Jump to content
Planeta.Ge

tvati

სტუმარი
 View Profile  მათი აქტივობის ნახვა

  • პოსტები

    13.345

  • შემოუერთდა

  • ბოლო ვიზიტი

 Content Type 

ბლოგ პოსტები დაპოსტილი tvati -ს მიერ

  1. tvati
    „გახარია – საქართველოსთვის” პარტიის წარმომადგენელმა, ბექა ლილუაშვილმა ბრიფინგზე ცესკოს კიდევ ერთხელ მიმართა „სმარტმატიკთან“ გაფორმებული ხელშეკრულება და ხელშეკრულებიდან გამომდინარე ყველა პროცედურის მარეგულირებელი დოკუმენტაცია.
    „გახარია – საქართველოსთვის” პარტიამ ცესკოს მიმართა, 26 ოქტომბრის არჩევნებზე მისული 2 მილიონზე მეტი ამომრჩევლის ბაზა გადასცეს ნეიტრალურ ობიექტურ პლატფორმას, იმისთვის, რომ თითოეულმა ადამიანმა გადაამოწმოს საკუთარი/ინდივიდუალური ინფორმაცია – მონაწილეობა მიიღო თუ არა არჩევნებში და რომელ უბანზე მისცა ხმა.

    პუბლიკა
  2. tvati
    ევროკავშირში გაწევრიანება დამსახურებაზე დაფუძნებულია, წელს საქართველო უკან წავიდა, საქართველოს ევროკავშირში გაწევრიანება გაჩერებულია, - ამის შესახებ საქართველოში შვედეთის ელჩი, ანა ლიბერგი X-ის პირად გვერდზე წერს, რითაც საქართველოში ევროკავშირის ელჩის, პაველ ჰერჩინსკის გუშინდელ განცხადებებს ეხმაურება.
    მისი თქმით, ევროკავშირის კარი ღია რჩება, როდესაც საქართველო ევროკავშირის გზას დაუბრუნდება.
    „მესიჯი ცხადია: ევროკავშირში გაწევრიანება დამსახურებაზე დაფუძნებულია. სრულიად დამოკიდებულია თითოეული ქვეყნის პროგრესზე. წელს საქართველო უკან წავიდა. საქართველოს ევროკავშირში გაწევრიანება გაჩერებულია. ევროკავშირის კარი ღია რჩება, როდესაც საქართველო ევროკავშირის გზას დაუბრუნდება”, - წერს ლიბერგი.
     
    იპნ
  3. tvati
    საქართველოს ევროკავშირში გაწევრიანების პროცესი საქართველოს მთავრობის ქმედებების გამო გაიყინა, ამის შესახებ საქართველოში დანიის ელჩი, ანნე ტოფტ სორენსენი X-ის საკუთარ გვერდზე წერს.
    “[საქართველოს] ევროკავშირში გაწევრიანების პროცესი საქართველოს მთავრობის ქმედებების გამო გაიყინა. ასე მარტივად არის საქმე”, - წერს სორენსენი.

    იპნ
  4. tvati
    ზოგიერთი ქართველი პოლიტიკოსის ვარაუდებს, თითქოს საქართველო პროგრესს განიცდის მის ევროკავშირის გზაზე, რეალობასთან არავითარი კავშირი არ გააჩნია. ამის შესახებ საქართველოში ესტონეთი ელჩი, მარგე მარდისალუ-კაჰარი X-ის საკუთარ გვერდზე წერს.
    ელჩის თმქით, საქართველოს ევროკავშირში გაწევრიანების პროცესი გაყინულია და სწორედ ეს იყო ევროკომისიის გაფართოების ანგარიშის "ცხადი მესიჯი".
    “ზოგიერთი ქართველი პოლიტიკოსის ვარაუდებს, თითქოს საქართველო პროგრესს განიცდის მის ევროკავშირის გზაზე, რეალობასთან არავითარი კავშირი არ გააჩნია. საქართველოს ევროკავშირში გაწევრიანება გაიყინა საქართველოს დემოკრატიული უკუსვლის გამო. ეს იყო ევროკავშირის გუშინდელი გაფართოების ანგარიშის ცხადი მესიჯი,” - წერს მარდისალუ-კაჰარი.

    იპნ
  5. tvati
    დღეს, ამ არჩევნების არაღიარება არის ყველაზე მნიშვნელოვანი ამოცანა.

    ეს პროცესები არის გრძელვადიანი და ჩვენ არ უნდა დავთმოთ პოზიციები, თუ გვინდა, რომ საქართველოში დემოკრატიამ გაიმარჯვოს.
    დიმიტრი ცქიტიშვილი, პარტია "გახარია საქართველოსთვის" წევრი.

    ვიდეო: https://www.facebook.com/ForGeoGe/videos/933630545283728
  6. tvati
    ეს არჩევნები არ ასახავს ქართველი ხალხის ნებას. მას არ აქვს ლეგიტიმაცია, არც ქვეყნის შიგნით და არც ქვეყნის გარეთ.
    ჩვენთვის მთავარია, რომ არჩევნებს დაუბრუნდეს ნდობა და ქვეყანა დავაბრუნოთ განვითარების იმ რელსებზე, რომელიც ჩვენმა წინაპრებმა აირჩიეს.

    თეონა აქუბარდია, პარტია "გახარია საქართველოსთვის" წევრი.

    ვიდეო: https://www.facebook.com/ForGeoGe/videos/1501132370589906
  7. tvati
    ჩვენთვის დღეს მნიშვნელოვანია, რომ შევაგროვოთ მტკიცებულები, რადგან გარკვეული დროის გასვლის შემდეგ, შესაძლოა ეს მტკიცებულებები უბრალოდ გააქრონ.


    ლევან გოგიჩაიშვილი, პარტია "გახარია საქართველოსთვის" წევრი.

