Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    უკრაინელებმა კიდევ ერთი რუსული „სუ-34“ ჩამოაგდეს, - ამის შესახებ ინფორმაციას უკრაინის გენშტაბი ავრცელებს.
    უკრაინის გენშტაბის ცნობით, უკრაინის საჰაერო ძალებმა რუსული „სუ-34“ ტიპის მოიერიშე-ბომბდამშენი პარასკევს დაახლოებით, 9:00 საათზე, აღმოსავლეთის მიმართულებით ჩამოაგდეს.
    ასევე, უკრაინის საჰაერო ძალების ინფორმაციით, 2 მარტის ღამეს, უკრაინის შეიარაღებულმა ძალებმა რუსების მიერ გაშვებული Shahed-ის ტიპის 17 უპილოტო საფრენი აპარატიდან 14 გაანადგურეს.

    იპნ
  2. tvati
    შსს-ს ინფორმაციით, სამართალდამცავებმა თბილისსა და საქართველოს სხვადასხვა რეგიონში ნარკოდანაშაულის ბრალდებით 10 პირი დააკავეს.
    დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, ასევე, მარიხუანას უკანონო შეძენა-შენახვის, შეძენა-შენახვის მცდელობის და გასაღების მცდელობის ფაქტებზე დააკავეს 1987 წელს დაბადებული ბ.შ., 1993 წელს დაბადებული ი.შ., 1977 წელს დაბადებული ე.ი., 2005 წელს დაბადებული გ.ლ., 2006 წელს დაბადებული ნ.დ., 1968 წელს დაბადებული გ.ო., 1978 წელს დაბადებული ე.მ., 1996 წელს დაბადებული ა.ს., 2002 წელს დაბადებული ა.ა. და 2001 წელს დაბადებული ა.ჰ.
    დაკავებულებს შორის არიან ბელარუსის და ისრაელის მოქალაქეებიც.
    უწყების ცნობით, თბილისში დაკავებულ ა.ჰ-ს 440 აბი „ექსტაზი“, საცხოვრებელი სახლის ჩხრეკისას კი „კანაფი“, „მარიხუანა“ და „ჰაშიში“ აღმოუჩინეს.
    ფონიჭალაში ჩატარებული საგამოძიებო მოქმედებების შედეგად კი სამართალდამცველებმა დააკავეს 2 პირი – ე.მ. და ა.ს.. მათ 18 შეკვრად დაფასოებული – 3 კილოგრამამდე ნარკოტიკული საშუალება ე.წ. სირეცი, 97 350 აშშ დოლარი, 6080 ლარი და 2 790 000 რუსული რუბლი ჰქონდათ.
    გამოძიება სსკ-ის 260-ე, 19-260, 273-ე პრიმა და 19-273-ე პრიმა მუხლებით მიმდინარეობს.
    დანაშაული 20 წლამდე ან უვადო თავისუფლების აღკვეთას ითვალისწინებს.

    პუბლიკა
  3. tvati
    რუსებმა ხარკოვი და ოდესა დაბომბეს.
    უკრაინის მედიის ცნობით, ოდესაში მაღალსართულიანი კორპუსის სადარბაზოს ნანგრევებში ჯერ ისევ ეძებენ ადამიანებს. არის მსხვერპლი.
    ოდესის ოლქის გუბერნატორის, ოლეგ კიპერის ცნობით, ორი ადამიანი გარდაიცვალა და სულ მცირე შვიდი დაშავდა.
    ხარკოვის ოლქის ადგილობრივი ხელისუფლების ინფორმაციით, რუსების თავდასხმის შედეგად, კუპიანსკის რაიონში 76 წლის მამაკაცი გარდაიცვალა.
     
