tvati

სახალხო დამცველი, ლევან იოსელიანი პარლამენტში ონლაინმედიების აკრედიტებული ჟურნალისტების არ შეშვებასთან დაკავშირებით ამბობს, რომ „ყველა აკრედიტებულ მედიას უნდა მიეცეს საშუალება პარლამენტში იყოს”. რუსული კანონის განხილვისას ონლაინმედიის აკრედიტებულ ჟურნალისტებს პარლამენტში არ უშვებენ. პარლამენტის მიერ ოფიციალურად გავრცელებულ განცხადებაში წერია, რომ „შეზღუდვა არ შეეხება ტელემაუწყებლების/ტელემედია საშუალებების აკრედიტებულ ჟურნალისტებს”. პუბლიკა ასევე იხილეთ ოხანაშვილი ჟურნალისტების სხდომაზე არ დასწრებაზე: ტყუილია 15 აპრილი, 2024

ეპიზოდი #11: „ოცნების“ შავ ფულზე, ტელევიზიებზე, დამალულ ივანიშვილზე:

გიორგი გახარია: "მოვიდა დრო, ივანიშვილმა ოფიციალურად აიღოს პასუხისმგებლობა ხელისუფლებაზე და წარადგინოს საკუთარი თავი პრემიერად. ეს სამარცხვინო მდგომარეობა მისი პატარა მშიშარა კლოუნების მონაწილეობით, რაც ყოველ დღე სულ უფრო აზიანებს ჩვენს ქვეყანას, უნდა დასრულდეს!"

ბექა ლილუაშვილის სიტყვა სხდომაზე, სადაც „ოცნება" ე.წ რუსულ კანონს განიხილავს: GO899Rm8jeVSpdYCAOLDWBXTPPlkbmdjAAAF.mp4

ბატონი ოხანაშვილი რეგლამენტის სრული დარღვევით აგრძელებს სხდომას, საქართველოს პარლამენტის რეგლამენტი უკვე მერადმენედ საჯაროდ გადახია ამ ხალხმა. არანაირი პატივისცემა და კანონის დაცვა აქ არ არის. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/347262621680246/

პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი ონლაინმედიების პარლამენტში არშეშვებაზე დეზინფორმაციას ავრცელებს და ამბობს, რომ „ტყულია” ინფორმაცია კომიტეტზე მედიასაშუალებების ჟურნალისტების არ დაშვებასთან დაკავშირებით. ამის შესახებ მან საპარლამენტო ჯგუფის „ევროოპტიმისტების“ წევრის, ხატია დეკანოიძის კითხვის საპასუხოდ თქვა. „დღეს ამ სხდომაზე დასწრების უფლება არ მიეცა ძალიან ბევრი მედიასაშუალების ჟურნალისტს”, – განაცხადა დეკანოიძემ, რის შემდეგაც ოხანაშვილმა მას მიკროფონი გაუთიშა და განაცხადა, რომ „ეს არის ტყუილი”. როგორც ოხანაშვილმა აღნიშნა, მისი ვალდებულებაა დეზინფორმაციის დროს გათიშოს მიკროფონი და თქვას სიმართლე. ჟურნალისტების არ დაშვების გამო, „ლელოს” წევრმა, ანა ნაცვლიშვილმა კომიტეტის თავმჯდომარეს მიმართა, რომ წარმოადგინოს დასაბუთება – რატომ არ არიან ონლაინმედიების წარმომადგენლები სხდომაზე. „ყველა წარმოდგენილია, ყველა ორგანიზაცია, რომლებსაც აქვთ პრეტენზია, რომ კომპეტენტურ აზრს ქმნიან. დარბაზია სავსე და ამბობთ, რომ ხალხი არ არის დაშვებულიო“, – უპასუხა ოხანაშვილმა. რუსული კანონის განხილვისას ონლაინმედიის აკრედიტებულ ჟურნალისტებს პარლამენტში არ უშვებენ. პარლამენტის მიერ ოფიციალურად გავრცელებულ განცხადებაში წერია, რომ „შეზღუდვა არ შეეხება ტელემაუწყებლების/ტელემედია საშუალებების აკრედიტებულ ჟურნალისტებს”. პუბლიკა

საქართველოს პარლამენტში დღეს კომიტეტის სხდომაზე რუსული კანონის განხილვა დაიწყო. პარალელურად, გარეთ მიმდინარეობს აქცია, სადაც შეკრებილები არიან მედიის წარმომადგენლებიც. მათ თან აქვთ ბანერები „არა რუსულ კანონს” და უმრავლესობის წევრებს პროექტის გაწვევისკენ მოუწოდებენ. გუშინ პარლამენტის თავმჯდომარემ, შალვა პაპუაშვილმა მიიღო გადაწყვეტილება რუსული კანონის განხილვის დროს, „უსაფრთხოების” მოტივით, შეეზღუდა ვიზიტორთა რაოდენობა, რის გამოც დღეს საკანონმდებლო ორგანოში არ დაიშვებიან ონლაინმედიის აკრედიტებული ჟურნალისტები. პუბლიკა

დებატი ჩატარდა ბერლინში პრემიერთა შორის! სათქმელიც ითქვა: კანონი არაა ევროპული, არც მისი დაბრუნება წარადგება ევროპულ მიზანს! მეტი რა?!, - ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს. ცნობისთვის, „უცხოური გავლენის გამჭვირვალობის შესახებ“ კანონპროექტის განხილვა დაიწყო. ინიციატივას პარლამენტის იურიდიულ საკითხთა კომიტეტი პროტესტის ფონზე განიხილავს. იპნ

პარლამენტში „უცხოური გავლენის გამჭვირვალობის შესახებ“ კანონპროექტის განხილვა დაიწყო. ფრაქცია „ქართული ოცნების" მიერ წარდგენილ პროექტს დღეს იურიდიულ საკითხთა კომიტეტი, პირველი მოსმენით განიხილავს. მასთან ერთად განიხილავენ ორ ალტერნატიულ პროექტს - ერთია, „ოკუპანტი ქვეყნის - რუსეთის ფედერაციის გავლენებისგან დაცვის შესახებ" პროექტი და თანმდევი "სისხლის სამართლის კოდექსში" შესატანი ცვლილებები, ხოლო მეორე - „გრანტების შესახებ" კანონსა და „ბუღალტრული აღრიცხვის, ანგარიშგებისა და აუდიტის შესახებ" კანონში მომზადებული ცვლილებები. „უცხოური გავლენის გამჭვირვალობის შესახებ" კანონის პროექტი შინაარსით გასულ წელს ინიცირებული და საპროტესტო აქციების ფონზე "ჩაგდებული" პროექტის იდენტურია. კანონპროექტი "გამჭვირვალობის უზრუნველყოფის მიზნით", უცხოური ძალის ინტერესების გამტარებელ ორგანიზაციად ისეთი არასამეწარმეო (არაკომერციული) იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის გარკვეული მოცულობა - კერძოდ კი, 20%-ზე მეტი - უცხოეთიდან არის მიღებული. კანონპროექტის მიხედვით, ყველა, ვინც "უცხოური ძალის ინტერესების გამტარებელ ორგანიზაციად" მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. რეგისტრაციის დროს აუცილებელი იქნება მიღებული შემოსავლების ასახვა. ამავდროულად, ორგანიზაციებს საფინანსო დეკლარაციის ყოველწლიურად შევსების ვალდებულება ექნებათ. კანონპროექტი "უცხოური ძალის ინტერესების გამტარებელ ორგანიზაციის გამოსავლენად" იუსტიციის სამინისტროს უფლებამოსილებას ანიჭებს ნებისმიერ დროს კვლევა ჩაატაროს და საკითხის შესწავლა-მონიტორინგი განახორციელოს. პროექტით, მონიტორინგის დაწყების საფუძველი იქნება იუსტიციის სამინისტროს შესაბამისი უფლებამოსილი პირის გადაწყვეტილება და იუსტიციის სამინისტროსთვის წარდგენილი წერილობითი განცხადება, რომელიც "უცხოური ძალის ინტერესების გამტარებელ კონკრეტულ ორგანიზაციასთან დაკავშირებულ სათანადო მინიშნებას შეიცავს". პროექტის გათვალისწინებით, თუ მონიტორინგის შედეგად გამოვლინდა, რომ სუბიექტი უცხოური ძალის ინტერესების გამტარებელი ორგანიზაციის კრიტერიუმებს აკმაყოფილებს, მაგრამ მან უცხოური ძალის ინტერესების გამტარებელ ორგანიზაციად რეგისტრაციას თავი აარიდა, სააგენტო, იუსტიციის სამინისტროს "შესაბამისი უფლებამოსილი პირის მიმართვის საფუძველზე", მას უცხოური ძალის ინტერესების გამტარებელ ორგანიზაციად დაარეგისტრირებს, რაც აღნიშნულ სუბიექტს კანონით გათვალისწინებული პასუხისმგებლობისგან არ გაათავისუფლებს. უცხოური ძალის ინტერესების გამტარებელ ორგანიზაციად რეგისტრაციისთვის თავის არიდება ან დეკლარაციის არ შევსება გამოიწვევს ორგანიზაციის დაჯარიმებას 25 ათასი ლარის ოდენობით. პროექტით ასევე გათვალისწინებულია შემდეგი სახის ჯარიმები: - იუსტიციის სამინისტროს ვებგვერდზე დაშვებიდან 10 სამუშაო დღის ვადაში, თუ ორგანიზაცია არ შეავსებს განაცხადის ფორმას - 10 ათასი ლარი; დოკუმენტებში ხარვეზების განსაზღვრულ ვადაში არ გამოსწორების შემთხვევაში - 10 ათასი ლარი; კანონით გათვალისწინებული სამართალდარღვევის ერთი თვის შემდეგ ჩადენა - 20 ათასი ლარი. რაც შეეხება ალტერნატიულ კანონპროექტებს, ის საპარლამენტო პოლიტიკური ჯგუფის "საქართველოსთვის" წევრების მიერ არის ინიცირებული. "ოკუპანტი ქვეყნის - რუსეთის ფედერაციის გავლენებისგან დაცვის შესახებ" პროექტით განისაზღვრება ოკუპანტი ქვეყნის - რუსეთის ფედერაციის ძალა, ოკუპანტი ქვეყნის გავლენის აგენტი, ხოლო ოკუპანტი ქვეყნის ინტერესებიდან გამომდინარე და მის სასარგებლოდ ისეთი საქმიანობები იკრძალება, რომლებიც მიზნად ისახავს საქართველოს ეროვნული ინტერესების დაზიანებას, მათ შორის - ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის ხელის შეშლას. "გრანტების შესახებ" კანონსა და "ბუღალტრული აღრიცხვის, ანგარიშგებისა და აუდიტის შესახებ" კანონში მომზადებული ცვლილებებით, რაც "უცხოური გავლენის გამჭვირვალობის შესახებ" კანონპროექტის კიდევ ერთი ალტერნატივაა, ნებისმიერი როგორც ქართული, ასევე უცხოური წყაროებიდან დაფინანსებული გრანტის მიმღები ვალდებული იქნება შესაბამის ორგანოს წარუდგინოს საქმიანობის წლიური ანგარიში საანგარიშო წლის დასრულებიდან სამი თვის ვადაში. წლიური ანგარიში უნდა მოიცავდეს ინფორმაციას გრანტის მიმღების მიერ საანგარიშო წლის განმავლობაში მიღებული თითოეული გრანტის შესახებ, მათ შორის გრანტის გაცემის მიზანი, მოცულობა და სხვა ძირითადი მოთხოვნების შესახებ, რომელიც ასახულია საგრანტო ხელშეკრულებაში. იპნ

