tvati

კვლევებიდან გამომდინარე, თამაშდამოკიდებულთა რიცხვი საქართველოში ნორმიდან დიდ გადახვევას წარმოადგენს და ჩვენი ვარაუდით, დაახლოებით, მოსახლეობის 15%-ია - ნორმა 2-დან 2.5% - მდე მერყეობს, - ამის შესახებ განათლების კომიტეტის სხდომაზე UNICEF-ის ექსპერტმა, გუგა ბესელიამ განაცხადა, რომელიც მოზარდებსა და ახალგაზრდებში აზარტულ თამაშებზე დამოკიდებულების მიმართულებით განხორციელებულ საპარლამენტო თემატურ მოკვლევაში იყო ჩართული. კომიტეტის სხდომაზე, სადაც „მოზარდებსა და ახალგაზრდებში აზარტულ თამაშებზე დამოკიდებულების პრევენციის და გამოჯანმრთელების პოლიტიკა: გამოწვევები და გაუმჯობესების შესაძლებლობები“ თემატური მოკვლევის ანგარიშს ისმენენ, გუგა ბესელიამ აღნიშნა, რომ საკითხთან დაკავშირებით არსებობს საერთაშორისო გამოცდილება და დასავლეთ ევროპის ქვეყნებში ფუნქციონირებს მარეგულირებელი ორგანო, რომელიც სრულად იღებს პასუხისმგებლობას პრობლემის მოგვარებაზე. მისივე თქმით, ანგარიშის ფარგლებში მომზადებული რეკომენდაციები სწორედ მსგავსი ორგანოს შექმნას ითვალისწინებს. „საკითხი ვინაიდან გადანაწილებულია სხვადასხვა უწყებაში, არ არსებობს ერთიანი პოლიტიკა, თუ როგორ უნდა მოხდეს პრობლემის ნორმის ფარგლებში მოქცევა. ნორმის ფარგლებში მოქცევა არის მსოფლიო ჯანდაცვის ორგანიზაციის მითითება. ის ფაქტი, რომ თამაშდამოკიდებული ქვეყანაში იქნება, ეს არის მოცემულობა. თუმცა, დათვლილია საშუალო მონაცემი, მოსახლეობის თუ რა პროცენტია ნორმა, რომ თამაშდამოკიდებული იყოს. ეს პროცენტი მერყეობს 2-დან 2.5 %-მდე. ჩვენთან ეს მონაცემი ოფიციალური არ არის, მაგრამ იმ კვლევებიდან გამომდინარე, რომელიც საქართველოში ამ მიმართულებით არსებობს, ეს რიცხვი საკმაოდ გაზრდილია და დიდ გადახვევას წარმოადგენს ნორმიდან. ჩვენი ვარაუდით დაახლოებით, 15% -ს მაინც წარმოადგენს მოსახლეობის, რაც ნორმიდან 6-7-ჯერ გადახვევაა. მიუხედავად იმისა, რომ საქართველოში სათამაშო ბიზნესი უფრო მეტად შეზღუდულია, ვიდრე ვთქვათ, ბრიტანეთში, ბრიტანეთში მოთამაშეთა მონაცემები 2-დან 2.5% - მდე მერყეობს და ნორმის ფარგლებშია. ჩვენი დაკვირვებით მხოლოდ იმიტომ, რომ იქ დაახლოებით 20 წელია არსებობს მარეგულირებელი ორგანო, რომელმაც სრული პასუხისმგებლობა აიღო პრობლემის მოგვარებაზე, არსებობს ერთიანი პოლიტიკა და მარეგულირებელი ორგანო მუშაობს საკმაოდ ეფექტიანად. საქართველოში იმის მიუხედავად, რომ სათამაშო ბიზნესი უფრო მეტად რეგულირებულია, რეკლამის აკრძალვას, ასაკობრივ ზღვარს ვგულისხმობ, მონაცემებზე დაყრდნობით შეგვიძლია ვთქვათ, რომ პრობლემა უფრო მძიმედ დგას. მთავარი ფაქტორი სწორედ იმაში მდგომარეობს, რომ იქ არსებობს მარეგულირებელი ორგანო, ჩვენთან ასეთი ჯერ არ არის და სწორედ ამიტომ რეკომენდაციებში ეს არის ჩადებული“, - განაცხადა გუგა ბესელიამ. რეკომენდაციების შესახებ ისაუბრა კომიტეტის თავმჯდომარე გივი მიქანაძემაც, რომელმაც აღნიშნა, რომ თემატურმა მოკვლევამ მეტი კოორდინაციის საჭიროება აჩვენა. „არის საჭიროება გარკვეული მექანიზმის შექმნის, რომელიც მაკოორდინირებელი რგოლი იქნება უწყებების, რომელიც ამ საკითხთან დაკავშირებით თავის კომპეტენციის მიმართულებით საქმიანობენ. ამან შეიძლება გაზარდოს ეფექტიანობა და სწორედ ამ კონტექსტში ერთ - ერთი რეკომენდაცია არის ის, რომ მთავრობის დონეზე შეიქმნას გარკვეული მექანიზმი, რომელიც ამ კოორდინაციის ფუნქციას აიღებს თავის თავზე,“- განაცხადა მიქანაძემ. მისივე თქმით, პრევენციის მიმართულებით მნიშვნელოვანია ასევე ცნობიერების ამაღლება და ამ მხრივ განსაკუთრებული აქცენტია სკოლებზე და პედაგოგებთან მუშაობაზე, რომლებსაც უშუალო კომუნიკაცია აქვთ ახალგაზრდებთან. მიქანაძის განცხადებით, კვლევამ ასევე გამოავლინა სარეაბილიტაციო სერვისების ხელმისაწვდომობის პრობლემა, რომელიც ხელმისაწვდომი ნაკლებად არის რეგიონებში. მისივე თქმით, ამ მხრივ პრობლემას ქმნის ასევე ამ სერვისების სიძვირეც. ipn

