tvati

კონკურენციის სააგენტოს განცხადებით, მოვაჭრე ვალდებულია, რომ მომხმარებელს მომსახურება ქართულ ენაზე გაუწიოს. სააგენტოს განცხადებით, მათ ამ საკითხზე ერთ-ერთმა მოქალაქემ „ვეტერინალურ ცენტრ ზოოპლაზასთან“ დაკავშირებული შემთხვევის გამო მიმართა, რომელმაც მომხმარებელს ერთ-ერთი კვლევის პასუხი რუსულად მიაწოდა. სააგენტომ საქმე „მომხმარებლის უფლებების დაცვის შესახებ“ კანონის სავარაუდო დარღვევის კუთხით შეისწავლა. „საქმის შესწავლის ფარგლებში, სააგენტომ მოვაჭრესთან პირობითი ვალდებულების ხელშეკრულება გააფორმა, რომლის ფარგლებში მოვაჭრეს დაევალა – იმ მომხმარებელთა უფლებები აღადგინოს, რომელთაც მის მიერ კანონით განსაზღვრული ვალდებულებების შეუსრულებლობის შედეგად ზიანი მიადგა. კერძოდ, საქმის შესწავლის პროცესში, მოვაჭრემ აიღო ვალდებულება – მომხმარებელს მომსახურება ქართულ ენაზე გაუწიოს. ასევე, ინფორმაცია და წერილობითი დოკუმენტები ქართულ ენაზე – მკაფიოდ, გასაგებად და სრულად მიაწოდოს“, – აცხადებს კონკურენციის ეროვნული სააგენტო. „ზოოპლაზას“ მიერ რუსულად მომსახურება ლანა ყანჩელმა გააპროტესტა. მოქალაქე წერდა, რომ კლინიკაში კატა მიიყვანა სამკურნალოდ, მათ კი კვლევის პასუხი, ძირითადად, რუსულ ენაზე მიაწოდეს. პუბლიკა

უკრაინის საგარეო საქმეთა მინისტრმა შავი ზღვის რეგიონის ქვეყნების უსაფრთხოების კომპლექსური სტრატეგიის აუცილებლობაზე ილაპარაკა ბუქარესტში, შავი ზღვის უსაფრთხოების საერთაშორისო კონფერენციაზე გამოსვლისას. უკრაინული გამოცემის, „ევროპეისკა პრავდას“ ინფორმაციით, კულებამ განაცხადა, რომ შავი ზღვა ბალტიის ზღვის მსგავსად უნდა იქცეს ნატოს ზღვად. უკრაინის საგარეო საქმეთა მინისტრის თქმით, შავი ზღვის რეგიონი იმის მაგალითია, თუ როგორ სწრაფად შეიძლება სიტუაციის გაუარესება, თუ საფრთხეებს უგულებელყოფ: „საქართველო, უკრაინა, სირია და ისევ უკრაინა - მოსკოვი ერთიმეორის მიყოლებით მიმართავდა სასტიკ შეტევებს. დასავლეთში ბევრმა გადაწყვიტა დაეჯერებინა, რომ რუსებს საკუთარი სიმართლე აქვთ. მაგრამ ერთადერთი სიმართლე ის არის, რომ რუსეთი ყოველთვის ემზადებოდა დიდი იმპერიალისტური ომისთვის და საბოლოო მიზანი იყო მორიგი იალტის კონფერენციის ჩატარება, რათა ევროპა გავლენის სფეროებად დაეყო“. უკრაინის საგარეო საქმეთა მინისტრმა სამწუხარო უწოდა იმას, რომ დასავლეთს შავი ზღვის მიმართ არ ჰქონდა თანმიმდევრული სტრატეგია, მაშინ, როცა რუსეთი ყოველთვის მისდევდა აგრესიულ, რევანშისტულ და ბარბაროსულ სტრატეგიას. დმიტრო კულებას განცხადებით, როცა 2008 წელს, შიშით გამოწვეულმა სიფრთხილემ უკრაინისა და საქართველოსთვის ნატოს კარი დახურა, რუსეთს სწრაფი რეაქცია ჰქონდა და თავს დაესხა ჯერ ერთ და შემდეგ, მეორე ქვეყანას. კულება მიიჩნევს, რომ ვილნიუსში ნატოს წლევანდელი სამიტი კარგი დროა ძველი შეცდომების გამოსასწორებლად. ასევე ნახეთ FT: აშშ ეწინააღმდეგება უკრაინისთვის ნატოს წევრობის "საგზაო რუკის" შეთავაზებას ნატოს ლიდერთა სამიტი 2023 წლის ივლისში გაიმართება ლიეტუვის დედაქალაქ ვილნიუსში. სამიტზე მიწვეულია უკრაინის პრეზიდენტი ვოლოდიმირ ზელენსკი, რომელიც ნატოსგან ითხოვს რეალურ ნაბიჯებს ალიანსში უკრაინის მისაღებად. უკრაინამ ნატოს წევრობის ოფიციალური განაცხადი ომის დაწყების შემდეგ, 2022 წლის სექტემბერში წარადგინა. ნატომ 2008 წლის აპრილში, ბუქარესტის სამიტზე მხარი არ დაუჭირა საქართველოსა და უკრაინისთვის გაწევრების სამოქმედო გეგმის (MAP) მიცემას, თუმცა, დეკლარაციაში ჩაწერა, რომ ორივე ქვეყნისთვის ნატოს კარი ღიაა. 2008 წლის აგვისტოში რუსეთმა საქართველოს წინააღმდეგ ომი დაიწყო. უკრაინის წინააღმდეგ ფართომასშტაბიანი ომის დაწყებამდე ცოტა ხნით ადრე, 2021 წლის დეკემბერში, რუსეთმა აშშ-ისა და ნატოსგან მოითხოვა უსაფრთხოების გარანტიები. მათ შორის აღმოსავლეთით ნატოს გაფართოების შეწყვეტა და უარი ალიანსში უკრაინისა და საქართველოს მიღებაზე. 2022 წლის იანვარში, ნატომ და აშშ-მა რუსეთის ამ მოთხოვნას უარით უპასუხეს. 2022 წლის 24 თებერვალს რუსეთის არმია უკრაინის ტერიტორიაზე შეიჭრა. რადიო თავისუფლება

