ყველანაირი ცოდვა და გმობა მიეტევება ადამიანს უფლისაგან, გარდა სულიწმინდის გმობისა, თემას ვკითხულობ და კიდევ ერთხელ ვრწმუნდები რა მოწყალეა უფალი და რა ბნელია ადამიანი. პირადად მე სულ უკანასკნელი ნაძირალა, რომ იყოს ადამიანი, ყველაფერზე წამსვლელი და ენით აუწერელი დანაშაულების ჩამდენი, მაინც არ ვარ მისი სიკვდილით დასჯის მომხრე, იმიტომ რომ გამარჯვება დანაშაულზე და ზოგადად ბოროტებაზე, ასეთის გამოსწორებით მიიღწევა და არა განადგურებით. სამწუხაროდ დღესაც კი ზოგიერთ სახელმწიფოში ზოგიერთ დანაშაულზე სასჯელის სახით დაწესებულია სიკვდილით დასჯა, ეს სასჯელი საქართველოშიც მოქმედებდა 1997 წლამდე, ჩემი აზრით სასჯელის ასეთი ტიპი და სახეობა არის ავტოკრატულ-დიქტატორული მმართველობის რეჟიმის საძირკვლის გამყარების მიზნით შეთითხნილი კანონის სანქცია. ჩვენ შეიძლება ვისაუბროთ აქ ამ სასჯელის დადებით და უარყოფით მხარეებზე, მაგრამ ქრისტიანი კაცი ვიღაც სხვის სიკვდილით დასჯის მომხრე როგორ უნდა იყო, როდესაც თავად ჩვენი უფალი ამბობს: "თქვენ გსმენიათ თვალი თვალისა წილ, კბილი კბილისა წილ, სიცოცხლე სიცოცხლისა წილ, მე კი გეუბნებით ვინც ერთ ლოყაში გაგარტყათ მეორე მიუშვირეთ" ფაქტიურად აქ უფალი თავადვე აუქმებს ისრაელში დადგენილ რჯულისმიერ სასჯელს, სიკვდილით დასჯას და ვფიქრობ ეს არის პირველი ფაქტი კაცობრიობის ისტორიაში როდესაც 2012 წლის წინ მაცხოვარი ღიად გამოვიდა ადამიანის სიცოცხლის, სიცოცხლისა წილ ართმევის წინააღმდეგ. ვფიქრობ ადამიანს ყოველთვის აქვს გამოსწორებისა და სინანულის შანსი, ეს შანსი არ უნდა წაართვა მას განადგურებით, თვით მამა ღმერთიც სულგრძელად იტანს მოთმინებით უგუნურთა ბილწ ცოდვებს და არ სურს არც ერთი ადამიანის დაღუპვა, ცოდვილისა და დამნაშავის სიცოცხლის ართმევით არ წყდება დანაშაულის აღმოფხვრის პრობლემა. ეს არც პრევენციაა და არც სიტუაციიდან გამოსავალი.