Search the Community

დღეს youtub-იზე გაჩნდა ვიდეომიმართვა, რომელიც ეხებოდა საქართველოსთვის ჯიჰადის გამოცხადებას ავღანელების მხრიდან. newstoday დაუკავშირდა ახალგაზრდა კავკასიოლოგ ბატონ ალეკო კვახაძეს. გთავაზობთ მის მოსაზრებას ამ ვიდეოსთან დაკავშირებით. რამდენიმე საყურადღებო დეტალი “ჯიჰადის” ვიდეოდან: 1. ვიდეოს ავტორს, ვინმე Hammad Zaman-ს საცხოვრებელ ადგილად მითითებული აქვს შემდეგი დასახლებული პუნქტი: Herati, Helmand, Afghanistan, სადაც ფიქსირდება 2 ფაქტობრივი შეცდომა: ა) ქალაქ ჰერატი არ მდებარეობს ჰელმანდის პროვინციაში, არამედ არის პროვინცია ჰერატის ადმინისტრაციული ცენტრი.. ბ) ქალაქს სპარსულ და ფუშთუ ენაზე ჰქვია ჰერაათ ( هرات) და არა Herati,როგორც ეს ავტორს აქვს მითითებული. სავარაუდოდ, ავტორის მშობლიურ ენაში არის სახელობითი ბრუნვის -ი ნიშანი, რომელიც თანხმოვანზე დაბოლოებულ ქალაქებს ემატება. ევრაზიის მაკროკონტინენტზე ასეთი ენა ორია: ქართული და მეგრელი. 2. ვიდეოზე ინგლისურად მოსაუბრე პირი არ საუბრობს არც ავღანელებისთვის და არც პაკისტანელებისთვის დამახასიათებელი აქცენტით. ავტორი საუბრობს ბრიტანული ინგლისურით, თუმცა ეტყობა რომ Native speaker-ი არ გახლავთ. 3. ქვის ხანაში მყოფი თალიბანის მოძრაობა დამოუკიდებლად ვერ შესძლებდა ქართველი ჯარისკაცების პირადი ფოტოების მოპოვებას კომპიუტერის მეშვეობით. 4. ვიდეოზე ასახული ოსამა ბენ-ლადენის ლიკვიდაციის ვიდეოკადრები, რაც მიუთითებს იმაზე, რომ ვიდეორგოლის შემქნელი არ არის კარგად ჩახედული თალიბანის საბრძოლო ოპერაციებში, წინააღმდეგ შემთხვევაში თალიბანითვის სამარცხვინო კადრებს იგი არ დადებდა. ამ ყველაფერს დაუმატეთ პოლიტიკური კონიუქტურა, ნატოში ინტეგრაცია, რუსეთის გააქტიურება და თავად გამოიტანეთ დასკვნები… ——————————- newstoday-მ გადაამოწმა აღნიშნული პიროვნების FACEBOOK გვერდი იგი დარეგისტრირებულია 2 ივნისს, მას ამ მიმართვის გარდა საქართველოს შესახებ აქვს კიდევ ერთი გამოქვეყნება