მარნეულში პოლიციამ დააკავა სამი ახალგაზრდა, რომელსაც გამოძიება სამართალდამცავებისთვის ფიზიკური და სიტყვიერი შეურაცხყოფის მიყენებასა და შინაგან საქმეთა სამინისტროს მანქანის დაზიანებას ედავება. მათ ოთხიდან შვიდ წლამდე პატიმრობა ემუქრებათ. გამოძიების ვერსიით, მანქანამ, რომელშიც სამი ახალგაზრდა იჯდა 12 აპრილს მარნეული - სადახლოს საავტომობილო მონაკვეთზე გადაადგილებისას ავარიული სიტუაცია შექმნა. ამ მიზეზით პოლიციამ მათ მანქანის გაჩერება სთხოვა, რასაც მძღოლი არ დაემორჩილა - გზა განაგრძო მარნეულის მუნიციპალიტეტის ერთ-ერთი სოფლის მიმართულებით, რა დროსაც მოცურდა და გადაბრუნდა. შინაგან საქმეთა სამინისტრო გავრცელებულ განცხადებაში აღნიშნავს, რომ მძღოლმა და მანქანაში მასთან ერთად მყოფმა ორმა ახალგაზრდამ სამართალდამცველებს მიაყენეს სიტყვიერი და ფიზიკური შეურაცხყოფა, დააზიანეს შინაგან საქმეთა სამინისტროს ბალანსზე არსებული ავტომობილი. "ინციდენტისას შემთხვევის ადგილზე შეიკრიბა ადგილობრივთა ნაწილი, რომლებმაც სამართალდამცველებს ინციდენტში მონაწილე პირების დაკავებაში შეუშალეს ხელი და მათ ადგილიდან მიმალვა მოახერხეს. ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, დანაშაულში ბრალდებული მძღოლი და მისი ორივე მგზავრი პოლიციამ მალევე დააკავა", - აღნიშნულია უწყების გავრცელებულ განცხადებაში. ამ საქმეზე გამოძიება საქართველოს სისხლის სამართლის კოდექსის 353-ე პრიმა მუხლით დაიწყო. რადიო თავისუფლება

უკრაინაში რუსეთის წინააღმდეგ მებრძოლი დავით ქუჩუკიანი საქართველოში ჩამოასვენეს. იგი 4 აპრილს ბახმუტში საარტილერიო თავდასხმისას დაიღუპა. თვითმფრინავი თბილისის საერთაშორისო აეროპორტში 13 აპრილს, გამთენიისას, ჩამოფრინდა. დავით ქუჩუკიანი უკრაინაში ომის დაწყებიდან რამდენიმე დღეში, 2022 წლის 28 თებერვალს ჩავიდა. რუსეთ-უკრაინის ომს დღემდე 42 ქართველი მებრძოლი ემსხვერპლა.

საგარეჯოს მუნიციპალიტეტში სეტყვამ, წვიმამ და ძლიერმა ქარმა 5 სოფელი დააზარალა. დაისეტყვა საკარმიდამო ნაკვეთები, ხეხილის ბაღები და ვენახები. სეტყვა საგარეჯოს მუნიციპალიტეტში სეტყვა მოვიდა სოფლებში დიდი და პატარა ჩაილური, მანავი, ყანდაურა და ბადიაური. სეტყვა საგარეჯოს მუნიციპალიტეტში საგარეჯოს მერიაში რადიო თავისუფლებას უთხრეს, რომ ამავე სოფლებში დაზიანებულია შიდა საუბნო გზები და რამდენიმე საცხოვრებელი სახლი. მერის, ავთანდილ გულიკაშვილის თქმით, ინფრასტრუქტურის სამსახურის შესაბამისმა ჯგუფმა ზარალის აღრიცხვა უკვე დაიწყო. სეტყვა საგარეჯოს მუნიციპალიტეტში დღეს, 13 აპრილს, სეტყვა და ძლიერი ქარი იყო გურჯაანსა და ლაგოდეხშიც. წინასწარი ინფორმაციით, ამ მუნიციპალიტეტებში მოსახლეობა არ დაზარალებულა. რადიო თავისუფლება

საქართველოს კონკურენციის ეროვნულმა სააგენტომ, მოქალაქე ლანა ყანჩელის განცხადების საფუძველზე, „ვეტერინალურ ცენტრ ზოოპლაზას“ მიმართ დაწყებული საქმის შესწავლა – „მომხმარებლის უფლებების დაცვის შესახებ“ საქართველოს კანონის სავარაუდო დარღვევის ფაქტზე დაასრულა. როგორც სააგენტოში აღნიშნავენ, საქმის შესწავლის ფარგლებში, სააგენტომ მოვაჭრესთან პირობითი ვალდებულების ხელშეკრულება გააფორმა, რომლის ფარგლებში მოვაჭრეს დაევალა – იმ მომხმარებელთა უფლებები აღადგინოს, რომელთაც მის მიერ კანონით განსაზღვრული ვალდებულებების შეუსრულებლობის შედეგად ზიანი მიადგა. „კერძოდ, საქმის შესწავლის პროცესში, მოვაჭრემ აიღო ვალდებულება – მომხმარებელს მომსახურება ქართულ ენაზე გაუწიოს. ასევე, ინფორმაცია და წერილობითი დოკუმენტები ქართულ ენაზე – მკაფიოდ, გასაგებად და სრულად მიაწოდოს. გაფორმებული პირობითი ვალდებულების შესაბამისად, მოვაჭრე ვალდებულია განხორციელებული ქმედებების შესახებ, ერთი თვის ვადაში, სააგენტოს შესრულებული ვალდებულებების მტკიცებულებები წარუდგინოს. მსგავსი ტიპის საქმეებში, საკითხის შინაარსობრივი ნაწილის გათვალისწინებით, საქართველოს კონკურენციის ეროვნული სააგენტო სახელმწიფო ენის დეპარტამენტთან აქტიურად თანამშრომლობს. ინფორმაციისთვის, 2022 წლის ნოემბრიდან – 2023 წლის მარტის ჩათვლით, კონკურენციის ეროვნულ სააგენტოში 194 განაცხადი დაფიქსირდა, საიდანაც, 118 განცხადებაზე საქმის შესწავლა დაიწყო, ხოლო 109 საქმესთან დაკავშირებით საკითხი დასრულებულია. ხუთი თვის განმავლობაში, კონკურენციის სააგენტომ – მომხმარებლის სასარგებლოდ, პირობითი ვალდებულების აღების შესახებ 49 საქმეზე – 28 შეთანხმება გააფორმა, საიდანაც 11 საქმესთან დაკავშირებით საკითხი სრულად ამოწურულია. ამავე პერიოდში, დადასტურდა მომხმარებელთა ჯგუფის უფლების ხუთი დარღვევის ფაქტი – 16 საქმეზე, ხოლო ორ შემთხვევაში დარღვევა არ დადასტურდა“,- აღნიშნულია კონკურენციის სააგენტოს ინფორმაციაში.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1963 წელს დაბადებული, წარსულში ნასამართლევი გ.კ. დამამძიმებელ გარემოებაში ორი პირის განზრახ მკვლელობის მცდელობის ბრალდებით დააკავეს. ინფორმაციას შსს ავრცელებს. უწყების ცნობით, გამოძიებით დადგინდა, რომ ბრალდებულმა, ფინანსური დავის გამო მომხდარი ურთიერთშელაპარაკების შედეგად, სანადირო თოფიდან გასროლით სასიკვდილო ჭრილობა მიაყენა 1976 წელს დაბადებულ ს. გ.-ს, ხოლო 2002 წელს დაბადებული გ.მ. დაჭრა. „პოლიციამ, ჩატარებული ოპერატიული ღონისძიებებისა და საგამოძიებო მოქმედებების შედეგად, გ.კ. ბრალდებულის სახით, ცხელ კვალზე დააკავა. სამართალდამცველებმა დანაშაულის ჩადენის იარაღი – სანადირო თოფი ნივთმტკიცებად ამოიღეს. გამოძიება საქართველოს სისხლის სამართლის კოდექსის 19-109-ე მუხლით მიმდინარეობს, რაც დამამძიმებელ გარემოებაში ორი პირის განზრახ მკვლელობის მცდელობას გულისხმობს. დანაშაული 16-დან 20 წლამდე ან უვადოდ თავისუფლების აღკვეთას ითვალისწინებს“,- აღნიშნულია შსს-ს ინფორმაციაში. 1ტვ

