chegesto Posted November 6, 2009 დარეპორტება გაზიარება Posted November 6, 2009 ბოლო რამდენიმე დღეა, ვანო მერაბიშვილზე ვფიქრობ. უწინაც ხშირად მიფიქრია, მაგრამ – სხვანაირად. მაშინ მე აქეთ ნაპირზე ვიყავი, ის – იქით ნაპირზე იყო. შეკითხვები მქონდა, პასუხები - არა. სამაგიეროდ, მქონდა ვარაუდები და ჩემი პირადი – მკაფიო – დამოკიდებულება ამ ადამიანის მიმართ. ახლა, ბოლო რამდენიმე დღეა, მინდა, მისი ნაპირიდან გამოვხედო მოვლენებს; დავინახო, ვინ მოჩანს იქიდან მეგობრად და ვინ – მტრად. ეს რომ ადვილი არ არის, საკუთარი გამოცდილებით ვიცი. ჯერ კიდევ მაშინ, როდესაც ვანოს „ხერხემლობის“ ნიშანწყალიც არ ეტყობოდა, საქმიან სადილზე მიმიწვია. ახლად დანიშნული იყო უშიშროების საბჭოს მდივნად. თბილად შემხვდა და შენობით ვილაპარაკოთო, შემომთავაზა. არადა, მეგობრები არასოდეს ვყოფილვართ. ყველაზე საინტერესო ის არის, რაც სადილზე მიწვევას უძღოდა წინ: რადიო თავისუფლების ეთერში და „24 საათში“ გამოქვეყნდა მასალა, სადაც ვამბობდი, რომ ვანო მერაბიშვილს საზოგადოება იცნობს, როგორც მიწის მესაკუთრეთა უფლებების დამცველს და არა როგორც უშიშროების სპეციალისტს. ამიტომ, ამ კუთხით მას ჩვენ ვერ ვენდობით და თუ პირადად პრეზიდენტი ენდობა, იქნებ, ჯერ საკუთარი ოჯახის უშიშროების გარანტად დანიშნოს და მხოლოდ შემდეგ ანდოს მთელი ქვეყნის უსაფრთხოება-მეთქი. აი, ამ პუბლიკაციის პასუხი იყო სადილი რესტორანში და თბილი შეხვედრა. მართალია, იმ შეხვედრაზე ორმა მხარემ (სულ ხუთი ადამიანი ესწრებოდა) ერთმანეთს ვერაფერი გააგებინა – რაც მოსალოდნელიც იყო – მაგრამ მაშინ დავიმახსოვრე, რომ ვანო მერაბიშვილის მეგობრები და არამეგობრები არც ისე ადვილი ამოსაცნობია. თავი დავანებოთ ირაკლი ოქრუაშვილს, კახა ლომაიას და გიგი უგულავას; შინაგან საქმეთა მინისტრთან მათი მეგობრობის თუ მტრობის ისტორია ამ კონკრეტულ მომენტში აქტუალური აღარ არის. ახლა ზურაბ ადეიშვილის ამბავია საინტერესო: არის ის ვანო მერაბიშვილის მეგობარი? ბევრი სწორედ ასე ფიქრობს. მე პირიქით მგონია. გიგა ბოკერია? არ ვიცი – დიდი გამოცანაა. ლევან რამიშვილი? „ფეისბუკზე“ ვანო მერაბიშვილის წინააღმდეგ დაწყებულმა კამპანიამ საფიქრალი გამიჩინა. ბოლო რამდენიმე დღეა, მსურველები ერთიანდებიან ლოზუნგით: „პატრიარქს ვანო პლენში ყავს! ბავშვები გამოუშვით, ფარჩაკებო!!!“ ზუსტად ასე – სამი ძახილის ნიშნით – ვანოს ეწოდა „ფარჩაკი“ და ამ ლოზუნგმა 163 კონკრეტული სახელისა და გვარის მქონე ადამიანი გააერთიანა. მათ შორის, ლევან რამიშვილიც. შემდეგ, ერთ-ერთმა ახალგაზრდამ საჯაროდ გამოფინა შეკითხვა: „არ გეშინია ჩემი, ვანო?