Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    უკრაინაში დაღუპული ქართველი მებრძოლი, 31 წლის ნიკა გელენიძე საქართველოში ჩამოასვენეს.
    ცხედარს აეროპორტში ოჯახის წევრები და რიგითი მოქალაქეები დახვდნენ.
    ნიკა გელენიძე, დღესვე, ფოთში საკუთარ სახლში გადაასვენეს.
    ცნობისთვის, ნიკოლოზ გელენიძე უკრაინაში 5 სექტემბერს წავიდა, ის ბახმუტთან იბრძოდა, სადაც დაბომბვის შედეგად 18 ნოემბერს დაიღუპა.

    იპნ
  2. tvati
    საქართველოს განათლებისა და მეცნიერების სამინისტროს განცხადებით, მათი ინიციატივით, დარგობრივი სამინისტროების, დაინტერესებული ორგანიზებისა და მშობელთა აქტიური ჩართულობით, „ზოგადსაგანმანათლებლო დაწესებულებებში კვების ობიექტის ფუნქციონირებისთვის დადგენილი მინიმალური მოთხოვნები“ დამტკიცდა.
    განათლების სამინისტროს ცნობით, შესაბამისი სახელმწიფო უწყებების გარდა, სკოლის კვების ობიექტს, ყოველდღიურ მონიტორინგს გაუწევს სკოლის მონიტორინგის ჯგუფი, რომელიც დაკომპლექტებული იქნება საბაზო და/ან საშუალო საფეხურის მოსწავლეებით, სკოლის მოსწავლეთა მშობლებით, მასწავლებლებით, სკოლის ექიმი/ექთნით და სკოლის ადმინისტრაციის წარმომადგენლებით.
    დადგენილების მიხედვით, მოსწავლეებში ჯანსაღი კვებითი უნარ-ჩვევების განვითარებისთვის, სკოლის კვების ბლოკში აკრძალულია შემდეგი პროდუქტების გამოყენება:
    „არაგადამდებ დაავადებათა განვითარების რისკის შემცირებისა და სიმსუქნის პრევენციის მიზნით, შერჩეული უნდა იქნეს შაქრის ნაკლები შემცველობის სურსათი, მათ შორის სასმელი. დაუშვებელია ტკბილი და გაზიანი სასმელების შეტანა (მათ შორის ხილის სასმელების, გაზიანი/უალკოჰოლო სასმელების, აღდგენილი სასმელების, ენერგეტიკული სასმელების) და გამოყენება.
    კვებისათვის შერჩეული უნდა იქნეს დაბალი ცხიმის შემცველობის სურსათი. მიზანშეწონილია, ნაჯერი ცხიმები ჩანაცვლებულ იქნეს უჯერი ცხიმებით. 5. შერჩეული უნდა იქნეს მარილის/ნატრიუმის ნაკლები შემცველობის სურსათი. ახალი პური წარმოადგენს თითოეული კვების აუცილებელ ნაწილს. ის შეიძლება შეიცვალოს ორცხობილით (დაუმტკბარი) ან მჭადით, “- ნათქვამია დოკუმენტში. 



    პუბლიკა
  3. tvati
    დღეს, 25 ნოემბერს, ქალთა მიმართ ძალადობის წინააღმდეგ ბრძოლის საერთაშორისო დღეა. ქალთა და გოგოების მიმართ ძალადობა ადამიანის უფლებების ყველაზე გავრცელებული დარღვევაა მსოფლიოში.
    ევროკავშირის ელჩი საქართველოში პაველ ჰერჩინსკი ამ დღესთან დაკავშირებით ვიდეომიმართვას ავრცელებს.



  4. tvati
    გასული ღამის განმავლობაში რუსეთის არმიამ უკრაინაზე მასშტაბური საჰაერო იერიში მიიტანა. თავდასხმის ძირითადი სამიზნე კიევი იყო. უკრაინის დედაქალაქს სხვადასხვა მხრიდან ირანული წარმოების, „შაჰიდის“ მოდელის დრონებით შეუტიეს.
    როგორც უკრაინის ხელისუფლება აცხადებს, შეტევა 6 საათის განმავლობაში უწყვეტად მიმდინარეობდა და ის იყო ყველაზე მასშტაბური რუსეთის უკრაინაში ფართომასშტაბიანი შეჭრის შემდეგ.
    უკრაინული მედიის ინფორმაციით, უპილოტონ საფრენი აპარატების უმრავლესობა საჰაერო თავდაცვის სისტემამ ჩამოაგდო, თუმცა მათი ნამსხვრევები დაეცა როგორც საბავშვო ბაღს, ისე — საცხოვრებელ სახლებს. საბავშვო ბაღში ამ დროს სააღმზრდელო პროცესი არ მიმდინარეობდა.
    უკრაინული მედიასაშუალება Hromadske იტყობინება, რომ კიევში საჰაერო შეტევამ რამდენიმე ადამიანში პანიკური შეტევა გამოიწვია, მათ შორის იყო 11 წლის ბავშვი, რომელსაც მედიკოსების დახმარება დასჭირდა.

