Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    სულ მცირე, შვიდი ადამიანი ემსხვერპლა გასულ ღამით რუსების მხრიდან ხარკოვზე დრონებით თავდასხმას. მათ შორის სამი ბავშვია – ჩვილი, 4 და 7 წლის ბავშვები. ინფორმაციას, ხარკოვის ოლქის გუბერნატორ ოლეგ სინიეგუბოვზე დაყრდნობით, BBC ავრცელებს.
    ბენზინგასამართი სადგურის აფეთქების შემდეგ, ცეცხლი რამდენიმე სახლს მოედო. Ukrainska Pravda-ს ცნობით, 15-ზე მეტი საცხოვრებელი სახლი დაიწვა.
    ხარკოვის მერმა, იგორ ტერეხოვმა თქვა, რომ რუსული აგრესია მათი ქალაქის მიწასთან გასწორებას ცდილობს.
    “მაგრამ ჩვენ ამას გადავლახავთ, ჩვენ გავიმარჯვებთ!” – თქვა ტერეხოვმა შემთხვევის ადგილიდან ჩართვისას.
      რუსულ სამხედრო ძალებს კომენტარი არ გაუვრცელებიათ.
    ქალაქზე შეტევა რუსმა ოკუპანტებმა 10 თებერვლის ღამეს მიიტანეს. შეტევის შედეგად, ცეცხლმა 3700 კვადრატული მეტრის ფართობი მოიცვა. 50 ადამიანის, მათ შორის, ორი ბავშვის ევაკუირება მოხერხდა.

    ნეტგაზეთი
  2. tvati
    ჯო ბაიდენმა და ოლაფ შოლცმა აშშ-ის კონგრესს უკრაინის დახმარების სწრაფად დამტკიცებისკენ მოუწოდეს.
    გერმანიის კანცლერმა, ოლაფ შოლცმა აშშ-ის პრეზიდენტთან, ჯო ბაიდენთან თეთრ სახლში ვიზიტისას უკრაინის დახმარების საკითხი განიხილა და ორივე ლიდერმა აშშ-ის კონგრესს მოუწოდა, რომ უკრაინის დამატებითი დაფინანსება სწრაფად დაამტკიცოს.
    „ჩვენ ვიმედოვნებთ, რომ კონგრესი, წარმომადგენელთა პალატა, თქვენ მოგისმენთ და საჭირო მხარდაჭერით უზრუნველყოფის გადაწყვეტილებას მიიღებს“, - განუცხადა ოლაფ შოლცმა ჯო ბაიდენს.
    გერმანიის კანცლერმა აღნიშნა, რომ ბოლო პერიოდში უკრაინის დახმარების საკითხში გერმანიამ მნიშვნელოვანი წვლილი შეიტანა.
    „ახლა, როგორც დანარჩენ ევროპაში, ისე ამერიკის შეერთებულ შტატებში იგივე უნდა მოხდეს“, - აღნიშნა გერმანიის კანცლერმა.
    ჯო ბაიდენმა ოლაფ შოლცს უკრაინის დახმარებაში შეტანილი სამაგალითო წვლილისთვის მადლობა გადაუხადა.

    იპნ
  3. tvati
    აშშ-ის სენატმა უკრაინის დაფინანსების კანონპროექტის განხილვას მხარი დაუჭირა, - ამის შესახებ ინფორმაციას The Hill-ი ავრცელებს.
    The Hill-ის ცნობით, 95,3 მილიარდი დოლარის ოდენობის დახმარების პაკეტი უკრაინის, ისრაელის და ტაივანის დაფინანსებას ითვალისწინებს.
    კანონპროექტის განხილვას მხარი 64-მა სენატორმა, მათ შორის, 14-მა „რესპუბლიკელმა“ დაუჭირა.
    სენატის უმრავლესობის ლიდერმა, ჩაკ შუმერმა კანონპროექტიდან აშშ-ის საზღვრის უსაფრთხოების ნაწილი მას შემდეგ ამოიღო, რაც კანონპროექტი „რესპუბლიკელმა“ სენატორებმა დაბლოკეს.
    კანონპროექტი უკრაინისთვის 60 მილიარდ დოლარს, ისრაელისთვის 14 მილიარდ დოლარს, ღაზის, უკრაინისა და დასავლეთ სანაპიროს ჰუმანიტარული დახმარებისთვის 9 მილიარდ დოლარს და ინდო-წყნარი ოკეანის რეგიონის მოკავშირეების მხარდასაჭერად 4,8 მილიარდ დოლარს მოიცავს.

    იპნ
  4. tvati
    ბაღდათში სტიქიის ზონაში გარდაცვლილ ორ ადამიანს დღეს დაკრძალავენ. ადგილზე გარდაცვლილის ახლობლები და ადგილობრივი ხელისუფლების წარმომადგენლები იკრიბებიან.
    პარალელურად გრძელდება სამუშაოები სტიქიის ზონაში.
    მუნიციპალიტეტის მერის თქმით, მიწის გატანა დატერასების სამუშაოები დასრულებულია, ასევე აღდგენილია კომუნიკაციები.
    მოსახლეობას მიეწოდება ელექტროენერგია და ბუნებრივი აირი. რაც შეეხება სტიქიის ზონიდან გაყვანილ ოჯახებს, გეოლოგების დასკვნის მიხედვით გახდება ცნობილი დაბრუნდებიან სახლებში, თუ მოხდება მათი გასახლება.