მოზარდების 10% ამბობს, რომ მშობლები აფინანსებენ მათ თამაშს, მშობელმა იცის, რისთვის აძლევს ფულს და ფიქრობს, რომ ასე უფრო დაცულია, თუ სახლში პოკერს ითამაშებს, ვიდრე ვთქვათ, თანატოლებთან ფეხბურთის თამაშით, - ამის შესახებ განათლების კომიტეტის სხდომაზე UNICEF-ის ექსპერტმა, გუგა ბესელიამ განაცხადა, რომელიც მოზარდებსა და ახალგაზრდებში აზარტულ თამაშებზე დამოკიდებულების მიმართულებით განხორციელებულ საპარლამენტო თემატურ მოკვლევაში იყო ჩართული. კომიტეტის სხდომაზე, სადაც „მოზარდებსა და ახალგაზრდებში აზარტულ თამაშებზე დამოკიდებულების პრევენციის და გამოჯანმრთელების პოლიტიკა: გამოწვევები და გაუმჯობესების შესაძლებლობები“ თემატური მოკვლევის ანგარიშს ისმენენ, გუგა ბესელიამ აღნიშნა, რომ მუშაობა საჭიროა რამდენიმე მიმართულებით და ერთ-ერთი მნიშვნელოვანია პრევენცია და საგანმანათლებლო მიმართულება, რომელიც იმუშავებს სკოლის მოსწავლეებთან და მათ მშობლებთან. „კვლევებმა გვაჩვენა, რომ მოზარდების 10% ამბობს, რომ მათი მშობლები თვითონ აფინანსებენ მათ თამაშს, ოღონდ მიზანმიმართულად, დანარჩენების თამაშსაც მშობლები აფინანსებენ, მაგრამ იმათ არ იციან. ამ 10 %-ის მშობელმა იცის, თუ რისთვის აძლევს ფულს თავის შვილს და მოტივაცია რა არის - თვლის, რომ ამ მოქმედებით მისი შვილი უფრო დაცული იქნება, ვიდრე იმით, რომ ვთქვათ, გავიდეს გარეთ და იქ თანატოლებთან ითამაშოს ფეხბურთი ან სხვა რამ. ურჩევნია თავის შვილი იჯდეს სახლში და პოკერს თამაშობდეს. ამ ცნობიერებაზეა საუბარი. ჩვენ უნდა ვიმუშაოთ არამხოლოდ მოზარდის, არამედ სკოლის პერსონალის, მშობლების და სრულიად საზოგადოების მიმართულებით, რადგან მაგალითისთვის რომ ვთქვათ, სარეაბილიტაციო ცენტრებთან კომუნიკაციის შედეგად ფიქსირდება, რომ მშობლებს გააზრებული არ აქვთ, რომ მათი ოჯახის არის დაავადებული და არა ცუდი (ადამიანი). ამის გააზრება ძალიან მნიშვნელოვანია, რადგან, როცა პირზე ასე ფიქრობენ, ეს პირი კიდევ უფრო დიდხანს მალავს პრობლემას და პრობლემა კიდევ უფრო მწვავდება,“ - განაცხადა გუგა ბესელიამ. ipn

წინასწარი ნარკოლოგიური შემოწმების გავლის ვალდებულება არც პარლამენტის წევრობის კანდიდატებს ექნებათ. აღნიშნული გათვალისწინებულია უმრავლესობის მიერ პარლამენტში წარდგენილ საკანონმდებლო ცვლილებათა პაკეტში, რომლის თანახმად, ნარკოლოგიური შემოწმების ვალდებულება სახელმწიფო-პოლიტიკური თანამდებობის პირების შემთხვევაშიც უქმდება. ცნობისთვის, ჯერ კიდევ მოქმედი “საარჩევნო კოდექსით, დეპუტატობის მსურველ კანდიდატს ნარკოლოგიური შემოწმება მოეთხოვება. წინააღმდეგ შემთხვევაში მას ცესკოს საარჩევნო რეგისტრაციაში არ გაატარებს. შეგახსენებთ იმასაც, რომ სახელმწიფო-პოლიტიკურ თანამდებობის პირებს ნარკოლოგიური შემოწმების გავლის ვალდებულება აღარ ექნებათ. უქმდება „კორუფციის წინააღმდეგ ბრძოლის შესახებ“ კანონით განსაზღვრული ვალდებულება, რომელიც დაკავშირებულია საქართველოს პრეზიდენტის, პარლამენტის წევრების, მინისტრების, მათი პირველი მოადგილეებისა და მოადგილეების, ასევე აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების წევრებისა და მთავრობის წევრების მიერ ნარკოლოგიური შემოწმების გავლასთან. შესაბამისად, უქმდება ნარკოლოგიური შემოწმების გავლისთვის თავის არიდებაზე დადგენილი ჯარიმა, რომლის ოდენობაც 500 ლარია. ეს ერთ-ერთი ცვლილებაა “კორუფციის წინააღმდეგ ბრძოლის შესახებ“ კანონში დაგეგმილ ცვლილებათა შორის, რომელიც “ქართული ოცნების“ დეპუტატებმა მოამზადეს. პარლამენტში წარდგენილი პროექტის მიხედვით, კანონიდან ამოდის მუხლი, რომლის თანახმად, აღნიშნული თანამდებობის პირები ვალდებულნი არიან ანტიკორუფციული ბიუროს უფროსის მიერ მისთვის დადგენილ ვადაში ნარკოლოგიური შემოწმება გაიაროს და ანტიკორუფციულ ბიუროს შესაბამისი ცნობა წარუდგინოს, რა დოკუმენტიც ჯერ კიდევ მოქმედი კანონით საჯაროა და ანტიკორუფციული ბიუროს ოფიციალურ ვებ-გვერდზე ქვეყნდება. პროექტის ავტორი და ინიციატორები არიან უმრავლესობის დეპუტატები: - ანრი ოხანაშვილი, ალუდა ღუდუშაური, ირაკლი შატაკიშვილი, დავით მათიკაშვილი, რატი იონათამიშვილი, მიხეილ სარჯველაძე, გურამ მაჭარაშვილი და ალექსანდრე ტაბატაძე. ipn

