ყველა აქტივობა

"ამ კანონმა საქართველოს მოქალაქეები უკვე დააპირისპირა. მის მოდიფიცირებას აზრი არ აქვს. ამ კანონის ნებისმიერი მოდიფიცირება არის ილუზია, კიდევ ერთი აფიორა და თაღლითობა, რომელშიც ცდილობს ახლა "ოცნება" ქართული საზოგადოება შეიყვანოს. არ არსებობს არც ერთი ობიექტური ფაქტორი, რომლითაც შეიძლება აიხსნას, რატომ დააინიცირა "ოცნებამ" ხელმეორედ ეს კანონი. საამისოდ შიდა პოლიტიკური ფაქტორები არ არსებობს. ანუ არის რაღაც გარე პოლიტიკური ფაქტორები, რასაც ჯერ ვერ გვეუბნებიან, გვიმალავენ. მხოლოდ ამით შეიძლება აიხსნას, ის თანმიმდევრული თვითდაზიანება, რომელსაც "ოცნება" ბოლო ორი თვის განმავლობაში ჯერ თავის თავს აყენებდა და დღეს ქვეყანას აყენებს, რითაც ჩიხში შეჰყავს ჯერ თავისი თავი და მერე ქვეყანა. გამოჩნდება ეს, არ დაიმალება. " გიორგი გახარია, პარტია "გახარია საქართველოსთვის" თავმჯდომარე. სრული ვიდეო:

"ოცნება" უკვე დამარცხებულია, უბრალოდ ამის გააზრების მძიმე პროცესი იწყება, ეს არის ახლა რაც ხდება. ის ადამიანი, რომელიც ამათ ალაპარაკებს, დამალულია.თუ ვინმე იცავს ამ ქვეყანასა და ტერიტორიულ მთლიანობას ბოლო 30 წლის განმავლობაში, ეს არის დასავლური, ევროპული, დემოკრატიული სამყარო. ის დასავლური, ევროპული, დემოკრატიული სამყარო ეუბნება "ოცნებას", რომ, თუ ამ კანონს მიიღებთ, მაშინ ჩვენი ურთიერთობა, როგორც ადრე, ისე ვეღარ გაგრძელდებაო. თურმე ახლა სუვერენიტეტს იცავენ... ვისგან იცავენ, ევროპელებისგან იცავენ სუვერენიტეტს და ოკუპანტისგან არ იცავენ? საერთოდ, არაადეკვატურობა ხშირ შემთვევაში, შიშისგან არის გამოწვეული. ეს შიში პირდაპირ კავშირშია, რა თქმა უნდა, არჩევნებთან და არჩევნები პირდაპირ კავშირშია ძალაუფლების დაკარგვასთან/დამარცხებასთან. იმედი მაქვს, რომ, ჩვენ, საზოგადოება, შევძლებთ ამ გამოწვევას ღირსეულად ვუპასუხოთ, პირველ რიგში, თავიდან ავირიდოთ სამოქალაქო დაპირისპირება და სამოქალაქო დაპირისპირების გარეშე მივიდეთ არჩევნებამდე, იქ გავცეთ ყველამ ერთად საკადრისი პასუხი იმ უმსგავსობას, რომელიც დღეს ჩვენს დედაქალაქში ხდება." გიორგი გახარია, პარტია "გახარია საქართველოსთვის" თავმჯდომარე.

"დიდი ხნით ხელისუფლებაში დაყოვნებული ძალა ადეკვატურობას კარგავს. ეს არის დღეს, რაც ემართება "ოცნებას". ბოლო რამდენიმე წლის და განსაკუთრებით ბოლო თვეების განმავლობაში "ოცნებას" ადეკვატურობა სრულად აქვს დაკარგული. მათი ქმედებები უკვე ანალიზს არ ექვემდებარება, ამიტომ არიან ასეთი სახიფათო. მეტიც, "ოცნება" იმდენად არაადეკვატურ მდგომარეობაშია, რომ მათ ძალაუფლების ლეგიტიმური გამოყენების უფლება, სისტემურ ტერორში ერევათ. მაგალითად - ცემა, თავდასხმები, ადამიანების დევნა, სატელეფონო ზარები... სასაცილოა, უკვე ჩემი ოჯახის წევრებსაც ურეკავენ, რომლებიც გუშინდელ აქციაზე იყვნენ. ეს არის უკვე ჩვეულებრივი ტერორი. ვინ ვინ და მე ძალიან კარგად ვიცი ეს ყველაფერი როგორ ორგანიზდება, როგორ არის შესაძლებელი დაორგანინზდეს. როდესაც შენ ძალაუფლების შენარჩუნებას აყენებ ყველაზე მაღლა და ნებისმიერი ფასის გადამხდელი ხარ ამისთვის, მაშინ იწყება სრული დეგრადაცია, რასაც ახლა ჩვენ ვხედავთ "ოცნებასთან" დაკავშიერებით. სახელმწიფო ინსტიტუტები, რომლებსაც მართლწესრიგის და სიმშვიდის დაცვა უნდა ევალებოდეთ, გამოყენებულია ტერორისთვის, ადამიანების ფიზიკური და ფსიქოლოგიური ძალადობისთვის, იმისთვის, რომ როგორმე ადამიანები დააშინონ და არჩვენებზე მიიღონ რაღაც პროცენტით მეტი ხმა." გიორგი გახარია, პარტია "გახარია საქართველოსთვის" თავმჯდომარე.