თუ „ქართული ოცნება“ სახელს ვერ დაარქმევს მტერს და ვერ მიმართავს თავის რუსულ კანონს კონკრეტულად ოკუპანტის წინააღმდეგ, მაშინ საზოგადოება კიდევ ერთხელ დაინახავს, რომ მათ აქვთ ერთადერთი მიზანი, გამოგონილი გამჭვირვალობის საფარქვეშ, საზოგადოება დაყონ აგენტებად და მოღალატეებად და ერთმანეთს დაუპირისპირონ, - ამის შესახებ პარტია „საქართველოსთვის“ დეპუტატმა ბექა ლილუაშვილმა განაცხადა. მისივე თქმით, ყველა დეპუტატმა მტერს უნდა დაარქვას მტერი და მოყვარეს მოყვარე. „მოვუწოდებთ ხელისუფლებას, უკან გაიწვიოს რუსული კანონი. არც ჩვენ და არც ჩვენი ქვეყნის მოქალაქეები არ დავუჭერთ მხარს კანონს, რომელიც ეწინააღმდეგება ეროვნულ ინტერესებს. ჩვენი მხარს დავუჭერთ ერთადერთ კანონს, რომელიც აკმაყოფილებს საქართველოს ეროვნულ ინტერესებში შემავალ 2 პირობას: პირველი: კანონი უნდა გვიცავდეს მტრებისგან, კონკრეტულად კი, ოკუპანტი სახელმწიფოს მტრული გავლენებისგან. მეორე: კანონი არ უნდა ხლეჩდეს და აპირისპირებდეს საზოგადოებას, მათი ნაწილის აგენტებად და მოღალატეებად გაფორმებით. აი, სწორედ ასეთი ეროვნული კანონია საფრანგეთში, ბრიტანეთში, ავსტრალიაში კანადაში და სხვა დასავლურ და ცივილიზებულ ქვეყნებში. ოცნება კი, რომელიც ამბობს, თითქოს ამერიკული და ევროპული კანონები გადმოიღო, რეალურად, აპირებს მიიღოს რუსული კანონი, როგორიც მიიღეს, მაგალითად, ყირგიზეთმა, უნგრეთმა, ბოსნიამ. როგორც ყოველთვის, „ოცნება“ ამბობს ერთს - საქმით, კი აკეთებს მეორეს! თუ „ოცნება“ უარს იტყვის ეროვნული მიზნების დაცვაზე და დაარღვევს ამ ორ პირობას, სახელს ვერ დაარქმევს მტერს და ვერ მიმართავს თავის „რუსულ“ კანონს კონკრეტულად ოკუპანტის წინააღმდეგ, მაშინ საზოგადოება კიდევ ერთხელ დაინახავს, რომ მათ აქვთ ერთადერთი მიზანი, გამოგონილი გამჭვირვალობის საფარქვეშ, საზოგადოება დაყონ აგენტებად და მოღალატეებად და ერთმანეთს დაუპირისპირონ. თუ ეს ესე არ არის, გაიწვიონ რუსული კანონი და დააწესონ ანგარიშგების საერთო სტანდარტი, გრანტის ყველა მიმღებისთვის, იქნება ეს კეზერაშვილის მიერ, ივანიშვილის მიერ თუ სხვა ვინმეს მიერ გაცემული გრანტი. ვიმეორებ, საქართველოში უნდა არსებობდეს ერთადერთი კანონი, რომელიც ევროკავშირს კი არ აცხადებს მტრად, არამედ აღკვეთს ოკუპანტის გავლენებს. თუკი „ოცნება“ რუსულ კანონს მიიღებს, დადასტურდება, რომ ივანიშვილის „ოცნების“ პირობებში საქართველო ვერ გახდება ევროკავშირის წევრი და დარჩება რუსული გავლენების ქვეყნების ჯგუფში. მოვუწოდებთ ყველა დეპუტატს პერსონალურად, მტერს დაარქვით მტერი და მოყვარეს მოყვარე! არავინ გაპატიებთ, ქვეყნისთვის მომავლის წართმევას და პასუხისმგებლობები იქნება პერსონალიზებული! - განაცხადა ბექა ლილუაშვილმა.

ეს არის ძალიან დიდი დიპლომატიური სისულელე, გამოწვეული, ეჭვი მაქვს არა უცოდინარობით, არამედ მიზანმიმართულად - ამ საკითხზე დიპლომატიური ქვეყნების წარმომადგენლობის შემოყვანა და მათთან ასე ღიად დაპირისპირება არის კონკრეტული გზავნილი, რომელიც როგორც ჩანს, [ბიძინა] ივანიშვილის გონებაში გამოცხვა,- ასე გამოეხმაურა პარტია „საქართველოსთვის“ დეპუტატი, ბექა ლილუაშვილი პრემიერ-მინისტრის, ირაკლი კობახიძის განცხადებას, რომლითაც მან აშშ-ის, ევროკავშირისა და წევრი ქვეყნების ელჩებს „უცხოური გავლენის გამჭვირვალობის შესახებ“ კანონპროექტზე საჯარო დისკუსია შესთავაზა. დეპუტატის თქმით, მმართველი პარტია ევროკავშირს საქართველოს მტრად ვერ გამოაცხადებს. „ეს არის ძალიან დიდი დიპლომატიური სისულელე, გამოწვეული, ეჭვი მაქვს არა უცოდინარობით, არამედ მიზანმიმართულად. ყველაზე დიდ საკითხში, რომელიც იწვევს ყველაზე დიდ დაპირისპირებას საქართველოს საზოგადოებაში, რომელმაც „ქართული ოცნების“ მმართველობის პირობებში, გამოიწვია ყველაზე მასშტაბური საპროტესტო აქცია და დარწმუნებულო ვარ, დღესაც გამოიწვევს, ამ საკითხზე დიპლომატიური ქვეყნების წარმომადგენლობის შემოყვანა და მათთან ასე ღიად დაპირისპირება არის კონკრეტული გზავნილი, რომელიც როგორც ჩანს, [ბიძინა] ივანიშვილის გონებაში გამოცხვა. ის ცდილობს, რომ საზოგადოების დაპირისპირებაში შემოიყვანოს ჩვენი სტრატეგიული პარტნიორები. „რუსული კანონის“ მიღების პროცესთან ერთად, რომელიც ისედაც ტოლობის ნიშანს სვამს ჩვენს მეგობრებსა და მტრებს შორის, ამის ზემოდან კიდევ უნდათ, რომ ღიად ევროკავშირი ამ ქვეყნის მტრად გამოგვიცხადონ. ვერ გამოგვიცხადებენ. მტერი არ აგვირჩევია, ის ისტორიამ განგვისაზღვრა და მეგობრები, რომლებიც გვყავს ათეული წლების განმავლობაში გვიდასტურებენ, რომ ჩვენი მეგობრები და კეთილისმოსურნეები არიან“,- განაცხადა დეპუტატმა. იპნ

