Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    საქართველოში აშშ-ის ელჩი, რობინ დანიგანი საქართველოსთან სტრატეგიულ პარტნიორობაზე საუბრობს და აღნიშნავს, რომ მათი მთავარი პრიორიტეტი საქართველოს ევროკავშირში გაწევრიანების მხარდაჭერაა.
    ის ჟურნალისტებთან საუბრის დროს გამოეხმაურა პრემიერ-მინისტრის, ირაკლი კობახიძის ბრიუსელში ვიზიტსაც და თქვა, რომ ამას მიესალმება. მისი თქმით, იმედოვნებს, რომ მომავალ წლებში საქართველოს ევროკავშირის წევრად იხილავს.
    ელჩმა ისაუბრა არჩევნებზეც და ხაზი გაუსვა, რომ სამართლიანი არჩევნები ძლიერი დემოკრატიის ქვაკუთხედია. დანიგანი აღნიშნავს, რომ აშშ ორიენტირებულია, საქართველოს თავისუფალი არჩევნების უზრუნველყოფაში დაეხმაროს.
  2. tvati
    უკრაინაში მებრძოლი ქართველის, მამუკა გაწერელიას დედა, დალი ჩხეიძე შვილის გადასარჩენად დახმარებას ითხოვს და აღნიშნავს, რომ პატიმრობაში ვერ გადარჩება. ამის შესახებ მან „რადიო თავისუფლებასთან“ ინტერვიუში ისაუბრა.
    გუშინ რუსეთის გენერალურმა პროკურატურამ გაავრცელა ინფორმაცია, რომ 22 წლის მამუკა გაწერელიას დონეცკის ე.წ. რესპუბლიკის სასამართლომ სამუდამო პატიმრობა მიუსაჯა.
    რუსეთის გენერალური პროკურატურის განცხადებაში ნათქვამია, რომ 2022 წელს გაწერელია „ჩავიდა უკრაინაში, სადაც გააფორმა კონტრაქტი უკრაინის შეიარაღებულ ძალებთან და გაგზავნეს მარიუპოლში. მრავალსართულიან კორპუსში მან ცეცხლი გაუხსნა 4 რუს სამხედროს, რომელთაგან 3 მოკვდა.“
    მამუკა გაწერელია, რომელიც მარიუპოლში იბრძოდა, ტყვედ 2022 წლის 20 მაისს ჩავარდა, როცა უკრაინის არმიის ქვედანაყოფები „აზოვსტალს“ ტოვებდნენ.
    2023 წლის 24 დეკემბერს  „ამერიკის ხმასთან“ გაწერელიას დედა ამბობდა, რომ ის 2022 წლის მარტში წავიდა მოხალისედ, რადგან სწამდა, რომ ეს იყო ბრძოლა საქართველოსთვის.
    „ შემდეგ, როცა მარიუპოლში ვითარება გართულდა, ასევე საკუთარი ინიციატივით შეუერთდა „აზოვსტალის“ დამცველებს. 8 დეკემბერს, ტყვეობაში 22 წლის გახდა“. – ამბობს გაწერელიას დედა.

    პუბლიკა
  3. tvati
    სპეციალური საგამოძიებო სამსახურის ინფორმაციით, არასრულწლოვნის თანდასწრებით ოჯახში ძალადობისა და მუქარის ფაქტებზე, მხილებულია შინაგან საქმეთა სამინისტროს განსაკუთრებულ დავალებათა დეპარტამენტის თანამშრომელი ა.ბ.
    როგორც საგამოძიებო სამსახური აცხადებს, გამოძიებით დადგინდა, რომ 2023 და 2024 წლებში, ბრალდებული არასრულწლოვანი შვილების თანდასწრებით, თავის მეუღლეზე ფიზიკურად ძალადობდა და მას სიცოცხლის მოსპობითა და ქონების განადგურებით ემუქრებოდა.
    „2023 წლის ოქტომბრისა და დეკემბრის თვეში, ბრალდებულმა თავის მეუღლესთან ურთიერთშელაპარაკებისას, არასრულწლოვანი შვილების თანდასწრებით, მასზე ფიზიკურად რამდენჯერმე იძალადა და სხეულის სხვადასხვა არეში დაზიანებები მიაყენა.
    2024 წლის თებერვალში, ბრალდებული მეუღლეს სოციალურ ქსელ „Facebook-ით” კომუნიკაციისას, სახლის დაწვით და სიცოცხლის მოსპობით დაემუქრა“, — აღნიშნულია სპეციალური საგამოძიებო სამსახურის გავრცელებულ ცნობაში.
    როგორც სპეციალური საგამოძიებო სამსახური აცხადებს, დაზარალებულის მიმართვისთანავე, გადაუდებელი საგამოძიებო მოქმედებები ჩაატარეს და მოიპოვეს მტკიცებულებები. ამის შემდეგ კაცს, საქართველოს პროკურატურის მიერ გამოტანილი დადგენილების საფუძველზე, ბრალდება წარუდგინეს საქართველოს სსკ-ის 126 პრიმა მუხლის მე-2 ნაწილის „ბ“ ქვეპუნქტით და სსკ-ის 11 პრიმა 151 მუხლის მე-2 ნაწილის „დ“ ქვეპუნქტით. აღნიშნული მუხლები გულისხმობს არასრულწლოვნის თანდასწრებით ოჯახში ძალადობისა და ოჯახის წევრის მიმართ  სიცოცხლის მოსპობისა და ქონების განადგურების მუქარას.
    სპეციალური საგამოძიებო სამსახური საქმეზე გამოძიებას აგრძელებს. ჯერჯერობით, ბრალდებული დაკავებული არ არის.

