Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    ყვავილების გამოფენა, საქართველოს ეროვნული ბოტანიკური ბაღი

    ფოტოები - ცოტნე წერეთელი 

    ცნობისთვის, 
    28 და 29 ოქტომბერს ეროვნულ ბოტანიკურ ბაღში შემოდგომის ყვავილების გამოფენა-გაყიდვა იმართება.  გამოფენაზე წარმოდგენილია ბოტანიკური ბაღის ქრიზანთემების კოლექციის მრავალფეროვნება და ტროპიკულ მცენარეთა ორანჟერეის კოლექცია, თბილისსა და რეგიონებში არსებული სანერგე მეურნეობების პროდუქცია.
      გელოდებათ:  ყვავილების გამოფენაზე თანამედროვე მხატვრების ნინო ჩაკვეტაძის, ბუბა არაბულისა და ხათუნა მაისურაძის ნამუშევრების გამოფენა-გაყიდვა გაიმართება.
       - თიხით ძერწვის მასტერკლასი -  ეკოსაგანამნანათლებლო აქტივობები  - ეპოქსიდით შექმნილი თემატური ხელნაკეთი ნივთების გამოფენა  - საშემოდგომო გვირგვინების მასტერკლასი...
      გარდა ამისა, გელოდებათ სასიამოვნო მუსიკა, ცხელი გლინტვეინი, ნაკვერჩხალზე მოხალული წაბლი და სასიამოვნო გარემო.


    ინფორმაციას საქართველოს ეროვნული ბოტანიკური ბაღი ავრცელებს.
       





























  2. tvati
    მესტიის მუნიციპალიტეტს ახალი, მაღალი გამავლობის რეანიმობილი გადაეცა.
    ჯანდაცვის სამინისტროს პრესსამსახურის ინფორმაციით, ევროსტანდარტების შესაბამისი, თანამედროვე სამედიცინო აპარატურით დაკომპლექტებული რეანიმობილით ნებისმიერი სიმძიმის პაციენტის ტრანსპორტირებაა შესაძლებელი და როგორც მესტიის მუნიციპალიტეტის, ისე მხარის მოსახლეობისთვის გადაუდებელი სამედიცინო მომსახურების დროულად მიღება კიდევ უფრო ხელმისაწვდომი გახდა.
    მათივე ცნობით, მესტიის რეფერალური დახმარების ბრიგადა თბილისიდან მიწვეული სპეციალისტებით დაკომპლექტდა.
    „გარდა ამისა, მოსახლეობისთვის მაღალი ხარისხის სამედიცინო სერვისის მიწოდების მიზნით, მესტიის საავადმყოფოს კომპიუტერული ტომოგრაფიის აპარატი გადაეცა.
    ამჟამად მიმდინარეობს შესაბამისი, კვალიფიციური კადრების შერჩევის პროცესი და კლინიკა აღნიშნულ სერვისს მოსახლეობას უახლოეს პერიოდში ადგილზე მიაწვდის“, – ნათქვამია ჯანდაცვის სამინისტროს პრესსამსახურის მიერ გავრცელებულ ინფორმაციაში.
    მესტიის მუნიციპალიტეტის გადაუდებელი დახმარების რაიონულ სამსახურში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ილია ღუდუშაური, საგანგებო სიტუაციების კოორდინაციისა და გადაუდებელი დახმარების ცენტრის დირექტორი ალექსანდრე კუტიბაშვილი, სამეგრელო-ზემო სვანეთის სახელმწიფო რწმუნებული გიორგი გუგუჩია და მესტიის მუნიციპალიტეტის მერი კაპიტონ ჟორჟოლიანი იმყოფებოდნენ.
    ჯანდაცვის სამინისტრომ 2023 წლის ივლისში ახალი, ევროსტანდარტების შესაბამისი 120 ერთეული სასწრაფო დახმარების მანქანა, მათ შორის, 15 ერთეული რეანიმობილი შეიძინა, რომელთა გადაცემაც გადაუდებელი დახმარების ცენტრისთვის ეტაპობრივად დაიწყო.
    ჯანდაცვის სამინისტროში აღნიშნავენ, რომ, გადაუდებელი სამედიცინო დახმარების სერვისის გაუმჯობესებისა და გადაუდებელ შემთხვევებზე ეფექტური რეაგირების მიზნით, ავტოპარკის განახლება მუდმივ რეჟიმში გაგრძელდება.

    1ტვ
  3. tvati
    ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა არ უპასუხა კითხვებს ჩინეთში გამართულ ბანკეტზე, რომელსაც რუსეთის პრეზიდენტ ვლადიმერ პუტინთან ერთად ესწრებოდა.
    საუბარია 18 ოქტომბერს ჩინეთში „სარტყელი და გზის“ ფორუმის ფარგლებში გამართულ ბანკეტზე, რომლის შესახებაც ინფორმაცია ქართულ მედიაში თავდაპირველად „ტაბულამ“ 27 ოქტომბერს გაავრცელა.
    ბანკეტის ვიდეოკადრებში ჩანს, როგორ უსმენენ ჩინეთის პრეზიდენტის, სი სი ძინპინის სიტყვით გამოსვლას მაგიდების გარშემო მსხდომი სტუმრები, რომელთა შორის, ვლადიმირ პუტინი და ლევან დავითაშვილიც არიან.
    ამასთან, ფორუმიდან გავრცელებულ ვიდეოკადრებში, რომელიც დაბალი გარჩევადობისაა, ჩანს, რომ ვლადიმერ პუტინის გამოსვლას, სავარაუდოდ, ლევან დავითაშვილი ჩინეთში საქართველოს ელჩთან,  არჩილ კალანდიასთან ერთად უსმენდა.
    თავადა ლევან დავითაშვილმა დღეს, 28 ოქტომბერს, არ უპასუხა „მთავარი არხის“ კითხვას, შეექმნა თუ არა უხერხულობა ვლადიმერ პუტინთან ერთად ღონისძიებაზე დასწრებისას.
    თუმცა, დავითაშვილისა და პუტინის ერთ ღონისძიებაზე დასწრებასთან დაკავშირებით მედიასთან კომენტარის გაკეთება მოუწია ინფრასტრუქტურის მინისტრ ირაკლი ქარსელაძეს, რომლის თქმითაც,  „კონფერენციებს ახასიათებს, რომ მას ესწრებიან სხვადასხვა ქვეყნების წარმომადგენლები.“
    ჟურნალისტის კითხვაზე არის თუ არა დისკმოფორტი, როცა [კონფერენციას] ოკუპანტი ქვეყნის წარმომადგენელიც ესწრება, ირაკლი ქარსელაძემ ასე უპასუხა:
    „დისკომფორტი არის როდესაც ჩვენი ტერიტორიების 20% არის ოკუპირებული, დისკომფორტი და უფრო მეტიც არის. იმისთვის ვშრომობთ, იმისთვის ვაკეთებთ ყველაფერს, რომ ქვეყანა გაძლიერდეს და მშვიდობიანად დაიბრუნოს ეს ოკუპირებული ტერიტორიები“, –  განაცხადა ქარსელაძემ.

    ნეტგაზეთი
  4. tvati
    54 წლის ასაკში გარდაიცვალა ყველა დროის ერთ-ერთი ყველაზე პოპულარული სატელევიზიო შოუ Friends-ის („მეგობრები“) მსახიობი მეთიუ პერი. ის სერიალში ჩენდლერ ბინგის როლს ასრულებდა.
    ამერიკული მედიის ინფორმაციით, მეთიუ პერი 28 ოქტომბერს, ლოს-ანჯელესში, საკუთარი სახლის აბაზანაში იპოვეს უგონო მდგომარეობაში. პოლიციამ გამოძიება დაიწყო, თუმცა, როგორც რამდენიმე მედიასაშუალება საკუთარ წყაროებზე დაყრდნობით იტყობინება, ადგილზე ძალადობის კვალი არ ყოფილა.
    მეთიუ პერი წლების განმავლობაში ებრძოდა ნარკო და ალკოჰოლდამოკიდებულებას. 2022 წელს გამოქვეყნებულ მემუარებში პერი წერს ამ პრობლენაზე, რეაბილიტაციის არაერთ მცდელობასა და ამ სენთან მუდმივ ბრძოლაზე. ოპიოდების მოხმარების გამო მას ჯანმრთელობის სერიოზული პრობლემები შეექმნა, 2 კვირის განმავლობაში იყო კომაში, ასევე, კუჭზე 14-ჯერ ჰქონდა ოპერაცია გაკეთებული.
    მან ნარკოდამოკიდებულებაზე ღიად ისაუბრა გარდაცვალებამდე ერთი წლით ადრე, People-სთვის მიცემულ ინტერვიუში. ის ამბობდა, რომ ექიმების თქმით, მას სიცოცხლის გაგრძელების „2%-იანი შანსი ჰქონდა“.
    „ჩემს წიგნში ვამბობ, რომ თუ მოვკვდები, ეს ადამიანებში შოკს გამოიწვევს, თუმცა არავის გააკვირვებს. ამით ცხოვრება ძალიან საშიში რამაა. ვიმედოვნებ, ხალხი დაინახავს და ეცოდინება, რომ ეს დაავადება ყველას შეიძლება დაემართოს. მნიშვნელობა არ აქვს, შენ წარმატებული ხარ თუ არა, დაავადებას ეს არ აინტერესებს“, — ამბობდა მეთიუ პერი.
    თუმცა სამედიცინო ექსპერტიზისა და შესაბამისად, გარდაცვალების ზუსტი მიზეზი მოგვიანებით გახდება ცნობილი.