საშინაო და საგარეო პოლიტიკის აქტუალურ თემებზე „ინტერპრესნიუსი“ ევროკავშირში საქართველოს მისიის ხელმძღვანელსა და ყოფილ ელჩს, Chatham House-ის საერთაშორისო ურთიერთობების სამეფო ინსტიტუტის, უფროს მკვლევარს, ნატა საბანაძეს ესაუბრა. - ქალბატონო ნატა, მიუხედავად იმისა, რომ ქვეყანაში არ იმყოფებით და საზღვარგარეთ საქმიანობთ, დარწმუნებული ვარ, თვალს ადევნებთ საქართველოს საშინაო და საგარეო პოლიტიკაში მიმდინარე პროცესებს. მას შემდეგ, რაც საპარლამენტო უმრავლესობამ განაცხადა, რომ აპირებს „აგენტების შესახებ“ კანონის სხვა სახელწოდებით, „უცხოური გავლენის გამჭვირვალეობის შესახებ“ სახელწოდებით მიღებას, ეს თემა ჩვენი საშინაო და საგარეო პოლიტიკის ყველაზე აქტუალურ და განხილვად თემად იქცა. ამ თემას საქართველოს პრაქტიკულად ყველა დასავლელი პარტნიორი მყისიერად გამოეხმაურა. ლონდონიდან როგორ ჩანს ის, რაც ამ კანონთან დაკავშირებით საქართველოს საშინაო პოლიტიკაში ხდება? ჩვენი პარტნიორი ქვეყნების დიპლომატიურ და პოლიტიკურ წრეებში როგორი დამოკიდებულებაა ჩამოყალიბებული იმ კანონის მიმართ, რომელსაც ამჯერად ჰქვია კანონპროექტი „უცხოური გავლენის გამჭვირვალეობის შესახებ“? - დავიწყებ იმით, თუ როგორია ლონდონისა და ჩვენი სხვა პარტნიორების რეაქცია ამ კანონზე. ლონდონის პოზიცია სრულ თანხვედრაშია ყველა დანარჩენი პარტნიორის პოზიციასთან. ის შეშფოთებულია ამ კანონპროექტის დაბრუნებით და მოუწოდებს ხელისუფლებას არ მიიღოს იგი და საფრთხე არ შეუქმნას საქართველოს ევროპულ და დემოკრატიულ მომავალს. ბრიუსელში განსაკუთრებით იგრძნობა იმედგაცრუება რადგან ხელისუფლებამ ყველაფერთან ერთად დადებული პირობაც დაარღვია როგორც ქართველი ხალხის ასევე ევროპელი პარტნიორების მიმართ. პირველად როცა ეს კანონი გაიწვიეს და რეალურად ამან განაპირობა საქართველოსთვის კანდიდატის სტატუსის მინიჭება, ხელისუფლება დაჰპირდა ჩვენს პარტნიორებს რომ მას აღარ დაუბრუნდებოდა. აღსანიშნავია, თუ როგორი სწრაფი და ერთმნიშვნელოვანი რეაგირება მოყვა “ქართული ოცნების” ამ უღირს ნაბიჯს დასავლეთის მხრიდან. რაც არ არის გასაკვირი რადგან არანაირი გამჭვირვალობის საბაბით არ შეიძლება გადაფარო ის მიზანი რასაც ასეთი ტიპის კანონმდებლობა ემსახურება. კანონის მიღების მიზანი არის ერთი - ქვეყანაში დასავლეთიდან შემოსული დახმარების შეზღუდვა, მისი მიმღები ადგილობრივი პირების თუ ორგანიზაციების დისკრედიტაცია და საბოლოო ჯამში კრიმინალიზაცია. - სავარაუდოდ, რა შეიძლება ყოფილიყო მიზეზი იმისა, რომ სახელისუფლებო გუნდმა სახეშეცვლილი სახით ევროპული სივრცისთვის მიუღებელი კანონპროექტი კვლავ პარლამენტში დაებრუნებინა? - დასავლური ფონდების დახმარება ემსახურებოდა და ემსახურება თავისუფალი მედიის, პლურალიზმის, სამოქალაქო საზოგადოების გამტკიცებას ჩვენს ქვეყანაში. სწორედ წლების განმავლობაში მიღებული მხარდაჭერის შედეგია ის რომ დღეს საქართველოში სამოქალაქო საზოგადოება არსებობს და თავის როლს თამაშობს, ის რომ გარკვეული აზრთა სხვადასხვაობა ისმის მედიაში და საზოგადო სივრცეში, ის რომ დღეს აკადემიური საქმიანობა აღდგა ქვეყანაში და ის რომ საქართველო, ყველაფრის მიუხედავად, თავისუფალი ქვეყანაა. სწორედ ეს არის “ოცნების” რეჟიმისთვის პრობლემა. ხელისუფლებას უნდა ქვეყანაში თავისუფალი სული ჩაკლას რათა მის ერთპარტიულ, უალტერნატივო ბატონობას წინ არაფერი აღუდგეს. ამ კანონის მიღება იქნება როგორც ევროპული ასევე თავისუფალი საქართველოს დასასრული. გასათვალისწინებელია თუ რა შედეგი გამოიღო მან რუსეთში. აგენტების კანონის შემოღებით და მერე თანდათან გამკაცრებით, რუსეთი ჰიბრიდული მმართველობის რეჟიმიდან, სადაც განსხვავებული აზრის გამოთქმის შეზღუდული შესაძლებლობა მაინც არსებობდა, სადაც სამეცნიერო თუ არტისტული თავისუფლების კუნძულები შემორჩენილი იყო, გადაიზარდა კლასიკურად ავტორიტარულ, რეპრესიულ რეჟიმად. ამ კანონმა ბოლომდე ჩაახშო თავისუფალი აზრი და მოაზროვნე რუსული საზოგადოების სრული უმრავლესობა ემიგრაციაში გააქცია. რუსეთში აღარ არსებობს არა მხოლოდ თავისუფალი მედია, არამედ თავისუფალი კინო, ხელოვნება, კულტურა. ამ კანონმა მისცა იურიდიული უფლება ხელისუფლებას ნებისმიერ დროს შეემოწმებინა, აუდიტი მოეხდინე, ფსიქოლოგიური და ფინანსური წნეხის ქვეშ მოექცია ნებისმიერი არასასურველი ორგანიზაცია თუ ფიზიკური პირი. „აგენტის“ ანუ მოღალატის იარლიყის მიწებებით რუსეთის ხელისუფლებამ სრული დისკრედიტაცია მოეხდინა რუსეთის საზოგადოების ფართო ფენების თვალში თავისუფალი ადამიანების. სწორედ ეს არის ამ კანონის მიზანი. ეს კანონი არის რეპრესიისა და წნეხის ლეგალური ინსტრუმენტი, რომელიც მხოლოდ ანტი-დემოკრატიულ ხელისუფლებას სჭირდება რათა ძალაუფლება უვადოდ შეინარჩუნოს. რა კავშირი აქვს მას ევროპულ ღირებულებებთან ან ქვეყნის მართვის დემოკრატიულ წყობასთან რომლის ქვაკუთხედი ხალხის თავისუფალი არჩევანი და ხელისუფლების რეგულარული, მშვიდობიანი ცვლა არის? არაფერი. ყველა ქვეყანაში სადაც ასეთი ტიპის კანონი ან მიიღეს ან განიხილავენ არის ქვეყანა სადაც ძალაუფლება ერთ პარტიას აქვე უზურპირებული და პუტინისტური იდეოლოგიის მიმდევარია. ამიტომაც ჩვენი პარტნიორების რეაქცია ცალსახაა და ამას არანაირი შედარება ამერიკის კანონთან თუ ევროპულ ინიციატივასთან არ უშველის. პირველ რიგში იმიტომ რომ დასავლურ და რუსულ-ქართულ კანონმდებლობას შორის ერთი უმთავრესი სხვაობაა: მოტივი. მართალია რომ ევროპაში სერიოზულად შეშფოთებულები არიან მტრული სახელმწიფოების, პირველ რიგში რუსეთისა და ჩინეთისგან მომავალი ჰიბრიდული საფრთხეებით, პირდაპირი პოლიტიკური თუ ეკონომიკური ესპიონაჟით. სწორედ ამ საფრთხეებისგან დაცვაა მათი მიზანი. „ჩვენი კანონი იმიტომაა „რუსული“ რომ ის ებრძვის დასავლეთს და მის მხარდაჭერას. ამ კანონმდებლობით რომლის სამიზნე დასავლეთია, „ქართული ოცნება“, რუსეთის მსგავსად აღიარებს რომ დასავლეთი მისი მტერია. ალბათ ასეც არის, ავტორიტარული რეჟიმისთვის დასავლეთი მთელი თავისი არსით, ღირებულების სისტემით, პიროვნების თავისუფლების კულტით არის მიუღებელი და შესაბამისად ის მას ებრძვის. რეჟიმის მტერია მაგრამ ქვეყნის მეგობარი. „ოცნებას“ სურს პარტია სახელმწიფოსთან გააიგივოს, მაგრამ ამ კანონის მაგალითზე კარგად ჩანს რომ მარტელი პარტიის და ქვეყნის ინტერესები ერთმანეთს აღარ ემთხვევა. - მიუხედავად იმისა, რომ ამ თემაზე ევროკავშირმა, ევროპის საბჭომ, აშშ-მ, ნატოს გენმდივანმაც კი ხელისუფლების ამ სურვილის გამო შეშფოთება გამოთქვეს, სახელისუფლებო გუნდმა გააგრძელა იმის მტკიცება, რომ ანალოგიური კანონი ევროკავშირის რეკომენდაციაა და იგი ბევრ ქვეყანაშია მიღებული. იყო მოლოდინი, პრემიერ ირაკლი კობახიძის გერმანიაში ვიზიტის შემდეგ ამ საკითხში მეტი სიცხადე გვექნებოდა, მაგრამ, სამწუხაროდ, მოხდა პირიქით. მიუხედავად იმისა, რომ გერმანიის კანცლერმა ოლაფ შოლცმა განაცხადა - „ევროკავშირს მსგავსი კანონი არ აქვს... „არ შეიძლება ამ კანონის დაბრუნება“,... „ჩვენ, მთელი ევროკავშირი ძალიან კრიტიკულად ვუყურებთ ამ კანონს და ძალიან დიდი იმედი გვაქვს, რომ მას საქართველოს არ მიიღებს”. რადგან ამ თემაზე თბილისში აზრთა სხვადასხვაობაა, კითხვას ასე დავსვამ - რა გვითხრა გერმანიის კანცლერმა კანონპროექტზე „უცხოური გავლენის გამჭვირვალეობის შესახებ“? - კანცლერმა შოლცმა თქვე ის, რაც ყველამ კარგად გავიგონეთ და თქვენც აღნიშნეთ. მერე თარგმნაზე სამარცხვინო გამოკიდებას, გერმანიის ელჩი გამოეხმაურა და პირადად თარგმნა ის რაც ბატონმა კანცლერმა კობახიძისთვის კარგად ნაცნობ ენაზე თქვა. ეს კანონი არ არის და ვერ იქნება ევროპული იმიტომ რომ ამ კანონის სამიზნე თავად ევროპა და თავისუფალი ქართული საზოგადოებაა. ეს კარგად იცის შოლცმა. გარდა ამისა, როდესაც ორბანის უნგრეთმა დააპირა და მიიღო კიდევაც იგივე ტიპის კანონი, ევროპულმა სასამართლომ იგი გააუქმებინა ევროპულ კანონმდებლობასთან შეუსაბამობის გამო. ანუ არსებობს სასამართლოს გადაწყვეტილებაც და არა მხოლოდ პოლიტიკური განცხადებები მსგავსი კანონმდებლობის არა-ევროპულობის შესახებ. ასევე გასათვალისწინებელია ის საერთაშორისო კონტექსტი რომელშიც შოლცის ცალსახა შეფასება მოვისმინეთ. დღეს დასავლეთი რუსეთთან ომშია. ჩემი აზრით, ეს არ არის ახალი ‘ცივი ომი,“ როგორც ზოგი ამბობს, ეს არის სრულიად ახალი, ჰიბრიდული, „ცხელი ომი.“ „უცხო აგენტების“ ტიპის კანონმდებლობა ჰიბრიდული იარაღია რუსეთის ხელში დასავლეთის წინააღმდეგ. ასეთი კანონების წაქეზებით ის ქმნის იდეოლოგიურად და პოლიტიკურად მეგობრული რეჟიმების რგოლს, რომლებიც რაც უფრო ახლოს არიან ევროკავშირთან მით უკეთესია, რადგან შიგნიდან ააყირაონ ის და დაურღვიონ ერთიანობა და სიმტკიცე. უნგრეთი ვახსენე და კარგი მაგალითია თუმცა იქ არ გავიდა ეს კანონი მაგრამ ბევრი სხვა რამ გავიდა. იმავეს განიხილავს სერბეთი, ასევე ორბანისტული რეჟიმი, ბოსნიის ღიად პრორუსული რესპუბლიკა სერბსკა, ახალი მთავრობის პირობებში სლოვაკეთი და ახლა საქართველო. ყველა ეს ქვეყანა პოტენციაში რუსეთის მიერ მანიპულირებული ნაღმია ევროპისთვის. - კანცლერ შოლცთან შეხვედრის შემდეგ, პრემიერმა ირაკლი კობახიძემ სინანული გამოთქვა იმის გამო, რომ კანცლერის ადმინისტრაციის ბიუროკრატიამ კანცლერს ამ თემაზე სრულყოფილი ინფორმაცია არ მიაწოდა. მან ასევე თქვა - „მზად ვარ, პირადად ჩავერთო დისკუსიაში დიპლომატებთან, პოლიტიკოსებთან და არასამთავრობო ორგანიზაციების წარმომადგენლებთან“. თუ ამავე თემაზე მთელი სახელისუფლებო გუნდის რიტორიკას დავაკვირდებით, სულაც არ ჩანს, ამ კანონთან დაკავშირებით სახელისუფლებო გუნდი კორექტივების შეტანას აპირებს. დამკვირვებელთა ნაწილი მიიჩნევს - თუ მმართველმა გუნდა, კანონი მიიღო იქნება „ვაი“, თუ არ მიიღო, იქნება „უი“. სავარაუდოდ, როგორი იყო კანცლერ შოლცის განცხადებაზე ბერლინში პრემიერ ირაკლი კობახიძის და თბილისში მთელი სახელისუფლებო გუნდის რეაქცია? - „ვაი“ და „უი“ შეგიძლია დაგემართოს როდესაც შემთხვევით ან შენდა უნებურად აღმოჩნდები ორი ცუდი არჩევანის წინაშე. „ქართული ოცნების“ შემთხვევაში ეს ასე არ არის. მათ სავსებით შეგნებულად, ყველა რისკის და რეაქციის გათვალისწინებით გადადგეს ეს ნაბიჯი. რატომ ეს არის კითხვა და რატომ ახლა? მაშინ როდესაც ამდენი რეფორმაა გასატარებელი, ევროკავშირის 9 პირობა დასაკმაყოფილებელი, რატომ არის რუსული კანონების კრებულის - ლგბტ პროპაგანდის და უცხოური გავლენის კანონების შემოღება ქვეყნისთვის პრიორიტეტი? საქმე სწორედ იმაშია რომ ქვეყნისთვის არა, მაგრამ ხელისუფლებისთვის არის. არჩევნების წინ, მოესწრებოდა იმ ორგანიზაციების დისკრედიტაცია რომლებმაც შეიძლება ზედმეტი ყურადღებით დააკვირდნენ არჩევნებს. მედია საშუალებებზე ზეწოლის ახალი ბერკეტი გაჩნდებოდა და ამით ოპოზიციური ველი კიდევ უფრო დასუსტდებოდა. ეს არის ძალაუფლების შენარჩუნებაზე გათვლილი ნაბიჯი. მეორე რუსული კანონი, ლგბტ პროპაგანდის წინააღმდეგ კი მიმართულია რადიკალური, კონსერვატორული ამომრჩევლის მობილიზაციისთვის. „ქართული ოცნება“ ხომ დღეს „კოლექტიურ მოროშკინაზე“ მუშაობს, მას ახალისებს და წარმოაჩენს ქვეყნის და ქართველობის სახედ. ლაზარეს 9 წელიც ამ კონტექსტში ნიშანდობლივია. ეს იყო სადამსჯელო გადაწყვეტილება, რომლითაც სხვა ახალგაზრდები უნდა დაეშინებინათ და პროტესტის მუხტი დაეგდოთ. ესეც რუსული მეთოდია. საბოლოო ჯამში, ხელისუფლების მხრიდან კანონის პარლამენტში ხელმეორედ შემობრუნება იყო შეცდომა, რომელიც მან ზედმეტი თავდაჯერებულობითაც შეიძლება მოსვლოდა. დემოკრატია ყველაზე კარგი სისტემა იმიტომაც არის რომ ის მსგავსი შეცდომებისგან უფრო დაცულია. როდესაც გყავს ქმედითი ოპოზიცია, თავისუფალი და აქტიური სამოქალაქო საზოგადოება და როდესაც უმცირესობის აზრის მოსმენა და გათვალისწინება გევალება, ერთპიროვნული, იდიოტური გადაწყვეტილებების რისკი კლებულობს. დაცული არავინ არაა, მაგრამ დემოკრატია ყველაზე უფრო დაცული სისტემა საბედისწერო შეცდომებისგან. პირიქითაა როცა განსხვავებული აზრის მთქმელი აღარ დაგრჩა გარშემო, ყველა გააგდე ან მტრად შერაცხე და საკუთარ თავზე ზედმეტი წარმოდგენა გაქვს. - გასულ კვირას პრეზიდენტ სალომე ზურაბიშვილის „ქართული ოცნების“ მიმართ ისეთი კატეგორიული იყო, როგორც არასდროს. დამკვირვებელთა ნაწილი პრეზიდენტის განცხადებებს რადიკალურადაც კი აფასებს... - პრეზიდენტმა ახსენა რომ „ქართული ოცნება,“ რუსული ოცნება გახდაო. ეს ასე იმიტომ არის რომ დღეს „ქართული ოცნება“ გარდა იმისა რომ ქვეყანას ევროპულ მომავალს ართმევს, საქართველოს რუსეთად ქცევას უპირებს. პუტინისტური იდეოლოგიის ყველა მთავარი გზავნილი მეორდება საქართველოში მზარდი სიხშირით. ესენია სუვერენიტეტის დაცვა, თან დასავლეთისგან, ტრადიციული ღირებულებების და ოჯახის დაცვა, ასევე გარყვნილი დასავლეთისგან, ახალგაზრდების სატანიზმისგან დაცვა, ასევე დასავლეთიდან შემოგზავნილის, და ასე შემდეგ. ევროპის დროშის დაჭერა უკვე „ნაცობას,“ ანუ მტრობას ნიშნავს. მე ახლა რუსეთზე ვმუშაობ და შემზარავია ამ აშკარა პარალელების დანახვა. მმართველობის სისტემაში ეს ნიშნავს საბჭოთა ელემენტების დაბრუნებას, როგორიცაა ერთ პარტიული მმართველობა თავისი პიროვნების კულტით. მედიაშიც რუსული პარალელები გამოჩნდა - „ალტ-ინფო“ და „იმედი,“ სხვა არაფერია თუ არა ქართული სოლოვიოვის და მარგარიტა სიმონიანის პროვინციული ასლები. მაგრამ. არის სერიოზული დაბრკოლება - ერთი ის რომ რუსული ტიპის ულიმიტო ავტორიტარიზმი პატარა ქვეყნებში ფეხს იშვიათად იკიდებს. მას სჭირდება დიდი, მართული მასა. მას ასევე სჭირდება ლოიალური რეპრესიული მანქანის არსებობა. ავტორიტარიზმის მთავარი დასაყრდნობი მასად გადაგვარებული, დაშინებული საზოგადოებაა. არც ერთი პირობა არ არის საქართველოში. ქართველები თავისი არსით თავისუფალი ხალხია. აქ „გურიის რესპუბლიკა“ დაიბადა ცარისტული რუსეთის პირობებში. ამიტომ არ გამოვა საქართველოსგან „პატარა რუსეთი“ და ყველა მსგავსი მცდელობა კრახით დასრულდება. - თქვენთან დაკავშირებამდე თვალი შევავლე თქვენს კარგა ხნის წინანდელ ინტერვიუს „ინტერპრესნიუსთან“. მენიშნა, ამ ინტერვიუში თქვენს მიერ ნათქვამი - „ჩვენგან ჩვენი დასავლელი პარტნიორები ელიან მორალური და პოლიტიკური კომპასის გასწორებას და დიპლომატიური გზებით იმის ჩვენებას, რომ ქვეყნის საგარეო პრიორიტეტები არ შეცვლილა“. ბევრი იმასაც ამბობს, რომ უკრაინასთან დაკავშირებით საქართველოს დაკარგული აქვს პოლიტიკური და მორალური კომპასი. გაქვთ იმის მოლოდინი, რომ „ქართული ოცნების“ ხელისუფლება ამის გაკეთებას უახლოეს მომავალში შეძლებს და ჩვენს პარტნიორებს საქართველოს ხელისუფლების მიმართ ამგვარი კითხვები არ ექნებათ? - საქართველოს ხელისუფლება უკრაინას მხარს არ უჭერს, მორალურ მხარდაჭერაზე ვსაუბრობ მეტს არც არავინ არ ელის ჩვენგან, რადგან მგონია რომ ხელისუფლების გათვლაა რომ უკრაინა დამარცხდება და რუსეთი გაიმარჯვებს. ეს სავსებით შესაძლებელია. მაგრამ, რას ნიშნავს ეს ჩვენთვის და ევროპისთვის. უკრაინის მარცხი დასავლეთის მარცხი იქნება. ამას შეიძლება მოჰყვეს ევროპის საომარ მოქმედებებში ჩართვა ან ახლავე ან ახლო მომავალში. გამარჯვებული და კიდევ უფრო თვითდაჯერებული რუსეთი ევროპული უსაფრთხოებისთვის დიდი გამოწვევაა. მოსკოვი უკრაინის მერე სხვასაც მიადგება, არაა გამორიცხული რომ მისი შემდეგი სამიზნე სამეზობლოს გასცდეს და ევროპული ქვეყანა იყოს. თუ პირდაპირი იერიში არ მიიტანა, მაშინ ჰიბრიდულ პროვოკაციას მოაწყობს ნატოს მე-5 არტიკლის დასატესტად. თუ ომი არ გაფართოვდა, ის მაინც მოხდება რომ ევროპის კონტინენტზე ახალი „რკინის კედელი“ აღიმართება და გავლენის სფეროებად დაიყოფა. ასეთი სცენარის შემთხვევაში სად ვიქნებით ჩვენ? ეს არის მთავარი კითხვა. ამ ხელისუფლების პირობებში ისევ ევროპული კედლის მიღმა აღმოვჩნდებით, ისევ რუსეთის „ცივილიზაციურ“ სივრცეში. ეს თავად კრემლის ტერმინია, ამოვყოფთ თავს. ამიტომაც, ის რაც საქართველოში დღეს ხდება, დიდი დაპირისპირების პატარა ნაწილია. ნათელია საით არის მიმართული ხელისუფლების გეოპოლიტიკური კომპასი. მორალური საერთოდ არ აქვს და რაც არ აქვს იმას ვერც გაასწორებს. მე არც გეოპოლიტიკური კომპასის გასწორების მჯერა უკვე. საქართველოს ახალი მმართველი გუნდი და ახალი ხელისუფლება სჭირდება. „ინტერპრესნიუსი“ კობა ბენდელიანი