    იპნ
  5. tvati
    რუსთავში, ე.წ. სტამბოლის ბაზრობაზე 4 პირის მკვლელობისა და ერთი ადამიანის დაჭრის ფაქტზე დაკავებული გიორგი ორველაშვილის ძმაც დააკავეს.
    როგორც „ინტერპრესნიუსისთვის“ გახდა ცნობილი, დაკავებული პირი 21-წლამდეა და მასთან ადვოკატი დროებითი მოთავსების იზოლატორში მოსანახულებლად ახლა შედის.
    არსებული ინფორმაციით, იარაღი, საიდანაც გუშინ გასროლა განხორციელდა, გიორგი ორველაშვილის ძმის იყო.
    მამაკაცის დაკავება „ინტერპრესნიუსს“ შინაგან საქმეთა სამინისტროში დაუდასტურეს. ის სისხლის სამართლის კოდექსის 238-ე მუხლითაა დაკავებული, რაც ცეცხლსასროლი იარაღის (მათ შორის, სანადირო გლუვლულიანი ცეცხლსასროლი იარაღის (თოფის)) დაუდევრად შენახვას გულისხმობს.
    რაც შეეხება გიორგი ორველაშვილს მას ბრალს სავარაუდოდ, დღეს, ან ხვალ წაუყენებენ, რის შემდეგაც რუსთავის რაიონული სასამართლო მისთვის აღკვეთის ღონისძიების შეფარდებაზე იმსჯელებს.
    ცნობისთვის, რუსთავში, ე.წ. სტამბოლის ბაზარზე განხორციელებული სროლის შედეგად 4 ადამიანი გარდაიცვალა, ერთი კი დაჭრილია და კლინიკა „რუსთავშია“ მოთავსებული.
    მამაკაცი სამართალდამცავებმა ადგილზე დააკავეს.

    იპნ
  6. tvati
    კიევში ბულგაკოვის ქუჩას სახელი გადაარქვეს და ვახტანგ კიკაბიძის სახელი დაარქვეს. ამის შესახებ ინფორმაციას კიევის საკრებულო ავრცელებს.
    „უკრაინის დედაქალაქი აგრძელებს დასახელებების მოშორებას, რომლებიც ჩვენი ეროვნული ცნობიერების დამახინჯებაზე მოქმედებდნენ. დეკომუნიზაციისა და დერუსიფიკაციის პროცესი საკმაოდ გრძელია, ვინაიდან რამდენიმე ეტაპს მოიცავს, თუმცა დედაქალაქის მცხოვრებლებთან ერთობლივი ძალისხმევებით ქალაქი აქტიურად მიიწევს ამ მიმართულებით. მრავალსაუკუნოვან კიევში არ უნდა რჩებოდეს დასახელებები, რომლებიც დაკავშირებულია ქვეყანა-აგრესორთან, მის საბჭოურ და იმპერიულ წარსულთან“, - განაცხადა კიევის საკრებულოს მდივანმა ვლადიმირ ბონდარენკომ.
    ბულგაკოვის ქუჩის გარდა, რომელიც ახლა ვახტანგ კიკაბიძის ქუჩა გახდა, კიევში დასახელება კიდევ ცხრა ობიექტს შეუცვალეს.

    ipn
  7. tvati
    საქართველოს პროკურატურის განცხადებით, დააკავეს საქართველოს შინაგან საქმეთა სამინისტროს თანამშრომელი, რომელიც გამოძიების ვერსიით ქვეითს პირადი ავტომობილით დაეჯახა და შემთხვევის ადგილიდან მიიმალა.
    უწყების განცხადებით, დაშავებული, რომელიც ბრალდებულმა სიცოცხლისთვის საშიშ მდგომარეობაში მიატოვა, დაიღუპა:
    „ქალაქ დუშეთის შესასვლელთან შინაგან საქმეთა სამინისტროს თანამშრომელმა თ.ბ.-მ, რომელიც მის საკუთრებაში არსებულ ავტომობილს მართავდა, დაარღვია „საგზაო მოძრაობის შესახებ“ საქართველოს კანონის მოთხოვნები, ვერ უზრუნველყო ავტომობილის უსაფრთხო მართვა და დაეჯახა ქვეითს, რომელიც შემთხვევის ადგილზე მოგვიანებით გარდაიცვალა .აღნიშნულის შემდგომ, ავტომობილის მძღოლმა მიატოვა სიცოცხლისთვის საშიშ მდგომარეობაში მყოფი პირი და შემთხვევის ადგილიდან მიიმალა“, — აცხადებენ პროკურატურაში.
    უწყების განცხადებით, თ.ბ.-ს ბრალდება საქართველოს სისხლის სამართლის კოდექსის 276-ე მუხლის მე-6 ნაწილით (ავტომობილის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია) და საქართველოს სისხლის სამართლის კოდექსის 128-ე მუხლით (განსაცდელში მიტოვება) წარედგინება.
    პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს  მიმართავს კანონით დადგენილ ვადაში.

    netgazeti
  8. tvati
    კომპოზიტორ ვაჟა აზარაშვილს ხვალ, 10 თებერვალს დაკრძალავენ. მას ქაშუეთის ტაძრიდან 14:00 საათზე გამოასვენებენ. ვაჟა აზარაშვილი მახათას პანთეონში დაიკრძალება.
    კომპოზიტორი ვაჟა აზარაშვილი 87 წლის ასაკში გარდაიცვალა.
     
    ცნობისთვის, ვაჟა აზარაშვილმა დაამთავრა ვანო სარაჯიშვილის სახელობის თბილისის სახელმწიფო კონსერვატორია 1961 წელს. 1961 წელს დაამთავრა კონსერვატორიის ასპირანტურა იონა ტუსკიას და შემდეგ, პროფ. ანდრია ბალანჩივაძის ხელმძღვანელობით. 1961 წლიდან ვაჟა აზარაშვილი შემოქმედებითი მოღვაწეობის პარალელურად, პედაგოგიურ საქმიანობასაც ეწეოდა.
    კომპოზიტორმა მრავალი სიმღერა მიუძღვნა მშობლიურ თბილისს, მათ შორის — „თბილისური ლირიკული", „სიმღერა თბილისზე“, „სიმღერა მეტეხზე“, საყოველთაო პოპულარობით სარგებლობს მისი სიმღერები — „მუსიკა“, „დღეები მიდიან“, „პატარა გოგო“, „მზე ჩემი მეგობარია“, „ისევ წვიმს“, „სიმღერაა მთელი ჩემი ქონება“, „დინამო, დინამო!“ და სხვ.
    ვაჟა აზარაშვილს ქართულ ხელოვნებაში შეტანილი წვლილისათვის მრავალი საპატიო წოდება და პრემია მიენიჭა. არის საქართველოს სსრ-ის კომკავშირის (1974), საქართველოს სსრ-ის მინისტრთა საბჭოს (1982), იაკობ გოგებაშვილის სახელობის (1998), ზაქარია ფალიაშვილის სახელობისა (2003) და საქართველოს სახელმწიფო პრემიების (2004) ლაურეატი, ხელოვნების დამსახურებული მოღვაწე (1979), საქართველოს სახალხო არტისტი (1988), ღირსების ორდენის კავალერი (1998), თბილისის საპატიო მოქალაქე (1999).
     