    ნეტგაზეთი
  5. tvati
    სურსათის ეროვნული სააგენტოს განცხადებით, სუნელების 61 ნიმუშიდან 5-ში სუდანის ჯგუფის აკრძალული საღებავი აღმოაჩინეს. მათ შორის:
    შპს „ლაგოს“ მიერ წარმოებული წითელი წიწაკა (დაღერღილი, დამზადების თარიღი: 06/10/2023 წელი, ვარგისიანობის ვადა 12 თვე), აღმოჩნდა საღებავი Sudan I. მისამართი: შპს „ცენტრალური ბაზარი“ სენაკი, რუსთაველის ქ. N180 – დახლზე მოვაჭრე ფიზიკური პირი ელისო ჯოლოგუა; დახლზე მოვაჭრე ფიზიკური პირი ელისო ჯოლოგუასთან აღებულ მისივე წარმოების აჯიკის (დამზადების თარიღი: 13/10/2023 წელი. ვარგისიანობის ვადა 1 წელი) ნიმუშში აღმოჩნდა: sudan I; Sudan Red G და Para Red. მისამართი: შპს ცენტრალური ბაზარი , სენაკი, რუსთაველის ქ. N180; შპს „ლაგოს“ მიერ წარმოებულ წითელ წიწაკაში (წმინდად დაფქული, დამზადების თარიღი: 06/10/2023 წელი. ვარგისიანობის ვადა 1 წელი) აღმოჩნდა საღებავი Sudan I. მისამართი: შპს ლუკა, ქ. ფოთი, ფარნავაზ მეფის N1, (აგრარული ბაზრის მიმდებარე ტერიტორი) ფიზიკურ პირი მზია ზუხბაია; ინდივიდუალურ მეწარმე ზეინაბ გორაძესთან აღებული მეგრული აჯიკის (დამზადების თარიღი: 10/10/2023 წელი. ვარგისიანობის ვადა: 6 თვე) ნიმუშში აღმოჩნდა: sudan I; Sudan Red G და Para Red. მისამართი: ქალაქი ბათუმი, მაიაკოვსკის ქუჩა N4; ინდივიდუალურ მეწარმე ხვიჩა შავაძესთან აღებული მეგრული აჯიკის (დამზადების თარიღი: 12/10/2023 წელი. ვარგისიანობის ვადა: 1 წელი) ნიმუშში აღმოჩნდა: sudan I; Sudan Red G და Para Red. მისამართი: ქალაქი ქობულეთი, თავისუფლების ქ. N19. აგრარული ბაზრის მიმდებარე ტერიტორია. უწყებაში აცხადებენ, რომ კანონმდებლობის შესაბამისად, აღნიშნული სურსათი ბაზრიდან ამოღებასა და განადგურებას ექვემდებარება, რაზეც ზედამხედველობას სურსათის ეროვნული სააგენტო განახორციელებს. სურსათის ეროვნული სააგენტო მოუწოდებს მომხმარებელს, თუ აღნიშნულ ობიექტებზე აქვს შეძენილი დასახელებული სურსათი, თავი შეიკავოს მისი გამოყენებისგან.
    სუდანის ჯგუფის საღებავები განეკუთვნება ხელოვნურ აზო-საღებავების ჯგუფს და წარმოადგენს სურსათის ქიმიურ დამაბინძურებელს, რომლის დამატება სურსათში აკრძალულია.

    ნეტგაზეთი
  6. tvati
    “რა ხდება რუსთავში?! 2024 წლის არჩევნები მოდის და “ოცნება” ცდილობს ადგილობრივი ბიუჯეტი ისე გაანაწილოს, როგორც მის პარტიულ ორგანიზაციას აწყობს , რის შესაძლებლობასაც ჩვენ არ ვაძლევთ. ჩვენი მიზანია რუსთაველების ინტერესები იყოს მაქსიმალურად გათვალისწინებული.”

     მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი. 403634281_6834038469998840_5940438598290942100_n.mp4
  7. tvati
    "ჩვენთვის პრინციპულად მნიშვნელოვანია, რომ ოცნებამ და ნაციონალურმა მოძრაობამ, ჯამში ვეღარ მიიღონ 50%”