შინაგან საქმეთა სამინისტროს განცხადებით, დღეს, 13 მაისს პარლამენტთან 20 ადამიანი დააკავეს პოლიციის მიერ ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად. ეს მუხლები წვრილმან ხულიგნობას და პოლიციის მოთხოვნის დაუმორჩლებლობას გულისხმობს. შსს-ის ცნობით, დაკავებულთაგან სამი პირი უცხო ქვეყნის მოქალაქეა, კერძოდ, 2002 წელს დაბადებული რუსეთის ფედერაციის მოქალაქე გ.ბ., ასევე, ამერიკის შეერთებული შტატების მოქალაქე 1995 წელს დაბადებული პ.ჰ. და ამავე ქვეყნის კიდევ ერთი მოქალაქე, რომელმაც უარი განაცხადა საკუთარი ვინაობის დასახელებაზე და მოითხოვა საქართველოში ამერიკის შეერთებული შტატების საელჩოსთან დაკავშირება. უწყების ცნობით, ამ პირების დაკავების თაობაზე უკვე ეცნობათ ამერიკის შეერთებული შტატებისა და შვეიცარიის კონფედერაციის საელჩოებს. პუბლიკა

საქართველოს ახალგაზრდა იურისტთა ასოციაცია სპეცრაზმელების მიერ მოქალაქის ცემის კადრებს ეხმაურება და მოუწოდებს შინაგან საქმეთა მინისტრს, დაუყოვნებლივ გააკეთოს განცხადება მომხდართან დაკავშირებით. სპეციალური საგამოძიებო სამსახურის უფროსს, კოკა კაციტაძეს, ჩაატაროს ეფექტიანი გამოძიება 2024 წლის 13 მაისის დილით მომხდარ ძალადობის ფაქტებზე, ვინაიდან ამ უწყების არასათანადო რეაგირება, ასევე, თამაშობს წამახალისებელ როლს სამართალდამცავთა მიერ ჩადენილ სერიოზულ უფლება დარღვევებზე”, – ნათქვამია განცხადებაში. ცოტა ხნის წინ გავრცელდა ვიდეო-კადრები, სადაც ჩანს, რომ სპეცრაზმი სავარაუდოდ დაკავებულ მოქალაქეს ფიზიკურად უსწორდება. პუბლიკა

იურიდიულმა კომიტეტმა კანონპროექტი მესამე მოსმენით უკვე მიიღო. სხდომა ერთ წუთსა და 6 წამს გაგრძელდა – 09:01:10 საათზე გაიხსნა და 09:02:16-ზე დაიხურა. რეგლამენტის მიხედვით, მესამე მოსმენაზე მხოლოდ რედაქციული ხასიათის შენიშვნებს განიხილავენ. ანრი ოხანაშვილმა დეპუტატებს განუცხადა, რომ მათ დარიგებული ჰქონდათ რედაქტირებული ვერსია, რის შემდეგაც საკითხი კენჭისყრაზე დააყენა და კენჭი უყარა. კანონპროექტი მესამე მოსმენით პლენარულ სხდომაზე უნდა განიხილონ. მესამე მოსმენაზე კენჭისყრის შემდეგ კანონპროექტი საბოლოოდ მიღებული იქნება. ამის შემდეგ პარლამენტის მიღებული კანონი ხელმოსაწერად პრეზიდენტს გადაეგზავნება. უკვე ცნობილია, რომ პრეზიდენტი კანონს ხელს არ მოაწერს და მას ვეტოთი პარლამენტს დაუბრუნებს. ვეტოს დასადებად სალომე ზურაბიშვილს 14 დღე აქვს. პარლამენტში დაბრუნების შემდეგ პარლამენტი განიხილავს პრეზიდენტის ვეტოს, რის შემდეგაც ხელახლა უყრის კენჭს კანონპროექტს. ვეტოს დასაძლევად საპარლამენტო უმრავლესობას ხმათა საკმარისი რაოდენობა აქვს. ვეტოს დაძლევის შემთხვევაში კანონი ხელმოსაწერად კვლავ პრეზიდენტს დაუბრუნდება. თუ პრეზიდენტი ხელს არ მოაწერს, მას ხელს მოაწერს და გამოაქვეყნებს პარლამენტის თავმჯდომარე. პუბლიკა

ხელისუფლების მოვალეობა არის მოქალაქეების დაკვეთის, სიტყვის შესრულება და არა ცალკეული ადამიანების დავალებების შესრულება. ეს აღარ ესმის ამ ხალხს, მათ უკვე ლეგიტიმაცია აღარ აქვთ, ფაქტობრივად რა პოლიტიკური რესურსი გააჩნდათ გაანიავეს. მოვუწოდებ ყველას, პროკურატურას, სპეციალურ საგამოძიებო სამსახურს, შინაგან საქმეთა სამინისტროს, რომ არ დაუშვან, არ დაარღვიონ აი ამ ადამიანების გამოხატვის თავისუფლება. რა თქმა უნდა, არ შეიძლება მოხდეს ძალადობა, მუქარა მოქალაეების მიმართ, ეს არის კატეგორიულად მიუღებელი და დაუშვებელი. მიშა დაუშვილი, საპარლამენტო პოლიტიკური ჯგუფი “საქართველოსთვის” წევრი. ვიდეო: https://www.facebook.com/ForGeoGe/videos/1386791502002432/

