tvati

„პალიტრა მედია“ 18 აპრილის ღონისძიებასთან დაკავშირებით განცხადებას ავრცელებს. „პალიტრა მედია“ 18 აპრილს 29 წლის ხდება. ამასთან დაკავშირებით დაგეგმილი იყო ტრადიციული საზეიმო ღონისძიება, რომელშიც თანამშრომლებთან ერთად, მონაწილეობა უნდა მიეღო ჰოლდინგის მრავალრიცხოვან გულშემატკივარსაც. იხილეთ განცხადება სრულად.

მას შემდეგ, რაც გუშინ ხელისუფლებამ მშვიდობიანი საპროტესტო აქცია ძალადობრივი მეთოდებით დაარბია და მოქალაქეებს ფიზიკურად გაუსწორდა, რუსული კანონის წინააღმდეგ არაერთმა სპორტსმენმა და ცნობილმა ადამიანმა გამოხატა საკუთარი პოზიცია. მათ შორის არიან ეროვნული ნაკრების ფეხბურთელები, ბუდუ ზივზივაძე, ჯაბა კანკავა, გიორგი მამარდაშვილის. ასევე, UFC-ის ქართველი ჩემპიონი, ილია თოფურია. გთავაზობთ მათ გამოხმაურებებს: მერაბ დვალიშვილი „მინდა გამოვეხმაურო ჩვენს სამშობლოში მიმდინარე დღევანდელ მოვლენებს და დავაფიქსირო ჩემი აზრი. საქართველო არის, უნდა იყოს ევროპული ოჯახისა და ცივილიზაციის სრულფასოვანი წევრი”. ილია თოფურია „მტკივნეულია იმის ყურება, თუ როგორ სცემს სპეცრაზმი აქციის მონაწილეებს, რომლებიც იბრძვიან ყველას, თვით პოლიციის კეთილდღეობისთვისაც კი. მნიშვნელოვანია, რომ ქართველი ხალხის ხმა ესმოდეთ და პატივს სცემდნენ. სამწუხაროა, რომ ქართველ ხალხს დღესაც უწევს ამისთვის ბრძოლა. ევროპისკენ სწრაფვით, ჩვენ ერთად შეგვიძლია ავაშენოთ უფრო აყვავებული და მშვიდობიანი მომავალი ჩვენი ქვეყნისთვის”. – დაწერა ილია თოფურიამ Instagram-ზე. თორნიკე შენგელია „ჩემთვის და ჩვენთვის, სპორტსმენებისთვის, არაფერია იმაზე მნიშვნელოვანი როდესაც ჩვენი საქმით ერს ვაბედნიერებთ და ვაერთიანებთ. ამის უდიდესი მაგალითი ცოტა ხნის წინ დინამო არენაზე ვიხილეთ. სამწუხაროა, როდესაც რამდენიმე ნაწილად გახლეჩილ, დანაწევრებულ ერს ვხედავ. ძალიან მწყდება გული, რომ ამის აღმოსაფხვრელად ბევრის არაფრის გაკეთება შემიძლია გარდა იმისა, რომ ვიმედოვნო – როგორც ჩვენი საქმით, ისე სიტყვით გავერთიანდეთ და ყველანი ერთად, არავის გამოკლებით, წინ, ერთად ევროპისკენ!”. ზურიკო დავითაშვილი „საქართველოს გზა ევროპაშია, ევროპული გზა გვაერთიანებს! წინ ევროპისკენ”. გიორგი წიტაიშვილი „საქართველოს გზა და მომავალი მხოლოდ ევროპაზე გადის”. ხვიჩა კვარაცხელია „საქართველოს გზა ევროპაშია. ევროპული გზა გვაერთიანებს!! წინ ევროპისკენ!! მშვიდობა საქართველოს”. გიორგი მამარდაშვილი „საქართველოს გზა და მომავალი მხოლოდ ევროპაზე გადის”. გიორგი აბურჯანია „საქართველო ევროპაში”, – დაწერა მან Instagram-სთორიში და აქციის ფოტო გამოაქვეყნა. შოთა არველაძე „არ არსებობს შემთხვევა, როცა ისტორიის რომელიმე მონაკვეთში, რუსეთი ისეთ გადაწყვეტილებაში გვიჭერდა მხარს, რომელიც ჩვენი ქვეყნისთვის და ხალხისთვის იყო სასარგებლო. ამიტომ, არა ამ კანონს და არა ყველა იმ ინიციატივას, რომელიც გვაშორებს ჩვენ მთავარ მიზანს და საფრთხეს უქმნის ჩვენ მომავალს”. თამადა „მმართველო პარტიავ, ვგრძნობ, ბოლო შანსი გაქვთ ყოველ დილით, ხეზე აყუდებული, გაციებული ვარლამივით არ დახვდეთ საკუთარ შთამომავლობას. ხოდა, გადაწყვიტეთ რა და რად გიღირთ?! სულ ვერ იქნებით ასე ფესვგადგმულნი და აუცილებლად მოვრეცხავთ თქვენგან დატოვებულ ჭუჭყს. საქართველოს გზა ევროპაშია!”. მებო ნუცუბიძე „როცა ხედავ, როგორ ურტყამენ ადამიანებს და უსამართლობის გრძნობის, ბრაზისა და გინების ნაცვლად, სხვა რამეებზე იწყებ ფიქრს, მანდ კარგავ ადამიანობას და ემსგავსები ცხოველს. პრინციპში, ცხოველებს რას ვერჩი: ემსგავსები უემპათიო უტვინო არსებას, რომელსაც აღარაფერი აქვს ადამიანური. “არ ვიცი რა ხდება”, “არ მაინტერესებს”, “არ მეხება” და მსგავსი ფრაზები დანაშაულია. რატომ არ იცი მერე, შე დალოცვილო, ორი თვალი და ორი ყური გაქვს, შედი ინტერნეტში, ჩართე ტელევიზორი და თუ სხვა ადამიანებს არ უჯერებ, კადრები ნახე. ასფალტზე დაგდებული უმოძრაო ადამიანის დანახვაზე სიბრაზისგან თვალები ცრემლებით თუ არ გევსება, მუჭები ავტომატურად თუ არ გეკვრება და ყელში ბურთი არ გეჩხირება, გაჩუმდი მაინც. სარკეში ჩაიხედე და შეგრცხვეს. ნახე, რას დაემსგავსე. და რისთვის? სამსახურისთვის? კომფორტისთვის? ხვალ შენც დაგაგდებენ და არავინ იქნება შენი მომკითხავი. არ ცოდნა არ ცოდვა არ არის. ამ ამბების “არ ცოდნა” ყველაზე დიდი ცოდვა და დანაშაულია”. ლუკა ნაჭყებია „ამ კანონს ვერ გაიტანთ. უბრალოდ არ გამოვა, არაა ეს ქვეყანა არც ყირგიზეთი არც რუსეთი… პატარა ქვეყანაა და ამ პატარა ქვეყანამ თავისუფლების გემო იცის ეს.პატარა ქვეყანა ნამეტანი ახლოსაა ევროპასთან, ამ პატარა ქვეყანას დიდი მთები ყოფს იმ არარაობა განავალთან რასაც რუსეთს ეძახიან… უბრალოდ არ გამოვა…“ სანდრო ადეიშვილი „დუმილი ღალატის ტოლფასია! წინ ევროპისკენ, საქართველო გაიმარჯვებს!”. გიორგი ქვილითაია „ევროპა საქართველოს ისტორიული არჩევანია და ამას ვერაფერი შეცვლის”. თორნიკე ოქრიაშვილი „საქართველო ევროპაში”, – დაწერა მან Instagram-სთორიში. ბუდუ ზივზივაძე „არა რუსეთს. საქართველოს გზა ევროპაშია. პ.ს მადლობა არავინ გადამიხადოს, რადგან იმას ვამბობ, რაც ყველა ქართველმა უნდა თქვას”. ნინო ხარატიშვილი „ალა ლუსულ კანონს” გადაგექცევათ: „ალა ქართულ ოცნებას”. ივა ფეზუაშვილი „არ მოტყუვდე და არ მოდუნდეთ, ახლა ჩვენი ჯერია, ახლა ჩვენ უნდა მოვაშოროთ წესრიგის დაცვის ადგილს ქოცები, პუტინის მონები და სერგო ორჯონიკიძეები”. ამასთან, აქციის პარალელურად Instagram-სთორიში პროვეროპული პოსტები გამოაქვეყნეს გიორგი ჩაკვეტაძემ, თაკო ნაცვლიშვილმა, ჯაბა კანკავამ, მატილდა გვარლიანმა. გუშინ რუსული კანონის წინააღმდეგ გამართულ აქციაზე ხელისუფლებამ მონაწილეები ძალისმიერი მეთოდებით დაარბია. პოლიცია ფიზიკურად გაუსწორდა აქციის მშვიდობიან მონაწილეებს და მედიის წარმომადგენლებს. სპეციალური დანიშნულების რაზმის წევრებმა ფიზიკური შეურაცხყოფა მიაყენეს „პუბლიკის“ ჟურნალისტ ალექსანდრე ქეშელაშვილს; სცემეს „აპრილისა“ და „ტაბულას“ ჟურნალისტებს – გიორგი ბასხაჯაურსა და გიორგი ბადრიძეს. არსებული ინფორმაციით, დაკავებულია 10-მდე ადამიანი, რომლებსაც დაზიანებები აღენიშნებათ. როგორც ზურაბ ჯაფარიძემ დაწერა, ყველა მათგანი ნაცემია. არასამთავრობო ორგანიზაციების შეფასებით, გუშინ ხელისუფლებამ უგულებელყო შეკრებისა და გამოხატვის კონსტიტუციური უფლება და პოლიციელებმა საპროტესტო აქციის დროს საფრთხე შეუქმნეს ადამიანთა ჯანმრთელობას. პუბლიკა