საქართველოში ამერიკის შეერთებული შტატების საელჩო ქართველებს დედა ენის დღეს ულოცავს. “ვულოცავთ ჩვენს ქართველ მეგობრებს დედა ენის დღეს! ჩვენ აღფრთოვანებული ვართ ქართული ენის უნიკალურობითა და სილამაზით. თქვენთან ერთად აღვნიშნავთ მსოფლიოს ამ ერთ-ერთი უძველესი ენის დღეს, რომელიც ქართველებმა წინა და მომავალ თაობებს შემოუნახეთ”, - წერია განცხადებაში, რომელსაც საელჩო სოციალურ ქსელ „ფეისბუქზე“ ავრცელებს. 14 აპრილს საქართველოში დედაენის დღე აღინიშნება. 35 წლის წინ, 1978 წელს, საბჭოთა ხელისუფლებამ მოკავშირე რესპუბლიკებში ადგილობრივი ენისთვის სახელმწიფო ენის სტატუსის ჩამორთმევა გადაწყვიტა. სსრკ-ის სახელმწიფო ენად მხოლოდ რუსული უნდა დარჩენილიყო. შესაბამისი ცვლილება საქართველოს საბჭოთა კონსტიტუციის 78-ე მუხლში უნდა შესულიყო, რომლის მიხედვითაც, ქართული ენა სახელმწიფო ენის სტატუსს კარგავდა. ის საქართველოს უმაღლეს საბჭოს 1978 წლის 14 აპრილს უნდა დაემტკიცებინა. თუმცა იმავე დღეს თბილისში, რუსთაველის გამზირზე გამოსული რამდენიმე ათასი ადამიანი ამ განზრახვის აღსრულებას წინ აღუდგა. მათ შორის უდიდეს ნაწილს სტუდენტი ახალგაზრდობა შეადგენდა. დედაქალაქში მოეწყო მასობრივი მსვლელობა ივანე ჯავახიშვილის სახელობის თბილისის სახელმწიფო უნივერსიტეტიდან უმაღლესი საბჭოს (ახლანდელი პარლამენტის) შენობისკენ. საპროტესტო აქციის მონაწილეებს თან ჰქონდათ სხვადასხვა შინაარსის ლოზუნგები, მათ შორის იყო "აი, ია". ანალოგიური პროცესები ბათუმშიც განვითარდა. იქ აჭარის ავტონომიური რესპუბლიკის კონსტიტუცია უნდა დაემტკიცებინათ, საიდანაც ასევე ამოღებული იყო მუხლი ქართული ენის შესახებ. ვითარება უმართავი ხდებოდა. შექმნილი ვითარებიდან საბჭოთა კავშირის ხელისუფლებისას ორი გზა რჩებოდა: სისხლისღვრა ან დათმობა. ოფიციალური მოსკოვი იძულებული გახდა, დაეთმო და კონსტიტუციაში ცვლილება აღარ შევიდა. 14 აპრილი დედაენის დღედ გამოცხადდა. ისტორიკოსები მიიჩნევენ, რომ გასული საუკუნის ოთხმოციან წლებში ეროვნული მოძრაობის აღმავლობას პირველი ბიძგი სწორედ 1978 წლის 14 აპრილმა მისცა. იპნ

საქართველოში ევროკავშირის წარმომადგენლობა უერთდება დედა ენის დღის აღნიშვნას. “ევროკავშირი უერთდება საქართველოში 14 აპრილის - დედა ენის დღის აღნიშვნას. საქართველომ შეინარჩუნა თავისი უნიკალური ენა, რომელიც განათლებისა და კულტურის საფუძველია”, - ნათქვამია ევროკავშირის წარმომადგენლობის მიერ გამოქვეყნებულ ინფორმაციაში. 14 აპრილს საქართველოში დედაენის დღე აღინიშნება. 35 წლის წინ, 1978 წელს, საბჭოთა ხელისუფლებამ მოკავშირე რესპუბლიკებში ადგილობრივი ენისთვის სახელმწიფო ენის სტატუსის ჩამორთმევა გადაწყვიტა. სსრკ-ის სახელმწიფო ენად მხოლოდ რუსული უნდა დარჩენილიყო. შესაბამისი ცვლილება საქართველოს საბჭოთა კონსტიტუციის 78-ე მუხლში უნდა შესულიყო, რომლის მიხედვითაც, ქართული ენა სახელმწიფო ენის სტატუსს კარგავდა. ის საქართველოს უმაღლეს საბჭოს 1978 წლის 14 აპრილს უნდა დაემტკიცებინა. თუმცა იმავე დღეს თბილისში, რუსთაველის გამზირზე გამოსული რამდენიმე ათასი ადამიანი ამ განზრახვის აღსრულებას წინ აღუდგა. მათ შორის უდიდეს ნაწილს სტუდენტი ახალგაზრდობა შეადგენდა. დედაქალაქში მოეწყო მასობრივი მსვლელობა ივანე ჯავახიშვილის სახელობის თბილისის სახელმწიფო უნივერსიტეტიდან უმაღლესი საბჭოს (ახლანდელი პარლამენტის) შენობისკენ. საპროტესტო აქციის მონაწილეებს თან ჰქონდათ სხვადასხვა შინაარსის ლოზუნგები, მათ შორის იყო "აი, ია". ანალოგიური პროცესები ბათუმშიც განვითარდა. იქ აჭარის ავტონომიური რესპუბლიკის კონსტიტუცია უნდა დაემტკიცებინათ, საიდანაც ასევე ამოღებული იყო მუხლი ქართული ენის შესახებ. ვითარება უმართავი ხდებოდა. შექმნილი ვითარებიდან საბჭოთა კავშირის ხელისუფლებისას ორი გზა რჩებოდა: სისხლისღვრა ან დათმობა. ოფიციალური მოსკოვი იძულებული გახდა, დაეთმო და კონსტიტუციაში ცვლილება აღარ შევიდა. 14 აპრილი დედა ენის დღედ გამოცხადდა. ისტორიკოსები მიიჩნევენ, რომ გასული საუკუნის ოთხმოციან წლებში ეროვნული მოძრაობის აღმავლობას პირველი ბიძგი სწორედ 1978 წლის 14 აპრილმა მისცა.