    ნეტგაზეთი
  5. tvati
    ფეისბუკზე ერთ-ერთ დახურულ ჯგუფში 25 ოქტომბერს მარიამმა (სახელი შეცვლილია), პოსტი დადო. 24 წლის ახალგაზრდა ქალი ჰყვებოდა, რომ 4 თვის წინ ბათუმში გაცნობილი ბიჭი, რომელიც ცნობილი და ტიტულიანი მოკრივეა, ფიზიკურად ისე სასტიკად გაუსწორდა, რომ მოძრაობაც უჭირდა. მარიამი წერდა, რომ მოკრივეს კრივის ეროვნული ფედერაციიდან მფარველობდნენ. საერთო ნაცნობები კი ქალზე ზეწოლას ცდილობდნენ, სპორტსმენის კარიერა არ დაეღუპა და გაჩუმებულიყო. ახალგაზრდა ქალი ათასობით სხვა ქალს, რომელსაც ფეისბუკის ეს ჯგუფი აერთიანებს, რჩევას და დახმარებას სთხოვდა.
    26 ოქტომბერს მარიამს პროკურატურაში გატარებული მრავალი საათის მერე შევხვდით. ის მტკიცედ იმეორებს, რომ “არავის უნდა ეპატიოს ქალზე ძალადობა, არავითარი მიღწევისა და გავლენიანი ნაცნობების გამო”. ამბობს, რომ მომხდარის შემდეგ უკვე გამოიარა შოკის, ვერ გააზრების, სტრესისა და უძრაობის მდგომარეობები და ამატებს, რომ ახლა ძალიან გაბრაზებულია და დარწმუნებული, ამ საქმეს ბოლომდე მიიყვანს.
    რა მოხდა 23 ოქტომბერს გამთენიისას – მარიამის მონათხრობი
    “გაცნობიდან აქამდე თითქმის ყოველდღიური მიმოწერა გვქონდა. ყოველდღე ვერ ვნახულობდი, ხშირად იყო შეკრებებზე. ხან საქართველოში, ხან რუსეთში. შეყვარებულები არ გვეთქმოდა ნამდვილად, მაგრამ არც სხვები და უცხოები ვიყავით ერთმანეთისთვის. 
    წინა თვის დასაწყისში წავიდა რუსეთში სავარჯიშოდ. ოთხი დღის წინ ჩამოვიდა, იმ ღამეს, როცა ეს მოხდა. შეთანხმებული ვიყავით, რომ გამომივლიდა. მომაკითხა თავის მეგობართან ერთად, რომელიც რუსთავში უნდა წაგვეყვანა. გზაში მარიხუანა მოწია. არ მინდოდა, რომ არაფხიზელ მდგომარეობაში დამჯდარიყო საჭესთან, ტაქსი გამოვიძახე, მაგრამ გამაუქმებინა. დამარწმუნა, ჩემს თავზე პასუხისმგებელი ვარო და გავყევი. თბილისში რომ შემოვედით, ვარკეთილში მის კორპუსთან მიმიყვანა. მთხოვდა, რომ მასთან ავსულიყავით. ვუთხარი, რომ არ მინდოდა და ტაქსი გამოვიძახე, დღეს პროკურორსაც ვაჩვენე, 6-ჯერ გამოვიძახე ტაქსი და ექვსჯერ გამაუქმებინა. ამ დროს ჯერ მშვიდი იყო. 
    ბოლოს და ბოლოს გამოვიძახე. მოლოდინის დროს 15 წუთს მიწერდა. ამ დროს ვიკამათეთ. ვიცოდი, რომ კიდევ ხვდებოდა სხვას და მეუბნებოდა, რომ ამ ამბავს დაალაგებდა. გავიაზრე, რომ უბრალოდ პარალელური ურთიერთობები ჰქონდა ჩვენთან და ვუთხარი, თვითონ თუ ვერ ალაგებდა, მე დავალაგებდი და ტელეფონი ავიღე, რომ ტაქსის მოსვლის დრო შემემოწმებინა. იფიქრა, რომ ტელეფონი იმ გოგოსთვის მისაწერად ავიღე. 
    თმაში მწვდა და თავი სკამის საზურგეზე მარტყმევინა. ტელეფონი ხელში მეჭირა და ამ ბრძოლაში შემთხვევით ვიდეო და ფლეში ერთად ჩავრთე. ამაზე სულ გაგიჟდა. ჩემს სკამზე გადმოვიდა, თმით ისევ ვეჭირე. ტელეფონს მართმევდა, დაზიანებები ეტყობა კიდეც. ისე მტკიოდა მაგ მომენტში ყველაფერი და იმდენად მოკლე დროში, მოულოდნელად ხდებოდა ეს, არც კი მახსოვს ზუსტად, რას აკეთებდა. ეგ წამები იყო, როცა ძალიან შემეშინდა. ვიფიქრე, როგორმე უნდა დამემშვიდებინა და ვუთხარი, რომ გიორგი, არაფერი მაქვს, არაფერი გადამიღია-მეთქი. თვითონვე მივეცი ტელეფონი. თითქოს გააანალიზა, რაც ქნა. თავის ადგილზე გადაჯდა.
    მაგ დროს ვუთხარი, გაჩვენებ ახლა, როგორ უნდა ძალადობა-მეთქი და 112 ავკრიფე. დილის 3 საათი და 35 წუთი იყო მაგ დროს. ვერ მიხვდა, სად ვრეკავდი. ალბათ ეგონა, რომ ტაქსისტთან ვაპირებდი დარეკვას. მანქანიდან გადავიდა და რომ მოესმა, 112-ს ველაპარაკებოდი, მანქანას ჩემი მხრიდან მოუარა, კარი გამოაღო. შეიძლება 112-ის ჩანაწერშიც იყოს ჩემი ხმა, რომ ვეუბნები, ელექტროშოკი მიჭირავს და არ მომიახლოვდე-მეთქი. არასდროს დამჭირვებია მისი გამოყენება, მაგრამ მაგის გარეშე სახლიდან არ გავდივარ. ფეხებში მომკიდა ხელი, მანქანიდან გადმომათრია და 3-4 მეტრი ასფალტზე მახოხიალა. გვერდში მუცელთან ამომარტყა ფეხი და მანქანისკენ წავიდა. ამ დროს მივწვდი ქვემოდან და ფეხზე მივადე ელექტროშოკი. კარგად ვერ მოვახერხე, მაგრამ იგრძნო და მოტრიალდა, კიდევ მკრა ხელი და მიმაგდო. ჩემს კივილზე ერთადერთმა კაცმა გამოიხედა პირველი სართულიდან. რა ხდებაო. გიორგიმ რა უპასუხა, ვერც გავიგე, მაგრამ მაშინვე შევიდა უკან. გიორგიმ თავისი ნივთები, მოსაწევი აიღო, მანქანა დაკეტა და სახლში ავიდა. მე დამტოვა.  ვერც გავიმეორებ, იმდენად უწმაწური სიტყვებით მლანძღავდა და მაგინებდა. ამ დროს მეორედ დავრეკე 112-ში. ვკიოდი, რატომ გამითიშეს-მეთქი, მაგრამ ახლა რომ ვფიქრდები, მახსოვს, რომ მინდოდა თქმა, არ გამითიშოთ, თავზე მადგას, დამარტყამს-მეთქი, მაგრამ ეს მართლა ვთქვი თუ არა, არ მახსოვს, ან იქნებ მე თვითონვე გამეთიშა. ძალიან მალე, რამდენიმე წუთში მოვიდა პოლიცია და წამიყვანეს სამმართველოში”, – ჰყვება მარიამი.
    დაზარალებულის მიერ გადაღებული კადრები 23 ოქტომბერს
    დილის ოთხი საათიდან მომდევნო 10 საათის განმავლობაში მარიამი პოლიციის სამმართველოში იყო. შუადღის 12 საათისთვის ევროპის ჩემპიონი, არაერთი ტიტულის მფლობელი, მოკრივე გიორგი ყუშიტაშვილი დააკავეს. თუმცა დაახლოებით 24 საათში 10 000-ლარიანი გირაოს სანაცვლოდ გაათავისუფლეს. შემაკავებელი ორდერის ძალით, საქმის მსვლელობის დასრულებამდე, გიორგი ყუშიტაშვილს მარიამთან ნებისმიერი სახის კომუნიკაცია ეკრძალება.
    ვინ არის გიორგი ყუშიტაშვილი
    გიორგი ყუშიტაშვილი დაიბადა 1995 წელს პატარძეულში, საგარეჯოს მუნიციპალიტეტში. თუმცა რუსეთის ფედერაციაში, ბურიატეთის რესპუბლიკაში გაიზარდა. თითქმის მთელი ცხოვრება რუსეთში აქვს გატარებული. რუსეთის სახელით ასპარეზობდა 2020 წლამდეც. საუკეთესო შედეგი მოკრივეთა საერთაშორისო რეიტინგში 56-ე ადგილი აჩვენა 2022 წელს, როცა საქართველოში ჩამოვიდა და ასპარეზობა საქართველოს სახელით დაიწყო. 2022 წელს ევროპის ჩემპიონი გახდა ერევანში. 2023 წელს კი მსოფლიო ჩემპიონატზე ბრინჯაოს მედალი აიღო ტაშკენტში. ყუშიტაშვილს ორმაგი, საქართველოს და რუსეთის ფედერაციის მოქალაქეობა აქვს.
    ფოტო გიორგი ყუშიტაშვილის ინსტაგრამიდან. ერევანი, 2022
    მიმდინარე საქმე ერთადერთი არ არის მის ცხოვრებაში, როცა ყუშიტაშვილს კანონსაწინააღმდეგო ქმედებებში ედებოდა ბრალი. 2020 წლის თებერვალში მოსკოვში ნარკოტიკების შენახვა-მოხმარების ბრალდებით დააკავეს და დამატებით, პოლიციელისთვის წინააღმდეგობის გაწევასა და მასზე თავდასხმასაც ედავებოდნენ. რუსულენოვანი მედიის ცნობით, ყუშიტაშვილი და მისი ადვოკატი ამბობდნენ, რომ როსგვარდიის წარმომადგენელს ფეხი აუცურდა და თავად დაეცა, რამაც სისხლდენა გამოიწვია. მასთან დაახლოებული პირები მაშინ ამტკიცებდნენ, რომ ყუშიტაშვილს ეს ყველაფერი მოუწყვეს. იზოლატორში ორი თვე გაატარა, შემდეგ კი შინაპატიმრობაში გადაიყვანეს. რუსეთის კრივის ფედერაციამ ყუშიტაშვილი ნაკრებიდან სამუდამოდ გარიცხა.