UFC-ის ქართველი ჩემპიონი ილია თოფურია რუსული კანონის წინააღმდეგ გამართულ პროტესტს და აქციის დარბევას ეხმაურება. „მტკივნეულია იმის ყურება, თუ როგორ სცემს სპეცრაზმი აქციის მონაწილეებს, რომლებიც იბრძვიან ყველას, თვით პოლიციის კეთილდღეობისთვისაც კი. მნიშვნელოვანია, რომ ქართველი ხალხის ხმა ესმოდეთ და პატივს სცემდნენ. სამწუხაროა, რომ ქართველ ხალხს დღესაც უწევს ამისთვის ბრძოლა. ევროპისკენ სწრაფვით, ჩვენ ერთად შეგვიძლია ავაშენოთ უფრო აყვავებული და მშვიდობიანი მომავალი ჩვენი ქვეყნისთვის”. – დაწერა ილია თოფურიამ Instagram-ზე. გუშინ რუსული კანონის წინააღმდეგ გამართულ აქციაზე ხელისუფლებამ მონაწილეები ძალისმიერი მეთოდებით დაარბია. პოლიცია ფიზიკურად გაუსწორდა აქციის მშვიდობიან მონაწილეებს და მედიის წარმომადგენლებს. სპეციალური დანიშნულების რაზმის წევრებმა ფიზიკური შეურაცხყოფა მიაყენეს „პუბლიკის“ ჟურნალისტ ალექსანდრე ქეშელაშვილს; სცემეს „აპრილისა“ და „ტაბულას“ ჟურნალისტებს – გიორგი ბასხაჯაურსა და გიორგი ბადრიძეს. არსებული ინფორმაციით, დაკავებულია 10-მდე ადამიანი, რომლებსაც დაზიანებები აღენიშნებათ. როგორც ზურაბ ჯაფარიძემ დაწერა, ყველა მათგანი ნაცემია. არასამთავრობო ორგანიზაციების შეფასებით, გუშინ ხელისუფლებამ უგულებელყო შეკრებისა და გამოხატვის კონსტიტუციური უფლება და პოლიციელებმა საპროტესტო აქციის დროს საფრთხე შეუქმნეს ადამიანთა ჯანმრთელობას. პუბლიკა

„ოცნებამ“, რომელიც უდიდეს პროპაგანდას აწარმოებდა ქართველი ხალხის წინააღმდეგ, ვერც ახლა შეძლო დაერწმუნებინა ადამიანები, რომ ეს კანონი რუსული არ არის, - ამის შესახებ პარტია „გახარია საქართველოსთვის“ წევრმა, ბექა ლილუაშვილმა ჟურნალისტებთან განაცხადა. ლილუაშვილის თქმით, მმართველმა გუნდმა ამაში ვერც საჯარო მოხელეები და ვერც საკუთარი ამომრჩევლები ვერ დაარწმუნა. „პირველ რიგში, მინდა ისევ მადლობით დავიწყო და მადლობა გადავუხადო თითოეულ მოქალაქეს, რომელიც გუშინაც იდგა აქციაზე, სწორად გაიგო ჩვენი დასავლელი მეგობრების და პარტნიორების განცხადებები, განსხვავებით მმართველი ძალისგან, რომ ამ კანონს არაფერი აქვს საერთო ევროპულთან და გვაშორებს ევროკავშირს, რაც უკვე ნიშნავს, რომ ეს კანონი რუსულია. „ოცნებამ“, რომელიც უდიდეს პროპაგანდას აწარმოებდა ქართველი ხალხის წინააღმდეგ, ვერც ახლა შეძლო დაერწმუნებინა ადამიანები, რომ ეს კანონი რუსული არ არის. მათ შორის: ვერ დაარწმუნა ვერც საჯარო მოხელეები, რომლებსაც უდიდესი წვლილი მიუძღვით ამ ქვეყნის ევროინტეგრაციის პროცესში და ვერც საკუთარი ამომრჩეველი, რომლებიც გუშინაც ბევრი ვიხილეთ აქციაზე. პასუხისმგებლობიანი პოლიტიკოსების ამოცანა კი არის, რომ არ დავუშვათ ამ კანონის მიღება ჩვენს მოქალაქეებთან ერთად მშვიდობიანად. ამაზე კი მთელი პასუხისმგებლობა „ოცნების“ მხარესაა, რომელიც ბოლო პერიოდში უშედეგოდ ცდილობს ადამიანები ერთმანეთს დააპირისპიროს. ამ ყველაფერს მოქალაქეებმა მტკიცე ერთიანობით და სიმშვიდით უპასუხეს, სწორედ ეს ერთიანობა იქნება გზა არჩევნებამდეც, სადაც უკვე „ოცნება“ ოფიციალურად გამოცხადდება დამარცხებულად, რადგან „ოცნება“ უკვე დამარცხდა ამ ქვეყნის მომავალთან“, - აღნიშნა ბექა ლილუაშვილმა. იპნ

„საქართველოს გზა ევროპაშია. ევროპული გზა გვაერთიანებს!! წინ ევროპისკენ!! მშვიდობა საქართველოს“, - წერს ხვიჩა კვარაცხელია

პასუხისმგებლიანი პოლიტიკოსების ამოცანაა, არ დავუშვათ ამ კანონის მიღება ჩვენს მოქალაქეებთან ერთად მშვიდობიანად. ამაზე კი მთელი პასუხისმგებლობა „ოცნების“ მხარესაა, რომელიც ბოლო პერიოდში უშედეგოდ ცდილობს ადამიანები ერთმანეთს დააპირისპიროს. ამ ყველაფერს მოქალაქეებმა მტკიცე ერთიანობით და სიმშვიდით უპასუხეს, სწორედ ეს ერთიანობა იქნება გზა არჩევნებამდეც, სადაც უკვე „ოცნება“ ოფიციალურად გამოცხადდება დამარცხებულად, რადგან „ოცნება“ უკვე დამარცხდა ამ ქვეყნის მომავალთან. ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე. ვიდეო: https://www.facebook.com/ForGeoGe/videos/3767657393516183/

სახალხო დამცველმა, ლევან იოსელიანმა რუსთაველის გამზირზე გამართულ აქციაზე დაკავებულები მოინახულა, რომლებიც ავჭალის იზოლატორში არიან მოთავსებულნი. სახალხო დამცველი ამბობს, რომ იზოლატორში 6 ადამიანი იმყოფება, რომელთაგან 2 ფიზიკურ დაზიანებებზე მიუთითებს. მისივე თქმით, მათგან ერთ დაკავებულს დაზიანებები სახის არეში ეტყობა. მისივე თქმით, ერთი ადამიანი გადაყვანილია ბოკერიას სახელობის კლინიკაში. ომბუდსმენი ამბობს, რომ პოლიციის ქმედებები აბსოლუტურად განსხვავებული იყო აქციის პირველ და მეორე დღეებს შორის. „აბსოლუტურად განსხვავებული იყო პოლიციის მოქმედება პირველ დღესა და მეორე დღეს შორის, პირველ დღეს ჩვენ ვიხილეთ, რომ საბოლოო ჯამში პოლიციის მოქმედება არ იყო ასეთი ინტენსიური და უხეში ჩარევა უფლებებში, მეორე დღეს კადრებში ჩანს, როდესაც პოლიცია კონკრეტულ მოქალაქეებს მისდევს და მათზე ფიზიკურად ზემოქმედებს და ასე შემდეგ…“ ომბუდსმენი ამბობს, რომ აპარატი ყველა ამ შემთხვევას შეისწავლის და საზოგადოებასა და საერთაშორისო ორგანიზაციებს გააცნობს ინფორმაციას, როგორც შსს-ს მხრიდან ძალის გამოყენების პროპორციულობის შესახებ. შსს-მ გუშინდელ აქციაზე 11 პირი დააკავა ადმინისტრაციული წესით. პუბლიკა

ჯანდაცვის მინისტრის მოადგილის, თამარ გაბუნიას ინფორმაციით, გუშინ პოლიციელების მიერ აქციაზე ნაცემი მოქალაქეები კლინიკებში არიან გადაყვანილები. მისი განცხადებით, სამედიცინო დაწესებულებებში მოთავსებულია 5 მოქალაქე, ამასთან, დაშავებულია 2 პოლიციელი. მის კომენტარს „ინტერპრესნიუსი” ავრცელებს. გუშინ რუსული კანონის წინააღმდეგ გამართულ აქციაზე ხელისუფლებამ მონაწილეები ძალისმიერი მეთოდებით დაარბია. პოლიცია ფიზიკურად გაუსწორდა აქციის მშვიდობიან მონაწილეებს და მედიის წარმომადგენლებს. სპეციალური დანიშნულების რაზმის წევრებმა ფიზიკური შეურაცხყოფა მიაყენეს „პუბლიკის“ ჟურნალისტ ალექსანდრე ქეშელაშვილს; სცემეს „აპრილისა“ და „ტაბულას“ ჟურნალისტებს – გიორგი ბასხაჯაურსა და გიორგი ბადრიძეს. არსებული ინფორმაციით, დაკავებულია 10-მდე ადამიანი, რომლებსაც დაზიანებები აღენიშნებათ. როგორც ზურაბ ჯაფარიძემ დაწერა, ყველა მათგანი ნაცემია. არასამთავრობო ორგანიზაციების შეფასებით, გუშინ ხელისუფლებამ უგულებელყო შეკრებისა და გამოხატვის კონსტიტუციური უფლება და პოლიციელებმა საპროტესტო აქციის დროს საფრთხე შეუქმნეს ადამიანთა ჯანმრთელობას. პუბლიკა

არა ამ კანონს და არა ყველა იმ ინიციატივას, რომელიც გვაშორებს ჩვენ მთავარ მიზანს და საფრთხეს უქმნის ჩვენ მომავალს, - ამ განცხადებას სოციალურ ქსელში საქართველოს ეროვნული ნაკრების ყოფილი ფეხბურთელი შოთა არველაძე აკეთებს. “არ არსებობს შემთხვევა, როცა ისტორიის რომელიმე მონაკვეთში, რუსეთი ისეთ გადაწყვეტილებაში გვიჭერდა მხარს, რომელიც ჩვენი ქვეყნისთვის და ხალხისთვის იყო სასარგებლო. ამიტომ, არა ამ კანონს და არა ყველა იმ ინიციატივას, რომელიც გვაშორებს ჩვენ მთავარ მიზანს და საფრთხეს უქმნის ჩვენ მომავალს“, - წერს შოთა არველაძე. იპნ

