავლის მქონე პირებისთვის იყო, ახლა ნებისმიერი მოქალაქე იქნება პროგრამის მოსარგებლე, - ამის შესახებ ჯანდაცვის მინისტრის მოადგილემ, თამარ გაბუნიამ „ინტერპრესნიუსს“ განუცხადა. მისივე ინფორმაციით, ონკოლოგიური პაციენტებისთვის, რომელთა შემოსავალი წელიწადში 40 ათას ლარს აღემატება, ჰორმონოთერაპიის, ქიმიოთერაპიის, სხივური თერაპიის და მედიკამენტების დაფინანსება უკვე დაიწყო.
    მისი თქმით, ბენეფიციარებს პროცედურების ჩატარება საქართველოში არსებულ სამედიცინო დაწესებულებში შეუძლიათ, დაფინანსების მისაღები პროცედურა კი, ძალიან მარტივია.
    „ეს პროგრამა ხორციელდება საყოველთაო ჯანდაცვის ფარგლებში, რომელიც დამტკიცებულია მთავრობის 36-ე დადგენილებით და 2013 წლიდან მუშაობს. ზოგადად, ამ პროგრამის ბენეფიციარები იყვნენ ისინი, ვისაც წლის განმავლობაში შემოსავალი 40 ათასამდე ჰქონდა, ახლა კი ამ ცვლილებით, იმის გათვალისწინებით, თუ რა მძიმე შედეგი შეიძლება გამოიწვიოს არანამკურნალებმა ონკოლოგიურმა დაავადებამ და რამდენად მნიშვნელოვანია მკურნალობაზე ხელმისაწვდომობა, სხივური თერაპია, ქიმიოთერაპია და ჰორმონოთერაპია [სპეციალური მედიკამენტები, რომელიც ონკოლოგიური დაავადებების სამკურნალოდ გამოიყენება და მაღალი ეფექტურობა ახასიათებს] 25 ათასი ლარის ფარგლებში დაიფარება ყველასთვის.
    თუ აქამდე იყო 40 000 ლარამდე შემოსავლის მქონე პირებისთვის, ახლა ნებისმიერი მოქალაქე შემოსავლის სტატუსის მიუხედავად პროგრამის მოსარგებლე იქნება.
    პროგნოზული ბიუჯეტი გაკეთებულია, ეს არის გათვალისწინებული საყოველთაო ჯანდაცვის ბიუჯეტიდან, ცალკე კომპონენტი არ არის გამოყოფილი.
    პროცედურების ჩატარება შესაძლებელია საქართველოში, ძალიან კარგად არის აწყობილი ეს პროცედურები. ვინც იღებს ამ სერვისებს, იმ ბენეფიციარების შედეგები კარგია. პროგრამა დაწყებულია უკვე, დადგენილების მიღებისთანავე ამოქმედდა.
    დაფინანსების მისაღები პროცედურა ძალიან მარტივია. კლინიკამ იცის საყოველთაო ჯანდაცვის პროგრამის ფარგლებში როგორ უნდა წარმოადგინოს მოთხოვნა კონკრეტული სერვისის ანაზღაურებაზე. ამას განიხილავს ჯანმრთელობის ეროვნული სააგენტო, ადასტურებს მოთხოვნას და პაციენტი იღებს შეტყობინებას, რომ მისი სერვისი დაფინანსდა“, - აღნიშნა გაბუნიამ „ინტერპრესნიუსთან“ საუბრისას.

    იპნ
  23. tvati
    ადგილობრივ ხელისუფლებას ინტენსიური კომუნიკაცია გვაქვს გარდაცვლილი მოქალაქეების ოჯახებთან და დღეს დაიწყება იმ გარდაცვლილი მოქალაქეების სამოქალაქო პანაშვიდები, რომლებიც რეგისტრირებულები არიან ონის მუნიციპალიტეტში, - ამის შესახებ ონის მუნიციპალიტეტის მერმა სერგი ხიდეშელმა განაცხადა.
    მისივე თქმით, გარდაცვლილი მოქალაქეების გადმოსვენების და დაკრძალვის ხარჯებს ონის მერია უზრუნველყოფს.
    „კიდევ ერთხელ მინდა მივუსამძიმრო სტიქიის შედეგად გარდაცვლილი მოქალაქეების ოჯახებს, ახლობლებს და ჩვენ ქვეყანას მთლიანად. საძიებო სამუშაოები ინტენსიურად მიმდინარეობს, რაც შეეხება არსებულ მონაცემებს - 21 მოქალაქე არის გარდაცვლილი, აქედან 19 მოქალაქე არის იდენტიფიცირებული და 12 მოქალაქის საძიებო-სამაშველო სამუშაოები მიმდინარეობს. ადგილობრივ ხელისუფლებას ინტენსიური კომუნიკაცია გვაქვს გარდაცვლილი მოქალაქეების ოჯახებთან და დღეს დაიწყება იმ გარდაცვლილი მოქალაქეების სამოქალაქო პანაშვიდები, რომლებიც რეგისტრირებულები არიან ონის მუნიციპალიტეტში. სამოქალაქო პანაშვიდი გაიმართება როგორც ონში მთავარანგელოზის სახელობის ტაძარში, ასევე ონის კულტურის სახლში. გარდაცვლილი მოქალაქეების გადმოსვენების და დაკრძალვის ხარჯებს უზრუნველყოფს ონის მერია“, - განაცხადა მერმა.
    ამასთან, ხიდეშელის განცხადებით, სტიქიის ზონაში სამუშაო არეალი გაფართოვდა და მიმდინარეობს ჩარჩენილი ავტომანქანების გამოყვანა.
    „ავტომობილების გარკვეული ნაწილი, რომელიც სტიქიის ზონაში იყო ჩარჩენილი გამოყვანილია და ეტაპობრივად ხდება ჩარჩენილი სხვა ავტომანქანების გამოყვანა. არეალი გაფართოვდა, მათ შორის, მდინარე ჭანჭახის ხეობაში მიმდინარეობს სამუშაოები“, - აღნიშნა მერმა.