ევროკომისიის პრეზიდენტი, ურსულა ფონ დერ ლაიენი ისრაელის წინააღმდეგ ირანის უპრეცედენტო თავდასხმას გობს და მხარეებს წინდახედულობის გამოჩენისკენ მოუწოდებს. ”მკაცრად ვგმობ ირანის აშკარა და გაუმართლებელ თავდასხმას ისრაელზე. მოვუწოდებ ირანს და მის მარიონეტებს, დაუყოვნებლივ შეწყვიტონ ეს თავდასხმები”, - წერს ფონ დერ ლაიენი X-ზე. მისი თქმით, ყველა მხარემ თავი უნდა შეიკავოს შემდგომი ესკალაციისგან და უნდა იმოქმედოს რეგიონში სტაბილურობის აღსადგენად. შეგახსენებთ, ისრაელმა განაცხადა, რომ ირანმა მისი ტერიტორიის მიმართულებით 300-ზე მეტი დრონი და რაკეტა გაუშვა, მათი 99% მოიგერიეს, მაგრამ იყო მცირე რაოდენობის დარტყმები, მათ შორის ისრაელის სამხრეთით მდებარე სამხედრო ბაზაზე. თავდასხმისას დაშავდა სულ მცირე ერთი ადამიანი. დაშავებული 7 წლის გოგონაა. იპნ

ისრაელში განვითარებულ მოვლენებთან დაკავშირებით, ისრაელში საქართველოს საელჩო მოქალაქეებისთვის ინფორმაციას ავრცელებს. მათი ინფორმაციით, ისრაელში განვითარებულ მოვლენებთან დაკავშირებით საელჩოში ცხელი ხაზი მოქმედებს. „შეგახსენებთ, რომ ისრაელში განვითარებულ მოვლენებთან დაკავშირებით საელჩოში მოქმედებს ცხელი ხაზის ნომრები: +972 52-6919092; +972 52-7583344; +972 54-7386813; მშვიდობას ვუსურვებთ ისრაელს და ისრაელის მოსახლეობას“, - ნათქვამია ინფორმაციაში. შეგახსენებთ, ისრაელმა განაცხადა, რომ ირანმა მისი ტერიტორიის მიმართულებით 300-ზე მეტი დრონი და რაკეტა გაუშვა, მათი 99% მოიგერიეს, მაგრამ იყო მცირე რაოდენობის დარტყმები, მათ შორის ისრაელის სამხრეთით მდებარე სამხედრო ბაზაზე. თავდასხმისას დაშავდა სულ მცირე ერთი ადამიანი. დაშავებული 7 წლის გოგონაა. იპნ

გერმანიის კანცლერმა ღიად უთხრა კობახიძეს, რომ კანონი არის ანტიევროპული, აფერხებს ევროკავშირთან ურთიერთობას და მისი მიღების შემთხვევაში გერმანიის პოზიცია იქნება ნეგატიური, რაც იმას ნიშნავს, რომ ევროკავშირში გაწევრიანების პერსპექტივა საქართველოს აღარ ექნება და ერთადერთი ამაზე პასუხისმგებელი იქნება ივანიშვილი, რომელმაც "ოცნების" ბიჭების მეშვეობით დააბრუნა კანონი. კახაბერ ქემოკლიძე, პარტია "გახარია საქართველოსთვის" პოლიტიკური მდივანი. ვიდეო: https://www.facebook.com/ForGeoGe/videos/956844825843391/

ბოლნისში, 33 წლის კაცის ცხედარი პოვეს. როგორც „ნეტგაზეთს“ საქართველოს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. დაღუპულის ოჯახის წევრები „ტელეკომპანია“ პირველთან მიცემულ ინტერვიუში ამბობენ, რომ ცხედარი თანასოფლელებმა რამდენიმე დღის წინ იპოვეს. მათი თქმით, კაცი შეზღდუგული შესაძლებლობების მქონე პირი იყო. ოჯახის წევრები ასევე საუბრობენ დაზიანებებზე, რომელიც ცხედარს აღენიშნებოდა. მათი განცხადებით, დაღუპულს სხეულზე ძალადობის კვალი ჰქონდა და სავარაუდოდ, ცივი იარაღით ჰქონდა დაზიანებები მიყენებული. ნეტგაზეთი

გერმანია სასწრაფოდ გადასცემს უკრაინას Patriot-ის კიდევ ერთ სისტემას, - ამის შესახებ ინფორმაციას გერმანიის თავდაცვის სამინისტრო "ტვიტერის" პირად გვერდზე ავრცელებს. „გერმანიას სასწრაფოდ მიაწვდის უკრაინას Patriot-ის კიდევ ერთ საზენიტო-სარაკეტო კომპლექსს რუსული ავიაციის თავდასხმების მოსაგერიებლად. მას საჰაერო თავდაცვის იმ სისტემებთან დამატებით მივაწვდით, რომელიც [უკრაინას] უკვე გადაეცა და რომელთა გადაცემაც იგეგმება", - წერს გერმანიის თავდაცვის სამინისტრო. თავის მხრივ, უკრაინის პრეზიდენტი ვოლოდიმირ ზელენსკი გერმანიის კანცლერ, ოლაფ შოლცთან სატელეფონო საუბრის შემდეგ აღნიშნავს, რომ კიევი ბერლინისგან ასევე მიიღებს რაკეტებს უკვე არსებული სისტემებისთვის. იპნ

რა შუაშია „ნაცია“ თუ გახარია, ვინ არის და რა არის?! რა უფლება გაქვს პოლიტიკური კვალიფიკაცია მისცე გუნდის ერთ-ერთ მონაწილეს. აქაც არის ევროპის წინააღმდეგ, - ამის შესახებ საქართველოს პრეზიდენტმა, სალომე ზურაბიშვილმა განაცხადა, რითაც ეროვნული ნაკრების ფეხბურთელის, გიორგი ქოჩორაშვილსა და მის ოჯახთან დაკავშირებით "ქართული ოცნების" ლიდერების განცხადებებს უპასუხა. როგორც პრეზიდენტმა აღნიშნა, როგორც საზოგადოებაში შეაქვთ დაყოფა, ისე შეაქვთ ფეხბურთშიც. “კალაძე წარმოუდგენელია... მე არსად არავინ მესალმება. ეს გუნდი ჩამოყალიბდა გამარჯვებულ გუნდად და უაღრესად მნიშვნელოვან თამაშებზე მიდის. როგორც საზოგადოებაში შემოაქვთ გაყოფა, იქაც შეაქვთ. რა შუაშია „ნაცია“ თუ გახარია, ვინ არის და რა არის?! რა უფლება გაქვს, პოლიტიკური კვალიფიკაცია მისცე გუნდის ერთ-ერთ მონაწილეს. აქაც არის ევროპის წინააღმდეგ. მე ვაპირებდი იმ ახალგაზრდების, პატარების დაჯილდოებას, რომლებიც ახლა დაბრუნდნენ ბატუტის ხტომაში და ოქროები მიიღეს. ფედერაციიდან უარი მოვიდა. რა უფლება აქვთ ახალგაზრდებს არ მისცენ საშუალება, რომ გაიხარონ, ამით მიიღონ სიამაყე. ასევე, 31 მარტს, მქონდა დიდი ღონისძიება 91 წლის რეფერენდუმის მნიშვნელობაზე და ზვიად გამსახურდიას შესახებ ოთხი წიგნის წარდგენა იყო. წინა დღით შეთანხმებული იყო კონსტანტინე გამსახურდიასთან, რომ უნდა მოსულიყო, ერთ-ერთი გამომსვლელი უნდა ყოფილიყო ღონისძიებაზე. არც დარეკა, არც ბოდიში მოიხადა, არც მოვიდა, გამსახურდიას შვილი, გამსახურდიას შვილიშვილი. ეს არის ის ბრძანებები. ვისაც რაიმე თანამდებობა აქვს, ამას ებღაუჭება. პირდაპირ აკრძალვებია. წინა დღეს არ იყო აკრძალვა, მოვიდა კონსტანტინე საკუთარი წიგნი მაჩუქა“, - აღნიშნა პრეზიდენტმა „ტვ პირველთან“ ინტერვიუში. იპნ

აშშ-ის სახელმწიფო დეპარტამენტი მოუწოდებს საქართველოს მთავრობას სანქცირებული მოსამართლეების მიმართ გამოძიება ჩაატაროს. აღნიშნული განცხადება სახელმწიფო დეპარტამენტის პრესსპიკერმა მეთიუ მილერმა „ამერიკის ხმისთვის“ მიცემულ ინტერვიუში გააკეთა: „ჩვენ მოვუწოდებთ საქართველოს მთავრობას, გადადგას ნაბიჯები ამ პირების მიმართ გამოძიების ჩატარებით, კორუმპირებული აქტორების ანგარიშვალდებულების ხელშესაწყობად და იმუშაოს სასამართლო სექტორის ინსტიტუტების დამოუკიდებლობის გასაძლიერებლად“ — აცხადებს მეთიუ მილერი. „ამერიკის ხმამ“ სახელმწიფო დეპარტამენტის პრესსპიკერს ჰკითხა თუ რამდენად ეფექტიანი იყო მიხეილ ჩინჩალაძის, ლევან მურუსიძის, ირაკლი შენგელიასა და ვალერიან ცერცვაძის წინააღმდეგ სანქციები საქართველოს სასამართლო სისტემაში კორუფციის წინააღმდეგ ბრძოლაში: „მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე 7031-ე მუხლის (C) ქვეპუნქტით დაექვემდებარნენ სავიზო შეზღუდვებს, მნიშვნელოვან კორუფციაში მათი მონაწილეობის გამო. [ჩვენს მიერ მიღებული ზომები] ხელს უწყობს ანგარიშვალდებულების დაკისრებას მავნე აქტორებზე, რომლებმაც ისარგებლეს დაუსჯელობით და რომლებიც მუშაობდნენ კანონის უზენაესობის ძირის გამოსათხრელად და ქართული საზოგადოების მხრიდან საქართველოს სასამართლო სისტემის მიმართ რწმენის შესალახად“ — აცხადებს მილერი. მისი თქმით, აშშ მოუწოდებს საქართველოს მთავრობას, განახორციელოს ევროკავშირის რეკომენდაცია, რომ მთავრობამ უზრუნველყოს ანტიკორუფციული ბიუროს, სპეციალური საგამოძიებო სამსახურისა და პერსონალურ მონაცემთა დაცვის სამსახურის დამოუკიდებლობა და მიუკერძოებლობა და განახორციელოს ვენეციის კომისიის მიერ ამ უწყებებთან დაკავშირებით გაცემული რეკომენდაციები: „ჩვენ ასევე გავაგრძელებთ მთავრობის მოწოდებას, უზრუნველყოს სამოქალაქო საზოგადოების დაცვა, რადგან ისინი კორუფციასთან ბრძოლის მნიშვნელოვანი პარტნიორები არიან“ — ამბობს მილერი. ინტერვიუს სრულად გაეცანით ბმულზე. ნეტგაზეთი

