ახალი ამბები, მხოლოდ info და სტატიები

ლ ი ც ი · December 10, 2009

ფილიპ გორდონი - ვაშინგტონი აფხაზეთისა და ე.წ. სამხრეთ ოსეთის დამოუკიდებლობის აღიარებას არ აპირებს

http://www.interpressnews.ge/ge/index.php/...l&hd_line=1

ლ ი ც ი · December 10, 2009

10:43 / 10-12-2009

რუსეთის აგენტების სიას ნინო ქათამაძეც დაემატება?

მომღერალი ნინო ქათამაძე რუსეთის დედაქალაქში, მოსკოვის სამხატვრო აკადემიური თეატრის სცენაზე დეკემბრის შუა რიცხვებში რამდენიმე კონცერტს გამართავს, სადაც შესრულდება ახალი სიმღერები, კომპოზიციები ჯერ კიდევ გამოუცემელი ალბომიდან "რედ".

ამჯერად ნინო ქათამაძე მსმენელის წინაშე წარდგება არა მარტო ჯგუფ "ინსაითის" წევრებთან, არამედ ანსამბლ "კიეველი სოლისტების" რამდენიმე მუსიკოსთან ერთად. "ქათამაძე მოსკოვში მუსიკოსთა ასეთი შემადგენლობით დიდი ხანია არ გამოსულა, მისი ბოლოდროინდელი კონცერტები დიდი ორკესტრების თანხლებით ტარდებოდა", - ამბობს ამ ტურნეს ერთ-ერთი ორგანიზატორი.

ბოლო ხანს ქართველი კულტურის მოღვაწეების გამოსვლას რუსეთის ქალაქებში არაერთი სკანდალური განცხადება მოჰყვა, ყველას და ყველაფერს კი "თავისუფლების ინსტიტუტის" ქორმა ლევან რამიშვილმა გადააჭარბა: "გვერდწითელი და პავლიაშვილი ხალხი არ არის, ეგენი მანქურთები და გადაგვარებულები არიან, ნანი ბრეგვაძეს ფული არ აკლია, მაგრამ ფული ხომ ზედმეტი არასოდეს არის... პრიმაკოვი ჰონორარს მისცემდა... მომღერლები, რომლებიც რუსეთს ხოტბას ასხამენ და რუსულ არმიას უმღერიან, არ არიან რუსეთის აგენტები?"

იმის გამო, რომ რუსეთში გამგზავრებასა და იქაური მსმენელის წინაშე გამოსვლაზე უარი არ თქვეს, პაატა ბურჭულაძე და ნანი ბრეგვაძე მედიის ერთი ნაწილის მძლავრი პიარშეტევის ობიექტები გახდნენ. საინტერესოა, მოხვდება ნინო ქათამაძე, მათ მსგავსად, რუსეთის აგენტთა შავ სიაში?

”ყველა სიახლე”

ლ ი ც ი · December 10, 2009

ოზურგეთში მოვაჭრეებმა რკინიგზა გადაკეტეს

10 / 12, 2009 11:11

აგრარული ბაზრის მოვაჭრეებმა ოზურგეთში სარკინიგზო მაგისტრალი გადაკეტეს.

150-მდე მოვაჭრე ამ წუთებში რკინიგზის სადგურში იმყოფება და ადგილობრივ ხელისუფლებასთან შეხვედარს ითხოვს.

ადგილზევე იმყოფებიან სამართალდამცავები, რომელთა მცდელობაც, დაეშალათ აქცია, უშედეგოდ დასრულდა.

გაჩერებულია “თბილისი-ოზურგეთის” ჩქაროსნული მატარებელი, რომელიც სადგურიდან 09.30 საათზე უნდა გასულიყო.

მოვაჭრეების პროტესტი აგრარულ ბაზარში დღეს, გამთენისას მომხდარ ფაქტს უკავშირდება.

როგორც “ინტერპრესნიუსს’’ მოვაჭრეებმა აცნობეს, დილით ბაზრის ჭიშკრები ჩამოხსნილი, ხოლო დაცვა მოხსნილი დახვდათ, ტერიტორიის დაუცველობის გამო კი საქონლის ნახევრი გაძარცვულია.

მოვაჭერეები მომხდარში ადგილობრივ ხელისუფლებას ადანაშაულებენ და მოითხოვენ, რომ ხელისუფლებამ რაიონულ სასამართლოს ბაზრის ფუნქციონირებსთან დაკავშირებით მიმდინარე საქმეზე გადაწყვეტილების გამოტანის უფლება მისცეს.

არსებული ინფორმაციით, ნოემბრის შუა რიცხვებში ოზურგეთის გამგებლის ბრძანებით, გამოიცა განკარგულება, რომელიც აგრარულ ბაზარში ეკონომიკური საქმიანობის შეწყვეტას ითვალისწინებდა. განკარგულების საფუძველზე, მოვაჭრეებს 5 დღის განმავლობაში უნდა დაეცალათ ბაზრის ტერიტორია, თუმცა მათ სასამართლოს მიმართეს და გამგებლის ბრძანება გაასაჩივრეს. კანონის მიხედვით, სასამართლოს გადაწყვეტილებამდე აღნიშნული განკარგულება ძალადაკარგულად ითვლება.