    ნეტგაზეთი
  4. tvati
    პარტიის „საქართველოსთვის“ პარლამენტის დეპუტატი მიხეილ დაუშვილი:
     
    არაერთხელ ვთქვით და კიდევ ერთხელ ვაცხადებთ მკაფიოდ, არანაირ გაერთიანებას არცერთ პოლიტიკურ სუბიექტთან არ ვაპირებთ.
     
    გიორგი გახარიას პარტია “საქართველოსთვის” 2024 წლის არჩევნებზე გადის დამოუკიდებლად. Ნებისმიერ სხვა ვერსიაზე საუბარი, ვისგანაც არ უნდა მოდიოდეს ის, არის ტყუილი და “ოცნების” პროპაგანდის ნაწილი, რომლის მიზანიც ჩვენი დაზიანების მცდელობაა, Ჩვენი დაზიანება კი თანაბრად შედის როგორც კოლექტიური “ოცნების”, ასევე კოლექტიური “ნაცმოძრაობის” ინტერესებში.
     
    “ნაცმოძრაობასთან” (მათ შორის ნიკა გვარამია და ნიკა მელია) არც არჩევნებამდე და არც არჩევნების შემდეგ ჩვენს პარტიას არ ექნება არავითარი კავშირი და თანამშრომლობა, რადგან ჩვენს შორის არის ღირებულებითი სხვაობები როგორც წარსულთან, ისე აწმყოსა და მომავალთან მიმართებით.
     
    ეს კამპანია გუშინ წამოიწყო ლევან ბეჟაშვილმა, გააგრძელა ნიკა გვარამიამ და “ოცნების” პროპაგანდამ.
    ეს მავნე განცხადებები საეჭვოდ მოკლე დროში გარდაიქმნა პროდუქტად “ოცნების” პროპაგანდული მედიების ტყუილისთვის.
     
    ყველას, ვინც ამ ტყუილით და მავნე სპეკულაციებითაა დაკავებული, ვურჩევთ საკუთარ პარტიებს და პოლიტიკურ ცხოვრებას მიხედონ.
     
    #ნუგვეტენებით
     
    “კოლექტიური ნაცმოძრაობა” და “კოლექტიური ოცნება” ერთად ცდილობს ჩვენს დაზიანებას, რადგან კარგად იციან ვის უჭირავს ხელში მათი დამარცხების გასაღები.
  5. tvati
    უკრაინაში მებრძოლ საქართველოს მოქალაქეს მამუკა გაწერელიას დონეცკის ე.წ. რესპუბლიკის სასამართლომ სამუდამო პატიმრობა მიუსაჯა. ინფორმაციას ამის შესახებ რუსული სახელისუფლებო მედია ქვეყნის გენერალურ პროკურატურაზე დაყრდნობით ავრცელებს.
    TASS წერს, რომ 22 წლის ქართველ მებრძოლს სამი რუსი ჯარისკაცის მკვლელობას ედავებიან. რუსეთის ფედერაციის გენერალური პროკურატურა აცხადებს, რომ გაწერელია უკრაინის არმიას 2022 წლის მარტში შეუერთდა და პირველი აპრილიდან მარიუპოლში იბრძოდა.
    მამუკა გაწერელია მარიუპოლში „აზოვსტალის“ დაცვაში იღებდა მონაწილეობას. როგორც „ამერიკის ხმა“ წერდა, ის ტყვედ 2022 წლის 20 მაისს ჩავარდა, როცა მარიუპოლში, მტრის ალყაში მოქცეული, უკრაინის არმიის ქვედანაყოფები პრეზიდენტ ზელენსკის ბრძანებას დაემორჩილნენ და „აზოვსტალი“ დატოვეს.
    გამოცემას ჯარისკაცის დედამ უთხრა, რომ 22 წლის მებრძოლი საქართველოს თავდაცვის ძალებში ირიცხებოდა, თუმცა 200 წლის დასაწყისში კონტრაქტი გაწყვიტა საქართველოს თავდაცვის სამინისტროსთან და მარტში უკრაინაში მოხალისედ წავიდა:
    „სწამდა, რომ ეს იყო ბრძოლა საქართველოსთვის. შემდეგ, როცა მარიუპოლში ვითარება გართულდა, ასევე საკუთარი ინიციატივით შეუერთდა „აზოვსტალის“ დამცველებს. 8 დეკემბერს, ტყვეობაში 22 წლის გახდა“, – უთხრა მამუკას დედამ „ამერიკის ხმას“.

