Mozambik_Tv (ზომბი) _ "შიში" საით მიფრინავენ ეს თვითმფრინავები, როდესაც მე და შენ ვწევართ ამ საწოლში, როგორც ნიჟარაში და შენ ამბობ, რომ სექსი არის შიში.. იქნებ ისინი გადამფრენი ფრინველებივით ფრენენ შიშს და მიილტვიან თბილი სუიციდური ეკვატორისკენ.. საით მიდიან ეს ადამიანები, როცა მე და შენ ეს ესა მოვედით და ვთქვით, რომ ყოველ საზღვართან დგას მესაზღვრე და შიშია მისი სახელი.. იქნებ ისინი აშლილი მექანიზმივით დადიან შიშს ხოლო სახლში რჩებათ ჩართული წყალი ჩართული გაზი მოუტყნავი ცოლი წაუკითხავი წიგნი შესაცვლელი ნათურა ჩართული ტელევიზორი და ეს სახლი კი არა შიშია, რომელსაც უნდა გაექცე ეს ჩართული ტელევიზორები გამუდმებით შიშინებენ შიშს. ორი წლის წინ, როცა თინეიჯერი და ნარკომანი ვიყავი ვცხოვრობდი ზღვისპირა შიშისფერ გეტოში და ვხვდებოდი ქალაქში ულამაზეს გოგოს ის იმდენად ლამაზი იყო და იმდენად მოსაწყენი ცხოვრებით ცხოვრობდა, რომ მე მივხვდი, რომ სიყვარული არის შიში, როცა მან გადაიჭრა ვენები, მერე კი გადარჩა და ცოლად გაყვა ადგილობრივ პროკურორს. საით მიფრინავენ ეს თვითმფრინავები როდესაც მე და შენ ვწევართ ამ საწოლში, როგორც ნიჟარაში და შენ ამბობ: ყოველთვის იტირე, როცა ჩადის მზე იმიტომ რომ ეს არის შიში.. ყოველთვის ჩამეხუტე, როცა ზრდი დოზას, იმიტომ რომ ეს არის შიში.. ყოველთვის დახუჭე თვალები, როცა გრძნობ ორგაზმს, იმიტომ რომ ერთზე მეტი ადამიანი ოთახში არის შიში. იქნებ ეს თვითმფრინავები მსოფლიო სავაჭრო ცენტრისკენ მიფრინავენ? ან იქნებ ისინი პირდაპირ ჩვენს სახურავზე დაეშვებიან? Anyway სამყაროს სახურავზე, ჩაეხუტე ანტენებს, აგრძნობინე მათ სითბო და სევდა. სამყაროს სახურავზე, დამონტაჟე ბომბი და ჩართე წამზომი. სამყაროს სახურავზე შიში იქნება მხოლოდ დეკორაცია.