ბურჯანაძე დემოკრატიული ფრონტის შექმნის იდეით გამოდის 05.10.09 15:12 `დემოკრატიული მოძრაობა - ერთიანი საქართველოს` ლიდერი ნინო ბურჯანაძე მიხეილ სააკაშვილის რეჟიმთან შეურიგებელ ძალებს დემოკრატიული ფრონტის შექმნას სთავაზობს. ამის შესახებ ბურჯანაძემ დღეს გამართულ პრესკონფერენციაზე განაცხადა. მისი თქმით, აღნიშნული კოალიციის ძირითადი მიზანი საქართველოს არსებული რეჟიმისგან გათავისუფლება იქნება. როგორც ბურჯანაძე განმარტავს, კონკრეტული იდეის ირგვლივ უნდა გაერთიანდნენ ის ძალები, რომლებიც დარწმუნდნენ, რომ არსებული ხელისუფლების და რეალობის პირობებში, ბრძოლის ერთადერთი გზა არის არა დიალოგი, არამედ უფრო მკვეთრი ქმედებები, თუმცა კონსტიტუციური. მისივე თქმით, ბრძოლის მეთოდები შეიძლება იყოს, როგორც კონსულტაციები, ისე ქუჩის გამოსვლები, რადგან ორივე გზა ცივილიზებული და დემოკრატიულია. `მხოლოდ ერთობლივი ძალისხმევით და შეურიგებელი ბრძოლით შევძლებთ ამ რეჟიმის დასრულებას. მოვუწოდებ ყველას, გაერთიანდნენ სამშობლოს გადასარჩენად,`- აღნიშნა ბურჯანაძემ, რომელსაც `ხელისუფლებასთან ყოველგვარი დიალოგი და კომპრომისი უშედეგოდ და ფუჭად მიაჩნია`. აბა ერთი მითხარით ფრონტი და დემოკრატიული გაგიგიათ? საქართველოში უნდა შეიქმნას "ეროვნულ რადიკალური ფრონტი", რომლებიც ყველანაირი მეთოდებით იბრძოლებენ, რათა განდევნონ ისინი, ვინც იბრძვიან არა საკუთარი ქვეყნის გადარჩენისთვის, არამედ ან სხვისი ინტერებისთვის ან კიდევ პირადი გამორჩენის მიზნით.