ოზურგეთის აგრარული ბაზარის დახურვის პირველი მცდელობა სექტემბრის დასაწყისში სკანდალურად დასრულდა. ადგილობრივი ხელისუფლების გადაწყვეტილებას ბაზრის დახურვის შესახებ პოლიციასა და მოვაჭრეეს შორის ფიზიკური დაპირისპირება მოჰყვა.

მოვაჭრეების განცხადებით, ოზურგეთში ახალი სავაჭრო ცენტრი აშენდა, სადაც მათ გადასვლას აიძულებენ. მთივე ცნობით, სავაჭრო ცენტრში დიდი მოსაკრებელის გადახდა უწევთ, რაც მათ უკმაყოფილების მიზეზია.

http://www.interpressnews.ge/ge/index.php/...l&hd_line=1

Edited December 10, 2009 by ლ ი ც ი

ლ ი ც ი · December 10, 2009

ქართული პრესის მიმოხილვა 10.12.2009

http://www.interpressnews.ge/ge/index.php/...ink/119510.html

ლ ი ც ი · December 10, 2009

გიორგი ტუღუში – 6 მაისს პოლიციის სამმართველოსთან სამართალდამცავებმა უკანონო იარაღი გამოიყენეს

სახალხო დამცველი გიორგი ტუღუში განსაკუთრებულ ყურადღებას ამახვილებს იმ გარემოებაზე, რომ 6 მაისს პოლიციის სამმართველოსთან სამართალდამცავებმა უკანონო იარაღი გამოიყენეს.

როგორც გიორგი ტუღუშმა ადამიანის უფლებათა დაცვის საპარლამენტო კომიტეტის სხდომაზე განაცხადა, 6 მაისის მიტინგის დარბევისას გამოყენებული იყო რეზინის და პლასტმასის ტყვიები, რის შედეგადაც მომიტინგეებმა ძლიერი დაზიანებები მიიღეს და ერთ-ერთმა მათგანმა თვალიც კი დაკარგა.

სახლახო დამცველის თქმით, ამ ტყვიების გამოყენება მაშინ იყო კანონსაწინააღმდეგო, რადგან არალეტალური იარაღის – რეზინისა და პლასტმასის ტყვიების გამოყენება მხოლოდ 17 ივლისს შესაბამის კანონში შეტანილი შესაბამისი ცვლილებებისას დაკანონდა.

ამასთან, გიორგი ტუღუშმა აღნიშნული ცვლილებებიც გააკრიტიკა. სახალხო დამცველის აზრით, მიუხედავად იმისა, რომ საჭირო იყო შეკრებებისა და მანიფესტაციების ახლებური რეგულირება პარლამენტის მიერ, 17 ივლისს განხორციელებული საკანონმდებლო ცვლილებები გარკვეულ ნაწილში ეწინააღმდეგება კონსტიტუციასაც და ადამიანის უფლებათა ქარტიასაც.

http://www.interpressnews.ge/ge/index.php/...l&hd_line=1

ლ ი ც ი · December 11, 2009

ქართული პრესის მიმოხილვა 11.12.2009

11 / 12, 2009 10:33

· “ქართველების არჩეულ” ბაღაფშს ამჯერად “სომხები აირჩევენ”?!

· სოზარ სუბარი - “არასაპარლამენტო ოპოზიცია ხელისუფლებას თამაშში აჰყვა”

· ემუქრება თუ არა “იმედს” დახურვა

“ქართველების არჩეულ” ბაღაფშს ამჯერად “სომხები აირჩევენ”?!

“აფხაზეთში მოახლოებული ე.წ. საპრეზიდენტო არჩევნების წინ ადგილობრივმა სომხურმა დიასპორამ საგანგებო მიმართვა გაავრცელა, რომელსაც რუსეთში მცხოვრები ჯავახეთის სომხური დიასპორის წარმომადგენლებიც უერთდებიან. მასში ნათქვამია, რომ ზოგიერთი სომეხი მოქალაქის მოქმედებების გამო აფხაზეთში შესაძლოა ეთნიკურ აფხაზებსა და სომხებს შორის ურთიერთობები გართულდეს. კერძოდ, მათი ცნობით, აფხაზეთში მცხოვრები ზოგიერთო სომეხი ეროვნების მოქალაქე ღიად მოუწოდებს სომხებს, “არჩევნებზე“ ყველამ სერგეი ბაღაფშს მისცეს ხმა”, - წერს გაზეთი “რეზონანსი” სტატიაში სათაურით აფხაზეთში არჩევნების ბედი სომხების ხმებზეა დამოკიდებული? / აფხაზეთის სომხურმა დიასპორამ საგანგებო მიმართვა გაავრცელა.