პარტია "გახარია საქართველოსთვის": "ხელისუფლებამ დღეს ხალხის მიმართ ძალადობა კიდევ ერთხელ დააანონსა. გუშინ ხალხის მიერ მოპოვებულ გამარჯვებას დამარცხებულმა „ოცნებამ" კვლავ ძალადობის მუქარა წინმსწრებად დაუპირისპირა. ივანიშვილი ჯერ პრემიერ-მინისტრის და შემდეგ შინაგან საქმეთა მინისტრის პირით საქართველოს მოქალაქეებს დასჯით დაემუქრა. ე.წ. დამოუკიდებელი სახელმწიფო ინსტიტუტების - საქართველოს პროკურატურის, სპეციალური საგამოძიებო სამსახურის მენეჯმენტს და სახალხო დამცველს, შევახსენებთ მათ მანდატს და მოვუწოდებთ, შეასრულონ კანონით განსაზღვრული ვალდებულება და დროული რეაგირებით თავიდან აიცილონ მძიმე შედეგები. უმოქმედობა საკუთარი ხალხის წინააღმდეგ ხელისუფლების დანაშაულში თანამონაწილეობაა, რაზეც პასუხისმგებლობას დაეკისრება ყველა პასუხისმგებელ პირს. მოვუწოდებთ აქციის მონაწილეებს, არ წამოეგონ ხელისუფლების თუ სხვა აქტორების პროვოკაციებს (რომელიც, როგორც სჩანს, მრავლად იქნება). საქართველოს მოქალაქეებმა უნდა გავაგრძელოთ უწყვეტი მშვიდობიანი პროტესტი არჩევნებამდე. ეს არის ის, რისიც „ოცნებას“ ყველაზე მეტად ეშინია. ეს არის ის, რაც გადაარჩენს საქართველოს ევროპულ მომავალს და აგვარიდებს სამოქალაქო დაპირისპირებას.", - ნათქვამია განცხადებაში.

"როგორც დაგპირდით, ვაგრძელებ ყველა უმოქმედო უწყებისთვის მისი ვალდებულებების შეხსენებას. ყველაზე არასახალხო დამცველის, ლევან იოსელიანის ჯერიც დადგა. მშვიდობიანი მომიტინგეების მიმართ არალეგიტიმური და არაპროპორციული ძალის გამოყენებაზე ძლივს გაინძერით, უსუსტესი განცხადებით. დღეს პრემიერი და შინაგან საქმეთა მინისტრი ხალხს დაემუქრა. თქვენ შეიძლება არ იცით, მაგრამ თქვენმა კომპეტენტურმა თანამშრომლებმა, რომლებთანაც წლები ვთანამშრომლობდი, იციან 222-ე მუხლის შინაარსი. მათვე კარგად იციან, რომ თქვენ არ ასრულებთ სახალხო დამცველის მოვალეობას ქვეყანაში, სადაც ადამიანებს არც ერთი ინსტიტუტისგან დაცვის იმედი არ აქვთ. ამიტომ, გაიარეთ კონსულტაცია მაგ ხალხთან და იქნებ დარწმუნდეთ, რომ უნდა გამობრძანდეთ, ბრიფინგი ჩაატაროთ და ხელისუფლებას მოუწოდოთ უკანონობის აღკვეთისკენ. თუ ისევ აპირებთ უკვე ნაცემ ხალხზე თქვათ, რომ პროცესებს აკვირდებით (რასაც 1 წელია აკეთებთ)." ნათია მეზვრიშვილი, პარტია "გახარია საქართველოსთვის" თავმჯდომარის მოადგილე. ბმული: https://www.facebook.com/natia.mezvrishvili.9/posts/25643814315232014

"დიდი ხნით ხელისუფლებაში დაყოვნებული ძალა, ადეკვატურობას კარგავს " გიორგი გახარია, პარტია "გახარია საქართველოსთვის" თავმჯდომარე. ვიდეო სრულად იხილეთ:

ქართული არასამთავრობო ორგანიზაციების განცხადებით, ხელისუფლების მიერ მეორე მოსმენით მიღებული კანონპროექტი საკუთარი მიზნებითა და შინაარსით არის რუსული, მიმართულია ქართველი ხალხის დასავლური კურსის წინააღმდეგ და ის უპირობოდ უნდა იქნას უკან გაწვეული. განცხადებს ხელს აწერს: ა(ა)იპ “ტოლერანტობის სამყარო” ა(ა)იპ “ადამიანის უფლებების განვითარების ფონდი” ადამიანის უფლებათა ცენტრი (HRC) ასოციაცია მერკური ახალქალაქის ბიზნეს ცენტრი განათლების და განვითარების ცენტრი თოლისკური გერგარტი გორელ ფოტოგრაფთა კლუბი გურიის სამოქალაქო ცენტრი დემოკრატიის ინსტიტუტი დემოკრატიის კვლევის ინსტიტუტი (DRI) დემოკრატიის მცველები ევროპის ფონდი ევროპულ-ქართული ინსტიტუტი ეკონომიკური პოლიტიკის კვლევის ცენტრი (EPRC) ვი2თექ ჯორჯია ზ/სვანეთის ადგილობრივი განვითარების ჯგუფი თავისუფალ ჟურნალისტთა სახლი თაობათა გაძლიერების ქსელი (GEN) თბილისი პრაიდი თბილისის ადამიანის უფლებათა სახლი ინფორმაციის თავისუფლების განვითარების ინსტიტუტი (IDFI) ირის ჯგუფი – მრავალფეროვნების მართვა კავკასიის ეკომეწარმეთა ასოციაცია კავკასუს პრინციპიუმი კოალიცია მოძრაობა ცვლილებებისათვის კომლი ლომეკი მარგარეტ ტეტჩერის ცენტრი საქართველოში მედია აპრილი მიშგოვ ლარდა (ზემო სვანეთი) მმართველობის მონიტორინგის ცენტრი მოძრაობა „ინკლუზიური საზოგადოება – საქართველო” მრავალპარტიული დემოკრატიის ცენტრი (EECMD) მშვიდობისა და ინტეგრაციის საერთაშორისო ცენტრი მშობლები განათლებისთვის მწვანე ალტერნატივა მწვანე სექტორი მხარდაჭერის და შესაძლებლობის განვითარების ცენტრი ნეო ტვ ოჯახები დისკრიმინაციის წინააღმდეგ პარტნიორობა ადამიანის უფლებებისთვის (PHR) პარტნიორობა განათლებისა და კომუნიკაციისთვის პარტნიორობა სოციალური კეთილდღეობისათვის პსკ პლატფორმა სალამ პრევენცია პროგრესისთვის რაჭის სათემო ორგანიზაცია რეფორმებისა და კვლევის ჯგუფი (RRG) საბჭოთა წარსულის კვლევის ლაბორატორია საერთაშორისო გამჭვირვალობა საქართველო საზოგადოებრივი მოძრაობა “მწვანეები” საზოგადოებრივი ხელოვნების პლატფორმა სამართლიანი არჩევნებისა და დემოკრატიის საერთაშორისო საზოგადოება (ISFED) სამოქალაქო აქტივობისა და რეგიონული განვითარების ცენტრი სამოქალაქო თანასწორობის პლატფორმა სამოქალაქო იდეა სამოქალაქო მოძრაობა თავისუფლებისთვის სამოქალაქო საზოგადოების ინსტიტუტი სამოქალაქო საზოგადოების ფონდი სამოქალაქო ჩართულობისა და აქტივიზმის ცენტრი (CEAC) საორსა საფარი საქართველოს ახალგაზრდა იურისტთა ასოციაცია საქართველოს გაეროს ასოციაცია საქართველოს დაუნის სინდრომის ასოციაცია საქართველოს დემოკრატიული ინიციატივა (GDI) საქართველოს ევროპული ორბიტა საქართველოს მედია-კლუბი საქართველოს პენცენტრი საქართველოს ჟურნალისტური ეთიკის ქარტია საქართველოს რეფორმების ასოციაცია (GRASS) საქართველოს სასამართლოს გუშაგი (Court Watch) საქართველოს სასოფლო დარბაზი საქართველოს სტრატეგიისა და საერთაშორისო ურთიერთობების კვლევის ფონდი საქართველოს ქალთა დემოკრატიის ქსელი სახეობათა კონსერვციის ცენტრი “ნაკრესი” სოციალურ მეცნიერებათა ცენტრი სოციალური სამართლიანობის ცენტრი ტოლერანტობის და მრავალფეროვნების ინსტიტუტი (TDI) უფლებები საქართველო ფემეა ფემინა ფონდი აურეს ფონდი გლობალური ინიციატივა ფსიქიატრიაში-თბილისი ფორსეტი ფსიქოლოგიური მხარდაჭერა საქართველოში Psychological Assistance Georgia ქალები საქართველოდან ქალთა ინიციატივების მხარდამჭერი ჯგუფი ქალთა ორგანიზაცია-კავშირი “პაროს” ქართული მედია ჯგუფი ქვემო ქართლის მედია ქვიარ ასოციაცია – თემიდა ღია სივრცე კავკასია ყვარლის ევროკლუბი შშმ ბავშვთა მშობელთა კავშირი ,,ლამპარი” ჩემი იმერეთი ცვლილებები თანაბარი უფლებებისათვის ცოდნის კაფე წამების მსხვერპლთა ფსიქოსოციალური და სამედიცინო რეაბილიტაციის ცენტრი -GCRT CENN GABP – საქართველოს სხეულზე ორიენტირებული ფსიქოთერაპიის ასოციაცია GrlzWave Gundelik პუბლიკა

სამედიცინოს სტუდენტებმა დღეს განცხადება გააკეთეს და აღნიშნეს, რომ ორშაბათს გაფიცვას შეუერთდებიან. მათ დადეს საჯარო ფიციც და თქვეს, რომ არასდროს ერქმევათ, რუსეთის ექიმები. ვფიცავთ, რომ ჩვენს თეთრ ხალათს არ გადავათელინებთ რუსულ ჩექმას, ვფიცავთ, რომ არასდროს დავირქმევთ რუსეთის ექიმებს; ვფიცავთ, რომ ჩვენ აუცილებლად შეგიყვანთ თეთრი ხალათებით ევროპაში; ვფიცავთ, ვფიცავთ, ვფიცავთ”, – აღნიშნეს მათ. პუბლიკა

