tvati

პროექტში „25 წუთი“ გახარიას გუნდის წევრები, პოლიტიკოსები, დეპუტატები და პარტია „გახარია საქართველოსთვის“ თანამოაზრეები ერთმანეთთან ან მოწვეულ სტუმრებთან ერთად განიხილავენ საქართველოსთვის ყველაზე მნიშვნელოვან პოლიტიკურ და სოციალურ თემებს. რა უნდა იცოდეთ ოფშორების შესახებ გახმაურებულ კანონზე:

ასეთი აქციები ყოველთვის ახასიათებს იმ ხელისუფლებებს, რომლებიც ბუნებით არიან ავტორიტარული. რუსეთში, ხელისუფლებაც ანალოგიურად იყენებს ხოლმე ამ ტექნოლოგიებს პუტინის მხარდასაჭერად და სამწუხაროდ სხვა გზა აღარ დარჩენია ივანიშვილს, თავისი ქმედებებიდან გამონდინარე. რუსეთში ასეთ აქციებს ეძახიან “პუტინგებს”. ჩვენ, პირდაპირი მნიშვნელობით შეგვიძლია 29 აპრილის აქციას უკვე ვუწოდოთ “ბიძინგი”. პირდაპირი მნიშვნელობით იმიტომ, რომ მართლა “ბიძინგია” და სხვა არაფერი. ეს არის აგრესიიის აქტი, რომელიც არის მიმართული ახლაგაზრდობის წინააღმდეგ. ძალადობა არის საჯარო მოსამსახურეების წინააღმდეგ , როდესაც ადამიანს ემუქრები- თუ ჩემს აქციაზე არ გამოხვალ, მე სამსახურიდან გაგაგდებ. აბა რა არის ეს? მეტს კი არაფერს არ აკეთებდა წინა ხელისუფლება და როდესაც ჩვენ ვეძახით “ქოცებო თქვე ნაცებო” ზუსტად ამას ვგულისხმობთ, იმიტომ, რომ ეს ძალადობრივი აქტი არის თუნდაც იმ საჯარო მოხელეების წინააღმდეგ. ლევან გოგიჩაიშვილი, პარტია “საქართველოსთვის” წევრი. ვიდეო: https://www.facebook.com/ForGeoGe/videos/1464987167744084/

კოლექტიური “ნაციონალური მოძრაობა” და რუსული კანონის ინიციატორი “ოცნება” ღია მოლაპარაკებებში შედიან, მათ დააინიცირეს ჩვენი გუნდის წევრების იმნპიჩმენტის პროცედურები რუსთავსა და ზუგდიდში. ხვალ არის ჩანიშნული რიგგარეშე სხდომა რუსთავში, რომელზეც ჩვენ მივდივართ ჩვენს მხარდამჭერებთან ერთად, იმისთვის, რომ დავესწროთ სხდომას. თამარ ხვედელიანი, ქალთა ორგანიზაცია “საქართველოსთვის” თავმჯდომარე. ვიდეო: https://www.facebook.com/ForGeoGe/videos/419493684031017/

„ჩვენ 20-ზე მეტი კომპანია გვაქვს იდენტიფიცირებული, რომ ის ბიზნესს აკეთებს ოფშორებიდან. 20 კომპანია არის ოფშორში, რომელსაც საქართველოში აქვს 100-მდე შვილობილი კომპანია“,- ამის შესახებ საერთაშორისო გამჭვირვალობა - საქართველოს“ ანალიტიკოსმა ბესო ნამჩავაძემ რადიო „პალიტრისა“ და „პალიტრანიუსის“ გადაცემაში „საქმე“ განაცხადა. შეგახსენებთ, რომ საქმე ეხება საგადასახადო კოდექსში შესულ ცვლილებებს, რომელიც პარლამენტმა დაჩქარებული წესით განიხილა და დაამტკიცა კიდეც. პროექტის მიხედვით, გარდა იმისა, რომ ფიზიკურ პირებს 2021 წლის 1-ელ იანვრამდე არსებული დავალიანება ჩამოეწერებათ, ოფშორული ქვეყნებიდან ქონების საქართველოში გადმოტანაზე საგადასახადო შეღავათები წესდება. პროექტის თანახმად, ე.წ. ოფშორული კომპანიების მიერ აქტივების საქართველოში გადმოტანის ხელშეწყობის მიზნით, შესაბამისი ოპერაციები გათავისუფლდება მოგების გადასახადისგან, საშემოსავლო გადასახადისა და ქონების გადასახადისგან. ასევე, ამ ოპერაციის ფარგლებში, აქტივის/საქონლის საქართველოში შემოტანა/იმპორტი გათავისუფლდება იმპორტის გადასახდელებისგან. საგადასახადო შეღავათებით სარგებლობის აუცილებელი პირობაა, რომ შეღავათიანი დაბეგვრის მქონე ქვეყანაში რეგისტრირებული უცხოური საწარმოსა და საქართველოს საწარმოში წილის/აქციების 100 პროცენტს ერთი და იგივე ფიზიკური პირი (პირთა ჯგუფი) ფლობდეს. „ადამიანების გარკვეულ ჯგუფს არ აქვს პრობლემა გამოჩნდნენ, რომ საქართველოში არიან ამ აქტივების მფლობელი. იგივე ბიძინა ივანიშვილი, სხვათა შორის, ის არ მალავს, რომ ოფშორში აქვს ქონებები, სხვა ვიღაცებისგან განსხვავებით. ჩვენ 20-ზე მეტი კომპანია გვაქვს იდენტიფიცირებული, რომ ის ბიზნესს აკეთებს ოფშორებიდან. 20 კომპანია არის ოფშორში, რომელსაც საქართველოში აქვს 100-მდე შვილობილი კომპანია, ყველას 1 ლარს ახარჯებს, ყველაფერი ოფშორული კომპანიების გავლენის ქვეშ არის. სამწუხაროდ, ჩვენთან არ არის ისეთი პოლიტიკური კულტურა, როგორც ევროპაში, რომ გაუგონ პოლიტიკოსს ოფშორებთან კავშირშია და მისი პოლიტიკური კარიერა დასრულდეს. როგორც ჩანს, მოსახლეობას ეს ნაკლებად აინტერესებს. ღიად არის დამოკიდებულ ოფშორებზე და ეს კითხვა რჩება, რატომ ხარ ოფშორებზე, რატომ არ გქონდა აქამდე ეს ფული ბოლომდე საქართველოში ჩამოტანილი და ა.შ.“,- განაცხადა ბესო ნამჩავაძემ. მისი თქმით, ოფშორებიდან საქართველოში დაფუძნებული შვილობილი კომპანიების მთავარი ხიბლი სწორედ გაუმჭვირვალობა და შემდეგ უკვე საგადასახადო შეღავათებია. „იქ რამდენი ფული აქვს, კაცმა არ იცის, რა ფულით დაფუძნდა ეს კომპანიები ოფშორებში, და ასევე, დაბალი გადასახადები“,- ამბობს ბესო ნამჩავაძე. ავტორი: ნინი ქეთელაური

რუსეთში თავდაცვის მინისტრის მოადგილე ქრთამის აღების ბრალდებით დააკავეს. ამის შესახებ ინფორმაცის რუსეთის საგამოძიებო კომიტეტი და რუსული სახელმწიფო გამოცემა “ტასი” სამართალდამცავ ორგანოებზე დაყრდნობით ავრცელებენ. რუსეთის საგამოძიებო კომიტეტი აღნიშნავს, რომ რუსეთის თავდაცვის მინისტრის სერგეი შოიგუს მოადგილე ტიმურ ივანოვი ქრთამის აღების ბრალდებით არის დაკავებული, თუმცა სხვა დეტალებს არ ავრცელებს. რუსეთის პრეზიდენტის სპიკერმა დმიტრი პესკოვმა განაცხადა, რომ ვლადიმირ პუტინს ივანოვის დაკავების შესახებ შეატყობინეს, ხოლო რუსეთის თავდაცვის მინისტრი სერგეი შოიგუ დაკავების შესახებ წინასწარ გააფრთხილეს. ტიმურ ივანოვს რუსეთის თავდაცვის მინისტრის მოადგილის თანამდებობა 2016 წლიდან უკავია. აქამდე ის კომპანია “ობორონსტროის” ხელმძღვანელობდა, რომელიც თავდაცვის უწყებას ექვემდებარება. იპნ