ფრანგ მსახიობ ჟერარ დეპარდიეს 13 ქალი სექსუალურ შევიწროებაში ადანაშაულებს. ფრანგულ გამოცემა Mediapart-ზე გამოქვეყნებული პუბლიკაციის მიხედვით, საუბარია გამოძიებაზე, რომელიც რამდენიმე თვე მიმდინარეობდა და 20 წლის განმავლობაში გადასაღებ მოედანზე მსახიობის ქცევას ეხება. გამოცემის ცნობით, საქმეში 13 ქალის ჩვენება დევს, რომლებიც დეპარდიეს არაერთ ქმედებაში ადანაშაულებენ, მათ შორის არასასურველ შეხებასა და უხამს კომენტარებში. დოკუმენტების მიხედვით, დეპარდიე არასასურველად ეხებოდა როგორც ახალგაზრდა ქალ მსახიობებს, ასევე ვიზაჟისტებსა და ტექნიკურ პერსონალს, ამასთან, ხშირად აკეთებდა უხამს კომენტარებსა და გამოსცემდა „კვნესის ხმებს“ მათი თანდასწრებით. The Guardian აცხადებს, რომ დეპარდიემ ბრალდებების კომენტირებაზე უარი განაცხადა, მისი ადვოკატები კი ყველანაირ დანაშაულებრივ ქმედებას უარყოფენ: „მსახიობის ამგვარი ქმედებები გადამღები ჯგუფის ყურადღების მიმართ რჩებოდა და ხშირად ამაზე იცინოდნენ, თითქოს ეს მხოლოდ სიტყვამახვილობა იყო — არა უშავს, ეს ხომ ჟერარია“, — წერს გამოცემა. 20 პროდიუსერისა და რეჟისორისგან გამოცემას მხოლოდ 11 გამოეხმაურა და აღნიშნა, რომ გადასაღებ მოედანზე მსახიობის ამგვარი ქცევის შესახებ არ იცოდნენ. აღნიშნული ბრალდებები პირველი არ არის ფრანგი მსახიობის წინააღმდეგ. წარსულში დეპარდიეს გაუპატიურებაშიც ადანაშაულებდნენ. 2018 წელს დაწყებული სასამართლო დავა საფრანგეთში ამ დრომდე გრძელდება. თავად მსახიობი ამ ბრალდებასაც უარყოფს. ნეტგაზეთი

შინაგან საქმეთა სამინისტროს სასაზღვრო პოლიციას დაკვირვების სისტემები, მაღალი გამავლობის ავტომანქანები და ავტობუსები გადაეცა. აღჭურვილობის გადაცემა პროექტების – „ევროკავშირი უსაფრთხოებისთვის, პასუხისმგებლობისთვის და საქართველოში დანაშაულის წინააღმდეგ ბრძოლისთვის (SAFE) – ინტეგრირებული საზღვრის მართვა“ და “საზღვრისა და მიგრაციის მართვის ქმედება საქართველოსთვის (BMMAG)” ფარგლებში, მიგრაციის საერთაშირისო ორგანიზაციის (IOM) ხელშეწყობითა და ევროკავშირის ფინანსური მხარდაჭრით განხორციელდა. აღჭურვილობის გადაცემის ღონისძიებას საქართველოს შინაგან საქმეთა მინისტრის მოადგილე – ალექსანდრე დარახველიძე, საქართველოს სასაზღვრო პოლიციის უფროსი – ნიკოლოზ შარაძე, ევროკავშირის ელჩი საქართველოში – პაველ ჰერჩინსკი და მიგრაციის საერთაშორისო მისიის ხელმძღვანელი საქართველოში – სანია ჩელებიჩ ლუკოვაცი დაესწრნენ. „ვახტანგისში სასაზღვრო პოლიციას ევროკავშირის მიერ დაფინანსებული აღჭურვილობა გადავეცით, რომელიც მის გაძლიერებას შეუწყობს ხელს. ჩვენ გვინდა, საქართველოს სახელმწიფო საზღვრების დაცვასა და დანაშაულთან, მათ შორის ნარკოტრეფიკთან, ბრძოლაში დავეხმაროთ. სწორედ ამიტომ გადავეცით ჩვენ ამ კონკრეტულ სასაზღვრო პუნქტს ტექნიკური აღჭურვილობა და მანქანები, რომლებიც საქართველოს სახელმწიფო საზღვარს უფრო დაცულსა და უსაფრთხოს გახდის“, – განაცხადა პაველ ჰერჩინსკიმ. შინაგან საქმეთა მინისტრის მოადგილემ მადლობა გადაუხადა ევროკავშირის ელჩს პაველ ჰერჩინსკისა და მიგრაციის საერთაშორისო მისიის ხელმძღვანელს სანია ჩელებიჩ ლუკოვაცს მხარდაჭერისა და მრავალწლიანი მჭიდრო თანამშრომლობისთვის. ნეტგაზეთი

BBC-ის მსგავსი გამოძიება მნიშვნელოვანი კომპონენტია. ვიმედოვნებ, რომ საქართველოს ხელისუფლებას ექნება შესაძლებლობა, თავად გამოიძიოს ამგვარი ბრალდებები და თავად აწარმოოს გამოძიება, - ამის შესახებ საქართველოში აშშ-ის ელჩმა, კელი დეგნანმა განაცხადა, რომელმაც უპასუხა შეკითხვას, რამდენად სანდოა აშშ-სთვის BBC-ის ინფორმაცია და განიხილავს თუ არა შეერთებული შტატები დავით კეზერაშვილის დასანქცირებას. „ჩვენ წინასწარ არ განვსჯით სანქციებს. ეს არის კარგი მაგალითი იმისა, რამდენად მნიშვნელოვანია საგამოძიებო ჟურნალისტიკა, ხელისუფლების მიერ ჩატარებული გამოძიება, რათა მიაწოდონ ასეთი ინფორმაცია საზოგადოებას, რომელიც ღია და დახურული წყაროებიდან არის მოპოვებული, რაც ქმნის საფუძველს ამ ტიპის ზომებისთვის. ცხადია, ჩვენ თავადაც ვაწარმოებთ ზედმიწევნით პროცესს, რომ შევაფასოთ ინფორმაცია, ვიდრე რაიმე ნაბიჯს გადავდგამთ. BBC-ის მსგავსი გამოძიება მნიშვნელოვანი კომპონენტია. ვიმედოვნებ, რომ საქართველოს ხელისუფლებას ექნება შესაძლებლობა, თავად გამოიძიოს ამგვარი ბრალდებები და თავად აწარმოოს გამოძიება. ეს იმ ტიპის ინფორმაციაა, რომელიც შესაძლოა, ამ ყველაფრის ნაწილი გახდეს“, - განაცხადა კელი დეგნანმა. IPN