შინაგან საქმეთა მინისტრი, ვახტანგ გომელაური ამბობს, რომ პარლამენტის პიკეტირების შემთხვევაში, აქციის მონაწილეებს 4-წლიანი პატიმრობა დაემუქრებათ. ამის შესახებ მან სპეციალურ ბრიფინგზე განაცხადა. მისი თქმით, განსაკუთრებული მნიშვნელობის ობიექტის ჯგუფურად ბლოკირება, რამაც შეაფერხა ან შეეძლო შეეფერხებინა ამ ობიექტის ნორმალური მუშაობა, ისჯება თავისუფლების აღკვეთით 4 წლამდე.

საქართველოს შოთა რუსთაველის თეატრისა და კინოს სახელმწიფო უნივერსიტეტის სტუდენტები რუსული კანონის გაწვევის მოთხოვნით საერთო სტუდენტურ გაფიცვას უერთდებიან. გაფიცვის შესახებ უკვე დააანონსეს თსუ-ის, ილიაუნის, სამხატვრო აკადემიის, ჯიპას, ალტე უნივერსიტეტის, კავკასიის უნივერსიტეტის, საქართველოს უნივერსიტეტის, სულხან-საბა ორბელიანის უნივერსიტეტის, საქართველოს ეროვნული უნივერსიტეტის, თავისუფალი და აგრალური უნივერსიტეტებისა და ბათუმის სახელმწიფო უნივერსიტეტების სტუდენტურმა ჯუფებმა. გაფიცვას უერთდებიან სტუდენტები: 1. შალვა ბრეგაძე 1. მაშო მაყაშვილი 2. ანა ბურდული 3. ლილიკო ბარათელი 4. ნია გუგავა 5. ქეთი ჯავახიშვილი 6. ქეთი შარაშენიძე 7. ნინო დვალი 8. დაჩი ცაავა 9. ბექა რუხაძე 10. დურმიშხან ჩაჩავა 11. ნიკა ოდიშელიძე 12. ლიკა წიქარიძე 13. ლუკა ჩიხუბაია 14. ლიზა ლალიაშვილი 15. ბაია კერესელიძე 16. ნინი გოგია 17. გიორგი გიორგაძე 18. სალომე ქშუტაშვილი 19. თეთე ბერძენიშვილი 20. ტატო წიქარიძე 21. ელენე მინდიაშვილი 22. ნანა ახვლედიანი 23. ანა კუპატაძე 24. თამარ ქირია 25. ნია კერესელიძე 26. ელენე ქარჩხაძე 27. სოფიო კობალაძე 28. ანა კოპაძე 29. ნინო შამათავა 30. ლუკა თოიძე 31. შაკო სირბილაშვილი 32. გიორგი ხაბეიშვილი 33. გიგი აბშილავა 34. თორნიკე ნუკრაძე 35. ნინო ჩადუნელი 36. ეკატერინე ყიფიანი 37. ანი ბერაია 38. იანა ხავთასი 39. ანამარია აივაზოვი 40. თეო კვარაცხელია 41. ნიკა გუგუნავა 42. ნატული ვაჩეიშვილი 43. ნიკო გოგიჩაიშვილი 44. მარიამ თამლიანი 45. ნინო ბიბილეიშვილი 46. დქრისტინა ჩაკვეტაძე 47. ნიკი ტაბაშიძე 48. სანდრო ფოლოდაშვილი 49. მარიამ ბოლქვაძე 50. ნატო მწარიაშვილი 51. თეკლა თალაკვაძე 52. ელენე ბედოშვილი 53. ილია ზარდიაშვილი 54. ნიკოლოზ მაჩაბელი 55. კესო ავალიშვილი 56. ქეთევან ხოჯანაშვილი 57. მარიამ ხუციშვილი 58. ნინო კალანდაძე 59. ანასტასია გოგბერაშვილი 60. გიგა რაზმაძე 61. ლუკა გოჯორაშვილი 62. მარიამ ვეკუა 63. ლალი გოგიძე 64. ნიკა სივსივაძე 65. ნინო ჩირგაძე 66. საბა მგელაძე 67. თამთა ქარდავა 68. თორნიკე ლაზაშვილი 69. ლუკა ჯაფარიძე 70. თინათინ პაიჭაძე 71. მანუ თავაძე 72. შოთა მუსერიძე 73. საბა ფილიშვილი 74. ლიკა ნარუსლიშვილი 75. ლიზი ბურჭულაძე 76. ქრისტინე ლაცაბიძე 77. დიმიტრი შიუკაშვილი 78. მარიამ ყიფიანი 79. ელენე ცაგარეიშვილი 80. ამალია გაფრინდაშვილი 81. ჯემალი მეტრეველი 82. საბა ჩარკვიანი 83. ლუკა კობიძე 84. გიორგი სხილაძე 85. საბა ნუცუბიძე 86. თეიმურაზ მამისაშვილი 87. ნინი ანდრონიკაშვილი 88. საბა გუჯაბიძე 89. ნიკოლოზ ტყავაძე 90. მარიამ ბურდული 91. ნინო ნოზაძე 92. ონისე კვაჭაკიძე 93. ნუგო შულაია 94. მარიამ კვიჟინაძე 95. მარიამ გუგავა 96. მარი ენგურელი 97. ლიზი მაჭავარიანი 98. ანი ჭეჟია 99. ანი ბუბუტეიშვილი 100. ანასტასია ჩერნეცოვა 101. ირაკლი მარგიშვილი 102. მარიამ ხეხელაშვილი 103. თორნიკე ქავთარაძე 104. მარიამ ბელთაძე პუბლიკა