“. მომდევნო დღეს კი გაჩნდა ვიდეორგოლი: „კომბლე და მისი ცხვრები“. კომბლე პატრიარქია, მისი ცხვრები კი, რომლებიც ამ პატიოსანი პირუტყვისთვის დამახასიათებელ ბგერებს გამოსცემენ, პრეზიდენტი მიხეილ სააკაშვილი და სახელმწიფოს ხერხემალი – ვანო მერაბიშვილი არიან. მართალია, ეს ბოლო ვიდეორგოლი ლევან რამიშვილის გვერდზე არ მინახავს, მაგრამ თეა თუთბერიძეს ნამდვილად ჰქონდა (და, ალბათ, აქვს კიდეც) გამოფენილი. რა გამოდის? საქართველოს კათოლიკოს-პატრიარქისთვის დამიზნებული თოფი ნელ-ნელა შინაგან საქმეთა მინისტრისკენ ატრიალებს ლულას? შორიდან ასე ჩანს, რომ ხელისუფლების გავლენის სივრცეში ყალიბდება ორგანიზებული ჯგუფი – 150-მდე ადამიანი – რომელიც ანგრევს ვანო მერაბიშვილის უძლეველობის მითს, „ფარჩაკს“ უწოდებს მას და ბეკეკას ხმებს გამოაცემინებს მის ვიდეოგამოსახულებას. რაც მთავარია, ამას აკეთებენ ადამიანები, რომლებიც საკუთარ სახელებს და გვარებს არ მალავენ; აკეთებენ დემონსტრაციულად და საკმაოდ გამომწვევად. ვანო მერაბიშვილი კი დუმს და არ ვიცი, მისი ნაპირიდან ვინ როგორ მოჩანს. დუმილზე ერთი ამბავი გამახსენდა: წლების წინ, როდესაც მერაბიშვილსა და ოქრუაშვილს შორის დაპირისპირება დაიწყო, ოქრუაშვილს შეუდარებლად უკეთესი სასტარტო პოზიცია ჰქონდა: სხვა რომ არაფერი, ტელეკომპანია „რუსთავი 2“-ს პირდაპირ აკონტროლებდა, „იმედზე“ კი სერიოზული თანამოაზრე ჰყავდა ბადრი პატარკაციშვილის სახით. როდესაც სანდრო გირგვლიანის მკვლელობის ამბავი ტელეკომპანია „იმედის“ ეთერში თავისი რეალური შინაარსით „აფეთქდა“, ვიფიქრე, რომ ვანო მერაბიშვილის პოლიტიკურ ფიგურას სასიკვდილო ლახვარი დაესო. მაგრამ, ნურას უკაცრავად! შინაგან საქმეთა მინისტრმა ეს დარტყმა გადაიტანა, წელშიც გასწორდა და პოლიტიკურ მეტოქესაც გვარიანად გაუსწორდა. პროცესის ბოლოს მერაბიშვილი შეუცვლელი გახდა, ოქრუაშვილი კი – სამშობლოდან დევნილი. ჩანაფიქრი მდუმარედ, ზედმეტი ყელყელაობისა და ხმაურის გარეშე განხორციელდა. თუმცა, ის, რაც დღეს ხდება, თვისებრივად განსხვავებულია. ასეთი მრავალრიცხოვანი „შიდა“ ამბოხი, რაც მეტად პოპულარულ „ფეისბუკზე“ დაიწყო, შინაგან საქმეთა მინისტრის წინააღმდეგ ჯერ არ ყოფილა. ეს რომ თამამი ახალგაზრდების მეტ-ნაკლებად უწყინარი გართობა არ არის და პროცესში რომ სერიოზული ფიგურები არიან ჩართულნი, პირადად ჩემში ეჭვს არ იწვევს. მით უმეტეს, რომ, პარალელურად, ტელეკომპანია „იმედში“, დღის მთავარ საინფორმაციო პროგრამაში, ჩნდებიან ადამიანები მერაბიშვილთან დაპირისპირებული გუნდიდან: ნოდარ ლადარია და გიგა ზედანია. ზაფხულში ორივე მათგანი საჯაროდ აპროტესტებდა გია ჭანტურიას დანიშვნას საზოგადოებრივი მაუწყებლის დირექტორის პოსტზე, რაც ვანო მერაბიშვილის ინტერესებთან დაჯახებას ნიშნავდა. შემოდგომაზე კი ორივე „იმედის“ სახე გახდა. არადა, ჯერ კიდევ ზაფხულში შინაგან საქმეთა მინისტრის გავლენა „იმედს“ აშკარად სწვდებოდა. ახლა, როგორც ჩანს, ვეღარ სწვდება. ნეტავ, რაღაც ღრუბლისნაირი ხომ არ გამოჩნდა იქითა ნაპირის თავზე? და თუ ლულა შინაგან საქმეთა მინისტრისკენ ტრიალდება, თოფი ხელში ვის უჭირავს? ვინ არის მთავარი მეამბოხე? და რა ელის მას? აი, ამ კითხვებზე პასუხის გასაცემად მომინდა იქით ნაპირზე გადასვლა და ვანო მერაბიშვილის თვალით იქიდან აქეთ გამოხედვა. მაგრამ ეს შეუძლებელია. უნდა დაველოდოთ. ძააააალიან საინტერესო ნარკვევი Quote ლინკი სოციალურ ქსელებში გაზიარება More sharing options...