მსგავსი სახის საკანონმდებლო აქტივობა ღრმად პრობლემურია და შეუსაბამოა ევროკავშირისკენ მისწრაფებებთან, - ამის შესახებ აშშ-ის სახელმწიფო დეპარტამენტის სპიკერის მოადგილემ, ვედანტ პატელმა ბრიფინგზე განაცხადა, “უცხოური გავლენის გამჭვირვალობის შესახებ“ კანონპროექტთან დაკავშირებით. პატელმა ისაუბრა საქართველოში მიმდინარე პროტესტზეც და აღნიშნა, რომ მოწოდებად რჩება, პროტესტი იყოს მშვიდობიანი. “რაც შეეხება [საქართველოში] პროტესტებს, ჩვენ რა თქმა უნდა მხარს ვუჭერთ იმას, რაც შეერთებულ შტატებში პირველი შესწორების ფარგლებში ხალხის მშვიდობიანი პროტესტითა და დემონსტრაციით გამოხატვის თავისუფლება იქნებოდა. ჩვენს მოწოდებად ისევ რჩება, რომ ეს მშვიდობიანი იყოს და ჩვენ, რა თქმა უნდა, დავგმობთ ნებისმიერ ნაბიჯებს, რომლებიც ამ სახის პროტესტებს უბიძგებს ძალადობრივი გახდეს. მაგრამ ეს საბოლოო ჯამში კანონპროექტამდე მიდის, რომელზეც უკვე რამდენიმე კვირაა ვსაუბრობთ. კვლავ ვთვლით, რომ მსგავსი სახის საკანონმდებლო აქტივობა ღრმად პრობლემურია და შეუსაბამოა ევროკავშირისკენ მისწრაფებებთან. უნდა გახსოვდეთ, რომ იმაზე ვსაუბრობთ, რაც ზეწოლას ახდენს მედია ორგანიზაციებზე, სამოქალაქო საზოგადოების ორგანიზაციებზე და სხვა”, - განაცხადა პატელმა. იპნ

ჩვენი კარი ღიაა, ასე რომ, მოვუწოდებ საქართველოს ლიდერებს, ასახონ მოქალაქეების მოლოდინები და ქვეყანას ევროპული გზიდან არ გადაახვევინონ, - ამის შესახებ ევროკომისარმა კრიზისების მართვის საკითხებში, იანეზ ლენარჩიჩმა ევროპარლამენტის პლენარულ სხდომაზე განაცხადა. ევროკომისარი საქართველოს პოლიტიკურ ლიდერებს მოუწოდებს, გაიწვიონ კანონპროექტი, რადგან "ნათელია, რომ კანონპროექტი არ შეესაბამება ევროკავშირის ნორმებსა და ღირებულებებს". მისი თქმით, თუ კანონი იქნება მიღებული, ის ძირს გამოუთხრის საქართველოს პროგრესს ევროკავშირისკენ გზაზე. “ბოლო კვირების განმავლობაში საქართველოს ათასობით მოქალაქე ქუჩებში გავიდა, რათა მშვიდობიანი დემონსტრაციის თავისი უფლება გამოეყენებინა. ისინი კიდევ ერთხელ ითხოვდნენ, რომ ოფიციალურმა პირებმა გაიწვიონ “უცხოური გავლენის გამჭვირვალობის შესახებ” კანონპროექტი. შთამბეჭდავი სცენები გასულ წელს უკვე ვნახეთ საქართველოდან. ყველა ასაკის მოქალაქეს ეკავა საქართველოს და ევროკავშირის დროშები, აჩვენებდნენ ძლიერ კავშირს დემოკრატიასთან, ჩვენს საერთო ევროპულ ღირებულებებთან და ევროკავშირისადმი საქართველოს გზასთან. მაშინ მმართველმა პარტიამ და მთავრობამ საჯარო პირობა მისცა საქართველოს მოქალაქეებს, რომ მსგავსი კანონპროექტი არასდროს დაბრუნდებოდა. საქართველოს პოლიტიკურ ლიდერებს მოვუწოდებ, გაიწვიონ კანონპროექტი, როგორც ეს გასულ წელს მოხდა. ნათელია, რომ ეს კანონპროექტი არ შეესაბამება ევროკავშირის ნორმებსა და ღირებულებებს. თუ მიღებული იქნება, ის ძირს გამოუთხრის საქართველოს პროგრესს ევროკავშირისკენ გზაზე. ქართველების მომავალი ევროკავშირშია. კანდიდატის სტატუსმა, რომელიც გასულ წელს მიენიჭა [საქართველოს], ჩვენი ურთიერთობები ყველაზე მეტად დააახლოვა. ჩვენი კარი ღიაა, ასე რომ, მოვუწოდებ საქართველოს ლიდერებს ასახონ მოქალაქეების მოლოდინები და ქვეყანას ევროპული გზიდან არ გადაახვევინონ. სამოქალაქო საზოგადოებისა და მედია ორგანიზაციების მუშაობა კრიტიკულად მნიშვნელოვანია ნებისმიერი დემოკრატიისთვის. საქართველოს ძალიან ცოცხალი სამოქალაქო საზოგადოება ჰყავს, რომელმაც წვლილი შეიტანა ქვეყნის ევროკავშირის წევრობისკენ წარმატებასა და პროგრესში. შემოთავაზებული კანონპროექტი სამოქალაქო საზოგადოებისა და მედია ორგანიზაციების თავისუფლად მუშაობის შესაძლებლობებს შეზღუდავს. გამოხატვის თავისუფლებას შეზღუდავს და არასამართლიანად მოახდენს სამოქალაქო საზოგადოებების სტიგმატიზაციას, რომლებსაც სარგებელი მოაქვთ საქართველოს მოქალაქეებისთვის. ეს ასევე გავლენას მოახდენს ევროკავშირის საქართველოს ხალხისადმი მხარდაჭერაზე, ვინაიდან მისი ნაწილი არასამთავრობო ორგანიზაციების მეშვეობით ხორციელდება. გამჭვირვალობა სამოქალაქო საზოგადოების თავისუფლად მოქმედების შესაძლებლობების შეზღუდვის ინსტრუმენტად არ უნდა იქცეს”, - განაცხადა ლენარჩიჩმა. მისი თქმით, ისინი ევროკავშირის კანდიდატი ქვეყნისგან დემოკრატიის პრინციპებისადმი, კანონის უზენაესობისადმი და ადამიანის უფლებებისადმი ერთგულებას ითხოვენ. „ევროკომისიამ თავის გაფართოების ანგარიშში ხაზი გაუსვა იმ სამუშაოს, რომელიც საქართველომ უნდა შეასრულოს, კონკრეტულად კი 9 ნაბიჯი. როგორც ევროკავშირის კანდიდატი ქვეყნისგან, საქართველოსგან ელიან, რომ კოპენჰაგენის კრიტერიუმებთან შესაბამისობაში იქნება. კონკრეტულად მოვითხოვთ დემოკრატიის პრინციპებისადმი, კანონის უზენაესობისადმი და ადამიანის უფლებებისადმი ერთგულებას. ამ ძირითად სფეროებში მხოლოდ არსებითი და შეუქცევადი პროგრესი ადგენს გაწევრიანების შესახებ მოლაპარაკებების გახსნასა და სისწრაფეს”, - აღნიშნავს ევროკომისარი. იპნ

