Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    შვეიცარიამ რუსეთის მოქალაქეების მფლობელობაში არსებული ფინანსური აქტივები გაყინა. გაყინული აქტივების ჯამი 8,81 მილიარდ დოლარს შეადგენს. აღნიშნული ნაბიჯი შვეიცარიამ იმ სანქციების ფარგლებში გადადგა, რომელიც უკრაინის წინააღმდეგ წარმოებული ომის გამო რუსეთის დასჯას ემსახურება.
    ამის შესახებ ინფორმაციას Reuters-ი აქვეყნებს.
    ეკონომიკურ საკითხებში სახელმწიფო სამდივნომ (SECO), რომელიც რუსეთის წინააღმდეგ სანქციებს აკონტროლებს, განაცხადა, რომ აღნიშნული თანხა წინასწარი შეფასებითაა და შეიძლება შეიცვალოს.
    სამდივნომ აღნიშნა, რომ ზუსტი ციფრის დადგენა რთული იყო სანქციების სიიდან ახალი ადამიანების დამატების ან ამოღების გამო.
    მათ განმარტეს, რომ უფრო ზუსტი მაჩვენებელი მომავალი წლის მეორე კვარტალშია მოსალოდნელი, როცა შვეიცარიული ბანკები მთავრობის წინაშე მოხსენებით წარდგებიან.
    ოფიციალურმა ბერნმა ასევე დაბლოკა რუსეთის ცენტრალური ბანკის კუთვნილი სავალუტო აქტივების 7,4 მილიარდი ფრანკის ოდენობით.

    იპნ
  2. tvati
    რას ნიშნავს სამუშაო ფორმატები და რატომ ვითხოვთ მათ შექმნას...

    ბექა ლილუაშვილი, პარტია "საქართველოსთვის" წევრი, დეპუტატი. 
    406575836_1704017016776400_3992934436293476473_n.mp4
  3. tvati
    რატომ არ გვაინტერესებს პროცესები რადიკალურ "ნაციონალურ მოძრაობაში"

    ბექა ლილუაშვილი, პარტია "საქართველოსთვის" წევრი, დეპუტატი. 
    407394915_2342448869286297_7296203284702868675_n.mp4
  4. tvati
    დარჩიაშვილის შეცვლილი რიტორიკა, ეს არის კანდიდატის სტატუსის დროებითი ეფექტი “ოცნებაზე”

    ბექა ლილუაშვილი, პარტია "საქართველოსთვის" წევრი, დეპუტატი. 
    407376569_1342844939925490_7865414622962382362_n.mp4
  5. tvati
    რას ნიშნავს ინკლუზიურობა ანუ ჩართულობა და რატომ გვთხოვს მას ევროკავშირი...

    ბექა ლილუაშვილი, პარტია "საქართველოსთვის" მწევრი, დეპუტატი. 
    407408689_215000424971653_797420939471066756_n.mp4
  6. tvati
    “როცა ხარ ქვეყნის ხელისუფლება, იცი, რომ გჭირდება 27-ვე ქვეყნის კონსენსუსი, ყველანაირი რისკის გადაზღვევის შესაძლებლობა უნდა შექმნა. ამ შემთხვევაში, ხომ უნდა იაზრებდეს რადიკალური ხელისუფლება და ოპოზიციის რადიკალური ნაწილი რა მნიშვნელობა აქვს თავად პროცესს და რა პოლიტიკური სიგნალია ჩვენი პარტნიორებისთვის სამუშაო ფორმატებში მონაწილეობა, იმის საჩვენებლად, რომ ამ ქვეყანაში შიდა პოლიტიკური გარჩევების მიღმა არსებობს ერთი დიდი ამოცანა, რომელიც უნდა შევასრულოთ.”

     ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე. 407427696_727034032649945_8421791762916093525_n.mp4
  7. tvati
    პოლიციამ წალკის მუნიციპალიტეტში ნაჯახით, განზრახ მკვლელობის ფაქტი ცხელ კვალზე გახსნა და ერთი პირი დააკავა.
    ინფორმაციას შინაგან საქმეთა სამინისტრო ავრცელებს.
    „შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1976 წელს დაბადებული ვ.ვ. განზრახ მკვლელობის ბრალდებით, წალკის მუნიციპალიტეტში დააკავეს.
    დანაშაული 10-დან 15 წლამდე ვადით თავისუფლების აღკვეთას ითვალისწინებს.
    გამოძიებით დადგინდა, რომ ბრალდებულმა ურთიერთშელაპარაკების ნიადაგზე, ნაჯახის გამოყენებით, სასიკვდილო დაზიანება მიაყენა 1970 წელს დაბადებულ ე.გ.-ს და შემთხვევის ადგილიდან მიიმალა.
    სამართალდამცველებმა გატარებული საგამოძიებო მოქმედებების შედეგად, ვ.ვ. მომხდარიდან რამდენიმე საათში, ცხელ კვალზე დააკავეს.
    პოლიციამ დანაშაულის ჩადენის იარაღი ნივთმტკიცებად ამოიღო.
    განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს“,- ნათქვამია ინფორმაციაში.