“ასეთი პროპაგანდა ნაციონალური კუთხით, რომ სომხები ვართ და ხმა უნდა მივცეთ მოქმედ პრეზიდენტს, სერიოზულ პრობლემებს მოუტანს აფხაზეთის მთელ მოსახლეობას. არჩევნების შემდეგ ჩვენ აღმოვჩნდებით იზოლირებული საზოგადოების იმ ნაწილისგან, რომელმაც ხმა მისცა სხვა კანდიდატს. ასეთი კი ყველა ვარიანტში რამდენიმე ათეული ათასი ადამიანი იქნება. პოლიტიკოსები მიდიან და მოდიან, ხალხი კი რჩება. ხმის მიცემა ფარული პროცედურაა, ამიტომაც მოგიწოდებთ: ვისაც გნებავთ, იმას მიეცით ხმა” - ნათქვამია მიმართვაში, რომელიც “პრეზიდენტობის” ერთ-ერთ კანდიდატს ბესლან ბუთბას ოფიციალურ ვებგვერდზეა გამოქვეყნებული. შეგახსენებთ, რომ “საპრეზიდენტო არჩევნები” აფხაზეთში 12 დეკემბერსაა დანიშნული. მთავარი კანდიდატები კი არიან სერგეი ბაღაფში, რაულ ხაჯიმბა და ბესლან ბუთბა”, - აღნიშნავს გამოცემა.

“როგორც მე ვიცი, 60 000-მდე სომეხია მთელ აფხაზეთში. მათგან რამდენია ამომრჩეველი არ ვიცი, მაგრამ დანამდვილებით შემიძლია გითხრათ, რომ სომხები ხაჯიმბას მხარს არ დაუჭერენ. ხაჯიმბა, სხვა კანდიდატებთან შედარებით თავის პოლიტიკაში აფხაზურ-ნაციონალისტურ მიმართულებას ავითარებს. რამდენადაც ვიცი, სომეხ ლიდერებს ხაჯიმბასთან დაახლოებით ერთი წლის წინ კონფლიქტიც კი ჰქონდათ. რაც შეეხება სომხების არჩევანს, ისინი მხარს დაუჭერენ იმ კანდიდატს, რომელზეც მიუთითებს “გრუ” - ანუ დაავალებენ რუსეთის სპეცსამსახურები. თვითონ კანდიდატებიდან თითქმის ყველა იმათია, მაგრამ რომელს შეარჩევენ, ვერ გეტყვით”, - აღნიშნავს გამოცემის კორესპონდენტთან საუბრისას კავკასიელ ხალხთა კონფედერაციის თავმჯდომარე ზაალ კასრელიშვილი.

“აფხაზეთში დაახლოებით 45-დან 50 ათასამდე სომეხი ცხოვრობს. ჩემი აზრით, ისინი 12 დეკემბრის არჩევნებზე ხმას ბაღაფშს მისცემენ. მათ ეს თავიანთ შეკრებაზე განაცხადეს, რამაც გამოიწვია გარკვეული გაღიზიანება გუდაუთელ აფხაზებში, რადგან ერთი პერიოდი აცხადებდნენ - “ჩვენ, ბოლოს და ბოლოს, ვისი პრეზიდენტი გვყავს: ბაღაფში წინა არჩევნებზე ქართველებმა აირჩიეს, ახლა სომხები აირჩევენ და სომხების არჩეული პრეზიდენტი გვეყოლებაო” - ეს იყო ხუმრობანარევი სიმართლე. გუდაუთელები უფრო ხაჯიმბას გულშემატკივრობენ. თვლიან, რომ ბაღაფში არ არის აფხაზების მიერ, ასე ვთქვათ, ინიცირებული პრეზიდენტი. ასე იმიტომ ფიქრობენ, რომ წინა არჩევნებისას ხმების ძალიან დიდი ნაწილი ბაღაფშმა გალიდან მიიღო. მინდა აღვნიშნო, რომ სომხურმა ორგანიზაციებმა საჯაროდ მოუწოდეს აფხაზეთში მცხოვრებ სომხებს, ხმა მისცენ ბაღაფშს, რაც არასწორი საქციელია. სწორედ ამან გამოიწვია აფხაზი საზოგადოების ვნებათაღელვა”, - აცხადებს გამოცემის კორესპონდენტთან საუბრისას კონფლიქტოლოგი პაატა ზაქარეიშვილი.

“აფხაზეთში ჩატარებული სოციოლოგიური გამოკითხვები ბაღაფშის უპირატესობაზე მეტყველებს. გამოკითხულთა უმრავლესობა მხარს სერგეი ბაღაფში უჭერს. ამ სოციოლოგიურ გამოკითხვებს დანარჩენი კანდიდატები არ ეთანხმებიან და საკუთარ უპირატესობაზე საუბრობენ. ექსპერტები გამარჯვებას სერგეი ბაღაფშს უწინასწარმეტყეველებენ, ამასთან, ისინი არც მეორე ტურის დანიშვნას გამორიცხავენ. ასეთ შემთხვევაში კი, მათი ვარაუდით, ბაღაფშს უკვე გაუჭირდება მოგება, რადგანაც ოპოზიცია ერთიანი ძალით დაუპირისპირდება მას”, - წერს გაზეთი “ახალი თაობა” სტატიაში სათაურით ბაღაფშის არჩევნები უკვე მოგებული ჰქონია / ვინც არჩევნებზე არ მივა, მოქალაქეობა ჩამოერთმევა.