    publika
  4. tvati
    კითხვაც კი არ მიჩნდება, რომ თუ პუტინი უკრაინაში წარმატებას მიაღწევს, შემდეგი სამიზნე საქართველო იქნება, - ამის შესახებ აშშ-ის თავდაცვის ყოფილმა მდივანმა და დაზვერვის ცენტრალური სააგენტოს ყოფილმა დირექტორმა, ლეონ პანეტამ „ამერიკის ხმის“ ქართულ რედაქციასთან ექსკლუზიურ ინტერვიუში განაცხადა.
    როგორც მან აღნიშნა, მნიშვნელოვანია, შეერთებულმა შტატებმა სცადოს, იმუშაოს საქართველოსთან იმისთვის, რომ მისი უსაფრთხოება უზრუნველყოს.
    „ვფიქრობ, ცხადია, თუ პუტინს არ შევაჩერებთ უკრაინაში, ის თავის აგრესიას გააგრძელებს არამხოლოდ საქართველოს წინააღმდეგ, არამედ ასევე ნატო-ს წევრი სხვა ქვეყნების წინააღმდეგ, რომლებიც რუსეთს ესაზღვრება. ასე რომ, მნიშვნელოვანია, შეერთებულმა შტატებმა სცადოს, იმუშაოს საქართველოსთან იმისთვის, რომ უზრუნველყოს მისი უსაფრთხოება.
    საქართველომ ცხადი უნდა გახადოს, რომ ის უნდა დარჩეს სუვერენულ ძალად, რომელიც თავად განსაზღვრავს საკუთარ ბედს და არ მისცემს ჩინეთს საშუალებას, განსაზღვროს, რა მოხდება მომავალში.
    საქართველო ბევრი მიზეზით არის მნიშვნელოვანი ქვეყანა. მაგრამ, ყველაზე მნიშვნელოვანი რამ, საქართველოს შესახებ, არის ქართველი ხალხის უნარი, შეძლონ ისარგებლონ თავისუფლების უპირატესობებით“, - განაცხადა ლეონ პანეტამ.
    გარდა ამისა, როგორც მან აღნიშნა, დაზვერვის ასპარეზზე მისი მუშაობის დროს ცხადი იყო, რომ ვლადიმერ პუტინის უმთავრესი მიზანია როგორც შეერთებული შტატებში, ისე სხვა ქვეყნებში „დემოკრატიას ძირი გამოუთხაროს“.
    „მთელი იმ დროის განმავლობაში, რაც დაზვერვის ასპარეზზე გავატარე, ვიღებდი ინფორმაციას იმის შესახებ, თუ რას აპირებდა ვლადიმერ პუტინი. ცხადი იყო, რომ პუტინს უმთავრეს მიზნად აქვს, შეარყიოს დემოკრატია შეერთებული შტატებში და ასევე, ძირი გამოუთხაროს დემოკრატიას სხვაგანაც. ეს არის მისი მთავარი მიზანი და ცხადია, ჩვენი ეროვნული უსაფრთხოების დასაცავად, ჩვენ უნდა დავრწმუნდეთ, რომ პუტინი თავის ზრახვებში წარმატებას ვერ მიაღწევს“, - განაცხადა ლეონ პანეტამ.
     
    ipn
  5. tvati
    სასამართლოს დარბაზში, პროფესიული საქმიანობის შესრულებისას, მოულოდნელად გარდაიცვალა ადვოკატი ია რეხვიაშვილი. ინფორმაციას ამის შესახებ საქართველოს ადვოკატთა ასოციაციის თავმჯდომარე დავით ასათიანი ავრცელებს.
    „ქალბატონი ია თითქმის 30 წელი ერთგულად ემსახურებოდა იურიდიული პროფესიის განვითარებასა და  ადამიანის უფლებების დაცვას.
    ღრმა მწუხარებით ვუსამძიმრებ ოჯახს, მეგობრებს და მთლიანად იურიდიულ საზოგადოებას, ღმერთმა დაუმკვიდროს სასუფეველი“, — წერს დავით ასათიანი თავის ფეისბუკგვერდზე.
     
    netgazeti
  6. tvati
    "2006 წლიდან ათენში ვარ, ემიგრაციაში. ასე წავიდა ჩვენი ცხოვრება, არა უშავს... " - რატომ არ გაჰყვა კინოს ყველაზე პოპულარული წითური გოგონა "იმერული ესკიზებიდან"
    28 თებ. 2024 რატომ არ გაჰყვა კინოს ყველაზე პოპულარული წითური გოგონა "იმერული ესკიზებიდან", ნანა ქვათელაძე და რას ყვება "დილა მშვიდობისა საქართველოს" ეთერში:
    "მე 2006 წლიდან ათენში ვიმყოფები, ემიგრაციაში ვარ. ასე წავიდა ჩვენი ცხოვრება, არა უშავს... იმერული ესკიზები" არასდროს დამავიწყდება, ეს ხომ ჩემი ცხოვრებაა. აქაც, ათენში ვინც კი გაიგებს, რომ მე ის გოგონა ვარ, ყველა დიდი სიყვარულით მხვდება".

    mshoblebi.ge
     
     
  7. tvati
    დიღომში გარდაცვლილი 12 წლის გოგონას, ანა ანუშაიტიტეს საქმეზე, სამხარაულის ბიუროს ექსპერტს ბრალი დაუმძიმეს.
    თუ აქამდე ექსპერტს ბრალი სამსახურებრივი გულგრილობის მუხლით ჰქონდა წარდგენილი, ახლა სახელმწიფო ბრალდება მას ედავება საექსპერტო კვლევის ობიექტის დაუცველობას, რითაც მართლმსაჯულებას ხელი შეეშალა. მუხლის ამგვარად გადაკვალიფიცირებას გოგონას ინტერესების დამცველი ორგანიზაცია, “უფლებები საქართველო” ექსპერტისთვის ბრალის წარდგენის დღიდან ითხოვს.
    სამხარაულის ბიუროს ექსპერტს ბრალი მას შემდეგ წარუდგინეს, რაც გავრცელდა ინფორმაცია ექსპერტიზისთვის საჭირო მასალის დაზიანების შესახებ. “უფლებები საქართველოს” ინფორმაციით, ექსპერტიზის ბიუროში გოგონას ცხედრიდან ამოღებული ბიოლოგიური ნიმუშები დაობდა.
    “საუბარია იმ კატეგორიის ნივთმტკიცებებზე, რომელთა გამოკვლევითაც, შესაძლოა, დადგენილიყო გოგონას სხეულზე უცხო ადამიანის დნმ-ის არსებობის ფაქტი ან/და საქმისათვის მნიშვნელოვანი სხვა გარემოება”, – აცხადებენ ორგანიზაციაში.
    12 წლის ანა ანუშაიტიტე 2023 წლის 17 მარტს, დიდ დიღომში, რამდენიმესაათიანი ძებნის შემდეგ გარდაცვლილი იპოვეს. შსს-მ გამოძიება სისხლის სამართლის კოდექსის 109-ე მუხლით დაიწყო, რაც განზრახ მკვლელობას გულისხმობს.