     გიორგი შარაშიძე, პარტია "საქართველოსთვის" თბილისის საკრებულოს წევრი.  405775544_309196335278844_7897349048746743639_n.mp4
  8. tvati
    საქართველოს პროკურატურამ, პაციენტისთვის ჩატარებული არასათანადო მკურნალობის გამო, რამაც ჯანმრთელობის მდგომარეობის დამძიმება გამოიწვია, „აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკის“ თერაპიული განყოფილების ხელმძღვანელს, ქეთევან ცერცვაძეს ბრალდება წარუდგინა.
    პროკურატურის ინფორმაციით, პროკურატურამ ექიმს ბრალდება სისხლის სამართლის კოდექსის 220 პრიმა მუხლის მეორე ნაწილით (გულგრილობა, ესე იგი საწარმოში ან სხვა ორგანიზაციაში ხელმძღვანელობითი, წარმომადგენლობითი ან სხვა სპეციალური უფლებამოსილების მქონე პირის მიერ თავისი სამსახურებრივი მოვალეობის შეუსრულებლობა ან არაჯეროვნად შესრულება მისდამი დაუდევარი დამოკიდებულების გამო, რამაც მძიმე შედეგი გამოიწვია) წარუდგინა.
    „ჩატარებული გამოძიებით დადგინდა, რომ ახალი კორონავირუსით (SARS-CoV-2) გამოწვეული ინფექციის (COVID-19) დიაგნოზით დაზარალებული, 2021 წლის 11 აგვისტოს, შპს „აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკაში“ მოათავსეს, სადაც სამედიცინო პერსონალის მეთვალყურეობის ქვეშ მკურნალობა უტარდებოდა. აღნიშნული კლინიკის თერაპიული განყოფილების ხელმძღვანელმა, რომლის ინფორმირებით და უშუალო ჩართულობით მიმდინარეობდა მკურნალობის პროცესი, არ გაითვალისწინა პაციენტის კლინიკური მდგომარეობის მართვის შესაბამისი პროტოკოლი და პაციენტს მედიკამენტური მკურნალობა აუცილებელი კვლევის ჩატარების გარეშე დაენიშნა.
    პროტოკოლის დარღვევების ფონზე ჩატარებული მკურნალობა პაციენტის ჯანმრთელობის მდგომარეობის დამძიმების მიზეზი გახდა, რის გამოც იგი ინტენსიური თერაპიის განყოფილებაში გადაიყვანეს, სადაც მოგვიანებით გარდაიცვალა.
    შინაგან საქმეთა სამინისტროში, სისხლის სამართლის საქმეზე გამოძიება გრძელდება”, - ნათქვამია ინფორმაციაში.

    იპნ
  9. tvati
    რა მოხდა რუსთავში? და როგორ გარიგდნენ კიდევ ერთხელ „ნაციონალური მოძრაობა" და „ოცნება"

    ბერდია სიჭინავა, პარტია "საქართველოსთვის" აღმასრულებელი მდივანი. 
    405741604_325549880226143_7666849339473299448_n.mp4
  10. tvati
    1 აშშ დოლარის ოფიციალური ღირებულება 2.7128 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7128 ლარი გახდა. კურსი, რომელიც დღეს მოქმედებდა, 2.7122 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
    რაც შეეხება ევროს, მისი კურსი 2.9594 ლარია. მაშინ, როცა დღეს მოქმედი კურსი 2.9558 ლარს შეადგენდა. შესაბამისად, ევროს ცვლილებამ 0.0036 ლარი შეადგინა.
    დღევანდელი ვაჭრობის შედეგად მიღებული კურსები ძალაში ხვალ შევა.

    იპნ
  11. tvati
    პროკურატურამ ბრალი წარუდგინა პირს, რომლის ტრაილერის დაგორების შემდეგაც არასრულწლოვანი დაიღუპა.
    პროკურატურის განცხადებით, შსს-ის გამოძიებით დადგინდა, რომ სატვირთო ავტომობილის მძღოლმა ვერ უზრუნველყო სატრანსპორტო საშუალების უსაფრთხოდ მართვა და ტროტუარზე ფეხით მოსიარულე არასრულწლოვანს შეეჯახა, რის შედეგადაც ის ადგილზე გარდაიცვალა.
    სამართალდამცველებმა ბრალდებული იმავე დღეს დააკავეს.
    მას ბრალდება საქართველოს სისხლის სამართლის კოდექსის 276-ე მუხლის მე-6 ნაწილით (ავტომობილის მოძრაობის უსაფრთხოების ან ექსპლუატაციის წესის დარღვევა რამაც სიცოცხლის მოსპობა გამოიწვია) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.
    პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.