სოზარ სუბარი - “არასაპარლამენტო ოპოზიცია ხელისუფლებას თამაშში აჰყვა”

“50%-იანი ბარიერი სამართლიანია. ხელისუფლებამ ქართულ და საერთაშორისო საზოგადოებას ნათლად დაანახვა, რომ 50%-იანი ბარიერის ეშინია, რადგან თბილისის მოსახლეობის 70%-ს იგი ეზიზღება. თუმცა გამარჯვება 50%-იანი და ასევე 30%-იანი ბარიერითაც შეიძლება და სულაც უბარიეროდ. მაგრამ ამისთვის საჭიროა დანარჩენი ხმების 70% რაღაც დონეზე მაინც გაერთიანდეს - უბრალოდ, უნდა არსებობდეს ერთიანი კანდიდატი ან უალტერნატივო ლიდერი”, - აცხადებს “ალიანსი საქართველოსთვის” ერთ-ერთი ლიდერი სოზარ სუბარი გაზეთ “ვერსიისთვის” მიცემულ ინტერვიუში, სათაურით ალასანიას ალიანსი პრაიმერში არ მონაწილეობს! / “არასაპარლამენტო ოპოზიცია ხელისუფლებას თამაშში აჰყვა”.

“გაერთიანება, ცხადია, უკეთესია. თუმცა გაერთიანების სხვადასხვანაირი გზები არსებობს. სალომე ზურაბიშვილმა, გოგა ხაინდრავამ და კიდევ არაერთმა ოპოზიციონერმა თუ საზოგადოებრივი სექტორის წარმომადგენელმა თქვა, გავერთიანდეთ ძლიერის გარშემოო. ეს ერთი სავარაუდო გზაა, მეორეს - პრაიმერის გამართვას, უზარმაზარი თანხები და რესურსები სჭირდება, რაც ჩვენ არ გვაქვს და თუ ვინმეს აქვს, კი ბატონო, გამართოს. უბრალოდ, ჩვენ მასში მონაწილეობას არ ვაპირებთ, რადგან ამის აზრსა და აუცილებლობას ვერ ვხედავთ”, - აღნიშნავს გამოცემის კორესპონდენტთან საუბრისას სოზარ სუბარი.

“ედპ ერთადერთი იყო, ვინც საპარლამენტო ოპოზიციიდან 45%-იან ბარიერს არ დაუჭირა მხარი. მაგრამ მერე თვითონ შემოიტანა ის წინადადება, რაც “ნაციონალებს” უნდოდათ და დღეს გადის კიდეც. ალბათ, უკვე გასაგებია, რომ ეს აბსოლუტურად დაკვეთილი, შეთანხმებული თამაში იყო და არა ედპ-ს პოზიცია. სხვა პარტიებიც, სამწუხაროდ, ამ თამაშზე წავიდნენ. მათ ერთ დღეს მხარი დაუჭირეს 45%-იან ბარიერს, მეორე დღეს კი, კუბლაშვილის კაბინეტიდან განაცხადეს, რომ მხარს 30%-იან ბარიერს უჭერდნენ. ეს სერიოზული შეცდომა იყო. ხელისუფლება ამ ბარიერს საპარლამენტო უმრავლესობით მაინც მიიღებდა, მაგრამ კიდევ უფრო ნათლად გამოჩნდებოდა რეალობა - ეს, მის გარდა, სხვას არავის აწყობდა. ისეთი შთაბეჭდილება მრჩება, რომ არასაპარლამენტო ოპოზიციაც ამ თამაშშია. მაგრამ აქ მხოლოდ ბარიერის საკითხი არაა მნიშვნელოვანი. როცა ალიანსი მოლაპარაკების პროცესში მონაწილეობდა, მას სხვა ოპოზიციური პარტიების მანდატიც ჰქონდა. დღეს ისინი რატომღაც უარყოფენ, რომ ალიანსის პოზიცია საერთო პოზიცია იყო”, - განაგრძობს გამოცემის რესპონდენტი.

“არ მგონია, ედპ-ს ან თორთლაძის მიერ წამოყენებული კანდიდატები სერიოზულ პრობლემას წარმოადგენდნენ. ჯამში, ალბათ, 1%-საც ვერ მოაგროვებენ. პარლამენტსგარეთა ფრონტს რაც შეეხება, იქ უფრო წონადი ფიგურები არიან. ამიტომ, რა თქმა უნდა, შეთანხმება სასურველი იქნება. ზოგადად, თუკი თანამოაზრეები ვართ და საერთო მიზანი ქვეყანაში ვითარების შეცვლაა, ერთმანეთთან საურთიერთოდ ხელოვნური ბარიერების გადალახვა არ უნდა დაგვჭირდეს. მარტივად შეიძლება მოლაპარაკება და გაერთიანება ძლიერის ირგვლივ”, - აცხადებს სოზარ სუბარი და შეკითხვას - “ოპოზიციის მნიშვნელოვანი ნაწილი გეტყვით, რომ ამ ძლიერს სწორედ პრაიმერი გამოკვეთს. თქვენ კი ასეთად მხოლოდ ალასანია მიგაჩნიათ” - პასუხობს:

“თუკი ჩვენს კანდიდატზე ძლიერი კანდიდატი გამოიკვეთება, დიდი სიამოვნებით გავერთიანდებით. ამ ეტაპზე კი ყველა კვლევა აჩვენებს, რომ დღეს ორი პოლუსი არსებობს - ნაციონალური მოძრაობა და ალიანსი საქართველოსთვის”.