„ნაციონალური მოძრაობის“ თავმჯდომარე ლევან ხაბეიშვილი BBC-ის საგამოძიებო სტატიას, რომელშიც დავით კეზერაშვილი ფიგურირებს. ხაბეიშვილი ამბობს, რომ ამ საკითხზე სახელისუფლებო მედია და სხვა პირები დიდხანს ისაუბრებენ, რაც აქტუალური თემებიდან ყურადღების გადატანის მცდელობაა და სვამს შეკითხვას: ხაბეიშვილის თქმით, ე.წ. ქოლცენტრებს თავად ებრძოდა, მისამართლებზე მიდიოდა და სამართალდამცველებს საქმის კურსში აყენებდა. ხაბეიშვილის თქმით, მას შემდეგ, რაც მან პარლამენტის ტრიბუნიდან დაასახელა კონკრეტული მისამართები, გერმანელი გამომძიებლები ჩამოვიდნენ, საქმე გამოიძიეს და რამდენიმე ქოლცენტრი დახურეს. ენმ-ის თავმდჯომარის მტკიცებით, ქოლცენტრებს საქართველოში სუს-ის ხელმძღვანელი გრიგოლ ლილუაშვილი. ყოფილი მთავარი პროკურორი ოთარ ფარცხალაძე, ივანიშვილის დეიდაშვილი, უჩა მამაცაშვილი, თავდაცვის მინისტრი ჯუანშერ ბურჭულაძე მფარველობენ. „მილიარდდოლარიანი თაღლითობის უკან მდგომი ბიზნესმენების კვალზე“ – BBC საგამოძიებო რეპორტაჟს აქვეყნებს, რომელშიც გამოცემის ცნობით, გაშიფრულია გლობალური თაღლითობის სქემა და მის უკან მდგომი დავით კეზერაშვილი და მისი ბიზნესპარტნიორები. ჟურნალისტური გამოძიება ე.წ. ქოლცენტრების საქმეს, Milton Group-ს და ამ კომპანიის კეზერაშვილთან კავშირს ეხება. თავად ქოლცენტრებსა და თაღლითურ სქემებზე დასავლური მედია ადრეც წერდა, მაგრამ BBC წერს, რომ მათ ახლა ამ სქემის უკან მდგომ პირებსა და მათ კავშირებს მიაკვლიეს. BBC-ის მიხედვით, Milton Group, რომელსაც თაღლითები იყენებდნენ, პოლიციამ შეისწავლა და ის 2020 წელს გაუქმდა. ჟურნალისტებმა გამოავლინეს 152 ბრენდი, მათ შორის, ცნობილი პლატფორმები, რომლებიც რეალურად ამ ქსელის ნაწილი იყო. კეზერაშვილი საპასუხო განცხადებაში აღნიშნავს, რომ BBC-ის საგამოძიებო მასალაში აღწერილ ე.წ. ქოლ ცენტრებთან კავშირი არასოდეს ჰქონია. publika

შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, საგზაო დეპარტამენტის მიერ დაწესებული რეჟიმის მიხედვით, რიკოთის უღელტეხილზე საგზაო მოძრაობა ყველა სახის ტრანსპორტისთვის გახსნეს. ამის შესახებ ინფორმაციას უწყების პრესსამსახური ავრცელებს. რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის წარმომადგენლების მიერ ჩატარებული სამუშაოების შედეგად, ამოქმედდა ახალი რეჟიმი: გუშინ, 18:00 საათიდან, რიკოთის უღელტეხილზე გადაადგილება დაიშვა მისაბმელიანი და ნახევრადმისაბმელიანი სატვირთო ავტომობილებისათვის. სამინისტროს ინფორმაციით, საპატრულო პოლიციის ეკიპაჟები მთელი ღამის განმავლობაში მუშაობდნენ, რომ მოძრაობა შეუფერხებლად და უსაფრთხოდ გაგრძელებულიყო. „საპატრულო პოლიციის წარმომადგენლები მობილიზებული არიან თბილისი-სენაკი-ლესელიძის ცენტრალური მაგისტრალის სხვადასხვა მონაკვეთზე, შეუფერხებელი საავტომობილო მოძრაობის უზრუნველსაყოფად და მგზავრთა უსაფრთხოდ გადაადგილების მიზნით, საგზაო მოძრაობას არეგულირებენ, “- ამბობენ უწყებაში. publika

რა ტერმინიც არ უნდა იყოს გამოყენებული, შედეგები იგივეა. ვიზის განსაზღვრა ნიშნავს, რომ გარკვეულ პირებსა და აშშ-ის მოქალაქეობის არმქონე მათი ოჯახის წევრებს აშშ-ში შესვლის უფლება არ აქვთ, – ამის შესახებ საქართველოში აშშ-ის ელჩმა, კელი დეგნანმა განაცხადა, რითაც მან უპასუხა აშშ-ის მიერ მოსამართლეების სანქცირების საკითხებს და მოსაზრებას იმასთან დაკავშირებით, რომ ტერმინი არასწორად იქნა თარგმნილი. მისი თქმით, ნებისმიერი სანდო და დამოუკიდებელი გამოძიება, იგივე შედეგებამდე მივა. „რაც შეეხება ინფორმაციის გაზიარებას, ამის საფუძველია საინფორმაციო წყაროების მრავალფეროვნება, მათ შორის არის საჯაროდ ხელმისაწვდომი ინფორმაცია. თუ საქართველოს ხელისუფლებას სურს, დაიწყოს საკუთარი გამოძიება ამ ბრალდებებთან დაკავშირებით, ინფორმაციის დიდი ნაწილი ცნობილია და წლების განმავლობაში ფართოდ იყო ცნობილი. დარწმუნებული ვარ, რომ ნებისმიერი სანდო და დამოუკიდებელი გამოძიება, იგივე შედეგებამდე მივა“, – განაცხადა კელი დეგნანმა. ipn

სრული ნონსენსი: დეოლიგარქიზაციის კანონის პროექტის თანახმად, პირის ოლიგარქად ცნობის საკითხი უნდა გადაწყვიტოს იმ ანტიკორუფციულმა ბიურომ, რომლის უფროსიც იმ პრემიერმა დანიშნა, რომელიც წარსულში კორუფციის გამო გადადგა, შემდეგ რომ გადმოდგა, კორუფციის გზით ცოლს სახელმწიფოს კუთვნილი ტყე აჩუქა და დღეს აშშ-ს მიერ კორუფციისთვის დასანქცირებულ მოსამართლეებს კბილებით იცავს, - ამის შესახებ პარტია "საქართველოსთვის" თავმჯდომარის მოადგილე ნათია მეზვრიშვილი სოციალურ ქსელში წერს. მისი თქმით, ამავე პროექტით, ანტიკორუფციული ბიუროს ეს გადაწყვეტილება ძალაში მხოლოდ მას შემდეგ შევა, რაც მას დაადასტურებს კორუფციისთვის სანქცირებული სასამართლოს „გავლენის ჯგუფი“. "დაცინვაც არის და დაცინვაც. ასე „სრულდება“ 12 პუნქტი.", - წერს ნათია მეზვრიშვილი.