    ვიდეო: https://www.facebook.com/ForGeoGe/videos/571075305601328
  8. tvati
    საერთაშორისო იურისდიქციის ქვეშ არჩევნების მოთხოვნა არის საჩუქარი „ოცნებისთვის“, ვინც ამას აკეთებს, ან ადეკვატურობა აკლიათ, ან სასარგებლო იდიოტები არიან, – ამის შესახებ პარტია „საქართველოსთვის“ ლიდერმა, გიორგი გახარიამ განაცხადა.
    მისივე თქმით, უცხოური იურისდიქციის ქვეშ არჩევნების ჩატარებას საკანონმდებლო ბაზა სჭირდება.
    „საერთაშორისო იურისდიქციის ქვეშ არჩევნების მოთხოვნა არის საჩუქარი „ოცნებისთვის“. ვინც ამას აკეთებენ, ან ადეკვატურობა აკლიათ, ან სასარგებლო იდიოტები არიან. ნაცვლად იმისა, რომ მოითხოვო ინფორმაცია, რა მოხდა ამ არჩევნებზე, ან ამის შემდეგ, ან მანამდე მოითხოვო ცესკო-ს დღევანდელი ადმინისტრაციის ცვლილება, კონსენსუსური წესით მათი არჩევა და კიდევ ბევრი რაღაცა, გამოდიხარ პირდაპირ და იძახი, საერთაშორისო, უცხოური ადმინისტრაციის ქვეშ ჩატარდეს არჩევნები. როგორ ფიქრობთ ამაზე, რა რეაქცია ექნება „ოცნებას“, დასცინებს და ნაწილობრივ სწორიც იქნება.
    ჯერ შენ მოითხოვე ადმინისტრაციის ცვლილება, საქართველოს მოქალაქეების, ქართული ადმინისტრაციის და იურისდიქციის ქვეშ ჩაატარე არჩევნები. ამას რომ თავი დავანებოთ, მარტივ მაგალითს გეტყვით, იდიოტი ხომ არ უნდა იყო, სხვისი იურისდიქციის ქვეშ ჩატარებულ არჩევნებს სამართლებრივად, იცით, რამდენი დრო სჭირდება? ამას საკანონმდებლო ბაზა სჭირდება, ამას განხილვები სჭირდება, ამას პარლამენტი სჭირდება, ასე სად არის. კანონი არ არსებობს, კონსტიტუცია არ არსებობს? როგორ გგონიათ, ვიღაცა გამოვიდა მიტინგზე, თქვა, ხვალ მოვალ და უცხოური იურისდიქციის ქვეშ ჩავატარებთ არჩევნებს? რაღაცა გონიერება ხომ უნდა იყოს“, – განაცხადა გახარიამ.
    ცნობისთვის, „ერთიანობა – ნაციონალური მოძრაობის“ ერთ-ერთი ლიდერი გიორგი ვაშაძე ითხოვს, რომ საქართველოში არჩევნები საერთაშორისო საარჩევნო ადმინისტრაციამ ჩაატაროს.

    1ტვ
  9. tvati
    აშშ-ის სახელმწიფო დეპარტამენტის პრესსპიკერის, მეთიუ მილერის განცხადებით, სალომე ზურაბიშვილის ინფორმაცია არჩევნების გაყალბების შესახებ, რელევანტური იქნება ნებისმიერი გამოძიებისთვის.
    „პრეზიდენტი [სალომე ზურაბიშვილი] თავად ისაუბრებს თავის თავზე, მაგრამ როგორც მესმის, მან თქვა, რომ აქვს ინფორმაცია დარღვევების შესახებ. ასე, რომ მას შეუძლია გააზიაროს ეს ინფორმაცია. ის რელევანტური იქნება ნებისმიერი გამოძიებისთვის, იქნება ეს საქართველოს ხელისუფლების გამოძიება თუ ვინმე სხვისი“, – განაცხადა მეთიუ მილერმა.
    ამასთან, მეთიუ მილერმა კიდევ ერთხელ გაიმეორა, რომ აშშ-ის პრეზიდენტი ჯო ბაიდენი საქართველოს ხელისუფლებას გამოძიების დაწყებისკენ მოუწოდებს.
    „ჩვენ ასევე ნათლად განვაცხადეთ, რომ კონსულტაციებს ვაწარმოებთ ევროკავშირში ჩვენს კოლეგებთან იმის შესახებ, თუ სხვა რა სახის გამოძიება შეიძლება იყოს მიზანშეწონილი“, – განაცხადა მეთიუ მილერმა.
    პროკურატურამ ცესკოს მიმართვის საფუძველზე გამოძიება დაიწყო საპარლამენტო არჩევნების სავარაუდო გაყალბების ფაქტზე, საქართველოს სისხლის სამართლის კოდექსის 164³-ე მუხლით გათვალისწინებული დანაშაულის ნიშნებით, და საქართველოს პრეზიდენტი სალომე ზურაბიშვილი გამოკითხვაზე დაიბარა.
    პასუხად პრეზიდენტმა 30 ოქტომბრის ბრიფინგზე აჩვენა საარჩევნო დარღვევების კადრები და განაცხადა, რომ „მათ არც ახსნა სჭირდება, არც განმარტება. პირდაპირ იკითხება, რა ხდებოდა და როგორ ჩატარდა 26 ოქტომბრის არჩევნები“.
    სალომე ზურაბიშვილმა„პროკურატურას ურჩია, პრეზიდენტთან ანგარიშსწორებას მოეშვას.
    არჩევნების გაყალბებაზე გამოძიება დაიწყო, პრეზიდენტი პროკურატურაში გამოკითხვაზე დაიბარეს „პროკურატურას ვურჩევდი, მოეშვას პრეზიდენტთან ანგარიშსწორებას“ – ზურაბიშვილი