    პუბლიკა
  12. tvati
    არქეოლოგები გიორგი ბიძინაშვილი და ნიკოლოზ წიქარიძე მე-7 თვეა კულტურული მემკვიდრეობის დაცვის სააგენტოდან არქეოლოგიურ გათხრების დაწყებაზე ნებართვას ვერ იღებენ. ნებართვის გამცემი უწყება კულტურის სამინისტროს ექვემდებარება.
    არქეოლოგების განცხადებით, ძეგლთა დაცვის სააგენტო მათ სჯით სამუზეუმო სისტემაში მინისტრ წულუკიანის პოლიტიკის კრიტიკის გამო. ნებართვის დაგვიანებით კი, მნიშვნელოვანი ზიანი ადგება ქვეყნის სამეცნიერო რეპუტაციას და ნადგურდება ძეგლები.
    ნიკოლოზ წიქარიძე არქეოლოგიურ გათხრებზე ნებართვას ცუცხვათის მღვიმურ სისტემაში ითხოვს, გიორგი ბიძინაშვილი კი  – ოროზმანის ძეგლზე. ოროზმანიში 2022 წლის სექტემბერში უძველესი ადამიანის კბილი აღმოაჩინეს.
    ნიკოლოზ წიქარიძის ხელმძღვანელობით ცუცხვათის მღვიმურ სისტემაში არქეოლოგიური გათხრები 2017 წელს განახლდა და 2020 წლამდე შეუფერხებლად მიმდინარეობდა. 2021 წელს ლუის ლიკის სამეცნიერო ფონდის გრანტი მოიგეს. ლუის ლიკის ფონდი პალეოანთროპოლოგიისა და ქვის ხანის არქეოლოგიის სფეროში ერთ-ერთი ყველაზე პრესტიჟული ფონდია და ნიკოლოზ წიქარიძე პირველი მკვლევარია კავკასიაში, ვისი ხელმძღვანელობითაც იქნა მოპოვებული ეს გრანტი.
    არქეოლოგების თქმით, კულტურული მემკვიდრეობის დაცვის სააგენტო არღვევს კანონს. „ეს არის ჩემი და ჩემი მეგობრების პროფკავშირული ნიშნით დევნა. სხვა ახსნა ამას არ აქვს. ჩვენ ყველა დოკუმენტი და ყველანაირი უფლება გვაქვს, რომ გათხრები ვაწარმოოთ“, – ამბობს ნიკოლოზ წიქარიძე.
    გიორგი ბიძინაშვილმაც ოროზმანის არქეოლოგიურ ძეგლზე გათხრების ნებართვისთვის 2023 წლის 29 მაისს მიმართა სააგენტოს და 7 თვის თავზე სააგენტოში გაგზავნილ სანებართვო წერილზე-დოკუმენტაციაზე არანაირი პასუხი არ მისვლია – არც დადებითი არც უარყოფითი.
    არქეოლოგები განმარტავენ, რომ „ლიცენზიებისა და ნებართვების შესახებ“ საქართველოს კანონის  VII თავის, 26-ე მუხლის, მე-10 და მე-11 პუნქტები ადგენს, რომ ნებართვის გამცემი ვალდებულია, ნებართვის გაცემის შესახებ გადაწყვეტილება მიიღოს განცხადების წარდგენიდან 20 დღის ვადაში.
    თუ აღნიშნულ ვადაში არ მიიღეს გადაწყვეტილება ნებართვის გაცემის ან ნებართვის გაცემაზე უარის თქმის შესახებ, ნებართვა გაცემულად მიიჩნევა. ნებართვის მაძიებელი უფლებამოსილია, ნებართვის გაცემისათვის დადგენილი ვადის შემდეგ მოითხოვოს სანებართვო მოწმობა.
    ნებართვის გამცემი ვალდებულია, დაუყოვნებლივ გასცეს სანებართვო მოწმობა. ნიკოლოზ წიქარიძემ ნებართვის გაცემისთვის დადგენილი ვადის ამოწურვის შემდეგ ისევ მიმართა კულტურული მემკვიდრეობის დაცვის სააგენტოს, მოთხოვნით, დაუყოვნებლივ გასცეს არქეოლოგიური გათხრების სანებართვო მოწმობა.
    სანებართვო მოწმობა ოფიციალური წერილით მოითხოვა გიორგი ბიძინაშვილმაც, თუმცა პასუხი მასაც არ მიუღია.

    პუბლიკა
  13. tvati
    „ქართული ოცნების“ ლიდერები ამ წუთებში პარლამენტის თავმჯდომარის სამუშაო კაბინეტში, დახურულ ფორმატში ოპოზიციას ხვდებიან.
    შეხვედრაზე პარლამენტის მიერ პირველი მოსმენით მიღებულ იმ კანონპროექტზე მსჯელობენ, რომელიც 2024 წლის საპარლამენტო არჩევნებში ე.წ. ლამინირებული პირადობის მოწმობებით ხმის მიცემას ხდის შესაძლებელს.
    აღნიშნული პროექტის ინიციატორი ფრიდონ ინჯიაა. ის დღევანდელ შეხვედრას არ ესწრება. შეხვედრას „ოცნებიდან” შალვა პაპუაშვილი, ირაკლი კობახიძე გივი მიქანაძე და მამუკა მდინარაძე ესწრებიან.
    ოპოზიციიდან კი ხათუნა სამნიძე, თინა ბოკუჩავა, გახარიას პარტიიდან მიხეილ დაუშვილი, აგრეთვე რომან გოცირიძე, იაგო ხვიჩია და ნატო ჩხეიძე ესწრებიან.
    ოპოზიცია ამბობს, რომ ძველი პირადობების გამოყენება არჩევნებში ოცნებისთვის გაყალბების ბერკეტია.
    გავა თუ არა კანონპროექტი მეორე მოსმენაზე და იქცევა თუ არა კანონად შეხვედრის დასრულების შემდეგ გაირკვევა.
    ცვლილებები, რომელიც „საქართველოს საარჩევნო კოდექსში“ შედის, პარლამენტმა პირველი მოსმენით უკვე მიიღო.
    კანონპროექტის თანახმად:
    არჩევნებში მონაწილეობის მიღება შეეძლებათ საქართველოს იმ მოქალაქეებს, რომლებსაც ნაცვლად პირადობის ელექტრონული მოწმობის (ID-ბარათის) და/ან პასპორტისა, მოქმედი არაელექტრონული პირადობის მოწმობა აქვთ. 
    ასევე იხილეთ ხმის მიცემა ძველი პირადობებით — რა ეტაპზეა ფრიდონ ინჯიას ინიციატივის განხილვა
    16 ნოემბერი, 2023

