Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    თელ-ავივზე ნახევარი საათის შუალედით ორი სარაკეტო თავდასხმა განხორციელდა, - ინფორმაციას The Times of Israel-ი ავრცელებს.
    გამოცემის ცნობით, თავდასხმაზე პასუხისმგებლობა „ჰამასის“ შეიარაღებულმა ფრთამ, „ალ-კასამის ბრიგადებმა“ აიღო.
    „ალ-კასამის ბრიგადებმა“ განაახლეს თელ-ავივის დაბომბვა, მშვიდობიანი მოსახლეობის წინააღმდეგ სიონისტების მიერ ჩადენილი ხოცვა-ჟლეტის საპასუხოდ“, - აცხადებენ „ალ-კასამის ბრიგადებში“.
    გავრცელებული ინფორმაციით, დაბომბვის შედეგად საცხოვრებელი კორპუსი დაზიანდა და 3 ადამიანი დაშავდა.
    ipn
  2. tvati
    "ოცნება" ყალბი კვლევების გამოქვეყნებისთვის ემზადება: არარსებულ წინასაარჩევნო ალიანსებთან დაკავშირებული პროპაგანდაც აქედან მოდის."


    მიშა დაუშვილი, პარტია "საქართველოსთვის" წევრი, დეპუტატი.
    395959332_202186339499000_2465057332845625346_n.mp4
  3. tvati
    პრეზიდენტის ყველა კეთილისმსურველს ვურჩევ, რომ მას ურჩიონ - არ გახსნას, საქართველოს კონსტიტუციის დარღვევის პანდორას ყუთი. ეს ჩვენს ქვეყანას არ წაადგება და პირდაპირ წინააღმდეგობაში იქნება ჩვენი ქვეყნისა და ხალხის ეროვნულ ინტერესებთან, - ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.
    როგორც შალვა პაპუაშვილმა აღნიშნა, სხვა ქვეყნებისგან ქართველი ხალხის მიმართ პატივისცემა გამოიხატება, უპირველეს ყოვლისა, საქართველოს სახელმწიფოსა და კონსტიტუციის მიმართ პატივისცემით.
    მისი თქმით, სხვა ქვეყნებმა კონსტიტუციის დარღვევაში ხელი პრეზიდენტს არ უნდა შეუწყონ, თუ მას ამის მცდელობა ექნება.
    „თუ ერთი კონსტიტუციური ორგანო სისტემატურად და განზრახ დაიწყებს კონსტიტუციის დარღვევას, ეს იქნება პრეცედენტი, რომლის გადალახვაც ძალიან რთული იქნება შემდეგ, რადგან პრეცედენტებს აქვს ძალიან ცუდი თვისება - როცა ის ერთხელ დამკვიდრდება, შემდეგ შეიძლება, სხვასაც წაუცდეს ხელი, რომ დაარღვიოს კონსტიტუცია, თუკი განსაკუთრებით ასეთი მაღალი თანამდებობის პირისგან ხდება ასეთი უპატივცემულობის გამოვლენა. რა თქმა უნდა, ამას აქვს მეორე მხარეც, თუ ქალბატონი სალომე სხვა ქვეყანაში გაემგზავრება. ვინც თავს საქართველოსა და ქართველი ხალხის მეგობრად თვლის, მათ დაჟინებით მოვუწოდებ, რომ ქალბატონ სალომეს საქართველოს კონსტიტუციის დარღვევაში ხელი არ შეუწყონ. სხვა ქვეყნებისგან ქართველი ხალხის მიმართ პატივისცემა გამოიხატება არა მხოლოდ და არა იმდენად ჩვენი ბუნების, კულტურის და ა.შ. პატივისცემით, არამედ, უპირველეს ყოვლისა, გამოიხატება - საქართველოს სახელმწიფოსა და კონსტიტუციის მიმართ პატივისცემით. ჩვენს კულტურასა და ბუნებას ბევრი სცემს პატივს, მათ შორის, ჩვენი არაკეთილმოსურნეებიც. პრობლემა მაშინ არის, როცა ჩვენს სახელმწიფოს და კონსტიტუციას პატივს არ სცემენ. ამიტომ, რა თქმა უნდა, ასეთი გამგზავრება თუ შედგება, მიმღები მხარე ქართველი ხალხისა და კონსტიტუციის მიმართ უპატივცემულობას გამოიჩენს, რაც არც მეგობრობასთან არის შესაბამისი და არც რაიმე სახის ღირებულებასთან. ქალბატონ სალომეს დაჟინებით მოვუწოდებ, რომ არ დაარღვიოს კონსტიტუცია, რაც უკვე არის დადასტურებული ფაქტი. თუ არჩევნებში სალომე ზურაბიშვილის მონაწილეობაზე გეგმები სადმე იხარშება, ეს კიდევ ერთხელ კონსტიტუციის დარღვევაა - მას ის პოზიცია აქვს, რომელიც უნდა იყოს ზეპარტიული და ნაცვლად იმისა, რომ ამ სტატუსს გაუფრთხილდეს, უკვე ფაქტია, რომ პირდაპირ გადაეშვა პოლიტიკაში და არის ცალკეული პოლიტიკური ჯგუფების მფარველობის ქვეშ, რაც ჩვენ პარლამენტში ვიხილეთ. გარდა ამისა, არის ცალკეული პოლიტიკური ჯგუფებისთვის პირდაპირ პოლიტიკური დღის წესრიგის გამტარებელი. რაც შეეხება 2024 წლის არჩევნებს, მგონი, უკვე აქედანაც კარგად ჩანს ბევრი რამ. 2024 წელს ქართველ ხალხს ექნება არჩევანი, ერთი მხრივ, ანტიქართულ კოალიციასა და „ქართულ ოცნებას“ შორის. გასაგებია, რა არჩევანს გააკეთებს ქართველი ხალხი. ქართველმა ხალხმა ეს არჩევანი უკვე ბევრჯერ გააკეთა და ამ არჩევანს გაიმეორებს. ანტიქართულ კოალიციას ქვეყანაში გასაქანი არასდროს არ აქვს“, - განაცხადა შალვა პაპუაშვილმა.
    ipn
  4. tvati
    გარემოს ეროვნული სააგენტოს ინფორმაციით, უახლოეს დღეებში საქართველოში თბილი და უმეტესად უნალექო ამინდი იქნება. (მცირე წვიმა შესაძლოა აღინიშნოს მხოლოდ ცალკეულ რაიონში).
    რაც შეეხება თბილისს, დედაქალაქში თბილი და უნალექო ამინდი შენარჩუნდება, ჰაერის ტემპერატურა დღისით +25, +27 გრადუსი იქნება.
    „სანაპირო რაიონებში (ბათუმი, ქობულეთი, ანაკლია, ფოთი): თბილი და უმეტესად უნალექო ამინდია მოსალოდნელი. ჰაერის ტემპერატურა დღისით +25, +27 გრადუსია მოსალოდნელი.
    დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): თბილი და უმეტესად უნალექო ამინდია მოსალოდნელი. ჰაერის ტემპერატურა დღისით +26, +28 გრადუსი დაფიქსირდება.
    დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): ზოგან შესაძლოა მცირე წვიმა აღინიშნოს. ჰაერის ტემპერატურა დღისით +22, +24 გრადუსი დაფიქსირდება.
    დასავლეთ საქართველოს მაღალმთიან რეგიონებში (მესტია, ბახმარო): ზოგან შესაძლოა მცირე წვიმა აღინიშნოს. ჰაერის ტემპერატურა დღისით +17, +19 გრადუსი დაფიქსირდება.
    ქართლში (რუსთავი, ბოლნისი, მარნეული, გარდაბანი, გორი, ცხინვალი): თბილი და უმეტესად უნალექო ამინდია მოსალოდნელი. ჰაერის ტემპერატურა დღისით +24, +26 გრადუსი დაფიქსირდება.
    კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო,): თბილი და უმეტესად უნალექო ამინდია მოსალოდნელი. ჰაერის ტემპერატურა დღისით +24, +26 გრადუსი დაფიქსირდება.
    აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): ზოგან შესაძლოა მცირე წვიმა აღინიშნოს. ჰაერის ტემპერატურა დღისით +22, +24 გრადუსი დაფიქსირდება.
    აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): ზოგან შესაძლოა მცირე წვიმა აღინიშნოს. ჰაერის ტემპერატურა დღისით +17, +19 გრადუსი დაფიქსირდება“, - ნათქვამია გავრცელებულ ინფორმაციაში.