    იპნ
  9. tvati
    საქართველოს მუნიციპალიტეტებში მსუბუქი ავტომობილით − ტაქსით (M1 კატეგორია) მგზავრთა გადაყვანა სანებართვო საქმიანობა ხდება.
    პარლამენტში მთავრობის ინიციატივით საკანონმდებლო პაკეტია წარდგენილი, რომლის თანახმად, სანებართვო საქმიანობების ჩამონათვალს ახალი სანებართვო საქმიანობა - მუნიციპალიტეტის ადმინისტრაციულ საზღვრებში მსუბუქი ავტომობილით − ტაქსით (M1 კატეგორია) გადაყვანა ემატება.
    აღნიშნულ საქმიანობაზე ნებართვა არანაკლებ ერთი წლის ვადით გაიცემა. ნებართვის გაცემის უფლებამოსილება მუნიციპალიტეტის მერს ან მის მიერ უფლებამოსილ მერიის სტრუქტურულ ერთეულს ენიჭება. ნებართვის მოქმედების ვადებს მუნიციპალიტეტის წარმომადგენლობითი ორგანო განსაზღვრავს.
    იგეგმება ახალი ადმინისტრაციული ჯარიმების შემოღება. კერძოდ, პროექტის გათვალისწინებით, მუნიციპალიტეტის ადმინისტრაციულ საზღვრებში მსუბუქი ავტომობილით − ტაქსით (M1 კატეგორია) გადაყვანის სანებართვო პირობების დარღვევით განხორციელება გამოიწვევს დაჯარიმებას 100 ლარის ოდენობით, ხოლო მუნიციპალიტეტის ადმინისტრაციულ საზღვრებში მსუბუქი ავტომობილით − ტაქსით (M1 კატეგორია) გადაყვანის შესაბამისი ნებართვის გარეშე განხორციელება გამოიწვევს დაჯარიმებას 200 ლარის ოდენობით.
    მუნიციპალიტეტებს 2025 წლის 1-ელ ივნისამდე ეძლევათ ვადა, უზრუნველყონ მსუბუქი ავტომობილით − ტაქსით (M1 კატეგორია) გადაყვანის ნებართვის მფლობელთა შესახებ მონაცემების ერთიან საინფორმაციო ბაზაში ასახვა, რომლის შექმნის, განახლებისა და დამუშავების წესს მთავრობა 2025 წლის 1-ელ იანვრამდე განსაზღვრავს.
    “აღნიშნული რეფორმის ერთ-ერთი გამოწვევა არის ავტოსადგურებში არსებული არასახარბიელო მდგომარეობა და არარეგისტრირებული პირები - ე/წ ხიშნიკები, რომლებიც მგზავრთა გადაყვანის მომსახურებას ავტოსადგურების გვერდის ავლით ახორციელებენ - ხშირ შემთხვევებში მინივენის ტიპის ავტოსატრანსპორტო საშუალებებით.
    საკანონმდებლო პაკეტი მნიშვნელოვნად მოაწესრიგებს აღნიშნული პრობლემებს, თუმცა, ზოგადად, ქვეყნის შიგნით მგზავრთა გადაყვანის მოწესრიგების მიზნით აუცილებელია ერთიან ჭრილში იქნას გადაწყვეტილი მსუბუქი ავტომობილით − ტაქსით (M1 კატეგორია) მგზავრთა გადაყვანის და ქვეყნის შიდა რეგულარული სამგზავრო გადაყვანის რეგულირება, რათა ტაქსების მოუწესრიგებელი საქმიანობა რეფორმის განხორციელებისათვის დამაბრკოლებელი ფაქტორი არ გახდეს“, - ვკითხულობთ პროექტის განმარტებით ბარათში.
    საკანონმდებლო პაკეტი ეკონომიკის სამინისტრომ მოამზადა და ის პარლამენტში უკვე ინიცირებულია.

