tvati

"ჩვენი ქვეყნის ერთ-ერთი მთავარი გამოწვევა დღეს არის კორუფცია და ერთ-ერთი ყველაზე მნიშვნელოვანი რეფორმა, რაც უნდა იყოს მთავრობისთვის და “ოცნებისთის”, ეს უნდა იყოს კორუფციის წინააღმდეგ ბრძოლა, ნაცვლად კორუფციის წინააღმდეგ ბრძოლისა, სამწუხაროდ ჩვენ ვხედავთ კორუფციის წახალისებას და ხელის დაფარებას. რამდენიმე კვირის წინანდელი ამბავი მინდა გაგახსენოთ, დიდი აჟიოტაჟით გვამცნეთ ყველას, რომ ვაპირებთ სამთავრობო განკარგულებების გამოქვეყნებასო, შემდეგ ისე მოხდა, რომ ეს სამთავრობო განკარგულებები, რომელთა გამოქვეყნებასაც ველოდით, არ გამოაქვეყნეთ და ისევ დამალულია თუ შენახულია. მე მაინტერესებს როდის აპირებთ ამ განკარგულებების გამოქვეყნებას? ბევრჯერ მოგიწოდეთ და კიდევ მოგიწოდებთ, ეს განკარგულებები გამოაქვეყნოთ, რადგან იქ არის უამრავი ინფორმაცია, მათ შორის, ინფორმაცია ჩვენიმოქალაქეების ქონებების გასხვისების შესახებ, რაზეც ჩვენს მოქალაქეებს აქვთ ლეგიტიმური უფლება იცოდნენ მათი ქონება ვინ გაასხვისა, ვისზე გაასხვისა, რა პირობებით გაასხვისა და რა რისკებს შეიცავდა ეს გასხვისება. საერთოდ გაუგებარია ამ ინფორმაციას ჯერ კიდევ რატომ მალავთ, რა მიზანს ემსახურება. მეორე საკითხს გეტყვით, როდესაც კორუფციაზე საუბრობთ, გამჭირვალობა არის კორუფციასთან ბრძოლის ერთ-ერთი მნიშვნელოვანი ინსტრუმენტი. თუ ამ გამჭირვალობის ელემენტარულ სტანდარტსაც კი არ დაიცავთ, მაშინ საერთოდ რა კორუფციაზე საუბრობთ. კიდევ ერთხელ მოგიწოდებთ ეს განკარგულებები გამოაქვეყნეთ, ნუ მალავთ, ადრე თუ გვიან მაინც გამოქვეყნდება და მაინც ყველა გაიგებს იმ პერიოდის განმავლობაში რა გასხვისდა, ვისზე გასხვისდა, რა პირობებით გასხვისდა და რა კორუფციულ რისკებს შეიცავდა. ასევე მინდა გაგახსენოთ 2020 წლის სამთავრობო პროგრამაში და არა მარტო 2020 წლის, შემდგომ უკვე ღარიბაშვილი, რომ ხდებოდა პრემიერი მაშინდელ სამთავრობო პროგრამაშიც, ერთ-ერთი მნიშვნელოვანი საკითხი რაც პროგრამაში იყო ხაზგასმული, ეს იყო საგადასახადო შეთანხმებების რეფორმა. მოგეხსენებათ საგადასახადო შეთანხმებები არის ის, რაც ყველაზე მეტად შეიცავს კორუფციულ რისკებს. მაშინ ჩვენ ვთქვით, რადგან ეს შეთანხმებები შეიცავდა სერიოზულ კორუფციულ რისკებს, ამას სჭირდება რეფორმა. ნაცვლად იმისა, რომ ამ რეფორმაზე გვემუშავა, ეს საკითხი ისევ მიტოვებულია და არავინ არ იცის ვის, რამდენი, რა პირობებით, რა შეღავათები უკეთდება. უნდა გვესმოდეს, რომ საგადასახადო შეთანხმებებს, გარდა კორუფციული ნიშნებისა, კიდევ ერთი ნეგატიური კომპონენტი აქვს და ეს არის კონკურენციის დარღვევა, პირდაპირ საბაზრო კონკურენციას არღვევს, რადგან ერთ სექტორში მომუშავე ორი კომპანიიდან, შეიძლება ერთი შეიძლება იხდიდეს სრულად გადასახადს და მეორე ამ დროს იღებდეს მთავრობისგან პრეფერენციებს, იღებდეს შეღავათებს არ იხდიდეს გადასახადებს. ჯერ ერთი აპირებთ თუ არა, და თუ არპირებთ, როდის ამ საკითხზე რეფორმების გატარებას. და ბოლოს, რადგან ეს ყველაფერი უკავშირდება კორუფციას და კორუფციასთან ბრძოლას. მაგალითად, ცოტა ხნის წინ მოგიწოდათ ოესიდიმ, რომ ერთ-ერთი მოწინავე იყავით კორუფციის წინააღმდეგ ბრძოლაშიო და რატომ არ უბრუნდებით მონიტორინგის პროგრამასო, მოგიწოდათ დაუბრუნდით მონიტორინგის პროგრამასო, რომელიც დაკავშირებულია კორუფციის კველვასთან. თუ გამჭირვალობაზე პრეტენზია გაქვთ, თუ ამბოთ, რომ კორუფციას ებრძვით, მაშინ გარდა ზემოაღნიშნული ორი საკითხისა, განკარგულებებისა და საგადასახადო შეთანხმებებისა, უნდა დავუბრუნდეთ ოისიდის მონიტორინგის პროგრამას. მაშინ, სხვაგვარად ნუ იტყვით, რომ კორუფციას ებრძვით. ეს არის მინიმალური სტანდარტები, რაზეც ჩვენ ვსაუბრობთ." მიშა დაუშვილი, პარტია "საქართველოსთვის" წევრი, დეპუტატი. ვიდეო: https://www.facebook.com/ForGeoGe/videos/781363746799439

„საქართველომ, ერთ დროს ლიდერმა ქვეყანამ, ანტიკორუფციული რეფორმების მიმართულებით რეგიონში - უარი თქვა ანტი-კორუფციული ღონისძიებების მონიტორინგისა და შეფასების მე-5 რაუნდში მონაწილეობაზე. ეთგო (OECD) მოუწოდებს საქართველოს, შეცვალოს ეს გადაწყვეტილება და შეუერთდეს მონიტორინგის პროგრამას, რათა მოახდინოს კორუფციის წინააღმდეგ ეფექტური ბრძოლა“ _ ეს არის ციტატა, OECD -ის პრეს რელიზიდან, რომელსაც საქართელოში უნდა შეეფასებინა ანტი-კორუფციული ღონისძიებების ეფექტიანობა, მათ შორის სისტემური, პოლიტიკური კორუფციის მიმართულებით. საქართველოს ხელისუფლებამ კი უარი თქვა მონიტორინგის ამ პროგრამაში მონაწილეობაზე! _ თქვენ ხომ ის ხელისუფლება ხართ, რომელიც ამბობს, რომ ქვეყანაში სისტემური კორუფცია არ არსებობს? _ თქვენ ხომ „მოვალოების მოხდის“ მიზნით შექმენით ანტიკორუფციული ბიურო და არა კორუფციასთან საბრძოლველად - იმიტომ რომ კორუფცია არ გაქვთ? _ ხოდა რისი გეშინიათ? რატომ არ შეუერთდით მონიტორინგის ამ რაუნდს? ხელისუფლება, რომელიც სუფთაა კორუფციაში, კიარ იმალება მსგავსი შეფასებისგან, პირიქით. თქვენ რას იმალებით? _ მე გეტყვით: იმიტომ რომ ეს არის სისტემური კორუფციის შეფასება და არა არის იმ რეიტინგების მსგავსი, ქუჩაში და იუსტიციის სახლის სერვისებში რომ აფასებს კორუფციას. _ ძალიან კარგად იცოდით, რომ OECD ამ მონიტორინგი ფარგლებში, მხოლოდ კითხვარებს კიარ დაგიგზავნიდათ შესავსებათ, არამედ სპეციალური მონიტორინგის ჯგუფს გამოგაზვნიდა რომელსაც მარტივად ვერ მოატყუებდით და დაალაგებდით. იცოდით რომ შეფასდებოდა ანტიკორუფციული პოიტიკა, საჯარო მოხელეების, მთავრობის წევრების, პარლამენტარების ინტერესთა კონფლიქტი და გამჭვირვალობა, სახელმწიფო შესყიდვები, სასამართლოს და პროკურატურის დამოუკიდებლობა... . _ აი ამას დაემალეთ - კორუფციაში მოტივტივე ხელისუფლება - სიმართლის გამოაშკარავებას დაემალეთ. • ეხლა დაიწყება თავის მართლება, ამ ორგანიზაციაზე თავდასხმაც შეიძლება იკადრონ, მაგრამ მოქალაქეები ხომ ხედავენ, რად უნდათ OECD ანგარიშები და დასკვნები. 5 თვეა პარლამენტში დავაინიცირეთ ჩვენი ინციატივა რომ ჩინოვნიკებს ქონებრივ დეკლარაციაში შეეყვანათ ოჯახის წევრები, მშობლები, დედმამიშვილები - რომ საზოგადოებას რეალურად ენახა მათთვის მოპარული კორუფციული ფული, როგორ ილექება პრივილეგირებული ოჯახების ანგარიშებზე. ამ ვალდებულებასაც რა თქმა უნდა გაურბიხართ, განხილვების დაწყებაც კი გეშინიათ. _ არგუმენტები შემოგეცალათ! კორუფცია, ჩვენნაირ გაჭირვებულ ქვეყანაში ღალატის ტოლფასია, აღარიბებს ჩვენს მოსახლეობას. უკვე არც რუსი ტურისტების წყალობა გშველით და ეს დროებითი ეფექტიც ჩამოიშალა. _ ქვეყნის ექსპორტი მცირდება - იმიტომ, რომ ევროკავშირის ეკონომიკაში ინტეგრაციას კიარა, რუსულ ბაზარზე ჩამოკიდებას შეუწყო ხელი ხელისუფლებამ; _ ქვეყანაში შემოსული ინვესტიციები - მცირდება, იმიტომ, რომ არავის უნდა კორუმპირებული სასამართლო სისტემის მქონე ქვეყანაში ფულის ჩადება. _ ააზვირთეთ პროპაგანდა საშუალო ხელფასის ზრდაზე, ქვეყანაში ასეულობით ათასი ადამიანი ხელფასად იღებს გროშებს, მაშინ, როდესაც ქვეყანაში მხოლოდ დასაქმებულთა 2% მთლიანი ყოველთვიური სახელფასო ფონდის 25% იღებს. _ ამიტომ, ხელისუფლებას ჩვენი მქოალაქეების მუქთად ხელფასს რომ უხდის, ზემოდან პოლიტიკური კორუფციით მილიონებს რომ იჯივაბს ეს ხალხი დამატებით - იქნება იმას მაინც მოაბათ თავი, რომ მიიღოთ კანონი მინიმალური ხელფასის დაწესებასთან დაკავშირებით; _ იქნებ ის მაინც მოახერხოთ, რომ ჩვენი ინიციატივა - საარსებო შემწეობის კანონით გარანტირებული ყოველწლიური ზრდის შესახებ - დააბრუნოთ განხილვის რეჟიმში პარლამენტში! _ არჩევნები მოდის, თქვენი პოლიტიკური დაისიც, მაგრამ რაღაც მნიშვნელოვან, ხელშესახებს მაინც დატოვებთ თქვენს პოლიტიკურ მემკვიდრეობად. დიდი მადლობა; ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