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, 24-25 აპრილს, ღამის საათებში რიკოთის ძველ გვირაბში შეზღუდვები დაწესდება. „საერთაშორისო მნიშვნელობის თბილისი–სენაკი–ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში (ძველი გვირაბი), პროფილაქტიკური და დასუფთავების სამუშაოების ჩატარების მიზნით, 2024 წლის 24 აპრილიდან 25 აპრილის ჩათვლით, 01:00 სთ-დან 06:00 სთ-მდე ავტოტრანსპორტის მოძრაობა სავალი ნაწილის ერთ ზოლზე რევერსულად განხორციელდება. დროის აღნიშნულ პერიოდში საავტომობილო გზის სურამის კვანძი-ზესტაფონის (კმ132-კმ200) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა იკრძალება. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით“, – აღნიშნულია ინფორმაციაში. 1ტვ

24 აპრილს რუსთავის საკრებულოში ჩანიშნულ სხდომაზე „ოცნება" და კოლექტიური „ნაციონალური მოძრაობა" ერთად აპირებენ რუსთავის საკრებულოს თავმჯდომარის, ნოდარ შეროზიას გადაყენებას

მგონი უფრო და უფრო ნათელი ხდება “ოცნების” მიზანი რა არის -ძალაუფლება შეინარჩუნოს, ამისთვის ისინი ყველაფერს აკეთებენ და ყველაფერზე არიან წამსვლელი, მათ შორის ჩვენი ქვეყნის სახელმწიფო ინტერესები, რომ დააზიანონ. მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/843649094259548/

"დღეს ჩვენ გვაქვს ორი პრობლემა. ეს არის ოცნება, რომელიც ცდილობს, თავს მოახვიოს საქართველოს მოქალაქეებს ეს გაუგებარი რუსული კანონი და მეორე მხარეს, რადიკალური ოპოზიციის ის ფრთა, რომელიც შეიძლება შეეცადოს, რომ ეს სწორ ფასეულობებზე დაფუძნებული საპროტესტო ტალღა და მუხტი, გამოიყენოს პროცესების რადიკალიზაციისთვის. ევროპაში ვერავინ გაგვცემს პასუხს, რა უფრო დააზიანებს საქართველოს ევროპულ პერსპექტივას, ეს რუსული კანონი, თუ ნებისმიერი სამოქალაქო დაპირისპირება თბილისის ქუჩებში. ამიტომ უნდა გვესმოდეს, რომ ყველა კეთილსინდისიერი, საქართველოს ევროპელი მოქალაქის მთავარი ამოცანა უნდა იყოს, დავიცვათ ქვეყანა, პირველ რიგში რუსული კანონისგან და დავიცვათ ქვეყანა სამოქალაქო დაპირისპირებისგან." გიორგი გახარია, პარტია "გახარია საქართველოსთვის" თავმჯდომარე.