ემუქრება თუ არა “იმედს” დახურვა

“მას შემდეგ, რაც ტელეკომპანია “იმედზე” მნიშვნელოვანი შემცირებები მოხდა და 150-მდე კადრი გაათავისუფლეს სამსახურიდან, აქტიურად გავრცელდა ინფორმაცია, რომ მალე ეს არხი საერთოდ დაიხურება. არხის შესაძლო დახურვის შესახებ გავრცელებულ ინფორმაციას კატეგორიულად უარყოფს “იმედის” გენდირექტორი გიორგი არველაძე, რომელიც შემცირებებსა და მიმდინარე რეფორმას არხის ოპტიმიზაციის პროცესით ხსნის. მედიაწრეებში აქტიურად საუბრობენ, რომ “იმედი” დაიხურება და ყველა არსებული რესურსი ახალ “პირველ კავკასიურ არხში” ჩაიდება. საუბრობენ იმაზეც, რომ “იმედი” წამგებიანი გახდა და მისი შენახვა უკვე შეუძლებელია”, - წერს გაზეთი “რეზონანსი” სტატიაში სათაურით ემუქრება თუ არა “იმედს” დახურვა / არველაძე აცხადებს, რომ ტელეკომპანიამ კადრების ოპტიმიზაციით წლიური ხარჯიდან 10 მილიონი დაზოგა.

“როდემდე უნდა ვაკეთო მსგავსი ტიპის ჭორებზე კომენტარები? სხვა ყველა არხს ემუქრება ის, რომ “იმედის” სახით ეყოლება სერიოზული კონკურენტი ტელევიზია. მეტი რა ვთქვა, ჩვენ არაფერი გვემუქრება. ჩვენ ვახდენთ ხარჯების ოპტიმიზაციას. გავდივართ ისეთ მაჩვენებელზე, რომ ტელევიზია გახდეს მომგებიანი. ეს, ბუნებრივია, გულისხმობს ხარჯების დაზოგვას. გვაქვს დიდი გეგმები, ეს არავითარ შემთხვევაში არ გულისხმობს არხის დახურვას ან რაღაც მსგავს სისულელეს. თანამშრომლების სამსახურიდან გაშვებაც შედიოდა ოპტიმიზაციის პროცესში. ჩვენ მოგვიწია ძალიან რთული არჩევანის გაკეთებამ, რომელი კადრი გაგვეშვა და რომელი დაგვეტოვებინა. ეს მტკივნეული პროცესია, შემცირება იმასაც გულისხმობს, რომ კარგი კადრიც წავიდეს სამსახურიდან. თუმცა ვეცადეთ, გამოცდილი კადრები დაგვეტოვებინა და შედარებით გამოუცდელები გაგვეშვა. შემცირება ნაწილობრივ შეეხო ტექნიკურ პერსონალსაც. ეს პროცესი უკვე დავამთავრეთ და ხარჯების დაზოგვის თვალსაზრისით უკვე მივედით სასურველ ფინალამდე. სულ წლიური ხარჯიდან დაახლოებით 10 მილიონი ლარი დაიზოგა”, - აღნიშნავს გამოცემის კორესპონდენტთან საუბრისას გიორგი არველაძე.

“რაც უფრო მეტს იჭორავებენ, ეს უფრო მეტად წაადგება ტელევიზიას. რაც უნდა ილაპარაკონ და იჭორაონ, შედეგს ნახავს ყველა. შედეგი კი ჯერჯერობით ის არის, რომ ზრდა გვაქვს რეიტინგში, შემოსავლებში. ჩვენი რეიტინგი საკმაოდ გაზრდილია. სარეკლამო ბაზარი სავსებით საკმარისია. შესაძლოა ჩვენმა ბაზარმა არ მოგვცეს საშუალება, რომ სასწაულად ძვირფასი პროდუქტები ვაკეთოთ, მაგრამ ეს არც არის საჭირო. ჩვენ გვაქვს საშუალება, ძალიან კარგი ტელევიზია შევქმნათ და ამის რესურსიც გაგვაჩნია. ტელევიზიის წარმატება რა კრიტერიუმებითაც იზომება, ყველა შედეგით ძალიან კმაყოფილი ვარ”, - დასძენს გიორგი არველაძე.

http://www.interpressnews.ge/ge/index.php/...ink/119648.html

ლ ი ც ი · December 11, 2009

კარლ ბილდტი: "სამხრეთ ოსეთის დამოუკიდებლობის აღიარება მოსკოვის ცუდი ხუმრობაა"