სახელმწიფო-პოლიტიკურ თანამდებობის პირებს ნარკოლოგიური შემოწმების გავლის ვალდებულება აღარ ექნებათ. უქმდება „კორუფციის წინააღმდეგ ბრძოლის შესახებ“ კანონით განსაზღვრული ვალდებულება, რომელიც დაკავშირებულია საქართველოს პრეზიდენტის, პარლამენტის წევრების, მინისტრების, მათი პირველი მოადგილეებისა და მოადგილეების, ასევე აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების წევრებისა და მთავრობის წევრების მიერ ნარკოლოგიური შემოწმების გავლასთან. შესაბამისად, უქმდება ნარკოლოგიური შემოწმების გავლისთვის თავის არიდებაზე დადგენილი ჯარიმა, რომლის ოდენობაც 500 ლარია. ეს ერთ-ერთი ცვლილებაა “კორუფციის წინააღმდეგ ბრძოლის შესახებ“ კანონში დაგეგმილ ცვლილებათა შორის, რომელიც “ქართული ოცნების“ დეპუტატებმა მოამზადეს. პარლამენტში წარდგენილი პროექტის მიხედვით, კანონიდან ამოდის მუხლი, რომლის თანახმად, აღნიშნული თანამდებობის პირები ვალდებულნი არიან ანტიკორუფციული ბიუროს უფროსის მიერ მისთვის დადგენილ ვადაში ნარკოლოგიური შემოწმება გაიაროს და ანტიკორუფციულ ბიუროს შესაბამისი ცნობა წარუდგინოს, რა დოკუმენტიც ჯერ კიდევ მოქმედი კანონით საჯაროა და ანტიკორუფციული ბიუროს ოფიციალურ ვებ-გვერდზე ქვეყნდება. პროექტის ავტორი და ინიციატორები არიან უმრავლესობის დეპუტატები: - ანრი ოხანაშვილი, ალუდა ღუდუშაური, ირაკლი შატაკიშვილი, დავით მათიკაშვილი, რატი იონათამიშვილი, მიხეილ სარჯველაძე, გურამ მაჭარაშვილი და ალექსანდრე ტაბატაძე. ipn

“ცესკო არის უმნიშვნელოვანესი სახელმწიფო ინსტიტუტი, მაგრამ დღევანდელი “ოცნების” პირობებში ჩვენ მივიღეთ რეალობა, როცა არცერთი დამოუკიდებელი სახელმწიფო ინსტიტუტი აღარ დარჩა, რომელიც უზრუნველყოფს არჩევნების სამართლიან და მიუკერძოებელ გარემოში ჩატარებას.” გიორგი შარაშიძე, თბილისის საკრებულოს წევრი. ვიდეო: https://www.facebook.com/ForGeoGe/videos/378757908435352/

"დღეს საბჭოთა ოკუპაციის დღეა! სამწუხაროდ, დღესაც ვიბრძვით ჩვენი ქვეყნის სუვერენიტეტისთვის, დეოკუპაციისა და ტერიტორიული მთლიანობის აღდგენისთვის. ჩვენს ქვეყანაში რუსული ოკუპაცისაა და მეგობარ უკრაინაში რუსეთის აგრესიის ფონზე, კვლავ სრული სიმძაფრით აღვიქვამთ ამ თარიღის ტრაგიკულობას. დღისა, რომელმაც საუკუნის წინ უთანასწორო ბრძოლაში საქართველო დააშორა ევროპულ არჩევანს! საქართველოს დამოუკიდებლობისა და სუვერენიტეტის დასაცავად დაღუპული გმირების პატივისცემა ჩვენ ახალ მისიას გვაკისრებს! ჩვენ უნდა გავერთიანდეთ იმ დიდი ეროვნული იდეის გარშემო, რასაც წარმოადგენს დამოუკიდებელი, ძლიერი, სამართლიანი, დემოკრატიული და ევროპული სახელმწიფო." გიორგი გახარია, პარტია "საქართველოსთვის" თავმჯდომარე.

