11 თებერვალი 1808 : ანთრაციტის ნახშირი პირველად გამოიყენეს საყოფაცხოვრებო გათბობის ექსპერიმენტულ საწვავად პენსილვანიაში, აშშ. 1814 : ნორვეგიის დამოუკიდებლობით ბოლო მოეღო კალმარის უნიას. 1858 : ლურდში, საფრანგეთი, ღვთისმშობლის თვრამეტი გამოცხადებიდან პირველი შემთხვევა გახდა ცნობილი, რის გამოც ამ ადგილს კათოლიკე მლოცველთა ტალღა მოაწყდა. 1929 : რომაული საკითხის გადასაჭრელად, იტალიამ და რომის კათოლიკური ეკლესიის წმინდა საყდარმა პირველ ლატერანულ ხელშეკრულებას მოაწერეს ხელი, რითაც ვატიკანი დამოუკიდებელ სახელმწიფოდ ჩამოყალიბდა. 1964 : ბერძნებსა და თურქებს შორის ლიმასოლში, კვიპროსი, შეიარაღებული კონფლიქტი დაიწყო, რაც ქვეყნის დაყოფით დასრულდა. 1979 : ირანის რევოლუცია — აიათოლა რუჰოლა ხომეინი ქვეყნის მმართველი გახდა. 1990 : ანტიაპართეიდის აქტივისტი ნელსონ მანდელა პაარლის ციხიდან (სარ) გაათავისუფლეს 27-წლიანი პატიმრობის შემდეგ. 2006 : მიშელ ბაშლე ჩილეს პირველი პრეზიდენტი ქალი გახდა.