"საქართველომ, ერთ დროს ლიდერმა ქვეყანამ, ანტიკორუფციული რეფორმების მიმართულებით რეგიონში - უარი თქვა ანტი-კორუფციული ღონისძიებების მონიტორინგისა და შეფასების მე-5 რაუნდში მონაწილეობაზე. რისი გეშინიათ? რატომ არ შეუერთდით მონიტორინგის ამ რაუნდს? ხელისუფლება, რომელიც სუფთაა კორუფციაში, კიარ იმალება მსგავსი შეფასებისგან, პირიქით. თქვენ რატომ იმალებით? კორუფციაში მოტივტივე ხელისუფლება - სიმართლის გამოაშკარავებას დაემალეთ." ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/1088486532458328/

დნესტრისპირეთში საარჩევნო უბნების გახსნის გამო, მოლდოვამ რუსი დიპლომატი ქვეყნიდან გააძევა, - ამის შესახებ ინფორმაციას მოლდოვის საგარეო საქმეთა სამინისტრო ავრცელებს. დღეს, მოლდოვის საგარეო საქმეთა სამინისტროში რუსეთის ელჩი, ოლეგ ვასნეცოვი დაიბარეს და ერთ-ერთი რუსი დეპუტატის ქვეყნიდან გაძევების შესახებ აცნობეს. „ამ კონტექსტში, რუსეთის ელჩს ოფიციალურად ეცნობა, რომ საელჩოს ერთ-ერთი თანამშრომელი მოლდოვაში პერსონა ნონ გრატად გამოცხადდა და მან ქვეყანა უნდა დატოვოს“, - ნათქვამია მოლდოვის საგარეო საქმეთა სამინისტროს განცხადებაში. ასევე, დღეს, ტალინში რუსეთის საელჩოს ერთ-ერთ თანამშრომელს დიპლომატიური სტატუსი ესტონეთმაც შეუჩერა. ესტონეთში რუსეთის საელჩოს წარმომადგენელს განუცხადეს, რომ რუსეთის ქმედებებს, რომლებიც ესტონეთის დამოუკიდებლობასა და სუვერენიტეტს ეწინააღმდეგება ტალინი არ მოითმენს. „ესტონეთის რესპუბლიკის უსაფრთხოების წინააღმდეგ მიმართული ჰიბრიდული ოპერაციები, რომლებიც რუსეთის სადაზვერვო სამსახურების მიერ არის კოორდინირებული, უნდა შეწყდეს“, - აღნიშნა ესტონეთის საგარეო საქმეთა სამინისტრომ. იპნ

მამუკა მდინარაძე ლგბტ პროპაგანდის სახედ იქცა - ქვეყანაში მთავარი ლგბტ პროპაგანდისტი "ოცნებაა", - ამის შესახებ პარტია "საქართველოსთვის" დეპუტატმა, ანა ბუჩუკურმა ჟურნალისტებთან საბრისას განაცხადა. მისივე თქმით, მისი პარტია ლგბტ პროპაგანდის საწინააღმდეგო კანონპროექტის განხილვაში ჩაერთვება. "რა თქმა უნდა, ჩავერთვებით ამ კანონპროექტის განხილვაში. რაც შეეხება ზოგადად, პროპაგანდას - პროპაგანდა არის ყველაზე ცუდი. მათ შორის, განსაკუთრებით მძიმეა ბავშვების წინააღმდეგ მიმართული პროპაგანდა. დღეს იცით მთავარი ლგბტ პროპაგანდისტი ვინ არის ქვეყანაში? "ოცნება"! შედით "გუგლში", ჩაწერეთ ქართულად ლგბტ პროპაგანდა, გადადით სურათებში და თავში ამოაგდებს მხოლოდ და მხოლოდ მამუკა მდინარაძის სურათებს. იცით რატომ? ლგბტ პროპაგანდის სახედ იქცა ეს ადამიანი. ყველანაირი პროპაგანდა არის მიუღებელი. ჩემთვის ყველაზე ამორალურია, რომ დღეს "ოცნება" იქამდე მივიდა, რომ ისეთ ფასეულობებს და ღირებულებებს ამოეფარება ხოლმე, როგორც არის მაგალითად ეკლესია, რელიგიური გრძნობები, ოჯახური ღირებულებები, აგერ უკვე ბავშვები. ეს არის სირცხვილი და ამორალურობა. აი, აქამდე დავიდა "ოცნება", - განაცხადა ბუჩუკურმა. იპნ

"ხელისუფლებამ მავნებლური გადაწყვეტილება მიიღო და დატოვა ოესიდის ანტიკორუფციული ქსელი, რადგან დღევანდელი ხელისუფლება კორუფციას კი არ ებრძვის, კორუფციისთვის იბრძვის." ანა ბუჩუკური, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/986418569753471/

"ხელისუფლება სააკაშვილს სისტემურად აძლევს საქართველოს კანონმდებლობის დარღვევის საშუალებას, როცა სასამართლო სხდომაზე უცხო ქვეყნის მოქალაქე სააკაშვილს პარტიულ თათბირებს ატარებინებს." ანა ბუჩუკური, საპარლამენტო პოლიტიკური ჯგუფი "საქართველოსთის" წევრი.

"კორუფციული პროექტები კიდევ ერთი დასტურია იმისა, რომ ხელისუფლებას სრული თავისუფლება აქვს ფული კორუფციული დანაშაულებრივი გზით აკეთოს და სახელმწიფო სამსახური ქვეყნის და ხალხის მსახურების ნაცვლად, ქვეყნის და ხალხის ხარჯზე გამდიდრების სამსახურად იქცეს." შალვა კერესელიძე, პარტია "საქართველოსთვის" წევრი, დეპუტატი.

"საქართველო არის საკმაოდ რთული გამოწვევების წინაშე და ყველა საერთაშორისო გარანტია, რომელიც ჩვენს უსაფრთხოებას გააძლიერებს, არის მოსაძებნი და შესაქმნელი." ნატა საბანაძე - გიორგი გახარიას საერთაშორისო მრჩეველი; საერთაშორისო ურთიერთობების სამეფო ინსტიტუტი (ჩეთემ ჰაუსის) უფროსი მკვლევარი (Senior Research Fellow) ვიდეო: https://www.facebook.com/ForGeoGe/videos/934260031686989/