ეროვნულ-დემოკრატიული ინსტიტუტი (NDI) საქართველოს 2024 წლის საპარლამენტო არჩევნებისთვის შემუშავებულ რეკომენდაციებს აქვეყნებს. რეკომენდაციები ორგანიზაციის სადამკვირვებლო მისიამ საჯარო პოლიტიკის სხვადასხვა აქტორთან, 19-25 თებერვალს შუალედში გამართული შეხვედრების შემდეგ შეიმუშავა. NDI-ს შეფასებით, არჩევნებამდე რვა, ხოლო წინასაარჩევნო კამპანიების დაწყებამდე ექვსი თვით ადრე ქვეყანაში არსებული გამოწვევებია: პოლარიზაცია; სამოქალაქო საზოგადოების (მათ შორის სადამკვირვებლო ორგანიზაციების) წინააღმდეგ მიმართული სიტყვიერი თავდასხმები; პოლიტიკური სარგებლის მიღების მიზნით ადმინისტრაციული რესურსების არაკეთილსინდისიერად გამოყენების შესახებ არსებული ეჭვები; ახალი საარჩევნო ტექნოლოგიების დანერგვასთან დაკავშირებული კითხვები. NDI-ს ევრაზიის რეგიონული დირექტორის, ევა ბუშას შეფასებით, საპარლამენტო არჩევნებამდე საკმარისი დროა დარჩენილი იმისთვის, რომ არსებული გამოწვევების რისკი შემცირდეს. ორგანიზაციამ ისაუბრა იმ დადებით ტენდენციებზე, რაც ამ დროისთვის უკვე შეინიშნება ქვეყანაში. მათ შორისაა: მოსახლეობის მიერ დემოკრატიის, ადამიანის უფლებებისა და კანონის უზენაესობის ურყევი მხარდაჭერა; საზოგადოების დადებითი განწყობა პოლიციის მიმართ; მოსახლეობის აღქმით წვრილმანი კორუფციის შემცირებული დონე; გამჭვირვალობის გაზრდის მიზნით სამთავრობო დადგენილებების გასაჯაროების პრაქტიკის განახლება; არჩევნების დღის პროცესების გაუმჯობესების მიზნით ინოვაციების დანერგვა. “ეს საქართველოსთვის ევროკავშირის კანდიდატის სტატუსის მიღების შემდეგ პირველი არჩევნებია. შესაბამისად, საქართველოს მთავრობასა და ყველა სხვა დაინტერესებულ მხარეს შესაძლებლობა ეძლევა, დაამტკიცოს ერთგულება ინკლუზიური, გამჭვირვალე და ანგარიშვალდებული არჩევნებისა და დემოკრატიული ფასეულობების მიმართ”, – განაცხადა ანგარიშის პრეზენტაციისას განაცხადა პერ ეკლუნდმა, საქართველოში ევროკავშირის წარმომადგენლობის ყოფილმა ხელმძღვანელმა. გარდა ამისა, ანგარიშის პრეზენტაციისას NDI-ს წარმომადგენლებმა ყურადღება გაამახვილეს მედიის მისამართით გამოხატულ მტრულ რიტორიკაზე, მუქარასა და ფიზიკური ძალადობის შემთხვევებზე განსხვავებული პოზიციების მქონეთა მიმართ, მიზოგენური შინაარსის თავდასხმებზე ქალი პოლიტიკოსების მიმართ. რიჩარდ კლაინის, NDI არჩევნების პროგრამების გლობალური დირექტორის განცხადებით, არჩევების დღეს განსაკუთრებით მნიშვნელოვანი იქნება შინაგან საქმეთა სამინისტროს როლი. პერ ეკლუნდის თქმით, კი ცესკოს წევრების დაკომპლექტების ბოლოდროინდელი პრაქტიკის გამო შემცირებულია ნდობა უწყების მიმართ. ეკლუნდმა ყურადღება გაამახვილა 5%-იან საარჩევნო ბარიერზე და აღნიშნა, რომ ამან შესაძლოა შემამციროს პარტიათა წარმომადგენლობა საკანონმდებლო ორგანოში. ცნობილია, რომ NDI საქართველოში გრძელვადიან სადამკვირვებლო მისიას გამოაგზავნის – ისინი დააკვირდებიან როგორც უშუალოდ არჩევნების დღეს განვითარებულ მოვლენებს, ისე წინასაარჩევნო პერიოდს. სადამკვირვებლო დელეგაციის წევრები იყვნენ: ან ლინდე, შვედეთის ყოფილი საგარეო საქმეთა მინისტრი; პერ ეკლუნდი, ევროკავშირის დელეგაციის ყოფილი ხელმძღვანელი საქართველოში; მაიკლ პოზნერი, სახელმწიფო დეპარტამენტში დემოკრატიის, ადამიანის უფლებებისა და შრომის ბიუროში სახელმწიფო მდივნის ყოფილი თანაშემწე; დენიელ გოტფრიდი, სენატის საგარეო საქმეთა კომიტეტის თავმჯდომარის კაბინეტის საკანონმდებლო და პოლიტიკის ანალიტიკოსი; ევა ბუშა, NDI ევრაზიის რეგიონული დირექტორი და რიჩარდ კლაინი, NDI არჩევნების პროგრამების გლობალური დირექტორი. ისინი შეხვდნენ საქართველოს პრეზიდენტს, პრემიერ-მინისტრს, ცესკოს წევრებსა და თავმჯდომარეს, ანტიკორუფციული ბიუროს ხელმძღვანელს, შინაგან საქმეთა მინისტრის მოადგილეს, სამოქალაქო სექტორის წარმომადგენლებს, ადგილობრივ სადამკვირვებლო ორგანიზაციებს – საია-ს, ISFED-ს, საერთაშორისო გამჭვირვალობა – საქართველოს, მედიის სფეროს წარმომადგენლებს და პოლიტიკური პარტიების ლიდერებს. ნეტგაზეთი

