ჩეჩნეთის ტრანსპორტის მინისტრმა რამზან ჩერხიგოვმა და კომპანია „აზიმუტის“ ხელმძღვანელმა ედუარდ ტეპლიცკიმ განიხილეს გროზნოსა და სხვადასხვა ქალაქს, მათ შორის თბილისს შორის პირდაპირი ავიამიმოსვლის დაწყება.

„განვიხილეთ რიგი პერსპექტიული პროექტებისა. შეხვედრაზე დავსახეთ პირდაპირი ავიამიმოსვლის მიმართულებები, მათ შორის, სოჭი, ვოლგოგრადი, თბილისი და ჯიდა“, – ციტირებს მინისტრს „ჩეჩნია თუდეი“.

„აზიმუტი“ არის ერთ-ერთი რუსული კომპანია, რომელიც რუსეთიდან საქართველოში პირდაპირ რეისებს ანხორციელებს.

ნეტგაზეთი