    პუბლიკა
  14. tvati
    ტექნოლოგიური გიგანტის, „მაიკროსოფტის“ დამფუძნებელი ბილ გეიტსი მიიჩნევს, რომ ხელოვნური ინტელექტის და ტექნოლოგიების წყალობით ადამიანებს შეიძლება, ნაკლები მუშაობა დასჭირდეთ.
    „ბიზნეს ინსაიდერის“ ცნობით, ტრევორ ნოასთან გამართულ პოდკასტში წამყვანმა გეიტსს ჰკითხა, ხომ არ ემუქრება ხელოვნური ინტელექტის განვითარება და სულ უფრო ხშირი გამოყენება სამუშაო ადგილებს.
    გეიტსმა უპასუხა, რომ ტექნოლოგიები ადამიანებს ვერ ჩაანაცვლებს, უფრო პირიქით, ცხოვრებას გაუმარტივებს – დადგება დღე, როცა ადამიანებს შეეძლებათ, ნაკლები იმუშაონ.
    გეიტსის პროგნოზით, ტექნოლოგიების წყალობით სამუშაო კვირა შეიძლება, სამ დღემდეც შემცირდეს, რაც „სავარაუდოდ კარგია“ – ადამიანებს აღარ მოუწევთ კვირაში ხუთი ან მეტი დღით მუშაობა თავის გასატანად. ამავე დროს, ტექნოლოგიები ადამიანების საყოფაცხოვრებო საქმეების უფრო დიდ ნაწილსაც გადაიბარებენ.
    ამავე დროს, როგორც გეიტსი აღნიშნავს, პოზიტიურთან ცვლილებებთან ერთად, ხელოვნურ ინტელექტს ზიანის მოტანა შეუძლია არასწორად ან ბოროტად გამოყენების შემთხვევაში.

    ნეტგაზეთი
  15. tvati
    საქსტატის მონაცემებით, 2023 წლის III კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურების 819.9 ათასი გასვლა საზღვარგარეთ, რაც 18.2%-ით მეტია წინა წლის ანალოგიური პერიოდის მაჩვენებელზე.
    აქედან 397.6 ათასი იყო ტურისტული ტიპის ვიზიტი, რაც 38.2%-ით მეტია წინა წლის ანალოგიური პერიოდის მაჩვენებელზე.
    ყველაზე მეტი ვიზიტი (33.4%) განხორციელდა საყიდლების მიზნით.
    2023 წლის III კვარტალში საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების განაწილება ვიზიტის მიზნის მიხედვით, ათასი; წყარო: საქსტატი
    ვიზიტების უმრავლესობა განხორციელდა თურქეთში (41,5%). შემდეგ მოდიან სომხეთი (16%), რუსეთი (14,4%), ევროკავშირის წევრი ქვეყნები (14%).
    გასვლების უდიდესი ნაწილი — 45.4% — 31-50 წლის მოგზაურების მიერ განხორციელდა.
    წყარო: საქსტატი
    აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 647.2 ათასი შეადგინა, რაც 21.7%-ით მეტია 2022 წლის ანალოგიური პერიოდის მაჩვენებელზე.
    განხორციელებული ვიზიტებისას გაწეული ხარჯები 592.4 მილიონ ლარს გაუტოლდა, რაც 7.1%-ით მეტია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2022 წლის III კვარტალთან შედარებით 12%-ით შემცირდა და 915.3 ლარი შეადგინა.

    ნეტგაზეთი
  16. tvati
    შერიგების საკითხებში სახელმწიფო მინისტრის აპარატის ცნობით, გამყოფ ხაზთან მცხოვრებ მოსახლეობას ზამთრის პერიოდში გათბობის უზრუნველყოფის მიზნით, ფინანსური დახმარება გაეწევა და ამასთან, მთავრობის ცნობით, სტუდენტების 2023-2024 სასწავლო წლის დაფინანსება გაგრძელდება.
    “გამყოფი ხაზის მიმდებარე სოფლებში კონფლიქტით დაზარალებული მოსახლეობის საჭიროებებზე რეაგირების დროებითი სამთავრობო კომისიის სხდომაზე მიღებულ იქნა გადაწყვეტილება, გამყოფ ხაზთან მცხოვრებ კონფლიქტით დაზარებულ მოსახლეობას, ზამთრის პერიოდში გათბობის უზრუნველყოფის მიზნით, გაეწიოს ფინანსური დახმარება და გაგრძელდეს სტუდენტების 2023-2024 სასწავლო წლის დაფინანსება.