უცხო ქვეყნის აგენტების შესახებ კანონის შესაძლო მიღების, ხელისუფლების [აფხაზეთის დე ფაქტო – რედ.] მისამართით სოციალურ ქსელებში ცილისწამების შესახებ კანონპროექტის განხილვისა და სხვა, საზოგადოებისთვის პრობლემური საკითხების გამო, აფხაზეთში უკმაყოფილების ტალღა იზრდება. აფხაზეთში ოპოზიციის ნაწილი გააქტიურდა. საზოგადოებრივ-პოლიტიკური და საზოგადოებრივი ორგანიზაციების შეკრებაში მონაწილეობა არ მიუღია ვეტერანთა გაერთიანება “არუაას” წევრებს. თუმცა, ქართულ-აფხაზური ომის წევრები შეხვედრის მთავარი მონაწილეები გახდნენ. სასტუმრო “ინტერ სოხუმის” საკონფერენციო დარბაზში ასამდე ადამიანი შეიკრიბა: საზოგადოების, ინტელიგენციის, კულტურის სფეროს წარმომადგენლები, პოლიტიკური პარტიებისა და საზოგადოებრივი ორგანიზაციების წევრები, ქალაქებისა და რაიონების წარმომადგენლები. შეხვედრის შემაჯამებელი დასკვნით, “ეროვნული ინტერესების საფრთხე ქვეყნის ხელისუფლებაა”. ორი საათის განმავლობაში შეკრებილები საუბრობდნენ ხელისუფლების ანტისახალხო ნაბიჯებზე, შემდეგ კი ოპოზიციამ პრეზიდენტს მიმართა რეზოლუციით, “საჯაროდ უარი თქვას ანტისახალხო ინიციატივებისგან და კანონპროექტებისგან, რომლებიც საფრთხეს უქმნის ეროვნულ ინტერესებს და საკონსტიტუციო სამართალს და აფხაზეთის მოქალაქეების თავისუფლებებს”. წინააღმდეგ შემთხვევაში კი, როგორც დოკუმენტში წერია, კრების მონაწილეები აცხადებენ, რომ აფხაზ ხალხს მოწოდებით მიმართავენ, უახლოეს დროში მონაწილეობა მიიღონ საერთო ეროვნულ კრებაში. ხელისუფლებას მოწოდებაზე რეაგირება არ ჰქონია. ასლან ბჟანიასთვის მსგავსი შეკრებები და მოთხოვნები ოპოზიციის ჩვეული რიტუალია, რომელსაც ხელისუფლების ოპონენტები პერიოდულად მიმართავენ ხოლმე. უკანასკნელად მსხვილმა კონსოლიდირებულმა პროტესტმა მშვიდობიანად და მხიარულად ჩაიარა შარშან, 2023 წლის 30 მაისს. ბიჭვინთის აგარაკის რუსეთისთვის გადაცემის შეთანხმების რატიფიკაციის შემდეგ მიტინგზე მხოლოდ არასამთავრობო ორგანიზაციების წარმომადგენლები და ცალკეული საზოგადო პირები გამოვიდნენ. ოპოზიციის ლიდერებიდან კი მხოლოდ ლევან მიქაა შეუერთდა პროტესტს. ახალი მოთხოვნის შესაბამისად, ოპოზიცია ხელისუფლებას სახალხო ბუნტს ჰპირდება. აფხაზური ხელისუფლების ანტისახალხო ინიციატივებს შორის ოპოზიცია ასახელებს უცხო ქვეყნის აგენტების შესახებ კანონპროექტს, ცვლილებებს კანონში ცილისწამების შესახებ, რომელიც ითვალისწინებს სოციალურ ქსელებში ხელისუფლების კრიტიკისთვის სისხლის სამართლით გათვალისწინებულ სასჯელს, აეროპორტის ტერიტორიის გაფართოებას კერძო ბინისმესაკუთრეთა ხარჯზე და მსხვილი ენერგოობიექტების იჯარით გაცემას. აფხაზეთში კანონი უცხო ქვეყნის აგენტების შესახებ, რომლის მიღებასაც უკანასკნელი წლებია მოსკოვი სოხუმისგან პირდაპირ და ირიბად მოითხოვს, საკანონმდებლო ორგანოს ჯერჯერობით არ განუხილავს და ინიციტივაზე სამოქალაქო სექტორის მწვავე რეაქციის გამო, არც მისი საპარლამენტო მოსმენები დანიშნულა. კანონპროექტის თანახმად, არასამეწარმეო ორგანიზაციები შესაძლოა აღიარონ უცხოური აგენტების ფუნქციების შემსრულებლად, თუ ისინი იღებენ ფულს და (ან) სხვა ქონებას უცხოური წყაროებიდან და მონაწილეობენ დე ფაქტო რესპუბლიკის ტერიტორიაზე განხორციელებულ პოლიტიკურ საქმიანობაში. რაც შეეხება კანონპროექტს ხელისუფლების წარმომადგენლების მიმართ ცილისწამებისა და შეურაცხყოფის შესახებ, რომელიც პარლამენტში [დე ფაქტო] პრეზიდენტის ადმინისტრაციიდან შევიდა, მსხვილ ჯარიმებსა და 3-დან 6 წლამდე თავისუფლების აღკვეთას ითვალისწინებს. საზოგადოების შეკრების ფაქტი უგულებელყო სახელმწიფო და რუსულმა მედიამ. ეს მოვლენა მხოლოდ ოპოზიციურმა ტელეგრამ არხებმა და აფხაზურმა ტელევიზია აბაზა.ტვ-მ [Абаза-ТВ] გააშუქა. Абаза-ТВ, მისი შექმნიდანვე, 2007 წლიდან საკუთარ თავს დამოუკიდებლად მიიჩნევს. თუმცა დაახლოებით ორი კვირის წინ ცნობილი გახდა, რომ ტელევიზიის დამფუძნებელმა ბესლან ბუტბამ ის გაყიდა. ახალი მფლობელი ზახარ აგრბაა, 31 წლის ბიზნესმენი მოსკოვიდან. საზოგადოებაში საუბრობენ იმის შესახებ, რომ ზახარ აგრბა ასლან ბჟანიას ვაჟის უახლოესი მეგობარია და ტელევიზიის ახალი მფლობელის უკან სწორედ აფხაზეთის პრეზიდენტი დგას. არხის თანამშრომლებმა გააკეთეს განცხადება, რომ მუშაობას იმავე ფორმატში გააგრძელებენ, რაც ნიშნავს, რომ არხი კვლავაც გააშუქებს ოპოზიციის საქმიანობას. სოციალურ ქსელებში მრავალრიცხოვანი კომენტატორები კი ვარაუდობენ, რომ ურჩ ჟურნალისტებს დაითხოვენ, ტელევიზია ვეღარ შეძლებს დამოუკიდებლად მაუწყებლობის პოლიტიკის განსაზღვრას და ა.შ. თუმცა ჯერ მხოლოდ ისაა ცხადი, რომ ტელევიზიის ხელმძღვანელობის შეცვლის შესახებ ინფორმაციის შემდეგაც კი, ოპოზიცია კვლავ ჩანს ტელევიზიის ეთერში. შესაძლოა, ამ ეტაპზე ეს უბრალოდ საჭირო ტაქტიკაა, თუმცა არსებობს ვარაუდი, რომ გარკვეულმა მესამე ძალამ საპრეზიდენტო აჩევნებამდე, რომელიც აფხაზეთში 2025 წლის მარტში გაიმართება, ხელში ჩაიგდო საინფორმაციო ველი. როგორც ჩანს, არჩევნებს აფხაზეთი ისეთი პრობლემური საკითხებით შეხვდება, როგორიცაა ენერგეტიკული კრიზისი, ნაგვის უტილიზაცია და ნავთობპროდუქტების იმპორტი. საზაფხულო სეზონი უფრო ცხადს გახდის ამ პრობლემებს. მომავალ ზამთარს კი ენერგოკრიზისი ისევ გამწვავდება. ელეტროსადგურის დირექტორთა საბჭოს თავმჯდომარის, ლევან მებონიას თქმით, ჰიდროელქტროსადგური იმ ქართული ელექტროსადგურებს უხდის ვალებს, რომლებიც აფხაზეთს დერივაციული გვირაბის რემონტის დროს ამარაგებდნენ. “ჩვენ იძულებული ვიყავით გვეთხოვა საქართველოს სადგურებისთვის, ვალად მოეცათ ელექტროენერგია იმ დღეებში, როდესაც გვირაბის რემონტი მიმდინარეობდა. რემონტის შემდეგ მოგვიწევს ელექტროენერგიის დაბრუნება. ამიტომაც მოსახლეობისთვის შეზღუდვების მაშინვე მოხსნას ვერ შევძლებთ”, – აცხადებდა მებონია სატელეფონო საუბარში ტელეგრამ არხ “აფხაზურ პორტალთან”. 14 აპრილს “ჩერნომორენერგო” 6- საათიანი გათიშვებიდან 4- საათიანზე გადავიდა და შეზღუდვების ეტაპობრივი მოხსნა დააანონსა. ამასთან, თბილი ამინდების დადგომასთან ერთად მწვავდება ნაგვის უტილიზაციის საკითხი. აფხაზეთის დასავლეთით უკვე ჩნდება ხანძრები ნაგავსაყრელებზე. სოხუმში ეს პრობლემა კიდევ უფრო მწვავედ დგას. ქალაქის ნაგავსაყრელი ჯერ კიდევ 2018 წელს დახურეს და ნაგვის გადატანა გალში დაიწყეს. თუმცა ნაგვის დასაგროვებლად შუალედური პუნქტი მოეწყო ყოფილ ტაქსოპარკში, სადაც რამდენიმე წლის განმავლობაში ნამდვილი სანაგვე პოლიგონი მოეწყო. მის ლიკვიდაციას უკვე ორი წელია ითხოვს ახალი რაიონის მცხოვრებლები. სოხუმის ხელმძღვანელობა მოსახლეობას ნაგავსაყრელის ლიკვიდირებას საკურორტო სეზონის დასაწყისისთვის ჰპირდება, თუმცა, ნაგვის მოცულობიდან გამომდინარე, წელიწადიც არ იქნება საკმარისი ნაგვის გატასანად. ზაფხულში მოსალოდნელია ასევე საწვავის კრიზისის გამწვავება. უკანასკნელი სამი წელია აფხაზეთი რუსეთიდან ნავთობპროდუქტების მიწოდების პრობლემას აწყდება. ზაფხულში სამხრეთის მიმართულებით მგზავრთა ნაკადის გამო, რუსეთის რკინიგზა გადატვირთულია. ამ დროს პრიორიტეტული ხდება სამგზავრო მატარებლები, სატვირთო ვაგონები კი სათადარიგოშია. 2021 წლის დასაწყისიდან აფხაზეთში ნავთობკომპანიების მიერ შეძენილი ბენზინი თვეების განმავლობაში გაჩერებული იყო სწორედ ამ სადათრიგო გზებზე, იმ დროს, როდესაც მოსახლეობა აფხაზეთში ნავთობის დეფიციტს განიცდიდა. მაშინ პრობლემა გვარდებოდა იმის ხარჯზე, რომ მარაგების მქონე კომპანიები კონკურენტებს უყოფდნენ საწვავს. ამის გამო ზაფხულში ფასები საწვავზე რამდენჯერმე იზრდებოდა. 2024 წლის დასაწყისში კი რუსეთმა როსნეფტის გარდა ყველას აუკრძალა ბენზინის ქვეყნის გარეთ გატანა. აფხაზეთის საწვავის კომპანიები იძულებული გახდნენ შეთანხმება გაეფორმებინათ როსნეფტთან, რაც ბაზრის ავტომატურ მონოპოლიზაციას ნიშნავდა. ამიტომაც, მოლოდინები საწვავზე კრიზისისთან დაკავშირებით სრულიად გამართლებულია. სავარაუდოდ, მისი დეფიციტი ფასსაც საგრძნობლად გაზრდის ზაფხულში. თუმცა ზაფხულისთვის შესაძლოა უკვე ვეღარავინ შეძლოს ყველა ჩამოთვლილი პრობლემის გაპროტესტება. თუ დამოუკიდებელ ჟურნლისტებსა და ბლოგერებს უცხო ქვეყნის აგენტებად გამოაცხადებენ, კრიტიკა სოციალურ ქსელებსა და ქუჩაში შეუძლებელი გახდება დაპატიმრების პერსპექტივის გამო. ჯერჯერობით, ეს პერსპექტივა სწორედ ასე გამოიყურება, თუმცა ბევრია დამოკიდებული დეპუტატების შემდგომ გადაწყვეტილებებსა და საზოგადოების აქტიურობაზე. netgazeti

