რა რჯულისა ხართ ხალხნო, ვისი გორისა ბრძანდებით?! გენშია ჩვენთვის კაფია, დაწერეთ ნუ დამზარდებით. განა ლექსობა ცოდოა? რომ შეგიკრიათ კრიჭები, აქა კაფევენ ქართველი, სულით ქართველი ბიჭები. ხმა ამაიღეთ გალექსეთ, ბანი მომეცით პირველსა, თორემ ისეთ დღეს დაგაყრით, სხვას თქვენებრ არა ჭირდესა. ლექსობა სისხილთ მწყურია, გავკაფავ მთას და ბარსაო, აბა ვინახართ ვაჟკაცი, ვინ ამაიღებს ხმასაო? დიაცნო თქვენცა ამყევით, თქვენებრ ვინ იტყვის კაფიას, ავანთოთ ცეცხლი გულებში, ცივ გული ვის რად არგია. ჰეი თქვენ თემის სტუმრებნო, რას დაგიღიათ პირია, თუ არ წერთ წადით არჩიეთ ბებოსთან ერთად ჩირია.