მოგესალმებით! განათლების სისტემაში არსებული უამრავი ნაკლოვანების შესახებ საუბრით თავს არ შეგაწყენთ, მაინტერესებს, აპირებთ თუ არა გადახედოთ ე.წ. არების სისტემას? დღეისათვის საპატიო და არასაპატიო მიზეზით გაკვეთილების გაცდენა ერთიანად ჯამდება და რაღაც გაურკვეველი პროცენტების მიხედვით ბავშვებს აკლებენ ნიშნებს. ანუ, თუ ბავშვს ფეხი აქვს მოტეხილი, ან 40 სიცხე აქვს, თურმე სკოლაში უნდა იაროს, დაასნებოვნოს ყველა დანარჩენი და სამაგიეროდ, ნიშნებს არ დააკლებენ. ან, თუ ოჯახის წევრი გარდაეცვლება, არ უნდა გააცდინოს გაკვეთილები. იქნებ გადახედოთ ამ არაადეკვატურ სისტემას. დიდი მადლობა!