1 აშშ დოლარის ოფიციალური ღირებულება 2.5261 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5261 ლარი გახდა. კურსი, რომელიც დღეს მოქმედებდა, 2.5274 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0013 ლარი შეადგინა. რაც შეეხება ევროს, მისი კურსი 2.7605 ლარია. მაშინ, როცა დღეს მოქმედი კურსი 2.7594 ლარს შეადგენდა. შესაბამისად, ევროს ცვლილებამ 0.0011 ლარი შეადგინა. დღევანდელი ვაჭრობის შედეგად მიღებული კურსები ძალაში ხვალ შევა. იპნ

„საერთაშორისო გამჭვირვალობა-საქართველოს“ ინფორმაციით, ბათუმთან ახალი საცხოვრებელი უბნის მშენებლობას რუსეთის მოქალაქეები სავარაუდოდ კორუფციული გზებით ცდილობენ. როგორც ორგანიზაციის მიერ გავრცელებულ ინფორმაციაშია ნათქვამი, სავარაუდოდ, რუსეთის მოქალაქეებმა საქართველოს მოქალაქეების გავლით შესწირეს თანხა მმართველ პარტიას, რის შემდეგაც, მალევე მიიღეს მშენებლობისთვის საჭირო ნებართვა. „რუსეთის მოქალაქეები ბათუმთან ახლოს, სოფელ სალიბაურის მაღლობზე, რომელიც პორტს გადაჰყურებს, 16,000 კვ.მ. ფართობზე საცხოვრებელი უბნის (Salibauri Hills) მშენებლობას გეგმავენ. პროექტთან დაკავშირებული საეჭვო გარემოებები მიანიშნებს, რომ, სავარაუდოდ, რუსეთის მოქალაქეებმა საქართველოს მოქალაქეების გავლით შესწირეს თანხა მმართველ პარტიას, რის შემდეგაც მალევე მიიღეს საჭირო ნებართვა. საუბარია კომპანია „ეიჩ გრუპ დეველოპმენტზე“, რომლის 90%-ს რუსეთის მოქალაქეები: მარეტა დოლგიევა და მაგომედ ჩაბიევი ფლობენ. 2022 წლის 25 ნოემბერს, კომპანიასთან დაკავშირებულმა ორმა საქართველოს მოქალაქემ - დირექტორმა მარინა დეხტიარევმა და ჩაბიევის ბიზნესპარტნიორმა ჯონი ჯინჭარაძემ, მმართველ პარტიას, ჯამში, 40,000 ლარი შესწირეს (მათი პირველი და ერთადერთი პოლიტიკური შემოწირულება). ორ კვირაში, 12 დეკემბერს, ხელვაჩაურის საკრებულომ პროექტისთვის განაშენიანების დეტალური გეგმა (გდგ) ერთხმად დაამტკიცა. შემოწირულებისა და ნებართვის გაცემის თარიღებს შორის სიახლოვე აღძრავს ეჭვს, რომ შემოწირულების მიზანი შესაძლოა მშენებლობის ნებართვის მოპოვება ყოფილიყო. ხოლო, ის ფაქტი, რომ შემოწირულება სამშენებლო პროექტთან დაკავშირებულმა საქართველოს მოქალაქეებმა გაიღეს, აღძრავს ეჭვს, რომ ეს თანხა შესაძლოა არა მათ, არამედ მშენებელი კომპანიის მფლობელ რუსეთის მოქალაქეებს ეკუთვნოდათ. საქართველოს კანონმდებლობით, უცხო ქვეყნის მოქალაქეს ეკრძალება პოლიტიკური შემოწირულება. კომპანიის რუსი მფლობელები ვერ შეძლებდნენ მმართველი პარტიისთვის თანხის პირდაპირ შეწირვას, ამიტომ სავარაუდოა, რომ საჭირო ნებართვის მისაღებად მათ კომპანიასთან დაკავშირებული საქართველოს მოქალაქეები გამოიყენეს. მაგომედ ჩაბიევს სხვა პრობლემური პროექტებიც აქვს: ჩაბიევის ბიზნესპროექტები საქართველოში დაკავშირებულია ენვერ ცეცხლაძესთან, რომელიც ასლან აბაშიძის უშიშროების მინისტრის, სოსო გოგიტიძის, დისშვილია. ჩაბიევი და ცეცხლაძე ბათუმში ერთად აშენებენ 40-სართულიან საცხოვრებელ კომპლექსს 7th Heaven Residence, რომლის გაყიდვების დირექტორიც ასევე ზემოხსენებული მარინა დეხტიარევია. „ნეტგაზეთისა” და „ბათუმელების” გამოძიების მიხედვით, მიწა, რომელზეც 7th Heaven Residence-ის პროექტი ხორციელდება, ენვერ ცეცხლაძემ 2016 წელს საეჭვო გზებით დაიბრუნა და მშენებლობის პროცესში მოპოვებულმა ნებართვებმა კითხვის ნიშნები გააჩინა. მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, მისი კომპეტენციის ფარგლებში შეისწავლოს ეს საკითხი და დარღვევის დაფიქსირების შემთხვევაში იმოქმედოს კანონის შესაბამისად“, - ნათქვამია ორგანიზაციის მიერ გავრცელებულ ინფორმაციაში.

საქართველოს თავდაცვის სამინისტრო ეხმაურება ცალკეული ტელევიზიების მხრიდან გავრცელებულ ინფორმაციას, ჯერ კიდევ საპარლამენტო განხილვების ეტაპზე მყოფი, თავდაცვის ახალი კოდექსის პროექტის შესახებ. თავდაცვის სამინისტროს განმარტებით, აღნიშნული შეიცავს დეზინფორმაციას და ზოგადად, კოდექსის პროექტის დისკრედიტაციის მცდელობას. „კერძოდ, საქმე ეხება განხილვების პროცესში შეცვლილ რამდენიმე მუხლს. ერთ-ერთი მათგანი ითვალისწინებდა გარკვეული ოდენობის თანხის (10 ათასი ლარი) გადახდის სანაცვლოდ წვევამდელთა ეროვნულ სამსახურში გაწვევის ერთჯერადად გადავადების შესაძლებლობას. აღნიშნული მუხლის შესახებ არსებული აზრთა სხვადასხვაობის გათვალისწინებით და მატერიალურად შეძლებული პირებისთვის შესაძლო პრივილეგიის მინიჭების აღქმის პრევენციის მიზნით, მოხდა მისი ამოღება. აღნიშნული საკითხის დაკავშირება სახელმწიფო უწყებებიდან გარკვეული პირთა წრის გათავისუფლებასთან არის საზოგადოების შეცდომაში შეყვანის მცდელობა. კერძოდ, სადაც ჩამოთვლილია ის სახელმწიფო უწყებები, რომელთა თანამშრომლებისთვის წვევამდელთა ეროვნული სამხედრო სამსახურის გადავადება არის შესაძლებელი, მოხდა ცალკეული უწყებების გამოყოფა. მცდარია მოსაზრება, რომ საქმე ეხება ყველა სამინისტროსა და სსიპებს. აღნიშნული ინიციატივა სწორედ იმ უწყებებს ეხება, სადაც დღეის მდგომარეობით იხდიან წვევამდელები სავალდებულო სამხედრო სამსახურს. ახალი კოდექსით, წვევამდელთა ეროვნული სამსახურის გავლა შესაძლებელი იქნება მხოლოდ თავდაცვის სამინისტროში. პირები, რომლებიც კონკრეტული ვადითა და კონტრაქტით იქნებიან დასაქმებული სხვა უწყებებში, სადაც დღეს გაწვეული წვევამდელების იდენტურ ფუნქციებს შეასრულებენ, ისარგებლებენ გადავადების უფლებით. აღსანიშნავია, რომ ისინი სრულად არ თავისუფლდებიან წვევამდელთა ეროვნული სამსახურისგან და გადავადება იქნება დროებითი. აღნიშნულიდან გამომდინარე, ცხადია რომ სამინისტრო ხელმძღვანელობს ქვეყნისა და მოქალაქის საუკეთესო ინტერესებითა და ურთიერთთანამშრომლობის მიდგომით. სამწუხაროა, რომ ცალკეული მედია საშუალებები, მცდარი ინფორმაციის გავრცელებით ცდილობენ ამ პროცესის დაზიანებასა და კოდექსის პროექტის დისკრედიტაციას“,- ნათქვამია ინფორმაციაში.