    ipn
  5. tvati
    დღეს, 27, ოქტომბერს, მთავრობის ინიციატივით დაწესებული, მასწავლებლის ეროვნული დღე აღინიშნება. ამ დღესთან დაკავშირებით ოპერისა და ბალეტის თეატრში მასწავლებლის ეროვნული პრემიის დაჯილდოების ცერემონია გაიმართება, სადაც გამორჩეულ პედაგოგებს გამოავლენენ.
    განათლებისა და მეცნიერების სამინისტრომ გაავრცელა ვიდეო, სადაც სხვადასხვა პროფესიის ადამიანებით დაკომპლექტებული სპეციალური კომისია მუშაობს პედაგოგების შერჩევაზე. ვიდეოში ასახულია გადარჩევის პროცესი და საუბრობენ ჟიურის წევრები.

    განათლების სამინისტროს ცნობით, განათლებისა და მეცნიერების სამინისტროს მიერ დადგენილი კრიტერიუმების შესაბამისად, იკრიბება იმ მასწავლებელთა ისტორიები, რომლებსაც სხვადასხვა მიმართულებით განსაკუთრებული წვლილი შეაქვთ მოსწავლეების, სასკოლო საზოგადოებისა, თუ თემის განვითარებაში. ამის შემდეგ კი სპეციალურად დაკომპლექტებული კომისია, რომელშიც გაერთიანებული იქნებიან ცნობილი სახეები სხვადასხვა სფეროდან, გამოავლენს წლის საუკეთესო მასწავლებლებს.

    publika
  6. tvati
    26 ოქტომბერს თბილისის საკრებულოში ფრაქცია „თბილისი საქართველოსთვის“ დეპუტატებმა ზაზა თავაძემ, სალომე კობალაძემ და გიორგი შარაშიძემ მოქალაქეებს საკრებულოში გაწეული საქმიანობის ანგარიში წარუდგინეს. 