    იპნ
  10. tvati
    „ქართული ოცნება“ აუქმებს ოპოზიციის კვოტით არჩეული ცესკოს თავმჯდომარის მოადგილის თანამდებობას.
    აღნიშნული ცვლილებება მმართველმა პარტიამ საარჩევნო კოდექსში შესატანი ცვლილებების მეორე მოსმენით განხილვისას შეიტანა. მეორე მოსმენით განხილვა პარლამენტის პლენალურ სხდომაზე დღეს, 9 თებერვალს, მიმდინარეობს.
    დღეს მოქმედი კანონმდებლობით, ცესკოს თავმჯდომარეს ორი მოადგილე ჰყავს – ერთი არჩეულია ოპოზიციური პოლიტიკური პარტიების მიერ დანიშნულ ცესკოს წევრთაგან, მეორე კი ცესკოს პროფესიული წევრებიდანაა არჩეული.
    ამჟამად ოპოზიციის კვოტით ცესკოს თავმჯდომარის მოადგილე „ლელოს“ წევრი გიორგი სიორიძეა. თუმცა, მმართველი პარტიის გადაწყვეტილებით, საარჩევნო კოდექსში ცვლილებების შესვლისთანავე ოპოზიციის კვოტით არჩეულ ცესკოს თავმჯდომარის მოადგილეს უფლებამოსილება შეუწყდება.
    თავად გიორგი სიორიძის შეფასებით, „ქართული ოცნება“ პარლამენტში მეორე მოსმენით მიიღებს პროექტს ერთპარტიული ცესკოს დაკანონების შესახებ.
    საკანონმდებლო ცვლილებების განხილვისას „ქართული ოცნების“ წევრებს „სტრატეგია აღმაშენებლის“ წევრმა პაატა მანჯგალაძემ შეახსენა, რომ ცესკოს თავმჯდომარის ოპოზიციონერი მოადგილის პოსტი პოლიტიკური შეთანხმების ნაწილი იყო.
    ოპოზიციის პასუხად გივი მიქანაძემ განაცხადა, რომ მმართველი პარტიის ოპონენტების რეალური ზრახვა ცესკოს თავმჯდომარის პოზიციის ხელში ჩაგდებაა, ვინაიდან ცესკოს თავმჯდომარის არყოფნის შემთხვევაში მის მოვალეობას მოადგილე ასრულებს.
    „ქართულმა ოცნებამ“ ცესკოს თავმჯდომარისა და წევრების არჩევის წესი ბოლო წლებში რამდენიმეჯერ შეცვალა. ცესკოს თავმჯდომარისა და წევრების არჩევის წესი 2021 წლის 19 აპრილის მიღებული ე.წ. შარლ მიშელის შეთანხმებაში იყო გათვალისწინებული, თუმცა ამ შეთანხმების შემდეგ „ქართულმა ოცნებამ“ რამდენიმეჯერ შეცვალა ეს წესი და 2023 წლის ივნისში მიღებული ბოლო ცვლილებების მიხედვით,  ოპოზიციისა და პრეზიდენტის როლის გამორიცხვასაც უშვებს.
    „ქართულმა ოცნებამ“ ცესკოს თავმჯდომარისა და წევრების არჩევის წესში მორიგი ცვლილებები 2023 წლის სექტემბერში წარადგინა, რომელიც შეფასებისთვის ვენეციის კომისიაში გააგზავნა.
    კერძოდ, მმართველი გუნდის ინიციატივით, ცესკოს თავმჯდომარის ასარჩევად  90 ხმა იქნება საჭირო, ნაცვლად დღეს მოქმედი კანონისა, რომლითაც ცესკოს თავმჯდომარეს 5 წლის ვადით 76 ხმით ირჩევენ. ცვლილებების მიხედვით, იმ შემთხვევაში, თუ ცესკოს თავმჯდომარის ასარჩევად  90 ხმა ვერ მოგროვდება, მაშინ კრიზისული სიტუაციიდან გამოსავალი 76 ხმა იქნება და კანდიდატებისთვის ორჯერ იქნება შესაძლებელი, 76 ხმით მხარდაჭერის მიღება სცადონ.
    იმ შემთხვევაში, თუ კანდიდატები ვერც  76 ხმას მიიღებენ, მაშინ საკითხი შემდგომი ინდივიდუალური გადაწყვეტილების მისაღებად საქართველოს პრეზიდენტს გადაეცემა. კერძოდ,  პრეზიდენტს გადაეცემა კონკურსში მონაწილე ყველა კანდიდატის სია და ის ერთპიროვნულად გადაწყვეტს, წარმოდგენილი სიიდან რომელი კანდიდატი დანიშნოს ცესკოს თავმჯდომარედ თუ ცესკოს წევრის ვაკანტურ პოზიციაზე.
    თუმცა ძალაში რჩება „ქართული ოცნების“ მიერ რამდენიმე თვის წინ მიღებული ცვლილებები, რომლის მიხედვითაც, ცესკოს თავმჯდომარისა და წევრების შესარჩევ კონკურსს გამოაცხადებს და საკონკურსო კომისიას შექმნის საქართველოს პარლამენტის თავმჯდომარე.
    რაც შეეხება ვენეციის კომისიის დასკვნას, კომისია რეკომენდაციას უწევს ცვლილებების პროექტის ისე შეცვლას, რომ უზრუნველყოფილი იყოს კონსენსუსი ცესკოს უპარტიო წევრებისა და თავმჯდომარის დანიშვნა/არჩევაზე; ეს შეიძლება გულისხმობდეს თავდაპირველად საპარლამენტო უმრავლესობის 2/3-ის მოთხოვნას და, ნებისმიერ შემთხვევაში, ჩიხის საწინააღმდეგო მექანიზმს, რომელიც კვალიფიციურ უმრავლესობას ანიჭებს უპირატესობას, ვიდრე მარტივ (ან აბსოლუტურ) უმრავლესობას მიმართავდეს.
    ამასთან, ვენეციის კომისიის რეკომენდაციით, კანონპროექტიდან ამოღებული უნდა იქნეს დებულება, რომლის მიხედვითაც ოპოზიციური პარტიიდან არჩეული ცესკოს წევრებიდან თავმჯდომარის მოადგილე არ შეირჩევა.

    netgazeti
  11. tvati
    შინაგან საქმეთა სამინისტროს ინფორმაციით, რუსთავში, ე.წ. სტამბოლის ბაზრის ტერიტორიაზე მომხდარი სროლის შედეგად მოკლულია 4 პირი, ერთი კი დაჭრილია.
    როგორც შსს აცხადებს, ბაზრის ტერიტორიაზე რამდენჯერმე გაისროლა 1988 წელს დაბადებულმა გ.ო.- მ.
    „სროლის შედეგად მოკლულია ოთხი პირი, მათ შორისე რთ-ერთია ბრალდებულის ბიძა, რომელიც აღნიშნულ ბაზარში იყო დასაქმებული. ხოლო დაჭრილია ერთი პირი, ბრალდებულის ბიძაშვილი.
    დაჭრილი საავადმყოფოში არის მოთავსებული, სადაც შესაბამისი სამედიცინო დახმარება უტარდება.
    სამართალდამცველებმა გ.ო. შემთხვევის ადგილზე დააკავეს“, — აცხადებს შსს.
    ადგილზე მობილიზებული არიან სამართალდამცველები და ყველა შესაბამის ღონისძიებას ახორციელებენ.
    მთავარ ფოტოზე: კადრი „ინფო რუსთავის“ ვიდეოდან.

