Search the Community

სინამდვილეში ასტროლოგია რელიგიაა – საბეიზმის ნაირსახეობა. მასში ვარსკვლავები სულიერ არსებებად მოიაზრება. პანთეისტებისა და ოკულტისტების სწავლებით მატერია გასულიერებულია, ანუ მატერიის ელემენტებზე სულები ბატონობენ. როზენკროიცერი გოეთე, ამ კოსმიურ სულებს დემონებს (დაიმონებს) უწოდებდა. ვარსკვლავები და პლანეტები სამყაროს მმართველი კოსმიური სულების სხეულებია. ანტიკურ მითოლოგიაში და ელინისტურ რელიგიაში დაიმონები (დემონები) ეწოდებოდათ ოლიმპოელი ღმერთების მსახურებს, ნახევრადღვთაებრივ სულებს, რომლებიც იყვნენ შუამავლები ღმერთებსა და ადამიანებს შორის და იერარქიულად იკავებდნენ ადგილს ადამიანურ და ღვთაებრივ არსებებს შორის, ცხადია არსებობდნენ როგორც კეთილი დაიმონები, ისევე ბოროტები. მათ გარდა არსებობდნენ ბუნების ძალების მმართველი სხვა არსებები, ბუნების სტიქიების და ასპექტების პერსონიფიკაციები, რომლებსაც ერქვათ - არქონტები, ლიტურგები და დეკანები. არსებობდნენ ასევე ინტელექტთან და შთაგონებასთან დაკავშირებული ნახევრადღვთაებრივი სულები - გენიები და მუზები. თეოსოფები, პაგანისტები, მისტიკოსები, ჰერმეტისტები, როზენკროიცერები, შტაინერისტები ქრისტიანობას წარმართული რელიგიის – საბეიზმის ნაირსახეობად მიიჩნევენ. ისინი ეონ ქრისტეს მზის სულთან აიგივებენ, ხოლო ძველი აღთქმის თორმეტ პატრიარქსა და თორმეტ მოციქულს – ზოდიაქოს ნიშნებთან. საყურადღებოა ისიც, რომ გასული საუკუნის ოციანი წლების ათეისტი რელიგიათმცოდნეები თავიანთ ენციკლოპედიებსა და სახელმძღვანელოებში წერდნენ, რომ ქრისტე ამონის, მითრასა და მზის სხვა ღვთაებათა მოდიფიკაციაა. საკმაოდ საინტერესო თეორიაა. მსგავსი მოსაზრება გააჩნია მოძრაობა „პროექტი ვენერას“ ერთ-ერთ ლიდერს - პიტერ ჯოზეფს. წარმართულ რელიგიაში (ტრადიციულ პოლითეიზმში და პანთეიზმში) იყო საბეიზმი (ებრაული სიტყვა “საბადან” – ვარსკვლავის ძალა) – ზეციურ მნათობთა გაღმერთება. წარმართობის ერთ-ერთი უძველესი ფორმა იყო ვარსკვლავთა, როგორც ცოცხალ არსებათა თაყვანისცემა – საბეიზმი. განსაკუთრებით ყვაოდა იგი ქალაქ ურში – აბრაამის სამშობლოში. იქ იდგა მნათობებისადმი მიძღვნილი მშვენიერი ტაძრები. ასტროლატრია, საბეიზმი, ტრადიციული წარმართული რელიგიების განუყოფელი ნაწილია. საბეიზმი არსებობს იაპონურ შინტოიზმშიც. მრავალი პირველწყარო მიიჩნევს, რომ საბეიზმი ისლამამდე აღმოცენებული რელიგიაა, რომელიც გავრცელდა მესოპოტამიაში, არაბეთში, სირიასა და მცირე აზიაში. მისი საწყისები ბაბილონურ ასტროლოგიაშია. არაბი მწერალი ალ სოიუთი საუბრობდა ვინმე სეთხზე, როგორც საბეიზმის დამაარსებელზე. საბეიზმის მიმდევრები პირამიდებს აშენებდნენ, რომლებიც