საქართველოში ბავშვები დასაცავები არიან პირველ რიგში - შიმშილისგან. - ქვეყანაში ვეჯახებით მდგომარეობას, რასაც ბავშვთა მალნუტრიცია ქვია. - ეს არის მდგომარეობა, რომელიც ვითარდება საკვების დეფიციტის დროს, ანუ მაშინ, როდესაც ბავშვი ვერ იღებს ყველა საჭირო საკვებ ნივთიერებას. ამ მდგომარეობას ხშირად „ფარულ შიმშილს“ უწოდებენ. - ხოლო ხანგრძლივი პერიოდის განმავლობაში კვებითი დეფიციტი იწვევს ზრდაში ჩამორჩენას და ხშირად იწვევს კოგნიტური განვითარების შეფერხებას (დაბალ მიღწევებს სკოლაში და ინტელექტუალური შესაძლებლობების შემცირებას). ანუ მარტივად რომ ვთქვათ, ასეთ მდგომარეობაში ბავშვი უბრალოდ ვერ ვითარდება. - 2022 წელს უნდა დაწყებულიყო საჯარო სკოლებში ე.წ. სასკოლო კვება. თუმცა ხელისუფლებამ ეს არჩევნებისთვის გადადო. - იმედია, ახლა მაინც გააკეთებთ, თქვენი ინტერესია! მაგრამ უნდა გაკეთდეს ხარისხიანად, როგორც იყო დაგეგმილი და არა მორიგი კორუფციული სქემებით - რამდენიმე ადამიანის ჯიბის გასავსებად. ბავშვებზე ლაპარაკი! საქართველოში ბავშვები დასაცავები არიან გაჭირვებისგან. - ჯანდაცვის სოციალური მომსახურების სააგენტოს ოფიციალური მონაცამებით საქართველოში საარსებო შემწეობას იღებს 175 585 ბავშვი. საქართველოში ბავშვები დასაცავები არიან პედოფილებისგან. საქართველოში ბავშვები დასაცავები არიან ადრეულ ასაკში ქორწინებისგან. - სახალხო დამცველის ბოლო გამოქვეყნებული ანგარიშის მიხედვით, „2022 წელს 815 არასრულწლოვანი ორსული დარეგისტრირდა, ხოლო არასრულწლოვანთა მშობიარობის რიცხვი 434-ს აღწევს.“ საქართველოში ბავშვები დასაცავები არიან უდედოდ და უმამოდ გაზრდისგან - წარმოუდგენელია იმ ბავშვების დათვლა, რომელთა მშობლები, ხშირ შემთხვევაში - დედები, სოციალური და ეკონომიკური სირთულეების გამო მოშორებულები არიან საკუთარ შვილებს, ოჯახებს, სამშობლოს და ევროპასა და ამერიკაში არიან იძულებით სამუშაოდ გადასახლებულები. საქართველოში ბავშვები დასაცავები არიან გაუნათლებლობისგან. - OECD-ის მოსწავლეთა შეფასების საერთაშორისო პროგრამის (PISA) ბოლო კვლევის მიხედვით, რომელიც 81 ქვეყნის მონაცემებს აერთიანებს, საქართველო OECD-ის საშუალო მაჩვენებლებს მის სამივე ნაწილში ჩამორჩება. - ამავე კვლევის მიხედვით კი წაკითხულის გააზრების მხრივ ქართველი მოსწავლეების მაჩვენებელი გაუარესდა. ასე, რომ დიახ, სამწუხაროდ - საქართველოში ბავშვები დასაცავები არიან! მაგრამ ხელისუფლებას ეს ბავშვები, ისიც დროებით, მხოლოდ არჩევნების წინ ახსენდება რატომღაც. ამას არ ჰქვია ბავშვებზე ზრუნვა. ეს მხოლოდ საკუთარი ძალაუფლების და პირადი კეთილდღეობის გახანგრძლივების მცდელობებია. კიდევ ერთხელ მოვუწუდებთ ხელისუფლებას - რაც შეიძლება სწრაფად დაიწყოს საჯარო სკოლებში ბავშვთა კვების უზრუნველყოფა და ნუ დაელოდებით არჩევნებს! შიმშილობენ ეს ბავშვები! ანა ბუჩუკური, საპარლამენტო პოლიტიკური ჯგუფი "საქართველოსთვის" წევრი.

გიორგი გახარია ეკონომიკური თანამშრომლობის და განვითარების ორგანიზაციის 14 მარტის ანგარიშზე: “ბოლოდროინდელი მოვლენები ნათლად ხსნის „მიზეზებს“, რის გამოც საქართველოს მთავრობამ ეკონომიკური თანამშრომლობისა და განვითარების ორგანიზაციის ანტი-კორუფციული ქსელი დატოვა 2023 წელს. ოცნებას არ უნდოდა საერთაშორისო შეფასებაში მოხვედრილიყო ელიტური/პოლიტიკური კორუფციისთვის მის მიერ ანთებული მწვანე შუქი და უარი ნამდვილ ანტი-კორუფციულ რეფორმებზე. საქართველო, ერთ დროს ლიდერი ანტი-კორუფციულ რეფორმებში, გახდა პირველი ქვეყანა, რომელმაც უარი თქვა შეფასებაზე ივანიშვილის და მისი პარტიის კორუფციული ინტერესების დასაცავად”.

ბუქარესტის სამიტის გადაწყვეტილება გულისხმობს იმას, რომ საქართველო გახდება ნატო-ს ალიანსის წევრი სახელმწიფო,- ამის შესახებ ნატო-ს გენერალურმა მდივანმა იენს სტოლტენბერგმა მთავრობის ადმინისტრაციაში, პრემიერ-მინისტრ ირაკლი კობახიძესთან ერთობლივად გამართულ ბრიფინგზე განაცხადა. ამასთან, როგორც ჩრდილოატლანტიკური ალიანსის გენერალურმა მდივანმა აღნიშნა, საქართველოში უნდა განხორციელდეს, გაგრძელდეს რეფორმები სამართლის უზენაესობის მიმართულებით, თავისუფალი და ღია საპარლამენტო არჩევნების ჩათვლით. „რამდენიმე დღის წინ, თურქული სამხედრო ბრიგადა ეწვია ბათუმს და შეხვდა ქართველ პარტნიორებს. ეს არის ერთ-ერთი იმის მაგალითი, თუ როგორ ვთანამშრომლობთ რეგიონში, ერთმანეთს ვუზიარებთ შესაძლებლობებს და ვუძლიერებთ პოტენციალს. ამით დასტურდება, რამდენად მნიშვნელოვანია ნატო-სთვის საქართველო. ეს მიმართულება გრძელდება უფრო ძლიერი და დემოკრატიული მიმართულებების უზრუნველსაყოფად, ინტეგრაციისთვის, მათ შორის ბუქარესტის გადაწყვეტილება გულისხმობს იმას, რომ საქართველო გახდება ნატო-ს ალიანსის წევრი სახელმწიფო. კანდიდატის სტატუსი, რომელიც მიენიჭა საქართველოს, ევროპული საბჭოს მიერ გააძლიერებს კეთილდღეობის მისწრაფებებს და ამ მიმართულებით სულისკვეთებას ქვეყანაში. ჩვენ ხელ და ხელ ვივლით წინ ნატო-ს მიმართულებით. მნიშვნელოვანია აღინიშნოს, რომ საქართველოში უნდა განხორციელდეს, გაგრძელდეს ადგილობრივი რეფორმები სამართლის უზენაესობის მიმართულებით, თავისუფალი და ღია საპარლამენტო არჩევნების ჩათვლით. ბატონო პრემიერ-მინისტრო, კიდევ ერთხელ გიხდით მადლობას მასპინძლობისთვის და პირადი ერთგულებისთვის ნატო-საქართველოს პარტნიორობის მიმართ“, - განაცხადა სტოლტენბერგმა. ცნობისთვის, 17-19 მარტის პერიოდში, ნატო-ს გენერალური მდივანი იენს სტოლტენბერგი აზერბაიჯანს, საქართველოსა და სომხეთს სტუმრობს. იპნ

ბედნიერი ვარ, რომ დაბადებული ვარ 18 მარტს და არა 5 მარტს, თორემ ვიღაცები კიდევ რაღაცას დამაბრალებდნენ, - ამის შესახებ საქართველოს პრეზიდენტმა, სალომე ზურაბიშვილმა „ინსტაგრამზე“ გამოქვეყნებულ ვიდეომიმართვაში განაცხადა, სადაც დაბადების დღის მილოცვისთვის მადლობას იხდის. „დიდი მადლობა მინდა მოგახსენოთ ამდენი მოლოცვისთვის, ამდენი სითბოსთვის, ამდენი კეთილი სურვილისთვის. მინდა, ასევე, გითხრათ, რომ მე ვარ დღეს ძალიან ბედნიერი, ბედნიერი იმითაც, რომ ვარ დაბადებული 18 მარტს და არა 5 მარტს, თორემ ვიღაც ვიღაცები კიდევ რაღაცას დამაბრალებდნენ“, - აცხადებს ზურაბიშვილი. შეგახსენებთ, დღეს საქართველოს პარლამენტის იურიდიულ საკითხთა კომიტეტის თავმჯდომარე, ანრი ოხანაშვილმა განაცხადა, რომ „საარჩევნო კოდექსში“ ცვლილებებთან დაკავშირებით პრეზიდენტის ვეტო არის მეხუთე, რაც სიმბოლურია. „შეგვიძლია დავასკვნათ, რომ სიმბოლურია ის, რომ პრეზიდენტის ვეტო არის მეხუთე. ეს მეხუთე რას ნიშნავს და ვისთან ასოცირდება, ჩვენმა საზოგადოებამ ძალიან კარგად იცის. სამწუხარო და ძალიან მძიმეა, როცა ასეთი უსუსური პოზიციით ხდება მოტივირებული შენიშვნების წარმოდგენა. ეს უნდა იყოს ნამდვილად მოტივირებული და არგუმენტირებული და არა რომელიმე პოლიტიკური ჯგუფის ინტერესებით ორიენტირებული. თუ ნეიტრალურობაზე პრეტენზია აქვს პრეზიდენტს, მაშინ მინიმალურ ტესტს უნდა აბარებდეს და ეს მინიმალური ტესტი დიდი ხანია მან ვერ ჩააბარა, ვერ გადალახა ყოველგვარი ნეიტრალურობის ზღვარი. ეს სამწუხაროა“,- განაცხადა ანრი ოხანაშვილმა. იპნ