    იპნ
  8. tvati
    შრომითი ბინადრობის ნებართვა საქართველოში 4 964 რუსეთის მოქალაქემ მოითხოვა, 1 530 უკვე დაკმაყოფილდა. ასეთია იუსტიციის სამინისტროს მიერ პარლამენტის წევრის თინა ბოკუჩავას სადეპუტატო კითხვის პასუხად გაგზავნილ ინფორმაციაში.
    უწყების ცნობით, 2022 წლის 24 თებერვლიდან 2023 წლის 11 ნოემბრამდე პერიოდში საქართველოში ბინადრობის ნებართვა რუსეთის ჯამში, 15 506 მოქალაქემ მოითხოვა. აქედან, 4 964 პირმა ითხოვა შრომითი ბინადრობის ნებართვა, საიდანაც 1 530 დაკმაყოფილდა, 2 881 - პირის თხოვნა არ დაკმაყოფილდა, ხოლო სხვა მოთხოვნების განხილვის სხვადასხვა ეტაპზეა.
    ამასთან, საანგარიშო პერიოდში რუსეთის 233 მოქალაქემ მოითხოვა საინვესტიციო ბინადრობა, საიდანაც 168 უკვე დაკმაყოფილდა. რუსეთის 86-მა მოქალაქემ კი მოითხოვა სპეციალური ბინადრობის ნებართვა, მათგან 73 პირის განაცხადა დაკმაყოფილდა, 11- განუხილველად დარჩა, 2 კი არ დაკმაყოფილდა.
        ავტორი: თაია არდოტელი
  9. tvati
    წელს, 6 თვეში სახელმწიფო უწყებებმა მივლინებებში 35,4 მლნ ლარი დახარჯეს, რაც 15,8 მლნ ლარით მეტია, გასული წლის ანალოგიური პერიოდის ხარჯებზე. 2022 წლის 6 თვეში მივლინების ხარჯმა 19, 6 მლნ ლარი შეადგინა.
    სახელმწიფო აუდიტის სამსახურის, ბიუჯეტის მონიტორის მონაცემებით, უწყებებს შორის, წელს 6 თვის განმავლობაში, მივლინებაში ყველაზე მეტი თანხა, 6,6 მლნ ლარი, იუსტიციის სამინისტრომ დახარჯა, რომელსაც თანხის მოცულობით, თავდაცვის და შინაგან საქმეთა სამინისტროები მოსდევს.
    უფრო დეტალურად, ბიუჯეტის მონიტორზე დაყრდნობით, „ბიზნესპრესნიუსი“ გთავაზობთ, უწყებების, ძირითადად კი სამინისტროების მიერ 2023 წელს სამივლინებო ხარჯების შესახებ ინფორმაციას:
      პარლამენტი და მასთან არსებული ორგანიზაციები - 1,6 მლნ ლარი პრეზიდენტის ადმინისტრაცია - 1 მლნ ლარი მთავრობის ადმინისტრაცია - 2,3 მლნ ლარი შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი - 20, 241 ლარი ფინანსთა სამინისტრო - 952,268 ლარი ეკონომიკისა და მდგრადი განვითარების სამინისტრო - 1,9 მლნ ლარი რეგიონალური განვითარებისა და ინფრასტრუქტურის სამინისტრო 258,221ლარი იუსტიციის სამინისტრო - 6,6 მლნ ლარი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - 1,8 მლნ ლარი საგარეო საქმეთა სამინისტრო - 1,7 მლნ ლარი თავდაცვის სამინისტრო - 4,8 მლნ ლარი შინაგან საქმეთა სამინისტრო - 4 მლნ ლარი გარემოს დაცვისა და სოფლის მეურნეობის სამინისტრო - 2,9 მლნ ლარი განათლების, მეცნიერების სამინისტრო - 1,9 მლნ ლარი კულტურის კულტურის, სპორტისა და ახალგაზრდობის სამინისტრო - 1,1 მლნ ლარი   ავტორი: ნინი ქეთელაური
  10. tvati
    „გავაკვირვეთ მთელი მსოფლიო - ქართულ ზეთისხილში ისეთი ახალი არომატები იპოვეს, მანამდე არცერთ ქვეყანას რომ არ ჰქონია,“ - ამის შესახებ რადიო „პალიტრასა“ და „პალიტრანიუსის“ გადაცემაში „საქმე“ ბიზნესმენმა, ზეთისხილის საერთაშორისო საბჭოს საპატიო პრეზიდენტმა გიორგი სვანიძემ განაცხადა.
    მისივე თქმით, საქართველოში უკვე გახსნა სანერგე მეურნეობა, სადაც ქართული ზეთისხილი გამოჰყავთ.
    „10 წლის წინ პირველი ხე რომ დავრგეთ, სულ 8 ჰექტარი იყო, დღეის მდგომარეობით მილიონზე მეტი ზეთისხილის ნერგი გვაქვს დარგული საქართველოში და თითქმის 2 500 ჰექტარზე მეტზე არის გაშენებული. ვგულისხმობ, საერთო მასშტაბს და არა მხოლოდ საკუთარ პლანტაციებს. ჩემი ყველაზე დიდი ოცნება იყო, რომ საქართველოში ეს დარგი განვითარებულიყო და ზუსტად ამას მივაღწიეთ.
      საქართველოში პირველი ნერგები თურქეთიდან შემოვიტანეთ, ახლა უკვე ესპანეთიდანაც, მაროკოდან შემოგვაქვს, ასევე ვაწარმოებთ ადგილობრივ ნერგებსაც. გარდა ამისა, აღდგომის პერიოდში ჩავედით გეთსამანიის ბაღში (სადაც მახარობლების თხრობის თანახმად, მაცხოვარმა ჯვარცმის წინანდელი ღამე გაატარა) და იქიდან წამოვიღეთ მრავალსაუკუნოვანი ხეების ნერგები, ასევე გვაქვს ათონის ივერთა მონასტრიდან ჩამოტანილი ნერგები, რომლებსაც ვზრდით და გამოგვყავს ჩვენ სანერგე მეურნეობაში.
    რაც შეეხება საქართველოს რეგიონებს და კლიმატს, ზეთისხილის ნერგები კარგად ხარობს იმერეთშიც, ქართლშიც, კახეთში განსაკუთრებით. უხდება მშრალი კლიმატი. აღსანიშნავია, რომ ჩვენ რეგიონებს შორის მოყვანილი ზეთისხილიც განსხვავდება გემოვნებით, სხვადასხვა ადგილში გაზრდილ ზეთისხილის ზეთსაც სხვადასხვა გემოვნური თვისებები აქვს. ყვავილობის დროს იმ ყვავილების, მცენარეების, არომატს იღებს და ამითი გავაკვირვეთ მთელი მსოფლიოც - ისეთი ახალი არომატები იპოვეს ქართულ ზეთისხილში, მანამდე არცერთ ქვეყანას რომ არ ჰქონია,“- აღნიშნა სვანიძემ.
      ავტორი: თაია არდოტელი
  11. tvati
    ჭიდაობაში მსოფლიო ჩემპიონის, ლუკა კურტანიძის განცხადებით, საქართველოს ჭიდაობის ეროვნულ ფედერაციაში, ყრილობაზე დასწრების უფლება არ მისცეს და „კარისკენ მიუთითეს“.
    როგორც კურტანიძე სოციალურ ქსელში წერს, როგორც მსოფლიო ჩემპიონი იმის ღირსი მაინც იყო, რომ „ასე დამამცირებლად არ მოქცეოდნენ“.
    „დღეს ჭიდაობის ფედერაციაში საანგარიშო ყრილობა დაიწყო. როგორც მსოფლიო ჩემპიონს, ალბათ, მქონდა უფლება, თუნდაც სტუმრის სტატუსით დავსწრებოდი ყრილობას და მომესმინა რა ხდება, რა იგეგმება ოლიმპიური თამაშების წელს, რადგან სხვა თუ არაფერი გამიკეთებია ამ ქვეყნისთვის, ამ კუთხით მაინც ვთვლი, რომ რაღაც შევძელი... იმის ღირსი მაინც ვიყავი, ასე დამამცირებლად არ მომქცეოდნენ იმდენი ადამიანის წინაშე მაინც, არადა, ბორჯომის ხეობიდან ჩამოვედი... ჯერ პრეზიდენტმა, გეგა გეგეშიძემ მკითხა, რა გინდა აქ და მიმანიშნა, რომ ზედმეტი ვიყავი, შემდეგ დაუძახა გენმდივანს და ბატონ თამაზს მითითება მისცა. გენერალურმა მდივანმა მითხრა, რომ კანონით ყრილობაზე დასწრების უფლება არ მქონდა, კარებისკენ მიმანიშნა და მთხოვა გასვლა... დავიბენი, რადგან არ ველოდი. შემრცხვა, ძალიან დამცირებული ვარ! ძალიან მეტკინა. რაღაც ვთქვი და წამოვედი!
    გეკითხებით ყველას და პირველ რიგში, პრემიერ მინისტრს, რადგან ქვეყანას მთელი ცხოვრება შევწირე, მხოლოდ ჩემი ერი და სამშობლო იყო ჩემი ძალა - რა დავაშავე ისეთი, რომ ასე მამცირებენ?! იქაც, სადაც საქართველოს დიდებისთვის ნახევარი საუკუნე გავლიე?! ვფიქრობ, ასე არ შეიძლება! მე ასეთი საქართველოსთვის არ მიბრძოლია... მტკივნეულია ძალიან, მაგრამ უფალს მივენდობი... ალბათ, ესეც უნდა მივიღო?! ჭიდაობის ოჯახს კი ერთიანობას ვუსურვებ სამშობლო საქართველოსთვის“, - წერს ლუკა კურტანიძე.