    ნეტგაზეთი
  17. tvati
    პარლამენტის ოპოზიციონერი დეპუტატის, თეონა აქუბარდიას თქმით, უხერხულია, როცა საქართველოს პარლამენტი თამაზ გინტურის მკვლელობასთან დაკავშირებით რეზოლუციის პროექტს არ განიხილავს მაშინ, როცა ამ საკითზე ევროპარლამენტმა უკვე რეზოლუცია მიიღო.
    აქუბარდიამ მოითხოვა, რომ რეზოლუციის პროექტი ადამიანის უფლებათა დაცვისა და სამოქალაქო ინტეგრაციის კომიტეტის დღის წესრიგში ჩაესვათ, რომელიც დღეს, 24 ნოემბერს, იმართება. ვინაიდან პარლამენტის ბიურომ რეზოლუციის პროექტი სწორედ ადამიანის უფლებათა დაცვის კომიტეტს გადასცა.
    „რამდენადაც ბიურომ ეს საკითხის [რეზოლუციის პროექტი] თქვენს კომიტეტს გადასცა და დღის წესრიგში არ არის, მოგმართავთ თხოვნით, რომ აღნიშნული საკითხი დღის წესრიგში მოხვდეს. ყველაზე რბილად რომ ვთქვათ, ძალიან უხერხულია, როცა საქართველო პარლამენტი, ამ შემთხვევაში თქვენი პოლიტიკური გუნდი, უარს ამბობს ამ საკითხის განხილვაზე. მიუხედავად პოლიტიკური პოლარიზაციისა და იმისა, რომ ძალიან ბევრ საკითხზე ვერ ვთანხმდებით, გვევალება თანხმობა ჩვენი მოქალაქეების სიცოცხლის და უსაფრთხოების დაცვაზე, ქვეყნის ტერიტორიული მთლიანობისა და სუვერენიტეტის დაცვაზე.
    შესაბამისად, გთხოვთ, ეს საკითხი დღის წესრიგში ჩავსვათ. თუ საკითხის განხილვა არ ხდება, გთხოვთ განგვიმარტოთ, რატომ არის პრობლემა რეზოლუციის პროექტის განხილვა, რომელიც მეორე ფრონტის გახსნას არ ითხოვს, არამედ ითხოვს, ჩვენი მოქალაქის თამაზ გინტურის მკვლელების დასჯას. მით უფრო, როცა მთავრობის დადგენილებით საოკუპაციო რეჟიმის დამნაშავეების სია არსებობს და მხოლოდ სიის გაფართოებაზე რომ მოუწოდოს პარლამენტმა მთავრობას“, – განაცხადა თეონა აქუბარდიამ.
    თეონა აქუბარდიას პასუხად ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ განაცხადა, რომ კომიტეტის დღის წესრიგში საკითხის დამატებას თავის პროცედურა აქვს. მისი თქმით, მანიპულაციურია განცხადება, რომ თითქოს ვინმე რეზოლუციის პროექტის განხილვაზე უარს ამბობდეს.
    მისი თქმით, რეზოლუციის პროექტს განიხილავენ, თუმცა პროცედურების დაცვით.
    „თქვენც იცით, რომ ეს მხოლოდ ადამიანის უფლებათა დაცვის კომიტეტის განსახილველი საკითხი არ არის, არა – ფორმალურად, არამედ მასში ჩართული უნდა იყოს მათ შორის პოლიტიკური ჯგუფები, ასევე სხვა კომიტეტების კომპეტენციას ეხება. იცით, რომ ფორმალურად ეს ერთ კომიტეტს ეწერება, მაგრამ ამას სჭირდება კონსულტაცია საგარეო ურთიერთობათა კომიტეტთან, ევროპასთან ინტეგრაციის კომიტეტთან, თავდაცვის კომიტეტთან… არაერთი კომიტეტია რელევანტური, რომელთანაც საკითხი გასავლელია.
    სამწუხაროდ, როდესაც თქვენა ამას აინიცირებდით, არ გქონიათ არც სურვილი, არც გადაწყვეტილება, რომ ამაზე ვინმესთან წინასწარ კონსულტაციები გაგემართათ, რაც კარგი იქნებოდა, მათ შორის ტექსტობრივად რომ გაგვევლო და ასე მიგვეღო. ამიტომ როცა თქვენ არ შეიწუხეთ თავი, რომ ამაზე ვინმესთან გესაუბრათ, ისე დააინიცირეთ და ახლა ვინმეს საყვედურს ეუბნებით და არასწორად ამბობთ, რომ თითქოს ვინმე უარს ამბობს ამის განხილვაზე, ამის არც საფუძველი გაქვთ და უფლება“, – განმარტა სარჯველაძემ აქუბარდიას პასუხად.
    საპარლამენტო ოპოზიციამ პარლამენტში რეზოლუციის პროექტი დაარეგისტრირა, რომელიც ოთხოზორია- ტატუნაშვილის სიაში თამაზ გინტურის მკვლელების შეყვანას ითვალისწინებს. ოთხოზორია-ტატუნაშვილის სია წინა მოწვევის პარლამენტმა მიიღო. ოპოზიცია მთავრობას მოუწოდებს, აღნიშნული სია საერთაშორისო ასპარეზზე გამოიყენოს, რათა დამნაშავეები დაისაჯონ.
    „ქართული ოცნების“ თავმჯდომარის, ირაკლი კობახიძის განცხადებით, საპარლამენტო უმრავლესობა მხარს არ დაუჭერს ოპოზიციის მიერ ინიცირებულ რეზოლუციის პროექტს, რომელიც ოთხოზორია-ტატუნაშვილის სიის გაფართოებას და მასში თამაზ გინტურის მკვლელების სახელების შეყვანას თვალისწინებს.
    კობახიძის თქმით, „ქართულ ოცნების“ პრინციპული პოზიციაა, რომ მხარს არ დაუჭერს ოპოზიციის არცერთ დოკუმენტს, რომელიც ოკუპაციასა და საგარეო პოლიტიკას ეხება.
    ამასთან, 23 ნოემბერს ევროპარლამენტმა მიიღო რეზოლუცია რუსეთის საოკუპაციო ძალების მიერ საქართველოს მოქალაქეების — თამაზ გინტურის მკვლელობისა და ლევან დოთიაშვილის გატაცების შესახებ. რეზოლუციის მიღებას მხარი დაუჭირა 495-მა დეპუტატმა, 7 იყო წინააღმდეგი, 50-ს პოზიცია არ დაუფიქსირებია.