ევროპარლამენტარ პეტრას აუსტრევიჩიუსის განცხადებით, არასწორია საქართველოს მმართველი პარტიის განცხადებები, რომ რუსული კანონი საუკეთესო დასავლურ პრაქტიკას ეფუძნება. ამის შესახებ მან დღეს, 23 აპრილს, ევროპარლამენტში გამართულ პრესკონფერენციაზე განაცხადა, რომელშიც მის გარდა პარტია „ახალის“ თანადამფუძნებელი ნიკა გვარამია და ევროპარლამენტარები, ვიოლა ფონ კრამონი, ანა ფოტიგა და რასა იუკნევიჩიანე მონაწილეობდნენ. როგორც აუსტრევიჩიუსმა განაცხადა, ის, რომ პრესკონფერენციაში სხვადასხვა პარტიის წარმომადგენელი ევროპარლამენტარები მონაწილეობენ, ეს აჩვენებს, რომ ევროპარლამენტი ძლიერ მესიჯს უგზავნის საქართველოს. „ევროკავშირში ჩვენ არ ვცდილობთ არასამთავრობო ორგანიზაციების კონტროლს იმ გზით, როგორც ამის გაკეთება „ქართულ ოცნებას“ სურს თავის ქვეყანაში. ეს არ არის ევროპული პრაქტიკა და ჩვენ არ გვითხოვია საქართველოსთვის ამის გაკეთება. მარტივად – ეს არ არის ევროპული გზა წინ წამწევი, ეს ეწინააღმდეგება საქართველოს კანდიდატის სტატუსს და საფრთხეს უქმნის ქვეყნის ევროპულ გზას“, – განაცხადა პეტრას აუსტრევიჩიუსმა. netgazeti

ევროპარლამენტში ინიციირებულია რეზოლუციის პროექტი „საქართველოში უცხოელი აგენტების კანონის ხელახალი შემოღების მცდელობისა და სამოქალაქო საზოგადოების შეზღუდვების შესახებ“. რეზოლუციის კენჭისყრა 25 აპრილს გაიმართება, მანამდე კი დაგეგმილია დებატები საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის მონაწილეობით. რეზოლუციის პროექტში წერია, რომ ქართული კანონპროექტი შედგენილია რუსეთში 2012 წელს მიღებული მსგავსი კანონის მიხედვით, ასევე, მსგავსი კანონმდებლობა ცოტა ხნის წინ მიიღეს ყირგიზეთსა და აფხაზეთში (ოკუპირებულ აფხაზეთში კანონი უცხო ქვეყნის აგენტების შესახებ ჯერ არ მიუღიათ — ნეტ.) რეზოლუციის ავტორები ხაზს უსვამენ, რომ „ქართულმა ოცნებამ“ სცადა ამ კანონის მიღება გასულ გაზაფხულზე, მაგრამ იძულებული გახდა, გაეწვია მასობრივი პროტესტის ფონზე, რადგან არ სურდა, საქართველოსთვის ევროკავშირის კანდიდატის სტატუსის მინიჭების შანსი გამოეცალა. ახლა, როგორც 2023 წელს, ევროპარლამენტარების შეფასებით, კანონი საკამათოდ მიიჩნევა და ხელისუფლებას დამოუკიდებელი ხმების დისკრედიტაციისა და შეზღუდვის მძლავრ ინსტრუმენტს აძლევს. ამასთან, საფრთხეს უქმნის პრესისა და გამოხატვის თავისუფლებას და შეამცირებს საზოგადოებრივი ცხოვრების ნამდვილ გამჭვირვალობას საქართველოში. შესაბამისად, რეზოლუციით, ევროპარლამენტი: გამოხატავს სერიოზულ შეშფოთებას პარტია „ქართული ოცნების“ მიერ პარლამენტში უცხოური გავლენის აგენტების შესახებ კანონპროექტის ხელახალი შემოტანის გამო; მიიჩნევს, რომ კანონმდებლობა თავისი ტექსტითაც და სულისკვეთებითაც შეუთავსებელია ევროკავშირის ღირებულებებთან და დემოკრატიულ პრინციპებთან; ხაზს უსვამს, რომ კანონპროექტი არღვევს ევროკომისიის რეკომენდაციის მინიმუმ ორ ნაბიჯს (1 და 9); გამოხატავს განგაშს, რომ რუსული სტილის საგარეო გავლენის აგენტების აქტის მიღება სერიოზულად დააზარალებს საქართველოს პროევროპულ გზას და თვლის, რომ სანამ ასეთი კანონმდებლობა საქართველოს სამართლებრივი წესრიგის ნაწილია, ნებისმიერი გადაწყვეტილება გაწევრიანების მოლაპარაკებების დაწყების რეკომენდაციისკენ სამუდამოდ უნდა შეჩერდეს; მიაჩნია, რომ კანონპროექტის ხელახალი შემოტანით, ხელისუფლების მიერ 2023 წელს აღებული საჯარო ვალდებულებების დარღვევით, ზიანდება საქართველოს რეპუტაცია და საფრთხის ქვეშ დგება მისი ევროატლანტიკური მისწრაფებები, რადგან კანონპროექტი საქართველოს იმავე გზაზე აყენებს, როგორზეც რუსეთის ფედერაცია და მისი სხვა თანამოაზრე ქვეყნები დგანან; წუხს, რომ უცხოური გავლენის აგენტების კანონპროექტი ძირს უთხრის დამოუკიდებელი არასამთავრობო ორგანიზაციებისა და მედიასაშუალებების მუშაობას, რომლებიც წარმოადგენენ საუკეთესო და ყველაზე ეფექტურ სუბიექტებს ხელისუფლების საქმიანობის შემოწმებისა და მონიტორინგისთვის; აფრთხილებს, რომ კანონის მიღების შემთხვევაში, ეს შეასუსტებს კონტროლისა და ბალანსის სისტემას საქართველოში; სჯერა რა, რომ ასეთი კანონმდებლობა ეწინააღმდეგება ქართველი ხალხის მისწრაფებებს, ევროპარლამენტი დგას საქართველოს ხალხის გვერდით, ვინც ამ კანონპროექტს აპროტესტებს და მხარს უჭერს მათ მისწრაფებებს, იცხოვრონ აყვავებულ, კორუფციისგან თავისუფალ ქვეყანაში, რომელიც სრულად პატივს სცემს პოლიტიკურ თავისუფლებას, თავისუფალ მედიას და ღია საზოგადოებას და იცავს ადამიანის უფლებებს; მიიჩნევს, რომ კანონმდებლობის მიღების შემთხვევაში, ევროკავშირმა სანქციები უნდა დაუწესოს საქართველოს პარლამენტის ყველა წევრს, ვინც მხარი დაუჭირა კანონს; კიდევ ერთხელ იმეორებს თავის მოწოდებას საბჭოსადმი, განიხილოს პარტია „ქართული ოცნების“ საპატიო ლიდერის, ბიძინა ივანიშვილისთვის სანქციების დაწესება; მოუწოდებს კომისიას, საქართველოსთვის ყველა ფინანსური დახმარების წინაპირობად ამ კანონის გაუქმება აქციოს. მიაჩნია, რომ საგარეო გავლენის აგენტების კანონპროექტის მიღების შესაძლო უარყოფითი შედეგების გათვალისწინებით, კომისიამ უნდა მოამზადოს შუალედური ანგარიში ცხრა ნაბიჯის განხორციელების შესახებ და წლიური ანგარიში, გამონაკლისის სახით, წარმოდგენილი უნდა იყოს ოქტომბრის დასაწყისში; მიმართავს პარტია „ქართულ ოცნებას“, თავი შეიკავოს საგარეო გავლენის აგენტების კანონმდებლობის მიღებისგან და გაიწვიოს ის საქართველოს ევროპული მომავლის პერსპექტივისთვის ძირის გამოთხრის თავიდან ასაცილებლად. ავალებს თავის პრეზიდენტს, გაუგზავნოს ეს რეზოლუცია კომისიის ვიცე-პრეზიდენტს/საგარეო საქმეთა და უსაფრთხოების პოლიტიკის საკითხებში უმაღლეს წარმომადგენელს, საბჭოს, კომისიას, წევრი სახელმწიფოების მთავრობებსა და პარლამენტებს, ევროპის საბჭოს, ევროპის უსაფრთხოებისა და თანამშრომლობის ორგანიზაციებს და საქართველოს პრეზიდენტს, მთავრობას და პარლამენტს. რეზოლუციის ავტორები არიან დეპუტატები ევროპის სახალხო პარტიიდან: მირიამ ლექსმანი, მაიკლ გალერი, რასა იუკნევიჩიენე, დევიდ მაკალისტერი, ანდრიუს კუბილიუსი, იზაბელ ვიზელერ-ლიმა, ტრაიან ბასესკუ, ვლადიმირ ბილჩიკი, ანდჟეი ჰალიცკი, სანდრა კალნიეტე, ლეოპოლდო ლოპეს ხილი, ანტონიო ლოპეზ-ისტურიზ ვაითი, მიქაელა შოიდროვა, ეუჯენ ტომაკი. netgazeti