თავისუფალი და აგრარული უნივერსიტეტების სტუდენტები განცხადებას ავრცელებენ, როემლშიც ნათქვამია, რომ ისინი საერთო სტუდენტების პროტესტს უერთდებიან. გაფიცვის შესახებ უკვე დააანონსეს თსუ-ის, ილიაუნის, სამხატვრო აკადემიის, ჯიპას, ალტე უნივერსიტეტის, კავკასიის უნივერსიტეტის, საქართველოს უნივერსიტეტის, სულხან-საბა ორბელიანის უნივერსიტეტის, საქართველოს ეროვნული უნივერსიტეტისა და ბათუმის სახელმწიფო უნივერსიტეტების სტუდენტურმა ჯუფებმა. პუბლიკა

კავკასიის უნივერსიტეტის სტუდენტები საერთო სტუდენტურ პროტესტს უერთდებიან და სასწავლო პრეცესის შეწყვეტას აანონსებენ. გაფიცვის შესახებ უკვე დააანონსეს თსუ-ის, ილიაუნის, სამხატვრო აკადემიის, ჯიპას, ალტე უნივერსიტეტის, კავკასიის უნივერსიტეტია და ბათუმის სახელმწიფო უნივერსიტეტების სტუდენტურმა ჯუფებმა. პუბლიკა

„საქართველოს უნივერსიტეტის“ სტუდენტები გაფიცვას აანონსებენ და გეგმავენ რუსული კანონის წინააღმდეგ საპროტესტო აქციებს შეუერთდნენ. გაფიცვის შესახებ უკვე დააანონსეს თსუ-ის, ილიაუნის, სამხატვრო აკადემიის, ჯიპას, ალტე უნივერსიტეტის, კავკასიის უნივერსიტეტისა და ბათუმის სახელმწიფო უნივერსიტეტების სტუდენტურმა ჯუფებმა. პუბლიკა

პრეზიდენტი სალომე ზურაბიშვილი „ქართულ ოცნებას“ სთავაზობს კანონის ამოქმედების ვადა პირველი ნოემბრისთვის, არჩევნების მერე გადაიტანონ.

პრეზიდენტი სალომე ზურაბიშვილი ამბობს, რომ რუსულ კანონს ვეტოს დაადებს, მაგრამ “არ შევა მანიპულაციებში და არ დაიწყებს თამაშს”. ასე უპასუხა მან პრემიერ-მინისტრ ირაკლი კობახიძის განცხადებას, რომ ვეტოსთან ერთად, შენიშვნების მიღების შემთხვევაში, შესაძლოა, რუსულ კანონთან დაკავშირებით პოზიციები შეჯერდეს. სალომე ზურაბიშვილი ამბობს, რომ პრემიერის მცდელობა, ვეტოს პროცედურის ფარგლებში რუსულ კანონის დაინიციირებულ ვერსიაში ცვლილებები შევიდეს, საზოგადოებაში დაბნეულობას გააჩენს. ამიტომ, სავარაუდოა, რომ ის ვეტოს უფლებას კანონპროექტში შინაარსობრივი შენიშვნების გარეშე გამოიყენებს. 10 მაისს, ტელემედიისთვის გამართულ ბრიფინგზე ირაკლი კობახიძემ განაცხადა, რომ ვეტოს პროცედურის ფარგლებში შესაძლოა “პოზიციები შეჯერდეს” რუსულ კანონთან დაკავშირებით. მისი თქმით, ამასთან დაკავშირებით საუბარი ჰქონდა საერთაშორისო პარტნიორებთან. მიზეზი, რის გამოც, ამის შესახებ საერთაშორისო პარტნიორებს ესაუბრა, კობახიძის თქმით, არის ის, რომ “სალომე ზურაბიშვილი თვითონ არ წერს ხოლმე საკუთარ ვეტოს კანონპროექტებს – ან ენჯეოები უწერენ, ან გარედან უწერენ”. რუსული კანონს მესამე მოსმენით იურიდიულ საკითხთა კომიტეტი ხვალ, 13 მაისს განიხილავს. საპარლამენტო უმრავლესობას კანონპროექტის პლენარულ სხდომაზე მიღება 14 მაისს აქვს დაგეგმილი. პარალელურად, გრძელდება ანტირუსული პროტესტი საქართველოს ევროპული პერსპექტივის მხარდასაჭერად. მოქალაქეები დღეს, 12 მაისს, 22:00 საათიდან იკრიბებიან პარლამენტთან და აპირებენ, ღამე “გაათენონ საქართველოსთვის”, რათა დილით, საკანონმდებლო ორგანოსთან მისულ დეპუტატებს შენობასთან დახვდნენ. ნეტგაზეთი

„ეს კანონი რუსულია და ვერანაირი კითხვა „აბა რა არის ამ კანონში რუსული?“ ამას ვერ შეცვლის – წერეთ და იკითხეთ“,- განაცხადა დღევანდელ ბრიფინგზე პრეზიდენტმა სალომე ზურაბიშვილმა. პრეზიდენტი გამოეხმაურა პრემიერ-მინისტრის დღევანდელ ბრიფინგსაც და თქვა, რომ კობახიძის დღევანდელი გამოსვლაც რუსული იყო.