    როგორც თბილისის საკრებულოს წევრმა გიორგი შარაშიძემ მოქალაქეებთან შეხვედრაზე განაცხადა, თბილისის საკრებულოში გახარიას გუნდისთვის ანტიკორუფციული ინიციატივები მთავარ პრიორიტეტად რჩება, ისევე როგორც კარგი მმართველობა, ევროპული თვითმმართველობა, სატრანსპორტო რეფორმა, მოქალაქეთა უსაფრთხოება და სოციალური პრობლემები. 
    „ანტიკორუფციული კომისიის, როგორც კორუფციის რისკების პრევენციის მექანიზმის, შექმნა თბილისის საკრებულოში კვლავ ჩვენი გუნდის მთავარ მოთხოვნად რჩება, თუმცა, სამწუხაროდ, „ოცნების“ უმრავლესობას ამ გადაწყვეტილების მიღების პოლიტიკური ნება არ გააჩნია“ – განაცხადა გიორგი შარაშიძემ. მისი თქმით, პოლიტიკურ კორუფციაში მერიის მაღალჩინოსნებისა და „ოცნების“ მხილება მათ არ შეუწყვეტიათ და მომავალშიც გააგრძელებენ ამ მიმართულებით აქტიურ საქმიანობას. 

    “ვაკის პარკის ტრაგიკულმა მოვლენამ გამოააშკარავა, რომ სისტემური კორუფცია არა მხოლოდ უმძიმესი ეკონომიკური დანაშაულია, რაც აფერხებს ქვეყნის განვითარებას, არამედ შესაძლოა გადაიზარდოს სისხლის სამართლებრივ დანაშაულშიც და გამოიწვიოს ადამიანური ტრაგედიები” – განაცხადა შარაშიძემ.  
     
    ფრაქცია „თბილისი საქართველოსთვის“ მიერ გამოაშკარავებული ერთ–ერთი ხმაურიანი საქმე თბილისის მერიის მიერ რუსული სანქცირებული კომპანია „კამაზისგან“ ხუთ მილიონამდე ლარის სპეცტექნიკის შეძენას ეხებოდა. სამწუხაროდ, მიუხედავად გახარიას გუნდის მოთხოვნისა, მერიამ მაინც არ გააუქმა ხელშეკრულება „კამაზთან“, რომელიც მსოფლიოს წამყვანი სახელმწიფოების მიერ არის სანქცირებული რუსული ტერორისტული არმიის სამხედრო კომპონენტებით მომარაგებისთვის. 
     
    ფრაქციის საქმიანობაში მნიშვნელოვანი იყო პოლიტიკური კორუფციის ნიშნების გამო პროკურატურაში შეტანილი განცხადება გახმაურებული სამშენებლო ნებართვების დაჩქარებული წესით დამტკიცების გამო იმ კომპანიებისთვის, რომელთა უკან „ოცნების“ შემომწირველები, მათთან დაახლოებული პირები და ოჯახის წევრებიც კი დგანან. 
     
    ფრაქციამ პროკურატურას გამოძიების მოთხოვნით ასევე მიმართა სახელმწიფო აუდიტის დასკვნის საფუძველზე, რაც პირდაპირ მიუთითებს „თბილსერვის ჯგუფში“ არსებულ კორუფციულ დარღვევებზე, სასურველ კომპანიებზე მრავალმილიონიანი ტენდერების მორგებასა და სხვა ეკონომიკურ დანაშაულებზე. 
     
    „სამწუხაროდ პროკურატურას ეს საქმეები კვლავ თაროზე აქვს შემოდებული, მაგრამ მინდა ვუთხრა მათ, ვინც ამ საქმე არ იძიებს, რომ მალე მოვა დრო, როცა ყველა დამნაშავის პასუხისმგებლობა, მათ შორის ამ დანაშაულების გამოძიებაზე პასუხისმგებელი პირების პასუხისმგებლობა, პერსონალიზირებული იქნება“ – განაცხადა ფრაქციის თავმჯდომარემ ზაზა თავაძემ. 
     
    მნიშვნელოვანი იყო სატრანსპორტო სფეროს ეფექტური რეგულირებისთვის ფრაქციის მიერ წარმოდგენილი ინიციატივები. როგორც სალომე კობალაძემ განაცხადა, იმედია, თბილისის მერია გაითვალისწინებს ფრაქციის ინიციატივას და დიდი გაბარიტის ავტომობილებს თბილისის ყველაზე გადატვირთულ ზონებში პიკურ საათებში მაინც შეეზღუდება მოძრაობა, რაც ოდნავ მაინც განტვირთავს დედაქალაქს გაუსაძლისი საცობებისგან. 
     
    სალომე კობალაძის თქმით, ასევე არის მოლოდინი, რომ მერია გაითვალისწინებს მათ ინიციატივას და გასაჩივრების გამარტივებულ ფუნქციას მობილური აპლიკაციის მეშვეობით გახდის ხელმისაწვდომს, რადგან ძალიან ხშირია ავტომობილების საჯარიმო სადგომებზე უკანონო გადაყვანის შემთხვევები, რაც მოქალაქეთა სამართლიან პროტესტს იწვევს. 
     
    შეხვედრა მოქალაქეებთან დიალოგის რეჟიმში გაგრძელდა. გამოითქვა საინტერესო მოსაზრებები, რაც ფრაქცია „თბილისი საქართველოსთვის“ დეპუტატების თქმით, უახლოეს მომავალში დამუშავდება და ახალი ინიციატივების სახით საკრებულოს და მერიას წარედგინება.       
      