თბილისში უცხოელი აგენტების შესახებ კანონის ირგვლივ დისკუსია ქუჩის შეტაკებებსა და პარლამენტში მხიარულ, ქართული ჩხუბის სფეროში გადავიდა. მან, ვინც მსგავს აქციებს სპონტანურ პროტესტს უწოდებს, საკუთარ სარკეში ქვა პირველმა ისროლოს, - ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევი „ტელეგრამის“ არხზე წერს. „თბილისში უცხოელი აგენტების შესახებ კანონის ირგვლივ დისკუსია ქუჩის შეტაკებებისა და პარლამენტში მხიარულ ქართული ჩხუბის სფეროში გადავიდა. მან, ვინც მსგავს აქციებს სპონტანურ პროტესტს უწოდებს, საკუთარ სარკეში ქვა პირველმა ისროლოს. ყველა მსგავსი აქციის უკან გამოცდილი და ნაცნობი „ჰოლივუდის“ ხელია. მთავარი, რაც „მომიტინგეებს“ არ მოსწონთ „უცხოური გავლენის გამჭვირვალობის შესახებ“ კანონში, რომლის მიღებასაც საქართველოს პარლამენტი ცდილობს, არის ის, რომ, ხედავთ, ეს არის „რუსული იდეა“ და არა დასავლური ინიციატივა. სხვათა შორის, ერთი წლის წინ, აშშ-ის სახელმწიფო დეპარტამენტმა, მისი ოფიციალური წარმომადგენლის, პრაისის მეშვეობით, განსაკუთრებული „კმაყოფილება“ გამოხატა, როდესაც საქართველოს ხელისუფლებამ ამჟამინდელი კანონის წინა პროექტი გაიწვია. იმის გამო, რომ (სიტყვასიტყვით) დოკუმენტი „ევროატლანტიკურ ღირებულებებთან შეუთავსებელი“ იყო. მართალია, ღირებულებები განსხვავებულია. შავი ზღვა ატლანტის ოკეანე არ არის, Georgia - საქართველო არ არის, სახელების მსგავსების მიუხედავად“, - წერს დიმიტრი მედვედევი „ტელეგრამის“ არხზე. ამასთან, მედვედევი აცხადებს, რომ უცხოური აგენტების შესახებ კანონები მთელ რიგ ქვეყნებში არსებობს. „ამავდროულად, ევროკავშირი ახლა უცხოური აგენტების შესახებ კანონის საკუთარი ვერსიის მიღებას გეგმავს. უფრო მკაცრის, ვიდრე ამერიკის შეერთებულ შტატებშია, სადაც ის 1938 წლიდან მოქმედებს და იურიდიულ და ფიზიკურ პირთა ფართო სპექტრის საქმიანობას სერიოზულად ზღუდავს, რომლებიც უცხოური სტრუქტურებისა და მოღვაწეების ინტერესებს წარმოადგენენ. ეს არის ამერიკული კანონი და ის საუკეთესოა. ვფიქრობ, უცხოური აგენტებისთვის სიკვდილით დასჯაც რომ ყოფილიყო, ვაშინგტონი ასეთი რეპრესიების გამართლებასაც იპოვიდა. განსხვავებით ქართული, ყირგიზული ან სრულიად ლოიალური რუსული კანონისგან, რომელიც უცხოელ აგენტებს საქმიანობის ნებას რთავს, მაგრამ სავსებით სამართლიანად, მათგან გამჭვირვალობას მოითხოვს და სახელმწიფოს შიდა საქმეებში, ეკონომიკასა და პოლიტიკურ ცხოვრებაში ფარულ უკანონო საგარეო ჩარევას ხელს უშლის. უცხოური აგენტების შესახებ კანონები მთელ რიგ ქვეყნებში არსებობს. მათ შორის ისრაელშიც, ან (ბევრად უფრო მკაცრი) უნგრეთში ან ავსტრალიაში. მაგრამ, ვაშინგტონი და ბრიუსელი ყველაფრით საკმაოდ კმაყოფილი არიან. არანაირი პრეტენზია და დაგმობა“, - განაცხადა მედვედევმა. იპნ

დემოკრატიულმა მთავრობამ თავის ხალხს უნდა მოუსმინოს და არა პუტინის ნეოკოლონიურ დღის წესრიგს, - ამის შესახებ ევროპარლამენტარი, ვლად გეორგე აცხადებს. „საქართველოს მოქალაქეები მკაფიოდ აცხადებენ: მათ სურთ იყვნენ ევროკავშირის ნაწილი! დემოკრატიულმა მთავრობამ თავის ხალხს უნდა მოუსმინოს და არა პუტინის ნეოკოლონიურ დღის წესრიგს. მე ქართველების გვერდით ვდგავარ“, - წერს ვლად გეორგე X-ზე. იპნ

საქართველოს პრეზიდენტი, სალომე ზურაბიშვილი, დღეს, ევროკავშირის ქვეყნების ელჩებს შეხვდება. როგორც პრეზიდენტის ადმინისტრაციაში აცხადებენ, შეხვედრა ორბელიანების სასახლეში, 14:00 საათზეა დაგეგმილი. მათივე ინფორმაციით, პრეზიდენტი ევროკავშირის ქვეყნების ელჩების გარდა, შეხვდება დიდი ბრიტანეთისა და აშშ-ს ელჩებს. იპნ

საზოგადოებრივი ორგანიზაციები შინაგან საქმეთა სამინისტროს მოუწოდებენ, შეწყვიტონ მშვიდობიანი დემონსტრანტების მიმართ ფიზიკური ანგარიშსწორება. ხელმომწერები: საერთაშორისო გამჭვირვალობა – საქართველო საქართველოს ახალგაზრდა იურისტთა ასოციაცია საქართველოს დემოკრატიული ინიციატივა სამართლიანი არჩევნებისა და დემოკრატიის საერთაშორისო საზოგადოება სოციალური სამართლიანობის ცენტრი ქალთა ინიციატივების მხარდამჭერი ჯგუფი ადამიანის უფლებათა ცენტრი უფლებები საქართველო სამოქალაქო საზოგადოების ფონდი პუბლიკა

რუსული კანონის საწინააღმდეგო აქციაზე სპეცრაზმელებმა „ტაბულას“ ჟურნალისტ გიორგი ბადრიძეს და „აპრილის“ ჟურნალისტ გიორგი ბასხაჯაურს სცემეს. „ჟვანიას ქუჩაზე, ტაბულას ჟურნალისტს, გიორგი ბადრიძეს სპეცდანიშნულების რაზმის წევრებმა სცემეს და მობილური წაართვეს, როცა ის აქციას იღებდა. ჩემი თხოვნის მიუხედავად, წამოსულიყო, გიორგიმ მუშაობა გააგრძელა ოფისის მობილურით, რომლის წართმევაც ასევე სცადეს და უკან დააბრუნებინა. რუსული, ღორი რეჟიმის დაცვაში სპეზრაცმი იქცევა ველურივით. ჯერ მობილური დააბრუნეთ და დანარჩენს მოგხედავთ“, – წერს „ტაბულას“ რედაქტორი ლევან სუთიძე. „აპრილის“ ჟურნალისტები იუწყებიან, რომ გიორგი ბასხაჯაურს სახეზე დაზიანებებიც აქვს. თავად ბასხაჯაური ყვება, რომ მას მიაყენეს სიტყვიერი შეურაცხყოფა, შემდეგ კი ფიზიკურად გაუსწორდნენ. „წავიქეცი და ზემოდან მირტყამდა რამდენიმე რობოკოპი. წაქცეული რომ ვიყავი და მირტყამდნენ, ვეუბნებოდი, რომ ჟურნალისტი ვარ“, – ამბობს ის „აპრილის“ ცნობით. რუსული კანონის საწინააღმდეგო აქციაზე სპეცრაზმელებმა „პუბლიკის“ ჟურნალისტი ალექსანდრე ქეშელაშვილი სცემეს. ალექსანდრე ქეშელაშვილი ადგილზე პროფესიულ მოვალეობას ასრულებდა და იღებდა, როგორ აკავებდნენ სპეცრაზმელები მოქალაქეებს. მისი ცნობით, სამართალდამცველებმა მას წაართვეს ტელეფონიც, თუმცა შემდეგ უკან დაუბრუნეს. პუბლიკა

საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს. როგორც განცხადებაშია აღნიშნული, 17 აპრილს საქართველოს პარლამენტის სასახლეში იმოქმედებს უსაფრთხოების ყვითელი დონე - ვიზიტორებს ეზღუდებათ პარლამენტის სასახლეში შესვლა. „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე" საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, მიმდინარე წლის 17 აპრილს საქართველოს პარლამენტის სასახლეში იმოქმედებს უსაფრთხოების ყვითელი დონე - ვიზიტორებს ეზღუდებათ პარლამენტის სასახლეში შესვლა. დაგეგმილ საპარლამენტო ღონისძიებებზე (მათ შორის კომიტეტის სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შეზღუდვა არ შეეხება ტელემაუწყებლების/ტელემედია საშუალებების აკრედიტებულ ჟურნალისტებს. აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა“, - ნათქვამია განცხადებაში. შეგახსენებთ, საქართვველოს პარლამენტში 15 აპრილიდან „უცხოური გავლენის გამჭვირვალობის შესახებ“ კანონპროექტს განიხილავენ. 15-16 აპრილსაც საკანონმდებლო ორგანოში უსაფრთხოების მსგავსი რეჟიმი მოქმედებდა. ipn