    ნეტგაზეთი
  10. tvati
    ცენტრალური საარჩევნო კომისიის თავმჯდომარე, გიორგი კალანდარიშვილი „რუსთავი 2-ის“ ეთერში ამბობს, რომ საარჩევნო ბიულეტენების უკანა მხარეს მარკერის კვალის გამოჩენა, ხმის ფარულობის დარღვევა არაა.
    მისივე განცხადებით, ის ფურცელი, რომელიც იმიტირებულ პროცესში გამოიყენეს, იყო დაბალი გრამაჟის და არჩევნებზე გამოყენებული იყო ყველაზე მაღალი გრამაჟის ფურცელი, თუკი ოდესმე ცესკოს არჩევნებზე გამოუყენებია. კალანდარიშვილი ყურადღებას ამახვილებს, ბიულეტენი ჩარჩოში სწორად უნდა მოთავსებულიყო და ვერ მოხდებოდა თუნდაც მეორე მხარეს გამოჟონილი ფერის ხილვა.
    პუბლიკა
  11. tvati
    ეუთო/ოდირის სადამკვირვებლო მისიამ 26 ოქტომბრის არჩევნებთან დაკავშირებით წინასწარი დასკვნები გამოაქვეყნა.
    დოკუმენტის თანახმად, არჩევნების დღე, როგორც წესი, პროცედურულად კარგად იყო ორგანიზებული, მაგრამ გამოირჩეოდა დაძაბული გარემოთი, ხმის საიდუმლოების ხშირი დარღვევით და რამდენიმე პროცედურული შეუსაბამობით, ასევე ამომრჩევლებზე დაშინებითა და ზეწოლით, რამაც უარყოფითად იმოქმედა პროცესისადმი საზოგადოების ნდობაზე.
    დოკუმენტის თანახმად, კენჭისყრის დღე დაძაბულობით, ზოგიერთ საარჩევნო უბანზე მოქალაქეთა სიჭარბით და ფიზიკური დაპირისპირებისა და დაშინების რამდენიმე ინციდენტით ხასიათდებოდა.
    ეუთო/ოდირმა თქვა, რომ ხმის მიცემის პროცესი პროცედურული თვალსაზრისით უმეტესწილად კარგად იყო ორგანიზებული.
    თუმცა, დაკვირვებების 1 924 შემთხვევის 6%-ში, რაც არსებითად დიდი რიცხვია, პროცესი ნეგატიურად შეფასდა, უმეტესწილად ამომრჩევლებზე ზეწოლისა და დაშინებაზე მინიშნების გამო, რასაც ზოგიერთ შემთხვევაში თან ერთოდა საარჩევნო უბნებს შიგნით წარმოქმნილი დაძაბულობა და არეულობა და მოქალაქეთა სიჭარბე.
    მისიის დასკვნის თანახმად, დაკვირვების 24%-ში ხმის მიცემის ფარულობა პოტენციურად კომპრომეტირებული/დარღვეული იყო ამომრჩეველთა მიერ საარჩევნო ყუთში საარჩევნო ბიულეტენების მოთავსების ფორმით ან 7%-ში საარჩევნო უბნის მოწყობის, მაგიდების განლაგებასთან დაკავშირებული ხარვეზების გამო.
    დასკვნაში ასევე წერია:
    მიუხედავად იმისა, რომ კანონს არ ეწინააღმდეგება, საარჩევნო უბნების უმრავლესობაში პოლიტიკური პარტიის წარმომადგენლები, უმეტესწილად „ქართული ოცნებიდან“, ხმის მიცემის პროცესს იწერდნენ [ვიდეოკამერებით]. 
    დამკვირვებლების შეფასებით ამ ფაქტს დამაშინებელი ეფექტი ჰქონდა, რადგან კამერები ხშირად პირდაპირ ამომრჩეველთა იდენტიფიცირების მოწყობილობებს ან კენჭისყრის კაბინებს უყურებდნენ, რაც პოტენციურად აზიანებდა ხმის მიცემის ფარულობას.
    საარჩევნო უბნების გარეთ უცნობი პირები ამომრჩეველთა აღრიცხვას ეწეოდნენ (10%), საარჩევნო უბნების შიგნით კი პარტიის წარმომადგენლები (7%).
    საერთაშორისო სადამკვირვებლო მისიის დამკვირვებლების ანგარიშებში აისახა საარჩევნო უბნების 4%-ში მთელი ოჯახის ან ადამიანების ჯგუფის მიერ ხმის ერთდროულად მიცემა.
    ზოგიერთ შემთხვევაში, საერთაშორისო სადამკვირვებლო მისიის დამკვირვებლებმა მიიღეს შეტყობინებები ამომრჩეველთა მოსყიდვის სავარაუდო ბრალდებების შესახებ.
    დაკვირვების არეალში მოქცეული ზოგიერთ შემთხვევაში პროცედურები არათანმიმდევრულად იყო დაცული – ამომრჩეველთა თითებზე მარკირების რეგულარულად შემოწმება არ ხდებოდა (7%) ან ხმის მიცემამდე მარკირება არ ხდებოდა (4%).
    ახალი საარჩევნო ტექნოლოგიის დანერგვისა და თითოეულ საარჩევნო უბანზე ამომრჩეველთა გაზრდილი რაოდენობის გამო პროცესი შეფერხებით მიმდინარეობდა.
    ამომრჩეველთა იდენტიფიცირებისა და ხმის დამთვლელი ელექტრონული მოწყობილობებით აღჭურვილ უბნებზე დაკვირვების შემთხვევათა 99% და 98%-ში, შესაბამისად, მოწყობილობები სრულად გამართულად მუშაობდნენ.
    გამონაკლისი შემთხვევა იყო მხოლოდ დეფექტური მოწყობილობისა და ამომრჩეველთა იდენტიფიცირების მოწყობილობებს შორის მონაცემთა სინქრონიზაციასთან დაკავშირებული იშვიათი ხარვეზების გამო.
    მიუხედავად იმისა, რომ თითქმის ყველა საუბნო საარჩევნო კომისიამ იცოდა, როგორ გამოეყენებინა ეს მოწყობილობები, 9%-ში ყველა ამომრჩეველს არ მიეცა ადეკვატური ინსტრუქცია ბიულეტენის გაფერადებისა და ხმის დაფიქსირებასთან დაკავშირებით.
    საარჩევნო უბნების 54%-ში ზოგიერთ ამომრჩეველს გაუჭირდა ხმების დამთვლელ მოწყობილობაში ბიულეტენის შეცურება.
    პოლიტიკური პარტიების წარმომადგენლები საარჩევნო უბნების 97%-ში ესწრებოდნენ საარჩევნო პროცესს, ადგილობრივი დამკვირვებლები კი – 89%-ში, რაც აუმჯობესებდა გამჭვირვალობას.
    თუმცა, ზოგიერთმა ადგილობრივმა დამკვირვებელმა აღნიშნა საუბნო საარჩევნო კომისიის მიერ ხელშეშლის ფაქტი, როდესაც მათ შენობაში შესვლას უკრძალავდნენ ან დაკვირვების შესაძლებლობას არ აძლევდნენ.
    ამის საპირისპიროდ საერთაშორისო სადამკვირვებლო მისიის დამკვირვებლებმა დაკვირვებათა 28%-ში  შენიშნეს, რომ ადგილობრივი დამკვირვებლები საარჩევნო სუბიექტების სახელით მოქმედებდნენ, რაც შეშფოთებას ზრდიდა ადგილობრივი დამკვირვებლების მიუკერძოებლობისა და მათი როლის ბოროტად გამოყენების გამო, რაც არ შეესაბამება ODIHR-ის მიერ გაცემულ უცვლელ რეკომენდაციას.
    7%-ში არაუფლებამოსილი პირები, საარჩევნო სუბიექტების წარმომადგენლები და ადგილობრივი დამკვირვებლები ხელს უშლიდნენ საუბნო საარჩევნო კომისიების საქმიანობას, ამოწმებდნენ ამომრჩეველთა პირადობის დამადასტურებელ მოწმობებს და დახმარებას უწევდნენ ბიულეტენებთან დაკავშირებულ საკითხებში.
    ერთ შემთხვევაში საერთაშორისო სადამკვირვებლო მისია პირდაპირი დაშინებისა და სატრანსპორტო საშუალების დაზიანების ობიექტი გახდა.
    ხმების დამთვლელი მოწყობილობებით აღჭურვილ საარჩევნო უბნებში წინასწარი შედეგები დადგინდა ცალკეული მოწყობილობების დაჯამებული შედეგების გაერთიანებით, რის შემდეგადაც მონაცემები USB მოწყობილობაზე აიტვირთა და პლანშეტის დახმარებით გადაიგზავნა ცენტრალურ საარჩევნო კომისიაში. ოფიციალური მონაცემები ყველა საარჩევნო უბნისთვის სავალდებულო ხელით გადათვლის შედეგებს დაეყრდნობა.
    საერთაშორისო სადამკვირვებლო მისიის დამკვირვებლებმა ხმების დათვლის პროცესი უარყოფითად შეაფასეს 193 საარჩევნო უბნიდან 24-ში, რაც პროცედურული შეცდომებით ან საარჩევნო უბნებს შიგნით არსებული არეულობით იყო განპირობებული.
    საარჩევნო სუბიექტებისა და ადგილობრივი დამკვირვებლების წარმომადგენლები თითქმის ყველა საარჩევნო უბანში იმყოფებოდნენ (შესაბამისად, 188 და 176 შესაბამისად) და პროცესი გამჭვირვალედ შეფასდა 181 შემთხვევაში.
    თუმცა, პროცედურების საპირისპიროდ, გადათვლის პროცესის ზედამხედველობის მიზნით ორი დამკვირვებლისა და პარტიის წარმომადგენლის არჩევა არ მომხდარა, შესაბამისად, 49 და 47 შემთხვევაში.
    საარჩევნო სუბიექტების წარმომადგენლების ან ადგილობრივი და სახელმწიფო თანამდებობის პირებისა და ადგილობრივი დამკვირვებლების მიერ პროცესში ჩარევის ფაქტი გამოვლინდა 27 შემთხვევაში. დაფიქსირდა დაძაბულობისა და არეულობის 29 და ხმების დათვლისთვის ხელის შეშლის 7 შემთხვევა.
    ხმების დათვლის დროს პროცედურის ეტაპების გამოტოვების, მათ შორის წინასწარ გაწერილი თანმიმდევრობისთვის გვერდის ავლა დაფიქსირდა 50 შემთხვევაში.
    საუბნო საარჩევნო კომისიებმა ვერ გააბათილეს გამოუყენებელი ბიულეტენები 40 შემთხვევაში, და ელექტრონული მოწყობილობები პროცედურის დაცვით არ აალაგეს 67 შემთხვევაში.
    დათვლის პროცესში თითოეულ ბიულეტენზე გაკეთებული არჩევანი ხმამაღლა არ გამოცხადებულა 28 შემთხვევაში, სავალდებულო ხელით გადათვლამ ხმის დამთვლელ მოწყობილობასთან მიმართებით მცირე ცდომილება აჩვენა. მნიშვნელოვანია აღინიშნოს, რომ 23 შემთხვევაში ხელით გადათვლის დროს ხმის ვალიდურობა არ იყო სრულად, რეგულაციების შესაბამისად, განსაზღვრული და არათანმიმდევრული იყო 21 შემთხვევაში.
    გარდა ამისა, სადავო ბიულეტენების ვალიდურობა არ იყო კენჭისყრით განსაზღვრული დაკვირვების 80 შემთხვევაში. შედეგების ოქმებში გადატანასთან დაკავშირებული სირთულეები აღირიცხა 31 შემთხვევაში, რასაც 6 შემთხვევაში მანამდე დასრულებულ საუბნო საარჩევნო კომისიების ოქმებში რიცხვების ცვლილებები მოჰყვა.
    ცდომილებების დათვლის შედეგად შესწორება ან ხელახალი გადათვლა მოითხოვეს 42 შემთხვევაში.
    37 საარჩევნო უბანზე საუბნო საარჩევნო კომისიებმა საჯაროდ არ გამოაკრეს საბოლოო შედეგების ოქმის ხელმოწერილი ასლი, რაც ზღუდავს გამჭვირვალობას.
    65 საოლქო საარჩევნო კომისიების მიერ შედეგების ოქმები და საარჩევნო მასალების დამუშავების ეტაპის დასაწყისს 73 საარჩევნო უბანზე დააკვირდნენ, რაც ზოგადად დადებითად შეფასდა.
    პროცედურული ეტაპების გამოტოვების შემთხვევები აღირიცხა 6 დაკვირვების დრო, გადაცემული მასალების მთლიანობასთან დაკავშირებული პრობლემები აღირიცხა 17 დაკვირვების დროს, შეუსაბამო შენობების შემთხვევა გამოვლინდა 8 შემთხვევაში, მოქალაქეთა სიჭარბე კი – 6 შემთხვევაში.
    მიუხედავად იმისა, რომ უბნების დონეზე მიღებული შედეგების დაჯამება საოლქო საარჩევნო კომისიების ამოცანას წარმოადგენს, წევრებმა 9 შემთხვევაში არ განახორციელეს შედეგების ოქმების სიზუსტისა და სისრულის გადამოწმება, ხუთ საოლქო საარჩევნო კომისიას საერთოდ არ შეუსრულებია ეს პროცედურა, არგუმენტად კი მიუთითა, რომ ოფიციალურ შედეგების საბოლოო გაფორმება ეროვნულ დონეზე ხდება.
    საუბნო საარჩევნო კომისიების ოქმებში უზუსტობების არსებობის ფაქტი 10 საოლქო საარჩევნო კომისიაში დაფიქსირდა.
    66 კენჭისყრის დღეს საოლქო საარჩევნო კომისიებმა დამკვირვებელთა ჯგუფებისა და პოლიტიკური პარტიების წარმომადგენლებისგან 439 საჩივარი მიიღეს, რომლებიც საარჩევნო უბნების დაგვიანებით გახსნას, მრავლობითი საარჩევნო ბიულეტენების გაცემის სავარაუდო ფაქტებს, ადგილობრივი დამკვირვებლებისა და პარტიების წარმომადგენლებისთვის უფლებების შეზღუდვას, ხმის ფარულობის დარღვევას, პროცედურულ დარღვევებს, გადასატანი ყუთით ხმის მიცემას, სახარჯი მასალის ნაკლებობას, ელექტრონული მოწყობილობების გაუმართაობას, ვიდეო გადაღებას, საარჩევნო უბნებში, უბნებს გარეთ ან მათ სიახლოვეს წინასაარჩევნო კამპანიის მასალების არსებობას შეეხებოდა.
    ხმის მიცემის პროცესის დასრულებისთვის ყველა საჩივრის განხილვა დაწყებული იყო. ხმის მიცემის დასრულების შემდეგ ცენტრალურმა საარჩევნო კომისიამ საარჩევნო უბნებიდან ელექტრონულად მიღებული ნაწილობრივი შედეგების გამოქვეყნება დაიწყო და ამ საარჩევნო უბნების 90%-დან შედეგები მიღების შემდეგ წინასწარი შედეგების გამოქვეყნება 21:45სთ-ზე დაიწყო.