    ipn
  12. tvati
    საქართველომ ნეგატიური ტენდენცია უნდა შეცვალოს და ევროკავშირთან სრული თავსებადობისკენ სვლა განაგრძოს, - „რადიო თავისუფლების“ ინფორმაციით, ამის შესახებ ევროპული საბჭოს დოკუმენტის პროექტში წერია, რომელიც აღნიშნულმა მედიასაშუალებამ მოიპოვა და რომლის განხილვაც ევროკავშირში დეკემბრის შუა რიცხვებში არის დაგეგმილი.
    „რადიო თავისუფლების“ ცნობით, დოკუმენტის პროექტი ევროკომისიის 8 ნოემბრის რეკომენდაციებზე დაყრდნობით არის შედგენილი და გადაწყვეტილების ნაწილი ჯერ ღიად რჩება.
    როგორც მედიასაშუალება წერს, დოკუმენტში ევროპული საბჭო თბილისს მოუწოდებს, ევროკავშირის ფასეულობების მიმართ მკაფიო ერთგულება აჩვენოს, რეფორმები გააგრძელოს და ინკლუზიურად, გააზრებულად და შეუქცევადად შეასრულოს ევროკომისიის მიერ განსაზღვრული პირობები.
    „დოკუმენტში ევროპული საბჭო ყველა ქართულ პოლიტიკურ ძალას მოუწოდებს გამოავლინოს კონსტრუქციული თანამშრომლობა და დიალოგი, გადალახოს პოლარიზაცია და „თავი შეიკავოს ქმედებებისგან, რომლებმაც შესაძლოა, უფრო გააღრმაოს პოლიტიკური დაძაბულობა და შეაფერხოს ქვეყნის დემოკრატიული ინსტიტუტები და რეფორმების დღის წესრიგი“, - წერს „რადიო თავისუფლება“.
    მათივე ცნობით, ევროპული საბჭოს მიერ მომზადებული დოკუმენტის პროექტში ასევე ნათქვამია, რომ საბჭოს “ძლიერი მოლოდინი“ გააჩნია, საქართველო არსებითად გაზრდის თავსებადობას ევროკავშირის საერთო საგარეო და უსაფრთხოების პოლიტიკის პოზიციებთან“ და “შემზღუდველ ზომებთან,” სუვერენიტეტისა და ტერიტორიული მთლიანობის პრინციპებთან შესაბამისობაში.
    “[ევროპული საბჭო] საქართველოს მოუწოდებს, პრიორიტეტულად შეცვალოს ნეგატიური ტენდენცია და განაგრძოს სვლა სრული თავსებადობისკენ. ეს იქნება ქვეყნის სტრატეგიული არჩევანის ნათელი ნიშანი ევროკავშირის წევრობისთვის,“ - ნათქვამია დოკუმენტში.

    ipn
  13. tvati
    “რამდენადაც სამწუხარო არ უნდა იყოს, წინასაარჩევნო პერიოდში საბავშვო ბაღების, საჯარო სკოლების, პროფესიული სასწავლებლებისა თუ უმაღლესი სასწავლებლების გამოყენება საარჩევნო პროცესებში ჩართვის მიზნით, ეს გახლავთ ძალიან მავნე პარქტიკა, ეს დამოკიდებულება ერთხელ და სამუდამოდ უნდა შეიცვალოს და წარსულს ჩაბარდეს. კანონით დაცული უნდა იქნეს მთავარი მოთხოვნა, რომ საბავშო ბაღები, სკოლა და უმაღლესი სასწავლებლები გახდეს პოლიტიკურად ნეიტრალური ინსტიტუციები და იქ დასაქმებული საზოგადოების გამოყენება პოლიტიკური, თუ საარჩევნო პროცესებში ჩართვის მიზნით, არ უნდა ხდებოდეს, მსგავსი ქმედება კი უნდა იყოს დასჯადი. საგანმანათებლო დაწესებულებებში პედაგოგების საქმე უნდა იყოს ახალგაზრდების აღზრდა და განათლების მიცემა და არა ვიღაცის პოლიტიკური დაკვეთების შესრულება. ვფიქრობთ, რომ ეს არის ძალიან მნიშვნელოვანი საკითხი და მნიშვნელოვანი გზავნილი ჩვენი პედაგოგებისა და საგანმანათლებლო საზოგადოების მიმართ განათლების სისტემის გაჯანსაღებისა და სკოლის, როგორც ავტონომიური სუბიექტის გაძლიერებისთვის.”

     შალვა კერესელიძე, პარტია "საქართველოსთვის" წევრი, დეპუტატი.  10000000_1069770767488230_4619354307406363569_n.mp4
  14. tvati
    რუსთავის მერი რუსთავის წინააღმდეგ...
     ნათია შელეგია, ფრაქცია “რუსთავი საქართველოსთვის” თავმჯდომარე 406609189_285548801137340_232315502711996924_n.mp4
  15. tvati
    “როცა დადგა დრო სახელმწიფო ინტერესების დაცვის, დეოკუპაციის პრაგმატულად განხორციელების საფუძვლის ჩაყრის, ჩვენი სახელმწიფო ინტერესების კიდევ უფრო გაძლიერების შესაძლებლობის, სამწუხაროდ, ვიღებთ ჩვენი მოქალაქეების მკვლელობას, გატაცებას, სამხედრო ბაზების განთავსებას, ოკუპაციის ხარისხის გაზრდას და მცოცავი ოკუპაციის გაგრძელებას. “ოცნება” არის პროთავისი, მათი მხრიდან ძალაუფლების შენარჩუნების გადაზღვევის ხარჯზე კი ვიღებთ სწორედ აღნიშნულ შედეგებს.”

     ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე 406645607_349248047719683_2090186072031634558_n.mp4
  16. tvati
    “რა განცხადებას გააკეთებს დარჩიაშვილი არ ვიცი, მაგრამ ვიცი რაზე უნდა ისაუბროს დღეს საგარეო საქმეთა მინისტრმა და ეს არის ქვეყნის ინტერესების დაცვა, დეოკუპაციის საკითხი, მცოცავი ოკუპაცია, ჩვენი მოქალაქეების მკვლელობის თემა.”
     მიშა დაუშვილი, პარტია "საქართველოსთვის" წევრი, დეპუტატი.  406584445_895529098587157_3809224160282578066_n.mp4
  17. tvati
    პარტიამ “საქართველოსთვის”, ეუთო/ოდირის მხარდაჭერით, გამართა ბოლო სამუშაო შეხვედრა პარტიის ეთიკის კოდექსზე. ქვეყანაში ევროპული პოლიტიკური სტანდარტების შექმნის, შიდა პარტიული დემოკრატიის, სამართლიანი და თანასწორი პოლიტიკური გარემოს შექმნის, მათ შორის, ქალთა პოლიტიკური გაძლიერების მიზნით პარტიამ “საქართველოსთვის” ეთიკის კოდექსზე მუშაობა 2023 წლის გაზაფხულზე დაიწყო.
  18. tvati
    რატომ არ გადაჰყავს „ოცნებას" მიხეილ სააკაშვილი საპატიმრო დაწესებულებაში და როგორ იყენებს მას ივანიშვილი...


    ბერდია სიჭინავა, პარტია "საქართველოსთვის" აღმასრულებელი მმდივანი. 
    406649156_1641764459566239_6551659538222011432_n.mp4
  19. tvati
    2 ოქტომბერს საქართველოს პრეზიდეტმა სალომე ზურაბიშვილმა გაასაჯაროვა ბელგიის მეფისთვის მიწერილი წერილი, სადაც იგი ამბობს, რომ მისგან დამოუკიდებელი მიზეზების გამო ვერ შეძლებს „ევროპალიის” ფესტივალის გახსნაზე დასწრებას და იძულებულია შეცვალოს საპროტოკოლო გადაწყვეტულება. 
    პრეზიდენტი ფესტივალზე დაუსწრებლობის ერთ-ერთ მიზეზად საქართველოს მთავრობის “დაუსაბუთებელ უარს” ასახელებს. უფრო კონკრეტულად, ზურაბიშვილის თქმით, მთავრობამ არ მისცა უფლება დაესწროს ფესტივალის გახსნას.
    როგორც ირკვევა სალომე ზურაბიშვილი ერთადერთი ადამიანი არ არის, ვინც საქართველოს მთავრობას ადანაშაულებს ფესტივალიდან დაბლოკვაში.
    მოგვიანებით, უკვე ხელოვანების მხრიდანაც დაიწყო საუბარი „ევროპალიაზე” წარმოდგენებისა და ნამუშევრების პოლიტიკური ნიშნით შერჩევის შესახებ.
    წარმოდგენების შერჩევის პროცესით დაინტერესდა „ნეტგაზეთი”  – რა კრიტერიუმებით აირჩა ფესტივალზე გასაგზავნი პროექტები და იყო თუ არა მათ შორის კულტურის სამინისტროს მხრიდან პოლიტიკური ნიშნით მიღებული გადაწყვეტილებები?
    ევროპალია
    ფესტივალი „ევროპალია” პირველად 1969 წელს გაიმართა და მას შემდეგ ტარდება ორ წელიწადში ერთხელ ბელგიაში, ფოკუსად კი ირჩევს ქვეყანას ან კონკრეტულ თემას.
    წლევანდელი ფესტივალი 4 ოქტომბრიდან – თებერვლის ჩათვლით იმართება და ეძღვნება საქართველოს; ქართულ ისტორიულ, თანამედროვე ხელოვნებასა და კულტურას. ფესტივალის მიზანია წარმოაჩინოს ინტერკულტურული კავშირები და ფართო საზოგადოებას გააცნოს. ფესტივალზე ისტორიული და თანამედროვე ნიმუშების წარდგენით კი, შესამჩნევი გახადოს ქვეყნის განვითარება და გეზი.
    „საქართველოს მასპინძლობისთვის ფესტივალმა მზადება ჯერ კიდევ 2019 წელს დაიწყო”, – ამბობს მუსიკისა და კინოს კოორდინატორი მარკ ჯეიკობსი – „როგორც წესი, ფესტივალისთვის მზადება დაახლოებით ორი წლით ადრე იწყება ხოლმე, თუმცა საქართველოს შემთხვევაში, პანდემიის გამო, ეს პროცესი უფრო გაჭიანურდა, ფესტივალი კი 2022 წლის ნაცვლად 2023 წელს ჩატარდა.”
    ფესტივალის მთავარი ფინანსური პარტნიორი საქართველოს მხრიდან არის კულტურის სამინისტრო. ის უზრუნველყოფს არტისტების ყველა საერთაშორისო გადაადგილებას საქართველოდან. ფესტივალში „ევროპალიისა” და სამინისტროს ფინანსური ჩართულობის წილი არის თითქმის 50/50 ზე. რაც, როგორც „ევროპალიის” გენერალური დირექტორი კრისტიან სალეზი ამბობს – ნიშნავს, რომ ყველაფერი, რაც ფესტივალზე იქნება წარმოდგენილი, უნდა გადაწყდეს სამინისტროსა და ევროპალიის გუნდის ურთიერთშეთანხმების შედეგად.
    კულტურის სამინისტროს მიერ უარყოფილი წარმოდგენები
    სახელოვნებო კომპანიის „ღია სივრცე” თანადამფუძნებელი დავით ხორბალაძე „ნეტგაზეთთან” საუბრისას იხსენებს, რომ პირველად „ევროპალიის” გუნდის წევრები ერთი წლის წინ დაუკავშირდნენ. უთხრეს, რომ დაინტერესებული იყვნენ მასთან მუშაობით და სთხოვეს გაეგზავნა ნამუშევრები მათთვის. მოლაპარაკებების შემდეგ, შერჩეული სპექტაკლის – „მკვდარი ძაღლები” – ფესტივალზე წაღება ტექნიკური მიზეზით არ გამოვიდა, თუმცა წასაღებად შეირჩა მისი ორი ნამუშევარი – ვიდეოსპექტაკლი  „მამა თავს იხრჩობს ტყეში” და ხმოვანი ინსტალაცია „ადგილები და მდებარეობები”, რომელიც უნდა გამოფენილიყო ანტვერპენში, სახელოვნები სივრცეში – “MONTY”. რაღაც პერიოდის შემდეგ კი  „ევროპალიის” გუნდის მხრიდან დაიწყო ლაპარაკი კულტურის სამინისტროს შესახებ:
    ამ პერიოდში რეჟისორმა იცოდა, რომ კულტურის სამინისტროც თანახმა იყო წაეღოთ მისი ნამუშევრები ფესტივალზე:
    „ვიცოდი, რომ კულტურის სამინისტროსაც თანხმობა ჰქონდა ნათქვამი ჩემს ნამუშევრებზე. შერჩეული ნამუშევრებიდან რის გამო უნდა ეთქვათ უარი, დიდად ვერც ვხვდები. არცერთი არ არის დიდად პოლიტიკურად კრიტიკული ნამუშევარი, ერთი მეხსიერებით აწყობილი აუდიოინსტალაციაა, „მამა თავს იხრჩობს ტყეში“ კი, თანამედროვე პოლონელი დრამატურგის პიესა, რომელშიც არის რაღაც ქვიარ ელემენტები, მაგრამ არ მგონია, ამის გამო დაებლოკათ.”
    დავით ხორბალაძის თქმით, საბოლოოდ ფესტივალის ფარგლებში არცერთი კოლაბორაცია არ შედგა, რომელიც უნდა შემდგარიყო სახელოვნებო კომპანიასთან „ღია სივრცე”, რაც კონტექსტის გათვალისწინებით აჩენს ეჭვებს. მიუხედავად იმისა, რომ არავის მიუწერია, რომ პოლიტიკური პოზიციების გამო ცენზურას დაექვემდებარა, ხელოვანის თქმით, კურატორებისგან მიიღო იმეილი, სადაც ცხადად წერია, რომ მისი ნამუშევრები უარყო კულტურის სამინისტრომ:
    საბოლოოდ „ევროპალიამ” ვერ მოახერხა ფინანსების მოძიება ფესტივალზე რეჟისორის წასაყვანად, თუმცა სანაცვლოდ შესთავაზა 150 ევრო მისი ნამუშევრების გამოსაფენად ანტვერპერნში:
    „რაღაც დროის გასვლის შემდეგ „ევროპალიისგან“ მომივიდა შეტყობინება, რომ ვერ შეძლებდნენ ჩემს წაყვანას, ვერ შეძლეს ფულის მოძიება, თუმცა გადაიხდიან 150 ევროს  და ჩემი ნამუშევრები გამოიფინება ფესტივალზე. ეს იყო მათი შემოთავაზება, რაზეც ვუპასუხე, რომ მოეხსნათ ჩემი  ნამუშევრები და თუ მხარდაჭერის სურვილი ჰქონდათ, დაეწერათ, რომ კულტურის სამინისტროს გამო, პროტესტის ნიშნად მოვხსენი ნამუშევრები. თუ არ ჩამოვალ, ჩემი ნამუშევრების გამოფენას არანაირი აზრი არ აქვს-მეთქი.”
    კულტურის სამინისტროს მიერ დავით ხორბალაძის ნამუშევრების უარყოფაზე გვპასუხობს „ევროპალიის” გენერალური მენეჯერი კრისტიან სალეზი. იგი ამბობს, რომ მათთვის გაუგებარი და ბუნდოვანი იყო სამინისტროს მხრიდან მიღებული უარი:
    დავით ხორბალაძე
     