    ნეტგაზეთი
  6. tvati
    უმრავლესობამ საარჩევნო კოდექსში ცვლილებები მიიღო, რომელიც წინააღმდეგობაშია როგორც ვენეციის კომისიის, ასევე ევროკავშირის 9 რეკომენდაციასთან - მიღებული ცვლილებებით, ცესკოს დაკომპლექტების პროცესი გახდა სრულიად ფიქტიური, რომელიც მხოლოდ მმართველი პარტიის პოლიტიკურ ინტერესზეა მორგებული, - ამის შესახებ ნათქვამია პრეზიდენტის ადმინისტრაციის მიერ გავრცელებულ განცხადებაში.
    როგორც განცხადებაშია ნათქვამი, საქართველოს პრეზიდენტი ,,საარჩევნო კოდექსში ცვლილებებს“, ისევე როგორც ყველა, ნებისმიერ კანონს, რომელიც არ იქნება თანხვედრაში ქვეყნის ევროპულ გზასთან, ვეტოს დაადებს.
    “დღეს, როდესაც ახალი პრემიერ-მინისტრი ბრიუსელში პირველი საერთაშორისო ვიზიტით იმყოფება და როდესაც საერთაშორისო სადამკვირვებლო მისიაა ქვეყანაში, საქართველოს პარლამენტმა, მმართველმა უმრავლესობამ საარჩევნო კოდექსში ცვლილებები მიიღო, რომელიც წინააღმდეგობაშია როგორც ვენეციის კომისიის, ასევე ევროკავშირის 9 რეკომენდაციასთან.
    ნაცვლად დამოუკიდებელი, ფართო კონსენსუსით შერჩეული და არჩეული საარჩევნო კომისიის ხელმძღვანელისა და წევრებისა, მიღებული ცვლილებებით, ცესკო-ს დაკომპლექტების პროცესი გახდა სრულიად ფიქტიური, რომელიც მხოლოდ მმართველი პარტიის პოლიტიკურ ინტერესზეა მორგებული.
    შეიქმნა რისკი, რომ არჩევნებს ჩაატარებს ერთპარტიული, მიკერძოებული და მმართველი პარტიის მიერ კონტროლირებადი საარჩევნო ადმინისტრაცია, ეს კი გამოიწვევს პროცესის მიმართ უნდობლობას როგორც საზოგადოებაში, ასევე საერთაშორისო თანამეგობრობაში.
    როგორც არაერთხელ აქვს ნათქვამი, საქართველოს პრეზიდენტი ,,საარჩევნო კოდექსში ცვლილებებს“, ისევე როგორც ყველა, ნებისმიერ კანონს, რომელიც არ იქნება თანხვედრაში ქვეყნის ევროპულ გზასთან, ვეტოს დაადებს!“,- ნათქვამია განცხადებაში.

    იპნ
  7. tvati
    ნავალნის სიკვდილზე პასუხისმგებლობა პუტინს ეკისრება. რატომ არ შეუძლია ტრამპს ამის თქმა? - ამის შესახებ აშშ-ის პრეზიდენტმა, ჯო ბაიდენმა განაცხადა.
    მისი თქმით, ყოფილი პრეზიდენტი, ტრამპი და სხვა "რესპუბლიკელები" უარს ამბობენ, რომ ნავალნის სიკვდილზე პასუხისმგებლობა პუტინს დააკისრონ.
    „ამის სანაცვლოდ, ტრამპმა თქვა, რომ ნავალნის სიკვდილით გააცნობიერა, თუ რამდენად ცუდია ამერიკა“, - განაცხადა ჯო ბაიდენმა.
    ჯო ბაიდენი დონალდ ტრამპის განცხადებას გამოეხმაურა, სადაც ყოფილმა პრეზიდენტმა განაცხადა, რომ აშშ დაცემას განიცდის.
    „რატომ ადანაშაულებს ტრამპი ყოველთვის ამერიკას? ნავალნის სიკვდილზე პასუხისმგებლობა პუტინს ეკისრება. რატომ არ შეუძლია ტრამპს ამის თქმა?“ - აღნიშნა აშშ-ის პრეზიდენტმა.

    იპნ
  8. tvati
    ჩვენ მარტო მივდივართ არჩევნებზე, დროა სხვა პარტიებმაც თქვან მკაფიოდ მარტო იბრძოლებენ თუ ვინმესთან ერთიანდებიან.      როგორც "ნაც.მოძრაობა", ისე "ოცნება" ჩვენთვის არის წითელი ხაზი.      მიშა დაუშვილი, საპარლამენტო პოლიტიკური ჯგუფი "საქართველოსთვის" წევრი.
    ვიდეო: https://www.facebook.com/ForGeoGe/videos/1441383819814255/
  9. tvati
    “რეალურად “ოცნება” ამ ცვლილებების შემდგომ აპირებს, რომ სრულად დაიქვემდებაროს, ბოლომდე გააკონტროლოს ცენტრალური საარჩევნო კომისiა. თვინონ გააკონტროლოს ვინ იქნება თავმჯდომარე, ვინ იქნებიან წევრები, რითიც ფაქტობრივად იქვემდებარებს ცესკოს. ერთი მხრივ “ოცნება” გვიმტკიცებს, რომ მას აქვს უპირობო მხარდაჭერა, გვიმტკიცებენ, რომ აპირებენ საკონსტიტუციო უმრავლესობის მოპოვებას და მეორე მხარეს ისეთ მძიმე ჩარევას აკეთებენ ცესკოში, რომ ამცირებენ ნდობას ცესკოს და არჩევნების მიმართ. მარტივი კითხვა ჩნდება- თუ ამხელა მხარდაჭერა აქვთ, მაშინ რაში სჭირდებათ ესეთი მძიმე ჩარევები საარჩევნო კომისიის საქმიანობაში?”      მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი.