  7. tvati
    “თუკი ვინმე ევროკავშირს არწმუნებს, რომ სტატუსი დღეს არ მოგვცენ და გადადონ ეს ამბავი, ასეთი ადამიანები “ოცნებაზე” უარესები არიან. რაც შეეხება წინსვლას კანდიდატის სტატუსის მიღების შემდეგ, “ოცნების” პირობებში წინსვლა საერთოდ არ გაგრძელდება ან თუ გაგრძელდება ეს იქნება მხოლოდ და მხოლოდ ქართველი ხალხის დამსახურება.”      მიშა დაუშვილი, პარტია "საქართველოსთვის" წევრი, დეპუტატი.  396534171_348694740886151_2166910741474691325_n.mp4
  8. tvati
    “საქართველოს კანდიდატის სტატუსი უკვე მიღებული აქვს და რა თქმა უნდა, ეს მხოლოდ და მხოლოდ ქართველი ხალხის დამსახურებაა, განსაკუთრებით ბოლო 30 წლიანი ბრძოლისა და გეოპოლიტიკური მდგომარეობის გამო, რომ ჩვენმა ევროპელმა პარტნიორებმა რუსეთთან პირისპირ არ დაგვტოვონ. კანდიდატის სტატუსის მიღებას საკუთარ დამსახურებად ვერავინ მიიწერს ქართველი ხალხის გარდა! ყველაზე მძიმე რეალობა არის ის, რომ საქართველო საგრძნობლად უკანაა იგივე მოლდოვასთან შედარებით და ჩამორჩება გაწევრიანების პროცესში. ჩვენი გუნდი კანდიდატის სტატუსის მისაღებად ყველა ეტაპზე პარტიულ ინტერესებზე მაღლა სახელმწიფო ინტერესებს აყენებდა, რასაც, სამწუხაროდ, ვერ ვიტყვით ყველა ოპოზიციურ პარტიაზე."  
    გიორგი შარაშიძე, პარტია "საქართველოსთვის" თბილისის საკრებულოს წევრი.  395988524_838834651360229_7387442016720198268_n.mp4
  9. tvati
    დედაქალაქის საკრებულოში „თბილისი საქართველოსთვის“ წევრებმა, სალომე კობალაძემ, ზაზა თავაძემ და გიორგი შარაშიძემ ფრაქციის საქმიანობის ანგარიში წარადგინეს.      დეპუტატებმა საზოგადოებას გააცნეს თბილისის მერიაში არსებული კორუფციის, არაეფექტიანი მენეჯმენტის, სატრანსპორტო და ურბანულ პრობლემებთან დაკავშირებული ფაქტები.      პრეზენტაციას პარტია „საქართველოსთვის“ ლიდერები ესწრებოდნენ.










  10. tvati
    "კობახიძემ ერთხელ თქვა, ძალიან ბევრი ბუზი ბზუის, მაგრამ გახარიასთან ყველა ტყუისო. ამ ბზუილს მიეჩვია თვითონვე, როგორც ჩანს."


    ბერდია სიჭინავა, პარტია "საქართველოსთვის" აღმასრულებელი მდივანი. 
    396063691_318920074091517_5385189348649761654_n.mp4
  11. tvati
    პარტიამ „საქართველოსთვის“ საკუთარი რიგებიდან ორი წევრი გარიცხა, - ამის შესახებ პარტია "საქართველოსთვის" ინფორმაციას სოციალურ ქსელში ავრცელებს. 

      პარტიის განცხადებით, „ქართული ოცნება“ კვლავ განაგრძობს მათი პოლიტიკური პარტიის წინააღმდეგ, ბინძური მეთოდებით მიზანმიმართულ ბრძოლას.


    "პოლიტიკური ბრძოლის იარაღად იყენებს მიტაცებულ სახელმწიფო ინსტიტუტებს, ადგილობრივ თვითმმართველობებს, ძალოვან სტრუქტურებს და სპეცსამსახურებს, პარტიის ცენტრალური თუ რაიონული რგოლის წარმომადგენლებს, კრიმინალური სამყაროს წევრებს და მოსყიდვით, დაშინებით თუ დაშანტაჟებით ცდილობს ჩვენი გუნდის წევრების გადაბირებას. სამწუხაროდ, ამგვარ ცდუნებებს და ზეწოლას გარკვეული პირები ვერ უძლებენ და ლახავენ ჩვენი პოლიტიკური გუნდის და ღირსეული ადამიანების რეპუტაციას. ასეთების ადგილი ჩვენს გუნდში არ არის. სწორედ ამიტომ, 2023 წლის 26 ოქტომბერს, პარტიამ „საქართველოსთვის“ მიიღო გადაწყვეტილება, ,,ქართული ოცნების“ მიერ მოსყიდული და გადაბირებული ჩვენი წევრები - ქ. ბათუმის საკრებულოს დეპუტატი, ნატალია ძიძიგური და ქობულეთის მუნიციპალიტეტის საკრებულოს დეპუტატი შოთა გოგიტიძე გარიცხოს პარტია „საქართველოსთვის“ რიგებიდან! გადაწყვეტილება მიღებულ იქნა იმის გამო, რომ ძიძიგური და გოგიტიძე არაერთხელ იქნენ შემჩნეულნი არაგუნდურ მოქმედებებში, გუნდის საზიანოდ გადადგმულ ნაბიჯებში და ხელისუფლებასთან ფარულ თანამშრომლობაში. ჩვენი გადაწყვეტილება, ყველა მსგავს შემთხვევაში, ძალიან მკაცრი იქნება! სამწუხაროა, რომ „ქართულმა ოცნებამ“ კომფორტულად მოირგო მმართველობის და პოლიტიკური ბრძოლის ის მახინჯი ფორმები, რომლებიც მემკვიდრეობით მიიღო „ნაციონალური მოძრაობის“ ხელისუფლებისგან. პოლიტიკური ბრძოლის ასეთი ფორმები ჩვენი პოლიტიკური გუნდის წინააღმდეგ, კიდევ ერთხელ ცხადყოფს, რომ „ქართულ ოცნებას“ პარტია „საქართველოსთვის“ მიაჩნია ყველაზე რეალურ ძალად, ვინც შეძლებს ქართველ ხალხთან ერთად 2024 წლის საპარლამენტო არჩევნებში მათი ხელისუფლებიდან მშვიდობით გაცილებას და ნაციონალურ მოძრაობასთან მათი შეხმატკბილებული პოლიტიკური თანაცხოვრების დასრულებას.", - წერია განცხადებაში.         
  12. tvati
    ძალიან მკაფიოდ გვაქვს გაკეთებული განცხადება, რომ არც ერთ პოლიტიკურ პარტიასთან გაერთიანებას არ ვაპირებთ. დამერწმუნეთ მედია და საზოგადოება იქნება პირველი, ვინც ჩვენგან გაიგებს ვაპირებთ თუ არა ვინმესთვის კარის გაღებას.