საქართველოს პრეზიდენტი, სალომე ზურაბიშვილი „უცხოური გავლენის გამჭვირვალობის“ შესახებ კანონპროექტის მოწინააღმდეგეებს „ძალიან დიდი სიფრთხილისკენ“ მოუწოდებს. მისი თქმით, საქართველოს პრემიერ-მინისტრის გამოსვლებში იკითხება, რომ „ქართული ოცნება“ აღნიშნული კანონპროექტის მოწინააღმდეგის მიმართ აქციებზე „პროვოკაციების მოწყობას“ გეგმავენ. „მინდა მოგმართოთ [მომიტინგეებს], რომ თქვენ იცოდეთ და ეს იკითხება ასევე, პრემიერის სიტყვებში და რამდენიმე სხვა გამოსვლებში, არის რაღაცა გეგმები, რომელიც ნამდვილად ვერ გაამართლებს, მაგრამ არის რაღაც გეგმები, რომ პროვოკაციები მოაწყონ და თქვენც ჩაგითრიონ. ასე რომ, მე მინდა, რომ მოგიწოდოთ ძალიან დიდი სიფრთხილისკენ, რაც არ არის შიში, მაგრამ სიფრთხილე. რომ არავინ გამოგიწვიოთ თქვენ ამ პროვოკაციებში. ვიცი, რომ ჩანს და უკვე ვნახეთ, თუ რამდენად (კიდევ ერთხელ) შეგნებული, მშვიდობიანი იყო, ყველა ეს გამოსვლები. ეს არის საქართველოს საზოგადოება, ეს არის ის საზოგადოება, რომელიც გვიჩვენებს, რომ ჩვენ ვართ ღირსი თავისუფალი, დემოკრატიული და ევროპული მომავლის“, - განაცხადა პრეზიდენტმა. იპნ

გუშინ საქართველომ კიდევ ერთხელ აჩვენა მსოფლიოს და გვიჩვენა ჩვენ, ყველას ძლიერად, მშვიდობიანად,დამაჯერებლად, რომ არ დაუშვებს ევროპული მომავლის კითხვის ნიშნის ქვეშ დაყენებას, რომ არ დაუშვებს „რუსულ კანონს“. ეს არის და ეს, ამას ვერაფერი ვერ შეცვლის, ვერანაირი გათვლა თუ გადათვლა, - ამის შესახებ პრეზიდენტმა, სალომე ზურაბიშვილმა დღევანდელ ბრიფინგზე განაცხადა. პრეზიდენტის თქმით, სასაცილოა, როცა პოლიტიკოსები ვითომ მაღალი IQ-თი ითვლიან აქციაზე მყოფი ხალხის რაოდენობას. „ძალიან სასაცილოა, როცა პოლიტიკოსები ვითომ მაღალი IQ-თი ითვლიან და ვეღარ ითვლიან, თუ რამდენი ადამიანი იყო. არაფერი დათვლა არ არის საჭირო. ყველას წინაშე წარსდგა ის საზოგადოება, რომელიც ნამდვილად ამზადებს ხვალინდელ დღეს. ხელისუფლებამ თავისი მხრიდან აჩვენა დაბნეულობა. აჩვენა, რომ არ აქვს ამ რაოდენობის ხალხის წინაშე არანაირი სტრატეგია, თუ არა ის, რაც ასეთ ხელისუფლებას ახასიათებს, როცა უკვე მას ხალხის ნდობა აღარ აქვს“,- განაცხადა პრეზიდენტმა. პრეზიდენტის თქმით, რცხვენია, როდესაც პარლამენტის წევრი ნაცნობებისგან "წარმოუდგენელ სიტყვებს ისმენს", რაც მხოლოდ და მხოლოდ იმის ნიშანია, რომ დაშინებული არიან. „ტყუილი, მანიპულაცია, მიხრა-მოხრა, რომ გაუგებრობა შეიქმნას, მაგრამ ეს გაუგებრობა ვერ იქნება. ტყუილს მიჩვეული ვართ, ვიცით, რომ ეს რუსული კანონი ერთხელ უკვე გაიწვიეს, დაგვიფიცეს, რომ არა, აღარ იქნება, არასდროს აღარ შემოვიტანთო, არამხოლოდ ჩვენ, ასევე ჩვენს უცხოელ პარტნიორებსაც უთხრეს და ისევ დააყენეს ეს საკითხი, რომელიც რეალურად, არავის სჭირდებოდა. მხოლოდ მათთვის არის, რომ ჩვენ რაც გვინდა, იმას ვაკეთებთ და არავის, არც შიგნით და არც გარეთ, არ ვემორჩილებით. აგერ საზოგადოების პასუხი... მანიპულაცია არის, როდესაც ერთი ხელით რაღაცაზე საუბრობ, რომ რაღაც დიალოგი, ცვლილებებია და მეორე ხელით, ის რაც გავიგონეთ პრემიერის სიტყვებით, ძალადობა, დაშინება, ტერორი, დაპატიმრება, სრულიად უდანაშაულო ადამიანების, ვერავის დაარწმუნებთ იმაში,რომ ეს ახალგაზრდები რაღაც დიდ კონსპირაციებს აწყობდნენ. თქვენ თვითონაც არ გჯერათ, შანტაჟები და წარმოუდგენელი შეურაცხყოფა. მრცხვენია, როცა ვკითხულობ პარლამენტის წევრებისგან, ვიღაცებისგან, რომელსაც შეიძლება ოდესღაც ვიცნობდი, წარმოუდგენელ სიტყვებს, რაც არის მხოლოდ და მხოლოდ ერთი რამის ნიშანი, რომ უკვე დაშინებული არიან თვითონ შინაგანად, ეს არის სწორედ იმ შინაგანი მდგომარეობის საშინელი გამოხატვა. როგორც ჩანს, ისიც ვერ გაიგეთ, რომ აქ კი, „რუსულ კანონზე“ არის საუბარი, ის კანონი არის რუსული. ვერანაირი კითხვა, აბა რა არის ამ კანონში რუსული, ამას ვერ შეცვლის. თქვენ იკითხეთ და წერეთ, ეს კანონი არის რუსული“,- განაცხადა პრეზიდენტმა. იპნ