    ნეტგაზეთი
  8. tvati
    საქართველოს სახელით მოასპარეზე ანასტასია მეტელკინას და ლუკა ბერულავას სპორტულმა წყვილმა მოიგო ფიგურული სრიალის იუნიორების მსოფლიო ჩემპიონატი.
    მეტელკინა და ბერულავა როგორც მოკლე, ისე თავისუფალი პროგრამის შემდეგ გავიდნენ პირველ ადგილზე, ორივე პროგრამის ჯამში დააგროვეს 179.32 ქულა და  12,47 ქულით გაუსწრეს მეორეადგილოსან ამერიკულ წყვილს.

    ამ სეზონში მეტელკინა/ბერულავასთვის ეს არის მეექვსე მედალი, რომელიც მოიგეს. იუნიორების მსოფლიო ჩემპიონატამდე მათ მოიპოვეს ფიგურული სრიალის ევროპის ჩემპიონატის ვერცხლის მედალი სპორტულ წყვილებში, იქამდე კი მოიგეს: ვარშავის თასი, იუნიორების გრან პრის ორი ეტაპი და იუნიორების გრან პრის ფინალი.
    ბერულავასა და მეტელკინასთვის ეს არის ერთად სრიალის პირველი სეზონი. აქამდე ისინი ასპარეზობდნენ სხვადასხვა მეწყვილეებთან – ლუკა ბერულავა – კარინა საფინასთან, ანასტასია მეტელკინა კი – დანიელ პარკმანთან ერთად.

    ნეტგაზეთი
  9. tvati
    1 მარტიდან საქართველოში კანონით იკრძალება უნებართვო სარეკლამო მოკლეტექსტური შეტყობინებების, SMS-ების გაგზავნა. თუმცა ეს არ ნიშნავს, რომ აწი ასეთი შეტყობინებები თქვენს ნომერზე ავტომატურად არ გამოიგზავნება.
    რა უნდა ვიცოდეთ უნებართვო სარეკლამო SMS-ების აკრძალვაზე და რისი გაკეთება შეგვიძლია? ამ და სხვა კითხვებზე პასუხები თავის „ფეისბუკზე“ გამოაქვეყნა იურისტმა ნიკა სიმონიშვილმა, „საქართველოს ახალგაზრდა იურისტთა ასოციაციის“ ყოფილმა თავმჯდომარემ.
    „ნეტგაზეთმა“ სიმონიშვილის პოსტიდან შეკრიბა მთავარი კითხვები და მისი პასუხები. მისი პოსტი შეგიძლიათ იხილოთ ბმულზე.
    [1 მარტიდან] ავტომატურად გაითიშება რეკლამების შეტყობინებები? არა, ახალი კანონმდებლობა რეკლამების ავტომატურ გათიშვას არ გულისხმობს. საქმე ისაა, რომ სამომხმარებლო ხელშეკრულებებში მობილურ ოპერატორებთან თუ სხვადასხვა კომპანიებთან უკვე გაცხადებული გვაქვს თანხმობა პირდაპირი მარკეტინგის მიზნით ჩვენი მონაცემების დამუშავებაზე და სანამ შეწყვეტას არ მოვითხოვთ, მანამდე შესაძლოა გამოიგზავნოს სარეკლამო შეტყობინება.
     რა უნდა ვქნათ რეკლამების გასათიშად? ბოლო დღეებში თქვენი მობილური ოპერატორებისგან ან იმ კომპანიებისგან, ვისთანაც გაცხადებული გაქვთ თანხმობა, მოგივიდოდათ SMS, სადაც გთხოვდნენ მიგეწერათ, კვლავ გსურთ თუ არა რეკლამების მიღება.
    ამიტომ, თუ აღარ გსურთ ამ შეტყობინებების მიღება, ეს მესიჯები მოძებნეთ და შესაბამისი პასუხები დააბრუნეთ და თუ არ მოგსვლიათ, მაინც გაქვთ უპირობოდ გათიშვის უფლება.
    აბა, კანონმა რა შეცვალა? კომპანიები, რომლებიც ჩვენი წინასწარი ნებართვის გარეშე გზავნიდნენ შეტყობინებებს, ვეღარ გამოგზავნიან.
    ანუ, თუ ამ წესით გავთიშავთ, საერთოდ აღარ მოვა სარეკლამო შეტყობინებები? ამ მოცემულობით სრულად არაა გამორიცხული, ზოგიერთმა არაკეთილსუნდისიერმა კომპანიამ კანონდარღვევით მაინც გამოგზავნოს შეტყობინება და ამას უკვე პრაქტიკა გვიჩვენებს.
    ახალი კანონით, სარეკლამო შეტყობინებებისთვის პერსონალურ მონაცემთა დამუშავება და სარეკლამო შეტყობინებების გაგზავნა (პირდაპირი მარკეტინგის მიზნით მონაცემთა დამუშავება) დასაშვები ხდება მხოლოდ იმ პირის თანხმობით, ვის მონაცემებსაც ამუშავებენ.
    პირს, ვის მონაცემსაც ამუშავებენ, ნებისმიერ შემთხვევაში შეუძლია გამოიხმოს მიცემული თანხმობა. მოთხოვნის მიღებიდან 7 სამუშაო დღის განმავლობაში მონაცემთა დამმუშავებელი ვალდებული იქნება, შეწყვიტოს პირის მონაცემთა დამუშავება.