    ვიდეო: https://www.facebook.com/ForGeoGe/videos/1205389230439341/
  10. tvati
    “თუ ასეთი დიდი მხარდაჭერა აქვს “ოცნებას”, მაშინ რატომ ერევა ამ დოზით საარჩევნო კომისიის საქმიანობაში? რეალურად, ეს იმის მაჩვენებელია, რომ “ოცნების” რეიტინგი ისტორიულ მინიმუმზეა და სხვაგვარად ვერ გაიხანგრძლივებენ ძალაუფლებას.”     მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი.
  11. tvati
    "ფაქტობრივად კვირა არ გადის ისე, რომ ერთი ან რამდენიმე ჩვენი თანამოქალაქე არ დაიღუპოს ნარკოტიკული საშუალებების მოხმარების გამო. ეს ფაქტობრივად უკვე ტენდენცია, მოცემულობა გახდა, რომ ვიღაცის მეგობარი, ვიღაცის ახლობელი, შვილი, ყოველ კვირას ვიღაც ერთი მაინც იღუპება აი ამ უმძიმესი საკითხის გამო. ყველაზე სამწუხარო არის ის, რომ ჩვენ ვერანაირ რეაგირებას ვერ ვხედავთ ხელისუფლების მხრიდან, სხვადასხვა მიზეზის გამო, ისინი ერიდებიან, რომ რაღაც აქტიური ბრძოლა გამოუცხადონ აი ამ უმძიმეს დანაშაულს. ვიდრე ჩვენს ხედვას წარვუდგენთ საზოგადოებას, პირდაპირ მოვუწოდებთ ხელისუფლევას, რომ რამე გააკეთონ, ერთი ნაბიჯი მაინც გადადგან აი ამ უმძიმესი პრობლემის მოსაგვარებლად, ადამიანებია სიცოცხლის გადასარჩენად. ის მაინც გვითხრან რამის გაკეთებას აპირებენ თუ არა, იმისათვის, რომ ყოველ კვირა რამდენიმე ჩვენი თანამოქალაქე ამ უმძიმესი ფაქტის გამო არ დაიღუპოს."   მიშა დაუშვილი, პარტია "საქართველოსთვის" წევრი, დეპუტატი
  13. tvati
    სოფიკო ჭიაურელის სახელობის ქალაქ თბილისის N54 საჯარო სკოლაში, სასწავლო წლის განმავლობაში არაერთი საინტერესო, გამორჩეული, კრეატიული და მოსწავლეთა მოტივირებაზე ორიენტირებული აქტივობა ეწყობა.

    აღასანიშნავია, რომ სკოლაში ნიჭიერი, შემოქმედებითი და მიზანდასახული მოსწავლეები სწავლობენ, რომლებიც სასწავლო ღონისძიებებში მონდომებით ერთვებიან. 

    ამჯერად, პედაგოგ მანანა გოცაძის ხელმძღვანელობითა და მე-5 კლასის მოსწავლეთა ჩართულობით, პროექტი - "მოლაპარაკე მაისურები" განხორციელდა. მეხუთეკლასელებმა ბევრი იხალისეს, საინტერესოდ ისაუბრეს, გარემოს დაცვის თემატიკით გაფორმებული მაისურები ჩაიცვეს, დრო სასიამოვნოდ გაატარეს და სამახსოვრო ფოტოებიც გადაიღეს. 

    etaloni.ge
































  14. tvati
    პარტიამ „საქართველოსთვის” დიპლომატიური კორპუსის წარმომადგენლებს დემოკრატიული რეფორმების ხედვა წარუდგინა. რეფორმები მოიცავს ფუნდამენტურ სტრუქტურულ და შინაარსობრივ ცვლილებებს დემოკრატიული მმართველობის, კანონის უზენაესობის, დამოუკიდებელი მართლმსაჯულების, კორუფციის წინააღმდეგ ბრძოლის, დეპოლიტიზირებული საჯარო სამსახურის, ადამიანის უფლებების დაცვის მიმართულებით. 
    რეფორმების მიზანია კონსტიტუციური მმართველობის სისტემის აღდგენის, ძალაუფლების ქმედითი დანაწილების, სახელმწიფო ინსტიტუტების დამოუკიდებლობის და ეფექტიანობის, კორუფციის აღმოფხვრის, თავისუფალი და სამართლიანი არჩევნების უზრუნველყოფის გზით ქვეყნის დემოკრატიული, ევროპული და ევრო-ატლანტიკური განვითარების გზაზე დაბრუნება და კონსენსუსზე დაფუძნებული დემოკრატიის უზრუნველყოფა.  
    შეხვედრაზე ხაზი გაესვა არჩევნების, როგორც მშვიდობიანი, დემოკრატიული ცვლილებების ერთადერთი ინსტრუმენტის დაცვის მნიშვნელობას და ამ მხრივ პარტია „საქართველოსთვის“ გეგმებს.  
    წარმოდგენილი ინიციატივები, რომლებიც აისახება პარტიის პროგრამაში, შესაბამისობაშია ევროკავშირის 9 რეკომენდაციასთან და წარდგენილია როგორც პარლამენტის თავმჯდომარესთან, ისე რეკომენდაციებთან დაკავშირებით შექმნილ სამუშაო ჯგუფში.
     
  15. tvati
    DDT-ს სოლისტმა იური შევჩუკმა ასტანაში გამართულ კონცერტზე ალექსეი ნავალნის მიუძღვნა სიმღერა „თავისუფლება”.
    სიმღერის შესრულებამდე, შევჩუკმა სცენიდან საზოგადოებას მიმართა.
    რუსი ოპოზიციონერი ალექსეი ნავალნი 16 თებერვალს ციხეში დაიღუპა. რუსეთის სასჯელაღსრულების უწყების განცხადებით, ნავალნი „გასეირნების შემდეგ ცუდად გახდა და გონება დაკარგა”.
    უკრაინის პრეზიდენტი, ვოლოდიმირ ზელენსკი ამბობს, რომ ნავალნი პუტინმა მოკლა და ამაზე პასუხისმგებლობაც უნდა აიღოს.
    ნავალნი 47 წლის იყო. 2011 წლიდან ნავალნი ვლადიმირ პუტინის ოპოზიციაში ჩადგა. ის 2020 წლის აგვისტოში მოწამლეს. რუსული ჰოსპიტლიდან ბერლინში გადაიყვანეს, სადაც ექიმებმა მის ორგანიზმში აკრძალული ნერვული აგენტი – “ნოვიჩოკი” აღმოაჩინეს. რუსი ექიმების დასკვნების საწინააღმდეგოდ, გერმანელმა ექიმებმა განაცხადეს, რომ პოლიტიკოსი მოწამლული იყო. ნავალნი კომიდან იმავე წლის 15 სექტემბერს გამოვიდა.
    2021 წლის 17 იანვარს რუსეთში დაბრუნდა. ის რუსეთში, შერემეტიევოს აეროპორტშივე დააკავეს და მალევე „ექსტრემიზმისა და თაღლითობისთვის” 9-წლიანი პატიმრობა მიუსაჯეს. 2023 წლის აგვისტოში მას ექსტრემიზმთან დაკავშირებული ბრალდებით პატიმრობა კიდევ 19 წლით გაუგრძელეს. ის არქტიკული წრიდან დაახლოებით 40 კილომეტრში, სპეციალური რეჟიმის ციხეში იმყოფებოდა.
     