2024 წელი გამორჩეული საარჩევნო წელია, მაგრამ დემოკრატიულმა სახელმწიფოებმა დეზინფორმაციასთან საბრძოლველად მეტი უნდა გააკეთონ, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა. აშშ-ის სახელმწიფო მდივანმა, ენტონი ბლინკენმა განაცხადა, რომ სხვადასხვა ავტორიტარული მთავრობები საარჩევნო პროცესებში ჩაერევიან, ხოლო აშშ რუსეთისა და ჩინეთის მიერ დეზინფორმაციის გავრცელების მცდელობებისთვის წინააღმდეგობის გაწევას გააგრძელებს. „მიმდინარე წელს, მსოფლიოს მოსახლეობის თითქმის ნახევარი არჩევნებში მიიღებს მონაწილეობას, მსოფლიოს სხვადასხვა ქვეყანაში გამორჩეული საარჩევნო წელია. მაგრამ მოქალაქეები და კანდიდატები სიცრუის ნაკადს წააწყდებიან, რომელიც სერიოზულ საჯარო დებატებს ჩაახშობს“, - განაცხადა ენტონი ბლინკენმა. ენტონი ბლინკენმა აღნიშნა, რომ დემოკრატიულმა სახელმწიფოებმა დეზინფორმაციასთან საბრძოლველად მეტი უნდა გააკეთონ, მათ შორის სოციალური მედიის კომპანიების წახალისებით, რათა ხელოვნური ინტელექტის მიერ შექმნილი ყალბი შინაარსის ინფორმაციის გამოვლენა მოხდეს. „ჩვენი კონკურენტები და მოწინააღმდეგეები დეზინფორმაციის საშუალებით ჩვენს დემოკრატიებში არსებული ბზარების გამოყენებასა და ჩვენი ინსტიტუტების დისკრედიტაციას ახდენენ. ციფრული ტექნოლოგია, სოციალური მედია და ახლა ხელოვნური ინტელექტი ცვლილებების ისედაც წარმოუდგენლად სწრაფ ტემპს მკვეთრად აჩქარებს, მაგრამ ასევე, ამ ამაჩქარებელმა დეზინფორმაციის ტალღები შექმნა, რომელიც პოლარიზაციას და დაბნეულობას აძლიერებს“, - აღნიშნა აშშ-ის სახელმწიფო მდივანმა. იპნ

"ოცნება" მძიმე საკანონმდებლო ჩარევებით ცდილობს სრულად დაიქვემდებაროს ცენტრალური საარჩევნო კომისია. ერთს ამბობენ, მეორეს აკეთებენ, ეს "ოცნების" სტილი გახდა და გააკეთეს ის, რომ ცესკოს სრულად გააკონტროლებენ. 2024 წლის მნიშვნელოვანი არჩევნების წინ, იმის ნაცვლად, რომ ცესკოს მაღალ ლეგიტიმაციაზე და რეპუტაციაზე ზრუნავდნენ, მის მიმართ ნდობას აქრობენ." მიშა დაუშვილი.

გი­ორ­გი გა­ხა­რია პრე­მი­ერ-მი­ნის­ტრო­ბი­დან წას­ვლის შემ­დეგ, პირ­ვე­ლად ძმებ არ­ვე­ლა­ძე­ებ­თან ერ­თად გა­მოჩ­ნდა. მა­შინ ყო­ფი­ლი პრე­მი­ე­რი ფეხ­ბურ­თე­ლი ძმე­ბის სა­ო­ჯა­ხო ბიზ­ნესს, მოც­ვის ბა­ღებს სტუმ­რობ­და. მალე გა­ხა­რი­ამ სა­კუ­თა­რი პარ­ტი­ის შექ­მნა და ყო­ველ­დღი­უ­რად ვრცელ­დე­ბო­და ინ­ფორ­მა­ცია, რომ არ­ვე­ლა­ძე­ე­ბი ექ­სპრე­მი­ე­რის პო­ლი­ტი­კუ­რი მხარ­დამ­ჭე­რე­ბი იყ­ვნენ. ასე­ვე ამ­ბობ­დნენ, რომ თბი­ლი­სის მე­რო­ბის კან­დი­და­ტი პარ­ტი­ი­დან აჩი არ­ვე­ლა­ძე იქ­ნე­ბო­და. მარ­თა­ლია, არ­ცერ­თი არ­ვე­ლა­ძე არ აღ­მოჩ­ნდა გა­ხა­რი­ას პარ­ტი­ის წევ­რი, მაგ­რამ რო­გორც გა­ვარ­კვი­ეთ, თბი­ლი­სის საკ­რე­ბუ­ლოს წევ­რო­ბის კან­დი­დატ­თა პრო­პორ­ცი­უ­ლი სი­ა­ში რი­გით მე­სა­მე ნო­მე­რი სა­ლო­მე კო­ბა­ლა­ძე, აჩი არ­ვე­ლა­ძის ცო­ლის, თინი კო­ბა­ლა­ძის დაა. სა­ლო­მე ერთ-ერ­თია გა­ხა­რი­ას გუნ­დი­დან, რო­მე­ლიც საკ­რე­ბუ­ლოს დე­პუ­ტა­ტი გახ­და. სა­ლო­მეს და თი­ნის სა­კუ­თა­რი გი­ნე­კო­ლო­გი­უ­რი კლი­ნი­კა აქვთ. მი­უ­ხე­და­ვად ასა­კი­სა, სა­ლო­მე უკვე ბე­ბია და მის ერ­თა­დერთ ვაჟს, ტყუ­პი გო­გო­ნა და ბიჭი ჰყავს - სა­ლო­მე თქვენ­ზე მოგ­ვი­ყე­ვით, ბავ­შვო­ბა­ზე, ოჯახ­ზე... - გა­ვი­ზარ­დე ძა­ლი­ან მო­სიყ­ვა­რუ­ლე გა­რე­მო­ში, ტრა­დი­ცი­ულ და მე­გობ­რულ ოჯახ­ში; ლაღი, ბედ­ნი­ე­რი და უზ­რუნ­ვე­ლი ბავ­შვო­ბა მქონ­და. - ექი­მე­ბის ოჯახ­ში გა­ი­ზარ­დეთ, თუმ­ცა პრო­ფე­სი­ის არ­ჩე­ვი­სას არ­ჩე­ვა­ნი ბიზ­ნე­სად­მი­ნის­ტრი­რე­ბა­ზე გა­ა­კე­თეთ... - მე ყო­ველ­თვის სი­ახ­ლის ძი­ე­ბა­ში გახ­ლდით, მა­შინ კი ეს ახა­ლი გა­მოწ­ვე­ვა იყო. მა­მა­მაც მო­მი­წო­ნა არ­ჩე­ვა­ნი. ჩვე­ნი ოჯა­ხის ტრა­დი­ცია ჩემ­მა დამ გა­აგ­რძე­ლა. - თქვე­ნი კა­რი­ე­რა რო­გორ გაგ­რძელ­და, რას საქ­მი­ა­ნობ­დით იქამ­დე, სა­ნამ დას­თან ერ­თად სა­კუ­თარ კლი­ნი­კას გახ­სნი­დით? - 20 წე­ლი­წად­ზე მეტი ვი­მუ­შა­ვე სა­ერ­თა­შო­რი­სო კომ­პა­ნი­ა­ში, სა­დაც შიდა კა­რი­ე­რუ­ლი ზრდა და წინსვლა მქონ­და სხვა­დას­ხვა სფე­რო­ში. - შემ­დეგ თქვენს ცხოვ­რე­ბა­ში პო­ლი­ტი­კა მო­ვი­და, რო­გორ მი­ი­ღეთ ეს სა­პა­სუ­ხიმ­გებ­ლო გა­და­წყვე­ტი­ლე­ბა და რა­ტომ გი­ორ­გი გა­ხა­რი­ას გუნ­დი? - შო­რი­დან კრი­ტი­კას ვამ­ჯო­ბი­ნე თა­ვად მი­მე­ღო ცვლი­ლე­ბებ­ში მო­ნა­წი­ლე­ო­ბა პრინ­ცი­პით - თუ გინ­და რამე კარ­გად გა­მო­გი­ვი­დეს, თა­ვად უნდა გა­ა­კე­თო. რაც შე­ე­ხე­ბა გა­ხა­რი­ას - ბა­ტო­ნი გი­ორ­გის ხედ­ვა სრულ თან­ხვედ­რა­შია ჩემს მიერ და­ნა­ხულ მო­მა­ვალ­თან, მისი გუნ­დი კი ის ხალ­ხია, ვინც შეძ­ლებს ეს მო­მა­ვა­ლი რე­ა­ლო­ბად აქ­ცი­ოს. - ოჯახ­მა, ახ­ლობ­ლებ­მა რო­გორ მი­ი­ღეს თქვე­ნი გა­და­წყვე­ტი­ლე­ბა? - ჩემი ოჯა­ხის წევ­რე­ბი პა­ტივს სცე­მენ ერ­თმა­ნე­თის გა­და­წყვე­ტი­ლე­ბებს, მხარს უჭე­რენ და გვერ­დში უდ­გა­ნან. რაც შე­ე­ხე­ბა ახ­ლობ­ლებს, დიდი მად­ლო­ბა თი­თო­ე­ულ მათ­განს ნდო­ბი­სა და მხარ­და­ჭე­რი­სათ­ვის. - რო­გორ და­ა­ხა­სი­ა­თებ­დით გი­ორ­გი გა­ხა­რი­ას რო­გორც უფ­როსს? - ჩემი პრო­ფე­სი­უ­ლი საქ­მი­ა­ნო­ბა ყო­ველ­თვის და­კავ­ში­რე­ბუ­ლი იყო თა­ნა­მედ­რო­ვე ხედ­ვებ­თან, გან­ვი­თა­რე­ბა­სა და პროგ­რეს­თან, რაც ჩემი ცხოვ­რე­ბის წე­სად იქცა. სწო­რედ ამ ფა­სე­უ­ლო­ბებს ვხე­დავ მე ბა­ტონ გი­ორ­გი გა­ხა­რი­ა­ში, რა­მაც გა­ნა­პი­რო­ბა ჩემი მის გუნდში ყოფ­ნა. - სა­ლო­მე, თქვე­ნი და თინი კო­ბა­ლა­ძე აჩი არ­ვე­ლა­ძის მე­უღ­ლეა, თუმ­ცა სა­ზო­გა­დო­ე­ბა­ში გა­მო­ჩე­ნა და ინ­ტერ­ვი­უ­ე­ბი ნაკ­ლე­ბად უყ­ვარს, რას გვე­ტყვით ცნო­ბილ და და სი­ძე­ზე? - ჩემი და და სიძე, ჩემი ცხოვ­რე­ბის გა­ნუ­ყო­ფე­ლი ნა­წი­ლი, ჩემ­თვის ყვე­ლა­ზე სან­დო და სა­ი­მე­დო ადა­მი­ა­ნე­ბი არი­ან. - წი­ნა­სა­არ­ჩევ­ნოდ ბევ­რს სა­უბ­რობ­დნენ, რომ ძმე­ბი არ­ვე­ლა­ძე­ე­ბი­დან ერთ-ერთი აუ­ცი­ლებ­ლად იქ­ნე­ბო­და მე­რო­ბის კან­დი­და­ტი, თუმ­ცა ასე არ მოხ­და... - ალ­ბათ, ჩვე­ნი გუნ­დის გულ­შე­მატ­კივ­რო­ბის გამო გაჩ­ნდა სა­ზო­გა­დო­ე­ბა­ში ეს აზრი, თუმ­ცა ამ თე­მა­ზე სა­უ­ბა­რი არ ყო­ფი­ლა. სა­ლო­მე კო­ბა­ლა­ძე დას­თან, თინი კო­ბა­ლა­ძეს­თან ერ­თად - რა პრო­ფი­ლით აპი­რებთ საკ­რე­ბუ­ლო­ში მუ­შა­ო­ბას, რისი გა­მოს­წო­რე­ბა გინ­დათ თბი­ლის­ში? - გა­მო­სას­წო­რე­ბე­ლი და შე­საც­ვლე­ლი ძა­ლი­ან ბევ­რია, ჩვე­ნი გუნ­დი ძა­ლის­ხმე­ვას არ და­ი­შუ­რებს, რად­გან ჩვე­ნი პრინ­ცი­პი სწო­რედ ამა­ში მდგო­მა­რე­ობს, რომ მო­ქა­ლა­ქე­ე­ბის კონ­კრე­ტულ პრობ­ლე­მებ­ზე მუ­შა­ო­ბით, საქ­მით შევ­ცვლით, ეზო­ე­ბი­დან და ქა­ლა­ქე­ბი­დან... - სა­ლო­მე, და­სას­რულს გკი­თხავთ, პო­ლი­ტი­კას თან ახ­ლავს მუდ­მი­ვი კრი­ტი­კა სა­ზო­გა­დო­ე­ბის მხრი­დან, რამ­დე­ნად მზად ხართ იმის­თვის, რომ თქვენც გა­გაკ­რი­ტი­კე­ბენ? - ჯან­სა­ღი კრი­ტი­კა მი­სა­ღე­ბია და ხან­და­ხან აუ­ცი­ლე­ბე­ლიც. იმედს ვი­ტო­ვებ, რომ სა­ზო­გა­დო­ე­ბის გა­ღი­ზი­ა­ნე­ბას არ გა­მო­ვიწ­ვევ. ჩვე­ნი გუნ­დის მი­ზა­ნია ხალ­ხის ნდო­ბა გა­ვა­მარ­თლოთ. ავტორი:ნინო გიგიშვილი