11:29 - 11.12.2009

ევროკავშირის თავმჯდომარე ქვეყნის - შვედეთის საგარეო საქმეთა მინისტრის კარლ ბილდტის განცხადებით, "სამხრეთ ოსეთის დამოუკიდებლობის აღიარება მოსკოვის ცუდი ხუმრობაა". "სამხრეთ ოსეთის დამოუკიდებლობის აღიარება სულ უფრო მეტად განიხილება, როგორც მოსკოვის ცუდი ხუმრობა, რაც მართლაც ასეა", - განუცხადა კარლ ბილდტმა ევროპარლამენტარებს. მისი თქმით, "ევროკავშირის პოზიცია საქართველოს ტერიტორიულ მთლიანობასთან დაკავშირებით ყოველთვის მტკიცე იყო და ეს ეხება არა მხოლოდ საქართველოს, არამედ ყველა ქვეყნის ტერიტორიულ მთლიანობას, მათ შორის - რუსეთისა და ჩრდილოეთ კავკასიისაც".

http://pirweli.com.ge/index.php?option=com...12&Itemid=1

და არც ერთი სიტყვა აფხაზეთზე

ლ ი ც ი · December 11, 2009

H1N1 ვირუსით დაავადებული 27 წლის მამაკაცი კრიტიკულ მდგომარეობაში იმყოფება

11 / 12, 2009 15:22

H1N1 ვირუსით დაავადებული 27 წლის მამაკაცი კრიტიკულ მდგომარეობაში იმყოფება.

შემთხვევა ბათუმში დაფიქსირდა. 27 წლის რამაზ ბეჟანიძეს, ე.წ. ღორის ვირუსთან ერთად, ორმხრივი პნევმონია დაუდგინდა. პაციენტი სასუნთქ აპარატზეა შეერთებული.

ექიმების განცხადებით, მისი მდგომარეობა გართულებულია, რის გამოც მკურნალობა ამ ეტაპზე არაეფექტურია.

ამასთან, თბილისის ინფექციურ საავადმყოფოში სასუნთქ აპარატზე H1N1 ვირუსით დაავადებული ორი ადამიანია შეერთებული. 55 წლის მამაკაცი და 48 წლის ქალბატონი უმძიმეს მდგომარეობაში იმყოფებიან. მათაც ორმხრივი, ტოტალური პნევმონია აღენიშნებათ.

პაციენტთა მდგომარეობის გართულების მიზეზად ექიმები დავიანებულ ჰოსპიტალიზაციას ასახელებენ.

დაავადევათა კონტროლისა და საზოგადოებრივი ჯნმრთელობის ეროვნული ცენტრის ინფორმაციით, დღეისთვის საქართველოში H1N1 ვირუსის 460-ზე მეტი დადასტურებული შემთხვევაა დაფიქსირებული.

http://www.interpressnews.ge/ge/index.php/...l&hd_line=1

archi · December 11, 2009

დაღესტანის შს მინისტრის მოვალეობის შემსრულებელი კრემლს პოლიციის ქართულ მოდელზე გადასვლას სთხოვს

http://expressnews.ge/?lang=geo&id=991&nid=559

ლ ი ც ი · December 11, 2009

მოლაპარაკებები მთიანი ყარაბაღის შესახებ - რას ნიშნავს ეს საქართველოსთვის

17:12 11.12.2009

”ბაქო მთიანი-ყარაბაღის გამო ანტიდასავლურ რიტორიკას აძლიერებს”-ასეთი სათაურით გამოქვეყნა 8 დეკემბერს შაჰინ აბასოვის სტატია ინტერნეტმედიასაშუალებამ ”ევრაზიანეტ.ორგ”-მა. მისი ქართული ვერსიის ნახვა ”ფორინპრეს”-ზე შეიძლებოდა. სტატია ორი თვალსაზრისით იყო საინტერესო: ჩვენს რეგიონში-სამხრეთ კავკასიაში მიმდინარე მოვლენებს ეხებოდა და თან, აქვე მეზობლად არსებული კიდევ ერთი, ე.წ. ”გაყინული კონფლიქტის” - მთიანი ყარაბაღის თემატიკას ეძღვნებოდა.

- ”ბოლო კვირებში, აზერბაიჯანელი ჩინოვნიკები დასავლეთზე ბრაზობენ და მთიანი-ყარაბახის კონფლიქტის ბაქოსთვის სასიკეთოდ მოგვარებას რუსეთის მხარდაჭერით ცდილობენ, მიაჩნია ანალიტიკოსების ნაწილს” - ნათქვამი იყო აბასოვის სტატიაში.

რას ფიქრობენ ამის შესახებ ქართველი პოლიტიკური ექპერტები, მართლაც გაჩნდა თუ არა ანტიდასავლური განწყობები? როგორია ყარაბაღის საკითხთან დაკავშირებით სომხეთ-აზერბაიჯანის მოლაპარაკებების წარმატების შანსები და რას ნიშნავს ეს საქართველოსთვის? ”პრესა.გე” პოლიტიკურ ექსპერტს, სოსო ცინცაძეს ესაუბრა.

თქვენი აზრით, ბაქო მართლაც პრორუსულ კურსს ირჩევს?

- არა, არა... დღეისათვის აზერბაიჯანში არის პროდასავლური განწყობებიც და პრორუსულიც. მრავალფეროვნებაა. არიან ძალები რომლებიც ფიქრობენ, რომ ბაქოსთვის უმჯობესი იქნება თუ პრორუსულ ხაზს გაატარებს, ზოგი - დასავლეთს ანიჭებს უპირატესობას. მთლიანობაში, მაინც შეიძლება ითქვას, რომ აზერბაიჯანის პოლიტიკა მკვეთრად პროდასავლურია.