    პუბლიკა
  16. tvati
    ერთადერთი, რაც შეიძლება საქართველო - რუსეთი ურთიერთობაში შეიცვალოს, არის ის, რომ რუსეთის გავიდეს ყველა ოკუპირებული ტერიტორიიდან, - ასე უპასუხა საქართველოს პრეზიდენტმა, სალომე ზურაბიშვილმა „დოიჩე ველეს“ ჟურნალისტის შეკითხვას: შეიცვლება თუ არა საქართველო - რუსეთის ურთიერთობა, თუკი დონალდ ტრამპი კვლავ აშშ-ის პრეზიდენტი გახდება.
    „არ მგონია, რომ საქართველო - რუსეთის ურთიერთობაში რაიმე შეიცვალოს. ერთადერთი, რაც შეიძლება შეიცვალოს, არის ის, რომ რუსეთის გავიდეს ყველა ოკუპირებული ტერიტორიიდან, იქნება ეს უკრაინისა თუ საქართველოსი. ესაა ევროპის უსაფრთხოების მომავალი და არა ის, რომ ევროპის გვერდით იყოს ქვეყანა, რომელიც დამოუკიდებელი ქვეყნების ტერიტორიებს იკავებს“, - აღნიშნა პრეზიდენტმა გამოცემასთან, მიუნხენის უსაფრთხოების კონფერენციის ფარგლებში მიცემულ ინტერვიუში.
    კითხვაზე, რას მოელის ამ მომენტში ევროპელებისა და ევროკავშირისგან, სალომე ზურაბიშვილმა უპასუხა: „გაფართოება, გაფართოება და გაფართოება!“
    მისი თქმით, ევროკავშირში გაწევრიანება ერთადერთი პერსპექტივაა, რაც რეალურად არსებობს იმ ქვეყნისთვის, რომელიც მდებარეობს იქ, სადაც მდებარეობს.
    „ისევე როგორც ნებისმიერ, სხვა ქვეყანაში, ჩვენთანაც არის შიდაპოლიტიკური ბრძოლები, მაგრამ ძალიან მნიშვნელოვანია, საქართველოს ფარგლებს გარეთ იცოდნენ, რომ ამაზე [ევროკავშირში გაწევრიანებაზე] ქართველი ხალხის სრული კონსენსუსი არსებობს და ასეა ბოლო ოცდაათი წლის განმავლობაში, ჩვენი დამოუკიდებლობის მომენტიდან,. ქართველი ხალხი მხარს უჭერს საქართველოს ევროპულ გზას და ეს არასოდეს შეცვლილა. არც მაშინ, როცა საქართველო ოკუპირებული და დაპყრობილი იყო და არც მომავალში შეიცვლება, რადგან ეს ერთადერთი პერსპექტივაა, რაც რეალურად არსებობს იმ ქვეყნისთვის, რომელიც მდებარეობს იქ, სადაც მდებარეობს“, - აღნიშნა პრეზიდენტმა.