თბილისის საქალაქო სასამართლომ გლდანში, მამის მკვლელობისთვის დაკავებულ შვილს აღკვეთის ღონისძიების სახით პატიმრობა შეუფარდა. ბრალდების მხარე აღკვეთის ღონისძიების სახით პატიმრობის გამოყენებას ითხოვდა, ხოლო ბრალდებულის ინტერესების დამცველმა პროცესზე მისი დაცვის ქვეშ მყოფის გირაოთი გათავისუფლების შუამდგომლობა დააყენა 5000 ლარის ოდენობით. აღნიშნული შუამდგომლობა მოსამართლემ არ დააკმაყოფილა როგორც ინტერესების დამცველმა სასამართლო პროცესზე აღნიშნა, მისი დაცვის ქვეშ მყოფს მიმალვა არ უცდია, მათ შორის, არ განუხორციელებია მოწმეებზე ზემოქმედება. „ამ ეტაპზე დუმილის უფლებას გამოვიყენებ. მე ახლა არ მაქვს ეგ თანხა. თუ შემიფარდებთ, რაიმეს ვიზამ, მადლობელი ვიქნები. კარგი იქნება, თუ გირაო შემეფარდება“,- აღნიშნა ბრალდებულმა. აღნიშნულ საქმეზე მორიგი სასამართლო სხდომა 16 აპრილს 11:00 საათზე გაიმართება. ცნობისთვის, მკვლელობა გლდანში 23 თებერვალს მოხდა. გამოძიების ინფორმაციით, 50 წლის გელა გამხიტაშვილი შვილმა, 26 წლის რეზი გამხიტაშვილმა ცივი იარაღით, დანით მოკლა. ის სამართალდამცავებმა ცხელ კვალზე დააკავეს. გამხიტაშვილს ბრალი საქართველოს სისხლის სამართლის კოდექსის 11 პრიმა 109-ე მუხლის „კ“ ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. ipn

აღგვაფრთოვანებს ქართველი ხალხის თავისუფლებისა და დამოუკიდებლობის სიყვარული - საქართველოს ევროპისკენ მიმავალ გზაზე შეერთებული შტატები თქვენ გვერდითაა,- ამის შესახებ საქართველოში ამერიკის შეერთებული შტატების საელჩოს განცხადებაშია ნათქვამი. „ამ ტრაგიკულ დღეს ვიხსენებთ მათ, ვინც საბჭოთა ოკუპაციას შეეწირა. აღგვაფრთოვანებს ქართველი ხალხის თავისუფლებისა და დამოუკიდებლობის სიყვარული. საქართველოს ევროპისკენ მიმავალ გზაზე შეერთებული შტატები თქვენ გვერდითაა“,- აღნიშნულია განცხადებაში. საბჭოთა ოკუპაციიდან 103 წელი გავიდა. აღნიშნულ თარიღთან დაკავშირებით დროშები დაეშვა ადმინისტრაციულ შენობებზე და საზღვარგარეთ საქართველოს დიპლომატიურ წარმომადგენლობებში. 25 თებერვალი საბჭოთა ოკუპაციის დღედ საქართველოს პარლამენტის დადგენილებით არის გამოცხადებული.

უკრაინის პრეზიდენტი, ვოლოდიმირ ზელენსკი ქართველ კოლეგას, სალომე ზურაბიშვილს რუსეთის მიერ უკრაინაში შეჭრის ორი წლისთავთან დაკავშირებით გავრცელებული ვიდეო მიმართვისთვის მადლობას უხდის. ზელენსკი აცხადებს, რომ უკრაინა საქართველოსა და მის თავისუფლებისმოყვარე ერს ძალიან აფასებს. „გმადლობ ქალბატონო პრეზიდენტო! აგრესორზე ერთობლივი და ძლიერი ზეწოლა მნიშვნელოვანია, რათა ყველა მისი მეზობელი ერი თავისუფალი დარჩეს. ძალიან ვაფასებთ საქართველოსა და მის თავისუფლებისმოყვარე ერს”, - წერს ზელენსკი „ტვიტერზე“. შეგასენებთ, სალომე ზურაბიშვილმა გუშინ განაცხადა, რომ ორი წელი გავიდა, მაგრამ რუსეთმა ვერ გაიმარჯვა და ვერ შეძლო უკრაინისა და უკრაინელების სიმტკიცის გატეხა. „რუსეთმა ვერ შეძლო ევროპის დაყოფა და თქვენგან ევროპის გამოყოფა. თქვენს მიმართ სოლიდარობა ერთსულოვანია, მხარდაჭერა სახეზეა და წარმატება და გამარჯვება თქვენია!”, - განაცხადა სალომე ზურაბიშვილმა. ipn

რუსეთის იმპერიალისტური მცდელობები, გამოცადოს ჩვენი სიმტკიცე ჩვენს ოკუპირებულ ტერიტორიებზე თუ ჰიბრიდულ ზომების გამოყენებით, წარსულს ვერ აღადგენს,- ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს და ეხმაურება საბჭოთა ოკუპაციის დღეს. მისი თქმით, საქართველო თავისუფალი და მტკიცეა და ვერავინ გადაიყვანს გზიდან. „25 თებერვალი საბჭოთა ოკუპაციის დღეა. მომავლის შესანარჩუნებლად წარსულის გაკვეთილების გახსენება აუცილებელია. დღეს დამოუკიდებლობამ და თავისუფლებამ გაიმარჯვა! რუსეთის იმპერიალისტური მცდელობები, გამოცადოს ჩვენი სიმტკიცე, ჩვენს ოკუპირებულ ტერიტორიებზე თუ ჰიბრიდულ ზომების გამოყენებით, წარსულს ვერ აღადგენს. საქართველო თავისუფალი და მტკიცეა, მტკიცედ მიემართება ევროპისკენ და ვერავინ გადაიყვანს იმ გზიდან, რომელიც ქართველი ხალხის თავისუფალი არჩევანია”, - წერს პრეზიდენტი „ტვიტერზე“. ipn

“ორი აზრი არ არსებობს იმასთან დაკავშირებით, რომ მურუსიძე-ჩინჩალაძე და ყველა ის არაკეთილსინდისიერი გავლენის ჯგუფის წევრი, რომელიც დღეს იუსტიციის უმაღლეს საბჭოს წარმოადგენს და სასამართლო სისტემას მართავს, რა თქმა უნდა, უნდა მოშორდეს სასამართლო ხელისუფლებას და აქ, ბუნებრივია, ჩვენი პოლიტიკური გუნდისგან კომპრომისი არავისთან არ იქნება.” ბერდია სიჭინავა, პარტია “საქართველოსთვის” აღმასრულებელი მდივანი. ვიდეო: https://www.facebook.com/ForGeoGe/videos/1059429355351880/