    სახელოვნებო კომპანიის „ღია სივრცე” თანადამფუძნებელი მიხეილ ჩარკვიანი, რომლის წარმოდგენა „ექსოდუსი” ბელგიელი წარმომადგენლების მხრიდან შერჩეული იყო „ევროპალიაზე” წასაღებად, ფესტივალის მიერ არტისტების შერჩევის კრიტერიუმების შესახებ  საუბრობს:
    „მნიშვნელოვანია, რომ ევროპალიის გუნდი არ ჩამოდის და არ აფასებს მხოლოდ ერთ სპექტაკლს, ისინი ასე არ მუშაობენ. პროგრამა დგება რამდენიმე წლის მანძილზე და აკვირდებიან სხვადასხვა არტისტებს. ადამიანებს, რომლებთანაც მქონდა ურთიერთობა, რათა „ევროპალიაზე“ „ექსოდუსი“ წასულიყო, იქამდე  ნანახი ჰქონდათ ჩემი რამდენიმე სპექტაკლი. ესე იგი, ისინი აკვირდებიან არტისტის განვითარებას წლების განმავლობაში. ეს არ იყო უცბად მიღებული გადაწყვეტილება და უცბად შედგენილი პროგრამა. ეს იყო ხანგრძლივი პროცესი და მას ჰქონდა თავისი ლოგიკა, რომელიც ძალიან მნიშვნელოვანია კურატორისთვის, როცა აწყობს პროგრამას ან გამოფენას.”
    რეჟისორის თქმით, კულტურის მინისტრისთვის პროგრამის წარდგენის შემდეგ გამოიკვეთნენ ავტორები, რომელთა პოლიტიკური აქტივობა პრობლემა იყო სამინისტროსთვის:
    „ამის შემდეგ „ბოზარ ცენტრმა” და ევროპალიამ დაიწყო დამატებითი ხარჯების მოძიება იმისთვის, რომ მათ მიერ შექმნილი პროგრამა გადაერჩინათ, რადგან ხვდებოდნენ, რომ რამდენიმე წლის მანძილზე ნამუშევარ პროგრამას არ ეწერა შესრულება. მათთვის საჭირო გახდა მოეძებნათ საჭირო სახსრები და გაეკეთებინათ, ასე ვთქვათ, რეპრესირებული არტისტების დამოუკიდებელი პროგრამა. იყო ამაზე მოლაპარაკება, თითქოს გამოჩნდა რამდენიმე ორგანიზაცია, რომელსაც უნდოდა დახმარებოდა „ევროპალიას”, მაგრამ საბოლოოდ ეს არ გამოვიდა”, – ამბობს რეჟისორი.
    გაიგეთ მეტი დავით ხორბალაძესა და მიხეილ ჩარკვიანის შესახებ - დააკლიკეთ
    ამ პროცესში „ევროპალიის” გუნდის წევრებმა მიხეილ ჩარკვიანს ჰკითხეს – თუ წავიდოდა კულტურის სამინისტროს დაფინანსებით, რაზეც მან უარი თქვა და უთხრა, რომ ამ შეთავაზების გაკეთებას სამინისტროსთვის აზრი არ ჰქონდა:
    „„ევროპალიამ” მკითხა, თუ წავიდოდი კულტურის სამინისტროს დაფინანსებით. ამ დროს უკვე თეა წულუკიანი იყო მინისტრი, იქამდე, როცა „ევროპალიაზე” დაიწყო მუშაობა,  რა თქმა უნდა, იგი მინისტრი არ ყოფილა. მე თავიდანვე ვუთხარი, რომ არ მაინტერესებს ეს ბრძოლა და არ მინდა მინისტრისგან მიღებული დაფინანსება. რომც დავთანხმებოდი და მეთქვა, რომ თეა წულუკიანის დაფინანსებით წავალ, არ მგონია, (ჩემ შემთხვევაში, როცა ასეთ ღია დაპირისპირებაში ვიმყოფები როგორც კულტურის სამინისტროსთან, ისე საქართველოს მოქმედ ხელისუფლებასთან), რამე წარმატებისთვის მიეღწიათ. ვთვლი, რომ ეს იმთავითვე შეუძლებელი იყო და ასეც ვუთხარი, თანახმა რომც ვიყო, აზრი არა აქვს, არ მოგვცემს დაფინანსებას-მეთქი.”
    მიხეილ ჩარკვიანის თქმით, ფესტივალზე წარდგენილი პროგრამით მივიღეთ გაყალბებული კულტურა, რომელიც არ ასახავს თანამედროვე ქართულ კულტურაში მიმდინარე პროცესებს:
    მიხეილ ჩარკვიანი
    ევროპალიაზე წასული ხელოვანები და მათი პროტესტი
    21 და 22 ოქტომბერს ნათია ჩიკვაიძემ და ნინო დავაძემ „ევროპალიაზე” წარადგინეს მუსკალურ-ქორეგრაფიული ნამუშევარი “Pick Up Club”. პროექტის მიზანი იყო, ბელგიელი და ქართველი არტისტების ხუთდღიანი რეზიდენციის შედეგად სპონტანურად წარმოედგინათ 15- წუთიანი ქორეოგრაფიულ-მუსიკალური დუეტები, რომლებიც იქნებოდა თანამედროვე ცეკვისა და ელექტრონული მუსიკის სინთეზი.
    21 ოქტომბერს, წარმოდგენის შემდეგ, ნათია ჩიკვაიძემ წაიკითხა სიტყვა, რომელშიც ხაზს უსვამს საქართველოს კულტურის სფეროში მიმდინარე მოვლენებს და სოლიდარობას გამოხატავს არტისტების მიმართ, რომლებსაც არ მიეცათ ფესტივალზე ნამუშევრების გამოფენის საშუალება:

    ქორეოგრაფი ნათია ჩიკვაიძე „ნეტგაზეთთან” საუბრისას იხსენებს „ევროპალიის” პროექტების შესარჩევ პერიოდს:
    „ერთმანეთს ვუზიარებდით ინფორმაციას, ვის როგორი კომუნიკაცია გვქონდა ფესტივალის გუნდთან. ყველას გვქონდა კითხვები – რა ნიშნით არჩევდნენ პროექტებს. ორაზროვანი იყო – კულტურის სამინისტრო აფერხებდა „ევროპალიას” თუ „ევროპალიას” არ უნდოდა ვიღაცების წაყვანა. საბოლოო ჯამში,  აღმოჩნდა, რომ კულტურის სამინისტრო ისე ჩაება ამ პროცესში, რომ უარს ეუბნებოდა კონკრეტულ ადამიანებს, არ ჰქონდათ სურვილი, რომ ეს ადამიანები ყოფილიყვნენ ფესტივალზე, რათა რაღაც ზედმეტი არ ეთქვათ და გაეკეთებინათ.”
    ეს ქორეოგრაფისთვის ცხადი გახდა, როცა სამინისტროს მასთან კომუნიკაცია ჰქონდა:
    „მოგვიანებით მეც მივხვდი ამას, როცა ზარი მივიღე კულტურის სამინისტროდან. საქმის გარჩევის მსგავსი საუბარი იყო – ვინ ნათია ხარო? (ეგონათ, რომ სხვა ნათია ვიყავი) შეურაცხყოფილად ვიგრძენი თავი, კულტურის სამინისტრო თანხმდება, რომ მივიღო ფესტივალში მონაწილეობა, მაგრამ წარმოდგენა არა აქვს, რას ვაკეთებ. თანამედროვე ცეკვაზე რომ დავიწყე ლაპარაკი, აღმოჩნდა, რომ წარმოდგენა არა აქვთ, რა არის თანამედროვე ცეკვა, შევთავაზე, რომ გამეგზავნა ვიდეოები ჩემ შესახებ, რათა ენახათ, რას ვაკეთებდი. არა, არა, ყველაფერი გასაგებია, არა გვაქვს პრობლემა თანამედროვეობაზეო – მიპასუხეს.”
    ნათია ჩიკვაიძე. ფოტო: Lea Greub
    მუსიკოსი ნინო დავაძე „ნეტგაზეთის” საუბრისას იხსენებს „ევროპალიის” კურატორებთან პირველ შეხვედრას და კითხვას არტისტის პოლიტიკურად აქტიურობის შესახებ:
    ნინო დავაძე ამბობს, რომ მოსამზადებელ პერიოდში ბევრი იფიქრა, ღირდა თუ არა ამ ნაბიჯის გადადგმა და სამინისტროსთან ურთიერთობებში შესვლა, თუმცა მუსიკოსი აღნიშნავს, რომ კულტურის სამინისტროს ფული ხალხის ფულია, ასეთი შესაძლებლობები კი – არტისტებისთვის ძალიან იშვიათია:
    „ბევრი ვიფიქრეთ, რამდენად გვიღირდა, ვფიქრობდით, რამდენად ღირდა მონაწილეობის მიღება.  პირადად ჩემი მხრიდან მთავარი არგუმენტი იყო (და სხვებიც იზიარებდნენ ამას), რომ რითაც ფინანსდებოდა ჩვენი წასვლა, ეს, ქართველი ხალხის ფული იყო. კულტურის სამინისტროთი და მინისტრით მანიპულაცია კი არ მინდოდა, რადგან ჩვენ თუ არ გაგვიშვებდნენ – სხვას გაუშვებდნენ და ფესტივალი მაინც შედგებოდა, ჩვენ კი  გარეთ დავრჩებოდით. ძალიან დიდ გამოცდილებაზეა საუბარი, რომლის მიღების შესაძლებლობაც ძალიან ხშირად არ გვაქვს ხოლმე.”
    მუსიკოსისთვის ფესტივალზე წასვლის ერთ-ერთი მთავარი მიზანი იყო, ელაპარაკათ კულტურის სფეროში არსებულ პრობლემებსა და ხელოვნების გამოწვევებზე:
    ნინო დავაძე
    16 ნოემბერს ფესტივალზე კონცერტი გამართეს მევიოლინე ლიზა ბათიაშვილმა და პიანისტმა გიორგი გიგაშვილმაც, თუმცა, როგორც გიორგი გიგაშვილი „ნეტგაზეთთან” მიმოწერისას ამბობს, ამ პროცესში კულტურის სამინისტრო ჩართული არ ყოფილა:
    „მგონია, პოლიტიკური ნიშნით გამორჩევა დანაშაულია ასეთი სახის კულტურულ ფესტივალებზე, რომლებიც ისეთ ქალაქებსა და ქვეყნებში ტარდება, სადაც, წესით, ყველა ნიჭიერი ადამიანი უნდა იღებდეს მონაწილეობას, მაგრამ, რა თქმა უნდა, ეს თეა წულუკიანსა და სამინისტროს არ აინტერესებთ. ბლოკავენ და გაფრთხილებებს აძლევენ უნიჭიერეს არტისტებს”, – ამბობს პიანისტი.   „ნეტგაზეთი” კომენტარისთვის დაუკავშირდა კულტურის სამინისტროს, თუმცა ამ დრომდე პასუხი არ მიუღია.