    netgazeti
  12. tvati
    ქობულეთში შშმ ქალზე სექსუალური ხასიათის ძალადობის ბრალდებით ერთი ადამიანი დააკავეს.
    ინფორმაცია „პუბლიკას” შსს-ში დაუდასტურეს.
    უწყების განცხადებით, გამოძიება სსკ-ის 138-ე მუხლით დაიწყო, რაც სექსუალური ხასიათის სხვაგვარ ქმედებას გულისხმობს, ჩადენილს ძალადობით, ძალადობის მუქარით ან დაზარალებულის უმწეობის გამოყენებით.

    PUBLIKA
  13. tvati
    პარლამენტი მეორე მოსმენით განიხილავს საარჩვნო კოდექსსა და რეგლამენტში ცვლილებებს.
    კანონპროექტით გათვალისწინებულია ცესკოს თავმჯდომარის და წევრების არჩევის წესის ცვლილება და ოპოზიციის კვოტით ცესკოს მოადგილის თანამდებობის გაუქმება.
    ბოლო პერიოდში ცესკოს თავმჯდომარის ასარჩევად საჭირო კვორუმი მესამედ იცვლება. ამჯერად შემოთავაზებული ვერსიით, თავმჯდომარის და წევრების ასარჩევად 90 ხმა (3/5) იქნება საჭირო. იმ შემთხვევაში, თუკი 90 ხმა ვერ ვერ მოგროვდება, ხელახალ კენჭისყრაზე მხარდასაჭერად 76 ხმა (უმრავლესობით) იქნება საკმარისი.
    კანდიდატებისთვის 76 ხმით მხარდაჭერის მიღება ორჯერ იქნება შესაძლებელი. თუ პირველ ჯერზე ვერ მოგროვდება 76 ხმა, მომდვენო სხდომაზე ხელახალი კენჭისყრა გაიმართება და 76 ხმით არჩეული კანდიდატები უფლებამოსილებას 5 წლის ვადით მიიღებენ.
    იმ შემთხვევაში კი თუ 76 ხმა მეორე ჯერზეც ვერ მოგროვდება, საკითხი გადაწყვეტილების მისაღებად პრეზიდენტს გადაეცემა.
    ამავე კანონპროექტით, ცესკოს თავმჯდომარეს ეყოლება ერთი მოადგილე, რომელიც აირჩევა პარლამენტის მიერ არჩეულ ან პრეზიდენტის მიერ დანიშნულ ცესკოს წევრთაგან.
    მოქმედი კანონმდებლობით, ცესკოს თავმჯდომარეს ორი მოადგილე ჰყავს, რომელთაგან ერთი პარლამენტის მიერ არჩეული ცესკოს წევრებისგან ირჩევა, მეორე კი – ოპოზიციური პარტიების მიერ დანიშნული ცესკოს წევრთაგან.
    ცესკოში ოპოზიციის კვოტით არჩეული მოადგილე „ლელოს“ წარმომადგენელი გიორგი სიორიძეა.
    „სრული პასუხისმგებლობით შემიძლია განვაცხადო, რომ ცესკოს თავმჯდომარის ოპოზიციონერი მოადგილის პოსტის გაუქმება, რომელიც მთელი ოპოზიციის კვოტაა და არა „ლელოსი“, მიუღებელია, როგორც ქართული ოპოზიციური პარტიებისთვის, ასევე, ევროპელი პარტნიორებისთვის“, – განაცხადა გიორგი სიორიძემ დღეს გამართულ ბრიფინგზე.
    კანონპროექტს აკრიტიკებს ოპოზიცია. მათი თქმით, შემოთავაზებული ცვლილებები ვენეციის კომისიასთან და ევრორეკომენდაციებთან შესაბამისობაში არ მოდის.
    გივი მიქანაძემ განაცხადა, რომ ვენეციის კომისიის დასკვნა დაცლილი იყო სამართლებრივი არგუმენტაციისგან.
    მისი თქმით, დასკვნაში მითითებული იყო, რომ თუ ცესკოს თავმჯდომარეობის კანდიდატს მაღალი კვორუმით ვერ აირჩევენ, ხელახალი კენჭისყრით არჩეულ თავმჯდომარეს 6-თვიანი უფლებამოსილება უნდა ჰქონდეს.
    მიქანაძისვე თქმით, ამის შემდეგ მმართველმა გუნდა გამართა კონსულტაციები ოპოზიციასა და დაინტერესებულ მხარეებთან, თუმცა მათგან არგუმენტები და პოზიციები არ მოუსმენიათ, შესაბამისად საკითხის განხილვა გაგრძელდა.
    რაც შეეხება ოპოზიციის კვოტით არჩეულ მოადგილეს, უმრავლესობის წარმომადგენლები ამბობენ, რომ მოადგილე პროფესიული ნიშნით უნდა შეირჩეს და არა – პოლიტიკური.
    „როდესაც ვენეციის კომისიის დასკვნაში წერია, რომ მაგალითად, „ლელოს“ პოლიტსაბჭოს წევრი შეიძლება გახდეს ცესკოს თავმჯდომარე, ასეთ დასკვნას და რეკომენდაციას ვერავითარი ფასი ვერ ექნება, იმიტომ, რომ ეს არის სამართლებრივი, პოლიტიკური, ყველანაირი ნონსენსი. ჩვენ გვაქვს ერთადერთი თხოვნა ვენეციის კომისიასთან, დაწერონ სამართლებრივი დასკვნები. ნუ დაწერენ მაგალითად, იმას, რომ „ლელოს“ პოლიტსაბჭოს წევრი შეიძლება გახდეს ცესკოს წევრი. ეს ხომ 2X2=4-ია“, – განაცხადა ირაკლი კობახიძემ 8 თებერვალს.