თბილისში, რუსთაველის გამზირზე უკრაინისადმი სოლიდარობის მარში იმართება. აქციაში მონაწილეობენ როგორც საქართველოში მცხოვრები უკრაინელები, ასევე საქართველოს მოქალაქეები, რომლებიც მხარდაჭერას უცხადებენ უკრაინელ ხალხს. „რუსეთი ტერორისტული სახელმწიფოა”, „დიდება უკრაინას” ამ ტრანსფარანტებით მარშის მონაწილეები პარლამენტთან მიმდებარე ტერიტორიისკენ მსვლელობას მართავენ. სოლიდარობის მარშს რამდენიმე ოპოზიციური პარტიის წარმომადგენელიც შეუერთდა. პუბლიკა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის და დაბალი ტემპერატურის გამო, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის კმ36-კმ60 (ვერონა-შუამთა) მონაკვეთზე, მოძრაობა დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტისათვის. საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია. იპნ

გლდანში, მამის მკვლელობის ბრალდებით დაკავებული რეზი გამხიტაშვილი ბრალს არ აღიარებს. როგორც „ინტერპრესნიუსს“ დაკავებულის ადვოკატმა განუცხადა, მისი დაცვის ქვეშ მყოფი დუმილის უფლებას იყენებს. ამასთან, უფლებადამცველი აცხადებს, რომ მისი დაცვის ქვეშ მყოფს ფსიქიკური პრობლემები აქვს და მის მიმართ ფსიქიატრიული ექსპერტიზა დაინიშნება. ადვოკატის თქმითვე, მას ბრალდებულმა განუცხადა, რომ ფსიქიკური პრობლემების გამო, ის რამდენიმე წლის წინ, ექიმთან კონსულტაციაზეც იმყოფებოდა, თუმცა, როგორც უფლებადამცველი აცხადებს, დაკავებული მედიკამენტებს, როგორც მისთვის ცნობილია, არ იღებდა. „ჩემი დაცვის ქვეშ მყოფს ბრალი წარედგინა, ის დუმილის უფლებას იყენებს. ბრალი სისხლის სამართლის კოდექსის 11 პრიმა 109-ე მუხლის „კ“ ქვეპუნქტით წარედგინა. დეტალებს ვერ მოგახსენებთ, ჩვენი საუბარი კონფიდენციალურია. საქმის მასალებს გადმომცემენ და ამის შემდეგ გავერკვევი დეტალურად. სასამართლო სავარაუდოდ, ხვალ იქნება. სასამართლოში ჩემი დაცვის ქვეშ მყოფის აღკვეთის ღონისძიების გარეშე დატოვების შუამდგომლობას დავაყენებ და ალტერნატივის სახით გირაოს შევთავაზებ“, - განაცხადა ადვოკატმა. ცნობისთვის, მკვლელობა გლდანში 23 თებერვალს მოხდა. გამოძიების ინფორმაციით, 50 წლის გელა გამხიტაშვილი შვილმა, 26 წლის რეზი გამხიტაშვილმა ცივი იარაღით, დანით მოკლა. ის სამართალდამცავებმა ცხელ კვალზე დააკავეს. გამხიტაშვილს ბრალი საქართველოს სისხლის სამართლის კოდექსის 11 პრიმა 109-ე მუხლის „კ“ ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. იპნ

ვოლოდიმირ ზელენსკიმ უკრაინელებს, რომლებიც რუსეთის სრულმასშტაბიანი შეჭრიდან ორი წლის განმავლობაში გამარჯვებისთვის იბრძვიან, მადლობა გადაუხადა. უკრაინის პრეზიდენტმა, ვოლოდიმირ ზელენსკიმ ქალაქ ჰოსტომელიდან, რუსების მიერ კიევის სამ დღეში აღება უნდა დაწყებულიყო ვიდეომიმართვა გაავრცელა და ხაზგასმით აღნიშნა, რომ უკრაინა გამარჯვებასთან უკვე 730 დღით არის ახლოს. „დიდი ქვეყნის დიდი ხალხი! თითოეული მათგანით წარმოუდგენლად ვამაყობ. თითოეული მათგანით აღფრთოვანებული ვარ. მე თითოეული მათგანის მჯერა. ომის დასრულება ნებისმიერ ნორმალურ ადამიანს სურს, მაგრამ ჩვენი ქვეყნის დასრულებას არც ერთი ჩვენგანი არ დაუშვებს. ამიტომ, ომის დასრულების შესახებ სიტყვებს ჩვენ ყოველთვის ვამატებთ: ჩვენი პირობებით. ამიტომ, სიტყვა მშვიდობის გვერდით ყოველთვის ჟღერს: სამართლიანი. ამიტომ მომავალში სიტყვა უკრაინის გვერდით ყოველთვის იქნება სიტყვა დამოუკიდებელი. ჩვენ ამისთვის ვიბრძვით და ჩვენ გავიმარჯვებთ. ჩვენი ცხოვრების საუკეთესო დღეს“, - განაცხადა ვოლოდიმირ ზელენსკიმ. უკრაინის პრეზიდენტმა განაცხადა, რომ ჰოსტომელში იგი ევროკომისიის პრეზიდენტსა და კანადის, იტალიისა და ბელგიის პრემიერ-მინისტრებს შეხვდა. იპნ