ერთის მხრივ განიხილებოდნენ როგორც პლანეტარული სისტემის მოდელები, მეორეს მხრივ კი სეთჰის სამარხები. არქაული ასტრონომიის ბრიტანელი სპეციალისტი უილსონი თვლიდა, რომ შესაძლოა ეგვიპტური პირამიდები მონუმენტური ძეგლები იყო, რომელიც საბეელმა მისიონერებმა ააგეს. კოსმიურ სხეულთა თაყვანისცემა ძველ მსოფლიოში გავრცელებული იყო პრაქტიკულად ყველგან, სანამ ის არ მოსპო ქრისტიანულმა პროპაგანდამ. http://1.bp.blogspot.com/-KljpXUA-qok/UA2bpwtNw9I/AAAAAAAAAhg/NsNPNZ_qdZI/s1600/NGC7635-rev00-17-07-12.jpg

ეინშტეინის გენია საბოლოოდ დამტკიცდა. სულ ცოტა ხნის წინ მეცნიერბმა აღმოაჩინეს მოვლენა რომელზეც თითქმის 100 წელი ნადირობდნენ. საქმე ეხება გრავიტაციულ ტალღებს რომელიც პირველად ალბერტ ეინშტეინმა ივარაუდა თავის ფორუმლებიდან გამომდინარე. მან თქვა, რომ როდესაც 2 მასიური ობიექტი ერთმანეთს უახლოვდება და ისინი ერთმანეთის გარშემო იწყებენ ბრუნვას, სინათლის სისწრაფით უნდა ვრცელდებოდეს გრავიტაციისგან დეფორმირებული სივრცის ტალღები. გრავიტაცია სამყაროს 4 ძალიდან ყველაზე სუსტია, გაცილებით სუსტი ვდრე დანარჩენები, ამიტომ გრავიტაციული ტალღების აღმოჩენა 100 წლის მანძილზე ვერ ხერხდებოდა... ერთადერთი მოვლენა რომელიც იმედს უტოვებდა მეცნიერებს დღემდე, იყო 2 მასიური შავი ხვრელის "გრავიტაციული ტანგო". საქმე იმაშია რომ შავი ხვრელების მიზიდულობის ძალა ძალიან დიდია, ამიტომ თუ რამეს შეეძლო ამ ტალღების წარმოქმნა, ეს უნდა ყოფილიყო შავი ხვრელი. http://s017.radikal.ru/i418/1602/a5/29179cefb08e.jpg http://s015.radikal.ru/i330/1602/e1/588436f5f10c.gif მეცნიერებმა ლაბორატორიაში სპეციალური ლაზერული მოწყობილობით შეძლეს ამის აღმოჩენა. პრინციპი ისაა რომ ლაზერის სხივის სიჩქარე ვაკუუმში მუდმივია (299 792.5 კმ/წ) და შესაბამისად გატყორცნილი სხივი დეტექტორთან განსაზღვრულ დროში უნდა მივიდეს. გრავიტაციული ტალღების ზემოქმედებით კი სხივს მოუწევს დამატებითი მანძილის გავლა სწორედ ამ დეფორმირებულ სივრცით ტალღებში გავლის შემდეგ და შესაბამისად სხივი დეტექტორთან ცოტათი დაგვიანებით მივა. ლაბორატორიაში სხივი სწორედ რომ დაგვიანებით მივიდა დეთექტორთან, სხვაობა მიზერული იყო, აქ საუბარია წამის მემილიარდედზე, მაგრამ ესეც საკმარისია რომ ეს თეორია საბოლოოდ ვაღიაროთ. აქამდე ამ მოვლენის დაფიქსირება ვერ ხერხდებოდა, მაგრამ თანამედროვე ტექნოლოგიებმა და ცოტაოდენმა იღბალმა ამის საშუალება მოგვცა. მოკლედ ეს იყო ეინშტეინის თეორიის ბოლო ნაწილი, რომელიც გვაკლდა ერთი დიდი და შესანიშნავი პაზლის ასაწყობად, მას ქვია "ფარდობითობის თეორია"... ბაბუ ალბერტი მართალი აღმოჩნდა სიკვდილის მერეც კი