მკვეთრად პროდასავლური თუ უფრო, დამაბალანსებელი?

- არა, მკვეთრად პროდასავლური კურსი აქვთ, მაგრამ გარეგნულად, ალიევი ცდილობს ეს დააბალანსოს და რუსეთთან ურთიერთობა არ გაიფუჭოს. მან კარგად იცის, რომ რუსეთსაც უნდა გადაუგდოს ”ერთი ძვალი” - უხეშად რომ ვთქვათ. ამიტომაცაა, რომ რუსეთთან პატარ-პატარა დათმობებზე მიდის. იგივე თუნდაც, ნავთობის თუ გაზის საკითხში.

აზერბაიჯანი ახლა ცოტა დელიკატურ სიტუაციაშია. ერთი მხრივ თურქეთ-სომხეთის ურთიერთობის გაუმჯობესება. ამ საკითხთან დაკავშირებით, აზერბაიჯანული პრესა და ექსპერტთა დიდი ნაწილი მიიჩნევს, რომ შეიძლება დასავლეთი იმდენად დაინტერესებული იყოს სომხეთ-თურქეთის ურთიერთობის გაუმჯობესებით და მათი საზღვრის გახსნით, რომ ყარაბაღის კონფლიქტთან დაკავშირებით, აზერბაიჯანის ინტერესები შეიძლება მაქსიმალურად არ გაითვალსიწინოს.

შესაძლებელია კი, რომ ყარაბაღის საკითხთან დაკავშირებით აზერბაიჯანის ინტერესები არ გაითვალისწინონ? გარდა სხვა საფრთხეებისა, ეს ხომ იმასაც ნიშნავს, რომ ამ შემთხვევაში დასავლეთი ბაქოს რუსეთისკენ უბიძგებს?

- საერთოდ დასავლეთს კი, მთლიანად პროდასავლური სამხრეთ კავკასია ესაჭიროება, მაგრამ... მთლად ასეც არ გამოდის. სამხრეთ კავკასიაში ძალიან რთული მდგომარეობაა, რადგან რუსეთის ფაქტორი ძალიან მნიშვნელოვანი ძალაა. ამიტომაცაა, რომ 10 ოქტომბერს მოეწერა ხელი სომხეთ-თურქეთს შორის შეთანხმებას და ჯერაც არ განუხილავს არც ერთი ქვეყნის პარლამენტს. დამტკიცებაზე აღარაფერს ვამბობ. პოლიტიკური წინააღმდეგობები რომ არ ყოფილიყო, ერთ კვირაში დამთავრდებოდა ყველაფერი.

რუსებმა კარგად იციან რომ თურქეთი მაინც ბოლომდე ვერ მოიმდურებს აზერბაიჯანს: მოძმე ხალხები არიან, საერთო რელიგია აქვთ... ეს ყველაფერი მნიშვნელოვანი ფაქტორებია. ამიტომ თურქეთს სჭირდება, რომ რატიფირიცირებას თან ახლდეს რამე, აზერბაიჯანისთვის სასარგებლო გადაწყვეტილება.

ყარაბაღთან დაკავშირებით საუბარი იყო იმაზე, რომ ხუთი პროვინციიდან ჯარები უნდა გამოეყვანა სომხეთს და ამ ხუთ პროვინციაში დაახლოებით 800 ათასი ლტოლვილი უნდა დაბრუნებულიყო. სულ რვა პროვინციაა ოკუპირებული და აქედან ხუთი უნდა გათავისუფლებულიყო. რაც შეეხება სომხეთს, ჩემი აზრით ერევანში ცოტა არ იყოს, ზომიერების გრძნობას კარგავენ. იქ ამბობენ, რომ საზღვრის გახსნას არაფერი საერთო არა აქვს ყარაბაღის საკითხთანო. მათი თქმით, ერევნის მხრიდან ყველაზე დიდი კომპრომისი ის იქნება თუ პრაქტიკულად მოხსნიან გენოციდის საკითხს - როგორც ისინი ამბობენ, ”გადადებენ ისტორიის სამსჯავროსთვის”. სხვათაშორის, ეს აზრი ძალიან არ მოსწონს სომხურ დიასპორას და ოფიციალურ ერევანს ფინანსური მხარდაჭერის შეწყვეტით ემუქრება.

არსებობს თუნდაც უმნიშვნელო შესაძლებლობა იმისა, რომ აზერბაიჯანმა და სომხეთმა ყარაბაღთან დაკავშირებით რაიმე ტიპის შეთანხმებას მიაღწიონ?

- მანდ საუბარი იყო იმაზე, რომ სომხები დფაბრუნდებიან და ათი წლის შემდეგ უნდა ჩატარდეს რეფერენდუმი. ასეთი იყო არაოფიციალური შეთანხმება სომხეთსა და თურქეთს შორის. თუმცა, არ ვიცი ღიად ეთანხმება თუ არა ამ ვარიანტს აზერბაიჯანი.