    რამდენადაც ყუშიტაშვილი არმიის ცენტრალური სპორტული კლუბის (ЦСКА) შემადგენლობაში ვარჯიშობდა, ავტომატურად ითვლებოდა რუსეთის საჰაერო-სადესანტო ძალების წევრად, მისი საქმე სამხედრო სასამართლოს გადაეცა. 2020 წლის სექტემბერში სამხედრო სასამართლომ ყუშიტაშვილს სამწლიანი პირობითი სასჯელი შეუფარდა. შინაპატიმრობა მოუხსნეს და ორწლიანი გამოსასწორებელი ვადა შეუფარდეს. ბრალის აღიარებამ და დაზარალებულისათვის ზიანის ასანაზღაურებლად გაღებულმა 200 000-მა რუბლმა მას სასჯელი აარიდა. 
    2017 წელს, როცა ხარკოვში ევროპის ჩემპიონატში უნდა მიეღო მონაწილეობა, უკრაინამ საზღვრის გადაკვეთის უფლება არ მისცა, ანექსირებულ ყირიმში უკრაინის სახელმწიფო საზღვრის დარღვევის გამო. 
    2021 წლის ბოლოს დაბრუნდა ყუშიტაშვილი საქართველოში. მას შემდეგ, რაც რუსეთის კრივის ფედერაციამ ის სამუდამოდ გარიცხა საკუთარი რიგებიდან და მისთვის რუსეთის ჩემპიონატების კარიც დაიხურა, საქართველოს ნაკრებს შეუერთდა და ასპარეზობა საქართველოს სახელით განაგრძო.
    2022 წლის მსოფლიო ჩემპიონატზე რუსული მედიისთვის მიცემულ ინტერვიუში ის ამბობს, რომ ყოველთვის მადლიერი იქნება რუსეთის ნაკრების, სადაც შედგა სპორტსმენად, მაგრამ ახლა საქართველოს ნაკრების სახელით გამოდის და ამით ბედნიერია.
    “თავადაც იცით, რომ მე ამეკრძალა რუსეთის ნაკრების წევრობა. უფლება მომცეს, რომ საქართველოს ნაკრების შემადგენლობაში ვიასპარეზო. რუსეთის ნაკრები ახლაც მხარს მიჭერს, შეკრებებზე მონაწილეობის უფლებას მაძლევს. მე იქ თავისიანად მთვლიან და მეც ჩემს გუნდად ვთვლი რუსეთის ნაკრებს”, – უთხრა რუს ჟურნალისტს ყუშიტაშვილმა 2023 წლის მაისში.
    რას ამბობენ მარიამისა და ყუშიტაშვილის ინტერესების დამცველები
    გიორგი ყუშიტაშვილს ბრალი სისხლის სამართლის კოდექსის 126-ე მუხლის პირველი ნაწილით აქვს წარდგენილი:
    “ცემა ან სხვაგვარი ძალადობა, რამაც დაზარალებულის ფიზიკური ტკივილი გამოიწვია, ისჯება ჯარიმით, ან საზოგადოებისათვის სასარგებლო შრომით ვადით ას ოციდან ას ოთხმოც საათამდე, ან შინაპატიმრობით ვადით ექვსი თვიდან ერთ წლამდე, ანდა თავისუფლების აღკვეთით ვადით ერთ წლამდე”.
    გიორგი ყუშიტაშვილს სამი ადვოკატი ჰყავს. მათგან ერთ-ერთი საქართველოს ეროვნული კრივის ფედერაციის ვიცე-პრეზიდენტი გიორგი ჭოჭუაა. ნეტგაზეთთან საუბრისას ადვოკატი და ვიცე-პრეზიდენტი ამბობს, რომ ბრალდებული ძალადობის ფაქტს არ აღიარებს და მისი ვერსიით, “მანდილოსნის მხრიდან პროვოკაციას ჰქონდა ადგილი”.
    “ამ მუხლზე 99% გირაოთი უშვებენ ბრალდებულებს და ახლა რატომ გაუკვირდა ყველას, ეს არ ვიცი. თქვენ ვინმე გინახავთ პატიმრობაში ამ მუხლით გაშვებული? ის რატომ უნდა იყოს პირველი? არსენ კალატოზიშვილი არის ერთ-ერთი უმკაცრესი მოსამართლე. როდესაც ის ასეთ გადაწყვეტილებას იღებს, ესე იგი, ასი პროცენტით ობიექტური იყო და ასი პროცენტით იმსახურებდა ეს ადამიანი თავისუფლებაში ყოფნას. თუ მისი ბრალეულობა დადასტურდება, პასუხისმგებლობისთვის მზად არის. არაფერს გაურბის, არსად იმალება, გამოძიებასთან თანამშრომლობს. ქვეყანა შეიძლება არაერთხელ დატოვოს, მაგრამ არა იმიტომ, რომ სადმე იმალება, არამედ იმიტომ, რომ მსოფლიოში აღიარებული სპორტსმენია. წელიწადში ნახევარ მსოფლიოს მოივლის, ასეთია მისი ცხოვრების რეჟიმი”, – ამბობს გიორგი ჭოჭუა.
    ჭოჭუას თქმით, დაცვის მხარეს ჯერ არ უნახავს დამადასტურებელი დოკუმენტი, რომ შემთხვევის დროს ბრალდებული მარიხუანის ზემოქმედების ქვეშ იმყოფებოდა. მისივე თქმით, რუსეთში კანონდარღვევასთან დაკავშირებით არავინ იცის, სინამდვილეში იქ რა მოხდა და ეს ვერავითარ გავლენას იქონიებს მიმდინარე შემთხვევაზე.
    მარიამის ინტერესებს ნუცა თოფურია იცავს. ნეტგაზეთთან თოფურიაც ამბობს, რომ ძალიან ხშირად გირაოთი გამოშვებულ ბრალდებულს, ბრალის დადასტურების შემთხვევაშიც, მხოლოდ ჯარიმა ეკისრება. მაგრამ იმედოვნებს, რომ საქმეს გენდერული ნიშნით ჩადენილი ძალადობის კვალიფიკაცია მიეცემა და სასამართლო მკაცრად მიუდგება.
    ყუშიტაშვილის ადვოკატი ამ პერსპექტივას მსუბუქად უყურებს. 
    “ბრალს რომ წარუდგენენ, თითქოს ბონუსის სახით მოაყოლებენ ხოლმე ამ გენდერულ ნიშანს. ვინაიდან მიაჩნიათ, რომ ეს მუხლი სუსტია, ამით ამძიმებენ და ამკაცრებენ. მაგრამ ამ შემთხვევაში ეს არის საერთოდ გამორიცხული. შემაკავებელი ორდერიც ისეთი რამეა, რომ ყველას შეუძლია დარეკოს და ყოველგვარი საფუძვლის გარეშე მოითხოვოს. ეს საერთოდ არაფერს ნიშნავს. შეგვეძლო ეს გაგვესაჩივრებინა, მაგრამ ისევ საზოგადოების და მანდილოსნის ინტერესებს ვითვალისწინებთ”, – ამბობს გიორგი ჭოჭუა. 
    ბრალდებულის ადვოკატს ვეკითხებით, ფაქტი, რომ ის კრივის ფედერაციის ვიცე-პრეზიდენტია და ამავე დროს ქალზე ძალადობაში ბრალდებული მოკრივის ადვოკატი, თუ უქმნის გარკვეულ დილემას. 
    “არანაირს. ბრალი დადასტურებული არ არის. უნდა დავიცვათ უდანაშაულობის პრეზუმფცია. დასრულდება ეს პროცესები და რა შედეგსაც მივიღებთ, შემდგომ მიიღებს ფედერაცია გადაწყვეტილებას, როგორ იმოქმედებს”, – გვეუბნება ადვოკატი და ვიცე-პრეზიდენტი ჭოჭუა.
    წინასასამართლო სხდომა 13 დეკემბერს არის ჩანიშნული. 
    პროკურატურა ავრცელებს განცხადებას, სადაც ამბობს, რომ ბრალდებული ყუშიტაშვილის გირაოთი გათავისუფლებას არ ეთანხმება და აღკვეთის ღონისძიების სახით პატიმრობის შეფარდების მოთხოვნით გადაწყვეტილებას სააპელაციო წესით გაასაჩივრებს. 
    გირაოთი ბრალდებულის გათავისუფლება არ ნიშნავს მის გამართლებას. ეს ნიშნავს, რომ სასამართლო განხილვების დასრულებამდე ბრალდებული პატიმრობაში არ იქნება.
    მარიამი ამბობს, რომ მოვლენების განვითარების ყველა შესაძლო სცენარისთვის მზად არის. იმისთვისაც, რომ ყუშიტაშვილს პატიმრობა არ შეუფარდონ. თუმცა იმასაც ამბობს, რომ ყველაფერს გააკეთებს, რათა ბრალდებულმა პასუხი აგოს. 
    “არავის უნდა შერჩეს მსგავსი რამ, მარტო იმიტომ, რომ სხვაზე მეტი ნაცნობი ჰყავს. სანამ დაკავებული იყო, უამრავი ადამიანი მწერდა და მირეკავდა, ხან ასე მომიდგნენ, ხან ისე, მომავალს ნუ დაუნგრევო, რაში გაწყობსო. მსგავსი რამე მე არასდროს გამომიცდია და აქამდე, როგორც ჩანს, ბოლომდე არ მესმოდა იმ ქალების, ვისაც ძალადობა გადახდენია. გიპირისპირდებიან ადამიანები, ვისაც შენი არ სჯერა, გისვამენ კითხვებს, რა გეცვა, რით გამოიწვიე, სახეს რატომ მალავ, რაღაცებს იგონებ. მაგრამ მეც და ყველა სხვა ქალი ფსიქოლოგიურად უნდა ვიყოთ მზად ამ რეალობისთვის. მეც არ მინდოდა თავიდან გასაჯაროება, მაგრამ გირაოთი გამოშვებამ და იმის გააზრებამ, რომ შეიძლება ეს ყველაფერი მარტივად შერჩეს, გადამაწყვეტინა, რომ არ გავჩერდებოდი. საკუთარი თავისთვის და სხვა ქალებისთვისაც. გიორგისაც არ ეგონა, რომ განცხადებას მართლა დავწერდი. ამიტომ დამტოვა და ამიტომ ავიდა სახლში. ეგონა, ეს ერთი შეხედვით საყვარელი და ნაზი გოგო ამდენს არ გაბედავდა, სხვების აზრის შეეშინდებოდა”, – ამბობს ნეტგაზეთთან საუბრისას მარიამი.