"ისეთი ქალაქები, როგორიც არის თბილისი და ბათუმი, ქვეყნის მთლიან ეკონომიკას უნდა ექაჩებოდეს წინ, ამის ნაცვლად, კორუფციის ჭაობში არიან ჩაფლული. არც ერთი მერისგან ან მმართველი რგოლისგან არ მოგვისმენია ისეთი ამბიციური პროექტები, როგორიცაა ახალი მეტროს ხაზები თბილისში, ტრამვაი ბათუმში,რასაც ჩვენ ვთავაზობთ საზოგადოებას, რადგან მათ ურჩევნიათ მოკლევადი პროექტები, საიდანაც მარტივად იშოვიან კორუფციულ ფულს." ბექა ლილუაშვილი, საპარლამენტო პოლიტიკური ჯგუფი "საქართველოსთვის" წევრი. ვიდეო: https://www.facebook.com/ForGeoGe/videos/782890683760747/

ნატო-ს გენერალური მდივანი, იენს სტოლტენბერგი საქართველოშია. ჩრდილო-ატლანტიკური ალიანსის ხელმძღვანელის თვითმფრინავი თბილისის საერთაშორისო აეროპორტში ცოტა ხნის წინ დაჯდა. სტოლტენბერგს აეროპორტში საქართველოს საგარეო საქმეთა მინისტრი, ილია დარჩიაშვილი და ნატო-ში საქართველოს ელჩი, ვიქტორ დოლიძე დახვდნენ. დღეს, 14:50 საათზე, მთავრობის ადმინისტრაციაში საქართველოს პრემიერ-მინისტრ ირაკლი კობახიძისა და ნატო-ს გენერალური მდივნის, იენს სტოლტენბერგის შეხვედრა გაიმართება, რომლის შემდეგაც მედიისთვის ერთობლივი განცხადებები გაკეთდება. ასევე, ნატო-ს გენერალური მდივანი შეხვედრას გამართავს ქვეყნის პრეზიდენტთან, სალომე ზურაბიშვილთან. 17-19 მარტის პერიოდში, ნატო-ს გენერალური მდივანი იენს სტოლტენბერგი აზერბაიჯანს, საქართველოსა და სომხეთს სტუმრობს. შეგახსენებთ, ნატო-ს გენერალური მდივანი საქართველოში ბოლოს 2019 იმყოფებოდა. იპნ

სისტემა, რომელიც მოსკოვურ იმპერიალიზმს მართავს, არ გაჩერდება, ვიდრე ის გადამწყვეტად არ დამარცხდება, – ამის შესახებ ევროპარლამენტარი ანა ფოტიგა სოციალურ ქსელში წერს. ფოტიგას თქმით, 25 წლის წინ პუტინს ძალაუფლება მისცეს იმისთვის, რათა ბოროტების იმპერია ხელახლა აეშენებინა. „ისტორიიდან ვიცით, რომ ასეთი დიქტატორების დაცემა საარჩევნო უბნებთან არ ხდება. სისტემა, რომელიც მოსკოვურ იმპერიალიზმს მართავს, არ გაჩერდება, ვიდრე ის გადამწყვეტად არ დამარცხდება“, – წერს ფოტიგა. ავტორი - თამთა რუხაძე

საქართველოს საგარეო საქმეთა სამინისტრო საქართველოს ოკუპირებულ რეგიონებში რუსეთის საპრეზიდენტო არჩევნების უკანონოდ ჩატარებასთან დაკავშირებით განცხადებას ავრცელებს. როგორც საქართველოს საგარეო უწყებაში აცხადებენ, საქართველოს საგარეო საქმეთა სამინისტრო გმობს საქართველოს ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარებას და საარჩევნო უბნების უკანონოდ გახსნას, მასში ადგილობრივი მოსახლეობის მასიურად ჩართვის მიზნით. საქართველოს საგარეო საქმეთა სამინისტროს განცხადებაში ნათქვამია, რომ აღნიშნული ქმედება წარმოადგენს რუსეთის ფედერაციის მხრიდან საქართველოს სუვერენიტეტისა და ტერიტორიული მთლიანობის წინააღმდეგ მიმართულ ნაბიჯს, რომელიც უხეშად არღვევს საერთაშორისო სამართლის ფუნდამენტურ პრინციპებსა და ნორმებს, და სრულად უგულებელყოფს გაერო-ს წესდებასა და ჰელსინკის დასკვნით აქტს. „ოკუპირებულ რეგიონებში ნებისმიერი არჩევნების ჩატარება უკანონოა ოკუპაციის ფონზე, რაც დადგენილია მათ შორის საერთაშორისო სასამართლოებით, და იმ პირობებში, როცა ოკუპირებული ტერიტორიებიდან ეთნიკური წმენდის შედეგად გამოდევნილ მოსახლეობას კვლავ არ ეძლევა საკუთარ სახლში დაბრუნების შესაძლებლობა. საქართველოს საგარეო საქმეთა სამინისტრო მოუწოდებს რუსეთის ფედერაციას, შეწყვიტოს საქართველოს სუვერენიტეტისა და ტერიტორიული მთლიანობის წინააღმდეგ მიმართული ქმედებები და შეასრულოს თავისი საერთაშორისო ვალდებულებები, მათ შორის ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შეთანხმება. საქართველოს საგარეო საქმეთა სამინისტრო მიმართავს საერთაშორისო თანამეგობრობას, სათანადო შეფასება მისცეს და რეაგირება მოახდინოს ოკუპირებულ რეგიონებში რუსეთის მორიგ უკანონო ქმედებებზე, რომლებიც მიმართულია საქართველოს სუვერენიტეტისა და ტერიტორიული მთლიანობის ხელყოფისაკენ“, – ნათქვამია განცხადებაში. 1ტვ