ესაა კიდევ ერთი შემახსენებელი, რატომაა ღირებული დამოუკიდებელი, კომპეტენტური საგამოძიებო ჟურნალისტიკისა და საგამოძიებო ორგანოების ქონა, - ამის შესახებ საქართველოში აშშ-ის ელჩმა, კელი დეგნანმა განაცხადა. აღნიშნულით ის BBC-ს მიერ მილიარდ დოლარიან თაღლითურ სქემასთან დაკავშირებით გამოქვეყნებულ სტატიას გამოეხმაურა, რომლის ერთ-ერთ მთავარ ორგანიზატორად დავით კეზერაშვილია მოხსენიებული. ელჩის თქმით, დეტალების შესახებ ინფორმირებული არ არის. “არ მომცემია საშუალება, მომესმინა და წამეკითხა სრული ისტორია და დეტალების შესახებ ინფორმირებული არ ვარ. თუმცა, ისე ჟღერს, რომ ესაა მაგალითი და კიდევ ერთი შემახსენებელი, თუ რატომაა ღირებული დამოუკიდებელი, კომპეტენტური საგამოძიებო ჟურნალისტიკისა და დამოუკიდებელი საგამოძიებო ორგანოების ქონა, რომლებიც შეისწავლიან მსგავს ბრალდებებს, რაც ძალიან მნიშვნელოვანია, რათა უზრუნველყონ ხალხის უფლებების დაცვა”, - განაცხადა კელი დეგნანმა „ნეტგაზეთთან“ ინტერვიუში. იპნ

პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განმარტებით, პირის ოლიგარქად ცნობის თაობაზე მიღებული გადაწყვეტილება სამართალწარმოების დასრულებამდე ძალაში არ შევა. შესაბამისი ცვლილება მეორე მოსმენის რეჟიმში „დეოლიგარქიზაციის შესახებ“ კანონში შევიდა, რომელზეც ამ წუთებში იურიდიულ საკითხთა კომიტეტის სხდომაზე მსჯელობენ. კორექტირებული ვერსიით, ანტიკორუფციული ბიურო ვალდებული იქნება, ჩაატაროს მოკვლევა, რათა გაარკვიოს, პირი არის თუ არა ოლიგარქი. კომიტეტის თავმჯდომარის, ანრი ოხანაშვილის განცხადებით, ანტიკორუფციული ბიუროს გადაწყვეტილება პირის ოლიგარქად ცნობის ან არ ცნობის შესახებ სასამართლოს კონტროლს დაექვემდებარება, ანუ გასაჩივრდება, ხოლო გასაჩივრება გათვალისწინებულია ორი ინსტანციით. „პირის მიმართ გადაწყვეტილება ოლიგარქად ცნობის შესახებ ძალაში არ შევა, ვიდრე სამართალწარმოება არ დასრულდება“, – დასძინა ოხანაშვილმა. ავტორი - თეონა მანაგაძე

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ჩატარებული სამუშაოების შედეგად, საერთაშორისო მნიშვნელობის თბილისი–სენაკი–ლესელიძის საავტომობილო გზის კმ114-კმ194 მონაკვეთზე (ახალსოფლის სატრანსპორტო კვანძი-ზესტაფონი) მისაბმელიანი და ნახევრადმისაბმელიანი ავტოტრანსპორტის მოძრაობა აღდგა, ხოლო მსუბუქი და სამგზავრო ავტოტრანსპორტის მოძრაობა 13 აპრილის 07:00 საათიდან აღდგება. საავტომობილო გზების დეპარტამენტის ცნობითვე, თბილისი–სენაკი–ლესელიძის საავტომობილო გზის 147-ე კილომეტრთან (ჩუმათელეთი-ხევის მონაკვეთზე) განვითარებული ქვათაცვენის გამო, ფერდის ჩამოწმენდის, გზის სავალი ნაწილის გაწმენდისა და გაფართოების სამუშაოები მთელი ღამის განმავლობაში მიმდინარეობდა. „ვინაიდან 11 აპრილს ვერ მოხერხდა სატვირთო ავტოტრანსპორტის დადგენილი რეჟიმით გატარება, დღეს და მთელი ღამის განმავლობაში, იმოძრავებენ მხოლოდ სატვირთო მანქანები. მსუბუქი ავტოტრანსპორტი კი 12 აპრილს, გადაადგილებას კვლავ გომი-საჩხერე-ჭიათურა-ზესტაფონის მიმართულებით შეძლებს. საერთაშორისო მნიშვნელობის თბილისი–სენაკი–ლესელიძის საავტომობილო გზის კმ114-კმ194 (ახალსოფლის კვანძი-ზესტაფონი) მონაკვეთზე, მისაბმელიანი და ნახევრადმისაბმელიანი ავტოტრანსპორტის მოძრაობა დასაშვებია 12 აპრილის 18:15 სთ-დან 13 აპრილის 06:00 სთ-მდე. რიკოთის გვირაბი-ხევის მონაკვეთზე მხოლოდ გაუჩერებლად გავლის რეჟიმში. ხოლო დანარჩენი სახის ავტოტრანსპორტის მოძრაობა აკრძალულია. 13 აპრილიდან ყოველდღე, საერთაშორისო მნიშვნელობის თბილისი- სენაკი-ლესელიძის საავტომობილო გზის კმ114-კმ194 (ახალსოფლის კვანძი- ზესტაფონი) მონაკვეთზე, ავტოტრანსპორტის მოძრაობა დასაშვებია შემდეგი რეჟიმებით: • მსუბუქი ავტოტრანსპორტის და ავტობუსების (მათ შორის 30 ადგილზე მეტი ტევადობის) მოძრაობა დასაშვებია 07:00 სთ-დან 19:00 სთ-მდე. ხოლო, დანარჩენი სახის ავტოტრანსპორტის მოძრაობა აკრძალულია; • მისაბმელიანი, ნახევრადმისაბმელიანი ავტოტრანსპორტის და სატვირითო ავტომობილების (3500კგ>) მოძრაობა დასაშვებია 21:00 სთ-დან 06:00 სთ-მდე, რევერსულად, ხოლო, დანარჩენი სახის ავტოტრანსპორტის მოძრაობა აკრძალულია; • საავტომობილო გზის რიკოთის გვირაბი-ხევის მონაკვეთზე ყველა სახის ავტოტრანსპორტის მოძრაობა განხორციელდება გაუჩერებლად გავლის რეჟიმში. შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზაზე მსუბუქი ავტოტრანსპორტის მოძრაობა თავისუფალია დღე-ღამის ნებისმიერ დროს. აღნიშნული რეჟიმებით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით“, – აღნიშნულია ინფორმაციაში.