    ნეტგაზეთი
  6. tvati
    აშშ თავის მოქალაქეებს ლიბანის დატოვებისკენ მოუწოდებს.
    ამის შესახებ ბეირუთში აშშ-ის საელჩო აცხადებს.
    ლიბანში აშშ-ის საელჩო აცხადებს, რომ აშშ-ის მოქალაქეებმა ლიბანი, „უსაფრთხოების არაპროგნოზირებადი სიტუაციის გამო“ უნდა დატოვონ.
    „სახელმწიფო დეპარტამენტი აშშ-ის მოქალაქეებს ურჩევს, რომ უსაფრთხოების არაპროგნოზირებადი სიტუაციის გამო, ლიბანი ახლავე დატოვონ. არ არსებობს იმის გარანტია, რომ კრიზისულ სიტუაციაში, აშშ კერძო პირებისა და მათი ოჯახის წევრების ევაკუაციას შეძლებს“, - წერს ბეირუთში აშშ-ის საელჩო „ტვიტერის“ გვერდზე.

    იპნ
  7. tvati
    მშვიდობის ფორმულა თანდათან, ეტაპობრივად, გლობალური ხდება, მადლობას ვუხდი ყველა ლიდერს და ქვეყანას, რომლებმაც მხარი დაუჭირეს ჩვენს საერთო ხედვას მშვიდობის შესახებ , - ამის შესახებ უკრაინის პრეზიდენტმა, ვოლოდიმირ ზელენსკიმ „მშვიდობის ფორმულასთან“ დაკავშირებული მესამე სამიტის შესახებ საუბრისას განაცხადა, რომელიც მალტაში მიმდინარეობს.
    „სამიტზე 66 ქვეყანაა წარმოდგენილი და ეს კარგი შედეგია. წარმოდგენილია ყველა კონტინენტი. ბევრი ქვეყანა, განსხვავებული პოლიტიკური ტრადიციებით. მადლობას ვუხდი ყველა ლიდერს და ქვეყანას, რომლებმაც უკვე მხარი დაუჭირეს ჩვენს საერთო ხედვას მშვიდობის შესახებ. არსებობს სახელმწიფოების სიის გაფართოების პოტენციალი. ჩვენი ფორმულის პუნქტები იქმნება ისე, რომ მსოფლიოში ყველას, ვინც ნამდვილად აფასებს საერთაშორისო სამართალს, შეუძლია გამოხატოს საკუთარი თავი და ღირებულებები და მხარი დაუჭიროს აგრესიის წინააღმდეგ გლობალურ ძალისხმევას“, - აღნიშნა ზელენსკიმ.
    მისი თქმით, მალტის სამიტზე მიმდინარეობს მუშაობა ფორმულის ათი პუნქტიდან ხუთზე და ეს პუნქტებია:
    „რადიაციული და ბირთვული უსაფრთხოება“, „სასურსათო უსაფრთხოება“, „ენერგეტიკული უსაფრთხოება“, „ყველა პატიმრისა და დეპორტირებული პირის გათავისუფლება“ და „უკრაინის ტერიტორიული მთლიანობისა და მსოფლიო წესრიგის აღდგენა“.
    ფორმულის თითოეული პუნქტისთვის შეიქმნა სახელმწიფოთა ჯგუფები, რომლებიც ორიენტირებულია მათ განხორციელებაზე.
    „შარშან, როცა პირველად წარვადგინე ფორმულა, მსოფლიო ჯერ კიდევ განიხილავდა სხვადასხვა ხედვასა და საკმაოდ განსხვავებულ მიდგომას ჩვენი სახელმწიფო საზღვრის აღდგენისა და სამართლიანი მშვიდობის მისაღწევად. გლობალური უმრავლესობა თანდათან ერთიანდება მშვიდობის ფორმულაში ასახული საერთო და სამართლიანი ხედვის ირგვლივ. მსოფლიოს ერთიანობა არის ის, რაც ნამდვილად საჭიროა აგრესორების დასამარცხებლად“, - აღნიშნა ზელენსკიმ.
    ცნობისათვის, გუშინ მალტაში უკრაინის ომის მშვიდობიანი მოგვარების საკითხზე ორდღიანი სამიტი დაიწყო. სამიტს 66 ქვეყნის წარმომადგენლები ესწრებიან. „მშვიდობის ფორმულის“ ფარგლებში პირველი ორი შეხვედრა კოპენჰაგენსა და ჯიდაში გაიმართა.