საქართველოს პროფკავშირების გაერთიანება რუსულ კანონთან მიმართებით განცხადებას ავრცელებს და აცხადებს, რომ მიუღებელია კანონპროექტი, რომლის მიხედვითაც უცხოური დონორებისგან დაფინანსებული ორგანიზაციები უცხოური ძალის გამტარებად ითვლებიან. “პარტნიორი ორგანიზაციების მხარდაჭერით, სამსახურიდან უკანონოდ გათავისუფლებული ათასობით ადამიანი აღვადგინეთ პოზიციებზე. მოგეხსენებათ, კვალიფიციური ადვოკატების დაქირავება დიდი ფუფუნებაა, ხოლო ჩვენს მოქალაქეებს ერთი თეთრიც არ გადაუხდიათ ამ პროცესში. კიდევ უფრო მეტს მივაწოდეთ ინფორმაცია მათი შრომითი უფლებების, ქალთა უფლებების, სხვა სოციალური თუ ეკონომიკური უფლებების შესახებ. სწორედ დონორი ორგანიზაციების მხარდაჭერით განხორციელდა ცვლილებები შრომის კანონმდებლობაში ყველა ეტაპზე, შეიქმნა შრომის კანონმდებლობის აღმასრულებელი ინსტიტუცია შრომის ინსპექციის სამსახურის სახით. ეს მაშინ, როდესაც ადამიანები სამუშაო ადგილებზე მასიურად იღუპებოდნენ უსაფრთხოების ნორმების დაუცველობის გამო, რაზეც სტატისტიკა ერთმნიშვნელოვნად მეტყველებს. შემუშავდა საპენსიო კანონმდებლობის ალტერნატიული ვერსია, საიდანაც მოქმედ კანონში პენსიის შესახებ გათვალისწინებულ იქნა პენსიონერებისთვის უმნიშვნელოვანესი რამდენიმე კომპონენტი. პროფკავშირებისთვის უცხოური დონორების მხარდაჭერა მნიშვნელოვანია კვლევების, საკანონმდებლო ინიციატივების შესამუშავებლად, ცნობიერების ამაღლების კამპანიის საწარმოებლად. ეს პროცესი დღესაც უწყვეტ რეჟიმში ხორციელდება. თითოეული ეს ქმედება კი ემსახურება მხოლოდ ჩვენი მოქალაქეების ინტერესს”, – წერია პროფკავშირების გაერთიანების განცხადებაში. პროფკავშირებში ამბობენ, რომ მათი ყველა ჩამოთვლილი და სხვა საქმიანობის მიზანი და ამოსავალი საქართველოს მოქალაქეები იყვნენ, რომელთა ურყევი ნება ევროინტეგრაციაა, განმტკიცებული საქართველოს კონსტიტუციის 78-ე მუხლით. პარლამენტის 83-მა დეპუტატმა 17 აპრილს პირველი მოსმენით მიიღო მედიისა და სამოქალაქო საზოგადოების შემზღუდავი რუსული კანონპროექტი, რომელიც გრანტის მიმღებ ორგანიზაციებს “უცხოური ძალის ინტერესების გამტარებლის”, ხოლო ფონდებს, მათ შორის აშშ-ს, ევროკავშირისა და სხვა საერთაშორისო ორგანიზაციებს, რომლებიც გრანტებს გასცემენ საქართველოში, “უცხოური ძალის” სტატუსებს მიანიჭებს. მსგავსი კანონის მიღებამ რუსეთში სრულად გააქრო დამოუკიდებელი სამოქალაქო ორგანიზაციები და მედიასაშუალებები. დროთა განმავლობაში რუსეთი აღნიშნულ კანონს სულ უფრო ამკაცრებდა და ის ამჟამად ვრცელდება ფიზიკურ პირებსა და ნებისმიერ ადამიანზე, რომელიც რაიმე ფორმით იღებს ფულს დასავლეთისგან. დასავლელი პარტნიორები საქართველოს ხელისუფლებას აფრთხილებენ, რომ კანონის მიღება ხელს შეუშლის საქართველოს ინტეგრაციას ევროკავშირში. ორი კვირაა მოქალაქეები პარლამენტის შენობასთან რუსული კანონის გასაპროტესტებლად იკრიბებიან და მრავალათასიან აქციებსა და მსვლელობებს აწყობენ. საქართველოში მიმდინარე საპროტესტო ტალღას უერთდებიან ქართველი ემიგრანტები სხვადასხვა ქვეყანაში. netgazeti

იყო შემთხვევები, როდესაც ხელისუფლებამ საზოგადო მოღვაწეების, პოლიტიკური ოპონენტების და ჟურნალისტების შესაძლებლობა, გაეკრიტიკებინათ მთავრობა ან განეხილათ საზოგადოებრივი ინტერესის საკითხები, შეზღუდა , - ამის შესახებ აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიშია ნათქვამი. ანგარიშის თანახმად, 2023 წელს საქართველოში პოლიტპატიმრებისა და დაკავებულების შესახებ იყო ცნობები. „22 ივნისს პრეზიდენტმა ზურაბიშვილმა ოპოზიციური ტელეარხის „მთავარი არხის“ ხელმძღვანელი, ნიკა გვარამია შეიწყალა, რომლის პატიმრობაც სახალხო დამცველის და საერთაშორისო და ადგილობრივი არასამთავრობო ორგანიზაციების მიერ შეფასებული იყო, როგორც პოლიტიკურად მოტივირებული. იყო შემთხვევები, როდესაც ხელისუფლებამ საზოგადო მოღვაწეების, პოლიტიკური ოპონენტების და ჟურნალისტების შესაძლებლობა, გაეკრიტიკებინათ მთავრობა ან განეხილათ საზოგადოებრივი ინტერესის საკითხები, შეზღუდა. მაგალითად, ნიკა გვარამია, უმსხვილესი ოპოზიციური ტელეარხის „მთავარი არხის“ დამფუძნებელი და ყოფილი გენერალური დირექტორი, 2022 წლის მაისიდან პრეზიდენტის შეწყალებამდე 22 ივნისამდე ციხეში იმყოფებოდა. ის სამსახურებრივი უფლებამოსილების გადამეტების ბრალდებით გაასამართლეს. Amnesty International-მა და ადგილობრივმა არასამთავრობო ორგანიზაციებმა განაცხადეს, რომ მისი გასამართლება მედიის თავისუფლების მიმართ შეშფოთებას იწვევდა. სახალხო დამცველის შეფასებით, საქმე პოლიტიკურად მოტივირებული იყო და ადამიანის უფლებათა ევროპული კონვენციის მე-18 მუხლს არღვევდა. თუმცა, სააპელაციო სასამართლომ და უზენაესმა სასამართლომ გვარამიას განაჩენი 2022 წლის ნოემბერში და 19 ივნისს ძალაში დატოვა“, - ნათქვამია ანგარიშში. იპნ