     როცა ვამბობთ, რომ “ნაცებმა” და “ოცნებამ” ჯამში 50%-ზე ნაკლები უნდა აიღონ, ეს ხედვა არის რეალური. ფაქტია, მათ აღელვებთ, რომ “ნაცების” და “ოცნების” 20 წლიანი მმართველობა ამ ქვეყანაში უნდა დასრულდეს. ნებისმიერი კვლევა, მათ შორის ბოლო კვლევები ადასტურებს, რომ ამ ქვეყნის ნახევარზე მეტი ამბობს- მე აღარც “ნაცების” მჯერა და აღარც “ოცნების”.

    ანა ბუჩუკური, პარტია "საქართველოსთვის" წევრი, დეპუტატი.  396016746_641759378156191_5723339882484450235_n.mp4
  13. tvati
    „ჩვენს წინააღმდეგობას ასეთი კონსპირაციებით ვერ შეასუსტებთ, რადგან ეს პროტესტი გულწრფელი და სამართლიანია, – მოძრაობა „ქართული კინო საფრთხეშია” ეხმაურება „ტრენინგების საქმეს” და მას კრიტიკული აზრის ჩახშობისა და საზოგადოების დაშინების მცდელობად აფასებს. გთავაზობთ განცხადებას:
    სახელმწიფო უსაფრთხოების სამსახური გამოკითხვაზე იბარებს ხელოვანებს, რომლებიც სექტემბერში დაესწრნენ USAID-ის დაფინანსებით ტრენინგს.
    უწყების მტკიცებით, ტრენინგის მონაწილეებს „ჩაუტარდათ სწავლება, თუ როგორ უნდა იმოქმედონ სამიზნე ჯგუფების, კერძოდ, ხელისუფლების, მართლმადიდებლური ეკლესიის, სახელმწიფო უსაფრთხოების სამსახურისა და სხვა უწყებების წინააღმდეგ”.
    ტრენინგის მონაწილეები აცხადებენ, რომ ტრენინგებს არავითარი კავშირი გადატრიალებასთან არ ჰქონია.  მათი თქმით, ეს იყო სასწავლო კურსი საინიციატივო ჯგუფებისთვის კულტურისა და ხელოვნების სფეროში.
    ტრენინგი მიზნად ისახავდა მონაწილეებისთვის გაეცნო მიდგომები – კულტურისა და ხელოვნების სფეროს მოძრაობებისა შესახებ, ასევე არაძალადობრივი აქტივიზმის, ცვლილებებისთვის თვითორგანიზებისა და  მხარდამჭერების მობილიზების კუთხით.
     
    publika
  14. tvati
    საქართველოს მოსახლეობის აბსოლუტური უმრავლესობის ძალიან დიდი სურვილია, რომ ევროკავშირს დაუახლოვდეს, - ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.
    „ეს აშკარად გადამწყვეტი კვირები იქნება საქართველოსთვის, 8 ნოემბერს გაფართოების პირველი ანგარიში გამოქვეყნდება და მიმდინარე წლის ბოლოს, დეკემბრის შუა რიცხვებში, ევროკავშირის 27 წევრი სახელმწიფო, უმაღლეს პოლიტიკურ დონეზე მიიღებს გადაწყვეტილებას საქართველოს ევროკავშირში ინტეგრაციის პროცესის შესახებ“, - განაცხადა ჰერჩინსკიმ.
    „8 ნოემბერს, ყველანი ვნახავთ გაფართოების პირველ ანგარიშს, ეს მხოლოდ დამსახურებაზე დაფუძნებული ანგარიში იქნება, რომელიც აჩვენებს იმას, თუ სად მიაღწია საქართველომ პროგრესს და სად არის საჭირო შემდგომი პროგრესი. ეს ანგარიში იქნება რეკომენდაცია ევროკავშირისთვის, ხოლო 14 და 15 დეკემბერს გადაწყვეტილებას ევროკავშირის 27 წევრი სახელმწიფო მიიღებს.
    საქართველოს მოსახლეობის აბსოლუტური უმრავლესობის ძალიან დიდი სურვილია, რომ ევროკავშირს დაუახლოვდეს, ამაზე მთავრობაც და ოპოზიციაც თანხმდება. დაველოდოთ ევროკავშირის 27 წევრი სახელმწიფოს გადაწყვეტილებას, მაგრამ ყოველი დღე მნიშვნელოვანია და დრო არ უნდა დაიკარგოს“, - აღნიშნა საქართველოში ევროკავშირის ელჩმა.