    ნეტგაზეთი
  10. tvati
    ნიჟნევარტოვსკის მკვიდრი ილკინ მელიკოვი, რომელმაც უშიშროების ძალების მხრიდან ცემის შემდეგ რუსეთისგან საქართველოს შეაფარა თავი, თბილისიდან გაიტაცეს, რუსეთში იძულებით დააბრუნეს და დააკავეს – ინფორმაციას რუსული გამოცემა The Insider ავრცელებს.
    მედიის ინფორმაციით, მელიკოვს იძულებით მოაწერინეს ხელი დოკუმენტზე, რომლის მიხედვითაც, მან საზღვარი ნებაყოფლობით გადაკვეთა. The Insider წერს, რომ მელიკოვი ამჟამად ეკატერინბურგის წინასწარი დაკავების იზოლატორში იმყოფება.
    მედიის ინფორმაციით, მელიკოვის თქმით, ის სამოქალაქო ტანსაცმელში გამოწყობილმა უცნობმა პირებმა თბილისიდან 2022 წლის აპრილში გაიტაცეს და გადაიყვანეს ვლადიკავკაზში, სადაც მოათავსეს წინასწარი დაკავების იზოლატორში, ხოლო 10 დღის შემდეგ ვლადიკავკაზიდან ნიჟნევარტოვსკის წინასწარი დაკავების იზოლატორში გადაიყვანეს.
    დაკავებამდე რამდენიმე თვით ადრე, 2019 წლის ნოემბერში, რუსეთში მელიკოვის წინააღმდეგ საქმე აღიძრა ტერორისტული ორგანიზაციის საქმიანობაში ჩართვის ბრალდებით. მელიკოვი აღმოჩნდა ძებნილთა სიაშიც. გაიჩხრიკა მელიკოვის სახლი ნიჟნევარტოვსკში, სადაც ის მშობლებთან ერთად ცხოვრობდა.
    2019 წლის სექტემბერში მელიკოვი ნიჟნევარტოვსკში დააკავეს და მოწმის სახით დაკითხეს. მედია „Вот Так“-თან გაგზავნილ წერილში ილკინ მელიკოვი წერდა, რომ პოლიციამ სცემა და ნარკოტიკების „ჩადებით“ დაემუქრა, თუმცა საბოლოოდ გაათავისუფლეს.
    მელიკოვი „Вот Так“-ისთვის მიწერილ წერილში აღწერს მისი დაკავების ეპიზოდს:
    The Insider-ის ინფორმაციით, მანქანაში მიყენებული ზიანის შემდეგ მელიკოვი ექსტრემიზმის წინააღმდეგ ბრძოლის ცენტრის განყოფილებაში გადაიყვანეს, სადაც კიდევ ერთხელ სცემეს, ადგილი ჰქონდა მორალურ ზეწოლასაც.
    დაკავებისა და ცემის შემდეგ მელიკოვმა პროკურატურაში საჩივარი შეიტანა, თუმცა მას უარი ეთქვა უშიშროების ძალების წინააღმდეგ სისხლის სამართლის საქმის აღძვრაზე.
    მედიის ცნობით, ეს არ არის პირველი შემთხვევა, როდესაც საქართველომ რუსეთის უშიშროების ძალებს აქტივისტები და ბრალდებულები გადასცა. 2023 წლის ნოემბერში საქართველოში გაუჩინარდა მოძრაობა „არტპოდგოტოვკას“ წევრი რაფაილ შეპელევი, ხოლო მოგვიანებით გაირკვა, რომ ის რუსეთში იყო და ბრალი ტერორიზმის ბრალდებით წარუდგინეს.
    პრემიერ-მინისტრმა ირაკლი კობახიძემ აღნიშნულ ინფორმაციას სიცრუე უწოდა.
  11. tvati
    გამოცდების ეროვნული ცენტრის ხელმძღვანელი ადასტურებს გავრცელებულ ინფორმაციას, რომ 1-წლიან სამაგისტრო პროგრამაზე საერთო სამაგისტრო გამოცდის გარეშე ჩაბარება იქნება შესაძლებელი, მაგრამ თუ გამოსაცდელს სურვილი ექნება, რომ გრანტი მოიპოვოს, საერთო სამაგისტრო გამოცდა უნდა ჩააბაროს.
    როგორც ნინო წერეთელმა აღნიშნა, ის ფიქრობს, რომ რიგ მიმართულებზე ბაკალავრიატის 3-წლიანი და სამაგისტრო 1 წლიანი პროგრამები ძალაში 2025 წლიდან შევა.
     