    იპნ
  8. tvati
    ისრაელი ღაზას ჩრდილოეთ ნაწილში მცხოვრებ მშვიდობიან მოქალაქეებს მოუწოდებს, სამხრეთით გადაინაცვლონ, რადგან ისრაელის თავდაცვის ძალები ღაზაში „ჰამასთან“ ომის შემდგომ ეტაპზე გადადის და ოპერაციებს აფართოებს , - ამის შესახებ ისრაელის თავდაცვის ძალების პრესსპიკერმა, დანიელ ჰაგარმა განაცხადა.
    „ჩრდილოეთ ღაზაში, ქალაქ ღაზაში მცხოვრები მშვიდობიანი მოსახლეობა დროებით უნდა გადავიდეს სამხრეთით, უფრო უსაფრთხო ზონაში, სადაც მათ შეუძლიათ მიიღონ წყალი, საკვები და მედიკამენტები”, - აღნიშნა ჰაგარმა.
    მისი თქმით, ისრაელი ებრძვის „ჰამასს“ და არა ღაზის მოსახლეობას.
    „ისრაელი ომშია, რომელიც მას არ დაუწყია და არ სურდა. ისრაელი ებრძვის"ჰამასს“ და არა ღაზის მოსახლეობას“, - განაცხადა ისრაელის თავდაცვის ძალების პრესსპიკერმა.
    მისი თქმით, „ჰამასი“ ღაზის მოსახლეობას ცოცხალ ფარად იყენებს და სამოქალაქო შენობებსა და მის ქვეშ მოქმედებს.
    შეგახსენებთ, ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ "ჰამასის" წინააღმდეგ ომის მეორე ეტაპი ღაზას სექტორში ახალი სახმელეთო ძალების შეყვანით დაიწყო.

    იპნ
  9. tvati
    ომის მეორე ეტაპი დაიწყო, ჯერ მხოლოდ დასაწყისში ვართ, - ამის შესახებ ისრაელის პრემიერ-მინისტრმა ბენიამინ ნეთანიაჰუმ თელ-ავივში გამართულ პრესკონფერენციაზე განაცხადა.
    მისი თქმით, "ჰამასის" წინააღმდეგ ომის მეორე ეტაპი ღაზას სექტორში ახალი სახმელეთო ძალების შეყვანით დაიწყო.
    ნეთანიაჰუმ აღნიშნა, რომ ისრაელის მიზნები გასაგებია - „ჰამასის“ სამხედრო და ხელმძღვანელი პოტენციალის განადგურება და ასევე, მძევლების სახლში დაბრუნება.”
    მისივე თქმით, სახმელეთო შეჭრის გადაწყვეტილება ერთობლივად იქნა მიღებული, როგორც სამხედრო, ასევე უსაფრთხოების კაბინეტების მიერ.
    ისრაელის პრემიერ-მინისტრმა აღნიშნა, რომ დასაწყისი ეტაპი მასიური საჰაერო კამპანია იყო, “რათა საშუალება მიგვეცა ჩვენი სახმელეთო ჯარებისთვის, რაც შეიძლება უფრო უსაფრთხოდ ემოქმედათ“.

    იპნ
  10. tvati
    ისრაელმა თურქეთიდან დიპლომატიური წარმომადგენლები გაიწვია.
    ამის შესახებ ინფორმაციას ისრაელის საგარეო საქმეთა მინისტრი ელი კოენი “ტვიტერის” პირად გვერდზე ავრცელებს.
    “თურქეთიდან მომავალი მძიმე განცხადებების გათვალისწინებით, მანდედან დიპლომატიური წარმომადგენლების დაბრუნების ბრძანება გავეცი, ისრაელსა და თურქეთს შორის ურთიერთობების გადაფასების მიზნით,” - წერს კოენი სოციალურ ქსელში.
    ცნობისთვის, თურქეთის პრეზიდენტის რეჯეფ თაიფ ერდოღანის თქმით, ღაზაში მიმდინარე მოვლენებში მთავარი დამნაშავე დასავლეთია.
    როგორც ერდოღანმა სტამბულში გამართულ პროპალესტინურ მიტინგზე განაცხადა, ისრაელი „პაიკია,” რომელსაც საჭიროების შემთხვევაში გაწირავენ.
    „დასავლურმა სამყარომ საკუთარი პოლიტიკოსებისა და მედიასაშუალებების მობილიზება მოახდინა, რათა ღაზას სექტორში ბავშვების, ქალებისა და უდანაშაულო ადამიანების ჟლეტა დააკანონოს, ხოლო ისრაელი ღიად აწარმოებს სამხედრო დანაშაულებს. ისრაელი არანაირად არ ღელავს ხალხის მკვლელობაზე… სწორედ დასავლეთი ატარებს უდიდეს პასუხისმგებლობას ღაზას სექტორში ჟლეტაზე. ღაზას სექტორში ჟლეტა - მთლიანად დასავლეთის საქმეა,” - განაცხადა ერდოღანმა.

    იპნ
  11. tvati
    დღეს აღმოსავლეთ-დასავლეთის საერთაშორისო მაგისტრალური გზის (E60-ის) შემადგენელი რიკოთის ჩქაროსნული მაგისტრალის 27 კმ-იან მონაკვეთზე ავტოტრანსპორტის მოძრაობა გაიხსნა.
    4-ზოლიანი მონაკვეთი იწყება ხარაგაულის მუნიციპალიტეტის სოფელ ხევთან და მთავრდება ზესტაფონის მუნიციპალიტეტის დაბა შორაპანთან. ხევი-შორაპნის მონაკვეთი მოიცავს 65 ხიდსა და 38 გვირაბს.
    რიკოთის პროექტის ფარგლებში, ჯამში, შენდება 51 გვირაბი და 97 ხიდი. ამ დროისათვის უკვე გაჭრილია 48 გვირაბი და აშენებულია 83 ხიდი.
    რიკოთის საუღელტეხილო მონაკვეთის მშენებლობა 4 სექციად არის დაყოფილი: ჩუმათელეთი-ხევის, ხევი-უბისას, უბისა-შორაპნის და შორაპანი-არგვეთას მონაკვეთებად.
    მშენებლობა საერთაშორისო საფინანსო ინსტიტუტების – ევროპის საინვესტიციო ბანკის (EIB), მსოფლიო ბანკისა (WB) და აზიის განვითარების ბანკის (ADB) მხარდაჭერით მიმდინარეობს. სამშენებლო სამუშაოების ჯამური ღირებულება 2.6 მილიარდ ლარამდეა, პროექტის დასრულება კი 2024 წელს იგეგმება.

    პუბლიკა
  12. tvati
    "როდესაც გიყვარს საქმე და არ ელოდები ვინმეს ,ვინც ან გამოგიყოფს ფულს, ან არა!!! როდესაც ხალხს სჯერა შენი და გენდობა !!!დუშეთის მუნიციპალიტეტის სოფელ მლაშეში, მოსახლეობის ერთობლივი ფინანსური მხარდაჭერით შევძელი და რეაბილიტაცია ჩავუტარეთ გზას, რომელიც ზამთარში იკეტება და ვერც სასწრაფო და ვერც სხვა მუნიციპალური მანქანა ვერ დადის!!! არ შემიძლია არ აღვნიშნო ლტოლვილთა დასახლების მოსახლეობა, ვინ გვერდში დგომით ,ზოგი ფიზიკურად და ზოგი რჩევებით მეხმარებოდა !! მიხარია ,რადგან ხალხმა იგრძნო რომ თავად შეუძლიათ იყვნენ საკუთარ არჩევანში და ქმედებებში თავისუფალი !!! ერთად, ერთმანეთის გვერდში დგომით ყველაფერს შევძლებთ და შევცვლით! არცერთი ხელისუფლების დასაყვედრებელი არაფერი გვაქვს!!! ასე შენდება საქართველო !!! ასე უნდა ვაგრძნობინოთ არჩეულს, ან დანიშნულს თავის პასუხისმგებლობა. დღე და ღამე ქვეყნის სამსახურში !!!! მადლობა ყველას ! დიდი საქმე გაკეთდა !! მე ვარ ერთი ადამიანი ქვეყნისთვის და საქართველოსთვის"

    პარტია ,,საქართველოსთვის" მცხეთა - მთიანეთის ქალთა ორგანიზაციის რეგიონული ხელმძღვანელი ირმა ღოღობერიძე





  13. tvati
    უკრაინაში მებრძოლი კიდევ ერთი ქართველი დაიღუპა.
    მებრძოლის გარდაცვალების შესახებ ინფორმაციას სოციალურ ქსელში სამოქალაქო აქტივისტი გიგა მაქარაშვილი ავრცელებს.
    ცნობისთვის, უკრაინაში რუსეთის სრულმასშტაბიან შეჭრას, 2022 წლის 24 თებერვლიდან დღემდე, 50-მდე ქართველი მებრძოლი ემსხვერპლა.