    ipn
  17. tvati
    ესტონეთის საგარეო საქმეთა მინისტრის, მარგუს ცაჰკნის განცხადებით, რუსეთის პრეზიდენტი, ვლადიმერ პუტინი მკვლელია და უკრაინას სასწრაფოდ სჭირდება მეტი საბრძოლო მასალა.
    „პუტინი მკვლელია. მან მოკლა ერთი ადამიანი, რომელიც თავისუფლებისთვის და დემოკრატიისთვის იბრძოდა და სწორედ ამიტომ უნდა გავაგრძელოთ ის, რასაც ვაკეთებთ. ბოლო ორი დღის განმავლობაში ბევრჯერ მკითხეს, რა არის ჩვენი პასუხი [ნავალნის სიკვდილზე], მაგრამ საუკეთესო პასუხი და ყველაზე მკაფიო პასუხი იქნება ეს: ბოლომდე გავაკეთოთ ჩვენი საქმე. ჩვენ უნდა დავუჭიროთ მხარი უკრაინას. ჩვენ უკრაინას სამხედრო და პოლიტიკური გზებით უნდა დავუჭიროთ მხარი. ჩვენ უნდა მივცეთ უკრაინას 1 მილიონი საბრძოლო საბრძოლო მასალა, რომელსაც ევროკავშირი მას ერთი წლის წინ მარტისთვის დაჰპირდა“, - აღნიშნა ესტონეთის საგარეო უწყების ხელმძღვანელმა ბრიუსელში, ევროკავშირის საგარეო საქმეთა მინისტრების სამიტის დაწყებამდე.
  18. tvati
    „საარჩევნო კოდექსში“ ცვლილებების თაობაზე საკანონმდებლო ინიციატივა ნიშნავს, რომ ცესკო-ს იქვემდებარებენ. ბარემ წავიდნენ და რეესტრში გადაიფორმონ, - ამის შესახებ პარტია "საქართველოსთვის" დეპუტატმა, მიხეილ დაუშვილმა ჟურნალისტებთან საარჩევნო კანონმდებლობაში დაგეგმილი ცვლილებებზე საუბრისას განაცხადა, რომელიც ცესკო-ს ფორმირების წესს ეხება.
    როგორც დეპუტატმა აღნიშნა, მისთვის გაუგებარია, რისთვის გადააგზავნეს ვენეციის კომისიაში კანონპროექტები, „რატომ აბრაზებენ და აღიზიანებენ ხალხს“, თუ მაინც უნდა დაამტკიცონ.
    „ოცნებამ“ ეს კანონპროექტები პირველი მოსმენით მიიღო და ვენეციის კომისიაში გააგზავნა. ვენეციის კომისიიდან მოვიდა ერთ-ერთი ყველაზე მძიმე შეფასება. იმის ნაცვლად, რომ რეკომენდაციები გაეთვალისწინებინათ, ადგნენ და საკუთარი ინტერესები გაატარეს. ეს კატეგორიულად მიუღებელია. რაღას აგზავნიდნენ, რაში სჭირდებოდათ ვენეციის კომისიაში გაგზავნა? პირდაპირ მიეღოთ, თუ მხოლოდ საკუთარი ინტერესი უნდა გაეტარებინათ.
    თუ ფიქრობდნენ, რომ ვენეციის კომისიის დასკვნებს არ გაითვალისწინებდნენ, რატომ აბრაზებენ ამ ხალხს, რატომ აღიზიანებენ?
    ეს კანონპროექტი ნიშნავს, რომ იქვემდებარებენ ცესკო-ს. ბარემ წავიდნენ და რეესტრში გადაიფორმონ“,- აღნიშნა დაუშვილმა.
    კითხვაზე, გამორიცხავს, თუ არა, რომ პრეზიდენტმა ვეტო დაადოს კანონპროექტებს, დაუშვილი განმარტავს, რომ არ გამორიცხავს.
    „ეს შესაძლებელია. სპეკულაციებში არ შევალ დაადებს, თუ არა ვეტოს. ვფიქრობ, ეს კანონპროექტი ვეტოს იმსახურებს. უნდა გვესმოდეს, რომ „ოცნებას“ შესაძლებლობა ექნება ვეტო დაძლიოს“, - აღნიშნა დაუშვილმა.
    გარდა ამისა, მან არჩევნებზეც ისაუბრა და კითხვაზე, თუ ვისთან განიხილავენ კოალიციას, აღნიშნავს:“არავისთან“.
    „მარტო გავდივართ, არავისთან გვექნება გაერთიანება.“ნაციონალური მოძრაობა“ ცალსახად წითელი ხაზია.ისიც კი არ ვიცით, თუ ვინ როგორ გადის არჩევნებზე“,-აღნიშნა დაუშვილმა.
    შეგახსენებთ, რომ „საარჩევნო კოდექსში“ ცვლილებების თაობაზე მმართველი უმრავლესობის საკანონმდებლო ინიციატივის გათვალისწინებით, ცესკოს თავმჯდომარისა და ე.წ. პროფესიული წევრების არჩევის წესი და კვორუმი კიდევ ერთხელ იცვლება - მათი არჩევის პროცესში ხმათა 3/5-იანი კვორუმი შემოდის. კანონპროექტი ცესკოს თავმჯდომარისა და წევრების არჩევის 3-ეტაპიან პროცესს ითვალისწინებს. პროექტით, პირველ კენჭისყრაზე 90 ხმა იქნება საჭირო. იმ შემთხვევაში, თუკი 90 ხმა ვერ იქნება უზრუნველყოფილი, არჩევა 76 ხმით მოხდება. კონკრეტული კანდიდატებისთვის 76 ხმით მხარდაჭერის მიღება ორჯერ იქნება შესაძლებელი და 76 ხმით არჩეული კანდიდატები უფლებამოსილების განხორციელებას 5 წლის ვადით დაიწყებენ. იმ შემთხვევაში კი, თუ პარლამენტში ვერც 76 ხმა მოგროვდება და პარლამენტი კანდიდატებს ვერც ერთი კენჭისყრის შედეგად ვერ აირჩევს, საკითხი გადაწყვეტილების მისაღებად პრეზიდენტს გადაეცემა. ამასთან, ძალაში რჩება საარჩევნო კანონმდებლობასა და პარლამენტის რეგლამენტში შეტანილი ცვლილებები, რომლის მიხედვით, კანდიდატების შესარჩევ კონკურსს პრეზიდენტის ნაცვლად, პარლამენტის თავმჯდომარე გამოაცხადებს და ცესკოს თავმჯდომარის და ცესკოს წევრების კანდიდატურებს პარლამენტს, პარლამენტის თავმჯდომარე წარუდგენს. გარდა ამისა, დაგეგმილი ცვლილებებით, ცესკოს თავმჯდომარის იმ მოადგილის თანამდებობა უქმდება, რომელზეც პირი ცესკოს პარტიულ წევრთაგან ინიშნება და რომელიც საკუთრივ ოპოზიციის კვოტას წარმოადგენს.

    ipn
  19. tvati
    #3 ეპიზოდი: გადადგომის დღის უცნობი დეტალები, ახალი ხაფანგი, რომელშიც „ოცნება" გაება:

     

     
  20. tvati
    თბილისში, ალექსანდრე ჭავჭავაძის ქუჩაზე ახალგაზრდა კაცი მოკლეს. გავრცელებული ინფორმაციით, კაცს ცეცხლსასროლი იარაღიდან ესროლეს. დაჭრილი კლინიკაში გადაიყვანეს, თუმცა ექიმებმა მისი გადარჩენა ვერ შეძლეს.
    შემთხვევა წუხელ მოხდა.
    როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 108-ე და 236-ე მუხლით დაიწყო, რაც განზრახ მკვლელობას და ცეცხლსასროლი იარაღის უკანონო შეძენა-შენახვა ტარებას გულისხმობს.
    მომხდარის სხვა დეტალები, ჯერჯერობით, უცნობია.