ევროპამ თავდაცვა უნდა გააძლიეროს, - ამის შესახებ გერმანიის კანცლერმა, ოლაფ შოლცმა რუსეთის მიერ უკრაინაში შეჭრის მეორე წლისთავთან დაკავშირებით განაცხადა. „შეკავება, თავდაცვითი მზადყოფნა - მე ვიცი, რომ გერმანიის კანცლერისთვის ეს უჩვეულო სიტყვებია. სიტყვები, რომლებიც ჩვენ გერმანიაში იმდენი ხანი არ გამოგვიყენებია, რომ თითქმის დავიწყებული გახდა“, - განაცხადა გერმანიის კანცლერმა, ოლაფ შოლცმა. ოლაფ შოლცმა აღნიშნა, რომ გერმანიამ თავდაცვის ხარჯები მთლიანი შიდა პროდუქტის 2%-მდე გაზარდა და მომდევნო 10 წლის განმავლობაში ამ მაჩვენებელს შეინარჩუნებს. „ეს სიტყვები ძალიან მნიშვნელოვან ამოცანას წარმოადგენს, ჩვენს მოკავშირეებთან ერთად, ჩვენ ისეთი ძლიერები უნდა ვიყოთ, რომ ჩვენზე თავდასხმა ვერავინ გაბედოს“, - აღნიშნა გერმანიის კანცლერმა. იპნ

ხერსონის ოლქში რუსული „სუ-34“ ჩამოვარდა. ამის შესახებ ინფორმაციას „რადიო თავისუფლება“ ავრცელებს. მედიის ცნობით, რუსული მოიერიშე-ბომბდამშენი ხერსონის ოლქის გენიჩესკის რაიონში ჩამოვარდა. თვითმფრინავის ჩამოვარდნის ადგილიდან თვითმხილველები სოციალურ ქსელებში ვიდეო კადრებს აქვეყნებენ. დაუდასტურებელი ინფორმაციით, „სუ-34“ ჩამოაგდეს. შეგახსენებთ, გუშინ, უკრაინის სამხედრო ძალებმა რუსული A-50 ტიპის თვითმფრინავი ჩამოაგდეს. იპნ

ევროკომისიის პრეზიდენტი, ურსულა ფონ დერ ლაიენი რუსეთის მიერ უკრაინაში შეჭრის მეორე წლისთავზე კიევში ჩავიდა. „უკრაინის წინააღმდეგ რუსეთის ომის მეორე წლისთავის და უკრაინელი ხალხის განსაკუთრებული წინააღმდეგობის აღსანიშნავად კიევში ვიმყოფები. ისე, როგორც არასდროს, ჩვენ უკრაინის გვერდით მტკიცედ ვდგავართ. ფინანსური, ეკონომიკური, სამხედრო და მორალური თვალსაზრისით. იქამდე, სანამ ქვეყანა სრულიად თავისუფალი არ გახდება“, - წერს ურსულა ფონ დერ ლაიენი X-ზე. იპნ

ორი წელი გავიდა, მაგრამ რუსეთმა ვერ გაიმარჯვა! რუსეთმა ვერ შეძლო ევროპის დაყოფა, - ასე ეხმიანება საქართველოს პრეზიდენტი სალომე ზურაბიშვილი რუსეთის მიერ უკრაინაში შეჭრის ორი წლისთავს. როგორც ზურაბიშვილი აღნიშნავს, უკრაინის მიმართ საქართველოს მხარდაჭერა სახეზეა. “ორი წელი… ორი წელი გავიდა, მაგრამ რუსეთმა ვერ გაიმარჯვა! რუსეთმა ვერ შეძლო უკრაინისა და თქვენი სიმტკიცის გატეხა. რუსეთმა ვერ შეძლო ევროპის დაყოფა და თქვენგან ევროპის გამოყოფა. თქვენს მიმართ სოლიდარობა ერთსულოვანია, მხარდაჭერა სახეზეა და წარმატება და გამარჯვება თქვენია!”- წერს სალომე ზურაბიშვილი სოციალურ ქსელში. იპნ

უკრაინაში რუსეთის შეჭრიდან და სრულმასშტაბიანი ომის დაწყებიდან 2 წელი გავიდა. 2022 წლის 24 თებერვლის უკრაინის დროით დილის 5:00 საათზე ვლადიმერ პუტინმა გამოაცხადა, რომ აღმოსავლეთ უკრაინაში ე.წ. სამხედრო ოპერაციის დაწყების შესახებ მიიღო გადაწყვეტილება. რუსეთის ფედერაციის შეიარაღებული ძალები ჩრდილოეთიდან, აღმოსავლეთიდან და სამხრეთიდან შეიჭრნენ უკრაინის ტერიტორიაზე და სრულმასშტაბიანი ომი დაიწყო. ომის დაწყებიდან 731-ე დღეს უკრაინა საკუთარი ტერიტორიების დეოკუპაციისთვის იბრძვის. დღემდე, 3 მილიონზე მეტი უკრაინელი, მათ შორის 800 000 ბავშვი რამდენიმე ასეულ კილომეტრზე გადაჭიმულ ფრონტის ხაზთან, უმძიმეს მდგომარეობაში ცხოვრობს. უკრაინის ტერიტორიის 20% ამ დრომდე რუსეთის ოკუპაციაში რჩება. იპნ