    ნეტგაზეთი
  20. tvati
    რუსი პროპაგანდისტი, მარგარიტა სიმონიანი საქართველოს ხელისუფლებას აქებს.
    სიმონიანმა  საკუთარ ტელეგრამზე „ქართული ოცნების“ აღმასრულებელი მდივნის მამუკა მდინარაძის განცხადება გააზიარა წარწერით: „საქართველო გასაოცრად ადეკვატურად იქცევა”. 
    სიმონიანი მდინარაძეს უწონებს, რომ ოპოზიციის წინადადებას რუსეთისთვის სანქციების დაწესების შესახებ მდინარაძე ასე პასუხობს – „ჩვენ გიჟები არ ვართ“.

    პუბლიკა
    სიმონიანი წერს, რომ საქართველოს მსგავსად უნდა იქცეოდეს სომხეთიც.

     
  21. tvati
    ლატვიის გენერალურმა პროკურატურამ ქვეყნის ყოფილი პრემიერ-მინისტრის და ამჟამინდელი საგარეო საქმეთა მინისტრის სამსახურებრივი საჭიროებისთვის კერძო თვითმფრინავების დაქირავების საქმეზე გამოძიება დაიწყო.
    კერძოდ, მიმდინარე კვირაში ცნობილი გახდა, რომ ლატვიის მთავრობის ყოფილი ხელმძღვანელი კრიშიანის კარინშსი სპეციალური რეისებით სულ მცირე ორჯერ უფრო ხშირად დაფრინავდა, ვიდრე ეს მანამდე იყო ცნობილი.
    როგორც ლატვიური მედია წერს, საუბარია კრიშიანის კარინშსის ფრენებზე, რომლებიც მან ევროკავშირის სახელმწიფოს მეთაურებთან შეხვედრებისთვის გამოიყენა. მათივე ცნობით, ამ ფრენების ხარჯები დაფარული იყო ევროკავშირის სახსრებიდან და არა ლატვიის სახელმწიფო ბიუჯეტიდან, ამიტომ სახელმწიფო კანცელარიამ არ შეიტანა ეს მონაცემები კრიშიანის კარინშსის კერძო ფრენების შესახებ შეგროვებულ ინფორმაციაში.
    ლატვიური მედიის თანახმად, კრიშიანის კარინშსიმ მინიმუმ 36 სპეციალური რეისით ისარგებლა, რისთვისაც ჯამში სახელმწიფო ბიუჯეტიდან და ევროკავშირის რესურსებიდან 1,3 მილიონ ევროზე მეტი დაიხარჯა.
    აღნიშნულ საკითხზე მსჯელობა გრძელდება ლატვიის სეიმში. თავად კრიშიანის კარინშსი სპეცრეისების გამო კრიტიკას დაეთანხმა, მაგრამ ხაზგასმით აღნიშნა, რომ მათი წყალობით მან შეძლო შეხვედროდა მსოფლიო ლიდერებს, რაც შეიძლება სწრაფად, რთულ ლოჯისტიკურ პირობებში და ამით გააძლიერა ლატვიის როლი ევროკავშირსა და ნატოში.

    ნეტგაზეთი
  22. tvati
    “ოცნება” ყველაფერს აკეთებს იმისთვის, რომ აქტიური ახალგაზრდები დააჩუმოს, ან მწვანე დერეფანი გაუკეთოს და ქვეყნიდან გაიყვანოს, ხოლო იმედგაცრუებული ადამიანები ისეთ ნიჰილიზმში დატოვოს, რომ არჩევნებზე არ გამოცხადდნენ. ამიტომ, გამარჯვების ფორმულა მდგომარეობს შემდეგში, ქართულმა საზოგადოებამ უნდა დაიჯეროს, რომ გამარჯვება შესაძლებელია.”

     კახაბერ ქემოკლიძე, პარტია "საქართველოსთვის" პოლიტიკური მდივანი.  406644719_266739933046296_6865350437843864680_n.mp4
  23. tvati
    არ მესმის, რომ თბილისის სახელმწიფო უნივერსიტეტის რექტორი არ აძლევს უფლებას სტუდენტებს, გაშალონ მაგიდები და ხელი მოაწერინონ ძალიან მარტივ განცხადებას, - ამის შესახებ საქართველოს პრეზიდენტმა სალომე ზურაბიშვილმა მის მიერ ინიცირებულ პეტიციასთან დაკავშირებით -„ჩვენი ხმა ევროპას“ განაცხადა.
    როგორც პრეზიდენტმა აღნიშნა, უნდა მივეჩვიოთ იმას, რომ პოლიტიკა სხვა საკითხია, სახელმწიფო ინტერესები კი სხვა საკითხია და ის ყველა სივრცეში თავისუფალი უნდა იყოს.
    „არ მესმის, რომ თბილისის სახელმწიფო უნივერსიტეტის რექტორი არ აძლევს უფლებას სტუდენტებს, გაშალონ მაგიდები და ხელი მოაწერინონ ძალიან მარტივ განცხადებას. ამაზე მარტივი და ამაზე არაპოლიტიკური არ არსებობს და ამაზე უარს ამბობს რექტორი - შიგნით არ შეიძლებაო იმიტომ, რომ ვითომც ეს არის რაღაც პოლიტიკური ღონისძიება. ჩვენ უნდა მივეჩვიოთ იმას, რომ პოლიტიკა არის პოლიტიკა და საქართველოს სახელმწიფო ინტერესები არის სხვა რამ, რაც ყველგან, ყველა სივრცეში უნდა იყოს თავისუფალი. თავისუფლება ეს არის და ამიტომ გვინდა ჩვენ ევროპა, ამ თავისუფლებისთვის, რომ არავინ არავის მიმართ არანაირი მუქარით არ სცადოს აზრების შეცვლა ან გავლენის მოპოვება. ეს არის ის ღირებულებები, რაც არის ქართული ღირებულება ოდითგანვე და რაც არის ევროპული ღირებულება ასევე ოდითგან“,- განაცხადა სალომე ზურაბიშვილმა.