    იპნ
  14. tvati
    91 ასაკში მსახიობი თენგიზ არჩვაძე გარდაიცვალა. ამის შესახებ ინფორმაციას კოტე მარჯანიშვილის სახელობის თეატრი ავრცელებს.
    თენგიზ არჩვაძე 1954 წლიდან კოტე მარჯანიშვილის სახელობის სახელმწიფო თეატრის მსახიობი იყო. მას სულ 46 კინოროლი აქვს შესრულებული.
    1967-1972 წლებში იყო რუსთავის თეატრის მსახიობი; მის მიერ შესრულებული როლებიდან აღსანიშნავია: „მოკვეთილი“, „დედა“, „ღალატი“, „თვალი პატიოსანი“, „როცა ქალაქს სძინავს“ „მე ვხედავ მზეს“, „დღის წესრიგშია ერთი საკითხი“, „კვაჭი კვაჭანტირაძე“, „30 აგვისტო“, „ჯორდანო ბრუნო“ და სხვ. 1960 წლიდან კინოსტუდია „ქართული ფილმის“ მსახიობი; გადაღებულია ფილმებში: „კეთილი ადამიანები“, „ერთი ცის ქვეშ“, „ხევისბერი გოჩა“, „ხევსურული ბალადა“, „დიდოსტატის მარჯვენა“, „დათა თუთაშხია“, „შეხვედრა წარსულთან“, „შეხვედრა მთაში“, „მალე გაზაფხული მოვა“ და სხვ.
    მიღებული აქვს ჯილდოები, პრემიები და პრიზები: თბილისის საპატიო მოქალაქე, ბრწყინვალების საპრეზიდენტო ორდენი, პრემია „საგურამო“, ღირსების ორდენი, შოთა რუსთაველის სახელობის სახელმწიფო პრემია, საქართველოს სახალხო არტისტი, საქართველოს დამსახურებული არტისტი.

    1ტვ
  15. tvati
    ევროკავშირის წევრი ქვეყნების ლიდერების დასკვნით დოკუმენტში გაფართოების ერთიან კონტექსტში საუბარია საქართველოს, მოლდოვისა და უკრაინის მხარდაჭერაზე, – ამის შესახებ ინფორმაციას საქართველოს საგარეო საქმეთა სამინისტრო ავრცელებს.
    უწყების ცნობით, დოკუმენტში აღნიშნულია, რომ ევროკავშირი გააგრძელებს საქართველოს მხარდაჭერას ევროპულ გზაზე.
    „2023 წლის 26-27 ოქტომბერს ბრიუსელში ევროპული საბჭოს სხდომა გაიმართა. ევროკავშირის წევრი ქვეყნების ლიდერებმა დასკვნითი დოკუმენტი მიიღეს, რომელშიც საქართველოზეა საუბარი. დოკუმენტში აღნიშნულია, რომ ევროკავშირი გააგრძელებს საქართველოს მხარდაჭერას ევროპულ გზაზე. ხაზგასასმელია, რომ ევროკავშირის წევრი ქვეყნების ლიდერები დასკვნით დოკუმენტში საუბრობენ ევროკავშირის მზაობაზე, მჭიდროდ იმუშაოს სამივე ქვეყანასთან – უკრაინას, მოლდოვას რესპუბლიკასა და საქართველოსთან, და დაეხმაროს ამ ქვეყნებს ევროპულ გზაზე რეფორმების განხორციელების პროცესში. აღსანიშნავია, რომ დოკუმენტში გაფართოების ერთიან კონტექსტში საუბარია სამივე ქვეყნის, საქართველოს, მოლდოვისა და უკრაინის მხარდაჭერაზე“, – აღნიშნულია საგარეო საქმეთა სამინისტროს ინფორმაციაში.
     

     
  16. tvati
    დღეს მოწმეები ვართ ძალიან მნიშვნელოვანი ეტაპის, ევროკავშირთან საქართველოს სატრანსპორტო დაკავშირებადობის - მოდით, ერთად ვიაროთ წინ, რათა საქართველო ევროკავშირთან დავაკავშიროთ,- ამის შესახებ საქართველოში ევროკავშირის ელჩმა პაველ ჰერჩინსკიმ რიკოთის მაგისტრალური გზის ახალი მონაკვეთის გახსნის ღონისძიებაზე სიტყვით გამოსვლისას განაცხადა.
    მისი თქმით, ევროკავშირის სტრატეგია, რომ ბიძგი მისცეს გონივრულ, სუფთა და უსაფრთხო ბმულებს ციფრულ ენერგეტიკასა და სატრანსპორტო სექტორში, საქართველოში კი აღნიშნული სტრატეგია ეკონომიკური და საინვესტიციო გეგმების მეშვეობით ხორციელდება.
    „დღეს მოწმეები ვართ ძალიან მნიშვნელოვანი ეტაპის - საქართველოს სატრანსპორტო დაკავშირებადობისა ევროკავშირთან. ეს ხდება იმ კონტექსტში, რასაც ჰქვია ევროპის პირველი „გლობალური კარიბჭის ფორუმი“, რომელიც ბრიუსელში გაიმართა და სადაც საქართველოს პრემიერ-მინისტრი მონაწილეობდა, ისევე როგორც „თბილისის აბრეშუმის გზის ფორუმი“, რომელიც მიმდინარე კვირას გაიმართა. „გლობალური კარიბჭე“ გახლავთ ევროკავშირის სტრატეგია, რომ დაუკავშირდეს სხვადასხვა ნაწილს ევროკავშირში, ევროპული სტრატეგია, რომ ბიძგი მისცეს გონივრულ, სუფთა და უსაფრთხო ბმულებს ციფრულ ენერგეტიკაში და სატრანსპორტო სექტორში და გააძლიეროს ჯანმრთელობის, განათლებისა და კვლევის სისტემები მსოფლიო მასშტაბით. გვიყვარს ამის თქმა - ძლიერები ვართ ერთად მდგრადი განვითარების მეშვეობით. საქართველოში აღნიშნული სტრატეგია ხორციელდება ეკონომიკური და საინვესტიციო გეგმების მეშვეობით მისი საფლაგმანო პროექტების გათვალისწინებით, რომელიც მიბმულია საერთაშორისო დაკავშირებადობასთან. აქ შედის აღნიშნული ჩქაროსნული მაგისტრალი აღმოსავლეთ-დასავლეთის. ეს მაგისტრალი გახლავთ გაფართოებული ტრანსევროპული სატრანსპორტო ქსელისა, რომელიც გვაძლევს რეგიონული ინტეგრაციის შესაძლებლობებს გაზრდილი დაკავშირებადობის მეშვეობით. როგორც ბატონი პრემიერის მიერ „აბრეშუმის გზის ფორუმის“ დროს იქნა აღნიშნული, საქართველო მიისწრაფვის, რომ გახდეს სატრანზიტო ჰაბი და ცენტრი აღმოსავლეთ-დასავლეთის სატრანსპორტო მარშრუტებისა.
    აღნიშნული ინვესტიცია ძირითადად ასევე შევსებულია ევროკავშირის გრანტებით, რომელიც მიძღვნილია საგზაო უსაფრთხოების ზომებს და სერიოზულად შეიტანს წვლილ რეგიონული ინტეგრაციის გაუმჯობესებაში. ამავე დროს, შეარბილებს რისკებს, რომელიც ასოცირებულია საგზაო მოძრაობასთან. მადლიერი ვართ ევროპული საინვესტიციო ბანკის, რომელიც აღნიშნულ ინვესტიციებს აფინანსებს. აღნიშნული მაგისტრალის განვითარება პირდაპირ წვლილის შემტანია ეკონომიკურ და საინვესტიციო გეგმების რეალიზებაში. ის აახლოებს საქართველოს ევროკავშირთან. მინდა, გავიმეორო ციტატა, რომელიც ევროკომისიის პრეზიდენტმა ურსულა ფონ დერ ლაიენმა „გლობალური კარიბჭის ფორუმზე“ თქვა. მან ევროპელი პოეტის, გოეთეს ციტირება მოახდინა - „ვინც არ მიდის წინ, მიდის უკან“. მოდით, ერთად ვიაროთ წინ, რათა საქართველო ევროკავშირთან დავაკავშიროთ“,- განაცხადა პაველ ჰერჩინსკიმ.
    იპნ
  17. tvati
    საქართველოს საგარეო საქმეთა მინისტრის მოადგილემ, ხათუნა თოთლაძემ, ნიუ იორკში, საქართველოს მთავრობასა და დომინიკის თანამეგობრობის მთავრობას შორის „დიპლომატიური, სამსახურებრივი და ორდინალური პასპორტების მფლობელთა ვიზის მიღების ვალდებულებისგან გათავისუფლების შესახებ" შეთანხმებას ხელი მოაწერა.
    საგარეო საქმეთა სამინისტროს ინფორმაციით, დომინიკის თანამეგობრობის მხრიდან შეთანხმებას ხელი მოაწერა გაეროსთან დომინიკის თანამეგობრობის მუდმივმა წარმომადგენელმა - ფილბერტ აარონმა.
    უწყების ცნობით, დოკუმენტი ძალაში ორივე მხარის მიერ შიდა პროცედურების დასრულებიდან ერთ თვეში შევა.
    როგორც საგარეო საქმეთა სამინისტროში აცხადებენ, შეთანხმება ხელს შეუწყობს ტურისტული, კულტურული და ეკონომიკური კავშირების გაღრმავებას და განაპირობებს ორივე ქვეყნის ცნობადობის გაზრდას შესაბამის რეგიონებში.
  18. tvati
    „ჩინელი ტურისტების მატება უკვე შეინიშნება, მაგრამ ეს გარკვეულ საფრთხეებთანაც არის დაკავშირებული - ხსნიან აქ თავის ტურისტულ კომპანიებს გამარტივებული წესით და მოგება რჩება ჩინეთში,“ - ამის შესახებ ჰოტელიერმა, „იბერია ტურს პლიუსის“ დამფუძნებელმა მაია მურაჩაშვილმა რადიო „პალიტრასა“ და „პალიტრანიუსის“ გადაცემაში „საქმე“ განაცხადა.
    "ჩინელი ტურისტების მატება უკვე შეინიშნება, მაგრამ მინდა აღვნიშნო, რომ ეს გარკვეულ საფრთხეებთანაც არის დაკავშირებული. კერძოდ, ჩინური ტურისტული კომპანიები, ტურ-ოპერატორები ჩამოდიან, ხსნიან აქ თავიანთ ტურისტულ კომპანიებს გამარტივებული წესით, საქართველოს პაკეტები იყიდება ჩინეთში, მოგებაც რჩება ჩინეთში. ჩვენთან მოდის მხოლოდ ის მიზერული თანხა, რომელსაც ფასდაკლებების და მოლაპარაკებების შედეგად ჩინური ტურისტული კომპანიები აღწევენ აქ საქართველოში სხვადასხვა მომხმარებლებთან. შესაბამისად, მატება შეიმჩნევა, მაგრამ ეს არ ხდება ქართველი ტურ-ოპერატორების დაკავების ხარჯზე, რადგან ეს მაინც რთული ბაზარია - ენდობიან საკუთარი ქვეყნის წარმომადგენელს ან მათ, ვინც მათ ენაზე საუბრობს, ამიტომ უფრო ჩინური ტურისტული კომპანიების მატება გვაქვს,"- აღნიშნა მურაჩაშვილმა.
    შეგახსენებთ, რომ 2023 წლის სექტემბრიდან საქართველოში ჩინეთის მოქალაქეებისთვის უვიზო რეჟიმი ამოქმედდა.
        ავტორი: თაია არდოტელი
  19. tvati
    ევროკავშირი რუსეთის წინააღმდეგ მე-12 სასანქციო პაკეტს ამზადებს. ამის შესახებ ევროკომისიის პრეზიდენტმა ურსულა ფონ დერ ლაიენმა ბრიუსელში გამართულ ბრიფინგზე განაცხადა.
    “რუსეთის წინააღმდეგ სანქციების მე-12 პაკეტის მომზადების პროცესში ვართ. ევროკავშირის წევრ სახელმწიფოებთან კონსულტაციებს ვატარებთ. განვიხილავთ თუ როგორ შევამციროთ დანარჩენი შემოსავლები, რომლებსაც რუსეთი ევროპასა და მის პარტნიორებისთვის ალმასების ექსპორტისგან იღებს”, - განაცხადა ფონ დერ ლაიენმა.
    მისი თქმით, სანქციების ახალ პაკეტზე მუშაობა ერთობლივად მიმდინარეობს “დიდი შვიდეულის” ქვეყნებთან.
    ევროკომისიის პრეზიდენტმა ასევე აღნიშნა, რომ ევროკავშირს რუსეთის წინააღმდეგ უკვე შემოღებული ზომების ეფექტიანობის გაძლიერებაც სურს.