საშინაო და საგარეო პოლიტიკის აქტუალურ თემებზე „ინტერპრესნიუსი“ ნატოში საქართველოს ყოფილ ელჩს, სტრატეგიის და განვითარების ცენტრის (CSD) დამფუძნებელს ლევან დოლიძეს ესაუბრა. - ბატონო ლევან, მას შემდეგ, რაც საპარლამენტო უმრავლესობამ განაცხადა, რომ აპირებს „აგენტების შესახებ“ კანონის სხვა სახელწოდებით, კერძოდ, „უცხოური გავლენის გამჭვირვალეობის შესახებ“ სახელწოდებით მიღებას, ეს საკითხი ჩვენი საშინაო და საგარეო პოლიტიკის ყველაზე აქტუალურ და განხილვად თემად იქცა. რამდენადაც მახსოვს, თქვენ სამოქალაქო სექტორში მუშაობის გამოცდილებაც გაქვთ. როგორ ფიქრობთ, რამდენად დამაჯერებელია ხელისუფლების დეკლარირებული პოზიცია, რომ ეს კანონი არასამთავრობო ორგანიზაციების საქმიანობის გამჭვირვალობას ისახავს მიზნად? ან როგორ ფიქრობთ, სხვა რა მიზანს შეიძლება უკავშირდებოდეს ამ კანონის ინიციირება? - ხელისუფლების რეალური მიზანი, რომ მეტი გამჭვირვალობის უზრუნველყოფა იყოს, ეს კანონპროექტი ამ ფორმით არ იქნებოდა ინიცირებული. კანონპროექტის მოთხოვნა, რომ უცხოეთიდან გრანტების მიმღები ორგანიზაციები უნდა დარეგისტრირდნენ უცხო ძალის ინტერესების გამტარებლებად, რაც პრაქტიკულად უცხო ძალის აგენტის სინონიმია, ნათლად წარმოაჩენს, რომ ხელისუფლების მთავარი ამოცანა, არა გამჭვირვალობა, არამედ აღნიშნული ორგანიზაციების დისკრედიტაციაა. გარდა იმისა, რომ ხელისუფლებას აქვს, სრული ინფორმაცია დონორების მიერ დაფინანსებული პროექტების შესახებ, აქ ისიც საყურადღებოა, რომ საქართველოს მიმართ პარტნიორების მიერ გაწეული მხარდაჭერა, რომელსაც ადგილზე არასამთავრობო ორგანიზაციები ახორციელებენ, ხშირ შემთხვევაში სწორედ საქართველოს ხელისუფლების მიერ განსაზღვრული საჭიროებების შესაბამისად ან თავად ხელისუფლების მიერ პარტნიორებისადმი მიმართვის საფუძველზე იგეგმება. ხელისუფლება აქტიურად საუბრობს დასავლურ სახელმწიფოებში უცხოურ დაფინანსებასთან დაკავშირებით მიღებულ კანონმდებლობაზე და ცდილობს შესაბამისი პარალელების გავლებას. ბევრი მსჯელობა შეიძლება თავად ამ კანონების შინაარსზეც, თუმცა, არანაკლებ მნიშვნელოვანია, იმ კონტექსტის შეფასება, რაც დასავლურ ქვეყნებში შესაბამისი კანონების მიღებას დაედო საფუძვლად. არც ერთ დასავლური სახელმწიფოს ამ კანონების მთავარ სამიზნედ არ განუსაზღვრავს სტრატეგიულ პარტნიორებისგან მიღებული ფინანსური მხარდაჭერა და მათი ინიციირება ყოველთვის იმ კონკრეტული საფრთხეების განეიტრალების მცდელობას უკავშირდებოდა, რაც არამეგობრული სახელმწიფოებიდან მომდინარეობდა. ვფიქრობ, ამას თავად ხელისუფლებაც კი არ უარყოფს. გასათვალისწინებელია, რომ საქართველოს შემთხვევაში, არასამთავრობო ორგანიზაციების ძირითადი დამფინანსებლები, ალბათ 90 პროცენტზე მეტი, საქართველოს სტრატეგიული პარტნიორები, კერძოდ კი, დასავლური ქვეყნები და მათი ინსტიტუციებია და შესაბამისად კანონპროექტი ძირითადად სწორედ მათ ეხება. ამასთანავე, უკვე წლებია მმართველი გუნდის წარმომადგენლები აქტიურად ახმოვანებენ სხვადასხვა ბრალდებებს დასავლეთის გარკვეული ძალების მიერ საქართველოს ხელისუფლების ცვლილებისა და ქვეყნის ომში ჩართვის განზრახვასთან დაკავშირებით, უცხო ძალების აგენტებად მოიხსენიებენ ხელისუფლებასთან დაპირისპირებულ კონკრეტულ აქტორებს, მათ შორის სამოქალაქო სექტორიდან. ნიშანდობლივია, რომ აქაც სწორედ დასავლეთზე კეთდება საკმაოდ მკაფიო მინიშნებები. ამავდროულად, ნათლად ჩანს, რომ ეს თემა სახელისუფლებო მედიის ერთ-ერთ მთავარ საკომუნიკაციო ხაზადაც იქცა. ამ ფონზე, კანონის მიღება, რომელიც ფაქტობრივად უცხო ძალის აგენტის სტატუსს მიანიჭებს ძირითადად სწორედ დასავლეთის მიერ მხარდაჭერილ ორგანიზაციებს, ბუნებრივია, აღიქმება დასავლეთთან კონფრონტაციისკენ გადადგმულ მძიმე ნაბიჯად. ცხადია, კანონის მიღება მნიშვნელოვნად ამწვავებს სტრატეგიულ პარტნიორებთან ჩვენს ურთიერთობებს და დამატებით ბარიერებს ქმნის დასავლურ ინსტიტუციებში ინტეგრაციის გზაზე. ხელისუფლების ამ ნაბიჯს შეიძლება ბევრი ფაქტორი განაპირობებდეს, თუმცა არც ერთ შემთხვევაში არ ჩანს ის მიზანი, რაც შესაძლოა საქართველოს ეროვნული ინტერესებიდან გამომდინარეობდეს. ალბათ, არც კი გაჩნდებოდა კითხვები, კანონი რომ 20 პროცენტიან ზღვარს უკავშირებდეს არასამთავრობო ორგანიზაციებისთვის იმ ქვეყნისგან გაწეულ ფინანსურ მხარდაჭერას, რომელსაც ჩვენი ქვეყნის 20 პროცენტი აქვს ოკუპირებული, ან თუნდაც ამ ტიპის ფინანსური მხარდაჭერის სრულად გაკონტროლების რეგულაციას აწესებდეს. თუმცა, ვხედავთ, რომ ამ კანონთან დაკავშირებული დისკუსიებიდან ფაქტობრივად გამქრალია რუსეთის ფაქტორი და რაც არ უნდა უცნაური იყოს მთელი აქცენტი დასავლეთიდან მომდინარე ეფემერულ საფრთხეებზე კეთდება. ვფიქრობ, ეს უფრო დიდი პრობლემაა, ვიდრე ცალკე აღებული კანონი ან ის კონკრეტული ზიანი, რაც შეიძლება ქვეყანამ ამ კანონის მიღებისთანავე მიიღოს. - ევროკავშირმა, ევროპის საბჭომ, აშშ-მ, ნატოს გენმდივანმაც კი ხელისუფლების ამ სურვილის გამო შეშფოთება გამოთქვეს, სახელისუფლებო გუნდმა გააგრძელა იმის მტკიცება, რომ ანალოგიური კანონი ევროკავშირის რეკომენდაციაა და იგი ბევრ ქვეყანაშია მიღებული. იყო მოლოდინი, პრემიერ ირაკლი კობახიძის გერმანიაში ვიზიტის შემდეგ ამ საკითხში მეტი სიცხადე გვექნებოდა, მაგრამ, სამწუხაროდ, მოხდა პირიქით. ამ საკითხში ბერლინის ოფიციალურ პოზიციაზე ხელისუფლების რეაქციის თემას ჩვენ აუცილებლად შევეხებით. მანამდე, უნდა ითქვას, მიუხედავად იმისა, რომ გერმანიის კანცლერმა ოლაფ შოლცმა განაცხადა - „ევროკავშირს მსგავსი კანონი არ აქვს... „ არ შეიძლება ამ კანონის დაბრუნება“,... „ჩვენ, მთელი ევროკავშირი ძალიან კრიტიკულად ვუყურებთ ამ კანონს - ძალიან დიდი იმედი გვაქვს, რომ მას საქართველოს არ მიიღებს”. თქვენ როგორ შეაფასებდით პრემიერ ირაკლი კობახიძის ვიზიტს გერმანიაში? განსაკუთრებით იმ თვალსაზრისით, თუ რა გვითხრა გერმანიის კანცლერმა კანონპროექტზე „უცხოური გავლენის გამჭვირვალეობის შესახებ“? - პირველ რიგში, უნდა ითქვას, რომ გერმანია ევროკავშირის ის გავლენიანი სახელმწიფოა, რომელმაც უაღრესად მნიშვნელოვანი როლი შეასრულა საქართველოს მიერ ევროკავშირის წევრობის კანდიდატის სტატუსის მიღებაში. სწორედ კანცლერ შოლცის განცხადებამ, რომ ევროპელი ხალხის სიტყვები უნდა ისმოდეს „ხმელთაშუადან ჩრდილოეთის ზღვამდე, ლისაბონიდან თბილისამდე და მის მიღმა", მნიშვნელოვნად შეუწყო ხელი ევროკავშირში იმ პოლიტიკური პოზიციის განმტკიცებას, რომ საქართველო ევროპული ქვეყანაა და ის ევროკავშირის წევრი უნდა გახდეს. ალბათ გახსოვთ წლების წინ ევროპელი ლიდერების ჩვენთვის არც თუ სასარგებლო განცხადებები ევროპის გეოგრაფიაზე და სხვადასხვა ევროპელი ექსპერტების მიერ პერიოდულად გახმოვანებული კითხვები ჩვენს ევროპულ იდენტობაზე. ცხადია, ეს სურათი მნიშვნელოვნად შეცვალა რუსეთ-უკრაინის ომმა, თუმცა, ისეთ განცხადებებს, როგორის კანცლერმა შოლცმა გააკეთა დიდი გავლენა აქვს მსგავსი საკითხების მიმართ ევროკავშირის დამოკიდებულების ცვლილებაზე. სამწუხაროა, რომ იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს და ჩვენი გაწევრიანების მოლაპარაკებებზე გადასვლას შეუწყოს ხელი, ჩვენ თავად ვქმნით ახალ ბარიერებს ამ გზაზე. რაც შეეხება კონკრეტულად ვიზიტს - ზოგადად ყოველთვის მნიშვნელოვანია, რომ ამ დონის შეხვედრები ნაკლებად იყოს დატვირთული პრობლემური საკითხებით. ეს ყოველთვის უშლის ხელს პოზიტიურ დღის წესრიგზე ორიენტირებას. როგორც მოსალოდნელი იყო, საჯარო განცხადებებისას კანცლერმა ისაუბრა ორმხრივ ურთიერთობებში მიღწეულ ყველა პროგრესზე, საქართველოს მიმართ გერმანიის მხარდაჭერის შეუქცევადობაზე და ასევე, დაბალანსებული ლექსიკით შეეხო კრიტიკულ საკითხებსაც, თუმცა, საკმაოდ მკაფიო იყო მისი უარყოფითი პოზიცია ინიციირებულ კანონპროექტთან მიმართებით. დარწმუნებული ვარ, ეს თემა დახურულ კარს მიღმა გამართული შეხვედრის ერთ-ერთი მთავარი საკითხი იქნებოდა. - ბერლინში ცხადად გვითხრეს - თუ ევროკავშირის წევრობა გინდათ, ეს კანონი არ უნდა მიიღოთო. ამ თემაზე პრემიერ ირაკლი კობახიძის, შემდეგ მთელი სახელისუფლებო გუნდის განმარტებები რბილად რომ თქვათ გაუგებარი აღმოჩნდა. გაუგებარი იმ თვალსაზრისთ, რომ დარჩა შთაბეჭდილება, თითქოს კანცლერ შოლცის ნათქვამი მათ ან არ, ანაც ვერ გაიგეს. უკეთეს შემთხვევაში კანცლერის კანცელარიამ არ მიაწოდა კანცლერს ამ თემაზე სრულყოფილი ინფორმაცია. კანცლერ შოლცთან შეხვედრის შემდეგ, პრემიერმა ირაკლი კობახიძემ განაცხადა, - „მზად ვარ, პირადად ჩავერთო დისკუსიაში დიპლომატებთან, პოლიტიკოსებთან და არასამთავრობო ორგანიზაციების წარმომადგენლებთან“. კარგი იქნებოდა, თუ ამ საკითხებზე ხელისუფლებას მანამდე ექნებოდა დისკუსია და კონსულტაციები ქვეყნის გარეთ ჩვენ პარტნიორებთან და ქვეყნის შიგნით ოპონენტებთან, მაგრამ, სამწუხაროდ, ამის მსგავსი არაფერი გვახსენდება. მაგრამ, ახლა მთავარი ისაა, იმაზე გავამახვილოთ ყურადღება, თუ რა გვითხრეს ჩვენმა დასავლელმა პარტნიორებმა და ჩვენმა ხელისუფლებამ რა გაიგო. თქვენზე რა შთაბეჭდილება დატოვა ჯერ ევროკავშირის, ევროპის საბჭოს, აშშ-ს, ახლა უკვე კანცლერ ოლაფ შოლცის განცხადებებზე ხელისუფლების რეაქციამ? როგორ ფიქრობთ, თუ სახელისუფლებო გუნდმა ამ კანონთან მიმართებაში კორექტივები არ შეიტანა, სავარაუდოდ, ეს რა გავლენას მოახდენს საქართველოს ევროპულ პერსპექტივაზე? - რა თქმა უნდა, არ ვფიქრობ, რომ რაიმეს გაგების პრობლემასთან გვაქვს საქმე. საქართველოს პრემიერისთვის მისი გერმანელი კოლეგის პოზიცია, მის ბერლინში ჩასვლამდეც იყო ცნობილი. მოგეხსენებათ, ჯერ კიდევ შარშან, როდესაც ეს პროექტი პირველად დაინიცირდა თითქმის ყველა სტრატეგიულმა პარტნიორმა, მათ შორის გერმანელმა კოლეგებმა მკაფიოდ განუმარტეს ჩვენს ხელისუფლებას ის რისკები, რასაც ეს კანონი ჩვენი სტრატეგიული მიზნების მიღწევას შეუქმნიდა. ზოგადად აშკარად ჩანს, რომ ხელისუფლება დღეს მოქმედებს ამ მიზნისთვის წინასწარ მომზადებული გეგმით და კომუნიკაციის სტრატეგიით, რომლის ერთ-ერთი მთავარი ელემენტი ძალის დემონსტრირება, მათ შორის დასავლეთიდან მიღებულ რეკომენდაციების უგულებელყოფაა. ამ ეტაპზე რთული სათქმელია, რა ტრაექტორიას მიიღებს ის ტაქტიკა. ეს ბევრ ფაქტორზე იქნება დამოკიდებული. რაც შეეხება ამ პროცესის გავლენას ჩვენს ევროპულ პერსპექტივაზე - უნდა აღინიშნოს, რომ სტრატეგიული პარტნიორებისგან განსხვავებული პოზიციები ჩვენ ხელისუფლებებს ადრეც ქონია, ჯერ კიდევ 90 იანი წლებიდან მოყოლებული, როგორც ქვეყნის შიგნით, ასევე საერთაშორისო ასპარეზზე გადასადგმელ ნაბიჯებთან დაკავშირებით. ეს სრულიად გასაგები ამბავია. ამ შემთხვევაში, პრობლემა იმაში მდგომარეობს, რომ ამ კანონის მიღების შემთხვევაში, უკვე ფუნდამენტური პრობლემები ჩნდება პარტნიორებთან ურთიერთობებში და კიდევ უფრო მეტად ღრმავდება ჯერ კიდევ მხოლოდ პოლიტიკური რიტორიკის დონეზე არსებული კონფრონტაცია. ვინაიდან, როგორც აღვნიშნეთ, ინიციირებული კანონი ძირითადად სწორედ მათ მიერ გაწეულ ფინანსურ დახმარებას უკავშირდება. კანონის მიღების შემთხვევაში მეტი კითხვა გაჩნდება ჩვენს მიზნებთან დაკავშირებით და ეს ყველაფერი უარყოფითად აისახება პარტნიორების მხრიდან ხელისუფლების მიმართ ნდობაზე. ცხადია, ნდობაზე გავლენას აგრეთვე იქონიებდა გასულ წელს იგივე კანონის ჩაგდებისას, ხელისუფლების მიერ პრაქტიკულად საერთაშორისო დონეზე გაცხადებული დაპირებების უკან წაღება. იმ გამოწვევების გათვალისწინებით, რაც დღეს ჩვენი ქვეყნის წინაშე დგას, სამწუხაროდ, ეს მხოლოდ მმართველი პარტიის პრობლემა არ იქნება. - მინდა გკითხოთ პრემიერ მინისტრის მიერ გუშინ გავრცელებულ განცხადებაზე, რომლითაც იგი აშშ-ს და ევროკავშირის ქვეყნების ელჩებს ინიციირებული კანონის ირგვლივ საჯარო დისკუსიას სთავაზობს. როგორ ფიქრობთ, რა მიზანს შეიძლება ემსახურებოდეს ამ ტიპის შეთავაზება? - ვერაფერს გეტყვით. არ მახსენდება პრეცედენტი, მსგავსი შეთავაზება, რომელიმე ევროპელი ქვეყნის მთავრობას მასთან აკრედიტებული ელჩების მიმართ გაეკეთებინოს. ცხადია, ელჩები ამას დისკუსიის შეთავაზებად არ განიხილავენ. - ვიცით, რომ თქვენ აქტიურად მუშაობთ ნატოსთან საქართველოს ურთიერთობასა და ნატოში საქართველოს პერსპექტივის საკითხებზე. ცოტა ხნის წინ, უკრაინა-რუსეთის ომის გამო ნატოს არსებობის 75-ე წლისთავი ნაკლებად პომპეზურად აღინიშნა. მაგრამ, ფაქტია ისიც, რომ ნატო ორგანიზაციის მორიგი ვაშინგტონის სამიტისთვის ემზადება. ნატოს ვაშინგტონის სამიტის მოახლოების კვალობაზე საქართველოს რა მოლოდინი შეიძლება ჰქონდეს? იქნება თუ არა საქართველო მიწვეული ვაშინგტონის ნატოს სამიტზე? - ეს სამიტი მნიშვნელოვანია, როგორც საიუბილეო თარიღის მხრივ, აგრეთვე იმ გამოწვევების სიმრავლით, რომელზეც მოკავშირეებს მოუწევთ გადაწყვეტილებების მიღება. დღეს არსებული რისკებისა და საფრთხეების გათვალისწინებით, ცხადია, დიდი ყურადღება დაეთმობა ალიანსის თავდაცვისა და შეკავების მექანიზმების გაძლიერებას და ამ მხრივ აშშ-სა და ევროპული სახელმწიფოების თანამშრომლობის მნიშვნელობას. ბუნებრივია, კვლავ განსაკუთრებული ყურადღების ცენტრში იქნება რუსეთ-უკრაინის ომის თემა. თვალნათლივ ჩანს, რომ ნატო კვლავ ფრთხილ პოზიციას ინარჩუნებს ალიანსის შემდგომ გაფართოებასთან დაკავშირებით. ვფიქრობ, დინამიკა ამ მხრივ დიდწილად იქნება დამოკიდებული სწორედ უკრაინაში მიმდინარე საომარი მოქმედების შედეგებზე. საქართველოსთან მიმართებით ამ ეტაპზე რთულია პროგნოზის გაკეთება. ვფიქრობ, ეს გარკვეულწილად დამოკიდებული იქნება იმ ფონზეც, რაც ჩვენსა და სტრატეგიულ პარტნიორებს შორის ურთიერთობებში იარსებებს. „ინტერპრესნიუსი“ კობა ბენდელიანი