    იპნ
  24. tvati
    საქართველოს პრეზიდენტი სალომე ზურაბიშვილი მიიჩნევს, რომ არჩევნებში მონაწილეობის საშუალება უნდა ჰქონდეთ ქართული დიასპორის წარმომადგენლებს და ამისთვის მოლაპარაკებები უნდა წარიმართოს პარტნიორ ქვეყნებთან.
    პრეზიდენტის თქმით, ოფიციალურ ღონისძიებებში მონაწილეობის შიში აქვთ არალეგალ ქართველებს, თუმცა, როგორც ზურაბიშვილმა აღნიშნა, ამაზეც შეიძლება მოლაპარაკება პარტნიორებთან, რომ მათ მიიღონ არჩევნებში მონაწილეობა ისე, რომ ადგილი პოლიციისგან საფრთხე არ იგრძნონ.
    „დიასპორა და არჩევნები ჩემი თემაა, სულ მაწუხებდა ეს იმიტომ, რომ იქ ვხედავდი სხვადასხვა არჩევნების დროს თუ რამდენად არასერიოზული ასახვაა შედეგებზე იმისა თუ რა განწყობაა ემიგრაციაში. არაფერს არ ნიშნავს, მაგრამ მაინც, მე რომ წავაგე არჩევნები პარიზში ცოტა მაინც უცნაური უნდა იყოს. მილიონი ჩვენი თანამემამულე ცხოვრობს დღეს საზღვრების გარეთ, მათ შორის, ძალიან ბევრი არალეგალია და არაფერი არ კეთდება, არც ერთი ხელისუფლება აქამდე არ დაინტერესდა იმით, რომ არჩევნებში მონაწილე ჩვენი თანამემამულეების რაოდენობა გაიზარდოს. პატარა ჯგუფის, რომელიც საელჩოს ირგვლივ არის კარგად მოკალათებული, მონაწილეობა არჩევნებში ითვლებოდა როგორც სრულიად საკმარისი და ყველა ხელისუფლება ფიქრობდა: „რატომ ავიტკივოთ თავი და დავიწყოთ რაღაც კამპანია საზღვარგარეთ, რომელიც ბევრად უფრო რთული იქნება“. ერთი რამ არის აქაც ძალიან ნიშანდობლივი, რომ ის ადამიანები, რომლებიც გარეთ ცხოვრობენ და დამოუკიდებლად მუშაობენ, მოღვაწეობენ, მათზე პოლიტიკური გავლენების მოპოვება ბევრად უფრო რთულია. ამათ ვერ იჭერ შენი ხელფასით, გავლენით, შვილებით, მეუღლით და ა.შ. ასე რომ ეს არის ბევრად უფრო თავისუფალი, ცოცხალი ნაწილი ჩვენი ამომრჩევლებისა და მათი მონაწილეობა არის ძალიან მნიშვნელოვანი. ეს დისკუსია ახლა უნდა დაიწყოს და ვარ მოხარული, რომ იწყება სხვადასხვა წრეში და ეს ნიშნავს, რომ თემა არის აქტუალური. ბევრი სხვადასხვა საშუალება არსებობს სხვადასხვა ქვეყნის გამოცდილებიდან, რომ ბევრად მეტმა ადამიანმა მიიღოს მონაწილეობა. მთავარი არის, რომ ხელმისაწვდომი იყოს ის ადგილები, სადაც არჩევნებში შეგიძლია, მონაწილეობა მიიღო. არ შეიძლება, რომ იყოს მხოლოდ ერთი ცენტრი საელჩოში, უნდა გაიხსნას სხვადასხვა საარჩევნო უბანი მით უმეტეს დიდ ქვეყნებში, სადაც რთულია ჩვენი მოქალაქეებისთვის მონაწილეობა“,- განაცხადა პრეზიდენტმა.
    მისივე თქმით, რამდენიმე ქვეყანა უკვე მზად არის ამ პროცესში საქართველოსთვის დახმარების გასაწევად.
    „ვიცი, რომ ჩვენი რამდენიმე პარტნიორი ქვეყანა მზად არის, რომ ამაში დაგვეხმაროს იმისთვის რომ გაიხსნას უსაფრთხო ასეთი უბნები ამ ქვეყნებში. მეორე საკითხია, რომ არალეგალებს ყოველთვის ეშინიათ, რომ მისვლა საელჩოსთან ან საარჩევნო უბანთან იქნება აღნიშნული ადგილობრივი პოლიციის მიერ და მათ რაღაცა საფრთხე შეექმნებათ. ეს საკითხი ასევე გადაწყვეტილია ბევრ ქვეყანას შორის. მე, მაგალითად, საფრანგეთის გამოცდილებიდან ვიცი, რომ ალჟირელები მონაწილეობენ ძალიან დიდი რაოდენობით, იმდენად, რომ ალჟირელის არჩევნები წყდება საფრანგეთიდან და რიგები არის მათ საელჩოებთან და საარჩევნო უბნებთან, მაგრამ იქ არანაირი პოლიციის ჩარევა არ არსებობს. ამაზე ჩვენ უნდა მივიღოთ ჩვენი პარტნიორებისგან წინასწარ შეთანხმებები და გარანტიები, რომ ეს არ მოხდება და ჩვენ წინასწარ უნდა მოვამზადოთ ჩვენი მოსახლეობა, რომ ამაში არ არის საფრთხე“,- განაცხადა სალომე ზურაბიშვილმა.

    იპნ
  25. tvati
    სპეციალურმა საგამოძიებო სამსახურმა ყოფილი მეუღლისთვის მოსასმენი აპარატურის დამონტაჟების და მიყურადების ფაქტზე ერთი პირი დააკავა.
    ამის შესახებ ინფორმაციას სპეციალური საგამოძიებო სამსახური ავრცელებს.
    მათივე ცნობით, გამოძიებით დადგინდა, რომ 1979 წელს დაბადებულმა, ქ. თბილისში მცხოვრებმა ბრალდებულმა, ყოფილი მეუღლის საცხოვრებელ ბინაში - მისაღებსა და საძინებელში, ფარულად მოსასმენი მოწყობილობები დაამონტაჟა. მოწყობილობებში განათავსა სიმ ბარათები და მათზე სატელეფონო ზარის განხორციელების გზით, თვეების განმავლობაში დაზარალებულების კერძო კომუნიკაციის უკანონო მიყურადებას ახორციელებდა.
    „სპეციალურმა საგამოძიებო სამსახურმა, დაზარალებული ქალის მომართვის შემდეგ, საგამოძიებო მოქმედებები მისი კონფიდენციალურობის სრული დაცვით წარმართა.
    ბრალდებული სასამართლოს განჩინების საფუძველზე სისხლის სამართლის კოდექსის 158-ე მუხლის პირველი ნაწილით გათვალისწინებული დანაშაულისთვის დააკავეს.
    დანაშაული 4 წლამდე თავისუფლების აღკვეთას ითვალისწინებს.
    საქმეზე გრძელდება გამოძიება“, - აღნიშნულია გავრცელებულ ინფორმაციაში.
×
×
  • შექმენი...