ჯიპას სტუდენტური მოძრაობა განცხადებას ავრცელებს, რომელშიც ნათქვამია, რომ ისინი აპირებენ პროტესტის უკიდურეს ფორმას მიმართონ და უარი თქვამ აკადემიური პროცესის ჩვეულ რეჟიმში წარმართვაზე. როგორც განცხადებაშია ნათქვამი, ხელმომწერი სტუდენტები უერთდებიან საერთო-სახალხო პროტესტს რუსთაველის გამზირზე და წყვეტენ აკადემიურ პროცესს რუსული კანონის გაწვევამდე.

თბილისის სახელმწიფო სამხატვრო აკადემიის სტუდენტთა ჯგუფი განცხადებას ავრცელებს, რომელშიც წერს, რომ რუსულ კანონს აპროტესტებენ, საერთო სტუდენტურ ინიციატივას უერთდებიან და ორშაბათიდან აუდიტორიებში აკადემიური პროცესის განახლებაზე უარს აცხადებენ.

იმედი მაქვს, რომ აქ საუბარი საქართველო-ამერიკის შეერთებული შტატების არა ხელოვნურად დაშორებაზე, არამედ დაახლოებაზე იქნება, - ამის შესახებ საქართველოს პრემიერ-მინისტრმა, ირაკლი კობახიძემ განაცხადა, რითაც უპასუხა შეკითხვას, თუ რას ელოდება ის აშშ-ის სახელმწიფო მდივნის თანაშემწე ევროპისა და ევრაზიის საკითხებში, ჯიმ ობრაიენის საქართველოში ვიზიტისგან. კობახიძის თქმით, თუ საუბარია სტრატეგიულ პარტნიორობაზე, საუბარი უნდა იყოს ისეთი ტიპის დაახლოებაზე, როგორიც არის პირდაპირი ფრენები, თავისუფალი ვაჭრობა, ვიზალიბერალიზაცია. „იმედი მაქვს, რომ აქ საუბარი საქართველო-ამერიკის შეერთებული შტატების არა ხელოვნურად დაშორებაზე, არამედ დაახლოებაზე იქნება. თუ საუბარია სტრატეგიულ პარტნიორობაზე, საუბარი უნდა იყოს ისეთი ტიპის დაახლოებაზე, როგორიც არის პირდაპირი ფრენები, თავისუფალი ვაჭრობა, ვიზალიბერალიზაცია - ეს იქნებოდა სწორი დამოკიდებულება ქართველი ხალხის მიმართ და იმედი მაქვს, ასეთი გზავნილებით ჩამოდის ო ბრაიენი“, - აღნიშნა კობახიძემ. კითხვაზე, ამ მოცემულობით არის თუ არა ამერიკა სტრატეგიული პარტნიორი, პრემიერმა აღნიშნა, რომ სტრატეგიული პარტნიორობა გამოხატული უნდა იყოს კონკრეტული ქმედითი ნაბიჯებით, და ასეთი ნაბიჯები იქნებოდა - ვიზალიბერალიზაცია, პირდაპირი ფრენების მხარდაჭერა და თავისუფალი ვაჭრობის შეთანხმების ხელმოწერა. „სტრატეგიული პარტნიორობა გამოხატული უნდა იყოს კონკრეტული ქმედითი ნაბიჯებით, და ასეთი ნაბიჯები იქნებოდა - ვიზალიბერალიზაცია, პირდაპირი ფრენების მხარდაჭერა და თავისუფალი ვაჭრობის შეთანხმების ხელმოწერა, რასთან დაკავშირებითაც ჩვენ გვაქვს ენთუზიაზმი და მოწოდებები, თუმცა იქიდან ვერ ვიღებთ შესაბამის პასუხს, რაც სამწუხაროა“, - განაცხადა კობახიძემ. ცნობისთვის, აშშ-ის სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენი უახლოეს დღეებში საქართველოს ეწვევა. იპნ