    პუბლიკა
  12. tvati
    რესპუბლიკელი სენატორი როჯერ უიკერი განცხადებას აქვეყნებს საქართველოს საპარლამენტო არჩევნების თაობაზე.
    „ნაცვლად ღირსეული, გამჭვირვალე და კანონიერი არჩევნებისა, ხალხმა ფარსი მიიღო. საქართველოს დემოკრატიულ არჩევანს ძირი გამოუთხარა დარღვევებმა – დაშინებამ, ძალადობამ, მოსყიდვამ, და შედეგები მნიშვნელოვნად განსხვავებული იყო სანდო და დამოუკიდებელი წინასაარჩევნო ეგზიტპოლებისგან.
    ვიზიარებთ პრეზიდენტ სალომე ზურაბიშვილის აზრს, რომ არჩევნები არ იყო თავისუფალი და სამართლიანი და არ ასახავს ხალხის ნებას. სამწუხაროდ, მოსკოვის მხარდაჭერილი “ქართული ოცნება” ფიქრობს, რომ რუსეთთან და მის ავტორიტარულ ღერძთან ერთად, შეუძლიათ დაიცადონ, სანამ აშშ და საქართველოს დემოკრატიული მოკავშირეები [დაიღლებიან]. ისინი ცდებიან.
    ამ არჩევნებზე მომხდარი მანიპულაცია არა მარტო ურტყამს საქართველოს ისედაც მყიფე დემოკრატიას. თუ ამ [შედეგების] აღიარებას დავუშვებთ, ეს იქნება დასასრული ქვეყნის ევროატლანტიკური მისწრაფებებისთვის და შესაძლოა, მისი სუვერენიტეტისთვისაც კი.
    ეს არის გაყალბება, და არალეგიტიმურ შედეგებს ნათლად უნდა დავუპირისპირდეთ. მანამ, სანამ „ოცნება“ შეეცდება, ხელისუფლებაში დარჩეს არადემოკრატიული საშუალებებით და მოძალადე ავტორიტარების დახმარებით, ის მოიმკის დაგმობასა და იზოლაციას, რომელიც იმსახურებს“, – წერს უიკერი.