გარემოს ეროვნული სააგენტო საქართველოში მოსალოდნელი ამინდის შესახებ მოსახლეობას აფრთხილებს. სინოპტიკოსების პროგნოზით, 19 მარტიდან 20 მარტის დღის მეორე ნახევრამდე საქართველოში მოსალოდნელია წვიმა, მაღალ მთაში – თოვლი, ზოგან – ძლიერი, შესაძლებელია ნისლი. „მოსალოდნელმა ნალექმა საქართველოს მდინარეებზე, შესაძლებელია, წყლის დონეების მნიშვნელოვანი მატება, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო მაღალმთიან რეგიონებში ზვავების ფორმირება გამოიწვიოს. ხილვადობის გაუარესებისა და ზვავსაშიშროების გამო საავტომობილო გზების ცალკეულ მონაკვეთებზე, შესაძლებელია, შეიზღუდოს ტრანსპორტის მოძრაობა“, – აღნიშნულია გარემოს ეროვნული სააგენტოს ინფორმაციაში. 1ტვ

სამხრეთ ოსეთის დე ფაქტო რესპუბლიკის რუსეთის საელჩოს მინისტრმა და მრჩეველმა ალექსანდრ ჟუროვმა ადგილობრივ მედიასთან განაცხადა, რომ სამხრეთ ოსეთში მცხოვრები მოსახლეობის 97%-მა ხმა მოქმედ პრეზიდენტ ვლადიმერ პუტინს მისცა. რუსეთის საელჩოს წინასწარი მონაცემებით, დე ფაქტო რესპუბლიკის 12 საარჩევნო უბანზე 17 ათასამდე ამომრჩეველი მივიდა ხმის მისაცემად. რუსეთის ფედერაციის კომუნისტური პარტიის კანდიდატმა ნიკოლაი ხარიტონოვმა და “ახალი ხალხის” კანდიდატმა ვლადისლავ დავანკოვმა ხმების 1%, ხოლო რუსეთის ლიბერალ დემოკარატიული პარტიის წარმომადგენელმა ლეონიდ სლუცკიმ 0.7% დააგროვეს. ადგილობრივი მედიის ინფორმაციით, საელჩო საბოლოო მონაცემებს ყველა ხმის დათვლის შემდეგ გამოაქვეყნებს. რუსეთის ფედერაციის საპრეზიდენტო არჩევნები 2024 წლის 15-17 მარტს გაიმართა. რუსეთის ცესკოს პირველადი მონაცემებით, საპრეზიდენტო არჩევნებში, რომელიც რეალური ოპოზიციის გარეშე ჩატარდა, ვლადიმერ პუტინი იმარჯვებს. არჩევნების პირველადი შედეგებით (დათვლილია ხმების 25%) პუტინი 88%-ს აგროვებს. არჩევნებში ფორმალურად ოთხი კანდიდატი მონაწილეობს: ვლადიმერ პუტინი, ლეონიდ სლუცკი (ლიბერალ-დემოკრატიული პარტია), ნიკოლაი ხარიტონოვი (კომუნისტური პარტია) და ვლადისლავ დავანკოვი (ახალი ხალხი). „მედუზას“ ინფორმაციით, პუტინის კონკურენტები წინასაარჩევნო კამპანიის დროს მისი კრიტიკისგან თავს იკავებდნენ. რუსეთის ცენტრალურმა საარჩევნო კომისიამ არჩევნებში მონაწილეობის უფლება არ მისცა რეალური ოპოზიციის არც ერთ წარმომადგენელს და არც ომის მოწინააღმდეგე პოზიციის მქონე კანდიდატს. ნეტგაზეთი

სტრასბურგის ყოფილი მოსამართლე ნონა წოწორია უარყოფს ქართველი მოსამართლის, ლევან თევზაძის მიერ გავრცელებულ ინფორმაციას, რომ მან უკრაინაში მოსამართლეების კეთილსინდისიერების (ე.წ. ვეტინგი) შემოწმების პროცესში მიიღო მონაწილეობა, რის შედეგადაც შერჩეული უზენაესი სასამართლოს თავმჯდომარე ქრთამის ფაქტზე დააკავეს. როგორც ნონა წოწორია აცხადებს, პირიქით, მან იმ გენპროკურორის შერჩევაში მიიღო მონაწილეობა, რომელმაც ზემოხსენებული უზენაესი სასამართლოს მოსამართლე დააკავა “ეს ის იშვიათი შემთხვევაა, როცა ჩემზე გავრცელებულ ინფორმაციას უნდა გამოვეხმაურო. უკრაინაში მოსამართლეების ვეტინგის პროცესში მე არ ვმონაწილეობდი. მე ვმონაწილეობდი გენერალური პროკურორის მოადგილის/ მთავარი ანტიკორუფციული პროკურორის შერჩევის პროცესში, რომელმაც უკრაინის უზენაესი სასამართლოს თავმჯდომარე ქრთამის ფაქტზე დააკავა. რაღაც ისეთი მაინც მოიტყუონ, ადვილად რომ არ იძებნებოდეს”, – აცხადებს ნონა წოწორია. ლევან თევზაძე უზენაესი სასამართლოს მოსამართლე წევრია და მოიაზრება სასამართლო სისტემაში არსებულ გავლენიან ჯგუფში, რომელსაც კრიტიკოსები “კლანად” მოიხსენიებენ. თავად ეს მოსამართლეები კლანის არსებობას უარყოფენ. ამ ჯგუფის ლიდერებად მოაზრებული ადამიანები გასულ წელს სასამართლომ დაასანქცირა. ლევან თევზაძემ წოწორიაზე კომენტარი მოსამართლე სერგო მეთოფიშვილის ფეიბუკ-პოსტზე დატოვა, სადაც ეს უკანასკნელიც აკრიტიკებდა მოსამართლეთა კეთილსინდისიერების გადამოწმების მექანიზმს. “ერთსაც მივამატებდი, ე.წ. ვეტინგი უკრაინაში ჩაატარა საერთაშორისო ექსპერტმა ნონა წოწორიამ, ზურაბ ადეიშვილის პირველმა მოადგილემ, არ გეჩვენებათ, მან ჩაატარა და ძალიან მალევე მათი შერჩეული უზენაესი სასამართლოს თავმჯდომარე განსაკუთრებით დიდი ოდენობით ქრთამის აღების ფაქტზე (რამდენიმე მილიონის) დააკავეს”, – დაწერა მოსამართლე თევზაძემ. „ქართული ოცნება“ უარს ამბობს, დანერგოს მექანიზმი, რომელიც სასამართლო სისტემაში მნიშვნელოვანი თანამდებობის მქონე მოსამართლეების კეთილსინდისიერების ხელახლა შეფასებას ითვალისწინებს. მმართველ პარტიაში ცდილობენ, ე.წ. ვეტინგი ოპოზიციისა და არასამთავრობო ორგანიზაციების ინიციატივად წარმოაჩინონ, თუმცა, იმ ყველაფერს, რაც ამ ინსტრუმენტის უკან დგას, საქართველოსაგან სინამდვილეში ევროკომისია ითხოვს. “ოცნების” კიდევ ერთი არგუმენტი სუვერენიტეტს ეხება, რასაც მისი ოპონენტები არ იზიარებენ. ვრცლად ამ თემაზე წაიკითხეთ: რას ნიშნავს „ოცნების“ უარი სასამართლო სისტემაში „ვეტინგზე“ საქართველოს ხელისუფლებას ევროკომისიის ამ რეკომენდაციის შესრულებისკენ მოუწოდებენ სამოქალაქო ორგანიზაციები. ხუთმა მათგანმა განცხადება 13 მარტსაც გაავრცელა და უზენაესი სასამართლოს პოზიციასაც გამოეხმაურა. „საერთაშორისო გამჭვირვალობა – საქართველო“, „საქართველოს დემოკრატიული ინიციატივა“, „საქართველოს სასამართლოს გუშაგი“, „დემოკრატიის მცველები“ და „სამოქალაქო საზოგადოების ფონდი“ აღნიშნავს, რომ ხელისუფლების რიტორიკას სწორედ ის პირები შეუერთდნენ და კეთილსინდისიერების შემოწმების იდეას სწორედ ის მოსამართლეები დაუპირისპირდნენ, რომელთა კეთილსინდისიერების მიმართაც საზოგადოების მხრიდან ბევრი კითხვა არსებობს. განცხადების ავტორები არ ეთანხმებიან უზენაესი სასამართლოს სახელით გავრცელებული წერილის შინაარსსაც, სადაც ნათქვამია, რომ ,,ვეტინგი“ არ მიეკუთვნება საერთაშორისო სტანდარტს და უზენაესი სასამართლოს მოსამართლეები დამატებით შემოწმებას არ საჭიროებენ, რადგან მოსამრთელეების კეთილსინდისიერება თანამდებობაზე არჩევის პროცესში უკვე გადამოწმდა: ყოველივე ზემოაღნიშნულის გათვალისწინებით, ხუთი არასამთავრობო ორგანიზაცია მიიჩნევს, რომ ხელისუფლებამ დროულად უნდა აღიაროს სასამართლო სისტემაში არსებული პრობლემები და დაიწყოს სწორედ იმ ნაბიჯების გადადგმა, რომლებიც ევროკომისიის მიერ დამტკიცებული 9 ნაბიჯითაა გათვალისწინებული.