კიდევ ვიმეორებ, რასაკვიარველია ამ პროცესებით უკმაყოფილება მართლაც არსებობს აზერბაიჯანში, მაგრამ ეს იმას არ ნიშნავს, რომ აზერბაიჯანმა დასავლეთზე უარი თქვა. თუნდაც იმიტომ, რომ თვითონ ალიევი თავიდან ბოლომდე ”ვესტერნიზირებული” ფიგურაა. სხვათაშორის, არც ფუნდამენტალისტი ისლამისტები არ არიან. მიუხედავად ამისა, ალიევს ლავირება უხდება. სხვათაშორის, ლუკაშენკოც ზუსტად იგივე პრინციპით მოქმედებს.

ბოლო პერიოდში - მას შემდეგ რაც ყარაბაღის საკითხის ირგვლივ კონსულტაციები გააქტიურდა, ოფიციალურმა ბაქომაც და აზერბაიჯანმაც საკმაოდ მკაცრი განცხადებები გააკეთეს. ეს იმას ნიშნავს, რომ ყარაბაღის თემა ისევ დიდი ხნით არის ”გაყინული”?

- კი, ასე ჩანს ჯერ-ჯერობით. განსაკუთრებით იმის გათვალისწინებით, რომ თვითონ თურქეთის შიგნითაც, ერდოღანს აზერბაიჯანის განაწყენებას არ აპატიებენ. ასევე სომხეთში, სარქისიანს გენოციდის აღიარება - არაღიარებასთან დაკავშირებით აქვს პრობლემები... მოკლედ, ყარაბაღის პრობლემის მოგვარებას დიდი დრო დასჭირდება.

რუსეთი ცდილობს ამ პოცესებში შუამავლის როლი მოირგოს, მაგრამ რეალურად, აწყობს კი მოსკოვს ყარაბაღის პრობლემის მოგვარება?

- რუსეთს სხვა გზა არა აქვს - დღეს მოსკოვი არ არის იმ მდგომარეობაში, რომ ღიად დაუპირისპირდეს თურქეთს ან თუნდაც, სომხეთს. ამიტომაც მათ ”ჩათრევას ჩაყოლა” ამჯობინეს და განაცხადეს, რომ კი ბატონო, მოვაგვაროთ ეს პრობლემაო. სინამდვილეში მათ ეს სულაც არ უნდათ. ამიტომ, თუ მოლაპარაკებების პროცესი უშედეგო აღმ ოჩნდება ოღონდ ისე, რომ ამაში დამნაშავედ რუსეთი ვერ დაასახელონ, მოსკოვს ეს მხოლოდ გაუხარდება.

შეიძლება, რომ რუსეთმა ღიად არა, მაგრამ პროვოცირება მოახდინოს, რათა ეს ”გაყინული კონფლიქტი” კავკასიაშია კიდევ ერთ ”ცხელ წერტილად” იქცეს?

- არა, ვერ გარისკავენ რადგან ეს ძალიან მალე გაირკვევა. ასეთი რამ დასავლეთს შეუმჩნეველი არ დარჩება. რუსეთს კი სრულიად არ აწყობს სკანდალი რომელიც მას დაბრალდება. თუ დავაკვირდებით, რუსეთი მუდმივად ცდილობს პროვოცირება მოახდინოს და სიტუაცია გაამწვავოს, მაგრამ ისე, რომ ეს მას არ დაბრალდეს. მერე სულ ცდილობენ ხოლმე, რომ ”მშვიდობის მტრედის” როლში გამოჩნდნენ... პროვოკატორის როლი მათ არ აწყობთ.

რით არის სახიფათო ან სასარგებლო საქართველოსთვის ყარაბაღის თემის ”გაცოცხლება”?

- გააჩნია რა მიმართულებით გააქტიურდება პროცესები. თუმცა, რადგან ჩვენი მეზობლები არიან, ჩვენთვის ეს პროცესები ცხადია მნიშვნელოვანია. თუ ყარაბაღში რეფერენდუმი დაინიშნა და ჩატარდა ლტოლვილების დაბრუნების შემდეგ, ჩვენთვის ეს ძალიან კარგია. ამ შემთხვევაში, უკვე ჩვენც შეგვეძლება, რომ ჩვენი ლტოლვილების დაბრუნება მოვითხოვოთ აფხაზეთსა და ცხინვალში და მერე ჩატარდეს იქ რეფერენდუმი. აი, დააბრუნონ სამასი ათასი ქართველი აფხაზეთში და მერე ნახავენ რა შედეგებსაც მიიღებენ რეფერენდუმში.

არის მეორე ვარიანტიც, თუმცა ის უფრო ნაკლებად შესაძლებელი მგონია - აზერბაიჯანი არ დათანხმდება. თუ ყარაბაღის დამოუკიდებლობა სცნო ბაქომ, მაშინ ეს ჩვენთვის ძალიან ცუდი იქნება, რადგან ეს შეიძლება ჩვენს პრობლემებთან დაკავშირებით ძალიან ცუდი პრეცედენტი შეგვექმნას აქვე, სამხრეთ კავკასიაში.

http://presa.ge/index.php?text=news&i=11325

საკმაოდ საინტერესოა ინტერვიუა