პარლამენტის პლენარულ სხდომაზე “უცხოური გავლენის გამჭვირვალობის შესახებ“ კანონპროექტის პირველი მოსმენით განხილვა დღეს გაგრძელდება. გუშინდელ სხდომაზე კანონპროექტის პირველი მოსმენით განხილვა სრულად ვერ მოესწრო. ფრაქცია "ქართული ოცნების" ინიციატივით ინიცირებული პროექტი პლენარულ სხდომაზე მამუკა მდინარაძემ წარადგინა. “ქართული ოცნების“ კანონპროექტი “გამჭვირვალობის უზრუნველყოფის მიზნით“, უცხოური ძალის ინტერესების გამტარებელ ორგანიზაციად ისეთი არასამეწარმეო (არაკომერციული) იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის გარკვეული მოცულობა - 20%-ზე მეტი - უცხოეთიდან არის მიღებული. პროექტის მიხედვით, ყველა, ვინც “უცხოური ძალის ინტერესების გამტარებელ ორგანიზაციად" მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. რეგისტრაციის დროს აუცილებელი იქნება მიღებული შემოსავლების ასახვა. ამავდროულად, ორგანიზაციებს საფინანსო დეკლარაციის ყოველწლიურად შევსების ვალდებულება ექნებათ. იპნ