    იპნ
  15. tvati
    ხის დარგვის კვირეულის ფარგლებში, საქართველოს ეროვნულ ბოტანიკურ ბაღს ქალაქ თბილისის N 65-ე საჯარო სკოლის მოსწავლეები ესტუმრნენ.

      სკოლის მოსწავლეებს ტყის მნიშვნელობის შესახებ სემინარი ჩაუტარდათ, რომლის შემდეგ მათ ხეების დარგვაში მიიღეს მონაწილეობა.

      მოსწავლეებმა უთხოვრის - Taxus baccata 5 ნერგი დარგეს.

      Taxus baccata მესამეული პერიოდის იშვიათი რელიქტური წიწვოვანი მცენარეა. იგი გავრცელებულია ევროპაში, აზიაში, აფრიკის ჩრდილოეთ ნაწილში. სახეობა შეტანილია რეგიონულ და ეროვნულ წითელ ნუსხებში. საქართველოს მთავრობის მიერ 2014 წელს დამტკიცებულ წითელ ნუსხაში მას მინიჭებული აქვს სტატუსი მოწყვლადი - VU, ხოლო IUCN -ბუნების კონსერვაციის საერთაშორისო კავშირის გლობალურ წითელ ნუსხაში - LC - საჭიროებს ზრუნვას.

      უთხოვრის დიდი ბუნებრივი კორომი აღმოსავლეთ საქართველოში ბაწარა-ბაბანეურის დაცულ ტერიტორიაზე გვხვდება, ხოლო დასავლეთ საქართველოში იგი გავრცელებულია კოლხურ ტყეებში.

     
    უთხოვარი ასევე დაცულია "გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ" (CITES) კონვენციით.


    ინფორმაციას აღნიშნულის შესახებ, საქართველოს ეროვნული ბოტანიკური ბაღი ავრცელებს. 
















     
  16. tvati
    საქართველოს პრეზიდენტი სალომე ზურაბიშვილი საქართველოში აკრედიტებული დიპლომატიური მისიების წარმომადგენლებს ხვდება. დიპლომატებისა და პრეზიდენტის შეხვედრა ორბელიანის სასახლეში მიმდინარეობს.
    შეხვედრის დაწყებამდე მედიასთან განცხადებები არ გაკეთებულა.
    შეგახსენებთ, რომ სალომე ზურაბიშვილი უკვე რამდენიმე კვირაა შეხვედრებს მართავს, როგორც ოპოზიციის, ისე არასამთავრობო სექტორის თუ დიპლომატიური მისიების წარმომადგენლებთან.

    იპნ
  17. tvati
    ხუთშაბათს 26 ოქტომბერს 11:00 საათზე თბილისის საკრებულოში ფრაქცია “თბილისი საქართველოსთვის” გაწეული საქმიანობის ანგარიშს მოქალაქეებს წარუდგენს.

     თემები: კორუფცია თბილისის მერიაში. არაეფექტიანი მენეჯმენტი. სატრანსპორტო და ურბანული პრობლემები.


    ინფორმაციას აღნიშნულის შესახებ, პარტია "საქართველოსთვის" ავრცელებს. 
  18. tvati
    USAID-ის ახალი პროექტი საქართველოში განათლების სექტორს 14 მილიონი აშშ დოლარით დააფინანსებს.
    პროგრამის წარდგენა დღეს ქართული სახვითი ხელოვნების მუზეუმში გაიმართება. ღონისძიებაში მონაწილეობას მიიღებენ განათლებისა და მეცნიერების მინისტრი გიორგი ამილახვარი, USAID-ის ადმინისტრატორის მოადგილე, ევროპისა და ევრაზიის ბიუროში, ელჩი ერინ ელიზაბეტ მაქიი.
    პროგრამა „განათლება მომავლისთვის“, რომელსაც USAID საქართველოს განათლებისა და მეცნიერების სამინისტროსთან, ამერიკის შეერთებული შტატების (აშშ) არიზონის სახელმწიფო უნივერსიტეტთან, აშშ-ის სკოლების მსოფლიო ქსელთან და საქართველოს უნივერსიტეტთან პარტნიორობით იწყებს, მოსწავლეზე ორიენტირებული სასკოლო გარემოსა და ხარისხიანი განათლების ხელმისაწვდომობას გაუმჯობესებას ისახავს მიზნად. პროგრამას საერთაშორისო განვითარების საკონსულტაციო კომპანია „ქემონიქსი“ ახორციელებს.