    „გამოცდებთან დაკავშირებით მინისტრმა ისაუბრა. ეს გადაწყვეტილება მიღებული იყო საჯარო განხილვების შედეგად.
     
    ის სიახლეები, რაც გაჟღერდა, 3-წლიანი ბაკალავრიატი იქნება ბიზნეს ადმინისტრირების საგანმანათლებლო პროგრამაზე და შემდეგ ვნახოთ, რას მოგვიტანს შემდგომი განხილვები. პირველ რიგში საკანონმდებლო ცვლილებები უნდა განხორციელდეს, ამის შემდეგ უმაღლეს სასწავლებლებს ექნებათ შესაძლებლობა ამ მიმართულებით განაცხადები გააკეთონ აკრედიტაციის მისაღებად. შესაბამისად, ვფიქრობ, რომ ბიზნეს ადმინისტრირების სამწლიან ბაკალავრიატზე მიღება გამოცხადდება 2025 წელს.
     
    ვადასტურებ, რომ როგორც მინისტრმა განაცხადა, მაგისტრატურაზე გამოცდების გარეშე ჩაბარება იქნება შესაძლებელი, მაგრამ თუ გამოსაცდელს სურვილი ექნება, რომ გრანტი მოიპოვოს, საერთო სამაგისტრო უნდა ჩააბაროს“. - აღნიშნა ნინო წერეთელმა.

    იპნ
  12. tvati
    მთავრობის ადმინისტრაციის უფროსმა რევაზ ჯაველიძემ თანამდებობა დატოვა. აღნიშნული „ინტერპრესნიუსს“ მთავრობის ადმინისტრაციაში დაუდასტურეს.
    ვინ დაიკავებს აღნიშნულ თანამდებობას, ამ ეტაპზე უცნობია.
    დღესვე თანამდებობა დატოვა ჯანდაცვის მინისტრმა ზურაბ აზარაშვილმა.

    იპნ
  13. tvati
    ერთწლიანი მაგისტრატურის და სამწლიანი საბაკალავრო პროგრამის შემუშავების წესის შესახებ განათლების მინისტრის ბრძანება გამოქვეყნდა.
    ბრძანება განსაზღვრავს 180-კრედიტიანი ბაკალავრიატის საგანმანათლებლო პროგრამის და 60-კრედიტიანი სამაგისტრო პროგრამის შემუშავების წესს, პროგრამის კომპონენტებისა და კრედიტების განაწილების შესახებ რეგულაციებს.
    ბრძანების მიხედვით, ბაკალავრიატის საგანმანათლებლო პროგრამა, რომელიც მოიცავს არანაკლებ 180 კრედიტს, ამ ეტაპზე ბიზნესის ადმინისტრირების პროგრამებისთვის იქნება შესაძლებელი.
    განათლების მინისტრმა გიორგი ამილახვარმა „იმედის“ ეთერში განმარტა, რომ უნივერსიტეტის გადასაწყვეტი იქნება, დანერგავს სამწლიან პროგრამას თუ სტუდენტებს ისევ ოთხწლიან პროგრამას შესთავაზებს. მისივე თქმით, იგეგმება ამ ცვლილების სხვა მიმართულებებზე დანერგვაც.
    „პირველ ეტაპზე ეს შეეხება მხოლოდ ბიზნესის მიმართულების პროგრამის სტუდენტებს, თუმცა, ვაანონსებ, რომ ამით არ გავჩერდებით, გავაგრძელებთ სხვადასხვა მიმართულებაზე მუშაობას, სადაც ეს შესაძლებელი იქნება“, – ამბობს ის.
    რაც შეეხება ერთლიან მაგისტრატურას, ეს შესაძლებლობაც ბიზნესის ადმინისტრირების მიმართულებაზე ჩნდება.
    ბრძანებაში აღნიშნულია, რომ ერთწლიან პროგრამაზე დაშვების წინაპირობა იქნება ბაკალავრიატის/მასთან გათანაბრებული ხარისხის ქონა და არანაკლებ 5-წლიანი პროფესიული გამოცდილება მართვის სფეროში.
    მინისტრმა ამილახვარმა განმარტა, რომ ერთწლიან სამაგისტრო პროგრამაზე ჩაბარება ეროვნული გამოცდის გარეშე იქნება შესაძლებელი, ოღონდ თუ სტუდენტს გრანტის მოპოვება სურს, მან გამოცდა უნდა ჩააბაროს.
    2024 წლის საგაზაფხულო სესიისთვის გათვალისწინებული საქართველოს მთავრობის კანონშემოქმედებითი საქმიანობის მოკლევადიან გეგმაში ასევე აღნიშნულია, რომ  უმაღლესი განათლების შესახებ კანონში დაგეგმილი ცვლილებით, უმაღლესი განათლების სამივე საფეხურზე დაშვებული იქნება ნაწილობრივ ელექტრონული სწავლება.
    ამილახვარის თქმით, შესაბამისი საკანონმდებლო ცვლილება პარლამენტში დარეგისტრირდება.