სახელმწიფო დეპარტამენტის ანგარიში არის უმძიმესი - ამ მოცემულობაში, ვფიქრობ, ხელისუფლება უნდა გადავიდეს კონკრეტული ნაბიჯების გადადგმაზე, რომელიც საქართველოს მოქალაქეების ინტერესებში შედის - მათ შორის, გაიწვიოს „რუსული კანონი” და გადაერთოს ამ ქვეყნის ევროპული მომავლის გარანტირებაზე 9 რეკომენდაციის შესრულებით, - ამის შესახებ პარტია „გახარია საქართველოსთვის” დეპუტატმა ბექა ლილუაშვილმა განაცხადა, რითაც სახელმწიფო დეპარტამენტის მიერ გამოქვეყნებულ ანგარიშს გამოეხმაურა. ამასთან, როგორც ლილუაშვილმა აღნიშნა, ხელისუფალს, რომელსაც კონკრეტული კანონის გასატანად „იძულებით სჭირდება საქართველოს მოქალაქეების ქუჩაში გამოყვანა, მიანიშნებს, რომ ეს არის მათი დასასრულის დასაწყისი.” „სახელმწიფო დეპარტამენტის ანგარიში არის უმძიმესი. მე ყურადღებას გავამახვილებ სახელმწიფო საკითხების ყველა მიმართულებაზე. დაწყებული კორუფციიდან, გაგრძელებული სამოქალაქო უფლებების, მათ შორის მედიასთან დაკავშირებული უფლებების შეზღუდვასთან მიმართებით არის არაერთი საკითხი ხაზგასმული. საუბარია ოკუპირებულ აფხაზეთში არსებულ პრობლემებზე, სადაც საკუთრების და მოქალაქეების უფლების ნაწილში საოკუპაციო რეჟიმის მხრიდან საუბარია დარღვევებზე. ამ დროს, ჩვენს ხელისუფლებას ქვეყანაში უმძიმესი გამოწვევების ფონზე შემოტანილი აქვს რაღაც პოპულისტური თემები, ერთი მხრივ, მაგალითად, გუშინ რაც მთავრობის სხდომაზე მოვისმინეთ. მეორე მხრივ, საზოგადოებას პირდაპირ აპირისპირებს და მტერი და მოყვარე ერთმანეთისგან ვერ გაურჩევია. ამ მოცემულობაში, ვფიქრობ, ხელისუფლება უნდა გადავიდეს კონკრეტული ნაბიჯების გადადგმაზე, რომელიც საქართველოს მოქალაქეების ინტერესებში შედის - მათ შორის, გაიწვიოს „რუსული კანონი“ და გადაერთოს ამ ქვეყნის ევროპული მომავლის გარანტირებაზე 9 რეკომენდაციის შესრულებით. მაგრამ მათ ამის გაკეთების არანაირი რესურსი არ აქვთ. ისინი არიან ტყუილში ჩაკარგული ხელისუფლების წარმომადგენლები, რომელთა სიტყვას არც ქვეყნის შიგნით და არც გარეთ ჩვენი პარტნიორების და მოქალაქეების მხრიდან არანაირი ნდობა აღარ აქვს. ხელისუფალს, რომელსაც კონკრეტული კანონის გასატანად იძულებით სჭირდება საქართველოს მოქალაქეების ქუჩაში გამოყვანა, ახალი არაა - 2011 წელს ხდებოდა იგივე სხვადასხვა სტადიონზე სააკაშვილის რეჟიმის მხრიდან. ეს მიანიშნებს, რომ ეს არის მათი დასასრულის დასაწყისი”, - აღნიშნა ბექა ლილუაშვილმა. იპნ

თითოეული კეთილსინდისიერი საჯარო მოხელე არის გასამხნევებელი, ამ ადამიანებს უნდა მივცეთ რწმენა, რომ მთავარი გადაწყვეტილება- კი- ევროპას, არა- რუსეთს მათ უნდა მიიღონ ოქტომბერში არჩევნებზე და დარწმუნებული ვარ, რომ ისინი ამ გადაწყვეტილებას მიიღებენ. ანა ბუჩუკური, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/460783816388246/

“ოცნება” რასაც აკეთებს ეგ არ იქნება აქცია, ეს იქნება იმ ადამიანების მოყვანა, ვინც იძულებული არიან, რომ ამ აქციაზე მოვიდნენ. რატომ? იმიტომ, რომ რაღაც ფორმით ისინი დაკავშრებული არიან საჯარო დაწესებულებებთან და უბრალოდ იძულებული არიან, სხვა გზა არ აქვთ, სხვა შემთხვევაში მათ უბრალოდ პრობლემას შეუქმნიან "ოცნების” წარმომადგენლები. მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/877314610820179/

"ჩვენი მომავალი არის ქრისტიანული ევროპა. მეოცე საუკუნის დასაწყისში ეროვნული მოძრაობის სხვადასხვა ტალღა იყო, , მეოცე საუკუნის ბოლოს კი, ჩვენი თაობის, დღევანდელი ეპოქის მთავარი ამოცანაა - ეროვნული მოძრაობა საბოლოოდ დავასრულოთ იმით, რომ ეს ქვეყანა გახდეს ევროპული ოჯახის სრულფასოვანი წევრი. სხვანაირად ჩვენ ამ ეროვნულ მოძრაობას ვერ დავასრულებთ, იმიტომ რომ თავისუფლება, დამოუკიდებლობა, თვითმყოფადობა, ჩვენი კულტურის, იდენტობის, ტერიტორიული მთლიანობის, ჩვენი განსხვავებულობის დაცვა შესაძლებელია მხოლოდ და მხოლოდ ევროპული სივრცის ფარგლებში და ეს ესმის ყველა ნორმალურ ქართველს, გარდა იმისა, ვინც კორუფციაზე, ფულზე და თავის თავზე ფიქრობს. ეს ახლაგაზრდები, სტუდენტები, დღეს ევროპისთვის იბრძვიან და მე ვერ ვხედავ ძალას, რომელიც შეძლებს დაუპირისპირდეს მათ, განა იმიტომ, რომ ბევრნი არიან, განა იმიტომ, რომ კარგად ორგანიზებულები არიან, ისინი უბრალოდ მართლები არიან " გიორგი გახარია, პარტია "გახარია საქართველოსთვის" თავმჯდომარე.

"ეს არ არის მეგობრებო XX საუკუნე, ეს XI საუკუნეა და იმას, როგორ დაიპყრობს რუსეთი საქართველოს - ტანკებით თუ ზეწოლით მთავრობაზე და ესეთი კანონების მიღებით უმნიშვნელოა. საბოლოო ჯამში ამ კანონის მიღება განსაზღვრავს ერთ რამეს… გარდა ამისა, ეს კანონი განსაზღვრავს საქართველოს მთავრობის, ხალხის კი არა, მთავრობის ცივილიზაციურ არჩევანს - სად უნდა იყვნენ ისინი თანამედროვე, დემოკრატიულ, ცივილიზებულ ევროპულ სახელმწიფოებთან თუ პოსტსაბჭოთა სივრცეში. მეგობრებო, თქვენ უბრალოდ ვერ აუხსენით მოქალაქეებს, რატომ არ არის ეს კანონი რუსული, ამ კანონს უკვე ხალხურმა ხმამ დაარქვა რუსული. ახლა თქვენ გამოდით აბა და დაამტკიცეთ, რომ ეს კანონი არ არის რუსული." გიორგი გახარია, პარტია "გახარია საქართველოსთვის" თავმჯდომარე.

"ჩემი ყოველდღიური შეხვედრები ჩვენს ევროპელ მეგობრებთან და პარტნიორებთან აჩვენებს, რომ დღეს საქართველოსთვის ევროპის კარი არის ღია. ყველა ნორმალურმა ქართველებმა ვიცით ერთი რამ, რომ საქართველოს პოლიტიკური კი არა ცივილიზაციური არჩევანია ქრისტიანული ევროპა, ეს არ არის ჩვენი თაობის ან წინამორბედი თაობის, ეს არის მეთვრამეტე საუკუნიდან ჩამოყალიბებული ცივილიზაციური არჩევანი, რომ ქვეყნის გადარჩენის და სახელმწიფოებრივობის ჩამოყალიბების ერთადერთი სივრცე არის ქრისტიანული ევროპის სივრცე. ჩვენ ერთხელ გვქონდა გამოცდილება დამოუკიდებლობის, 1918-21 წლებში და მოგეხსენებათ, რომ მაშინ ორჯონიკიძეებმა და მახარაძეებმა შეძლეს ის, რომ საქართველოს ეს პერსპექტივა მოუკლეს. იმიტომ, რომ მაშინდელი პირველი რესლუბლიკაც აბსოლიტურად ევროპულ ფასეულობებზე დაფუძნებული რესპუბლიკა იყო. დღეს ეროვნული მოძრაობის ბოლო ფაზის შემდგომ, ჩვენ პირველად 30 წლის განამალობაში კი არა, საუკუნეების განამლობაში ისე ახლოს მივედით ევროკავშირის კართან, ევროპის კართან, რომ არ ვყოფილვართ არასოდეს." გიორგი გახარია, პარტია "გახარია საქართველოსთვის" თავმჯდომარე.