    იპნ
  21. tvati
    პარტია „საქართველოსთვის" ახალგაზრდული ორგანიზაციის ყრილობაზე, მმართველი საბჭოსა და მრჩეველთა საბჭოს არჩევნები გაიმართა:


  22. tvati
    ავტორი გიორგი ჭანტურია Aa    
    როგორც მოგეხსენებათ, UFC 298-ზე ორი უდიდესი ქართული ბრძოლა შედგება.
    სუპერმსუბუქი წონის მებრძოლი მერაბ დვალიშვილი ჰენრი სეხუდოს დაუპირისპირდება.
    სატიტულო ბრძოლაში კი ილია თოფურია ავსტრალიელ ალექსანდერ ვოლკანოვსკის  შეხვდება.
    ცნობილმა ქართველმა ფეხბურთელმა, ხვიჩა კვარაცხელიამ აღნიშნული ბრძოლების წინ ბიჭებს წარმატებები უსურვა.
    იხილეთ ფოტო:

     
     

    footballnews.ge
  23. tvati
    საქართველოსთვის, ჩვენი უსაფრთხოებისთვის, ევროპასთან ჩვენი კავშირის უდიდეს ინტერესშია, რომ რუსეთი ექსკლუზიური ძალა არ იყოს შავ ზღვაში, რასაც ის ცდილობს, - ამის შესახებ საქართველოს პრეზიდენტმა, სალომე ზურაბიშვილმა მიუნხენის საერთაშორისო კონფერენციის ფარგლებში გამართულ პანელზე: „უფრო ღრმა, ფართო და უნარიანი ევროკავშირი“ განაცხადა.
    კითხვაზე, რატომ არის მნიშვნელოვანი საქართველოსთვის ევროკავშირში გაწევრიანება, პრეზიდენტმა უპასუხა, რომ უპირველეს ყოვლისა, უსაფრთხოების გამო.
    „ეს არის აუცილებლობა. უსაფრთხოების აუცილებლობა და ეს არის ერთადერთი პერსპექტივა ქვეყნისთვის, რომელიც იზიარებს ევროპულ ღირებულებებს. მაგრამ დღეს, შესაძლოა, მთავარი იყოს უსაფრთხოება. უსაფრთხოების აუცილებლობა არის ის, რაც ევროკავშირმაც უნდა იგრძნოს. შეუძლია ვინმეს წარმოიდგინოს, როგორი შეიძლება იყოს დღევანდელი ომი უკრაინაში, ევროკავშირში რომ არ იყოს პოლონეთი, ბალტიის ქვეყნები, რუმინეთი, ბულგარეთი. ასე რომ, ადრინდელმა გაფართოებამ უზრუნველყო ფაქტობრივად დამატებითი უსაფრთხოება მთელი ევროკავშირისთვის და შემდეგი გაფართოება, ჩვენი გაფართოება იქნება უსაფრთხოების დამატებითი ღირებულება ევროკავშირისთვის და ჩვენთვის. ეს არის სოლიდარობა და საერთო ღირებულებები. ჩვენ გვაქვს საერთო უსაფრთხოების ძალიან მნიშვნელოვანი საკითხი, რაზეც საკმარისად არ ვსაუბრობთ და ეს არის შავი ზღვა. რასაც აკეთებს ახლა რუსეთი, არის ის, რაც მან 2007 წელს გამოაცხადა - ის, რომ არ დაუშვებდა დასავლეთის შავ ზღვაში შეღწევას. რაც 2007 წლის შემდეგ მოხდა: საქართველოში 2008 წელს, შემდეგ ყირიმში და შემდეგ ომი უკრაინაში. ასე რომ, მან გამოაცხადა რის გაკეთებას აპირებდა და აკეთებს კიდეც. ასე რომ, ვფიქრობ, ევროკავშირის და, რა თქმა უნდა, საქართველოსთვის, ჩვენი უსაფრთხოებისთვის, ევროპასთან ჩვენი კავშირის უდიდეს ინტერესშია, რომ რუსეთი ექსკლუზიური ძალა არ იყოს შავ ზღვაში, რასაც ის ცდილობს და ეს მნიშვნელოვანია. ასევე მნიშვნელოვანია მომავალი კომუნიკაციებისთვის, რომელიც ასე მნიშვნელოვანი იქნება მომდევნო წლებში და ათწლეულებში ტრანსპორტისა და ენერგეტიკის უსაფრთხოებისთვის, ჩვენ ეს თავიდან უნდა ავიცილოთ”, - აღნიშნა პრეზიდენტმა.