ზიადინ ჰუსეინლი ერთ-ერთია იმ ეთნიკური აზერბაიჯანელებიდან, რომლებმაც ქართული ენის სწავლისთვის ფული გადაიხადა 1+4 პროგრამაში, რათა შემდგომ სწავლა უმაღლეს სასწავლებელში გაეგრძელებინა. ამიტომ 2024 წლის 5 თებერვალს საქართველოს პარლამენტში, კომიტეტების ერთობლივ სხდომაზე, შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა ფაქტობრივად იცრუა, როცა ტყუილი უწოდა იმ ფაქტს, რომ ეთნიკური უმცირესობების წარმომადგენლები სახელმწიფო ენის სწავლებაში თანხას იხდიან. 1+4 პროგრამით სახელმწიფო აქამდე მხოლოდ 100 აზერბაიჯანელ სტუდენტს უფინანსებდა სწავლას, 15 მარტს განათლების სამინისტროს გავრცელებული ინფორმაციით კი, 2024-2025 სასწავლო წლიდან ქართული ენის მომზადების საგანმანათლებლო პროგრამაზე(1+4) ჩარიცხულ სტუდენტთა სახელმწიფო სასწავლო გრანტით დაფინანსება გაორმაგდება და სწავლა ყოველწლიურად 100 სომხურენოვანი და 100 აზერბაიჯანულენოვანი სტუდენტის ნაცვლად 200-200 სტუდენტს დაუფინანსდება. ეთნიკური უმცირესობების წარმომადგენელთა განცხადებით, ძალიან დაბალი რიცხვია აბიტურიენტთა გაზრდილი რაოდენობის ფონზე და ეს კვოტაც უნდა გაიზარდოს. ზიადინ ჰუსეინლი, რომელმაც სკოლა მარნეულში დაამთავრა და ახლა აპირებს, ეთნიკური უმცირესობებით დასახლებულ სოფლებში ქართული ასწავლოს, “ნეტგაზეთს” თავის გამოცდილებას უზიარებს – როგორ ისწავლა სახელმწიფო ენა და როგორ ჩააბარა სახელმწიფო უნივერსიტეტებში იურიდიულ ფაკულტეტზე. “ვუახლოვდები იმ ადგილს, სადაც მინდა, რომ ვიყო” მარნეულის მუნიციპალიტეტის სოფელი კირიხლოდან ვარ. ამჟამად თარჯიმნად ვმუშაობ, ვთარგმნი აზერბაიჯანულიდან ქართულ ენაზე. სტაჟირება გავიარე სამოქალაქო საზოგადოების ფონდში, სადაც განვახორციელეთ პროექტი „საკვირაო სკოლა“. ამ პროექტის ფარგლებში ყველა ჩადის და თავისი სოფლის სკოლაში ატარებს არაფორმალურ ლექციებს. მე ჩავდივარ და ახალი მეთოდებით ვატარებ გაკვეთილებს ჩემს სოფელში – თამაშით, დიალოგით და ა.შ. მე-7 კლასიდან მე-11 კლასის ჩათვლით ბავშვებს ჩავუტარე გაკვეთილები სხვადასხვა მნიშვნელოვან თემებზე. მასალა შეიძლება თავიდან გაუგებარი იყო მათთვის, მაგრამ მეგობრული გარემო გვქონდა და გაუგებარ თემებს ერთად განვიხილავდით. სკოლაში რომ ვსწავლობდი, სამწუხაროდ, ასეთი პროექტები არ იყო, არადა ძალიან დაგვეხმარებოდა ენის უკეთ სწავლაში. მე ვცხოვრობდი სოფელში, სადაც საკუთარი თავის განვითარების შესაძლებლობა არ მქონდა. ყოველთვის მინდოდა, რომ მესწავლა და სოფლიდან გავსულიყავი. ერთადერთი შანსი ის იყო, რომ ჩამებარებინა უნივერსიტეტში და ამესრულებინა ჩემი ოცნებები. ჩავაბარე. ვისწავლე 5 წელი. რთული იყო, მაგრამ მაინც შევძელი. ახლა ჯერ იმ ადგილას არ ვარ, სადაც მინდა, მაგრამ უფრო ახლოს ვარ, ვიდრე ვიყავი ადრე და ვუახლოვდები იმ ადგილს, სადაც მინდა, რომ ვიყო. “მე ვუთარგმნი ხოლმე მამაჩემს, როცა ვერ იგებს ქართულს” ორი და მყავს, მაგრამ არცერთმა არ იცის ქართული. ჩემზე დიდები არიან და მათ არ მოუწიათ ქართული ენის მოსამზადებელი კურსები და წავიდნენ აზერბაიჯანში. რომ ჰქონოდათ ეს შესაძლებლობა, არ წავიდოდნენ და აქ შეძლებდნენ სწავლას. დედაჩემმა საერთოდ არ იცის სახელმწიფო ენა. მამაჩემმა იცის ცოტათი, კომუნიკაციის დონეზე, რადგან მუშაობს ქართველებთან ერთად. სჭირდება ქართული ენა, მაგრამ არ ჰქონდა პირობები, რომ ესწავლა. მერიას და სახელმწიფო უწყებებს მომსახურებისთვის არ ჰყავთ თარჯიმანი, რომელიც აზერბაიჯანულენოვან მოსახლეობას დაეხმარება, მიუხედავად იმისა, რომ მარნეულის მოსახლეობის დიდმა ნაწილმა არ იცის ქართული კარგად. მე ვუთარგმნი ხოლმე მამაჩემს, როცა ვერ იგებს ქართულს. ჩემს მშობლებს სულ დადებითი დამოკიდებულება ჰქონდა ჩემი სწავლის მიმართ და უნდოდათ, რომ მესწავლა. როგორ ვისწავლე ქართული წესით, სწავლა საბავშვო ბაღში სიარულით უნდა დავიწყოთ, მაგრამ ჩვენთან თითქმის არ არსებობს საბავშვო ბაღები. მე პირადად ვერ ვიარე ფიზიკურად საბავშვო ბაღში იმიტომ, რომ ჩემს სოფელში არ იყო. თითქმის არ მქონდა ქართველებთან და ქართულ ენასთან შეხება “პროექტის მასწავლებლის” ჩვენს სოფელში ჩამოსვლამდე. ასე ვეძახდით ხოლმე მარნეულში პროექტის ფარგლებში ჩამოსულ ქართული ენის მასწავლებლებს. მე-6 კლასში ბანაკში ვიყავი ქართველებთან ერთად, მაგრამ საერთოდ არ მქონია კომუნიკაცია მათთან იმიტომ, რომ ქართული არ ვიცოდი და ვერ ვამყარებდი მათთან კონტაქტს. მეექვსე კლასში ვსწავლობდი, როცა პირველად ჩამოვიდა ის “პროექტის” მასწავლებელი. ზოგადად, კარგად იყო ყველაფერი ჩემს შემთხვევაში – კარგად მასწავლიდა, მის დახმარებით ვისწავლეთ, რაც ვისწავლეთ, და იმის მერე გავაგრძელეთ 1+4 პროგრამაში სწავლა. თუმცა ყველა აზერბაიჯანულენოვან სკოლაში ასე არ უმართლებს ყველას. სკოლაში ქართული, როგორც უცხო ენა, ეგრე ისწავლებოდა. ყოველდღე ვსწავლობდი. ხუთი დღე კვირაში, მეექვსე კლასიდან. ჩვენ კი დავიწყეთ მეექვსე კლასში ქართულის სწავლა, მაგრამ მეთორმეტე კლასში ვსწავლობდით მერვე კლასის სახელმძღვანელოდან. გვიან რო დავიწყეთ, იმის გამო, ალბათ. არაფორმალური განათლება ქართული ენის სწავლისას მე-9 კლასში რომ ვიყავი, მოსწავლეთა ბანაკში წავედი და ძალიან კარგი გამოცდილება იყო, ვინაიდან გვიწევდა კომუნიკაცია ქართულად და ეს გვეხმარებოდა სწავლაში. ეს იყო 12- დღიანი ბანაკი ბაკურიანში. ესეების კონკურსში გავიმარჯვე და იქ ვიყავით ამ კონკურსის გამარჯვებულები. იქ იყვნენ ქართველი ტრენერები და ლიდერები, რომელთანაც გვიწევდა ქართულად საუბარი. ჯგუფში მხოლოდ ეთნიკური აზერბაიჯანელები და სომხები ვიყავით და სომხებთან და ტრენერებთან ქართულად ვლაპარაკობდით. ასეთი ბანაკები მეხმარებოდა, ენა დამეხვეწა და პრაქტიკაში გამომეყენებინა, რისი საშუალებაც არ მქონდა ჩემს სოფელში. არაფორმალური განათლებაც რომ იყოს, ქართული ენის სწავლის პროცესში ძალიან დაგვეხმარებოდა. მაგალითად, გაკვეთილების გარდა, რომ იყოს სხვა რესურსი, მაგალითად, ფილმებს რომ ვუყუროთ მეგობრულ გარემოში, ან ტრენინგები და ა.შ . სკოლის გარდა არ იყო ასეთი შესაძლებლობა ჩემს სოფელში. ამიტომ მარნეულში დავდიოდი განათლების სამინისტროს სსიპ ზურაბ ჟვანიას სახელობის სახელმწიფო ენის შემსწავლელ ცენტრში. სკოლის შემდეგ მივდიოდი და იქ გავდიოდით ქართული ენის კურსს. სკოლაში ოთხი კომპონენტიდან სამს ვსწავლობდით- ვკითხულობდით, ვწერდით და ვლაპარაკობდით, მაგრამ არ გვქონდა შესაძლებლობა მოსმენის. ზურაბ ჟვანიას სახელობის ენის სწავლების ცენტრში უფრო მრავალფეროვანი და საინტერესო იყო სწავლა. იქ ეთნიკურად სომხებიც იყვნენ და მათთან ორი საათის განმავლობაში ვლაპარაკობდით ქართულად. ერთხელ მე-11 კლასში წავედით ქუთაისში, სადაც არის ამ ცენტრის მთავარი ფილიალი. სამ -ვირიანი კურსი იყო, დილის 10-დან საღამოს 6 საათამდე ვმეცადინეობდით ქართულ ენას. ეს იყო კარგი შესაძლებლობა და გამოცდილება. ჩემი აზრით, ქართულის სწავლება ჯერ სკოლებში უნდა იყოს მაღალ დონეზე, რადგან შემდეგ თუ უნივერსიტეტში მივდივართ, იქაც ვიცოდეთ და თუ არ მივდივართ, აღარ გვინდა სწავლის გაგრძელება, ამ შემთხვევაშიც ვიცოდეთ ქართული, რადგან ქართულის ცოდნა გვჭირდება ყოველდღიურ ცხოვრებაშიც. 1+4 პროგრამა აზერბაიჯანული სკოლის დასრულებისთანავე ჩავაბარე უნივერსიტეტში. ეროვნული გამოცდა ეთნიკური უმცირესობებისთვის მხოლოდ ზოგადი უნარებია. ამ გამოცდის ქულის მიხედვით ვხვდებით უნივერსიტეტში. ამის შემდეგ არის 1+4 პროგრამა, რომელიც ქართული ენის სწავლა-გაუმჯობესებაში გვეხმარება და შემდეგ პირველ კურსზე ვირიცხებით. მე უნარებში 28 ქულა ავიღე, რაც ძაან დაბალია და ვერ მოვხვდი იმ 100 ადამიანში, რომელიც ფინანსდება სახელმწიფოსგან. ყოველ წელს მხოლოდ ას აბიტურიენტს აქვს შესაძლებლობა, რომ მოიპოვოს გრანტი, არადა ასი ძალიან ცოტაა. ვფიქრობ, რომ მეტი ადამიანი უნდა ფინანსდებოდეს. როცა 1+4 პროგრამა დაინერგა, მაშინ ძალიან ცოტა აბარებდა, ასი კარგი ციფრი იყო, ახლა ძალიან ბევრს უნდა უნივერსიტეტში ჩაბარება. თუ სკოლაში რამე ისწავლე ქართულად, თუ ქართული ენის რაღაც დონეზე ხარ, უფრო ადვილია, რომ ისწავლო მოსამზადებელ კურსზე. თუ ძალიან დაბალ დონეზე ხარ, სკოლაში ვერ ისწავლე ქართული ენა, მაშინ ძალიან რთულია ამ პროგრამაშიც სწავლა. ზოგადად რთულია ამ ერთი წლის განმავლობაში სწავლა და უფრო მეტი დრო გინდა, რომ დახარჯო მეცადინეობაზე და სწავლაზე. მინისტრმა თქვა, სიცრუეა, რომ ენის სწავლებაში ეთნიკური უმცირესობები ფულს იხდიანო. ეს არ არის სიმართლე – ჩვენ, ეთნიკურ უმცირესობებს გვიწევს საფასურის გადახდა ქართულის სწავლებაში. მაგალითად, ჩემს შემთხვევაში – მე თან ვმუშაობდი მაღაზიაში, რომ ქართული ენის სწავლის საფასური გადამეხადა. ღამის ცვლაში ვმუშაობდი მაღაზიაში და მერე ლექციაზე მივდიოდი და ძაან რთული იყო. ღამის ცვლიდან მივდიოდი უნივერსიტეტში, ან უნივერსიტეტიდან სამსახურში და მიჭირდა თან სწავლა და თან მუშაობა. უნივერსიტეტი წარმატებულად დავამთავრე 1+4 პროგრამის ქართული ენის კურსი, შემდეგ იურიდიულ ფაკულტეტზე ვსწავლობდი, თუმცა ეს იურიდიული ტერმინოლოგიები ძალიან უცხო იყო ჩემთვის. ჩემი კურსელები ერთხელ ან ორჯერ კითხულობდნენ ერთ მასალას. მე ვკითხულობდი ათჯერ, რომ გამეგო რამე, შემდეგ ვთარგმნიდი, შემდეგ უნდა დამეზეპირებინა. რამდენიმე პროცესი იყო ჩემთვის, ალბათ, სხვებთან უფრო განსხვავებულად იყო. პირველ კურსზე დაბალი ქულები მქონდა, კმაყოფილი არ ვიყავი, მაგრამ სხვა გზა არ მქონდა – ვიცოდი, რომ ვერ ვწერდი და უნდა გამეუმჯობესებინა. სადღაც მეორე-მესამე სემესტრში გამიადვილდა უფრო წერა და ვიგებდი, რასაც ვკითხულობდი. ლექციების პარალელურად ლიტერატურასაც ვკითხულობდი ქართულად, რომ მივჩვეოდი ენას. კიდევ ერთი პრობლემა ის არის, რომ ჩვენ, ეთნიკური უმცირესობები, ვერ ვსარგებლობთ უფასო ფაკულტეტებით. თუ უკვე ისარგებლე 1+4 პროგრამით, სახელმწიფო აღარ გაძლევს შესაძლებლობას უფასოდ ისწავლო ისეთ ფაკულტეტებზე, რომლებიც უფასოა. მაგალითად, ჩემ გარშემო ეთნიკური ქართველები რომ სწავლობენ ფიზიკის ან ქართული ფილოლოგიის მიმართულებით უფასოდ, ჩვენს შემთხვევაში ვიხდით ამაში ფულს. ეს, ჩემი აზრით, არის უსამართლობა. მე მოსამზადებელი კურსი რომ დავამთავრე, არ ვიცოდი, სად გავაგრძელებდი- სამართალზე თუ ფილოლოგიაზე. მერე ვთქვი, რომ რახან ორივეში ფული უნდა გადავიხადო, იურიდიულზე ჩავაბარებ. უფასო რომ ყოფილიყო ქართულ ფილოლოგიაზე სწავლა 1+4 პროგრამის სტუდენტებისთვის, აუცილებლად ქართულ ფილოლოგიაზე ჩავაბარებდი. ახლა ვაპირებ ჩავაბარო მასწავლებლის საკვალიფიკაციო გამოცდა და გავიარო კურსები და გავხდე ქართულის მასწავლებელი და ვასწავლო ეთნიკური უმცირესობებით დასახლებულ სოფლებში. ნეტგაზეთი