ლაზარე გრიგორიადისის საქმეზე 12 აპრილს მოსამართლე ზვიად შარაძემ განაჩენი გამოიტანა. თბილისის საქალაქო სასამართლომ 7-8 მარტის მონაწილე ახალგაზრდას 9 წლით თავისუფლების აღკვეთა მიუსაჯა. პროცესის განმავლობაში, რომელიც არაერთხელ გადაიდო და წელიწადზე მეტხანს გაგრძელდა, როგორც დამკვირვებელი არასამთავრებო ორგანიზაციების, ისე დაცვის მხარის განცხადებით, არაერთი შეუსაბამობა გამოვლინდა. ლაზარე გრიგორიადისის საქმის მასალებს გაეცნო „ნეტგაზეთიც“ და მოკლედ აღვწერთ იმ გარემოებებს, რის საფუძველზეც დაცვის მხარე ირწმუნება, რომ საქმეში არ არსებობს პირდაპირი მტკიცებულება, რომელიც დაადასტურებდა, რომ პოლიციის თანამშრომლის მიმართულებით ნამდვილად ლაზარემ ისროლა ე.წ. მოლოტოვის კოქტეილი და მანვე დაწვა შსს-ს კუთვნილი ავტომობილი. 12 აპრილს, საღამოს ცნობილი გახდა, რომ 22 წლის ახალგაზრდას პრეზიდენტი სალომე ზურაბიშვილი შეიწყალებს. მოწმეთა ჩვენებები საქმეში ლაზარე გრიგორიადისის საქმეში ბრალდების მხარე ექსკლუზიურად მხოლოდ პოლიციელების ჩვენებებს ეყრდნობა. საქმის მასალებში არ გვხვდება არცერთი ნეიტრალური მოწმე, რომელიც დაადასტურებდა, რომ ქმედება, რომელსაც ლაზარეს ედავებიან, ნამდვილად ამ პიროვნებამ ჩაიდინა. საქმეში დევს რამდენიმე პოლიციელის ჩვენება, რომლებიც ერთმანეთის მსგავს ისტორიებს ჰყვებიან. პოლიციელები მოლოტოვის კოქტეილის სროლის ნაწილში ამბობენ, რომ დაინახეს, თუ როგორ ისროლა აალებადი საგანი 20-25 წლის ახალგაზრდა კაცმა, რომელსაც ეცვა მომწვანო ფერის ქურთუკი, თავზე იასამნისფერი შეფერილობის ჰუდი ჰქონდა წამოფარებული, სახეზე კი პირბადე ეკეთა. ყველა მათგანი ამბობს, რომ ე.წ. მოლოტოვის კოქტეილის სროლის შემდეგ აღნიშნული პიროვნება თვალთახედვის არეალიდან არ დაუკარგავთ, თუმცა მიახლოება და მისი დაკავება ვერ შეძლეს. Პოლიციელები გამოძიების ეტაპზე მიცემულ ჩვენებაში ამბობენ, რომ ე.წ. Მმოლოტოვის კოქტეილის სროლის შემდეგ აღნიშნულმა პირმა პირბადე მოიხსნა და სახე მოიწმინდა, რა დროსაც დაიმახსოვრეს მისი სახის ვიზუალი და შემდეგნაირად აღწერენ: ანალოგიურ ჩვენებებს იძლევიან ის პოლიციელებიც, რომლებიც ამბობენ, რომ დაინახეს, როგორ წაუკიდა ცეცხლი შსს-ს კუთვნილ ავტომობილს სავარაუდოდ ლაზარემ: როგორც ზემოთ მოყვანილი ამონარიდებიდან ჩანს, ყველა პოლიციელი ჩვენებაში მიუთითებს, რომ დანაშაულებრივი ქმედების ჩადენის შემდეგ, აღნიშნულმა პიროვნებამ პირბადე/ნიღაბი მოიხსნა, რა დროსაც დაინახეს მისი სახე, რომელსაც თითოეული მათგანი ერთნაირად აღწერს და შეძლებენ ამ პიროვნების ამოცნობას, მათ შორის ფოტოსურათით. გამოძიების შემდგომ ეტაპზე ყველა მათგანმა ლაზარე გრიგორიადისი ფოტოსურათით ამოიცნო. აღნიშნულ საქმეში ასევე დევს იმ პირების ჩვენებები, რომლებიც ლაზარეს იცნობენ და მასთან ერთად იმყოფებოდნენ 7-8 მარტის აქციებზე. მოწმეები აცხადებენ, რომ ლაზარეს ჩაცმულობა არ ახსოვთ, თუმცა ამბობენ, რომ იმ პერიოდში, როცა ლაზარე მათთან ერთად იმყოფებოდა, მის ხელში არავითარი საგანი ან კანონსაწინააღმდეგო ქმედება არ შეუმჩნევიათ. „სოციალური სამართლიანობის ცენტრის“ დემოკრატიის პროგრამის დირექტორი გურო იმნაძე, რომელმაც შეისწავლა ლაზარე გრიგორიადისის საქმის მასალები, აღნიშნავს, რომ შეუსაბამობები გამოიკვეთა თავად პოლიციელების ჩვენებებშიც. მართლაც, საქმის მასალებიდან ირკვევა, რომ შსს-ს თანამშრომელი გიორგი მაისურაძე, რომლის ფაქტობრივ განკარგვაშიც იყო დამწვარი ავტომობილი, გამოძიებისთვის მიცემულ ჩვენებაში ამბობდა, რომ ავტომობილის დაზიანების კადრები მედიასაშუალებების მიერ გადაღებულ ვიდეოებში ნახა, სასამართლოზე მიცემულ ჩვენებაში კი უკვე ამბობდა, რომ თავად დაინახა, თუ როგორ წაუკიდა ავტომობილს ცელცხლი ერთმა პიროვნებამ, რომლის ამოცნობა ან აღწერა არ შეუძლია. ამ თემაზე წაიკითხეთ: პოლიციელის თქმით, ძვირადღირებულ ნივთებს ინახავდა მანქანაში, რომლის დაწვაშიც ლაზარეს ადანაშაულებენ გარდა ამისა, „სოციალური სამართლიანობის ცენტრი“ აღნიშნავს, რომ ორი ამომცნობი პოლიციელიდან ერთი ამბობდა, რომ ლაზარემ ე.წ. „კაპიუშონი“ და კეპი მოიხადა, მეორე კი ამბობდა, რომ არ მოუხდია. ორგანიზაციაში ხაზს უსვამენ, რომ კეპის ამბავი მნიშვნელოვანია, რადგან ლაზარე ერთადერთია, ვისაც ამოსაცნობ ფოტოსურათზე ქერა თმა აქვს და თუ მას აქციაზე კეპი არ მოუხდია, პოლიციელები ამ ნიშნის იდენტიფიცირებას ვერ მოახდენდნენ. პოლიციელების ჩვენებების ასეთი ერთგვაროვნება ობიექტურ ეჭვებს აჩენს კავკასიის უნივერსიტეტის სამართლის მიმართულების ასოცირებული პროფესორის თამარ გეგელიას აზრითაც, რომელიც ასევე გაეცნო საქმის მასალებს. მისი თქმით, ასეთ დროს აუცილებელია მოწმის სანდოობის შემოწმება, რაც საგამოძიებო ექსპერიმენტის გზით შეიძლება მოხდეს: „სოციალური სამართლიანობის ცენტრის“ დემოკრატიის პროგრამის დირექტორი გურო იმნაძე კი აღნიშნავს, რომ როდესაც საქმე ასე მძიმედ ეფუძნება პოლიციელების ჩვენებებს, მნიშვნელოვანია, მას სხვა, ნეიტრაული პირდაპირი მტკიცებულებები ამყარებდეს. ამგვარი მტკიცებულება კი შესაძლოა იყოს მათ შორის ექსპერტიზის დასკვნები, თუმცა იმნაძე აღნიშნავს, რომ პირდაპირ ლაზარეს ბრალეულობას არც საქმეზე დართული ექსპერტიზები და არც სასამართლოში ექსპერტების მიერ მიცემული ჩვენებები მიუთითებს. რა წერია ექსპერტიზების დასკვნებში? საქმის მასალების მიხედვით, ექსპერტიზა ჩაუტარდა როგორც ლაზარე გრიგორიადისის ტანისამოსს, რომელიც პოლიციამ მისი სახლიდან ამოიღო, ასევე, დაზარალებული პოლიციელების სამოსსაც. ამასთან, საქმეში დევს დამწვარ ავტომობილზე ჩატარებული ექსპერტიზის დასკვნაც. „ნეტგაზეთი“ სტატიის ამ ნაწილში ყურადღებას გაამახვილებს ლაზარეს სამოსსა და დამწვარ ავტომობილზე ჩატარებულ ექსპერტიზებზე. ექსპერტი, რომელმაც ლაზარეს სამოსის ქიმიური ექსპერტიზა ჩაატარა, შსს-ს საექსპერტო დეპარტამენტის ქიმიური განყოფილების უფროსი ალექსანდრე დადიანიძეა. სასამართლოში მიცემულ ჩვენებაში ექსპერტმა განაცხადა, რომ კვლევის ფარგლებში შეისწავლა გრიგორიადისის ტანსაცმელი, ფეხსაცმელი და ქურთუკი, რომელთაგან ნავთობპროდუქტების კვალი მხოლოდ ქურთუკიდან ამოვიდა. კერძოდ, ექსპერტმა სასამართლოზე განაცხადა, რომ გრიგორიადისის ქურთუკზე ნავთობპროდუქტების მძიმე ფრაქციების კვალი აღმოჩნდა. როგორც ალექსანდრე დადიანიძემ განმარტა, ნავთობპროდუქტების მსუბუქი და საშუალო ფრაქციები აქროლადია და დროთა განმავლობაში აორთქლება ახასიათებს, მძიმე ფრაქციები კი ილექება. მიუხედავად ამისა, ექსპერტმა განმარტა, რომ შეუძლებელია იმის თქმა, თუ რა ხანდაზმულობისაა მის მიერ აღმოჩენილი კვალი. ამასთან, ექსპერტის თქმით, კვალი შეიძლება დაეტოვებინა როგორც ბენზინს, დიზელს ან ნავთს, ასევე ზეთოვან ნავთობპროდუქტებსაც, როგორიცაა, მაგალითად, ავტომანქანის ზეთი. „სოციალური სამართლიანობის ცენტრის“ წარმომადგენელი გურო იმნაძე აღნიშნავს, რომ ექსპერტიზამ ამ ნაწილში ცხადად ვერ უპასუხა კითხვას, თუ რა გზით მოხვდა ეს კვალი ლაზარეს სამოსზე და არ გამორიცხა, რომ ის დაბინძურებული ჰაერიდანაც გადასულიყო სამოსზე. მართლაც, ადვოკატების კითხვაზე, რა გზით შეიძლებოდა მოხვედრილიყო ეს კვალი ლაზარეს ქურთუკზე და შეიძლებოდა თუ არა ეს ჰაერიდან მომხდარიყო, ექსპერტმა უპასუხა — „ჰაერში ნავთობპროდუქტი ზოგადად არ არის, თუ დაბინძურებული არ არის“. თუმცა, მისი განცხადებით, ეს არ წარმოადგენდა კვლევის საგანს, მხოლოდ კვალის აღმოჩენა ევალებოდა და არა მისი წარმომავლობის დადგენა. ლაზარე გრიგორიადისმა ექსპერტს ასევე ჰკითხა, ქურთუკის კონკრეტულად რომელი ნაწილზე იქნა აღმოჩენილი ნავთობპროდუქტის კვალი, რაზეც ექსპერტმა უპასუხა — „იმდენად მცირე კვალი იყო, ვერ ვიტყვით“. ალექსანდრე დადიანიძის თქმით, ექსპერტიზის ფარგლებში ნიმუშები აიღეს ქურთუკის მთლიანი შიდა და გარე ზედაპირიდან, ასევე ჯიბეებიდან, და მისი ნაწილების ცალ-ცალკე შესწავლა არ მომხდარა. ექსპერტის განცხადებით, სამოსს არ აღენიშნებოდა ლაქა, რათა ცალკე რომელიმე ნაწილის შესწავლა მომხდარიყო. კიდევ ერთი ექსპერტიზა, რომელიც საქმეში დევს, დამწვარ ავტომობილს შეეხება. სწორედ ამ ნაწილშია ექსპერტიზის დასკვნები, გურო იმნაძის თქმით, ერთმანეთთან შეუსაბამო. კერძოდ, პროცესზე შსს-ს საექსპერტო კრიმინალისტური დეპარტამენტის ექსპერტმა ირაკლი სადრაძემ განაცხადა, რომ მისი კომპეტენციის სფერო იყო, ჩაეტარებინა ტრასოლოგიური ექსპერტიზა და განესაზღვრა, რა დაზიანებები აღენიშნებოდა ავტომობილს და რისი გამოყენებით იყო გაჩენილი. თუმცა, სადრაძის თქმით, ავტომობილი სრულად იყო დამწვარი, განადგურებული და კონკრეტული დაზიანებების შეფასების შესაძლებლობას არ იძლეოდა. ავტომობილზე ჩატარებული კიდევ ერთი ექსპერტიზის ავტორმა ვლადიმერ ბერიძემ კი სასამართლოს