კობა კურდღელაშვილი ცხრა ორგანიზაციის პარტნიორია ”ინტერპრესნიუსი” თქვენს მობილურში 20 / 05, 2010 19:11 Print Font size: საპარლამენტო უმრავლესობის წევრი კობა კურდღელაშვილი, ცხრა ორგანიზაციის პარტნიორია, მათ შორის “ჭრელი აბანოს”. ქონებრივი დეკლარაციის მიხედვით, კურდღელაშვილი, რომელსაც ბანკებში არც დეპოზიტები აქვს, არც ანაბრები და არც კრედიტები, ოფიციალურად ცხრა საწარმოს პარტნიორია, რომელთა წილებიც მინდობილობით აქვს გაცემული. კერძოდ, კურდღელაშვილი 2007 წლიდან ჩართულია “Luxe Provider Ltd”, “Luxe 2007 Ltd”, “Chreli Abano Ltd”, “kaspi 2007”, “Meridiani 2007” da “Luxe-Kutaisi Ltd”. ამასთან, კურდღელაშვილი 2006 წლიდან ჩართულია “Marani Ltd”-ს საქმიანობაში, 2004 წლიდან “Beer Georgia” ხოლო 2010 წლიდან, ის “Alfa Ltd”- ს პარტნიორი გახდა. კობა კურდღელაშვილს 2008 წელს “ჭრელი აბანოს” წილის კუთვნილი 20%, “ლუქსი პროვაიდერის” წილის კუთვნილი 50%, შპს “მარანის” წილის კუთვნილი 35%, შპს “კასპი 2007” წილის კუთვნილი 50%, შპს “მერიდიანი 2007”-ს წილის კუთვნილი 25 %, შპს “ლუქსი 2007” კუთვნიული 50 პროცენტიანი წილი და შპს “ბიარ ჯორჯიასა და შპს “ლუქსი-ქუთაისის” წილები მინდობილობით, ვინმე მარიკა გოგოლაძეს გადასცა. კობა კურდღელაშვილი 10 ათას ლარზე მეტი ღირებულების მოძრავ ნივთს არ ფლობს, თუმცა მის საკუთრებაშია ერთი ბინა, სამი მიწის ნაკვეთი და ერთიც ავტოფარეხი. კობა კურდღელაშვილი კასპის მაჟორიტარი დეპუტატია. 1998-2007 წლებში ჭიდაობის “სამბოს” პრეზიდენტი იყო, 2008 წლიდან კი დეპუტატი გახდა.