    ნეტგაზეთი
  18. tvati
    დღეს - ზოგიერთი რაღაც მანიფესტს აქვეყნებს, ზოგი რაღაც გეგმებს გვთავაზობს. ყველაზე მნიშვნელოვანი მანიფესტი დღეს არის იმ 9 რეკომენდაციის შესრულება, რათა გაგრძელდეს ჩვენი ქვეყნის ევროინტეგრაცია.

     კიდევ ერთხელ მოვუწოდებთ ხელისუფლებას, დაიწყოს სამუშაო პროცესი, ჩვენ მზად ვართ, ახლაც მივიღოთ მონაწილეობა ამ პროცესში.

    მიშა დაუშვილი, პარტია "საქართველოსთვის" წევრი, დეპუტატი.  405767035_865811421766231_7866673668549737383_n.mp4
  19. tvati
    თითოეულ იმ ევროპარლამენტარს გვინდა მადლობა ვუთხრათ, ვინც თამაზ გინტურის შესახებ მიღებულ რეზოლუციას მხარი დაუჭირა. ჩვენ უნდა გვესმოდეს, რომ ევროკავშირი არის ის, ვინც იცავს ჩვენს ტრადიციებს, კულტურას, ეკლესიას და ჩვენს მოქალაქეებს.  „ოცნების" დეპუტატებს უნდა ეყოთ გამბედაობა, გამოდიოდნენ და ევროპის კრიტიკის მაგივრად, მსგავსი მხარდაჭერის გამო, მადლობას ეუბნებოდნენ მათ.

    მიშა დაუშვილი, პარტია "საქართველოსთვის" წევრი, დეპუტატი.  405736809_899554591517868_6263099468447648656_n.mp4
  20. tvati
    "რადიკალურ ხელისუფლებას მოვუწოდებთ - თავი დაანებონ ტყუილების თქმას, ხოლო რადიკალურ „ნაციონალურ მოძრაობას'' - თავი დაანებონ მუქარებს. მოქალაქეებს სჭირდებათ პრობლემების მოგვარება და ჯობია, საქმეს მიხედონ."

    მიშა დაუშვილი, პარტია "საქართველოსთვის" წევრი, დეპუტატი.  405040981_1192417171717015_6416884613060271766_n.mp4
  21. tvati
    “ცვლილებები 2024 წელს არის გარდაუვალი და ამ ცვლილებებს ბუნევრივია სჭირდება ჩვენი მოქალაქეების მხარდაჭერა, ამ მხარდაჭერას კი ყოველდღიურად ვგრძნობთ. ჩვენი პარტია, როგორც დამოუკიდებელი სუბიექტი ისე იქნება წარმოდგენილი არჩევნებზე. თუ პოლიტიკურ პარტიას არ აქვს იმის რესურსი, რომ 5%-იანი ბარიერი გადალახოს, მას არ უნდა ჰქონდეს იმის პრეტენზია, რომ ქართულ პოლიტიკაში ეთქმოდეს სიტყვა და წარმოდგენილი იყოს საკანონმდებლო ორგანოში. ყველა მოქალაქე უნდა დავარწმუნოთ ერთ რამეში, 2024 წლის საპარლამენტო არჩევნებზე მისვლა არის უმნიშვნელოვანესი ეროვნული საქმე, რადგან მაღალი აქტივობა არის პოლიტიკური ცვლილებების გასაღები.”

     ბერდია სიჭინავა, პარტია “საქართველოსთვის” აღმასრულებელი მდივანი. 405050572_1542052166617677_2199177511011634716_n.mp4
  22. tvati
    საქართველოს პრეზიდენტი, სალომე ზურაბიშვილი ევროპარლამენტის მიერ თამაზ გინტურის მკვლელობასთან დაკავშირებით რეზოლუციის დამტკიცებას გამოეხმაურა.
    როგორც სალომე ზურაბიშვილი აცხადებს, ევროპამ საქართველოს მიმართ კიდევ ერთხელ აჩვენა ურყევი მხარდაჭერა.
    „ევროპა კიდევ ერთხელ ადასტურებს საქართველოს მიმართ ურყევ მხარდაჭერას. მადლობელი ვარ თამაზ გინტურის მკვლელობასთან დაკავშირებით ევროპარლამენტის დასკვნითი რეზოლუციისთვის, რომელიც ხაზს უსვამს საერთაშორისო საზოგადოების როლს იმ გამოწვევებთან დაპირისპირებაში, რომელთაც საქართველოს მოქალაქეები, რუსეთის მუდმივი ოკუპაციის ქვეშ განიცდიან“, - წერს სალომე ზურაბიშვილი X-ზე (ყოფილი „ტვიტერი“).
    შეგახსენებთ, დღეს ევროპარლამენტმა რუსეთის საოკუპაციო ძალების მიერ საქართველოს მოქალაქის, თამაზ გინტურის მკვლელობასთან დაკავშირებით რეზოლუცია დაამტკიცა.