    PUBLIKA
  14. tvati
    ირაკლი კობახიძე ჩვენთვის შესაძლებლობაა და ეს კიდევ ერთხელ თავად დაადასტურა გუშინ, როცა დიდი საჩუქარი გაგვიკეთა: გვეგონა, რომ თავის სათქმელზე ისაუბრებდა, როგორც  პრემიერ-მინისტრობის კანდიდატი, სინამდვილეში კი, მხოლოდ ჩვენი გუნდის ლიდერზე და ჩვენზე ისაუბრა., - ამის შესახებ პარტია "საქართველოსთვის" წევრმა და დეპუტატმა ანა ბუჩუკურმა განაცხადა. 
     
    ბუჩუკურის თქმით, ხალხის ასეთი დაბალი მხარდაჭერის მქონე პრემიერი საქართველოს ჯერ არ ჰყოლია, რისთვისაც დიდ მადლობას უხდის ივანიშვილს.
     
    "ის არის პოლიტიკოსი, რომელსაც აქვს ყველაზე დიდი უარყოფითი რეიტინგი პოლიტიკოსებს შორის, კორო-ნაცია ნამდვილად შედგა, ადამიანს, რომელსაც არაფერი აკავშირებს 2012 წლის ოქტომბრის იდიალებთან და ნაციონალების ავტორიტარიზმის დამარცხებასთან, თვითონ არის  ავტორიტარიზმის და ტყუილებში ჩაკარგული ნეონაცის სიმბოლო.
     
    მაგრამ კობახიძე, იმავდროულად, დიდი რისკია ქვეყნისათვის:
     
    ⁠  ⁠ადამიანი, რომელმაც „ოცნების“ ხელისუფლების 12 წლიანი მმართველოს პერიოდში 2-ჯერ გამოიწვია 100 ათას კაციანი აქცია (გავრილოვის მის სავარძელში დასმით და რუსული კანონით);
    ⁠  ⁠ადამიანი, რომელიც თავს იმით იწონებს, რომ კონსტიტუციის შემქმნელი ვარო, მაგრამ ამ კონსტიტუციას ანადგურებს;
      ⁠ადამიანი, რომელიც საპარლამენტო საზედამხედველი ფუნქციებს ხან მურუსიძის, ხან კეზერაშვილის დასაცავად აუქმებს;
     ⁠გავრილოვის ჩამომყვანი და პარლამენტის თავმჯდომარის სავარძელში ჩამსმელი;
     ⁠ადამიანი, რომელიც საოკუპაციო ხაზზე აქამდე არასოდეს ყოფილა და ახლა ამბობს, რომ მოუწევს თურმე;
    ⁠  ⁠ადამიანი, რომელიც არის დღევანდელი დეგრადირებული, ტყუილებში დაკარგული ოცნების, ქართული ოცნების ღირებულებების ღალატის სახე!
     
    ამიტომ, ჩვენ ამ დიდ შესაძლებლობას გამოვიყენებთ და 2024 წელს გავისტუმრებთ „ოცნებას“ ხელისუფლებიდან, კობახიძით თუ მის გარეშე.", - აცხადებს ბუჩუკური. 
     
  15. tvati
    ერთხელ ვთქვი და კიდევ გავიმეორებ, ივანიშვილი კობახიძეზე უკეთეს კანდიდატურას პრემიერ-მინისტრად ნამდვილად ვერ შეარჩევდა იმის საჩვენებლად, რა დაემართა და რად იქცა „ოცნება“ დღეს!, - ამის შესახებ საპარლამენტო პოლიტიკური ჯგუფი "საქართველოსთვის" თავმჯდომარემ ბექა ლილუაშვილმა განაცხადა. 

    მისი თქმით, მარტივია იმაზე პასუხი თუ რატომ შეაჩერა არჩევანი ივანიშვილმა ირაკლი კობახიძეზე - "თქვენ იქნებით არჩევნების გაყალბების მთავარი ინსტრუმენტი. ეს არის მთავარი ფუნქცია.", - ამბობს ლილუაშვილი. 

    "თქვენ, ტყუილებში ჩაკარგულები დარწმუნებული ვარ, განსაკუთრებით ახალ ამპლუაში, განსაკუთრებით წინასაარჩევნოდ ზედმიწევნით კარგად წარმოაჩენთ ყველა იმ მანკიერებას, სადამდეც დაეცა „ოცნებას“.
     
    გისმენდით სამთავრობო პროგრამაზე, დაპირებებზე და ამითაც დაადასტურეთ, რომ თქვენ იქნებით ყველაზე უუფლებო პრემიერი და მალე აღმოაჩენთ, რომ ხალხს კი არ ემსახურებით, იმ 25 ოჯახის მსახურებაში ხართ, რომელზეც ხშირად გვისაუბრია.
     
    არ გაგკვირვებია „კოკაინშიკობის“ კამპანიის ავტორისგან, მაგრამ დღეს, თქვენ „ოცნების“ მომავალი პრემიერი, „ნაციონალური მოძრაობის სახეების“ არგუმენტებით და სიტყვებით საუბრობდით 20 ივნისზე, კორუფციაზე და კიდევ ბევრ საკითხზე, რაც ჩვენ კიდევ ერთხელ ვიმეორებ, არ გვიკვირს, რადგან თქვენ დაადასტურეთ, რომ განასახიერებთ განაცებულ „ოცნებას“, ერთობლივ ქოლ-ცენტრებს, მურუსიძე-ჩინჩალაძის სასამართლოს, ადამიანს, რომელიც არ არის საოკუპაციო ხაზთან ნამყოფი, ადამიანს, რომელმაც თავისი, აი ეს სავარძელი, საიდანაც ამ ქვეყნის დამოუკიდებლობა გამოცხადდა, დაუთმო გავრილოვს, ადამიანი, რომლის გვარსაც უკავშირდება ქვეყანაში 100 000-იანი აქციები.აი ამიტომ, ნორმალურ სახელმწიფოში, თქვენ არცერთ სახელმწიფო-პოლიტიკური თანამდებობაზე არჩევას არ იმსახურებთ.
     