    იპნ
  24. tvati
    UFC-ის პირველი ქართველი ჩემპიონი ჰყავს. MMA-ის ყველაზე გავლენიანი ორგანიზაციის ქვემსუბუქი წონის საჩემპიონო ქამრისთვის გამართულ ბრძოლაში ილია თოფურიამ ალექსანდერ ვოლკანოვსკი ნოკაუტით დაამარცხა.
    ბრძოლის შემდეგ გამართულ პრესკონფერენციაზე თოფურიამ განაცხადა, რომ კარიერის დასაწყისიდანვე მისი მიზანი UFC-ის ჩემპიონობა იყო. მან ასევე ქართველ გულშემატკივრებს მხარდაჭერისთვის მადლობა გადაუხადა.
    „თავს შესანიშნავად ვგრძნობ, ძალიან ბედნიერი ვარ. ახლა მაქვს დრო, ეს წარმატება ჩემი ოჯახის წევრებთან და მეგობრებთან ერთად აღვნიშნო.
    პირველ რაუნდში ის ძალიან სწრაფი იყო. შესანიშნავად მოძრაობდა, ფეხებს კარგად იყენებდა, გამაოცა კიდეც. დრო დამჭირდა, რომ შემესწავლა, ხოლო მეორე რაუნდში ნოკაუტი შევასრულე.
    ჩემს მომენტს ველოდებოდი. ბრძოლის დასაწყისიდანვე ჩემი გეგმა გრძელ კომბინაციებს უკავშირდებოდა, რადგან ასეთ დროს ძნელად წასაკითხი იქნებოდა მისთვის ჩემი მოქმედებები.
    ვიტყოდი, რომ ვოლკანოვსკისთან კიდევ ერთხელ შეიძლება ბრძოლა, ამჯერად ქამრის დასაცავად, რადგან კარგი ადამიანი და შესანიშნავი მებრძოლია, თუმცა ახლა ახალი თაობის დროა, ახალი სახეების. ჩემი საქმე კი ბრძოლაა, ვისთან დაპირისპირებასაც შემომთავაზებენ, მასთან ვიბრძოლებ.
    სამომავლო გეგმა ამ მომენტში დასახული არ მაქვს. კარიერის დასაწყისიდანვე ჩემი მიზანი UFC-ის ჩემპიონობა იყო. სახლში დავბრუნდები, დავისვენებ, ყველაფერს გავაანალიზებ და ამის შემდეგ მივიღებ გადაწყვეტილებას“, – განაცხადა თოფურიამ.
    შემდეგ ილია თოფურიამ გულშემატკივრებს ქართულად მიმართა: „მინდა, ჩემს პატარა საქართველოს დიდი მადლობა გადავუხადო მხარდაჭერისთვის, რადგან თქვენ ყოველთვის ჩემ გვერდით დგახართ. მიყვარხართ, ერთი სული მაქვს ჩამოვიდე და ერთად ვიზეიმოთ ეს გამარჯვება“.
     

    ავტორი - ბექა ბლიაძე
  25. tvati
    ქართველმა მებრძოლმა, მერაბ დვალიშვილმა შერეული ორთაბრძოლების ყველაზე გავლენიან ორგანიზაციაში, UFC-ში ზედიზედ მეათე გამარჯვება მოიპოვა, მან ანაჰეიმში გამართულ UFC 298-ზე სუპერმსუბუქ წონაში ჰენრი სეხუდო მსაჯების გადაწყვეტილებით დაამარცხა.
    UFC-ის ორი წონის ყოფილი ჩემპიონის, თავისუფალ ჭიდაობაში ოლიმპიური ოქროს მედლის მფლობელის წინააღმდეგ მერაბ დვალიშვილი დამაჯერებლად გამოიყურებოდა და ბრძოლას მთლიანად აკონტროლებდა. დღეს UFC-ში კიდევ ერთმა ქართველმა მოიგო, ილია თოფურიამ ქვემსუბუქი წონის საჩემპიონო ქამრისთვის ბრძოლაში ალექსანდერ ვოლკანოვსკი დაამარცხა.
    დაპირისპირების შემდეგ გამართულ პრესკონფერენციაზე მერაბ დვალიშვილმა განცხადა, რომ ეს ყველაფერი დასაწყისია და ახლა ის საჩემპიონო ქამრის მოპოვებას აპირებს.
    „ძალიან ბევრი ვიმუშავე და დღეს თავს კომფორტულად ვგრძნობდი. კარგი ბრძოლა გამოვიდა. შეხვედრის წინ კონკრეტული გეგმა არ მქონია. დარბაზში თითოეული ილეთის განვითარებას ძალიან დიდ დროს ვუთმობდი, საკუთარ თავზე ვიყავი კონცენტრირებული.
    ყოველ რაუნდში უკეთესი ვხდებოდი, ხუთრაუნდიანი ბრძოლა ჩემთვის უკეთესი იქნებოდა. როგორც ჩანს, გასახდელში კარგად ვერ გავხურდი და ამიტომ იყო პირველი რაუნდი შედარებით რთული.
    ახლა ერთადერთი მიზანი მაქვს, ვიბრძოლო საჩემპიონო ქამრისთვის და მოვიგო ის. ამ მომენტში უკეთესი მებრძოლი ვარ, ვიდრე ადრე ვიყავი და ეს ყველაფერი მხოლოდ დასაწყისია. კარიერაში ყველაფერი წინ მაქვს, რადგან ჯანსაღი ცხოვრებით ვცხოვრობ და ჩემს ყოველდღიურობაში წარმატებისთვის ბევრი რამ შევცვალე.
    ისტორიული მომენტია საქართველოსთვის. მთელმა ქვეყანამ ადრე გაიღვიძა ჩვენი ბრძოლების სანახავად, დარბაზშიც უამრავი ქართველი იყო. ისინი ამაყები არიან, ჩვენ UFC-ის პირველი ჩემპიონი გვყავს. ქართველი გულშემატკივრები მუდამ ჩემ გვერდით იყვნენ, მადლობა მათ. ყველაფერს გავაკეთებ, რომ ისინი მომავალშიც გავახარო“, – განაცხადა დვალიშვილმა.
     

    ავტორი - ბექა ბლიაძე

     
×
×
  • შექმენი...