რუსული კანონის საწინააღმდეგო აქციაზე სპეცრაზმელებმა „პუბლიკის“ ჟურნალისტი ალექსანდრე ქეშელაშვილი სცემეს. ალექსანდრე ქეშელაშვილი ადგილზე პროფესიულ მოვალეობას ასრულებდა და იღებდა, როგორ აკავებდნენ სპეცრაზმელები მოქალაქეებს. მისი ცნობით, სამართალდამცველებმა მას წაართვეს ტელეფონიც, თუმცა შემდეგ უკან დაუბრუნეს. პუბლიკა

ხელისუფლების დაჟინება, რომ გაიტანოს ეს კანონი მოსახლეობის სურვილის საწინააღმდეგოდ და პარტნიორების პროტესტის მიუხედავად, პირდაპირი პროვოკაციაა,- ასე ეხმაურება საქართველოს პრეზიდენტი სალომე ზურაბიშვილი პარლამენტთან მიმდინარე აქციაზე შექმნილ ვითარებას. ის ხელისუფლების ქმედებას დესტაბილიზაციის რუსულ სტრატეგიად აფასებს. „თბილისში მასობრივი პროტესტის მეორე დღე რუსული კანონის წინააღმდეგ. ხელისუფლების დაჟინება, რომ გაიტანოს ეს კანონი მოსახლეობის სურვილის საწინააღმდეგოდ და პარტნიორების პროტესტის მიუხედავად, პირდაპირი პროვოკაციაა - დესტაბილიზაციის რუსული სტრატეგია“, - განაცხადა პრეზიდენტმა. ipn

ამერიკის შეერთებული შტატების სახელმწიფო დეპარტამენტის სპიკერი კიდევ ერთხელ აცხადებს, რომ შეშფოთებულია რუსული კანონით.

თბილისის მერის შშმ პირთა საკითხებზე მომუშავე საბჭოს აღმასრულებელი მდივანი გიგა სოფრომაძე სოციალურ ქსელში წერს, რომ რუსული კანონის არსებული ფორმით მიღების იდეაა მტრული. ის სოციალურ ქსელში ვრცელ პოსტს ავრცელებს: „როდესაც კითხვას სვამთ, ამ კანონში რას ხედავთ რუსულსო, პასუხად რა მოლოდინი გაქვთ? რუსული ასოებით ან სიტყვებით უნდა ეწეროს ტექსტი, ღიად უნდა გამორიცხავდეს რუსეთზე გავრცელებას, თუ მაინც და მაინც რუსეთის დუმამ უნდა მიიღოს? ის რომ: ეს კანონი იქნება სახელმწიფოს მხრიდან საზოგადოების იმაზე მეტი კონტროლის შესაძლებლობა, ვიდრე ის მიღებულია დემოკრატიულ და განვითარებულ ქვეყნებში, პარტნიორ და მეგობარ ქვეყნებს უცხო ძალებად, ხოლო მათ მიერ მხარდაჭერილ საქმიანობას აგენტურულად და მტრულად რაცხავს, ამ კანონის მიღებით ვკარგავთ იმ ქვეყნების მხარდაჭერას, რომლებთანაც ურთიერთობა კონსტიტუციაში გვიწერია და რომლებზეც დამოკიდებულია ჩვენი ხარისხიანი განათლება, ჯანდაცვა, სოციალურ – ეკონომიკური და ფიზიკური უსაფრთხოება, რა არის თუ არა მტრის – რუსეთის სასიკეთო საქმის კეთება? ჩემს მეგობრებს, რომლებიც ათეულობით წელია საქართველოში, ჩვენი მეგობარი ქვეყნების მხარდაჭერით იცავენ ადამიანის უფლებებს, ქმნიან ადაპტირებულ გარემოს და სხვადასხვა განმავითარებელ სერვისებს, ვინმე რატომ უნდა ეძახდეს აგენტს? ან ჩემი წარსული ნამუშევარი რატომ უნდა იყოს აგენტურულად მოხსენიებული? ამ კანონს მე- 2, მე- 6 და მე- 9 მუხლი კი არ აქვს რუსული, მისი ამ ფორმით მიღების იდეაა მტრული საქმე.. მის მიღებას ერთი მხარდამჭერიც რომ არ ყავს, ეს ხომ ნიშნავს რომ რაღაც ცუდი იდეაა? და ვისაც ყველაზე მეტად სჭირდება დაზიანებული, დაყოფილი და დასუსტებული საქართველო, ხომ რუსეთია? გამჭვირვალობას რაც შეეხება, მეც ვმუშაობდი არასამთავრობოში და ყველა გრანტი, რომელსაც ვიღებდი, მერიცხებოდა ეროვნული ბანკის გავლით.. ყველა დაქირავებულ პირსა და შესყიდვაზე ყოველ თვე დეტალურ დეკლარაციას ვუგზავნიდი შემოსავლების სამსახურს.. წლის ბოლოს ვგზავნიდი წლიურ დეკლარაციას.. ამას აკეთებს ყველა იურიდიული პირი, მნიშვნელობა არ აქვს ის არასამთავრობოა თუ სურსათის მაღაზია.. მისი მიზანი კი სწორედ შავი ფულის და დამალული გადასახადების გამოვლენაა და თუ ამაში ხარვეზი გვაქვს, არ ჯობია არსებული კანონი დავხვეწოთ, ვიდრე რაღაც არაფრის მომცემი, მაგრამ ყველაფრის წამრთმევი კანონი მივიღოთ?“, – წერს ის. publika

პრეზიდენტის განცხადებით, თბილისში, რუსულ კანონთან დაკავშირებული მოვლენების შესახებ ევროპული საბჭოს პრეზიდენტ შარლ მიშელს და საფრანგეთის პრეზიდენტ ემანუელ მაკრონს მიმართა და მიმდინარე პროცესები გააცნო. მანამდე სალომე ზურაბიშვილმა X-ზე დაწერა, რომ „ხელისუფლების დაჟინება, რომ მიიღოს ეს კანონი საზოგადოების სურვილის საწინააღმდეგოდ და პარტნიორების პროტესტის მიუხედავად, არის პირდაპირი პროვოკაცია – დესტაბილიზაციის რუსული სტრატეგია”. რუსთაველის გამზირზე მოქალაქეები რუსულ კანონს აპროტესტებენ. პოლიციამ მათ წინააღმდეგ გამოიყენა წიწაკის სპრეი. დაშავებულია რამდენიმე ადამიანი. გამოყვანილია სპეცრაზმი. რამდენიმე მათგანი აცხადებს, რომ სცემეს. „ქართულმა ოცნებამ” რუსული კანონის პირველი მოსმენით განხილვა 16 აპრილს დაიწყო. publika

