ინტერნეტში ქართველი მაღალჩინოსნების სატელეფონო საუბრების ჩანაწერები გამოქვეყნდა სიახლე !!! ”ინტერპრესნიუსი” უკვე თქვენს მობილურში 21 / 04, 2010 19:29Print Font size: ინტერნეტში ქართველი მაღალჩისნოსნების სატელეფონო საუბრების ჩანაწერები გამოქვეყნდა, რომლების მთავარი თემაც თბილისში კავკასიელი ხალხების შეკრების ორგანიზება და საქართველოს პარლამენტის მიერ კავკასიელი ხალხების გენოციდის აღიარების მომზადებაა. ჩანაწერების თანმდევი ტექსტის მიხედვით, ეს საუბრები გასული წლის 11-15 დეკემბერს შედგა. შინაგან საქმეთა მინისტრის მოადგილე გიორგი ლორთქიფანიძე ჩეჩნურ-ქართული სათვისტომოს ხელმძღვანელს ხიზრი ალდამოვს სთხოვს, ~სერიოზული, განათლებული და ავტორიტეტული~ ადამიანები მოძებნოს. პასუხად ალდამოვი პასუხობს, რომ უკვე დარეკა და ხალხის მონახვას დაჰპირდნენ. იგი ასევე ამბობს, რომ უკვე საფრანგეთიდანაც დაუკავშირდნენ. ალდამოვის თქმით, საუბარია ყოფილ მინისტრებზე და თანამდებობის ყოფილ პირებზე, რომლებიც ისაუბრებენ, თუ რა ხდება საქართველოსა და ჩრდილოეთ კავკასიაში. კავკასიური ორგანიზაციების თაობაზე საუბრობენ თავდაცვისა და უშიშროების საპარლამენტო კომიტეტის თავმჯდომარე გივი თარგამაძე და ეგვიპტესა და სირიაში საქართველოს ელჩი გოჩა ჯაფარიძეც. თარგამაძე ეუბნება ჯაფარიძეს, რომ სურს, ეგვიპტესა და სირიაში მოქმედ, რაც შეიძლება, მეტი კავკასიური ორგანიზაცია აღმოაჩინონ და დაუკავშირდნენ, რათა ეს ადამიანები საქართველოში ჩამოიყვენონ. თარგამაძე ასევე აღნიშნავს, რომ საქართველოს პარლამენტი კავკასიელი ხალხების გენოციდის აღიარებას აპირებს. ჯაფარიძე კი პასუხობს, რომ სირიაში – დამასკოში ჩერქეზთა საქველმოქმედო ორგანიზაცია არსებობს. მისივე ინფორმაციით, ამ ორგანიზაციაში ოსები, აფხაზები და ჩრდილოეთ კავკასიელები არიან გაერთიანებულნი. თარგამაძე ამბობს, რომ ამ საკითხს შინაგან საქმეთა მინისტრ ვანო მერაბიშვილთან განიხილავს. თარგამაძე ჯაფარიძეს სთავაზობს, საქართველოში ჩამოსვლის შემდეგ აღნიშნული თემა ასევე განიხილოს მერაბიშვილთან. აშშ-ში საქართველოს ელჩი ბათუ ქუთელია და შს მინისტრი ვანო მერაბიშვილი ასევე საუბრობენ კავკასიელების შეხვედრაზე. ქუთელია ამბობს, რომ მას დაუკავშირდა ვინმე მაგომედი, რომელმაც უთხრა, რომ ვინმე ზურამ, რომელიც თითქოსდა შს მინისტრის მოადგილეა, საქართველოს პრეზიდენტთან შეხვედრა შესთავაზა. პასუხად მერაბიშვილი აცხადებს, რომ ჩრდილოეთ კავკასიელებთან შეხვედრები მართლაც მიმდინარეობს. მისი თქმით, შეხვედრებს გივი თარგამაძე და გია თორთლაძე მართავენ. თუმცა, იგი გამორიცხავს, რომ პრეზიდენთან მათი შეხვედრა იგეგმებოდეს. მერაბიშვილი აქვე ამბობს, რომ სახელით ზურა მას მოადგილე არ ჰყავს. წყარო http://www.youtube.com/user/TaliesinUK#p/a/u/1/BOffA268NdI მარტში თბილისში ჩრდილოკავკასიელ ხალხთა კონფერენცია ჩატარდა, რომლის მონაწილეებმა პარლამენტს კავკასიელი ხალხების გენოციდის აღიარების თხოვნით მიმართეს. პარლამენტში ეს საკითხი ჯერჯერობით განხილვის ეტაპზეა. მადლობა პლანეტას