    იპნ
  20. tvati
    2020-2022 წლებში მოსამართლეებმა ან მათმა ოჯახის წევრებმა 5 მილიონი ლარის ღირებულების საჩუქრები მიიღეს. ინფორმაციის თავისუფლების განვითარების ინსტიტუტის (IDFI) კვლევაში საუბარია 49 მოსამართლეზე, რომლებმაც ოჯახის წევრებისა თუ ახლო ნათესავებისგან საჩუქრად, ფულადი თანხის გარდა, უძრავი და მოძრავი ქონება მიიღეს.
    საკვლევი პერიოდის განმავლობაში ყველაზე ძვირადღირებული საჩუქარი უზენაესი სასამართლოს მოსამართლე ალექსანდრე წულაძემ მიიღო. 2021 წელს მას მშობელმა 200 000 აშშ დოლარის ღირებულების მიწის ნაკვეთი აჩუქა.
    წულაძის გარდა, მშობლისგან საჩუქარი უზენაესი სასამართლოს კიდევ ერთმა მოსამართლემ, გიორგი მიქაუტაძემ მიიღო. 2022 წელს მას დედამ 100 000 აშშ დოლარი აჩუქა. ეს არის მოსამართლის მიერ ერთჯერადად მიღებული ყველაზე დიდი ფულადი საჩუქარი. ამ სიაში მეორე და მესამე ადგილებს ვლადიმერ ხუჭუა და თამარ ალანია იკავებენ. ამ შემთხვევაში ფულადი საჩუქრები არა უშუალოდ მოსამართლეები, არამედ მათმა ოჯახის წევრებმა მიიღეს.

    ძვირადღირებული უძრავი ქონება მიიღო საჩუქრად რუსთავის საქალაქო სასამართლოს მოსამართლე ნინო ონიანმა. 2021 წელს მას მშობელმა 600 000 ლარის ღირებულების ბინა აჩუქა.
    საკონსტიტუციო სასამართლოს წევრებიდან 2020-2022 წლებში საჩუქარი მხოლოდ ევა გოცირიძეს აქვს მიღებული. მან ოჯახის წევრისგან 19.6 ათასი ევრო მიიღო.
    კორუფციულ საქმიანობაში ჩართულობის გამო აშშ-ის სახელმწიფო დეპარტამენტის მიერ სანქცირებული მოსამართლის, მიხეილ ჩინჩალაძის მეუღლესა და შვილს 68,8 ათასი აშშ დოლარი და 2.3 ათასი ლარი აჩუქეს.
    IDFI-ს განცხადებით, კითხვებს აჩენს იმ საჩუქრების წარმომავლობა, რომლებსაც მოსამართლეებს ჩუქნიან. მით უმეტეს, როცა მოსამართლე ან მისი ოჯახის წევრი საჩუქარს ისეთი პირისგან იღებს, ვისაც კანონმდებლობა ახლო ნათესავად არ მიიჩნევს. ასეთი ფაქტები ორგანიზაციამ “საეჭვო შემთხვევებად” შეაფასა და მათზე დამატებითი მოკვლევის ჩატარების რეკომენდაცია გასცა.
    “საეჭვო შემთხვევებს” შორის არიან თბილისის სააპელაციო სასამართლოს მოსამართლეები – თამარ ალანია, ნათია გუჯაბიძე და ნატალია ნაზღაიძე. მათმა შვილებმა ძვირადღირებული საჩუქრები მამიდებისგან მიიღეს. ამავე სასამართლოს სხვა მოსამართლეების, ეკატერინე ცისკარიძისა და მანანა ჩოხელის მეუღლეებმა საჩუქრები ბიძაშვილისა და დეიდაშვილისგან მიიღეს.
    ღარიბაშვილის გარდა, რომელ თანამდებობის პირებს აჩუქეს მშობლებმა ათობით ათას დოლარი? – IDFI-ს კვლევა  IDFI-მ, ქონებრივ დეკლარაციებზე დაყრდნობით, აღმასრულებელი ხელისუფლების მაღალჩინოსნების მიღებული საჩუქრების მოცულობა და კანონთან შესაბამისობაც გააანალიზა. ამ შემთხვევაში, მიღებული საჩუქრების ჯამური თანხა 27,8 მილიონი ლარია.
    გარეკანის ფოტო: ნინო ონიანი, ვლადიმერ ხუჭუა, გიორგი მიქაუტაძე.

    ნეტგაზეთი
  21. tvati
    “ახლა “ოცნებას” აქვს ერთადერთი მიზანი, ძალაუფლების შენარჩუნება და 2024 წლის არჩევნების გაყალბება, რომელიც უკვე დაწყებული აქვს. საზოგადოებას მინდა გავახსენო, 2003 და 2012 წელს მოხდა დიდი პოლიტიკური ცვლილებები, იცით რამ მოიტანა ეს მნიშვნელოვანი ცვლილებები?! ისტორიულად დიდი რაოდენობა ამომრჩევლისა მოვიდა არჩევნებზე. შესაბამისად, კრიტიკულად მნიშვნელოვანია არჩევნებზე მოვიდეს თითოეული მოქალაქე და დააფიქსიროს თავისი პოზიცია.”
     ანა ბუჩუკური, პარტია "საქართველოსთვის" წევრი, დეპუტატი.  396734084_295562406708923_8863261808724996881_n.mp4
  22. tvati
    ისრაელის თავდაცვის ძალების (IDF) ცნობით, ჰამასის საჰაერო ძალების მეთაური ლიკვიდირებულია.
    IDF-ს განცხადებით, ჰამასის საჰაერო ძალების ხელმძღვანელი ისამ აბუ რუკბეჰი ღამით ღაზაზე საჰაერო თავდასხმის დროს მოკლეს.
    ისრაელის თავდაცვის ძალების თანახმად, აბუ რუკბეჰი  პასუხისმგებელი იყო ჰამასის უპილოტო საფრენი აპარატების, პარაპლანისტების და საჰაერო თავდაცვის მართვაზე.
    IDF-ს განცხადებით, აბუ რუკბეჰმა მნიშნელოვანი როლი ითამაშა 7 ოქტომბერს ჰამასის მიერ თავდასხმის დაგეგმვასა და განხორციელებაში.
    14 ოქტომბერს IDF-მა განაცხადა, რომ ჰამასის საჰაერო ძალების წინა მეთაური მურად აბუ მურადი მოკლეს.
    27 ოქომბერს, ღამით ისრაელის თავდაცვის ძალებმა გამოაცხადეს, რომ „აფართოებენ სახმელეთო მოქმედებებს“ ღაზის სექტორში.
    IDF-ის სპიკერ დანიელ ჰაგარის განცხადებას წინ უძღოდა ცნობები ღაზაში აფეთქებების დიდი სერიის შესახებ.
    საერთაშორისო მედიის ცნობით, პარასკევს ღამით ისრაელის საჰაერო თავდასხმები ღაზაზე ყველაზე ინტენსიური იყო ბოლო სამი კვირის განმავლობაში, რაც კონფლიქტი გამწვავდა.
    პალესტინის სატელეკომუნიკაციო კომპანიამ, რომელიც უზრუნველყოფს ღაზის სექტორის მობილურ მომსახურებას, განაცხადა, რომ ინტენსიურმა დაბომბვამ სატელეკომუნიკაციო მომსახურების სრული შეწყვეტა გამოიწვია.
    მანამდე ისრაელის ჯარებმა განახორციელეს „მიზანმიმართული რეიდები“ ღაზის სექტორში.
    ისრაელის თავდაცვის ძალებმა ღაზის მაცხოვრებლებს მოუწოდა, მათი უსაფრთხოების მიზნებიდან გამომდინარე გადაინაცვლონ სამხრეთით.

