კომპიუტერული ვირუსის, Ramnit-ის საშუალებით, რომელიც ძირითადად, ბანკების ელექტრონული განყოფილებებიდან და კორპორატიული ქსელებიდან ინფორმაციის მოპარვისთვის გამოიყენება , სოციალურ ქსელ "ფეისბუქის" 45 ათასი მომხმარებლის გვერდზე შეტევა განხორციელდა. ამის შესახებ "ასოშიეითიდ პრესი" იუწყება. სააგენტოს ცნობით, მათ შორის, ვისაც "ფეისბუქი" გაუტეხეს, 69% დიდი ბრიტანეთის მოქალაქეა. აღნიშნული ვირუსი, მას შემდეგ, რაც კონკრეტული მომხმარებლის გვერდს ტეხავს, მეგობრებს უგზავნის ბმულებს, რომელზე გადასვლის შემთხვევაში სხვა მომხმარებლის "ფეისბუქის" გვერდიც ვირუსდება და ელექტრონული ფოსტაც.