    იპნ
  23. tvati
    პარტია „საქართველოსთვის“ ლიდერის, გიორგი გახარიას განცხადებით, ევროპარლამენტის რეზოლუცია რუსეთის საოკუპაციო ძალების მიერ თამაზ გინტურის მკვლელობასთან დაკავშირებით, კიდევ ერთხელ ადასტურებს ვინაა საქართველოს „გრძელვადიანი მშვიდობის გარანტი და ვინ მტერი“.
    როგორც ის საკუთარი „ტვიტერის“ გვერდზე წერს, ბოლოდროინდელი მოვლენები ადასტურებს, რომ ქართველი ხალხი და ევროკავშირი სწორ მხარეს დგას, თუმცა საქართველოს მთავრობა „მნიშვნელოვნად ჩამორჩება“.
    „ევროპარლამენტის რეზოლუცია კიდევ ერთხელ ადასტურებს ევროკავშირის ნამდვილ ღირებულებებს, ვინ არის საქართველოს მეგობარი, ჩვენი სახელმწიფოებრიობის და სუვერენიტეტის დამცველი, გრძელვადიანი მშვიდობის გარანტი და ვინ არის მტერი. 8 ნოემბერს, როცა ევროკავშირი საქართველოსთან დაკავშირებით კანდიდატის სტატუსზე ისტორიულ გადაწყვეტილებას იღებდა, ოკუპანტებმა ჩვენი თავისუფლების, ღირსების და ეკლესიის დაცვისთვის თამაზ გინტური სასტიკად მოკლეს. ბოლოდროინდელი მოვლენები ნათლად ადასტურებს, რომ საქართველოს მოქალაქეები ისტორიის სწორ მხარეს დგანან. ასევე, სწორ მხარეს დგას ევროკავშირი. სამწუხაროდ, საქართველოს მთავრობა მნიშვნელოვნად ჩამორჩება“,- წერს „ტვიტერზე“ გიორგი გახარია.
    ევროპარლამენტმა რუსეთის საოკუპაციო ძალების მიერ საქართველოს მოქალაქის, თამაზ გინტურის მკვლელობასთან დაკავშირებით რეზოლუცია დაამტკიცა.
    რეზოლუციას, რომელსაც რამდენიმე თანაავტორი ჰყავს, ევროპარლამენტის 495-მა წევრმა დაუჭირა მხარი.

    ipn
  24. tvati
    “მოქმედ ოლიგარქს უნდა, რომ ხელისუფლება შეინარჩუნოს, წასულს უნდა, რომ ხელისუფლებაში დაბრუნდეს. ერთიც და მეორეც არის გვერდით გასაწევი და ფუნდამენტურად, შინაარსობრივად დემოკრატიული მმართველობის სესტემაა ჩამოსაყალიბებელი.”

       კახაბერ ქემოკლიძე, პარტია "საქართველოსთვის" პოლიტიკური მდივანი.  402662852_2468464333326107_7051877532622112904_n.mp4
  25. tvati
    24 ნოემბრიდან ფინეთი  დახურავს ყველა სასაზღვრო-გამშვებ პუნქტს რუსეთთან, გარდა ერთისა, რომელიც ყველაზე ჩრდილოეთით მდებარეობს, — განაცხადა ფინეთის პრემიერ-მინისტრმა პეტერი ორპომ.
    ფინეთი ამ გადაწყვეტილებას თავშესაფრის მაძიებელთა ნაკადის შემცირების აუცილებლობით ხსნის. ჰელსინკიმ რამდენიმე გადასასვლელი უკვე დაკეტა და მოსკოვი მიგრანტების გაყვანაში დაადანაშაულა. ფინეთი დახურავს დარჩენილი ოთხიდან სამ სასაზღვრო გამშვები პუნქტს და დარჩება მხოლოდ „რაია-იოსეპის“ გამშვები პუნქტი.
    „რაია-იოსეპი მდებარეობს ყველაზე ჩრდილოეთი და იქ მისასვლელად რეალური ძალისხმევაა საჭირო“, — განაცხადა ფინეთის პრემიერ-მინისტრმა.
    ჰელსინკის ცნობით, თავშესაფრის მაძიებლები მოდიან სხვადასხვა ქვეყნიდან რუსეთის გავლით, მათ შორის იემენიდან, ავღანეთიდან, კენიადან, მაროკოდან, პაკისტანიდან, სომალიდან და სირიიდან.
    მოსკოვმა გამოაცხადა ოფიციალური პროტესტი ფინეთის მიერ საზღვრის ნაწილობრივი ჩაკეტვის გამო და თქვა, რომ ეს ანტირუსული პოზიციის გამოხატულებაა.

    netgazeti
×
×
  • შექმენი...