    netgazeti
  13. tvati
    “ოცნება” წავიდა უკიდურესი გამწვავებისკენ და საფრთხის ქვეშ დააყენა ჩვენი ქვეყნის მომავალი.

    დიმიტრი ცქიტიშვილი, პარტია "გახარია საქართველოსთვის" წევრი.

    ვიდეო: https://www.facebook.com/ForGeoGe/videos/528807190003961
  14. tvati
    არჩევნების დღეს „სამართლიანმა არჩევნებმა“ ჯამში 490 ინციდენტი და დარღვევა დააფიქსირა, როგორც ქვეყნის შიგნით, ისე საქართველოს საზღვრებს გარეთ გახსნილ საარჩევნო უბნებში, - ამის შესახებ „სამართლიანი არჩევნების“ დირექტორმა ნინო დოლიძემ ბრიფინგზე განაცხადა.
    მისივე თქმით, დაფიქსირებული ინციდენტებიდან 297 იყო საქართველოში გახსნილი საარჩევნო უბნების შიგნით გამოვლენილი დარღვევები, 167 - საარჩევნო უბნების გარეთ, ხოლო 26 - საზღვარგარეთ გახსნილ საარჩევნო უბნებზე.
    „სხვადასხვა დონის საარჩევნო ადმინისტრაციაში ორგანიზაციამ ჯამში წარადგინა 294 საჩივარი და 64 შენიშვნა. კერძოდ, საუბნო საარჩევნო კომისიებში - 104 საჩივარი (ასევე, დააფიქსირა 64 შენიშვნა ჩანაწერთა წიგნში). საოლქო საარჩევნო კომისიებში - 189 საჩივარი (214 ფაქტთან დაკავშირებით). ცესკოში - 1 საჩივარი.
    ორგანიზაციის მიერ წარდგენილი საჩივრები ძირითადი კატეგორიების მიხედვით: საუბნო საარჩევნო კომისიის შემაჯამებელი ოქმის ბათილად ცნობა და კენჭისყრის შედეგების ხელახალი დათვლა, დამკვირვებლის უფლებების შეზღუდვა, ხმის ფარულობის დარღვევა, ბიულეტენების გაცემის საკითხი, კენჭისყრის შედეგების ბათილად ცნობა, გადასატანი ყუთის შედეგების ბათილად ცნობა, მარკირების პროცედურის დარღვევა.
    კენჭისყრის შენობაში გამოვლენილი ინციდენტი/დარღვევა (323). კერძოდ, ბიულეტენების ჩაყრა (2); მრავალჯერადი ხმის მიცემა/ხმის მიცემის მცდელობა (12); დამკვირვებლის უფლებების უკანონო შეზღუდვა/გაძევება(30); მარკირების პროცედურის წესის დარღვევა (76); ხმის ფარულობის დარღვევა (76); გადასატან საარჩევნო ყუთთან დაკავშირებული დარღვევები (22); ელექტრონულ ტექნოლოგიებთან დაკავშირებული ხარვეზები (17); სხვა დარღვევები (62); საზღვარგარეთ შექმნილ უბნებში გამოვლენილი პრობლემები (26).
    საარჩევნო უბნის გარე პერიმეტრზე გამოვლენილი ინციდენტი/დარღვევა (167). კერძოდ, კოორდინატორთა მიერ ამომრჩეველთა აღრიცხვა (71- საარჩევნო უბნების 31%); სიტყვიერი და ფიზიკური დაპირისპირების, ასევე, მუქარის ფაქტები საარჩევნო უბნების (25 - საარჩევნო უბნების 11%); ამომრჩეველთა ორგანიზებული ტრანსპორტირება (42 - საარჩევნო უბნების 19%); ამომრჩეველთა სავარაუდო მოსყიდვა (29 - საარჩევნო უბნების 13%).
    „სამართლიანი არჩევნების“ შეფასებით, 2024 წლის საპარლამენტო არჩევნების წინასაარჩევნო პერიოდში და არჩევნების დღეს გამოვლენილი ფუნდამენტური ხასიათის დარღვევების ერთობლიობამ გავლენა მოახდინა ამომრჩევლის თავისუფალი ნების გამოვლენაზე და, შესაბამისად, არჩევნების შედეგები ვერ განიხილება, როგორც საქართველოს ამომრჩევლის ნების გამოხატულება.
    2024 წლის 26 ოქტომბრის საპარლამენტო არჩევნებზე „სამართლიანი არჩევნების“ სადამკვირვებლო მისია წარმოადგენდა 1,000-მდე მოკლევადიან დამკვირვებელს უბნის შიგნით, 231 დამკვირვებელს უბნის გარე პერიმეტრზე, 73 საოლქო საარჩევნო კომისიის დამკვირვებელს, 85 მობილურ ჯგუფს, 23 იურისტს და 32 ოპერატორს, რომლებიც ფარავდნენ 73 საარჩევნო ოლქს. დაკვირვებისას გამოყენებული იყო რაოდენობრივი და თვისებრივი ინფორმაციის შეგროვება შემთხვევითი შერჩევის პრინციპით გამოვლენილი საარჩევნო უბნებიდან, რომელიც მთელი ქვეყნის მასშტაბით წარმომადგენლობითია”, - აღნიშნა დოლიძემ.