    ნეტგაზეთი
  23. tvati
    „ევროკავშირი გააგრძელებს მჭიდრო თანამშრომლობას უკრაინასთან, მოლდოვასა და საქართველოსთან და მხარს დაუჭერს რეფორმების ძალისხმევას მათ ევროპულ გზაზე“, — ნათქვამია ევროპული საბჭოს სამიტის შემაჯამებელ დასკვნაში.
    ევროპული საბჭოს სამიტი ბრიუსელში 26-27 ოქტომბერს გაიმართა. სამიტზე განსახილველ თემებს შორის იყო ახლო აღმოსავლეთი, უკრაინის მხარდაჭერის გაგრძელება, მიგრაცია, საგარეო ურთიერთობები, ევროკავშირის ფინანსური ჩარჩო 2021-2027 წლებისთვის.
    ევროპული საბჭო ყოველ სხდომას აჯამებს დასკვნების მიღებით, რომელშიც იდენტიფიცირებულია განხილული საკითხები, გასატარებელი ქმედებები თუ მიზნები.
    26-27 ოქტომბრის სამიტის დასკვნაში ნათქვამია, რომ ევროკავშირი გააგრძელებს უკრაინის ძლიერ ფინანსურ, ეკონომიკურ, ჰუმანიტარულ, სამხედრო და დიპლომატიურ მხარდაჭერას, რამდენ ხანსაც დასჭირდება.
    რუსეთის გაყინული აქტივების საკითხზე ევროკავშირის ლიდერებმა განაცხადეს, რომ საჭიროა გადამწყვეტი პროგრესი პარტნიორებთან კოორდინაციით იმის თაობაზე, თუ როგორ შეიძლება უკრაინის აღდგენაზე რუსეთთან დაკავშირებული კერძო სუბიექტების ნებისმიერი საგანგებო შემოსავლის მიმართვა.
    ევროპული საბჭოს თანახმად, რუსეთის აგრესიული ომის წარმოების უნარი კიდევ უფრო უნდა შესუსტდეს, მათ შორის სანქციების გაძლიერებით და მათი გვერდის ავლის პრევენციით.
    მოლდოვასთან დაკავშირებით ევროკავშირი დამატებით აცხადებს, რომ გააგრძელებს კიშინიოვის მხარდაჭერას იმ პრობლემებთან გასამკლავებლად, რომლის წინაშეც დადგა ქვეყანა უკრაინაში რუსეთის ომის შედეგად.
    ახლო აღმოსავლეთის კრიზისზე ევროპული საბჭო ხაზს უსვამს ისრაელის უფლებას, დაიცვას საკუთარი თავი საერთაშორისო სამართლისა და საერთაშორისო ჰუმანიტარული სამართლის შესაბამისად. მოუწოდებს „ჰამასს“ მძევლების ყოველგვარი წინაპირობის გარეშე გათავისუფლებისკენ. ევროპული საბჭო ადასტურებს ყველა მშვიდობიანი მოქალაქის დაცვის უზრუნველყოფის მნიშვნელობას და წუხს სამოქალაქო პირების მსხვერპლის გამო.
    ევროპის საბჭო გამოხატავს სერიოზულ შეშფოთებას ჰუმანიტარული მდგომარეობის გაუარესების გამო ღაზაში და მოუწოდებს ჰუმანიტარული დერეფნების უსაფრთხოებისკენ.
    ევროკავშირი მზად არის წვლილი შეიტანოს პოლიტიკური პროცესის ხელშეწყობაში ორი სახელმწიფოს გადაწყვეტის შესაბამისად და მხარს უჭერს უახლოეს მომავალში საერთაშორისო სამშვიდობო კონფერენციის ჩატარებას.

    ნეტგაზეთი
  24. tvati
    თბილისის დიდმა სინაგოგამ „ჰამასის“ მიერ ისრაელიდან გატაცებული ტყვეების სოლიდარობის ნიშნად ტრადიციული ებრაული შაბათის სუფრა გაშალა. მაგიდაზე განთავსებულია ტყვეების ფოტოები, მათი სახელებით, ასაკითა და წარწერით „გატაცებულია“ [Kidnapped].
    „21 დღეა რაც 229 ისრაელელი მძევლად ჰყავს „ჰამასის“ ტერორისტებს. ჩვენი 229 შვილი, ძმები, დები, დედები და ბაბუები ჯერ კიდევ არ არიან ჩვენი შაბათის სადილის მაგიდასთან. მადლობა ებრაულ თემს ამ მნიშვნელოვანი აქტისთვის და შეხსენებისთვის, რომ ჩვენი მაგიდები ჯერ კიდევ ცარიელია“, – წერს აქციასთან დაკავშირებით ისრაელის საელჩო საქართველოში.
    „ჰამასმა“ ტყვეები ისრაელზე თავდასხმის პირველ დღეს, 7 ოქტომბერს აიყვანა და ღაზის მიმართულებით გაიტაცა. ტერორისტული ორგანიზაცია ირწმუნებაა, რომ მზადაა „სამოქალაქო ტყვეების“ გასათავისუფლებლად, თუმცა ამისთვის ისრაელის მხრიდან ცეცხლის შეწყვეტას ითხოვს. ამავე დროს ისინი ირწმუნებიან, რომ ყველა ტყვის ადგილსამყოფელი მათთვის ცნობილი არაა.
    „ჰამასის“ თქმით, ყველა მძევალი მათ არ ჰყავთ და მოსაძებნად დრო სჭირდებათ
    გარეკანის ფოტო: © ისრაელის საელჩო საქართველოში

    ნეტგაზეთი
  25. tvati
    ევროკავშირის წარმომადგენლობა საქართველოში აცხადებს, რომ საქართველოს ხელისუფლებას ევროკომისიასთან კონსულტაციები ნამდვილად ჰქონდა მანამ, სანამ მაუწყებლობის შესახებ კანონში ცვლილებებს წარადგენდა.
    ამის შესახებ განცხადება “ნეტგაზეთს” ევროკავშირის წარმომადგენლობამ 26 ოქტომბერს მისწერა.
    “ნეტგაზეთმა” მაუწყებლობის შესახებ კანონში შეტანილ სადავო ცვლილებებთან დაკავშირებით ევროკომისიას ერთი კვირის წინ მიმართა. შეკითხვის საპასუხოდ ევროკავშირის წარმომადგენლობამ განაცხადა:
    პარლამენტმა დაჩქარებული წესით მიიღო „მაუწყებლობის შესახებ“კანონში ცვლილებები, რომლის მიხედვითაც სიძულვილის ენის და ტერორიზმისკენ მოწოდების, ასევე უხამსობის შემცველი პროგრამა და რეკლამა კომუნიკაციების კომისიის რეგულირების სფეროში ექცევა.
    ცვლილებების დაჩქარებულად მიღების არგუმენტად მმართველ პარტიაში ევროკავშირის მოთხოვნების შესრულებას ასახელებდნენ. თუმცა მედიის უფლებებზე მომუშავე ორგანიზაციები აცხადებდნენ, რომ ახალი კანონი არა ევრორეკომენდაციის შესრულება, არამედ უკან გადადგმული ნაბიჯია.
    ამ თემაზე ნახეთ ვრცლად:
    სადავო ცვლილებები მაუწყებლობის კანონში | მარტივად ახსნილი

    ნეტგაზეთი
×
×
  • შექმენი...