Siknadmo Posted November 6, 2009 დარეპორტება გაზიარება Posted November 6, 2009 (edited) აუუ, ეხლა ჩვენ ვარკვიოთ ნაცმაცუნების შიდა ინტრიგები, ვისი ვისაშია?ყველა მიშიტოს ირგვლივ ტრიალებს და ყველას ნაჭამი აქვს და ყველა ვანო იქნება, ბოკერია თუ ლადარია, თუ თავისუფლების ინსტიტუტუ თუ ფორუმ ჯიელი გარემოს დაცვის თანამშრომელი,მე მაინტერესებს რას მომცემს ამის ცოდნა,, რატომ უნდა ვიფიქრო ან წავიკითხო ან რატომ იწერება ასეთი სტატიები?კი ბატონო, ოპო პოლიტიკოსს შეიძლება ჰქონდეს ასეთი ინფორმაცია და ნაცმაცუნების რღვევის მოტივით გამოიყენოს თუკი ეს დაპირისპირებები რეალურია, მაგრამ მე პირადად, ამის ცოდნა სულ ცალ ფეხზე მკიდია, არ არსებობს ხელისუფლება სადაც დაპირისპირება არ იყოს, დღეს ჩვენ ვხედავთ რომ ნაცმოძრაობა მონოლითურია,თავისუფლების ინსტიტუტი, ვანოს ბრიგადა და ას. შ. არის ერთი გუნდი და გუნდის შიგნიტაც შესაძლოა იყოს გარკვეული ანტიპატიები, მაგრამ საქმე საქმეზე რომ მივა ყველა თავის საქმეს გააკეთებს Edited November 6, 2009 by Siknadmo Quote ლინკი სოციალურ ქსელებში გაზიარება More sharing options...
chegesto Posted November 6, 2009 Author დარეპორტება გაზიარება Posted November 6, 2009 არა ვანო იმ ტოტს ჭრის რაზეც ზის.... ხოდა მანდ არ ჩამოვარდეს Siknadmo ამბიციები ჩემო სიკნადმო ამბიციები :eshmak: ყველა სისტემაშია ბზარი ადრე თუ გვიან Quote ლინკი სოციალურ ქსელებში გაზიარება More sharing options...
newstudio Posted November 6, 2009 დარეპორტება გაზიარება Posted November 6, 2009 Siknadmo ყველა მიშიტოს ირგვლივ ტრიალებს და ყველას ნაჭამი აქვს და ყველა ვანო იქნება, ბოკერია თუ ლადარია,+1 chegesto არა ვანო იმ ტოტს ჭრის რაზეც ზის....და ჩვენთვის რა იცვლება რო? ამ სისტემაში ვანო იქნება თუ გრიშა, დიდი სხვაობა არაა Quote ლინკი სოციალურ ქსელებში გაზიარება More sharing options...
Private Nodari Posted November 6, 2009 დარეპორტება გაზიარება Posted November 6, 2009 რა გინდათ ვანოსგან ? Quote ლინკი სოციალურ ქსელებში გაზიარება More sharing options...
lasha1997 Posted November 6, 2009 დარეპორტება გაზიარება Posted November 6, 2009 (edited) chegesto ძააააალიან საინტერესო ნარკვევი კი საინტერესოა და მისამართი მომე რა იმ ფეიზბუკის? პ.ს. ვანოს მომრევი დღეს მიშაც არ არის. Edited November 6, 2009 by lasha1997 Quote ლინკი სოციალურ ქსელებში გაზიარება More sharing options...
chegesto Posted November 6, 2009 Author დარეპორტება გაზიარება Posted November 6, 2009 lasha1997 აუ მართლა არ ვიცი... მეც ვარ გაწევრანებული მარა ვერ ვპოულობ Quote ლინკი სოციალურ ქსელებში გაზიარება More sharing options...
newstudio Posted November 6, 2009 დარეპორტება გაზიარება Posted November 6, 2009 lasha1997 პ.ს. ვანოს მომრევი დღეს მიშაც არ არის.ძალიანაც ნუ გავაზვიადებთ ...აი რო გადააყენოს მIშამ ვანო, რა მოხდება რო?! Quote ლინკი სოციალურ ქსელებში გაზიარება More sharing options...
lasha1997 Posted November 6, 2009 დარეპორტება გაზიარება Posted November 6, 2009 მეც ვარ გაწევრანებული მარა ვერ ვპოულობ აბა ეს სტატის საიდან? Quote ლინკი სოციალურ ქსელებში გაზიარება More sharing options...
Lo Janko Posted November 6, 2009 დარეპორტება გაზიარება Posted November 6, 2009 lasha1997, ფეისბიკზე რა არის არ ვიცი, მაგრამ რადიო თავისუფლების საიტზე კი დევს http://www.tavisupleba.org/content/blog/1870883.html Quote ლინკი სოციალურ ქსელებში გაზიარება More sharing options...
Recommended Posts
შეუერთდი განხილვას
თქვენ შეგიძლიათ შექმნათ პოსტი ახლა და დარეგისტრირდეთ მოგვიანებით. თუ თქვენ გაქვთ ანგარიში, გაიარეთ ავტორიზაცია რათა დაპოსტოთ თქვენი ანგარიშით.