საპარლამენტო პოლიტიკური ჯგუფი „საქართველოსთვის“ თავმდჯომარე ბექა ლილუაშვილის განცხადება საპარლაენტო ტრიბუნაზე ალტერნატიულ ინიციატივებთან დაკავშირებით. „მივესალმები ყველა იმ ადამიანს, ყველა ახალგაზრდას, ვინც გუშინ აქციიდან, სახლიდან, სოციალური ქსელებიდან იცავდა ქვეყნის ევროპულ მომავალს და მომავალშიც დაიცავს. ჩვენ გუშინ ოცნებას შევთავაზეთ მათი გასასვლელი რომ არ მომხდარიყო საზოგადოების დაყოფა, არ მომხდარიყო დაპირისპირება, არ მომხდარიყო სახელდება უცხო ქვეყნის ინტერესების გამტარი და ძალიან კარგად ვიცით ეს როგორ აღიქმება რეალური შინაარსი. ჩვენ შევთავაზეთ ოცნებას მიგვეღო ისეთი კანონი, რომელიც უნდა არსებობდეს ამ ქვეყანაში, რომელიც მტერს არქმევს მტერს, მეგობრებსა და მტრებს შორის არ სვამს ტოლობის ნიშანს და თუ დამატებით ანგარიშგებაა საჭირო ყველასთვის, უცხოური დაფინანსებისთის, ქართული დაფინანსებისთვის ქმნის ანგარიშგების სტანდარტს. ეს იქნებოდა ერთადერთი და ეს არის ჯერაც ერთადერთი სწორი კანონმდებლობა, რომელიც ამ ქვეყანაში უნდა არსებობდეს და არსებობს ნამდვილად ევროპულ სახელმწიფოებში მათ შორის. შესაბამისაც, ოცნებამ გუშინ ეს შესაძლებლობა არ გამოიყენა, არ ისურვა, რომ წამოუსლიყო ამ შეთავაზებაზე და დღეს ძალიან მკაფიოდ ავხსნი რაზე თქვა უარი ხელისუფლებამ. იურიდიულმა კომიტეტმა სამწუხაროდ გუშინ მხარი არ დაუწირა ალტერნატიულ კანონპროექტებს, ამავდროულად არც ერთი სიტყვა რას ეფუძნებოდა ეს გადაწყვეტილება კომიტეტის დასკვნაში წარმოდგენილი არ არის. ეს კიდევ ერთხელ ხაზს უსვამს იმას, რომ ოცნების მიზანი არა გამჭირვალობა, არა რარაც არაკეთილსინდისიერად მოქმედი სახელმწიფოების გავლენების შემცირება, არამედ ევროპის მტრად გამოცხადება და ჩვენი საზოგადოებისთვის იარლიყების მიწებებით მათი დაპირისპირება. პირველი ალტერნატივა არის, ოკუპანტი რუსეთის გავლენების შემცირების შესახებ, მინდა საზოგადოებას მკაფიოდ ავუხსნა რა არის ამ ალტერნატიული კანონპროექტის შინაარსი და არსი. ეს ალტერნატიული კანონპროექტი იმეორებდა საქართველოში უკვე მოქმედი უსაფრთხოების კონცეპტუალური დოკუმენტებით განსაზღვრუ სკითხებს და ამ ქვეყნისთვის ისტორიული მტრების და არაკეთლმოსურნე სახელმწიფოების უკვე განსაზღვრულ დეფინიციებს და არა ახალი მტრის გამოგონებას. ასე მაგალიტად, დღევანდელი ეროვნული უსაფრთხოების კონცეფციაში ნათლად წერია, რომ რუსეთის ფედერაცია საქართველოში მოქმედი ეროვნული დონის დოკუმენტების თანახმად განაგრძობს საქართველოს დეკლარილებული ეროვნული ინტერესების წინააღმდეგ ჰიბრიდული ომის ტაქტიკის გამოყენებას და უპირისპირდება საქართველოს ერთიანობასა და სუვერენიტეტს, ნატოსა და ევროკავშირში გაწევრიანებას, ანუ ჩვენი კონსტიტუციური მიზნის შესრულებას. რა თქმა უნდა ეს ძალიან მკაფიო ჩანაწერია, გარდა ამისა, არიან ოკუპანტი ქვეყნის გარდა ქვეყნები, რომლებიც არ უჭერენ მხარს ქვეყნის ტერიტორიულ მთლიანობას, აღიარებენ ჩვენი ქვეყნის ოკუპირებული ტერიტორიების დამოუკიდებლობას და ბუნებრივია ალტერნატიული კანონის ობიექტი ვიზეს ის ვრცელდება მოიცავს ოკუპანტ სახელმწიფოსთან ერთად ყველა ასეთ სახელმწიფოს. გასათვალისწინებელია იმ სახელმწიფოთა ქმედებები, რომლებსაც საქართველოს ოკუპირებული ტერიტორიები აღიარებული აქვთ ეგრეთ წოდებულ დამოუკიდებელ სახელმწიფოებად, ასევე, რომლებიც გაეროს გენერალური ანსამბლიის,გაეროს უშიშროების საბჭოს ან ევროსაბჭოს საპარლამენტო სესიის სხდომაზე წინააღდეგი იყვნენ რეზოლუციების საქართველოს ოკუპირებული ტერიტორიების დეოკუპაციისა და საქართველოს ოკუპირებული ტერიტორიებიდან იძულებით გადაადგილებულ პირთა და დევნილთა დაბრუნების წინააღდდემგ პოზიციას, სწორედ ამ სახელმწიფოებს აქცევს რუსეთთან ერთად უცხოური ძალის გავლენის ნაწილად და განსაზღვრავს შესაბამის პასუხისმგებლობას იმ შემთვევაში თუ ეს სახელმწიფოები მოქმედებენ საქართველოს სუვერენული ინტერესების, საქართველოს კონსტიტუციის საპირისპიროდ და ოკუპანტი ქვეყნის ინტერესებში. ჩანაწერს, ოკუპანტი ქვეყნის ძალის, რომელშიც შედის რუსეთის ფედერაცია, მის მიერ ტერიტორიაზე ან მისი ტერიტორიების ფარგლებს მიღმა შექმნილი ორგანიზაციები ან ფიზიკური პირები, რომლებიც მოქმედებენ ჩემს მიერ ჩამოთვლილი სახელმწიფოთა ინტერესებით, რომლებიც მოქმედებენ ჩვენი ქვეყნის სუვერენიტეტის წინააღმდეგ, რომლების ფინანსდებიან პირდაპირ ან ირიბად, რომლებიც ატარებენ აქ არა ჩვენი ქვეყნის ინტერესებს, არამედ ატარებენ ოკუპანტი სახელმწიფოს და ნამდვილად მტრულად განწყობილი სახელმწიფოების ინტერესებს. რომელი ხართ იმის წინააღმდეგი, რომ საქართველოს ტერიტორიაზე მოქმედ ასეთ სუბიექტებს დაეკისროს არა ჯარიმა და არა ერთ სიბრტყეში სიბრყეში მოექცეს ჩვენ სტრატეგიულ პარტნიორებთან ერთად, არამედ მათ წინააღმდეგ იქნას სისხლის სამართლებრივი საქმეები აღძრული, დაიწყოს მათი სისხლის სამართლებრივი დევნა, იმის გამო, რომ ისინი არიან ფაქტობრივად მოღალატეები და მოღალატეობრივ საქმიანობას ახორციელებენ.როგორ შეიძლება საქართველოს მოქალაქე, მოქალაქეთა აბსოლუტური უმრავლესობა, რომლებიც ვერასდროს ვერ შეურიგდებიან ამ სახელმწიფოს ოკუპირებულ ტერიტორიებს, ვერასდროს შეურიდგებიან მტრულად განწყობილი სახელმწიფოს ინტერესებს, უარს ეუბნებოდეს ასეთი ტიპის კანონს და თუ თქვენ ამ ადამიანების ინტერესებს გამოხატავთ, თუ თქვენ მთელი საქართველოს მოსახლეობის წარმომადგენლები ხართ ამ პარლამენტში, როგორ შეიძლება თქვენ ამ ინტერესს და მათ დამოკიდებულებებს არ ადასტურებდეთ ამ ალტერნატიული კანონის მხარდაჭერის სახით. მე გთხოვეთ, რომ წარმოგედგინათ ერთი ინსტიტუცია, ერთი პიროვნება, თუნდაც აი იმ ქვეყნებს შორის, რომელსაც თქვენ იშველიებთ ხოლმე ტყუილით, რომ თითქოს იქაც არსებობს თქვენს მიერ ინიცირებული კანონის მსგავსი, თუნდაც ამ ქვეყნებში ამ საკანონმდებლო ინიციატივების ავტორების, რომლებმაც დაგიდასტურათ, რომ თქვენი თანამოაზრეები არიან, რომ ეთანხმებიან, რომ საქართველოს ისტორიული მტრები დაისტორიული მეგობრები ერთნაირად შეფასდეს და ტოლობის ნიშანი დასვან მათ შორის. პასუხი დღემდე არ მომისმენია და მერე ნუ გაგიკვირდებათ, როცა საქართველოს მოქალაქეები გამოვლენ და ძალიან მკაფიო პროტესტს დააფიქსირებენ თბილისის ქუჩებში, ნუ გაგიკვირდებათ, რომ თქვენ გეტყვიან, რომ თქვენ მათი ინტერესების გამტარები არ ხართ. ნუ გაგიკვირდებათ, რომ კანონს დაარქმევენ რუსულს და ამით გამოხატავენ იმ პოზიციას, რომ გმობენ ოკუპანტი სახელმწიფოს ინტერესების გატარებას საქართველოში, რადგან ეს შეუთავსებელია ამ ქვეყნის კონსტიტუციასთან და შეუთავსებელია ამ ქვეყნის ინტერესებთან. მთელი დღის განმავლობაში გუშინ ჩვენ ვისმენდით, რომ ხელისუფლებას სურს გამჭვირვალე გახადოს არსამთავრობო, სამოქალაქო სექტორის თუ მედიის საქმიანობა იმ ხალხის, იმ ორგანიზაციების რომელიც უცხოეთიდან რაღაც დაფინანსებას იღებს და მთელი დღის განმავლობაში ერთადერთი რასაც ვისმენდით იყო ის რომ როგორ შეიძლება გამჭვირვალობა იქცეს პრობლემად და როგორ შეიძლება ამას ვინმე ეწინააღმდეგებოდეს. ჯერ, ერთი წლისა და რაღაც თვეების განმავლობაში ჩვენ ხელისუფლებამ ვერ შემოგვთავაზა ვერცერთი პარტნიორი სახელმწიფო, ვერცერთი ჩვენი მეგობარი სახელმწიფოს წარმომადგენელების მხრიდან, ისევე როგორც თავად ამ ქვეყნებში მათივე აზრით მსგავსი კანონის ინიციატორების, ერთი ინიციატორის მაინც მხარდაჭერა ინიცირებული რუსული კანონის ირგვლივ. მაშინ როდესაც ერთადერთი თანამოაზრე, ერთადერთი შემქებელი ამ კანონპროექტს ყავს ოკუპანტი სახელმწიფოს პროპაგანდისტები და ოკუპანტი სახელმწიფოს მხრიდან კეთდება მხოლოდ და მხოლოდ მხარდამჭერი განცხადებები. როდესაც ცრუ არგუმენტით, ყალბი არგუმენტით ხელისუფლება ცდილობს გაყიდოს გამჭვირვალობა, როგორც მთავრ პრინციპად კანონის. სინამდვილეში კანონის მთავარი ამოცანა არის ჩვენი მეგობრების ევროკავშირის და სახვა პარტნიორი სახელმწიფოების მტრებად გამოცხადება და ადამიანებისთვის, ვინც ათეულობით წელია ამ ქვეყნის ინტერესების დაცვის ფარგლებში, ამ ქვეყნის ინტერესების გათვალისწინებით გვეხმარება სხვადასხვა მიმართულებით. ამ პროცესში ჩართულები არიან ჩვენი მოქალაქეები, აი ამ ადამიანებს უწოდებს უცხო ქვეყნის და სხვა ქვეყნის უცხო ძალის ინტერესების გამტარებლებს, ანუ ფაქტობრივად მათ უწოდებს არა საკუთარი სამშობლოს ინტერესების დამცველებს, არა საკუთარი ქვეყნის ინტერესების გამტარებლებს, არამედ ამ ინტერესების მიღმა რაღაც სხვა გამოგონილი კრების ინტერესების გამტარებლებს. ჩვენ ძალიან კარგად გვახსოვს რა ერქვა წინა ჯერზე უცხოური ძალის გავლენების ძალის შემცირებასთან დაკავშირებით, ამცირებენ მტრების და არაკეთილმოსურნეების გავლენებს. არ ამცირებენ მეგობრების, კეთილმოსურნეების, ქვეყნის ინტერესებში მოქმედი სუბიექტების გავლენებს, მაგრამ მე გეთანხმებით და გუშინაც გეთანხმებოდით, როცა დავაინიცირეთ ალტერნატიული კანონპროექტი მაშინაც გეთანხმებოდით და გეუბნებოდით, რომ კი, თუ მართლა გაინტერესებთ თქვენ გამჭვირვალობა, თუ მართლა გაინტერესებთ ანგარიშვალდებულება, რატომ 20% ? 1% განსაზღვრავს ამ ქვეყანაში კეთილმოსურნე, არაკეთილმოსურნეს ? 19% თუა უცხოური ქვეყნის დაფინანსება არ არის და 81% პროცენტზე ნაკლებია რა არ შეიძლება რომ რუსეთიდან მოდიოდეს არაკეთილსინდისიერი ქმედებები ?ან რა საჭიროა საერთოდ უცხოური დაფინანსება, რა კეზერაშვილის მიერ დაფინანსებული ენჯეო ადგილობრივი საფინანსო რესურსებით საფრთხის შემცველი არ არის ?ივანიშვილის მიერ დაფინანსებული სამოქალაქო სექტორი სახიფათო არ არის ამ ქვეყნისთვის ? ან გამოკვეთილად პრორუსული ადგილობრივი ორგანიზაციების მიერ დაფინანსებული საქმიანობა პრობლემა არ არის ? რა შუაშია მედიები? გუშინაც ძალიან მკაფიოდ გითხრეს თქვენ, რომ მათ შორის მედიის წარმომადგენლებმა, რომ მაუწყებლობის შესახებ კანონით ყველაფერი ისედაც ძალიან მკაფიო გამჭვირვალე და საჯაროა, ხელმისაწვდომია ამავდროულად. ასევე გითხრეს და ჩვენი ალტერნატიული კანონპროექტით ძალიან მკაფიოდ დაგანახეთ, რომ არანაირი სახელდება, არანაირი იარლიყების მიწებება და ხალხის დაპირისპირება მათზე სხვა ქვეყნის ინტერესების გამტარებლების და მოღალატეების იარლიყები მიწებებით, რაც ეფექტურად და შინაარსობრივად ესეთ აღქმას წარმოშობს ჩვენი ქვეყნის მოქალაქეებში, აი ამ სახელის მიწებება არ არის საჭირო. ძალიან მარტივად დღეს ნებისმიერი გრანტის მისი წარმოშობის მიუხედავად რეგულირდება გრანტების შესახებ კანონით, აქვს თავისი სამართლებრივი საფუძველი, გაიცემა ხელშეკრულების საფუძველზე. გრანტების შესახებ კანონის ძალიან მარტივი ტექნიკური ცვლილებებით შესაძლებელია, რომ ის ყველა ორგანიზაცია, რომელიც დღეს ყოველთვიურად საბუღალტრო ანგარიშგების სამსახურს უგზავნის და ცვლილებები ითვალისწინებდა და თქვენ ხომ ამბობთ, რომ გაინტერესებთ გრანტების მიზანი, გაინტერესებთ როგორ იხარჯება ეს ფული, პირდაპირ წერია აი ამ ცვლილებებში, ალტერნატიულ კანონპროექტში, რომ დავავალდებულოთ ყველა გრანტის მიმღები რომ წარადგინოს ამ სამსახურში გრანტების შესახებ, კონკრეტულად გრანტის მოცულობის შესახებ ინფორმაცია, გრანტის მიზნობრიობის შესახებ ინფორმაცია, როგორ გამოიყენა ეს ფულადი რესურსები ამის შესახებ ინფორმაცია, ძალიან მკაფიოდ წერია ყველა ის, რასაც თქვენ თვითონ არგუმენტად იშველიებთ და თითქოს დღეს ხელმისაწვდომი არ არის. ეს ცვლილებები ერთ სივრცეში მოაქციოთ და ყველა ამ ინფორმაციასთან და თითოეული ამ მოქალაქისთვის იქნებოდა ძალიან გამჭვირვალე, ისე რომ არანაირი სახელდება, არანაირი დაყოფა, საქართველოს მოქალაქეები რა უგუნურები გგონიათ თქვენ? თვითონ ვერ გაარჩიოს ვის აქვს რაღაც პროპაგანდის მხარდაჭერის სურვილი თუ არ აქვს ?ესე უგუნურად მიგაჩნიათ საქართველოს მოქალაქეები ? ამიტომ, თუ თქვენ რეალურად მართლა გამჭვირვალობა გაინტერესებთ და არა მიზანი კიდევ ერთხელ ჩვენი პარტნიორი ქვეყნების მათ მიერ განხორციელებული უამრავი კეთილი საქმის, მათ შორის მათი მხრიდან დაფინანსებული ორგანიზაციების მოღალატეებად შერაცხვა, სხვა ქვეყნის ინტერესების დამცველად და არა საკუთარი ქვეყნის ინტერესების გამტარებლად შერაცხვა, მაშინ დაუჭირეთ მხარი ამ ალტერნატივას და ძალიან მკაფიოდ დააფიქსირებთ თქვენ ამ პოზიციას, ერთი ნაბიჯით უბრალოდ უკან დაიხიეთ და დაიტოვეთ იმის შესაძლებლობა, რომ გუშინ ვინც იდგა გარეთ, ვინც გარეთ არ იდგა მაგრამ ამ ქვეყნის ევროპულ მომავალს იცავდა, ვინც დღეს დადგება გარეთ ან თავისი საქმის კეთებით დაიცავს, საჯარო მოხელეები იქნებიან, იქნებიან ახალგაზრდები თუ სხვა. დაიტოვეთ შესაძლებლობა ამ ხალხთან ერთად გააგრძელოთ სვლა ამ ქვეყნის ევროპული მომავლისათვის, იმიტომ რომ იცით რომ ინიცირებული რუსული კანონის მიღებით უზარმაზარ რისკს ქმნით ამ ქვეყნის მომავლისათვის, უზარმაზარ შეურაცყოფას აყენებთ ყველა საჯარო მოხელის მიერ წლების მანძილზე გადადგმულ ნაბიჯებს ამ ქვეყნის ეროვნული მომავლის გარანტირებისათვის. პირველ რიგში ისინი ხედავენ ამას, პირველ რიგში მათ იტვირთეს ეს, პოლიტიკოსებს კია არა, პირველ რიგში მათ იტვირთეს ტვირთი, რომელიც ბოლო ათწლეულების განმავლობაში ამ ქვეყანამ გამოიარა და ისინი არიან ამ ქვეყნისთვის ევროპული მომავლის მომტანები, ისინი არიან ამ ქვეყნის მომავლის გარანტორები. პოლიტიკოსები დღეს არიან, ხვალ შეიცვლებიან და ამავე კონტექსტით კიდევ ერთხელ მოგიწოდებთ, დღეს შეიძლება ხართ პოლიტიკაში, ხვალ აღარ იქნებით, მაგრამ ეს გადაწყვეტილება, რომ თქვენ მხარს დაუწერთ არა ქვეყნის ინტერსებში შემავალ კანონპროექტს, რომლის ძალიან მკაფიო ალტერნატივა თქვენ წინ გედოთ და მხარი დაუჭირეთ არა ალტერნატივას არამედ დაუწირეთ კანონს რომელიც ამ ქვეყნის ინტერესებს ეწინააღმდეგება, ამას ისტორიიდან უბრალოდ ვერ ამოშლით.” ვიდეო: https://www.facebook.com/ForGeoGe/videos/7362751220512432/