    იპნ
  15. tvati
    საქართველოს პრეზიდენტი სალომე ზურაბიშვილი აცხადებს, რომ პროკურატურაში გამოკითხვაზე მისვლას არ აპირებს.
    ბრიფინგზე მან მედიას წარუდგინა ვიდეობი, რომლებიც არჩევნების დღეს სავარაუდო დარღვევებს ასახავს და აღნიშნა, რომ საზოგადოებამ მტკიცებულებები თავად შეაგროვა და გაასაჯაროა.
    პრეზიდენტმა პროკურატურას თავისი საქმის კეთება ურჩია.
    „პროკურატურას ვურჩევდის სჯობს შეუდგეს თავის საქმეს და პრეზიდენტთან პოლიტიკურ ანგარიშსწორებას მოეშვას… პრეზიდენტი კი თავის საქმეს მიხედავს… პროკურატურას მივმართავ, ხალხის წინაშე ხართ ანგარიშვალდებული, თქვენგან ითხოვს საზოგადოება მყისიერ გამოძიებას და არა ჩემს მტკიცებულებებს და არავინ არ ელოდება პროკურატურისგან დღეს, ამ სიტუაციაში, რომ პრეზიდენტზე დაიწყოს აშკარა პოლიტიკური პროცესები, რომელიც, სხვათა შორის, უცნაურად ემთხვევა მედვედევის გაცემულ მითითებებს, არ ვიცი ვინ ასრულებს და ვინ არა“, – განაცხადა მან.
    პრეზიდენტმა აღნიშნა, რომ ბრიფინგზე გამოსვლამდე მოისმინა ჯოზეფ ბორელის სიტყვა, რომელშიც ბორელმა სადამკვირვებლო მისიების ანგარიშის მიხედვით საქართველოში არჩევნების დღის დარღვევებზე ისაუბრა.
    „ჯოზეფ ბორელსაც უნდა ჰკითხოს მგონი პროკურატურამ, როგორც ჩანს, ბევრი მტკიცებულება მასაც გააჩნია და მისი ჩამონათვალი იმ დარღვევების, რაცაა აღნიშნული უცხოელთა საგამოძიებო მისიების მიერ, ზუსტად იგივეა“, – განაცხადა მან.
    ცხადია, არ ვაპირებ პროკურატურაში მისვლას – აღნიშნა სალომე ზურაბიშვილმა უცხოური მედიისთვის გაკეთებულ ინგლისურენოვან განცხადებაში.

    პუბლიკა
  16. tvati
    საქართველოში ევროკავშირის ელჩი, პაველ ჰერჩინსკი აფასებს ევროკომისიის მიერ გაფართოების ანგარიშის გამოქვეყნებას და ამბობს, რომ ევროკავშირისა და საქართველოს ურთიერთობების მომავალი ახლა საქართველოს ლიდერების ხელშია.
    „ვთავაზობ ხელისუფლებას, ძალიან დიდი ყურადღებით წაიკითხოს გაფართოების შესახებ ეს ანგარიში. ის გვთავაზობს მკაფიო გზას ხელახალი ჩართულობისკენ და გზამკვლევს ევროკავშირში საქართველოს შესაძლო წევრობისკენ. მაგრამ მისი განხორციელება მოითხოვს ჭეშმარიტ პოლიტიკურ ნებას და დაბრუნებას ჩვენი უპირობო პრინციპებისა და ღირებულებებისადმი, რომლებზედაც ევროკავშირი არის დაფუძნებული.
    გაფართოების პროცესი დამსახურებაზე დაფუძნებული პროცესია და საქართველო მხოლოდ იმ შემთხვევაში წაიწევს წინ ევროკავშირის გზაზე, თუ რეფორმებს განახორციელებს. არანაირი საიდუმლო და მოკლე გზა არ არსებობს. საქართველოს მომავალმა მთავრობამ უნდა შეცვალოს კურსი, დაუბრუნდეს დემოკრატიულ პრინციპებსა და ღირებულებებს, თუ მას სურს ქვეყანა ევროკავშირთან დააახლოოს. ეს უნდა დაიწყოს სრული გამჭვირვალობით საარჩევნო პროცესთან დაკავშირებით.
    ევროკავშირის კარი საქართველოსთვის კვლავ ღიაა. გულწრფელად ვიმედოვნებ, რომ საქართველოს ხელისუფლება პატივს სცემს საქართველოს მოსახლეობის მისწრაფებებს, რომელიც საქართველოს ევროპულ გზას ყოველთვის მხარს უჭერდა.
    ნუ დაკარგავთ იმედს!“, – განაცხადა ჰერჩინსკიმ.
    დღეს გამოქვეყნებულ ანგარიშში:
    ევროკომისია საქართველოსთან მოლაპარაკებების გახსნის რეკომენდაციას არ გასცემს როგორ (არ) შეასრულა საქართველომ ევროკომისიის 9 ნაბიჯი