    ნეტგაზეთი
  19. tvati
    ისრაელი გაეროს ენერალური მდივნის, ანტონიო გუტიერეშის გადადგომას ითხოვს და აცხადებს, რომ ორგანიზაციის წარმომადგენლებზე ვიზებს აღარ გასცემს, იტყობინება The Times of Israel.
    ისრაელის პროტესტის მიზეზი გაეროს უშიშროების საბჭოს სხდომაზე 24 ოქტომბერს გუტიერეშის გამოსვლა გახდა, რა დროსაც მან ტერორისტული ორგანიზაცია „ჰამასის“ მხრიდან ისრაელზე 7 ოქტომბრის თავდასხმის საფუძვლის ახსნა დაიწყო.
    მისი თქმით, „ჰამასის თავდასხმა ვაკუუმში არ მომხდარა“. გუტიერეშმა ამ კონტექსტში ისრაელისა და პალესტინის კონფლიქტზეც ისაუბრა:
    თუმცა, გაეროს გენმდივანმა აგრეთვე აღნიშნა, რომ ეს არ ამართლებს „ჰამასის“ თავდასხმას, ხოლო თავდასხმა არ ამართლებს ისრაელის მხრიდან „პალესტინელთა კოლექტიურ დასჯას“.
    გუტიერეშის გამოსვლას მწვავე კრიტიკა მოჰყვა ისრაელში. გაეროში ისრაელის ელჩმა გილად ერდანმა „შოკისმომგვრელად“ შეაფასა მისი განცხადებები და აღნიშნა:
    „გაეროს გენერალური მდივანი, რომლისთვისაც გასაგებია ბავშვთა, ქალთა და ხანდაზმულთა მასობრივი მკვლელობის კამპანია, გაეროს ვერ უხელმძღვანელებს. მოვუწოდებ, გადადგეს“.
    ელი კოენმა, ისრაელის საგარეო საქმეთა მინისტრმა, გააუქმა ნიუ-იორკში გასამართი შეხვედრა გუტიერეშთან. გაეროს გენმდივანი გააკრიტიკა ისრაელის საომარი კაბინეტის წევრმა, ოპოზიციონერმა ბენი განცმაც – „ბნელია დღეები, როცა გაეროს გენერალური მდივანი ამართლებს ტერორს“.
    ამასთან ერთად, ისრაელი აგრეთვე აღარ გასცემს ვიზებს გაეროს წარმომადგენლებისთვის. ელჩ ერდანის თქმით, ვიზაზე უკვე უარი ეთქვა მარტინ გფიფითსს, გუტიერეშის მოადგილეს ჰუმანიტარულ საკითხებში.
    „დროა, მათ გაკვეთილი ვასწავლოთ“, – აღნიშნა ერდანმა.

    ნეტგაზეთი
  20. tvati
    პარტია „საქართველოსთვის“ რეგიონული შეხვედრების ფარგლებში რუსთავში შეხვედრა გაიმართა პარტიის ქვემო ქართლის რეგიონის წარმომადგენლებთან, რუსთავის საკრებულოს თავმჯდომარე ნოდარ შეროზიასთან, რუსთავისა და ქვემო ქართლის რეგიონში შემავალი მუნიციპალიტეტების საკრებულოს წევრებთან და პარტიის აქტივისტებთან., - ამის შესახებ ინფორმაციას სოციალურ ქსელში პარტია "საქართველოსთვის" ავრცელებს. 

      როგორც ინფორმაციაშია აღნიშნული, ქვემო ქართლის რეგიონული წარმომადგენლობის გუნდს შეხვდნენ პარტიის თავმჯდომარე გიორგი გახარია, რეგიონული მდივანი შალვა კერესელიძე, აღმასრულებელი მდივანი ბერდია სიჭინავა და საარჩევნო მიმართულების ხელმძღვანელი გიორგი ბაშარული.

      შეხვედრაზე განიხილეს ქვემო ქართლის რეგიონში და, მათ შორის, ქალაქ რუსთავში არსებული პრობლემები და მათი გადაჭრის გზები; რეგიონულ და მუნიციპალურ ჭრილში პარტიის „საქართველოსთვის“ საქმიანობის გააქტიურება, სამომავლო გეგმები და 2024 წლის საპარლამენტო არჩევნებთან დაკავშირებული საკითხები.





  21. tvati
    "ნუ დაგვღალეს! კობახიძეს თავისი მილიონი პრობლემა აქვს და მიხედოს - ხომ იძახიან, რომ 1%-იანები ვართ და თავი დაგვანებონ."

    ანა ბუჩუკური, პარტია "საქართველოსთვის" წევრი, დეპუტატი.  395994311_1384654505755822_2720911518011420095_n.mp4
  22. tvati
    დიდ დიღომში, „გუდვილის“ მიმდებარე ტერიტორიაზე მომხდარ დაჭრასთან დაკავშირებით, ადგილზე საგამოძიებო მოქმედებები მიმდინარეობს.
    არსებული ინფორმაციით, კონფლიქტი დისტრიბუციის მანქანის მძღოლსა და მსუბუქი ავტომანქანის მძღოლს შორის გზის დათმობასთან დაკავშირებით წარმოიშვა.
    დაშავებული მამაკაცი დისტრიბუციის მანქანის მძღოლია, ის ფეხის არეში ცივი იარაღითაა დაჭრილი და კლინიკა „ვივამედშია“ გადაყვანილი.
    სამართალდამცავებს გამოკითხვაზე ჰყავთ გადაყვანილი დაჭრილი მამაკაცის მეწყვილეც. უცნობია, დააკავეს თუ არა, პირი, რომელმაც მამაკაცს დანა დაარტყა.
    როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება, სისხლის სამართლის კოდექსის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.