საქართველოს პრეზიდენტის საპარლამენტო მდივნის, გიორგი მსხილაძის განცხადებით, თუ პარლამენტი “საარჩევნო კოდექსში” დაგეგმილ ცვლილებებზე პრეზიდენტის ვეტოს დაძლევს და მმართველი პარტიის ვერსისას დაამტკიცებს, მივიღებთ ერთპარტიულად დაკომპლექტებულ ცენტრალურ საარჩევნო კომისიას. დღეს, 18 მარტს პარლამენტმა საარჩევნო კანონმდებლობასა და რეგლამენტში შეტანილი ცვლილებთან დაკავშირებით პრეზიდენტის ვეტოს – მოტივირებული შენიშვნების განხილვა დაიწყო. გიორგი მსხილაძემ მოტივირებული შენიშვნები იურიდიულ საკითხთა კომიტეტის სხდომაზე წარადგინა. მისი თქმით, პრეზიდენტის ადმინისტრაციის არგუმენტია, რომ არჩევნების სამართლიან გარემოში ჩასატარებლად, პარლამენტმა ვენეციის კომისიის და ეუთო/ოდირის ერთობლივი დასკვნა და შენიშვნები გაითვალისწინოს. პარლამენტის იურიდიულ საკითხთა კომიტეტზე საარჩევნო კოდექსში შესატანი ცვლილებების „ქართული ოცნების” ვარიანტს მხარი ერთხმად დაუჭირეს. მოტივირებული შენიშვნების მომხრე არავინ აღმოჩნდა. ვეტოს დასაძლევად უმრავლესობის, 76 დეპუტატის ხმაა საჭირო. საპარლამენტო უმრავლესობა მის დაძლევაზე უკვე შეთანხმდა. მოტივირებულ შენიშვნებში პრეზიდენტი პარლამენტს სთავაზობს, ცესკოს თავმჯდომარისა და წევრობის კანდიდატების შერჩევისა და პარლამენტისთვის წარდგენის უფლებამოსილება მას დაუბრუნდეს. ეს ცვლილება საარჩევნო კოდექსში შარშან შევიდა – პრეზიდენტის აღნიშნული უფლებამოსილება პარლამენტის თავმჯდომარეს გადაეცა. ასევე, მოტივირებული შენიშვნებით საქართველოს პრეზიდენტი სთავაზობს პარლამენტს ცესკოს თავმჯდომარის და ე.წ. პროფესიული წევრების არჩევისათვის განისაზღვროს სამმეხუთედიანი უმრავლესობა, (როგორც ეს განისაზღვრა სახალხო დამცველის არჩევის შემთხვევაში), ხოლო თუ კანდიდატი ვერ მიიღებს 3/5 -ის უმრავლესობის ხმებს, 1/2 -ის უმრავლესობით კანდიდატი არჩეული იქნება 6 თვის ვადით. ცესკოს მიმართ ნდობის მაღალი ხარისხის უზრუნველსაყოფად მნიშვნელოვანია, რომ შენარჩუნდეს ოპოზიციური პარტიების მიერ დანიშნული ცესკოს წევრებიდან არჩეული თავმჯდომარის მოადგილე და აღჭურვილი იყოს სათანადო უფლებამოსილებებით. რაც ეხება ცესკოს თავმჯდომარის არყოფნისას მისი უფლებამოსილების განხორციელებას, საქართველოს პრეზიდენტი სთავაზობს პარლამენტს, ეს უფლებამოსილება განახორციელოს თავმჯდომარის იმ არაპარტიულმა მოადგილემ, რომელიც არჩეულია პარლამენტის მიერ, ხოლო მისი არყოფნის შემთხვევაში კი, ცესკოში ოპოზიციის კვოტით დანიშნულმა მოადგილემ. პუბლიკა