განუცხადა, რომ ტოიოტა კოროლას მარკის ავტომობილს მხოლოდ წინა მხარე ჰქონდა შენარჩუნებული, რითაც დაასკვნა, რომ ავტომობილი დამწვარი იყო. ამასთან, ექსპერტის თქმით, დაათვალიერა ავტომობილის ელექტროგაყვანილობის დარჩენილი ნაწილიც, რამაც არ მისცა იმის ფიქრის საფუძველი, რომ ხანძარი ელექტრობის პრობლემამ გამოიწვია. მან საბოლოოდ დაასკვნა, რომ მანქანის დაწვის მიზეზი ცეცხლის ღია წყარო იყო. ექსპერტის აღნიშნული ჩვენების შემდეგ დაცვის მხარემ მოწმეთა ჩვენებებს შორის შეუსაბამობაზე მიუთითა. კერძოდ, გრიგორიადისის ადვოკატებმა იკითხეს, როგორ მოხდა, რომ ერთსა და იმავე ავტომობილზე ორი ექსპერტიდან, რომლებიც ერთად მუშაობენ, ერთი აცხადებს, რომ ავტომობილი მთლიანად განადგურებული იყო და მასზე დაზიანებების აღმოჩენა და მათი გამომწვევი მიზეზების დადგენა შეუძლებელი იყო, მეორე კი ამბობს, რომ გადარჩენილი წინა ნაწილით დაასკვნა დაზიანების მიზეზი და ის, თუ რამ გამოიწვია ხანძარი. აღნიშნულის საპასუხოდ თავად ექსპერტმა თქვა, რომ სხვა ექსპერტის დასკვნას ვერ შეაფასებდა, ბრალდების მხარემ კი განაცხადა, რომ საუბარია ორ სხვადასხვა ტიპის ექსპერტიზაზე. რას ამტკიცებს საქმეზე დართული ვიდეოჩანაწერები? „სოციალური სამართლიანობის ცენტრი“ აღნიშნავს, რომ ბრალდების მხარე დასკვნით სიტყვებში ნეიტრალურ და დამაჯერებელ მტკიცებულებად ასახელებდა ჰაბიდოსკოპიური ექსპერტიზის დასკვნას, რომლითაც თითქოსდა ე.წ. მოლოტოვის კოქტეილის სროლის ამსახველ ვიდეოჩანაწერში ექსპერტმა ლაზარეს სახის იდენტიფიცირება მოახდინა. რეალურად კი, ექსპერტს გადაეცა ვიდეოკადრები, რომლებიც მხოლოდ ლაზარეს საპროტესტო აქციაზე ყოფნასა და პარლამენტის მიმდებარე ტერიტორიაზე მდებარე სუპერმარკეტში პროდუქტების ყიდვას ასახავს. მართლაც, საქმეში დევს არაერთი ვიდეოჩანაწერი სხვადასხვა რაკურსით, თუ როგორ ყიდულობს ლაზარე გრიგორიადისი სუპერმარკეტ „სპარში“ პროდუქტებს და იხდის მათ ღირებულებას „თიბისი“ ბანკის ბარათით. ამასთან, საქმეში დევს კადრები, თუ როგორ შედიან ლაზარე და მისი მეგობრები ერთ-ერთი საცხოვრებელი სახლის სადარბაზოში, საიდანაც ლაზარე მარტო გამოდის პარკით ხელში, რომელშიც, მისი თქმით, საყოფაცხოვრებო ნარჩენები იყო მოთავსებული. გამოძიებას აღნიშნული ჩანაწერი არაერთი რაკურსით აქვს საქმეზე დართული. საქმეზე დართული სხვა კადრები შინაგან საქმეთა სამინისტრომ საჯაროდაც გაავრცელა ლაზარეს დაკავების შემდეგ. თამარ გეგელია აღნიშნავს, რომ საქმეში ასევე არ დევს უწყვეტი ვიდეოჩანაწერი, რომელიც აჩვენებდა, რომ კადრებში ნაჩვენებმა პიროვნებამ მართლაც ისროლა მოლოტოვის კოქტეილი იმ მიმართულებით, რასაც ედავებიან, დაეცა და ცეცხლის წაკიდება გმაოიწვია: ზემოაღნიშნული გარემოებებიდან გამომდინარე, „სოციალური სამართლიანობის ცენტრის“ წარმომადგენელი გურო იმნაძე მიიჩნევს, რომ საქმეში წარმოდგენილი ვიდეოჩანაწერებიდან მხოლოდ ერთი რამ დასტურდება — რომ ლაზარე მართლაც იმყოფებოდა რუსთაველის გამზირზე 7-8 მარტის აქციების დროს, რასაც არც თავად მსჯავრდებული უარყოფს. დარღვევები ამოცნობის პროცესში გურო იმნაძე აღნიშნავს, რომ ერთ-ერთი მნიშვნელოვანი მტკიცებულება ბრალდების მხარისთვის ამ საქმეში ამოცნობის ოქმები უნდა ყოფილიყო, თუმცა პროცესი საპროცესო მოთხოვნების არსებითი დარღვევით ჩატარდა. კერძოდ, ამოცნობის ოქმებში მითითებულია, რომ ფოტოსურათით ამოცნობა იმიტომ ჩატარდა, რომ ბრალდებულის ადგილსამყოფელი უცნობი იყო, რასაც თავად საქმის მასალები ეწინააღმდეგება, სადაც არანაირი მტკიცებულება არ არსებობს იმის თაობაზე, რომ ბრალდებული იმალებოდა. უფრო მეტიც, ბრალდების მხარეს პროცესზე წარმოდგენილი ჰქონდა გრიგორიადისის საცხოვრებელი სახლის შენობის ლიფტთან გადაღებული ვიდეოკადრები. პოლიციელი, რომელსაც ოპერატიული წყაროსგან ეცნობა ინფორმაცია ლაზარეს მიერ სავარაუდო დანაშაულის ჩადენის შესახებ, სასამართლო პროცესზე დასმულ შეკითხვაზე – რატომ არ სცადა ლაზარესთან დაკავშირება და უშუალოდ მისი დაბარება ამოცნობაზე (მაშინ როდესაც ლაზარესა და მისი ოჯახის წევრების საკონტაქტო ინფორმაცია უკვე ჰქონდათ), პასუხობს, რომ საჭიროდ არ ჩათვალა. მოწმეებს კი ამოსაცნობად ლაზარესგან მკვეთრად განსხვავებული გარეგნული მახასიათებლების მქონე სამი პირის ფოტოსურათები წარედგინათ. კერძოდ, წარდგენილ ფოტოსურთაში მხოლოდ ლაზარეს ჰქონდა ქერა თმა. „სოციალური სამართლიანობის ცენტრში“ აღნიშნავენ, რომ სისხლის სამართლის საპროცესო კოდექსი ადგენს, რომ ამომცნობს უნდა წარედგინოს ფოტოსურათები, რომლებზე აღბეჭდილი ობიექტებიც მკვეთრად არ განსხვავდება ერთმანეთისაგან და ამოსაცნობისაგან. გარდა ამისა, ის ზოგადი ნიშნები (მსხვილი წარბები, მუქი ფერის თვალები და სხვ.), რომლებიც ამომცნობმა პოლიციელებმა დაასახელეს ამოცნობის საფუძვლად, სხვა ფოტოებზე წარმოდგენილ პირებსაც უნდა ახასიათებდეთ. „საპროცესო კოდექსის მიხედვით, ჩატარებული ამოცნობა დაუშვებელი მტკიცებულებაა, თუ ამომცნობი მიუთითებს ისეთ ნიშან-თვისებებზე, რომლებიც საკმარისი არ არის ამოსაცნობი ობიექტის იდენტიფიკაციისათვის“ ,— აღნიშნავენ ორგანიზაციაში და დასძენენ, რომ მნიშვნელოვანია ისიც, რომ ლაზარეს სახეზე დიდი ზომის ტატუირება აქვს. თუ პოლიციელები იმდენად დიდხანს აკვირდებოდნენ მის სახეს, რომ დეტალურად აღწერენ სახის ნაკვთებს, სვირინგიც უნდა შეენიშნათ, თუმცა ჩვენებების მიხედვით, ვერც ერთმა პოლიციელმა ვერ ნახა ე.წ. „ტატუ“ მის სახეზე: „დაცვის მხარის პოზიციით, ეს იმითაა განპირობებული, რომ ამოსაცნობად წარდგენილ ფოტოსურათში ლაზარეს ტატუ არ ჰქონდა და, შესაბამისად, პოლიციელები ვერ იტყოდნენ, რომ ამ ნიშნით ამოიცნეს“, — აცხადებენ ორგანიზაციაში. ამავეს გვეუბნება კავკასიის უნივერსიტეტის ასოცირებული პროფესორი თამარ გეგელიაც, რომელიც საქმის მასალებს გაეცნო. სამართლის პროფესორი ხაზს უსვამს, რომ საქმეში მოწმეები ძალიან ზოგად მახასიათებლებზე უთითებენ და არ საუბრობენ ინდივიდუალურ ნიშან-თვისებებზე, როგორიც იქნებოდა, მაგალითად, ტატუ ლაზარეს თვალზე, რომელიც არცერთს საკუთარ ჩვენებაში უხსენებია: მისი თქმით, გარდა თმის ფერისა, ფოტოსურათით ამოცნობის პროცედურისას წარმოდგენილი პირები სხვა ნიშან-თვისებებითაც განსხვავდებიან ლაზარესგან, რაც ასევე უხეში დარღვევაა: Საქმის პოლიტიკური მდგენელი გრიგორიადისის დაკავების შემდეგ ხელისუფლების წარმომადგენლების მხრიდან კეთდებოდა განცხადებები, რომელიც დაცვის მხარის შეფასებით ლაზარეს დისკრედიტაციას ისახავდა მიზნად. ამჟამინდელი პრემიერ-მინისტრი ირაკლი კობახიძე, რომელიც მაშინ „ქართული ოცნების“ თავმჯდომარის პოსტს იკავებდა, ამბობდა, რომ „ამ ადამიანს ყველანაირი ორიენტაცია ჰქონდა არეული“, ირაკლი ღარიბაშვილი კი უდანაშაულობის პრეზუმფციის დარღვევით ამბობდა, რომ ამ საქმეზე ბრალდებული ყველა პირი „უნდა დაისაჯოს“. ხელისუფლების წარმომადგენლების ამ და სხვა მსგავსი განცხადებების გამო ლაზარე გრიგორიადისის მხარე კობახიძისა და ღარიბაშვილისთვის სასამართლოში ჩივილსაც გეგმავდა, თუმცა სასამართლომ საქმე წარმოებაში არ მიიღო. „სოციალური სამართლიანობის ცენტრი“ აღნიშნავს, რომ ლაზარეს მადისკრედიტირებელი კამპანია წარმოებდა პროსახელისუფლებო მედიაშიც. კერძოდ, 2023 წლის 30 მარტს ლაზარეს დაკავების შესახებ ინფორმაცია პროსახელისუფლებლო ტელეკომპანია POSTV-მ გაასაჯაროვა და ბრალდებულის ფოტოს დაურთო წარწერა – “წარსულში მამის მიმართ ძალადობაზე ნასამართლევი, ხოშტარიას პარტიის წევრი ლაზარე გრიგორიადისი დააკავეს”. რეალურად კი, ამ განცხადების გავრცელების მომენტში ლაზარეს ბრალი ჰქონდა წაყენებული ოჯახური დანაშაულისთვის, თუმცა არ არსებობდა სასამართლოს გამამტყუნებელი განაჩენი. შესაბამისად, არც ნასამართლევი იყო. ამასთან, მისი კავშირი რომელიმე პოლიტიკურ პარტიასთან არ დადასტურებულა. „სოციალური სამართლიანობის ცენტრი“ მიიჩნევს, რომ პროპაგანდისტულ კამპანიას მოსახლეობაში ლაზარეს მიმართ ნეგატიური შთაბეჭდილებების შექმნისა და საზოგადოებრივი აზრით მანიპულირების მიზანი ჰქონდა. გარდა ამისა, ხელისუფლების წარმომადგენლების განცხადებებმა იმთავითვე წარმოაჩინა ლაზარეს მიმართ მიმდინარე სისხლის სამართლის საქმისადმი პოლიტიკური დაინტერესება: „საქმეში იკვეთება არსებითი ხასიათის პროცესუალური და მტკიცებულებითი დარღვევები. საქმის სასამართლოში მსვლელობა და მის ირგვლივ ხელისუფლების წარმომადგენლების განცხადებები აჩვენებს, თუ რამდენად მძაფრი იყო ამ საქმის პოლიტიზირების მცდელობა. საქმის განხილვის არაერთ ეტაპზე სერიოზულ პრობლემას წარმოადგენდა ლაზარეზე ყალბი ინფორმაციების გავრცელება, მისგან მტრის ხატის შექმნის და საზოგადოებრივ აზრზე მანიპულირების მცდელობები“ ,— აცხადებენ „სოციალური სამართლიანობის ცენტრში“. ნეტგაზეთი