    დღევანდელი სხდომა უნდა ყოფილიყო თქვენზე, მომავალ პრემიერ-მინისტრზე, მაგრამ დღეს აქ ინტერესი, მთელი საინფორმაციო ველი არა თქვენზე, არამედ გიორგი გახარიაზე იყო მიმართული. ამაზე კარგად არაფერი გამოხატავს თქვენი პარტიის სისუსტესა და კომპლექსებს.
     
    მაგრამ ამ ფაქტების მიღმა, სხვა კითხვაც არის, რატომ აგირჩიათ ივანიშვილმა - ამაზე მარტივი პასუხი არსებობს, თქვენ იქნებით არჩევნების გაყალბების მთავარი ინსტრუმენტი. ეს არის მთავარი ფუნქცია.
     
    ამიტომ არის აბსოლიტურად აზრს მოკლებული აქ თქვენი დაპირებები საარჩევნო პროგრამიდან და ეს თქვენ გუშინაც აღიარეთ და დღესაც, როცა ბრძანეთ, რომ ეს პროგრამა 10 თვიანია და პრაქტიკულად არც ერთი რეალისტური დაპირება რაც შეიძლება ამ 10 თევში გაკეთდეს, მითუმეტეს ახალი - აქ არ არის.
     
     არც თქვენი მხრიდან პოლიტიკური რეიტინგების ხსენებაა მომგებიანი, იმიტომ რომ, ისტორიულად დაბალი რეიტინგის ფონზე მოუწია ივანიშვილს კულისებიდან გამოსვლა. თუ ასეთი მოკრძალებული რეიტინგები გვაქვს, აწიეთ ბარიერი, ჩვენ ხომ შემოგთავაზეთ, აწიეთ და ვნახოთ.
     
    მოკლედ, სიმართლეზე რომ თქვენ შემადგენლობას, პარტიას მწვავე რეაქცია აქვს, ღიზიანდება ეს გასაგებია, მაგრამ დღეს სრულიად დაცალეთ განხილვა შინაარსისგან. აგერ გადახედეთ თქვენ რეპლიკებს და გამოსვლებს - რასაც ნაცები ბუტბუტებდნენ 2020 და 19 წლის პარლამენტში, ზუსტად იგივე მესიჯბოქსით საუბრობდით დღეს ერთი-ერთში. თქვენში სხვაობა აღარც შეიმჩნევა.
     
    აი ეს თუ კომპლექსების არ არის, თქვენი,  რომ სხედხართ თქვენვე არხებზე და თქვენს თავს ესაუბრებით, თუ ვინმეს პრეტენზია გაქვთ და თქვენი თავი გეიმედებათ, აგერ ტრიბუნიდანაც გთავაზობთ, მოდით დეპატებში.
     
    ან ივანიშვილს გადაეცით, მიუხედავდ იმისა, რომ ნულოვანი  გავლენა გაქვთ მასზე, დაჯდეს დებატებში გახარიასთან. თქვენ რომ ბიძინა ივანიშვილს ვერ იცავდით, მაგიტომ მოუწია კულისებიდან გამოსვლა და ეხლა კომიკურია თქვენი მცდელობები მისი დაცვის!, იქნებ ივანიშვილმა მაინც შეძლოს თქვენი აქეთ დაცვა.
     
    აი ამიტომ და არამხოლოდ ამიტომ, ვერ დაიმსახურებთ თქვენ ბ-ნო ირაკლი ჩვენი მოქალაქეების რეალურ ნდობას, აქ დღევანდელ სხდეომაზე, ფიქტიურად თქვენი დამცველებისგან შეიძლება მარტივად გახვიდეთ  - გარეთ ხალხში, ვერასდროს.
     
    შეჯამების სახით შემიძლია მარტივად გითხრათ:
     
    ბუზი ბევრი ბზუის მაგრამ სიმართლესთან - ყველა ტყუის!", - ვკითხულობთ განცხადებაში. 
  16. tvati
    "ირაკლი კობახიძის გამოსვლაზე, რომ თვალდახუჭულს მოგესმინათ გეგონებოდათ, რომ ნაცმოს წევრი საუბრობდა. ზუსტად იმ ნარატივით გვესაუბრებოდა კობახიძე, რომელსაც ნაცმო იყენებდა 2019-2020 წლებში."

     ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/784784290337657/  
  17. tvati
    "ირაკლი კობახიძე ჩვენთვის შესაძლებლობაა და ეს კიდევ ერთხელ თავად დაადასტურა გუშინ, როცა დიდი საჩუქარი გაგვიკეთა. გვეგონა, რომ თავის სათქმელზე ილაპარაკებდა, როგორც პრემიერ-მინისტრობის კანდიდატი, სინამდვილეში კი მხოლოდ ჩვენი გუნდის ლიდერზე და ჩვენზე ისაუბრა."

     ანა ბუჩუკური, პარტია "საქართველოსთვის" წევრი, დეპუტატი. 
      ვიდეო: https://www.facebook.com/ForGeoGe/videos/1069087454316426/
  19. tvati
    შალვა კერესელიძის კითხვა ირაკლი კობახიძეს :     "რას ფიქრობთ ან რას გეგმავთ ხარვეზებით და უხარისხოდ შესრულებული ინფრასტრუქტურული პრობლემების მოსაგვარებლად, სადაც ხშირ შემთხვევაში კორუფციასთან, ნეპოტიზმთან და არასახელმწიფოებრივ მიდგომასთან გვაქვს საქმე?"