"ფაქტია "ოცნება" ძალაუფლების გახანგრძლივებისთვის იყენებს ნებისმიერ მეთოდს და ხერხს და უკვე მივიდნენ იქამდე, რომ ბავშვებსაც იყენებ პროპაგანდისთვის. ყველა ნორმალურმა მოქალაქემ იცის, რომ ბავშვები დასაცავები არიან ნებისნიერი პროპაგანდისგან, მათ შორის პოლიტიკური პროპაგანდისგან, რომელსაც ახლა "ოცნება" ეწევა. რა თქნა უნდა ფაქტია, რომ "ოცნება" დღეს ამ ბავშვებს მათი პროპაგანდისგან დაცვის საბაბით იყენებს პოლიტიკურ ინსტრუმენტად, რომ არჩევნებზე ცოტა უფრო მეტი ხმა მოიპოვოს, ზუსტად ისე , როგორც პოლიტიკურ ინსტრუმენტადაც იყენებს ეკლესიას , ისე როგოეც პოლიტიკურ ინსტრუმენტად იყენებს ჩვენს ისტორიას, პატრიოტიზმს, თითქოს პრივატიზება მოახდინეს - ეკლესიის, ბავშვების დაცვის , პატრიოტიზმის და ასე შემდეგ." გიორგი გახარია, პარტია "გახარია საქართველოსთვის" თავმჯდომარე.

დღეს ევროპაში ვერავინ ვერ გაგცემთ პასუხს - რა უფრო დააზიანებს საქართველოს ევროპულ პერსპექტივას, რუსული კანონი, თუ ნებისმიერი რადიკალიზაცია და სამოქალაქო დაპირისპირება თბილისის ქუჩებში. ეს არის ძალიან დიდი ამოცანა და გამოწვევა იმ ახალგაზრდა სტუდენტებისთვის, რომლებიც აქტიურად აპროტესტებენ რუსული კანონის მიღებას, - აცხადებს პარტია "გახარია საქართველოსთვის" ლიდერი გიორგი გახარია. მისივე თქმით, დღეს მთავარი ორი პრობლემაა ეს არის "ოცნება", რომელიც ცდილობს ქვეყანას და საქართველოს მოქალაქეებს თავს მოახვიოს რუსული კანონი და რადიკალურად განწყობილი ოპოციზიციის ის ფრთა, რომელიც შეიძლება შეეცადოს, რომ ეს ენთუზიაზმი და აბსოლუტურად სწორ ფასეულობებზე დაფუძნებული ტალღა მუხტი გამოიყენოს რაღაც პროცესების რადიკალიზაციისთვის. "ამიტომ უნდა გვესმოდეს, რომ ყველა კეთილსინდისიერი ევროპელი საქართველოს მოქალაქის ამოცანა უნდა იყოს, დავიცვათ ქვეყანა პირველ რიგში რუსული კანონისგან და დავიცვათ ქვეყანა ამავე დროს სამოქალაქო დაპირისპირებისგან. რა თქმა უნდა, ეს პროვოკაციები რასაც დღეს "ოცნება" აკეთებს, პირდაპირ უბიძგებს ადამიანებს დაპირისპირებისკენ. ახალგაზრდებს უწყობენ ამ პროვოკაციას, მაგრამ მე ვფიქრქობ, რომ შესაბამისი გონიერება შესწევთ ამ ახალგაზრდებს გასამკლავებლად. დეტალურად ვაკვირდები, როგორც ორგანიზდება აქციები, ეს არის ჩვეულებრივი კლასიკური ჰორიზონტალური ორგანიზების ელემენტი. ამ ბავშვებს არ სჭირდებათ ამის სწავლა, ამ ბავშვებს არ სჭირდებათ სამოქალაქო აქტივისტობის სწავლა, მათ უკვე იციან ეს, ეს ბავშვები უკვე ევროპელები არიან, ეს ბავშვები მოქმედებენ, როგორც ევროპელები. მათი ფასეულობებიც ჰორიზონტალურია. ისინი ჰორიზონტალურად მართავენ ამ პროტესტსაც. მაშინ, როდესაც მათ მთავრობის მხრიდან უპირისპირდება პოსტსაბჭოური მართვის ვერტიკალური სისტემა, ვერასოდეს ვერ მოუგებენ. მე ამიტომ ვამბობდი და კიდევ გავიმეორებ "ოცნება" სტრატეგიულად უკვე დამარცხებულია, დამარცხებულია იმიტომ, რომ ამ ახალგაზრდებს დაუპირისპირდა, დაუპირისპირდა ისეთ ქვეყნისთვის ეგზისტენციალურ საკითხში , როგორიც არის ქვეყნის ევროპული მომავალი.", - აღნიშნა გიორგი გახარიამ.

ქართველი ხალხი არის ბევრად უფრო პროევროპელი, სწორი და ევროპული ფაასეულობების, ვიდრე ჩვენი დღევანდელი მთავრობა, - ამის შესახებ პარტია "გახარია საქართველოსთვის" თავმჯდომარემ გიორგი გახარიამ განაცხადა. მან ასევე ისაუბრა ბრიუსელსა და ბერლინში გამართულ შეხვედრებზე, სადაც ცოტა ხნის წინ ვიზიტით იმყოფებოდა. "ბრიუსელის და ბერლინის შემდგომ უნდა ვყოფილიყავით პარიზში და სტოკჰოლმში, მაგრამ გადავდეთ ეს ვიზიტები, იმ მოვლენების გამო, რაც თბილისში მიმდინარეობს. ძლიან საინტერესო შეხვედრები გვქონდა ბრიუსელში, პრეზიდენტ მიშელის ოფისთან, ისევე როგორც ნატოს ოფისში, გერმანიაში ძალზედ საინტერესო და შედეგიანი იყო შეხვედრები კანცლერის ოფისში და ბუნდესტაგში, სადაც კარგად გვიცნობენ. შედეგიანი იმ თვალსაზრისით, რომ ჩვენ დავინახეთ და მკაფიოდ ავუხსენით ჩვენს სტრატეგიულ პარტნიორებს, რომ ქართველი ხალხი არის ბევრად უფრო პროევროპელი, სწორი და ევროპული ფასეულობების, ვიდრე ჩვენი დღევანდელი მთავრობა. ეს იყო მთავარი და სიმართლე გითხრათ, იქაც ასეთი განწყობები დაგვხვდა. მთავარი, რაც შემიძლია გითხრათ ამ შეხვედრებიდან, ევროპაში ჩვენი სტრატეგიული პარტნიორები სამწუხაროდ ნათლად ხედავენ უკვე დღევანდელი ოცნების პოლიტიკურ თაღლითურ სახეს და რაც მთავარია ამის გარდა, მკაფიოდ იციან,რომ მაშინ როდესაც საქართველოს მოსახლეობა არის სრულად პროევროპული, ჩვენ გვყავს, რაღაც გაურკვეველი პოსტსაბჭოთა ფასეულობების ეპოქაში ჩარჩენილი ხელისუფლება. ის რაც ბოლო დღეებში თბილისის ქუჩებში ხდება, მიუთითებს სწორედ ამ აცდენას. ეს აცდენა იწვევს იმ ტურბულენტობას, რომელიც ახალგაზრდების, სტუდენტების და მთელი საქართველოს მოქალაქეების პროტესტით გამოიხატება თბილისის ქუჩებში. ქართველ ხალხს უნდა ქრისტიანულ ევროპაში და ჩვენ ხელისუფლებას სამწუხაროდ ჯერ ბოლომდე ვერ გაურკვევიათ სად უნდათ.", - განაცხადა გიორგი გახარიამ.