    პუბლიკა
  14. tvati
    ლილოს დასახლებაში, 21 წლის ქალის მკვლელობაში ბრალდებულ ოთარ ცინდელიანს აღკვეთის ღონისძიების სახით 2-თვიანი წინასწარი პატიმრობა შეეფარდა.
    როგორც საქმის პროკურორმა, ლევან ვეფხაძემ სასამართლო სხდომის მიმდინარეობისას აღნიშნა, მტკიცებულებებისა და ფაქტების ერთობლიობა ბრალდებულის დანაშაულს ასაბუთებს.
    მისი თქმით, მოკლულ ქალს 59 ჭრილობა ჰქონდა მიყენებული და ყველა მათგანი სიცოცხლის დროინდელია.
    სამართალდამცველებმა 2003 წელს დაბადებული ოთარ ცინდელიანი განსაკუთრებული სისასტიკით ჩადენილი განზრახ მკვლელობის ბრალდებით გუშინ, ზუგდიდში დააკავეს.
    გამოძიების ინფორმაციით, მან თბილისში, ლილოს დასახლებაში 21 წლის ქალი „ურთიერთშელაპარაკების ნიადაგზე ცივი იარაღის გამოყენებით“ მოკლა.
    განსაკუთრებული სისასტიკით ჩადენილი განზრახ მკვლელობის საქმეზე გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მიმდინარეობს – დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

    პუბლიკა
  15. tvati
    ჯანდაცვის მინისტრმა, ზურაბ აზარაშვილმა თანამდებობა დატოვა. ინფორმაციას მთავრობის ადმინისტრაცია ავრცელებს.
    განცხადების თანახმად, საქართველოს პრემიერ-მინისტრი, ირაკლი კობახიძე ესაუბრა ჯანდაცვის მინისტრს, რის შემდეგაც ზურაბ აზარაშვილმა თანამდებობა დატოვა.
    მათი ცნობით, ჯანდაცვის ახალ მინისტრს კობახიძე უახლოეს დღეებში წარადგენს.