    ვიდეო: https://www.facebook.com/ForGeoGe/videos/1866478137103270/
  20. tvati
    რამდენიმე წუთის წინ უკრაინის პრეზიდენტმა, ვოლოდიმირ ზელენსკიმ გაავრცელა ინფორმაცია, რომ იგი უკრაინის გენერალური შტაბის უფროსს, ვალერი ზალუჟნის შეხვდა.
    გენერალი ზალუჟნი უკრაინის შეიარაღებული ძალებს 2021 წლიდან ხელმზღვანელობს.

    პუბლიკა
  21. tvati
    ხულოს მუნიციპალიტეტსა და სურამში წუხელ დაწყებული მეწყრული პროცესების გამო ათობით ოჯახია ევაკუირებული.
    ხაშურის მუნიციპალიტეტის მერის, თენგიზ ჩიტაიშვილის ცნობით, წუხელ დაწყებული პროცესი არ გაგრძელებულა და ელოდებიან გეოლოგების შეფასებას.
    რაც შეეხება ხულოს მუნიციპალიტეტს, მერიის ცნობით, მუნიციპალიტეტის მასშტაბით ევაკუირებულია 35 ოჯახი.
    ბაღდათის რაიონში 7 თებერვალს ჩამოწოლილმა მეწყერმა 4 სახლი ჩაიყოლა და 9 ადამიანი იმსხვერპლა.
    გარემოს ეროვნული სააგენტოს საინფორმაციო ბიულეტენში პროგნოზირებული იყო ამ სოფელსა და ბაღდათის სხვა სოფლებში მეწყრის საშიშროება. სააგენტო გასულ წელს აცხადებდა, რომ ეს დოკუმენტი გააცნეს როგორც მუნციპალიტეტებს, ასევე სამთავრობო უწყებებს, თუმცა გუშინ ინფრასტრუქტურის მინისტრის მოადგილემ და მაჟორიტარმა დეპუტატმა განაცხადეს, რომ მათ არ იცოდნენ, ტერიტორია თუ მეწყერსაშიში იყო.
    მანამდე, 6 თებერვალს ხულოში ზვავს, ხოლო ქედაში მეწყერს ორი ადამიანი ემსხვერპლა.
    ამავე დღეს მოლითში მეწყრის გამო „რკინიგზამ“ დასავლეთ საქართველოს რეისები გააუქმა.
    2023 წელს შოვსა და გურიაში, აგვისტო-სექტემბერში სტიქიას 40-მდე ადამიანის სიცოცხლე ემსხვერპლა. შოვში მეწყერი 3 აგვისტოს ჩამოწვა. მეწყერმა მოიყოლა 33 ადამიანი, ნაპოვნია 32 ცხედარი.
    გურიაში კი, 8 სექტემბერს მეწყერში მოყვა 3 ადამიანი, მათ შორის, ორი მცირეწლოვანი.

    პუბლიკა
  22. tvati
    "ნაც.მომ" დაანახა უკვე მთელს საზოგადოებას, რომ მართლა იდეისთვის, სალომე ზურაბიშვილის ინიციატივისთვის კი არ მიდიან, მიდიან საკუთარი ყოველდღიური პარტიული ინტერესების გასატარებლად, რომელიც მათ ბელადს და ბელადომანიას უკავშირდება. ამ მოცემულობაში ეფექტიანობაზე ვერ იქნება საუბარი, ამიტომ მონაწილეობას ამ ფორმატში არ მივიღებთ.

     მეორე საკითხია ქმედუნარიანობის ნაწილი - „ოცნებას“ პასუხისმგებლობაც არ ეყო, პოზიცია დაეფიქსირებინა და ეთქვა, რომ თუ ერთიანობის ქარტიაა, აგერ ჩვენ. მთავარი მოქმედი სუბიექტი, ვინც ეს დოკუმენტი უნდა მიიღოს, არის ხელისუფლებაში მყოფი პარტია. ამიტომ გაუგებარია რა შედეგის მომტანი შეიძლება იყოს ეს ფორმატი.

     ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/768459421407985/
  23. tvati
    "ნაც.მოძრაობა" სადაც ზის იქ შინაარსობრივ საკითხებზე მსჯელობა, მომავლის საკითხებზე მსჯელობა ვერ ხერხდება, ამ გუნდს შინაარსობრივი საუბრის კომპლექსი აქვს.

     ბერდია სიჭინავა, პარტია "საქართველოსთვის" აღმასრულებელი მდივანი

    ვიდეო: https://www.facebook.com/ForGeoGe/videos/378409831461978/
  24. tvati
    “ივანიშვილი ვერ ნახავდა უკეთეს განსახიერებას იმისა, თუ რა დარჩა 2012 წლის “ოცნებიდან” ვიდრე კობახიძეა.  ეს არის პრაქტიკულად პოლიტიკური ძალა, რომელიც ტყუილებშია ჩაკარგული. დღესაც კობახიძისგან მსგავს ტყუილებში ჩაკარგულ განცხადებებს მოვისმენთ.”

    ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე.

    ვიდეო: https://www.facebook.com/ForGeoGe/videos/835541698377463/
  25. tvati
    ანა ბუჩუკური ირაკლი კობახიძეს:

     რატომ აძლევთ საშუალებას მიხეილ სააკაშვილს, ჩაატაროს საარჩევნო კამპანია სასამართლო დარბაზიდან, როცა მას ამის უფლება არ გააჩნია?

     თქვენ ცნობილი ხართ ტყუილებით, ჭორაობით, თქვენ 2012 წლის გამარჯვების სახეც არ ხართ. თქვენი აზრით, რა დამსახურებით დაგნიშნათ ივანიშვილმა პრემიერად?

    ვიდეო: https://www.facebook.com/ForGeoGe/videos/1569468303883950/
×
×
  • შექმენი...