საქართველოს პარლამენტის იურიდიულ საკითხთა კომიტეტმა მესამე მოსმენიდან მეორე მოსმენაზე დაბრუნებული „დეოლიგარქიზაციის შესახებ“ კანონპროექტი განიხილა, რომელშიც ვენეციის კომისიის რეკომენდაციებია ასახული. კანონპროექტის თანახმად, ოლიგარქად მიიჩნევა პირი, თუ ის მონაწილეობს პოლიტიკურ ცხოვრებაში, მედიამომსახურებაზე ახდენს გავლენას და მნიშვნელოვან ეკონომიკურ რესურსს ფლობს. პროექტში გაწერილია სამივე კრიტერიუმის განმარტება. ცვლილებების თანახმად, პირის ოლიგარქად ცნობის უფლებამოსილება ექნება ანტიკორუფციულ ბიუროს, ნაცვლად საქართველოს მთავრობისა. ანტიკორუფციული ბიურო ვალდებული იქნება, სრულყოფილი მოკვლევა ჩაატაროს, რომ გაარკვიოს პირი არის თუ არა ოლიგარქი. ანტიკორუფციული ბიუროს გადაწყვეტილება პირის ოლიგარქად ცნობის ან არცნობის შესახებ ექვემდებარება სასამართლო კონტროლს ანუ გასაჩივრდება და გასაჩივრება გათვალისწინებულია ორი ინსტანციით. პირის მიმართ გადაწყვეტილება ოლიგარქად ცნობის შესახებ ძალაში არ შევა, ვიდრე არ დასრულდება სამართალწარმოება. პროექტით, პირს, ვისი ოლიგარქად მიჩნევის საკითხის განხილვაც მოხდება, ექნება საპროცესო და სამართლებრივი გარანტიები. მომხსენებლის, იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, ვენეციის კომისიის რეკომენდაცია იყო, რომ პირადი ცხოვრების უფლება, პერსონალური მონაცემები, მათ შორის განსაკუთრებული კატეგორიის, ყოფილიყო მაქსიმალურად დაცული. აქედან გამომდინარე, ოლიგარქთა რეესტრში შევა შემდეგი ინფორმაცია: პირის ოლიგარქად ცნობის შესახებ ანტიკორუფციული ბიუროს გადაწყვეტილება, ოლიგარქად ცნობილი პირის გვარი და სახელი, კონტაქტის დეკლარაცია და მითითება იმის შესახებ, რომ პირის ოლიგარქად ცნობა და რეესტრში შეყვანა თავისთავად არ მოწმობს, რომ ეს პირი დამნაშავეა ან სხვა სახის სამართალდამრღვევია. მისი თქმით, ვენეციის კომისიის რეკომენდაციის საფუძველზე, კანონპროექტიდან ამოღებულია ოლიგარქად ცნობილი პირისთვის განსაზღვრული აკრძალვა: პოლიტიკური პარტიის, საარჩევნო სუბიექტის, საარჩევნო კამპანიის, შეკრებისა და მანიფესტაციის დაფინანსების თაობაზე. „შესაბამისად, ოლიგარქად ცნობილი და რეესტრში შეყვანილი პირისთვის ერთადერთ აკრძალვად დარჩა – პრივატიზების ობიექტის პრივატიზების პროცესში მყიდველად მონაწილეობასთან დაკავშირებით“, – აღნიშნა ანრი ოხანაშვილმა. როგორც კომიტეტის თავმჯდომარემ განაცხადა, ასევე, ვენეციის კომისიის რეკომენდაციის გათვალისწინებით, კანონპროექტიდან ამოღებულია მუხლი, რომელიც უკავშირდებოდა უმწიკვლო საქმიან რეპუტაციას. „დეოლიგარქიზაციის შესახებ“ კანონპროექტს ხელახლა განვიხილავთ მეორე მოსმენით იმისათვის, რომ ვენეციის კომისიის ყველა ძირითადი რეკომენდაცია აისახოს კანონპროექტში. მთავარი ამოცანაა, რომ 12-პუნქტიანი გეგმის დეოლიგარქიზაციასთან დაკავშირებული პუნქტი შესრულდეს. ამ პუნქტის შესრულების მთავარ ინდიკატორად აღებული გვაქვს ის მიდგომა, რომელიც უკრაინამ თავის დროზე აირჩია – კანონის მიღების სახით საკითხის დარეგულირება და ეს უკრაინას ჩაეთვალა, იმ პუნქტის შესრულებად, რომელიც უკავშირდებოდა დეოლიგარქიზაციის საკითხს“, – აღნიშნა ანრი ოხანაშვილმა. „დეოლიგარქიზაციის შესახებ“ კანონპროექტის ინიციატორია პარლამენტის იურიდიულ საკითხთა კომიტეტი. 1ტვ

შეძრწუნებული ვარ გავრცელებული სასტიკი ვიდეოკადრებით, რომელზეც ტყვეობაში მყოფი უკრაინელი სამხედროს თავის მოკვეთაა ასახული, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს. პრეზიდენტის თქმით, საქართველო დგას და იდგება უკრაინის გვერდით. „კიდევ ერთი დანაშაული კაცობრიობის წინაშე. ომის ამ დანაშაულებს სამართლებრივად უნდა გაეცეს პასუხი. საქართველო დგას და იდგება უკრაინის გვერდით!“ – წერს სალომე ზურაბიშვილი.