    პუბლიკა
  16. tvati
    „მრავალპარტიული დემოკრატიის ცენტრი“ (EECMD) მოუწოდებს პარლამენტს, დროულად დაიწყოს განხილვა ნოემბერში დარეგისტრირებული კანონპროექტისა, რომელიც ემიგრანტებისთვის ხმის  ონლაინმიცემის შესაძლებლობას ითვალისწინებს.
    EECMD-ის ავტორობით და ოპოზიციის დეპუტატების ინიციირებით, 2023 წლის 21 ნოემბერს დარეგiსტრირდა კანონპროექტი „საქართველოს საარჩევნო კოდექსში“ ცვლილების შეტანის შესახებ“, რომლის მიზანია, საზღვარგარეთ მცხოვრებ საქართველოს მოქალაქეებს არჩევნებში ონლაინ სისტემის გამოყენებით მონაწილეობის შესაძლებლობა მიეცეთ.
    პარლამენტს კანონპროექტის განხილვა ამ დრომდე არ დაუწყია და საკომიტეტო განხილვის ვადა 2 თვემდე გახანგრძლივდა.
    კანონპროექტით გათვალისწინებულია, რომ საარჩევნო კოდექსს დაემატოს დისტანციური არჩევნების შესახებ თავი, რომელიც დაარეგულირებს არჩევნებში ონლაინმონაწილეობის წესებსა და პირობებს.
    წარმოდგენილი ცვლილებები შესაძლებელს გახდის სხვა სახელმწიფოში მყოფი საქართველოს მოქალაქეებისთვის საპარლამენტო არჩევნებში დისტანციურ მონაწილეობას.
    კანონპროექტით, მოქალაქეები შეძლებენ ელექტრონულად, ინტერნეტში სპეციალური ვებპლატფორმის გამოყენებით ხმის მიცემას. ხმის ონლაინმიცემა ხმის მიცემის ტრადიციულ მეთოდთან ერთად, ალტერნატივა იქნება.
    კანონპროექტი ასევე არეგულირებს, როგორ შეძლებს მოქალაქე ხმის  ონლაინმიცემას:
    „სისტემაში შესვლა შესაძლებელია მხოლოდ სხვა ქვეყნის ტერიტორიიდან და ამომრჩევლის იდენტიფიკაცია ხორციელდება პირადი (სახელი, გვარი, პირადი ნომერი, ადგილმდებარეობა, ქვეყნის IP მისამართი) და ბიომეტრიული (სახის ამომცნობი/Face ID) მონაცემების საფუძველზე.
    კენჭისყრაში მონაწილეობისა და იდენტიფიკაციის მიზნით ამომრჩეველი თანამიმდევრულად ახორციელებს შემდეგ პროცედურებს:
    ა) საარჩევნო ვებ პლატფორმაზე შეიყვანს წინასწარი რეგისტრაციის დროს მიღებულ მომხმარებლის სახელსა და პაროლს;
    ბ) ელექტრონული მოწყობილობის კამერის მეშვეობით, აფიქსირებს სახის პარამეტრებს (Face ID), შესაბამის ბაზებთან შედარების მიზნით;
    გ) ელექტრონული მოწყობილობის კამერის მეშვეობით, აფიქსირებს პირადობის დამადასტურებელ მოწმობას/პასპორტს ამომრჩევლის იდენტიფიკაციის მიზნით;
    დ) ამ მუხლის მე-3 პუნქტის ,,ა” ,,ბ” და ,,გ” ქვეპუნქტებით გათვალისწინებული იდენტიფიცირების პროცესის დასრულების შემდგომ, ტელეფონის ნომრისა და ელექტრონული ფოსტის მეშვეობით იღებს სპეციალურად გენერირებულ კოდს, რომელსაც შეიყვანს შესაბამის ველში;
    ე) ამომრჩეველს მოწყობილობის ეკრანზე ეძლევა საარჩევნო ბიულეტენი და აფიქსირებს თავის არჩევანს;
    ვ) ამომრჩევლის მიერ არჩევანის დაფიქსირებისა და სისტემის მიერ საბოლოო დადასტურების შემდგომ, ამომრჩეველს აღარ შეუძლია შეცვალოს თავისი არჩევანი“, – აღნიშნულია პროექტში.
    ხმის მიცემის ანონიმურობის დასაცავად გათვალისწინებულია ელექტრონული ორმაგი დაშიფვრა.
    „ხმის მიცემის საიდუმლოების დასაცავად, სისტემა ახორციელებს ელექტრონულ ორმაგ დაშიფვრას. ხელმოწერილი და დაშიფრული ხმა იგზავნება შესაბამის სერვერზე დაშიფრული ფენის მეშვეობით, სადაც ის უსაფრთხოდ ინახება სრულად დაშიფრულ მდგომარეობაში არჩევნების დასრულებამდე.
    არჩევნების დასრულების შემდგომ, ელექტრონული ხმები კრიპტოგრაფიულად ირევა ხმების თანმიმდევრობის შემთხვევითობის პრინციპით, რათა შენარჩუნდეს ხმის მიცემის ანონიმურობა და გაწყდეს კავშირი ამომრჩეველსა და მის მიერ დაფიქსირებულ არჩევანს შორის.
    ზემოაღნიშნული პროცესების განხორციელების შემდგომ, საარჩევნო შედეგები დაუყოვნებლივ უნდა გასაჯაროვდეს ცესკოს ოფიციალურ ვებგვერდზე“, – აღნიშნულია კანონპროექტში.

    პუბლიკა
  17. tvati
    მოსკოვში Novaya Gazeta-ს მთავარი რედაქტორი, სერგეი სოკოლოვი დააკავეს – ინფორმაციას გამოცემა თავად ავრცელებს და აღნიშნავს, რომ უცნობია, რომელ განყოფილებაში ჰყავთ ის გადაყვანილი.
    მედიის ცნობით, სოკოლოვის წინააღმდეგ შედგა ადმინისტრაციული ოქმი რუსული არმიის „დისკრედიტაციის” შესახებ და მას, შესაძლოა, 50 ათასი რუბლის ოდენობით ჯარიმა დაეკისროს.
    Novaya Gazeta-ს ცნობით, მისი პროცესი პერკოვსკის სასამართლოში გაიმართება, თუმცა დრო უცნობია – მათივე განცხადებით, საქმე გამოცემის ერთ-ერთ მასალას ეხება.
    სერგეი სოკოლოვი Novaya Gazeta-ს რედაქტორად 2023 წლის ნოემბერში, მას შემდეგ დაინიშნა, რაც დიმიტრი მურატოვმა პოსტი დატოვა. მურატოვს მშვიდობის დარგში ნობელის პრემია აქვს მინიჭებული და რუსეთში „უცხოეთის აგენტად” არის გამოცხადებული.

    პუბლიკა
  18. tvati
    "მთავარი ავტორი ამ ამნისტიის პროექტის არის დამალული და ძალიან მალე ეს მთავარი აქტორიც გამოჩნდება და საზოგადოება კიდევ უფრო მკაფიოდ დაინახავს, რაზე არის ეს ამნისტია მორგებული. მთავარი საკითხი აქ პოლიტიკური თვალსაზრისით არის ორი, ერთი - მიხეილ სააკაშვილის ამნისტირება, მეორე, წინასარჩევნო ინტერესები. პოლიტიკურ ინტერესებზე მორგებულ ამნისტიის საკითხს, პარტია "საქართველოსთვის" მხარს არ დაუჭერს."

     ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/415518370888639/
  19. tvati
    "ამნისტიის წარმოდგენილი პროექტი არ ემსახურება ჰუმანურ მიზნებს. ეს არის ამნისტია, რომელიც ეხება მძიმე დანაშაულებს, როგორიცაა მრავალგზის მკვლელობა. ეს არის ამნისტია, რომელიც ეხება ნარკოტიკების რეალიზატორებს. ეს არის პროექტი, რომელიც ითვალისწინებს სამოხელეო დანაშაულების, მათ შორის, კორუფციის ამნისტიას. საბოლოო ჯამში ეს არის ამნისტიის პროექტი, რომლის ავტორებსაც არ აქვთ გააზრებული რა კრიმინოგენული მდგომარეობაა საქართველოში ან პასუხისმგებლობის შეგრძნება გაუქრათ ქვეყნისა და საზოგადოების წინაშე."

     ანა ბუჩუკური, საპარლამენტო პოლიტიკური ჯგუფი "საქართველოსთვის" წევრი.

    ვიდეო: https://www.facebook.com/ForGeoGe/videos/24943527995292188/
  20. tvati
    "მივმართავთ ანტიკორუფციულ ბიუროს და საგამოძიებო სამსახურებს, სასწრაფოდ გამოიძიონ ბალდის კანიონთან დაკავშირებული სავარაუდო სამოხელეო დანაშაული. ხელისუფლებამ კი, განსაკუთრებით სოფლის მეურნეობის და გარემოს დაცვის სამინისტრომ, ყურად იღოს და გაითვალისწინოს ადგილობრივი მაცხოვრებლების რამდენიმე თვიანი სამართლიანი პროტესტი."
     ალექსანდრე მოწერელია, საპარლამენტო პოლიტიკური ჯგუფი "საქართველოსთვის" წევრი.

    ვიდეო: https://www.facebook.com/ForGeoGe/videos/1044576836616560/
  21. tvati
    "სავალალო მდგომარეობა შეიქმნა ბალდის კანიონთან დაკავშირებით, ხოლო “ოცნების” ხელისუფლება არაფერს არ აკეთებს ამ პრობლემის მოსაგვარებლად. მინდა მოვუწოდო გარემოს დაცვისა და სოფლის მეურნეობის სამინისტროს, სანამ უფრო მძიმე შედეგი დამდგარა, დროულად ჩაერიონ აღნიშნულ საკითხში."

     ალექსანდრე მოწერელია, საპარლამენტო პოლიტიკური ჯგუფი "საქართველოსთვის" წევრი.

    ვიდეო: https://www.facebook.com/ForGeoGe/videos/1355802328459187/
  22. tvati
    "პოლარიზაციის დაძლევა, როგორც მთავარი საკითხი 9 რეკომენდაციაში, სააკაშვილის გამოშვებით შეუძლებელია განხორციელდეს, რადგან ერთადერთი რესურსი დღეს, რაც სააკაშვილს გააჩნია არის რადიკალიზაცია და პოლარიზაციის გაღრმავება.შესაბამისად, საფრთხე ექმნება ჩვენი ქვეყნის ევროპულ მომავალს."

     ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/1128117571526000/
  23. tvati
    "ერთადერთი პარტია ვართ, რომელმაც მკვეთრად გამოვრიცხეთ "ნაც.მოძრაობასთან" და "ოცნებასთან" კოალიცია და მკაფიოდ ვთქვით, რომ არჩევნებზე მივდივართ მარტო, არავისთან გაერთიანებას არ ვაპირებთ. დანარჩენი პარტიები კი რას როოგორ აპირებენ გაურკვეველია."
     ანა ბუჩუკური, საპარლამენტო პოლიტიკური ჯგუფი "საქართველოსთვის" წევრი.

    ვიდეო: https://www.facebook.com/ForGeoGe/videos/284709011306678/
  24. tvati
    "დარწმუნებული ვარ, რომ ჩვენი პოლიტიკური გუნდის მიერ მომზადებული პროექტი, მართლმსაჯულების ყოვლისმომცველი და ძირეული რეფორმის შესახებ, რა თქმა უნდა, მხოლოდ და მხოლოდ კონსტიტუციურ ჩარჩოებში და ჩვენი თანამოქალაქეების ინტერესების გათვალისწინებით, ძალიან მალე მოახდენს აშშ-ს მიერ კორუფციიისთვის დასანქცირებული მურუსიძე-ჩინჩალაძის ჯგუფის სასამართლოდან დემონტაჟს!"

     ზაზა თავაძე, ფრაქცია "თბილისი საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/259512430533322/
  25. tvati
    ივანიშვილი ერთს ფიქრობს, მეორეს ეუბნება „ოცნებას“ და მესამეს აკეთებინებს. სამწუხაროდ, ასეთი მოცემულობა შეიქმნა. ასეთივე მოცემულობა აქვს საგარეო და შიდა პოლიტიკის წარმოების თვალსაზრისით დღეს "ოცნებას“.

     ბექა ლილუაშვილი, საპარლამენტო პოლიტიკური ჯგუფი "საქართველოსთვის" თავმჯდომარე.

    ვიდეო: https://www.facebook.com/ForGeoGe/videos/1109059806962516/
×
×
  • შექმენი...