    ნეტგაზეთი
  17. tvati
    ნორდიკული ქვეყნების საგარეო საქმეთა მინისტრები საქართველოში არსებული მდგომარეობის შესახებ განცხადებას ავრცელებენ და უერთდებიან მოწოდებებს არჩევნების გამოძიებასთან დაკავშირებით.
    ჩვენ, ნორდიკული ქვეყნების საგარეო საქმეთა მინისტრები გულწრფელად ვიმედოვნებთ, რომ საქართველო დაუბრუნდება იმ გზას, რომელიც მას ევროპულ და ევროატლანტიკურ ოჯახში თავისი სათანადო ადგილისკენ მიიყვანს. ჩვენ ყურადღებით გავაგრძელებთ საქართველოში მიმდინარე მოვლენების მონიტორინგს და საქართველოს მთავრობას შევაფასებთ მათი ქმედებების მიხედვით”, – აღნიშნულია განცხადებაში.
    განცხადებას ხელს აწერენ:
    ლარს ლოკე რასმუსენი, დანიიის საგარეო საქმეთა მინისტრი; ელინა ვალტონენი, ფინეთის საგარეო საქმეთა მინისტრი; თორდის კოლბრუნ რეიკფიორდ გილფადოტირი, ისლანდიის საგარეო საქმეთა მინისტრი; ესპენ ბარტ აიდე, ნორვეგიის საგარეო საქმეთა მინისტრი; მარია მალმერ სტენერგარდი, შვედეთის საგარეო საქმეთა მინისტრი. პუბლიკა
  18. tvati
    ცესკოს თავმჯდომარემ ვერ უზრუნველყო ხმის მიცემის ფარულობა და პასუხისმგებლობა ეკისრება კომისიების პარტაქტივით დაკომპლექტებაზე. იძიებს თუ არა ამას პროკურატურა?

    ნათია მეზვრიშვილი, პარტია "გახარია საქართველოსთვის" თავმჯდომარის მოადგილე.

    ვიდეო: https://www.facebook.com/ForGeoGe/videos/1289045845624073
  19. tvati
    ეს არჩევნები არ ასახავს ქართველი ხალხის ნებას. შესაბამისად, ლეგიტიმაცია ქართველი ხალხისგან ამ არჩევნებს არ აქვს.

    ელგუკა ხოკრიშვილი, პარტიამ "გახარია საქართველოსთვის" წევრი.

    ვიდეო: https://www.facebook.com/ForGeoGe/videos/1526552894696155
  20. tvati
    “ოცნებამ” ქვეყანა გადააყოლა კონსპირაციის თეორიებს და 30 წლის განმავლობაში, ერთხელ გახსნილი ევროინტეგრაციის შესაძლებლობა შეაჩერეს.

    კახა ქემოკელიძე, პარტია "გახარია საქართველოსთვის" პოლიტიკური მდივანი>

    ვიდეო: https://www.facebook.com/ForGeoGe/videos/1587967698808019
  21. tvati
    სამწუხაროდ, ბევრი არაფერი გვაქვს საზეიმო, საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს, ის შეჩერებული იქნება იქამდე, სანამ საქართველო ევროკავშირისგან დაშორებას გააგრძელებს, - ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა.
    მისი თქმით, ევროკავშირში გაწევრიანება თითოეული ქვეყნის სტრატეგიული და სუვერენული არჩევანია. თუმცა, განაცხადის შეტანის შემდეგ, ქვეყანა თანხმდება, რომ ევროკომისია ევროკავშირში წევრობისთვის მის მზადყოფნას შეამოწმებს.
    „შარშან, ანგარიშის გამოქვეყნებამ საზეიმო აღნიშვნის შესაძლებლობა მოგვცა. ევროკომისიამ რეკომენდაცია გაუწია საქართველოსთვის ევროკავშირის კანდიდატის სტატუსის მინიჭებას; დეკემბერში ეს რეკომენდაცია ევროკავშირის წევრმა ქვეყნებმა ერთხმად დაადასტურეს. როგორც ევროკავშირისთვის, ასევე საქართველოს მოსახლეობისთვის ეს იმედით აღსავსე და დაუვიწყარი დღე იყო. ჩემთვის ეს ჩემი პროფესიული კარიერის მწვერვალს წარმოადგენდა.
    დღეს, ერთი წლის შემდეგ, სამწუხაროდ, ბევრი არაფერი გვაქვს საზეიმო. საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს. ის შეჩერებული იქნება იქამდე, სანამ საქართველო ევროკავშირისგან, ჩვენი ღირებულებებისა და ჩვენი პრინციპებისგან დაშორებას გააგრძელებს“, - აღნიშნა ჰერჩინსკიმ.
     
    იპნ
  22. tvati
    უკრაინის პრეზიდენტი ვოლოდიმირ ზელენსკი მიიჩნევს, რომ დღესდღეობით რუსეთმა საქართველოში გაიმარჯვა, რადგან ქვეყანამ ევროკავშირისკენ მიმავალ გზას რუსეთის ფედერაციასთან მეგობრობა არჩია.
    ამის შესახებ ზელენსკიმ ჩრდილოეთ ევროპის ქვეყნების წამყვანი მედიასაშუალებების წარმომადგენლებთან ინტერვიუში განაცხადა.
    „უნდა ვაღიაროთ, რომ დღეისათვის საქართველოში რუსეთმა მოიგო. მათ ჯერ მიიტაცეს საქართველოს ნაწილი, მერე შეცვალეს პოლიტიკა, შეცვალეს მთავრობა და ახლა იქ პრორუსული მთავრობაა, პრორუსული პოზიციები. არანაირი სანქციები პუტინის წინააღმდეგ, ძალიან ბევრი რუსი საქართველოში… მათი არჩევანი რუსეთთან მეგობრობა, მათი არჩევანია არ წავიდნენ ევროკავშირისკენ. მათ შეცვალეს პოზიცია. დღესდღეობით რუსეთმა გაიმარჯვა. მათ წაართვეს საქართველოს თავისუფლება“, — განაცხადა ზელენსკიმ.
    ზელენსკის თქმით, იმავეს ცდილობს რუსეთი მოლდოვაშიც.
    „რუსეთი [მოლდოვაშიც] იმავეს გააკეთებს, თუ დასავლეთი არ შეწყვეტს საუბარს წითელ ხაზებზე. თუ ამას არ შეწყვეტენ და გააგრძელებენ იგივე რიტორიკას, ისინი დაკარგავენ მოლდოვას ერთ-ორ წელიწადში“, — დასძინა ზელენსკიმ.
    მან ასევე აღნიშნა განსხვავება უკრაინასა და საქართველოს შორის.
    „ჩვენ უფრო დიდი ქვეყანა ვართ. ეს არის ჩვენსა და საქართველოს შორის განსხვავება. უფრო დიდი მოსახლეობა გვყავს, ვისაც არ სურს გარუსება“, — დასძინა ზელენსკიმ.