    იპნ
  24. tvati
    "ჩეხი ოჯახი, რომელიც სტიქიის პირველ დღეს გადარჩა და ონის მაშველებმა გამოიყვანეს, მზარეული Michal Bartak-ი. მისი ინიციატივა იყო რამით დახმარებოდა რაჭველებს და ყოველ დღე ოპერატორები, ადამიანები, ვინც ტექნიკაზე ოპერირებს, მაშველებისთვის, მოხალისეებისთვის, სასწრაფოს პერსონალისთვის, პოლიციელებისთვის დღეში ორჯერ, ჯამში 400 კაცზე აკეთებს საჭმელს, სუპებს, გულიაჟებს და ა.შ"- წერს Sal Lien-ი სოციალურ ქსელში.

    რუსთავი2

  25. tvati
    არაერთმა პოლიტიკურმა ჯგუფმა, თუ მედიასაშუალებამ, შოვში მომხდარი ტრაგედიის შემდეგ, რიკოთის საუღელტეხილო გზის მშენებლობასთან დაკავშირებით, კვლავ დაიწყო პროექტისა და საავტომობილო გზების დეპარტამენტის დისკრედიტაცია. მინდა სრული პასუხისმგებლობით ვთქვა, რიკოთის ყველა დასრულებული მონაკვეთი იქნება უსაფრთხო , - ამის შესახებ საავტომობილო გზების დეპარტამენტის თავმჯდომარემ, გიორგი წერეთელმა, შოვის სტიქიის ზონიდან მედიასთან საუბრისას განაცხადა.
    როგორც გიორგი წერეთელმა აღნიშნა, რიკოთის უღელტეხილზე სამუშაოები გეგმის შესაბამისად მიმდინარეობს. გარკვეულ მონაკვეთებზე სამუშაოების პროგრესი მაღალია და ეს მონაკვეთები წლის ბოლომდე შევა ექსპლუატაციაში.
    „მინდა გამოვეხმაურო რიკოთის თემას. არ მეგონა თუ სტიქიის ზონიდან მომიწევდა აღნიშნული განცხადების გაკეთება, მაგრამ სამწუხაროდ, მიწევს. ბოლო დღეებია ძალიან გააქტიურდა ნეგატიური განცხადებები სხვადასხვა პოლიტიკური ჯგუფის და ადამიანების მხრიდან. მინდა ვთქვა, რომ აღნიშნული განცხადებებით, კვლავ ცდილობენ პროექტის დისკრედიტაციას, მოსახლეობაში შიშის გაჩენას, თითქოს რიკოთის უღელტეხილზე რაღაც ცუდი ხდება“, - განაცხადა გიორგი წერეთელმა.
    საავტომობილო გზების დეპარტამენტის თავმჯდომარის თქმით, სულ, რიკოთის მონაკვეთზე 77 ფერდია, რომელსაც უკეთდება პროექტით განსაზღვრული შესაბამისი გამაგრებითი სამუშაოები. რიკოთის პროექტის ფარგლებში, პროექტის დაწყებიდან, სულ 6000 მ სიგრძის გეოლოგიური ბურღი გაკეთდა. ჩატარდა არაერთი გეოტექნიკური, გეოფიზიკური და სეისმური კვლევები და ამ კვლევების საფუძველზე იქნა მიღებული რიკოთის უღელტეხილის საპროექტო გადაწყვეტილება.
    „რაც შეეხება ფერდებს, ეს არის სამუშაო პროცესი და ის მოვლენები, რომლებსაც ჰქონდა ადგილი, იყო სამუშაო პროცესის ნაწილი. სამწუხაროდ, ყველა კადრი, რომელიც ვრცელდება ამა თუ იმ ტელევიზიით, არის ძველი, თვეების წინ გადაღებული და თუ დღეს ჩახვალთ რიკოთის უღელტეხილზე, ნახავთ სულ სხვა სურათს და სხვა მდგომარეობას. ყველა ფერდი, რომელიც რიკოთზე იყო, დამუშავდება პროექტის შესაბამისად და იქნება უსაფრთხო. ამ მონაკვეთებზე გადაადგილება იქნება უსაფრთხო“, - განაცხადა გიორგი წერეთელმა.

    იპნ
×
×
  • შექმენი...