    იპნ
  23. tvati
    საქართველოს შინაგან საქმეთა სამინისტროს გენერალური ინსპექციის თანამშრომლებმა შიდა ქართლის პოლიციის დეპარტამენტის თანამშრომელი იარაღის უკანონო შეძენა-შენახვისა და კონტრაბანდის ბრალდებით დააკავა. როგორც რადიო „მოზაიკა“ იუწყება, საუბარია იოსებ გელაშვილზე, რომელიც აგარის პოლიციის უფროსია.
    საქართველოს შინაგან საქმეთა სამინისტროში აცხადებენ, რომ დაკავებულს დიდი ოდენობით მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვას ედავებიან. უწყების ცნობით, მისი საცხოვრებელი სახლის, ავტომობილისა და სამუშაო ოთახის ჩხრეკის შედეგად დიდი ოდენობით სხვადასხვა სახის უაქციზო სიგარეტი, ცეცხლსასროლი იარაღები, ვაზნები, მჭიდები და ფული ნივთმტკიცებად ამოიღეს.
    შსს-ს ცნობით, გამოძიება სისხლის სამართლის კოდექსის მე-200 მუხლის მე-3 და 236-ე მუხლის მე-3 ნაწილებით მიმდინარეობს. ბრალი დამტკიცების შემთხვევაში 8 წლამდე თავისუფლების აღკვეთას ითვალისწინებს.

    ნეტგაზეთი
  24. tvati
    დღეს, 24 ოქტომბერს, პრეზიდენტი სალომე ზურაბიშვილი ოპოზიციონერ ქალ დეპუტატებს შეხვდა.
    როგორც შეხვედრის შემდეგ ოპოზიციის წარმომადგენლებმა განაცხადეს, შეხვედრის მთავარი თემა ევროინტეგრაცია იყო. მათივე განცხადებით, ევროკავშირის წევრობის კანდიდატის სტატუსის მისაღებად პრეზიდენტს საკუთარი ხედვა აქვს, რომელსაც მომავალ დღეებში თავად გააცნობს საზოგადოებას.
    „ფაქტია, რომ პრეზიდენტზე არავითარ გავლენას არ ახდენს „ქართული ოცნების“ მუქარები და ბრალდებები. ის აპირებს, გააგრძელოს საკუთარი პოლიტიკური ნაბიჯებით და გადაწყვეტილებებით ქვეყნის ევროპული სტატუსის დაცვა. საუბარი იყო იმაზე, როგორ ხედავს ჩვენს მანდატს. ჩვენს რეკომენდაციებს მოუსმინა“, – განაცხადა „რესპუბლიკური პარტიის“ ლიდერმა ხათუნა სამნიძემ.
    „ლელოს“ წევრის, სალომე სამადაშვილის განცხადებით, პრეზიდენტმა ოპოზიციასთან კანდიდატის სტატუსით მისაღებად კოორდინირებული მოქმედებაც განიხილა.
    პრეზიდენტს აქვს ძალიან დიდი სურვილი კოორდინირებულად მოხდეს მოქმედება იმისთვის, რომ შეუსრულებელი პირობების მიუხედავად, ჩვენ მივიღოთ კანდიდატის სტატუსი. მას საკუთარი ხედვაც აქვს რა უნდა გაკეთდეს ამ თვალსაზრისით და ამას თავად გააცნობს საზოგადოებას“, – განაცხადა სალომე სამადაშვილმა.
    ოპოზიოციონერების განცხადებით, პრეზიდენტთან საუბარი ასევე შეეხებოდა სადავო კანონებსაც, მათ შორის „მაუწყებლობის შესახებ“ კანონში დაჩქარებულად შესულ ცვლილებებსაც.
    „ჩემი ინტერესი ასევე იყო „მაუწყებლობის შესახებ“ კანონთან მიღებულ ცვლილებებზე საუბარი. მე მიმაჩნია, რომ პრეზიდენტმა ამ ცვლილებებთან დაკავშირებით ვეტოს უფლება“, – განაცხადა პარლამენტის დამოუკიდებელმა დეპუტატმა თამარ კორძაიამ.

    ნეტგაზეთი
  25. tvati
    „ნაციონალურ მოძრაობას“ და „ოცნებას“ ხელისუფლებაში გადაწყვეტილების მიღების უნარი აღარ უნდა ჰქონდეთ, ეს არის ამოცანა N1 და ამ ამოცანას ჩვენ სტრატეგიული ხაზით მივუყვებით და აუცილებლად გავალთ ბოლოში. ერი დაიღალა მიშას და ბიძინას დაპირისპირებით, თავისი შეცდომებით, თავისი გაკეთებულით და გაფუჭებულით. ჩემი აზრით, ეს არის მკაფიოდ გამოკვეთილი მოცემულობა ქართულ საზოგადოებაში. ხალხს უნდა პროგრესი და არა რეგრესი, ხალხს უნდა გაერთიანება, საზოგადოებას სჭირდება წინ წასვლა.”

    კახაბერ ქემოკლიძე, პარტია “საქართველოსთვის” პოლიტიკური მდივანი. 394665583_1074501250564679_6894344402429871672_n.mp4
×
×
  • შექმენი...