    ნეტგაზეთი
  23. tvati
    პარტია „გახარია-საქართველოსთვის“ აცხადებს, რომ რეგიონებში საოლქო და საუბნო საარჩევნო კომისიებში განაწილებული იყვნენ ადამიანები, რომლებიც დაკავშირებული არიან მმართველ გუნდთან.
    ნათია მეზვრიშვილის თქმით, მათ შორის:
    ნათია მეზვრიშვილმა წარმოადგინა ფოტოები, რომლებზეც ჩანს, რომ საარჩევნო კომისიის წევრებმა დაარღვიეს ეთიკის კოდექსის მუხლები.
    მისი თქმით:
  24. tvati
    საქართველოს პრეზიდენტი სალომე ზურაბიშვილი ორბელიანების სასახლეში განცხადებას გააკეთებს.
    ინფორმაციას პრესსამსახური ავრცელებს.
    ბრიფინგი 19:00 საათზეა დანიშნული.

    იპნ
  25. tvati
    პარტია „გახარია საქართველოსთვის“ თავმჯდომარის მოადგილე, ნათია მეზვრიშვილი არჩევნების დღემდე და არჩევნების დღეს ამომრჩევლის ნებაზე ძალადობის ფაქტებზე საუბრობს და უწყებებს რეაგირებისკენ მოუწოდებს.
    მან დღევანდელ ბრიფინგზე ის სქემები გაასაჯაროვა, ასევე ხელისუფლების ის წარმომადგენლები დაასახელა, რომლებიც მისი თქმით, სხვადასხვა უბანზე ამომრჩევლის ნებაზე ახდენდნენ გავლენას.
    ამასთან, ნათია მეზვრიშვილმა საქართველოს პრეზიდენტს მხარდაჭერა გამოუცხადა იმ პროცესში, რაც პროკურატურამ დაიწყო.
    „გიორგი გახარიამ ამომრჩეველთა სრული სიის ნეიტრალური პლატფორმისთვის გადაცემა მოითხოვა, რათა თითოეულმა ამომრჩეველმა შეძლოს გადაამოწმოს მისცა თუ არა ხმა, რომელ უბანზე მისცა ხმა და როდის მისცა ხმა. მიგვაჩნია, რომ ეს არის კრიზისიდან გამოსვლის ყველაზე მოკლე გზა იმ ფონზე, როცა ჩვენი მოქალაქეები არ აღიარებენ ამ არჩევნების სამართლიანობას, ხოლო ჩვენი საერთაშორისო პარტნიორები არ ცნობენ ამ არჩევნების ლეგიტიმურობას. ეს არის ყველაზე მოკლე გზა ხელისუფლებისთვის, რომ გაყალბების ფაქტებს, რომელიც ზედაპირზეა და რომელსაც ჩვენი გუნდი, თვეების განმავლობაში, არჩევნების დღემდე აგროვებდა, გაეცეს პასუხი. ჩვენ დავაიდენტიფიცირეთ ივანიშვილის მიერ ამომრჩევლის ნებაზე ძალადობის ფაზები: 1. ამომრჩევლის ნებაზე ძალადობა არჩევნების დღემდე. მაგალითად, ქუთაისი სრულად არის გრიგოლ ლილუაშვილის და მისი სანათესავოს ხელში. ეს ადამიანები იყვნენ რეგისტრატორები, კომისიის წევრები. დიმიტრი ხუნდაძის კლანი გადანაწილებულია მთელს მუნიციპალიტეტში. 2. არჩევნების ნებაზე ძალადობა ხდებოდა არჩევნების დღეს. აგიტატორების, ე.წ. ძველი ბიჭების დახმარებით. ამომრჩეველს შიშის დერეფნის გავლა უწევდათ. ასევე, ივანიშვილს მძევლად ჰყავდა თითოეული ოჯახიდან მინიმუმ ერთი ადამიანი აყვანილი. ერთი ადამიანი აგყავს მძევლად, ემუქრები, რომ შეუწყვეტ სოციალურ დახმარებას, თუ „ქართულ ოცნებას“ არ მისცემს ხმას; ერთი ადამიანი აგყავს მძევლად, ეუბნები რომ შეუცვლი პირობით მსჯავრს ციხით, თუ მთელი ოჯახი არ მოგცემს ხმას ან გაათავისუფლებ საჯარო სამსახურიდან. მინდა ის სქემები გაგაცნოთ, რომელიც დავაიდენტიფიცირეთ, რომლის საშუალებითაც მრავალჯერადი ხმის მიცემა დაფიქსირდა. ამიტომ მოითხოვა გიორგი გახარიამ ნეიტრალური პლატფორმისთვის იმ სიის გადაცემა, რომ ამომრჩევლებს ჰქონდეთ იმის შესაძლებლობა, გადაამოწმონ, მისცა თუ არა ხმა, სად და რომელ საათზე. რას აკეთებს პროკურატურა, რომელიც ცესკო-ს დაკრულზე და შესაბამისად ივანიშვილის დაკრულზე ცეკვავს? მყისიერად დაიწყო გამოძიება ცესკოს-ს გუშინდელ განცხადებაზე, მაგრამ არცერთ ჩვენ მიერ გაკეთებულ განცხადებაზე, სადაც ზედაპირზეა მტკიცებულებები, არა. პროკურატურა იქცევა სამარცხვინოდ. აქვე, მინდა სრული მხარდაჭერა დავუფიქსირო საქართველოს პრეზიდენტს ამ სამარცხვინო პროცესში, რასაც პროკურატურა მის წინააღმდეგ აწარმოებს. საკუთარ მოქალაქეებს, რომლებსაც ივანიშვილმა ხმები მოჰპარა, დასცინიან, ნაცვლად იმისა, რომ კრიზისი მოაგვარონ. დაცინვაა, გამოდის ვიღაცა ცესკო, რომლის თავმჯდომარე თვითონ არის დასაჭერი. მისი ვალდებულება იყო ხმის მიცემის ფარულობა ყოფილიყო დაცული. მან ხმის მიცემის ფარულობა არ დაიცვა. მაინტერესებ,ს პროკურატურა დაიჭერს თუ არა ცესკო-ს თავმჯდომარეს, ახლა გამოძიება რომ დაიწყო?! ადამიანებს, რომ ატყუებდა ამდენი ხანი, ეს ცესკო-ს თავმჯდომარე, რომ თურმე ხმის მიცემის ფარულობა ყოფილა დაცული და 26 ოქტომბერს რომ აღმოჩნდა, რასაც ხალხი აფერადებდა, უკანა მხრიდან მარკერი ეტყობოდა ისინი რა არჩევანს აკეთებდნენ... დაიჭერენ თუ არა, მაინტერესებს. ზურაბიშვილს რომ იბარებენ გამოკითხვაზე, კალანდარიშვილის დაჭერას აპირებენ თუ არა. სადამდე მივა ეს გამოძიება?“- განაცხადა მეზვრიშვილმა.

    იპნ
×
×
  • შექმენი...