„ლელო“ არის ის პოლიტიკური ძალა, რომელსაც შეიძლება დაელაპარაკო და ჩვენი ინტერესია, რომ მომავალ პარლამენტში „ლელო“ იყოს წარმოდგენილი, - ამის შესახებ პარტია „საქართველოსთვის“ აღმასრულებელმა მდივანმა, ბერდია სიჭინავამ „პალიტრანიუსის“ გადაცემაში “360 გრადუსი“ განაცხადა. „ლელო“ არის ის პოლიტიკური ძალა, რომელსაც შეიძლება დაელაპარაკო და ჩვენი ინტერესია, რომ მომავალ პარლამენტში „ლელო“ იყოს წარმოდგენილი, მიუხედავად იმისა, რომ სუიციდის მცდელობები აქვს. ხანდახან ვფიქრობ საკუთარი თავის მტრები როგორ არიან-თქო“,- აღნიშნა სიჭინავამ. ამასთან, სიჭინავამ გადაცემაში კოალიციურ მთავრობაზე ისაუბრა და აღნიშნა, რომ პარტია „საქართველოსთვის“ „ნაციონალურ მოძრაობასთან“ ისევე, როგორც „ქართულ ოცნებასთან“ კოალიციას არ შექმნის. „ჩვენი ამოცანაა, რომ არცერთმა პოლიტიკურმა პარტიამ, ამ ორმა რადიკალურმა პოლიტიკურმა პარტიამ [ნაციონალური მოძრაობა და ქართული ოცნება] ჯამში 50%-ზე ნაკლები აიღოს, ამ მოცემულობაში ამ ორ პარტიასთან კოალიციის არანაირი საჭიროება არ იქნება. ღმერთმა დაგვიფაროს, რომ „ნაციონალურ მოძრაობასთან“ კოალიციაზე ვისაუბროთ. არ მოხდება, გამორიცხულია! წითელი ხაზია. „ნაციონალურ მოძრაობასთან“ ისევე, როგორც „ქართულ ოცნებასთან“ ჩვენი პოლიტიკური გუნდი კოალიციას არ შექმნის, გამორიცხულია. 26-ოქტომბრამდე ყველაფერს გავაკეთებთ იმისთვის, რომ ამ ორმა პარტიამ აიღოს 50%-ზე ნაკლები“, - განაცხადა სიჭინავამ. მისივე თქმით, პარტია "საქართველოსთვის" არავის ეხვეწება შეერთებას, რადგან მათ წითელი ხაზები აქვთ გავლებული, მათ შორის, „ნაციონალურ მოძრაობასთან“ მიმართებით. „დღე არ გათენდება ისე, რომ პოლიტიკოსებმა ოპოზიციიდან თუ პოზიციიდან გახარიას პოლიტიკურ მომავალზე მარჩიელობა და მკითხაობა არ დაიწყონ. ფაქტობრივად, „ტაროს“ კარტი აქვთ გაშლილი. „შეტენვა“ არის ძალიან ბევრი რამ. მაშინ, როდესაც პოლიტიკური აქტორები საუბრობენ, რომ „გიორგი გახარია კოალიციაში წარმომიდგენია“, „ჯერ გახარიამ კითხვებს გასცეს პასუხი, მერე გადავწყვეტთ შევიერთებთ თუ არა“ - ვინ გეხვეწებათ? არ გვაინტერესებს, ჩვენ ჩვენი წითელი ხაზები გვაქვს გავლებული ძალიან მკაფიოდ, მათ შორის, „ნაციონალურ მოძრაობასთან“ მიმართებით“,- განაცხადა სიჭინავამ. იპნ

“კეთილი ინებოს ირაკლი კობახიძემ, რომელიც გამჭვირვალედ აცხადებს თავს, ანგარიშვალდებულად საზოგადოების წინაშე, როგორც პრემიერის ინსტიტუტის წარმომადგენელი და უმაღლესი პოლიტიკური პირი, ღარიბაშვილის განკარგულებები დადოს.” ბერდია სიჭინავა, პარტია “საქართველოსთვის” აღმასრულებელი მდივანი. ვიდეო: https://www.facebook.com/ForGeoGe/videos/1435814807372137/

გამოცემა Україна Православна-ს ინფორმაციით, უკრაინის მართლმადიდებელი ეკლესიის დონეცკის ეპარქიის მოძღვარი, მარიუპოლის მახლობლად მდებარე სოფელ კამენკას ამაღლების ეკლესიის წინამძღვარი, არქიმანდრიტი ქრისტეფორე (ხრიმლი) უკანონო პატიმრობიდან გაათავისუფლეს და დეპორტაცია საქართველოში გაუკეთეს. დონეცკისა და მარიუპოლის მიტროპოლიტი სერგიუსის განცხადებით, არქიმანდრიტმა ქრისტეფორემ უკვე გადმოკვეთა საქართველოს საზღვარი. უკრაინის მართლმადიდებელი ეკლესიის მღვდელი რუსეთის ხელისუფლებამ 2023 წლის სექტემბერში დააკავა. მას ბრალი ედებოდა უკრაინის მთავრობისა და შეიარაღებული ანტირუსული ძალების ექსტრემისტული ფორმით მხარდაჭერასა და ეროვნულ და რელიგიურ ნიადაგზე სიძულვილისა და მტრობის გაღვივებაში. მოგვიანებით, არქიმანდრიტი რუსეთის ფედერაციის როსტოვის ოლქში გადაიყვანეს. პუბლიკა

წელს რაჭაში განსაკუთრებით დიდი თოვლი მოვიდა. ნახეთ, როგორია ის სტიქიის მიღმა: ზამთარი რაჭაში – ფოტო: თამთა აბუსელიძე/netgazeti ზამთარი რაჭაში – ფოტო: თამთა აბუსელიძე/netgazeti ზამთარი რაჭაში – ფოტო: Snow vigil ზამთარი რაჭაში – ფოტო: Snow vigil ზამთარი რაჭაში – ფოტო: Snow vigil ზამთარი რაჭაში – ფოტო: თამთა აბუსელიძე/netgazeti ზამთარი რაჭაში – ფოტო: Snow vigil ნეტგაზეთი