“ოცნება” გასულია მომსახურების ზონიდან, გასულია ჩვენი მოქალაქეების მსახურების ზონიდან. აბსოლუტურად შეურაცხადი მოწადინებით არიან მიმართული “რუსული კანონის” მიღებაზე და არავის არ ეგონოს, რომ მათ არ ქონდათ გონივრული გასასვლელი, რომ მათ არ შევთავაზეთ ჩვენ გონივრული გამოსავალი. მათ გადაწყვიტეს პირდაპირი დაპირისპირება საქართველოს მოქალაქეებთან, იმის ნაცვლად, რომ შეენარჩუნებინათ ელემენტარული შანსი მაინც იმისთვის, რომ ამ ხალხთან ერთად გაგვეგრძელებინა სვლა ევროპული მომავლისკენ. ბექა ლილუაშვილი, საპარლამენტო პოლიტიკური ჯგუფი “საქართველოსთვის” თავმჯდომარე. ვიდეო: https://www.facebook.com/ForGeoGe/videos/2871969152951267/

ხელისუფლება იღებს კანონს, რომლითაც ქვეყნის ისტორიულ მტრებსა და ისტორიულ მოკავშირე მეგობრებს შორის ტოლობის ნიშანს სვამს - არჩევნები მალე მოვა, თქვენ შეიცვლებით, მაგრამ თქვენი გადაწყვეტილება ისტორიას დარჩება! - ასე მიმართა “ქართული ოცნების“ უმრავლესობას პოლიტიკური ჯგუფის “საქართველოსთვის“ ხელმძღვანელმა ბექა ლილუაშვილმა პარლამენტის პლენარულ სხდომაზე. ლილუაშვილის თქმით, უმრავლესობის კანონპროექტის რეალური მიზანი ევროპის მტრად გამოცხადება, ხალხის დაყოფა და დაპირისპირებაა. მისივე თქმით, ხელისუფლების რეალური მოტივი გამჭვირვალობის კუთხით დამატებით ზომების მიღება რომ იყო, მათ ალტერნატიულ საკანონმდებლო ინიციატივას დაუჭერდა მხარს. „იცით ვინ იდგა გუშინ აქციაზე? - აქციაზე იდგნენ ახალგაზრდები, ის ადამიანები ვისაც მთელი ბოლო ერთი წლის განმავლობაში თქვენ პირდაპირ უპირისპირდებოდით, ათასგვარ კამპანიას შლიდით მათი დისკრედიტაციისთვის. ვერ შეაშინეთ ეს ხალხი, ვერ შეაშინეთ ვერც საჯარო მოხელეები. საჯარო მოხელეები ერთი წლის წინ ევროპის მხარდამჭერ აქციაზეც ასიათასობით ადამიანის გვერდით, იდგნენ - ცდილობდით დაგეშინებინათ, დასდევდით, მაგრამ ვერ გამოგივიდათ. გუშინ როცა გავედი აქციაზე, ათეულობით საჯარო მოხელე შემხვდა, რომელიც იქ იდგა და აპროტესტებდა - ვერ შეაშინებთ ამ ადამიანებს! ამბობდით, საჯარო მოხელეებს ნუ იყენებთო, არავინ არ იყენებს, ამ ხალხმა იცის რეალურად რას უკეთებთ იმ მიღწევას და მონაპოვარს, რაშიც ყველაზე მეტი ძალისხმევა მათ აქვთ ჩადებული. თუ თქვენ ამ ნაბიჯს გადადგამთ იქნებით საქართველოს დამოუკიდებლობის ისტორიაში ერთადერთი ხელისუფლება, რომელიც ერთ სიბრტყეზე დააყენებს მტერს და მოკავშირე მეგობარს. არჩევნები მალე მოვა, თქვენ შეიცვლებით, მაგრამ თქვენი გადაწყვეტილება ისტორიას დარჩება!“ - განაცხადა ბექა ლილუაშვილმა. იპნ