ანტიკორუფციული ბიუროს მიერ ოლიგარქად აღიარებულ პირებს პოლიტიკური პარტიებისა და საპროტესტო აქციების დაფინანსება აღარ აეკრძალებათ. მსგავსი აკრძალვა არსებობდა „დეოლიგარქიზაციის შესახებ“ კანონპროექტის პირველ ვერსიაში არსებობდა. კორექტირებული ვარიანტში კი, ვენეციის კომისიის რეკომენდაციიდან განომდინარე, ეს ამკრძალავი ნორმები ამოღებულია. კანონპროექტში ერთადერთი აკრძალვა, რაც ოლიგარქად ცნობილი პირებისთვის იმოქმედებს, მათი პრივატიზაციის პროცესში მონაწილეობა იქნება. კომიტეტის თავმჯდომარის, ანრი ოხანაშვილის განმარტებით, რამდენიმე მუხლი პოლიტიკური პარტიების საარჩევნო ან სხვა კამპანიებისა და დემონსტრაციების დაფინანსების აკრძალვას უკავშირდებოდა, რაშიც ვენეციის კომისიამ უფლებების შელახვის შესაძლო რისკები დაინახა, თუ ოლიგარქებს ეს უფლება აეკრძალებოდა, ეს უფლების გაუმართებლად შეზღუდვა იქნებოდა. „შესაბამისად, აღნიშნული საკითხი პროექტიდან საერთოდ ამოვიღეთ – ანუ თუ პირი ოლიგარქად იქნება ცნობილი, შესაბამისი დაფინანსების განხორციელება შეეძლება და ამ მიმართულებით შეზღუდვა არ იქნება“, – აღნიშნა ოხანაშვილმა. ავტორი - თეონა მანაგაძე

საქართველოს თავდაცვის ყოფილი მინისტრი, ტელეკომპანია „ფორმულას“ დამფუძნებელი დავით კეზერაშვილი განცხადებას ავრცელებს. როგორც განცხადებაშია ნათქვამი, ის აპირებს, რომ „ბიბისის“ მასალაში გამოქვეყნებულ ფაქტებთან დაკავშირებით სამართლებრივი ბერკეტები გამოიყენოს. „მინდა, კიდევ ერთხელ მოკლედ განვაცხადო, რომ არა მაქვს და არც არასდროს მქონია კავშირი BBC-ის პლატფორმაზე გამოქვეყნებულ საგამოძიებო მასალაში აღწერილ ე.წ. ქოლცენტრების საკითხთან. მიუხედავად იმისა, რომ ბრიტანეთის საზოგადოებრივი მაუწყებელი მიმაჩნია მაღალი ჟურნალისტური სტანდარტის მედიასაშუალებად, ეს ის შემთხვევაა, როდესაც ჩემთან დაკავშირებულ საკითხებზე გამოცემასთან მაქვს ბევრი შეკითხვა. აბსოლუტური პასუხისმგებლობით ვაცხადებ, რომ არასდროს მიმიღია მონაწილეობა მსგავს სქემებში, ამიტომ არ ვაპირებ, უყურადღებოდ დავტოვო ის ზიანი, რასაც ეს მასალა მე მაყენებს, მით უმეტეს, იმ ფონზე, როდესაც ჩემ წინააღმდეგ საქართველოს ხელისუფლების მხრიდან ხორციელდება პოლიტიზირებული მართლმსაჯულება, ჩემი მონაწილეობით შექმნილ ტელეკომპანია „ფორმულას“ წინააღმდეგ კი მმართველი პარტიის მხრიდან კამპანიური ხასიათის შეტევაა, რაც აღიარებულია არაერთი საერთაშორისო ორგანიზაციის მიერ და აშშ-ის სახელმწიფო დეპარტამენტის ანგარიშებში. გამოვიყენებ ყველა სამართლებრივ ბერკეტს, რომ ბრიტანეთის საზოგადოებრივი მაუწყებლის პლატფორმაზე გასულ მასალაში ჩემთან დაკავშირებული როგორც ფაქტების უზუსტობა, ასევე მათი არასწორი ინტერპრეტაციის შედეგად მიღებული დაშვებების სიმცდარე დავადასტურო და ამას დიდი დრო არ დასჭირდება. ასევე, ყოველთვის გამოვთქვამდი მზადყოფნას და დღესაც მზად ვარ, ე.წ. ქოლ ცენტრების თემაზე ევროპული ქვეყნების საგამოძიებო სტრუქტურებთან თანამშრომლობისთვის, მით უმეტეს, რომ ჩემი, როგორც პოლიტიკურ დევნილობაში მყოფი პირის, საცხოვრებელი ადგილი სწორედ დიდი ბრიტანეთია, რომლის მართლმსაჯულების სისტემის სანდოობაში ეჭვი არავის ეპარება“, – წერს კეზერაშვილი. „ბიბისი“ აქვეყნებს ჟურნალისტური გამოძიების მასალებს, სადაც გაშიფრულია ევროპელი პენსიონრების გაძარცვის სქემა, ხოლო თაღლითური სქემის ორგანიზატორად დავით კეზერაშვილია დასახელებული.

ჩინჩალაძე-მურუსიძის კორუფციულ სინდიკატს რომ კომპეტენცია არ ყოფნის, არახალია. საბედნიეროდ, სწორედ ამის ნათელი დადასტურებაა, მათი მმართველი ოლიგარქის დავალებების, როგორც წესი, უხარისხოდ შესრულება, სადაც თვალში საცემად ჩანს, იქნება ეს პოლიტიკურად მოტივირებული სისხლის სამართლის საქმეები, თუ პოლიტიკური კორუფციით გაჟღენთილი სამოქალაქო დავები, თუ როგორაა ყველაფერი თეთრი ძაფით ნაკერი, - ამის შესახებ სოციალურ ქსელში საკონსტიტუციო სასამართლოს ყოფილი თავმჯდომარე და პარტია "საქართველოსთვის" თბილისის საკრებულოს წევრი ზაზა თავაძე წერს. ზაზა თავაძის განცხადებით, როგორც მოსალოდნელი იყო, მათ ფრთის ქვეშ მყოფ მოსამართლეებს, უკვე დააწყებინეს ,,კორუფციული სინდიკატის" დასანქცირებული მოსამართლეების მხარდამჭერი უნიჭო კამპანია. "წინდახედულებაში და ანალიტიკაში რომ მოიკოჭლებენ, ამაში გაგვიმართლა, თუმცა, მეორე მხრივ, მათი პატრონიც ბედნიერია, რადგან ადვილი სამართავები არიან... როგორც მოსალოდნელი იყო, მათ ფრთის ქვეშ მყოფ მოსამართლეებს, უკვე დააწყებინეს ,,კორუფციული სინდიკატის" დასანქცირებული მოსამართლეების მხარდამჭერი უნიჭო კამპანია და იმდენი ჭკუაც არ ყოფნით, რომ როგორც მოსამართლეთა საკვალიფიკაციო გამოცდებზე, წინასწარ დარიგებულ ტექსტებს იხატავენ და აზიარებენ სოციალურ ქსელში სტატუსების სახით. ბატონებო, გაიგო უკვე ყველამ ქვეყნის შიგნით და გარეთ ვინ ხართ, ვის ექვემდებარებით და ვისთანაც ხართ ანგარიშვალდებული. ამიტომ მოხდა თქვენი დასანქცირება და ამაში თქვენი მსგავსი, წიგნთან მწყრალად მყოფი კოლექტიური ,,დუმილის უფლება" მოსამართლეების ფბ სტატუსები საერთოდ ვერაფერში დაგეხმარებათ... შეხვედრამდე...", - წერს თავაძე.