შინაგან საქმეთა სამინისტროს ინფორმაციით, დააკავეს პირი, რომელიც მოქალაქეებს კრიმინალური ავტორიტეტის სახელით უკავშირებოდა და 100 000 ამერიკულ დოლარს ითხოვდა. დაკავებული მათ სიცოცხლისა და ქონების მოსპობით ემუქრებოდა. შსს-ს ინფორმაციით, სამართალდამცველებმა ბრალდებულის ჩხრეკის შედეგად, ნივთმტკიცებად მობილური ტელეფონი და სიმ ბარათები ამოიღეს, რითიც ის მოქალაქეებს უკავშირდებოდა. გამოძიება სსკ-ის 181-ე მუხლის მე-2 ნაწილით მიმდინარეობს. დანაშაული 4-დან 7 წლამდე პატიმრობას ითვალისწინებს. პუბლიკა

ჩვენი პარტნიორებისთვის გადამწყვეტი იქნება არჩევნები. არაფერს ჩაგვიკეტავენ, როგორც ქვეყანას. ამათ შეიძლება ჩაუკეტონ, მაგრამ ჩვენ ქვეყანას, საზოგადოებას არაფერს ჩაუკეტავენ არჩევნებამდე! ამიტომ, ჩვენ უნდა მივიდეთ 26 ოქტომბრამდე. ყველას ძალიან დიდი პასუხისმგებლობაა, რომ ყველა თავის ადგილას იყოს, ყველამ ეს პასუხისმგებლობა გაითავისოს ბოლომდე იმიტომ, რომ რუსეთის გეგმა არის ზუსტად ეს - ჯახი, არეულობა, დესტაბილიზაცია, -ამის შესახებ პრეზიდენტმა სალომე ზურაბიშვილმა ტელეკომპანია "პირველის“ ეთერში განაცხადა. მანამდე კი, სალომე ზურაბიშვილმა საზოგადოების ერთიანობის კონტექსტში ისაუბრა საქართველოს ეროვნული ნაკრების გამარჯვებაზე და ამასთან დაკავშირებით საზოგადოების დადებით რეაქციებზე. „გავიმარჯვეთ ამ კვალიფიკაციაში და რაღაცნაირად სიმბოლურად ერთი ნაბიჯით გადავდივართ ევროპაში, ასევე ხალხის ზეიმი, ხალხი და პოლიციელები სწორედ, მე ვნახე ჩემი თვალით, როდესაც იქ გავიარეთ და რა მოდის ამის მერე? არ გვაცალეს ეს გახარება, ეს ბედნიერება, ეს ერთიანობა. ვის აწუხებს?რომელი ლოგიკა მუშაობს. ხელისუფლებას რომ ჰქონდეს არჩევნების ლოგიკა, არც იმ კანონის დაბრუნება სჭირდებოდა, არც ქალების კვოტების ამოღება, როდესაც ეს ერთ-ერთ შესრულებულ პუნქტად ითვლება, მერე უკან რატომ იღებ? არც ცესკოს [თავმჯდომარის] შეცვლა იმიტომ, რომ რეალურად ჩვენ ყველამ ვიცით, რომ ცესკოს თავმჯდომარე და ეს წესები უკვე ნაკლებად მნიშვნელოვანია ანუ ძალიან ბევრ რამეს არ გააკეთებდა, რომ უნდოდეს არჩევებისთვის მომზადება და მისთვის გამოყენება ამ სიხარულის, გამარჯვებების. არ უნდა და ვის არ უნდა? ამათ რომ უნდა არჩევნებში გამარჯვება პირადად, დარწმუნებული ვარ. ვის უნდა დაიქსაქსოს საქართველოს საზოგადოება? რუსეთს“, - განაცხადა ზურაბიშვილმა. მან უპასუხა კითხვას, ახლა ასრულებს თუ არა "ქართული ოცნება" კრემლის, რუსეთის დავალებას. „ვის უნდა ჩვენი დასუსტება? ვის უნდა ჩვენი და უკრაინის დაჯახება? მაინც და მაინც, ვის არ უნდა, რომ საქართველო, რომელსაც დღეს უკვე სომხეთი მოჰყვება, აჩქარებული ტემპით შევიდეს [ევროკავშირში] და ამ აჩქარებულ ტემპზე არავინ ოცნებობდა. გამოვიდა ევროკავშირის ელჩი გუშინ წინ და გვეუბნება, კარი ღია არის, შემოაბიჯეთო, ცოტა ხნის წინა გერმანიის ელჩი გვეუბნება, რომ წლის ბოლოსთვის ყველანაირი შანსი გაქვთ, რომ ეს მოლაპარაკებები გაიხსნას. მე არ დამესიზმრებოდა, როდესაც პრეზიდენტი გავხდი და მეკითხებოდნენ, რა არის თქვენი ოცნებაო, მე ვამბობდი, ჩემი ოცნებაა, ქვეყანა ევროკავშირში და ნატო-ში შევიყვანო, მაგრამ რეალურად, ჩემი ოცნება იყო, რომ რაღაც გადადგმული ნაბიჯები [ყოფილიყო]“, - განაცხადა ზურაბიშვილმა. მისი თქმით, საქართველოს პარტნიორებისთვის გადამწყვეტი იქნება 2024 წლის საპარლამენტო არჩევნები. „ჩვენი პარტნიორებისთვის გადამწყვეტი იქნება არჩევნები. როგორც ქვეყანას არაფერს ჩაგვიკეტავენ, ამათ შეიძლება ჩაუკეტონ, მაგრამ ჩვენ ქვეყანას, საზოგადოებას არაფერს ჩაუკეტავენ არჩევნებამდე! ამიტომ, ჩვენ უნდა მივიდეთ 26 ოქტომბრამდე. ყველას ძალიან დიდი პასუხისმგებლობაა, რომ ყველა თავის ადგილას იყოს, ყველამ ეს პასუხისმგებლობა გაითავისოს ბოლომდე იმიტომ, რომ რუსეთის გეგმა არის ზუსტად ეს - ჯახი, არეულობა, დესტაბილიზაცია. მერე მე დამაბრალებენ, თქვენ დაგაბრალებენ, ყველას დააბრალებენ, გარდა თავიანთი თავისა, მაგრამ ეს არის საკმაოდ ადვილი. არ დაგვავიწყდეს, რომ ამ ქვეყანაში ამდენი რუსია შემოსული, რომელიც არანაირად არ კონტროლდება“, - განაცხადა ზურაბიშვილმა და იქვე განმარტა, არ ფიქრობს იმას, რომ ყველა რუსი, რომელიც საქართველოშია შემოსული, ქვეყნის მტრები ან აგენტები არიან, თუმცა, მისივე თქმით, „რაღაცნაირად ცოტა უნდა გაკონტროლდეს“. იპნ

ფაქტიურად ევროკავშირში 2 ძირითადი ძრავი ქვეყანაა- გერმანია და საფრანგეთი. გერმანია არის ის ქვეყანა, რომელიც ეკონომიკურად არის ყველაზე მძლავრი ინსტრუმენტი ევროკავშირში. მის გარეშე ვერ იქნება, გაწევრიანების პერსპექტივა, ვერც წევრობის პერსპექტივა, კანდიდატის სტატუსი, ვერც ვიზალიბერალიზაციის მიცემა ან ჩამორთმევა. წარმოიდგინეთ, რომ ასეთი ინსტრუმენტებიც არსებობს ევროკავშირში. ამიტომ თუ გერმანია შენ მხარეს არ არის, ეს იმას ნიშვანს, რომ უბრალოდ შენ მომავალი ევრიკავშირში არ გაქვს და ჩემი აზრით ბატონმა შოლცმა მიანიშნა იმაზე, რომ თუ ეს კანონი იქნება მიღებული საქართველოს ევროპული პერსპექტივა ჩაიკეტება. “ოცნების” ამომრჩეველში არსებობს საკამოდ დიდი ელექტორალური მარჟა, რომელიც შეიძლება 41 ნომერს კი ხაზავს, მაგრამ ძალიან მკაფიო წარმოდგენა აქვთ გონებაში- მათ რუსეთი არ უნდათ და არ სურთ საბჭოთა კავშირში დაბრუნება. კახაბერ ქემოკლიძე, პარტია “გახარია საქართველოსთვის” პოლიტიკური მდივანი. ვიდეო: https://www.facebook.com/ForGeoGe/videos/1064628634624560/