ავსტრომარქსიზმი ოპორტუნიზმის ნაირსახეობა, რომელიც შეიქმნა მე-19 საუკ. დასასრულსა და მე-20 საუკუნის დასაწყისში ავსტრიის სოციალ-დემოკრატიულ პარტიაში. უარყოფდა პროლეტარიატის დიქტატურას და ქადაგებდა კაპიტალიზმის სოციალიზმში თანდათანობით შეზრდის იდეას.
ავსტრალოპითეკი [ლათ. Australis სამხრეთსა და ბერძ. Pithekos მაიმუნი] - ადმიანის მსგავსი განათხარი მაიმუნი, რომელიც ცხოვრობდა მესამეული პერიოდის ბოლოს. მისი ნაშთები (თავის ქალა და სხვა) ნაპოვნია სამხრეთ აფრიკაში.
ავრალი [ინგლ. Aver All ზევით (ადით) ყველანი] - 1. გემზე მუშაობა, რომელშიც მთელი ეკიპაჟი მონაწილეობს. 2. მთელი კოლექტივის გადაყვანა რაიმე სასწრაფო სამუშაოზე არაგეგმაზომიერი მუშაობის პირობებში.
ავოკადო [პორტუგ. ავტეკ.] - სუბტროპიკული ხე. ისხამს მსხლის მოყვანილობის ნაყოფს, რომელიც საჭმელი ზევითაა მდიდარი. გავრცელებულია ტროპიკულ ამერიკასა და აღმოსავლეთ აზიაში: ჩვენში გაშენებულია მეტწილად აფხაზეთში.
ავიზო [იტალ. Avviso შეტყობინება] - 1. უწყება, რომლითაც ატყობინებენ მიმღებს მისთვის ფულის, თამასუქის ან საქონლის გაგზავნას. 2. უცხოეთის ზოგიერთ სამხედრო ფლოტში: სწრაფმავალი პატარა მზვერავი გემი.
ავიაცია [ფრანგ. Aviation] - 1. ჰაერში მოძრაობა (ფრენა) ჰაერზე მძიმე მანქანებით. ასეთი მოძრაობის თეორია და ტექნიკა. 2. საფრენი მანქანების ერთობლიობა, საჰაერო ფლოტი.